The Origin of Ekadashi and the Slaying of Mura

Verse 1 (padma.6.38.1)

महादेव उवाच ।एकस्मिन्समये पुत्र गतोऽहं विष्णुसन्निधौ । तत्र पृष्टं मया पूर्वं माहात्म्यं द्वादशीभवम्

mahādeva uvāca ekasminsamaye putra gato'haṁ viṣṇusannidhau tatra pṛṣṭaṁ mayā pūrvaṁ māhātmyaṁ dvādaśībhavam

Mahadeva said: O son, once upon a time I went into the presence of Vishnu; there I earlier asked about the glory connected with the Dvadashi.

Verse 2 (padma.6.38.2)

नारद उवाच कीदृशी स्यान्महादेव महाद्वादशिका परा । तस्या व्रते फलं कीदृग्वद सर्वेश्वर प्रभो

nārada uvāca kīdṛśī syānmahādeva mahādvādaśikā parā tasyā vrate phalaṁ kīdṛgvada sarveśvara prabho

Narada said: What is that supreme great Dvadashi, O Mahadeva? What is the fruit of its vow, O Lord of all, tell me.

Verse 3 (padma.6.38.3)

शिव उवाच ।इयमेकादशी ब्रह्मन्महापुण्यफलप्रदा । ऋक्षयोगैश्च संयुक्ता कर्त्तव्या मुनिसत्तमैः

śiva uvāca iyamekādaśī brahmanmahāpuṇyaphalapradā ṛkṣayogaiśca saṁyuktā karttavyā munisattamaiḥ

Shiva said: O brahmin, this Ekadashi is a bestower of great meritorious fruit; it should be performed by the best of sages, joined with the appropriate star-conjunctions.

Verse 4 (padma.6.38.4)

जया च विजया चैव जयंती पापनाशिनी । सर्वपापहराश्चैताः कर्त्तव्याः फलकांक्षिभिः

jayā ca vijayā caiva jayaṁtī pāpanāśinī sarvapāpaharāścaitāḥ karttavyāḥ phalakāṁkṣibhiḥ

Jaya, Vijaya, and Jayanti — these destroy sin and remove all sins; those desiring fruit should perform them.

Verse 5 (padma.6.38.5)

एकादश्यां यदा ऋक्षं शुक्लपक्षे पुनर्वसुः । नाम्ना सा च जया ख्याता तिथीनामुत्तमा तिथिः

ekādaśyāṁ yadā ṛkṣaṁ śuklapakṣe punarvasuḥ nāmnā sā ca jayā khyātā tithīnāmuttamā tithiḥ

When on the Ekadashi of the bright fortnight the star is Punarvasu, that is famed by the name Jaya, the best of tithis.

Verse 6 (padma.6.38.6)

तामुपोष्य नरः पापान्मुच्यते नात्र संशयः । यदा च शुक्लद्वादश्यां नक्षत्रं श्रवणं भवेत्

tāmupoṣya naraḥ pāpānmucyate nātra saṁśayaḥ yadā ca śukladvādaśyāṁ nakṣatraṁ śravaṇaṁ bhavet

By fasting on it, a man is freed from sins, there is no doubt here. And when on the bright Dvadashi the star is Shravana,

Verse 7 (padma.6.38.7)

विजया सा समाख्याता तिथीनामुत्तमा तिथिः । सहस्रगुणितं दानं यस्यां वै विप्र भोजनम्

vijayā sā samākhyātā tithīnāmuttamā tithiḥ sahasraguṇitaṁ dānaṁ yasyāṁ vai vipra bhojanam

that is known by the name Vijaya, the best of tithis. Gifts given, and feeding of brahmins, on that day bear a thousandfold fruit.

Verse 8 (padma.6.38.8)

होमस्तथोपवासश्च सहस्राधिफलप्रदः । यदा च शुक्लद्वादश्यां प्राजापत्यं हि जायते

homastathopavāsaśca sahasrādhiphalapradaḥ yadā ca śukladvādaśyāṁ prājāpatyaṁ hi jāyate

Fire-oblation and fasting bestow fruit exceeding a thousandfold. And when on the bright Dvadashi the Prajapatya (Rohini) star occurs,

Verse 9 (padma.6.38.9)

जयंती नाम सा प्रोक्ता सर्वपापहरा तिथिः । सप्तजन्मकृतं पापं स्वल्पं वा यदि वा बहु

jayaṁtī nāma sā proktā sarvapāpaharā tithiḥ saptajanmakṛtaṁ pāpaṁ svalpaṁ vā yadi vā bahu

that is called by the name Jayanti, a tithi that removes all sins. Whatever sin has been committed over seven births, whether small or great,

Verse 10 (padma.6.38.10)

प्रक्षालयति गोविंदस्तस्यामभ्यर्चितो ध्रुवम् । यदा वै शुक्लद्वादश्यां पुष्यं भवति कर्हिचित्

prakṣālayati goviṁdastasyāmabhyarcito dhruvam yadā vai śukladvādaśyāṁ puṣyaṁ bhavati karhicit

Govinda, worshipped on that day, surely washes it away. And when on the bright Dvadashi the Pushya star occurs at some time,

Verse 11 (padma.6.38.11)

तदा तु सा महापुण्या भविता पापनाशिनी । यो ददाति तिलप्रस्थं नित्यं संवत्सरं प्रति

tadā tu sā mahāpuṇyā bhavitā pāpanāśinī yo dadāti tilaprasthaṁ nityaṁ saṁvatsaraṁ prati

then that becomes exceedingly meritorious, destructive of sin. Whoever gives, every year continually, a prastha-measure of sesame,

Verse 12 (padma.6.38.12)

उपवासं च यस्तस्यां करोत्येतत्समं स्मृतम् । तस्यां जगत्पतिर्देवस्तुष्टः सर्वेश्वरो हरिः

upavāsaṁ ca yastasyāṁ karotyetatsamaṁ smṛtam tasyāṁ jagatpatirdevastuṣṭaḥ sarveśvaro hariḥ

and whoever fasts on that day, is reckoned as equal to it. On that day, Hari, the Lord of the universe, the Lord of all, well pleased,

Verse 13 (padma.6.38.13)

प्रत्यक्षतां प्रयात्येव तत्रानंतफलं स्मृतम् । सगरेण ककुत्स्थेन नहुषेण च साधितः

pratyakṣatāṁ prayātyeva tatrānaṁtaphalaṁ smṛtam sagareṇa kakutsthena nahuṣeṇa ca sādhitaḥ

appears in person; on it an endless fruit is declared. Sagara, Kakutstha, and Nahusha,

Verse 14 (padma.6.38.14)

तस्यामाराधितः कृष्णो दत्तवानखिलं भुवि । वाचिकान्मानसाद्वापि कायजाच्च विशेषतः

tasyāmārādhitaḥ kṛṣṇo dattavānakhilaṁ bhuvi vācikānmānasādvāpi kāyajācca viśeṣataḥ

having worshipped Krishna on it, obtained everything on earth. From sin committed by speech, by mind, or especially by body,

Verse 15 (padma.6.38.15)

सप्तजन्मकृतात्पापान्मुच्यते नात्र संशयः । तामेकां समुपोष्याथ पुण्यनक्षत्रसंयुताम्

saptajanmakṛtātpāpānmucyate nātra saṁśayaḥ tāmekāṁ samupoṣyātha puṇyanakṣatrasaṁyutām

a man is freed from sin committed over seven births — there is no doubt. Having fasted on that single Ekadashi, joined with the meritorious star,

Verse 16 (padma.6.38.16)

एकादशीसहस्रस्य फलं प्राप्नोति मानवः । स्नानं दानं जपो होमः स्वाध्यायो देवतार्चनम्

ekādaśīsahasrasya phalaṁ prāpnoti mānavaḥ snānaṁ dānaṁ japo homaḥ svādhyāyo devatārcanam

a man obtains the fruit of a thousand Ekadashis. Bathing, giving, recitation, fire-oblation, self-study, worship of the gods —

Verse 17 (padma.6.38.17)

यत्तस्यां क्रियते किंचित्तदक्षयफलं स्मृतम् । तस्मादेषा प्रकर्तव्या यत्नेन फलकांक्षिभिः

yattasyāṁ kriyate kiṁcittadakṣayaphalaṁ smṛtam tasmādeṣā prakartavyā yatnena phalakāṁkṣibhiḥ

whatever, even a little, is done on it, is deemed to bear imperishable fruit. Therefore, those desiring fruit should perform it with diligence.

Verse 18 (padma.6.38.18)

पंचमेनाश्वमेधेन यदि स्नातो युधिष्ठिरः । पर्यपृच्छत धर्मात्मा कृष्णं यदुकुलोद्वहम्

paṁcamenāśvamedhena yadi snāto yudhiṣṭhiraḥ paryapṛcchata dharmātmā kṛṣṇaṁ yadukulodvaham

Having bathed after the fifth horse-sacrifice, the righteous Yudhishthira asked Krishna, the foremost of the Yadu clan —

Verse 19 (padma.6.38.19)

युधिष्ठिर उवाच ।उपवासस्य नक्तस्य त्वेकभुक्तस्य मे प्रभो । किं पुण्यं किं फलं तस्य ब्रूहि सर्वं जनार्दन

yudhiṣṭhira uvāca upavāsasya naktasya tvekabhuktasya me prabho kiṁ puṇyaṁ kiṁ phalaṁ tasya brūhi sarvaṁ janārdana

Yudhishthira said: O Lord, tell me fully the merit and fruit of fasting, of the nakta meal, and of the single meal, O Janardana.

Verse 20 (padma.6.38.20)

श्रीभगवानुवाच ।हेमंते चैव संप्राप्ते मासे मार्गे च शोभने । कृष्णपक्षे च या पार्थ द्वादशी तामुपोषयेत् । दशम्यां चैकभक्तश्च शुद्धचित्तो दृढव्रतः

śrībhagavānuvāca hemaṁte caiva saṁprāpte māse mārge ca śobhane kṛṣṇapakṣe ca yā pārtha dvādaśī tāmupoṣayet daśamyāṁ caikabhaktaśca śuddhacitto dṛḍhavrataḥ

Sri Bhagavan said: In the hemanta season, in the auspicious month of Margashirsha, O Partha, one should fast on the Dvadashi of the dark fortnight. Eating once on the Dashami, of pure mind and firm in the vow,

Verse 21 (padma.6.38.21)

नक्तं चैव तथा ज्ञात्वा दशम्यां नियतः सदा । दिवसस्याष्टमे भागे मंदीभूते दिवाकरे

naktaṁ caiva tathā jñātvā daśamyāṁ niyataḥ sadā divasasyāṣṭame bhāge maṁdībhūte divākare

one should know the night-meal properly and remain disciplined on the Dashami always. At the eighth part of the day, when the sun grows faint,

Verse 22 (padma.6.38.22)

नक्तं च तद्विजानीयान्न नक्तं निशिभोजनम् । नक्षत्रदर्शनान्नक्तं गृहस्थस्य विधीयते

naktaṁ ca tadvijānīyānna naktaṁ niśibhojanam nakṣatradarśanānnaktaṁ gṛhasthasya vidhīyate

that should be known as nakta — this is not eating at deep night. Up until the sighting of the stars is the prescribed nakta-time for the householder.

Verse 23 (padma.6.38.23)

यतेर्दिनाष्टमे भागे रात्रौ तस्य निषेधनम् । ततः प्रभातसमये कृत्वा च नियमं व्रती

yaterdināṣṭame bhāge rātrau tasya niṣedhanam tataḥ prabhātasamaye kṛtvā ca niyamaṁ vratī

For the ascetic, only up to the eighth part of the day; at night it is forbidden for him. Then, at the time of dawn, the vow-keeper, having taken up the discipline,

Verse 24 (padma.6.38.24)

मध्याह्ने च तथा पार्थ स्नानं शुचिः समाचरेत् । अधमं कूपके स्नानं वाप्यां स्नानं च मध्यमम्

madhyāhne ca tathā pārtha snānaṁ śuciḥ samācaret adhamaṁ kūpake snānaṁ vāpyāṁ snānaṁ ca madhyamam

O Partha, should bathe purely at midday. Bathing in a well is inferior, bathing in a step-well is middling,

Verse 25 (padma.6.38.25)

तडागे चोत्तमं स्नानं नद्यां स्नानं ततः परम् । पीड्यंते जंतवो यत्र जलमध्ये व्यवस्थिते

taḍāge cottamaṁ snānaṁ nadyāṁ snānaṁ tataḥ param pīḍyaṁte jaṁtavo yatra jalamadhye vyavasthite

bathing in a pond is excellent, bathing in a river is even higher than that. Where creatures situated within the water are troubled,

Verse 26 (padma.6.38.26)

तत्र स्नाने कृते पार्थ पापं पुण्यं समं भवेत् । गृहे चैवोत्तमं स्नानं जलं चैव विशोधयेत्

tatra snāne kṛte pārtha pāpaṁ puṇyaṁ samaṁ bhavet gṛhe caivottamaṁ snānaṁ jalaṁ caiva viśodhayet

bathing there, O Partha, makes sin and merit equal. Bathing at home itself is best; the water should be purified.

Verse 27 (padma.6.38.27)

तस्मात्तु पांडवश्रेष्ठ गृहे स्नानं समाचरेत् । अश्वक्रांते रथक्रांते विष्णुक्रांते वसुंधरे

tasmāttu pāṁḍavaśreṣṭha gṛhe snānaṁ samācaret aśvakrāṁte rathakrāṁte viṣṇukrāṁte vasuṁdhare

Therefore, O best of the Pandavas, one should bathe at home — 'O earth traversed by the horse, traversed by the chariot, traversed by Vishnu!

Verse 28 (padma.6.38.28)

मृत्तिके हर मे पापं यन्मया पूर्वसंचितम् । क्रोधलोभौ परित्यज्य चैकचित्तो दृढव्रतः

mṛttike hara me pāpaṁ yanmayā pūrvasaṁcitam krodhalobhau parityajya caikacitto dṛḍhavrataḥ

'O earth, take away the sin I have accumulated before.' Having abandoned anger and greed, of one-pointed mind and firm in vow,

Verse 29 (padma.6.38.29)

नालापेतांत्यजं चैव तथा पाखंडिनो नरान् । मिथ्यावादरतांश्चैव तथा ब्राह्मणनिंदकान्

nālāpetāṁtyajaṁ caiva tathā pākhaṁḍino narān mithyāvādaratāṁścaiva tathā brāhmaṇaniṁdakān

one should not converse with an outcaste, nor with hypocrites; nor with those given to false speech, nor with reviler of brahmins.

Verse 30 (padma.6.38.30)

अन्यांश्चैव दुराचारानगम्यागमनेरतान् । परद्रव्यापहारांश्च परदाराभिगामिनः

anyāṁścaiva durācārānagamyāgamaneratān paradravyāpahārāṁśca paradārābhigāminaḥ

nor with other men of bad conduct, nor with those given to forbidden unions; nor with stealers of others' wealth, nor with adulterers.

Verse 31 (padma.6.38.31)

केशवं पूजयित्वा तु नैवेद्यं तत्र कारयेत् । दीपं दद्याद्गृहे तत्र भक्तियुक्तेन चेतसा

keśavaṁ pūjayitvā tu naivedyaṁ tatra kārayet dīpaṁ dadyādgṛhe tatra bhaktiyuktena cetasā

Having worshipped Keshava, a food-offering should be made there; a lamp should be lit at home with a devoted mind.

Verse 32 (padma.6.38.32)

तद्दिने वर्जयेत्पार्थ निद्रां चैव तु मैथुनम् । धर्मशास्त्रविनोदेन दिनं सर्वं निवारयेत्

taddine varjayetpārtha nidrāṁ caiva tu maithunam dharmaśāstravinodena dinaṁ sarvaṁ nivārayet

On that day, O Partha, sleep and sexual union should be given up; the whole day should be passed in discussion of the scriptures of dharma.

Verse 33 (padma.6.38.33)

रात्रौ जागरणं कृत्वा भक्तियुक्तो नृपोत्तम । विप्रेभ्यो दक्षिणां दद्यात्प्रणिपत्य क्षमापयेत्

rātrau jāgaraṇaṁ kṛtvā bhaktiyukto nṛpottama viprebhyo dakṣiṇāṁ dadyātpraṇipatya kṣamāpayet

Having kept a night-vigil, filled with devotion, O best of kings, one should give gifts to brahmins and, prostrating, ask for forgiveness.

Verse 34 (padma.6.38.34)

यथा कृष्णा तथा शुक्ला विधिनैवं प्रकारयेत् । एकादशीं द्विजः पार्थ विभेदं नैव कारयेत्

yathā kṛṣṇā tathā śuklā vidhinaivaṁ prakārayet ekādaśīṁ dvijaḥ pārtha vibhedaṁ naiva kārayet

As is the procedure for the dark fortnight, so too should the bright fortnight's be performed. O Partha, a twice-born should make no distinction regarding the Ekadashi.

Verse 35 (padma.6.38.35)

एवं हि कुरुते यस्तु शृणु तस्य हि यत्फलम् । शंखोद्धारे नरः स्नात्वा दृष्ट्वा देवं गदाधरम्

evaṁ hi kurute yastu śṛṇu tasya hi yatphalam śaṁkhoddhāre naraḥ snātvā dṛṣṭvā devaṁ gadādharam

Whoever does thus, listen to what fruit he obtains. Bathing at Shankhoddhara, having beheld the god Gadadhara,

Verse 36 (padma.6.38.36)

एकादश्युपवासस्य कलां नार्हति षोडशीम् । संक्रांतिषु चतुर्लक्षं यो ददाति नृपोत्तम

ekādaśyupavāsasya kalāṁ nārhati ṣoḍaśīm saṁkrāṁtiṣu caturlakṣaṁ yo dadāti nṛpottama

a man is not equal even to the sixteenth part of the Ekadashi fast. O best of kings, whoever gives a gift of four hundred thousand at the solstices,

Verse 37 (padma.6.38.37)

एकादश्युपवासस्य कलां नार्हति षोडशीम् । प्रभासक्षेत्रे यत्पुण्यं ग्रहणे चंद्र सूर्ययोः

ekādaśyupavāsasya kalāṁ nārhati ṣoḍaśīm prabhāsakṣetre yatpuṇyaṁ grahaṇe caṁdra sūryayoḥ

is not equal even to the sixteenth part of the Ekadashi fast. Whatever merit exists at the Prabhasa field, whatever merit exists in a lunar or solar eclipse,

Verse 38 (padma.6.38.38)

तत्फलं जायते नूनमेकादश्युपवासिनः । केदारे चोदकं पीत्वा पुनर्जन्म न विद्यते

tatphalaṁ jāyate nūnamekādaśyupavāsinaḥ kedāre codakaṁ pītvā punarjanma na vidyate

that fruit is indeed obtained by the Ekadashi-observer. Having drunk the water at Kedara, there is no rebirth,

Verse 39 (padma.6.38.39)

तथा चैकादशी पार्थ गर्भवासक्षयंकरी । अश्वमेधस्य यज्ञस्य पृथिव्यां यत्फलं लभेत्

tathā caikādaśī pārtha garbhavāsakṣayaṁkarī aśvamedhasya yajñasya pṛthivyāṁ yatphalaṁ labhet

similarly, O Partha, the Ekadashi destroys residence in the womb. Whatever fruit is obtained on earth from the horse-sacrifice,

Verse 40 (padma.6.38.40)

तस्माच्छतगुणं पुण्यमेकादश्युपवासिनः । तपस्विनो गृहे यस्य भुंजते च द्विजोत्तमाः

tasmācchataguṇaṁ puṇyamekādaśyupavāsinaḥ tapasvino gṛhe yasya bhuṁjate ca dvijottamāḥ

a hundredfold that merit is obtained by the Ekadashi-observer. In whose house ascetics and the finest twice-borns eat,

Verse 41 (padma.6.38.41)

तत्फलं जायते नूनमेकादश्युपवासिनः । गोसहस्रेण यत्पुण्यं दत्वा वेदांतपारगे

tatphalaṁ jāyate nūnamekādaśyupavāsinaḥ gosahasreṇa yatpuṇyaṁ datvā vedāṁtapārage

that fruit is surely obtained by the Ekadashi-observer. Whatever merit is obtained from giving a thousand cows to one versed in Vedanta,

Verse 42 (padma.6.38.42)

तस्माच्छतगुणं पुण्यमेकादश्युपवासिनः । येषां देहे त्रयो देवा ब्रह्मविष्णुमहेश्वराः

tasmācchataguṇaṁ puṇyamekādaśyupavāsinaḥ yeṣāṁ dehe trayo devā brahmaviṣṇumaheśvarāḥ

a hundredfold that merit is obtained by the Ekadashi-observer. In whose body the three gods — Brahma, Vishnu, Maheshvara —

Verse 43 (padma.6.38.43)

वसंति तेषां ते तुल्या एकादश्युपवासिनः । ते नराः पुण्यकर्माणो ये भक्ता हरिपूजकाः

vasaṁti teṣāṁ te tulyā ekādaśyupavāsinaḥ te narāḥ puṇyakarmāṇo ye bhaktā haripūjakāḥ

reside — they are equal to the Ekadashi-observers. Those meritorious men who are devotees and worshippers of Hari,

Verse 44 (padma.6.38.44)

एकादशीव्रतस्यापि पुण्यसंख्या न विद्यते । एतत्पुण्यं भवेत्तस्य यत्सुरैरपि दुर्ल्लभम्

ekādaśīvratasyāpi puṇyasaṁkhyā na vidyate etatpuṇyaṁ bhavettasya yatsurairapi durllabham

even the merit-count of the Ekadashi vow does not encompass them (that is, it is beyond measure). This is that merit which is difficult even for the gods to attain.

Verse 45 (padma.6.38.45)

एतस्मादर्द्धपुण्यं तु प्राप्यते नक्तभोजनात् । नक्तस्यार्द्धं भवेत्पुण्यमेकभक्तेन देहिनाम्

etasmādarddhapuṇyaṁ tu prāpyate naktabhojanāt naktasyārddhaṁ bhavetpuṇyamekabhaktena dehinām

Half of this merit is obtained from the nakta meal. Half of the nakta's merit is what is obtained by a being who eats a single meal.

Verse 46 (padma.6.38.46)

तावद्गर्जंति तीर्थानि दानानि नियमानि च । यावन्नोपोषयेज्जंतुर्वासरं विष्णुवल्लभम्

tāvadgarjaṁti tīrthāni dānāni niyamāni ca yāvannopoṣayejjaṁturvāsaraṁ viṣṇuvallabham

As long as a being does not fast on the day dear to Vishnu, tirthas, gifts, and observances remain merely as noise, that is, unavailing.

Verse 47 (padma.6.38.47)

तस्मात्त्वं पांडवश्रेष्ठ व्रतमेतत्समाचर । पुण्यसंख्यां न जानामि यत्त्वं पृच्छसि पांडव

tasmāttvaṁ pāṁḍavaśreṣṭha vratametatsamācara puṇyasaṁkhyāṁ na jānāmi yattvaṁ pṛcchasi pāṁḍava

Therefore, O best of the Pandavas, practice this vow. O Pandava, what you ask, I do not know its full measure of merit,

Verse 48 (padma.6.38.48)

एतद्धि कथितं पार्थ यद्गोप्यं व्रतमुत्तमम् । एकादशीसमं नास्ति कृत्वा यज्ञसहस्रकम्

etaddhi kathitaṁ pārtha yadgopyaṁ vratamuttamam ekādaśīsamaṁ nāsti kṛtvā yajñasahasrakam

this alone, O Partha, has been told to you — this is a secret and excellent vow. There is nothing equal to the Ekadashi, even by performing a thousand sacrifices.

Verse 49 (padma.6.38.49)

युधिष्ठिर उवाच ।उत्पन्ना सा कथं देव पुण्या चैकादशी तिथिः । कथं पवित्रा विश्वेऽस्मिन्कथं वै देवताप्रिया

yudhiṣṭhira uvāca utpannā sā kathaṁ deva puṇyā caikādaśī tithiḥ kathaṁ pavitrā viśve'sminkathaṁ vai devatāpriyā

Yudhishthira said: O god, how did that meritorious Ekadashi tithi arise? How is it pure in this universe, how is it dear to the gods?

Verse 50 (padma.6.38.50)

श्रीभगवानुवाच ।पुरा कृतयुगे पार्थ मुरनामेति दानवः । अत्यद्भुतो महारौद्र सर्वदेवभयंकरः

śrībhagavānuvāca purā kṛtayuge pārtha muranāmeti dānavaḥ atyadbhuto mahāraudra sarvadevabhayaṁkaraḥ

Sri Bhagavan said: In ancient Satya Yuga, O Partha, there was a demon named Mura, exceedingly wondrous, exceedingly terrible, striking fear in all the gods.

Verse 51 (padma.6.38.51)

इंद्रोऽपि निर्जितस्तेन सर्वदेवास्तथा नृप । महासुरेण तेनैव मृत्युना च दुरात्मना

iṁdro'pi nirjitastena sarvadevāstathā nṛpa mahāsureṇa tenaiva mṛtyunā ca durātmanā

O king, Indra too was defeated by him, and so were all the gods, by that same evil, death-like great demon.

Verse 52 (padma.6.38.52)

स्वर्गान्निराकृतास्तेन विचरंति महीतले । सशंका भयभीताश्च सर्वे गत्वा महेश्वरम्

svargānnirākṛtāstena vicaraṁti mahītale saśaṁkā bhayabhītāśca sarve gatvā maheśvaram

Driven out from heaven, they began to wander upon the earth; frightened and afraid, all of them went to Maheshvara.

Verse 53 (padma.6.38.53)

इंद्रेण कथितं सर्वमीश्वरस्यापि चाग्रतः । स्वर्गलोकपरिभ्रष्टा विचरंति महीतले

iṁdreṇa kathitaṁ sarvamīśvarasyāpi cāgrataḥ svargalokaparibhraṣṭā vicaraṁti mahītale

Indra told everything before Ishvara — 'We, fallen from the heavenly world, are wandering upon the earth,

Verse 54 (padma.6.38.54)

मर्त्येषु संस्थिता देवा न शोभंते महेश्वर । उपायं ब्रूहि मे देव ह्यमरा यांति कां गतिम्

martyeṣu saṁsthitā devā na śobhaṁte maheśvara upāyaṁ brūhi me deva hyamarā yāṁti kāṁ gatim

'gods dwelling in the mortal world do not shine, O Maheshvara. Tell me some remedy, where shall we, the immortals, find refuge?'

Verse 55 (padma.6.38.55)

महादेव उवाच ।देवराजसुरश्रेष्ठयत्रास्तेगरुडध्वजः । शरण्यश्च जगन्नाथः परित्राता परायणः

mahādeva uvāca devarājasuraśreṣṭhayatrāstegaruḍadhvajaḥ śaraṇyaśca jagannāthaḥ paritrātā parāyaṇaḥ

Mahadeva said: O king of gods, best of the immortals, where the one bearing the Garuda-banner resides, who is compassionate to those who take refuge, the Lord of the universe, the protector, the ultimate refuge —

Verse 56 (padma.6.38.56)

तत्र गच्छ सुरश्रेष्ठ स वो रक्षां विधास्यति । ईश्वरस्य वचः श्रुत्वा देवराजो महामतिः

tatra gaccha suraśreṣṭha sa vo rakṣāṁ vidhāsyati īśvarasya vacaḥ śrutvā devarājo mahāmatiḥ

go there, O best of the immortals; he will protect you. Having heard Ishvara's words, the wise king of the gods,

Verse 57 (padma.6.38.57)

त्रिदशैः सहितो यत्र गतस्तत्र युधिष्ठिर । जलमध्ये प्रसुप्तं तं दृष्ट्वा देवं गदाधरम्

tridaśaiḥ sahito yatra gatastatra yudhiṣṭhira jalamadhye prasuptaṁ taṁ dṛṣṭvā devaṁ gadādharam

together with the host of the thirty gods, went there, O Yudhishthira; and having seen the god Gadadhara asleep in the midst of the waters,

Verse 58 (padma.6.38.58)

कृतांजलिपुटो भूत्वा इंद्रः स्तोत्रमुदीरयत्

kṛtāṁjalipuṭo bhūtvā iṁdraḥ stotramudīrayat

Indra, joining his palms, uttered a hymn of praise.

Verse 59 (padma.6.38.59)

इंद्र उवाच ।ॐनमो देवदेवेश देवदानववंदित । दैत्यारे पुंडरीकाक्ष त्राहि नो मधुसूदन

iṁdra uvāca oṁnamo devadeveśa devadānavavaṁdita daityāre puṁḍarīkākṣa trāhi no madhusūdana

Indra said: Om, salutation to the God of gods, worshipped by gods and demons, enemy of the daityas, lotus-eyed one! O Madhusudana, protect us.

Verse 60 (padma.6.38.60)

सुराः सर्वे समायाता भयभीताश्च दानवात् । शरणं त्वां जगन्नाथ त्राहि मां भक्तवत्सल

surāḥ sarve samāyātā bhayabhītāśca dānavāt śaraṇaṁ tvāṁ jagannātha trāhi māṁ bhaktavatsala

All the gods have come, frightened by the demon; we are in your refuge, O Lord of the universe, O one gracious to your devotees! Protect us.

Verse 61 (padma.6.38.61)

त्राहि नो देवदेवेश त्राहि त्राहि जनार्दन । त्राहि वै पुंडरीकाक्ष दानवानां विनाशक

trāhi no devadeveśa trāhi trāhi janārdana trāhi vai puṁḍarīkākṣa dānavānāṁ vināśaka

O God of gods, protect us; O Janardana, protect, protect us. O lotus-eyed one, destroyer of demons, protect us.

Verse 62 (padma.6.38.62)

त्वत्समीपं गताः सर्वे त्वमेव शरणं प्रभो । चशरणागतानां देवानां सहायं कुरु वै प्रभो

tvatsamīpaṁ gatāḥ sarve tvameva śaraṇaṁ prabho caśaraṇāgatānāṁ devānāṁ sahāyaṁ kuru vai prabho

We have all come near you, O Lord; you alone are our refuge. O Lord, help the gods who have come to you for shelter.

Verse 63 (padma.6.38.63)

त्वं पतिस्त्वं मतिर्देव त्वं कर्ता त्वं च कारणम् । त्वं माता सर्वलोकानां त्वमेव जगतः पिता

tvaṁ patistvaṁ matirdeva tvaṁ kartā tvaṁ ca kāraṇam tvaṁ mātā sarvalokānāṁ tvameva jagataḥ pitā

O god, you are the lord, you are the intellect, you are the doer, you are the cause. You are the mother of all worlds, you are the father of the universe.

Verse 64 (padma.6.38.64)

भगवन्देवदेवेश शरणागतवत्सल । शरणं तव चायाता भयभीताश्च देवताः

bhagavandevadeveśa śaraṇāgatavatsala śaraṇaṁ tava cāyātā bhayabhītāśca devatāḥ

O Lord, God of gods, gracious to those who take refuge! We, the frightened gods, have come to your shelter.

Verse 65 (padma.6.38.65)

देवता निर्जिताः सर्वाः स्वर्गभ्रष्टाः कृताः प्रभो । अत्युग्रेण हि दैत्येन मुरनाम्ना महौजसा । इंद्रस्य वचनं श्रुत्वा विष्णुर्वचनमब्रवीत्

devatā nirjitāḥ sarvāḥ svargabhraṣṭāḥ kṛtāḥ prabho atyugreṇa hi daityena muranāmnā mahaujasā iṁdrasya vacanaṁ śrutvā viṣṇurvacanamabravīt

O Lord, all the gods, defeated, have been driven out of heaven, by the exceedingly fierce, exceedingly powerful demon named Mura. Having heard Indra's words, Vishnu spoke —

Verse 66 (padma.6.38.66)

श्रीभगवानुवाच ।कीदृशो दानवः शक्र किं रूपं कीदृशं बलम् । क्व स्थानं तस्य दुष्टस्य किं वीर्यं कः पराक्रमः । किं वरं तस्य दुष्टस्य ममाख्याहि महामते

śrībhagavānuvāca kīdṛśo dānavaḥ śakra kiṁ rūpaṁ kīdṛśaṁ balam kva sthānaṁ tasya duṣṭasya kiṁ vīryaṁ kaḥ parākramaḥ kiṁ varaṁ tasya duṣṭasya mamākhyāhi mahāmate

Sri Bhagavan said: O Shakra, what is that demon like, what is his form, what his strength? Where does that wicked one dwell, what is his valor and might? What boon has that wicked one received — tell me, O wise one.

Verse 67 (padma.6.38.67)

इंद्र उवाच ।पूर्वं बभूव देवेश ब्रह्मवंशसमुद्भवः । तालजंघस्तु नाम्ना च अत्युग्रोऽपि महासुरः

iṁdra uvāca pūrvaṁ babhūva deveśa brahmavaṁśasamudbhavaḥ tālajaṁghastu nāmnā ca atyugro'pi mahāsuraḥ

Indra said: O Lord of gods, long ago, born of the lineage of Brahma, exceedingly fierce, there was a great demon named Talajangha.

Verse 68 (padma.6.38.68)

तस्य पुत्रो हि विख्यातो मुरनामेति दानवः । अत्युत्कटो महावीर्यो देवतानां भयंकरः

tasya putro hi vikhyāto muranāmeti dānavaḥ atyutkaṭo mahāvīryo devatānāṁ bhayaṁkaraḥ

His son is the famed demon named Mura — exceedingly fierce, exceedingly mighty, striking fear into the gods.

Verse 69 (padma.6.38.69)

पुरी चंद्रावती नाम्ना तत्र स्थाने वसत्यसौ । निर्जिता देवताः सर्वा स्वर्गात्तेन विवासिताः

purī caṁdrāvatī nāmnā tatra sthāne vasatyasau nirjitā devatāḥ sarvā svargāttena vivāsitāḥ

He dwells in a city named Chandravati; he has defeated all the gods and banished them from heaven.

Verse 70 (padma.6.38.70)

इंद्रोऽन्यो रोपितस्तेन वातश्चैव हुताशनः । चंद्रसूर्यो कृतौ चान्यौ वायुर्वरुण एव च

iṁdro'nyo ropitastena vātaścaiva hutāśanaḥ caṁdrasūryo kṛtau cānyau vāyurvaruṇa eva ca

He has installed another Indra, another Wind-god, and another Fire-god; he has also fashioned another moon and sun, and another wind and Varuna.

Verse 71 (padma.6.38.71)

सर्वमात्मकृतं तेन सत्यं सत्यं जनार्दन । देवलोकः कृतस्तेन सर्वस्थानविवर्जितः

sarvamātmakṛtaṁ tena satyaṁ satyaṁ janārdana devalokaḥ kṛtastena sarvasthānavivarjitaḥ

O Janardana, he has brought everything under his own control — it is true, it is truly true. He has stripped the world of the gods of all its abodes.

Verse 72 (padma.6.38.72)

तस्य तद्वचनं श्रुत्वा कोपमानो जनार्दनः । हनिष्ये दानवं दुष्टं देवतानां भयंकरम्

tasya tadvacanaṁ śrutvā kopamāno janārdanaḥ haniṣye dānavaṁ duṣṭaṁ devatānāṁ bhayaṁkaram

Having heard this account, Janardana, growing angry, said: 'I shall slay that wicked demon who strikes fear into the gods.'

Verse 73 (padma.6.38.73)

त्रिदशैः सहितो देवो गतश्चंद्रावतीं पुरीम् । दृष्टो देवैस्तु दैत्येंद्रो गर्जमानः पुनः पुनः

tridaśaiḥ sahito devo gataścaṁdrāvatīṁ purīm dṛṣṭo devaistu daityeṁdro garjamānaḥ punaḥ punaḥ

Together with the host of gods, the deva went to the city of Chandravati; the gods saw the lord of demons, roaring again and again.

Verse 74 (padma.6.38.74)

तेन सर्वे जिता देव गताश्चैव दिशो दश । हरिं निरीक्ष्य प्रोवाच तिष्ठतिष्ठेति दानवः

tena sarve jitā deva gatāścaiva diśo daśa hariṁ nirīkṣya provāca tiṣṭhatiṣṭheti dānavaḥ

He had conquered all the gods and driven them into the ten directions; seeing Hari, the demon began repeatedly saying, 'Stop, stop.'

Verse 75 (padma.6.38.75)

भगवानब्रवीत्तं च क्रोधसंरक्तलोचनः । श्रीभगवानुवाच ।रे दानव दुराचार मम बाहुं निरीक्षय

bhagavānabravīttaṁ ca krodhasaṁraktalocanaḥ śrībhagavānuvāca re dānava durācāra mama bāhuṁ nirīkṣaya

Bhagavan, his eyes red with anger, said to him — Sri Bhagavan said: 'O wicked demon, behold my arm.'

Verse 76 (padma.6.38.76)

ततस्ते सम्मुखाः सर्वे विष्णुना दुष्टदानवाः । हता बाणैः पुनर्दिव्यैर्जाताश्च भयविह्वलाः

tataste sammukhāḥ sarve viṣṇunā duṣṭadānavāḥ hatā bāṇaiḥ punardivyairjātāśca bhayavihvalāḥ

Then all those wicked demons came face to face with Vishnu; struck by divine arrows, they became once more overwhelmed with fear.

Verse 77 (padma.6.38.77)

चक्रं मुक्तं च कृष्णेन दैत्यसैन्येषु पांडव । तेनच्छिन्नास्तु शतशो बहवो निधनं गताः

cakraṁ muktaṁ ca kṛṣṇena daityasainyeṣu pāṁḍava tenacchinnāstu śataśo bahavo nidhanaṁ gatāḥ

O Pandava, Krishna released his discus upon the demon army; cut down by hundreds by it, many met their death.

Verse 78 (padma.6.38.78)

एकोपि दानवस्तत्र युध्यमानो मुहुर्मुहुः । नष्टाः सर्वे सुरास्तेन निर्जितो मधुसूदनः

ekopi dānavastatra yudhyamāno muhurmuhuḥ naṣṭāḥ sarve surāstena nirjito madhusūdanaḥ

There, the demon alone fought again and again; all the gods were defeated by him, and even Madhusudana was defeated there.

Verse 79 (padma.6.38.79)

निर्जितं तेन दैत्येन बाहुयुद्धमजायत । बाहुयुद्धं कृतं तेन दिव्यं वर्षसहस्रकम्

nirjitaṁ tena daityena bāhuyuddhamajāyata bāhuyuddhaṁ kṛtaṁ tena divyaṁ varṣasahasrakam

Having been defeated by that demon, a hand-to-hand battle occurred; he fought with his arms for a thousand divine years.

Verse 80 (padma.6.38.80)

विष्णुश्चिंतां प्रपन्नश्च नष्टाः सर्वाश्च देवताः । विष्णुश्च निर्जितस्तेन गतो बदरिकाश्रमम्

viṣṇuściṁtāṁ prapannaśca naṣṭāḥ sarvāśca devatāḥ viṣṇuśca nirjitastena gato badarikāśramam

Vishnu became lost in thought, all the gods were defeated; Vishnu too, defeated by him, went to Badarikashrama.

Verse 81 (padma.6.38.81)

गुहा सिंहावती नाम तत्र सुप्तो जनार्दनः । योजनद्वादशवती एकद्वारा च पांडव

guhā siṁhāvatī nāma tatra supto janārdanaḥ yojanadvādaśavatī ekadvārā ca pāṁḍava

In a cave named Simhavati, Janardana fell asleep; O Pandava, that cave stretched twelve yojanas and had only one entrance.

Verse 82 (padma.6.38.82)

तस्यां विष्टः प्रसुप्तश्च दानवो हंतुमुद्यतः । महायुद्धेन तेनैव श्रांतोऽसौ योगमायया

tasyāṁ viṣṭaḥ prasuptaśca dānavo haṁtumudyataḥ mahāyuddhena tenaiva śrāṁto'sau yogamāyayā

Having entered it, the demon was intent on slaying him as he slept; that demon, wearied by the great battle, moved through the power of yogamaya.

Verse 83 (padma.6.38.83)

दानवः पृष्ठतो लग्नो प्रविष्टः स तदा गुहाम् । प्रसुप्तं तत्र मां दृष्ट्वा दानवो हर्षमागतः

dānavaḥ pṛṣṭhato lagno praviṣṭaḥ sa tadā guhām prasuptaṁ tatra māṁ dṛṣṭvā dānavo harṣamāgataḥ

The demon, following close behind, entered that cave; seeing me asleep there, the demon became delighted.

Verse 84 (padma.6.38.84)

इत्थं मां निर्जितं मत्वा प्रविष्टं शंकया हरिम् । निःसंदेहं हनिष्यामि दानवानां भयंकरम्

itthaṁ māṁ nirjitaṁ matvā praviṣṭaṁ śaṁkayā harim niḥsaṁdehaṁ haniṣyāmi dānavānāṁ bhayaṁkaram

Thinking me thus defeated, and seeing Hari who had entered out of apprehension, he thought — 'I shall surely slay this Hari, the terror of the gods.'

Verse 85 (padma.6.38.85)

निर्गता कन्यका तत्र विष्णुदेहाद्युधिष्ठिर । रूपवती सुसौभाग्या दिव्यप्रहरणायुधा

nirgatā kanyakā tatra viṣṇudehādyudhiṣṭhira rūpavatī susaubhāgyā divyapraharaṇāyudhā

O Yudhishthira, at that very moment, from Vishnu's body, a maiden emerged — beautiful, most fortunate, armed with divine weapons.

Verse 86 (padma.6.38.86)

तस्य तेजोंऽशसंभूता महाबलपराक्रमा । दृष्टा सा दानवेंद्रेण मुरनाम्ना धनंजय

tasya tejoṁ'śasaṁbhūtā mahābalaparākramā dṛṣṭā sā dānaveṁdreṇa muranāmnā dhanaṁjaya

O Dhananjaya, born from a portion of his radiance, endowed with great strength and valor, that maiden was seen by the lord of demons named Mura.

Verse 87 (padma.6.38.87)

युद्धं समाहितं तेन स्त्रिया चैव प्रयाचितम् । कन्यका युध्यते तत्र सर्वयुद्धविशारदा

yuddhaṁ samāhitaṁ tena striyā caiva prayācitam kanyakā yudhyate tatra sarvayuddhaviśāradā

He requested and undertook battle with that woman; the maiden fought there, being skilled in every art of war.

Verse 88 (padma.6.38.88)

हुंकारैर्भस्मसाज्जातो मुर नामा महासुरः । निहते दानवे तस्मिंस्तत्र देवस्त्वबुध्यत

huṁkārairbhasmasājjāto mura nāmā mahāsuraḥ nihate dānave tasmiṁstatra devastvabudhyata

By a mere roar, the great demon named Mura was reduced to ashes; when that demon was slain, the god awoke there.

Verse 89 (padma.6.38.89)

पतितं दानवं दृष्ट्वा ततो विस्मयमागतः । केनायं च हतो रौद्रो ह्यत्युग्रो मम शात्रवः

patitaṁ dānavaṁ dṛṣṭvā tato vismayamāgataḥ kenāyaṁ ca hato raudro hyatyugro mama śātravaḥ

Seeing the fallen demon, he became astonished — 'By whom has this exceedingly fierce and terrible enemy of mine been slain?

Verse 90 (padma.6.38.90)

अत्युग्रं च कृतं कर्म मम कारुण्यतः कृतम् । कन्योवाच ।तेन देवाश्च गंधर्वा सयक्षोरगराक्षसाः

atyugraṁ ca kṛtaṁ karma mama kāruṇyataḥ kṛtam kanyovāca tena devāśca gaṁdharvā sayakṣoragarākṣasāḥ

'Only through my own compassion has such a fierce deed been accomplished.' The maiden said: 'He, having conquered gods, gandharvas, yakshas, nagas, and rakshasas,'

Verse 91 (padma.6.38.91)

इंद्राद्याः सकला जित्वा स्वर्गाच्चैव निराकृताः । हरिः सुप्तो मया दृष्टो मुरः पृष्ठे समागतः

iṁdrādyāḥ sakalā jitvā svargāccaiva nirākṛtāḥ hariḥ supto mayā dṛṣṭo muraḥ pṛṣṭhe samāgataḥ

'along with Indra and all the rest, had banished them from heaven. I saw Hari sleeping, then Mura came up from behind.'

Verse 92 (padma.6.38.92)

संहरिष्यति त्रैलोक्यं सुप्ते चैव जर्नादने । तस्यास्तद्वचनं श्रुत्वा विष्णुर्वचनमब्रवीत्

saṁhariṣyati trailokyaṁ supte caiva jarnādane tasyāstadvacanaṁ śrutvā viṣṇurvacanamabravīt

'While Janardana slept, he would have destroyed the three worlds.' Having heard her words, Vishnu spoke —

Verse 93 (padma.6.38.93)

अहं च निर्जितो येन कथं सोऽपि त्वया जितः । एकादश्युवाच ।त्वत्प्रसादाच्च भो स्वामिन्महादैत्यो मया हतः

ahaṁ ca nirjito yena kathaṁ so'pi tvayā jitaḥ ekādaśyuvāca tvatprasādācca bho svāminmahādaityo mayā hataḥ

'He by whom I was defeated, how was he conquered by you?' Ekadashi said: 'O Lord, by your own grace alone have I slain that great demon.'

Verse 94 (padma.6.38.94)

श्रीभगवानुवाच ।आनंदं त्रिषु लोकेषु मुनयो देवता गताः । ब्रूहि त्वं च मया भद्रे यत्ते मनसि रोचते । ददामि च न संदेहो यत्सुरैरपि दुर्ल्लभम्

śrībhagavānuvāca ānaṁdaṁ triṣu lokeṣu munayo devatā gatāḥ brūhi tvaṁ ca mayā bhadre yatte manasi rocate dadāmi ca na saṁdeho yatsurairapi durllabham

Sri Bhagavan said: In the three worlds, sages and gods attained joy. 'O good lady, tell me what pleases your heart; I shall give you, without doubt, what is difficult even for gods.'

Verse 95 (padma.6.38.95)

एकादश्युवाच ।यदि तुष्टोऽसि मे देव सत्यमुक्तं जनार्दन । वरमेकं तु वांच्छामि हृदये च जगत्पते

ekādaśyuvāca yadi tuṣṭo'si me deva satyamuktaṁ janārdana varamekaṁ tu vāṁcchāmi hṛdaye ca jagatpate

Ekadashi said: 'If you are pleased with me, O god, O Janardana, I speak truly — I desire only one boon, from my heart, O Lord of the universe.

Verse 96 (padma.6.38.96)

प्रार्थयामि च देवेश ईप्सितं च मया प्रभो । यदि सत्यं जगन्नाथ तिस्रो वाचो ददासि मे

prārthayāmi ca deveśa īpsitaṁ ca mayā prabho yadi satyaṁ jagannātha tisro vāco dadāsi me

'I make this request, O Lord of gods, whatever is desired by me, O Lord; if truly, O Lord of the universe, you grant me three promises...'

Verse 97 (padma.6.38.97)

श्रीभगवानुवाच ।सत्यं सत्यं मया प्रोक्तं अवश्यं तव सुव्रते । तिस्रो वाचो मया दत्ता न चावाक्यं भवेदिह

śrībhagavānuvāca satyaṁ satyaṁ mayā proktaṁ avaśyaṁ tava suvrate tisro vāco mayā dattā na cāvākyaṁ bhavediha

Sri Bhagavan said: 'Truly, truly have I spoken, O one of excellent vow; assuredly I have given you three promises — here my word shall not be false.'

Verse 98 (padma.6.38.98)

एकादश्युवाच ।त्रिभुवनेषु च देवेश चतुर्युगेषु सांप्रतम् । त्रिषु लोकेषु सर्वत्र तादृशं कुरु मे प्रभो

ekādaśyuvāca tribhuvaneṣu ca deveśa caturyugeṣu sāṁpratam triṣu lokeṣu sarvatra tādṛśaṁ kuru me prabho

Ekadashi said: 'O Lord of gods, in the three worlds, in the four ages, now and always, everywhere in the three worlds, grant this to me, O Lord —

Verse 99 (padma.6.38.99)

सर्वतीर्थप्रधानं हि सर्वविघ्नविनाशिनी । सर्वसिद्धिकरी देवी त्वत्प्रसादाद्भवाम्यहम्

sarvatīrthapradhānaṁ hi sarvavighnavināśinī sarvasiddhikarī devī tvatprasādādbhavāmyaham

'that I become, foremost among all tirthas, the destroyer of all obstacles, the goddess who bestows all accomplishments, through your grace.

Verse 100 (padma.6.38.100)

मामुपोष्यंति ये भक्त्या तव भक्त्या जनार्दन । सर्वसिद्धिर्भवेत्तेषां यदि तुष्टोऽसि मे प्रभो

māmupoṣyaṁti ye bhaktyā tava bhaktyā janārdana sarvasiddhirbhavetteṣāṁ yadi tuṣṭo'si me prabho

'Whoever fasts for me with devotion, through devotion to you, O Janardana — let them all attain accomplishment, if you are pleased with me, O Lord.'

Verse 101 (padma.6.38.101)

उपवासं च नक्तं च एकभक्तं करोति च । तस्य वित्तं च धर्मं च मोक्षं वै देहि माधव

upavāsaṁ ca naktaṁ ca ekabhaktaṁ karoti ca tasya vittaṁ ca dharmaṁ ca mokṣaṁ vai dehi mādhava

'Whoever observes fasting, the nakta meal, and the single meal, grant to him wealth, dharma, and liberation, O Madhava.'

Verse 102 (padma.6.38.102)

विष्णुरुवाच । यत्त्वं वदसि कल्याणि तत्सर्वं च भविष्यति । सर्वान्मनोरथान्भद्रे दास्यसि त्वं च नान्यथा

viṣṇuruvāca yattvaṁ vadasi kalyāṇi tatsarvaṁ ca bhaviṣyati sarvānmanorathānbhadre dāsyasi tvaṁ ca nānyathā

Vishnu said: 'O auspicious one, whatever you say, all of that shall come to pass. O good lady, you shall fulfill everyone's desires, and nothing shall be otherwise.'

Verse 103 (padma.6.38.103)

मम भक्ताश्च ये लोके ये च भक्तास्तु कार्त्तिके । चतुर्युगेषु विख्यातास्त्रिषु लोकेषु वै प्रभो

mama bhaktāśca ye loke ye ca bhaktāstu kārttike caturyugeṣu vikhyātāstriṣu lokeṣu vai prabho

'Those who are my devotees in this world, and those who are devotees in the month of Kartika, renowned throughout the four ages, in the three worlds, O Lord —

Verse 104 (padma.6.38.104)

त्वां च शक्तिमहं मन्ये एकादशीव्रतस्थिताः । मम पूजां करिष्यंति मोक्षगास्ते न संशयः

tvāṁ ca śaktimahaṁ manye ekādaśīvratasthitāḥ mama pūjāṁ kariṣyaṁti mokṣagāste na saṁśayaḥ

'I regard you as a power incarnate; those who remain established in the Ekadashi vow, worshipping me thus, shall attain liberation, without doubt.'

Verse 105 (padma.6.38.105)

तृतीया चाष्टमी चैव नवमी च चतुर्दशी । एकादशी विशेषेण तिथिरेषा हरिप्रिया । सर्वतीर्थाधिकं पुण्यं सत्यं सत्यं न संशयः

tṛtīyā cāṣṭamī caiva navamī ca caturdaśī ekādaśī viśeṣeṇa tithireṣā haripriyā sarvatīrthādhikaṁ puṇyaṁ satyaṁ satyaṁ na saṁśayaḥ

Tritiya, Ashtami, Navami, Chaturdashi — among these, especially the Ekadashi, this tithi dear to Hari, is more meritorious than all tirthas — it is true, it is truly true, without doubt.

Verse 106 (padma.6.38.106)

इदं दत्त्वा वरं तस्यै तिस्रो वाचो न संशयः । हृष्टा पुष्टा च संजाता एकादशीमहाव्रता

idaṁ dattvā varaṁ tasyai tisro vāco na saṁśayaḥ hṛṣṭā puṣṭā ca saṁjātā ekādaśīmahāvratā

Having given this boon, three promises were made to her, without doubt; delighted and satisfied, the great vow named Ekadashi arose —

Verse 107 (padma.6.38.107)

शत्रुं हंसि परां तस्य ददासि परमां गतिम् । त्वं हंसि सर्वविघ्नानि सर्वसिद्धिवरप्रदा

śatruṁ haṁsi parāṁ tasya dadāsi paramāṁ gatim tvaṁ haṁsi sarvavighnāni sarvasiddhivarapradā

'You destroy enemies utterly, you grant the supreme state; you remove all obstacles, you bestow all accomplishments and boons.'

Verse 108 (padma.6.38.108)

उभयोः पक्षयोः पार्थ तुल्या एकादशी शुभा । न शुक्ला नैव कृष्णा च विभेदं नैव कारयेत्

ubhayoḥ pakṣayoḥ pārtha tulyā ekādaśī śubhā na śuklā naiva kṛṣṇā ca vibhedaṁ naiva kārayet

O Partha, the Ekadashi of both fortnights is equally auspicious; no distinction should be made between the bright and the dark.

Verse 109 (padma.6.38.109)

विभेदो नैव कर्त्तव्यः समस्तव्रतकारिभिः । दिवा वा यदि वा रात्रौ शृणोति भक्तितत्परः

vibhedo naiva karttavyaḥ samastavratakāribhiḥ divā vā yadi vā rātrau śṛṇoti bhaktitatparaḥ

No distinction should be made by any who perform the vow. Whoever, day or night, devoted to bhakti, listens,

Verse 110 (padma.6.38.110)

तिथिरेका भवेत्सर्वा पक्षयोरुभयोरपि । उभयैकादशी स्वल्पा ह्यंते चैव त्रयोदशी

tithirekā bhavetsarvā pakṣayorubhayorapi ubhayaikādaśī svalpā hyaṁte caiva trayodaśī

the tithi becomes one and the same across both fortnights. When both Ekadashis are short, at the end comes the Trayodashi,

Verse 111 (padma.6.38.111)

मध्ये तु द्वादशी पूर्णा त्रिस्पृशा सा हरिप्रिया । एकामुपोषयेत्तां वै सहस्रैकादशीफलम्

madhye tu dvādaśī pūrṇā trispṛśā sā haripriyā ekāmupoṣayettāṁ vai sahasraikādaśīphalam

in the middle comes the full Dvadashi — that is Trisprisha, dear to Hari. Fasting on that single day yields the fruit of a thousand Ekadashis.

Verse 112 (padma.6.38.112)

सहस्रगुणितं ह्येवं द्वादश्यां पारणे कृते । अष्टम्येकादशी षष्ठी तृतीया च चतुर्दशी

sahasraguṇitaṁ hyevaṁ dvādaśyāṁ pāraṇe kṛte aṣṭamyekādaśī ṣaṣṭhī tṛtīyā ca caturdaśī

Thus a thousandfold fruit is obtained when the fast is broken on the Dvadashi. Ashtami, Ekadashi, Shashthi, Tritiya, and Chaturdashi —

Verse 113 (padma.6.38.113)

पूर्वविद्धा न कर्तव्या परविद्धामुपोषयेत् । एकादशी ह्यहोरात्रं प्रभाते घटिका भवेत्

pūrvaviddhā na kartavyā paraviddhāmupoṣayet ekādaśī hyahorātraṁ prabhāte ghaṭikā bhavet

the earlier-overlapped tithi should not be observed; the later-overlapped one should be fasted upon. Should the Ekadashi span a full day-night, and touch even a ghatika into the dawn,

Verse 114 (padma.6.38.114)

सा तिथिः परिहर्तव्या उपोष्या द्वादशीयुता । एवंविधा मया प्रोक्ता पक्षयोरुभयोरपि

sā tithiḥ parihartavyā upoṣyā dvādaśīyutā evaṁvidhā mayā proktā pakṣayorubhayorapi

that tithi should be set aside; the one joined with Dvadashi should be fasted upon. Thus have I explained this for both fortnights.

Verse 115 (padma.6.38.115)

एकादश्यां प्रकुर्वीत ह्युपवासं न संशयः । ते यांति वैष्णवं स्थानं यत्रास्ते गरुडध्वजः

ekādaśyāṁ prakurvīta hyupavāsaṁ na saṁśayaḥ te yāṁti vaiṣṇavaṁ sthānaṁ yatrāste garuḍadhvajaḥ

One should fast upon the Ekadashi, without doubt. They go to that Vaishnava abode, where the one bearing the Garuda-banner resides.

Verse 116 (padma.6.38.116)

धन्यास्ते मानवा लोके विष्णुभक्तिपरायणाः । एकादश्याश्च माहात्म्यं सर्वकालेषु यः पठेत्

dhanyāste mānavā loke viṣṇubhaktiparāyaṇāḥ ekādaśyāśca māhātmyaṁ sarvakāleṣu yaḥ paṭhet

Those men are blessed in this world who are devoted to Vishnu-bhakti. Whoever ever reads the glory of the Ekadashi,

Verse 117 (padma.6.38.117)

गोसहस्रफलं सोऽपि पुण्यं प्राप्नोति मानवः । दिवा वा यदि वा रात्रौ ये वै शृण्वंति भक्तितः

gosahasraphalaṁ so'pi puṇyaṁ prāpnoti mānavaḥ divā vā yadi vā rātrau ye vai śṛṇvaṁti bhaktitaḥ

that man too obtains the merit of the gift of a thousand cows. Whoever, day or night, listens with devotion,

Verse 118 (padma.6.38.118)

ब्रह्महत्यादिपापेभ्यो मुच्यंते नात्र संशयः । विष्णुधर्मसमं नास्ति गीतार्थं च नृपोत्तम । एकादशीसमं नास्ति व्रतं पापप्रणाशनम्

brahmahatyādipāpebhyo mucyaṁte nātra saṁśayaḥ viṣṇudharmasamaṁ nāsti gītārthaṁ ca nṛpottama ekādaśīsamaṁ nāsti vrataṁ pāpapraṇāśanam

they are freed from sins such as the killing of a brahmin, without doubt. O best of kings, there is nothing equal to the meaning of the Gita as the dharma of Vishnu; there is no vow that destroys sin equal to the Ekadashi.