The Glory of Chaturmasya

Verse 1 (padma.6.64.1)

नारद उवाच- चातुर्मास्यां तु नियमा ये केचिद्भुवि विश्रुताः । तानहं श्रोतुमिच्छामि कथयस्व महेश्वर

nārada uvāca- cāturmāsyāṁ tu niyamā ye kecidbhuvi viśrutāḥ tānahaṁ śrotumicchāmi kathayasva maheśvara

Narada said: Whatever rules are renowned upon the earth concerning Chaturmasya [the four holy months], I wish to hear them. O Maheshvara, kindly tell me.

Verse 2 (padma.6.64.2)

चातुर्मास्ये हरौ सुप्ते कर्त्तव्यं किं जनार्दने । षड्रसानां परित्यागे नखकेशविधारणे । अन्यैश्च नियमैः स्वामिन्यत्फलं तद् ब्रवीहि मे

cāturmāsye harau supte karttavyaṁ kiṁ janārdane ṣaḍrasānāṁ parityāge nakhakeśavidhāraṇe anyaiśca niyamaiḥ svāminyatphalaṁ tad bravīhi me

What should be done during Chaturmasya, when Hari Janardana sleeps? In the renunciation of the six flavors, in letting the nails and hair grow, and in other observances too, O lord, tell me what fruit each bears.

Verse 3 (padma.6.64.3)

सूत उवाच- एतच्छ्रुत्वा त्वसौ देवः प्रहस्योत्फुल्ललोचनः । प्रोवाच तं द्विजवरं नारदं तपसान्निधिम्

sūta uvāca- etacchrutvā tvasau devaḥ prahasyotphullalocanaḥ provāca taṁ dvijavaraṁ nāradaṁ tapasānnidhim

Suta said: Hearing this, that god, his eyes blossoming with joy, laughing, spoke to that excellent brahmin Narada, that treasury of austerity -

Verse 4 (padma.6.64.4)

महादेव उवाच- शृणु त्वमिह देवर्षे कथयामि सविस्तरम् । आषाढस्य सिते पक्षे एकादश्यामुपोषितः

mahādeva uvāca- śṛṇu tvamiha devarṣe kathayāmi savistaram āṣāḍhasya site pakṣe ekādaśyāmupoṣitaḥ

Mahadeva said: Listen, O divine sage, I shall tell it in detail. Having fasted on the Ekadashi of the bright fortnight of Ashadha,

Verse 5 (padma.6.64.5)

चातुर्मास्यव्रतानीह गृह्णीयाद्भक्तिपूर्वकम् । भूमिशय्यासमारूढो योगनिद्रां गते हरौ

cāturmāsyavratānīha gṛhṇīyādbhaktipūrvakam bhūmiśayyāsamārūḍho yoganidrāṁ gate harau

one should here take up the vow of Chaturmasya with devotion. Taking a bed upon the ground, while Hari has gone into yogic slumber,

Verse 6 (padma.6.64.6)

नयेत चतुरो मासान्यावद्भवति कार्तिकी । प्रतिष्ठा न प्रवर्त्तंते तथा यज्ञादिकाः क्रियाः

nayeta caturo māsānyāvadbhavati kārtikī pratiṣṭhā na pravarttaṁte tathā yajñādikāḥ kriyāḥ

one should pass the time thus for four months, until Kartika arrives. During this period, consecrations and rites such as sacrifices are not performed,

Verse 7 (padma.6.64.7)

विवाहव्रतसंबंध अन्यन्माङ्गल्यकर्म च । भूपयानं तथा यात्रा अन्याश्च विविधाः क्रियाः

vivāhavratasaṁbaṁdha anyanmāṅgalyakarma ca bhūpayānaṁ tathā yātrā anyāśca vividhāḥ kriyāḥ

nor marriage, nor the tying of vows, nor any other auspicious rite, nor the journeying of a king, nor other various observances.

Verse 8 (padma.6.64.8)

प्रसुप्ते च जगन्नाथे अच्युते गरुडध्वजे । व्रतक्रियां चरेद्यस्तु तस्य व्रतफलं शृणु

prasupte ca jagannāthe acyute garuḍadhvaje vratakriyāṁ caredyastu tasya vrataphalaṁ śṛṇu

Whoever observes the discipline of the vow while the Garuda-bannered Achyuta, Jagannatha, lies asleep - hear the fruit of that vow.

Verse 9 (padma.6.64.9)

अश्वमेधसहस्रैस्तु यत्फलं प्राप्नुयान्नरः । चातुर्मास्यव्रतैश्चीर्णैस्तत्फलं समवाप्नुयात्

aśvamedhasahasraistu yatphalaṁ prāpnuyānnaraḥ cāturmāsyavrataiścīrṇaistatphalaṁ samavāpnuyāt

The fruit that a man obtains from a thousand Ashvamedha sacrifices - that same fruit is obtained by observing the Chaturmasya vow.

Verse 10 (padma.6.64.10)

मिथुनस्थे सहस्रांशौ स्वापयेन्मधुसूदनम् । तुलाराशौ गते सूर्ये पुनरुत्थापयेद्धरिम्

mithunasthe sahasrāṁśau svāpayenmadhusūdanam tulārāśau gate sūrye punarutthāpayeddharim

When the sun stands in Gemini, Madhusudana should be laid to rest, and when the sun passes into Libra, Hari should be awakened once more.

Verse 11 (padma.6.64.11)

अधिमासे तु पतिते तदा चैष विधिक्रमः । स्थापयेत्प्रतिमां विष्णोः शंखचक्रगदाधरीम्

adhimāse tu patite tadā caiṣa vidhikramaḥ sthāpayetpratimāṁ viṣṇoḥ śaṁkhacakragadādharīm

When an intercalary month falls, this is then the proper order of rite - an image of Vishnu, bearing the conch, discus, and mace, should be established.

Verse 12 (padma.6.64.12)

पीतांबरधरां सौम्यां पर्यंके स्थापयेत्शुचौ । श्वेतवस्त्रसमाच्छन्ने सोपधाने तु नारद

pītāṁbaradharāṁ saumyāṁ paryaṁke sthāpayetśucau śvetavastrasamācchanne sopadhāne tu nārada

O Narada, that gentle image, clad in yellow garments, should be placed upon a pure couch covered with white cloth and furnished with a pillow.

Verse 13 (padma.6.64.13)

इतिहासपुराणज्ञो विष्णुभक्तोऽथवा पुनः । स्नापयित्वा दधिक्षीरमधुलाजघृतस्तथा

itihāsapurāṇajño viṣṇubhakto'thavā punaḥ snāpayitvā dadhikṣīramadhulājaghṛtastathā

Someone versed in the itihasas and Puranas, or else a devotee of Vishnu, having bathed that image with curd, milk, honey, parched grain, and ghee,

Verse 14 (padma.6.64.14)

समालभ्य शुभैर्गंधैर्धूपैः पुष्पैर्मनोरमैः । पूजितां कुसुमैः शुभ्रैर्मंत्रेणानेन वाडव

samālabhya śubhairgaṁdhairdhūpaiḥ puṣpairmanoramaiḥ pūjitāṁ kusumaiḥ śubhrairmaṁtreṇānena vāḍava

having anointed it with auspicious fragrance, incense, and beautiful flowers, O brahmin, having worshipped it with bright blossoms, should recite this mantra -

Verse 15 (padma.6.64.15)

सुप्ते त्वयि जगन्नाथे जगत्सुप्तं भवेदिदम् । विबुद्धे त्वयि बुध्येत जगत्सर्वं चराचरम्

supte tvayi jagannāthe jagatsuptaṁ bhavedidam vibuddhe tvayi budhyeta jagatsarvaṁ carācaram

'O Lord of the world, when you sleep, this entire universe sleeps; when you awaken, this whole world of moving and unmoving beings awakens.'

Verse 16 (padma.6.64.16)

एवं तां प्रतिमां विष्णोः स्थापयित्वा तु नारद । तस्यैवाग्रे स्वयं वाचा गृह्णीयान्नियमं ततः

evaṁ tāṁ pratimāṁ viṣṇoḥ sthāpayitvā tu nārada tasyaivāgre svayaṁ vācā gṛhṇīyānniyamaṁ tataḥ

O Narada, having thus established that image of Vishnu, one should then, before it, take up the discipline with one's own spoken word.

Verse 17 (padma.6.64.17)

स्त्री वा नरो वा तद्भक्तो धर्माधर्मविभागतः । चतुरो वार्षिकान्मासान्देवस्योत्थापनावधि

strī vā naro vā tadbhakto dharmādharmavibhāgataḥ caturo vārṣikānmāsāndevasyotthāpanāvadhi

Whether woman or man, his devotee, understanding the distinction between dharma and adharma, for the four monsoon months until the deity awakens,

Verse 18 (padma.6.64.18)

गृह्णीयान्नियमानेतान्दंतधावनपूर्वकम् । उपवासं ततः कृत्वा प्रभाते विमले सति

gṛhṇīyānniyamānetāndaṁtadhāvanapūrvakam upavāsaṁ tataḥ kṛtvā prabhāte vimale sati

should take up these rules before cleaning the teeth. After that, having fasted, when the morning is clear,

Verse 19 (padma.6.64.19)

नित्यं कर्म चरित्वा तु विष्णोरग्रे जितात्मवान् । तेषां फलानि वक्ष्यामि तत्कर्तॄणां पृथक्पृथक्

nityaṁ karma caritvā tu viṣṇoragre jitātmavān teṣāṁ phalāni vakṣyāmi tatkartṝṇāṁ pṛthakpṛthak

having performed the daily rites before Vishnu with a controlled soul - now I shall tell the separate fruits for those who observe each of these rules.

Verse 20 (padma.6.64.20)

मधुरत्वं लभेद्विद्वान्पुरुषो गुडवर्जनात् । तथैव संततिं दीर्घां तैलस्य वर्जनाद्यतः

madhuratvaṁ labhedvidvānpuruṣo guḍavarjanāt tathaiva saṁtatiṁ dīrghāṁ tailasya varjanādyataḥ

By renouncing jaggery, a learned man attains sweetness [of nature]; likewise, by renouncing oil, one attains a long line of descendants.

Verse 21 (padma.6.64.21)

घृतस्य वर्जनाद्विप्र सुंदरांगः प्रजायते । कटुतैलपरित्यागी शत्रुनाशमवाप्नुयात्

ghṛtasya varjanādvipra suṁdarāṁgaḥ prajāyate kaṭutailaparityāgī śatrunāśamavāpnuyāt

O brahmin, by renouncing ghee, a man is born with beautiful limbs; one who renounces pungent oil attains the destruction of enemies.

Verse 22 (padma.6.64.22)

सुगंधतैलत्यागेन सौभाग्यमतुलं लभेत् । पुष्पभोगपरित्यागी स्वर्गे विद्याधरो भवेत्

sugaṁdhatailatyāgena saubhāgyamatulaṁ labhet puṣpabhogaparityāgī svarge vidyādharo bhavet

By renouncing scented oil, one obtains incomparable good fortune; one who renounces the enjoyment of flowers becomes a Vidyadhara in heaven.

Verse 23 (padma.6.64.23)

योगाभ्यासी नरो यस्तु स ब्रह्मपदमाप्नुयात् । कट्वम्लमधुरक्षारतीक्ष्णकाषाय षड्रसान्

yogābhyāsī naro yastu sa brahmapadamāpnuyāt kaṭvamlamadhurakṣāratīkṣṇakāṣāya ṣaḍrasān

A man who practices yoga attains the state of Brahman. Pungent, sour, sweet, salty, sharp, and astringent - these six flavors,

Verse 24 (padma.6.64.24)

वर्जयेद्यस्तु वैरूप्यं दौर्गंध्यं नाप्नुयान्नरः । तांबूलवर्जनाद्भोगी रक्तकंठस्तु जायते

varjayedyastu vairūpyaṁ daurgaṁdhyaṁ nāpnuyānnaraḥ tāṁbūlavarjanādbhogī raktakaṁṭhastu jāyate

whoever renounces them does not obtain ugliness, and a man does not suffer from bad odor either. By renouncing betel, a man of enjoyment is born with a red throat.

Verse 25 (padma.6.64.25)

घृतत्यागाच्च लावण्यं सदा स्निग्धतनुर्भवेत् । फलत्यागाच्च विपेंद्र बहुपुत्रश्च जायते

ghṛtatyāgācca lāvaṇyaṁ sadā snigdhatanurbhavet phalatyāgācca vipeṁdra bahuputraśca jāyate

By renouncing ghee, beauty and an ever-lustrous body are obtained. By renouncing fruit, O foremost of brahmins, a man is blessed with many sons.

Verse 26 (padma.6.64.26)

पलाशपत्राशनकृद्रूपवान्भोगवान्भवेत् । दीप्तिमान्दीप्तिकरणः साक्षाद्द्रव्यपतिर्भवेत्

palāśapatrāśanakṛdrūpavānbhogavānbhavet dīptimāndīptikaraṇaḥ sākṣāddravyapatirbhavet

One who eats upon a palasha leaf becomes handsome and endowed with worldly pleasure; he becomes radiant, a source of radiance, and directly a lord of wealth.

Verse 27 (padma.6.64.27)

दधिदुग्धपरित्यागी गोलोकं लभते नरः । मौनव्रती भवेद्यस्तु तस्याज्ञाऽस्खलिता भवेत्

dadhidugdhaparityāgī golokaṁ labhate naraḥ maunavratī bhavedyastu tasyājñā'skhalitā bhavet

One who renounces curd and milk attains Goloka. Whoever observes the vow of silence, his commands are never disobeyed.

Verse 28 (padma.6.64.28)

इंद्रासनमवाप्नोति स्थालीपाकस्य वर्जनात् । एवमादि परित्यागाद्धर्मस्थो धर्मनंदनः

iṁdrāsanamavāpnoti sthālīpākasya varjanāt evamādi parityāgāddharmastho dharmanaṁdanaḥ

By renouncing food cooked on a stove, one attains the seat of Indra. Thus, having renounced all these, established in dharma, a son of dharma,

Verse 29 (padma.6.64.29)

नमोनारायणायेति जप्त्वा शतगुणं फलम् । एक एव स वै स्वर्गे विद्याधरपतिर्भवेत्

namonārāyaṇāyeti japtvā śataguṇaṁ phalam eka eva sa vai svarge vidyādharapatirbhavet

by chanting 'namo narayanaya' obtains a hundredfold fruit; he alone becomes the lord of the Vidyadharas in heaven.

Verse 30 (padma.6.64.30)

पुष्करस्नानमात्रेण गंगायाः स्नानजं फलम्

puṣkarasnānamātreṇa gaṁgāyāḥ snānajaṁ phalam

By merely bathing at Pushkara, the fruit of bathing in the Ganga is obtained.

Verse 31 (padma.6.64.31)

भूमौ भुंक्ते सदा यस्तु स पृथिव्यधिपो भवेत् । विष्णोश्चैव गृहे कुर्यादुपलेपनमार्जनम्

bhūmau bhuṁkte sadā yastu sa pṛthivyadhipo bhavet viṣṇoścaiva gṛhe kuryādupalepanamārjanam

Whoever always eats upon the ground becomes lord of the earth. Whoever performs the plastering and sweeping of Vishnu's house,

Verse 32 (padma.6.64.32)

कल्पस्थायी भवेद्विद्वन्वैकुंठे नात्र संशयः । प्रदक्षिणं च यः कुर्याच्छतमष्टोत्तरं नरः

kalpasthāyī bhavedvidvanvaikuṁṭhe nātra saṁśayaḥ pradakṣiṇaṁ ca yaḥ kuryācchatamaṣṭottaraṁ naraḥ

O wise one, he remains permanently in Vaikuntha for an entire kalpa - of this there is no doubt. A man who performs circumambulation one hundred and eight times,

Verse 33 (padma.6.64.33)

हंसयुक्तविमानेन दिव्येन सह गच्छति । गीतवाद्यकरो विष्णोर्गांधर्वं लोकमाप्नुयात्

haṁsayuktavimānena divyena saha gacchati gītavādyakaro viṣṇorgāṁdharvaṁ lokamāpnuyāt

goes together with the gods in a divine chariot yoked with swans. One who performs song and music for Vishnu attains the world of the gandharvas.

Verse 34 (padma.6.64.34)

पंचगव्याशनो विद्वन्चांद्रायणफलं लभेत् । नित्यं शास्त्रविनोदेन लोकान्यस्तु प्रबोधयेत्

paṁcagavyāśano vidvancāṁdrāyaṇaphalaṁ labhet nityaṁ śāstravinodena lokānyastu prabodhayet

A wise man who partakes of panchagavya obtains the fruit of the Chandrayana vow. Whoever, through the daily delight of scripture, awakens people [to dharma],

Verse 35 (padma.6.64.35)

स व्यासरूपी विष्ण्वग्रे ततो विष्णुपदं लभेत् । तुलसीदलपूजां तु कृत्वा विष्णुपुरं व्रजेत्

sa vyāsarūpī viṣṇvagre tato viṣṇupadaṁ labhet tulasīdalapūjāṁ tu kṛtvā viṣṇupuraṁ vrajet

he, taking on the form of Vyasa before Vishnu, attains the state of Vishnu. Having worshipped with tulasi leaves, a man goes to the city of Vishnu.

Verse 36 (padma.6.64.36)

कृत्वा प्रोक्षणकं दिव्यं स्थानमप्सरसां लभेत् । शीतांबुना गृहे स्नानात्निर्मलं देहमाप्नुयात्

kṛtvā prokṣaṇakaṁ divyaṁ sthānamapsarasāṁ labhet śītāṁbunā gṛhe snānātnirmalaṁ dehamāpnuyāt

Having performed the divine sprinkling of water, he attains the abode of the apsaras. By bathing at home with cold water, a pure body is obtained.

Verse 37 (padma.6.64.37)

उष्णोदकं परित्यज्य स्नानं वै पौष्करं लभेत् । पत्रेषु यो नरो भुंक्ते कुरुक्षेत्रफलं लभेत्

uṣṇodakaṁ parityajya snānaṁ vai pauṣkaraṁ labhet patreṣu yo naro bhuṁkte kurukṣetraphalaṁ labhet

By renouncing hot water, the fruit of bathing at Pushkara is obtained. A man who eats upon leaves obtains the fruit of Kurukshetra.

Verse 38 (padma.6.64.38)

भुंक्ते शिलायां यो नित्यं तस्य पुण्यं प्रयागजम् । धर्मोदयजलत्यागी न रोगैः परिभूयते

bhuṁkte śilāyāṁ yo nityaṁ tasya puṇyaṁ prayāgajam dharmodayajalatyāgī na rogaiḥ paribhūyate

Whoever always eats upon a stone obtains the merit of Prayaga. One who renounces the water of Dharmodaya is never overcome by disease.

Verse 39 (padma.6.64.39)

ताम्रपात्रेषु भुंजानो नैमिषं फलमाप्रुयात् । कांस्यपात्रं परित्यज्य शेषपात्रमुपाचरेत्

tāmrapātreṣu bhuṁjāno naimiṣaṁ phalamāpruyāt kāṁsyapātraṁ parityajya śeṣapātramupācaret

One who eats from a copper vessel obtains the fruit of the Naimisha forest. Having renounced the bronze vessel, one should use a leaf-vessel instead.

Verse 40 (padma.6.64.40)

अलाभे सर्वपात्राणां मृन्मयं पात्रमुत्तमम् । स्वगृहीतैः कृतैर्वापि पात्रैः पालाशसंभवैः

alābhe sarvapātrāṇāṁ mṛnmayaṁ pātramuttamam svagṛhītaiḥ kṛtairvāpi pātraiḥ pālāśasaṁbhavaiḥ

In the absence of all other vessels, a clay vessel is held to be the best, or else [one should eat] from vessels made of palasha leaves, gathered or fashioned by oneself.

Verse 41 (padma.6.64.41)

यस्तु संवत्सरं पूर्ण अग्निहोत्रमुपासते । पात्रैर्वा भोजनं विद्वान्सेवते तत्समं स्मृतम्

yastu saṁvatsaraṁ pūrṇa agnihotramupāsate pātrairvā bhojanaṁ vidvānsevate tatsamaṁ smṛtam

What is equal to a wise man who observes a full year of Agnihotra is declared to be eating from leaf-vessels alone.

Verse 42 (padma.6.64.42)

चांद्रायणसमं प्रोक्तं ब्रह्मपात्रेषु भोजने । एकैकं भोजनं विद्वन्ब्रह्मपत्रेषु भुंजतः

cāṁdrāyaṇasamaṁ proktaṁ brahmapātreṣu bhojane ekaikaṁ bhojanaṁ vidvanbrahmapatreṣu bhuṁjataḥ

Eating in a brahma-vessel [leaf-vessel] is declared equal to the Chandrayana vow; O wise one, for one who eats once each time from leaf-vessels,

Verse 43 (padma.6.64.43)

त्रिरात्रेण समं प्रोक्तं महापातकनाशनम् । एकादश्युपवासेन यत्पुण्यं परिकीर्तितम्

trirātreṇa samaṁ proktaṁ mahāpātakanāśanam ekādaśyupavāsena yatpuṇyaṁ parikīrtitam

the fruit is declared equal to a three-night vow, which destroys the gravest sins. The merit declared for the fast of Ekadashi,

Verse 44 (padma.6.64.44)

सर्वदानफलं चैव सर्वतीर्थफलं लभेत् । न चापि नरकं पश्येत्पद्मपत्रेषु भोजनात्

sarvadānaphalaṁ caiva sarvatīrthaphalaṁ labhet na cāpi narakaṁ paśyetpadmapatreṣu bhojanāt

the fruit of all gifts and the fruit of all sacred crossings are obtained from that alone. By eating from lotus-leaves, a man does not even behold hell.

Verse 45 (padma.6.64.45)

ब्राह्मणो याति वैकुंठेऽन्यो जनः स्वर्गमाप्नुयात् । एष ब्रह्म महावृक्षः पापहा सर्वकामदः

brāhmaṇo yāti vaikuṁṭhe'nyo janaḥ svargamāpnuyāt eṣa brahma mahāvṛkṣaḥ pāpahā sarvakāmadaḥ

The brahmin goes to Vaikuntha, and other people attain heaven. This is a great tree of Brahman, destroying sin and granting every desire.

Verse 46 (padma.6.64.46)

मध्यमं वर्जितं पत्रं शूद्रजातेर्नृपोत्तम । भुंजन्नरकमाप्नोति यावदिंद्राश्चतुर्दश

madhyamaṁ varjitaṁ patraṁ śūdrajāternṛpottama bhuṁjannarakamāpnoti yāvadiṁdrāścaturdaśa

O best of kings, the middle leaf is forbidden to those of shudra birth; eating from it, one suffers hell for the duration of fourteen Indras.

Verse 47 (padma.6.64.47)

वर्जयेन्मध्यमं पत्रं शेषपत्रेषु भोजनम् । मध्यपत्रे च यः शूद्रो भोजनं कुरुते द्विज

varjayenmadhyamaṁ patraṁ śeṣapatreṣu bhojanam madhyapatre ca yaḥ śūdro bhojanaṁ kurute dvija

The middle leaf should be avoided, and one should eat only from the remaining leaves. O brahmin, the shudra who eats from the middle leaf,

Verse 48 (padma.6.64.48)

कपिलां ब्रह्मणे दत्त्वा शुद्धिर्भवति नान्यथा । कपिलां दोहयेद्यस्तु शूद्रो भुंक्ते निजे गृहे

kapilāṁ brahmaṇe dattvā śuddhirbhavati nānyathā kapilāṁ dohayedyastu śūdro bhuṁkte nije gṛhe

his purification comes only when he gives a Kapila cow to a brahmin, and never otherwise. A shudra who milks a Kapila cow and drinks that milk in his own home,

Verse 49 (padma.6.64.49)

दशवर्षसहस्राणि विष्ठायां जायते कृमिः । कृमियोनिविनिर्मुक्तः पशुयोनिमवाप्नुयात्

daśavarṣasahasrāṇi viṣṭhāyāṁ jāyate kṛmiḥ kṛmiyonivinirmuktaḥ paśuyonimavāpnuyāt

is born as a worm in excrement for ten thousand years; freed from the worm's womb, he obtains the womb of a beast.

Verse 50 (padma.6.64.50)

कपिलं योह्यनड्वाहं शूद्रो भूत्वात्र वाहयेत् । यावंति तस्य रोमाणि तावद्वर्षाणि नारद

kapilaṁ yohyanaḍvāhaṁ śūdro bhūtvātra vāhayet yāvaṁti tasya romāṇi tāvadvarṣāṇi nārada

O Narada, the shudra who yokes a Kapila cow like a draught-ox - for as many years as there are hairs upon her,

Verse 51 (padma.6.64.51)

कुंभीपाकेषु पच्येत स नरो नात्र संशयः । अजा चैव गृहे तस्य शूद्रस्य च विशेषतः

kuṁbhīpākeṣu pacyeta sa naro nātra saṁśayaḥ ajā caiva gṛhe tasya śūdrasya ca viśeṣataḥ

he is cooked in the Kumbhipaka hell - of this there is no doubt. And especially, if there is a she-goat in that shudra's house,

Verse 52 (padma.6.64.52)

तस्या वै दुग्धपानेन शूद्रो यातीह रौरवम् । ब्राह्मणैः सह व्यापारो यस्य शूद्रस्य दृश्यते

tasyā vai dugdhapānena śūdro yātīha rauravam brāhmaṇaiḥ saha vyāpāro yasya śūdrasya dṛśyate

by drinking her milk too the shudra goes in this world to the Raurava hell. That shudra who is seen engaged in trade together with brahmins,

Verse 53 (padma.6.64.53)

स विप्रो वेदबाह्यः स्याच्छूद्रः कौलिक उच्यते । व्यापारे प्रेरितो विप्रः शूद्राज्ञां च करोति यः

sa vipro vedabāhyaḥ syācchūdraḥ kaulika ucyate vyāpāre prerito vipraḥ śūdrājñāṁ ca karoti yaḥ

that brahmin becomes cast out from the Veda, and the shudra is called 'kaulika'. The brahmin who, driven to trade, obeys the command of a shudra,

Verse 54 (padma.6.64.54)

यावत्पदानि चलते तावद्भवति नारकी । उदकार्थं तु यो विप्रः शूद्रेण प्रेषितो गृहे

yāvatpadāni calate tāvadbhavati nārakī udakārthaṁ tu yo vipraḥ śūdreṇa preṣito gṛhe

for as many steps as he walks, for that long he becomes a dweller of hell. A brahmin who is sent by a shudra to fetch water in his house,

Verse 55 (padma.6.64.55)

तदुदकं मद्यतुल्यं पीत्वा वै नरकं व्रजेत् । शूद्रेण सर्वदा नित्यं दानं देयं द्विजन्मने

tadudakaṁ madyatulyaṁ pītvā vai narakaṁ vrajet śūdreṇa sarvadā nityaṁ dānaṁ deyaṁ dvijanmane

by drinking that water, as though it were liquor, he goes to hell. A shudra should always give gifts to brahmins constantly,

Verse 56 (padma.6.64.56)

तेषां चैव तु वै भक्तिः कर्त्तव्या च विशेषतः । इहलोके सुखं भुक्त्वा परलोकं च गच्छति

teṣāṁ caiva tu vai bhaktiḥ karttavyā ca viśeṣataḥ ihaloke sukhaṁ bhuktvā paralokaṁ ca gacchati

and should show devotion to them especially; thus he enjoys happiness in this world and goes to the next.

Verse 57 (padma.6.64.57)

पांचभौतिकमेतद्धि अनर्थकमुदाहृतम् । अतो देयं हि गुरवे यतोऽनंतफलं लभेत्

pāṁcabhautikametaddhi anarthakamudāhṛtam ato deyaṁ hi gurave yato'naṁtaphalaṁ labhet

This body, made of the five elements, is declared to be without lasting worth; therefore gifts should be given to the teacher, by which infinite fruit is obtained.

Verse 58 (padma.6.64.58)

अस्मिन्कलियुगे घोरे पापाचारे दुरात्मनः । निंदां कुर्वंति विप्रेंद्र जनानां पुण्यकर्मणाम्

asminkaliyuge ghore pāpācāre durātmanaḥ niṁdāṁ kurvaṁti vipreṁdra janānāṁ puṇyakarmaṇām

In this terrible Kali age, O foremost of brahmins, wicked, sinful men slander those engaged in meritorious deeds.

Verse 59 (padma.6.64.59)

निंदया लभते दुःखं यावदाभूतसंप्लवम् । नानाधर्माः प्रवर्त्तंते कलौ चैव महामते

niṁdayā labhate duḥkhaṁ yāvadābhūtasaṁplavam nānādharmāḥ pravarttaṁte kalau caiva mahāmate

By slandering, one obtains suffering until the very dissolution of the ages. O great-minded one, in the Kali age various kinds of dharma come into practice.

Verse 60 (padma.6.64.60)

धर्मोऽयं दुर्ल्लभो लोके धर्मकामार्थमोक्षदः । भूमिशायी भवेद्यस्तु नरः कोऽपि महीतले

dharmo'yaṁ durllabho loke dharmakāmārthamokṣadaḥ bhūmiśāyī bhavedyastu naraḥ ko'pi mahītale

This dharma is rare in the world, one that grants dharma, artha, kama and moksha. Whatever man sleeps upon the ground on this earth,

Verse 61 (padma.6.64.61)

दशवर्षसहस्राणि न रोगैः परिपीड्यते । बहुपुत्रो धनैर्युक्तो ह्यकुष्ठी जायते नरः

daśavarṣasahasrāṇi na rogaiḥ paripīḍyate bahuputro dhanairyukto hyakuṣṭhī jāyate naraḥ

he is not afflicted by disease for ten thousand years; he is born with many sons, endowed with wealth, and free of leprosy.

Verse 62 (padma.6.64.62)

नक्तभोजी नरो यस्तु तीर्थयात्राफलं लभेत् । अयाचितेन चाप्नोति वापीकूपक्रिंया फलम्

naktabhojī naro yastu tīrthayātrāphalaṁ labhet ayācitena cāpnoti vāpīkūpakriṁyā phalam

A man who eats but once, at night, obtains the fruit of pilgrimage; without even asking, he obtains the fruit of constructing wells and step-wells.

Verse 63 (padma.6.64.63)

वर्जयेद्यस्तु वै द्रोहं प्राणहिंसापराङ्मुखः । अहिंसा परमो धर्म इति वेदेषु गीयते

varjayedyastu vai drohaṁ prāṇahiṁsāparāṅmukhaḥ ahiṁsā paramo dharma iti vedeṣu gīyate

[These fruits belong to] whoever renounces treachery and turns his face away from harming life. It is sung in the Vedas that non-violence is the highest dharma.

Verse 64 (padma.6.64.64)

दानं दया दम इति सर्वत्र हि श्रुतं मया । तस्मात्सर्वप्रयत्नेन कार्यं वै महतामपि

dānaṁ dayā dama iti sarvatra hi śrutaṁ mayā tasmātsarvaprayatnena kāryaṁ vai mahatāmapi

Giving, compassion, and self-restraint - this alone I have heard proclaimed everywhere. Therefore even great persons should practice this with every effort.

Verse 65 (padma.6.64.65)

गुरवे ये प्रयच्छंति शरीरं पुत्रपौत्रकम् । तत्र दानप्रभावेन विष्णोर्वल्लभतामियात्

gurave ye prayacchaṁti śarīraṁ putrapautrakam tatra dānaprabhāvena viṣṇorvallabhatāmiyāt

Those who offer their own body, and even their sons and grandsons, to the teacher, by the power of that gift become exceedingly dear to Vishnu.

Verse 66 (padma.6.64.66)

शूद्रेण दीक्षितो यस्तु शूद्रः शूद्रेण दीक्षितः । उभौ तौ पापिनौ प्रोक्तौ यावदाभूतसंप्लवम्

śūdreṇa dīkṣito yastu śūdraḥ śūdreṇa dīkṣitaḥ ubhau tau pāpinau proktau yāvadābhūtasaṁplavam

A shudra who receives initiation from another shudra, and a shudra who gives initiation to another shudra - both are declared sinners until the very dissolution of the ages.

Verse 67 (padma.6.64.67)

हिंसामतिं यदादत्ते शूद्रो वै पापसत्तमः । एकविंशतिकुलं तेन नरकं प्रतिपात्यते

hiṁsāmatiṁ yadādatte śūdro vai pāpasattamaḥ ekaviṁśatikulaṁ tena narakaṁ pratipātyate

When some most sinful shudra takes up the intention of violence, by him twenty-one generations of his lineage are cast down into hell.

Verse 68 (padma.6.64.68)

कलौ पाखंडिनः शूद्रा दृश्यंते बहवो भुवि । तेषां संभाषणादेव नरको भवति द्विज

kalau pākhaṁḍinaḥ śūdrā dṛśyaṁte bahavo bhuvi teṣāṁ saṁbhāṣaṇādeva narako bhavati dvija

In the Kali age many hypocritical shudras are seen upon the earth, O brahmin; by merely conversing with them one attains hell.

Verse 69 (padma.6.64.69)

ब्रह्मज्ञानरता ये च गायत्रीजापिनो द्विज । तेषां दर्शनमात्रेण ब्रह्महत्या दिने दिने

brahmajñānaratā ye ca gāyatrījāpino dvija teṣāṁ darśanamātreṇa brahmahatyā dine dine

Those brahmins who are absorbed in the knowledge of Brahman and who chant the Gayatri, O brahmin, by the mere sight of them, even the sin of killing a brahmin committed daily [is destroyed].

Verse 70 (padma.6.64.70)

शंखचक्रधरा विप्रा विष्णुधर्मेषु संमताः । वेदधर्मरता नित्यं पंक्तिपावनपावनाः

śaṁkhacakradharā viprā viṣṇudharmeṣu saṁmatāḥ vedadharmaratā nityaṁ paṁktipāvanapāvanāḥ

Those brahmins who bear the conch and discus, honored in Vishnu's dharma, ever absorbed in the dharma of the Vedas, holy purifiers of the row of diners -

Verse 71 (padma.6.64.71)

चातुर्मास्यमिदं कर्म कर्त्तव्यं तैः सदा नरैः । किमन्यद्बहुनोक्तेन भूयोभूयश्च वाडव

cāturmāsyamidaṁ karma karttavyaṁ taiḥ sadā naraiḥ kimanyadbahunoktena bhūyobhūyaśca vāḍava

such men must always surely perform this Chaturmasya rite. O brahmin, what use is there in saying much more, again and again, on this matter?

Verse 72 (padma.6.64.72)

ते धन्याः पृथिवी मध्ये नरा ये वैष्णवा भुवि । तेषां कुलं धन्यतमं जातिर्धन्यतमा स्मृता

te dhanyāḥ pṛthivī madhye narā ye vaiṣṇavā bhuvi teṣāṁ kulaṁ dhanyatamaṁ jātirdhanyatamā smṛtā

Those men are truly blessed upon this earth who are Vaishnavas upon the earth; their lineage is held most blessed, and their birth most blessed.

Verse 73 (padma.6.64.73)

मधु भक्षयते यस्तु सुप्ते देवे जनार्दने । महत्पापं भवेत्तस्य वर्जने यच्छृणुष्व तत्

madhu bhakṣayate yastu supte deve janārdane mahatpāpaṁ bhavettasya varjane yacchṛṇuṣva tat

Whoever partakes of honey while the god Janardana sleeps incurs a great sin. Listen to the fruit that comes from renouncing it -

Verse 74 (padma.6.64.74)

सर्वयज्ञैश्च विविधैर्यत्फलं तदवाप्नुयात् । दाडिमं मातुलिगं च नालिकेरं च वर्जयेत्

sarvayajñaiśca vividhairyatphalaṁ tadavāpnuyāt dāḍimaṁ mātuligaṁ ca nālikeraṁ ca varjayet

that same fruit which is obtained from all the various sacrifices. Pomegranate, citron, and coconut should be renounced.

Verse 75 (padma.6.64.75)

देवो वैमानिको भूत्वा ह्यंते विष्णुपदं व्रजेत् । वित्तवान्सुभगश्चैव कुले श्रीमति जायते

devo vaimāniko bhūtvā hyaṁte viṣṇupadaṁ vrajet vittavānsubhagaścaiva kule śrīmati jāyate

He, becoming a chariot-dwelling god, attains in the end the state of Vishnu; he is born wealthy, fortunate, and into a prosperous family.

Verse 76 (padma.6.64.76)

यः क्षिपेदेकभक्तेन नरो मासचतुष्टयम् । यावंति च मुहूर्तानि उदितोदितभास्करे

yaḥ kṣipedekabhaktena naro māsacatuṣṭayam yāvaṁti ca muhūrtāni uditoditabhāskare

A man who passes four months eating but once each day, for as many muhurtas as pass while the sun rises upon rising,

Verse 77 (padma.6.64.77)

ताद्वर्षसहस्राणि विष्णुलोके महीयते । व्रीहींश्च यवगोधूमान्वर्जयेद्यस्तु मानवः

tādvarṣasahasrāṇi viṣṇuloke mahīyate vrīhīṁśca yavagodhūmānvarjayedyastu mānavaḥ

for that many thousand years he is honored in the realm of Vishnu. A man who renounces rice, barley, and wheat,

Verse 78 (padma.6.64.78)

अश्वमेधादिके कृते विधिवद्वै सदक्षिणे । यत्फलं मुनिभिः प्रोक्तं तत्फलं लभते नरः

aśvamedhādike kṛte vidhivadvai sadakṣiṇe yatphalaṁ munibhiḥ proktaṁ tatphalaṁ labhate naraḥ

obtains that same fruit which the sages declare for performing sacrifices such as the Ashvamedha, duly, with proper gifts to the priests.

Verse 79 (padma.6.64.79)

धनधान्यसमायुक्तो बहुपुत्रश्च जायते । तुलसीतिलदर्भैश्च ये कुर्वंति च तर्पणम्

dhanadhānyasamāyukto bahuputraśca jāyate tulasītiladarbhaiśca ye kurvaṁti ca tarpaṇam

He is born endowed with wealth and grain, and with many sons. Those who perform tarpana [offerings to ancestors] with tulasi, sesame, and kusha grass,

Verse 80 (padma.6.64.80)

तत्फलं कोटिगुणितं चातुर्मास्ये विशेषतः । यदा सुप्ते हृषीकेशे कुर्याच्चैतत्त्रयान्वितम्

tatphalaṁ koṭiguṇitaṁ cāturmāsye viśeṣataḥ yadā supte hṛṣīkeśe kuryāccaitattrayānvitam

their fruit becomes especially a crore-fold during Chaturmasya. When Hrishikesha lies asleep, whoever performs these three [tulasi, sesame, kusha] together,

Verse 81 (padma.6.64.81)

तेऽपि युगसहस्राणि मोदंते विष्णुसंनिधौ । पदं वा पदमर्द्धं वा ऋचां चार्द्धऋचां तथा

te'pi yugasahasrāṇi modaṁte viṣṇusaṁnidhau padaṁ vā padamarddhaṁ vā ṛcāṁ cārddhaṛcāṁ tathā

they too rejoice near Vishnu for thousands of ages. Even a single verse-foot, half a verse-foot, or a single verse or half a verse,

Verse 82 (padma.6.64.82)

विष्ण्वग्रे ये प्रगायंति मुक्तास्ते वै न संशयः । मैथुनं वर्जयेद्यस्तु सुप्ते देवे जनार्दने

viṣṇvagre ye pragāyaṁti muktāste vai na saṁśayaḥ maithunaṁ varjayedyastu supte deve janārdane

whoever sings that before Vishnu is certainly liberated - of this there is no doubt. Whoever renounces sexual union while the god Janardana sleeps,

Verse 83 (padma.6.64.83)

एकमन्वंतरं सोऽपि विष्णुलोके महीयते । दधिदुग्धं तथा तक्रं गुडं शाकं तथैव च

ekamanvaṁtaraṁ so'pi viṣṇuloke mahīyate dadhidugdhaṁ tathā takraṁ guḍaṁ śākaṁ tathaiva ca

he too is honored in the realm of Vishnu for an entire manvantara. Curd, milk, buttermilk, jaggery, and greens too -

Verse 84 (padma.6.64.84)

वर्जनादेव भो विप्र मुक्तिभागी न संशयः । स्नानमामलकेनैव ये कुर्वंति च मानवाः

varjanādeva bho vipra muktibhāgī na saṁśayaḥ snānamāmalakenaiva ye kurvaṁti ca mānavāḥ

O brahmin, by renouncing these alone a man surely becomes a sharer in liberation. Those men who bathe only with amla [gooseberry],

Verse 85 (padma.6.64.85)

दिनेदिने महत्पुण्यं प्राप्नुवंति च ते मुने । धात्रीफलं पापहरं प्रवदंति मनीषिणः

dinedine mahatpuṇyaṁ prāpnuvaṁti ca te mune dhātrīphalaṁ pāpaharaṁ pravadaṁti manīṣiṇaḥ

O sage, obtain great merit every single day. The wise declare the amla fruit to be a remover of sin.

Verse 86 (padma.6.64.86)

त्रैलोक्यतारणार्थाय निर्मिता ब्राह्मणा पुरा । संध्यामौनं चरेद्यस्तु भुंक्ते मासचतुष्टयम्

trailokyatāraṇārthāya nirmitā brāhmaṇā purā saṁdhyāmaunaṁ caredyastu bhuṁkte māsacatuṣṭayam

Brahmins were created long ago for the deliverance of the three worlds. Whoever observes silence at twilight and eats thus for four months,

Verse 87 (padma.6.64.87)

मन्वंतराणि चत्वारि वैकुंठे मोदते पुनः । स्वयंपाकी नरो यस्तु भुंक्ते मासचतुष्टयम्

manvaṁtarāṇi catvāri vaikuṁṭhe modate punaḥ svayaṁpākī naro yastu bhuṁkte māsacatuṣṭayam

he again rejoices in Vaikuntha for four manvantaras. A man who cooks his own food and eats it thus for four months,

Verse 88 (padma.6.64.88)

दशवर्षसहस्राणि इंद्रलोके महीयते । चतुरो वार्षिकान्मासान्मौनं चैव समाचरेत्

daśavarṣasahasrāṇi iṁdraloke mahīyate caturo vārṣikānmāsānmaunaṁ caiva samācaret

he is honored in Indra's realm for ten thousand years. A man who observes silence as well throughout the four monsoon months,

Verse 89 (padma.6.64.89)

स च विष्णुपुरं गच्छेद्ब्राह्मं च तदनंतरम् । मौनभोजी नरो यस्तु कदाचिन्नावसीदति

sa ca viṣṇupuraṁ gacchedbrāhmaṁ ca tadanaṁtaram maunabhojī naro yastu kadācinnāvasīdati

he goes to the city of Vishnu, and after that to Brahmaloka as well. A man who eats in silence never suffers,

Verse 90 (padma.6.64.90)

मौनेन भुंजमानास्तु राक्षसास्त्रिदिवं गताः । कृमिकीटसमायुक्तं पक्वान्नमशुची भवेत्

maunena bhuṁjamānāstu rākṣasāstridivaṁ gatāḥ kṛmikīṭasamāyuktaṁ pakvānnamaśucī bhavet

[for] even rakshasas who ate in silence went to heaven. Cooked food infested with worms and insects is likewise deemed impure,

Verse 91 (padma.6.64.91)

गवां मांससमं ज्ञेयमन्नं चापि द्विजोत्तम । तदन्नमशुचि ज्ञेयं ग्रसते मानुषो यदि

gavāṁ māṁsasamaṁ jñeyamannaṁ cāpi dvijottama tadannamaśuci jñeyaṁ grasate mānuṣo yadi

O best of brahmins - and [food eaten while talking] should be known as equal to the flesh of a cow; that food should be deemed impure, if a man swallows it [while conversing].

Verse 92 (padma.6.64.92)

एतद्वै भोजनं प्रोक्तं राक्षसानां प्रियं सदा । तोषितो हि पुरा ब्रह्मा तेन दत्तं महात्मना

etadvai bhojanaṁ proktaṁ rākṣasānāṁ priyaṁ sadā toṣito hi purā brahmā tena dattaṁ mahātmanā

This manner of eating is declared to be ever dear to rakshasas. Long ago, to satisfy Brahma, the great-souled Brahma himself gave this [rule of silent eating].

Verse 93 (padma.6.64.93)

मौनेन भोजयित्वा तु स्वर्गं प्राप्ता न संशयः । संजल्पन्भुंजते यस्तु तेनान्नमशुची भवेत्

maunena bhojayitvā tu svargaṁ prāptā na saṁśayaḥ saṁjalpanbhuṁjate yastu tenānnamaśucī bhavet

By feeding others in silence, they certainly attained heaven. Whoever eats while speaking, his food thereby becomes impure.

Verse 94 (padma.6.64.94)

पापं स केवलं भुंक्ते तस्मान्मौनं समाचरेत् । उपवाससमं भोज्यं ज्ञेयं मौनेन नारद

pāpaṁ sa kevalaṁ bhuṁkte tasmānmaunaṁ samācaret upavāsasamaṁ bhojyaṁ jñeyaṁ maunena nārada

He eats only sin thereby; therefore silence should be observed. O Narada, food eaten in silence should be known as equal to a fast.

Verse 95 (padma.6.64.95)

पंचप्राणाहुतीर्यस्तु मौनभोजी नरोत्तमः । पंच वै पातकान्यस्य नश्यंति नात्र संशयः

paṁcaprāṇāhutīryastu maunabhojī narottamaḥ paṁca vai pātakānyasya naśyaṁti nātra saṁśayaḥ

That excellent man who, eating in silence, offers oblation to the five vital breaths [that is, eats according to the pranagnihotra rite], his five great sins are certainly destroyed - of this there is no doubt.

Verse 96 (padma.6.64.96)

न कुर्यात्संधितं वस्त्रं पितृकर्मणि वाडव । अशुच्यंगे स्थितं चैव वस्त्रं तदशुची भवेत्

na kuryātsaṁdhitaṁ vastraṁ pitṛkarmaṇi vāḍava aśucyaṁge sthitaṁ caiva vastraṁ tadaśucī bhavet

O brahmin, one should not wear a stitched garment in ancestral rites; a garment placed upon an impure part of the body also becomes impure.

Verse 97 (padma.6.64.97)

कटिपृष्ठस्थिते वस्त्रे पुरीषं कुरुते तु यः । मूत्रं वा मैथुनं वापि तद्वस्त्रं परिवर्जयेत्

kaṭipṛṣṭhasthite vastre purīṣaṁ kurute tu yaḥ mūtraṁ vā maithunaṁ vāpi tadvastraṁ parivarjayet

Whoever, in a garment worn at the waist or on the back, relieves himself of excrement or urine, or engages in sexual union, that garment should be discarded.

Verse 98 (padma.6.64.98)

पितृकर्मविशेषेण वर्जनीयं च वाडव । सर्वदा च मुने प्राज्ञैर्देवार्चा चक्रपाणिनः

pitṛkarmaviśeṣeṇa varjanīyaṁ ca vāḍava sarvadā ca mune prājñairdevārcā cakrapāṇinaḥ

In ancestral rites this should especially be avoided, O brahmin. O sage, the worship of the discus-bearing god should ever be performed by the wise,

Verse 99 (padma.6.64.99)

कर्त्तव्या च विशेषेण शुचिभिर्विजितेंद्रियैः । संप्रसुप्ते हृषीकेशे तृणशाककुसुंभिकाः

karttavyā ca viśeṣeṇa śucibhirvijiteṁdriyaiḥ saṁprasupte hṛṣīkeśe tṛṇaśākakusuṁbhikāḥ

especially by those who are pure and self-controlled. When Hrishikesha lies asleep, stitched garments made of grass, leaves, or kusumbha cloth,

Verse 100 (padma.6.64.100)

संधितानि च वस्त्राणि वर्जितानि प्रयत्नतः । चातुर्मास्ये हरौ सुप्ते यस्तु एतानि वर्जयेत्

saṁdhitāni ca vastrāṇi varjitāni prayatnataḥ cāturmāsye harau supte yastu etāni varjayet

should be diligently avoided. Whoever, during Chaturmasya, while Hari sleeps, renounces all of these,

Verse 101 (padma.6.64.101)

नरकं न तु संगच्छेत्यावदाभूतसंप्लवम् । मद्यं मांसं न भक्षेत शाशकं सौकरं तथा

narakaṁ na tu saṁgacchetyāvadābhūtasaṁplavam madyaṁ māṁsaṁ na bhakṣeta śāśakaṁ saukaraṁ tathā

he does not attain hell until the very dissolution of the ages. Liquor and meat should not be consumed, nor the flesh of the hare or the boar,

Verse 102 (padma.6.64.102)

चातुर्मास्ये विशेषेण सुप्ते देवे जनार्दने । सोऽपि देवत्वमाप्नोति अहिंसानिरतो नरः

cāturmāsye viśeṣeṇa supte deve janārdane so'pi devatvamāpnoti ahiṁsānirato naraḥ

especially during Chaturmasya, while the god Janardana sleeps. That man too, absorbed in non-violence, attains divinity.

Verse 103 (padma.6.64.103)

मिथ्याक्रोधं तथा रौक्ष्यं तथा पर्वसु मैथुनम् । वर्जितं येन विप्रेंद्र सोऽश्वमेधफलं लभेत्

mithyākrodhaṁ tathā raukṣyaṁ tathā parvasu maithunam varjitaṁ yena vipreṁdra so'śvamedhaphalaṁ labhet

False anger, harshness, and sexual union on sacred days - whoever has renounced all these, O foremost of brahmins, obtains the fruit of the Ashvamedha sacrifice.

Verse 104 (padma.6.64.104)

ब्रह्मचर्ये प्रजावृद्धिरायुर्वृद्धिस्तथैव च । पुष्पं पत्रं फलं शय्या अभ्यंगं च विलेपनम्

brahmacarye prajāvṛddhirāyurvṛddhistathaiva ca puṣpaṁ patraṁ phalaṁ śayyā abhyaṁgaṁ ca vilepanam

By celibacy, offspring increase, and likewise longevity increases too. Flowers, leaves, fruit, a bed, oil-massage, and cosmetic ointment,

Verse 105 (padma.6.64.105)

वृथादुग्धानि मांसं च मद्यं च परिवर्जयेत् । चातुर्मास्ये हरौ सुप्ते नियतं यद्विवर्जितम्

vṛthādugdhāni māṁsaṁ ca madyaṁ ca parivarjayet cāturmāsye harau supte niyataṁ yadvivarjitam

and unnecessary milk, meat, and liquor - all of these should be renounced. Whatever is renounced according to this discipline during Chaturmasya, while Hari sleeps,

Verse 106 (padma.6.64.106)

प्रथमं तत्तु दातव्यं ब्राह्मणाय न संशयः । तद्धनं चाक्षयं विद्वन्प्रदत्तं यद्दिवजातये

prathamaṁ tattu dātavyaṁ brāhmaṇāya na saṁśayaḥ taddhanaṁ cākṣayaṁ vidvanpradattaṁ yaddivajātaye

that should first of all be given to a brahmin, without any doubt. O wise one, that wealth given to a brahmin becomes imperishable,

Verse 107 (padma.6.64.107)

कोटिकोटिगुणं विप्र लभते नात्र संशयः । येनकेनापि विप्रेंद्र नियमेनार्चितो हरिः

koṭikoṭiguṇaṁ vipra labhate nātra saṁśayaḥ yenakenāpi vipreṁdra niyamenārcito hariḥ

and is obtained multiplied a crore of crores - of this there is no doubt. O foremost of brahmins, whoever has worshipped Hari through whatever discipline,

Verse 108 (padma.6.64.108)

ददाति विष्णुभवनं नात्र कार्या विचारणा । चातुर्मास्ये हरौ सुप्ते नियमं यो न कारयेत्

dadāti viṣṇubhavanaṁ nātra kāryā vicāraṇā cāturmāsye harau supte niyamaṁ yo na kārayet

he attains the abode of Vishnu - there is no need for further reflection here. Whoever, during Chaturmasya, while Hari sleeps, does not observe the discipline,

Verse 109 (padma.6.64.109)

सोऽपि नरकमाप्नोति तस्य जन्म वृथागतम् । यत्पुमान्कारयेन्नित्यं द्विजोक्तं विधिमुत्तमम्

so'pi narakamāpnoti tasya janma vṛthāgatam yatpumānkārayennityaṁ dvijoktaṁ vidhimuttamam

he too attains hell, and his birth should be reckoned to have gone in vain. Whatever man performs daily the excellent discipline told by the brahmins,

Verse 110 (padma.6.64.110)

तथोक्तान्नियमांश्चैव स याति परमं पदम् । त्रिवर्गरहितं दानं दत्तं भवति निष्फलम्

tathoktānniyamāṁścaiva sa yāti paramaṁ padam trivargarahitaṁ dānaṁ dattaṁ bhavati niṣphalam

he attains the supreme state through those very declared disciplines. A gift given devoid of dharma, artha, and kama - all three - becomes fruitless.

Verse 111 (padma.6.64.111)

तस्मात्सर्वप्रयत्नेन देवदेवं जनार्दनम् । तोषयेन्नियमैर्दानैर्यथाशक्त्या नरोत्तमः

tasmātsarvaprayatnena devadevaṁ janārdanam toṣayenniyamairdānairyathāśaktyā narottamaḥ

Therefore the best of men should, with every effort, satisfy the God of gods, Janardana, through disciplines and gifts, according to his own means.

Verse 112 (padma.6.64.112)

अकृतस्नानदानं च ब्राह्मणानां च पूजनम् । वृथागतं तु तत्सर्वं यावदिंद्राश्चतुर्दश

akṛtasnānadānaṁ ca brāhmaṇānāṁ ca pūjanam vṛthāgataṁ tu tatsarvaṁ yāvadiṁdrāścaturdaśa

Without performing bathing and giving, and without worshipping the brahmins, all of that goes to waste, for the duration of fourteen Indras.

Verse 113 (padma.6.64.113)

नारद उवाच- कीदृशं ब्रह्मचर्यं च वद विश्वेश्वर प्रभो । येन चीर्णेन गोविंदः परितुष्टो भवेन्नृणाम्

nārada uvāca- kīdṛśaṁ brahmacaryaṁ ca vada viśveśvara prabho yena cīrṇena goviṁdaḥ parituṣṭo bhavennṛṇām

Narada said: O Lord of the universe, O Lord, tell me what kind of celibacy is such that, by observing it, Govinda becomes exceedingly pleased with men?

Verse 114 (padma.6.64.114)

महादेव उवाच- स्वदारनिरतश्चैव ब्रह्मचारी स्मृतो बुधैः । चांडालादधिको विद्वन्यः स्वभार्यां परित्यजेत्

mahādeva uvāca- svadāranirataścaiva brahmacārī smṛto budhaiḥ cāṁḍālādadhiko vidvanyaḥ svabhāryāṁ parityajet

Mahadeva said: Even one devoted solely to his own wife is deemed by the wise to be a celibate. O wise one, whoever forsakes his own wife is worse than an outcaste.

Verse 115 (padma.6.64.115)

ऋतावभिगमं कृत्वा ब्रह्मचर्यं विधीयते । परित्यजति यो भार्यां भक्तां दोषविवर्जिताम्

ṛtāvabhigamaṁ kṛtvā brahmacaryaṁ vidhīyate parityajati yo bhāryāṁ bhaktāṁ doṣavivarjitām

Even going to one's wife during her fertile period is itself ordained as celibacy. Whoever forsakes a devoted, faultless wife,

Verse 116 (padma.6.64.116)

पापकर्मा नरो लोके भ्रूणहत्यामवाप्नुयात् । अश्वमेधसहस्राणि वाजपेयशतानि च

pāpakarmā naro loke bhrūṇahatyāmavāpnuyāt aśvamedhasahasrāṇi vājapeyaśatāni ca

that sinful man, in this world, incurs the sin of killing an unborn child. Even a thousand Ashvamedhas and a hundred Vajapeya sacrifices,

Verse 117 (padma.6.64.117)

एकादश्युपवासस्य कलां नार्हंति षोडशीम् । स्नानं दानं जपो होमः स्वाध्यायं देवतार्चनम्

ekādaśyupavāsasya kalāṁ nārhaṁti ṣoḍaśīm snānaṁ dānaṁ japo homaḥ svādhyāyaṁ devatārcanam

are not worth even a sixteenth part of the fast of Ekadashi. Bathing, giving, chanting, the fire-offering, sacred study, and the worship of the deity -

Verse 118 (padma.6.64.118)

चातुर्मास्यकृतं यच्च सर्वं हि चाक्षयं भवेत् । एककालं द्विकालं वा पुराणं शृणुते तु यः

cāturmāsyakṛtaṁ yacca sarvaṁ hi cākṣayaṁ bhavet ekakālaṁ dvikālaṁ vā purāṇaṁ śṛṇute tu yaḥ

whatever is done during Chaturmasya, all of it becomes imperishable. Whoever listens to the Purana once or twice each day,

Verse 119 (padma.6.64.119)

सर्वपापविनिर्मुक्तो विष्णुलोकं स गच्छति । हरौ सुप्ते विशेषेण हरेर्नामपठन्जपन्

sarvapāpavinirmukto viṣṇulokaṁ sa gacchati harau supte viśeṣeṇa harernāmapaṭhanjapan

becomes freed from every sin and goes to the realm of Vishnu. While Hari sleeps, especially, reading or chanting the name of Hari,

Verse 120 (padma.6.64.120)

तत्फलं कोटिगुणितं लभते द्विजसत्तम । वैष्णवो ब्राह्मणो यस्तु पूजनं यः करोति हि

tatphalaṁ koṭiguṇitaṁ labhate dvijasattama vaiṣṇavo brāhmaṇo yastu pūjanaṁ yaḥ karoti hi

O best of the twice-born, he obtains a crore-fold fruit. Whoever is a Vaishnava brahmin, and whoever performs worship [of such brahmins],

Verse 121 (padma.6.64.121)

स एव सर्वधर्मात्मा पूज्य एव न संशयः । चातुर्मास्यमिदं पुण्यं पवित्रं पापनाशनम् । श्रुत्वा तु लभते पुण्यं गंगास्नानफलं लभेत्

sa eva sarvadharmātmā pūjya eva na saṁśayaḥ cāturmāsyamidaṁ puṇyaṁ pavitraṁ pāpanāśanam śrutvā tu labhate puṇyaṁ gaṁgāsnānaphalaṁ labhet

that man alone possesses the soul of all dharma, and he alone is certainly worthy of worship - of this there is no doubt. This merit of Chaturmasya is pure and destroys sin; by merely hearing of it too, merit is obtained, equal to the fruit of bathing in the Ganga.