The Glory of Purushottama-kshetra

Verse 1 (padma.7.18.1)

जैमिनिरुवाच- तीर्थश्रेष्ठमिति प्रोक्तं यत्त्वया पुरुषोत्तमम् । तन्माहात्म्यं गुरो ब्रूहि यदि ते मय्यनुग्रहः

jaiminiruvāca- tīrthaśreṣṭhamiti proktaṁ yattvayā puruṣottamam tanmāhātmyaṁ guro brūhi yadi te mayyanugrahaḥ

Jaimini said: You have declared Purushottama to be the foremost of sacred places — Guru, if you have grace toward me, tell me its glory.

Verse 2 (padma.7.18.2)

व्यास उवाच- पुरुषोत्तमस्य माहात्म्यं समासेन शृणु द्विज । सम्यग्वक्तुं जगत्यस्मिन्कः शक्तो विष्णुना विना

vyāsa uvāca- puruṣottamasya māhātmyaṁ samāsena śṛṇu dvija samyagvaktuṁ jagatyasminkaḥ śakto viṣṇunā vinā

Vyasa said: Brahmin, hear in brief the glory of Purushottama; in this world, who besides Vishnu himself is able to tell it in full?

Verse 3 (padma.7.18.3)

लवणांभोनिधेस्तीरं पुरुषोत्तमसंज्ञितम् । पुरं तद्ब्राह्मणश्रेष्ठ स्वर्गादपि च दुर्ल्लभम्

lavaṇāṁbhonidhestīraṁ puruṣottamasaṁjñitam puraṁ tadbrāhmaṇaśreṣṭha svargādapi ca durllabham

On the shore of the salt ocean stands a city named Purushottama; best of brahmins, that city is rarer even than heaven.

Verse 4 (padma.7.18.4)

स्वयमस्ति पुरे तस्मिन्यतः श्रीपुरुषोत्तमः । पुरुषोत्तममित्युक्तं तस्मात्तन्नामकोविदैः

svayamasti pure tasminyataḥ śrīpuruṣottamaḥ puruṣottamamityuktaṁ tasmāttannāmakovidaiḥ

Because Sri Purushottama himself dwells there in that city, the wise have therefore given it the name Purushottama.

Verse 5 (padma.7.18.5)

क्षेत्रं तद्दुर्ल्लभं विप्र समंताद्दशयोजनम् । तत्रस्थदेहिनो देवैर्दृश्यंते च चतुर्भुजाः

kṣetraṁ taddurllabhaṁ vipra samaṁtāddaśayojanam tatrasthadehino devairdṛśyaṁte ca caturbhujāḥ

Brahmin, that sacred field, rare indeed, extends ten yojanas in every direction; embodied beings dwelling there appear to the gods as four-armed.

Verse 6 (padma.7.18.6)

प्रविशन्वै तु तत्क्षेत्रं सर्वे स्युर्विष्णुमूर्तयः । तस्माद्विचारणा तत्र न कर्त्तव्या विचक्षणैः

praviśanvai tu tatkṣetraṁ sarve syurviṣṇumūrtayaḥ tasmādvicāraṇā tatra na karttavyā vicakṣaṇaiḥ

All who enter that field become forms of Vishnu himself; therefore the discerning should make no distinctions of caste there.

Verse 7 (padma.7.18.7)

चाण्डालेनापि संस्पृष्टं ग्राह्यं तत्रान्नमग्रजैः । साक्षाद्विष्णुर्यतस्तत्र चाण्डालो द्विजसत्तम

cāṇḍālenāpi saṁspṛṣṭaṁ grāhyaṁ tatrānnamagrajaiḥ sākṣādviṣṇuryatastatra cāṇḍālo dvijasattama

Best of brahmins, even food touched by an outcaste there is fit for brahmins to accept, since there even the outcaste is Vishnu himself, made visible.

Verse 8 (padma.7.18.8)

तत्रान्नपाचिका लक्ष्मीः स्वयं भोक्ता जनार्द्दनः । तस्मात्तत्रौदनं विप्र दैवतैरपि दुर्ल्लभम्

tatrānnapācikā lakṣmīḥ svayaṁ bhoktā janārddanaḥ tasmāttatraudanaṁ vipra daivatairapi durllabham

There Lakshmi herself is the cook, and Janardana himself the one who eats; therefore, brahmin, the food offered there is rare even for the gods.

Verse 9 (padma.7.18.9)

हरिभुक्तावशिष्टं यत्पवित्रं भुवि दुर्ल्लभम् । अन्नं ये भुञ्जते लोकास्तेषां मुक्तिर्न दुर्ल्लभा

haribhuktāvaśiṣṭaṁ yatpavitraṁ bhuvi durllabham annaṁ ye bhuñjate lokāsteṣāṁ muktirna durllabhā

The remnant food left over from Hari's own meal — sacred and rare upon this earth — those who eat it find liberation no longer hard to attain.

Verse 10 (padma.7.18.10)

ब्रह्माद्यास्त्रिदशाः सर्वे तदन्नमतिदुर्ल्लभम् । भुञ्जते नित्यमागत्य मानुषाणां च का कथा

brahmādyāstridaśāḥ sarve tadannamatidurllabham bhuñjate nityamāgatya mānuṣāṇāṁ ca kā kathā

Brahma and all the gods come there daily to eat that most rare food; what then need be said of mere humans?

Verse 11 (padma.7.18.11)

न यस्य रमते चित्तं तस्मिन्नन्ने सुदुर्ल्लभे । तमेव विष्णुद्वेष्टारं प्राहुः सर्वमहर्षयः

na yasya ramate cittaṁ tasminnanne sudurllabhe tameva viṣṇudveṣṭāraṁ prāhuḥ sarvamaharṣayaḥ

One whose mind takes no delight in that most rare food — him alone all the great sages declare to be a hater of Vishnu.

Verse 12 (padma.7.18.12)

पवित्रं भुवि सर्वत्र यथा गङ्गाजलं द्विज । तथा पवित्रं सर्वत्र तदन्नं पापनाशनम्

pavitraṁ bhuvi sarvatra yathā gaṅgājalaṁ dvija tathā pavitraṁ sarvatra tadannaṁ pāpanāśanam

Brahmin, just as the water of the Ganga is pure everywhere on earth, so too is that food pure everywhere, and destructive of sin.

Verse 13 (padma.7.18.13)

तदन्नं कोमलं दिव्यं यद्यपि द्विजसत्तम । कृकचस्योदरप्रायं तथाप्यघविदारणे

tadannaṁ komalaṁ divyaṁ yadyapi dvijasattama kṛkacasyodaraprāyaṁ tathāpyaghavidāraṇe

Best of brahmins, though that food is soft and divine, still, in tearing apart sin, it is like the teeth of a saw.

Verse 14 (padma.7.18.14)

पूर्वार्जितानि पापानि क्षयं यास्यंति यस्य वै । भक्तिः प्रवर्तते यस्य तस्मिन्नन्ने सुदुर्ल्लभे

pūrvārjitāni pāpāni kṣayaṁ yāsyaṁti yasya vai bhaktiḥ pravartate yasya tasminnanne sudurllabhe

Only he whose sins accumulated in former births are about to be destroyed develops true devotion for that most rare food.

Verse 15 (padma.7.18.15)

बहुजन्मार्जितं पुण्यं यस्य यास्यति संक्षयम् । तस्मिन्नन्ने द्विजश्रेष्ठ तस्य भक्तिर्न जायते

bahujanmārjitaṁ puṇyaṁ yasya yāsyati saṁkṣayam tasminnanne dvijaśreṣṭha tasya bhaktirna jāyate

Best of brahmins, one whose merit, accumulated across many births, is about to run out — in him no devotion for that food ever arises.

Verse 16 (padma.7.18.16)

इन्द्रद्युम्नस्य सरसि मार्कंडेयह्रदे तथा । रोहिण्यां च समुद्रे च श्वेतगङ्गाजलेषु च

indradyumnasya sarasi mārkaṁḍeyahrade tathā rohiṇyāṁ ca samudre ca śvetagaṅgājaleṣu ca

In the lake of Indradyumna, in the pool of Markandeya, in the Rohini tank, in the ocean, and in the waters of the Shvetaganga —

Verse 17 (padma.7.18.17)

स्नानं ये कुर्वते मर्त्या भक्तिभावसमन्विताः । तेषां न विद्यते जन्म पुनरस्मिन्महीतले

snānaṁ ye kurvate martyā bhaktibhāvasamanvitāḥ teṣāṁ na vidyate janma punarasminmahītale

— whatever mortals bathe there, filled with devotion, for them there exists no further birth upon this earth.

Verse 18 (padma.7.18.18)

लवणांभोनिधेस्तोयैः पितरस्तर्पिता द्विज । सर्वदुःखविनिर्मुक्ता व्रजंति हरिमंदिरम्

lavaṇāṁbhonidhestoyaiḥ pitarastarpitā dvija sarvaduḥkhavinirmuktā vrajaṁti harimaṁdiram

Brahmin, the ancestors to whom offerings of water from that salt ocean are made, freed from every sorrow, go to Hari's own abode.

Verse 19 (padma.7.18.19)

तीर्थराजः समुद्रो ऽसौ कीर्तितस्तत्वदर्शिभिः । तस्मात्तत्र कृतं कर्म सर्वमेवाक्षयं भवेत्

tīrtharājaḥ samudro 'sau kīrtitastatvadarśibhiḥ tasmāttatra kṛtaṁ karma sarvamevākṣayaṁ bhavet

Seers of truth have proclaimed that ocean to be the king of sacred fords; therefore every act performed there becomes imperishable.

Verse 20 (padma.7.18.20)

पित्रर्चनं तथा दानं भगवच्चरणार्चनम् । जप यज्ञं तथान्यच्च तस्मिन्क्षेत्रे मनोरमे

pitrarcanaṁ tathā dānaṁ bhagavaccaraṇārcanam japa yajñaṁ tathānyacca tasminkṣetre manorame

Worship of the ancestors, charitable gifts, worship of the Lord's feet, japa, sacrifice, and whatever else is performed in that delightful field —

Verse 21 (padma.7.18.21)

यत्कर्म कुरुते मर्त्यो विष्णुप्रीणनहेतवे । सर्वमेवाक्षयं तच्च भवेन्नास्त्यत्र संशयः

yatkarma kurute martyo viṣṇuprīṇanahetave sarvamevākṣayaṁ tacca bhavennāstyatra saṁśayaḥ

— whatever act a man performs there for the sake of pleasing Vishnu, all of it becomes imperishable; of this there is no doubt.

Verse 22 (padma.7.18.22)

बलभद्रं सुभद्रां च कृष्णं च कमलेक्षणम् । ये मानवाः प्रपश्यंति तेषां किंचिन्न दुर्ल्लभम्

balabhadraṁ subhadrāṁ ca kṛṣṇaṁ ca kamalekṣaṇam ye mānavāḥ prapaśyaṁti teṣāṁ kiṁcinna durllabham

Whatever men behold Balabhadra, Subhadra, and lotus-eyed Krishna — for them nothing whatsoever remains hard to attain.

Verse 23 (padma.7.18.23)

अदृष्ट्वा श्रीजगन्नाथं सुभद्रां च बलं तथा । मोक्षं न लभते मर्त्यः कुर्वन्पुण्यशतान्यपि

adṛṣṭvā śrījagannāthaṁ subhadrāṁ ca balaṁ tathā mokṣaṁ na labhate martyaḥ kurvanpuṇyaśatānyapi

Without beholding Sri Jagannatha, Subhadra, and Balabhadra, a mortal, even performing hundreds of meritorious deeds, does not attain liberation.

Verse 24 (padma.7.18.24)

तत्र वेत्रप्रहारेण शरीरं यस्य लोहितम् । तं वंदंते द्विजश्रेष्ठ देवाः शक्रादयोऽखिलाः

tatra vetraprahāreṇa śarīraṁ yasya lohitam taṁ vaṁdaṁte dvijaśreṣṭha devāḥ śakrādayo'khilāḥ

Best of brahmins, one whose body is bloodied there by the strokes of a cane — him all the gods, Indra foremost, bow down to honor.

Verse 25 (padma.7.18.25)

स्थित्वांतरिक्षे शक्राद्याः सर्वदेवगणा द्विज । विमानचारिणोऽन्योन्यं प्रवदंतीति हर्षिताः

sthitvāṁtarikṣe śakrādyāḥ sarvadevagaṇā dvija vimānacāriṇo'nyonyaṁ pravadaṁtīti harṣitāḥ

Brahmin, standing in the sky, riding upon their heavenly chariots, all the hosts of gods, Indra among them, joyfully say to one another —

Verse 26 (padma.7.18.26)

कदा मानुष्यमस्मभ्यं दास्यते कमलापतिः । मनुष्य इव गच्छामस्तदा द्रष्टुं हरिं प्रभुम्

kadā mānuṣyamasmabhyaṁ dāsyate kamalāpatiḥ manuṣya iva gacchāmastadā draṣṭuṁ hariṁ prabhum

— "When will the Consort of Lakshmi grant us a human birth, so that, like a human, we may go there to behold the Lord Hari?"

Verse 27 (padma.7.18.27)

कदा वेत्रप्रहारेण क्षेत्रे श्रीपुरुषोत्तमे । भविष्यंत्यस्मदीयानि लोहितानि वपूंषि च

kadā vetraprahāreṇa kṣetre śrīpuruṣottame bhaviṣyaṁtyasmadīyāni lohitāni vapūṁṣi ca

"When, in the field of Sri Purushottama, will our own bodies be bloodied by the strokes of the cane?"

Verse 28 (padma.7.18.28)

वासवाद्याः सुराः सर्वे तस्मिन्क्षेत्रे वरप्रदे । सदा वेत्रप्रहारांश्च वांछंति द्विजसत्तम

vāsavādyāḥ surāḥ sarve tasminkṣetre varaprade sadā vetraprahārāṁśca vāṁchaṁti dvijasattama

Best of brahmins, Indra and all the gods ever long, in that boon-granting field, for those very strokes of the cane.

Verse 29 (padma.7.18.29)

तत्राक्षयवटं ये तु भक्त्या पश्यंति मानवाः । कोटिजन्मार्जितैः पापैर्मुक्ता यांति परां गतिम्

tatrākṣayavaṭaṁ ye tu bhaktyā paśyaṁti mānavāḥ koṭijanmārjitaiḥ pāpairmuktā yāṁti parāṁ gatim

Whatever men, with devotion, behold there the imperishable banyan tree — freed from the sins of millions of births, they attain the supreme goal.

Verse 30 (padma.7.18.30)

सुभद्रां बलभद्रं च जगन्नाथमनामयम् । श्वेतं माधवदेवेशं मार्कंडेयह्रदं तथा

subhadrāṁ balabhadraṁ ca jagannāthamanāmayam śvetaṁ mādhavadeveśaṁ mārkaṁḍeyahradaṁ tathā

Subhadra, Balabhadra, the unblemished Jagannatha, the fair Madhava, Lord of gods, and the pool of Markandeya —

Verse 31 (padma.7.18.31)

ज्यामेश्वरं हनूमंतं तत्राक्षय्यं वटं द्विज । पश्यंति भक्त्या ये मर्त्यास्तेषां मुक्तिर्हि शाश्वती

jyāmeśvaraṁ hanūmaṁtaṁ tatrākṣayyaṁ vaṭaṁ dvija paśyaṁti bhaktyā ye martyāsteṣāṁ muktirhi śāśvatī

— Jyameshvara (Shiva), Hanuman, and there the imperishable banyan tree — brahmin, whatever mortals behold these with devotion, their liberation is assuredly everlasting.

Verse 32 (padma.7.18.32)

दोलायमानं गोविन्दं फाल्गुनेमासि तत्र ये । पश्यंति मानवा भक्त्या तेषां पुण्यं निशामय

dolāyamānaṁ govindaṁ phālgunemāsi tatra ye paśyaṁti mānavā bhaktyā teṣāṁ puṇyaṁ niśāmaya

Hear now the merit of those who, in the month of Phalguna, behold there, with devotion, Govinda swinging upon the swing.

Verse 33 (padma.7.18.33)

विमुक्ताः सकलैः पापैरंते यांति हरेर्गृहम् । ज्ञानं संप्राप्य तत्रैव मोक्षं यांति सुदुर्ल्लभम्

vimuktāḥ sakalaiḥ pāpairaṁte yāṁti harergṛham jñānaṁ saṁprāpya tatraiva mokṣaṁ yāṁti sudurllabham

Freed from every sin, they go at last to Hari's own abode; there, having attained knowledge, they reach that most rare liberation.

Verse 34 (padma.7.18.34)

चेत्रके मासि वारुण्यां यो जगन्नाथमीक्षते । स मृतः प्रविशेद्देहं जगन्नाथस्य जैमिने

cetrake māsi vāruṇyāṁ yo jagannāthamīkṣate sa mṛtaḥ praviśeddehaṁ jagannāthasya jaimine

O Jaimini, whoever beholds Jagannatha on the Varuni day in the month of Chaitra, at death enters into Jagannatha's own body.

Verse 35 (padma.7.18.35)

वैशाखे चैव शुक्लायामेकादश्यां जगत्पतिम् । तृतीयायां च यः पश्येन्मुक्त एव स मानवः

vaiśākhe caiva śuklāyāmekādaśyāṁ jagatpatim tṛtīyāyāṁ ca yaḥ paśyenmukta eva sa mānavaḥ

Whoever beholds the Lord of the world on the bright eleventh, or on the third day, of Vaishakha — that man is liberated indeed.

Verse 36 (padma.7.18.36)

प्रविशेद्यस्तु मनुजो महास्नानं जगत्पतेः । तस्य सिद्ध्यंति विप्रर्षे सर्व एव मनोरथाः

praviśedyastu manujo mahāsnānaṁ jagatpateḥ tasya siddhyaṁti viprarṣe sarva eva manorathāḥ

Sage among brahmins, whatever man takes part in the Lord of the world's great bathing ceremony — all his heart's desires are fulfilled.

Verse 37 (padma.7.18.37)

ब्रह्माद्यास्त्रिदशाः सर्वे स्थित्वाकाशे जगत्पतेः । महास्नानं प्रपश्यंति भक्तिभावसमन्विताः

brahmādyāstridaśāḥ sarve sthitvākāśe jagatpateḥ mahāsnānaṁ prapaśyaṁti bhaktibhāvasamanvitāḥ

Brahma and all the gods, standing in the sky, filled with devotion, behold the Lord of the world's great bathing ceremony.

Verse 38 (padma.7.18.38)

महाज्येष्ठ्यां च विप्रर्षे जगन्नाथमनामयम् । आलोक्य लभते मर्त्यो विष्णोस्तत्परमं पदम्

mahājyeṣṭhyāṁ ca viprarṣe jagannāthamanāmayam ālokya labhate martyo viṣṇostatparamaṁ padam

Sage of brahmins, beholding the unblemished Jagannatha on the full moon of Jyeshtha, a mortal attains that supreme state of Vishnu.

Verse 39 (padma.7.18.39)

गुंडिकामण्डपं यांतमाषाढे कमलापतिम् । बलभद्रं च यः पश्येत्स मुक्तो नात्र संशयः

guṁḍikāmaṇḍapaṁ yāṁtamāṣāḍhe kamalāpatim balabhadraṁ ca yaḥ paśyetsa mukto nātra saṁśayaḥ

Whoever, in the month of Ashadha, beholds the Consort of Lakshmi and Balabhadra proceeding toward the Gundika pavilion — he is liberated, of this there is no doubt.

Verse 40 (padma.7.18.40)

यः पश्यति जगन्नाथं रथस्थं कमलेक्षणम् । तस्य नास्ति पुनर्जन्म संसारे सर्वदुःखदे

yaḥ paśyati jagannāthaṁ rathasthaṁ kamalekṣaṇam tasya nāsti punarjanma saṁsāre sarvaduḥkhade

Whoever beholds lotus-eyed Jagannatha seated in his chariot — for him there is no rebirth in this world, so full of every sorrow.

Verse 41 (padma.7.18.41)

रथारूढां सुभद्रां च भक्त्या पश्यंति मानवाः । छिनत्ति भगवांस्तस्य दुःखदं भवबंधनम्

rathārūḍhāṁ subhadrāṁ ca bhaktyā paśyaṁti mānavāḥ chinatti bhagavāṁstasya duḥkhadaṁ bhavabaṁdhanam

Whatever men, with devotion, behold Subhadra mounted upon her chariot, the Lord severs their sorrowful bondage to worldly existence.

Verse 42 (padma.7.18.42)

अपुत्रा मृतपुत्रा च या सुभद्रां प्रपश्यति । बह्वपत्या जीववत्सा सा नारी भवति द्विज

aputrā mṛtaputrā ca yā subhadrāṁ prapaśyati bahvapatyā jīvavatsā sā nārī bhavati dvija

Brahmin, a woman who is childless, or whose child has died, if she beholds Subhadra, becomes a woman blessed with many living children.

Verse 43 (padma.7.18.43)

दुर्भगा काकवंध्या वा सुभद्रां या प्रपश्यति । सा स्वामिसुभगा नारी बह्वपत्या भवेत्खलु

durbhagā kākavaṁdhyā vā subhadrāṁ yā prapaśyati sā svāmisubhagā nārī bahvapatyā bhavetkhalu

An unfortunate woman, or one who bears but a single child and no more, if she beholds Subhadra, surely becomes beloved of her husband and blessed with many children.

Verse 44 (padma.7.18.44)

गुंडिकामंडपस्थं च कृष्णं पश्यति यः पुमान् । बलभद्रं सुभद्रां च स याति परमं पदम्

guṁḍikāmaṁḍapasthaṁ ca kṛṣṇaṁ paśyati yaḥ pumān balabhadraṁ subhadrāṁ ca sa yāti paramaṁ padam

Whatever man beholds Krishna, Balabhadra, and Subhadra as they stand in the Gundika pavilion — he attains the supreme state.

Verse 45 (padma.7.18.45)

रोगी दुःखी च यः पश्येद्गुण्डिकामंडपे हरिम् । रोगाच्छोकाच्च सहसा जैमिने स प्रमुच्यते

rogī duḥkhī ca yaḥ paśyedguṇḍikāmaṁḍape harim rogācchokācca sahasā jaimine sa pramucyate

O Jaimini, whether sick or sorrowful, whoever beholds Hari in the Gundika pavilion is instantly freed from disease and grief.

Verse 46 (padma.7.18.46)

यस्त्वपुत्रो जगन्नाथं गुंडिकामण्डपे स्थितम् । पश्येत्स च द्विजश्रेष्ठ पुत्रं प्राप्नोति वैष्णवम्

yastvaputro jagannāthaṁ guṁḍikāmaṇḍape sthitam paśyetsa ca dvijaśreṣṭha putraṁ prāpnoti vaiṣṇavam

Best of brahmins, the childless man who beholds Jagannatha as he stands in the Gundika pavilion obtains a devoted, Vaishnava son.

Verse 47 (padma.7.18.47)

विद्यार्थी लभते विद्यां धनार्थी लभते धनम् । दारार्थी लभते दारान्मोक्षार्थी मोक्षमाप्नुयात्

vidyārthī labhate vidyāṁ dhanārthī labhate dhanam dārārthī labhate dārānmokṣārthī mokṣamāpnuyāt

The seeker of learning obtains learning, the seeker of wealth obtains wealth, the seeker of a wife obtains a wife, and the seeker of liberation attains liberation.

Verse 48 (padma.7.18.48)

भ्रष्टराज्यो नृपो यस्तु हरिं पश्यति भक्तितः । गुंडिकामंडपे विप्र निजराज्यं लभेत सः

bhraṣṭarājyo nṛpo yastu hariṁ paśyati bhaktitaḥ guṁḍikāmaṁḍape vipra nijarājyaṁ labheta saḥ

Brahmin, even a king deprived of his kingdom, if he beholds Hari with devotion in the Gundika pavilion, regains his own kingdom.

Verse 49 (padma.7.18.49)

शत्रुभिर्वर्जितो यस्तु गुंडिकामंडपे हरिम् । भक्त्या पश्यति विप्रर्षे तस्य नश्यंति शत्रवः

śatrubhirvarjito yastu guṁḍikāmaṁḍape harim bhaktyā paśyati viprarṣe tasya naśyaṁti śatravaḥ

Sage of brahmins, whoever, beset by enemies, beholds Hari with devotion in the Gundika pavilion — his enemies are destroyed.

Verse 50 (padma.7.18.50)

गुंडिकामंडपे पश्येद्यो राजपीडितो भृशम् । स सद्य एव राजानं स्वकीयं वशमानयेत्

guṁḍikāmaṁḍape paśyedyo rājapīḍito bhṛśam sa sadya eva rājānaṁ svakīyaṁ vaśamānayet

Whoever, sorely oppressed by his king, beholds Hari in the Gundika pavilion, at once brings that very king under his own control.

Verse 51 (padma.7.18.51)

सर्वासामेव यात्राणां गुंडिका प्रवरा मता । तस्मात्स मानवैः कार्या त्यक्त्वा कार्यशतान्यपि

sarvāsāmeva yātrāṇāṁ guṁḍikā pravarā matā tasmātsa mānavaiḥ kāryā tyaktvā kāryaśatānyapi

Of all pilgrimage festivals, the Gundika festival is held to be the finest; therefore men should undertake it, even setting aside a hundred other affairs.

Verse 52 (padma.7.18.52)

शयने च तथोत्थाने तस्मिन्क्षेत्रे मनोरमे । हरिं पश्यति यो मर्त्यः स देवैरपि पूज्यते

śayane ca tathotthāne tasminkṣetre manorame hariṁ paśyati yo martyaḥ sa devairapi pūjyate

Whatever mortal beholds Hari in that delightful field, whether lying down or rising up, becomes worthy of worship even by the gods.

Verse 53 (padma.7.18.53)

पुरुषोत्तममाहात्म्यं वक्तुं शक्नोति कः क्षितौ । यस्य प्रवेशमात्रेण नरो नारायणो भवेत्

puruṣottamamāhātmyaṁ vaktuṁ śaknoti kaḥ kṣitau yasya praveśamātreṇa naro nārāyaṇo bhavet

Who on this earth is able to describe the glory of Purushottama, by mere entry into which a man becomes Narayana himself?

Verse 54 (padma.7.18.54)

बहुनात्र किमुक्तेन संक्षेपादुच्यते मया । सर्वेषामेव तीर्थानां वरिष्ठं पुरुषोत्तमम्

bahunātra kimuktena saṁkṣepāducyate mayā sarveṣāmeva tīrthānāṁ variṣṭhaṁ puruṣottamam

What more need be said here? I say it in brief — Purushottama is the foremost of all sacred places.

Verse 55 (padma.7.18.55)

संसारसिन्धुमतिनिम्नमिमं तितीर्षुः क्लेशप्रदं विषमपापगणाश्रयं यः । क्षेत्रे समस्तसुखदे पुरुषोत्तमाख्ये पश्येदमुं सुरवरं पुरुषोत्तमं च

saṁsārasindhumatinimnamimaṁ titīrṣuḥ kleśapradaṁ viṣamapāpagaṇāśrayaṁ yaḥ kṣetre samastasukhade puruṣottamākhye paśyedamuṁ suravaraṁ puruṣottamaṁ ca

Whoever wishes to cross this ocean of worldly existence — so deep, so full of affliction, the very refuge of every grievous sin — let him go to that all-happiness-giving field named Purushottama, and behold there that supreme god, Purushottama himself.