The Bandit Urvisha's Cart of Molasses Offered to Hari

Verse 1 (padma.7.19.1)

व्यास उवाच- नारायणप्रपन्ना ये नराभक्तिसमन्विताः । कदाचिदशुभं तेषां विद्यते न द्विजोत्तम

vyāsa uvāca- nārāyaṇaprapannā ye narābhaktisamanvitāḥ kadācidaśubhaṁ teṣāṁ vidyate na dvijottama

Vyasa said: Best of brahmins, whoever men take refuge in Narayana, endowed with devotion, never encounter misfortune.

Verse 2 (padma.7.19.2)

पुनरेव प्रवक्ष्यामि माहात्म्यं कमलापतेः । यच्छ्रुत्वा मानवाः सर्वे लभंते परमं पदम्

punareva pravakṣyāmi māhātmyaṁ kamalāpateḥ yacchrutvā mānavāḥ sarve labhaṁte paramaṁ padam

I shall tell once more the glory of the Consort of Lakshmi, hearing which all people attain the supreme state.

Verse 3 (padma.7.19.3)

वासुदेवस्य माहात्म्यं श्रुत्वा तृप्यंति वैष्णवाः । पाखण्डा न हि तृप्यंति नरके क्लेशभागिनः

vāsudevasya māhātmyaṁ śrutvā tṛpyaṁti vaiṣṇavāḥ pākhaṇḍā na hi tṛpyaṁti narake kleśabhāginaḥ

Hearing the glory of Vasudeva, Vaishnavas find satisfaction; but hypocrites find no satisfaction — they are destined to suffer torment in hell.

Verse 4 (padma.7.19.4)

पाखण्डानां समीपे तु विष्णुमाहात्म्यमुत्तमम् । न वक्तव्यं द्विजश्रेष्ठ वक्तव्यं वैष्णवाग्रतः

pākhaṇḍānāṁ samīpe tu viṣṇumāhātmyamuttamam na vaktavyaṁ dvijaśreṣṭha vaktavyaṁ vaiṣṇavāgrataḥ

Best of brahmins, the exalted glory of Vishnu should not be spoken before hypocrites; it should be spoken only before Vaishnavas.

Verse 5 (padma.7.19.5)

पूर्वं त्रेतायुगे विप्र उर्वीशुर्नाम जैमिने । आसीत्पापरतो नित्यं धर्मनिंदापरायणः

pūrvaṁ tretāyuge vipra urvīśurnāma jaimine āsītpāparato nityaṁ dharmaniṁdāparāyaṇaḥ

O Jaimini, in a former time, in the Treta age, there lived a brahmin named Urvisha, who was ever given to sin, devoted wholly to reviling dharma.

Verse 6 (padma.7.19.6)

ब्रह्मस्वहारी विप्रेन्द्र परस्त्रीगमनोद्यतः । गोमांसाशी सुरापी च वेश्याविभ्रमलोलुपः

brahmasvahārī viprendra parastrīgamanodyataḥ gomāṁsāśī surāpī ca veśyāvibhramalolupaḥ

O foremost of brahmins, he was a thief of property belonging to brahmins, ready to approach another's wife, an eater of cow's flesh, a drinker of wine, greedy for the fickle charms of courtesans.

Verse 7 (padma.7.19.7)

शरणागतहंता च परनिंदाकरः सदा । विश्वासघाती मित्रघ्नो ज्ञातिपीडाकरस्तथा

śaraṇāgatahaṁtā ca paraniṁdākaraḥ sadā viśvāsaghātī mitraghno jñātipīḍākarastathā

He was a slayer of those who sought refuge with him, ever a slanderer of others, a betrayer of trust, a destroyer of friends, a tormentor of his own kinsmen.

Verse 8 (padma.7.19.8)

असत्यभाषी क्रूरश्च पाखंडजनसङ्गभाक् । वृत्तिच्छेदी द्विजातीनां न्यासापहारकस्तथा

asatyabhāṣī krūraśca pākhaṁḍajanasaṅgabhāk vṛtticchedī dvijātīnāṁ nyāsāpahārakastathā

He was a speaker of falsehood, cruel, a companion of hypocrites, one who cut off brahmins' livelihood, and a thief of property entrusted to his keeping.

Verse 9 (padma.7.19.9)

तादृशं तं समालोक्य दुष्टं पापपरायणम् । आजग्मुर्ज्ञातयः सर्वे क्रुद्धास्तस्य निजंगृहम्

tādṛśaṁ taṁ samālokya duṣṭaṁ pāpaparāyaṇam ājagmurjñātayaḥ sarve kruddhāstasya nijaṁgṛham

Seeing him thus, so wicked, so given wholly to sin, all his kinsmen, filled with anger, came to his very house.

Verse 10 (padma.7.19.10)

ज्ञातय ऊचुः - प्रतिष्ठोपार्जिता पूर्वैरस्माकं विमले कुले । सा प्रतिष्ठा त्वया मूढ विनाशं प्रतिनीयते

jñātaya ūcuḥ - pratiṣṭhopārjitā pūrvairasmākaṁ vimale kule sā pratiṣṭhā tvayā mūḍha vināśaṁ pratinīyate

The kinsmen said: The reputation earned by our ancestors in our spotless family — that very reputation, fool, is being dragged by you toward ruin.

Verse 11 (padma.7.19.11)

धर्ममार्गं परित्यज्य कुरुषे पातकं सदा । मद्वंशकीर्तिहननं जातोऽसि ज्ञातिदुःखदः

dharmamārgaṁ parityajya kuruṣe pātakaṁ sadā madvaṁśakīrtihananaṁ jāto'si jñātiduḥkhadaḥ

Abandoning the path of dharma, you commit sin unceasingly; you have been born as the destroyer of our lineage's fame, the bringer of grief to your own kin.

Verse 12 (padma.7.19.12)

अतिविस्मयदा सृष्टिर्विधातुर्मन्यते त्वयि । यस्मिन्सिंधौ शशी जातस्तत्र क्ष्वेडोद्भवोऽपि च

ativismayadā sṛṣṭirvidhāturmanyate tvayi yasminsiṁdhau śaśī jātastatra kṣveḍodbhavo'pi ca

The Creator's handiwork seems most astonishing in your case — from the same ocean that produced the moon, poison too was born.

Verse 13 (padma.7.19.13)

अहो शक्तिः कुपुत्राणां संख्यातुं न च शक्यते । अनेकैः पुरुषैः कीर्तिं संचितां हंति तत्क्षणात्

aho śaktiḥ kuputrāṇāṁ saṁkhyātuṁ na ca śakyate anekaiḥ puruṣaiḥ kīrtiṁ saṁcitāṁ haṁti tatkṣaṇāt

Ah, the power of a bad son cannot be measured — in an instant it destroys the fame accumulated by many generations of men.

Verse 14 (padma.7.19.14)

जाते पुत्रोत्तमे वंशः श्रेष्ठः स्यादधमोऽपि च । पुत्रेधमेतु श्रेष्ठोऽपि वंशो गच्छति हीनताम्

jāte putrottame vaṁśaḥ śreṣṭhaḥ syādadhamo'pi ca putredhametu śreṣṭho'pi vaṁśo gacchati hīnatām

With the birth of an excellent son, even a low lineage becomes exalted; but with a wretched son, even an exalted lineage sinks into disgrace.

Verse 15 (padma.7.19.15)

व्यास उवाच- इत्युक्त्वा ज्ञातयस्ते च तं सर्वे पापिनां वरम् । अपकीर्तिभयात्क्रुद्धास्तत्यजुः सहसा द्विज

vyāsa uvāca- ityuktvā jñātayaste ca taṁ sarve pāpināṁ varam apakīrtibhayātkruddhāstatyajuḥ sahasā dvija

Vyasa said: Brahmin, having said this, all his kinsmen, out of fear of disgrace, angrily abandoned that foremost of sinners at once.

Verse 16 (padma.7.19.16)

ज्ञातिभिः स परित्यक्तो जनैः सर्वैश्च धिक्कृतः । प्रपेदे दस्युतां दुःखी विभ्रष्टाखिलवैभवः

jñātibhiḥ sa parityakto janaiḥ sarvaiśca dhikkṛtaḥ prapede dasyutāṁ duḥkhī vibhraṣṭākhilavaibhavaḥ

Abandoned by his kinsmen and cursed by everyone, stripped of all his wealth, he sorrowfully took up the life of a bandit.

Verse 17 (padma.7.19.17)

तं दस्युकर्मकुर्वंतं निर्द्दयं परहिंसकम् । धृत्वा जनपदाः सर्वे भूपालाय न्यवेदयन्

taṁ dasyukarmakurvaṁtaṁ nirddayaṁ parahiṁsakam dhṛtvā janapadāḥ sarve bhūpālāya nyavedayan

Committing banditry, merciless, harming others — the townspeople seized him and presented him before the king.

Verse 18 (padma.7.19.18)

तेन भूमिभुजा तस्य पितृस्नेहाद्दिवजोत्तम । न हतोऽसौ दुराचारो निजदेशाद्वहिष्कृतः

tena bhūmibhujā tasya pitṛsnehāddivajottama na hato'sau durācāro nijadeśādvahiṣkṛtaḥ

Best of brahmins, that king, out of affection for his father, did not kill that wicked man, but banished him from his own land.

Verse 19 (padma.7.19.19)

ततोऽसौ वनमाश्रित्य दस्युभिः सह निर्द्दयः । पांथस्वहरणार्थाय तस्थौ बहुभिरुद्धतैः

tato'sau vanamāśritya dasyubhiḥ saha nirddayaḥ pāṁthasvaharaṇārthāya tasthau bahubhiruddhataiḥ

Then that merciless man, taking refuge in the forest, remained there among many insolent bandits, ready to plunder travelers.

Verse 20 (padma.7.19.20)

कदाचित्तटिनीतीरं दस्युभिः सह जैमिने । वनपर्यटने श्रांतो जगाम स्नानहेतवे

kadācittaṭinītīraṁ dasyubhiḥ saha jaimine vanaparyaṭane śrāṁto jagāma snānahetave

O Jaimini, once, wandering through the forest with the bandits, tired, he went to a riverbank to bathe.

Verse 21 (padma.7.19.21)

तस्यां तटिन्यां भगवत्परिचर्यापरायणान् । असौ ददर्श दुष्टात्मा ब्राह्मणाकृतिनो बहून्

tasyāṁ taṭinyāṁ bhagavatparicaryāparāyaṇān asau dadarśa duṣṭātmā brāhmaṇākṛtino bahūn

On that riverbank, that wicked soul saw many men in the guise of brahmins, devoted to the service of the Lord.

Verse 22 (padma.7.19.22)

अथ ते ब्राह्मणाः सर्वे समाराध्य जनार्दनम् । अन्योन्यं कथयामासुर्विहिता अति कौतुकात्

atha te brāhmaṇāḥ sarve samārādhya janārdanam anyonyaṁ kathayāmāsurvihitā ati kautukāt

Then all those brahmins, having worshipped Janardana, out of great curiosity began speaking to one another.

Verse 23 (padma.7.19.23)

अद्य चंपकपुष्पाणि मया त्यक्तानि तानि वै । कश्चिद्वदति तांबूलं मया दत्तं मुरारये

adya caṁpakapuṣpāṇi mayā tyaktāni tāni vai kaścidvadati tāṁbūlaṁ mayā dattaṁ murāraye

"Today I offered champaka flowers" — one said this; another said, "I offered betel-leaf to the foe of Mura."

Verse 24 (padma.7.19.24)

न खादितव्यं तांबूलं कदाचिदपि जन्मनि । मयाद्य हरये दत्तं कदलीफलमुत्तमम्

na khāditavyaṁ tāṁbūlaṁ kadācidapi janmani mayādya haraye dattaṁ kadalīphalamuttamam

"Never in this birth shall I eat betel-leaf myself, for today I offered a fine plantain fruit to Hari."

Verse 25 (padma.7.19.25)

जन्मजन्मानि च मया भक्ष्यं च कदलीफलम् । कोऽपि वक्ति मया दत्तं हरये दाडिमीफलम्

janmajanmāni ca mayā bhakṣyaṁ ca kadalīphalam ko'pi vakti mayā dattaṁ haraye dāḍimīphalam

"Birth after birth, plantain fruit alone should I eat," said one; another said, "I offered Hari a pomegranate fruit."

Verse 26 (padma.7.19.26)

कोऽपि वक्ति मया दत्तं रसालफलमुत्तमम् । अन्योऽन्यमेतद्वदतां तेषां श्रुत्वा वचांसि च

ko'pi vakti mayā dattaṁ rasālaphalamuttamam anyo'nyametadvadatāṁ teṣāṁ śrutvā vacāṁsi ca

Another said, "I offered a fine mango." Hearing these words as they spoke thus among themselves —

Verse 27 (padma.7.19.27)

उर्वीशुश्चिन्तयामास किं प्रदास्यामि विष्णवे । संसारे यानि वस्तूनि भक्ष्याणि संति तान्यहम्

urvīśuścintayāmāsa kiṁ pradāsyāmi viṣṇave saṁsāre yāni vastūni bhakṣyāṇi saṁti tānyaham

— Urvisha began to think: "What can I offer to Vishnu? Whatever edible things exist in this world —"

Verse 28 (padma.7.19.28)

न हि शक्नोमि संत्यक्तुं किं दास्यामि मुरारये । नित्यं वनांतरस्थोऽहं चौरो राजभयाकुलः

na hi śaknomi saṁtyaktuṁ kiṁ dāsyāmi murāraye nityaṁ vanāṁtarastho'haṁ cauro rājabhayākulaḥ

"— none of them am I able to renounce for myself; what then shall I give to the foe of Mura? I am forever a thief dwelling in the forest, harried by fear of the king."

Verse 29 (padma.7.19.29)

शकटारोहणे नास्ति ह्यधिकारः कदापि मे । व्यास उवाच- इत्युक्त्वा दस्युना तेन भूयोभूयो द्विजोत्तम

śakaṭārohaṇe nāsti hyadhikāraḥ kadāpi me vyāsa uvāca- ityuktvā dasyunā tena bhūyobhūyo dvijottama

"I have never even had the right to ride upon a cart." Vyasa said: Best of brahmins, saying this again and again, that bandit —

Verse 30 (padma.7.19.30)

शकटं हरये दत्तं चतुर्वर्गप्रदायिने । अथ तेब्राह्मणाः सर्वे जग्मुर्विप्र यथागताः

śakaṭaṁ haraye dattaṁ caturvargapradāyine atha tebrāhmaṇāḥ sarve jagmurvipra yathāgatāḥ

— thus mentally offered a cart to Hari, the giver of the four goals of life. Then all those brahmins departed, just as they had come.

Verse 31 (padma.7.19.31)

सोऽपि दस्युर्दस्युभिश्च जगाम निजमाश्रयम् । एकदा गुडकंडोलं तेनैव खलु वर्त्मना

so'pi dasyurdasyubhiśca jagāma nijamāśrayam ekadā guḍakaṁḍolaṁ tenaiva khalu vartmanā

That bandit too went off, together with his fellow bandits, to his own hideout. One day, along that very path, a basket of molasses —

Verse 32 (padma.7.19.32)

गृहीत्वा पथिकः कश्चित्काकीमंडलमागतः । ततोऽसौ सहसा दस्युर्निर्भयः परहिंसकः

gṛhītvā pathikaḥ kaścitkākīmaṁḍalamāgataḥ tato'sau sahasā dasyurnirbhayaḥ parahiṁsakaḥ

— being carried, some traveler arrived at a place named Kakimandala. Then suddenly that fearless bandit, who harmed others —

Verse 33 (padma.7.19.33)

जहार गुडकंडोलमध्वनीनस्य तस्य च । अथ ते दस्यवश्चक्रुर्गुडकंडोल भंजनम्

jahāra guḍakaṁḍolamadhvanīnasya tasya ca atha te dasyavaścakrurguḍakaṁḍola bhaṁjanam

— seized that traveler's basket of molasses. Then the bandits broke open that basket of molasses.

Verse 34 (padma.7.19.34)

उर्वीशुश्चापतद्भागे शकटं गुडनिर्मितम् । उर्वीशुः शकटं गौडं समासाद्य द्विजोत्तम

urvīśuścāpatadbhāge śakaṭaṁ guḍanirmitam urvīśuḥ śakaṭaṁ gauḍaṁ samāsādya dvijottama

In the division of shares, there fell to Urvisha's portion a small cart-shaped piece made of molasses. Best of brahmins, Urvisha, obtaining that molasses "cart" —

Verse 35 (padma.7.19.35)

मनसा चिंतयामास वचःस्मरणपूर्वकम् । अनो मया पुरा दत्तं स्वयमेव मुरारये

manasā ciṁtayāmāsa vacaḥsmaraṇapūrvakam ano mayā purā dattaṁ svayameva murāraye

— began to reflect in his mind, remembering his earlier words: "I myself had already, before, offered a cart to the foe of Mura."

Verse 36 (padma.7.19.36)

तस्मादनो न मे ग्राह्यं कदाचिदिह जन्मनि । विचिन्त्येति हृदा दातुं तदनो गुडनिर्मितम्

tasmādano na me grāhyaṁ kadācidiha janmani vicintyeti hṛdā dātuṁ tadano guḍanirmitam

"Therefore, in this birth, I should never keep a cart for myself." Thinking thus in his heart, he resolved to give away that cart made of molasses —

Verse 37 (padma.7.19.37)

दत्तं विप्राय कस्मैचिन्माधवप्रीतिहेतवे । तां भक्तिं तस्य विज्ञाय महापातकिनो द्विज

dattaṁ viprāya kasmaicinmādhavaprītihetave tāṁ bhaktiṁ tasya vijñāya mahāpātakino dvija

— to some brahmin, for the sake of pleasing Madhava. Brahmin, knowing that devotion in that great sinner —

Verse 38 (padma.7.19.38)

जहार सकलं पापं सद्यः प्रीतो जनार्दनः । तस्मिन्नेव दिने विप्र प्रविश्य च महावनम्

jahāra sakalaṁ pāpaṁ sadyaḥ prīto janārdanaḥ tasminneva dine vipra praviśya ca mahāvanam

— Janardana, pleased, at once took away all his sins. On that very day, brahmin, entering deep into that great forest —

Verse 39 (padma.7.19.39)

हतः पौरजनैः सर्वैरथ क्रुद्धैः स उर्विशुः । भगवानथ तं नेतुं विमानं स्वर्णनिर्मितम्

hataḥ paurajanaiḥ sarvairatha kruddhaiḥ sa urviśuḥ bhagavānatha taṁ netuṁ vimānaṁ svarṇanirmitam

— that Urvisha was killed by the angry townspeople. Then the Lord, to bring him to himself, dispatched a chariot made of gold —

Verse 40 (padma.7.19.40)

दूतांश्च प्रेषयामास नानाभरणभूषितान् । अथ ते भगवद्दूतास्तमुर्वीशुं गतैनसम्

dūtāṁśca preṣayāmāsa nānābharaṇabhūṣitān atha te bhagavaddūtāstamurvīśuṁ gatainasam

— and messengers adorned with various ornaments. Then those messengers of the Lord took that now sinless Urvisha —

Verse 41 (padma.7.19.41)

समारोप्य विमाने तं सद्यो जग्मुः पुरं हरेः । ततौऽसौ हरिसान्निध्यं प्राप्य पुण्यात्मनां वरः

samāropya vimāne taṁ sadyo jagmuḥ puraṁ hareḥ tatau'sau harisānnidhyaṁ prāpya puṇyātmanāṁ varaḥ

— mounted him on the chariot and went at once to Hari's own city. There, becoming foremost among the virtuous, he attained Hari's very presence.

Verse 42 (padma.7.19.42)

पुनर्मन्वंतरशतं स्थित्वा केशवसन्निधिम् । परमं ज्ञानमासाद्य स विवेश तनुं हरेः

punarmanvaṁtaraśataṁ sthitvā keśavasannidhim paramaṁ jñānamāsādya sa viveśa tanuṁ hareḥ

Then, remaining a hundred manvantaras in Keshava's presence, having attained supreme knowledge, he merged into Hari's own body.

Verse 43 (padma.7.19.43)

व्यास उवाच- येन केनाप्युपायेन हरिभक्तिकरो नरः । संसारजलधेः पारं राजहंस इव व्रजन्

vyāsa uvāca- yena kenāpyupāyena haribhaktikaro naraḥ saṁsārajaladheḥ pāraṁ rājahaṁsa iva vrajan

Vyasa said: By whatever means a man performs devotion to Hari, crossing to the far shore of the ocean of worldly existence like a royal swan —

Verse 44 (padma.7.19.44)

क्षणमेव हरेर्भक्तिर्वर्तते यस्य चेतसि । तत्पदं परमं याति स पापात्मापि गच्छति

kṣaṇameva harerbhaktirvartate yasya cetasi tatpadaṁ paramaṁ yāti sa pāpātmāpi gacchati

One in whose mind devotion to Hari abides even for a single moment — though a sinner, he too goes to that supreme state, he too arrives there.

Verse 45 (padma.7.19.45)

एकमप्युत्तमं वस्तु दत्वाऽसौ तन्मुरारये । स्वयमेव हि भोक्तव्यं पश्चात्पापोपशांतये

ekamapyuttamaṁ vastu datvā'sau tanmurāraye svayameva hi bhoktavyaṁ paścātpāpopaśāṁtaye

Having offered even one excellent thing to the foe of Mura, one should partake of it oneself only afterward, for the quelling of sin.

Verse 46 (padma.7.19.46)

यद्वस्तु हरये दत्तं तच्च दद्याद्दिवजातये । किंचिच्छेषं न भोक्तव्यं तस्यावश्यं स्वयं बुधैः

yadvastu haraye dattaṁ tacca dadyāddivajātaye kiṁciccheṣaṁ na bhoktavyaṁ tasyāvaśyaṁ svayaṁ budhaiḥ

Whatever thing is offered to Hari, that should also be given to a brahmin; the wise should never keep any remainder of it entirely for themselves.

Verse 47 (padma.7.19.47)

वस्तूनि ब्राह्मणश्रेष्ठमिष्टानि यानि कानि च । अदत्वा विष्णवे तानि न भोक्तव्यानि वैष्णवैः

vastūni brāhmaṇaśreṣṭhamiṣṭāni yāni kāni ca adatvā viṣṇave tāni na bhoktavyāni vaiṣṇavaiḥ

Best of brahmins, whatever things are cherished, Vaishnavas should never partake of them without first offering them to Vishnu.

Verse 48 (padma.7.19.48)

विष्णुनैवेद्यमाहात्म्यं सर्वपापप्रणाशनम् । सेतिहासं पुनर्वच्मि शृणु विप्र समाहितः

viṣṇunaivedyamāhātmyaṁ sarvapāpapraṇāśanam setihāsaṁ punarvacmi śṛṇu vipra samāhitaḥ

The glory of an offering made to Vishnu destroys every sin; I shall tell it again, together with its story — listen, brahmin, with a focused mind.

Verse 49 (padma.7.19.49)

आसीत्सर्वजनिर्नाम ब्राह्मणः शुद्धवंशजः । शांतो दांतो दयायुक्तो गुरुब्राह्मणपूजकः

āsītsarvajanirnāma brāhmaṇaḥ śuddhavaṁśajaḥ śāṁto dāṁto dayāyukto gurubrāhmaṇapūjakaḥ

There was a brahmin named Sarvajani, born of a pure lineage — peaceful, self-controlled, full of compassion, a worshipper of his elders and of brahmins.

Verse 50 (padma.7.19.50)

हरेः पूजापरश्चैव हरिस्मरणतत्परः । प्रपन्नक्लेशविध्वंसी सत्यवादी जितेन्द्रियः

hareḥ pūjāparaścaiva harismaraṇatatparaḥ prapannakleśavidhvaṁsī satyavādī jitendriyaḥ

He was devoted to the worship of Hari, absorbed in remembrance of Hari, a destroyer of the afflictions of those who sought refuge with him, truthful, and master of his senses.

Verse 51 (padma.7.19.51)

प्रातःस्नायी निजाचारग्राही हिंसा विवर्जितः । एकादशीव्रतरतो ज्ञातिपूजापरायणः

prātaḥsnāyī nijācāragrāhī hiṁsā vivarjitaḥ ekādaśīvratarato jñātipūjāparāyaṇaḥ

He bathed each morning, held to his own proper conduct, was free from violence, devoted to the Ekadashi fast, and given to honoring his own kinsmen.

Verse 52 (padma.7.19.52)

कदाचित्स द्विजश्रेष्ठः स्वप्नेऽपश्यच्च केशवम् । श्यामं विरजपद्माक्षं स्मेरास्यं पीतवाससम्

kadācitsa dvijaśreṣṭhaḥ svapne'paśyacca keśavam śyāmaṁ virajapadmākṣaṁ smerāsyaṁ pītavāsasam

Once that excellent brahmin beheld Keshava in a dream — dark of hue, with eyes like a spotless lotus, his face smiling, clad in yellow.

Verse 53 (padma.7.19.53)

स्वर्णकुण्डलमञ्जीरकिरीटोज्ज्वलविग्रहम् । कौस्तुभोद्भासितोरस्कं वनमालाविभूषितम्

svarṇakuṇḍalamañjīrakirīṭojjvalavigraham kaustubhodbhāsitoraskaṁ vanamālāvibhūṣitam

his form radiant with golden earrings, anklets, and a crown, his chest gleaming with the Kaustubha gem, adorned with a garland of forest flowers.

Verse 54 (padma.7.19.54)

चतुर्बाहुं शङ्खचक्रगदापद्मधरं प्रभुम् । समस्तैर्लक्षणैर्युक्तं स्वर्णयज्ञोपवीतिनम्

caturbāhuṁ śaṅkhacakragadāpadmadharaṁ prabhum samastairlakṣaṇairyuktaṁ svarṇayajñopavītinam

four-armed, the Lord bearing conch, discus, mace, and lotus, endowed with every auspicious mark, wearing a sacred thread of gold.

Verse 55 (padma.7.19.55)

संप्राप्य दर्शनं स्वप्ने स विप्रो जगतीपतेः । कृताञ्जलिस्तमस्तौषीद्रोमांचिततनुर्मुदा

saṁprāpya darśanaṁ svapne sa vipro jagatīpateḥ kṛtāñjalistamastauṣīdromāṁcitatanurmudā

Obtaining this vision of the Lord of the world in his dream, that brahmin, his body thrilling with joy, joined his palms and began to praise him.

Verse 56 (padma.7.19.56)

तुभ्यं नमोऽस्तु जगतः सकलस्यभर्त्त्रे सल्लोकशोकभयरोगविनाशनाय । नारायणाय कमलाहृदयप्रियाय धर्मार्थकामपरमामृतदाय तुभ्यम्

tubhyaṁ namo'stu jagataḥ sakalasyabharttre sallokaśokabhayarogavināśanāya nārāyaṇāya kamalāhṛdayapriyāya dharmārthakāmaparamāmṛtadāya tubhyam

Homage to you, sustainer of the whole universe, destroyer of the sorrow, fear, and disease of the good; homage to you, Narayana, beloved of Lakshmi's heart, giver of dharma, wealth, desire, and the supreme nectar of immortality.

Verse 57 (padma.7.19.57)

पापानि चैव सकलानि मया कृतानि मत्तेन मोहवशगेन सदा मुरारे । तस्माद्बिभेमि जगदंबुनिधेर्गभीरान्मामुद्धरस्व निजभक्तितरीं प्रदाय

pāpāni caiva sakalāni mayā kṛtāni mattena mohavaśagena sadā murāre tasmādbibhemi jagadaṁbunidhergabhīrānmāmuddharasva nijabhaktitarīṁ pradāya

O foe of Mura, always in thrall to delusion, I have committed every sin; therefore I am afraid of this deep ocean of worldly existence. Grant me the boat of your own devotion, and lift me out of it.

Verse 58 (padma.7.19.58)

जानामि यद्यपि हरे दुरितं मनुष्यो व्यामोहमाशुचलभे भुवि कैटभारे । पापं तथापि च मुदा सततं करोमि तस्मान्न कोऽप्यहमिवास्ति जनो विमूढः

jānāmi yadyapi hare duritaṁ manuṣyo vyāmohamāśucalabhe bhuvi kaiṭabhāre pāpaṁ tathāpi ca mudā satataṁ karomi tasmānna ko'pyahamivāsti jano vimūḍhaḥ

O Hari, foe of Kaitabha, although a man knows that sin swiftly brings on delusion, still I go on committing sin, joyfully, again and again; therefore no one on this earth is as foolish as I am.

Verse 59 (padma.7.19.59)

पुण्यद्रुमः सुखफलं सहसैव धत्ते किं वेद्मि नेति नृहरे कृतपातकोऽहम् । पुष्पद्रुमार्पणविधौ न ममास्ति वित्तं नाथ प्रसीद भगवन्किमहं करोमि

puṇyadrumaḥ sukhaphalaṁ sahasaiva dhatte kiṁ vedmi neti nṛhare kṛtapātako'ham puṣpadrumārpaṇavidhau na mamāsti vittaṁ nātha prasīda bhagavankimahaṁ karomi

O Man-Lion, do I not know that the tree of merit at once bears the fruit of happiness? Yet I have remained a sinner. My Lord, I lack even the means to offer flowers or fruit in due form; O God, be gracious — what am I to do?

Verse 60 (padma.7.19.60)

त्वत्पादपद्मयुगलं परमामृतस्य स्थानं विहाय मम चित्तमधुव्रतोऽयम् । नारीमुखं व्रजति देवमृतिप्रदं यच्छ्लेष्मप्रकीर्णमनिशं कमलभ्रमेण

tvatpādapadmayugalaṁ paramāmṛtasya sthānaṁ vihāya mama cittamadhuvrato'yam nārīmukhaṁ vrajati devamṛtipradaṁ yacchleṣmaprakīrṇamaniśaṁ kamalabhrameṇa

My God, abandoning your two lotus feet, the very abode of supreme nectar, this mind of mine, like a bee, flies instead toward a woman's mouth — that death-dealing thing, ever filled with mucus, mistaking it, in its delusion, for a lotus.

Verse 61 (padma.7.19.61)

पाणिःप्रदानरहितोऽनृतभाषिवक्त्रं कर्णौ च पापश्रवणाय सदैव दक्षौ । दोषानिमान्मम हरे हर सेवकस्य यस्मान्नु नाथ शरणागतदोषहंता

pāṇiḥpradānarahito'nṛtabhāṣivaktraṁ karṇau ca pāpaśravaṇāya sadaiva dakṣau doṣānimānmama hare hara sevakasya yasmānnu nātha śaraṇāgatadoṣahaṁtā

O Hari, my hands are empty of any giving, my mouth speaks only falsehood, my ears are ever skilled only at hearing sin — take away these faults of your servant, for you, my Lord, are the very remover of the faults of those who take refuge in you.

Verse 62 (padma.7.19.62)

संसारघोरजलधौ नृहरे कदाचित्त्वद्भक्तिनौरिह मया सुदृढा च लब्धा । तत्रापि दैववशगोऽहमहो दुरात्मा वर्तेत एव सततं ममदुःखकालः

saṁsāraghorajaladhau nṛhare kadācittvadbhaktinauriha mayā sudṛḍhā ca labdhā tatrāpi daivavaśago'hamaho durātmā varteta eva satataṁ mamaduḥkhakālaḥ

O Man-Lion, in this terrible ocean of worldly existence, I have at times obtained even the firm boat of devotion to you; yet still, alas, subject to fate, wretched soul that I am, I have gone on living through a constant season of sorrow.

Verse 63 (padma.7.19.63)

संसारपारगमनाय लसत्पथोऽस्ति किं सर्वदुःखरहितः सदयः प्रसन्नः । अंधीकृतस्य मम मोहमहत्तमिस्रैर्दृष्टिस्त्वयीह न कदापि च याति विष्णो

saṁsārapāragamanāya lasatpatho'sti kiṁ sarvaduḥkharahitaḥ sadayaḥ prasannaḥ aṁdhīkṛtasya mama mohamahattamisrairdṛṣṭistvayīha na kadāpi ca yāti viṣṇo

O Vishnu, is there not some shining path, free from every sorrow, for crossing this world, on which you are compassionate and pleased? Blinded by the great darkness of delusion, my gaze never once manages to reach you.

Verse 64 (padma.7.19.64)

पापात्मनोऽपि मम चित्तमिदं मुरारे नष्टं विनष्टजनकष्टविनष्टिकारि । यस्त्वां समस्तसुरवंदितपादपद्म स्वप्नेऽपि केशिमथनाद्य विभो समीक्षे

pāpātmano'pi mama cittamidaṁ murāre naṣṭaṁ vinaṣṭajanakaṣṭavinaṣṭikāri yastvāṁ samastasuravaṁditapādapadma svapne'pi keśimathanādya vibho samīkṣe

O foe of Mura, though a sinner, this mind of mine, which could yet destroy the suffering of afflicted people, had been utterly ruined; and yet, O slayer of Keshi, O mighty Lord, whose lotus feet all the gods worship, today I have beheld even you, in a dream.

Verse 65 (padma.7.19.65)

व्यास उवाच- इति तेन स्तुतो देवो भगवान्कमलापतिः । उवाच वाक्यं वाक्यज्ञः संसारार्णवतारकः

vyāsa uvāca- iti tena stuto devo bhagavānkamalāpatiḥ uvāca vākyaṁ vākyajñaḥ saṁsārārṇavatārakaḥ

Vyasa said: Thus praised by him, the Blessed Lord, Consort of Lakshmi, knower of all speech, the one who ferries souls across the ocean of worldly existence, spoke these words.

Verse 66 (padma.7.19.66)

श्रीभगवानुवाच- भक्तिभिस्तव विप्रेंद्र तुष्टोऽहं नित्यमेव च । तस्मात्तवाचिरेणैव सर्वं भद्रं भविष्यति

śrībhagavānuvāca- bhaktibhistava vipreṁdra tuṣṭo'haṁ nityameva ca tasmāttavācireṇaiva sarvaṁ bhadraṁ bhaviṣyati

The Blessed Lord said: Foremost of brahmins, I am ever pleased by your devotion; therefore, very soon, everything for you shall be well.

Verse 67 (padma.7.19.67)

पापिनोऽपि तवोद्धारो मया पूर्वं कृतो द्विज । अधुना मम भक्तोऽसि न विपत्तिर्भविष्यति

pāpino'pi tavoddhāro mayā pūrvaṁ kṛto dvija adhunā mama bhakto'si na vipattirbhaviṣyati

Brahmin, even as a sinner, I have already accomplished your deliverance; now you are my devotee — no misfortune shall come to you.

Verse 68 (padma.7.19.68)

ब्राह्मण उवाच। कोऽहं तस्थौ पुरा विष्णो किं वा पापं मया कृतम् । पापिनोऽपि ममोद्धारः कथं पूर्वं त्वया कृतः

brāhmaṇa uvāca ko'haṁ tasthau purā viṣṇo kiṁ vā pāpaṁ mayā kṛtam pāpino'pi mamoddhāraḥ kathaṁ pūrvaṁ tvayā kṛtaḥ

The brahmin said: O Vishnu, who was I in a former time? What sin had I committed? Even as a sinner, how did you accomplish my deliverance already, before?

Verse 69 (padma.7.19.69)

संसारेऽस्मिन्कथं जातो जनितोऽहं कथं त्वया । एतत्सर्वं विभो ब्रूहि यतस्त्वं सदयः सदा

saṁsāre'sminkathaṁ jāto janito'haṁ kathaṁ tvayā etatsarvaṁ vibho brūhi yatastvaṁ sadayaḥ sadā

How did I come to be born in this world? How was I given birth by you? Mighty Lord, tell me all of this, since you are ever compassionate.

Verse 70 (padma.7.19.70)

श्रीभगवानुवाच- अप्रकाश्यमिदं गुह्यं यद्यपि द्विजसत्तम । तथापि तव वात्सल्यान्निगदामि निशामय

śrībhagavānuvāca- aprakāśyamidaṁ guhyaṁ yadyapi dvijasattama tathāpi tava vātsalyānnigadāmi niśāmaya

The Blessed Lord said: Best of brahmins, although this secret is not fit to be revealed, still, out of affection for you, I shall tell it — listen.

Verse 71 (padma.7.19.71)

पुरा त्वं ब्राह्मणश्रेष्ठ पक्षिवंशसमुद्भवः । भूतोऽसि भूमिभागेषु निजकर्मविपाकतः

purā tvaṁ brāhmaṇaśreṣṭha pakṣivaṁśasamudbhavaḥ bhūto'si bhūmibhāgeṣu nijakarmavipākataḥ

Best of brahmins, in a former time you were born in the lineage of birds, and, as the ripened fruit of your own past deeds, you wandered over various regions of the earth.

Verse 72 (padma.7.19.72)

क्षुधया तृषया वापि सततं व्याकुलो भवान् । बभ्राम भक्षयन्कीटान्निर्झरोष्णोदकं तथा

kṣudhayā tṛṣayā vāpi satataṁ vyākulo bhavān babhrāma bhakṣayankīṭānnirjharoṣṇodakaṁ tathā

Constantly tormented by hunger and thirst, you wandered about, eating insects and drinking the warm water of mountain streams.

Verse 73 (padma.7.19.73)

नानादुःखं सदा भुंजन्पक्षियोनौ समुद्भवः । चतुर्वर्षसहस्राणि स्थितोऽसि त्वं पुरा क्षितौ

nānāduḥkhaṁ sadā bhuṁjanpakṣiyonau samudbhavaḥ caturvarṣasahasrāṇi sthito'si tvaṁ purā kṣitau

Born into the bird-species, ever suffering various sorrows, you dwelt upon this earth, in that former time, for four thousand years.

Verse 74 (padma.7.19.74)

एकदा कुलभद्राख्यो ब्राह्मणः सर्वतत्ववित् । पूजयामास मां भक्त्या नैवेद्याद्यैर्नदीतटे

ekadā kulabhadrākhyo brāhmaṇaḥ sarvatatvavit pūjayāmāsa māṁ bhaktyā naivedyādyairnadītaṭe

Once a brahmin named Kulabhadra, knower of all truth, worshipped me with devotion, with food-offerings and the like, on a riverbank.

Verse 75 (padma.7.19.75)

समभ्यर्च्य स विप्रेंद्रो मम नैवेद्यतंदुलम् । ययौ तत्रैव निक्षिप्य भूय एव निजं गृहम्

samabhyarcya sa vipreṁdro mama naivedyataṁdulam yayau tatraiva nikṣipya bhūya eva nijaṁ gṛham

That foremost of brahmins, having duly worshipped me, left the rice offered to me right there, and went back again to his own home.

Verse 76 (padma.7.19.76)

ततो वृक्षात्समागत्य क्षुधिना पक्षिणा त्वया । मम नैवेद्यसंबंधि भक्षितं सर्वतंदुलम्

tato vṛkṣātsamāgatya kṣudhinā pakṣiṇā tvayā mama naivedyasaṁbaṁdhi bhakṣitaṁ sarvataṁdulam

Then you, in your hungry bird's form, came down from a tree and ate up all that rice which had been offered to me.

Verse 77 (padma.7.19.77)

भुक्त्वैव सद्यो मुक्तोऽसि पातकैरतिदारुणैः । कदाचित्प्राप्तकालस्त्वं कालधर्मगतो द्विज

bhuktvaiva sadyo mukto'si pātakairatidāruṇaiḥ kadācitprāptakālastvaṁ kāladharmagato dvija

By that very eating, you were at once freed from the most terrible sins. Brahmin, in time, at your appointed hour, you passed under the sway of death.

Verse 78 (padma.7.19.78)

त्वामानेतुं मया दूताः प्रेषिताः सर्वथा निजाः । ततो रथे समारोप्य भवंतं नष्टकल्मषम्

tvāmānetuṁ mayā dūtāḥ preṣitāḥ sarvathā nijāḥ tato rathe samāropya bhavaṁtaṁ naṣṭakalmaṣam

To bring you to me, I sent my own messengers entirely for that purpose. Then, mounting you, now free of every taint, upon a chariot —

Verse 79 (padma.7.19.79)

सद्यो दूतगणाः सर्वे समायाताः परं पदम् । युगकोटिसहस्राणि स्थितोऽसि मम सन्निधौ

sadyo dūtagaṇāḥ sarve samāyātāḥ paraṁ padam yugakoṭisahasrāṇi sthito'si mama sannidhau

— all those messengers brought you at once to the supreme abode. You remained in my presence for thousands of millions of ages.

Verse 80 (padma.7.19.80)

भुंजन्सुखानि सर्वाणि दुर्ल्लभानि सुरैरपि । ततो यातोऽसि विप्रेन्द्र विशुद्धे ब्राह्मणान्वये

bhuṁjansukhāni sarvāṇi durllabhāni surairapi tato yāto'si viprendra viśuddhe brāhmaṇānvaye

There you enjoyed every happiness, rare even for the gods. Then, foremost of brahmins, you were born into a wholly pure brahmin lineage.

Verse 81 (padma.7.19.81)

तत्रापि मयि भक्तिस्ते जातातिसुदृढा पुनः । क्रियायोगेन मां नित्यं समाराध्य द्विजोत्तम

tatrāpi mayi bhaktiste jātātisudṛḍhā punaḥ kriyāyogena māṁ nityaṁ samārādhya dvijottama

There too your devotion to me arose again, exceedingly firm; best of brahmins, worshipping me duly and constantly through the practice of kriya-yoga —

Verse 82 (padma.7.19.82)

आयुषोंते मत्प्रसादान्मामकं पदमाप्स्यसि । यदा तुष्टोऽस्म्यहं विप्र सपापात्मापि मुक्तिभाक्

āyuṣoṁte matprasādānmāmakaṁ padamāpsyasi yadā tuṣṭo'smyahaṁ vipra sapāpātmāpi muktibhāk

— at the end of this life, by my grace, you will attain my own abode. Brahmin, when I am pleased, even a sinner becomes worthy of liberation.

Verse 83 (padma.7.19.83)

कदाचिद्यस्य रुष्टोस्मि पुण्यात्मापि च पापभाक् । तस्माद्ब्राह्मण भद्रं ते भक्तोऽसि मम सुव्रत

kadācidyasya ruṣṭosmi puṇyātmāpi ca pāpabhāk tasmādbrāhmaṇa bhadraṁ te bhakto'si mama suvrata

And one with whom I am ever displeased, though virtuous, becomes bound to sin. Therefore, brahmin, may all be well with you — good man of firm vows, you are my devotee.

Verse 84 (padma.7.19.84)

दास्यामि ते परं स्थानं यदलभ्यं सुरैरपि । ब्राह्मण उवाच- त्वत्प्रसादाच्छ्रुतं नाथ पूर्ववृत्तांतमात्मनः

dāsyāmi te paraṁ sthānaṁ yadalabhyaṁ surairapi brāhmaṇa uvāca- tvatprasādācchrutaṁ nātha pūrvavṛttāṁtamātmanaḥ

I shall give you that supreme abode, unattainable even by the gods. The brahmin said: My Lord, by your grace I have now heard the account of my own former life.

Verse 85 (padma.7.19.85)

इदानीं श्रोतुमिच्छामि यत्किञ्चिद्ब्रूहि तत्प्रभो । कस्य तुष्टोऽसि देवेन्द्र कस्य रुष्टोऽसि वा प्रभो

idānīṁ śrotumicchāmi yatkiñcidbrūhi tatprabho kasya tuṣṭo'si devendra kasya ruṣṭo'si vā prabho

Now, Lord, I wish to hear more — tell me a little further. O Lord of gods, with whom are you pleased, and with whom are you displeased?

Verse 86 (padma.7.19.86)

महत्या कृपया सर्वमेतन्मे वक्तुमर्हसि । श्रीभगवानुवाच- कर्मणा येनविप्रेन्द्र तुष्टिर्मे हृदि जायते

mahatyā kṛpayā sarvametanme vaktumarhasi śrībhagavānuvāca- karmaṇā yenaviprendra tuṣṭirme hṛdi jāyate

With your great compassion, be pleased to tell me all of this. The Blessed Lord said: Foremost of brahmins, the deeds by which contentment arises in my heart —

Verse 87 (padma.7.19.87)

क्रोधश्च तत्समस्तं च कथयामि समासतः । यो दयावान्द्विजश्रेष्ठ सर्वभूतेषु सर्वदा

krodhaśca tatsamastaṁ ca kathayāmi samāsataḥ yo dayāvāndvijaśreṣṭha sarvabhūteṣu sarvadā

— and those by which anger arises, all of that I shall tell you in brief. Best of brahmins, whoever is ever compassionate toward all beings —

Verse 88 (padma.7.19.88)

अहंकारविहीनश्च तस्य तुष्टोऽस्म्यहं सदा । कर्म कुर्यान्मदर्थं यो धर्मभक्तिसमन्वितः

ahaṁkāravihīnaśca tasya tuṣṭo'smyahaṁ sadā karma kuryānmadarthaṁ yo dharmabhaktisamanvitaḥ

— and free of pride, with him I am ever pleased. Whoever, endowed with dharma and devotion, performs action for my sake —

Verse 89 (padma.7.19.89)

ब्रूते मदर्थं यः शांतं तस्य तुष्टोऽस्म्यहं सदा । मिष्टं वस्तु समासाद्य दत्वा मे यश्च मानवः

brūte madarthaṁ yaḥ śāṁtaṁ tasya tuṣṭo'smyahaṁ sadā miṣṭaṁ vastu samāsādya datvā me yaśca mānavaḥ

— and speaks peaceably for my sake, with him I am ever pleased. And whatever man, obtaining something sweet, offers it to me —

Verse 90 (padma.7.19.90)

मानापमाने सदृशस्तस्य तुष्टोऽस्म्यहं सदा । सर्वभूतशरीरस्थं यो मां जानाति मानवः

mānāpamāne sadṛśastasya tuṣṭo'smyahaṁ sadā sarvabhūtaśarīrasthaṁ yo māṁ jānāti mānavaḥ

— and remains equal-minded in honor and dishonor, with him I am ever pleased. Whatever man knows me as dwelling within the bodies of all beings —

Verse 91 (padma.7.19.91)

परहिंसाविहीनो यस्तस्य तुष्टोऽस्म्यहं सदा । कर्माणि कुरुते यस्तु सुविचार्य पुनः पुनः

parahiṁsāvihīno yastasya tuṣṭo'smyahaṁ sadā karmāṇi kurute yastu suvicārya punaḥ punaḥ

— and refrains from harming others, with him I am ever pleased. Whoever performs actions only after careful, repeated reflection —

Verse 92 (padma.7.19.92)

गोब्राह्मणहितैषी यस्तस्य तुष्टोऽस्म्यहं सदा । स्वयं निरुक्तं वचनं यत्नाद्यः परिपालयेत्

gobrāhmaṇahitaiṣī yastasya tuṣṭo'smyahaṁ sadā svayaṁ niruktaṁ vacanaṁ yatnādyaḥ paripālayet

— and wishes well for cows and brahmins, with him I am ever pleased. Whoever earnestly upholds his own spoken word —

Verse 93 (padma.7.19.93)

प्रपन्नं याति यत्नाद्यस्तस्य तुष्टोऽस्म्यहं सदा । ददात्यनुपकारिभ्यो दानानि द्विजसत्तम

prapannaṁ yāti yatnādyastasya tuṣṭo'smyahaṁ sadā dadātyanupakāribhyo dānāni dvijasattama

— and earnestly goes to the aid of one who has taken refuge, with him I am ever pleased. Best of brahmins, whoever gives gifts even to those who have done him no favor —

Verse 94 (padma.7.19.94)

मयि चित्तं सदा यस्य तस्य तुष्टोऽस्म्यहं सदा । कर्मणा येनतुष्टोऽस्मि निरुक्तं तत्समासतः

mayi cittaṁ sadā yasya tasya tuṣṭo'smyahaṁ sadā karmaṇā yenatuṣṭo'smi niruktaṁ tatsamāsataḥ

— and whose mind ever rests upon me, with him I am ever pleased. Thus I have declared in brief the deeds by which I am pleased.

Verse 95 (padma.7.19.95)

रुष्टोऽस्मि कर्मणा येन विप्र वच्मि शृणुष्वतम् । परहिंसारतो यस्तु निर्द्दयः सर्वजंतुषु

ruṣṭo'smi karmaṇā yena vipra vacmi śṛṇuṣvatam parahiṁsārato yastu nirddayaḥ sarvajaṁtuṣu

Brahmin, now I shall tell the deeds by which I am displeased — listen attentively. Whoever is bent on harming others, merciless toward all creatures —

Verse 96 (padma.7.19.96)

अहंयुः सर्वदा क्रुद्धः समां नयति शत्रुताम् । असत्यभाषीक्रूरश्च परनिंदापरस्तु यः

ahaṁyuḥ sarvadā kruddhaḥ samāṁ nayati śatrutām asatyabhāṣīkrūraśca paraniṁdāparastu yaḥ

— proud, ever wrathful, he draws me toward enmity against him. Whoever speaks falsehood, is cruel, and given to reviling others —

Verse 97 (padma.7.19.97)

कविवर्तनविध्वंसी समां नयति शत्रुताम् । अदृष्टदोषौ पितरौ स्त्रीभ्रातृभगिनी तथा

kavivartanavidhvaṁsī samāṁ nayati śatrutām adṛṣṭadoṣau pitarau strībhrātṛbhaginī tathā

— a destroyer of the livelihood of learned men, he draws me toward enmity against him. Whoever, deluded, abandons his faultless parents, wife, brother, and sister —

Verse 98 (padma.7.19.98)

मोहात्त्यजति यो मूढः समां नयति शत्रुताम् । पितृभिर्भर्त्सनं यस्तु कुरुते मूढधीर्नरः

mohāttyajati yo mūḍhaḥ samāṁ nayati śatrutām pitṛbhirbhartsanaṁ yastu kurute mūḍhadhīrnaraḥ

— that fool draws me toward enmity against him. Whoever, dull of mind, when reproached by his parents,

Verse 99 (padma.7.19.99)

गुर्ववज्ञाकरो विप्र समां नयति शत्रुताम् । आरामच्छेदिनो ये च जलाशयविलायिनः

gurvavajñākaro vipra samāṁ nayati śatrutām ārāmacchedino ye ca jalāśayavilāyinaḥ

— treats his teacher with contempt, brahmin, he draws me toward enmity against him. Those who cut down gardens and those who destroy reservoirs of water —

Verse 100 (padma.7.19.100)

ग्रामनाशकरायेचतेमांनयंतिशत्रुताम् । परस्त्रियं समालोक्य विषादं यान्ति ये जनाः

grāmanāśakarāyecatemāṁnayaṁtiśatrutām parastriyaṁ samālokya viṣādaṁ yānti ye janāḥ

— and those who bring ruin upon villages, they draw me toward enmity against them. Those people who, on seeing another's wife, fall into that troubled longing —

Verse 101 (padma.7.19.101)

शृण्वंति पापचर्चां च तेषां रुष्टोस्म्यहं सदा । द्विषंति नाथं ये मूढा अनाथस्वं हरंति ये

śṛṇvaṁti pāpacarcāṁ ca teṣāṁ ruṣṭosmyahaṁ sadā dviṣaṁti nāthaṁ ye mūḍhā anāthasvaṁ haraṁti ye

— and those who listen with relish to talk of sin, with them I am ever displeased. Those fools who bear hatred toward their own master, those who seize the wealth of the helpless —

Verse 102 (padma.7.19.102)

विश्वासघातिनो ये च तेषां रुष्टोऽस्म्यहं सदा । ये च गोवीर्यहंतारो वृषलीपतयश्च ये

viśvāsaghātino ye ca teṣāṁ ruṣṭo'smyahaṁ sadā ye ca govīryahaṁtāro vṛṣalīpatayaśca ye

— and those who betray trust, with them I am ever displeased. Those who deprive cows of their vitality, and those who take a low-caste woman as wife —

Verse 103 (padma.7.19.103)

अश्वत्थघातिनो ये च तेषां रुष्टोऽस्म्यहं सदा । ब्रह्मविष्णुमहेशानां मध्ये ये भेदकारिणः

aśvatthaghātino ye ca teṣāṁ ruṣṭo'smyahaṁ sadā brahmaviṣṇumaheśānāṁ madhye ye bhedakāriṇaḥ

— and those who fell the ashvattha tree, with them I am ever displeased. Those who create division among Brahma, Vishnu, and Shiva —

Verse 104 (padma.7.19.104)

परदारातिरक्ता ये तेषां रुष्टोऽस्म्यहं सदा । एकादश्यां भुंजते ये लोभात्पापधियो नराः

paradārātiraktā ye teṣāṁ ruṣṭo'smyahaṁ sadā ekādaśyāṁ bhuṁjate ye lobhātpāpadhiyo narāḥ

— and those excessively attached to another's wife, with them I am ever displeased. Those sinful-minded men who, out of greed, eat food on the Ekadashi day —

Verse 105 (padma.7.19.105)

वेदनिंदाकरा ये च तेषांरुष्टोऽस्म्यहं सदा । पापबुद्धिरता ये च मित्रद्रोहरतास्तथा

vedaniṁdākarā ye ca teṣāṁruṣṭo'smyahaṁ sadā pāpabuddhiratā ye ca mitradroharatāstathā

— and those who revile the Vedas, with them I am ever displeased. Those given to wicked thoughts, and those given to betraying their friends —

Verse 106 (padma.7.19.106)

धात्रीतरुं च ये घ्नंति तेषां रुष्टोऽस्म्यहं सदा । दिवसे मैथुनं ये च कुर्वंते काममोहिताः

dhātrītaruṁ ca ye ghnaṁti teṣāṁ ruṣṭo'smyahaṁ sadā divase maithunaṁ ye ca kurvaṁte kāmamohitāḥ

— and those who cut down the amla tree, with them I am ever displeased. Those who, deluded by desire, engage in sexual union during the day —

Verse 107 (padma.7.19.107)

रजस्वला स्त्रियां चैव तेषां रुष्टोऽस्म्यहं सदा । ये चादृष्टार्तवां नारीं मोहाद्गच्छंति सत्तम

rajasvalā striyāṁ caiva teṣāṁ ruṣṭo'smyahaṁ sadā ye cādṛṣṭārtavāṁ nārīṁ mohādgacchaṁti sattama

— and those who unite with a menstruating woman, with them I am ever displeased. Good sir, those who, deluded, approach a woman whose fertile period has not been ascertained —

Verse 108 (padma.7.19.108)

व्रतस्थां च सदा जाल्मास्ते मां नयंति शत्रुताम् । अमावास्यातिथौ ये च कुर्वंते निशिभोजनम्

vratasthāṁ ca sadā jālmāste māṁ nayaṁti śatrutām amāvāsyātithau ye ca kurvaṁte niśibhojanam

— and those wretched men who always approach a woman observing a vow, they draw me toward enmity against them. Those who eat food at night on the new-moon day —

Verse 109 (padma.7.19.109)

भोजनद्वयमेवार्के तेषां रुष्टोऽस्म्यहं सदा । आमिषं मैथुनं तैलममावास्यादिने द्विजाः

bhojanadvayamevārke teṣāṁ ruṣṭo'smyahaṁ sadā āmiṣaṁ maithunaṁ tailamamāvāsyādine dvijāḥ

— and those who eat twice on a Sunday, with them I am ever displeased. Brahmins, on the new-moon day, meat, sexual union, and oil —

Verse 110 (padma.7.19.110)

न ये त्यजंति विप्रेन्द्र तेषां रुष्टोऽस्म्यहं सदा । बहुनात्र किमुक्तेन संक्षेपात्ते वदाम्यहम्

na ye tyajaṁti viprendra teṣāṁ ruṣṭo'smyahaṁ sadā bahunātra kimuktena saṁkṣepātte vadāmyaham

— foremost of brahmins, whoever fails to give up these three, with them I am ever displeased. What more need be said here? I tell you in brief —

Verse 111 (padma.7.19.111)

निंदंति वैष्णवान्ये च तेषां रुष्टोस्म्यहं सदा । व्यास उवाच- इत्युक्त्वा भगवान्विष्णुरदृश्यः सहसाऽभवत्

niṁdaṁti vaiṣṇavānye ca teṣāṁ ruṣṭosmyahaṁ sadā vyāsa uvāca- ityuktvā bhagavānviṣṇuradṛśyaḥ sahasā'bhavat

— those who revile Vaishnavas, with them I am ever displeased. Vyasa said: Having said this, the Blessed Lord Vishnu suddenly became invisible.

Verse 112 (padma.7.19.112)

स च विप्रः समुत्तस्थौ त्यक्तनिद्रस्तु मंचतः । केशवोक्तेन वाक्येन स विप्रो हरिभक्तिकृत्

sa ca vipraḥ samuttasthau tyaktanidrastu maṁcataḥ keśavoktena vākyena sa vipro haribhaktikṛt

That brahmin's sleep broke, and he rose up from his bed. Through the words spoken by Keshava, that brahmin, becoming wholly devoted to Hari —

Verse 113 (padma.7.19.113)

संत्यज्य सकलं कार्यं क्रियायोगरतोऽभवत् । नारायणस्य नैवेद्यं भुंजतोऽपि फलं त्विदम्

saṁtyajya sakalaṁ kāryaṁ kriyāyogarato'bhavat nārāyaṇasya naivedyaṁ bhuṁjato'pi phalaṁ tvidam

— abandoned all worldly affairs and became devoted to the practice of kriya-yoga. Such is the fruit of merely partaking of Narayana's own food-offering —

Verse 114 (padma.7.19.114)

हरिपूजाकृतां पुंसां न जाने किं भवेदिति । समासेन ब्रवीमि त्वां शृणु सत्तम जैमिने

haripūjākṛtāṁ puṁsāṁ na jāne kiṁ bhavediti samāsena bravīmi tvāṁ śṛṇu sattama jaimine

— I do not know what fruit awaits those men who actually worship Hari. O excellent Jaimini, I tell you this in brief — listen.

Verse 115 (padma.7.19.115)

सकृत्कृत्वा हरेः पूजां प्राप्यते परमं पदम्। मानुष्यं दुर्ल्लभं लोके पूजा तत्रापि चक्रिणः

sakṛtkṛtvā hareḥ pūjāṁ prāpyate paramaṁ padam mānuṣyaṁ durllabhaṁ loke pūjā tatrāpi cakriṇaḥ

Even by worshipping Hari a single time, the supreme state is attained. In this world, a human birth itself is rare, and within that, worship of the discus-bearing Lord —

Verse 116 (padma.7.19.116)

भक्तिस्तत्रापि विप्रेन्द्र दुर्ल्लभा परिकीर्तिता

bhaktistatrāpi viprendra durllabhā parikīrtitā

— and within that, foremost of brahmins, devotion itself is declared to be the rarest thing of all.

Verse 117 (padma.7.19.117)

संसाराब्धिं सर्वदुःखप्रपूर्णं तर्तुं वांछा यस्य चित्तेस्ति पुंसः । भक्त्या नित्यं वासुदेवस्य पूजां कुर्यादार्यः कर्मणां सोऽखिलानाम्

saṁsārābdhiṁ sarvaduḥkhaprapūrṇaṁ tartuṁ vāṁchā yasya cittesti puṁsaḥ bhaktyā nityaṁ vāsudevasya pūjāṁ kuryādāryaḥ karmaṇāṁ so'khilānām

Whatever man harbors in his mind the wish to cross this ocean of worldly existence, brimming with every sorrow — let that noble man, of all possible actions, constantly perform, with devotion, the worship of Vasudeva alone.