Amalaki Ekadashi of Phalguna Shukla

Verse 1 (padma.6.45.1)

श्रीकृष्ण उवाच- माहात्म्यं विजयायाश्च श्रुतं कृष्ण महत्फलम् । फाल्गुनस्यार्जुने पक्षे यन्नाम्नी तां वदाधुना

śrīkṛṣṇa uvāca- māhātmyaṁ vijayāyāśca śrutaṁ kṛṣṇa mahatphalam phālgunasyārjune pakṣe yannāmnī tāṁ vadādhunā

Sri Krishna said: The glory of Vijaya, whose fruit is great, has now been heard, O Krishna [Arjuna]. Now tell me the name of the Ekadashi that falls in the bright fortnight of Phalguna.

Verse 2 (padma.6.45.2)

श्रीकृष्ण उवाच-। धर्मपुत्र महाभाग शृणु वक्ष्यामितेऽधुना । योक्ता पृष्टेन मांधात्रा वसिष्ठेन महात्मना

śrīkṛṣṇa uvāca- dharmaputra mahābhāga śṛṇu vakṣyāmite'dhunā yoktā pṛṣṭena māṁdhātrā vasiṣṭhena mahātmanā

Sri Krishna said: O fortunate son of Dharma, listen, I shall now tell you what King Mandhata once obtained by asking the great sage Vasishtha.

Verse 3 (padma.6.45.3)

फाल्गुनस्य विशेषेण विशेषः कथितो नृप । आमलकीव्रतं पुण्यं विष्णुलोकफलप्रदम्

phālgunasya viśeṣeṇa viśeṣaḥ kathito nṛpa āmalakīvrataṁ puṇyaṁ viṣṇulokaphalapradam

O king, the special Ekadashi of Phalguna has been specially described. The Amalaki vow is meritorious and bestows the fruit of Vishnu's own realm.

Verse 4 (padma.6.45.4)

आमलक्यास्तले गत्वा जागरं तत्र कारयेत् । कृत्वा जागरणं रात्रौ गोसहस्रफलं लभेत्

āmalakyāstale gatvā jāgaraṁ tatra kārayet kṛtvā jāgaraṇaṁ rātrau gosahasraphalaṁ labhet

One should go to the foot of the amalaki tree and keep vigil there through the night. By keeping that night-vigil, one obtains the fruit of donating a thousand cows.

Verse 5 (padma.6.45.5)

मांधातोवाच - आमलकी कदा ह्येषा उत्पन्ना द्विजसत्तम । एतत्सर्वं ममाचक्ष्व परं कौतूहलं हि मे

māṁdhātovāca - āmalakī kadā hyeṣā utpannā dvijasattama etatsarvaṁ mamācakṣva paraṁ kautūhalaṁ hi me

Mandhata said: O best of the twice-born, when did this amalaki tree first come into being? Tell me all of this, for I am filled with deep curiosity.

Verse 6 (padma.6.45.6)

कस्मादियं पवित्रा च कस्मात्पापप्रणाशिनी । कस्माज्जागरणं कृत्वा गोसहस्रफलं लभेत्

kasmādiyaṁ pavitrā ca kasmātpāpapraṇāśinī kasmājjāgaraṇaṁ kṛtvā gosahasraphalaṁ labhet

For what reason is it sacred, for what reason does it destroy sins? For what reason does keeping vigil beneath it grant the fruit of a thousand cows?

Verse 7 (padma.6.45.7)

वसिष्ठ उवाच- कथयामि महाभाग यथेयमभवत्क्षितौ । आमलकी महावृक्षः सर्वपापप्रणाशनः

vasiṣṭha uvāca- kathayāmi mahābhāga yatheyamabhavatkṣitau āmalakī mahāvṛkṣaḥ sarvapāpapraṇāśanaḥ

Vasishtha said: O fortunate one, I shall tell how this came to be upon the earth. Amalaki is a great tree, the destroyer of all sins.

Verse 8 (padma.6.45.8)

एकार्णवे पुरा जाते नष्टे स्थावरजंगमे । नष्टे देवासुरगणे प्रणष्टोरगराक्षसे

ekārṇave purā jāte naṣṭe sthāvarajaṁgame naṣṭe devāsuragaṇe praṇaṣṭoragarākṣase

Long ago, when there remained but a single ocean, when all moving and unmoving beings had perished, when the hosts of gods and demons had perished, and the serpents and rakshasas too had perished,

Verse 9 (padma.6.45.9)

तत्र देवादिदेवेशः परमात्मा सनातनः । जगाम ब्रह्मपरममात्मनः पदमव्ययम्

tatra devādideveśaḥ paramātmā sanātanaḥ jagāma brahmaparamamātmanaḥ padamavyayam

then the Lord of the gods of gods, the eternal Supreme Self, withdrew into the imperishable, supreme state of Brahman.

Verse 10 (padma.6.45.10)

ततोऽस्य जाग्रतो ब्रह्ममुखाच्छशिसमप्रभः । ष्ठीवनाद्बिंदुरुत्पन्नः स भूमौ निपपात ह

tato'sya jāgrato brahmamukhācchaśisamaprabhaḥ ṣṭhīvanādbiṁdurutpannaḥ sa bhūmau nipapāta ha

Then, as he awakened, from his mouth there fell, in the form of spittle, a drop radiant as the moon, and it dropped upon the earth.

Verse 11 (padma.6.45.11)

तस्माद्बिंदोः समुत्पन्नः स्वयं धात्री नगो महान् । शाखाप्रशाखाबहुलः फलभारेण नामितः

tasmādbiṁdoḥ samutpannaḥ svayaṁ dhātrī nago mahān śākhāpraśākhābahulaḥ phalabhāreṇa nāmitaḥ

From that drop there sprang up of itself a great tree, the dhatri (amalaki), abundant with branches and sub-branches, bent low under the weight of its fruit.

Verse 12 (padma.6.45.12)

सर्वेषां चैव वृक्षाणामादिरोहः प्रकीर्तितः । ब्रह्मणाथ ततः पश्चात्संसृष्टाश्च इमाः प्रजाः

sarveṣāṁ caiva vṛkṣāṇāmādirohaḥ prakīrtitaḥ brahmaṇātha tataḥ paścātsaṁsṛṣṭāśca imāḥ prajāḥ

This is proclaimed to be the very first tree to have grown among all trees. After this, Brahma created all these creatures -

Verse 13 (padma.6.45.13)

देवदानवगंधर्वयक्षराक्षसपन्नगान् । असृजद्भगवान्देवो महर्षींश्च तथामलान्

devadānavagaṁdharvayakṣarākṣasapannagān asṛjadbhagavāndevo maharṣīṁśca tathāmalān

gods, demons, gandharvas, yakshas, rakshasas and serpents; the Lord God also created the pure great sages.

Verse 14 (padma.6.45.14)

आजग्मुस्तत्र देवास्ते यत्र धात्री हरिप्रिया । तां दृष्ट्वा ते महाभाग परं विस्मयमागताः

ājagmustatra devāste yatra dhātrī haripriyā tāṁ dṛṣṭvā te mahābhāga paraṁ vismayamāgatāḥ

Those gods came to the place where the dhatri, beloved of Hari, stood. O fortunate one, beholding it they were filled with the greatest wonder.

Verse 15 (padma.6.45.15)

न जानीम इमं वृक्षं चिंतयंतोऽभिसंस्थिताः । एवं चिंतयतां तेषां वागुवाचाशरीरिणी

na jānīma imaṁ vṛkṣaṁ ciṁtayaṁto'bhisaṁsthitāḥ evaṁ ciṁtayatāṁ teṣāṁ vāguvācāśarīriṇī

'We do not know this tree' - thinking so, they stood there. As they pondered thus, a disembodied voice spoke -

Verse 16 (padma.6.45.16)

आमलकी नगो ह्येष प्रवरो वैष्णवो मतः । अस्य संस्मरणादेव लभेद्गोदानजं फलम्

āmalakī nago hyeṣa pravaro vaiṣṇavo mataḥ asya saṁsmaraṇādeva labhedgodānajaṁ phalam

'This is the amalaki tree, held to be the most excellent among Vishnu's own; by merely remembering it, one obtains the fruit of the gift of a cow.

Verse 17 (padma.6.45.17)

स्पर्शनाद्द्विगुणं पुण्यं त्रिगुणं धारणात्तथा । तस्मात्सर्वप्रयत्नेन सेव्या आमलकी सदा

sparśanāddviguṇaṁ puṇyaṁ triguṇaṁ dhāraṇāttathā tasmātsarvaprayatnena sevyā āmalakī sadā

By touching it, double the merit is obtained, and by wearing [its leaves or fruit], triple the merit. Therefore the amalaki should always be attended to with every effort.

Verse 18 (padma.6.45.18)

सर्वपापहरा प्रोक्ता वैष्णवी पापनाशिनी । तस्या मूले स्थितो विष्णुस्तदूर्ध्वे च पितामहः

sarvapāpaharā proktā vaiṣṇavī pāpanāśinī tasyā mūle sthito viṣṇustadūrdhve ca pitāmahaḥ

This Vaishnava tree is said to remove all sin and destroy every wrongdoing. At its root dwells Vishnu, and above that the grandsire Brahma.

Verse 19 (padma.6.45.19)

स्कंधे च भगवान्रुद्रः संस्थितः परमेश्वरः । शाखासु मुनयः सर्वे प्रशाखासु च देवताः

skaṁdhe ca bhagavānrudraḥ saṁsthitaḥ parameśvaraḥ śākhāsu munayaḥ sarve praśākhāsu ca devatāḥ

Upon its trunk sits the Lord, the supreme god Rudra; upon its branches dwell all the sages, and upon its sub-branches, the gods.

Verse 20 (padma.6.45.20)

पर्णेषु चासते देवाः पुष्पेषु मरुतस्तथा । प्रजानां पतयः सर्वे फलेष्वेव व्यवस्थिताः

parṇeṣu cāsate devāḥ puṣpeṣu marutastathā prajānāṁ patayaḥ sarve phaleṣveva vyavasthitāḥ

Upon its leaves dwell the gods, and upon its blossoms the Maruts; and upon all its fruits the lords of creatures (Prajapatis) abide.

Verse 21 (padma.6.45.21)

सर्वदेवमयी ह्येषा धात्री च कथिता मया । तस्मात्पूज्यतमा ह्येषा विष्णुभक्तिपरायणैः

sarvadevamayī hyeṣā dhātrī ca kathitā mayā tasmātpūjyatamā hyeṣā viṣṇubhaktiparāyaṇaiḥ

This dhatri is thus declared to be filled with the presence of all the gods. For this reason it is most worthy of worship among those devoted to Vishnu's bhakti.

Verse 22 (padma.6.45.22)

ऋषय ऊचुः - को भवान्न हि जानीमः कस्मात्कारणतां गतः । देवो वा यदि वा चान्यः कथयस्व यथातथम्

ṛṣaya ūcuḥ - ko bhavānna hi jānīmaḥ kasmātkāraṇatāṁ gataḥ devo vā yadi vā cānyaḥ kathayasva yathātatham

The sages said: We do not know who you are; for what reason have you appeared here? Whether you are a god or something else - tell us this truly.

Verse 23 (padma.6.45.23)

वागुवाच - यः कर्ता सर्वभूतानां भुवनानां च सर्वशः । विस्मितान्विदुषः प्रेक्ष्य सोऽहं विष्णुः सनातनः

vāguvāca - yaḥ kartā sarvabhūtānāṁ bhuvanānāṁ ca sarvaśaḥ vismitānviduṣaḥ prekṣya so'haṁ viṣṇuḥ sanātanaḥ

The Voice said: I who am the creator of all beings and of all worlds - beholding these learned ones astonished, I am that same eternal Vishnu.

Verse 24 (padma.6.45.24)

तच्छ्रुत्वा देवदेवस्य भाषितं ब्रह्मणः सुताः । अनादिनिधनं देवं स्तोतुं तत्र प्रचक्रमुः

tacchrutvā devadevasya bhāṣitaṁ brahmaṇaḥ sutāḥ anādinidhanaṁ devaṁ stotuṁ tatra pracakramuḥ

Having heard these words of the God of gods, those sons of Brahma began there to praise that god without beginning or end.

Verse 25 (padma.6.45.25)

नमो भूतात्मभूताय आत्मने परमात्मने । अच्युताय नमो नित्यमनंताय नमो नमः

namo bhūtātmabhūtāya ātmane paramātmane acyutāya namo nityamanaṁtāya namo namaḥ

'Salutations to him who is the very self of all beings, the Self, the Supreme Self; salutations forever to the Unfallen One, salutations again and again to the Infinite.'

Verse 26 (padma.6.45.26)

दामोदराय कवये यज्ञेशाय नमो नमः । एवं स्तुतस्तु ऋषिभिस्तुतोष भगवान्हरिः

dāmodarāya kavaye yajñeśāya namo namaḥ evaṁ stutastu ṛṣibhistutoṣa bhagavānhariḥ

'Salutations again and again to Damodara, the poet-seer, the Lord of sacrifice.' Being thus praised by the sages, the Blessed Lord Hari was pleased.

Verse 27 (padma.6.45.27)

प्रत्युवाच महर्षींस्तानभीष्टं किं ददामि वः । ऋषय ऊचुः यदि तुष्टोऽसि भगवन्नस्माकं हितकाम्यया

pratyuvāca maharṣīṁstānabhīṣṭaṁ kiṁ dadāmi vaḥ ṛṣaya ūcuḥ yadi tuṣṭo'si bhagavannasmākaṁ hitakāmyayā

He replied to those great sages: what do you desire, what shall I grant you? The sages said: O Lord, if you are pleased and wish our welfare,

Verse 28 (padma.6.45.28)

व्रतं किंचित्समाख्याहि स्वर्गमोक्षफलप्रदम् । धनधान्यप्रदं पुण्यमात्मनस्तुष्टिकारकम्

vrataṁ kiṁcitsamākhyāhi svargamokṣaphalapradam dhanadhānyapradaṁ puṇyamātmanastuṣṭikārakam

then tell us some vow that grants both the fruit of heaven and liberation - one that bestows wealth and grain, is meritorious, and brings contentment to the soul.

Verse 29 (padma.6.45.29)

अल्पायासं बहुफलं व्रतानामुत्तमं व्रतम् । कृतेन येन देवेश विष्णुलोके महीयते

alpāyāsaṁ bahuphalaṁ vratānāmuttamaṁ vratam kṛtena yena deveśa viṣṇuloke mahīyate

One that requires little effort but yields abundant fruit, the best among all vows, by observing which, O lord of gods, one is honored in the realm of Vishnu.

Verse 30 (padma.6.45.30)

विष्णुरुवाच- फाल्गुने शुक्लपक्षे तु पुष्येण द्वादशी यदि । भवेत्सा च महापुण्या महापातकनाशिनी

viṣṇuruvāca- phālgune śuklapakṣe tu puṣyeṇa dvādaśī yadi bhavetsā ca mahāpuṇyā mahāpātakanāśinī

Vishnu said: If in the bright fortnight of Phalguna the Dvadashi falls under the Pushya nakshatra, then it becomes exceedingly meritorious and destroys the gravest of sins.

Verse 31 (padma.6.45.31)

विशेषस्तत्र कर्त्तव्यः शृणुध्वं द्विजसत्तमाः । आमलकीं च संप्राप्य जागरं तत्र कारयेत्

viśeṣastatra karttavyaḥ śṛṇudhvaṁ dvijasattamāḥ āmalakīṁ ca saṁprāpya jāgaraṁ tatra kārayet

On that day there is a special observance - listen, O best of the twice-born. Having found an amalaki tree, one should keep vigil beneath it through the night.

Verse 32 (padma.6.45.32)

सर्वपापविनिर्मुक्तो गोसहस्रफलं लभेत् । एतद्वः कथितं विप्रा व्रतानां व्रतमुत्तमम् । अर्चयित्वाच्युतं तस्यां विष्णुलोकान्न मुच्यते

sarvapāpavinirmukto gosahasraphalaṁ labhet etadvaḥ kathitaṁ viprā vratānāṁ vratamuttamam arcayitvācyutaṁ tasyāṁ viṣṇulokānna mucyate

By this a man, freed from all sins, obtains the fruit of donating a thousand cows. O brahmins, I have told you this, the best among vows; one who worships Achyuta on that day is never released from Vishnu's realm [that is, never returns from it].

Verse 33 (padma.6.45.33)

ऋषय ऊचुः - व्रतस्यास्य विधिं ब्रूहि परिपूर्णं कथं भवेत् । के मंत्राः के नमस्काराः देवता का प्रकीर्तिता

ṛṣaya ūcuḥ - vratasyāsya vidhiṁ brūhi paripūrṇaṁ kathaṁ bhavet ke maṁtrāḥ ke namaskārāḥ devatā kā prakīrtitā

The sages said: Tell us the complete rite of this vow. What are its mantras, what are its salutations, and which deity is it dedicated to?

Verse 34 (padma.6.45.34)

कथं दानं कथं स्नानं कश्च पूजाविधिः स्मृतः । अर्घार्चनस्य मंत्रं तु कथयस्व यथातथम्

kathaṁ dānaṁ kathaṁ snānaṁ kaśca pūjāvidhiḥ smṛtaḥ arghārcanasya maṁtraṁ tu kathayasva yathātatham

How should one give charity, how should one bathe, what is the rite of worship held to be? Tell us also the mantra for arghya and worship, exactly as it is.

Verse 35 (padma.6.45.35)

विष्णुरुवाच- श्रूयतां यो विधिः सम्यग्व्रतस्यास्य द्विजर्षभाः । एकादश्यां निराहारः स्थित्वा चैव परेऽहनि

viṣṇuruvāca- śrūyatāṁ yo vidhiḥ samyagvratasyāsya dvijarṣabhāḥ ekādaśyāṁ nirāhāraḥ sthitvā caiva pare'hani

Vishnu said: O bulls among brahmins, listen to the proper rite of this vow. Remaining without food on Ekadashi, and on the following day,

Verse 36 (padma.6.45.36)

भोक्ष्येऽहं पुंडरीकाक्ष शरणं मे भवाच्युत । इति कृत्वा तु नियमं दंतधावनपूर्वकम्

bhokṣye'haṁ puṁḍarīkākṣa śaraṇaṁ me bhavācyuta iti kṛtvā tu niyamaṁ daṁtadhāvanapūrvakam

[one should vow:] 'O lotus-eyed one, I shall eat; O Achyuta, be my refuge' - taking this vow, and having first cleansed the teeth,

Verse 37 (padma.6.45.37)

नालपेत्पतितांश्चौरांस्तथा पाषंडिनो नरान् । दुर्वृत्तान्भिन्नमर्यादान्गुरुदारप्रधर्षकान्

nālapetpatitāṁścaurāṁstathā pāṣaṁḍino narān durvṛttānbhinnamaryādāngurudārapradharṣakān

one should not converse with fallen persons, thieves, hypocrites, the ill-behaved, those who transgress propriety, or those who violate their teacher's wife.

Verse 38 (padma.6.45.38)

अपराह्णे ततः स्नानं विधिना कारयेद्बुधः । नद्यां तडागे कूपे वा गृहे वा नियतात्मवान्

aparāhṇe tataḥ snānaṁ vidhinā kārayedbudhaḥ nadyāṁ taḍāge kūpe vā gṛhe vā niyatātmavān

Then the wise person should bathe duly in the afternoon - in a river, a pond, a well, or, with a restrained mind, even at home.

Verse 39 (padma.6.45.39)

मृत्तिकालंभनं पूर्वं ततः स्नानं च कारयेत् । अश्वक्रांते रथक्रांते विष्णुक्रांते वसुंधरे

mṛttikālaṁbhanaṁ pūrvaṁ tataḥ snānaṁ ca kārayet aśvakrāṁte rathakrāṁte viṣṇukrāṁte vasuṁdhare

First one should take hold of clay and then bathe - [reciting:] 'O earth trodden by the horse's hoof, by the chariot's wheel, and by Vishnu's stride,

Verse 40 (padma.6.45.40)

मृत्तिके हर मे पापं यन्मया दुष्कृतं कृतम्

mṛttike hara me pāpaṁ yanmayā duṣkṛtaṁ kṛtam

O clay, take away that sin of mine which I have done through evil deeds.' This is the mantra for the clay.

Verse 41 (padma.6.45.41)

इति मृत्तिकामंत्रः । त्वमंबु सर्वभूतानां जीवनं तनुरक्षकम् । स्वेदजोद्भिज्जजातीनां रसानां पतये नमः

iti mṛttikāmaṁtraḥ tvamaṁbu sarvabhūtānāṁ jīvanaṁ tanurakṣakam svedajodbhijjajātīnāṁ rasānāṁ pataye namaḥ

'O water, you are the life and the protector of the body of all beings; salutations to the lord of the essences of those born of sweat and of the earth.'

Verse 42 (padma.6.45.42)

स्नातोऽहं सर्वतीर्थेषु ह्रदप्रस्रवणेषु च । नदीषु देवखातेषु इदं स्नानं तु मे भवेत्

snāto'haṁ sarvatīrtheṣu hradaprasravaṇeṣu ca nadīṣu devakhāteṣu idaṁ snānaṁ tu me bhavet

'I have already bathed in all sacred waters, in all lakes and springs, in rivers and in divinely-made tanks - let this bathing of mine be equal to all of those.' This is the bathing mantra.

Verse 43 (padma.6.45.43)

इति स्नानमंत्रः । जामदग्न्यं मुनिं चैव कारयित्वा हिरण्मयम् । माषकस्य सुवर्णस्य तदर्द्धार्द्धेन वा पुनः

iti snānamaṁtraḥ jāmadagnyaṁ muniṁ caiva kārayitvā hiraṇmayam māṣakasya suvarṇasya tadarddhārddhena vā punaḥ

Then, having had a golden image of the sage Jamadagnya (Parashurama) made, of one masha of gold or of half or a quarter of that amount,

Verse 44 (padma.6.45.44)

गृहमागत्य पूजायाः पूजाहोमं तु कारयेत् । ततश्चामलकीं गच्छेत्सर्वोपस्करसंयुतः

gṛhamāgatya pūjāyāḥ pūjāhomaṁ tu kārayet tataścāmalakīṁ gacchetsarvopaskarasaṁyutaḥ

one should return home and perform the worship and its fire-offering. After that, one should go to the amalaki tree with all the necessary articles of worship.

Verse 45 (padma.6.45.45)

आमलकीं ततो गत्वा परिशोध्य समंततः । स्थापयेत्सततं कुंभमव्रणं मंत्रपूर्वकम्

āmalakīṁ tato gatvā pariśodhya samaṁtataḥ sthāpayetsatataṁ kuṁbhamavraṇaṁ maṁtrapūrvakam

Having gone to the amalaki and having thoroughly purified the ground all around it, an unblemished vessel should be set there firmly, with due mantra.

Verse 46 (padma.6.45.46)

पंचरत्नसमोपेतं दिव्यगंधाधिवासितम् । छत्रोपानद्युगोपेतं सितचंदनचर्चितम्

paṁcaratnasamopetaṁ divyagaṁdhādhivāsitam chatropānadyugopetaṁ sitacaṁdanacarcitam

It should be furnished with the five gems, perfumed with divine fragrance, accompanied by an umbrella and a pair of sandals, and anointed with white sandalwood.

Verse 47 (padma.6.45.47)

स्रग्दामलंबितग्रीवं सर्वधूपविधूपितम् । दीपमालाकुलं कुर्यात्सर्वतः सुमनोहरम्

sragdāmalaṁbitagrīvaṁ sarvadhūpavidhūpitam dīpamālākulaṁ kuryātsarvataḥ sumanoharam

A garland should hang about its neck; it should be scented with every kind of incense, surrounded by a garland of lamps, and made altogether most beautiful.

Verse 48 (padma.6.45.48)

तस्योपरि न्यसेत्पात्रं दिव्यलाजैः प्रपूरितम् । पात्रोपरि न्यसेद्देवं जामदग्न्यं महाप्रभम्

tasyopari nyasetpātraṁ divyalājaiḥ prapūritam pātropari nyaseddevaṁ jāmadagnyaṁ mahāprabham

Upon it should be placed a vessel filled with divine parched grain; upon that vessel should be established the radiant deity Jamadagnya.

Verse 49 (padma.6.45.49)

विशोकाय नमः पादौ जानुनी विश्वरूपिणे । उग्राय च ततोऽप्यूरू कटी दामोदराय च

viśokāya namaḥ pādau jānunī viśvarūpiṇe ugrāya ca tato'pyūrū kaṭī dāmodarāya ca

'Salutations to Vishoka, at the two feet; to the Universal Form, at the two knees; to the Fierce One, then at the two thighs; to Damodara, at the waist -

Verse 50 (padma.6.45.50)

उदरं पद्मनाभाय उरः श्रीवत्सधारिणे । चक्रिणे वामबाहुं च दक्षिणं गदिने नमः

udaraṁ padmanābhāya uraḥ śrīvatsadhāriṇe cakriṇe vāmabāhuṁ ca dakṣiṇaṁ gadine namaḥ

to Padmanabha, at the belly; to the bearer of Shrivatsa, at the chest; to the wielder of the discus, at the left arm; to the wielder of the mace, at the right arm.

Verse 51 (padma.6.45.51)

वैकुंठाय नमः कंठमास्यं यज्ञमुखाय वै । नासां विशोकनिधये वासुदेवाय चाक्षिणी

vaikuṁṭhāya namaḥ kaṁṭhamāsyaṁ yajñamukhāya vai nāsāṁ viśokanidhaye vāsudevāya cākṣiṇī

Salutations to Vaikuntha, at the throat; to the Lord whose face is sacrifice, at the mouth; to the treasury free of sorrow, at the nose; to Vasudeva, at both eyes -

Verse 52 (padma.6.45.52)

ललाटं वामनायेति रामायेति भ्रुवौ नमः । सर्वात्मने तु तच्छीर्षं नम इत्यभिपूजयेत्

lalāṭaṁ vāmanāyeti rāmāyeti bhruvau namaḥ sarvātmane tu tacchīrṣaṁ nama ityabhipūjayet

to Vamana, at the forehead; to Rama, at both eyebrows, salutations. Saying 'salutations to the Self of all,' at the head, this worship should be performed.'

Verse 53 (padma.6.45.53)

इति पूजामंत्रः । ततो देवाधिदेवाय अर्घं चैव प्रदापयेत् । फलेन चैव शुभ्रेण भक्तियुक्तेन चेतसा

iti pūjāmaṁtraḥ tato devādhidevāya arghaṁ caiva pradāpayet phalena caiva śubhreṇa bhaktiyuktena cetasā

This is the worship-mantra. Then arghya should be offered to the God of gods, with a devoted heart and together with pure fruit.

Verse 54 (padma.6.45.54)

ततो जागरणं कुर्याद्भक्तियुक्तेन चेतसा । नृत्यैर्गीतैश्च वादित्रैर्द्धर्माख्यानैः स्तवैरपि

tato jāgaraṇaṁ kuryādbhaktiyuktena cetasā nṛtyairgītaiśca vāditrairddharmākhyānaiḥ stavairapi

Thereafter, with a devoted heart, one should keep the night-vigil - with dance, song, music, tales of dharma, and hymns of praise,

Verse 55 (padma.6.45.55)

वैष्णवैश्च तथाख्यानैः क्षपयेत्सर्वशर्वरीम् । प्रदक्षिणां ततः कुर्याद्धात्र्या वै विष्णुनामभिः

vaiṣṇavaiśca tathākhyānaiḥ kṣapayetsarvaśarvarīm pradakṣiṇāṁ tataḥ kuryāddhātryā vai viṣṇunāmabhiḥ

and also with Vaishnava tales, the whole night should thus be spent. After that, one should circumambulate that dhatri while chanting the names of Vishnu,

Verse 56 (padma.6.45.56)

अष्टाधिकं शतं चैव अष्टाविंशतिरेव वा । ततः प्रभाते समये कृत्वा नीराजनं हरेः

aṣṭādhikaṁ śataṁ caiva aṣṭāviṁśatireva vā tataḥ prabhāte samaye kṛtvā nīrājanaṁ hareḥ

one hundred and eight times, or twenty-eight times. Then, at the time of dawn, having performed the arati of Hari,

Verse 57 (padma.6.45.57)

ब्राह्मणं पूजयित्वा तु सर्वं तस्मै निवेदयेत् । जामदग्न्य घटे तत्र वस्त्रयुग्ममुपानहौ

brāhmaṇaṁ pūjayitvā tu sarvaṁ tasmai nivedayet jāmadagnya ghaṭe tatra vastrayugmamupānahau

one should worship a brahmin and offer him everything. Along with that vessel of Jamadagnya, a pair of garments and sandals as well,

Verse 58 (padma.6.45.58)

जामदग्न्यस्वरूपेण प्रीयतां मम केशवः । ततश्चामलकीं स्पृष्ट्वा कृत्वा चैव प्रदक्षिणाम्

jāmadagnyasvarūpeṇa prīyatāṁ mama keśavaḥ tataścāmalakīṁ spṛṣṭvā kṛtvā caiva pradakṣiṇām

[saying as one gives:] 'In this form of Jamadagnya, may my Keshava be pleased.' After that, having touched the amalaki and circumambulated it,

Verse 59 (padma.6.45.59)

स्नानं कृत्वा विधानेन ब्राह्मणान्भोजयेत्ततः । ततश्च स्वयमश्नीयात्कुटुंबेन समावृतः

snānaṁ kṛtvā vidhānena brāhmaṇānbhojayettataḥ tataśca svayamaśnīyātkuṭuṁbena samāvṛtaḥ

one should bathe according to the rite and feed the brahmins. After that, one should oneself eat, surrounded by one's family.

Verse 60 (padma.6.45.60)

एवं कृतेन यत्पुण्यं तत्सर्वं कथयामि ते । सर्वतीर्थेषु यत्पुण्यं सर्वदानेषु यत्फलम्

evaṁ kṛtena yatpuṇyaṁ tatsarvaṁ kathayāmi te sarvatīrtheṣu yatpuṇyaṁ sarvadāneṣu yatphalam

I shall now tell you all the merit that comes from performing it thus - whatever merit lies in all the sacred crossings, whatever fruit lies in all gifts,

Verse 61 (padma.6.45.61)

सर्वयज्ञाधिकं चैव लभते नात्र संशयः । एतद्वः सर्वमाख्यातं व्रतानामुत्तमं व्रतम्

sarvayajñādhikaṁ caiva labhate nātra saṁśayaḥ etadvaḥ sarvamākhyātaṁ vratānāmuttamaṁ vratam

all of that, and more than the fruit of every sacrifice, is obtained here, without doubt. All this I have told you - this is the most excellent among all vows.

Verse 62 (padma.6.45.62)

एतावदुक्त्वा देवेशस्तत्रैवांतरधीयत । ते चापि ऋषयः सर्वे चक्रुः सर्वमशेषतः

etāvaduktvā deveśastatraivāṁtaradhīyata te cāpi ṛṣayaḥ sarve cakruḥ sarvamaśeṣataḥ

Having said this much, the Lord of gods vanished there itself; and all those sages too did all of it, leaving nothing undone.

Verse 63 (padma.6.45.63)

तथा त्वमपि राजेन्द्र कर्तुमर्हसि सत्तम । व्रतमेतद्दुराधर्षं सर्वपापप्रमोचनम्

tathā tvamapi rājendra kartumarhasi sattama vratametaddurādharṣaṁ sarvapāpapramocanam

O lord of kings, in the very same way you too, O most excellent one, should observe this vow, so hard to withstand [in its power], which frees one from every sin.