The Glory of the Lotus and the Bandit's Former Birth

Verse 1 (padma.7.13.1)

व्यास उवाच- ज्येष्ठे मासि द्विजश्रेष्ठ भगवंतं जनार्दनम् । पूजयेद्भक्तिभावेन जलैः संस्नाप्य शीतलैः

vyāsa uvāca- jyeṣṭhe māsi dvijaśreṣṭha bhagavaṁtaṁ janārdanam pūjayedbhaktibhāvena jalaiḥ saṁsnāpya śītalaiḥ

Vyasa said: O best of brahmins, in the month of Jyeshtha, having bathed the Lord Janardana with cool water, he should be worshipped with devout feeling.

Verse 2 (padma.7.13.2)

उद्वर्तनं च दातव्यं सुगन्ध्यामलकं तथा । तैलं सुंगंधं हरये ग्रीष्मकाले दिनेदिने

udvartanaṁ ca dātavyaṁ sugandhyāmalakaṁ tathā tailaṁ suṁgaṁdhaṁ haraye grīṣmakāle dinedine

An unguent for bathing should also be offered, and fragrant amalaka and fragrant oil — in the summer season, every day, these should be offered to Hari.

Verse 3 (padma.7.13.3)

सुवासिते शीतले च मन्दिरेऽतिमनोरमे । प्रत्यहं कमलाकांतं स्थापयेज्जनमंडपे

suvāsite śītale ca mandire'timanorame pratyahaṁ kamalākāṁtaṁ sthāpayejjanamaṁḍape

In a fragrant, cool, and most delightful shrine, every day the beloved of Kamala should be set in that public pavilion.

Verse 4 (padma.7.13.4)

न रौद्रदेशे विप्रेन्द्र सधूमे इंधनालये । न सूतिकागृहे चैव स्थापयेत्कमलापतिम्

na raudradeśe viprendra sadhūme iṁdhanālaye na sūtikāgṛhe caiva sthāpayetkamalāpatim

O lord of brahmins, in a place exposed to fierce heat, in a smoke-filled place, in a fuel-store, or in a birthing-room, the Lord of Lakshmi should not be placed.

Verse 5 (padma.7.13.5)

चामरैर्वीजितः श्वेतैः सुदीर्घैः कमलापतिम् । ज्येष्ठे मासि द्विजश्रेष्ठ सुप्रीतः किं न यच्छति

cāmarairvījitaḥ śvetaiḥ sudīrghaiḥ kamalāpatim jyeṣṭhe māsi dvijaśreṣṭha suprītaḥ kiṁ na yacchati

Fanned with white, exceedingly long fly-whisks, the Lord of Lakshmi, O best of brahmins, in Jyeshtha, once pleased, what does he not give?

Verse 6 (padma.7.13.6)

मयूरपुच्छव्यजनैर्निदार्घैर्वीजितो हरिः । ददात्यभिमतं सर्वमचिरेणैव सत्तम

mayūrapucchavyajanairnidārghairvījito hariḥ dadātyabhimataṁ sarvamacireṇaiva sattama

Hari, fanned with long fans of peacock feathers, O best one, swiftly grants what is desired.

Verse 7 (padma.7.13.7)

तालवृंतकवातेन पवित्रांबरवायुना । यै ग्रीष्मे वीज्यते विष्णुस्ते सर्वे स्वर्गगामिनः

tālavṛṁtakavātena pavitrāṁbaravāyunā yai grīṣme vījyate viṣṇuste sarve svargagāminaḥ

By the breeze of a palm-leaf fan, by the wind of a pure cloth, whoever fans Vishnu in summer, all of them become bound for heaven.

Verse 8 (padma.7.13.8)

यो गात्रलेपनं कुर्यात्सुगन्धीयैश्च कर्दमैः । ग्रीष्मे हरिं चंदनैश्च स विशेन्माधवीं तनुम्

yo gātralepanaṁ kuryātsugandhīyaiśca kardamaiḥ grīṣme hariṁ caṁdanaiśca sa viśenmādhavīṁ tanum

Whatever person, in summer, anoints Hari's body with fragrant mud and sandal, he enters a body equal to Lakshmi's own.

Verse 9 (padma.7.13.9)

उष्मागमे द्विजश्रेष्ठ स मुक्तो नात्र संशयः । प्रफुल्लकुसुमोद्याने तुलसीकानने तथा

uṣmāgame dvijaśreṣṭha sa mukto nātra saṁśayaḥ praphullakusumodyāne tulasīkānane tathā

O best of brahmins, in the hot season he becomes liberated, of this there is no doubt. In a garden of blooming flowers, and in a grove of tulasi too,

Verse 10 (padma.7.13.10)

संध्यायां स्थापयेद्विष्णुं देशे धीरसमीरणे । स्रग्भिः पाटलपुष्पाणां येन विष्णुरलंकृतः

saṁdhyāyāṁ sthāpayedviṣṇuṁ deśe dhīrasamīraṇe sragbhiḥ pāṭalapuṣpāṇāṁ yena viṣṇuralaṁkṛtaḥ

at the time of twilight, Vishnu should be placed in a place of gentle breeze. Whoever adorns Vishnu with garlands of trumpet-flower blossoms,

Verse 11 (padma.7.13.11)

ज्येष्ठे मासि स विज्ञेयो अश्वमेधसहस्रकृत् । यस्तु मुक्तावलिं दद्याद्ग्रीष्मे वै श्रीपतेर्जनः

jyeṣṭhe māsi sa vijñeyo aśvamedhasahasrakṛt yastu muktāvaliṁ dadyādgrīṣme vai śrīpaterjanaḥ

he, in the month of Jyeshtha, should be known as the performer of a thousand Ashvamedha sacrifices. Whatever person offers to the Lord of Sri a garland of pearls in summer,

Verse 12 (padma.7.13.12)

भूपालत्वं हरिस्तस्मै यच्छेज्जन्मनि जन्मनि । यस्तु मण्डयति ग्रीष्मे श्रीकृष्णं मणिमालया

bhūpālatvaṁ haristasmai yacchejjanmani janmani yastu maṇḍayati grīṣme śrīkṛṣṇaṁ maṇimālayā

to him Hari grants kingship, birth after birth. Whoever, in summer, adorns Sri Krishna with a garland of gems,

Verse 13 (padma.7.13.13)

तस्य पुण्यफलं विप्र वदतो मे निशामय । यावद्ब्रह्मा सृजत्येतज्जैमिने सकलं जगत्

tasya puṇyaphalaṁ vipra vadato me niśāmaya yāvadbrahmā sṛjatyetajjaimine sakalaṁ jagat

his fruit of merit, O brahmin, hear from me, I shall now tell. O Jaimini, for as long as Brahma continues to create this entire universe,

Verse 14 (padma.7.13.14)

तिष्ठेद्विष्णुपुरे तावन्मणिमालाविभूषितः । सुवर्णाभरणैर्यस्तु रजताभरणैस्तथा

tiṣṭhedviṣṇupure tāvanmaṇimālāvibhūṣitaḥ suvarṇābharaṇairyastu rajatābharaṇaistathā

for that long he, adorned with a garland of gems, dwells in the abode of Vishnu. Whoever, with golden ornaments and with silver ornaments too,

Verse 15 (padma.7.13.15)

कृष्णं मंडयति ग्रीष्मे सोऽपि तत्फलमाप्नुयात् । विचित्रं यस्तु पर्यंकं सगंडूकं प्रयच्छति

kṛṣṇaṁ maṁḍayati grīṣme so'pi tatphalamāpnuyāt vicitraṁ yastu paryaṁkaṁ sagaṁḍūkaṁ prayacchati

in summer adorns Krishna, he too attains that same fruit. Whatever person offers to Hari, the God of gods, a lovely couch, together with mattress and pillow,

Verse 16 (padma.7.13.16)

हरये देवदेवाय न स दुःखी कदाचन । ग्रीष्मकाले न देयानि गुरूणि वसनानि च

haraye devadevāya na sa duḥkhī kadācana grīṣmakāle na deyāni gurūṇi vasanāni ca

he is never sorrowful. In the summer season, heavy garments should not be given to Hari;

Verse 17 (padma.7.13.17)

हरये ब्राह्मणश्रेष्ठ देयं तन्वंशुंकं शुचि । यस्त्वच्युतफलैर्दिव्यैः सुगंधैः पूजयेद्धरिम्

haraye brāhmaṇaśreṣṭha deyaṁ tanvaṁśuṁkaṁ śuci yastvacyutaphalairdivyaiḥ sugaṁdhaiḥ pūjayeddharim

O best of brahmins, a thin, pure cloth should be given to Hari. Whoever worships Achyuta with divine, fragrant fruits,

Verse 18 (padma.7.13.18)

अंते शक्रपुरं गत्वा सपिबेदमृतं मुदा । प्रियालानां फलैर्दिव्यैर्योऽर्चयेत्कमलापतिम्

aṁte śakrapuraṁ gatvā sapibedamṛtaṁ mudā priyālānāṁ phalairdivyairyo'rcayetkamalāpatim

he, at the end, going to Indra's city, drinks nectar with delight. Whoever worships the beloved of Kamala with divine chironji fruits,

Verse 19 (padma.7.13.19)

सोऽपि तत्फलमाप्नोति किमन्यैर्बहुभाषितैः । निदाघे हरये यस्तु यवागूमतिशीतलाम्

so'pi tatphalamāpnoti kimanyairbahubhāṣitaiḥ nidāghe haraye yastu yavāgūmatiśītalām

he too attains that same fruit — what more, indeed, need be said? In the hot season, whatever Vaishnava offers to Hari a most cooling gruel

Verse 20 (padma.7.13.20)

नानाव्यंजनसंयुक्तां श्रद्धया वैष्णवो जनः । आषाढे मासि विप्रेन्द्र देवदेवं जगद्गुरुम्

nānāvyaṁjanasaṁyuktāṁ śraddhayā vaiṣṇavo janaḥ āṣāḍhe māsi viprendra devadevaṁ jagadgurum

joined with manifold delicacies, with devout faith. O lord of brahmins, in the month of Ashadha, the God of gods, teacher of the universe,

Verse 21 (padma.7.13.21)

दधिभिः स्नापयित्वा च पूजयेद्भक्तितो बुधः । मातुः पयोधरपयः पुनस्तेन न पीयते

dadhibhiḥ snāpayitvā ca pūjayedbhaktito budhaḥ mātuḥ payodharapayaḥ punastena na pīyate

should be bathed with curd, and the wise person should worship him with devotion; then he need never again drink from a mother's breast (that is, he is not reborn).

Verse 22 (padma.7.13.22)

घनागमे घनश्यामं कदंबकुसुमैर्हरिम् । आराधयति विप्रर्षे पराङ्गतिमवाप्नुयात्

ghanāgame ghanaśyāmaṁ kadaṁbakusumairharim ārādhayati viprarṣe parāṅgatimavāpnuyāt

When the clouds arrive, whoever worships Hari, dark as the rain-cloud, with kadamba flowers, O sage among brahmins, attains the highest state.

Verse 23 (padma.7.13.23)

कदम्बपुष्पमालाभिर्मण्डपं ज्वलनोपमम् । यस्तस्य ब्राह्मणश्रेष्ठ वाजिमेधफलं भवेत्

kadambapuṣpamālābhirmaṇḍapaṁ jvalanopamam yastasya brāhmaṇaśreṣṭha vājimedhaphalaṁ bhavet

Whoever adorns the pavilion, blazing like fire with garlands of kadamba flowers, O best of brahmins, attains the fruit of an Ashvamedha sacrifice.

Verse 24 (padma.7.13.24)

सुगन्धैः केतकीपुष्पैः पूजितः कमलापतिः । सर्वदुःखं हरत्येव मानवानां द्विजोत्तम

sugandhaiḥ ketakīpuṣpaiḥ pūjitaḥ kamalāpatiḥ sarvaduḥkhaṁ haratyeva mānavānāṁ dvijottama

The Lord of Lakshmi, worshipped with fragrant ketaki flowers, O best of the twice-born, surely takes away every sorrow of men.

Verse 25 (padma.7.13.25)

पनसानां फलैर्दिव्यैः सुपक्वैर्घृतमिश्रितैः । पूजितो भगवान्विष्णुर्दद्यादैश्वर्यमुत्तमम्

panasānāṁ phalairdivyaiḥ supakvairghṛtamiśritaiḥ pūjito bhagavānviṣṇurdadyādaiśvaryamuttamam

The Lord Vishnu, worshipped with ripened, ghee-mixed divine jackfruit, grants supreme prosperity.

Verse 26 (padma.7.13.26)

आषाढे मासि दध्यन्नं हरये प्रतिवासरम् । श्रद्धया वैष्णवो दद्यान्मुक्तिमिच्छन्द्विजोत्तम

āṣāḍhe māsi dadhyannaṁ haraye prativāsaram śraddhayā vaiṣṇavo dadyānmuktimicchandvijottama

In the month of Ashadha, whatever Vaishnava offers, every day, curd-rice to Hari with devout faith, O best of the twice-born, if he desires liberation, he attains it.

Verse 27 (padma.7.13.27)

कृष्णाय नवनीतं यो ददाति वैष्णवो जनः । विशुद्धः सकलैः पापैर्ब्रह्मलोकं स गच्छति

kṛṣṇāya navanītaṁ yo dadāti vaiṣṇavo janaḥ viśuddhaḥ sakalaiḥ pāpairbrahmalokaṁ sa gacchati

Whatever Vaishnava offers butter to Krishna, he, purified of every sin, goes to Brahma's world.

Verse 28 (padma.7.13.28)

शेफालिकाप्रसूनैश्च यूथिकाकुसुमैस्तथा । योऽर्चयेत्परमात्मानं सगच्छेत्परमं पदम्

śephālikāprasūnaiśca yūthikākusumaistathā yo'rcayetparamātmānaṁ sagacchetparamaṁ padam

Whoever worships the supreme Self with shephalika flowers and jasmine flowers, he goes to the supreme abode.

Verse 29 (padma.7.13.29)

प्रफुल्लमालतीपुष्पैः सुगन्धैर्योऽर्चयेद्धरिम् । तत्पुण्येनास्य तत्पुण्यं येन नो भविता द्विज

praphullamālatīpuṣpaiḥ sugandhairyo'rcayeddharim tatpuṇyenāsya tatpuṇyaṁ yena no bhavitā dvija

Whoever worships Hari with blooming, fragrant malati flowers, O brahmin, no one's merit shall ever exceed his own.

Verse 30 (padma.7.13.30)

कंदपुष्पैश्च बकुलैर्जगद्बंधुं जनार्दनम् । अर्चयन्सकलं कामं प्राप्नोति भुवि मानवः

kaṁdapuṣpaiśca bakulairjagadbaṁdhuṁ janārdanam arcayansakalaṁ kāmaṁ prāpnoti bhuvi mānavaḥ

Worshipping Janardana, friend of the universe, with kanda flowers and bakula flowers, a man attains every desire upon this earth.

Verse 31 (padma.7.13.31)

महामहाप्रसूनैश्च तथा कुरुबकैर्हरिम् । प्रफुल्लैः पूजयेद्यस्तु तस्य तुष्टः सदा हरिः

mahāmahāprasūnaiśca tathā kurubakairharim praphullaiḥ pūjayedyastu tasya tuṣṭaḥ sadā hariḥ

Whoever worships Hari with large, blooming flowers and with kurubaka flowers, Hari is ever content with him.

Verse 32 (padma.7.13.32)

सैरीयकैश्च यो विष्णुं प्रसूपुष्पैश्च योऽर्चयेत् । करवीरप्रसूनैश्च स याति हरिसन्निधिम्

sairīyakaiśca yo viṣṇuṁ prasūpuṣpaiśca yo'rcayet karavīraprasūnaiśca sa yāti harisannidhim

Whoever worships Vishnu with saireyaka flowers and prasu flowers, and with oleander flowers too, he goes to Hari's own presence.

Verse 33 (padma.7.13.33)

श्रावणे चैव यो दद्याल्लाजान्घृतसमन्वितान् । हरये तस्य विप्रर्षे गृहे श्रीःस र्वतोमुखी

śrāvaṇe caiva yo dadyāllājānghṛtasamanvitān haraye tasya viprarṣe gṛhe śrīḥsa rvatomukhī

In Shravana, whoever offers to Hari parched grain mixed with clarified butter, O sage among brahmins, in his home Lakshmi dwells, facing every direction.

Verse 34 (padma.7.13.34)

भाद्रे मासि द्विजश्रेष्ठ नारायणमनामयम् । श्रद्धया पूजयेत्प्राज्ञश्चतुर्वर्गप्रदायकम्

bhādre māsi dvijaśreṣṭha nārāyaṇamanāmayam śraddhayā pūjayetprājñaścaturvargapradāyakam

O best of brahmins, in the month of Bhadrapada, the wise person should worship, with devout faith, the disease-free Narayana, giver of the four goals of life.

Verse 35 (padma.7.13.35)

निर्मिते नूतनागारे सर्वोपद्रववर्जिते । स्थापयेत्पुण्डरीकाक्षं भगवंतं जनार्दनम्

nirmite nūtanāgāre sarvopadravavarjite sthāpayetpuṇḍarīkākṣaṁ bhagavaṁtaṁ janārdanam

In a new house, free of every disturbance, the lotus-eyed Lord Janardana should be established.

Verse 36 (padma.7.13.36)

दंशैश्च मशकैश्चापि प्रकीर्णे मक्षिकादिभिः । हरिं पुरातनागारे स्थापयेन्न हि मानवः

daṁśaiśca maśakaiścāpi prakīrṇe makṣikādibhiḥ hariṁ purātanāgāre sthāpayenna hi mānavaḥ

In an old house filled with gadflies, mosquitoes, and flies, a person should not place Hari.

Verse 37 (padma.7.13.37)

सकर्दमे पतद्द्वारे गलद्भित्तौ गृहे तथा । हरिं न स्थापयेत्प्राज्ञो वर्षासु परमेश्वरम्

sakardame pataddvāre galadbhittau gṛhe tathā hariṁ na sthāpayetprājño varṣāsu parameśvaram

In a muddy house, whose door is collapsing, whose wall is leaking, the wise person should not place Hari during the rainy season.

Verse 38 (padma.7.13.38)

विष्ण्वाल्ये द्विजश्रेष्ठ प्रकुर्याद्यस्तु मानवः । चन्द्रातपं विचित्रं च चन्द्रलोकं स गच्छति

viṣṇvālye dvijaśreṣṭha prakuryādyastu mānavaḥ candrātapaṁ vicitraṁ ca candralokaṁ sa gacchati

O best of brahmins, whatever man puts up in Vishnu's temple a wondrous moon-like canopy, he goes to the world of the moon.

Verse 39 (padma.7.13.39)

रात्रौ नानाविधैर्धूपैर्मन्दिरे जगतीपतेः । दंशाश्च मशकाश्चैव पूजाकाले निवारयेत्

rātrau nānāvidhairdhūpairmandire jagatīpateḥ daṁśāśca maśakāścaiva pūjākāle nivārayet

At night, in the temple of the Lord of the universe, with manifold incense, gadflies and mosquitoes should be warded off at the time of worship.

Verse 40 (padma.7.13.40)

मंसारिकाभिः प्रावृत्य मंचशायिनमच्युतम् । प्रावृषि स्थापयेद्विष्णुं निशायां दिव्यमंदिरे

maṁsārikābhiḥ prāvṛtya maṁcaśāyinamacyutam prāvṛṣi sthāpayedviṣṇuṁ niśāyāṁ divyamaṁdire

Covered with a mosquito-net, reclining upon a couch, Achyuta should be placed, during the rainy season, at night, in a divine shrine.

Verse 41 (padma.7.13.41)

कह्लारपत्रैर्देवेशं सुगंधैर्नूतनैस्तथा । मुमुक्षुः पूजयेन्मर्त्यो भाद्रे मासि दिनेदिने

kahlārapatrairdeveśaṁ sugaṁdhairnūtanaistathā mumukṣuḥ pūjayenmartyo bhādre māsi dinedine

The God of gods should be worshipped with kahlara (red lotus) petals, with fragrant new leaves, in the month of Bhadrapada, every day, by the mortal who desires liberation.

Verse 42 (padma.7.13.42)

न भाद्रे केतकीपुष्पैः पूजितव्यो जनार्दनः । यतो भाद्रपदेमासि केतकी स्यात्सुरा समा

na bhādre ketakīpuṣpaiḥ pūjitavyo janārdanaḥ yato bhādrapademāsi ketakī syātsurā samā

In Bhadrapada, Janardana should not be worshipped with ketaki flowers, since in the month of Bhadrapada the ketaki is deemed as though liquor (impure).

Verse 43 (padma.7.13.43)

पक्वैस्तालफलैर्दिव्यैर्योऽर्चयेद्यदुनंदनम् । गर्भवासमहादुःखं स भूयो लभते न च

pakvaistālaphalairdivyairyo'rcayedyadunaṁdanam garbhavāsamahāduḥkhaṁ sa bhūyo labhate na ca

Whoever worships the son of Yadu with ripened, divine palm-fruits, he never again has to suffer the great sorrow of dwelling in the womb.

Verse 44 (padma.7.13.44)

संयुक्तं घृतदुग्धाभ्यां पक्वतालं मुरारये । यो दद्याच्छ्रद्धया मर्त्यः स गच्छेन्मन्दिरं हरेः

saṁyuktaṁ ghṛtadugdhābhyāṁ pakvatālaṁ murāraye yo dadyācchraddhayā martyaḥ sa gacchenmandiraṁ hareḥ

Whatever mortal offers to the foe of Mura, with devout faith, ripened palm-fruit together with ghee and milk, he goes to the temple of Hari.

Verse 45 (padma.7.13.45)

भाद्रे मासि द्विजश्रेष्ठ हरये तालपिष्टकम् । सघृतं वैष्णवो दद्यात्केवलप्राप्तिहेतवे

bhādre māsi dvijaśreṣṭha haraye tālapiṣṭakam saghṛtaṁ vaiṣṇavo dadyātkevalaprāptihetave

O best of brahmins, in the month of Bhadrapada the Vaishnava should offer to Hari palm-flour cakes together with ghee, for the attainment of liberation itself.

Verse 46 (padma.7.13.46)

मासि भाद्रपदे विप्र न कुर्याच्छाकभक्षणम् । न रात्रौ भोजनं कुर्यान्मुमुक्षुर्वैष्णवो जनः

māsi bhādrapade vipra na kuryācchākabhakṣaṇam na rātrau bhojanaṁ kuryānmumukṣurvaiṣṇavo janaḥ

O brahmin, in the month of Bhadrapada, leafy vegetables should not be eaten; the Vaishnava who desires liberation should not eat at night either.

Verse 47 (padma.7.13.47)

आश्विने मासि विप्रेन्द्र केशवं क्लेशनाशनम् । यत्तोयं दीयते विप्र पूर्वाह्णे हरये जनैः

āśvine māsi viprendra keśavaṁ kleśanāśanam yattoyaṁ dīyate vipra pūrvāhṇe haraye janaiḥ

O lord of brahmins, in the month of Ashvina, to Keshava, destroyer of affliction — O brahmin, the water that people offer to Hari in the forenoon,

Verse 48 (padma.7.13.48)

पीयूषमिव तत्तोयं गृह्णाति कमलापतिः । मध्याह्ने दीयते यच्च तत्तोयं चक्रपाणये

pīyūṣamiva tattoyaṁ gṛhṇāti kamalāpatiḥ madhyāhne dīyate yacca tattoyaṁ cakrapāṇaye

that water the Lord of Lakshmi receives as though it were nectar. The water given at midday to the discus-bearer,

Verse 49 (padma.7.13.49)

तत्तोयमिव वेत्तव्यं तद्गृह्णाति द्विजोत्तम । अपराह्णे च यत्तोयं गोविन्दाय प्रदीयते

tattoyamiva vettavyaṁ tadgṛhṇāti dvijottama aparāhṇe ca yattoyaṁ govindāya pradīyate

O best of the twice-born, that water should be regarded as merely ordinary water — that he does still receive. The water offered to Govinda in the afternoon,

Verse 50 (padma.7.13.50)

तत्तोयं रक्ततुल्यं स्यान्न गृह्णाति ततो हरिः । अतएव द्विजश्रेष्ठ पूर्वाह्णे हरिमर्चयेत्

tattoyaṁ raktatulyaṁ syānna gṛhṇāti tato hariḥ ataeva dvijaśreṣṭha pūrvāhṇe harimarcayet

that water becomes as though blood, and therefore Hari does not receive it. Therefore, O best of brahmins, Hari should be worshipped in the forenoon alone;

Verse 51 (padma.7.13.51)

समस्तं लभते कामं केशवस्यानुकंपया । एकवस्त्रेण विप्रेन्द्र न कुर्यात्पूजनं हरेः

samastaṁ labhate kāmaṁ keśavasyānukaṁpayā ekavastreṇa viprendra na kuryātpūjanaṁ hareḥ

thereby, by Keshava's grace, every desire is attained. O lord of brahmins, wearing a single garment, the worship of Hari should not be performed.

Verse 52 (padma.7.13.52)

कुर्याद्वापि तथा पूजां न गृह्णाति च केशवः । अधौतेन च वस्त्रेण यः पूजां कुरुते हरेः

kuryādvāpi tathā pūjāṁ na gṛhṇāti ca keśavaḥ adhautena ca vastreṇa yaḥ pūjāṁ kurute hareḥ

Even should worship be so performed, Keshava does not accept it. Whoever, wearing an unwashed garment, worships Hari,

Verse 53 (padma.7.13.53)

विफला सा च पूजा स्यान्न च विष्णुः प्रसीदति । यैस्त्वबद्धशिखैः पूजा क्रियते चक्रिणो जनैः

viphalā sā ca pūjā syānna ca viṣṇuḥ prasīdati yaistvabaddhaśikhaiḥ pūjā kriyate cakriṇo janaiḥ

his worship comes to nothing, and Vishnu is not pleased. Whatever people worship the discus-bearer without binding their own tuft of hair,

Verse 54 (padma.7.13.54)

पूजाफलं नाप्नुवंति बलिग्राह्या च सा भवेत् । असंस्कृतगृहे पूजा क्रियते जगतीपतेः

pūjāphalaṁ nāpnuvaṁti baligrāhyā ca sā bhavet asaṁskṛtagṛhe pūjā kriyate jagatīpateḥ

they do not attain the fruit of worship, and that worship goes instead to demons. Whatever worship of the Lord of the universe is performed in an unpurified home,

Verse 55 (padma.7.13.55)

सा पूजा ब्राह्मणश्रेष्ठ बलिग्राह्या भवेत्खलु । स्नानं देवार्चनं चैव दानं च पितृपूजनम्

sā pūjā brāhmaṇaśreṣṭha baligrāhyā bhavetkhalu snānaṁ devārcanaṁ caiva dānaṁ ca pitṛpūjanam

O best of brahmins, that worship too goes to demons. Bathing, worship of the gods, giving, and honoring the ancestors —

Verse 56 (padma.7.13.56)

तिलकेन विना विप्र कुरुते न विचक्षणः । तिलकान्यगृहीत्वा यत्पुण्यकर्म विधीयते

tilakena vinā vipra kurute na vicakṣaṇaḥ tilakānyagṛhītvā yatpuṇyakarma vidhīyate

O brahmin, the wise person does not perform any of these without applying the sacred mark; whatever meritorious deed is performed without applying it,

Verse 57 (padma.7.13.57)

भस्मीभवति तत्सर्वं कर्ता च नारकी भवेत् । शङ्खचक्रगदापद्मैरङ्कितं यस्य दृश्यते

bhasmībhavati tatsarvaṁ kartā ca nārakī bhavet śaṅkhacakragadāpadmairaṅkitaṁ yasya dṛśyate

all of it turns to ash, and its doer becomes a denizen of hell. Whoever's body is seen marked with the conch, discus, mace, and lotus,

Verse 58 (padma.7.13.58)

शरीरं ब्राह्मणश्रेष्ठ विज्ञेयः सोऽच्युतः स्वयम् । यो लिखेद्दक्षिणे बाहौ शङ्ख पद्मे च वैष्णवः

śarīraṁ brāhmaṇaśreṣṭha vijñeyaḥ so'cyutaḥ svayam yo likheddakṣiṇe bāhau śaṅkha padme ca vaiṣṇavaḥ

O best of brahmins, he should be known as Achyuta himself. Whatever Vaishnava marks upon his own right arm the conch and the lotus,

Verse 59 (padma.7.13.59)

सव्ये चक्रं गदां चैव स विष्णुर्नात्र संशयः । पङ्कजं दक्षिणे बाहौ शङ्खस्योपरि यो लिखेत्

savye cakraṁ gadāṁ caiva sa viṣṇurnātra saṁśayaḥ paṅkajaṁ dakṣiṇe bāhau śaṅkhasyopari yo likhet

and, upon his left arm, the discus and the mace, he is Vishnu himself, of this there is no doubt. Whoever marks, upon his right arm, above the conch, the lotus,

Verse 60 (padma.7.13.60)

पातकं सकलं तस्य क्षणादेव तु नश्यति । चक्रोपरि गदां यस्तु लिखेत्सव्ये भुजे द्विज

pātakaṁ sakalaṁ tasya kṣaṇādeva tu naśyati cakropari gadāṁ yastu likhetsavye bhuje dvija

his every sin is destroyed in that very instant. O brahmin, whoever marks, upon his left arm, above the discus, the mace,

Verse 61 (padma.7.13.61)

तं वंदंते द्विजश्रेष्ठ शक्राद्या अपि निर्जराः । मुरारिपादयुग्मं च स्वललाटे लिखेद्बुधः

taṁ vaṁdaṁte dvijaśreṣṭha śakrādyā api nirjarāḥ murāripādayugmaṁ ca svalalāṭe likhedbudhaḥ

him, O best of brahmins, even Indra and the gods revere. Whatever wise person marks upon his own brow the sign of the two feet of the foe of Mura,

Verse 62 (padma.7.13.62)

पापात्मापि च तं दृष्ट्वा मुक्तो भवति पातकात् । अष्टाक्षरं महामंत्रं मत्स्यं कूर्मं च यो हृदि

pāpātmāpi ca taṁ dṛṣṭvā mukto bhavati pātakāt aṣṭākṣaraṁ mahāmaṁtraṁ matsyaṁ kūrmaṁ ca yo hṛdi

even a sinful person, seeing him, becomes freed of his own sin. Whoever marks upon his heart the fish, the tortoise, and the eight-syllable great mantra,

Verse 63 (padma.7.13.63)

लिखेत्स वैष्णवश्रेष्ठः पुनाति भुवनत्रयम् । कृष्णायुधांकितं यस्य शरीरं स्याद्दिनेदिने

likhetsa vaiṣṇavaśreṣṭhaḥ punāti bhuvanatrayam kṛṣṇāyudhāṁkitaṁ yasya śarīraṁ syāddinedine

he, foremost of Vaishnavas, purifies all three worlds. Whoever's body is, every day, marked with the signs of Krishna's own weapons,

Verse 64 (padma.7.13.64)

तस्य कृष्णो जगन्नाथो ददाति परमं पदम् । कृष्णायुधांकिततनुर्यत्कर्म कुरुते नरः

tasya kṛṣṇo jagannātho dadāti paramaṁ padam kṛṣṇāyudhāṁkitatanuryatkarma kurute naraḥ

to him Krishna, Lord of the universe, grants the supreme abode. Whatever deed a man performs, his body marked with the signs of Krishna's weapons,

Verse 65 (padma.7.13.65)

शुभं वाप्यशुभं वापि तत्सर्वमक्षयं भवेत् । दानवा राक्षसाश्चैव भूतवेतालकास्तथा

śubhaṁ vāpyaśubhaṁ vāpi tatsarvamakṣayaṁ bhavet dānavā rākṣasāścaiva bhūtavetālakāstathā

whether good or ill, all of it becomes imperishable. Danavas, Rakshasas, spirits, revenants,

Verse 66 (padma.7.13.66)

पिशाचाः पन्नगाश्चापि यक्षविद्याधरास्तथा । किन्नरा गुह्यकाश्चैव ग्रहा बालग्रहास्तथा

piśācāḥ pannagāścāpi yakṣavidyādharāstathā kinnarā guhyakāścaiva grahā bālagrahāstathā

Pishachas, serpent-folk, Yakshas, Vidyadharas, Kinnaras, Guhyakas, planetary spirits, spirits that afflict children,

Verse 67 (padma.7.13.67)

कूष्माण्डाश्चैव डाकिन्यस्तथान्ये विघ्नकारकाः । सर्वे भीत्या पलायंते दृष्ट्वा कृष्णायुधाङ्कितम्

kūṣmāṇḍāścaiva ḍākinyastathānye vighnakārakāḥ sarve bhītyā palāyaṁte dṛṣṭvā kṛṣṇāyudhāṅkitam

Kushmandas, Dakinis, and other creators of obstacles — all of these, seeing the signs of Krishna's weapons, flee in fear.

Verse 68 (padma.7.13.68)

द्वीपाश्च द्वीपिनश्चैव तथान्ये वनवासिनः । दृष्ट्वैव प्रपलायंते भयात्कृष्णायुधांकितम्

dvīpāśca dvīpinaścaiva tathānye vanavāsinaḥ dṛṣṭvaiva prapalāyaṁte bhayātkṛṣṇāyudhāṁkitam

The dwellers of islands, and other forest-dwelling creatures too, upon merely seeing the signs of Krishna's weapons, flee in fear.

Verse 69 (padma.7.13.69)

कामलाद्या महारोगा देहदेहावपातिनः । कृष्णायुधांकिततनुं भक्त्या पश्यति यो जनः

kāmalādyā mahārogā dehadehāvapātinaḥ kṛṣṇāyudhāṁkitatanuṁ bhaktyā paśyati yo janaḥ

Jaundice and other great diseases, which spread from body to body — whatever person, with devotion, beholds a body marked with the signs of Krishna's weapons,

Verse 70 (padma.7.13.70)

कृष्णदर्शनतुल्यस्य फलं प्राप्नोति मानवः । त्रिपत्रीकृतदूर्वाभिरश्विने योऽर्चयेद्धरिम्

kṛṣṇadarśanatulyasya phalaṁ prāpnoti mānavaḥ tripatrīkṛtadūrvābhiraśvine yo'rcayeddharim

that man attains a fruit equal to the very sight of Krishna. Whoever, in Ashvina, worships Hari with three-bladed durva grass,

Verse 71 (padma.7.13.71)

दूर्वावत्संततिस्तस्य अविच्छिन्ना प्रवर्तते । आश्विने मासि यो दद्याद्धरये कर्कटीफलम्

dūrvāvatsaṁtatistasya avicchinnā pravartate āśvine māsi yo dadyāddharaye karkaṭīphalam

his own line, like durva grass, continues unbroken. Whoever, in the month of Ashvina, offers to Hari a cucumber,

Verse 72 (padma.7.13.72)

शोको न जायते तस्य कदाचिद्धृदये द्विज । कार्तिके च समायाते सर्वमासोत्तमे शुभे

śoko na jāyate tasya kadāciddhṛdaye dvija kārtike ca samāyāte sarvamāsottame śubhe

O brahmin, in his heart grief never arises. When the finest and most auspicious of all months, Kartika, arrives,

Verse 73 (padma.7.13.73)

दामोदरं देवदेवं भक्त्या प्राज्ञः प्रपूजयेत् । कार्तिके मासि विप्रेन्द्र विष्णुप्रीणनहेतवे

dāmodaraṁ devadevaṁ bhaktyā prājñaḥ prapūjayet kārtike māsi viprendra viṣṇuprīṇanahetave

the wise person should worship the God of gods, Damodara, with devotion. O lord of brahmins, in the month of Kartika, for the sake of Vishnu's pleasure,

Verse 74 (padma.7.13.74)

यथोक्तविधिना प्राज्ञः प्रातःस्नानं समाचरेत् । आमिषं मैथुनं चैव कार्तिके मासि यस्त्यजेत्

yathoktavidhinā prājñaḥ prātaḥsnānaṁ samācaret āmiṣaṁ maithunaṁ caiva kārtike māsi yastyajet

the wise person should perform his morning bath by the rite already declared. Whoever, in the month of Kartika, gives up both meat and sexual union,

Verse 75 (padma.7.13.75)

जन्मान्तरार्जितैः पापैर्मुक्तो याति पराङ्गतिम् । तुलाराशिगते सूर्ये प्रातःस्नानं द्विजोत्तम

janmāntarārjitaiḥ pāpairmukto yāti parāṅgatim tulārāśigate sūrye prātaḥsnānaṁ dvijottama

he, freed of sins gathered across countless births, goes to the highest state. When the sun enters Libra, O best of the twice-born,

Verse 76 (padma.7.13.76)

हविष्यं ब्रह्मचर्यं च महापातकनाशनम् । आमिषं मैथुनं चैव कार्तिकेमासि सेवते

haviṣyaṁ brahmacaryaṁ ca mahāpātakanāśanam āmiṣaṁ maithunaṁ caiva kārtikemāsi sevate

sacred fasting food and continence destroy even great sins. Whoever, in the month of Kartika, indulges in meat and sexual union,

Verse 77 (padma.7.13.77)

जन्मजन्मनि विप्रेन्द्र स भवेद्ग्रामशूकरः । द्विभोजनं परान्नं च तैलं च वैष्णवो जनः

janmajanmani viprendra sa bhavedgrāmaśūkaraḥ dvibhojanaṁ parānnaṁ ca tailaṁ ca vaiṣṇavo janaḥ

O lord of brahmins, he becomes, birth after birth, a village pig. Eating twice, food given by another, and oil — the Vaishnava should,

Verse 78 (padma.7.13.78)

आयाते कार्तिके मासि यत्नादपि परित्यजेत् । दामोदराय नभसि दीपं यस्तु प्रयच्छति

āyāte kārtike māsi yatnādapi parityajet dāmodarāya nabhasi dīpaṁ yastu prayacchati

at the coming of the month of Kartika, carefully abandon all of these. Whoever kindles a lamp in the sky for Damodara,

Verse 79 (padma.7.13.79)

फलं तस्य प्रवक्ष्यामि समासेन शृणु द्विज । ब्रह्महत्यादिभिः पापैर्विमुक्तः क्लेशदायकैः

phalaṁ tasya pravakṣyāmi samāsena śṛṇu dvija brahmahatyādibhiḥ pāpairvimuktaḥ kleśadāyakaiḥ

his fruit I shall tell you, briefly, O brahmin, hear it. Freed of sins, from the killing of a brahmin onward, giver of affliction,

Verse 80 (padma.7.13.80)

दामोदरपुरं गत्वा तिष्ठेत्कोटियुगावधि । दीपं ज्वलंतं नभसि त्रिदशा वासवादयः

dāmodarapuraṁ gatvā tiṣṭhetkoṭiyugāvadhi dīpaṁ jvalaṁtaṁ nabhasi tridaśā vāsavādayaḥ

he, going to the abode of Damodara, dwells there for tens of millions of ages. That lamp burning in the sky, all the gods, beginning with Indra,

Verse 81 (padma.7.13.81)

विलोक्य हर्षिताः सर्वे वदंतीति परस्परम् । असौ पुण्यात्मनां श्रेष्ठः केशवार्चनतत्परः

vilokya harṣitāḥ sarve vadaṁtīti parasparam asau puṇyātmanāṁ śreṣṭhaḥ keśavārcanatatparaḥ

beholding, all become joyful, and say to one another — this man is the foremost of the meritorious, devoted to the worship of Keshava,

Verse 82 (padma.7.13.82)

प्रदीपं कार्तिके मासि यतो यच्छति चक्रिणे । कार्तिके मासि विप्रेन्द्र तस्य तुष्टः सदा हरिः

pradīpaṁ kārtike māsi yato yacchati cakriṇe kārtike māsi viprendra tasya tuṣṭaḥ sadā hariḥ

since, in the month of Kartika, he offers a lamp to the discus-bearer. O lord of brahmins, in the month of Kartika Hari is ever pleased with him.

Verse 83 (padma.7.13.83)

दद्यादक्षयदीपं यः कार्तिके हरिमंदिरे । दिनेदिनेऽश्वमेधस्य फलं प्राप्नोति मानवः

dadyādakṣayadīpaṁ yaḥ kārtike harimaṁdire dinedine'śvamedhasya phalaṁ prāpnoti mānavaḥ

Whoever, in Kartika, keeps an unbroken lamp burning in Hari's temple, that man attains, every day, the fruit of an Ashvamedha sacrifice.

Verse 84 (padma.7.13.84)

तुलसीदललक्षैर्यः कार्तिके पूजयेद्धरिम् । लक्षैकवाजिमेधस्य मानवो लभते फलम्

tulasīdalalakṣairyaḥ kārtike pūjayeddharim lakṣaikavājimedhasya mānavo labhate phalam

Whoever, in Kartika, worships Hari with a hundred thousand tulasi leaves, that man attains the fruit of a hundred thousand Ashvamedha sacrifices.

Verse 85 (padma.7.13.85)

बिल्वस्य दललक्षेण योऽर्चयेद्विष्णुमव्ययम् । परमं मोक्षमाप्नोति प्रसादाज्जगतीपते

bilvasya dalalakṣeṇa yo'rcayedviṣṇumavyayam paramaṁ mokṣamāpnoti prasādājjagatīpate

Whoever worships the imperishable Vishnu with a hundred thousand bilva leaves, O lord of the earth, he attains supreme liberation by that grace.

Verse 86 (padma.7.13.86)

यत्किञ्चित्कार्तिकेमासि विष्णुमुद्दिश्य दीयते । तदक्षयं भवेत्सर्वं सत्यमेतन्मयोच्यते

yatkiñcitkārtikemāsi viṣṇumuddiśya dīyate tadakṣayaṁ bhavetsarvaṁ satyametanmayocyate

In the month of Kartika, whatever is offered for Vishnu's own sake, all of it becomes imperishable — this truth I now declare.

Verse 87 (padma.7.13.87)

घृताक्तं सुरपत्रं यः कार्तिके मासि वैष्णवे । दद्याद्दिनेदिने विप्र तस्य विष्णोः पुरे स्थितिः

ghṛtāktaṁ surapatraṁ yaḥ kārtike māsi vaiṣṇave dadyāddinedine vipra tasya viṣṇoḥ pure sthitiḥ

Whoever offers ghee-soaked leaves of the sura-tree (plantain leaf) in the month of Kartika, O brahmin, to the Vaishnava, every day, his dwelling is in the abode of Vishnu.

Verse 88 (padma.7.13.88)

प्रफुल्लपद्मपत्रेण सितेनाप्यसितेन वा । योऽर्चयेत्कमलाकांतं तस्य किं भुवि दुर्ल्लभम्

praphullapadmapatreṇa sitenāpyasitena vā yo'rcayetkamalākāṁtaṁ tasya kiṁ bhuvi durllabham

Whoever worships the beloved of Kamala with a blooming white or blue lotus petal, what upon this earth is hard to attain for him?

Verse 89 (padma.7.13.89)

द्विजाग्र्यः कार्तिके मासि हरये येन पङ्कजम् । न दत्तं तेन किं विप्र विष्णवे दैत्यजिष्णवे

dvijāgryaḥ kārtike māsi haraye yena paṅkajam na dattaṁ tena kiṁ vipra viṣṇave daityajiṣṇave

O foremost of brahmins, whoever has not offered a lotus to Hari in the month of Kartika, O brahmin, what has he not withheld from Vishnu, conqueror of the demons?

Verse 90 (padma.7.13.90)

एकमेवांबुजं हृत्वा ददाति कैटभारये । तस्मै किं भगवान्विष्णुर्न ददाति श्रियः पतिः

ekamevāṁbujaṁ hṛtvā dadāti kaiṭabhāraye tasmai kiṁ bhagavānviṣṇurna dadāti śriyaḥ patiḥ

Whoever, plucking but a single lotus, offers it to the foe of Kaitabha, what does the Lord Vishnu, master of Sri, not give him?

Verse 91 (padma.7.13.91)

कमलैः कार्तिके मासि येन नाराधितो हरिः । जन्मजन्मनि तद्गेहे कमला न हि तिष्ठति

kamalaiḥ kārtike māsi yena nārādhito hariḥ janmajanmani tadgehe kamalā na hi tiṣṭhati

Whoever does not worship Hari with lotuses in the month of Kartika, in his home, birth after birth, Kamala (Lakshmi) never dwells.

Verse 92 (padma.7.13.92)

पद्मबीजानि यो दद्यात्केशवाय महात्मने । स जायते विप्रकुले शुद्धे च प्रतिजन्मनि

padmabījāni yo dadyātkeśavāya mahātmane sa jāyate viprakule śuddhe ca pratijanmani

Whoever offers lotus seeds to the great being Keshava, he is born, in every birth, into a pure brahmin lineage.

Verse 93 (padma.7.13.93)

ब्राह्मणस्य कुले जातश्चतुर्वेदसुहृद्भवेत् । धनवान्बहुपुत्रश्च कुटुंबानां च पोषकः

brāhmaṇasya kule jātaścaturvedasuhṛdbhavet dhanavānbahuputraśca kuṭuṁbānāṁ ca poṣakaḥ

Born into a brahmin lineage, he becomes a friend of the four Vedas — wealthy, blessed with many sons, and the sustainer of his own family.

Verse 94 (padma.7.13.94)

नास्ति पद्मसमं पुष्पं जैमिने सत्यमुच्यते । येन संपूज्य गोविन्दं पापात्मापि च मोक्षभाक्

nāsti padmasamaṁ puṣpaṁ jaimine satyamucyate yena saṁpūjya govindaṁ pāpātmāpi ca mokṣabhāk

O Jaimini, there is no flower equal to the lotus — this is spoken as truth; by worshipping Govinda with it, even a sinful person becomes a partaker of liberation.

Verse 95 (padma.7.13.95)

पद्मपुष्पस्य माहात्म्यं विशेषादुच्यते मया । सेतिहासं द्विजश्रेष्ठ सावधानं निशामय

padmapuṣpasya māhātmyaṁ viśeṣāducyate mayā setihāsaṁ dvijaśreṣṭha sāvadhānaṁ niśāmaya

The glory of the lotus flower I shall now tell in particular, O best of brahmins, together with a story; hear it with attention.

Verse 96 (padma.7.13.96)

आसीदेकः प्रजा नाम ब्राह्मणः सर्वशास्त्रवित् । हरिपादांबुजे यस्य मनोभृङ्ग सदा स्थितिः

āsīdekaḥ prajā nāma brāhmaṇaḥ sarvaśāstravit haripādāṁbuje yasya manobhṛṅga sadā sthitiḥ

There was a brahmin named Praja, learned in every scripture, whose mind, like a bee, ever remained fixed upon the lotus feet of Hari.

Verse 97 (padma.7.13.97)

देवानां ब्राह्मणानां च गुरूणां चैव सर्वदा । कृता पूजा द्विजश्रेष्ठ कार्याकार्यशतान्यपि

devānāṁ brāhmaṇānāṁ ca gurūṇāṁ caiva sarvadā kṛtā pūjā dvijaśreṣṭha kāryākāryaśatānyapi

Worship of the gods, of brahmins, and of teachers he ever performed, O best of brahmins, even in hundreds of fitting and unfitting circumstances.

Verse 98 (padma.7.13.98)

परद्रव्यं विषं चैव परस्त्रीषु स्वमातृवत् । कृतं तेनैव यच्चैवं तथा मित्रे च शात्रवे

paradravyaṁ viṣaṁ caiva parastrīṣu svamātṛvat kṛtaṁ tenaiva yaccaivaṁ tathā mitre ca śātrave

Another's wealth, as though poison, and another's wife, as though his own mother — thus did he conduct himself, and so too toward friend and foe alike.

Verse 99 (padma.7.13.99)

आयांतमतिथिं दृष्ट्वा स विप्रः परमार्थवित् । भृशं मानं न चाप्नोति याचकं च द्विजोत्तमम्

āyāṁtamatithiṁ dṛṣṭvā sa vipraḥ paramārthavit bhṛśaṁ mānaṁ na cāpnoti yācakaṁ ca dvijottamam

Seeing a guest arriving, that brahmin, knower of the supreme truth, never showed him excessive pride; nor did he ever slight a mendicant brahmin either.

Verse 100 (padma.7.13.100)

सर्वयज्ञाः कृतास्तेन व्रतानि सकलानि च । संसारसागरं घोरमपारंच तितीर्षुणा

sarvayajñāḥ kṛtāstena vratāni sakalāni ca saṁsārasāgaraṁ ghoramapāraṁca titīrṣuṇā

He performed every sacrifice and every vow, desiring to cross this terrible, boundless ocean of transmigration.

Verse 101 (padma.7.13.101)

एकदा स द्विजश्रेष्ठो हरिभक्तिपरायणः । स्वमृत्युं च निजां जातिं चिंतयामास चेतसा

ekadā sa dvijaśreṣṭho haribhaktiparāyaṇaḥ svamṛtyuṁ ca nijāṁ jātiṁ ciṁtayāmāsa cetasā

Once that excellent brahmin, devoted to Hari, began to think in his own mind about his own death and his own past birth.

Verse 102 (padma.7.13.102)

अहं पूर्वं स्थितः को वा किं वा कर्म कृतं पुरा । कथं वा जन्म संप्राप्तं गमिष्यामि क्व वा पुनः

ahaṁ pūrvaṁ sthitaḥ ko vā kiṁ vā karma kṛtaṁ purā kathaṁ vā janma saṁprāptaṁ gamiṣyāmi kva vā punaḥ

"What was I before, or what deed did I do before, or how did I attain this birth — and where shall I go again?"

Verse 103 (padma.7.13.103)

इति संचिंत्य विप्रोऽसौ निःश्वस्य च पुनः पुनः । विज्ञातुं पूर्ववृत्तांतं शिवक्षेत्रं जगाम ह

iti saṁciṁtya vipro'sau niḥśvasya ca punaḥ punaḥ vijñātuṁ pūrvavṛttāṁtaṁ śivakṣetraṁ jagāma ha

Thinking thus, that brahmin, sighing again and again, went to a Shiva-sacred tract to learn his own past history.

Verse 104 (padma.7.13.104)

तत्र बद्धाञ्जलिर्विप्रो भक्त्या परमया युतः । तुष्टाव शंकरं देवं वाचा मधुरया शिवम्

tatra baddhāñjalirvipro bhaktyā paramayā yutaḥ tuṣṭāva śaṁkaraṁ devaṁ vācā madhurayā śivam

There, with joined palms, filled with the highest devotion, that brahmin began to praise the god Shankara with sweet words.

Verse 105 (padma.7.13.105)

ब्राह्मण उवाच- नमस्तुभ्यं महादेव नमस्ते परमेश्वर । नमस्ते शंकरेशान नमस्ते वरद प्रभो

brāhmaṇa uvāca- namastubhyaṁ mahādeva namaste parameśvara namaste śaṁkareśāna namaste varada prabho

The brahmin said: O Mahadeva, salutation to you. O supreme Lord, salutation to you. O Shankara, O Ishana, salutation to you. O Lord, giver of boons, salutation to you.

Verse 106 (padma.7.13.106)

नमस्ते ज्ञानरूपाय नमस्ते ज्ञानदायिने । नमस्ते सर्वभूतानां हृदम्बुजनिवासिने

namaste jñānarūpāya namaste jñānadāyine namaste sarvabhūtānāṁ hṛdambujanivāsine

O form of knowledge, salutation to you. O giver of knowledge, salutation to you. O dweller in the lotus heart of every living being, salutation to you.

Verse 107 (padma.7.13.107)

जगत्स्रष्ट्रे नमस्तुभ्यं जगत्पित्रे नमो नमः । नमः संहराकर्त्रे च पशूनां पतये नमः

jagatsraṣṭre namastubhyaṁ jagatpitre namo namaḥ namaḥ saṁharākartre ca paśūnāṁ pataye namaḥ

O creator of the universe, salutation to you. O father of the universe, salutation again and again. O one who destroys, and O lord of creatures, salutation.

Verse 108 (padma.7.13.108)

मनस्ते वह्निनेत्राय नमस्ते वह्निचक्षुषे । नमस्ते चन्द्रनेत्राय सूर्यनेत्राय वै नमः

manaste vahninetrāya namaste vahnicakṣuṣe namaste candranetrāya sūryanetrāya vai namaḥ

O fire-eyed one, salutation to you. O fire-glanced one, salutation. O moon-eyed one, salutation to you. O sun-eyed one, salutation.

Verse 109 (padma.7.13.109)

नमस्ते भस्मभूषाय नमस्ते कृत्तिवाससे । नमोऽस्थिमालिने तुभ्यं नीलकंठाय वै नमः

namaste bhasmabhūṣāya namaste kṛttivāsase namo'sthimāline tubhyaṁ nīlakaṁṭhāya vai namaḥ

O one adorned with ash, salutation to you. O one clad in a deer-skin, salutation. O one garlanded with bones, salutation to you. O blue-throated one, salutation.

Verse 110 (padma.7.13.110)

नमस्ते पंचक्त्राय नमस्ते शूलपाणिने । कन्दर्पदर्पविध्वंसकारिणे भीममूर्तये

namaste paṁcaktrāya namaste śūlapāṇine kandarpadarpavidhvaṁsakāriṇe bhīmamūrtaye

O five-faced one, salutation to you. O trident-in-hand, salutation. O destroyer of the pride of the god of love, O terrible form, salutation.

Verse 111 (padma.7.13.111)

नमस्ते देवदेवाय नमस्ते त्रिपुरारये । पार्वतीपतये तुभ्यं नमस्ते भीममूर्तये

namaste devadevāya namaste tripurāraye pārvatīpataye tubhyaṁ namaste bhīmamūrtaye

O God of gods, salutation to you. O foe of Tripura, salutation. O consort of Parvati, salutation to you. O terrible form, salutation.

Verse 112 (padma.7.13.112)

बाणभक्त्यातिसंतुष्ट मानसाय नमोस्तु ते । बहुरूपाय वै तुभ्यं विश्वरूपाय वै नमः

bāṇabhaktyātisaṁtuṣṭa mānasāya namostu te bahurūpāya vai tubhyaṁ viśvarūpāya vai namaḥ

O one whose mind was well pleased by Bana's devotion, salutation. O one of manifold forms, salutation to you, O universal form, too.

Verse 113 (padma.7.13.113)

गङ्गाधराय वै तुभ्यं दक्षयज्ञविनाशिने । प्रेतानां पतये तुभ्यं नमस्तुभ्यं पिनाकिने

gaṅgādharāya vai tubhyaṁ dakṣayajñavināśine pretānāṁ pataye tubhyaṁ namastubhyaṁ pinākine

O bearer of the Ganga, salutation to you. O destroyer of Daksha's sacrifice, salutation. O lord of the dead, salutation to you. O bearer of the Pinaka bow, salutation.

Verse 114 (padma.7.13.114)

ईशानाय नमस्तुभ्यं मनीषाय नमो नमः । तुभ्यं नमोऽस्तु दृश्याय अदृश्याय नमो नमः । नमश्चिन्त्याय वै तुभ्यमचिन्त्याय नमोनमः

īśānāya namastubhyaṁ manīṣāya namo namaḥ tubhyaṁ namo'stu dṛśyāya adṛśyāya namo namaḥ namaścintyāya vai tubhyamacintyāya namonamaḥ

O Ishana, salutation to you. O form of intellect, salutation again and again. O visible form, salutation to you; O invisible form, salutation again and again. O one worthy of contemplation, salutation to you; O inconceivable form, salutation again and again.

Verse 115 (padma.7.13.115)

ब्रह्मा त्वमेव त्रिदशैकनाथस्त्वमेव विष्णुस्तपनस्त्वमेव । त्वमेव सोमः सकलार्त्तिहारी नमो नमस्ते परमेश्वराय

brahmā tvameva tridaśaikanāthastvameva viṣṇustapanastvameva tvameva somaḥ sakalārttihārī namo namaste parameśvarāya

You alone are Brahma, you alone are Vishnu, sole lord of the gods, you alone are the sun, you alone are the moon, remover of every affliction — O supreme Lord, salutation to you again and again.

Verse 116 (padma.7.13.116)

तस्यस्तवं समाकर्ण्य शंकरो लोकशंकरः । आविर्बभूव सहसा प्रसन्नः परमेश्वरः

tasyastavaṁ samākarṇya śaṁkaro lokaśaṁkaraḥ āvirbabhūva sahasā prasannaḥ parameśvaraḥ

Hearing this hymn of his, Shankara, well-wisher of the worlds, pleased, that supreme Lord, at once manifested himself.

Verse 117 (padma.7.13.117)

आविर्भूतं समालोक्य सर्वदेवनमस्कृतम् । ववंदे चरणौ तस्य स विप्रोऽत्यंतभक्तिमान्

āvirbhūtaṁ samālokya sarvadevanamaskṛtam vavaṁde caraṇau tasya sa vipro'tyaṁtabhaktimān

Beholding him manifest, revered by every god, that most devoted brahmin bowed to his two feet.

Verse 118 (padma.7.13.118)

भूयोऽपि स द्विजश्रेष्ठो हर्षनिर्भरमानसः । कृताञ्जलिर्महादेवं तुष्टाव वरदं प्रभुम्

bhūyo'pi sa dvijaśreṣṭho harṣanirbharamānasaḥ kṛtāñjalirmahādevaṁ tuṣṭāva varadaṁ prabhum

Then again that excellent brahmin, his mind filled with joy, with joined palms, began to praise the boon-giving Lord Mahadeva.

Verse 119 (padma.7.13.119)

ब्राह्मण उवाच- यं न पश्यंति देवेशं देवा अपि सवासवाः । पश्यामि तमहं साक्षान्महाभाग्यमिदं मम

brāhmaṇa uvāca- yaṁ na paśyaṁti deveśaṁ devā api savāsavāḥ paśyāmi tamahaṁ sākṣānmahābhāgyamidaṁ mama

The brahmin said: whom, the God of gods, even the gods together with Indra cannot see, him I now behold in person — this is my great good fortune.

Verse 120 (padma.7.13.120)

ध्यानावस्थितचित्तेन योऽदृश्यः परमेश्वरः । पश्यामि तमहं साक्षान् साध्यं किमपरं मम

dhyānāvasthitacittena yo'dṛśyaḥ parameśvaraḥ paśyāmi tamahaṁ sākṣān sādhyaṁ kimaparaṁ mama

That supreme Lord, invisible even to those whose minds abide in the state of meditation, him I now behold in person — what else remains for me to attain?

Verse 121 (padma.7.13.121)

त्वन्नामस्मरणादेव महापातकिनोऽपि च । गच्छंति परमं स्थानं समीक्षे तमहं प्रभुम्

tvannāmasmaraṇādeva mahāpātakino'pi ca gacchaṁti paramaṁ sthānaṁ samīkṣe tamahaṁ prabhum

That very Lord, by the mere remembrance of whose name even great sinners go to the supreme place, him I now behold.

Verse 122 (padma.7.13.122)

कृतार्थोऽस्मि कृतार्थोऽस्मि कृतार्थोऽस्मि च भाग्यवान् । नमस्तुभ्यं नमस्तुभ्यं प्रसीद परमेश्वर

kṛtārtho'smi kṛtārtho'smi kṛtārtho'smi ca bhāgyavān namastubhyaṁ namastubhyaṁ prasīda parameśvara

I am fulfilled, I am fulfilled, I am fulfilled and fortunate. Salutation to you, salutation to you, be gracious, O supreme Lord.

Verse 123 (padma.7.13.123)

महादेव उवाच-। भवतोऽनेन वाक्येन तुष्टोऽस्मि द्विजसत्तम । वरं वृणु महाभाग वरं दित्सुरहं खलु

mahādeva uvāca- bhavato'nena vākyena tuṣṭo'smi dvijasattama varaṁ vṛṇu mahābhāga varaṁ ditsurahaṁ khalu

Mahadeva said: by these words of yours I am pleased, O best of the twice-born; O great one, ask a boon, for I truly wish to give.

Verse 124 (padma.7.13.124)

ब्राह्मण उवाच- भवंतं परमात्मानमदृश्यं दैवतैरपि । साक्षात्पश्याम्यहं नाथ किं कार्यमपरैर्वरैः

brāhmaṇa uvāca- bhavaṁtaṁ paramātmānamadṛśyaṁ daivatairapi sākṣātpaśyāmyahaṁ nātha kiṁ kāryamaparairvaraiḥ

The brahmin said: O lord, you, the supreme Self, invisible even to the gods, I now behold in person — what use is there in other boons?

Verse 125 (padma.7.13.125)

तथापि त्वं महादेव वरं दित्सुः कृपामयः । पृच्छामि यदहं किंचित्तद्ब्रूहि परमेश्वर

tathāpi tvaṁ mahādeva varaṁ ditsuḥ kṛpāmayaḥ pṛcchāmi yadahaṁ kiṁcittadbrūhi parameśvara

Yet, O Mahadeva, since you, compassionate one, wish to grant a boon, tell me what I now ask, O supreme Lord.

Verse 126 (padma.7.13.126)

कोऽहं तस्थौ पुरा देव किं वा कार्यं कृतं पुरा । संसारसागरे नाथ पतितोऽस्मि कथं प्रभो

ko'haṁ tasthau purā deva kiṁ vā kāryaṁ kṛtaṁ purā saṁsārasāgare nātha patito'smi kathaṁ prabho

O god, what was I before, what deed did I do before? O Lord, how did I fall into this ocean of transmigration?

Verse 127 (padma.7.13.127)

कर्मणा प्राप्यते देहो देही पापेन लिप्यते । पुनः पापप्रभावेण प्राप्यते विषमा गतिः

karmaṇā prāpyate deho dehī pāpena lipyate punaḥ pāpaprabhāveṇa prāpyate viṣamā gatiḥ

By deed a body is attained, and the embodied being becomes tainted by sin; then, by the power of that sin, an adverse state is attained.

Verse 128 (padma.7.13.128)

प्रभावैः कर्मणां केषां जन्म प्राप्तमिदं मया । नानादुःखप्रदं नाथ प्रसन्नो ब्रूहि शंकर

prabhāvaiḥ karmaṇāṁ keṣāṁ janma prāptamidaṁ mayā nānāduḥkhapradaṁ nātha prasanno brūhi śaṁkara

By the power of what deeds have I attained this birth, which brings manifold sorrow, O lord? Tell me, being gracious, O Shankara.

Verse 129 (padma.7.13.129)

पापमूलमिदं जन्म जन्म दुःखस्य कारणम् । ज्ञातुमिच्छाम्यहं तस्मात्पूर्ववृत्तांतमात्मनः

pāpamūlamidaṁ janma janma duḥkhasya kāraṇam jñātumicchāmyahaṁ tasmātpūrvavṛttāṁtamātmanaḥ

This birth is rooted in sin, birth itself is the cause of sorrow; therefore I wish to know my own past history.

Verse 130 (padma.7.13.130)

स्थितोऽहं जननी कुक्षौ जनठरानलतापितः । मूत्रविष्ठाप्रकीर्णे च विपाकेन च कर्मणाम्

sthito'haṁ jananī kukṣau janaṭharānalatāpitaḥ mūtraviṣṭhāprakīrṇe ca vipākena ca karmaṇām

Dwelling in a mother's womb, scorched by her own inner fire, in a place filled with urine and excrement, through the ripening of my own deeds,

Verse 131 (padma.7.13.131)

गर्भवाससमं दुःखं संसारे न हि मन्यते । कथं मयानुभूतं तत्प्रभो भक्तार्तिनाशन

garbhavāsasamaṁ duḥkhaṁ saṁsāre na hi manyate kathaṁ mayānubhūtaṁ tatprabho bhaktārtināśana

no sorrow in this world is deemed equal to the dwelling in the womb. O Lord, O remover of your devotees' anguish, how did I endure that?

Verse 132 (padma.7.13.132)

संसारेऽस्मिन्महाघोरे नानादुःखसमन्विते । असारे मायया विष्णोर्मोहिते पातकाश्रये

saṁsāre'sminmahāghore nānāduḥkhasamanvite asāre māyayā viṣṇormohite pātakāśraye

In this most terrible transmigration, filled with manifold sorrow, bewildered by Vishnu's own maya, the very refuge of sin, void of substance,

Verse 133 (padma.7.13.133)

दुस्तरे बंधुहीने च कामक्रोधादिसंयुते । शोकरोगप्रदे चैव जन्ममृत्युप्रदे तथा

dustare baṁdhuhīne ca kāmakrodhādisaṁyute śokarogaprade caiva janmamṛtyuprade tathā

hard to cross, devoid of true kin, filled with lust and anger and the rest, giver of grief and disease, and giver of birth and death,

Verse 134 (padma.7.13.134)

अपारे जगतामीश पतितोऽस्मि कथं शिव । एतत्सर्वं विभो ब्रूहि यदि ते मय्यनुग्रहः

apāre jagatāmīśa patito'smi kathaṁ śiva etatsarvaṁ vibho brūhi yadi te mayyanugrahaḥ

in this boundless universe, O Shiva, O lord of the worlds, how have I fallen? All this, O mighty one, tell me, if you have grace upon me.

Verse 135 (padma.7.13.135)

महादेव उवाच- यद्यप्येतद्दिवजश्रेष्ठ गुह्याद्गुह्यतरं महत् । अप्रकाश्यं तथापि त्वां भक्तं प्रतिवदाम्यहम्

mahādeva uvāca- yadyapyetaddivajaśreṣṭha guhyādguhyataraṁ mahat aprakāśyaṁ tathāpi tvāṁ bhaktaṁ prativadāmyaham

Mahadeva said: though this, O best of brahmins, is a secret more secret than any secret, and great, not to be revealed, yet, O devotee, I shall tell you.

Verse 136 (padma.7.13.136)

पुरा त्वं ब्राह्मणः श्रेष्ठ शबरान्वयसंभव । दण्डपाणिरिति ख्यातः स्थितः सल्लोकदुःखदः

purā tvaṁ brāhmaṇaḥ śreṣṭha śabarānvayasaṁbhava daṇḍapāṇiriti khyātaḥ sthitaḥ sallokaduḥkhadaḥ

O excellent one, you were formerly a brahmin, born in a lineage of forest-hunters, known by the name Dandapani, a giver of sorrow to all people.

Verse 137 (padma.7.13.137)

परलोकभयं त्यक्त्वा विवेकैः परिवर्जितः । दस्युवृत्तिं प्रपन्नार्ति परमक्लेशदायिनीम्

paralokabhayaṁ tyaktvā vivekaiḥ parivarjitaḥ dasyuvṛttiṁ prapannārti paramakleśadāyinīm

Abandoning fear of the next world, void of discernment, you took up the most afflicting way of the bandit, which brings anguish upon others.

Verse 138 (padma.7.13.138)

दस्युवृत्तिगतं दृष्ट्वा भवंतमतिनिर्दयम् । अपरे भ्रातरः सर्वे बभूवुस्ते च दस्यवः

dasyuvṛttigataṁ dṛṣṭvā bhavaṁtamatinirdayam apare bhrātaraḥ sarve babhūvuste ca dasyavaḥ

Seeing you, most merciless, immersed in the bandit's way, all your other brothers too became bandits.

Verse 139 (padma.7.13.139)

तेषां नामानि विप्रेन्द्र भातॄणां निगदाम्यहम् । यैः सार्द्धं भवता पूर्वं भ्रातृभिर्दस्युता कृता

teṣāṁ nāmāni viprendra bhātṝṇāṁ nigadāmyaham yaiḥ sārddhaṁ bhavatā pūrvaṁ bhrātṛbhirdasyutā kṛtā

O lord of brahmins, I shall now name those brothers with whom you formerly carried on the bandit's trade.

Verse 140 (padma.7.13.140)

दंडी दंडायुधश्चैव दत्तवान्दत्तभूस्तथा । सुंदडो दंडकेतुश्च भ्रातरः षट्प्रकीर्तिताः

daṁḍī daṁḍāyudhaścaiva dattavāndattabhūstathā suṁdaḍo daṁḍaketuśca bhrātaraḥ ṣaṭprakīrtitāḥ

Dandi, Dandayudha, Dattavan, Dattabhu, Sudanda, and Dandaketu — six brothers, thus were they named.

Verse 141 (padma.7.13.141)

तैर्भ्रातृभिर्महाघोरैर्दयाभिः परिवर्जितः । दंडेन भवता नित्यं सर्वे व्यग्रीकृता जनाः

tairbhrātṛbhirmahāghorairdayābhiḥ parivarjitaḥ daṁḍena bhavatā nityaṁ sarve vyagrīkṛtā janāḥ

Together with those most terrible, compassionless brothers, you, by your own rod, ever threw all people into turmoil.

Verse 142 (padma.7.13.142)

धनलोभेन भवता दुष्टैस्तैर्भ्रातृभिः सह । अरण्ये प्रांतरो विप्र हताः शतसहस्रशः

dhanalobhena bhavatā duṣṭaistairbhrātṛbhiḥ saha araṇye prāṁtaro vipra hatāḥ śatasahasraśaḥ

Out of greed for wealth, you, together with those wicked brothers, in the wilderness of the forest, O brahmin, slew people by the hundreds and thousands.

Verse 143 (padma.7.13.143)

हत्वा च सायकैस्तीक्ष्णैर्वनस्थेन त्वया सदा । गवां क्रव्याणि भुक्त्वा च मदिराभिः सह द्विज

hatvā ca sāyakaistīkṣṇairvanasthena tvayā sadā gavāṁ kravyāṇi bhuktvā ca madirābhiḥ saha dvija

Slaying them with sharp arrows, dwelling in the forest, you always ate the flesh of cows and drank liquor too, O brahmin.

Verse 144 (padma.7.13.144)

ततो यानविधिं सर्वे वणिजस्त्वद्भयात्तथा । तत्यजुर्विपिने तस्मिन्ननर्थः पतितः सदा

tato yānavidhiṁ sarve vaṇijastvadbhayāttathā tatyajurvipine tasminnanarthaḥ patitaḥ sadā

Then, out of fear of you, all merchants began to abandon the very road of travel through that forest — there ever prevailed only ruin.

Verse 145 (padma.7.13.145)

यस्य वित्तं न तद्वित्तं गृहं यस्य न तद्गृहम् । यस्य भार्या न तद्भार्या त्वयि दस्युत्वमागते

yasya vittaṁ na tadvittaṁ gṛhaṁ yasya na tadgṛham yasya bhāryā na tadbhāryā tvayi dasyutvamāgate

Whoever's wealth you seized, that was no longer his wealth; whoever's house you ruined, that was no longer his house; whoever's wife you took, she was no longer his wife — to such a degree had your banditry reached.

Verse 146 (padma.7.13.146)

एवं स्वभ्रातृभिस्तैस्तु तस्मिन्नेव महावने । गतो वर्त्मश्रमश्रांतः स्नानार्थं सरसीं प्रति

evaṁ svabhrātṛbhistaistu tasminneva mahāvane gato vartmaśramaśrāṁtaḥ snānārthaṁ sarasīṁ prati

Thus, together with those brothers of yours, in that same great forest, wearied by the exertion of travel, you went toward a lake for a bath.

Verse 147 (padma.7.13.147)

तत्र स्नानं समाचर्य क्षुधितेन द्विजोत्तम । भक्षितानि मृणालानि भ्रातृभिस्तैर्जलानि च

tatra snānaṁ samācarya kṣudhitena dvijottama bhakṣitāni mṛṇālāni bhrātṛbhistairjalāni ca

O best of the twice-born, having bathed there, hungry, those brothers ate lotus-stems and water-lilies.

Verse 148 (padma.7.13.148)

अथ त्वया द्विजश्रेष्ठ कौतुकात्तत्र सत्तम । भुक्तानि पद्मपुष्पाणि प्रफुल्लानि बहूनि च

atha tvayā dvijaśreṣṭha kautukāttatra sattama bhuktāni padmapuṣpāṇi praphullāni bahūni ca

Then, O best of brahmins, O best one, you too, out of mere curiosity, ate there many blooming lotus flowers.

Verse 149 (padma.7.13.149)

तस्मिन्नेव ततः काले ब्राह्मणो विपिनेचरः । सर्ववेदा इति ख्यातस्तत्र स्नानार्थमागतः

tasminneva tataḥ kāle brāhmaṇo vipinecaraḥ sarvavedā iti khyātastatra snānārthamāgataḥ

At that very time, a brahmin known by the name Sarvaveda, a forest-dweller, came there to bathe.

Verse 150 (padma.7.13.150)

तत्र स्नात्वा स धर्मात्मा भगवंतं जनार्दनम् । यष्टुं त्वामकमंभोजं ययाचे विनयान्वितः

tatra snātvā sa dharmātmā bhagavaṁtaṁ janārdanam yaṣṭuṁ tvāmakamaṁbhojaṁ yayāce vinayānvitaḥ

Bathing there, that righteous man, for the worship of the Lord Janardana, humbly began to ask you for a lotus.

Verse 151 (padma.7.13.151)

अथ त्वया च विप्रेन्द्र पद्ममेकं सुनिर्मलम् । दत्तं परमया भक्त्या पूजार्थं कमलापतेः

atha tvayā ca viprendra padmamekaṁ sunirmalam dattaṁ paramayā bhaktyā pūjārthaṁ kamalāpateḥ

Then, O lord of brahmins, you too gave him a most pure lotus, with the highest devotion, for the worship of the beloved of Kamala.

Verse 152 (padma.7.13.152)

त्वया दत्तेन पद्मेन स च प्रीतो द्विजोत्तमः । पूजयामास तत्रैव विष्णुं सकलकारकम्

tvayā dattena padmena sa ca prīto dvijottamaḥ pūjayāmāsa tatraiva viṣṇuṁ sakalakārakam

With that lotus given by you, that excellent brahmin, delighted, worshipped there Vishnu, doer of every cause.

Verse 153 (padma.7.13.153)

विष्णुपूजा परं दृष्ट्वा तं विप्रं सर्ववेदसम् । त्वमपि प्रहसन्विष्णुं ननन्थ च सुकामदम्

viṣṇupūjā paraṁ dṛṣṭvā taṁ vipraṁ sarvavedasam tvamapi prahasanviṣṇuṁ nanantha ca sukāmadam

Beholding that brahmin, knower of every Veda, in the midst of his supreme worship of Vishnu, you too, laughing, began to worship Vishnu, giver of every wish.

Verse 154 (padma.7.13.154)

अथाभ्यर्च्य परात्मानं चतुर्वर्गफलप्रदम् । यथोक्तविधिना विप्र स जगाम यथागतः

athābhyarcya parātmānaṁ caturvargaphalapradam yathoktavidhinā vipra sa jagāma yathāgataḥ

Then, having worshipped the supreme Self, giver of the four goals of life, by the due rite, that brahmin returned just as he had come.

Verse 155 (padma.7.13.155)

तेनाम्बुजप्रदानेन प्रणामेन च सत्तम । विष्णुपूजादर्शनेन नष्टं ते सर्वपातकम्

tenāmbujapradānena praṇāmena ca sattama viṣṇupūjādarśanena naṣṭaṁ te sarvapātakam

O best one, by that very offering of the lotus, by that bow, and by the sight of that worship of Vishnu, all your sins were destroyed.

Verse 156 (padma.7.13.156)

ततः कियद्भिर्दिवसैस्तस्मिन्नेव महावने । संप्राप्तकालः पंचत्वं गतोऽसि त्वं द्विजोत्तम

tataḥ kiyadbhirdivasaistasminneva mahāvane saṁprāptakālaḥ paṁcatvaṁ gato'si tvaṁ dvijottama

Then, within a few days, in that same great forest, your time having run its course, O best of the twice-born, you met your death.

Verse 157 (padma.7.13.157)

तेनैव कर्मणा तुष्टो भगवान्करुणालयः । ददौ तुभ्यं परं स्थानं देवैरपि सुदुर्ल्लभम्

tenaiva karmaṇā tuṣṭo bhagavānkaruṇālayaḥ dadau tubhyaṁ paraṁ sthānaṁ devairapi sudurllabham

By that very deed pleased, the Lord, abode of compassion, gave you a supreme place, most rare to attain even for the gods.

Verse 158 (padma.7.13.158)

मन्वंतरसहस्राणि मन्वंतरशतानि च । भुक्तं नानासुखं तत्र कृपया कमलापतेः

manvaṁtarasahasrāṇi manvaṁtaraśatāni ca bhuktaṁ nānāsukhaṁ tatra kṛpayā kamalāpateḥ

For thousands of manvantaras, and hundreds of manvantaras, by the grace of the beloved of Kamala, you enjoyed manifold happiness there.

Verse 159 (padma.7.13.159)

ततः कर्मावसाने तु कर्मभूमिमिमां द्विज । आगत्य तैः पुण्यफलैर्जातोऽसि द्विजसंततौ

tataḥ karmāvasāne tu karmabhūmimimāṁ dvija āgatya taiḥ puṇyaphalairjāto'si dvijasaṁtatau

Then, when that deed's fruit came to an end, O brahmin, coming to this very land of action, by those fruits of merit, you were born into a brahmin's lineage.

Verse 160 (padma.7.13.160)

ब्राह्मणस्य कुले शुद्धे जन्म संप्राप्य सत्तम । सर्वगुणाश्रया लब्धा हरिभक्तिरचंचला

brāhmaṇasya kule śuddhe janma saṁprāpya sattama sarvaguṇāśrayā labdhā haribhaktiracaṁcalā

O best one, born into a pure brahmin lineage, you have attained devotion to Hari, unwavering, the very refuge of every virtue.

Verse 161 (padma.7.13.161)

आराधितो महाविष्णुः क्रियायोगैस्त्वया प्रभुः । तुभ्यं दास्यति विज्ञानं ज्ञानान्मुक्तो भविष्यति

ārādhito mahāviṣṇuḥ kriyāyogaistvayā prabhuḥ tubhyaṁ dāsyati vijñānaṁ jñānānmukto bhaviṣyati

By the disciplines of kriya-yoga you have worshipped the Lord Maha-Vishnu; he shall grant you supreme knowledge, and by that knowledge you shall be liberated.

Verse 162 (padma.7.13.162)

गच्छ ब्राह्मण भद्रं ते सुप्रीतो निजमंदिरम् । मद्दर्शनं त्वया प्राप्तं मुक्तोऽसि भवबंधनात्

gaccha brāhmaṇa bhadraṁ te suprīto nijamaṁdiram maddarśanaṁ tvayā prāptaṁ mukto'si bhavabaṁdhanāt

Go, O brahmin, may good come to you — go, well pleased, to your own home. You have attained my own sight, and you are freed from the bondage of transmigration.

Verse 163 (padma.7.13.163)

व्यास उवाच- इत्युक्त्वांतर्दधे विप्र तत्रैव जगदीश्वरः । कृतार्थो ब्राह्मणः सोऽपि जगाम भवनं स्वकम्

vyāsa uvāca- ityuktvāṁtardadhe vipra tatraiva jagadīśvaraḥ kṛtārtho brāhmaṇaḥ so'pi jagāma bhavanaṁ svakam

Vyasa said: having said this, O brahmin, the Lord of the universe vanished there. That brahmin too, his purpose fulfilled, went to his own home.

Verse 164 (padma.7.13.164)

अथ स त्रिदिनं विष्णुं पद्मपुष्पैर्मनोरमैः । यत्नादाराधयामास स्तुत्यर्थं परमेश्वरम्

atha sa tridinaṁ viṣṇuṁ padmapuṣpairmanoramaiḥ yatnādārādhayāmāsa stutyarthaṁ parameśvaram

Then, for three days, with delightful lotus flowers, carefully, for the sake of praising Vishnu, he worshipped the supreme Lord.

Verse 165 (padma.7.13.165)

विष्णुं समाराध्य चिरं प्रसुप्तः पद्मप्रसूनैर्विचित्रैः सुपुष्पैः । ज्ञानं समासाद्य जगाम मोक्षं प्रसादतः श्रीगरुडध्वजस्य

viṣṇuṁ samārādhya ciraṁ prasuptaḥ padmaprasūnairvicitraiḥ supuṣpaiḥ jñānaṁ samāsādya jagāma mokṣaṁ prasādataḥ śrīgaruḍadhvajasya

Having worshipped Vishnu for a long time, and, resting amid manifold wondrous, lovely lotus flowers, meeting death there, attaining knowledge, he attained liberation by the grace of Sri Vishnu, whose banner bears Garuda.

Verse 166 (padma.7.13.166)

अनिच्छयापि कमलं यच्छतः फलमीदृशम् । विष्णवे यच्छतो भक्त्या न जाने किं भवेदिति

anicchayāpi kamalaṁ yacchataḥ phalamīdṛśam viṣṇave yacchato bhaktyā na jāne kiṁ bhavediti

If such is the fruit of offering a lotus even unwillingly — then what the fruit would be of offering it to Vishnu with devotion, I do not know.

Verse 167 (padma.7.13.167)

सत्यं सत्यं पुनः सत्यं सत्यमेव मयोच्यते । कमलैर्हरिमभ्यर्च्य प्राप्यते परमं पदम्

satyaṁ satyaṁ punaḥ satyaṁ satyameva mayocyate kamalairharimabhyarcya prāpyate paramaṁ padam

True, true, and true again, truly I declare it — worshipping Hari with lotuses, the supreme abode is attained.

Verse 168 (padma.7.13.168)

एकमेवारविंदं यः प्रददाति मुरारये । तस्य नास्ति पुनर्जन्म संसारेषु भयावहे

ekamevāraviṁdaṁ yaḥ pradadāti murāraye tasya nāsti punarjanma saṁsāreṣu bhayāvahe

Whoever offers even a single lotus to the foe of Mura, he is not born again in this terrible transmigration.

Verse 169 (padma.7.13.169)

नारायणं ये च प्रफुल्लवारिजैर्दयामयं कामदमर्चयंति । एकाहमप्युत्कटपापयुक्तास्ते यांति मुक्तिं प्रति पापिनोऽपि

nārāyaṇaṁ ye ca praphullavārijairdayāmayaṁ kāmadamarcayaṁti ekāhamapyutkaṭapāpayuktāste yāṁti muktiṁ prati pāpino'pi

Whatever people worship, with blooming lotuses, the compassionate Narayana, fulfiller of every desire — they, even should they be sinners burdened with terrible sins, by worshipping even a single day, go toward liberation.