Monthly Flower-Offerings to Vishnu

Verse 1 (padma.6.87.1)

महेश्वर उवाच । चैत्रे तु चंपकेनैव जातीपुष्पेण वा पुनः । पूजनीयः प्रयत्नेन केशवः क्लेशनाशनः

maheśvara uvāca caitre tu caṁpakenaiva jātīpuṣpeṇa vā punaḥ pūjanīyaḥ prayatnena keśavaḥ kleśanāśanaḥ

Maheshvara said: In the month of Chaitra, with champaka flowers or again with jasmine flowers, Keshava, the destroyer of afflictions, should be diligently worshipped.

Verse 2 (padma.6.87.2)

दमनकैर्मरुकैश्चैव बिल्वपुष्पैरथापि वा । पूजयेज्जगतामीशं विष्णुं सर्वेश्वरेश्वरम्

damanakairmarukaiścaiva bilvapuṣpairathāpi vā pūjayejjagatāmīśaṁ viṣṇuṁ sarveśvareśvaram

With Damanaka and marjoram, or even with bilva flowers, one should worship Vishnu, the Lord of the universe, the Lord of even the lords of all.

Verse 3 (padma.6.87.3)

शतपत्रैस्तथादिव्यै रक्तैर्वा सुसमाहितः । पूजयंति नरा विष्णुं चैत्रमासे सुरेश्वरि

śatapatraistathādivyai raktairvā susamāhitaḥ pūjayaṁti narā viṣṇuṁ caitramāse sureśvari

O queen of gods, with divine hundred-petaled lotuses, or with red flowers, men, with full concentration, worship Vishnu in the month of Chaitra.

Verse 4 (padma.6.87.4)

वैशाखे तु सदा देवि ह्यर्चनीयो महत्प्रभुः । केतकीपत्रमादाय वृषस्थे च दिवाकरे

vaiśākhe tu sadā devi hyarcanīyo mahatprabhuḥ ketakīpatramādāya vṛṣasthe ca divākare

O goddess, in Vaishakha, when the sun is in the sign of Taurus, taking ketaki leaves, the great Lord should ever be worshipped.

Verse 5 (padma.6.87.5)

येनार्चितो हरिर्भक्त्या प्रीतो मन्वंतरं शतम् । ज्येष्ठे मासे तु संप्राप्ते नानापुष्पैः प्रपूजयेत्

yenārcito harirbhaktyā prīto manvaṁtaraṁ śatam jyeṣṭhe māse tu saṁprāpte nānāpuṣpaiḥ prapūjayet

Whoever worships Hari thus with devotion pleases him for a hundred Manvantaras. When the month of Jyeshtha arrives, one should worship with various flowers.

Verse 6 (padma.6.87.6)

पूजिते देवदेवेशे सर्वे देवाः सुपूजिताः । कृत्वा पापसहस्राणि महापापशतानि च

pūjite devadeveśe sarve devāḥ supūjitāḥ kṛtvā pāpasahasrāṇi mahāpāpaśatāni ca

When the God of gods is worshipped, all the gods are thereby duly worshipped. Even those who have committed a thousand sins and a hundred great sins —

Verse 7 (padma.6.87.7)

तेपि यास्यंति भो देवि यत्र विष्णुः श्रिया सह । आषाढे मासि संप्राप्ते पूजां कुर्याद्विशेषतः

tepi yāsyaṁti bho devi yatra viṣṇuḥ śriyā saha āṣāḍhe māsi saṁprāpte pūjāṁ kuryādviśeṣataḥ

— they too, O goddess, go to that very place where Vishnu dwells with Shri. When the month of Ashadha arrives, worship should especially be performed.

Verse 8 (padma.6.87.8)

करवीरैरक्तपुष्पैस्तथाब्जैर्वा सदा नराः । पूजां कुर्वंति ये विष्णोस्ते ज्ञेयाः पुण्यभागिनः

karavīrairaktapuṣpaistathābjairvā sadā narāḥ pūjāṁ kurvaṁti ye viṣṇoste jñeyāḥ puṇyabhāginaḥ

With red oleander flowers or with lotuses, those men who ever worship Vishnu should be known as sharers in merit.

Verse 9 (padma.6.87.9)

जातरूपनिभैर्विष्णुं कदंबकुसुमैस्तथा । येऽर्चयिष्यंति गोविंदं न तेषां सौरिजं भयम्

jātarūpanibhairviṣṇuṁ kadaṁbakusumaistathā ye'rcayiṣyaṁti goviṁdaṁ na teṣāṁ saurijaṁ bhayam

Those who worship Vishnu Govinda with kadamba flowers, golden in hue, have no fear arising from Saturn.

Verse 10 (padma.6.87.10)

घनागमे घनश्यामः कदंबकुसुमार्चितः । ददाति वांछितान्कामान्यावदिंद्राश्चतुर्दश

ghanāgame ghanaśyāmaḥ kadaṁbakusumārcitaḥ dadāti vāṁchitānkāmānyāvadiṁdrāścaturdaśa

At the arrival of the rainy season, dark as a cloud, worshipped with kadamba flowers, he grants desired wishes for the duration of fourteen Indras.

Verse 11 (padma.6.87.11)

यथा पद्मालयां प्राप्य प्रीतो भवति माधवः । कदंबकुसुमं लब्ध्वा प्रीतो भवति लोककृत्

yathā padmālayāṁ prāpya prīto bhavati mādhavaḥ kadaṁbakusumaṁ labdhvā prīto bhavati lokakṛt

Just as Madhava becomes pleased on attaining Padmalaya (Lakshmi), so the creator of the worlds becomes pleased on receiving a kadamba flower.

Verse 12 (padma.6.87.12)

तुलसी कृष्णतुलसी वंजुलैर्वा सुरेश्वरि । सर्वदा पूजितो विष्णुः कष्टं हरति नित्यशः

tulasī kṛṣṇatulasī vaṁjulairvā sureśvari sarvadā pūjito viṣṇuḥ kaṣṭaṁ harati nityaśaḥ

O queen of gods, worshipped ever with tulasi, dark tulasi, or ashoka flowers, Vishnu ever removes affliction.

Verse 13 (padma.6.87.13)

श्रावणे मासि संप्राप्ते येऽर्चयंति जनार्दनम् । अतसीपुष्पमादाय तथा दूर्वादलेन तु

śrāvaṇe māsi saṁprāpte ye'rcayaṁti janārdanam atasīpuṣpamādāya tathā dūrvādalena tu

When the month of Shravana arrives, those who worship Janardana with flax-flowers and durva-grass leaves —

Verse 14 (padma.6.87.14)

नानापुष्पैर्विशेषेण पूजनीयः प्रयत्नतः । ददाति विपुलान्कामान्यावदाभूतसंप्लवम्

nānāpuṣpairviśeṣeṇa pūjanīyaḥ prayatnataḥ dadāti vipulānkāmānyāvadābhūtasaṁplavam

— should worship diligently with various flowers in particular. He grants abundant desires until the great dissolution.

Verse 15 (padma.6.87.15)

भाद्र मासे तु संप्राप्ते शृणु त्वं नगनंदिनि । चंपकैर्वा श्वेतपुष्पैरक्तसिंदूरकैस्तथा

bhādra māse tu saṁprāpte śṛṇu tvaṁ naganaṁdini caṁpakairvā śvetapuṣpairaktasiṁdūrakaistathā

When the month of Bhadrapada arrives, listen, O daughter of the mountain — with champaka, or with white flowers and red vermillion-hued flowers —

Verse 16 (padma.6.87.16)

कह्लारैर्वा महादेवि सर्वकामफलं लभेत् । आश्विने वै शुभेमासे कर्त्तव्यं विष्णुपूजनम्

kahlārairvā mahādevi sarvakāmaphalaṁ labhet āśvine vai śubhemāse karttavyaṁ viṣṇupūjanam

— or with kahlara lotuses, O great goddess, one obtains the fruit of every desire. In the auspicious month of Ashvina, the worship of Vishnu should be performed.

Verse 17 (padma.6.87.17)

यूथिकानवजातीभिस्तथा नानाविधैः शुभैः । पूजनीयः प्रयत्नेन भक्तिपूर्वं सदा जनैः

yūthikānavajātībhistathā nānāvidhaiḥ śubhaiḥ pūjanīyaḥ prayatnena bhaktipūrvaṁ sadā janaiḥ

With yuthika, fresh jasmine, and various other auspicious flowers, people should ever worship diligently and with devotion.

Verse 18 (padma.6.87.18)

पद्मान्येव समानीय येऽर्चयंति जनार्दनम् । धर्मार्थकाममोक्षांस्ते लभंते मानवा भुवि

padmānyeva samānīya ye'rcayaṁti janārdanam dharmārthakāmamokṣāṁste labhaṁte mānavā bhuvi

Those who bring lotuses and worship Janardana obtain, upon this earth, dharma, artha, kama, and moksha.

Verse 19 (padma.6.87.19)

कार्तिकेमासि संप्राप्ते पूजनीयो महेश्वरः । यावंति ऋतुपुष्पाणि देयानि माधवस्य च

kārtikemāsi saṁprāpte pūjanīyo maheśvaraḥ yāvaṁti ṛtupuṣpāṇi deyāni mādhavasya ca

When the month of Kartika arrives, the great Lord should be worshipped. Whatever seasonal flowers there are, all of them should be given to Madhava.

Verse 20 (padma.6.87.20)

तिलानि तिलपुष्पाणि तैर्वा ह्यर्चनकं चरेत् । पूजिते सति देवेशि अनंतफलमश्नुते

tilāni tilapuṣpāṇi tairvā hyarcanakaṁ caret pūjite sati deveśi anaṁtaphalamaśnute

With sesame and sesame-flowers too, worship should be performed. O queen of gods, when worship is thus done, one obtains endless fruit.

Verse 21 (padma.6.87.21)

बकुलपुष्पैः पुन्नागैश्चंपकैर्वा जनार्दनम् । कार्तिके पूजयिष्यंति ते देवा न हि मानवाः

bakulapuṣpaiḥ punnāgaiścaṁpakairvā janārdanam kārtike pūjayiṣyaṁti te devā na hi mānavāḥ

Those who, in Kartika, worship Janardana with bakula flowers, punnaga, or champaka, are indeed gods, not mere men.

Verse 22 (padma.6.87.22)

मार्गशीर्षे प्रयत्नेन पूजनीयः सदा प्रभुः । नानापुष्पैः सनैवेद्यैर्धूपैर्नीराजनैस्तथा

mārgaśīrṣe prayatnena pūjanīyaḥ sadā prabhuḥ nānāpuṣpaiḥ sanaivedyairdhūpairnīrājanaistathā

In the month of Margashirsha, the Lord should ever be diligently worshipped with various flowers, food-offerings, incense, and arati.

Verse 23 (padma.6.87.23)

मार्गशीर्षे विशेषेण दिव्यैः पुष्पैः प्रपूजयेत् । पौषमासे महादेवि स्वर्चनं शुभदं स्मृतम्

mārgaśīrṣe viśeṣeṇa divyaiḥ puṣpaiḥ prapūjayet pauṣamāse mahādevi svarcanaṁ śubhadaṁ smṛtam

In Margashirsha, worship should especially be performed with divine flowers. O great goddess, in the month of Pausha, excellent worship is remembered as bestowing auspiciousness.

Verse 24 (padma.6.87.24)

नानातुलसिपत्रैश्च मृगनाभिजलैस्तथा । माघमासे तु संप्राप्ते नानापुष्पैः प्रपूजयेत्

nānātulasipatraiśca mṛganābhijalaistathā māghamāse tu saṁprāpte nānāpuṣpaiḥ prapūjayet

With various tulasi leaves and with musk-scented water, worship should be performed. When the month of Magha arrives, worship should be performed with various flowers.

Verse 25 (padma.6.87.25)

पूजिते देवदेवेशे वांछितं लभते ध्रुवम् । कर्पूरजा तथा पूजा नानानैवेद्यमोदकैः

pūjite devadeveśe vāṁchitaṁ labhate dhruvam karpūrajā tathā pūjā nānānaivedyamodakaiḥ

When the God of gods is worshipped, one surely obtains what is desired. Worship mixed with camphor, and with various food-offerings and sweetmeats, should also be performed.

Verse 26 (padma.6.87.26)

फाल्गुने चैव संप्राप्ते ह्यर्चनं माधवस्य च । कृत्वा वासंतिकीं पूजां पुष्पाण्यादाय सर्वशः

phālgune caiva saṁprāpte hyarcanaṁ mādhavasya ca kṛtvā vāsaṁtikīṁ pūjāṁ puṣpāṇyādāya sarvaśaḥ

When the month of Phalguna arrives, the worship of Madhava should be performed. Having performed the spring worship, gathering flowers of every kind —

Verse 27 (padma.6.87.27)

नवीनैर्वाथ देवेशि सर्वैर्वा पूजयेत्ततः । पूजिते तु जगन्नाथे वैकुंठपदमव्ययम् । प्राप्नोति पुरुषो नित्यं श्रीविष्णोश्च प्रसादतः

navīnairvātha deveśi sarvairvā pūjayettataḥ pūjite tu jagannāthe vaikuṁṭhapadamavyayam prāpnoti puruṣo nityaṁ śrīviṣṇośca prasādataḥ

— O queen of gods, worship should then be performed with fresh flowers, or with flowers of every kind. When Jagannatha is worshipped, a man, by the grace of Shri Vishnu, ever attains the imperishable state of Vaikuntha.