Rama Ekadashi of Kartika Krishna

Verse 1 (padma.6.60.1)

युधिष्ठिर उवाच- कथयस्व प्रसादेन मयि स्नेहाज्जनार्दन । कार्त्तिकस्यासिते पक्षे किंनामैकादशी भवेत्

yudhiṣṭhira uvāca- kathayasva prasādena mayi snehājjanārdana kārttikasyāsite pakṣe kiṁnāmaikādaśī bhavet

Yudhishthira said: O Janardana, out of your affection for me, be gracious and tell me - which Ekadashi falls in the dark fortnight of Kartika?

Verse 2 (padma.6.60.2)

श्रीकृष्ण उवाच- श्रूयतां राजशार्दूल कथयामि तवाग्रतः । कार्त्तिके कृष्णपक्षे तु रमा नाम सुशोभना

śrīkṛṣṇa uvāca- śrūyatāṁ rājaśārdūla kathayāmi tavāgrataḥ kārttike kṛṣṇapakṣe tu ramā nāma suśobhanā

Sri Krishna said: O tiger among kings, listen, I shall tell you. In the dark fortnight of Kartika there is a most splendid Ekadashi,

Verse 3 (padma.6.60.3)

एकादशी समाख्याता महापापहरा परा । अस्याः प्रसंगतो राजन्माहात्म्यं प्रवदामि ते

ekādaśī samākhyātā mahāpāpaharā parā asyāḥ prasaṁgato rājanmāhātmyaṁ pravadāmi te

known by the name Rama - the supreme Ekadashi that removes the gravest sins. O king, in connection with it, I shall relate to you its glory.

Verse 4 (padma.6.60.4)

मुचुकुंद इति ख्यातो बभूव नृपतिः पुरा । देवेंद्रेण समं तस्य मित्रत्वमभवन्नृप

mucukuṁda iti khyāto babhūva nṛpatiḥ purā deveṁdreṇa samaṁ tasya mitratvamabhavannṛpa

Long ago there lived a king renowned by the name Mucukunda. O king, he had a friendship with Devendra,

Verse 5 (padma.6.60.5)

यमेन वरुणेनैव कुबेरेणापि सर्वथा । विभीषणेन यस्यैव सखित्वमभवन्नृप

yamena varuṇenaiva kubereṇāpi sarvathā vibhīṣaṇena yasyaiva sakhitvamabhavannṛpa

and likewise, in every way, with Yama, Varuna and Kubera, and also, O king, with Vibhishana.

Verse 6 (padma.6.60.6)

विष्णुभक्तः सत्यसंधो बभूव नृपतिः परः । तस्यैवं शासतो राजन्राज्यं निहतकंटकम्

viṣṇubhaktaḥ satyasaṁdho babhūva nṛpatiḥ paraḥ tasyaivaṁ śāsato rājanrājyaṁ nihatakaṁṭakam

He was a devotee of Vishnu, true to his word, and an excellent king. O king, as he ruled thus, his kingdom was free of every thorn.

Verse 7 (padma.6.60.7)

बभूव दुहिता गेहे चंद्रभागा सरिद्वरा । शोभनाय च सा दत्ता चंद्रसेनसुताय वै

babhūva duhitā gehe caṁdrabhāgā saridvarā śobhanāya ca sā dattā caṁdrasenasutāya vai

In his house was born a beautiful daughter named Chandrabhaga; she was given in marriage to Shobhana, son of Chandrasena.

Verse 8 (padma.6.60.8)

स कदाचित्समायातः श्वशुरस्य गृहे नृप । एकादशीव्रतदिनं समायातं सुपुण्यदम्

sa kadācitsamāyātaḥ śvaśurasya gṛhe nṛpa ekādaśīvratadinaṁ samāyātaṁ supuṇyadam

Once he came to his father-in-law's house, O king, and at that very time the most meritorious day of the Ekadashi vow arrived.

Verse 9 (padma.6.60.9)

समागते व्रतदिने चंद्रभागा त्वचिंतयत् । किं भविष्यति देवेश मम भर्त्तातिदुर्बलः

samāgate vratadine caṁdrabhāgā tvaciṁtayat kiṁ bhaviṣyati deveśa mama bharttātidurbalaḥ

When the day of the vow arrived, Chandrabhaga thought: 'O lord of gods, what shall happen now - my husband is exceedingly weak.

Verse 10 (padma.6.60.10)

क्षुधां न क्षमते सोढुं पिता चैवोग्रशासनः । पटहस्ताड्यते यस्य संप्राप्ते दशमीदिने

kṣudhāṁ na kṣamate soḍhuṁ pitā caivograśāsanaḥ paṭahastāḍyate yasya saṁprāpte daśamīdine

He cannot bear hunger, and my father's rule is exceedingly strict too - in whose realm, when the day of Dashami arrives, the drum is beaten, [proclaiming]

Verse 11 (padma.6.60.11)

न भोक्तव्यं न भोक्तव्यं न भोक्तव्यं हरेर्दिने । श्रुत्वा पटहनिर्घोषं शोभनस्त्वब्रवीत्प्रियाम्

na bhoktavyaṁ na bhoktavyaṁ na bhoktavyaṁ harerdine śrutvā paṭahanirghoṣaṁ śobhanastvabravītpriyām

'None shall eat on Hari's day, none shall eat, none at all shall eat.'' Hearing the sound of the drum, Shobhana said to his beloved -

Verse 12 (padma.6.60.12)

किं कर्त्तव्यं मया कांते देहि शिक्षां वरानने । चंद्रभागोवाच - मत्पितुर्वेश्मनि प्रभो भोक्तव्यं नाद्य केनचित्

kiṁ karttavyaṁ mayā kāṁte dehi śikṣāṁ varānane caṁdrabhāgovāca - matpiturveśmani prabho bhoktavyaṁ nādya kenacit

'What should I do, O beloved? O beautiful one, instruct me.' Chandrabhaga said: 'O lord, in my father's house today no one eats at all,

Verse 13 (padma.6.60.13)

गजैरश्वैश्च कलभैरन्यैः पशुभिरेव च । तृणमन्नं तथा वारि न भोक्तव्यं हरेर्दिने

gajairaśvaiśca kalabhairanyaiḥ paśubhireva ca tṛṇamannaṁ tathā vāri na bhoktavyaṁ harerdine

not the elephants, nor the horses, nor the young elephants, nor any other beast - none partakes of grass, food, or water on Hari's day.

Verse 14 (padma.6.60.14)

मानवैश्च कुतः कांत भुज्यते हरिवासरे । यदि त्वं भोक्ष्यसे कांत ततो गर्हां प्रयास्यसि

mānavaiśca kutaḥ kāṁta bhujyate harivāsare yadi tvaṁ bhokṣyase kāṁta tato garhāṁ prayāsyasi

How then, O beloved, could men eat on Hari's day? If you were to eat, you would meet with reproach.

Verse 15 (padma.6.60.15)

एवं विचार्य मनसा सुदृढं मानसं कुरु । शोभन उवाच- सत्यमेतत्प्रिये वाक्यं करिष्येऽहमुपोषणम्

evaṁ vicārya manasā sudṛḍhaṁ mānasaṁ kuru śobhana uvāca- satyametatpriye vākyaṁ kariṣye'hamupoṣaṇam

Consider this well in your mind and steady your heart.' Shobhana said: 'O beloved, this is true; I shall observe the fast.

Verse 16 (padma.6.60.16)

दैवेन विहितं यद्धि तत्तथैव भविष्यति । इति दृढां मतिं कृत्वा चकार नियमं व्रते

daivena vihitaṁ yaddhi tattathaiva bhaviṣyati iti dṛḍhāṁ matiṁ kṛtvā cakāra niyamaṁ vrate

Whatever fate has ordained, that alone shall come to pass.' Having thus resolved firmly, he took up the observance of the vow.

Verse 17 (padma.6.60.17)

क्षुधया पीडिततनुः स बभूवातिदुःखितः । इति चिंतयतस्तस्य आदित्योऽस्तमगाद्गिरिम्

kṣudhayā pīḍitatanuḥ sa babhūvātiduḥkhitaḥ iti ciṁtayatastasya ādityo'stamagādgirim

His body afflicted with hunger, he became exceedingly sorrowful. As he pondered thus, the sun set behind the mountain.

Verse 18 (padma.6.60.18)

वैष्णवानां नराणां सा निशा हर्षविवर्द्धनी । हरिपूजारतानां च जागरासक्तचेतसाम्

vaiṣṇavānāṁ narāṇāṁ sā niśā harṣavivarddhanī haripūjāratānāṁ ca jāgarāsaktacetasām

That night, for Vaishnava men absorbed in the worship of Hari and intent upon the night-vigil, is a night that increases their joy,

Verse 19 (padma.6.60.19)

बभूव नृपशार्दूल शोभनस्यातिदुःखदा । रवेरुदयवेलायां शोभनः पंचतां गतः

babhūva nṛpaśārdūla śobhanasyātiduḥkhadā raverudayavelāyāṁ śobhanaḥ paṁcatāṁ gataḥ

but, O tiger among kings, that very night became exceedingly painful for Shobhana. At the hour of sunrise, Shobhana's life came to its end.

Verse 20 (padma.6.60.20)

दाहयामास राजा तं राजयोग्यैश्च दारुभिः । चंद्रभागा नात्मदेहं ददाह पतिना सह

dāhayāmāsa rājā taṁ rājayogyaiśca dārubhiḥ caṁdrabhāgā nātmadehaṁ dadāha patinā saha

The king had his cremation performed with wood befitting royalty; but Chandrabhaga did not burn her own body together with her husband's.

Verse 21 (padma.6.60.21)

कृत्वौर्द्ध्वदैहिकं तस्य तस्थौ जनकवेश्मनि । शोभनश्च नृपश्रेष्ठ रमाव्रतप्रभावतः

kṛtvaurddhvadaihikaṁ tasya tasthau janakaveśmani śobhanaśca nṛpaśreṣṭha ramāvrataprabhāvataḥ

Having performed his final rites, she continued to dwell in her father's house. O best of kings, and Shobhana, by the power of the Rama vow,

Verse 22 (padma.6.60.22)

प्राप्तो देवपुरं रम्यं मंदराचलसानुनि । अनुत्तममनाधृष्यमसंख्येयगुणान्वितम्

prāpto devapuraṁ ramyaṁ maṁdarācalasānuni anuttamamanādhṛṣyamasaṁkhyeyaguṇānvitam

attained that delightful city of the gods situated upon the peak of Mount Mandara, unsurpassed, unconquerable, and endowed with countless virtues.

Verse 23 (padma.6.60.23)

हेमस्तंभमयैसौधै रत्नवैडूर्यमंडितैः । स्फाटिकैर्विविधाकारैर्विचित्रैरुपशोभितैः

hemastaṁbhamayaisaudhai ratnavaiḍūryamaṁḍitaiḥ sphāṭikairvividhākārairvicitrairupaśobhitaiḥ

It was graced with palaces of golden pillars, adorned with gems and cat's-eye stones, and beautified with crystal mansions of various and wondrous shapes.

Verse 24 (padma.6.60.24)

सिंहासनसमारूढः सुश्वेतच्छत्रचामरः । किरीटकुंडलयुतो हारकेयूरभूषितः । स्तूयमानश्च गंधर्वैरप्सरोगणसेवितः

siṁhāsanasamārūḍhaḥ suśvetacchatracāmaraḥ kirīṭakuṁḍalayuto hārakeyūrabhūṣitaḥ stūyamānaśca gaṁdharvairapsarogaṇasevitaḥ

Seated upon a throne, graced with a white umbrella and fan, adorned with a crown and earrings, decked with necklaces and armlets, praised by gandharvas and attended by throngs of apsaras,

Verse 25 (padma.6.60.25)

शोभनः शोभते यत्र राजराजोपरो यथा । सोमशर्मेति विख्यातो मुचुकुंदपुरेऽभवत्

śobhanaḥ śobhate yatra rājarājoparo yathā somaśarmeti vikhyāto mucukuṁdapure'bhavat

there Shobhana shone with such splendor as though he were greater even than the king of kings. In that very city of Mucukunda there lived a brahmin renowned by the name Somasharma.

Verse 26 (padma.6.60.26)

तीर्थयात्राप्रसंगेन भ्रमन्विप्रो ददर्श तम् । नृपजामातरं ज्ञात्वा तत्समीपं जगाम सः

tīrthayātrāprasaṁgena bhramanvipro dadarśa tam nṛpajāmātaraṁ jñātvā tatsamīpaṁ jagāma saḥ

Wandering in the course of a pilgrimage, that brahmin saw him [Shobhana]; recognizing him as the king's son-in-law, he approached him.

Verse 27 (padma.6.60.27)

शोभनोऽपि तदा ज्ञात्वा सोमशर्माणमागतम् । आसनादुत्थितः शीघ्रं नमश्चक्रे द्विजोत्तमम्

śobhano'pi tadā jñātvā somaśarmāṇamāgatam āsanādutthitaḥ śīghraṁ namaścakre dvijottamam

Shobhana too, recognizing that Somasharma had arrived, rose quickly from his seat and bowed to that excellent brahmin.

Verse 28 (padma.6.60.28)

चकार कुशलप्रश्नं श्वशुरस्य नृपस्य च । कांतायाश्चंद्रभागायास्तथैव नगरस्य च

cakāra kuśalapraśnaṁ śvaśurasya nṛpasya ca kāṁtāyāścaṁdrabhāgāyāstathaiva nagarasya ca

He inquired about the well-being of his father-in-law the king, and likewise about his beloved Chandrabhaga and the city.

Verse 29 (padma.6.60.29)

सोमशर्मोवाच- कुशलं वर्त्तते राजन्श्वशुरस्य गृहे तव । चंद्रभागा कुशलिनी सर्वतः कुशलं पुरे

somaśarmovāca- kuśalaṁ varttate rājanśvaśurasya gṛhe tava caṁdrabhāgā kuśalinī sarvataḥ kuśalaṁ pure

Somasharma said: O king, all is well in your father-in-law's house; Chandrabhaga too is well, and there is well-being everywhere in the city.

Verse 30 (padma.6.60.30)

स्ववृत्तं कथ्यतां राजन्नाश्चर्यं विद्यतेऽद्भुतम् । पुरं विचित्रं रुचिरं न दृष्टं केनचित्क्वचित्

svavṛttaṁ kathyatāṁ rājannāścaryaṁ vidyate'dbhutam puraṁ vicitraṁ ruciraṁ na dṛṣṭaṁ kenacitkvacit

Tell me your own story, O king - here I behold a wondrous marvel. Such a strange and beautiful city I have never seen anywhere, at any time.

Verse 31 (padma.6.60.31)

एतदाचक्ष्व नृपते कुतः प्राप्तमिदं त्वया । शोभन उवाच- कार्तिकस्यासिते पक्षे या नामैकादशी रमा

etadācakṣva nṛpate kutaḥ prāptamidaṁ tvayā śobhana uvāca- kārtikasyāsite pakṣe yā nāmaikādaśī ramā

O king, tell me this - from where have you obtained this?' Shobhana said: 'The Ekadashi that is known by the name Rama, in the dark fortnight of Kartika,

Verse 32 (padma.6.60.32)

तामुपोष्य मया प्राप्तं द्विजेंद्र पुरमध्रुवम् । ध्रुवं भवति येनैव तत्कुरुष्व द्विजोत्तमः

tāmupoṣya mayā prāptaṁ dvijeṁdra puramadhruvam dhruvaṁ bhavati yenaiva tatkuruṣva dvijottamaḥ

by fasting on that, O foremost of brahmins, I have obtained this unstable city. By whatever means it might become permanent, O best of brahmins, please undertake that means.'

Verse 33 (padma.6.60.33)

द्विज उवाच- कथमध्रुवमेतद्धि कथं हि भवति ध्रुवम् । तत्त्वं कथय राजेंद्र तत्करिष्यामि नान्यथा

dvija uvāca- kathamadhruvametaddhi kathaṁ hi bhavati dhruvam tattvaṁ kathaya rājeṁdra tatkariṣyāmi nānyathā

The brahmin said: Why is this unstable, and how might it become permanent? O lord of kings, tell me that truth, and I shall do exactly that, and nothing else.

Verse 34 (padma.6.60.34)

शोभन उवाच- मयैतद्विहितं विप्र श्रद्धाहीनं व्रतोत्तमम् । तेनाहमध्रुवं मन्ये ध्रुवं भवति तच्छृणु

śobhana uvāca- mayaitadvihitaṁ vipra śraddhāhīnaṁ vratottamam tenāhamadhruvaṁ manye dhruvaṁ bhavati tacchṛṇu

Shobhana said: O brahmin, I performed this vow without faith, even though it is the most excellent among vows. For this reason I consider it unstable; hear how it may become permanent.

Verse 35 (padma.6.60.35)

मुचुकुंदस्य दुहिता चंद्रभागा सुशोभना । तस्यै कथय वृत्तांतं ध्रुवमेतद्भविष्यति

mucukuṁdasya duhitā caṁdrabhāgā suśobhanā tasyai kathaya vṛttāṁtaṁ dhruvametadbhaviṣyati

Mucukunda's daughter, the most beautiful Chandrabhaga, is there - tell her this entire story, and it shall certainly become permanent.

Verse 36 (padma.6.60.36)

कृष्ण उवाच- स श्रुत्वा वचनं तस्य मुचुकुंदपुरं गतः । उवाच सर्वं वृत्तांत्तं चंद्रभागाग्रतो द्विजः

kṛṣṇa uvāca- sa śrutvā vacanaṁ tasya mucukuṁdapuraṁ gataḥ uvāca sarvaṁ vṛttāṁttaṁ caṁdrabhāgāgrato dvijaḥ

Krishna said: Hearing his words, he [Somasharma] went to the city of Mucukunda; that brahmin related the entire story before Chandrabhaga.

Verse 37 (padma.6.60.37)

सोमशर्मोवाच - प्रत्यक्षं दयितः कांतस्तव दृष्टो मया शुभे । इंद्रतुल्यमनाधृष्यं दृष्टं तस्य पुरं मया । अध्रुवं तेन तत्प्रोक्तं ध्रुवं भवति तत्कुरु

somaśarmovāca - pratyakṣaṁ dayitaḥ kāṁtastava dṛṣṭo mayā śubhe iṁdratulyamanādhṛṣyaṁ dṛṣṭaṁ tasya puraṁ mayā adhruvaṁ tena tatproktaṁ dhruvaṁ bhavati tatkuru

Somasharma said: O auspicious one, I have seen your beloved husband with my own eyes; I saw his city, equal to Indra's and unconquerable. But he told me it is unstable - make it permanent.

Verse 38 (padma.6.60.38)

चंद्रभागोवाच- तत्र मां नय विप्रर्षे पतिदर्शनलालसाम् । आत्मनो व्रतपुण्येन करिष्यामि पुरं ध्रुवम्

caṁdrabhāgovāca- tatra māṁ naya viprarṣe patidarśanalālasām ātmano vratapuṇyena kariṣyāmi puraṁ dhruvam

Chandrabhaga said: O foremost of brahmins, take me there, longing as I am to see my husband. By the merit of my own vow I shall make that city permanent.

Verse 39 (padma.6.60.39)

आवयोर्द्विजसंयोगो यथा भवति तत्कुरु । प्राप्यते हि महत्पुण्यं कृत्वा योगं वियुक्तयोः

āvayordvijasaṁyogo yathā bhavati tatkuru prāpyate hi mahatpuṇyaṁ kṛtvā yogaṁ viyuktayoḥ

Bring about, O brahmin, a reunion between the two of us. For by uniting two who are separated, great merit is obtained.

Verse 40 (padma.6.60.40)

इति श्रुत्वा सह तया सोमशर्मा जगाम ह । आश्रमं वामदेवस्य मंदराचलसंनिधौ

iti śrutvā saha tayā somaśarmā jagāma ha āśramaṁ vāmadevasya maṁdarācalasaṁnidhau

Hearing this, Somasharma set out together with her; they went to the hermitage of Vamadeva near Mount Mandara.

Verse 41 (padma.6.60.41)

वामदेवोऽशृणोत्सर्वं वृत्तांतं कथितं तयोः । अभ्यषिञ्चच्चन्द्रभागां वेदमंत्रैरथोज्ज्वलाम्

vāmadevo'śṛṇotsarvaṁ vṛttāṁtaṁ kathitaṁ tayoḥ abhyaṣiñcaccandrabhāgāṁ vedamaṁtrairathojjvalām

Vamadeva heard the whole story told by the two of them; after that he consecrated Chandrabhaga with Vedic mantras and made her radiant.

Verse 42 (padma.6.60.42)

ऋषिमंत्रप्रभावेन विष्णुवासरसेवनात् । दिव्यदेहा बभूवासौ दिव्यां गतिमवाप ह

ṛṣimaṁtraprabhāvena viṣṇuvāsarasevanāt divyadehā babhūvāsau divyāṁ gatimavāpa ha

By the power of the sage's mantras and as the fruit of her service to Vishnu's day, she attained a divine body and a divine state.

Verse 43 (padma.6.60.43)

पत्युः समीपमगमत्प्रहर्षोत्फुल्ललोचना । जहर्ष शोभनोऽतीव दृष्ट्वा कांतां समागताम्

patyuḥ samīpamagamatpraharṣotphullalocanā jaharṣa śobhano'tīva dṛṣṭvā kāṁtāṁ samāgatām

With eyes blossoming with joy, she went into her husband's presence; beholding his beloved arrived, Shobhana was overcome with the greatest joy.

Verse 44 (padma.6.60.44)

समाहूय स्वके वामे पार्श्वेतां संन्यवेशयत् । अथोवाच प्रियं हर्षाच्चंद्रभागा प्रियं वचः

samāhūya svake vāme pārśvetāṁ saṁnyaveśayat athovāca priyaṁ harṣāccaṁdrabhāgā priyaṁ vacaḥ

He called her near and seated her at his left side; then Chandrabhaga, filled with joy, spoke these loving words to her beloved husband -

Verse 45 (padma.6.60.45)

शृणु कांत हितं वाक्यं यत्पुण्यं विद्यते मयि । अष्टवर्षाधिका जाता यदाहं पितृवेश्मनि

śṛṇu kāṁta hitaṁ vākyaṁ yatpuṇyaṁ vidyate mayi aṣṭavarṣādhikā jātā yadāhaṁ pitṛveśmani

'O beloved, listen to these beneficial words of mine, concerning the merit that dwells within me. When I had grown to more than eight years of age in my father's house,

Verse 46 (padma.6.60.46)

ततः प्रभृति यच्चीर्णं मया चैकादशीव्रतम् । यथोक्तविधिसंयुक्तं श्रद्धायुक्तेन चेतसा । तेन पुण्यप्रभावेन भविष्यति पुरं ध्रुवम्

tataḥ prabhṛti yaccīrṇaṁ mayā caikādaśīvratam yathoktavidhisaṁyuktaṁ śraddhāyuktena cetasā tena puṇyaprabhāvena bhaviṣyati puraṁ dhruvam

from that time onward, the vow of Ekadashi that I have observed, according to the rite and with a heart full of faith - by the power of that very merit this city shall become permanent,

Verse 47 (padma.6.60.47)

सर्वकामसमृद्धं च यावदाभूतसंप्लवम् । एवं सा नृपशार्दूल रमते पतिना सह

sarvakāmasamṛddhaṁ ca yāvadābhūtasaṁplavam evaṁ sā nṛpaśārdūla ramate patinā saha

rich in every desire, enduring until the very dissolution of the ages.' O tiger among kings, thus she began to take her pleasure with her husband,

Verse 48 (padma.6.60.48)

दिव्यभोगा दिव्यरूपा दिव्याभरणभूषिता । शोभनोऽपि तया सार्द्धं रमते दिव्यविग्रहः

divyabhogā divyarūpā divyābharaṇabhūṣitā śobhano'pi tayā sārddhaṁ ramate divyavigrahaḥ

endowed with divine enjoyments, of divine form, adorned with divine ornaments; Shobhana too, bearing a divine body, took his pleasure with her.

Verse 49 (padma.6.60.49)

रमाव्रतप्रभावेन मंदराचलसानुनि । चिंतामणिसमा ह्येषा कामधेनुसमाथ वा

ramāvrataprabhāvena maṁdarācalasānuni ciṁtāmaṇisamā hyeṣā kāmadhenusamātha vā

Upon the peak of Mount Mandara, by the power of the Rama vow, that city became like the wish-fulfilling jewel, or like the wish-granting cow.

Verse 50 (padma.6.60.50)

रमाभिधाना नृपते तवाग्रे कथिता मया । तस्या माहात्म्यमनघ श्रुतं सर्वं त्वया नृप

ramābhidhānā nṛpate tavāgre kathitā mayā tasyā māhātmyamanagha śrutaṁ sarvaṁ tvayā nṛpa

O king, I have told you here that Ekadashi named Rama, and, O sinless king, you have heard its entire glory.

Verse 51 (padma.6.60.51)

मया तवाग्रे कथितं माहात्म्यं पापनाशनम् । एकादशीव्रतानां च पक्षयोरुभयोरपि

mayā tavāgre kathitaṁ māhātmyaṁ pāpanāśanam ekādaśīvratānāṁ ca pakṣayorubhayorapi

I have told you here this sin-destroying glory of the Ekadashi vows of both fortnights.

Verse 52 (padma.6.60.52)

यथा कृष्णा तथा शुक्ला विभेदं नैव कारयेत् । सेवितैकादशी नॄणां भुक्तिमुक्तिप्रदायिनी

yathā kṛṣṇā tathā śuklā vibhedaṁ naiva kārayet sevitaikādaśī nṝṇāṁ bhuktimuktipradāyinī

As is the dark-fortnight one, so is the bright-fortnight one - no distinction should be made between them. Ekadashi, observed by men, bestows both worldly enjoyment and liberation.

Verse 53 (padma.6.60.53)

धेनुः श्वेता यथा कृष्णा उभयोः सदृशं पयः । तथैव तुल्यफलदं स्मृतमेकादशीद्वयम्

dhenuḥ śvetā yathā kṛṣṇā ubhayoḥ sadṛśaṁ payaḥ tathaiva tulyaphaladaṁ smṛtamekādaśīdvayam

Just as the milk of a white cow and a black cow is alike, so too both Ekadashis are held to bestow an equal fruit.

Verse 54 (padma.6.60.54)

एकादशीव्रतानां यो माहात्म्यं शृणुते नरः । सर्वपापविनिर्मुक्तो विष्णुलोके महीयते

ekādaśīvratānāṁ yo māhātmyaṁ śṛṇute naraḥ sarvapāpavinirmukto viṣṇuloke mahīyate

Whatever man hears this glory of the Ekadashi vows becomes freed from every sin and is honored in the realm of Vishnu.