The Fruits of the Apamarjana Hymn

Verse 1 (padma.6.79.1)

महादेव उवाच । अपामार्जनकं दिव्यं परमाद्भुतमेव च । पठितव्यं विशेषेण पुत्रकामार्थसिद्धये

mahādeva uvāca apāmārjanakaṁ divyaṁ paramādbhutameva ca paṭhitavyaṁ viśeṣeṇa putrakāmārthasiddhaye

Mahadeva said: This divine and supremely wondrous apamarjana hymn should especially be recited for the fulfillment of the desire for children and for material success.

Verse 2 (padma.6.79.2)

एतत्स्तोत्रं पठेत्प्राज्ञः सर्वकामार्थसिद्धये । एककालं द्विकालं वा ये पठंति द्विजातयः

etatstotraṁ paṭhetprājñaḥ sarvakāmārthasiddhaye ekakālaṁ dvikālaṁ vā ye paṭhaṁti dvijātayaḥ

The wise should recite this hymn for the fulfillment of all desires. Those twice-born who recite it once or twice daily —

Verse 3 (padma.6.79.3)

आयुश्च श्रीर्बलं तस्य वर्द्धयंति दिने दिने । ब्राह्मणो लभते विद्यां क्षत्रियो राज्यमेव वा

āyuśca śrīrbalaṁ tasya varddhayaṁti dine dine brāhmaṇo labhate vidyāṁ kṣatriyo rājyameva vā

— their lifespan, prosperity, and strength increase day by day. A brahmin attains learning, a kshatriya attains sovereignty,

Verse 4 (padma.6.79.4)

वैश्यो धनसमृद्धिं च शूद्रो भक्तिं च विंदति । अन्यैश्च लभते भक्तिं पठनाच्छ्रवणाज्जपात्

vaiśyo dhanasamṛddhiṁ ca śūdro bhaktiṁ ca viṁdati anyaiśca labhate bhaktiṁ paṭhanācchravaṇājjapāt

— a vaishya attains wealth and prosperity, and a shudra attains devotion. Others too attain devotion through its recitation, hearing, and repetition.

Verse 5 (padma.6.79.5)

सामवेदफलं तस्य जायते नगनन्दिनि । अखिलं पापसंघातं तत्क्षणादेव नश्यति

sāmavedaphalaṁ tasya jāyate naganandini akhilaṁ pāpasaṁghātaṁ tatkṣaṇādeva naśyati

O daughter of the mountain, one obtains thereby the fruit of studying the Samaveda. The entire mass of sin is destroyed in that very instant.

Verse 6 (padma.6.79.6)

इति ज्ञात्वा तु भो देवि पठितव्यं समाहितैः । पुत्राश्चैव तथा लक्ष्मीः संपूर्णा भवति ध्रुवम्

iti jñātvā tu bho devi paṭhitavyaṁ samāhitaiḥ putrāścaiva tathā lakṣmīḥ saṁpūrṇā bhavati dhruvam

O goddess, knowing this, the concentrated should recite it. By this, children and prosperity most certainly become complete.

Verse 7 (padma.6.79.7)

लिखित्वा भूर्जपत्रे तु यो धारयति वैष्णवः । इहलोके सुखं भुक्त्वा याति विष्णोः परं पदम्

likhitvā bhūrjapatre tu yo dhārayati vaiṣṇavaḥ ihaloke sukhaṁ bhuktvā yāti viṣṇoḥ paraṁ padam

Whatever Vaishnava writes this on birch-bark and wears it, having enjoyed happiness in this world, attains Vishnu's supreme abode.

Verse 8 (padma.6.79.8)

पठित्वा श्लोकमेकं तु तुलसीं यः समर्पयेत् । सर्वं तीर्थं कृतं तेन तुलस्याः पूजने कृते

paṭhitvā ślokamekaṁ tu tulasīṁ yaḥ samarpayet sarvaṁ tīrthaṁ kṛtaṁ tena tulasyāḥ pūjane kṛte

Whoever recites even a single verse and offers tulasi — by that offering of tulasi, all pilgrimages are, as it were, accomplished by him.

Verse 9 (padma.6.79.9)

एतत्स्तोत्रं तु परमं वैष्णवं मुक्तिदायकम् । पृथ्वीदानसमं पाठाद्विष्णुलोकं तु गच्छति

etatstotraṁ tu paramaṁ vaiṣṇavaṁ muktidāyakam pṛthvīdānasamaṁ pāṭhādviṣṇulokaṁ tu gacchati

This supreme Vaishnava hymn grants liberation. By its recitation, one attains a merit equal to the gift of the whole earth and goes to the world of Vishnu.

Verse 10 (padma.6.79.10)

जपेत्स्तोत्रं विशेषेण विष्णुलोकस्य वांछया । बालानां जीवनार्थाय पठितव्यं समाहितैः

japetstotraṁ viśeṣeṇa viṣṇulokasya vāṁchayā bālānāṁ jīvanārthāya paṭhitavyaṁ samāhitaiḥ

One should especially recite this hymn with the desire for the world of Vishnu. It should be recited with concentration for the protection of children's lives.

Verse 11 (padma.6.79.11)

रोगग्रहाभिभूतानां बालानां शांतिकारकम् । भूत ग्रह विषं चैव पठनादेव नश्यति

rogagrahābhibhūtānāṁ bālānāṁ śāṁtikārakam bhūta graha viṣaṁ caiva paṭhanādeva naśyati

It brings peace to children afflicted by disease and planetary evil. Evil spirits, malefic planets, and poison are destroyed by its mere recitation.

Verse 12 (padma.6.79.12)

कंठे तुलसिजां मालां धृत्वा विप्रो हि यः पठेत् । स च वै वैष्णवो ज्ञेयो विष्णुलोकं स गच्छति

kaṁṭhe tulasijāṁ mālāṁ dhṛtvā vipro hi yaḥ paṭhet sa ca vai vaiṣṇavo jñeyo viṣṇulokaṁ sa gacchati

The brahmin who, wearing a garland of tulasi beads around his neck, recites this, should indeed be known as a Vaishnava, and he attains the world of Vishnu.

Verse 13 (padma.6.79.13)

कंठे माला धृता येन शंखचक्रादिचिह्नितः । वैष्णवः प्रोच्यते विप्रः स्तोत्रं चैतत्पठन्सदा

kaṁṭhe mālā dhṛtā yena śaṁkhacakrādicihnitaḥ vaiṣṇavaḥ procyate vipraḥ stotraṁ caitatpaṭhansadā

The brahmin who wears the garland around his neck and bears the marks of the conch, discus, and the like, and who ever recites this hymn, is called a Vaishnava.

Verse 14 (padma.6.79.14)

इहलोकं परित्यज्य विष्णुलोकं स गच्छति । मोहमायापरित्यक्तो दंभतृष्णाविवर्जितः

ihalokaṁ parityajya viṣṇulokaṁ sa gacchati mohamāyāparityakto daṁbhatṛṣṇāvivarjitaḥ

Having relinquished this world, he goes to the world of Vishnu, freed from delusion and illusion, and rid of pride and craving.

Verse 15 (padma.6.79.15)

एतत्स्तोत्रं पठेद्दिव्यं परं निर्वाणमाप्नुयात् । ते धन्याः संति भूर्लोके ये विप्रा वैष्णवाः स्मृताः

etatstotraṁ paṭheddivyaṁ paraṁ nirvāṇamāpnuyāt te dhanyāḥ saṁti bhūrloke ye viprā vaiṣṇavāḥ smṛtāḥ

Whoever recites this divine hymn attains the supreme liberation. Blessed indeed are those brahmins on this earth who are known as Vaishnavas.

Verse 16 (padma.6.79.16)

स्वात्मा वै तारितस्तैस्तु सकुलं नात्र संशयः । ते वै धन्यतमा लोके नारायणपरायणाः । तैर्भक्तिश्च सदा कार्या ते वै भागवता नराः

svātmā vai tāritastaistu sakulaṁ nātra saṁśayaḥ te vai dhanyatamā loke nārāyaṇaparāyaṇāḥ tairbhaktiśca sadā kāryā te vai bhāgavatā narāḥ

By them, not only is their own self liberated, but their entire lineage too, without doubt. They are the most blessed in the world, devoted wholly to Narayana. They should ever practice devotion — they alone are true Bhagavatas.