The Purificatory Rite of Vishnu (Apamarjana)

Verse 1 (padma.6.78.1)

महादेव उवाच । अथातः संप्रवक्ष्यामि अपामार्जनमुत्तमम् । पुलस्त्येन यथोक्तं तु दालभ्याय महात्मने

mahādeva uvāca athātaḥ saṁpravakṣyāmi apāmārjanamuttamam pulastyena yathoktaṁ tu dālabhyāya mahātmane

Mahadeva said: Now I shall declare that excellent rite of apamarjana (purificatory cleansing), as it was spoken by the sage Pulastya to the great soul Dalabhya.

Verse 2 (padma.6.78.2)

सर्वेषां रोगदोषाणां नाशनं मंगलप्रदम् । तत्तेऽहं तु प्रवक्ष्यामि शृणु त्वं नगनंदिनि

sarveṣāṁ rogadoṣāṇāṁ nāśanaṁ maṁgalapradam tatte'haṁ tu pravakṣyāmi śṛṇu tvaṁ naganaṁdini

It destroys all afflictions of disease and confers auspiciousness. O daughter of the mountain, I shall tell it to you — listen.

Verse 3 (padma.6.78.3)

श्रीदालभ्य उवाच । भगवन्प्राणिनः सर्वे विषरोगाद्युपद्रवैः । कुष्ठग्रहाभिभूताश्च सर्वकाले ह्युपद्रुताः

śrīdālabhya uvāca bhagavanprāṇinaḥ sarve viṣarogādyupadravaiḥ kuṣṭhagrahābhibhūtāśca sarvakāle hyupadrutāḥ

Shri Dalabhya said: O Lord, all beings are ever afflicted by poison, disease, and other calamities, and are overcome by leprosy and planetary afflictions.

Verse 4 (padma.6.78.4)

आभिचारिककृत्याद्या बहुरोगाश्च दारुणाः । न भवंति मुनिश्रेष्ठ तन्मे त्वं वक्तुमर्हसि

ābhicārikakṛtyādyā bahurogāśca dāruṇāḥ na bhavaṁti muniśreṣṭha tanme tvaṁ vaktumarhasi

O best of sages, please tell me that by which sorcery, black magic, and many terrible diseases may not occur.

Verse 5 (padma.6.78.5)

पुलस्त्य उवाच । व्रतोपवासनियमैर्विष्णुर्वै तोषितस्तु यैः । ते नरा नैव रोगार्त्ता जायंते मुनिसत्तम

pulastya uvāca vratopavāsaniyamairviṣṇurvai toṣitastu yaiḥ te narā naiva rogārttā jāyaṁte munisattama

Pulastya said: O best of sages, those who have satisfied Vishnu through vows, fasting, and disciplined observances never become afflicted with disease.

Verse 6 (padma.6.78.6)

यैर्न कृतं व्रतं पुण्यं न दानं न तपस्तदा । न तीर्थं देवपूजा च नान्नं दत्तं तु भूरिशः

yairna kṛtaṁ vrataṁ puṇyaṁ na dānaṁ na tapastadā na tīrthaṁ devapūjā ca nānnaṁ dattaṁ tu bhūriśaḥ

Those who have performed no meritorious vow, no charity, no austerity; undertaken no pilgrimage, no worship of the gods; and given no abundant food-offerings —

Verse 7 (padma.6.78.7)

ते वै लोकास्तदा ज्ञेया रोगदोषैः प्रपीडिताः । आरोग्यं परमामृद्धिं मनसा यद्यदिच्छति

te vai lokāstadā jñeyā rogadoṣaiḥ prapīḍitāḥ ārogyaṁ paramāmṛddhiṁ manasā yadyadicchati

— such people should be known as afflicted with disease. Whoever, in his mind, desires health and supreme prosperity —

Verse 8 (padma.6.78.8)

तत्तदाप्नोत्यसंदिग्धं विष्णोः सेवी विशेषतः । नाधिं प्राप्नोति न व्याधिं न विषग्रहबंधनम्

tattadāpnotyasaṁdigdhaṁ viṣṇoḥ sevī viśeṣataḥ nādhiṁ prāpnoti na vyādhiṁ na viṣagrahabaṁdhanam

— attains it without doubt, especially if he is a devotee of Vishnu. He suffers neither mental anguish nor bodily disease, neither poison nor the bondage of malefic planets.

Verse 9 (padma.6.78.9)

कृत्यास्पर्शभयं नापि तोषिते मधुसूदने । समस्तदोषनाशश्च सर्वदा च शुभा ग्रहाः

kṛtyāsparśabhayaṁ nāpi toṣite madhusūdane samastadoṣanāśaśca sarvadā ca śubhā grahāḥ

When Madhusudana is pleased, there is not even the fear of being touched by sorcery. All afflictions are destroyed, and the planets remain ever auspicious.

Verse 10 (padma.6.78.10)

देवानामप्यधृष्योऽसौ तोषिते च जनार्दने । यः सर्वेषु च भूतेषु यथात्मनि तथापरे

devānāmapyadhṛṣyo'sau toṣite ca janārdane yaḥ sarveṣu ca bhūteṣu yathātmani tathāpare

When Janardana is pleased, he becomes unassailable even by the gods. He who sees all beings as he sees himself —

Verse 11 (padma.6.78.11)

उपवासादिना तेन तोषितो मधुसूदनः । तोषिते तत्र जायंते नराः पूर्णमनोरथाः

upavāsādinā tena toṣito madhusūdanaḥ toṣite tatra jāyaṁte narāḥ pūrṇamanorathāḥ

— pleases Madhusudana through fasting and the like. When he is pleased, people's desires are fulfilled.

Verse 12 (padma.6.78.12)

अरोगाः सुखिनो भोगभोक्तारो मुनिसत्तम । तेषां च शत्रवो नैव न च रोगाभिचारिकम्

arogāḥ sukhino bhogabhoktāro munisattama teṣāṁ ca śatravo naiva na ca rogābhicārikam

O best of sages, they become free of disease, happy, and enjoyers of pleasures. They have no enemies, nor any disease or sorcery that can touch them.

Verse 13 (padma.6.78.13)

ग्रहरोगादिकं चैव पापकार्यं न जायते । अव्याहतानि कृष्णस्य चक्रादीन्यायुधानि वै । रक्षंति सकलापद्भ्यो येन विष्णुरुपासितः

graharogādikaṁ caiva pāpakāryaṁ na jāyate avyāhatāni kṛṣṇasya cakrādīnyāyudhāni vai rakṣaṁti sakalāpadbhyo yena viṣṇurupāsitaḥ

Planetary afflictions, disease, and sinful deeds never touch them. Krishna's unfailing weapons — the discus and the rest — protect from every calamity the one who has worshipped Vishnu.

Verse 14 (padma.6.78.14)

श्रीदालभ्य उवाच । अनाराधितगोविंदा ये नरा दुःखभागिनः । तेषां दुःखाभिभूतानां यत्कर्त्तव्यं दयालुभिः

śrīdālabhya uvāca anārādhitagoviṁdā ye narā duḥkhabhāginaḥ teṣāṁ duḥkhābhibhūtānāṁ yatkarttavyaṁ dayālubhiḥ

Shri Dalabhya said: For those unfortunate people who have not worshipped Govinda and who suffer, what should the compassionate do for their relief —

Verse 15 (padma.6.78.15)

पश्यद्भिः सर्वभूतस्थं वासुदेवं सनातनम् । समदृष्टिभिरप्यत्र तन्मे ब्रूहि विशेषतः

paśyadbhiḥ sarvabhūtasthaṁ vāsudevaṁ sanātanam samadṛṣṭibhirapyatra tanme brūhi viśeṣataḥ

— those who, seeing with equal vision, behold the eternal Vasudeva present in all beings — tell me this in particular.

Verse 16 (padma.6.78.16)

श्रीपुलस्त्य उवाच। तद्वक्ष्यामि मुनिश्रेष्ठ समाहितमनाः शृणु । रोगदोषाशुभहरं विज्वरादि विनाशनम्

śrīpulastya uvāca tadvakṣyāmi muniśreṣṭha samāhitamanāḥ śṛṇu rogadoṣāśubhaharaṁ vijvarādi vināśanam

Shri Pulastya said: O best of sages, I shall tell it; listen with a concentrated mind — this destroys disease, affliction, and misfortune, and removes fever and the like.

Verse 17 (padma.6.78.17)

शिखायां श्रीधरं न्यस्य शिखाधः श्रीकरं तथा । हृषीकेशं तु केशेषु मूर्ध्नि नारायणं परम्

śikhāyāṁ śrīdharaṁ nyasya śikhādhaḥ śrīkaraṁ tathā hṛṣīkeśaṁ tu keśeṣu mūrdhni nārāyaṇaṁ param

One should place Shridhara upon the tuft of hair, Shrikara just below it; Hrishikesha upon the hair, and supreme Narayana upon the crown of the head.

Verse 18 (padma.6.78.18)

ऊर्ध्वश्रोत्रे न्यसेद्विष्णुं ललाटे जलशायिनम् । विभुं वै भ्रूयुगे न्यस्य भ्रूमध्ये हरिमेव च

ūrdhvaśrotre nyasedviṣṇuṁ lalāṭe jalaśāyinam vibhuṁ vai bhrūyuge nyasya bhrūmadhye harimeva ca

One should place Vishnu upon the upper part of the ears, and the Ocean-Reclining Lord upon the forehead; the All-Pervading Lord upon the two eyebrows, and Hari between the eyebrows.

Verse 19 (padma.6.78.19)

नरसिंहं नासिकाग्रे कर्णयोरर्णवेशयम् । चक्षुषोः पुंडरीकाक्षं तदधो भूधरं न्यसेत्

narasiṁhaṁ nāsikāgre karṇayorarṇaveśayam cakṣuṣoḥ puṁḍarīkākṣaṁ tadadho bhūdharaṁ nyaset

One should place Narasimha at the tip of the nose, and the Ocean-Dweller upon the two ears; the Lotus-Eyed One upon the eyes, and the Bearer of the Earth just below them.

Verse 20 (padma.6.78.20)

कपोलयोः कल्किनाथं वामनं कर्णमूलयोः । शंखिनं शंखयोर्न्यस्य गोविंदं वदने तथा

kapolayoḥ kalkināthaṁ vāmanaṁ karṇamūlayoḥ śaṁkhinaṁ śaṁkhayornyasya goviṁdaṁ vadane tathā

One should place Kalki upon the two cheeks, and Vamana at the roots of the ears; the Conch-Bearer upon the temples, and Govinda upon the mouth.

Verse 21 (padma.6.78.21)

मुकुंदं दंतपंक्तौ तु जिह्वायां वाक्पतिं तथा । रामं हनौ तु विन्यस्य कंठे वैकुंठमेव च

mukuṁdaṁ daṁtapaṁktau tu jihvāyāṁ vākpatiṁ tathā rāmaṁ hanau tu vinyasya kaṁṭhe vaikuṁṭhameva ca

One should place Mukunda upon the row of teeth, and the Lord of Speech upon the tongue; Rama upon the chin, and Vaikuntha upon the throat.

Verse 22 (padma.6.78.22)

बलघ्नं बाहुमूलाधश्चांसयोः कंसघातिनम् । अजं भुजद्वये न्यस्य शार्ङ्गपाणिं करद्वये

balaghnaṁ bāhumūlādhaścāṁsayoḥ kaṁsaghātinam ajaṁ bhujadvaye nyasya śārṅgapāṇiṁ karadvaye

One should place the Slayer-of-Bala below the roots of the arms, and the Slayer-of-Kamsa upon the shoulders; the Unborn One upon the two arms, and the Wielder-of-the-Sharnga-bow upon the two hands.

Verse 23 (padma.6.78.23)

संकर्षणं करांगुष्ठे गोपमंगुलिपंक्तिषु । वक्षस्यधोक्षजं न्यस्य श्रीवत्सं तस्य मध्यतः

saṁkarṣaṇaṁ karāṁguṣṭhe gopamaṁgulipaṁktiṣu vakṣasyadhokṣajaṁ nyasya śrīvatsaṁ tasya madhyataḥ

One should place Sankarshana upon the thumb, and the Cowherd upon the rows of fingers; Adhokshaja upon the chest, and the Shrivatsa mark at its center.

Verse 24 (padma.6.78.24)

स्तनयोस्त्वनिरुद्धं च दामोदरमथोदरे । पद्मनाभं तथा नाभौ नाभ्यधश्चापि केशवम्

stanayostvaniruddhaṁ ca dāmodaramathodare padmanābhaṁ tathā nābhau nābhyadhaścāpi keśavam

One should place Aniruddha upon the two breasts, and Damodara upon the belly; Padmanabha upon the navel, and Keshava just below the navel.

Verse 25 (padma.6.78.25)

मेढ्रे धराधरं देवं गुदे चैव गदाग्रजम् । पीतांबरधरं कट्यामूरुयुग्मे मधोर्द्विषम्

meḍhre dharādharaṁ devaṁ gude caiva gadāgrajam pītāṁbaradharaṁ kaṭyāmūruyugme madhordviṣam

One should place the divine Bearer-of-the-Earth upon the private member, and the Elder-Brother-of-Gada at the anus; the Yellow-Robed One upon the waist, and the Foe-of-Madhu upon the two thighs.

Verse 26 (padma.6.78.26)

मुरद्विषं पिंडकयोर्जानुयुग्मे जनार्दनम् । फणीशं गुल्फयोर्न्यस्य क्रमयोश्च त्रिविक्रमम्

muradviṣaṁ piṁḍakayorjānuyugme janārdanam phaṇīśaṁ gulphayornyasya kramayośca trivikramam

One should place the Foe-of-Mura upon the calves, and Janardana upon the two knees; the Lord-of-Serpents upon the two ankles, and Trivikrama upon the two feet.

Verse 27 (padma.6.78.27)

पादांगुष्ठे श्रीपतिं च पादाधो धरणीधरम् । रोमकूपेषु सर्वेषु विष्वक्सेनं न्यसेद्बुधः

pādāṁguṣṭhe śrīpatiṁ ca pādādho dharaṇīdharam romakūpeṣu sarveṣu viṣvaksenaṁ nyasedbudhaḥ

One should place Shripati upon the toes, and the Bearer-of-the-Earth beneath the feet. The wise man should place Vishvaksena in all the pores of the skin.

Verse 28 (padma.6.78.28)

मत्स्यं मांसे तु विन्यस्य कूर्मं मेदसि विन्यसेत् । वाराहं तु वसामध्ये सर्वास्थिषु तथाच्युतम्

matsyaṁ māṁse tu vinyasya kūrmaṁ medasi vinyaset vārāhaṁ tu vasāmadhye sarvāsthiṣu tathācyutam

Having placed Matsya in the flesh, one should place Kurma in the fat; Varaha in the midst of the marrow-fat, and Achyuta in all the bones.

Verse 29 (padma.6.78.29)

द्विजप्रियं तु मज्जायां शुक्रे श्वेतपतिं तथा । सर्वांगे यज्ञपुरुषं परमात्मानमात्मनि

dvijapriyaṁ tu majjāyāṁ śukre śvetapatiṁ tathā sarvāṁge yajñapuruṣaṁ paramātmānamātmani

One should place the Friend-of-Brahmins in the marrow, and the Lord-of-Whiteness in the seed; the Person-of-Sacrifice throughout all the limbs, and the Supreme Self within the self.

Verse 30 (padma.6.78.30)

एवं न्यासविधिं कृत्वा साक्षान्नारायणो भवेत् । यावन्न व्याहरेत्किंचित्तावद्विष्णुमयः स्थितः

evaṁ nyāsavidhiṁ kṛtvā sākṣānnārāyaṇo bhavet yāvanna vyāharetkiṁcittāvadviṣṇumayaḥ sthitaḥ

Having thus performed this rite of placement, one verily becomes Narayana himself. As long as he speaks nothing, he remains established as entirely permeated by Vishnu.

Verse 31 (padma.6.78.31)

गृहीत्वा तु समूलाग्रान्कुशान्शुद्धान्समाहितः । मार्जयेत्सर्वगात्राणि कुशाग्रैरिह शांतिकृत्

gṛhītvā tu samūlāgrānkuśānśuddhānsamāhitaḥ mārjayetsarvagātrāṇi kuśāgrairiha śāṁtikṛt

Then, taking pure kusha grass complete with root and tip, and being fully concentrated, one should wipe all the limbs with the tips of the kusha, performing this for the sake of peace.

Verse 32 (padma.6.78.32)

विष्णुभक्तो विशेषेण रोगग्रहविषार्दिते । विषार्त्तानां रोगिणां च कुर्याच्छांतिमिमां शुभाम्

viṣṇubhakto viśeṣeṇa rogagrahaviṣārdite viṣārttānāṁ rogiṇāṁ ca kuryācchāṁtimimāṁ śubhām

A devotee of Vishnu should, in particular, perform this auspicious rite of peace for those afflicted by disease, planetary affliction, or poison, and for the poisoned and the sick.

Verse 33 (padma.6.78.33)

जायते तेन भो विप्र सर्वरोगप्रणाशनम् । ॐनमः श्रीपरमार्थाय पुरुषाय महात्मने

jāyate tena bho vipra sarvarogapraṇāśanam oṁnamaḥ śrīparamārthāya puruṣāya mahātmane

O brahmin, by this all diseases are destroyed. Om, salutation to the Supreme Reality, the great-souled Purusha —

Verse 34 (padma.6.78.34)

अरूपबहुरूपाय व्यापिने परमात्मने । वाराहं नारसिंहं च वामनं च सुखप्रदम्

arūpabahurūpāya vyāpine paramātmane vārāhaṁ nārasiṁhaṁ ca vāmanaṁ ca sukhapradam

— who, though formless, has many forms, the all-pervading Supreme Self. Having meditated upon Varaha, Narasimha, and the joy-giving Vamana —

Verse 35 (padma.6.78.35)

ध्यात्वा कृत्वा नमो विष्णोर्नामान्यंगेषु विन्यसेत् । निष्कल्मषाय शुद्धाय व्याधिपापहराय वै

dhyātvā kṛtvā namo viṣṇornāmānyaṁgeṣu vinyaset niṣkalmaṣāya śuddhāya vyādhipāpaharāya vai

— and having offered salutation, one should place the names of Vishnu upon the limbs. Salutation to the stainless, the pure, the remover of disease and sin —

Verse 36 (padma.6.78.36)

गोविंदपद्मनाभाय वासुदेवाय भूभृते । नमस्कृत्वा प्रवक्ष्यामि यत्तत्सिध्यतु मे वचः

goviṁdapadmanābhāya vāsudevāya bhūbhṛte namaskṛtvā pravakṣyāmi yattatsidhyatu me vacaḥ

— to Govinda, Padmanabha, Vasudeva, Bearer-of-the-Earth. Having offered this salutation, I shall now speak; may my words be efficacious.

Verse 37 (padma.6.78.37)

त्रिविक्रमाय रामाय वैकुंठाय नराय च । श्रीवाराहनृसिंहाय वामनाय महात्मने

trivikramāya rāmāya vaikuṁṭhāya narāya ca śrīvārāhanṛsiṁhāya vāmanāya mahātmane

Salutation to Trivikrama, to Rama, to Vaikuntha, and to Nara; to the glorious Varaha-Narasimha, and to the great-souled Vamana —

Verse 38 (padma.6.78.38)

हयग्रीवाय शुभ्राय हृषीकेश हराशुभम् । परोपतापमहितं प्रमुक्तं चाभिचारिकम्

hayagrīvāya śubhrāya hṛṣīkeśa harāśubham paropatāpamahitaṁ pramuktaṁ cābhicārikam

— to Hayagriva, the radiant one. O Hrishikesha, remove all misfortune — dispel the affliction, harm, and sorcery inflicted by others,

Verse 39 (padma.6.78.39)

गरस्पर्शमहारोगप्रयोगं जरयाजर । नमोऽस्तु वासुदेवाय नमः कृष्णाय खड्गिने

garasparśamahārogaprayogaṁ jarayājara namo'stu vāsudevāya namaḥ kṛṣṇāya khaḍgine

— the great disease born of poison's touch, and every hostile working, O Unaging One, wear them away. Salutation to Vasudeva, salutation to sword-bearing Krishna.

Verse 40 (padma.6.78.40)

नमः पुष्करनेत्राय केशवायादिचक्रिणे । नमः किंजल्कवर्णाग्र्य पीतनिर्मलवाससे

namaḥ puṣkaranetrāya keśavāyādicakriṇe namaḥ kiṁjalkavarṇāgrya pītanirmalavāsase

Salutation to lotus-eyed Keshava, bearer of the primal discus. Salutation to you, foremost one whose hue is like the pollen-filament, clad in pure yellow garments.

Verse 41 (padma.6.78.41)

महादेव वपुष्कंध धृतचक्राय चक्रिणे । दंष्ट्रोद्धृतक्षितितलत्रिमूर्तिपतये नमः

mahādeva vapuṣkaṁdha dhṛtacakrāya cakriṇe daṁṣṭroddhṛtakṣititalatrimūrtipataye namaḥ

O one whose form is vast, bearer of the wielded discus; salutation to the Lord of the Three Forms, who lifted the surface of the earth upon his tusk.

Verse 42 (padma.6.78.42)

महायज्ञवराहाय श्रीवल्लभ नमोस्तु ते । तप्तहाटककेशांत ज्वलत्पावकलोचनः

mahāyajñavarāhāya śrīvallabha namostu te taptahāṭakakeśāṁta jvalatpāvakalocanaḥ

To the great sacrificial Boar, O beloved of Shri, salutation to you; whose hair is like molten gold, whose eyes blaze like fire,

Verse 43 (padma.6.78.43)

वज्राधिकनखस्पर्श दिव्यसिंह नमोऽस्तु ते । कश्यपायातिह्स्वाय ऋग्यजुः सामलक्षण

vajrādhikanakhasparśa divyasiṁha namo'stu te kaśyapāyātihsvāya ṛgyajuḥ sāmalakṣaṇa

— divine lion whose claws' touch surpasses even the thunderbolt, salutation to you. To the son of Kashyapa in his most diminutive form, marked by the Rig, Yajur, and Sama —

Verse 44 (padma.6.78.44)

तुभ्यं वामनरूपाय क्रमते गां नमोनमः । वाराहाशेषदुःखानि सर्वपापफलानि च

tubhyaṁ vāmanarūpāya kramate gāṁ namonamaḥ vārāhāśeṣaduḥkhāni sarvapāpaphalāni ca

— O you who took the form of a dwarf and strode across the earth, salutation to you again and again. O Boar, all sorrows and all the fruits of sin —

Verse 45 (padma.6.78.45)

मर्दमर्द महादंष्ट्र मर्दमर्द च तत्फलम् । नृसिंहकुलिशस्पर्श दंतप्रांत नखोज्वल

mardamarda mahādaṁṣṭra mardamarda ca tatphalam nṛsiṁhakuliśasparśa daṁtaprāṁta nakhojvala

— crush them, O great-tusked one, crush them, and crush their fruit as well. O Narasimha, whose touch is like the thunderbolt, radiant at the edge of your teeth and claws —

Verse 46 (padma.6.78.46)

भंजभंज निनादेन दुःखान्यस्यार्त्तिनाशन । ऋग्यजुःसामभिर्वाग्भिः कामरूपधरादिधृक्

bhaṁjabhaṁja ninādena duḥkhānyasyārttināśana ṛgyajuḥsāmabhirvāgbhiḥ kāmarūpadharādidhṛk

— with your roar, shatter, shatter this person's sorrows, O destroyer of affliction. Endowed with the utterances of the Rig, Yajur, and Sama, and taking forms at will,

Verse 47 (padma.6.78.47)

प्रशमं सर्वदुःखानि नयत्वस्य जनार्दनः । एकाहिकं द्व्याहिकं च तथा त्रिदिवसज्वरम्

praśamaṁ sarvaduḥkhāni nayatvasya janārdanaḥ ekāhikaṁ dvyāhikaṁ ca tathā tridivasajvaram

— may Janardana bring all this person's sorrows to peace. The fever that recurs every day, every second day, and every third day,

Verse 48 (padma.6.78.48)

चातुर्थिकं तथात्युग्रं तथा वै सततज्वरम् । दोषोत्थं सन्निपातोत्थं तथैवागंतुकज्वरम्

cāturthikaṁ tathātyugraṁ tathā vai satatajvaram doṣotthaṁ sannipātotthaṁ tathaivāgaṁtukajvaram

— the exceedingly fierce quartan fever, the fever that never abates, the fever born of the bodily humors, of their combined derangement, and the fever that comes from outside causes,

Verse 49 (padma.6.78.49)

शमं नयतु गोविंदो भित्वा छित्वास्य वेदनाम् । नेत्रदुःखं शिरोदुःखं दुःखं तूदरसंभवम्

śamaṁ nayatu goviṁdo bhitvā chitvāsya vedanām netraduḥkhaṁ śiroduḥkhaṁ duḥkhaṁ tūdarasaṁbhavam

— may Govinda bring all these to peace by piercing and cutting through this person's suffering. Pain of the eyes, pain of the head, and pain arising in the belly,

Verse 50 (padma.6.78.50)

अनुच्छ्वासं महाश्वासं परितापं सवेपथुम् । गुदघ्राणांघ्रिरोगांश्च कुष्ठरोगं तथाक्षयम्

anucchvāsaṁ mahāśvāsaṁ paritāpaṁ savepathum gudaghrāṇāṁghrirogāṁśca kuṣṭharogaṁ tathākṣayam

— breathlessness, asthma, burning distress with trembling; diseases of the anus, the nose, and the feet, leprosy, and consumption,

Verse 51 (padma.6.78.51)

कामलादींस्तथारोगान्प्रमेहादींश्च दारुणान् । ये वातप्रभवा रोगा लूताविस्फोटकादयः

kāmalādīṁstathārogānpramehādīṁśca dāruṇān ye vātaprabhavā rogā lūtāvisphoṭakādayaḥ

— jaundice and similar diseases, dreadful urinary disorders, diseases born of the wind-humor, boils, eruptions, and the like —

Verse 52 (padma.6.78.52)

ते सर्वे विलयं यांतु वासुदेवापमार्जिताः । विलयं यांति ते सर्वे विष्णोरुच्चारणेन वा

te sarve vilayaṁ yāṁtu vāsudevāpamārjitāḥ vilayaṁ yāṁti te sarve viṣṇoruccāraṇena vā

— may all of these, wiped away by Vasudeva, come to destruction. All of these are indeed destroyed by the mere utterance of Vishnu's name.

Verse 53 (padma.6.78.53)

क्षयं गच्छंतु चाशेषास्ते चक्राभिहता हरेः । अच्युतानंतगोविंद नामोच्चारणभेषजात्

kṣayaṁ gacchaṁtu cāśeṣāste cakrābhihatā hareḥ acyutānaṁtagoviṁda nāmoccāraṇabheṣajāt

Struck by Hari's discus, may all of them be utterly destroyed. By the medicine that is the utterance of the names Achyuta, Ananta, Govinda —

Verse 54 (padma.6.78.54)

नश्यंति सकला रोगाः सत्यं सत्यं वदाम्यहम् । स्थावरं जंगमं यच्च कृत्रिमं चापि यद्विषम्

naśyaṁti sakalā rogāḥ satyaṁ satyaṁ vadāmyaham sthāvaraṁ jaṁgamaṁ yacca kṛtrimaṁ cāpi yadviṣam

— all diseases are destroyed; this I say in all truth, truly. Whatever poison there be — whether from plants, from creatures, or artificially produced,

Verse 55 (padma.6.78.55)

दंतोद्भवं नखोद्भूतमाकाशप्रभवं च यत् । भूतादिप्रभवं यच्च विषमत्यंतदुःसहम्

daṁtodbhavaṁ nakhodbhūtamākāśaprabhavaṁ ca yat bhūtādiprabhavaṁ yacca viṣamatyaṁtaduḥsaham

— whether born of fangs, of claws, arisen from the air, or arisen from evil spirits — whatever poison there is, however unbearable —

Verse 56 (padma.6.78.56)

शमं नयतु तत्सर्वं कीर्तितोऽस्य जनार्दनः । ग्रहान्प्रेतग्रहांश्चैव तथान्याञ्छाकिनीग्रहान्

śamaṁ nayatu tatsarvaṁ kīrtito'sya janārdanaḥ grahānpretagrahāṁścaiva tathānyāñchākinīgrahān

— may the glorification of Janardana bring all of that to peace. The planetary spirits, the ghost-spirits, and the other witch-spirits,

Verse 57 (padma.6.78.57)

मुखमंडलिकान्क्रूरान्रेवतीं वृद्धिरेवतीम् । वृद्धिकाख्यान्ग्रहांश्चोग्रांस्तथा मातृग्रहानपि

mukhamaṁḍalikānkrūrānrevatīṁ vṛddhirevatīm vṛddhikākhyāngrahāṁścogrāṁstathā mātṛgrahānapi

— the fierce Mukhamandalika spirits, Revati and Vriddhirevati, the terrible spirits called Vriddhika, and also the Mother-spirits,

Verse 58 (padma.6.78.58)

बालस्य विष्णोश्चरितं हंतु बालग्रहानपि । वृद्धानां ये ग्रहाः केचिद्बालानां चापि ये ग्रहाः

bālasya viṣṇoścaritaṁ haṁtu bālagrahānapi vṛddhānāṁ ye grahāḥ kecidbālānāṁ cāpi ye grahāḥ

— may the deeds of the child Vishnu destroy even the spirits that afflict children. Whatever spirits afflict the old, and whatever spirits afflict children —

Verse 59 (padma.6.78.59)

नृसिंहदर्शनादेव नश्यंते तत्क्षणादपि । दंष्ट्राकरालवदनो नृसिंहो दैत्यभीषणः

nṛsiṁhadarśanādeva naśyaṁte tatkṣaṇādapi daṁṣṭrākarālavadano nṛsiṁho daityabhīṣaṇaḥ

— are destroyed the very instant one beholds Narasimha. Narasimha, his face terrible with fangs, dreadful to the demons —

Verse 60 (padma.6.78.60)

तं दृष्ट्वा ते ग्रहाः सर्वे दूरं यांति विशेषतः । श्रीनृसिंहमहासिंहज्वालामालोज्ज्वलानन

taṁ dṛṣṭvā te grahāḥ sarve dūraṁ yāṁti viśeṣataḥ śrīnṛsiṁhamahāsiṁhajvālāmālojjvalānana

— seeing him, all those spirits flee far away. O glorious Narasimha, great lion, whose face blazes with garlands of flame —

Verse 61 (padma.6.78.61)

ग्रहानशेषान्सर्वेश नुदस्वास्य विलोचन । ये रोगा ये महोत्पाता ये द्विषो ये महाग्रहाः

grahānaśeṣānsarveśa nudasvāsya vilocana ye rogā ye mahotpātā ye dviṣo ye mahāgrahāḥ

— O lord of all, O far-seeing one, drive away all this person's afflicting spirits. Whatever diseases, whatever great calamities, whatever enemies, whatever great malefic spirits —

Verse 62 (padma.6.78.62)

यानि च क्रूरभूतानि ग्रहपीडाश्च दारुणाः । शस्त्रक्षतेषु ये रोगा ज्वालगर्दभिकादयः

yāni ca krūrabhūtāni grahapīḍāśca dāruṇāḥ śastrakṣateṣu ye rogā jvālagardabhikādayaḥ

— whatever cruel spirits there be, whatever terrible afflictions from malefic spirits; whatever diseases arise in weapon-wounds, carbuncles and the like,

Verse 63 (padma.6.78.63)

विस्फोटकादयो ये च ग्रहा गात्रेषु संस्थिताः । त्रैलोक्यरक्षाकर्त्तस्त्वं दुष्टदानववारण

visphoṭakādayo ye ca grahā gātreṣu saṁsthitāḥ trailokyarakṣākarttastvaṁ duṣṭadānavavāraṇa

— pustular eruptions and the like, and whatever spirits reside in the limbs — O protector of the three worlds, O restrainer of wicked demons,

Verse 64 (padma.6.78.64)

सुदर्शनमहातेजश्छिंधि छिंधि महाज्वरम् । छिंधि वातं च लूतां च छिंधि घोरं महाविषम्

sudarśanamahātejaśchiṁdhi chiṁdhi mahājvaram chiṁdhi vātaṁ ca lūtāṁ ca chiṁdhi ghoraṁ mahāviṣam

— O Sudarshana, of great splendor, cut, cut this great fever asunder. Cut asunder the wind-disease and the spider's poison, cut asunder the terrible, mighty poison.

Verse 65 (padma.6.78.65)

उद्दंडामरशूलं च विषज्वालासगर्दभम् । ॐ हांहांहूंहूं प्रधारेण कुठारेण हनद्दिवषः

uddaṁḍāmaraśūlaṁ ca viṣajvālāsagardabham oṁ hāṁhāṁhūṁhūṁ pradhāreṇa kuṭhāreṇa hanaddivaṣaḥ

— cut asunder the violent headache and colic pain, the burning of poison, and the carbuncle disease. Om hāṁ hāṁ hūṁ hūṁ — with this potent utterance, strike down the poison as with an axe.

Verse 66 (padma.6.78.66)

ॐ नमो भगवते सुदर्शनाय दुःखदारणविग्रह । यानि चान्यानि दुष्टानि प्राणिपीडाकराणि वै

oṁ namo bhagavate sudarśanāya duḥkhadāraṇavigraha yāni cānyāni duṣṭāni prāṇipīḍākarāṇi vai

Om, salutation to the Lord Sudarshana, whose very form tears sorrow apart. And whatever other evil forces there are that cause affliction to living beings —

Verse 67 (padma.6.78.67)

तानि सर्वाणि सर्वात्मा परमात्मा जनार्दनः । किंचिद्रूपं समास्थाय वासुदेव नमोस्तु ते

tāni sarvāṇi sarvātmā paramātmā janārdanaḥ kiṁcidrūpaṁ samāsthāya vāsudeva namostu te

— may Janardana, the Supreme Self dwelling in all, destroy all of them. O Vasudeva, whatever form you assume, salutation to you.

Verse 68 (padma.6.78.68)

क्षिप्त्वा सुदर्शनं चक्रं ज्वालमालाविभीषणम् । सर्वदुष्टोपशमनं कुरु देव वराच्युत

kṣiptvā sudarśanaṁ cakraṁ jvālamālāvibhīṣaṇam sarvaduṣṭopaśamanaṁ kuru deva varācyuta

Hurling forth the Sudarshana discus, terrible with its garland of flames, O god, O excellent Achyuta, bring peace by subduing all that is evil.

Verse 69 (padma.6.78.69)

सुदर्शनमहाचक्र गोविंदस्य वरायुध । तीक्ष्णधार महावेग सूर्यकोटिसमद्युते

sudarśanamahācakra goviṁdasya varāyudha tīkṣṇadhāra mahāvega sūryakoṭisamadyute

O great Sudarshana discus, excellent weapon of Govinda, sharp-edged, of tremendous speed, blazing with the splendor of a million suns —

Verse 70 (padma.6.78.70)

सुदर्शनमहाज्वाल छिंधि छिंधि महारव । सर्वदुःखानि रक्षांसि पापानि च विभीषण

sudarśanamahājvāla chiṁdhi chiṁdhi mahārava sarvaduḥkhāni rakṣāṁsi pāpāni ca vibhīṣaṇa

O Sudarshana of great flame and mighty roar, cut, cut asunder. O terrible one, cut asunder all sorrows, all demons, and all sins.

Verse 71 (padma.6.78.71)

दुरितं हन चारोग्यं कुरु त्वं भो सुदर्शन । प्राच्यां चैव प्रतीच्यां च दक्षिणोत्तरतस्तथा

duritaṁ hana cārogyaṁ kuru tvaṁ bho sudarśana prācyāṁ caiva pratīcyāṁ ca dakṣiṇottaratastathā

O Sudarshana, destroy this misfortune and grant health. In the east and in the west, and in the south and the north,

Verse 72 (padma.6.78.72)

रक्षां करोतु विश्वात्मा नरसिंहः स्वगर्जितैः । भूम्यांतरिक्षे च तथा पृष्ठतः पार्श्वतोऽग्रतः । रक्षां करोतु भगवान्बहुरूपी जनार्दनः

rakṣāṁ karotu viśvātmā narasiṁhaḥ svagarjitaiḥ bhūmyāṁtarikṣe ca tathā pṛṣṭhataḥ pārśvato'grataḥ rakṣāṁ karotu bhagavānbahurūpī janārdanaḥ

— may Narasimha, the soul of the universe, protect with his roar. Upon the earth and in the sky, behind, beside, and in front — may the many-formed Lord Janardana grant protection.

Verse 73 (padma.6.78.73)

यथा विष्णुमयं सर्वं सदेवासुरमानुषम् । तेन सत्येन सकलं दुःखमस्य प्रणश्यतु

yathā viṣṇumayaṁ sarvaṁ sadevāsuramānuṣam tena satyena sakalaṁ duḥkhamasya praṇaśyatu

As all that exists, together with gods, demons, and men, is pervaded by Vishnu — by that very truth may all of this person's suffering be destroyed.

Verse 74 (padma.6.78.74)

यथा योगेश्वरो विष्णुः सर्वदेवेषु गीयते । तेन सत्येन सकलं दुःखमस्य प्रणश्यतु

yathā yogeśvaro viṣṇuḥ sarvadeveṣu gīyate tena satyena sakalaṁ duḥkhamasya praṇaśyatu

As Vishnu, the lord of yoga, is glorified among all the gods — by that very truth may all of this person's suffering be destroyed.

Verse 75 (padma.6.78.75)

परमात्मा यथा विष्णुर्वेदांगेषु च गीयते । तेन सत्येन विश्वात्मा सुखदोऽस्त्वस्य केशवः

paramātmā yathā viṣṇurvedāṁgeṣu ca gīyate tena satyena viśvātmā sukhado'stvasya keśavaḥ

As Vishnu, the Supreme Self, is celebrated in the auxiliary Vedic texts — by that very truth may Keshava, the soul of the universe, become the giver of happiness to this person.

Verse 76 (padma.6.78.76)

शांतिरस्तु शिवं चास्तु प्रणाशं यातु चासुखम् । वासुदेवशरीरोत्थैः कुशैः संमार्जितं मया

śāṁtirastu śivaṁ cāstu praṇāśaṁ yātu cāsukham vāsudevaśarīrotthaiḥ kuśaiḥ saṁmārjitaṁ mayā

May there be peace, may there be well-being, and may sorrow come to its destruction. With these kusha grasses, born as it were of Vasudeva's own body, I have performed this cleansing.

Verse 77 (padma.6.78.77)

अपामार्जितगोविंद नमो नारायणस्तथा । तथापि सर्वदुःखानां प्रशमो वचनाद्धरेः

apāmārjitagoviṁda namo nārāyaṇastathā tathāpi sarvaduḥkhānāṁ praśamo vacanāddhareḥ

Salutation to Govinda, the performer of this cleansing, and salutation likewise to Narayana. Thus, by the very word of Hari, may all sorrows come to peace.

Verse 78 (padma.6.78.78)

शांताः समस्तदोषास्ते ग्रहाः सर्वे विषाणि च । भूतानि च प्रशाम्यंति संस्मृते मधुसूदने

śāṁtāḥ samastadoṣāste grahāḥ sarve viṣāṇi ca bhūtāni ca praśāmyaṁti saṁsmṛte madhusūdane

All afflictions are pacified; all malefic spirits, all poisons, and all evil beings are pacified the moment Madhusudana is remembered.

Verse 79 (padma.6.78.79)

एते कुशा विष्णुशरीरसंभवा जनार्दनोऽहं स्वयमेव चाग्रतः । हतं मया दुःखमशेषमस्य वै स्वस्थो भवत्वेष वचो यथा हरेः

ete kuśā viṣṇuśarīrasaṁbhavā janārdano'haṁ svayameva cāgrataḥ hataṁ mayā duḥkhamaśeṣamasya vai svastho bhavatveṣa vaco yathā hareḥ

These kusha grasses are born of Vishnu's own body, and I myself, as it were Janardana, stand before this person. I have destroyed his sorrow entirely; may he become wholly well, in accordance with the word of Hari.

Verse 80 (padma.6.78.80)

शांतिरस्तु शिवं चास्तु प्रणश्यतु सुखं च यत् । यदस्य दुरितं किंचित्क्षिप्तं तल्लवणांभसि

śāṁtirastu śivaṁ cāstu praṇaśyatu sukhaṁ ca yat yadasya duritaṁ kiṁcitkṣiptaṁ tallavaṇāṁbhasi

May there be peace, may there be well-being, and may every misfortune be destroyed. Whatever sin belongs to this person is, as it were, cast away into salt water.

Verse 81 (padma.6.78.81)

स्वास्थ्यमस्य सदैवास्तु हृषीकेशस्य कीर्तनात् । यद्यतोऽत्रागतं पापं तत्तु तत्र प्रगच्छतु

svāsthyamasya sadaivāstu hṛṣīkeśasya kīrtanāt yadyato'trāgataṁ pāpaṁ tattu tatra pragacchatu

Through the glorification of Hrishikesha, may this person have good health forever. Let whatever sin came from wherever return back to that very place.

Verse 82 (padma.6.78.82)

एतद्रोगेषु पीडासु जंतूनां हितमिच्छुभिः । विष्णुभक्तैश्च कर्त्तव्यमपामार्जनकं परम्

etadrogeṣu pīḍāsu jaṁtūnāṁ hitamicchubhiḥ viṣṇubhaktaiśca karttavyamapāmārjanakaṁ param

In diseases and afflictions, those devotees of Vishnu who desire the welfare of living beings should perform this supreme rite of apamarjana.

Verse 83 (padma.6.78.83)

अनेन सर्वदुःखानि विलयं यांत्यशेषतः । सर्वपापविशुध्यर्थं विष्णोश्चैवापमार्जनम्

anena sarvaduḥkhāni vilayaṁ yāṁtyaśeṣataḥ sarvapāpaviśudhyarthaṁ viṣṇoścaivāpamārjanam

By this, all sorrows are entirely destroyed. This apamarjana rite of Vishnu is for the purification of all sins.

Verse 84 (padma.6.78.84)

आर्द्रं शुष्कं लघुस्थूलं ब्रह्महत्यादिकं तु यत् । तत्सर्वं नश्यते तूर्णं तमोवद्रविदर्शनात्

ārdraṁ śuṣkaṁ laghusthūlaṁ brahmahatyādikaṁ tu yat tatsarvaṁ naśyate tūrṇaṁ tamovadravidarśanāt

Whether it is a fresh or old sin, light or grave, even one as heavy as the killing of a brahmin — all of it is instantly destroyed, as darkness vanishes at the sight of the sun.

Verse 85 (padma.6.78.85)

नश्यंति रोगा दोषाश्च सिंहात्क्षुद्रमृगा यथा । ग्रहभूतपिशाचादि श्रवणादेव नश्यतु

naśyaṁti rogā doṣāśca siṁhātkṣudramṛgā yathā grahabhūtapiśācādi śravaṇādeva naśyatu

Diseases and afflictions flee, as small beasts flee from a lion. May malefic spirits, ghosts, and demons be destroyed by the mere hearing of this.

Verse 86 (padma.6.78.86)

द्रव्यार्थं लोभपरमैर्न कर्त्तव्यं कदाचन । कृतेपामार्जने किंचिन्न ग्राह्यं हितकाम्यया

dravyārthaṁ lobhaparamairna karttavyaṁ kadācana kṛtepāmārjane kiṁcinna grāhyaṁ hitakāmyayā

This should never be performed for the sake of wealth, driven by greed. Once the apamarjana is performed out of a wish for another's welfare, nothing should be accepted in return.

Verse 87 (padma.6.78.87)

निरपेक्षैः प्रकर्तव्यमादिमध्यांतबोधकैः । विष्णुभक्तैः सदा शांतैरन्यथा सिद्धिदं भवेत्

nirapekṣaiḥ prakartavyamādimadhyāṁtabodhakaiḥ viṣṇubhaktaiḥ sadā śāṁtairanyathā siddhidaṁ bhavet

It should be performed only by desireless devotees of Vishnu, ever peaceful and versed in its beginning, middle, and end — otherwise it does not grant its intended fruit.

Verse 88 (padma.6.78.88)

अतुलेयं नृणां सिद्धिरियं रक्षा परा नृणाम् । भेषजं परमं ह्येतद्विष्णोर्यदपमार्जनम्

atuleyaṁ nṛṇāṁ siddhiriyaṁ rakṣā parā nṛṇām bheṣajaṁ paramaṁ hyetadviṣṇoryadapamārjanam

This is an incomparable attainment for men; this is the supreme protection for men. This apamarjana of Vishnu is indeed the supreme medicine.

Verse 89 (padma.6.78.89)

उक्तं हि ब्रह्मणा पूर्वं पुलस्त्याय सुताय वै । एतत्पुलस्त्यमुनिदालभ्यायोतं स्वयम्

uktaṁ hi brahmaṇā pūrvaṁ pulastyāya sutāya vai etatpulastyamunidālabhyāyotaṁ svayam

This was long ago spoken by Brahma to his son Pulastya; and this same teaching was spoken by the sage Pulastya himself to Dalabhya.

Verse 90 (padma.6.78.90)

सर्वभूतहितार्थाय दालभ्येन प्रकाशितम् । त्रैलोक्ये तदिदं विष्णोः समाप्तं चापमार्जनम्

sarvabhūtahitārthāya dālabhyena prakāśitam trailokye tadidaṁ viṣṇoḥ samāptaṁ cāpamārjanam

Dalabhya revealed it for the welfare of all beings. Thus, this apamarjana of Vishnu, known throughout the three worlds, is concluded.

Verse 91 (padma.6.78.91)

तवाग्रे कथितं देवि यतो भक्तासि मे सदा । श्रुत्वा तु सर्वं भक्त्या च रोगान्दोषान्व्यपोहति

tavāgre kathitaṁ devi yato bhaktāsi me sadā śrutvā tu sarvaṁ bhaktyā ca rogāndoṣānvyapohati

O goddess, I have told this before you because you are ever my devotee. Whoever hears all of this with devotion drives away all diseases and afflictions.