The Worship of Yama

Verse 1 (padma.6.66.1)

नारद उवाच- यमस्याराधनं ब्रूहि मद्धितार्थं सुरोत्तम । कथं न गम्यते देव नरेण नरकांतरे

nārada uvāca- yamasyārādhanaṁ brūhi maddhitārthaṁ surottama kathaṁ na gamyate deva nareṇa narakāṁtare

Narada said: O best of gods, tell me, for my own welfare, the worship of Yama. O god, how does a man not go into hell - how may this be?

Verse 2 (padma.6.66.2)

श्रूयते यमलोके तु सदा वैतरणी नदी । अनाधृष्यात्वपारा च दुस्तरा बहुशोणिता

śrūyate yamaloke tu sadā vaitaraṇī nadī anādhṛṣyātvapārā ca dustarā bahuśoṇitā

In Yama's realm, it is heard, there ever flows a river named Vaitarani, unassailable, boundless, hard to cross, and filled with much blood.

Verse 3 (padma.6.66.3)

दुस्तरा सर्वभूतानां सा कथं सुतरा भवेत् । भयमेतन्महादेव यमलोकं प्रति प्रभो

dustarā sarvabhūtānāṁ sā kathaṁ sutarā bhavet bhayametanmahādeva yamalokaṁ prati prabho

How might that river, which is hard to cross for all beings, become easy to cross? O Mahadeva, O Lord, this very fear concerns the realm of Yama.

Verse 4 (padma.6.66.4)

तस्य निर्मोचनार्थाय ब्रूहि कृत्यमशेषतः । भगवन्देवदेवेश कृपां कृत्वा ममोपरि

tasya nirmocanārthāya brūhi kṛtyamaśeṣataḥ bhagavandevadeveśa kṛpāṁ kṛtvā mamopari

Tell me fully the means of being freed from it. O Lord, O God of gods, showing me your grace.

Verse 5 (padma.6.66.5)

महादेव उवाच- द्वारवत्यां पुरा विप्र स्नातोऽहं लवणांभसि । ददृशे मुनिमायांतं मुद्गलं नाम वाडव

mahādeva uvāca- dvāravatyāṁ purā vipra snāto'haṁ lavaṇāṁbhasi dadṛśe munimāyāṁtaṁ mudgalaṁ nāma vāḍava

Mahadeva said: O brahmin, long ago at Dvaravati, I was bathing in the salt ocean; then I saw, O brahmin, a sage named Mudgala approaching,

Verse 6 (padma.6.66.6)

ज्वलंतमिवचादित्यं तपसा द्योततांगकम् । मां प्रणम्य मुनिः प्राह मुद्गलो विस्मयान्वितः

jvalaṁtamivacādityaṁ tapasā dyotatāṁgakam māṁ praṇamya muniḥ prāha mudgalo vismayānvitaḥ

his body radiant with austerity, as though a blazing sun. That sage Mudgala, having bowed to me, spoke, filled with astonishment -

Verse 7 (padma.6.66.7)

मुद्गल उवाच- अकस्मान्मूर्च्छितो देव पतितोऽस्मि धरातले । प्रज्वलंति ममांगानि गृहीतो यमकिंकरैः

mudgala uvāca- akasmānmūrcchito deva patito'smi dharātale prajvalaṁti mamāṁgāni gṛhīto yamakiṁkaraiḥ

Mudgala said: O god, suddenly falling unconscious, I collapsed upon the earth; my limbs were burning, and then the messengers of Yama seized me.

Verse 8 (padma.6.66.8)

बलादाकृष्यमाणोऽहं पुरुषॐगुष्ठमात्रकः । बद्धो यमभटैर्गाढं नीतोऽस्मि शमनांतिकम्

balādākṛṣyamāṇo'haṁ puruṣaoṁguṣṭhamātrakaḥ baddho yamabhaṭairgāḍhaṁ nīto'smi śamanāṁtikam

I, in the form of a person the size of a thumb, was dragged forcibly along; bound firmly by Yama's warriors, I was led into the presence of that dread lord.

Verse 9 (padma.6.66.9)

क्षणात्सभायां पश्यामि यमं पिंगललोचनम् । कृष्णमुखं महारौद्रं मृत्युव्याधिशतान्वितम्

kṣaṇātsabhāyāṁ paśyāmi yamaṁ piṁgalalocanam kṛṣṇamukhaṁ mahāraudraṁ mṛtyuvyādhiśatānvitam

In a moment I saw, in that assembly, Yama, with tawny eyes, a dark face, most terrible, attended by hundreds of forms of death and disease,

Verse 10 (padma.6.66.10)

वातपित्त श्लेष्मदोषैर्मूर्तिमद्भिस्तु सेवितम् । कायशोषज्वरातंक स्फोटिका लूतकादिभिः

vātapitta śleṣmadoṣairmūrtimadbhistu sevitam kāyaśoṣajvarātaṁka sphoṭikā lūtakādibhiḥ

attended by the embodied hosts of the disorders of wind, bile and phlegm, and accompanied by wasting sickness, fever, illness, boils, and diseases born of spiders,

Verse 11 (padma.6.66.11)

ज्वालांगमर्दशीर्षार्ति भगंदर बलक्षयैः । कंठमालाक्षिरोगैश्च मूत्रकृच्छ्रज्वरव्रणैः

jvālāṁgamardaśīrṣārti bhagaṁdara balakṣayaiḥ kaṁṭhamālākṣirogaiśca mūtrakṛcchrajvaravraṇaiḥ

by burning pain, the wringing of limbs, headache, fistula, the loss of strength, glandular swellings and eye-diseases, and urinary retention, fever and wounds,

Verse 12 (padma.6.66.12)

विमूर्च्छिका गलग्राह हृद्रोगैर्भूततस्करैः । इत्थं बहुविधै रौद्रैर्नानारूपैर्भयंकरैः

vimūrcchikā galagrāha hṛdrogairbhūtataskaraiḥ itthaṁ bahuvidhai raudrairnānārūpairbhayaṁkaraiḥ

by fainting-spells, the throat-gripping ailment, heart-disease, and thieving spirits too - thus [he was surrounded] by many terrible, various, fear-inspiring [afflictions],

Verse 13 (padma.6.66.13)

कपालशिरोहस्तैश्च संग्रामे नरके तथा । राक्षसैर्दानवैर्घोरैरुपविष्टैः पुरः स्थितैः

kapālaśirohastaiśca saṁgrāme narake tathā rākṣasairdānavairghorairupaviṣṭaiḥ puraḥ sthitaiḥ

and by those bearing skulls, heads, and severed hands, dwellers of battle and of hell, terrible rakshasas and demons, seated there before him,

Verse 14 (padma.6.66.14)

धर्माधिकारिभिश्चात्र चित्रगुप्तादि लेखकैः । व्याघ्र सिंह वराहैश्च शिखासर्पैः सुदुर्द्धरैः

dharmādhikāribhiścātra citraguptādi lekhakaiḥ vyāghra siṁha varāhaiśca śikhāsarpaiḥ sudurddharaiḥ

and by the officers of dharma, by scribes such as Chitragupta, by tigers, lions, and boars, and by most fearsome crested serpents,

Verse 15 (padma.6.66.15)

वृश्चिकैर्दंष्ट्रिभिर्भूतैः कीटकैर्मत्कुणादिभिः । वृक चित्रादि शुनकैः कंकैर्गृध्रैश्च जंबुकैः

vṛścikairdaṁṣṭribhirbhūtaiḥ kīṭakairmatkuṇādibhiḥ vṛka citrādi śunakaiḥ kaṁkairgṛdhraiśca jaṁbukaiḥ

by scorpions, by fanged spirits, by insects such as bedbugs, by wolves, leopards and other dog-like beasts, by hawks, vultures and jackals,

Verse 16 (padma.6.66.16)

तस्करैर्भूतदारिद्रैर्मारिभिर्डाकिनीग्रहैः । मुक्तकेशैः श्वासकासैर्भ्रुकुटी कुटिलाननैः

taskarairbhūtadāridrairmāribhirḍākinīgrahaiḥ muktakeśaiḥ śvāsakāsairbhrukuṭī kuṭilānanaiḥ

by thieves, spirits, poverty, plagues, dakinis and evil planets, by disheveled spirits gasping and coughing, with knitted brows and twisted faces,

Verse 17 (padma.6.66.17)

बृहत्प्रतापैर्नोभीतैः शासकैः पापकर्मणाम् । यमः सभायां शुशुभे सेव्यमानः परिग्रहैः

bṛhatpratāpairnobhītaiḥ śāsakaiḥ pāpakarmaṇām yamaḥ sabhāyāṁ śuśubhe sevyamānaḥ parigrahaiḥ

and surrounded by [officers] of great power, fearless, punishers of the doers of evil deeds, Yama, thus attended by his retinue, shone forth in that assembly,

Verse 18 (padma.6.66.18)

भीमाटविकजीवैश्च यथा व्यालांजनो गिरिः । ततो विश्वेश्वरः प्राह समयः किंकरान्प्रति

bhīmāṭavikajīvaiśca yathā vyālāṁjano giriḥ tato viśveśvaraḥ prāha samayaḥ kiṁkarānprati

like some dark, collyrium-hued mountain teeming with fearsome forest creatures. Then that lord of the universe [Yama] said to his servants -

Verse 19 (padma.6.66.19)

नामभ्रांतैर्भवद्भिश्च समानीतः कथं मुनिः । भीमकस्यात्मजो ग्रामे कौंडिन्ये मुद्गलाभिधः

nāmabhrāṁtairbhavadbhiśca samānītaḥ kathaṁ muniḥ bhīmakasyātmajo grāme kauṁḍinye mudgalābhidhaḥ

'By what mistake have you brought this sage here? This son of Bhimaka, dwelling in the village of Kaundinya, named Mudgala,

Verse 20 (padma.6.66.20)

क्षीणायुः क्षत्रियः सोऽस्ति आनेयो मुच्यतामसौ । श्रुत्वैतत्ते गतास्तस्मादायाताः पुनरेव ते

kṣīṇāyuḥ kṣatriyaḥ so'sti āneyo mucyatāmasau śrutvaitatte gatāstasmādāyātāḥ punareva te

no - it was rather some kshatriya of exhausted lifespan who was to be brought - release him.' Hearing this, they departed from there, and returned once more.

Verse 21 (padma.6.66.21)

धर्मराजं पुनः प्राहुः सर्वे ते यमकिंकराः । तत्रास्माभिर्गतैर्देही क्षीणायुर्नोपलक्षितः

dharmarājaṁ punaḥ prāhuḥ sarve te yamakiṁkarāḥ tatrāsmābhirgatairdehī kṣīṇāyurnopalakṣitaḥ

All those messengers of Yama spoke again to the King of Dharma: 'Having gone there, we saw no being of exhausted lifespan.'

Verse 22 (padma.6.66.22)

यम उवाच- किं कारणमदृश्यास्ते प्रायेण भवतां नराः । सुकृता द्वादशीयैस्तु ख्याता वैतरणी नदी

yama uvāca- kiṁ kāraṇamadṛśyāste prāyeṇa bhavatāṁ narāḥ sukṛtā dvādaśīyaistu khyātā vaitaraṇī nadī

Yama said: What is the reason that men of your [domain] mostly remain unseen [to us]? [The messengers said:] It is well known that because of people endowed with the vow of Dvadashi, the river Vaitarani -

Verse 23 (padma.6.66.23)

उज्जयिन्यां प्रयागे वा यमुनायां च ये मृताः । तिलहस्तिहिरण्यादि दत्तं यैस्तु गवाह्निकम्

ujjayinyāṁ prayāge vā yamunāyāṁ ca ye mṛtāḥ tilahastihiraṇyādi dattaṁ yaistu gavāhnikam

those who die at Ujjaini, at Prayaga, or in the Yamuna, and those who have given gifts of sesame, elephants, gold, and the like, and the gift of a cow,

Verse 24 (padma.6.66.24)

दूता ऊचुः - तद्व्रतं कीदृशं ब्रह्मन्ब्रूहि सर्वमशेषतः । किं तत्र देव कर्त्तव्यं पुरुषैस्तवतोषदम्

dūtā ūcuḥ - tadvrataṁ kīdṛśaṁ brahmanbrūhi sarvamaśeṣataḥ kiṁ tatra deva karttavyaṁ puruṣaistavatoṣadam

the messengers said: O Brahmin, what is that vow - kindly tell us all of it in full. O god, what should men do in it, by which you would be satisfied?

Verse 25 (padma.6.66.25)

येन कृता नरश्रेष्ठ द्वादशी कृष्णपक्षजा । उपवासे च तेनैव कथं पापात्प्रमुच्यते

yena kṛtā naraśreṣṭha dvādaśī kṛṣṇapakṣajā upavāse ca tenaiva kathaṁ pāpātpramucyate

O best of men, whoever has observed the Dvadashi of the dark fortnight - how does he become freed from sin by that very fast?

Verse 26 (padma.6.66.26)

तद्व्रतं केन विधिना कर्त्तव्यं च यथा वद । सुप्रसन्नेन वक्तव्यं दयां कृत्वा दयानिधे

tadvrataṁ kena vidhinā karttavyaṁ ca yathā vada suprasannena vaktavyaṁ dayāṁ kṛtvā dayānidhe

By what rite should that vow be observed - tell us this, O treasury of compassion! Tell it exactly as it is, with a glad heart, showing us grace.

Verse 27 (padma.6.66.27)

श्रीमुद्गल उवाच- दूतानां वचनं श्रुत्वा उवाच मधुरं तदा । सर्वं वदामि भो दूता यथादृष्टं यथाश्रुतम्

śrīmudgala uvāca- dūtānāṁ vacanaṁ śrutvā uvāca madhuraṁ tadā sarvaṁ vadāmi bho dūtā yathādṛṣṭaṁ yathāśrutam

Sri Mudgala said: Hearing the words of the messengers, he then spoke sweetly - 'O messengers, all that I have seen and all that I have heard, that I shall tell you.'

Verse 28 (padma.6.66.28)

यम उवाच- मार्गशीर्षादि मासे तु या इमाः कृष्णपक्षजाः । तासु पूर्वासु विधिवद्दूता वैतरणीव्रतम्

yama uvāca- mārgaśīrṣādi māse tu yā imāḥ kṛṣṇapakṣajāḥ tāsu pūrvāsu vidhivaddūtā vaitaraṇīvratam

Yama said: In the months beginning with Margashirsha, whatever dark-fortnight [Dvadashis] there are - on those earlier ones, O messengers, the Vaitarani vow, performed according to the rite,

Verse 29 (padma.6.66.29)

प्रतिमासं च कर्त्तव्यं यावद्वर्षं भवेद्ध्रुवम् । यां तु कृत्वा तु भो दूता मुच्यते नात्र संशयः

pratimāsaṁ ca karttavyaṁ yāvadvarṣaṁ bhaveddhruvam yāṁ tu kṛtvā tu bho dūtā mucyate nātra saṁśayaḥ

should be performed every month, until a full year has certainly passed. O messengers, whoever has performed it is certainly freed - of this there is no doubt.

Verse 30 (padma.6.66.30)

उपवासस्य नियमः कर्त्तव्यो विष्णु तुष्टिदः । अद्य मे देवदेवेश उपवासो भविष्यति

upavāsasya niyamaḥ karttavyo viṣṇu tuṣṭidaḥ adya me devadeveśa upavāso bhaviṣyati

This discipline of the fast, which satisfies Vishnu, should be undertaken - 'O God of gods, today I shall observe the fast.

Verse 31 (padma.6.66.31)

द्वादश्यां पूज्य गोविंदं भक्तिभावसमन्वितम् । स्वप्नेंद्रियस्य वैकल्याद्भोजनं यच्च मैथुनम्

dvādaśyāṁ pūjya goviṁdaṁ bhaktibhāvasamanvitam svapneṁdriyasya vaikalyādbhojanaṁ yacca maithunam

Having worshipped Govinda on Dvadashi with a heart full of devotion, whatever [fault] of eating or of sexual union may have occurred through the waywardness of the senses in a dream,

Verse 32 (padma.6.66.32)

तत्सर्वं क्षम मे देव कृपां कृत्वा ममोपरि । एवं वै नियमं कृत्वा मध्याह्ने तीर्थमाव्रजेत्

tatsarvaṁ kṣama me deva kṛpāṁ kṛtvā mamopari evaṁ vai niyamaṁ kṛtvā madhyāhne tīrthamāvrajet

all of that, O god, forgive by showing me your grace.' Having thus taken up the discipline, one should go to a sacred crossing at midday.

Verse 33 (padma.6.66.33)

मृद्गोमय तिलान्नीत्वा गंतव्यं विधिपूर्वकम् । स्नानं तत्र प्रकर्तव्यं व्रतसंपूर्णहेतवे

mṛdgomaya tilānnītvā gaṁtavyaṁ vidhipūrvakam snānaṁ tatra prakartavyaṁ vratasaṁpūrṇahetave

Taking clay, cow-dung and sesame, one should go there according to the rite; for the fulfilment of the vow one should bathe there.

Verse 34 (padma.6.66.34)

अश्वक्रांतेति मंत्रेण स्नानं कुर्याद्विशेषतः । अश्वक्रांते रथक्रांते विष्णुक्रांते वसुंधरे

aśvakrāṁteti maṁtreṇa snānaṁ kuryādviśeṣataḥ aśvakrāṁte rathakrāṁte viṣṇukrāṁte vasuṁdhare

One should bathe especially with the mantra 'Ashvakranta' - 'O earth trodden by the horse's hoof, trodden by the chariot's wheel, trodden by Vishnu's stride,

Verse 35 (padma.6.66.35)

मृत्तिके हर मे पापं यन्मया पूर्वसंचितम् । तया हतेन पापेन सर्वपापैः प्रमुच्यते

mṛttike hara me pāpaṁ yanmayā pūrvasaṁcitam tayā hatena pāpena sarvapāpaiḥ pramucyate

O clay, take away that sin of mine which I have accumulated before.' By that sin removed by that clay, a man becomes freed from all sin.

Verse 36 (padma.6.66.36)

काश्यां चैव तु संभूतास्तिला वै विष्णुरूपिणः । तिलस्नानेन गोविंदः सर्वं पापं व्यपोहति

kāśyāṁ caiva tu saṁbhūtāstilā vai viṣṇurūpiṇaḥ tilasnānena goviṁdaḥ sarvaṁ pāpaṁ vyapohati

Sesame seeds born at Kashi are of the very form of Vishnu; by bathing with sesame, Govinda drives away every sin.

Verse 37 (padma.6.66.37)

विष्णुदेहोद्भवा देवि महापापापहारिणी । सर्वं पापं हर त्वं वै सर्वेषां हि नमोऽस्तु ते

viṣṇudehodbhavā devi mahāpāpāpahāriṇī sarvaṁ pāpaṁ hara tvaṁ vai sarveṣāṁ hi namo'stu te

'O goddess, you have arisen from the body of Vishnu, remover of the gravest sins; may you remove all sin - salutations to you from all.'

Verse 38 (padma.6.66.38)

तुलसीपत्रकं धृत्वा नामोच्चारणपूर्वकम् । स्नानं सुकृतिभिः प्रोक्तं कर्तव्यं विधिपूर्वकम्

tulasīpatrakaṁ dhṛtvā nāmoccāraṇapūrvakam snānaṁ sukṛtibhiḥ proktaṁ kartavyaṁ vidhipūrvakam

Holding a tulasi leaf and uttering the [divine] name, bathing is declared by the meritorious to be performed according to this rite.

Verse 39 (padma.6.66.39)

एवं स्नात्वा समुत्तीर्य परिधाय सुवाससी । तर्पयित्वा पितॄन्देवांस्ततो विष्णोस्तु पूजनम्

evaṁ snātvā samuttīrya paridhāya suvāsasī tarpayitvā pitṝndevāṁstato viṣṇostu pūjanam

Having thus bathed, having come out, having put on clean garments, having offered tarpana to the ancestors and the gods, one should thereafter worship Vishnu,

Verse 40 (padma.6.66.40)

संस्थाप्य चाव्रणं कुंभं पंचपल्लवसंयुतम् । पंचरत्नसमोपेतं दिव्यस्रग्गंधवासितम्

saṁsthāpya cāvraṇaṁ kuṁbhaṁ paṁcapallavasaṁyutam paṁcaratnasamopetaṁ divyasraggaṁdhavāsitam

having established an unblemished vessel, furnished with five leaves, endowed with the five gems, and perfumed with a divine garland and fragrance,

Verse 41 (padma.6.66.41)

जलपूर्णं सद्रव्यंच ताम्रपात्रसमन्वितम् । तत्रस्थं श्रीधरं देवं देवदेवं तपोनिधिम्

jalapūrṇaṁ sadravyaṁca tāmrapātrasamanvitam tatrasthaṁ śrīdharaṁ devaṁ devadevaṁ taponidhim

filled with water, endowed with good substances, together with a copper vessel, [worshipping] the god Shridhara established therein, the God of gods, the treasury of austerity,

Verse 42 (padma.6.66.42)

पूर्णेन विधिना राजन्कुर्यात्पूजां गरीयसीम् । मृद्गोमयादिरचितं मंडलं कारयेच्छुभम्

pūrṇena vidhinā rājankuryātpūjāṁ garīyasīm mṛdgomayādiracitaṁ maṁḍalaṁ kārayecchubham

O king, one should perform this great worship with the complete rite. An auspicious mandala fashioned from clay, cow-dung and the like should be made.

Verse 43 (padma.6.66.43)

तंडुलैः शुक्लधौतैश्च अश्मपिष्टैश्च कारयेत् । धर्मराजः प्रकर्त्तव्यो हस्ताद्यव यवान्वितः

taṁḍulaiḥ śukladhautaiśca aśmapiṣṭaiśca kārayet dharmarājaḥ prakarttavyo hastādyava yavānvitaḥ

It should be fashioned with white washed rice, or with powdered stone; an image of Dharmaraja, the size of a hand, endowed with barley, should be made.

Verse 44 (padma.6.66.44)

नदीं वैतरणीं ताम्रां स्थापयित्वा तदग्रतः । पूजयेच्च पृथक्सम्यक्समावाहनपूर्वकम्

nadīṁ vaitaraṇīṁ tāmrāṁ sthāpayitvā tadagrataḥ pūjayecca pṛthaksamyaksamāvāhanapūrvakam

Having established the copper-hued river Vaitarani before it, then each should be worshipped separately, duly, with due invocation -

Verse 45 (padma.6.66.45)

आवाहयामि देवेशं यमं वै विश्वरूपिणम् । इहाभ्येहि महाभाग सान्निध्यं कुरु केशव

āvāhayāmi deveśaṁ yamaṁ vai viśvarūpiṇam ihābhyehi mahābhāga sānnidhyaṁ kuru keśava

'I invoke the God of gods, Yama, of universal form - O fortunate one, come here, O Keshava, grant your presence.'

Verse 46 (padma.6.66.46)

इदं पाद्यं श्रियः कांत सोपविष्टं हरे प्रभो । विश्वोद्यानरतो नित्यं कृपां कुरु ममोपरि

idaṁ pādyaṁ śriyaḥ kāṁta sopaviṣṭaṁ hare prabho viśvodyānarato nityaṁ kṛpāṁ kuru mamopari

'This is the water for the feet, O beloved of Lakshmi, O Hari, O Lord, be seated. You who are ever devoted to the garden of the universe, show me your grace.'

Verse 47 (padma.6.66.47)

भूतिदाय नमः पादावशोकाय च जानुनी । उरू नमः शिवायेति विश्वमूर्ते नमः कटिम्

bhūtidāya namaḥ pādāvaśokāya ca jānunī urū namaḥ śivāyeti viśvamūrte namaḥ kaṭim

[Worshipping while saluting each part:] 'To the bestower of prosperity' - the two feet; 'to the sorrowless one' - the two knees; 'salutations to the auspicious one' - the two thighs; 'salutations to the universal form' - the waist,

Verse 48 (padma.6.66.48)

कंदर्पाय नमो मेढ्रमादित्याय फलं तथा । दामोदराय जठरं वासुदेवाय वै स्तनौ

kaṁdarpāya namo meḍhramādityāya phalaṁ tathā dāmodarāya jaṭharaṁ vāsudevāya vai stanau

'salutations to the god of desire' - the private part; 'to Aditya' - the belly; 'to Damodara' - the stomach; 'to Vasudeva' - the two breasts,

Verse 49 (padma.6.66.49)

श्रीधराय मुखं केशान्केशवायेति वै नमः । पृष्ठं शार्ङ्गधरायेति चरणौ वरदाय च

śrīdharāya mukhaṁ keśānkeśavāyeti vai namaḥ pṛṣṭhaṁ śārṅgadharāyeti caraṇau varadāya ca

'to Shridhara' - the face; 'salutations to Keshava' - the hair; 'to the wielder of the Sharnga bow' - the back; 'to the boon-giver' - the feet [once more],

Verse 50 (padma.6.66.50)

स्वनाम्ना शंखचक्रासिगदापरशुपाणये । सर्वात्मने नमस्तुभ्यं शिर इत्यभिधीयते

svanāmnā śaṁkhacakrāsigadāparaśupāṇaye sarvātmane namastubhyaṁ śira ityabhidhīyate

by their own respective names, the hands bearing the conch, discus, sword, mace and axe; and 'salutations to you, the Self of all' - the head [thus should salutation be offered].

Verse 51 (padma.6.66.51)

मत्स्यं कूर्मं च वाराहं नारसिंहं च वामनम् । रामं रामं च कृष्णं च बुधं कल्किं नमोऽस्तु ते

matsyaṁ kūrmaṁ ca vārāhaṁ nārasiṁhaṁ ca vāmanam rāmaṁ rāmaṁ ca kṛṣṇaṁ ca budhaṁ kalkiṁ namo'stu te

'Salutations to you as Matsya, Kurma, Varaha, Narasimha, Vamana, Parashurama, Rama, Krishna, Buddha, and Kalki.'

Verse 52 (padma.6.66.52)

सर्वपापौघनाशार्थं पूजयामि नमो नमः । एभिश्च सर्वशो मंत्रैर्विष्णुं ध्यात्वा प्रपूजयेत्

sarvapāpaughanāśārthaṁ pūjayāmi namo namaḥ ebhiśca sarvaśo maṁtrairviṣṇuṁ dhyātvā prapūjayet

'For the destruction of the whole mass of sin, I worship you - salutations, salutations.' Having meditated upon Vishnu with all these mantras, one should worship him properly.

Verse 53 (padma.6.66.53)

धर्मराज नमस्तेऽस्तु धर्मराज नमोऽस्तु ते । दक्षिणाशापते तुभ्यं नमो महिषवाहन

dharmarāja namaste'stu dharmarāja namo'stu te dakṣiṇāśāpate tubhyaṁ namo mahiṣavāhana

'O Dharmaraja, salutations to you; O Dharmaraja, salutations to you. O lord of the southern direction, salutations to you, O rider of the buffalo!

Verse 54 (padma.6.66.54)

चित्रगुप्त नमस्तुभ्यं विचित्राय नमोनमः । नरकार्तिप्रशांत्यर्थं कामान्यच्छ ममेप्सितान्

citragupta namastubhyaṁ vicitrāya namonamaḥ narakārtipraśāṁtyarthaṁ kāmānyaccha mamepsitān

O Chitragupta, salutations to you; O one of wondrous form, salutations to you again and again. For the pacification of the suffering of hell, grant me my desired wishes.'

Verse 55 (padma.6.66.55)

यमाय धर्मराजाय मृत्यवे चांतकाय च । वैवस्वताय कालाय सर्वभूतक्षयाय च

yamāya dharmarājāya mṛtyave cāṁtakāya ca vaivasvatāya kālāya sarvabhūtakṣayāya ca

To Yama, to Dharmaraja, to Mrityu, to Antaka, to Vaivasvata, to Kala, to the destroyer of all beings,

Verse 56 (padma.6.66.56)

वृकोदराय चित्राय चित्रगुप्ताय वै नमः । नीलाय चैव दध्नाय नित्यं कुर्यान्नमो नमः

vṛkodarāya citrāya citraguptāya vai namaḥ nīlāya caiva dadhnāya nityaṁ kuryānnamo namaḥ

to Vrikodara, to Chitra, to Chitragupta, salutations; and to Nila and to Dadhna too - to these also salutation should ever be offered.

Verse 57 (padma.6.66.57)

एवं द्वादशभिः पूज्यो नामभिर्धर्मराट्प्रभुः। वैतरणी सुदुःपारे पापघ्नि सर्वकामदे

evaṁ dvādaśabhiḥ pūjyo nāmabhirdharmarāṭprabhuḥ vaitaraṇī suduḥpāre pāpaghni sarvakāmade

Thus, having worshipped the lord Dharmaraja with these twelve names, [one should worship] the hard-to-cross Vaitarani, which destroys sin and grants every desire -

Verse 58 (padma.6.66.58)

इहाभ्येहि महाभागे गृहाणार्घं मया कृतम् । यमद्वारपथे घोरे ख्याता वैतरणी नदी

ihābhyehi mahābhāge gṛhāṇārghaṁ mayā kṛtam yamadvārapathe ghore khyātā vaitaraṇī nadī

'O fortunate one, come here, accept this arghya offered by me. On the terrible path to Yama's door, the river known as Vaitarani is renowned,

Verse 59 (padma.6.66.59)

तस्यामुद्धरणार्थाय जन्ममृत्युजरातिगा । या दुस्तरा दुष्कृतिभिः सर्वप्राणिभयापहा

tasyāmuddharaṇārthāya janmamṛtyujarātigā yā dustarā duṣkṛtibhiḥ sarvaprāṇibhayāpahā

for the sake of deliverance from it, which lies beyond birth, death and old age, which is hard to cross for evildoers and which removes the fear of all beings,

Verse 60 (padma.6.66.60)

यस्यां भयात्प्रमज्जंति प्राणिनो यातनापराः । तर्तुकामस्तु तां घोरं जया देवि नमोनमः

yasyāṁ bhayātpramajjaṁti prāṇino yātanāparāḥ tartukāmastu tāṁ ghoraṁ jayā devi namonamaḥ

in fear of which suffering beings are ever drowning - desiring to cross it, O terrible goddess Jaya, I offer salutations to you again and again.

Verse 61 (padma.6.66.61)

तस्यां देवाधितिष्ठंति या सा वैतरणी नदी । सा चापि पूजिता भक्त्या प्रीत्यर्थं केशवस्य च

tasyāṁ devādhitiṣṭhaṁti yā sā vaitaraṇī nadī sā cāpi pūjitā bhaktyā prītyarthaṁ keśavasya ca

That river Vaitarani, upon which the gods dwell, is also worshipped with devotion for the pleasure of Keshava.

Verse 62 (padma.6.66.62)

यस्यास्तटे प्रविशंति ऋषयः पितरस्तथा । सा चापि सिंधुरूपेण पूजिता पापहारिका

yasyāstaṭe praviśaṁti ṛṣayaḥ pitarastathā sā cāpi siṁdhurūpeṇa pūjitā pāpahārikā

On whose banks the sages and the ancestors enter - that too, worshipped in the form of the ocean, removes sin.

Verse 63 (padma.6.66.63)

तरीतुं तां प्रदास्यामि सर्वपापविमुक्तये । पुण्यार्थं संप्रवक्ष्यामि तुभ्यं वैतरणी नदीम्

tarītuṁ tāṁ pradāsyāmi sarvapāpavimuktaye puṇyārthaṁ saṁpravakṣyāmi tubhyaṁ vaitaraṇī nadīm

For crossing it I offer this, for freedom from every sin. Desiring merit, O river Vaitarani, I declare to you [my intent] -

Verse 64 (padma.6.66.64)

मयासि पूजिता भक्त्या प्रीत्यर्थं केशवस्य च । कृष्णकृष्णजगन्नाथ संसारादुद्धरस्व माम्

mayāsi pūjitā bhaktyā prītyarthaṁ keśavasya ca kṛṣṇakṛṣṇajagannātha saṁsārāduddharasva mām

'I have worshipped you with devotion, for the pleasure of Keshava. O Krishna, Krishna, O Jagannatha, deliver me from this worldly existence.

Verse 65 (padma.6.66.65)

नामग्रहणमात्रेण सर्वं पापं हरस्व मे । यज्ञोपवीतं परमं कारितं नवतंतुभिः

nāmagrahaṇamātreṇa sarvaṁ pāpaṁ harasva me yajñopavītaṁ paramaṁ kāritaṁ navataṁtubhiḥ

By the mere utterance of your name, take away all my sins.' A sacred thread of the highest quality, made of nine strands,

Verse 66 (padma.6.66.66)

प्रतिगृह्णीष्व देवेश प्रीतो यच्छ ममेप्सितम् । इदं तव च तांबूलं यथाशक्त्या सुशोभनम्

pratigṛhṇīṣva deveśa prīto yaccha mamepsitam idaṁ tava ca tāṁbūlaṁ yathāśaktyā suśobhanam

'O Lord of gods, accept this, and being pleased, grant me my desired wish.' This is your betel, O Lord, made beautiful according to my means,

Verse 67 (padma.6.66.67)

प्रतिगृह्णीष्व देवेश मामुद्धर भवार्णवात् । पंचवर्ती प्रदीपोऽयं देवेशारार्तिकं तव

pratigṛhṇīṣva deveśa māmuddhara bhavārṇavāt paṁcavartī pradīpo'yaṁ deveśārārtikaṁ tava

'O Lord of gods, accept it, deliver me from the ocean of worldly existence.' This is a lamp with five wicks, O Lord of gods, for your arati,

Verse 68 (padma.6.66.68)

मोहांधकारद्युमणे भक्तियुक्तो भवार्तिहृत् । परमान्नं सुपक्वान्नं समस्तरससंयुतम्

mohāṁdhakāradyumaṇe bhaktiyukto bhavārtihṛt paramānnaṁ supakvānnaṁ samastarasasaṁyutam

'O sun to the darkness of delusion, being filled with devotion, be the remover of worldly suffering.' Excellent food, well-cooked, endowed with every flavor,

Verse 69 (padma.6.66.69)

निवेदितं मया भक्त्या भगवन्प्रतिगृह्यताम् । द्वादशाक्षरमंत्रेण यथासंख्य जपेन च

niveditaṁ mayā bhaktyā bhagavanpratigṛhyatām dvādaśākṣaramaṁtreṇa yathāsaṁkhya japena ca

'this has been offered by me with devotion, O Lord, accept it.' Having chanted the twelve-syllabled mantra as many times as prescribed,

Verse 70 (padma.6.66.70)

प्रीयतां मे श्रियःकांतः प्रीतो यच्छतु वांछितम् । पंच गावः समुत्पन्ना मथ्यमाने महोदधौ

prīyatāṁ me śriyaḥkāṁtaḥ prīto yacchatu vāṁchitam paṁca gāvaḥ samutpannā mathyamāne mahodadhau

'may the beloved of Lakshmi be pleased with me, and being pleased, grant my desired wish.' The five cows that arose when the great ocean was churned,

Verse 71 (padma.6.66.71)

तासां मध्ये तु या नंदा तस्यै धेन्वै नमोनमः । गां संपूज्य विधानेन अर्घ्यं दद्यात्समाहितः

tāsāṁ madhye tu yā naṁdā tasyai dhenvai namonamaḥ gāṁ saṁpūjya vidhānena arghyaṁ dadyātsamāhitaḥ

among them the one named Nanda - salutations to that cow, again and again. Having worshipped the cow according to the rite, arghya should be offered with self-restraint -

Verse 72 (padma.6.66.72)

सर्वकामदुघे देवि सर्वांतकनिवारिणी । आरोग्यं संततिं दीर्घां देहि नंदिनि मे सदा

sarvakāmadughe devi sarvāṁtakanivāriṇī ārogyaṁ saṁtatiṁ dīrghāṁ dehi naṁdini me sadā

'O goddess, you fulfil every desire, you ward off all death. O Nandini, grant me ever good health and long-lasting offspring.

Verse 73 (padma.6.66.73)

पूजिता च वसिष्ठेन विश्वामित्रेण धीमता । कपिले हर मे पापं यन्मया पूर्वसंचितम्

pūjitā ca vasiṣṭhena viśvāmitreṇa dhīmatā kapile hara me pāpaṁ yanmayā pūrvasaṁcitam

You are worshipped by Vasishtha and the wise Vishvamitra. O Kapila, take away that sin of mine which I have accumulated before.

Verse 74 (padma.6.66.74)

गावो ममाग्रतः संतु गावो मे संतु पृष्ठतः । नाके मामुपतिष्ठंतु हेमशृंगी पयोमुचः

gāvo mamāgrataḥ saṁtu gāvo me saṁtu pṛṣṭhataḥ nāke māmupatiṣṭhaṁtu hemaśṛṁgī payomucaḥ

May cows be before me, may cows be behind me; may the golden-horned, rain-bestowing cows stand present before me in heaven,

Verse 75 (padma.6.66.75)

सुरभ्यः सौरभेयाश्च सरितः सागरा यथा । सर्वदेवमये देवि सुभद्रे भक्तवत्सले

surabhyaḥ saurabheyāśca saritaḥ sāgarā yathā sarvadevamaye devi subhadre bhaktavatsale

the surabhi and saurabheya cows, [as boundless] as the rivers and oceans. O goddess who is the very form of all gods, O most auspicious one, O lover of your devotees!'

Verse 76 (padma.6.66.76)

एवं संपूज्य विधिवद्दद्याद्गोषु गवाह्निकम् । सौरभेयः सर्वहिताः पवित्राः पापनाशनाः

evaṁ saṁpūjya vidhivaddadyādgoṣu gavāhnikam saurabheyaḥ sarvahitāḥ pavitrāḥ pāpanāśanāḥ

Having thus worshipped according to the rite, fodder should be given to the cows. The saurabheya cows benefit all, are pure, and destroy sin.

Verse 77 (padma.6.66.77)

प्रतिगृह्णंतु मे ग्रासं गावस्त्रैलोक्यमातरः । गंगदायै नमो भूत्यै सर्वपापप्रहाणये

pratigṛhṇaṁtu me grāsaṁ gāvastrailokyamātaraḥ gaṁgadāyai namo bhūtyai sarvapāpaprahāṇaye

'O cows, mothers of the three worlds, accept this morsel of mine. O giver of the Ganga, O goddess of prosperity, salutations to you for the destruction of all sin.'

Verse 78 (padma.6.66.78)

अनेनैव तु मंत्रेण गदां वैधारयेद्बुधः । पं नमः पद्मनाभाय पद्मं वै धारयेत्सुधीः

anenaiva tu maṁtreṇa gadāṁ vaidhārayedbudhaḥ paṁ namaḥ padmanābhāya padmaṁ vai dhārayetsudhīḥ

With this very mantra the wise should bear the mace - reciting 'paṁ namaḥ padmanābhāya', the wise should bear the lotus,

Verse 79 (padma.6.66.79)

चं चक्ररूपिणे विष्णो धारणं चक्रजं स्मृतम् । शं शंखरूपिणे तुभ्यं नमोऽस्तु सुखकारिणे

caṁ cakrarūpiṇe viṣṇo dhāraṇaṁ cakrajaṁ smṛtam śaṁ śaṁkharūpiṇe tubhyaṁ namo'stu sukhakāriṇe

reciting 'caṁ' for Vishnu of discus-form, the bearing born of the discus is declared; reciting 'śaṁ', salutations to you, of conch-form, bestower of happiness -

Verse 80 (padma.6.66.80)

मंत्रेणानेन वै दूता धारणं शंखजं स्मृतम् । चतुर्णामायुधानां तु धारणं मुनिभिः स्मृतम्

maṁtreṇānena vai dūtā dhāraṇaṁ śaṁkhajaṁ smṛtam caturṇāmāyudhānāṁ tu dhāraṇaṁ munibhiḥ smṛtam

by this very mantra, O messengers, the bearing born of the conch is declared. The bearing of these four weapons has been declared by the sages.

Verse 81 (padma.6.66.81)

अग्निहोत्रं यथा नित्यं वेदस्याध्ययनं तथा । ब्राह्मणस्य तथैवेदं तप्तमुद्रादि धारणम्

agnihotraṁ yathā nityaṁ vedasyādhyayanaṁ tathā brāhmaṇasya tathaivedaṁ taptamudrādi dhāraṇam

As the daily fire-offering, so too Vedic study; for a brahmin, likewise, the bearing of heated seals and the like is declared.

Verse 82 (padma.6.66.82)

चंदनेन सुगंधेन गोपिकाचंदनेन तु । धारणं च विशेषेण ब्राह्मणैर्वेदपारगैः

caṁdanena sugaṁdhena gopikācaṁdanena tu dhāraṇaṁ ca viśeṣeṇa brāhmaṇairvedapāragaiḥ

With fragrant sandal-paste, and with gopi-chandana too, brahmins learned in the Veda should especially wear [the tilaka and the like].

Verse 83 (padma.6.66.83)

चांडालोऽपि भवेच्छुद्धो धारणाच्च न संशयः । ऊर्ध्वं पुंड्रमृजुं सौम्यं सचिह्नं धारयेद्यदि

cāṁḍālo'pi bhavecchuddho dhāraṇācca na saṁśayaḥ ūrdhvaṁ puṁḍramṛjuṁ saumyaṁ sacihnaṁ dhārayedyadi

By wearing this, even an outcaste becomes pure - of this there is no doubt. If someone wears a straight, gentle, mark-bearing urdhva-pundra [vertical tilaka],

Verse 84 (padma.6.66.84)

स चांडालोऽपि शुद्धात्मा पूज्य एव सदा द्विजैः । चांडालानां गृहे दूतास्तुलसी यत्र दृश्यते

sa cāṁḍālo'pi śuddhātmā pūjya eva sadā dvijaiḥ cāṁḍālānāṁ gṛhe dūtāstulasī yatra dṛśyate

then that outcaste too, becoming pure of soul, is worthy of worship even by brahmins, always. O messengers, even in the home of outcastes, wherever tulasi is seen,

Verse 85 (padma.6.66.85)

तत्रत्या तुलसी ग्राह्या भक्तिभावेन चेतसा

tatratyā tulasī grāhyā bhaktibhāvena cetasā

the tulasi found there is worthy of being received into the mind with a heart full of devotion.