Putrada Ekadashi of Pausha Shukla

Verse 1 (padma.6.41.1)

युधिष्ठिर उवाच- कथिता वै त्वया कृष्ण सफलैकादशी शुभा । कथयस्व प्रसादेन शुक्लपक्षस्य या भवेत्

yudhiṣṭhira uvāca- kathitā vai tvayā kṛṣṇa saphalaikādaśī śubhā kathayasva prasādena śuklapakṣasya yā bhavet

Yudhishthira said: You have told me, O Krishna, of the auspicious Saphala Ekadashi. Kindly tell me now, by your grace, of the Ekadashi that falls in the bright fortnight.

Verse 2 (padma.6.41.2)

किन्नाम को विधिस्तस्याः को देवस्तत्र पूज्यते । कस्मै तुष्टो हृषीकेशस्त्वमेव पुरुषोत्तमः

kinnāma ko vidhistasyāḥ ko devastatra pūjyate kasmai tuṣṭo hṛṣīkeśastvameva puruṣottamaḥ

What is its name, what is its rite, which deity is worshipped there, and by whom pleased does Hrishikesha - you yourself, Purushottama - grant his boon?

Verse 3 (padma.6.41.3)

श्रीकृष्ण उवाच-। शृणु राजन्प्रवक्ष्यामि शुक्ला पौषस्य या भवेत् । कथयामि महाराज लोकानां हितकाम्यया

śrīkṛṣṇa uvāca- śṛṇu rājanpravakṣyāmi śuklā pauṣasya yā bhavet kathayāmi mahārāja lokānāṁ hitakāmyayā

Sri Krishna said: Listen, O king, I shall describe the Ekadashi of the bright fortnight of Pausha. O great king, I speak this for the welfare of all people.

Verse 4 (padma.6.41.4)

पूर्वेण विधिना राजन्कर्त्तव्यैषा प्रयत्नतः । पुत्रदा नाम नाम्ना सा सर्वपापहरा परा

pūrveṇa vidhinā rājankarttavyaiṣā prayatnataḥ putradā nāma nāmnā sā sarvapāpaharā parā

This should be observed with the same careful rite told before. It is named Putrada - the supreme Ekadashi that removes all sins.

Verse 5 (padma.6.41.5)

नारायणोऽधिदेवोऽस्या कामदः सिद्धिदायकः । नातः परतरा काचित्त्रैलोक्ये सचराचरे

nārāyaṇo'dhidevo'syā kāmadaḥ siddhidāyakaḥ nātaḥ paratarā kācittrailokye sacarācare

Narayana is its presiding deity, granter of desires and bestower of accomplishment. In the three worlds of moving and unmoving beings, none surpasses this Ekadashi.

Verse 6 (padma.6.41.6)

विद्यावंतं यशस्वंतं करोति च नरं हरिः । शृणु राजन्प्रवक्ष्यामि कथां पापहरां पराम्

vidyāvaṁtaṁ yaśasvaṁtaṁ karoti ca naraṁ hariḥ śṛṇu rājanpravakṣyāmi kathāṁ pāpaharāṁ parām

Hari makes a man learned and renowned. Listen, O king, I shall now tell the supreme, sin-destroying tale.

Verse 7 (padma.6.41.7)

भद्रावत्यां पुरा ह्यासीत्पुर्यां राजा सुकेतुमान् । तस्य राज्ञस्तथाराज्ञी चंपका नाम वर्त्तते

bhadrāvatyāṁ purā hyāsītpuryāṁ rājā suketumān tasya rājñastathārājñī caṁpakā nāma varttate

Long ago, in the city of Bhadravati, there lived a king named Suketuman. His queen was named Champaka.

Verse 8 (padma.6.41.8)

पुत्रहीनेन राज्ञा च काले नीतो मनोरथैः । नैवात्मजं नृपो लेभे वंशकर्त्तारमेव च

putrahīnena rājñā ca kāle nīto manorathaiḥ naivātmajaṁ nṛpo lebhe vaṁśakarttārameva ca

Childless, the king let time pass amid many longings, but he obtained neither a son nor any heir to carry his lineage forward.

Verse 9 (padma.6.41.9)

तेनैव राज्ञा धर्मेण चिंतितं बहुकालतः । किं करोमि क्व गच्छामि सुतप्राप्तिः कथं भवेत्

tenaiva rājñā dharmeṇa ciṁtitaṁ bahukālataḥ kiṁ karomi kva gacchāmi sutaprāptiḥ kathaṁ bhavet

That righteous king pondered long: what should I do, where should I go, how shall I obtain a son?

Verse 10 (padma.6.41.10)

न राष्ट्रे न पुरे सौख्यं लेभे राजा सुकेतुमान् । साध्व्य स्वकांतया सार्द्धं प्रत्यहं दुःखितोऽभवत्

na rāṣṭre na pure saukhyaṁ lebhe rājā suketumān sādhvya svakāṁtayā sārddhaṁ pratyahaṁ duḥkhito'bhavat

King Suketuman found no happiness, neither in his kingdom nor in his city. Together with his virtuous wife he grew sorrowful with every passing day.

Verse 11 (padma.6.41.11)

तावुभौ दंपती नित्यं चिंताशोकपरायणौ । पितरोऽस्य जलं दत्तं कवोष्णमुपभुंजते

tāvubhau daṁpatī nityaṁ ciṁtāśokaparāyaṇau pitaro'sya jalaṁ dattaṁ kavoṣṇamupabhuṁjate

That royal couple remained constantly sunk in grief and anxiety; even their ancestors received only lukewarm water in offering.

Verse 12 (padma.6.41.12)

राज्ञः पश्चान्न पश्यामो योऽस्मान्संतर्पयिष्यति । इत्येवं संस्मरंतोऽस्य दुःखिताः पितरोऽभवन्

rājñaḥ paścānna paśyāmo yo'smānsaṁtarpayiṣyati ityevaṁ saṁsmaraṁto'sya duḥkhitāḥ pitaro'bhavan

Remembering, 'After this king, we see no one left to satisfy us,' his ancestors too grew sorrowful.

Verse 13 (padma.6.41.13)

न बांधवा न मित्राणि नामात्याः सुहृदस्तथा । रोचयंत्यस्य भूपस्य न गजाश्वाः पदातयः

na bāṁdhavā na mitrāṇi nāmātyāḥ suhṛdastathā rocayaṁtyasya bhūpasya na gajāśvāḥ padātayaḥ

Neither kinsmen nor friends, neither ministers nor well-wishers, neither elephants and horses nor foot-soldiers could bring that king any joy.

Verse 14 (padma.6.41.14)

नैराश्यं भूपतेस्तस्य नित्यं मनसि वर्त्तते । नरस्य पुत्रहीनस्य नास्ति वै जन्मनः फलम्

nairāśyaṁ bhūpatestasya nityaṁ manasi varttate narasya putrahīnasya nāsti vai janmanaḥ phalam

Despair dwelt constantly in that king's mind, for the birth of a man without a son bears no fruit.

Verse 15 (padma.6.41.15)

अपुत्रस्य गृहं शून्यं हृदयं दुःखितं सदा । पितृदेवमनुष्याणां नानृणत्वं सुतं विना

aputrasya gṛhaṁ śūnyaṁ hṛdayaṁ duḥkhitaṁ sadā pitṛdevamanuṣyāṇāṁ nānṛṇatvaṁ sutaṁ vinā

The home of the sonless is empty, his heart forever sorrowful; without a son, one is never freed from the debt owed to ancestors, gods, and men.

Verse 16 (padma.6.41.16)

तस्मात्सर्वप्रयत्नेन सुतमुत्पादयेन्नरः । इह लोके यशस्तेषां परलोके शुभा गतिः

tasmātsarvaprayatnena sutamutpādayennaraḥ iha loke yaśasteṣāṁ paraloke śubhā gatiḥ

Therefore a man should strive by every means to beget a son, for this brings fame in this world and an auspicious path in the next.

Verse 17 (padma.6.41.17)

येषां तु पुण्यकर्तॄणां पुत्रजन्मगृहे भवेत् । आयुरारोग्यसंपत्तिस्तेषां गेहे प्रवर्तते

yeṣāṁ tu puṇyakartṝṇāṁ putrajanmagṛhe bhavet āyurārogyasaṁpattisteṣāṁ gehe pravartate

In the homes of those meritorious souls where a son is born, longevity, health, and prosperity ever abide.

Verse 18 (padma.6.41.18)

पुत्रजन्म गृहे येषां लोकानां पुण्यकारिणाम् । पुण्यं विना न च प्राप्तिर्विष्णुभक्तिं विना नृप

putrajanma gṛhe yeṣāṁ lokānāṁ puṇyakāriṇām puṇyaṁ vinā na ca prāptirviṣṇubhaktiṁ vinā nṛpa

O king, in whose homes a son is born - that comes only through merit, and merit comes only through devotion to Vishnu.

Verse 19 (padma.6.41.19)

पुत्राश्च संपदो वापि निश्चयादिति मे मतिः । एवं विचिंत्यमानोऽसौ न शर्म लभते नृपः

putrāśca saṁpado vāpi niścayāditi me matiḥ evaṁ viciṁtyamāno'sau na śarma labhate nṛpaḥ

'Whether sons or riches, both come only through destiny' - thinking so, still that king found no peace.

Verse 20 (padma.6.41.20)

प्रत्यूषे चिंतयद्राजा निशीथे चिंतयत्ततः । स्वयमात्मविनाशं च चिंतयामास केतुमान्

pratyūṣe ciṁtayadrājā niśīthe ciṁtayattataḥ svayamātmavināśaṁ ca ciṁtayāmāsa ketumān

The king brooded at dawn and again at midnight; at last Suketuman even contemplated ending his own life.

Verse 21 (padma.6.41.21)

आत्मघाते दुर्गतिं च चिंतयित्वा तदा नृपः । दृष्ट्वात्मदेहं पतितमपुत्रत्वं तथैव च

ātmaghāte durgatiṁ ca ciṁtayitvā tadā nṛpaḥ dṛṣṭvātmadehaṁ patitamaputratvaṁ tathaiva ca

Then, reflecting on the wretched fate that follows self-destruction, and beholding his own fallen body and his sonlessness,

Verse 22 (padma.6.41.22)

पुनर्विचार्यात्मबुद्ध्या आत्मनो हितकारणम् । अश्वारूढस्ततो राजा जगाम गहनं वनम्

punarvicāryātmabuddhyā ātmano hitakāraṇam aśvārūḍhastato rājā jagāma gahanaṁ vanam

reconsidering once more with his own wisdom what was truly good for him, the king mounted his horse and rode into the dense forest.

Verse 23 (padma.6.41.23)

पुरोहितादयः सर्वे न जानंति गतं नृपम् । गंभीरे विपिने राजा मृगपक्षिनिषेविते

purohitādayaḥ sarve na jānaṁti gataṁ nṛpam gaṁbhīre vipine rājā mṛgapakṣiniṣevite

None among the priests or others knew that the king had gone. The king entered that deep forest, thronged with beasts and birds.

Verse 24 (padma.6.41.24)

विचचार तदा राजा वनवृक्षान्विलोकयन् । वटानश्वत्थबिल्वांश्च खर्जूरान्पनसांस्तथा

vicacāra tadā rājā vanavṛkṣānvilokayan vaṭānaśvatthabilvāṁśca kharjūrānpanasāṁstathā

Wandering in the forest, the king gazed upon its trees - banyan, peepal, bilva, date-palm and jackfruit,

Verse 25 (padma.6.41.25)

बकुलान्सप्तपर्णांश्च तिंदुकांस्तिलकानपि । शालांस्तालांस्तमालांश्च ददर्श सरलान्नृपः

bakulānsaptaparṇāṁśca tiṁdukāṁstilakānapi śālāṁstālāṁstamālāṁśca dadarśa saralānnṛpaḥ

bakula, saptaparna, tinduka and tilaka trees; the king also beheld sala, tala, tamala and sarala trees.

Verse 26 (padma.6.41.26)

इंगुदी ककुभांश्चैव श्लेष्मातकनगांस्तथा । शल्लकान्करमर्दांश्च पाटलान्बदरानपि

iṁgudī kakubhāṁścaiva śleṣmātakanagāṁstathā śallakānkaramardāṁśca pāṭalānbadarānapi

There too were ingudi, kakubha and shleshmataka trees; he saw shallaki, karamarda, patala and badara trees as well.

Verse 27 (padma.6.41.27)

अशोकांश्च पलाशांश्च शृगालाञ्शशकानपि । वनमार्जारमहिषान्शल्लकांश्चमरानपि

aśokāṁśca palāśāṁśca śṛgālāñśaśakānapi vanamārjāramahiṣānśallakāṁścamarānapi

He saw ashoka and palasha trees, jackals and hares too, along with wild cats, buffaloes, porcupines and yaks.

Verse 28 (padma.6.41.28)

ददर्श भुजगान्राजा वल्मीकादर्द्धनिःसृतान् । तथा वनगजान् मत्तान् कलभैः सह संगतान्

dadarśa bhujagānrājā valmīkādarddhaniḥsṛtān tathā vanagajān mattān kalabhaiḥ saha saṁgatān

The king saw serpents half-emerged from anthills, and wild elephants in rut roaming together with their young.

Verse 29 (padma.6.41.29)

यूथपांश्च चतुर्दंतान्करिणीयूथमध्यगान् । तान्दृष्ट्वा चिंतयामास आत्मनः स गजान्नृपः

yūthapāṁśca caturdaṁtānkariṇīyūthamadhyagān tāndṛṣṭvā ciṁtayāmāsa ātmanaḥ sa gajānnṛpaḥ

Seeing four-tusked herd-leaders moving amid herds of female elephants, the king was reminded of his own royal elephants.

Verse 30 (padma.6.41.30)

तेषां स विचरन्मध्ये राजा शोभामवाप ह । महदाश्चर्यसंयुक्तं ददृशे विपिनं नृपः

teṣāṁ sa vicaranmadhye rājā śobhāmavāpa ha mahadāścaryasaṁyuktaṁ dadṛśe vipinaṁ nṛpaḥ

Wandering among them, the king took on a strange radiance; he beheld a forest filled with great wonder.

Verse 31 (padma.6.41.31)

मार्गे शिवारुतान्शृण्वन्नुलूकविरुतं तथा । तांस्तानृक्षमृगान्पश्यन्बभ्राम वनमध्यतः

mārge śivārutānśṛṇvannulūkavirutaṁ tathā tāṁstānṛkṣamṛgānpaśyanbabhrāma vanamadhyataḥ

On the path, hearing the cries of jackals and the hoot of owls, and seeing bears and deer here and there, the king wandered through the forest's midst.

Verse 32 (padma.6.41.32)

एवं ददर्श गहनं नृपो मध्यगते रवौ । क्षुत्तृड्भ्यां पीडितो राजा इतश्चेतश्च धावति

evaṁ dadarśa gahanaṁ nṛpo madhyagate ravau kṣuttṛḍbhyāṁ pīḍito rājā itaścetaśca dhāvati

Thus, as the sun reached its zenith, the king went on seeing the dense forest; tormented by hunger and thirst, he ran here and there.

Verse 33 (padma.6.41.33)

नृपतिश्चिंतयामास संशुष्कगलकंधरः । मया तु किं कृतं कर्म प्राप्तं दुःखं यदीदृशम्

nṛpatiściṁtayāmāsa saṁśuṣkagalakaṁdharaḥ mayā tu kiṁ kṛtaṁ karma prāptaṁ duḥkhaṁ yadīdṛśam

With his throat and palate utterly parched, the king thought: what deed have I done, that such suffering should befall me?

Verse 34 (padma.6.41.34)

मया वै तोषिता देवा यज्ञैः पूजाभिरेव च । तथैव ब्राह्मणा दानैस्तोषिता मिष्टभोजनैः

mayā vai toṣitā devā yajñaiḥ pūjābhireva ca tathaiva brāhmaṇā dānaistoṣitā miṣṭabhojanaiḥ

I have satisfied the gods with sacrifices and worship, and likewise satisfied the brahmins with gifts and sweet food.

Verse 35 (padma.6.41.35)

प्रजाश्चैव सदा कालं पुत्रवत्पालिता भृशम् । कस्माद्दुःखं मया प्राप्तमीदृशं दारुणं महत्

prajāścaiva sadā kālaṁ putravatpālitā bhṛśam kasmādduḥkhaṁ mayā prāptamīdṛśaṁ dāruṇaṁ mahat

I have always cherished my subjects as my own children - then why has such terrible, great suffering come upon me?

Verse 36 (padma.6.41.36)

इति चिंतापरो राजा जगामैवाग्रतो वनम् । सुकृतस्य प्रभावेन सरो दृष्टमनुत्तमम्

iti ciṁtāparo rājā jagāmaivāgrato vanam sukṛtasya prabhāvena saro dṛṣṭamanuttamam

Thus lost in thought, the king went further into the forest; by the power of his own merit, he beheld a lake of surpassing beauty.

Verse 37 (padma.6.41.37)

मीनसंस्पर्शमानं च पद्मैश्चापरशोभितम् । कारंडैश्चक्रवाकैश्च राजहंसैश्च शोभितम्

mīnasaṁsparśamānaṁ ca padmaiścāparaśobhitam kāraṁḍaiścakravākaiśca rājahaṁsaiśca śobhitam

That lake stirred with the touch of fish and was adorned with lotuses; it was graced too with karandava birds, chakravakas, and royal swans.

Verse 38 (padma.6.41.38)

मकरैर्बहुभिर्मत्स्यैरन्यैर्जलचरैर्युतम् । समीपे सरसस्तस्य मुनीनामाश्रमान्बहून्

makarairbahubhirmatsyairanyairjalacarairyutam samīpe sarasastasya munīnāmāśramānbahūn

It teemed with many crocodiles, fish, and other water-creatures; near that lake the king saw the hermitages of many sages.

Verse 39 (padma.6.41.39)

ददर्श राजा लक्ष्मीवान्शकुनैः शुभशंसिभिः । दक्षिणं प्रास्फुरन्नेत्रमथ सव्येतरः करः

dadarśa rājā lakṣmīvānśakunaiḥ śubhaśaṁsibhiḥ dakṣiṇaṁ prāsphurannetramatha savyetaraḥ karaḥ

The fortunate king saw birds bearing auspicious omens; his right eye and his right hand began to throb.

Verse 40 (padma.6.41.40)

प्रास्फुरन्नृपतेस्तस्य कथयञ्शोभनं फलम् । तस्य तीरे मुनीन्दृष्ट्वा कुर्वाणन्नैगमं जपम्

prāsphurannṛpatestasya kathayañśobhanaṁ phalam tasya tīre munīndṛṣṭvā kurvāṇannaigamaṁ japam

That throbbing foretold a favorable outcome for the king; on the shore of that lake he saw sages engaged in Vedic recitation.

Verse 41 (padma.6.41.41)

हर्षेण महताविष्टो बभूव नृपनंदनः । अवतीर्य हयात्तस्मान्मुनीनामग्रतः स्थितः

harṣeṇa mahatāviṣṭo babhūva nṛpanaṁdanaḥ avatīrya hayāttasmānmunīnāmagrataḥ sthitaḥ

The king was overcome with great joy; dismounting from his horse, he came and stood before those sages.

Verse 42 (padma.6.41.42)

पृथक्पृथग्ववंदेऽसौ मुनींस्तान्शंसितव्रतान् । कृतांजलिपुटो भूत्वा दंडवच्च पुनः पुनः

pṛthakpṛthagvavaṁde'sau munīṁstānśaṁsitavratān kṛtāṁjalipuṭo bhūtvā daṁḍavacca punaḥ punaḥ

With joined palms he bowed again and again, prostrating like a rod, saluting each of those sages of accomplished vows in turn.

Verse 43 (padma.6.41.43)

प्रत्यूचुस्तेऽपि मुनयः प्रसन्ना नृपते वयम् । राजोवाच- के भवंतोऽत्र कथ्यंतां का चाख्या भवतामपि । किमर्थं संगता यूयं सत्यं वदत मेऽग्रतः

pratyūcuste'pi munayaḥ prasannā nṛpate vayam rājovāca- ke bhavaṁto'tra kathyaṁtāṁ kā cākhyā bhavatāmapi kimarthaṁ saṁgatā yūyaṁ satyaṁ vadata me'grataḥ

Those sages, pleased, replied: 'We are content, O king.' The king said: 'Who are you here - tell me, and what is your name? Why have you gathered here? Speak the truth before me.'

Verse 44 (padma.6.41.44)

मुनय ऊचुः- विश्वेदेवा वयं राजन्स्नानार्थमिह चागताः । माघो निकटमायात एतस्मात्पंचमेऽहनि

munaya ūcuḥ- viśvedevā vayaṁ rājansnānārthamiha cāgatāḥ māgho nikaṭamāyāta etasmātpaṁcame'hani

The sages said: 'O king, we are the Vishvedevas, come here to bathe. Five days from now, the month of Magha draws near.'

Verse 45 (padma.6.41.45)

अद्य चैकादशी राजन्पुत्रदा नाम नामतः । पुत्रं ददात्यसौ विष्णुः पुत्रदा कारिणां नृणाम्

adya caikādaśī rājanputradā nāma nāmataḥ putraṁ dadātyasau viṣṇuḥ putradā kāriṇāṁ nṛṇām

'This very day, O king, is the Ekadashi named Putrada; to those who observe it, Vishnu grants a son.'

Verse 46 (padma.6.41.46)

राजोवाच- एष वै संशयो मह्यं पुत्रस्योत्पादने महान् । यदि तुष्टा भवंतो वै पुत्रं मे दीयतां तदा

rājovāca- eṣa vai saṁśayo mahyaṁ putrasyotpādane mahān yadi tuṣṭā bhavaṁto vai putraṁ me dīyatāṁ tadā

The king said: 'I carry a great doubt about ever obtaining a son. If you are pleased with me, then grant me a son.'

Verse 47 (padma.6.41.47)

मुनिरुवाच- अद्यैव दिवसे राजन्पुत्रदा नाम वर्तते । एकादशीति विख्यातं क्रियतां व्रतमुत्तमम्

muniruvāca- adyaiva divase rājanputradā nāma vartate ekādaśīti vikhyātaṁ kriyatāṁ vratamuttamam

The sage said: 'O king, this very day is named Putrada, known as Ekadashi; perform this most excellent vow.'

Verse 48 (padma.6.41.48)

अभिषेकात्ततोऽस्माकं केशवस्य प्रसादतः । अवश्यं तव राजेंद्र पुत्रप्राप्तिर्भविष्यति

abhiṣekāttato'smākaṁ keśavasya prasādataḥ avaśyaṁ tava rājeṁdra putraprāptirbhaviṣyati

'Then, after our bathing rite, by the grace of Keshava, O lord of kings, you shall surely obtain a son.'

Verse 49 (padma.6.41.49)

इत्येवं वचनात्तेषां कृतं राज्ञा व्रतोत्तमम् । मुनीनामुपदेशेन पुत्रदा या विधानतः

ityevaṁ vacanātteṣāṁ kṛtaṁ rājñā vratottamam munīnāmupadeśena putradā yā vidhānataḥ

At their word, the king observed that supreme Putrada vow, according to the sages' instruction and its due rite.

Verse 50 (padma.6.41.50)

द्वादश्यां पारणं कृत्वा मुनीन्नत्वा पुनः पुनः । आजगाम गृहं राजा राज्ञी गर्भमथादधौ

dvādaśyāṁ pāraṇaṁ kṛtvā munīnnatvā punaḥ punaḥ ājagāma gṛhaṁ rājā rājñī garbhamathādadhau

Having broken the fast on Dvadashi and bowed again and again to the sages, the king returned home, and the queen then conceived.

Verse 51 (padma.6.41.51)

पुत्रो जातः सूतिकाले तेजस्वी पुण्यकर्मणा । पितरं तोषयामास प्रजापालो बभूव सः

putro jātaḥ sūtikāle tejasvī puṇyakarmaṇā pitaraṁ toṣayāmāsa prajāpālo babhūva saḥ

At the time of delivery a radiant son was born, the fruit of pious deeds; he brought joy to his father and became protector of his people.

Verse 52 (padma.6.41.52)

तस्माद्राजन्प्रकर्त्तव्यं पुत्रदा व्रतमुत्तमम् । लोकानां तु हितार्थाय तवाग्रे कथितं मया

tasmādrājanprakarttavyaṁ putradā vratamuttamam lokānāṁ tu hitārthāya tavāgre kathitaṁ mayā

Therefore, O king, this excellent vow named Putrada should surely be observed; I have told it to you for the welfare of the people.

Verse 53 (padma.6.41.53)

एकचित्तास्तु ये मर्त्याः कुर्वंति पुत्रदा व्रतम् । पुत्रान्प्राप्येह लोके तु मृतास्ते स्वर्गगामिनः । पठनाच्छ्रवणाद्राजन्नग्निष्टोमफलं लभेत्

ekacittāstu ye martyāḥ kurvaṁti putradā vratam putrānprāpyeha loke tu mṛtāste svargagāminaḥ paṭhanācchravaṇādrājannagniṣṭomaphalaṁ labhet

Mortals who observe the Putrada vow with single-minded devotion obtain sons in this world and, upon death, go to heaven; merely by reading or hearing it, one attains the fruit of the Agnishtoma sacrifice.