The Rite of Pavitraropana

Verse 1 (padma.6.86.1)

महादेव उवाच । श्रावणे मासि संप्राप्ते पवित्रारोपणो विधिः । यस्मिन्कृते तु देवेशि दिव्यभक्तिः प्रजायते

mahādeva uvāca śrāvaṇe māsi saṁprāpte pavitrāropaṇo vidhiḥ yasminkṛte tu deveśi divyabhaktiḥ prajāyate

Mahadeva said: When the month of Shravana arrives, there is the rite of Pavitraropana, the offering of the sacred thread; by performing it, O queen of gods, divine devotion is born.

Verse 2 (padma.6.86.2)

पवित्रारोपणं विष्णोः कर्तव्यं श्रद्धया बुधैः । संपूर्णा जायते तस्य पूजा पार्वति वार्षिकी

pavitrāropaṇaṁ viṣṇoḥ kartavyaṁ śraddhayā budhaiḥ saṁpūrṇā jāyate tasya pūjā pārvati vārṣikī

The wise should perform Vishnu's Pavitraropana with faith. O Parvati, by this his year-long worship becomes complete.

Verse 3 (padma.6.86.3)

पवित्रारोपणे विष्णोर्जायते सुखमात्मनः । संपूजिते सदा विष्णौ नानासुखमवाप्नुयात्

pavitrāropaṇe viṣṇorjāyate sukhamātmanaḥ saṁpūjite sadā viṣṇau nānāsukhamavāpnuyāt

From Vishnu's Pavitraropana, happiness of the soul arises. When Vishnu is ever properly worshipped, a man obtains manifold happiness.

Verse 4 (padma.6.86.4)

सूत्रं वाससमानीय ब्राह्मण्या कर्तितं तथा । स्वेनैव कर्तितं सूत्रं तेनैव च प्रकारयेत्

sūtraṁ vāsasamānīya brāhmaṇyā kartitaṁ tathā svenaiva kartitaṁ sūtraṁ tenaiva ca prakārayet

One should procure thread made from cloth-fibers and spun by a brahmin woman; or thread spun by oneself may also be used for this rite.

Verse 5 (padma.6.86.5)

सच्छूद्र्या कर्तितं सूत्रं तद्ग्राह्यं वा तथैव च । अन्यथा विक्रयेणापि ग्राह्यं चापि यथातथम्

sacchūdryā kartitaṁ sūtraṁ tadgrāhyaṁ vā tathaiva ca anyathā vikrayeṇāpi grāhyaṁ cāpi yathātatham

Thread spun by a virtuous shudra woman may likewise be accepted; otherwise it may also be purchased and used as available.

Verse 6 (padma.6.86.6)

क्षौमेनैव प्रकर्तव्यः पवित्रारोपणो विधिः । रूप्येण वा तथा कार्यं पवित्रं विष्णुदैवतम्

kṣaumenaiva prakartavyaḥ pavitrāropaṇo vidhiḥ rūpyeṇa vā tathā kāryaṁ pavitraṁ viṣṇudaivatam

The rite of Pavitraropana should be performed with silk; or this sacred thread for the deity Vishnu may also be made of silver.

Verse 7 (padma.6.86.7)

सौवर्णेनापि देवेशि कर्तव्यं विधिपूर्वकम् । अभावे सर्वधातूनां ग्राह्यं सूत्रं तथा बुधैः

sauvarṇenāpi deveśi kartavyaṁ vidhipūrvakam abhāve sarvadhātūnāṁ grāhyaṁ sūtraṁ tathā budhaiḥ

O queen of gods, it may also be duly made of gold. In the absence of any of these metals, the wise should simply take ordinary thread.

Verse 8 (padma.6.86.8)

कृत्वा तु त्रिवृतं सूत्रं प्रक्षाल्यमुदकेन तु । लिंगे लिंगप्रमाणं च प्रतिमायां यथाविधिः

kṛtvā tu trivṛtaṁ sūtraṁ prakṣālyamudakena tu liṁge liṁgapramāṇaṁ ca pratimāyāṁ yathāvidhiḥ

Having made the thread threefold, it should be washed with water. For the linga, the measure should follow the linga's own size; for an image, it should follow the prescribed rule.

Verse 9 (padma.6.86.9)

पादौ वै जानुपर्यंतं तथा नाभिसमं स्मृतम् । ज्येष्ठं मध्यं कनिष्ठं च पवित्रं कारयेद्बुधः

pādau vai jānuparyaṁtaṁ tathā nābhisamaṁ smṛtam jyeṣṭhaṁ madhyaṁ kaniṣṭhaṁ ca pavitraṁ kārayedbudhaḥ

The measure from the feet to the knees, and up to the navel, has been prescribed. The wise should make the sacred thread in three lengths — long, medium, and short.

Verse 10 (padma.6.86.10)

संवत्सरदिनैस्तद्वत्तदर्द्धार्द्धेन संख्यया । सूत्रेणैव प्रकर्त्तव्यं ग्रंथिनाष्टोत्तरं शतम्

saṁvatsaradinaistadvattadarddhārddhena saṁkhyayā sūtreṇaiva prakarttavyaṁ graṁthināṣṭottaraṁ śatam

According to the number of days in the year, or in half or a quarter of that number, one hundred and eight knots should be tied in that very thread.

Verse 11 (padma.6.86.11)

तदर्द्धसंख्यकेनापि युक्तं वा तत्र पार्वति । लिंगे वै लिंगसंज्ञं तु गंगानागैश्च संयुतम्

tadarddhasaṁkhyakenāpi yuktaṁ vā tatra pārvati liṁge vai liṁgasaṁjñaṁ tu gaṁgānāgaiśca saṁyutam

O Parvati, or it may be made with half that number as well. For the linga, associated with the name proper to the linga, joined with the marks of Ganga and the serpent —

Verse 12 (padma.6.86.12)

प्रतिमायां तथा देवि पवित्रं वनमालकम् । यथाशोभा तथा कार्यं येन विष्णुः प्रसीदति

pratimāyāṁ tathā devi pavitraṁ vanamālakam yathāśobhā tathā kāryaṁ yena viṣṇuḥ prasīdati

— and on the image, O goddess, the sacred thread should be adorned with a garland of forest flowers. It should be made in whatever way seems most fitting, so that Vishnu becomes pleased.

Verse 13 (padma.6.86.13)

एकं वै सुपवित्रं तु गंधाख्यं कारयेत्सदा । तंतुना यच्च संयुक्तं कर्त्तव्यं वैष्णवैर्नरैः

ekaṁ vai supavitraṁ tu gaṁdhākhyaṁ kārayetsadā taṁtunā yacca saṁyuktaṁ karttavyaṁ vaiṣṇavairnaraiḥ

One excellent sacred thread, called by the name 'Gandha,' should always be made. Whatever is joined with the thread should be made by Vaishnava men.

Verse 14 (padma.6.86.14)

देवानां च तथा प्रोक्तं पवित्रं विष्णुदैवतम् । अंबरीषाद्या भक्ताश्च अन्येऽपि च ध्रुवादयः

devānāṁ ca tathā proktaṁ pavitraṁ viṣṇudaivatam aṁbarīṣādyā bhaktāśca anye'pi ca dhruvādayaḥ

For the gods too, the sacred thread of the deity Vishnu is likewise prescribed. To devotees such as Ambarisha and others, and to Dhruva and the rest —

Verse 15 (padma.6.86.15)

पवित्राणि ततः पश्चाद्दातव्यानीह पार्वति । प्रतिपद्धनदस्योक्ता पवित्रारोपणे तिथिः

pavitrāṇi tataḥ paścāddātavyānīha pārvati pratipaddhanadasyoktā pavitrāropaṇe tithiḥ

— sacred threads should thereafter be given, here, O Parvati. In the Pavitraropana, the first lunar day is said to belong to Dhanada (Kubera).

Verse 16 (padma.6.86.16)

लक्ष्म्या देव्या द्वितीया तु तिथीनामुत्तमा तिथिः । तृतीया तु तव प्रोक्ता चतुर्थी गणपस्य च

lakṣmyā devyā dvitīyā tu tithīnāmuttamā tithiḥ tṛtīyā tu tava proktā caturthī gaṇapasya ca

The second day, best among the tithis, belongs to the goddess Lakshmi; the third is declared to be yours, and the fourth belongs to Ganapati.

Verse 17 (padma.6.86.17)

पंचमी चंद्रमसश्चैव षष्ठी वै कार्त्तिकस्य च । सप्तमी च रवेः प्रोक्ता दुर्गायाश्चाष्टमी स्मृता

paṁcamī caṁdramasaścaiva ṣaṣṭhī vai kārttikasya ca saptamī ca raveḥ proktā durgāyāścāṣṭamī smṛtā

The fifth belongs to the moon, and the sixth to Kartikeya. The seventh is said to belong to the sun, and the eighth is remembered as Durga's.

Verse 18 (padma.6.86.18)

नवमी चैव मातॄणां यमस्य दशमी तथा । एकादशी तु सर्वेषां द्वादशी माधवस्य च

navamī caiva mātṝṇāṁ yamasya daśamī tathā ekādaśī tu sarveṣāṁ dvādaśī mādhavasya ca

The ninth belongs to the Mother-goddesses, and the tenth to Yama. The eleventh belongs to all the gods, and the twelfth to Madhava.

Verse 19 (padma.6.86.19)

त्रयोदशी तु कामस्य शर्वस्योक्ता चतुर्दशी । तद्वत्पंचदशी ख्याता धातुर्वै ह्यर्चने पुनः

trayodaśī tu kāmasya śarvasyoktā caturdaśī tadvatpaṁcadaśī khyātā dhāturvai hyarcane punaḥ

The thirteenth belongs to Kama, and the fourteenth is said to belong to Shiva. Likewise, the fifteenth, the full moon, is renowned as belonging to Brahma in worship.

Verse 20 (padma.6.86.20)

एता वै तिथयः प्रोक्ताः पवित्रारोपणोचिताः । कनिष्ठे द्वादश प्रोक्ता मध्यमे द्विगुणा स्मृताः

etā vai tithayaḥ proktāḥ pavitrāropaṇocitāḥ kaniṣṭhe dvādaśa proktā madhyame dviguṇā smṛtāḥ

These same tithis are declared suitable for Pavitraropana. In the shortest thread, twelve knots are prescribed; in the medium, twice that number.

Verse 21 (padma.6.86.21)

त्रिगुणाश्चोत्तमे चैव ग्रंथयश्च पवित्रके । कर्पूरकेसराभ्यां वा चंदनेन हरिद्रया

triguṇāścottame caiva graṁthayaśca pavitrake karpūrakesarābhyāṁ vā caṁdanena haridrayā

In the finest, three times that number of knots should be in the sacred thread. With camphor and saffron, or with sandal-paste and turmeric —

Verse 22 (padma.6.86.22)

रंजयित्वा तु तत्सर्वं स्थाप्यं नवकरंडके । देवस्य यजनं यत्र स्थाप्यानि देववत्तदा

raṁjayitvā tu tatsarvaṁ sthāpyaṁ navakaraṁḍake devasya yajanaṁ yatra sthāpyāni devavattadā

— having colored all of it, it should be placed in a new box. Where the worship of the deity takes place, it should then be installed there, like the deity himself.

Verse 23 (padma.6.86.23)

आदौ देवार्चनं कृत्वा वासनं सपवित्रकम् । अधिवासिते पवित्रे तु ततो वै पूजनं स्मृतम्

ādau devārcanaṁ kṛtvā vāsanaṁ sapavitrakam adhivāsite pavitre tu tato vai pūjanaṁ smṛtam

First, having worshipped the deity, one should perform the overnight ceremonial placement of the sacred thread. Once the sacred thread has been thus placed, its worship is then prescribed.

Verse 24 (padma.6.86.24)

पवित्रेषु च यद्देवास्तेषां निकटमाचरेत् । ब्रह्माविष्णुस्तथा रुद्रस्त्रयो वै सूत्रदेवताः

pavitreṣu ca yaddevāsteṣāṁ nikaṭamācaret brahmāviṣṇustathā rudrastrayo vai sūtradevatāḥ

One should act in the presence of the deities present within the sacred threads. Brahma, Vishnu, and Rudra — these three are the deities of the thread.

Verse 25 (padma.6.86.25)

क्रिया च पौरुषी वीरा चतुर्थी चापराजिता । जया च विजया चैव मुक्तिदा च सदाशिवा

kriyā ca pauruṣī vīrā caturthī cāparājitā jayā ca vijayā caiva muktidā ca sadāśivā

Kriya, Paurushi, Vira, the fourth Aparajita, Jaya, Vijaya, Muktida, and Sadashiva —

Verse 26 (padma.6.86.26)

मनोन्मनी तु नवमी दशमी सर्वतोमुखी । ग्रंथीनां देवताश्चैव सूत्रेषु विनिवेशयेत्

manonmanī tu navamī daśamī sarvatomukhī graṁthīnāṁ devatāścaiva sūtreṣu viniveśayet

— the ninth Manonmani, and the tenth Sarvatomukhi — these deities of the knots should be established within the threads.

Verse 27 (padma.6.86.27)

आवाहनमुद्रया वै शास्त्रोक्तविधिना ततः । आवाह्य तत्र ताः सम्यक्संनिधीकरणं स्मृतम्

āvāhanamudrayā vai śāstroktavidhinā tataḥ āvāhya tatra tāḥ samyaksaṁnidhīkaraṇaṁ smṛtam

Then, with the gesture of invocation, according to the rite prescribed in scripture, having duly invoked those deities there, the establishing of their close presence is then prescribed.

Verse 28 (padma.6.86.28)

संनिधीकरणमुद्रया संनिधीकरणम् । रक्ष्यामुद्रया संरक्ष्य धेनुमुद्रया अमृतीकृत्य । आनीय देवस्याग्रे कलशोदकं गृहीत्वा । आगमोक्तेन मंत्रेण प्रोक्षणं विधाय क्लीं कृष्णाय इति मंत्रेण प्रोक्षणं गंधधूपदीप। नैवेद्यादिकं दत्त्वा तांबूलादिकं दत्त्वा षोडशोपचारादिना पवित्रदेवता। अभ्यर्च्य गंधपवित्रं धूपितं कृत्वा देवाभिमुखः सन् । नमस्कारमुद्रया देवं अभिमंत्रयीत । आमंत्रितो महादेव सार्द्धं देव्या गणादिभिः । मंत्रैर्वा लोकपालैश्च सहितः परिवारकैः

saṁnidhīkaraṇamudrayā saṁnidhīkaraṇam rakṣyāmudrayā saṁrakṣya dhenumudrayā amṛtīkṛtya ānīya devasyāgre kalaśodakaṁ gṛhītvā āgamoktena maṁtreṇa prokṣaṇaṁ vidhāya klīṁ kṛṣṇāya iti maṁtreṇa prokṣaṇaṁ gaṁdhadhūpadīpa naivedyādikaṁ dattvā tāṁbūlādikaṁ dattvā ṣoḍaśopacārādinā pavitradevatā abhyarcya gaṁdhapavitraṁ dhūpitaṁ kṛtvā devābhimukhaḥ san namaskāramudrayā devaṁ abhimaṁtrayīta āmaṁtrito mahādeva sārddhaṁ devyā gaṇādibhiḥ maṁtrairvā lokapālaiśca sahitaḥ parivārakaiḥ

With the gesture of establishing close presence, their presence should be assured; with the protective gesture, they should be safeguarded; with the gesture of the cow, they should be made ambrosial. Then, bringing the vessel of water before the deity, one should sprinkle it with the mantra prescribed in scripture, and also sprinkle it with the mantra 'Klim, to Krishna.' Having offered sandal-paste, incense, a lamp, food-offerings, and betel, one should worship the deities of the sacred thread with the sixteen ritual offerings and the rest. Having perfumed the fragrant sacred thread with incense, facing the deity, one should invoke the deity with the gesture of salutation. 'O great god, invited together with the Goddess and your attendants, along with the mantras, the guardians of the directions, and your retinue —'

Verse 29 (padma.6.86.29)

आगच्छ भगवन्विष्णो विधिसंपूर्णहेतवे । प्रातस्त्वत्पूजनं कुर्मः सान्निध्यं नियतं कुरु

āgaccha bhagavanviṣṇo vidhisaṁpūrṇahetave prātastvatpūjanaṁ kurmaḥ sānnidhyaṁ niyataṁ kuru

'— come, O Lord Vishnu, for the fulfillment of this rite. In the morning we shall perform your worship; grant your assured presence here.'

Verse 30 (padma.6.86.30)

तद्गंधं च पवित्रं च देवस्य राघवस्य च । श्रीविष्णोश्चरणे तत्नि क्षिप्य प्रातः । स्वक्रियां विधाय पुण्याहस्वस्तिवाचन जयजय शब्दैर्घंटादि वादित्र। निर्घोषतूर्यादिशब्दैः पवित्रैः पूजां कुर्यात् । ततः प्रथमं ज्येष्ठं ततो मध्यमं कनिष्ठं च । एभिः सर्वैर्यथाक्रमेण पूजां कुर्यात् । ॐवासुदेवाय विद्महे विष्णुदेवाय धीमहि । तन्नो देवः प्रचोदयात् । इति पवित्रदानं अथवा स्वमंत्रैः । ततो वै महतीं पूजां विष्णोः कुर्यात्प्रसादिनीम् । यया वै कृतया देवि विष्णुरात्मा प्रसीदति

tadgaṁdhaṁ ca pavitraṁ ca devasya rāghavasya ca śrīviṣṇoścaraṇe tatni kṣipya prātaḥ svakriyāṁ vidhāya puṇyāhasvastivācana jayajaya śabdairghaṁṭādi vāditra nirghoṣatūryādiśabdaiḥ pavitraiḥ pūjāṁ kuryāt tataḥ prathamaṁ jyeṣṭhaṁ tato madhyamaṁ kaniṣṭhaṁ ca ebhiḥ sarvairyathākrameṇa pūjāṁ kuryāt oṁvāsudevāya vidmahe viṣṇudevāya dhīmahi tanno devaḥ pracodayāt iti pavitradānaṁ athavā svamaṁtraiḥ tato vai mahatīṁ pūjāṁ viṣṇoḥ kuryātprasādinīm yayā vai kṛtayā devi viṣṇurātmā prasīdati

Having placed that fragrant sacred thread at the feet of the deity Raghava and of Shri Vishnu, and in the morning having performed one's daily rites, one should worship with the sacred threads amid recitations for auspiciousness and well-being, cries of 'victory, victory,' and the sounding of bells, trumpets and other instruments. Then, first with the longest thread, then with the medium, and then with the shortest — with all of these, worship should be performed in order. 'Om, we know Vasudeva, we meditate on the god Vishnu, may that god inspire us' — with this mantra, or with one's own personal mantras, the sacred thread should be offered. Then that great worship of Vishnu should be performed, which brings him pleasure — O goddess, by the performance of which Vishnu's very soul becomes gladdened.

Verse 31 (padma.6.86.31)

समंताद्दीपमाला च कत्तर्व्या च विधानतः । चतुर्विधं तथा चान्नं नैवेद्यं कारयेद्बुधः

samaṁtāddīpamālā ca kattarvyā ca vidhānataḥ caturvidhaṁ tathā cānnaṁ naivedyaṁ kārayedbudhaḥ

A garland of lamps should be arranged all around, in due order, and the wise should prepare a food-offering of four kinds.

Verse 32 (padma.6.86.32)

पवित्राणि ततो दद्यात्पूजितानि तु शोभने । भक्त्या चैव विशेषेण श्रीगुरुं पूजयेत्ततः

pavitrāṇi tato dadyātpūjitāni tu śobhane bhaktyā caiva viśeṣeṇa śrīguruṁ pūjayettataḥ

O beautiful one, the worshipped sacred threads should then be given away. Thereafter, with special devotion, one's revered guru should be worshipped.

Verse 33 (padma.6.86.33)

वस्त्रालंकारविधिना पूजनीयो गुरुर्महान् । पूजयित्वा गुरुं तत्र पवित्रं धारयेत्ततः

vastrālaṁkāravidhinā pūjanīyo gururmahān pūjayitvā guruṁ tatra pavitraṁ dhārayettataḥ

The great guru should be worshipped with garments and ornaments as offerings. Having worshipped the guru there, one should then wear the sacred thread oneself.

Verse 34 (padma.6.86.34)

अथ ये वैष्णवाः संति तेभ्यस्तांबूलादिकं दत्त्वा पूर्णाहुतिमग्नये दत्त्वा श्रीनिवासाय श्रीकृष्णाय कर्म निवेदयेत् । मंत्रहीनं क्रियाहीनं भक्तिहीनं तु केशव । यत्पूजितो मया सम्यक्संपूर्णं यातु मे ध्रुवम्

atha ye vaiṣṇavāḥ saṁti tebhyastāṁbūlādikaṁ dattvā pūrṇāhutimagnaye dattvā śrīnivāsāya śrīkṛṣṇāya karma nivedayet maṁtrahīnaṁ kriyāhīnaṁ bhaktihīnaṁ tu keśava yatpūjito mayā samyaksaṁpūrṇaṁ yātu me dhruvam

Then, having given betel and the like to whatever Vaishnavas are present, and having offered the final oblation into the fire, one should dedicate this rite to Shrinivasa, Shri Krishna: 'O Keshava, though I have worshipped you lacking in mantra, lacking in proper ritual, and lacking in devotion, let this worship still surely become complete for me.'

Verse 35 (padma.6.86.35)

तत उद्वास्य इष्टबंधुभिस्तथा वैष्णवैर्विप्रैर्वा सहितः सन्मृष्टमन्नं स्वयं भुंजीत । एतत्पूजनकं दिव्यं ये शृण्वंति द्विजोत्तमाः । सर्वपापविनिर्मुक्ता यांति विष्णोः परं पदम्

tata udvāsya iṣṭabaṁdhubhistathā vaiṣṇavairviprairvā sahitaḥ sanmṛṣṭamannaṁ svayaṁ bhuṁjīta etatpūjanakaṁ divyaṁ ye śṛṇvaṁti dvijottamāḥ sarvapāpavinirmuktā yāṁti viṣṇoḥ paraṁ padam

Then, having bid farewell to the deity, one should oneself partake of pure food together with beloved kinsmen and Vaishnava brahmins. Those excellent twice-born who hear this divine rite of worship become freed of all sin and go to the supreme abode of Vishnu.

Verse 36 (padma.6.86.36)

यावत्तपति वै चंद्रो यावत्तपति वै रविः । पवित्रारोपकस्तद्वत्तप्यते नात्र संशयः

yāvattapati vai caṁdro yāvattapati vai raviḥ pavitrāropakastadvattapyate nātra saṁśayaḥ

As long as the moon shines, and as long as the sun shines, so long does the performer of Pavitraropana likewise continue to shine, without doubt.

Verse 37 (padma.6.86.37)

पृथिव्यां यानि दानानि नियमाश्च तथा पुनः । सर्वे वै पूर्णतां यांति पवित्रारोपणे कृते

pṛthivyāṁ yāni dānāni niyamāśca tathā punaḥ sarve vai pūrṇatāṁ yāṁti pavitrāropaṇe kṛte

Whatever gifts and vows exist upon the earth, all of them attain their fulfillment once Pavitraropana has been performed.

Verse 38 (padma.6.86.38)

उत्सवानां च राजायं पवित्रारोपणो विधिः । ब्रह्महा शुध्यते तत्र नात्र कार्या विचारणा

utsavānāṁ ca rājāyaṁ pavitrāropaṇo vidhiḥ brahmahā śudhyate tatra nātra kāryā vicāraṇā

This rite of Pavitraropana is the very king among all festivals. By it, even a slayer of a brahmin is purified — of this no doubt need be entertained.

Verse 39 (padma.6.86.39)

सत्यं सत्यं पुनः सत्यं यदुक्तं नगनंदिनि । पवित्रारोपणे पुण्यं दर्शने तु तथा स्मृतम्

satyaṁ satyaṁ punaḥ satyaṁ yaduktaṁ naganaṁdini pavitrāropaṇe puṇyaṁ darśane tu tathā smṛtam

O daughter of the mountain, what has been said is true, true, and true again. The merit that is in performing Pavitraropana is likewise remembered as present even in merely witnessing it.

Verse 40 (padma.6.86.40)

शूद्रैर्वाथ महाभागे पवित्रारोपणो विधिः । कृतो यैर्भक्तिभावेन ते वै धन्यतमाः स्मृताः

śūdrairvātha mahābhāge pavitrāropaṇo vidhiḥ kṛto yairbhaktibhāvena te vai dhanyatamāḥ smṛtāḥ

O greatly blessed one, even among shudras, those who have performed this rite of Pavitraropana with devotion are remembered as the most blessed of all.

Verse 41 (padma.6.86.41)

धन्योऽहं कृतकृत्योऽहं सौभाग्यो धरणीतले । मया तु या कृता भक्तिर्वैष्णवी मुक्तिदायिनी

dhanyo'haṁ kṛtakṛtyo'haṁ saubhāgyo dharaṇītale mayā tu yā kṛtā bhaktirvaiṣṇavī muktidāyinī

[One who has performed this rite thinks:] 'I am blessed, I am fulfilled, I am fortunate upon this earth, for I have practiced that Vaishnava devotion which grants liberation.'