The Glory of the Ekadashi-Dvadashi Night Vigil

Verse 1 (padma.6.37.1)

महादेव उवाच ।शृणु नारद वक्ष्यामि माहात्म्यं जागरस्य च । यच्छ्रुत्वा मुक्तिमाप्नोति महापापी न संशयः

mahādeva uvāca śṛṇu nārada vakṣyāmi māhātmyaṁ jāgarasya ca yacchrutvā muktimāpnoti mahāpāpī na saṁśayaḥ

Mahadeva said: Listen, Narada, I shall tell the glory of the night-vigil, hearing which even a great sinner attains liberation, without doubt.

Verse 2 (padma.6.37.2)

नारद उवाच ।अहो विश्वेश्वरो विष्णुः पवित्रीकरणः सदा । तस्योपवासमाहात्म्यं श्रुतं हि त्वन्मुखाच्छिव

nārada uvāca aho viśveśvaro viṣṇuḥ pavitrīkaraṇaḥ sadā tasyopavāsamāhātmyaṁ śrutaṁ hi tvanmukhācchiva

Narada said: Ah, Vishnu, Lord of the universe, is ever the purifier; the glory of his fasting I have heard from your very mouth, O Shiva.

Verse 3 (padma.6.37.3)

तथापि श्रोतुमिच्छामि माहात्म्यं जागरस्य तु । कीदृक्जागरमाहात्म्यं रात्रो भक्तिस्तु कीदृशी

tathāpi śrotumicchāmi māhātmyaṁ jāgarasya tu kīdṛkjāgaramāhātmyaṁ rātro bhaktistu kīdṛśī

Even so, I wish to hear the glory of the night-vigil — what is the glory of the night-vigil, and what is devotion at night?

Verse 4 (padma.6.37.4)

प्रहरेषु च या पूजा वद विश्वेश्वर प्रभो । त्वं लोकेषु सदा पूज्यस्त्वं हि देवो जनार्दनः । त्वं हि विश्वेश्वरो देवो यतो भक्तिर्जनार्दने

prahareṣu ca yā pūjā vada viśveśvara prabho tvaṁ lokeṣu sadā pūjyastvaṁ hi devo janārdanaḥ tvaṁ hi viśveśvaro devo yato bhaktirjanārdane

And what worship should be done in each watch — tell me, O Lord of the universe. You are ever worshipped in the worlds, you are indeed the god Janardana;

Verse 5 (padma.6.37.5)

सर्वेषां चैव भक्तानां त्वं च श्रेष्ठ उमापतिः । लोकेस्मिन्सर्वदा भक्त्या तवाख्या वर्त्तते सदा

sarveṣāṁ caiva bhaktānāṁ tvaṁ ca śreṣṭha umāpatiḥ lokesminsarvadā bhaktyā tavākhyā varttate sadā

you are indeed the god, Lord of the universe, for devotion resides in Janardana. You are the finest of all devotees, O Umapati;

Verse 6 (padma.6.37.6)

अतो येन प्रकारेण लोकानां मुक्तिरेव च । विश्वेश्वर वद त्वं तु माहात्म्यं जागरस्य तु

ato yena prakāreṇa lokānāṁ muktireva ca viśveśvara vada tvaṁ tu māhātmyaṁ jāgarasya tu

in this world your name is ever spoken with devotion. Therefore, in whatever way liberation comes to the worlds, O Lord of the universe, tell me the glory of the night-vigil.

Verse 7 (padma.6.37.7)

महादेव उवाच । एकादश्यां जनो विष्णुं रात्रौ संपूज्य भक्तितः । कुर्याज्जागरणं विष्णोः पुरतो वैष्णवैः सह

mahādeva uvāca ekādaśyāṁ jano viṣṇuṁ rātrau saṁpūjya bhaktitaḥ kuryājjāgaraṇaṁ viṣṇoḥ purato vaiṣṇavaiḥ saha

Mahadeva said: On the eleventh, a person, having worshipped Vishnu at night with devotion, should perform a night-vigil before Vishnu together with the Vaishnavas.

Verse 8 (padma.6.37.8)

गीतं वाद्यं तथा नृत्यं पुराणपठनं तथा । धूपं दीपं च नैवेद्यं पुष्पं गंधानुलेपनम्

gītaṁ vādyaṁ tathā nṛtyaṁ purāṇapaṭhanaṁ tathā dhūpaṁ dīpaṁ ca naivedyaṁ puṣpaṁ gaṁdhānulepanam

With song, music, and dance, and Purana-recitation; incense, a lamp, and food-offering, flowers and fragrant anointing,

Verse 9 (padma.6.37.9)

फलमर्घं तथा श्रद्धा दानमिंद्रियसंयमम् । सत्यान्वितं च विप्रेंद्र वचोयुक्तं क्रियान्वितम्

phalamarghaṁ tathā śraddhā dānamiṁdriyasaṁyamam satyānvitaṁ ca vipreṁdra vacoyuktaṁ kriyānvitam

fruit and oblation, and faith, gift-giving, and control of the senses; O best of brahmins, joined with truth, with speech and action,

Verse 10 (padma.6.37.10)

विनिद्रं च मुदायुक्तो यः करोति नरः सदा । सर्वपापविनिर्मुक्तो जायते विष्णुवल्लभः

vinidraṁ ca mudāyukto yaḥ karoti naraḥ sadā sarvapāpavinirmukto jāyate viṣṇuvallabhaḥ

sleepless and filled with joy — whatever man does this always is freed from all sin and becomes dear to Vishnu.

Verse 11 (padma.6.37.11)

रात्रौ जागरणे प्राप्ते निद्रां कुर्वंति वैष्णवाः । हारितं चोपवासं तैर्व्रतं वै विष्णुसंज्ञकम्

rātrau jāgaraṇe prāpte nidrāṁ kurvaṁti vaiṣṇavāḥ hāritaṁ copavāsaṁ tairvrataṁ vai viṣṇusaṁjñakam

When the night-vigil comes and Vaishnavas fall asleep, they lose the merit of the fast; the vow named for Vishnu is squandered by them.

Verse 12 (padma.6.37.12)

ये कुर्वंति नराः प्राज्ञ जागरे विष्णुसंज्ञके । जागरं कृष्णभावेन न स्वपंति कदाचन

ye kurvaṁti narāḥ prājña jāgare viṣṇusaṁjñake jāgaraṁ kṛṣṇabhāvena na svapaṁti kadācana

O wise one, those men who perform the vigil sacred to Vishnu, keeping it in the very spirit of Krishna, never sleep at all.

Verse 13 (padma.6.37.13)

कृष्णस्य नाम मनसा वदंति च पुनः पुनः । ते तु धन्यतमा ज्ञेया अस्यां रात्रौ विशेषतः

kṛṣṇasya nāma manasā vadaṁti ca punaḥ punaḥ te tu dhanyatamā jñeyā asyāṁ rātrau viśeṣataḥ

They speak Krishna's name in their minds, again and again — they should be known as most blessed, especially on this night.

Verse 14 (padma.6.37.14)

क्षणेक्षणे तु गोदानं घट्यां चैव चतुर्गुणम् । प्रहरे कोटिगुणितं चतुर्यामेष्वसंख्यकम्

kṣaṇekṣaṇe tu godānaṁ ghaṭyāṁ caiva caturguṇam prahare koṭiguṇitaṁ caturyāmeṣvasaṁkhyakam

The merit of a gift of a cow, for every moment; fourfold for a ghatika; a hundred-million-fold for a watch; countless in the four watches.

Verse 15 (padma.6.37.15)

जागरे निमिषार्द्धे तु केशवाग्रे विशेषतः । तत्फलं कोटिगुणितं तस्य संख्या न विद्यते

jāgare nimiṣārddhe tu keśavāgre viśeṣataḥ tatphalaṁ koṭiguṇitaṁ tasya saṁkhyā na vidyate

In half a moment's vigil, especially before Keshava, that fruit is multiplied ten million times — its number cannot be counted.

Verse 16 (padma.6.37.16)

नर्त्तनं कुरुते यस्तु केशवाग्रे नरोत्तमः । न फलं हीयते तस्य आजन्ममरणांतिकम्

narttanaṁ kurute yastu keśavāgre narottamaḥ na phalaṁ hīyate tasya ājanmamaraṇāṁtikam

Whoever, best of men, dances before Keshava — his fruit never diminishes, from birth to the very end of death.

Verse 17 (padma.6.37.17)

साश्चर्यं चैव सोत्साहं पापालापादिवर्जितम् । प्रदक्षिणसमायुक्तं नमस्कारपुरःसरम्

sāścaryaṁ caiva sotsāhaṁ pāpālāpādivarjitam pradakṣiṇasamāyuktaṁ namaskārapuraḥsaram

Filled with wonder and enthusiasm, free from any sinful talk, joined with circumambulation, preceded by salutations,

Verse 18 (padma.6.37.18)

नीराजनसमायुक्तमनिर्विण्णेन चेतसा । यामेयामे महाभाग कुर्यादारार्तिकं हरेः

nīrājanasamāyuktamanirviṇṇena cetasā yāmeyāme mahābhāga kuryādārārtikaṁ hareḥ

joined with the waving of lights, with an undespairing heart — watch by watch, O greatly fortunate one, one should perform the arati of Hari.

Verse 19 (padma.6.37.19)

षड्विंशगुणसंयुक्तमेकादश्यां च जागरम् । यः करोति नरो भक्त्या न पुनर्जायते भुवि

ṣaḍviṁśaguṇasaṁyuktamekādaśyāṁ ca jāgaram yaḥ karoti naro bhaktyā na punarjāyate bhuvi

Joined with twenty-six qualities, whoever performs the Ekadashi night-vigil with devotion is never born again on this earth.

Verse 20 (padma.6.37.20)

य एवं कुरुते भक्त्या वित्तशाठ्यविवर्जितः । जागरं वासरे विष्णोर्लीयते परमात्मनि

ya evaṁ kurute bhaktyā vittaśāṭhyavivarjitaḥ jāgaraṁ vāsare viṣṇorlīyate paramātmani

Whoever performs it thus with devotion, free from miserliness in wealth, keeping the night-vigil on Vishnu's day, merges into the Supreme Self.

Verse 21 (padma.6.37.21)

धनवान्वित्तशाठ्येन यः करोति प्रजागरम् । तेनात्माहारितो नूनं कितवेन दुरात्मना

dhanavānvittaśāṭhyena yaḥ karoti prajāgaram tenātmāhārito nūnaṁ kitavena durātmanā

A wealthy man who keeps the vigil with miserliness in wealth — by that, his very self is surely stolen away by his own wicked, deceitful mind.

Verse 22 (padma.6.37.22)

विष्णुजागरणे प्राप्ते उपहासं करोति यः । षष्टिवर्षसहस्राणि विष्ठायां जायते कृमिः

viṣṇujāgaraṇe prāpte upahāsaṁ karoti yaḥ ṣaṣṭivarṣasahasrāṇi viṣṭhāyāṁ jāyate kṛmiḥ

Whoever mocks Vishnu's night-vigil when it occurs, becomes a worm in excrement for sixty thousand years.

Verse 23 (padma.6.37.23)

वेदविद्ब्राह्मणो यस्तु नर्त्तनेन विशेषतः । उपहासपरः प्राप्तः स वै चांडाल उच्यते

vedavidbrāhmaṇo yastu narttanena viśeṣataḥ upahāsaparaḥ prāptaḥ sa vai cāṁḍāla ucyate

A brahmin learned in the Vedas who, especially through mockery of dancing, becomes intent on ridicule, is indeed called an outcaste.

Verse 24 (padma.6.37.24)

निमिषं निमिषार्द्धं वा यः करोति प्रजागरम् । धर्मार्थकाममोक्षाणां प्राप्नोति पदमव्ययम्

nimiṣaṁ nimiṣārddhaṁ vā yaḥ karoti prajāgaram dharmārthakāmamokṣāṇāṁ prāpnoti padamavyayam

Whoever keeps the vigil even for a moment, or half a moment, attains the imperishable state of dharma, artha, kama, and moksha.

Verse 25 (padma.6.37.25)

वेदशास्त्ररतो नित्यं नित्यं वै यज्ञयाजकः । रात्रौ जागरणे प्राप्ते निंदां कुर्वन्व्रजत्यधः

vedaśāstrarato nityaṁ nityaṁ vai yajñayājakaḥ rātrau jāgaraṇe prāpte niṁdāṁ kurvanvrajatyadhaḥ

One ever devoted to Vedic scripture, ever a performer of sacrifices, who, when the night-vigil occurs, speaks disparagement, goes downward.

Verse 26 (padma.6.37.26)

मम पूजां प्रकुर्वाणो विष्णुनिंदासु तत्परः । एकविंशत्कुलेनैव नरकं प्रतिपद्यते

mama pūjāṁ prakurvāṇo viṣṇuniṁdāsu tatparaḥ ekaviṁśatkulenaiva narakaṁ pratipadyate

One who performs worship of me while being intent on reviling Vishnu falls into hell, together with twenty-one generations of his own lineage.

Verse 27 (padma.6.37.27)

विष्णुः शिवः शिवो विष्णुरेकमूर्तिर्द्विधा स्थिताः । तस्मात्सर्वप्रकारेण नैव निंदां प्रकारयेत् । दष्टाः कलिभुजंगेन स्वपंति मधुहाहनि

viṣṇuḥ śivaḥ śivo viṣṇurekamūrtirdvidhā sthitāḥ tasmātsarvaprakāreṇa naiva niṁdāṁ prakārayet daṣṭāḥ kalibhujaṁgena svapaṁti madhuhāhani

Vishnu is Shiva, Shiva is Vishnu — one form standing in two; therefore one should never, in any way, engage in disparagement. Those bitten by Kali's serpent sleep on Madhuhan's very own day,

Verse 28 (padma.6.37.28)

कुर्वंति जागरं नैव मायया ते च मोहिताः । प्राप्ता एकादशी येषां कलौ जागरणं विना

kurvaṁti jāgaraṁ naiva māyayā te ca mohitāḥ prāptā ekādaśī yeṣāṁ kalau jāgaraṇaṁ vinā

bewildered by illusion, they do not perform the night-vigil. Those for whom the Ekadashi has come and gone in the Kali age without the night-vigil —

Verse 29 (padma.6.37.29)

ते विनष्टा न संदेहो यस्माज्जीवितमध्रुवम् । उद्धृतं नेत्रयुग्मं तु दत्त्वा वै वैष्णवं पदम्

te vinaṣṭā na saṁdeho yasmājjīvitamadhruvam uddhṛtaṁ netrayugmaṁ tu dattvā vai vaiṣṇavaṁ padam

they are destroyed, without doubt, since life is impermanent. Having given up the Vaishnava state, their very pair of eyes is as if taken away.

Verse 30 (padma.6.37.30)

कृतं ये नैव पश्यंति पापिनो हरिजागरम् । अभावे वाचकस्याथ गीतं नृत्यं तु कारयेत्

kṛtaṁ ye naiva paśyaṁti pāpino harijāgaram abhāve vācakasyātha gītaṁ nṛtyaṁ tu kārayet

Sinners do not even behold Hari's night-vigil when it is performed. In the absence of a reciter, song and dance should be arranged.

Verse 31 (padma.6.37.31)

वाचके सति देवर्षे पुराणं प्रथमं पठेत् । अश्वमेधसहस्रस्य वाजपेयायुतस्य च

vācake sati devarṣe purāṇaṁ prathamaṁ paṭhet aśvamedhasahasrasya vājapeyāyutasya ca

O divine sage, when a reciter is present, the Purana should be recited first. Whatever is declared for a thousand horse-sacrifices, and ten thousand Vajapeya sacrifices,

Verse 32 (padma.6.37.32)

पुण्यं कोटिगुणं वत्स विष्णोर्जागरणे कृते । पितृपक्षे मातृपक्षे भार्यापक्षे तु वाडव

puṇyaṁ koṭiguṇaṁ vatsa viṣṇorjāgaraṇe kṛte pitṛpakṣe mātṛpakṣe bhāryāpakṣe tu vāḍava

my son, that merit is multiplied ten million times, when Vishnu's night-vigil is performed. O brahmin, one's paternal line, maternal line, and wife's line —

Verse 33 (padma.6.37.33)

कुलानुद्धरते चैतान्कृत्वा जागरणं हरेः । उपोषणदिने विद्धे जागरं पूजनं हरेः

kulānuddharate caitānkṛtvā jāgaraṇaṁ hareḥ upoṣaṇadine viddhe jāgaraṁ pūjanaṁ hareḥ

by performing Hari's night-vigil, these lineages are delivered. When the fasting-day coincides with an overlap, the night-vigil and worship of Hari,

Verse 34 (padma.6.37.34)

वृथादानादिकं सर्वं कृतघ्नेषु कृतं यथा । उपोषणदिने विद्धे प्रारब्धे जागरे स्थितिम्

vṛthādānādikaṁ sarvaṁ kṛtaghneṣu kṛtaṁ yathā upoṣaṇadine viddhe prārabdhe jāgare sthitim

and all other gifts and the like become as futile as gifts given to the ungrateful. When the fasting-day is overlapped, and the night-vigil has begun,

Verse 35 (padma.6.37.35)

विहाय स्थानं तद्विष्णुः शापं दत्वा प्रगच्छति । अविद्धे वासरे विष्णोर्ये कुर्वंति प्रजागरम्

vihāya sthānaṁ tadviṣṇuḥ śāpaṁ datvā pragacchati aviddhe vāsare viṣṇorye kurvaṁti prajāgaram

Vishnu, abandoning that place, curses it and departs. Those who perform the night-vigil on Vishnu's un-overlapped day,

Verse 36 (padma.6.37.36)

तेषां मध्ये तु तुष्टः सन्नृत्यं तु कुरुते हरिः । यावद्दिनानि कुरुते जागरं केशवाग्रतः

teṣāṁ madhye tu tuṣṭaḥ sannṛtyaṁ tu kurute hariḥ yāvaddināni kurute jāgaraṁ keśavāgrataḥ

among them, well pleased, Hari himself dances. As many days as one performs the night-vigil before Keshava,

Verse 37 (padma.6.37.37)

युगानि तानि तावंति विष्णुलोके महीयते । यावद्दिनानि वसते विना जागरणं हरेः

yugāni tāni tāvaṁti viṣṇuloke mahīyate yāvaddināni vasate vinā jāgaraṇaṁ hareḥ

for that many ages one is honored in the world of Vishnu. As many days as one lives without Hari's night-vigil,

Verse 38 (padma.6.37.38)

तावद्वर्षसहस्राणि रौरवान्न निवर्तते । एकदश्यां शयानस्तु विना जागरणं हरेः

tāvadvarṣasahasrāṇi rauravānna nivartate ekadaśyāṁ śayānastu vinā jāgaraṇaṁ hareḥ

for that many thousands of years one does not return from Raurava hell. Whoever, on the eleventh, lies sleeping without Hari's night-vigil,

Verse 39 (padma.6.37.39)

मूकवत्तिष्ठते यो वै गानं पाठं न वाचरेत् । सप्तजन्मानि मूकत्वं जायतेऽजागरे हरेः

mūkavattiṣṭhate yo vai gānaṁ pāṭhaṁ na vācaret saptajanmāni mūkatvaṁ jāyate'jāgare hareḥ

or stands mute, performing neither song nor recitation, is born mute for seven births, through failing Hari's vigil.

Verse 40 (padma.6.37.40)

यो न नृत्यति मूढात्मा पुरतो जागरे हरेः । पंगुत्वं तस्य जानीयात्सप्तजन्मानि वाडव

yo na nṛtyati mūḍhātmā purato jāgare hareḥ paṁgutvaṁ tasya jānīyātsaptajanmāni vāḍava

O brahmin, whoever, foolish of mind, does not dance before Hari's night-vigil, should know that he shall be lame for seven births.

Verse 41 (padma.6.37.41)

यः पुनः कुरुते गीतं नृत्यं जागरणं हरेः । ब्राह्मं पदं मदीयं च सत्यं वै तस्य वैष्णवम्

yaḥ punaḥ kurute gītaṁ nṛtyaṁ jāgaraṇaṁ hareḥ brāhmaṁ padaṁ madīyaṁ ca satyaṁ vai tasya vaiṣṇavam

But whoever performs song, dance, and Hari's night-vigil attains the state of Brahman, which is truly my own Vaishnava state.

Verse 42 (padma.6.37.42)

यः प्रबोधयते लोकान्विष्णोर्जागरणे रतः । वसेच्चिरं तु वैकुंठे पितृभिः सह वैष्णवः

yaḥ prabodhayate lokānviṣṇorjāgaraṇe rataḥ vasecciraṁ tu vaikuṁṭhe pitṛbhiḥ saha vaiṣṇavaḥ

Whoever, devoted to Vishnu's night-vigil, awakens the people, dwells long in Vaikuntha as a Vaishnava, together with his ancestors.

Verse 43 (padma.6.37.43)

मतिं प्रयच्छते यस्तु हरेर्जागरणं प्रति । षष्टिवर्षसहस्राणि श्वेतद्वीपे वसेन्नरः

matiṁ prayacchate yastu harerjāgaraṇaṁ prati ṣaṣṭivarṣasahasrāṇi śvetadvīpe vasennaraḥ

Whoever inclines his mind toward Hari's night-vigil dwells for sixty thousand years on Shvetadvipa.

Verse 44 (padma.6.37.44)

यत्किंचित्क्रियते पापं कोटिजन्मनि मानवैः । श्रीकृष्णजागरे सर्वं रात्रौ नश्यति वाडव

yatkiṁcitkriyate pāpaṁ koṭijanmani mānavaiḥ śrīkṛṣṇajāgare sarvaṁ rātrau naśyati vāḍava

O brahmin, whatever sin men commit over ten million births — all of it is destroyed in a single night of Shri Krishna's night-vigil.

Verse 45 (padma.6.37.45)

शालग्रामशिलाग्रे ये कुर्वंति प्रतिजागरम् । यामेयामे फलं प्रोक्तं कोट्यैंदवसमुद्भवम्

śālagrāmaśilāgre ye kurvaṁti pratijāgaram yāmeyāme phalaṁ proktaṁ koṭyaiṁdavasamudbhavam

Those who perform continuous vigil before a Shaligrama stone — the fruit declared for each watch is equal to ten million lunar months' worth.

Verse 46 (padma.6.37.46)

संप्राप्ते वासरे विष्णोर्ये न कुर्वंति जागरम् । वृथा स्यात्तत्कृतं तेषां वैष्णवानां च निंदया

saṁprāpte vāsare viṣṇorye na kurvaṁti jāgaram vṛthā syāttatkṛtaṁ teṣāṁ vaiṣṇavānāṁ ca niṁdayā

Those who, when Vishnu's day arrives, do not perform the night-vigil — whatever else they have done becomes futile, through their contempt for the Vaishnavas.

Verse 47 (padma.6.37.47)

कामार्थौ संपदः पुत्राः कीर्तिर्लोकाश्च शाश्वताः । यज्ञायुतैर्न लभ्यंते द्वादशीजागरं विना

kāmārthau saṁpadaḥ putrāḥ kīrtirlokāśca śāśvatāḥ yajñāyutairna labhyaṁte dvādaśījāgaraṁ vinā

Desire, wealth, prosperity, sons, fame, and eternal worlds — these are not obtained even by ten thousand sacrifices, without the Dvadashi night-vigil.

Verse 48 (padma.6.37.48)

मतिर्न जायते यस्य द्वादश्यां जागरं प्रति । न हि तस्याधिकारोऽस्ति पूजने केशवस्य हि

matirna jāyate yasya dvādaśyāṁ jāgaraṁ prati na hi tasyādhikāro'sti pūjane keśavasya hi

Whoever's mind does not turn toward the night-vigil on the Dvadashi has no right at all to worship Keshava.

Verse 49 (padma.6.37.49)

यावत्पदानि चलति केशवायतनं प्रति । अश्वमेधसमानि स्युः जागरार्थं प्रगच्छतः

yāvatpadāni calati keśavāyatanaṁ prati aśvamedhasamāni syuḥ jāgarārthaṁ pragacchataḥ

As many steps as one walks toward Keshava's temple for the sake of the night-vigil, are equal to as many horse-sacrifices.

Verse 50 (padma.6.37.50)

पादयोः पतितं यावद्धरण्यां पांशु गच्छताम् । तावद्वर्षसहस्राणि जागरो वसते दिवि

pādayoḥ patitaṁ yāvaddharaṇyāṁ pāṁśu gacchatām tāvadvarṣasahasrāṇi jāgaro vasate divi

As long as the dust falling from the feet of one so walking remains upon the earth, for that many thousands of years the vigil-keeper dwells in heaven.

Verse 51 (padma.6.37.51)

तस्माद्गृहात्प्रगंतव्यं जागरे केशवालये । कलौ मलविनाशाय द्वादशीद्वादशीषु च

tasmādgṛhātpragaṁtavyaṁ jāgare keśavālaye kalau malavināśāya dvādaśīdvādaśīṣu ca

Therefore, in the Kali age, for the destruction of impurity, one should go from home to Keshava's abode for the night-vigil, on every single Dvadashi.

Verse 52 (padma.6.37.52)

परापवादसंयुक्तं मनः प्रासाद वर्जितम् । शास्त्रहीनमगांधर्वं तथा दीपविवर्जितम्

parāpavādasaṁyuktaṁ manaḥ prāsāda varjitam śāstrahīnamagāṁdharvaṁ tathā dīpavivarjitam

[The nine flaws of a vigil]: a mind joined with slander of others, or devoid of joy; without scripture, without music, likewise without a lamp,

Verse 53 (padma.6.37.53)

शक्त्योपचाररहितमुदासीनं सनिंदनम् । कलियुक्तं विशेषेण जागरं नवधा मतम्

śaktyopacārarahitamudāsīnaṁ saniṁdanam kaliyuktaṁ viśeṣeṇa jāgaraṁ navadhā matam

without proper service and ritual, indifferent, filled with censure — a night-vigil especially joined with the faults of the Kali age is thus reckoned ninefold.

Verse 54 (padma.6.37.54)

सशास्त्रं जागरं यच्च नृत्यगांधर्वसंयुतम् । सवाद्यं तालासंयुक्तं सदीपं मधुभिर्युतम्

saśāstraṁ jāgaraṁ yacca nṛtyagāṁdharvasaṁyutam savādyaṁ tālāsaṁyuktaṁ sadīpaṁ madhubhiryutam

But a night-vigil joined with scripture, with dance and music, with instruments and rhythm, with lamps, and joined with sweetness,

Verse 55 (padma.6.37.55)

उच्चारैस्तु समायुक्तं यथोक्तैर्भक्तिभावितैः । प्रसन्नं तुष्टिजननं संमूढं लोकरंजनम्

uccāraistu samāyuktaṁ yathoktairbhaktibhāvitaiḥ prasannaṁ tuṣṭijananaṁ saṁmūḍhaṁ lokaraṁjanam

joined with recitations as prescribed, imbued with devotion, joyful, producing satisfaction, absorbing, delighting the people —

Verse 56 (padma.6.37.56)

गुणैर्द्वादशभिर्युक्तं जागरं माधवप्रियम् । कर्त्तव्यं तत्प्रयत्नेन पक्षयोः शुक्लकृष्णयोः

guṇairdvādaśabhiryuktaṁ jāgaraṁ mādhavapriyam karttavyaṁ tatprayatnena pakṣayoḥ śuklakṛṣṇayoḥ

a night-vigil joined with these twelve qualities is dear to Madhava; it should be performed with diligence, in both the bright and dark fortnights.

Verse 57 (padma.6.37.57)

किं व्रतैर्बहुभिश्चीर्णैस्तीर्थवासेन तस्य किम् । द्वादशीवासरे प्राप्ते न कुर्याज्जागरं हरेः

kiṁ vratairbahubhiścīrṇaistīrthavāsena tasya kim dvādaśīvāsare prāpte na kuryājjāgaraṁ hareḥ

What use are many vows practiced, what use is dwelling at tirthas, if, when the Dvadashi day comes, Hari's night-vigil is not performed?

Verse 58 (padma.6.37.58)

प्रवासेन त्यजेद्यस्तु पथिस्विन्नोऽपि वाडव । जागरं वासुदेवस्य द्वादश्यां तु समे प्रियः

pravāsena tyajedyastu pathisvinno'pi vāḍava jāgaraṁ vāsudevasya dvādaśyāṁ tu same priyaḥ

O brahmin, whoever, even wearied on the road, forsakes it for the sake of travel — Vasudeva's night-vigil is especially dear to me on the Dvadashi.

Verse 59 (padma.6.37.59)

मद्भक्तो न हरेः कुर्याज्जागरं पापमोहितः । व्यर्थं मत्पूजनं तस्य मत्पूज्यं यो न पूजयेत्

madbhakto na hareḥ kuryājjāgaraṁ pāpamohitaḥ vyarthaṁ matpūjanaṁ tasya matpūjyaṁ yo na pūjayet

My own devotee, deluded by sin, should not fail to perform Hari's night-vigil; futile is his worship of me, who does not worship what is worthy of my worship.

Verse 60 (padma.6.37.60)

न शैवो न च सौरोऽसौ न शाक्तो गणसेवकः । यो भुंक्ते वासरे विष्णोर्ज्ञेयः पश्वधिको हि सः

na śaivo na ca sauro'sau na śākto gaṇasevakaḥ yo bhuṁkte vāsare viṣṇorjñeyaḥ paśvadhiko hi saḥ

He is neither a Shaivite, nor a Sun-worshipper, nor a Shakta, nor a servant of the ganas — whoever eats on Vishnu's day should be known as worse than a beast.

Verse 61 (padma.6.37.61)

विप्रियं च कृतं तेन दुष्टेनैव च पापिना । मद्भक्तिबलमाश्रित्य यो भुंक्ते वै हरेर्दिने

vipriyaṁ ca kṛtaṁ tena duṣṭenaiva ca pāpinā madbhaktibalamāśritya yo bhuṁkte vai harerdine

An unpleasant deed has been done by that wicked, sinful one. Whoever, relying on the strength of devotion to me, eats on Hari's day —

Verse 62 (padma.6.37.62)

सबाह्याभ्यंतरं देहं वेष्टितं पापकोटिभिः । मुच्यंते वासरे विष्णोर्ये कुर्वंति प्रजागरम्

sabāhyābhyaṁtaraṁ dehaṁ veṣṭitaṁ pāpakoṭibhiḥ mucyaṁte vāsare viṣṇorye kurvaṁti prajāgaram

his body, within and without, remains wrapped in ten million sins; those who keep continuous vigil on Vishnu's day are freed from these.

Verse 63 (padma.6.37.63)

कूर्परं यमदूतानां दत्तं तेन यमस्य च । कृत्वा जागरणं विष्णोरविद्धं द्वादशीव्रतम्

kūrparaṁ yamadūtānāṁ dattaṁ tena yamasya ca kṛtvā jāgaraṇaṁ viṣṇoraviddhaṁ dvādaśīvratam

Whoever performs the night-vigil of Vishnu on the un-overlapped Dvadashi vow has, as it were, disarmed even Yama's own messengers.

Verse 64 (padma.6.37.64)

स्वर्गापेक्षा मुनिश्रेष्ठ मुक्ता ते नैव संशयः । वांछितं नारकं सौख्यं विद्धं कृत्वा हरेर्दिनम्

svargāpekṣā muniśreṣṭha muktā te naiva saṁśayaḥ vāṁchitaṁ nārakaṁ saukhyaṁ viddhaṁ kṛtvā harerdinam

O best of sages, those free of even the desire for heaven are liberated, without doubt; but performing an overlapped day of Hari brings only the wretched pleasure of hell.

Verse 65 (padma.6.37.65)

निहताः पितरस्तेन देवानां वै वधः कृतः । दत्तं राज्यं तु दैत्यानां कृत्वा विद्धं हरेर्दिनम्

nihatāḥ pitarastena devānāṁ vai vadhaḥ kṛtaḥ dattaṁ rājyaṁ tu daityānāṁ kṛtvā viddhaṁ harerdinam

His ancestors are struck down by this, and the gods are, as it were, slain; by performing an overlapped day of Hari, a kingdom is granted to the demons.

Verse 66 (padma.6.37.66)

यो नृत्यति प्रहृष्टात्मा कृत्वा वै करताडनम् । गीतं कुर्वन्मुखेनापि दर्शयन्कौतुकान्बहून्

yo nṛtyati prahṛṣṭātmā kṛtvā vai karatāḍanam gītaṁ kurvanmukhenāpi darśayankautukānbahūn

Whoever dances, joyful of heart, clapping his hands, singing with his own mouth, displaying many wondrous acts,

Verse 67 (padma.6.37.67)

पुरतो वासुदेवस्य रात्रौ जागरणे स्थितः । पठन्कृष्णचरित्राणि रंजयन्वैष्णवान्गणान्

purato vāsudevasya rātrau jāgaraṇe sthitaḥ paṭhankṛṣṇacaritrāṇi raṁjayanvaiṣṇavāngaṇān

before Vasudeva, standing in the night-vigil, reciting Krishna's deeds, delighting the Vaishnava hosts,

Verse 68 (padma.6.37.68)

मुखेन कुरुते वाद्यं संप्रहृष्टतनूरुहः । दर्शयन्विविधान्भृत्यान्स्वेच्छालापान्प्रकारयन्

mukhena kurute vādyaṁ saṁprahṛṣṭatanūruhaḥ darśayanvividhānbhṛtyānsvecchālāpānprakārayan

making music with his own mouth, his hairs standing on end with joy, showing various servants, engaging in whatever talk he pleases —

Verse 69 (padma.6.37.69)

भावैरेतैर्नरो यस्तु कुरुते जागरे हरेः । निमिषेनिमिषे पुण्यं तीर्थकोटिफलं स्मृतम्

bhāvairetairnaro yastu kurute jāgare hareḥ nimiṣenimiṣe puṇyaṁ tīrthakoṭiphalaṁ smṛtam

whatever man performs Hari's night-vigil with these very dispositions, obtains merit equal to millions of tirthas, moment by moment.

Verse 70 (padma.6.37.70)

अनुद्विग्नमना यस्तु धूपनीराजनं हरेः । कुरुते जागरे रात्रौ सप्तद्वीपाधिपो भवेत्

anudvignamanā yastu dhūpanīrājanaṁ hareḥ kurute jāgare rātrau saptadvīpādhipo bhavet

Whoever, undisturbed of mind, performs the incense and waving of lights for Hari in the night-vigil, becomes the lord of the seven continents.

Verse 71 (padma.6.37.71)

यानि कानि च पापानि ब्रह्महत्यासमानि च । कृष्णा ह जागरात्तानि विलयं यांति खंडशः

yāni kāni ca pāpāni brahmahatyāsamāni ca kṛṣṇā ha jāgarāttāni vilayaṁ yāṁti khaṁḍaśaḥ

Whatever sins there are, equal even to the killing of a brahmin, are dissolved into fragments by Krishna's night-vigil.

Verse 72 (padma.6.37.72)

एकतः क्रतवः सर्वे समाप्तवरदक्षिणाः । एकतो देवदेवस्य जागरः कृष्णवल्लभः

ekataḥ kratavaḥ sarve samāptavaradakṣiṇāḥ ekato devadevasya jāgaraḥ kṛṣṇavallabhaḥ

On one side stand all the sacrifices with their gift-fees completed; on the other stands the night-vigil of the God of gods, dear to Krishna.

Verse 73 (padma.6.37.73)

तत्र काशी पुष्करं च प्रयागं नैमिषं गया । शालग्राममहाक्षेत्रमर्बुदारण्यमेव च

tatra kāśī puṣkaraṁ ca prayāgaṁ naimiṣaṁ gayā śālagrāmamahākṣetramarbudāraṇyameva ca

There, Kashi, Pushkara, Prayaga, Naimisha, Gaya, the great field of Shaligrama, and the Arbuda forest as well,

Verse 74 (padma.6.37.74)

पौष्करं मथुरा तत्र सर्वतीर्थानि चैव हि । यज्ञा वेदाश्च चत्वारो व्रजंति हरिजागरम्

pauṣkaraṁ mathurā tatra sarvatīrthāni caiva hi yajñā vedāśca catvāro vrajaṁti harijāgaram

Pushkara, Mathura, all the tirthas there, and the four sacrifices and Vedas — all go to Hari's night-vigil.

Verse 75 (padma.6.37.75)

गंगा सरस्वती तापी यमुना च शतद्रुका । चंद्रभागा वितस्ता च नद्यः सर्वास्तु तत्र वै

gaṁgā sarasvatī tāpī yamunā ca śatadrukā caṁdrabhāgā vitastā ca nadyaḥ sarvāstu tatra vai

The Ganga, the Sarasvati, the Tapi, the Yamuna, the Shatadru, the Chandrabhaga, the Vitasta — all the rivers there,

Verse 76 (padma.6.37.76)

सरांसि च ह्रदाः सर्वे समुद्राः सर्व एव हि । एकादश्यां द्विजश्रेष्ठ गच्छंति कृष्णजागरम्

sarāṁsi ca hradāḥ sarve samudrāḥ sarva eva hi ekādaśyāṁ dvijaśreṣṭha gacchaṁti kṛṣṇajāgaram

all the lakes and pools, all the oceans — O best of the twice-born, on the eleventh all go to Krishna's night-vigil.

Verse 77 (padma.6.37.77)

स्पृहणीया हि देवानां ये नराः कृष्णजागरे । नृत्यंति गीतं कुर्वंति वीणावाद्यप्रहर्षिताः

spṛhaṇīyā hi devānāṁ ye narāḥ kṛṣṇajāgare nṛtyaṁti gītaṁ kurvaṁti vīṇāvādyapraharṣitāḥ

Those men who are at Krishna's night-vigil, dancing, singing, delighted by the sound of the vina, are longed for even by the gods.

Verse 78 (padma.6.37.78)

एवं जागरणं कृत्वा संपूज्य च महाहरिम् । द्वादश्यां पारणं कृत्वा स्वशक्त्या वैष्णवैः सह

evaṁ jāgaraṇaṁ kṛtvā saṁpūjya ca mahāharim dvādaśyāṁ pāraṇaṁ kṛtvā svaśaktyā vaiṣṇavaiḥ saha

Having thus performed the night-vigil, and worshipped the great Hari, having broken the fast on the twelfth, according to one's means, together with the Vaishnavas —

Verse 79 (padma.6.37.79)

महादेव उवाच ।शृणु ब्रह्मन्प्रवक्ष्यामि द्वादशीमाहात्म्यमुत्तमम् । द्वादशी तु सदा ज्ञेया पुत्रदा मोक्षदायिनी

mahādeva uvāca śṛṇu brahmanpravakṣyāmi dvādaśīmāhātmyamuttamam dvādaśī tu sadā jñeyā putradā mokṣadāyinī

Mahadeva said: Listen, O brahmin, I shall tell the supreme glory of the Dvadashi. The Dvadashi should ever be known as the giver of sons and the giver of liberation.

Verse 80 (padma.6.37.80)

प्रातः स्नात्वा हरिं पूज्य उपवासं समर्पयेत् । अज्ञानतिमिरांधस्य व्रतेनानेन केशव

prātaḥ snātvā hariṁ pūjya upavāsaṁ samarpayet ajñānatimirāṁdhasya vratenānena keśava

Having bathed in the morning and worshipped Hari, one should offer up one's fast: 'By this vow, O Keshava, upon me, blinded by the darkness of ignorance,'

Verse 81 (padma.6.37.81)

प्रसीद सुमुखो भूत्वा ज्ञानदृष्टिप्रदो भव । पारणं च ततः कुर्याद्यथासंभवमग्रतः

prasīda sumukho bhūtvā jñānadṛṣṭiprado bhava pāraṇaṁ ca tataḥ kuryādyathāsaṁbhavamagrataḥ

'be gracious, and grant me the eye of knowledge.' Then, as circumstances permit, one should break the fast promptly.

Verse 82 (padma.6.37.82)

अत ऊर्ध्वं यथेष्टं तु कारयेच्च यथाविधि । यदा तु द्वादशी स्वल्पा पारणेन भवेद्दिवज

ata ūrdhvaṁ yatheṣṭaṁ tu kārayecca yathāvidhi yadā tu dvādaśī svalpā pāraṇena bhaveddivaja

After that, whatever one wishes may be done, according to rite. O twice-born, when the Dvadashi is short for the purpose of breaking the fast,

Verse 83 (padma.6.37.83)

तदा रात्रौ तु कर्त्तव्यं पारणं मुक्तिमिच्छता । तदा न रात्रिदोषः स्यान्निषिद्धं न भवेत्क्वचित्

tadā rātrau tu karttavyaṁ pāraṇaṁ muktimicchatā tadā na rātridoṣaḥ syānniṣiddhaṁ na bhavetkvacit

then the breaking of the fast should be done at night, for one who desires liberation; then there is no fault of night, and nothing is forbidden anywhere.

Verse 84 (padma.6.37.84)

यदुक्तं निशि न स्नायान्महानिशि न भोजयेत् । तत्पूर्वपरयामाभ्यां दिनवत्कर्म कारयेत्

yaduktaṁ niśi na snāyānmahāniśi na bhojayet tatpūrvaparayāmābhyāṁ dinavatkarma kārayet

Whatever is said — 'one should not bathe at night, one should not eat at deep night' — that applies to the earlier and later watches; one should act as if it were day.

Verse 85 (padma.6.37.85)

यदा भवति स्वल्पा तु द्वादशी पारणे दिने । उषःकाले द्वयं कुर्यात्प्रातर्मध्याह्निकं तथा

yadā bhavati svalpā tu dvādaśī pāraṇe dine uṣaḥkāle dvayaṁ kuryātprātarmadhyāhnikaṁ tathā

When the Dvadashi is short on the day of breaking the fast, both rites — the morning and the midday — should be performed together at dawn.

Verse 86 (padma.6.37.86)

द्वादशी साधिता येन नरेण भुवि सर्वदा । तस्य पुण्यमहं वक्तुं न समर्थो विशेषतः

dvādaśī sādhitā yena nareṇa bhuvi sarvadā tasya puṇyamahaṁ vaktuṁ na samartho viśeṣataḥ

The merit of one by whom the Dvadashi has been duly accomplished upon this earth, I am unable, especially, to fully describe.

Verse 87 (padma.6.37.87)

साधयित्वाखिलान्कामान्प्राप्नुयुश्च महाजनाः । अंबरीषादयः सर्वे ये भक्ता भुवि विश्रुताः

sādhayitvākhilānkāmānprāpnuyuśca mahājanāḥ aṁbarīṣādayaḥ sarve ye bhaktā bhuvi viśrutāḥ

Having accomplished all their desires, great persons attain it — all those devotees renowned upon this earth, Ambarisha and the rest.

Verse 88 (padma.6.37.88)

द्वादशीं साधयित्वा तु ते गता विष्णुसद्मनि । सत्यं सत्यं पुनः सत्यं यदुक्तं तु मया तव

dvādaśīṁ sādhayitvā tu te gatā viṣṇusadmani satyaṁ satyaṁ punaḥ satyaṁ yaduktaṁ tu mayā tava

Having accomplished the Dvadashi, they went to Vishnu's own abode. True, true, and true again is what I have told you —

Verse 89 (padma.6.37.89)

नास्ति विष्णुसमो देवो न तिथिर्द्वादशीसमा । अत्र दत्तं च भुक्तं च तथा पूजादिकं च यत्

nāsti viṣṇusamo devo na tithirdvādaśīsamā atra dattaṁ ca bhuktaṁ ca tathā pūjādikaṁ ca yat

there is no god equal to Vishnu, no tithi equal to the Dvadashi. Whatever is given here, whatever is eaten, and whatever worship is performed,

Verse 90 (padma.6.37.90)

तत्सर्वं पूर्णतां याति पूजिते माधवे सति । किं पुनर्बहुनोक्तेन भक्तानां वल्लभो हरिः

tatsarvaṁ pūrṇatāṁ yāti pūjite mādhave sati kiṁ punarbahunoktena bhaktānāṁ vallabho hariḥ

all of it attains completeness, when Madhava is duly worshipped. What need is there to say more — Hari is the beloved of his devotees;

Verse 91 (padma.6.37.91)

प्रददात्यखिलान्कामान्यावदाभूतसंप्लवम् । द्वादश्यां चैव यद्दत्तं तत्सर्वं सफलं भवेत्

pradadātyakhilānkāmānyāvadābhūtasaṁplavam dvādaśyāṁ caiva yaddattaṁ tatsarvaṁ saphalaṁ bhavet

he grants them all their desires, until the very dissolution of all beings. And whatever is given on the Dvadashi, all of it bears fruit.

Verse 92 (padma.6.37.92)

कुरुक्षेत्रेषु यद्दत्तं निष्फलं नैव जायते । तद्वच्च द्वादशीदत्तं भवेद्देवर्षिसत्तम

kurukṣetreṣu yaddattaṁ niṣphalaṁ naiva jāyate tadvacca dvādaśīdattaṁ bhaveddevarṣisattama

Whatever is given at Kurukshetra never becomes fruitless; likewise, whatever is given on the Dvadashi becomes so, O best of divine sages.