The Glory of Worshipping the Lord with a Pure Mind

Verse 1 (padma.7.14.1)

व्यास उवाच- मार्गशीर्षे द्विजश्रेष्ठ महालक्ष्म्या समन्वितम् । पूजयेदव्ययं विष्णुं भक्तिभावेन वैष्णवः

vyāsa uvāca- mārgaśīrṣe dvijaśreṣṭha mahālakṣmyā samanvitam pūjayedavyayaṁ viṣṇuṁ bhaktibhāvena vaiṣṇavaḥ

Vyasa said: O best of brahmins, in the month of Margashirsha, the Vaishnava should worship, with devout feeling, the imperishable Vishnu together with Mahalakshmi.

Verse 2 (padma.7.14.2)

म्लेच्छदेशे च विप्रेंद्र तथैव पतितालये । दुर्गंधैश्च परिव्याप्ते स्थाने विष्णुं न पूज्येत्

mlecchadeśe ca vipreṁdra tathaiva patitālaye durgaṁdhaiśca parivyāpte sthāne viṣṇuṁ na pūjyet

O lord of brahmins, in the land of barbarians, in the house of the fallen, and in a place filled with foul smell, Vishnu should not be worshipped.

Verse 3 (padma.7.14.3)

पाखंडानां समीपे च महापातकिनां तथा । असत्यभाषिणां चैव न कुर्याद्विष्णुपूजनम्

pākhaṁḍānāṁ samīpe ca mahāpātakināṁ tathā asatyabhāṣiṇāṁ caiva na kuryādviṣṇupūjanam

Near hypocrites, near great sinners, and near speakers of falsehood, the worship of Vishnu should not be performed.

Verse 4 (padma.7.14.4)

क्रंदतां सन्निधौ चापि कलहानपि कुर्वताम् । तथोपहसतां स्थाने न कुर्यात्पूजनं हरेः

kraṁdatāṁ sannidhau cāpi kalahānapi kurvatām tathopahasatāṁ sthāne na kuryātpūjanaṁ hareḥ

Near those who weep, near those who quarrel, and in the place of those who mock, the worship of Hari should not be performed.

Verse 5 (padma.7.14.5)

प्रतिग्रहरतानां च स्थाने विष्णुं न पूजयेत् । कृपणानां गृहे चैव परवित्ताभिलाषिणाम्

pratigraharatānāṁ ca sthāne viṣṇuṁ na pūjayet kṛpaṇānāṁ gṛhe caiva paravittābhilāṣiṇām

In the place of those absorbed in accepting gifts, Vishnu should not be worshipped, nor in the house of misers, nor in the house of those who covet others' wealth.

Verse 6 (padma.7.14.6)

तथा कपटवृत्तीनां न कुर्याद्विष्णुपूजनम् । नारायणार्चने विप्र परं भक्तिपरायणः

tathā kapaṭavṛttīnāṁ na kuryādviṣṇupūjanam nārāyaṇārcane vipra paraṁ bhaktiparāyaṇaḥ

Nor should the worship of Vishnu be performed among those given to deceit. O brahmin, in the worship of Narayana, given wholly to devotion,

Verse 7 (padma.7.14.7)

अन्यचित्तं परित्यज्य हरिध्यानपरो भवेत् । हाहाकारं च निश्वासं विस्मयं स द्विजोत्तम

anyacittaṁ parityajya haridhyānaparo bhavet hāhākāraṁ ca niśvāsaṁ vismayaṁ sa dvijottama

abandoning every other thought, one should become absorbed in meditation on Hari. O best of the twice-born, wailing, sighing, astonishment,

Verse 8 (padma.7.14.8)

पाखंडजनसंभाषं न कुर्याद्धरिपूजनम् । अनन्यमानसो भूत्वा देवदेवं जगद्गुरुम्

pākhaṁḍajanasaṁbhāṣaṁ na kuryāddharipūjanam ananyamānaso bhūtvā devadevaṁ jagadgurum

and conversation amid hypocritical people — amid these, Hari-worship should not be performed. With a single-pointed mind, the God of gods, teacher of the universe, should be worshipped.

Verse 9 (padma.7.14.9)

भस्मन्यपि च यत्पुष्पं दीयते लभते हरौ । चिंतागमशतश्रांतः शिलाचक्रेष्वपि द्विज

bhasmanyapi ca yatpuṣpaṁ dīyate labhate harau ciṁtāgamaśataśrāṁtaḥ śilācakreṣvapi dvija

Even a flower offered upon ashes reaches Hari; O brahmin, even one wearied by a hundred anxieties, even offered upon a stone grinding-wheel,

Verse 10 (padma.7.14.10)

पुष्पं ददाति यन्मर्त्यो न लभेदथ तत्प्रभुः । अनन्यमानसो भूत्वा भक्त्या विष्णुं यजेद्बुधः

puṣpaṁ dadāti yanmartyo na labhedatha tatprabhuḥ ananyamānaso bhūtvā bhaktyā viṣṇuṁ yajedbudhaḥ

whatever flower a mortal gives, he indeed receives it; the Lord never forgets it. The wise person should worship Vishnu with a single-pointed mind and with devotion.

Verse 11 (padma.7.14.11)

भ्रांतचित्तेन यत्कर्म क्रियते तच्च निष्फलम् । सर्वकर्म मनोधीनं मनोधीनं जगत्त्रयम्

bhrāṁtacittena yatkarma kriyate tacca niṣphalam sarvakarma manodhīnaṁ manodhīnaṁ jagattrayam

Whatever deed is done with a distracted mind is fruitless; every deed is subject to the mind, and even the three worlds are subject to the mind alone.

Verse 12 (padma.7.14.12)

तस्मान्मनो दृढीकृत्य पूजयेत्कमलापतिम् । पूजान्यत्र मनोऽन्यत्र भवेद्यस्य द्विजोत्तम

tasmānmano dṛḍhīkṛtya pūjayetkamalāpatim pūjānyatra mano'nyatra bhavedyasya dvijottama

Therefore, only with a steadied mind, should the beloved of Kamala be worshipped. O best of the twice-born, whoever's worship is in one place, and mind in another,

Verse 13 (padma.7.14.13)

न च तस्य फलेत्कार्यं कल्पकोटिशतैरपि । यत्नाद्विहितशौचोऽपि विष्णुपूजापरोऽपि च

na ca tasya phaletkāryaṁ kalpakoṭiśatairapi yatnādvihitaśauco'pi viṣṇupūjāparo'pi ca

his task does not succeed, even in hundreds of millions of kalpas. Even one who carefully observes purity, even one devoted to the worship of Vishnu,

Verse 14 (padma.7.14.14)

मनःशुद्धिविहीनश्चेच्चांडाल इव गम्यते । अभक्त्या यत्तपस्तप्तं सुचिरं विधिना द्विज

manaḥśuddhivihīnaśceccāṁḍāla iva gamyate abhaktyā yattapastaptaṁ suciraṁ vidhinā dvija

if void of purity of mind, is reckoned as though a Chandala. O brahmin, even austerity performed by due rite, if performed for a long time without devotion,

Verse 15 (padma.7.14.15)

भवेन्निरर्थकं सर्वं केवलं कायशोधनम् । मेरुप्रमाणकं स्वर्णं ब्राह्मणाय कुटुंबिने

bhavennirarthakaṁ sarvaṁ kevalaṁ kāyaśodhanam merupramāṇakaṁ svarṇaṁ brāhmaṇāya kuṭuṁbine

all of it becomes fruitless, remaining nothing more than mere bodily purification. Gold equal in weight to Mount Meru too, given to a family-owning brahmin,

Verse 16 (padma.7.14.16)

दत्तमभ्यर्थनाशाय अभक्त्या श्रेयसेऽपि च । तस्मादेकमना भूत्वा भक्तिश्रद्धासमन्वितः

dattamabhyarthanāśāya abhaktyā śreyase'pi ca tasmādekamanā bhūtvā bhaktiśraddhāsamanvitaḥ

given without devotion, becomes merely for the sake of future petitioning and hope of welfare. Therefore, with a single-pointed mind, joined with devotion and faith,

Verse 17 (padma.7.14.17)

सवास्तुकादि शाकं च दद्यात्सदसि वैष्णवे । नारंगस्य फलं दिव्यं सुपक्वं यस्तु यच्छति

savāstukādi śākaṁ ca dadyātsadasi vaiṣṇave nāraṁgasya phalaṁ divyaṁ supakvaṁ yastu yacchati

greens such as vastuka should be offered in the assembly of Vaishnavas. Whoever offers a divine, fully-ripened orange,

Verse 18 (padma.7.14.18)

केशवाय द्विजश्रेष्ठ सोऽस्माभिरभिपूज्यते । यत्नेन नूतनं वस्तु प्रियं भगवतो हरेः

keśavāya dvijaśreṣṭha so'smābhirabhipūjyate yatnena nūtanaṁ vastu priyaṁ bhagavato hareḥ

O best of brahmins, offered to Keshava, we too honor him thereby. With effort, whatever new object is dear to the Lord Hari,

Verse 19 (padma.7.14.19)

तदेवाग्रयणे मासि भक्त्या दद्यान्मुरारये । पौषे मासि समायाते श्रीकृष्णं वरदं प्रभुम्

tadevāgrayaṇe māsi bhaktyā dadyānmurāraye pauṣe māsi samāyāte śrīkṛṣṇaṁ varadaṁ prabhum

that should be offered, with devotion, to the foe of Mura in the month of Agrahayana (Margashirsha). When the month of Pausha comes, the boon-giving Lord Sri Krishna,

Verse 20 (padma.7.14.20)

देवमिक्षुरसैर्दिव्यैः स्नापयेद्वैष्णवो जनः । यः स्नापयति विप्रेन्द्र विष्णुमिक्षुरसैः प्रभुम्

devamikṣurasairdivyaiḥ snāpayedvaiṣṇavo janaḥ yaḥ snāpayati viprendra viṣṇumikṣurasaiḥ prabhum

the Vaishnava should bathe with divine sugarcane juice. O lord of brahmins, whoever bathes the Lord Vishnu with sugarcane juice,

Verse 21 (padma.7.14.21)

इह भुंक्ते सुखं सर्वं मृतो यातीक्षुसागरम् । यो दद्यादिक्षुनैवेद्यं देवदेवाय विष्णवे

iha bhuṁkte sukhaṁ sarvaṁ mṛto yātīkṣusāgaram yo dadyādikṣunaivedyaṁ devadevāya viṣṇave

he, here, enjoying every happiness, upon death goes to an ocean of sugarcane juice. Whoever offers to the God of gods, Vishnu, an offering of sugarcane,

Verse 22 (padma.7.14.22)

सोऽपि तत्फलमाप्नोति किमन्यैर्बहुभाषितैः । सुदुग्धपृथुकं पौषे दधिभिर्वा समन्वितम्

so'pi tatphalamāpnoti kimanyairbahubhāṣitaiḥ sudugdhapṛthukaṁ pauṣe dadhibhirvā samanvitam

he too attains that same fruit — what more, indeed, need be said? Flattened rice cooked in milk, or with curd as well, in the month of Pausha,

Verse 23 (padma.7.14.23)

दत्वा मुरारये मर्त्यः सर्वान्कामानवाप्नुयात् । सर्वैः पुरातनं वस्त्रं दूरीकृत्य मुरारये

datvā murāraye martyaḥ sarvānkāmānavāpnuyāt sarvaiḥ purātanaṁ vastraṁ dūrīkṛtya murāraye

offered to the foe of Mura, a mortal man attains every desire. Setting aside every old garment, to the foe of Mura,

Verse 24 (padma.7.14.24)

शीतस्य वारणार्थाय दद्याद्वस्त्रं च नूतनम् । पौषसंक्रमणे विप्र सलक्ष्मीकाय विष्णवे

śītasya vāraṇārthāya dadyādvastraṁ ca nūtanam pauṣasaṁkramaṇe vipra salakṣmīkāya viṣṇave

to ward off the cold, a new garment should be offered. On the Pausha equinox transition, O brahmin, the mortal who desires liberation should offer to Vishnu together with Lakshmi

Verse 25 (padma.7.14.25)

दद्यान्मुमुक्षुर्मनुजो दशवर्णं च पीठकम् । यस्तु शङ्खध्वनिं कुर्यात्संपूज्य कमलापतिम्

dadyānmumukṣurmanujo daśavarṇaṁ ca pīṭhakam yastu śaṅkhadhvaniṁ kuryātsaṁpūjya kamalāpatim

a ten-colored seat. Whoever, having worshipped the beloved of Kamala, sounds a conch,

Verse 26 (padma.7.14.26)

तस्य पुण्यफलं वच्मि शृणु वत्स समाहितः । अगम्यागमनाद्यैश्च विमुक्तः सर्वपातकैः

tasya puṇyaphalaṁ vacmi śṛṇu vatsa samāhitaḥ agamyāgamanādyaiśca vimuktaḥ sarvapātakaiḥ

his fruit of merit I now declare, O child, listen with attention. Freed of sins beginning with going unto a forbidden woman,

Verse 27 (padma.7.14.27)

अंते विष्णुपुरं गत्वा विष्णुना सह मोदते । वैनतेयांकितां घंण्टां यस्तु वादयते हरेः

aṁte viṣṇupuraṁ gatvā viṣṇunā saha modate vainateyāṁkitāṁ ghaṁṇṭāṁ yastu vādayate hareḥ

he, at the end, going to Vishnu's own abode, rejoices there together with Vishnu. Whoever, at the time of Hari's worship, sounds a bell marked with the son of Vinata (Garuda),

Verse 28 (padma.7.14.28)

पूजाकाले द्विजश्रेष्ठ तस्य पुण्यं वदाम्यहम् । अभक्ष्यभक्षणाद्यैश्च विमुक्तः सर्वपातकैः

pūjākāle dvijaśreṣṭha tasya puṇyaṁ vadāmyaham abhakṣyabhakṣaṇādyaiśca vimuktaḥ sarvapātakaiḥ

O best of brahmins, his merit I now declare to you. Freed of sins beginning with eating forbidden food,

Verse 29 (padma.7.14.29)

प्रयाति मंदिरं विष्णो रथमारुह्य शोभनम् । तत्र भुक्त्वाखिलान्कामान्कल्पकोटिशतावधि

prayāti maṁdiraṁ viṣṇo rathamāruhya śobhanam tatra bhuktvākhilānkāmānkalpakoṭiśatāvadhi

he goes to the temple of Vishnu, mounting a splendid chariot. There, enjoying every desire for hundreds of millions of kalpas,

Verse 30 (padma.7.14.30)

पुनरागत्य धरणीं चतुर्वेदी द्विजोत्तमः । तत्र भुक्त्वाखिलान्कामान्कल्पकोटिशतावधि

punarāgatya dharaṇīṁ caturvedī dvijottamaḥ tatra bhuktvākhilānkāmānkalpakoṭiśatāvadhi

then returning to the earth, he becomes an excellent brahmin, knower of the four Vedas. There, enjoying every desire for hundreds of millions of kalpas,

Verse 31 (padma.7.14.31)

पुनर्विष्णुपुरं गत्वा मोक्षं प्राप्नोत्यनुत्तमम् । वीणां वादयते यस्तु पूजाकाले जगत्पतेः

punarviṣṇupuraṁ gatvā mokṣaṁ prāpnotyanuttamam vīṇāṁ vādayate yastu pūjākāle jagatpateḥ

then, going again to Vishnu's own abode, he attains liberation without equal. Whoever, at the time of worship, plays the vina before the Lord of the universe,

Verse 32 (padma.7.14.32)

पंडितानामग्रणीः स्यात्स मर्त्यः प्रतिजन्मनि । मृदंगवाद्यकृद्यस्तु पूजायां कैटभद्विषः

paṁḍitānāmagraṇīḥ syātsa martyaḥ pratijanmani mṛdaṁgavādyakṛdyastu pūjāyāṁ kaiṭabhadviṣaḥ

that man, in every birth, becomes foremost among the learned. Whoever, in the worship of the foe of Kaitabha, plays the mridanga,

Verse 33 (padma.7.14.33)

तस्य प्रसन्नो भगवान्ददात्यभिमतं फलम् । डमरुं डिडिमं चैव झर्झरीं मधुरीं तथा

tasya prasanno bhagavāndadātyabhimataṁ phalam ḍamaruṁ ḍiḍimaṁ caiva jharjharīṁ madhurīṁ tathā

with him the Lord, well pleased, grants the desired fruit. The damaru, the dindima, the jharjhari, the madhuri,

Verse 34 (padma.7.14.34)

पटहं दुंदुभिं चैव काहलं सिंधुवारकम् । कांस्यं च करतालं च वेणुं वादयते तु यः

paṭahaṁ duṁdubhiṁ caiva kāhalaṁ siṁdhuvārakam kāṁsyaṁ ca karatālaṁ ca veṇuṁ vādayate tu yaḥ

the patah, the dundubhi, the kahala, the sindhuvaraka, the bronze cymbal and the hand-cymbals, and the flute — whoever plays these,

Verse 35 (padma.7.14.35)

पूजाकाले महाविष्णोस्तस्य पुण्यं निशामय । स्तेयार्थैः पातकैर्मुक्तो मंदिरं याति चक्रिणः

pūjākāle mahāviṣṇostasya puṇyaṁ niśāmaya steyārthaiḥ pātakairmukto maṁdiraṁ yāti cakriṇaḥ

at the time of Maha-Vishnu's worship, hear his merit. Freed of sins such as theft, he goes to the temple of the discus-bearer,

Verse 36 (padma.7.14.36)

परमं ज्ञानमासाद्य तत्रैव परिमुच्यते । कलशब्दं च यः कुर्यात्पूजाकाले जगद्गुरोः

paramaṁ jñānamāsādya tatraiva parimucyate kalaśabdaṁ ca yaḥ kuryātpūjākāle jagadguroḥ

and, attaining supreme knowledge there itself, is liberated. Whoever, at the time of worship, makes sweet melodious sound before the teacher of the universe,

Verse 37 (padma.7.14.37)

मुखवाद्यं च विप्रेन्द्र तस्य पुण्यं मयोच्यते । कोटिकोटिकुलैर्युक्तः प्रयाति मन्दिरं हरेः

mukhavādyaṁ ca viprendra tasya puṇyaṁ mayocyate koṭikoṭikulairyuktaḥ prayāti mandiraṁ hareḥ

and plays a mouth-instrument (a whistle and the like), O lord of brahmins, his merit I now declare to you. Together with tens of millions of his own kin, he goes to the temple of Hari,

Verse 38 (padma.7.14.38)

ज्ञानमासाद्य तत्रैव मोक्षमक्षय्यमाप्नुयात् । विष्णोरायतने यस्तु भक्तियुक्तः प्रनृत्यति

jñānamāsādya tatraiva mokṣamakṣayyamāpnuyāt viṣṇorāyatane yastu bhaktiyuktaḥ pranṛtyati

and, attaining knowledge there itself, attains imperishable liberation. Whoever, filled with devotion, dances in the temple of Vishnu,

Verse 39 (padma.7.14.39)

स याति ब्राह्मणश्रेष्ठ तद्विष्णोः परमं पदम् । यस्तु गायति गीतानि भक्त्या नारायणाग्रतः

sa yāti brāhmaṇaśreṣṭha tadviṣṇoḥ paramaṁ padam yastu gāyati gītāni bhaktyā nārāyaṇāgrataḥ

O best of brahmins, he goes to that very supreme abode of Vishnu. Whoever, with devotion, sings songs before Narayana,

Verse 40 (padma.7.14.40)

स नृपत्वमवाप्नोति गन्धर्वाणां पुरेषु च । स्तौति स्तोत्रैर्जगन्नाथं भक्त्या च वैष्णवो जनः

sa nṛpatvamavāpnoti gandharvāṇāṁ pureṣu ca stauti stotrairjagannāthaṁ bhaktyā ca vaiṣṇavo janaḥ

he attains kingship in the cities of the gandharvas. Whatever Vaishnava, with devotion, praises the Lord of the universe with hymns,

Verse 41 (padma.7.14.41)

तस्य प्रसन्नो भगवान्सर्वान्कामान्प्रयच्छति । मासेमासे हरिं यस्तु विधिनानेन पूजयेत्

tasya prasanno bhagavānsarvānkāmānprayacchati māsemāse hariṁ yastu vidhinānena pūjayet

with him the Lord, well pleased, fulfills every desire. Whoever, month by month, worships Hari by this rite,

Verse 42 (padma.7.14.42)

अचिरेणैव विप्रर्षे प्रसादयति सोऽच्युतः

acireṇaiva viprarṣe prasādayati so'cyutaḥ

O sage among brahmins, that Achyuta soon becomes pleased with him.

Verse 43 (padma.7.14.43)

जगदुदधिमिमं ये तर्तुमिच्छंति मर्त्याः प्रचुरतरगभीरं सर्वदुःखप्रदं च । परमपुरुषपादांभोजयुग्मं मनोज्ञं त्रिदशनिवह सेव्यंते च सर्वे यजंतु

jagadudadhimimaṁ ye tartumicchaṁti martyāḥ pracurataragabhīraṁ sarvaduḥkhapradaṁ ca paramapuruṣapādāṁbhojayugmaṁ manojñaṁ tridaśanivaha sevyaṁte ca sarve yajaṁtu

Whatever mortals wish to cross this exceedingly vast, deep ocean of the universe, giver of every sorrow, let them all worship the lovely lotus-feet of that supreme Being, served by the host of the thirty gods.