The Boon Granted to Bhadratanu in Purushottama-kshetra

Verse 1 (padma.7.17.1)

जैमिनिरुवाच- पुनरेव गुरो ब्रूहि माहात्म्यं कमलापतेः । हरेः कथामृतं पीत्वा तृप्तिर्वै कस्य जायते

jaiminiruvāca- punareva guro brūhi māhātmyaṁ kamalāpateḥ hareḥ kathāmṛtaṁ pītvā tṛptirvai kasya jāyate

Jaimini said: Tell me once more, O Guru, the glory of the Lord of Lakshmi. Having drunk the nectar of Hari's story, who indeed ever feels satisfied?

Verse 2 (padma.7.17.2)

श्रीव्यास उवाच- त्वत्तुल्यः कोऽपि संसारे सुकृती न हि विद्यते । यतः केशवमाहात्म्यं श्रोतुमिच्छसि भक्तितः

śrīvyāsa uvāca- tvattulyaḥ ko'pi saṁsāre sukṛtī na hi vidyate yataḥ keśavamāhātmyaṁ śrotumicchasi bhaktitaḥ

Sri Vyasa said: There is no one in this world as blessed as you, since you desire, with devotion, to hear the glory of Keshava.

Verse 3 (padma.7.17.3)

नारायणकथा रम्या पुनात्येवं जगत्त्रयम् । श्रोतारं पृच्छकं चैव वक्तारं च द्विजोत्तम

nārāyaṇakathā ramyā punātyevaṁ jagattrayam śrotāraṁ pṛcchakaṁ caiva vaktāraṁ ca dvijottama

The delightful story of Narayana thus purifies all three worlds — the listener, the questioner, and the speaker alike, O best of brahmins.

Verse 4 (padma.7.17.4)

शृणु लक्ष्मीपतेर्वत्स माहात्म्यं पापनाशनम् । कथयामि समासेन चतुर्वर्गफलप्रदम्

śṛṇu lakṣmīpatervatsa māhātmyaṁ pāpanāśanam kathayāmi samāsena caturvargaphalapradam

Listen, my child, to the sin-destroying glory of the Lord of Lakshmi, which bestows the fruit of all four goals of life; I shall tell it in brief.

Verse 5 (padma.7.17.5)

भक्त्या परमया विष्णुमेकाहमपि योऽर्चयेत् । जन्मकोटिकृतं पापं सद्यस्तस्य हरेद्धरिः

bhaktyā paramayā viṣṇumekāhamapi yo'rcayet janmakoṭikṛtaṁ pāpaṁ sadyastasya hareddhariḥ

Whoever worships Vishnu with supreme devotion even for a single day — Hari at once removes the sins accumulated across millions of births.

Verse 6 (padma.7.17.6)

पुण्यात्मा स कथं मर्त्यो येन नाराधितो हरिः । स कथं पातकी यस्य भक्तिर्नारायणे प्रभौ

puṇyātmā sa kathaṁ martyo yena nārādhito hariḥ sa kathaṁ pātakī yasya bhaktirnārāyaṇe prabhau

How can a man be called virtuous if he has not worshipped Hari? And how can he be called a sinner whose devotion is fixed on Lord Narayana?

Verse 7 (padma.7.17.7)

अस्ति सर्वपुरश्रेष्ठं पुरुषोत्तमसंज्ञकम् । पुरं सर्वगुणैर्युक्तं सर्वदेव गणाश्रयम्

asti sarvapuraśreṣṭhaṁ puruṣottamasaṁjñakam puraṁ sarvaguṇairyuktaṁ sarvadeva gaṇāśrayam

There exists a city, foremost of all cities, named Purushottama — endowed with every virtue and the refuge of all the hosts of gods.

Verse 8 (padma.7.17.8)

सर्वेषामेव तीर्थानां वरिष्ठं तन्निगद्यते । यतस्तस्मिन्पुरे रम्ये साक्षाद्वसति केशवः

sarveṣāmeva tīrthānāṁ variṣṭhaṁ tannigadyate yatastasminpure ramye sākṣādvasati keśavaḥ

It is declared the foremost of all sacred places, for in that beautiful city Keshava himself dwells in visible form.

Verse 9 (padma.7.17.9)

तत्र भद्रतनुर्नाम पूर्वमेकोऽभवद्द्विजः । सुन्दरः प्रियवादी च पवित्रकुलसंभवः

tatra bhadratanurnāma pūrvameko'bhavaddvijaḥ sundaraḥ priyavādī ca pavitrakulasaṁbhavaḥ

There, in former times, lived a brahmin named Bhadratanu — handsome, sweet of speech, and born into a pure lineage.

Verse 10 (padma.7.17.10)

संप्राप्तयौवनो विप्रः सुंदरः काममोहितः । परलोकभयं त्यक्त्वा वारस्त्रीनिरतोऽभवत्

saṁprāptayauvano vipraḥ suṁdaraḥ kāmamohitaḥ paralokabhayaṁ tyaktvā vārastrīnirato'bhavat

Reaching youth, the handsome brahmin was deluded by desire; abandoning fear of the world to come, he became devoted to a courtesan.

Verse 11 (padma.7.17.11)

न वेदाध्ययनं चक्रे पुराणानि च सर्वशः । तत्याजोत्तमसंज्ञां च पाखंडजनसङ्गमात्

na vedādhyayanaṁ cakre purāṇāni ca sarvaśaḥ tatyājottamasaṁjñāṁ ca pākhaṁḍajanasaṅgamāt

He gave up the study of the Vedas and the Puranas altogether; through the company of hypocrites he abandoned even his noble (brahminical) identity.

Verse 12 (padma.7.17.12)

अयाज्यदानग्राही च परद्रव्यापहारकः । अभवद्धर्मनिन्दी च स विप्रः पापतत्परः

ayājyadānagrāhī ca paradravyāpahārakaḥ abhavaddharmanindī ca sa vipraḥ pāpatatparaḥ

He took gifts from those unfit to give, seized others' wealth, and reviled dharma — that brahmin became wholly given over to sin.

Verse 13 (padma.7.17.13)

तत्याज ब्राह्मणाचारं तथैव सत्यभावनम् । गुरूणामतिथीनां च पूजनं ब्राह्मणाधमः

tatyāja brāhmaṇācāraṁ tathaiva satyabhāvanam gurūṇāmatithīnāṁ ca pūjanaṁ brāhmaṇādhamaḥ

That degraded brahmin abandoned proper brahminical conduct, truthfulness, and the honoring of elders and guests alike.

Verse 14 (padma.7.17.14)

यद्यत्पापतरं कर्म तत्तदेव विधीयते । न च पुण्यतमं कर्म कदाचित्तेन जैमिने

yadyatpāpataraṁ karma tattadeva vidhīyate na ca puṇyatamaṁ karma kadācittena jaimine

O Jaimini, whatever act was most sinful, that alone he performed; he never once did any truly meritorious deed.

Verse 15 (padma.7.17.15)

एकदा कृतपापोऽसौ लोकलज्जाभयान्वितः । श्राद्धं चकार विप्रो वै श्राद्धभक्तिविवर्जितः

ekadā kṛtapāpo'sau lokalajjābhayānvitaḥ śrāddhaṁ cakāra vipro vai śrāddhabhaktivivarjitaḥ

Once, out of fear of social shame, that sinful brahmin performed the ancestral rite (shraddha), though devoid of any devotion to it.

Verse 16 (padma.7.17.16)

वारनारीमिति प्राह गतः स निशि तद्गृहम् । ब्राह्मण उवाच- एतद्विशालजघने पितृश्राद्धदिनं मम

vāranārīmiti prāha gataḥ sa niśi tadgṛham brāhmaṇa uvāca- etadviśālajaghane pitṛśrāddhadinaṁ mama

He went by night to the courtesan's house and said this. The brahmin said: O broad-hipped one, today is my father's shraddha day,

Verse 17 (padma.7.17.17)

आयातस्त्वद्गुणैर्बद्धस्तथापि निलयं तव । पश्य रात्रिमिमां कांते सर्वलोकभयावहाम्

āyātastvadguṇairbaddhastathāpi nilayaṁ tava paśya rātrimimāṁ kāṁte sarvalokabhayāvahām

yet, bound by your charms, I have still come to your dwelling. See, my beloved, how this night terrifies the whole world —

Verse 18 (padma.7.17.18)

स्रवदंबुदसंघातं परिव्याप्तं नभःस्थलात् । नवांबुलुप्तमार्गायां त्वद्गुणाकृष्टमानसः

sravadaṁbudasaṁghātaṁ parivyāptaṁ nabhaḥsthalāt navāṁbuluptamārgāyāṁ tvadguṇākṛṣṭamānasaḥ

rain-streaming clouds spread across the sky, the paths lost beneath fresh floods — yet my mind, drawn by your charms, has come.

Verse 19 (padma.7.17.19)

अस्यामपि विभावर्यां तवाहं गृहमागतः । मेघविद्युत्प्रतीपेन कामेनार्थोपदेशिना

asyāmapi vibhāvaryāṁ tavāhaṁ gṛhamāgataḥ meghavidyutpratīpena kāmenārthopadeśinā

Even on this fearsome night I have come to your house, driven by desire — fierce as the lightning in the clouds, and full of its own persuasive logic.

Verse 20 (padma.7.17.20)

त्वद्गुणाध्यानविश्वास आगतोऽहं निशि प्रिये । त्वामदृष्ट्वा क्षणमपि प्रीतिर्मे नहि जायते

tvadguṇādhyānaviśvāsa āgato'haṁ niśi priye tvāmadṛṣṭvā kṣaṇamapi prītirme nahi jāyate

Trusting in the thought of your charms, I have come by night, beloved; without seeing you, I feel no joy even for a moment.

Verse 21 (padma.7.17.21)

अपि दुःखेन हे तन्वि त्वां द्रष्टुमहमागतः । तीर्थतोयाभिषेकेन कांते किं मे प्रयोजनम्

api duḥkhena he tanvi tvāṁ draṣṭumahamāgataḥ tīrthatoyābhiṣekena kāṁte kiṁ me prayojanam

Even through hardship, slender one, I have come to see you. What use to me, beloved, is bathing in the waters of sacred fords?

Verse 22 (padma.7.17.22)

त्वत्प्रेमतीर्थतोयेन सिक्तः प्राप्तोऽस्म्यहं दिवि । परत्र सुखदां सेवामाराध्य मम किं फलम्

tvatprematīrthatoyena siktaḥ prāpto'smyahaṁ divi paratra sukhadāṁ sevāmārādhya mama kiṁ phalam

Bathed in the sacred water of your love, I have already reached heaven; what fruit is there for me in worshipping some pleasure promised in the next world?

Verse 23 (padma.7.17.23)

जीवतैव मया स्वर्गः प्राप्यते त्वत्प्रसादतः । अपकीर्तिभयात्कांते श्राद्धकर्मकृतं गृहे

jīvataiva mayā svargaḥ prāpyate tvatprasādataḥ apakīrtibhayātkāṁte śrāddhakarmakṛtaṁ gṛhe

While still living, by your grace, I have already attained heaven. It was only from fear of disgrace, beloved, that I performed the shraddha rite at home.

Verse 24 (padma.7.17.24)

अस्मिञ्छ्राद्धे मम श्रद्धा स्वल्पापि न हि गम्यते । त्वं मे जपस्तपस्त्वं मे त्वं मे नीतिश्च सुन्दरि

asmiñchrāddhe mama śraddhā svalpāpi na hi gamyate tvaṁ me japastapastvaṁ me tvaṁ me nītiśca sundari

In that rite I had not the slightest true devotion. You alone, lovely one, are my prayer, my penance, my very code of conduct.

Verse 25 (padma.7.17.25)

त्वामेकामेव संसारे सर्वभावेन सुन्दरि । प्रपन्नोऽसि सदाऽहं ते आज्ञापय करोमि किम्

tvāmekāmeva saṁsāre sarvabhāvena sundari prapanno'si sadā'haṁ te ājñāpaya karomi kim

You alone in all this world, lovely one, have I taken as my whole refuge, with my whole being. Command me — what shall I do?

Verse 26 (padma.7.17.26)

सुमध्यमोवाच- त्वया पुत्रेण तातस्तु पुत्रहीन इवाभवत् । पितृश्राद्धदिनेऽपि त्वं मैथुनं कर्त्तुमिच्छसि

sumadhyamovāca- tvayā putreṇa tātastu putrahīna ivābhavat pitṛśrāddhadine'pi tvaṁ maithunaṁ karttumicchasi

The slender-waisted woman said: Though his son, you have made your father as good as sonless — even on his own shraddha day you seek out union with a woman!

Verse 27 (padma.7.17.27)

दुर्मते मैथुनं यस्तु कुरुते पितृवासरे । रेतोभोजिन एव स्युः पितरस्तस्य सोऽपि च

durmate maithunaṁ yastu kurute pitṛvāsare retobhojina eva syuḥ pitarastasya so'pi ca

O foolish one, whoever engages in sexual union on the ancestors' day — his forefathers, and he himself, become reduced to feeding on mere semen instead of the offering.

Verse 28 (padma.7.17.28)

कुरुते मैथुनं मूढो मोहात्पितृदिने यदि । तच्छ्राद्धं राक्षसग्राह्यं भवेन्नास्त्यत्र संशयः

kurute maithunaṁ mūḍho mohātpitṛdine yadi tacchrāddhaṁ rākṣasagrāhyaṁ bhavennāstyatra saṁśayaḥ

If a fool, out of delusion, unites with a woman on the ancestors' day, his shraddha offering is seized by demons instead — of this there is no doubt.

Verse 29 (padma.7.17.29)

मय्यद्धा गदितं यत्ते यथा स्नेहेन मानसम् । तथा यदि भवेद्विष्णौ तदा प्राप्नोति किं नहि

mayyaddhā gaditaṁ yatte yathā snehena mānasam tathā yadi bhavedviṣṇau tadā prāpnoti kiṁ nahi

The love which your heart has so openly declared to me — if that same love were directed toward Vishnu instead, what would you not attain?

Verse 30 (padma.7.17.30)

यमदंडांतरस्थायि जीवितं च शरीरिणाम् । तथापि पातकं मूढ कुरुषे निर्भयः सदा

yamadaṁḍāṁtarasthāyi jīvitaṁ ca śarīriṇām tathāpi pātakaṁ mūḍha kuruṣe nirbhayaḥ sadā

The life of every embodied being hangs merely in the interval before Yama's rod falls, yet still, fool, you commit sin without fear.

Verse 31 (padma.7.17.31)

जलबुद्बुदवन्मूढः क्षणविध्वंसि जीवितम् । किमर्थं शाश्वतधिया कुरुषेच्छुरितं सदा

jalabudbudavanmūḍhaḥ kṣaṇavidhvaṁsi jīvitam kimarthaṁ śāśvatadhiyā kuruṣecchuritaṁ sadā

Fool, life is as fleeting as a water-bubble, destroyed in an instant — why then do you always act as though it were eternal, filling it with sin?

Verse 32 (padma.7.17.32)

ललाटे लिखितं यस्य मृत्युरित्यक्षरद्वयम् । स कथं कुरुते पापं समस्तक्लेशदायकम्

lalāṭe likhitaṁ yasya mṛtyurityakṣaradvayam sa kathaṁ kurute pāpaṁ samastakleśadāyakam

One on whose forehead the two syllables "death" are already written — how can such a person still commit sin, the giver of every sorrow?

Verse 33 (padma.7.17.33)

अहो माया महाविष्णोरेका बलवती क्षितौ । यतः पापं प्रकुर्वाणः सततं हर्षितो द्विज

aho māyā mahāviṣṇorekā balavatī kṣitau yataḥ pāpaṁ prakurvāṇaḥ satataṁ harṣito dvija

Ah, how powerful indeed is the illusion (maya) of Maha-Vishnu upon this earth, O brahmin, that a man remains ever pleased even while continually committing sin!

Verse 34 (padma.7.17.34)

स्थानं पापाय मे देहि निजदेहे दुराश्रये । दहत्याश्रममेधो हि वीतिहोत्र इव ज्वलन्

sthānaṁ pāpāya me dehi nijadehe durāśraye dahatyāśramamedho hi vītihotra iva jvalan

"Give room for sin within your own wretched body" — thus it burns, like a blazing fire consuming the very hermitage of one's life.

Verse 35 (padma.7.17.35)

व्यास उवाच- दैवप्रेरितपापाच्च तयेत्युक्तं सुवेश्यया । मनसा चिंतयामास ब्राह्मणः कृतपातकः

vyāsa uvāca- daivapreritapāpācca tayetyuktaṁ suveśyayā manasā ciṁtayāmāsa brāhmaṇaḥ kṛtapātakaḥ

Vyasa said: When the beautiful courtesan, moved by fate, had spoken thus, that sinful brahmin began to reflect within his own mind.

Verse 36 (padma.7.17.36)

धिग्धिङ्मां च महापापं मूढं पातकिनां वरम् । वेश्याया एव तज्ज्ञानं तन्मे नास्ति दुरात्मनः

dhigdhiṅmāṁ ca mahāpāpaṁ mūḍhaṁ pātakināṁ varam veśyāyā eva tajjñānaṁ tanme nāsti durātmanaḥ

"Shame, shame upon me — a great sinner, a fool, foremost among the wicked! Such wisdom exists even in a courtesan, yet I, wretched soul, lack it entirely."

Verse 37 (padma.7.17.37)

ब्राह्मणस्य कुले शुद्धे जन्म संप्राप्य वै मया । आत्मघातकरं पापं नित्यमेव कृतं महत्

brāhmaṇasya kule śuddhe janma saṁprāpya vai mayā ātmaghātakaraṁ pāpaṁ nityameva kṛtaṁ mahat

"Though born into a pure brahmin lineage, I have done nothing but commit great, self-destroying sins, day after day."

Verse 38 (padma.7.17.38)

जातो यदा ध्रुवो मृत्युर्मृते स्वामी यदा यमः । अविवेकतया पापं कथं तर्हि करोम्यहम्

jāto yadā dhruvo mṛtyurmṛte svāmī yadā yamaḥ avivekatayā pāpaṁ kathaṁ tarhi karomyaham

"The moment one is born, death is certain; and once dead, Yama alone is master — why then, through sheer lack of discernment, do I go on sinning?"

Verse 39 (padma.7.17.39)

जपस्तपस्तथा होमो वेदाध्ययनमेव च । विप्राचारोऽतिथेः पूजा गुरुभक्तिर्द्विजार्चनम्

japastapastathā homo vedādhyayanameva ca viprācāro'titheḥ pūjā gurubhaktirdvijārcanam

"Prayer, penance, fire-oblation, Vedic study, proper brahminical conduct, honoring guests, devotion to the guru, reverence for brahmins —"

Verse 40 (padma.7.17.40)

पितृयज्ञादिकं कर्म पूजा च कमलापतेः । मया न चक्रे कस्माद्वै भविष्यत्युत्तमा गतिः

pitṛyajñādikaṁ karma pūjā ca kamalāpateḥ mayā na cakre kasmādvai bhaviṣyatyuttamā gatiḥ

"the ancestral rites, and worship of the Lord of Lakshmi — none of these have I ever done; how then shall I attain a good end?"

Verse 41 (padma.7.17.41)

मार्कंडेयं महात्मानं सर्वधर्मविदां वरम् । तुष्टाव स द्विजो वाचा प्रणम्य भुवि दण्डवत्

mārkaṁḍeyaṁ mahātmānaṁ sarvadharmavidāṁ varam tuṣṭāva sa dvijo vācā praṇamya bhuvi daṇḍavat

(So thinking,) that brahmin bowed to the ground in full prostration before the great sage Markandeya, foremost among knowers of all dharma, and praised him aloud.

Verse 42 (padma.7.17.42)

ब्राह्मण उवाच- नमस्तुभ्यं द्विजश्रेष्ठ दीर्घजीवनमोऽस्तुते । नारायणस्वरूपाय नमस्तुभ्यं महात्मने

brāhmaṇa uvāca- namastubhyaṁ dvijaśreṣṭha dīrghajīvanamo'stute nārāyaṇasvarūpāya namastubhyaṁ mahātmane

The brahmin said: Homage to you, best of brahmins — may you have long life. Homage to you, great soul, who are the very form of Narayana.

Verse 43 (padma.7.17.43)

नमो मृकण्डपुत्राय सर्वलोकहितैषिणे । ज्ञानार्णवाय वै तुभ्यं निर्विकाराय वै नमः

namo mṛkaṇḍaputrāya sarvalokahitaiṣiṇe jñānārṇavāya vai tubhyaṁ nirvikārāya vai namaḥ

Homage to the son of Mrikandu, who wishes well for every world; homage to you, ocean of knowledge, ever unchanging.

Verse 44 (padma.7.17.44)

स्तुतस्तेनेति विप्रेण मार्कंडेयो महातपाः । उवाच परमप्रीतः सर्वशास्त्रार्थपारगः

stutasteneti vipreṇa mārkaṁḍeyo mahātapāḥ uvāca paramaprītaḥ sarvaśāstrārthapāragaḥ

Thus praised by that brahmin, the great ascetic Markandeya, master of the meaning of every scripture, spoke, greatly pleased.

Verse 45 (padma.7.17.45)

मार्कंडेय उवाच-। तव भक्त्याऽतितुष्टोऽस्मि महाभाग वरं वृणु । तवाभिलषितं सद्यः साधयिष्यामि नान्यथा

mārkaṁḍeya uvāca- tava bhaktyā'tituṣṭo'smi mahābhāga varaṁ vṛṇu tavābhilaṣitaṁ sadyaḥ sādhayiṣyāmi nānyathā

Markandeya said: O most fortunate one, I am deeply pleased by your devotion — ask a boon. I shall grant your wish at once, without fail.

Verse 46 (padma.7.17.46)

ब्राह्मण उवाच- अहं पापात्मनां श्रेष्ठो द्विजाचारविवर्जितः । परहिंसान्वितो नित्यं परस्त्रीनिरतः सदा

brāhmaṇa uvāca- ahaṁ pāpātmanāṁ śreṣṭho dvijācāravivarjitaḥ parahiṁsānvito nityaṁ parastrīnirataḥ sadā

The brahmin said: I am foremost among sinners, devoid of proper brahminical conduct — ever given to harming others, ever attached to another's wife.

Verse 47 (padma.7.17.47)

मया मूढेन विप्रेन्द्र सदा पापं कृतं महत् । नामुत्रापि कृतं पुण्यं कदाचिदपि सादरम्

mayā mūḍhena viprendra sadā pāpaṁ kṛtaṁ mahat nāmutrāpi kṛtaṁ puṇyaṁ kadācidapi sādaram

O foremost of brahmins, I, in my folly, have always done great sin; never once, not even for the sake of the next world, have I performed any good deed with true devotion.

Verse 48 (padma.7.17.48)

संसारसागरे घोरे दुःखदेऽत्यंत भैरवे । कथं भवति निस्तारो महापातकिनो मम

saṁsārasāgare ghore duḥkhade'tyaṁta bhairave kathaṁ bhavati nistāro mahāpātakino mama

How, in this terrible, sorrow-filled, most fearsome ocean of worldly existence, shall a great sinner like me ever find deliverance?

Verse 49 (padma.7.17.49)

मार्कंडेय उवाच- कृतपापोऽपि विप्रेन्द्र त्वं हि पुण्यात्मनां वरः । यतो बुद्धिरियं जाता त्वयि संसारदुर्ल्लभा

mārkaṁḍeya uvāca- kṛtapāpo'pi viprendra tvaṁ hi puṇyātmanāṁ varaḥ yato buddhiriyaṁ jātā tvayi saṁsāradurllabhā

Markandeya said: O foremost of brahmins, even having sinned, you are truly among the best of the virtuous — for this understanding has arisen in you, which is rare indeed in this world.

Verse 50 (padma.7.17.50)

पुण्यात्मनां पुण्यदृष्टिर्वर्धते प्रतिवासरम् । पापात्मनां पापदृष्टिर्वर्द्धते तु दिनेदिने

puṇyātmanāṁ puṇyadṛṣṭirvardhate prativāsaram pāpātmanāṁ pāpadṛṣṭirvarddhate tu dinedine

In the virtuous, the inclination toward virtue grows day by day; in sinners, the inclination toward sin likewise grows day by day.

Verse 51 (padma.7.17.51)

पापत्मनापि भवता पापदृष्टिर्निवार्यते । अतस्तुभ्यं जगन्नाथः प्रसन्न इव लक्ष्यते

pāpatmanāpi bhavatā pāpadṛṣṭirnivāryate atastubhyaṁ jagannāthaḥ prasanna iva lakṣyate

Even as a sinner, you have managed to check that inclination toward sin — therefore the Lord of the world appears already pleased with you.

Verse 52 (padma.7.17.52)

पापं कृत्वापि यो मर्त्यः पापाद्भूयो निवर्तते । तमुत्तरं नरं प्राहुः पूर्वजन्मार्चिताच्युतम्

pāpaṁ kṛtvāpi yo martyaḥ pāpādbhūyo nivartate tamuttaraṁ naraṁ prāhuḥ pūrvajanmārcitācyutam

A man who, having sinned, then turns away from sin again — such a man the wise call "redeemed," one who worshipped the Imperishable in a former birth.

Verse 53 (padma.7.17.53)

निजभक्तं महाविष्णुर्दृष्ट्वा पापरतं प्रभुः । ददाति विपुलां बुद्धिं यथा भवति सद्गतिः

nijabhaktaṁ mahāviṣṇurdṛṣṭvā pāparataṁ prabhuḥ dadāti vipulāṁ buddhiṁ yathā bhavati sadgatiḥ

Seeing even his own devotee caught in sin, Lord Maha-Vishnu grants him abundant wisdom, so that he may still attain a good end.

Verse 54 (padma.7.17.54)

अतस्त्वं ब्राह्मणश्रेष्ठ प्रतिजन्माच्युतार्चकः । अचिरेणैव भद्रं ते भविष्यति न संशयः

atastvaṁ brāhmaṇaśreṣṭha pratijanmācyutārcakaḥ acireṇaiva bhadraṁ te bhaviṣyati na saṁśayaḥ

Therefore, best of brahmins, you have worshipped the Imperishable across many births; very soon your welfare will surely come — of this there is no doubt.

Verse 55 (padma.7.17.55)

यद्यत्पृष्टं त्वया विप्र मत्तः श्रोष्यसि तं नहि । यतो नित्यक्रियाकालो मम संप्रति वर्तते

yadyatpṛṣṭaṁ tvayā vipra mattaḥ śroṣyasi taṁ nahi yato nityakriyākālo mama saṁprati vartate

Brahmin, what you have asked, you shall not hear from me just now, for this is presently the time for my daily rites.

Verse 56 (padma.7.17.56)

दांतोनाम द्विजः कश्चिदस्ति सर्वार्थतत्ववित् । कथयिष्यति तत्सर्वं स च तस्याश्रमं व्रज

dāṁtonāma dvijaḥ kaścidasti sarvārthatatvavit kathayiṣyati tatsarvaṁ sa ca tasyāśramaṁ vraja

There is a brahmin named Danta, who knows the truth of all things; he will tell you everything — go to his hermitage.

Verse 57 (padma.7.17.57)

तेनोपदिष्टोऽसौ विप्रो मार्कंडेयेन धीमता । दांताश्रमं ययौ क्षिप्रं पवित्रमतिसुन्दरम्

tenopadiṣṭo'sau vipro mārkaṁḍeyena dhīmatā dāṁtāśramaṁ yayau kṣipraṁ pavitramatisundaram

Instructed thus by the wise Markandeya, that brahmin quickly went to Danta's hermitage, exceedingly pure and beautiful.

Verse 58 (padma.7.17.58)

अश्वत्थैश्चंपकैश्चैव बकुलैः प्रियकैस्तथा । अन्यैश्च पुष्पितैर्वृक्षैः शोभितं सुमनोहरम्

aśvatthaiścaṁpakaiścaiva bakulaiḥ priyakaistathā anyaiśca puṣpitairvṛkṣaiḥ śobhitaṁ sumanoharam

It was adorned, and utterly enchanting, with ashvattha, champaka, bakula, and priyaka trees, and many other trees in flower.

Verse 59 (padma.7.17.59)

प्रफुल्लकुसुमामोदं परिव्याप्तदिगंतरम् । गुञ्जद्भ्रमरसंघातं फलशब्दातिशब्दितम्

praphullakusumāmodaṁ parivyāptadigaṁtaram guñjadbhramarasaṁghātaṁ phalaśabdātiśabditam

The fragrance of blossoming flowers spread to every horizon; it echoed with swarms of humming bees and with the sound of falling fruit.

Verse 60 (padma.7.17.60)

मन्दंमन्दं वहद्वायुशीतलं चैव वारि च । शतश्वापदसंकीर्णं शिष्योपशिष्यसंकुलम्

mandaṁmandaṁ vahadvāyuśītalaṁ caiva vāri ca śataśvāpadasaṁkīrṇaṁ śiṣyopaśiṣyasaṁkulam

A cool breeze and cool water flowed there gently; it teemed with hundreds of forest creatures, and was crowded with pupils and their own disciples.

Verse 61 (padma.7.17.61)

तस्याश्रमं ततो विप्रः प्रविश्यातिमनोहरम् । ददर्श दांतं तत्वज्ञं सर्वशिष्यगणैर्वृतम्

tasyāśramaṁ tato vipraḥ praviśyātimanoharam dadarśa dāṁtaṁ tatvajñaṁ sarvaśiṣyagaṇairvṛtam

Entering that most delightful hermitage, the brahmin saw Danta, knower of truth, surrounded by all his pupils.

Verse 62 (padma.7.17.62)

स्तुत्वा तं ब्राह्मणश्रेष्ठ दांतं नारायणात्मकम् । ववंदे चरणौ तस्य शिरसा स द्विजोत्तमः

stutvā taṁ brāhmaṇaśreṣṭha dāṁtaṁ nārāyaṇātmakam vavaṁde caraṇau tasya śirasā sa dvijottamaḥ

Praising Danta, who was the very embodiment of Narayana, that best of brahmins bowed his head to touch his feet.

Verse 63 (padma.7.17.63)

दांत उवाच- कस्त्वं भद्र समायातः किमस्त्यत्र प्रयोजनम् । ब्रूहि तत्त्वं तु मां स्तौषि हेतुना केन सांप्रतम्

dāṁta uvāca- kastvaṁ bhadra samāyātaḥ kimastyatra prayojanam brūhi tattvaṁ tu māṁ stauṣi hetunā kena sāṁpratam

Danta said: Good sir, who are you who has come here? What is your purpose? Tell me truly — for what reason are you praising me now?

Verse 64 (padma.7.17.64)

भद्रतनुरुवाच-। ब्राह्मणोऽहं महाभाग ब्राह्मणाचारवर्जितः । नाम्ना भद्रतनुः ख्यातो विहिताखिलपातकः

bhadratanuruvāca- brāhmaṇo'haṁ mahābhāga brāhmaṇācāravarjitaḥ nāmnā bhadratanuḥ khyāto vihitākhilapātakaḥ

Bhadratanu said: O most fortunate one, I am a brahmin devoid of proper brahminical conduct, known by the name Bhadratanu, one who has committed every sin.

Verse 65 (padma.7.17.65)

संसारपापविच्छेदः कथं मे पापिनो भवेत् । एतन्मे कथय ब्रह्मन्यतस्त्वं सर्वतत्ववित्

saṁsārapāpavicchedaḥ kathaṁ me pāpino bhavet etanme kathaya brahmanyatastvaṁ sarvatatvavit

How may the sins of this worldly existence be cut away for a sinner like me? Tell me this, O brahmin, since you know the truth of all things.

Verse 66 (padma.7.17.66)

दांत उवाच- शृणु विप्र परं गुह्यं तवस्नेहान्मयोच्यते । येन संसारपाशस्य विच्छेदो भवते नृणाम्

dāṁta uvāca- śṛṇu vipra paraṁ guhyaṁ tavasnehānmayocyate yena saṁsārapāśasya vicchedo bhavate nṛṇām

Danta said: Listen, brahmin — out of affection for you I shall tell this supreme secret, by which men's bonds to worldly existence are severed.

Verse 67 (padma.7.17.67)

त्यज पाखंडसंसर्गं संगं भज सतां सदा । कामं क्रोधं च मोहं च लोभं च दर्पमत्सरौ

tyaja pākhaṁḍasaṁsargaṁ saṁgaṁ bhaja satāṁ sadā kāmaṁ krodhaṁ ca mohaṁ ca lobhaṁ ca darpamatsarau

Abandon the company of hypocrites; ever seek the company of the good. Give up desire, anger, delusion, greed, pride, and envy.

Verse 68 (padma.7.17.68)

असत्यं परहिसां च त्यज यत्नादपि द्विज । स्मरन्नामानि सततं महाविष्णोर्महात्मनः

asatyaṁ parahisāṁ ca tyaja yatnādapi dvija smarannāmāni satataṁ mahāviṣṇormahātmanaḥ

Brahmin, strive earnestly to give up falsehood and harming others, while constantly remembering the names of the great-souled Maha-Vishnu.

Verse 69 (padma.7.17.69)

संमार्जनं द्विजश्रेष्ठ तथोपलेपनं पुनः । मार्गशोभां च दीपं च केशवायतने कुरु

saṁmārjanaṁ dvijaśreṣṭha tathopalepanaṁ punaḥ mārgaśobhāṁ ca dīpaṁ ca keśavāyatane kuru

Best of brahmins, sweep and plaster the floor of Keshava's temple, adorn its approach, and light lamps there.

Verse 70 (padma.7.17.70)

कुरु ब्राह्मणसेवां च ज्ञातिसेवां च सर्वदा । कुर्वन्न तोयदानं च नित्यं पंचमहाध्वरान्

kuru brāhmaṇasevāṁ ca jñātisevāṁ ca sarvadā kurvanna toyadānaṁ ca nityaṁ paṁcamahādhvarān

Always serve brahmins and serve your own kinsmen; while offering water to the thirsty, also perform the five great daily sacrifices.

Verse 71 (padma.7.17.71)

कथां शृणु हरेर्मंत्रं जप त्वं द्वादशाक्षरम् । कर्माण्येतानि सवाणि कुर्वतस्तव सत्तम

kathāṁ śṛṇu harermaṁtraṁ japa tvaṁ dvādaśākṣaram karmāṇyetāni savāṇi kurvatastava sattama

Listen to the story of Hari, and recite the twelve-syllable mantra. As you, good sir, perform all these deeds —

Verse 72 (padma.7.17.72)

भविष्यत्युत्तमं ज्ञानं ज्ञानान्मोक्षमवाप्स्यसि

bhaviṣyatyuttamaṁ jñānaṁ jñānānmokṣamavāpsyasi

— the highest knowledge will arise, and through that knowledge you will attain liberation.

Verse 73 (padma.7.17.73)

ब्राह्मण उवाच- यान्येतानि त्वया ब्रह्मन्प्रोक्तानि शुभदानि वै । तेषां विवरणं ब्रूहि किं मोहो दंभमत्सरौ

brāhmaṇa uvāca- yānyetāni tvayā brahmanproktāni śubhadāni vai teṣāṁ vivaraṇaṁ brūhi kiṁ moho daṁbhamatsarau

The brahmin said: O brahmin, please explain in detail these auspicious things you have spoken of — what is delusion? What are hypocrisy and envy?

Verse 74 (padma.7.17.74)

किमसत्यं च का हिंसा दयाशांतिर्दमश्च कः । समदृष्टिश्च का प्रोक्ता का पूजा कमलापतेः

kimasatyaṁ ca kā hiṁsā dayāśāṁtirdamaśca kaḥ samadṛṣṭiśca kā proktā kā pūjā kamalāpateḥ

What is falsehood, what is violence, what are compassion, peace, and self-restraint? What is called equanimity, and what is the worship of the Lord of Lakshmi?

Verse 75 (padma.7.17.75)

अहोरात्रश्च कः प्रोक्तः किं विष्णुस्मरणं तथा । के वा पंचमहायज्ञाः को मंत्रो द्वादशाक्षरः

ahorātraśca kaḥ proktaḥ kiṁ viṣṇusmaraṇaṁ tathā ke vā paṁcamahāyajñāḥ ko maṁtro dvādaśākṣaraḥ

What is meant by "day and night," and what is remembrance of Vishnu? What are the five great sacrifices, and what is the twelve-syllable mantra?

Verse 76 (padma.7.17.76)

एषां विवरणं सर्वं ब्रूहि ब्राह्मणसत्तम । तथा तव प्रसादेन प्राप्नोमि परमं पदम्

eṣāṁ vivaraṇaṁ sarvaṁ brūhi brāhmaṇasattama tathā tava prasādena prāpnomi paramaṁ padam

Explain all of these fully, best of brahmins, so that by your grace I may attain the highest state.

Verse 77 (padma.7.17.77)

दांत उवाच-। ये वेदसंमतं कार्यं त्यक्त्वान्यत्कर्म कुर्वते । निजाचारविहीना ये पाखंडास्ते प्रकीर्तिताः

dāṁta uvāca- ye vedasaṁmataṁ kāryaṁ tyaktvānyatkarma kurvate nijācāravihīnā ye pākhaṁḍāste prakīrtitāḥ

Danta said: Those who abandon the duty sanctioned by the Vedas to perform some other act, devoid of their own proper conduct — they are called hypocrites.

Verse 78 (padma.7.17.78)

निजाचारग्राहिणो ये कुर्वते वेदसंमतम् । पापाभिलाषरहिताः सज्जनास्ते प्रकीर्तिताः

nijācāragrāhiṇo ye kurvate vedasaṁmatam pāpābhilāṣarahitāḥ sajjanāste prakīrtitāḥ

Those who hold to their proper conduct, perform what the Vedas sanction, and are free from any desire for sin — they are called the virtuous.

Verse 79 (padma.7.17.79)

योऽभिलाषः सदा स्त्रीषु विभवोपार्जनादिषु । वर्त्तते ब्राह्मणश्रेष्ठ स काम इति कथ्यते

yo'bhilāṣaḥ sadā strīṣu vibhavopārjanādiṣu varttate brāhmaṇaśreṣṭha sa kāma iti kathyate

Best of brahmins, the constant craving directed toward women, or toward acquiring wealth and the like, is called desire (kama).

Verse 80 (padma.7.17.80)

समाकर्ण्यात्मनो निन्दां यस्तापो हृदि जायते । स क्रोध इति विज्ञेयः सर्वधर्मावघातकः

samākarṇyātmano nindāṁ yastāpo hṛdi jāyate sa krodha iti vijñeyaḥ sarvadharmāvaghātakaḥ

The burning agitation that arises in the heart upon hearing oneself criticized should be known as anger — the destroyer of every dharma.

Verse 81 (padma.7.17.81)

परवित्तादिकं दृष्ट्वा नेतुं यो हृदि जायते । अभिलाषो द्विजश्रेष्ठ स लोभ इति कीर्तितः

paravittādikaṁ dṛṣṭvā netuṁ yo hṛdi jāyate abhilāṣo dvijaśreṣṭha sa lobha iti kīrtitaḥ

Best of brahmins, the craving that arises in the heart, on seeing another's wealth, to take it for oneself — that is called greed.

Verse 82 (padma.7.17.82)

मम माता मम पिता ममेयं गृहिणी गृहम् । एतदन्यन्ममत्वं हि स मोह इति कीर्तितः

mama mātā mama pitā mameyaṁ gṛhiṇī gṛham etadanyanmamatvaṁ hi sa moha iti kīrtitaḥ

"This is my mother, this my father, this my wife, this my house" — such possessive attachment to these and other things is called delusion (moha).

Verse 83 (padma.7.17.83)

अहं महात्मा धनवान्न तुल्यः कोऽपि भूतले । इदं यज्जायते चित्ते मदः प्रोक्तः स कोविदैः

ahaṁ mahātmā dhanavānna tulyaḥ ko'pi bhūtale idaṁ yajjāyate citte madaḥ proktaḥ sa kovidaiḥ

"I am great, I am wealthy, none on earth equals me" — the sentiment that arises thus in the mind is called pride (mada) by the wise.

Verse 84 (padma.7.17.84)

निंदंति मां सदा लोका धिगस्तु मम जीवनम् । इत्यात्मानं वदेद्यस्तु धिक्कारः स च मत्सरः

niṁdaṁti māṁ sadā lokā dhigastu mama jīvanam ityātmānaṁ vadedyastu dhikkāraḥ sa ca matsaraḥ

"People always slander me, curse be upon my life" — the self-condemnation expressed thus is envy (matsara).

Verse 85 (padma.7.17.85)

यथार्थकथनं यच्च सर्वलोकसुखप्रदम् । तत्सत्यमिति विज्ञेयमसत्यं तद्विपर्ययम्

yathārthakathanaṁ yacca sarvalokasukhapradam tatsatyamiti vijñeyamasatyaṁ tadviparyayam

Speaking what is true, in a way that brings happiness to all — that should be known as truth; its opposite is falsehood.

Verse 86 (padma.7.17.86)

ऐश्वर्यं दारपुत्राद्या यान्त्यमुष्यकदा क्षयम् । इति या जायते चित्ते सा हिंसा परिकीर्तिता

aiśvaryaṁ dāraputrādyā yāntyamuṣyakadā kṣayam iti yā jāyate citte sā hiṁsā parikīrtitā

"When will this man's wealth, wife, children, and the rest come to ruin?" — the thought that arises thus in the mind is called violence (hiṃsā).

Verse 87 (padma.7.17.87)

यत्नादपि परक्लेशं हर्तुं यद्धृदि जायते । इच्छाभूमिर्द्विजश्रेष्ठ सा दया परिकीर्तिता

yatnādapi parakleśaṁ hartuṁ yaddhṛdi jāyate icchābhūmirdvijaśreṣṭha sā dayā parikīrtitā

Best of brahmins, the wish that arises in the heart to strive to remove another's suffering — that is called compassion (dayā).

Verse 88 (padma.7.17.88)

या तुष्टिर्जायते चित्ते शान्तिः सा गद्यते बुधैः । कुत्सितात्कर्मणोऽन्यत्र यच्चित्ताविनिवारणम्

yā tuṣṭirjāyate citte śāntiḥ sā gadyate budhaiḥ kutsitātkarmaṇo'nyatra yaccittāvinivāraṇam

The contentment that arises in the mind is called peace (śānti) by the wise; and the not restraining of the mind from anything except degrading action —

Verse 89 (padma.7.17.89)

संकीर्तितो दमः प्राज्ञैः संमतस्तत्वदर्शिभिः । दुःखे सुखे च विप्रेन्द्र या तुष्टिर्वर्तसे सदा

saṁkīrtito damaḥ prājñaiḥ saṁmatastatvadarśibhiḥ duḥkhe sukhe ca viprendra yā tuṣṭirvartase sadā

— this is proclaimed by the wise, and agreed upon by seers of truth, as self-restraint (dama). O foremost of brahmins, the contentment that remains constant alike in sorrow and joy —

Verse 90 (padma.7.17.90)

तथा शत्रौ च मित्रे च समदृष्टिर्हि सा स्मृता । नैवेद्यगंधपुष्पाद्यैः श्रद्धया पुरुषो हरेः

tathā śatrau ca mitre ca samadṛṣṭirhi sā smṛtā naivedyagaṁdhapuṣpādyaiḥ śraddhayā puruṣo hareḥ

— and the same even-mindedness toward both enemy and friend — that indeed is called equanimity (sama-dṛṣṭi). Whatever man, with faith, through food-offerings, fragrance, flowers, and the like —

Verse 91 (padma.7.17.91)

योऽर्चनं कुरुते विप्र सा पूजा परिकीर्तिता । मध्याह्ने चैव रात्रौ च लंघनं यद्विधीयते

yo'rcanaṁ kurute vipra sā pūjā parikīrtitā madhyāhne caiva rātrau ca laṁghanaṁ yadvidhīyate

— performs worship, brahmin, that indeed is called worship (pūjā). The fasting that is observed at midday and at night —

Verse 92 (padma.7.17.92)

तद्विज्ञेयमहोरात्रं पूर्वापरदिनाशनम् । आत्मनः केशवस्यापि द्वयोरपि च सत्तम

tadvijñeyamahorātraṁ pūrvāparadināśanam ātmanaḥ keśavasyāpi dvayorapi ca sattama

— that should be known as the "day-and-night" fast, forgoing food on both the preceding and following days. Good sir, the uniting, in the mind, of oneself and of Keshava —

Verse 93 (padma.7.17.93)

यदेकीकरणं तच्च विष्णुस्मरणमुच्यते । ब्रह्मयज्ञो नृयज्ञश्च देवयज्ञश्च सत्तम

yadekīkaraṇaṁ tacca viṣṇusmaraṇamucyate brahmayajño nṛyajñaśca devayajñaśca sattama

— both together, that is called remembrance of Vishnu. Good sir, the sacrifice to Brahman, the sacrifice to men, the sacrifice to the gods —

Verse 94 (padma.7.17.94)

पितृयज्ञो भूतयज्ञः पंचयज्ञाः प्रकीर्तिताः । नमो भगवते वासुदेवायोङ्कारपूर्वकम्

pitṛyajño bhūtayajñaḥ paṁcayajñāḥ prakīrtitāḥ namo bhagavate vāsudevāyoṅkārapūrvakam

— the sacrifice to the ancestors, and the sacrifice to all beings — these are proclaimed as the five great sacrifices. "Oṁ, homage to Lord Vasudeva" —

Verse 95 (padma.7.17.95)

महामंत्रमिमं प्राहुस्तत्वज्ञा द्वादशाक्षरम् । इति ते कथितं सर्वं पृष्टं ब्राह्मणसत्तम

mahāmaṁtramimaṁ prāhustatvajñā dvādaśākṣaram iti te kathitaṁ sarvaṁ pṛṣṭaṁ brāhmaṇasattama

— this the knowers of truth call the great twelve-syllable mantra. Thus, best of brahmins, I have told you all that you asked.

Verse 96 (padma.7.17.96)

यज्ज्ञात्वा मानवाः सर्वे लभंते ज्ञानमुत्तमम् । ततः प्रतिदिनं विप्र नाम्नामष्टोत्तरं शतम्

yajjñātvā mānavāḥ sarve labhaṁte jñānamuttamam tataḥ pratidinaṁ vipra nāmnāmaṣṭottaraṁ śatam

Knowing this, all people attain the highest knowledge. After that, brahmin, by reciting daily the hundred and eight names —

Verse 97 (padma.7.17.97)

पठित्वा कमलाभर्तुर्दुर्ल्लभं मोक्षमाप्स्यसि । भद्रतनुरुवाच- ब्रूहि लक्ष्मीपतेर्विष्णोर्नाम्नामष्टोत्तरं शतम्

paṭhitvā kamalābharturdurllabhaṁ mokṣamāpsyasi bhadratanuruvāca- brūhi lakṣmīpaterviṣṇornāmnāmaṣṭottaraṁ śatam

— of the Lord of Lakshmi, you will attain liberation, so hard to reach. Bhadratanu said: Tell me the hundred and eight names of Vishnu, the Lord of Lakshmi.

Verse 98 (padma.7.17.98)

दांत उवाच- शृणु विप्र प्रवक्ष्यामि नाम्नामष्टोत्तरं शतम् । सहस्रनाम चाकृष्य सारं विष्णोः परात्मनः

dāṁta uvāca- śṛṇu vipra pravakṣyāmi nāmnāmaṣṭottaraṁ śatam sahasranāma cākṛṣya sāraṁ viṣṇoḥ parātmanaḥ

Danta said: Listen, brahmin, I shall recite the hundred and eight names, the essence drawn out from the thousand names of the Supreme Self, Vishnu.

Verse 99 (padma.7.17.99)

अष्टोत्तरशतं नाम्नां महापातकनाशनम् । पठितव्यं यथा ध्यात्वा शृणु ध्यानं मयोच्यते

aṣṭottaraśataṁ nāmnāṁ mahāpātakanāśanam paṭhitavyaṁ yathā dhyātvā śṛṇu dhyānaṁ mayocyate

This recitation of the hundred and eight names destroys great sins; hear now the meditation-form with which it should be recited, as I describe it.

Verse 100 (padma.7.17.100)

अतसीकुसुमाकारं प्रफुल्लकमलेक्षणम् । गवांचरणधूलीभिर्भूषिताखिलविग्रहम्

atasīkusumākāraṁ praphullakamalekṣaṇam gavāṁcaraṇadhūlībhirbhūṣitākhilavigraham

(Meditate on this form:) dark like the flax-flower, with eyes like blooming lotuses, his whole body adorned with the dust from the hooves of cows.

Verse 101 (padma.7.17.101)

गोपुच्छवालपाशेन मंडितोत्तममस्तकम् । वंशीध्वनिपरिन्यस्तरुचिरौष्ठपुटं प्रभुम्

gopucchavālapāśena maṁḍitottamamastakam vaṁśīdhvaniparinyastarucirauṣṭhapuṭaṁ prabhum

his noble head adorned with a garland woven from the hair of a cow's tail, his lovely lips set to the sound of the flute — such is the Lord.

Verse 102 (padma.7.17.102)

गोगोष्ठवासिभिः स्निग्धैः शिशुभिः परिवारितम् । पीतांबरं स्मरमुखं ध्यायेत्कृष्णास्यमुत्तमम्

gogoṣṭhavāsibhiḥ snigdhaiḥ śiśubhiḥ parivāritam pītāṁbaraṁ smaramukhaṁ dhyāyetkṛṣṇāsyamuttamam

surrounded by the affectionate children who dwell in the cowherd settlement, clad in yellow garments, his face like that of the god of love — one should meditate on that supreme face of Krishna.

Verse 103 (padma.7.17.103)

ॐनमोऽस्य कृष्णाष्टोत्तरशतनाम्नां वेदव्यासऋषिरनुष्टुप्छंदः । श्रीकृष्णो देवता श्रीकृष्णप्रीत्यर्थे जपे विनियोगः

oṁnamo'sya kṛṣṇāṣṭottaraśatanāmnāṁ vedavyāsaṛṣiranuṣṭupchaṁdaḥ śrīkṛṣṇo devatā śrīkṛṣṇaprītyarthe jape viniyogaḥ

Om. For this hymn of Krishna's hundred and eight names, the sage is Veda Vyasa, the meter is anushtubh, the deity is Sri Krishna; its use is in recitation, for the pleasure of Sri Krishna.

Verse 104 (padma.7.17.104)

नमः कृष्णः केशवश्च केशिशत्रुः सनातनः । कंसारिर्धेनुकारिश्च शिशुपालरिपुः प्रभुः

namaḥ kṛṣṇaḥ keśavaśca keśiśatruḥ sanātanaḥ kaṁsārirdhenukāriśca śiśupālaripuḥ prabhuḥ

Homage — to Krishna, Keshava, the foe of Keshi, the eternal one, the foe of Kamsa, the foe of Dhenuka, the foe of Shishupala, the Lord —

Verse 105 (padma.7.17.105)

देवकीनन्दनः शौरिः पुण्डरीकनिभेक्षणः । दामोदरो जगन्नाथो जगत्कर्ता जगन्मयः

devakīnandanaḥ śauriḥ puṇḍarīkanibhekṣaṇaḥ dāmodaro jagannātho jagatkartā jaganmayaḥ

— the joy of Devaki, Shauri, whose eyes are like lotus-petals, Damodara, Lord of the World, the World's Creator, pervading the World —

Verse 106 (padma.7.17.106)

नारायणो बलिध्वंसी वामनोऽदितिनन्दनः । विष्णुर्यदुकुलश्रेष्ठो वासुदेवो वसुप्रदः

nārāyaṇo balidhvaṁsī vāmano'ditinandanaḥ viṣṇuryadukulaśreṣṭho vāsudevo vasupradaḥ

— Narayana, destroyer of Bali's pride, Vamana, Aditi's son, Vishnu, foremost of the Yadu lineage, Vasudeva, the bestower of wealth —

Verse 107 (padma.7.17.107)

अनंतः कैटभारिश्च मल्लजिन्नरकांतकः । अच्युतः श्रीधरः श्रीमाञ्छ्रीपतिः पुरुषोत्तमः

anaṁtaḥ kaiṭabhāriśca mallajinnarakāṁtakaḥ acyutaḥ śrīdharaḥ śrīmāñchrīpatiḥ puruṣottamaḥ

— Ananta, foe of Kaitabha, conqueror of the wrestlers, ender of Naraka, the Unfallen, Shridhara, the Glorious, Lord of Shri, Purushottama —

Verse 108 (padma.7.17.108)

गोविन्दो वनमाली च हृषीकेशोऽखिलार्तिहा । नृसिंहो दैत्यशत्रुश्च मत्स्यदेवो जगन्मयः

govindo vanamālī ca hṛṣīkeśo'khilārtihā nṛsiṁho daityaśatruśca matsyadevo jaganmayaḥ

— Govinda, wearer of the forest garland, Hrishikesha, remover of all affliction, Narasimha, foe of the daityas, the Fish incarnation, pervading the World —

Verse 109 (padma.7.17.109)

भूमिधारी महाकूर्मो वराहः पृथिवीपतिः । वैकुण्ठः पीतवासाश्च चक्रपाणिर्गदाधरः

bhūmidhārī mahākūrmo varāhaḥ pṛthivīpatiḥ vaikuṇṭhaḥ pītavāsāśca cakrapāṇirgadādharaḥ

— bearer of the earth, the great Tortoise, the Boar, Lord of the Earth, Vaikuntha, clad in yellow, wielder of the discus, bearer of the mace —

Verse 110 (padma.7.17.110)

शंखभृत्पद्मपाणिश्च नन्दकी गरुडध्वजः । चतुर्भुजो महासत्वो महाबुद्धिर्महाभुजः

śaṁkhabhṛtpadmapāṇiśca nandakī garuḍadhvajaḥ caturbhujo mahāsatvo mahābuddhirmahābhujaḥ

— bearer of the conch, holding a lotus in hand, wielder of the sword Nandaka, whose banner bears Garuda, four-armed, of great essence, of great wisdom, mighty-armed —

Verse 111 (padma.7.17.111)

महोत्सवो महातेजा महाबाहुप्रियः प्रभुः । विष्वक्सेनश्च शार्ङ्गी च पद्मनाभो जनार्दनः

mahotsavo mahātejā mahābāhupriyaḥ prabhuḥ viṣvaksenaśca śārṅgī ca padmanābho janārdanaḥ

— himself a great festival, of great splendor, the Lord dear to the mighty-armed, Vishvaksena, wielder of the bow Sharnga, lotus-naveled, Janardana —

Verse 112 (padma.7.17.112)

तुलसी वल्लभोऽपारः परेशः परमेश्वरः । परमक्लेशहारी च परत्र सुखदः परः

tulasī vallabho'pāraḥ pareśaḥ parameśvaraḥ paramakleśahārī ca paratra sukhadaḥ paraḥ

— beloved of Tulasi, boundless, the Supreme Ruler, the Supreme Lord, remover of the greatest afflictions, bestower of joy in the world beyond, the Transcendent one —

Verse 113 (padma.7.17.113)

हृदयस्थोंऽबरस्थो यो मोहदो मोहनाशनः । समस्तपातकध्वंसी महाबलबलांतकः

hṛdayasthoṁ'barastho yo mohado mohanāśanaḥ samastapātakadhvaṁsī mahābalabalāṁtakaḥ

— dwelling in the heart, dwelling in the sky, both the giver of delusion and the destroyer of delusion, destroyer of every sin, ender of the mighty demon Mahabala —

Verse 114 (padma.7.17.114)

रुक्मिणीरमणो रुक्मिप्रतिज्ञाखण्डनो महान् । दामबद्धः क्लेशहारी गोवर्द्धनधरो हरिः

rukmiṇīramaṇo rukmipratijñākhaṇḍano mahān dāmabaddhaḥ kleśahārī govarddhanadharo hariḥ

— beloved of Rukmini, the great one who broke Rukmi's vow, the one bound with a rope, remover of affliction, Hari who lifted Govardhana —

Verse 115 (padma.7.17.115)

पूतनारिर्मुष्टिकारिर्यमलार्जुनभञ्जनः । उपेन्द्रो विश्वमूर्तिश्च व्योमपादः सनातनः

pūtanārirmuṣṭikāriryamalārjunabhañjanaḥ upendro viśvamūrtiśca vyomapādaḥ sanātanaḥ

— foe of Putana, foe of Mushtika, breaker of the twin Arjuna trees, Upendra, whose form is the universe, whose foot reaches the sky, the eternal one —

Verse 116 (padma.7.17.116)

परमात्मा परब्रह्म प्रणतार्तिविनाशनः । त्रिविक्रमो महामायो योगविद्विष्टरश्रवाः

paramātmā parabrahma praṇatārtivināśanaḥ trivikramo mahāmāyo yogavidviṣṭaraśravāḥ

— the Supreme Self, the Supreme Brahman, destroyer of the suffering of those who bow to him, Trivikrama, of great illusive power, known through yoga, Vishtarashravas —

Verse 117 (padma.7.17.117)

श्रीनिधिः श्रीनिवासश्च यज्ञभोक्ता सुखप्रदः । यज्ञेश्वरो रावणारिः प्रलंबघ्नोऽक्षयोऽव्ययः

śrīnidhiḥ śrīnivāsaśca yajñabhoktā sukhapradaḥ yajñeśvaro rāvaṇāriḥ pralaṁbaghno'kṣayo'vyayaḥ

— treasury of Shri, abode of Shri, enjoyer of sacrifice, bestower of happiness, Lord of Sacrifice, foe of Ravana, slayer of Pralamba, imperishable, unchanging —

Verse 118 (padma.7.17.118)

सहस्रनाम्नां चैतत्ते नाम्नामष्टोत्तरं शतम् । विष्णुप्रीतिकरं सर्वं सर्वपापविनाशनम्

sahasranāmnāṁ caitatte nāmnāmaṣṭottaraṁ śatam viṣṇuprītikaraṁ sarvaṁ sarvapāpavināśanam

Thus have I told you these hundred and eight names drawn from the thousand names — all of them pleasing to Vishnu, and destructive of every sin.

Verse 119 (padma.7.17.119)

दुःस्वप्ननाशनं चैव ग्रहपीडाविनाशनम् । सर्वरोगक्षयकरं परमैश्वर्यदं तथा

duḥsvapnanāśanaṁ caiva grahapīḍāvināśanam sarvarogakṣayakaraṁ paramaiśvaryadaṁ tathā

It destroys bad dreams, dispels the affliction of malefic planets, brings all diseases to an end, and bestows supreme prosperity.

Verse 120 (padma.7.17.120)

सर्वोपद्रवविध्वंसि सर्वकर्मफलप्रदम् । मया प्रोक्तं द्विजश्रेष्ठ वैष्णवप्रीतिहेतवे

sarvopadravavidhvaṁsi sarvakarmaphalapradam mayā proktaṁ dvijaśreṣṭha vaiṣṇavaprītihetave

It destroys every calamity and bestows the fruit of every action — best of brahmins, I have declared it for the delight of Vishnu's devotees.

Verse 121 (padma.7.17.121)

त्रिसंध्यं यः पठेन्नित्यं भक्तितः पुरतो हरेः । शतमष्टोत्तरशतं नाम्नां तुष्टः सदा हरिः

trisaṁdhyaṁ yaḥ paṭhennityaṁ bhaktitaḥ purato hareḥ śatamaṣṭottaraśataṁ nāmnāṁ tuṣṭaḥ sadā hariḥ

Whoever recites, with devotion, these hundred and eight names before Hari at all three daily junctures — Hari remains ever pleased with him.

Verse 122 (padma.7.17.122)

श्राद्धे च यःपठेदेतद्भक्तिमान्वैष्णवो जनः । संतुष्टाः पितरस्तस्य प्रयांति परमं पदम्

śrāddhe ca yaḥpaṭhedetadbhaktimānvaiṣṇavo janaḥ saṁtuṣṭāḥ pitarastasya prayāṁti paramaṁ padam

If a devoted Vaishnava recites this at the time of the ancestral rite, his forefathers, well satisfied, attain the highest state.

Verse 123 (padma.7.17.123)

यज्ञकाले पठेद्यस्तु देवताराधने तथा । दानकाले च यात्रायां स वै तत्फलमाप्नुयात्

yajñakāle paṭhedyastu devatārādhane tathā dānakāle ca yātrāyāṁ sa vai tatphalamāpnuyāt

Whoever recites it during a sacrifice, in worship of the gods, at the time of charitable giving, or on a journey, obtains its fruit accordingly.

Verse 124 (padma.7.17.124)

अपुत्रो लभते पुत्रं धनार्थी लभते धनम् । विद्यार्थी लभते विद्यां स्तवस्यास्य प्रकीर्तनात्

aputro labhate putraṁ dhanārthī labhate dhanam vidyārthī labhate vidyāṁ stavasyāsya prakīrtanāt

Through the recitation of this hymn, the childless obtain a child, the wealth-seeker obtains wealth, and the seeker of learning obtains learning.

Verse 125 (padma.7.17.125)

ये पठंति हरेर्भक्त्या नाम्नामष्टोत्तरं शतम् । नाशुभं विद्यते तेषां कदाचिदपि भूतले

ye paṭhaṁti harerbhaktyā nāmnāmaṣṭottaraṁ śatam nāśubhaṁ vidyate teṣāṁ kadācidapi bhūtale

For those who recite, with devotion, these hundred and eight names of Hari, nothing inauspicious ever befalls them on this earth.

Verse 126 (padma.7.17.126)

दांत उवाच- गच्छ ब्राह्मण भद्रं ते प्रोक्तेन विधिना मया । समाराध्य हरिं भक्त्या परमं क्षेममाप्स्यसि

dāṁta uvāca- gaccha brāhmaṇa bhadraṁ te proktena vidhinā mayā samārādhya hariṁ bhaktyā paramaṁ kṣemamāpsyasi

Danta said: Go, brahmin, may all be well with you; worshipping Hari with devotion by the method I have described, you will attain supreme well-being.

Verse 127 (padma.7.17.127)

एवं प्रबोधितस्तेन दांतेन परमार्थिना । तस्मिन्क्षेत्रवरे पुण्ये हरिपूजापरोऽभवत्

evaṁ prabodhitastena dāṁtena paramārthinā tasminkṣetravare puṇye haripūjāparo'bhavat

Thus instructed by Danta, knower of the highest truth, he became devoted to the worship of Hari in that excellent and sacred field.

Verse 128 (padma.7.17.128)

नित्यं तु भक्त्या विप्रोऽसौ पंचाहानि च जैमिने । दांतप्रोक्तेन विधिना चकार हरिपूजनम्

nityaṁ tu bhaktyā vipro'sau paṁcāhāni ca jaimine dāṁtaproktena vidhinā cakāra haripūjanam

O Jaimini, that brahmin, with daily devotion, for five days performed the worship of Hari according to the rite Danta had taught.

Verse 129 (padma.7.17.129)

ज्ञात्वा भक्तिं हरिस्तस्य सुदृढां करुणामयः । आविर्बभूव सहसा कोटिसूर्यइवांशुमान्

jñātvā bhaktiṁ haristasya sudṛḍhāṁ karuṇāmayaḥ āvirbabhūva sahasā koṭisūryaivāṁśumān

Knowing his firm devotion, the merciful Hari suddenly appeared, radiant as ten million suns.

Verse 130 (padma.7.17.130)

तं दृष्ट्वा जगतामीशं कमलाप्रियमच्युतम् । ववंदे शिरसा विप्रस्तत्पादकमलद्वये

taṁ dṛṣṭvā jagatāmīśaṁ kamalāpriyamacyutam vavaṁde śirasā viprastatpādakamaladvaye

Seeing the Lord of all worlds, beloved of Lakshmi, the Imperishable, the brahmin bowed his head at his two lotus feet.

Verse 131 (padma.7.17.131)

अथासौ ब्राह्मणश्रेष्ठो हर्षनिर्भरमानसः । कृताञ्जलिर्जगन्नाथमस्तौषीत्कमलापतिम्

athāsau brāhmaṇaśreṣṭho harṣanirbharamānasaḥ kṛtāñjalirjagannāthamastauṣītkamalāpatim

Then that excellent brahmin, his mind overflowing with joy, joined his palms and began to praise the Lord of the world, the Consort of Lakshmi.

Verse 132 (padma.7.17.132)

दृष्टिं हरे दुरितगामपि मे कृपालां भक्तिं निजां प्रति विभो शुभदामनैषीः । तस्मादहं विहितविस्तरपातकोऽपि ग्राम्यस्त्वयाकारि पुमानिवाद्य

dṛṣṭiṁ hare duritagāmapi me kṛpālāṁ bhaktiṁ nijāṁ prati vibho śubhadāmanaiṣīḥ tasmādahaṁ vihitavistarapātako'pi grāmyastvayākāri pumānivādya

O Hari, even upon me, sunk in sin, you have cast your compassionate, auspicious gaze toward devotion to yourself; therefore I, who committed sin at such great length, have today been made by you into a true man, as it were.

Verse 133 (padma.7.17.133)

रुष्टे त्वयि त्रिदशवंदितपादयुग्मे दृष्टिः प्रयाति दुरितं खलु मानवस्य । तुष्टे च याति सुकृतं प्रति सैव दृष्टिर्ज्ञातं मयैव परमेश्वर केवलं च

ruṣṭe tvayi tridaśavaṁditapādayugme dṛṣṭiḥ prayāti duritaṁ khalu mānavasya tuṣṭe ca yāti sukṛtaṁ prati saiva dṛṣṭirjñātaṁ mayaiva parameśvara kevalaṁ ca

When you, whose two feet are worshipped by the gods, are displeased, a man's vision turns toward sin indeed; and when you are pleased, that same vision turns toward merit — this, Supreme Lord, I alone have come to know from my own experience.

Verse 134 (padma.7.17.134)

त्वां वच्मि नाथ भवतः स्मरणं प्रभावं यस्माद्व्रजामि निखिलार्जितपातकोऽपि । स्थानं जगाम परमं त्रिदशैकलभ्यमारुह्य शुद्धकनकच्छुरितं विमानम्

tvāṁ vacmi nātha bhavataḥ smaraṇaṁ prabhāvaṁ yasmādvrajāmi nikhilārjitapātako'pi sthānaṁ jagāma paramaṁ tridaśaikalabhyamāruhya śuddhakanakacchuritaṁ vimānam

I speak, my Lord, of the power of remembering you alone — by which even I, laden with every sin, have gone, mounted upon a chariot inlaid with pure gold, to that supreme abode attainable only by the gods.

Verse 135 (padma.7.17.135)

त्वत्पादपद्मसलिलस्य सदागुणाढ्यो व्याधः स वेत्ति कनिकः कृतसर्वपापः । त्वद्वेश्ममार्जनफलं जगदेकनाथ यज्ञध्वजः क्षितिपतिः सुरवंदितश्च

tvatpādapadmasalilasya sadāguṇāḍhyo vyādhaḥ sa vetti kanikaḥ kṛtasarvapāpaḥ tvadveśmamārjanaphalaṁ jagadekanātha yajñadhvajaḥ kṣitipatiḥ suravaṁditaśca

O sole Lord of the universe, the hunter Kanika alone knows the power of the water that has touched your lotus feet — he who, though laden with every sin, was freed by it; and the king Yajnadhvaja, honored even by the gods, alone knows the fruit of sweeping your temple floor.

Verse 136 (padma.7.17.136)

वेश्मोपलेपनफलं भवतो मुरारे सृष्टिस्थितिप्रलयकारण ईश्वरस्य । जानाति पन्नग रिपुध्वज यज्ञमाली भ्राता च तस्य कृतपापभयः सुमाली

veśmopalepanaphalaṁ bhavato murāre sṛṣṭisthitipralayakāraṇa īśvarasya jānāti pannaga ripudhvaja yajñamālī bhrātā ca tasya kṛtapāpabhayaḥ sumālī

O foe of Mura, cause of creation, preservation, and dissolution — O bearer of the serpent-foe's banner! — the fruit of plastering your temple's floor is known by Yajnamali and his brother Sumali, who, fearful of the sins they had done, were freed by it.

Verse 137 (padma.7.17.137)

हरिं प्रदक्षिणीकृत्य भवंतं यत्फलं भवेत् । धर्म एव स जानाति नान्यः कश्चिज्जगत्त्रये

hariṁ pradakṣiṇīkṛtya bhavaṁtaṁ yatphalaṁ bhavet dharma eva sa jānāti nānyaḥ kaścijjagattraye

The fruit that comes from circumambulating you, O Hari — that alone is known by Dharma (the king so named); no one else in all three worlds knows it.

Verse 138 (padma.7.17.138)

तव चित्तं दयां नाथ गदितुं भुवि कः क्षमः । त्वां विद्ध्वापि शरैर्व्याधो जगाम परमं पदम्

tava cittaṁ dayāṁ nātha gadituṁ bhuvi kaḥ kṣamaḥ tvāṁ viddhvāpi śarairvyādho jagāma paramaṁ padam

My Lord, who on this earth is capable of describing the compassion of your heart? Even the hunter who pierced you with arrows attained the highest state.

Verse 139 (padma.7.17.139)

निंदित्वापि जगन्नाथ भवंतं त्रिदशेश्वरम् । शिशुपालो ययौ मोक्षं तव भक्तस्य का कथा

niṁditvāpi jagannātha bhavaṁtaṁ tridaśeśvaram śiśupālo yayau mokṣaṁ tava bhaktasya kā kathā

O Lord of the world, even Shishupala, who reviled you, the Lord of the gods, attained liberation — what then need be said of your devotee?

Verse 140 (padma.7.17.140)

ब्रह्मरूपेण येनासौ त्वया सृष्टमिदं जगत् । त्वयि तस्मिन्महाविष्णो रमतां मम मानसम्

brahmarūpeṇa yenāsau tvayā sṛṣṭamidaṁ jagat tvayi tasminmahāviṣṇo ramatāṁ mama mānasam

O Maha-Vishnu, may my mind take delight in you in that very form of Brahma by which you created this universe.

Verse 141 (padma.7.17.141)

सर्वो विष्णो त्वयानेन क्रियते जगतः क्षयः । रुद्र रूपेण संसारे तस्मै तुभ्यं नमोऽस्तु मे

sarvo viṣṇo tvayānena kriyate jagataḥ kṣayaḥ rudra rūpeṇa saṁsāre tasmai tubhyaṁ namo'stu me

O Vishnu, it is by you, in the form of Rudra, that the whole dissolution of the universe is brought about in this world — homage to you in that form.

Verse 142 (padma.7.17.142)

यस्मादल्पतमं नास्ति यस्मान्नास्ति महत्तमम् । येन व्याप्तं जगत्सर्वं त्वया तस्मै नमोऽस्तु ते

yasmādalpatamaṁ nāsti yasmānnāsti mahattamam yena vyāptaṁ jagatsarvaṁ tvayā tasmai namo'stu te

Than which nothing is smaller, than which nothing is greater, by which this whole universe is pervaded — homage to you in that form.

Verse 143 (padma.7.17.143)

नेत्राभ्यां यस्यदेवस्य सूर्योऽजनि दिवाकरः । मुखादग्निश्च जायेत तव तस्मै नमोऽस्तु ते

netrābhyāṁ yasyadevasya sūryo'jani divākaraḥ mukhādagniśca jāyeta tava tasmai namo'stu te

From whose eyes the sun, the maker of day, was born, from whose mouth fire arose — homage to you in that form.

Verse 144 (padma.7.17.144)

यस्य श्रोत्राद्वायवोऽपि जाताः प्राणाश्च केशव । तव तस्मै सुरश्रेष्ठ नमोऽस्तु मम सर्वदा

yasya śrotrādvāyavo'pi jātāḥ prāṇāśca keśava tava tasmai suraśreṣṭha namo'stu mama sarvadā

Keshava, from whose ears the winds and the vital breaths themselves were born — O best of gods, homage to you in that form, always.

Verse 145 (padma.7.17.145)

लक्ष्मीर्यस्य सदा क्रोडे श्यामाङ्गस्य सुनिर्वृता । सौदामिनीव मेघस्य तव तस्मै नमोऽस्तु ते

lakṣmīryasya sadā kroḍe śyāmāṅgasya sunirvṛtā saudāminīva meghasya tava tasmai namo'stu te

In whose lap Lakshmi ever dwells in perfect contentment, dark-limbed one, as lightning dwells in a cloud — homage to you in that form.

Verse 146 (padma.7.17.146)

गंतुं महिम्नां सीमानं ब्रह्माद्या अपि निर्जराः । न शक्नुवंति वै यस्य तव तस्मै नमोऽस्तु ते

gaṁtuṁ mahimnāṁ sīmānaṁ brahmādyā api nirjarāḥ na śaknuvaṁti vai yasya tava tasmai namo'stu te

Whose glory's furthest bound not even Brahma and the other immortal gods are able to reach — homage to you in that form.

Verse 147 (padma.7.17.147)

धर्माणां स्थापनार्थाय विनाशाय च पापिनाम् । युगेयुगे यः प्रभवेत्तस्मै तुभ्यं नमोऽस्तु मे

dharmāṇāṁ sthāpanārthāya vināśāya ca pāpinām yugeyuge yaḥ prabhavettasmai tubhyaṁ namo'stu me

Who, for the establishment of dharma and the destruction of the wicked, comes into being in age after age — homage to you.

Verse 148 (padma.7.17.148)

मायया मोहितं येन जगदेतन्महात्मना । क्षिणोति मायया शंभुर्यस्तस्मै ते नमोऽस्तु मे

māyayā mohitaṁ yena jagadetanmahātmanā kṣiṇoti māyayā śaṁbhuryastasmai te namo'stu me

O great one, by whose maya this whole world is deluded, and by whose maya even Shambhu (Shiva) brings about its dissolution — homage to you.

Verse 149 (padma.7.17.149)

भक्तिमात्रेण यस्तुष्टो न धनैर्न स्तवैस्तथा । न दानैर्न तपोभिश्च तस्मै तुभ्यं नमोऽस्तु मे

bhaktimātreṇa yastuṣṭo na dhanairna stavaistathā na dānairna tapobhiśca tasmai tubhyaṁ namo'stu me

Who is pleased by devotion alone, not by wealth, nor by praises, nor by charitable gifts, nor by austerities — homage to you.

Verse 150 (padma.7.17.150)

गवां च ब्राह्मणानां च साधूनां च हितं तथा । कृपां च कुरुते यस्तु तस्मै तुभ्यं नमोऽस्तु मे

gavāṁ ca brāhmaṇānāṁ ca sādhūnāṁ ca hitaṁ tathā kṛpāṁ ca kurute yastu tasmai tubhyaṁ namo'stu me

Who acts for the welfare of cows, brahmins, and the virtuous, and shows them compassion — homage to you.

Verse 151 (padma.7.17.151)

अनाथानां च बंधूनां योगिनां दुःखिनां तथा । दुःखं हरति यो देवस्तस्मै तुभ्यं नमोऽस्तु मे

anāthānāṁ ca baṁdhūnāṁ yogināṁ duḥkhināṁ tathā duḥkhaṁ harati yo devastasmai tubhyaṁ namo'stu me

The god who takes away the sorrow of the orphaned, of kinsmen, of yogis, and of the suffering — homage to you.

Verse 152 (padma.7.17.152)

मनुष्येषु च देवेषु गजेषु सकलेषु च । वर्तते यः समत्वेन तस्मै तुभ्यं नमोऽस्तु मे

manuṣyeṣu ca deveṣu gajeṣu sakaleṣu ca vartate yaḥ samatvena tasmai tubhyaṁ namo'stu me

Who abides with the same equanimity among men, gods, and all elephants alike — homage to you.

Verse 153 (padma.7.17.153)

यस्मिंस्तुष्टे पर्वतोऽपि सद्य एव तृणायते । शैलीयते तृणं रुष्टे तस्मै तुभ्यं नमोऽस्तु मे

yasmiṁstuṣṭe parvato'pi sadya eva tṛṇāyate śailīyate tṛṇaṁ ruṣṭe tasmai tubhyaṁ namo'stu me

At whose pleasure even a mountain instantly becomes as light as a blade of grass, and at whose displeasure a blade of grass becomes as heavy as a mountain — homage to you.

Verse 154 (padma.7.17.154)

पुण्यानां च यथा पुण्ये निजे पुत्रे यथा पितुः । यथा पत्यौ सतीनां च तथा त्वयि ममास्तु वै

puṇyānāṁ ca yathā puṇye nije putre yathā pituḥ yathā patyau satīnāṁ ca tathā tvayi mamāstu vai

As the pure of heart cling to merit, as a father clings to his own son, as virtuous wives cling to their husbands — so may my mind ever cling to you.

Verse 155 (padma.7.17.155)

यूनां चित्तं यथा स्त्रीषु लुब्धानां च यथा धने । क्षुधितानां यथा चान्ने तथा त्वयि ममास्तु वै

yūnāṁ cittaṁ yathā strīṣu lubdhānāṁ ca yathā dhane kṣudhitānāṁ yathā cānne tathā tvayi mamāstu vai

As the minds of young men cling to women, as the minds of the greedy cling to wealth, as the minds of the hungry cling to food — so may my mind ever cling to you.

Verse 156 (padma.7.17.156)

घर्मार्तानां यथा चन्द्रे शीतार्तानां रवाविति । तृषार्तानां यथा तोये तथा त्वयि ममास्तु वै

gharmārtānāṁ yathā candre śītārtānāṁ ravāviti tṛṣārtānāṁ yathā toye tathā tvayi mamāstu vai

As the minds of the heat-afflicted cling to the moon, as the minds of the cold-afflicted cling to the sun, as the minds of the thirst-afflicted cling to water — so may my mind ever cling to you.

Verse 157 (padma.7.17.157)

यन्मया बुद्धिहीनेन गुरुस्त्रीगमनं कृतम् । तत्पातकं क्षयं यातु भवंतं पश्यतो मम

yanmayā buddhihīnena gurustrīgamanaṁ kṛtam tatpātakaṁ kṣayaṁ yātu bhavaṁtaṁ paśyato mama

The sin of approaching my teacher's wife, which I, devoid of sense, have committed — may that sin, before your very sight, be destroyed.

Verse 158 (padma.7.17.158)

अवध्यानां वधो यस्तु मायामोहवता कृतः । तत्पातकं क्षयं यातु भवंतंपश्यतो मम

avadhyānāṁ vadho yastu māyāmohavatā kṛtaḥ tatpātakaṁ kṣayaṁ yātu bhavaṁtaṁpaśyato mama

The sin of slaying those who should never be slain, which I, deluded by maya, have committed — may that sin, before your sight, be destroyed.

Verse 159 (padma.7.17.159)

अपेयपानं च मया विहितं परमेश्वर । तत्पातकं क्षयं यातु भवं तं पश्यतो मम

apeyapānaṁ ca mayā vihitaṁ parameśvara tatpātakaṁ kṣayaṁ yātu bhavaṁ taṁ paśyato mama

O Supreme Lord, the sin of drinking what should never be drunk, which I have committed — may that sin, before your sight, be destroyed.

Verse 160 (padma.7.17.160)

अप्सुयोनौ तथा तोये यद्रेतः सेचनं कृतम् । तत्पातकं क्षयं यातु भवंतं पश्यतो मम

apsuyonau tathā toye yadretaḥ secanaṁ kṛtam tatpātakaṁ kṣayaṁ yātu bhavaṁtaṁ paśyato mama

The sin of spilling seed into water, or into what is born of water, which I have committed — may that sin, before your sight, be destroyed.

Verse 161 (padma.7.17.161)

भ्रूणहत्या कृता या च रेतसां सेचनं भुवि । तत्पातकं क्षयं यातु भवंतं पश्यतो मम

bhrūṇahatyā kṛtā yā ca retasāṁ secanaṁ bhuvi tatpātakaṁ kṣayaṁ yātu bhavaṁtaṁ paśyato mama

The sin of destroying an embryo, and the sin of spilling seed upon the earth, which I have committed — may that sin, before your sight, be destroyed.

Verse 162 (padma.7.17.162)

विश्वासघातकं यञ्च अज्ञात्वा मा यया कृतम् । तत्पातकं क्षयं यातु भवंतं पश्यतो मम

viśvāsaghātakaṁ yañca ajñātvā mā yayā kṛtam tatpātakaṁ kṣayaṁ yātu bhavaṁtaṁ paśyato mama

The sin of betraying trust, committed by me unknowingly — may that sin, before your sight, be destroyed.

Verse 163 (padma.7.17.163)

असत्यवचनं यच्च मया प्रोक्तं क्षणे क्षणे । तत्पातकं क्षयं यातु भवंतं पश्यतोमम

asatyavacanaṁ yacca mayā proktaṁ kṣaṇe kṣaṇe tatpātakaṁ kṣayaṁ yātu bhavaṁtaṁ paśyatomama

The sin of the falsehoods I have uttered again and again, moment after moment — may that sin, before your sight, be destroyed.

Verse 164 (padma.7.17.164)

सतां निंदा कृता या च परहिंसा च सर्वदा । तत्पातकं क्षयंयातु भवंतं पश्यतो मम

satāṁ niṁdā kṛtā yā ca parahiṁsā ca sarvadā tatpātakaṁ kṣayaṁyātu bhavaṁtaṁ paśyato mama

The sin of slandering the virtuous, and the constant harm I have done to others — may that sin, before your sight, be destroyed.

Verse 165 (padma.7.17.165)

श्लेष्मा च कफकं चैव यद्वक्त्रे च मया कृतम् । तत्पातकं क्षयं यातु भवंतं पश्यतो मम

śleṣmā ca kaphakaṁ caiva yadvaktre ca mayā kṛtam tatpātakaṁ kṣayaṁ yātu bhavaṁtaṁ paśyato mama

The sin of spitting phlegm and mucus in improper places, which I have done — may that sin, before your sight, be destroyed.

Verse 166 (padma.7.17.166)

वनस्पतिगते सोमे यत्कृतं तरुघातनम् । तत्पातकं क्षयं यातु भवंतं पश्यतो मम

vanaspatigate some yatkṛtaṁ tarughātanam tatpātakaṁ kṣayaṁ yātu bhavaṁtaṁ paśyato mama

The sin of felling trees, even while the moon-god dwells within the trees — may that sin, before your sight, be destroyed.

Verse 167 (padma.7.17.167)

पथि देवालये गोष्ठे मूलमंत्रं च यत्कृतम् । तत्पातकं क्षयं यातु भवंतं पश्यतो मम

pathi devālaye goṣṭhe mūlamaṁtraṁ ca yatkṛtam tatpātakaṁ kṣayaṁ yātu bhavaṁtaṁ paśyato mama

The sin of relieving myself on the roadway, in a temple, or in a cowshed — may that sin, before your sight, be destroyed.

Verse 168 (padma.7.17.168)

अभक्तिर्वितता या च पितुर्मातुश्च केशव । तत्पातकं क्षयं यातु भवंतं पश्यतो मम

abhaktirvitatā yā ca piturmātuśca keśava tatpātakaṁ kṣayaṁ yātu bhavaṁtaṁ paśyato mama

Keshava, the sin of my prolonged lack of devotion toward my father and mother — may that sin, before your sight, be destroyed.

Verse 169 (padma.7.17.169)

स्नानार्थं भोजनार्थं च गच्छन्यस्तु निवारितः । तत्पातकंक्षयंयातुभवंतंपश्यतोमम

snānārthaṁ bhojanārthaṁ ca gacchanyastu nivāritaḥ tatpātakaṁkṣayaṁyātubhavaṁtaṁpaśyatomama

The sin of hindering someone on their way to bathe or to eat — may that sin, before your sight, be destroyed.

Verse 170 (padma.7.17.170)

एकादश्यांसुरश्रेष्ठयन्मयाभोजनंकृतम् । तत्पातकं क्षयं यातु भवंतं पश्यतो मम

ekādaśyāṁsuraśreṣṭhayanmayābhojanaṁkṛtam tatpātakaṁ kṣayaṁ yātu bhavaṁtaṁ paśyato mama

O best of gods, the sin of eating food on the Ekadashi fast day — may that sin, before your sight, be destroyed.

Verse 171 (padma.7.17.171)

अतिथिर्गृहमागच्छन्पूजितो न मया प्रभो । तत्पातकं क्षयं यातु भवंतं पश्यतो मम

atithirgṛhamāgacchanpūjito na mayā prabho tatpātakaṁ kṣayaṁ yātu bhavaṁtaṁ paśyato mama

Lord, the sin of failing to honor a guest who came to my house — may that sin, before your sight, be destroyed.

Verse 172 (padma.7.17.172)

द्वादश्यां च दशम्यां च कृतं यच्च द्विभोजनम् । तत्पातकं क्षयं यातु भवंतं पश्यतो मम

dvādaśyāṁ ca daśamyāṁ ca kṛtaṁ yacca dvibhojanam tatpātakaṁ kṣayaṁ yātu bhavaṁtaṁ paśyato mama

The sin of eating twice on the Dvadashi and Dashami days — may that sin, before your sight, be destroyed.

Verse 173 (padma.7.17.173)

निवारणं कृतं यच्च पानार्थं धावती गवाम् । तत्पातकं क्षयं यातु भवंतं पश्यतो मम

nivāraṇaṁ kṛtaṁ yacca pānārthaṁ dhāvatī gavām tatpātakaṁ kṣayaṁ yātu bhavaṁtaṁ paśyato mama

The sin of stopping cows running eagerly to drink water — may that sin, before your sight, be destroyed.

Verse 174 (padma.7.17.174)

असमाप्य परित्यक्तं व्रतमारभ्य यन्मया । तत्पातकं क्षयं यातु भवंतं पश्यतो मम

asamāpya parityaktaṁ vratamārabhya yanmayā tatpātakaṁ kṣayaṁ yātu bhavaṁtaṁ paśyato mama

The sin of abandoning, unfinished, a vow which I had begun — may that sin, before your sight, be destroyed.

Verse 175 (padma.7.17.175)

कूटसाक्ष्यं निरुक्तं यन्मित्रवात्सल्यतो मया । तत्पातकं क्षयं यातु भवंतं पश्यतो मम

kūṭasākṣyaṁ niruktaṁ yanmitravātsalyato mayā tatpātakaṁ kṣayaṁ yātu bhavaṁtaṁ paśyato mama

The sin of giving false witness out of fondness for a friend — may that sin, before your sight, be destroyed.

Verse 176 (padma.7.17.176)

ऋतुकालाभिगमनं निजपत्न्यां कृतं न यत् । तत्पातकं क्षयं यातु भवंतं पश्यतो मम

ṛtukālābhigamanaṁ nijapatnyāṁ kṛtaṁ na yat tatpātakaṁ kṣayaṁ yātu bhavaṁtaṁ paśyato mama

The sin of failing to go to my own wife during her fertile season — may that sin, before your sight, be destroyed.

Verse 177 (padma.7.17.177)

असंस्कृते गृहे यच्च भोजनं विहितं मया । तत्पातकं क्षयं यातु भवंतं पश्यतो मम

asaṁskṛte gṛhe yacca bhojanaṁ vihitaṁ mayā tatpātakaṁ kṣayaṁ yātu bhavaṁtaṁ paśyato mama

The sin of eating food in an unpurified house — may that sin, before your sight, be destroyed.

Verse 178 (padma.7.17.178)

ग्रामयाचकवृत्तिश्च या मया नृहरे कृता । तत्पातकं क्षयं यातु भवंतं पश्यतो मम

grāmayācakavṛttiśca yā mayā nṛhare kṛtā tatpātakaṁ kṣayaṁ yātu bhavaṁtaṁ paśyato mama

O Man-Lion, the sin of taking up the low occupation of begging from village to village — may that sin, before your sight, be destroyed.

Verse 179 (padma.7.17.179)

दण्ड्यमाने मया भूपे प्रभुत्वं यत्कृतं प्रभो । तत्पातकं क्षयं यातु भवंतं पश्यतो मम

daṇḍyamāne mayā bhūpe prabhutvaṁ yatkṛtaṁ prabho tatpātakaṁ kṣayaṁ yātu bhavaṁtaṁ paśyato mama

Lord, the sin of asserting my own authority even while being justly punished by the king — may that sin, before your sight, be destroyed.

Verse 180 (padma.7.17.180)

पौराणिककथामध्ये यो विघ्नो विहितो मया । तत्पातकं क्षयं यातु भवंतं पश्यतो मम

paurāṇikakathāmadhye yo vighno vihito mayā tatpātakaṁ kṣayaṁ yātu bhavaṁtaṁ paśyato mama

The sin of causing disturbance in the midst of a Puranic recitation — may that sin, before your sight, be destroyed.

Verse 181 (padma.7.17.181)

आदरेण मया या च परपाककथा श्रुता । तत्पातकं क्षयं यातु भवंतं पश्यतो मम

ādareṇa mayā yā ca parapākakathā śrutā tatpātakaṁ kṣayaṁ yātu bhavaṁtaṁ paśyato mama

The sin of listening, with relish, to gossip about another's kitchen — may that sin, before your sight, be destroyed.

Verse 182 (padma.7.17.182)

अश्वत्थच्छेदनं यच्च धात्र्याश्च च्छेदनं कृतम् । तत्पातकं क्षयं यातु भवंतं पश्यतो मम

aśvatthacchedanaṁ yacca dhātryāśca cchedanaṁ kṛtam tatpātakaṁ kṣayaṁ yātu bhavaṁtaṁ paśyato mama

The sin of cutting down an ashvattha tree, and cutting down an amla tree — may that sin, before your sight, be destroyed.

Verse 183 (padma.7.17.183)

दधिदुग्धघृतानां च विक्रयो यः कृतो मया । तत्पातकं क्षयं यातु भवंतं पश्यतो मम

dadhidugdhaghṛtānāṁ ca vikrayo yaḥ kṛto mayā tatpātakaṁ kṣayaṁ yātu bhavaṁtaṁ paśyato mama

The sin of trading in curd, milk, and ghee for profit — may that sin, before your sight, be destroyed.

Verse 184 (padma.7.17.184)

आशां दत्वा परेभ्यश्च कृता सा निष्फला मया । तत्पातकं क्षयं यातु भवंतं पश्यतो मम

āśāṁ datvā parebhyaśca kṛtā sā niṣphalā mayā tatpātakaṁ kṣayaṁ yātu bhavaṁtaṁ paśyato mama

The sin of raising others' hopes and then leaving them unfulfilled — may that sin, before your sight, be destroyed.

Verse 185 (padma.7.17.185)

द्विजाश्च याचकाश्चैव कोपदृष्ट्या मयेक्षिताः । तत्पातकं क्षयं यातु भवंतं पश्यतो मम

dvijāśca yācakāścaiva kopadṛṣṭyā mayekṣitāḥ tatpātakaṁ kṣayaṁ yātu bhavaṁtaṁ paśyato mama

The sin of looking upon brahmins and supplicants with an angry eye — may that sin, before your sight, be destroyed.

Verse 186 (padma.7.17.186)

जीवनोपायदातारः कोपान्निर्भर्त्सिता मया । तत्पातकं क्षयं यातु भवंतं पश्यतो मम

jīvanopāyadātāraḥ kopānnirbhartsitā mayā tatpātakaṁ kṣayaṁ yātu bhavaṁtaṁ paśyato mama

The sin of scorning, in anger, those who gave me my livelihood — may that sin, before your sight, be destroyed.

Verse 187 (padma.7.17.187)

बहुनात्र किमुक्तेन बहुजन्मार्जितानि च । क्षयं गतानि पापानि भवंतं पश्यतो मम

bahunātra kimuktena bahujanmārjitāni ca kṣayaṁ gatāni pāpāni bhavaṁtaṁ paśyato mama

What more need be said here? Before your very sight, all the sins accumulated across my many births have been utterly destroyed.

Verse 188 (padma.7.17.188)

कृतार्थोऽस्मि कृतार्थोऽस्मि कृतार्थोऽस्मि न संशयः । नमस्तुभ्यं नमस्तुभ्यं नमस्तुभ्यं जगत्पते

kṛtārtho'smi kṛtārtho'smi kṛtārtho'smi na saṁśayaḥ namastubhyaṁ namastubhyaṁ namastubhyaṁ jagatpate

I am fulfilled, I am fulfilled, I am fulfilled — of this there is no doubt. Homage to you, homage to you, homage to you, O Lord of the world.

Verse 189 (padma.7.17.189)

इत्युक्त्वाऽसौ द्विजो भक्त्या पुलकांचितविग्रहः । पपात जैमिने विष्णोश्चारुपादांबुजद्वये

ityuktvā'sau dvijo bhaktyā pulakāṁcitavigrahaḥ papāta jaimine viṣṇoścārupādāṁbujadvaye

O Jaimini, having said this, that brahmin, his body thrilling with devotion, fell prostrate at Vishnu's two beautiful lotus feet.

Verse 190 (padma.7.17.190)

श्रीभगवानुवाच- उत्तिष्ठोत्तिष्ठ ते विप्र तुष्टोऽस्मि तव भक्तितः । किंतेऽभिलषितं ब्रूहि तत्ते दास्याम्यहं ध्रुवम्

śrībhagavānuvāca- uttiṣṭhottiṣṭha te vipra tuṣṭo'smi tava bhaktitaḥ kiṁte'bhilaṣitaṁ brūhi tatte dāsyāmyahaṁ dhruvam

The Blessed Lord said: Rise, rise, brahmin! I am pleased by your devotion. Tell me what you desire — I shall surely grant it to you.

Verse 191 (padma.7.17.191)

भद्रतनुरुवाच- परमेश्वरगोविन्द दयालो परमाच्युत । यत्संप्रति मया प्राप्तं तत्केन भुवि लभ्यते

bhadratanuruvāca- parameśvaragovinda dayālo paramācyuta yatsaṁprati mayā prāptaṁ tatkena bhuvi labhyate

Bhadratanu said: O Supreme Lord Govinda, O merciful one, O supreme Imperishable One, who else on this earth could ever attain what I have just now attained?

Verse 192 (padma.7.17.192)

तथाप्येकं वरं याचे मुरारे तव सन्निधौ । जन्मजन्मनिमे भक्तिस्त्वय्यस्तु सुदृढा प्रभो

tathāpyekaṁ varaṁ yāce murāre tava sannidhau janmajanmanime bhaktistvayyastu sudṛḍhā prabho

Yet, O foe of Mura, in your very presence I ask one boon — Lord, may my firm devotion to you remain, birth after birth.

Verse 193 (padma.7.17.193)

मया कृतमिदं स्तोत्रं यः पठेद्भक्तितो नरः । तस्याभिलषितं सर्वं प्रसन्नस्त्वं प्रदास्यसि

mayā kṛtamidaṁ stotraṁ yaḥ paṭhedbhaktito naraḥ tasyābhilaṣitaṁ sarvaṁ prasannastvaṁ pradāsyasi

And whoever recites this hymn composed by me, with devotion — may you, pleased, grant that person all that he desires.

Verse 194 (padma.7.17.194)

श्रीभगवानुवाच- दत्तोऽयं ते वरः कोऽपि विप्र नास्त्यत्र संशयः । किंतु त्वया सह प्राज्ञ सख्यं कर्तुं मयेष्यते

śrībhagavānuvāca- datto'yaṁ te varaḥ ko'pi vipra nāstyatra saṁśayaḥ kiṁtu tvayā saha prājña sakhyaṁ kartuṁ mayeṣyate

The Blessed Lord said: This boon is granted to you, brahmin, without any doubt. But, wise one, I wish to form a bond of friendship with you.

Verse 195 (padma.7.17.195)

न मे सेवकयोग्यास्ते भवानहमिह द्विज । अतः सख्यं प्रविवृतं त्वया सह मयाधुना

na me sevakayogyāste bhavānahamiha dvija ataḥ sakhyaṁ pravivṛtaṁ tvayā saha mayādhunā

You are not fit to be a mere servant of mine, brahmin — here you and I stand as equals; therefore I now openly extend friendship to you.

Verse 196 (padma.7.17.196)

व्यास उवाच- ततो नारायणो देवो दयालुर्भक्तवत्सलः । चकार जैमिने सख्यं तेन पुण्यात्मना सह

vyāsa uvāca- tato nārāyaṇo devo dayālurbhaktavatsalaḥ cakāra jaimine sakhyaṁ tena puṇyātmanā saha

Vyasa said: O Jaimini, then the merciful god Narayana, who cherishes his devotees, formed a bond of friendship with that virtuous soul.

Verse 197 (padma.7.17.197)

निजकण्ठगतां मालां ददौ तस्मै मुदा हरिः । सोऽपि विप्रो ददौ भक्त्या हरेस्तुलसिकास्रजम्

nijakaṇṭhagatāṁ mālāṁ dadau tasmai mudā hariḥ so'pi vipro dadau bhaktyā harestulasikāsrajam

Hari joyfully gave him the garland from around his own neck, and the brahmin, in turn, devotedly offered Hari a garland of tulasi.

Verse 198 (padma.7.17.198)

प्रसार्य चतुरो बाहूंस्तमालिंगितवान्हरिः । स विप्रोऽपि मुदा विष्णुं तमालिंगितवान्प्रभुः

prasārya caturo bāhūṁstamāliṁgitavānhariḥ sa vipro'pi mudā viṣṇuṁ tamāliṁgitavānprabhuḥ

Hari, spreading out his four arms, embraced him, and the brahmin too, joyfully, embraced the Lord Vishnu.

Verse 199 (padma.7.17.199)

इत्थं कृत्वा हरिः सख्यं तेनाग्रजन्मना सह । भक्तिग्राही दयालुः स तत्रैवांतरधीयत

itthaṁ kṛtvā hariḥ sakhyaṁ tenāgrajanmanā saha bhaktigrāhī dayāluḥ sa tatraivāṁtaradhīyata

Having thus formed this friendship with that brahmin, Hari — merciful, ever receptive to devotion — vanished from that very place.

Verse 200 (padma.7.17.200)

ततः प्रतिदिनं तत्र क्षेत्रे च पुरुषोत्तमे । आरेभे कंदुकक्रीडां हरिस्तेनाग्रजन्मना

tataḥ pratidinaṁ tatra kṣetre ca puruṣottame ārebhe kaṁdukakrīḍāṁ haristenāgrajanmanā

After that, in that field of Purushottama, Hari began, each and every day, to play at ball together with that brahmin.

Verse 201 (padma.7.17.201)

कदाचिद्दुर्बलं दृष्ट्वा तं विप्रं करुणामयः । उवाच वाचं विप्रर्षेमित्रवात्सल्यतो हरिः

kadāciddurbalaṁ dṛṣṭvā taṁ vipraṁ karuṇāmayaḥ uvāca vācaṁ viprarṣemitravātsalyato hariḥ

Once, seeing that brahmin grown weak, the compassionate Hari spoke to him, out of the fondness of friendship.

Verse 202 (padma.7.17.202)

श्रीभगवानुवाच- सखे कथं दुर्बलस्त्वं हृतं केन धनं तव । हृदि का वा च ते चिन्ता सखे तद्वक्तुमर्हसि

śrībhagavānuvāca- sakhe kathaṁ durbalastvaṁ hṛtaṁ kena dhanaṁ tava hṛdi kā vā ca te cintā sakhe tadvaktumarhasi

The Blessed Lord said: Friend, why are you so weak? Who has taken your wealth? What worry lies in your heart? You should tell me, friend.

Verse 203 (padma.7.17.203)

भद्रतनुरुवाच- त्वत्प्रीतये जगन्नाथ नित्यमेव मया तपः । क्रियते तेन मे गात्रं याति दुर्बलतां प्रभो

bhadratanuruvāca- tvatprītaye jagannātha nityameva mayā tapaḥ kriyate tena me gātraṁ yāti durbalatāṁ prabho

Bhadratanu said: Lord of the world, to please you I perform penance every single day; because of that, my Lord, my body has grown weak.

Verse 204 (padma.7.17.204)

श्रीभगवानुवाच- यथा त्वयि प्रसन्नोऽस्मि कस्मिंश्च न तथा सखे । कायक्लेशं पुनः कस्मात्करोषि द्विजसत्तम

śrībhagavānuvāca- yathā tvayi prasanno'smi kasmiṁśca na tathā sakhe kāyakleśaṁ punaḥ kasmātkaroṣi dvijasattama

The Blessed Lord said: Friend, I am pleased with you as with no one else; then why, best of brahmins, do you keep tormenting your body?

Verse 205 (padma.7.17.205)

दुर्बलं त्वां समालोक्य हृदि मे जायते व्यथा । कायक्लेशमतः सर्वं जहीहि द्विजसत्तम

durbalaṁ tvāṁ samālokya hṛdi me jāyate vyathā kāyakleśamataḥ sarvaṁ jahīhi dvijasattama

Seeing you so weak, pain arises in my own heart; therefore, best of brahmins, give up entirely this torment of the body.

Verse 206 (padma.7.17.206)

निजोत्तरीयैर्निजवस्त्रभूषण्सुचारुचामीकरकुड्मलाभ्याम् । स्वहस्तराजद्वलयैश्च विप्रः स्वयं सुरेशेन च मंडितोऽसौ

nijottarīyairnijavastrabhūṣaṇsucārucāmīkarakuḍmalābhyām svahastarājadvalayaiśca vipraḥ svayaṁ sureśena ca maṁḍito'sau

Then the Lord of the gods himself adorned that brahmin with his own upper garment, his own robes and ornaments, his lovely golden earrings, and the bracelets that graced his own arms.

Verse 207 (padma.7.17.207)

किरीटमानीय निजाल्ललाटात्पादाच्च पादांगदयुग्ममीशः । सुवर्णहारं निजकंठदेशात्तस्मै ददौ विप्रवराय कृष्णः

kirīṭamānīya nijāllalāṭātpādācca pādāṁgadayugmamīśaḥ suvarṇahāraṁ nijakaṁṭhadeśāttasmai dadau vipravarāya kṛṣṇaḥ

Lord Krishna took the crown from his own forehead, the pair of anklets from his own feet, and the golden necklace from around his own throat, and gave them all to that best of brahmins.

Verse 208 (padma.7.17.208)

तैर्भूषणैः श्रीहरिणा प्रदत्तैर्विभूषितोऽयं सुकृती द्विजन्मा । क्रीडेत्सदा कंदुककेलिवेत्ता कृष्णेन कृष्णांबुजसुंदरेण

tairbhūṣaṇaiḥ śrīhariṇā pradattairvibhūṣito'yaṁ sukṛtī dvijanmā krīḍetsadā kaṁdukakelivettā kṛṣṇena kṛṣṇāṁbujasuṁdareṇa

Adorned with those ornaments given by Sri Hari, that meritorious, twice-born man, skilled in the game of ball, would ever play together with Krishna, dark and lovely as a lotus.

Verse 209 (padma.7.17.209)

तमेकदा भूषणभूषिताड्गं तांबूलरागारुचिरोष्ठयुग्मम् । दिव्यांबरं चारुतरोत्तरीयं स्मेराननं तत्र ददर्श दांतः

tamekadā bhūṣaṇabhūṣitāḍgaṁ tāṁbūlarāgāruciroṣṭhayugmam divyāṁbaraṁ cārutarottarīyaṁ smerānanaṁ tatra dadarśa dāṁtaḥ

One day Danta saw him there — his limbs adorned with ornaments, his two lips lovely, reddened with betel, in divine robes, a most beautiful upper garment, his face wreathed in smiles.

Verse 210 (padma.7.17.210)

दांत उवाच- भद्र भद्रतनोऽद्यापि पापदृष्टिं न मुंचसि । दृष्ट्वापि भवतः कार्यं निंदितं सकलैर्जनैः

dāṁta uvāca- bhadra bhadratano'dyāpi pāpadṛṣṭiṁ na muṁcasi dṛṣṭvāpi bhavataḥ kāryaṁ niṁditaṁ sakalairjanaiḥ

Danta said: Good Bhadratanu, even now you have not given up your sinful outlook! Seeing this conduct of yours, everyone would surely condemn it.

Verse 211 (padma.7.17.211)

शिष्यः कृतस्त्वं यस्मान्मे सर्वमेव हि भूषणम् । अहंयुश्चापि दुःशीलो निर्दयः पापतत्परः

śiṣyaḥ kṛtastvaṁ yasmānme sarvameva hi bhūṣaṇam ahaṁyuścāpi duḥśīlo nirdayaḥ pāpatatparaḥ

Since you became my disciple, all this ornament-wearing is unbecoming; the arrogant, the ill-mannered, the merciless, the sin-inclined —

Verse 212 (padma.7.17.212)

गुरुकीर्तिविनाशी च पंचैते शिष्यपांसुलाः । अभक्तो बहुभाषी च तथा चंचलमानसः

gurukīrtivināśī ca paṁcaite śiṣyapāṁsulāḥ abhakto bahubhāṣī ca tathā caṁcalamānasaḥ

— and the one who destroys his guru's reputation — these five are the disgrace of disciples; the undevoted, the talkative, and the fickle-minded —

Verse 213 (padma.7.17.213)

परोक्षगुरुनिंदाकृत्प्रोक्ताः शिष्याधमा इमे । चरित्रमुत्तमं ज्ञात्वा शिष्यः कार्यो विचक्षणैः

parokṣaguruniṁdākṛtproktāḥ śiṣyādhamā ime caritramuttamaṁ jñātvā śiṣyaḥ kāryo vicakṣaṇaiḥ

— and one who reviles his guru behind his back — these are called the lowest of disciples. The wise should accept someone as a disciple only after knowing his character to be excellent.

Verse 214 (padma.7.17.214)

यतो दुर्जनगा विद्या गुरूणां चापि दुःखदा । कीर्तिदास्तैश्च या विद्या निरुक्तास्तत्वदर्शिभिः

yato durjanagā vidyā gurūṇāṁ cāpi duḥkhadā kīrtidāstaiśca yā vidyā niruktāstatvadarśibhiḥ

For learning given to a wicked person brings sorrow even to the teacher; the seers of truth have declared that learning given to the worthy alone brings true fame —

Verse 215 (padma.7.17.215)

ता वै दुर्जनगाः सद्यो गुरोर्घ्नंति यशस्तरुम् । पापेभ्यः पुण्यकर्माणि न रोचंते कदापि च

tā vai durjanagāḥ sadyo gurorghnaṁti yaśastarum pāpebhyaḥ puṇyakarmāṇi na rocaṁte kadāpi ca

— while that same learning, given to the wicked, instantly cuts down the tree of the teacher's fame. To sinners, meritorious deeds never give any pleasure.

Verse 216 (padma.7.17.216)

न रोचते मक्षिकाभ्यः सुगन्धिचंदनं यथा । यथा मिष्टान्नपानेन न हि तृप्यंति गर्दभा

na rocate makṣikābhyaḥ sugandhicaṁdanaṁ yathā yathā miṣṭānnapānena na hi tṛpyaṁti gardabhā

Just as flies take no pleasure in fragrant sandalwood, and just as donkeys are not satisfied by sweet food and drink —

Verse 217 (padma.7.17.217)

दुर्जना न हि तृप्यंति यथा धर्मस्य चिंतया । अपकीर्तिभयाल्लक्ष्मीर्धर्मश्च सर्वकामदः

durjanā na hi tṛpyaṁti yathā dharmasya ciṁtayā apakīrtibhayāllakṣmīrdharmaśca sarvakāmadaḥ

— so too the wicked take no satisfaction in reflecting on dharma. One should hold to dharma out of fear of disgrace; for it is dharma, together with Lakshmi, that fulfills every desire.

Verse 218 (padma.7.17.218)

कदाचिन्न भजेद्दुष्टं भजेद्वा गच्छति क्षयम् । प्रतिजन्मनि या विद्या भाग्येन लभते परा

kadācinna bhajedduṣṭaṁ bhajedvā gacchati kṣayam pratijanmani yā vidyā bhāgyena labhate parā

One should never serve the wicked; and if one does, that service comes to nothing. The supreme learning that carries over birth after birth is obtained only through good fortune —

Verse 219 (padma.7.17.219)

कदाचिल्लभते वापि तदा त्वं तरते विधिः

kadācillabhate vāpi tadā tvaṁ tarate vidhiḥ

— and only when it is at last obtained, in this way, does one at last cross over, by that very destiny.

Verse 220 (padma.7.17.220)

भद्रतनुरुवाच- सत्यं ब्रवीषि विप्रर्षे नास्मि शास्त्रविशारदः । मया शिष्येण ते क्वापि नापकीर्तिर्भविष्यति

bhadratanuruvāca- satyaṁ bravīṣi viprarṣe nāsmi śāstraviśāradaḥ mayā śiṣyeṇa te kvāpi nāpakīrtirbhaviṣyati

Bhadratanu said: Sage among brahmins, you speak truly — I am no scholar of the scriptures. But because of me, your disciple, no disgrace will ever come to you.

Verse 221 (padma.7.17.221)

त्वत्प्रसादाद्दिवजश्रेष्ठ सर्वाभिलषितं मम । सिद्धिं प्रतिगतं यस्मात्त्वमेको भुवि दुर्ल्लभः

tvatprasādāddivajaśreṣṭha sarvābhilaṣitaṁ mama siddhiṁ pratigataṁ yasmāttvameko bhuvi durllabhaḥ

Best of brahmins, by your grace all my desires have been fulfilled; therefore you alone are rare indeed upon this earth.

Verse 222 (padma.7.17.222)

दांत उवाच- किं तेऽभिलषितं विप्र सिद्धिं प्रतिगतं वद । अचिरेणैव तपसां कथमुद्यापनं कृतम्

dāṁta uvāca- kiṁ te'bhilaṣitaṁ vipra siddhiṁ pratigataṁ vada acireṇaiva tapasāṁ kathamudyāpanaṁ kṛtam

Danta said: Brahmin, tell me — what desire of yours has been fulfilled? How, in so short a time, have you already completed the conclusion of your austerities?

Verse 223 (padma.7.17.223)

भद्रतनुरुवाच- स्वल्पश्रमैरपि प्राप्तं मया संदर्शनं हरेः । यस्याज्ञया गुरो त्यक्तं मया नित्यक्रियादिकम्

bhadratanuruvāca- svalpaśramairapi prāptaṁ mayā saṁdarśanaṁ hareḥ yasyājñayā guro tyaktaṁ mayā nityakriyādikam

Bhadratanu said: Guru, with very little effort I obtained the vision of Hari, and by his own command I gave up even my daily rites.

Verse 224 (padma.7.17.224)

निजोत्तरीयं वस्त्रं च सुवर्णकलशद्वयम् । स्वहस्तवलयं चापि स्वललाटकिरीटकम्

nijottarīyaṁ vastraṁ ca suvarṇakalaśadvayam svahastavalayaṁ cāpi svalalāṭakirīṭakam

He gave me his own upper garment, a pair of golden ornaments, the bracelets from his own arms, and the crown from his own forehead —

Verse 225 (padma.7.17.225)

निजपादतुलाकोटिं निजमुक्तावलीं ददौ । तथा मे भगवान्विष्णुः सुप्रीतो द्विजसत्तम

nijapādatulākoṭiṁ nijamuktāvalīṁ dadau tathā me bhagavānviṣṇuḥ suprīto dvijasattama

— and his own anklets, and his own string of pearls, all these he gave me. Best of brahmins, Lord Vishnu was thus deeply pleased with me.

Verse 226 (padma.7.17.226)

मया सह स कृत्वास्ते सख्यं सेवकदुःखहा । करोमि कंदुकाक्रीडां गुरो तेन सहानिशम्

mayā saha sa kṛtvāste sakhyaṁ sevakaduḥkhahā karomi kaṁdukākrīḍāṁ guro tena sahāniśam

He, remover of his servants' sorrow, has formed a bond of friendship with me; and, guru, I play at ball with him constantly, day and night.

Verse 227 (padma.7.17.227)

एतन्मे वचनं श्रुत्वा गच्छामि न हि यद्यपि । प्रतीत्या च मया प्रोक्तं तथापि तव सन्निधौ

etanme vacanaṁ śrutvā gacchāmi na hi yadyapi pratītyā ca mayā proktaṁ tathāpi tava sannidhau

Though hearing this, I would still never go anywhere without your leave, yet, in trust, I have told all this in your presence.

Verse 228 (padma.7.17.228)

दांत उवाच- सप्तवर्षसहस्राणि भक्त्या परमया मया । आराधितोऽपि मे विष्णुर्दर्शनं न ददौ विभुः

dāṁta uvāca- saptavarṣasahasrāṇi bhaktyā paramayā mayā ārādhito'pi me viṣṇurdarśanaṁ na dadau vibhuḥ

Danta said: For seven thousand years I have worshipped with the utmost devotion, and yet the all-powerful Vishnu has never granted me his vision.

Verse 229 (padma.7.17.229)

अहो विष्णुं समाराध्य पंचाहान्येव सत्तम । त्वया संदर्शनं प्राप्तं दैवतैरपि दुर्ल्लभम्

aho viṣṇuṁ samārādhya paṁcāhānyeva sattama tvayā saṁdarśanaṁ prāptaṁ daivatairapi durllabham

Ah, good sir, by worshipping Vishnu for a mere five days, you have obtained that very vision which even the gods find hard to attain!

Verse 230 (padma.7.17.230)

धन्योऽसि त्वं कृतार्थोऽसि साक्षाद्देवस्त्वमुच्यते । यतस्त्वया सह स्वामी प्रेम्णा सख्यं चकार ह

dhanyo'si tvaṁ kṛtārtho'si sākṣāddevastvamucyate yatastvayā saha svāmī premṇā sakhyaṁ cakāra ha

You are blessed, you are truly fulfilled, you may rightly be called a god in visible form — for the Lord himself has, out of love, formed a bond of friendship with you.

Verse 231 (padma.7.17.231)

यदा मयि तव स्नेहो विद्यते द्विजसत्तम । कथं कथय मे विप्र दुर्ल्लभं विष्णुदर्शनम्

yadā mayi tava sneho vidyate dvijasattama kathaṁ kathaya me vipra durllabhaṁ viṣṇudarśanam

Best of brahmins, if you truly have affection for me, then, brahmin, tell me — how may I too attain that rare vision of Vishnu?

Verse 232 (padma.7.17.232)

व्यास उवाच- इत्युक्तो गुरुणा विप्रो विपिने निजमाश्रमम् । जगाम विस्मितो धीमान्विष्णुभक्तिपरायणः

vyāsa uvāca- ityukto guruṇā vipro vipine nijamāśramam jagāma vismito dhīmānviṣṇubhaktiparāyaṇaḥ

Vyasa said: When his guru had spoken thus, that wise brahmin, devoted wholly to Vishnu, went off, astonished, to his own hermitage in the forest.

Verse 233 (padma.7.17.233)

अथान्यस्मिन्दिने गत्वा कंदुकक्रीडनं कृतम् । उवाचेति जगन्नाथं दयालुं विनयान्वितः

athānyasmindine gatvā kaṁdukakrīḍanaṁ kṛtam uvāceti jagannāthaṁ dayāluṁ vinayānvitaḥ

Then, on another day, going there and playing at ball, he spoke, with all humility, to the merciful Lord of the world.

Verse 234 (padma.7.17.234)

भद्रतनुरुवाच- गुरुर्हि मम देवेंद्र तव दर्शनमिच्छति । काज्ञा ते तिष्ठतो ब्रूहि दयालो कमलापते

bhadratanuruvāca- gururhi mama deveṁdra tava darśanamicchati kājñā te tiṣṭhato brūhi dayālo kamalāpate

Bhadratanu said: O Lord of gods, my own guru wishes for your vision. Merciful Consort of Lakshmi, tell me — what is your command in this?

Verse 235 (padma.7.17.235)

एकांतभक्तो विप्रोऽसौ तव पद्मनिभेक्षण । अतस्तस्मै सुरश्रेष्ठ दर्शनं दातुमर्हसि

ekāṁtabhakto vipro'sau tava padmanibhekṣaṇa atastasmai suraśreṣṭha darśanaṁ dātumarhasi

O lotus-eyed one, that brahmin is your single-minded devotee; therefore, best of gods, it is fitting that you grant him your vision.

Verse 236 (padma.7.17.236)

श्रीभगवानुवाच- अनेकजन्म विप्रेन्द्र भक्त्या परमया त्वया । पूजितोऽहमतो दत्तं दर्शनं ते मयाऽधुना

śrībhagavānuvāca- anekajanma viprendra bhaktyā paramayā tvayā pūjito'hamato dattaṁ darśanaṁ te mayā'dhunā

The Blessed Lord said: Foremost of brahmins, across many births you have worshipped me with the utmost devotion — that is why I have granted you my vision now.

Verse 237 (padma.7.17.237)

कतिचिद्दिवसांतेन मामभ्यर्च्य द्विजः स च । मां द्रष्टुमिच्छति प्राज्ञस्त्वदृश्यं दैवतैरपि

katiciddivasāṁtena māmabhyarcya dvijaḥ sa ca māṁ draṣṭumicchati prājñastvadṛśyaṁ daivatairapi

After worshipping me for only a few days, that wise brahmin wishes to see me — me, who am unseen even by the gods.

Verse 238 (padma.7.17.238)

मम सोऽपि महाभक्तो मत्सपर्यापरायणः । मम संदर्शनं तस्मात्कदाचिद्द्विज लप्स्यति

mama so'pi mahābhakto matsaparyāparāyaṇaḥ mama saṁdarśanaṁ tasmātkadāciddvija lapsyati

He too is a great devotee of mine, devoted entirely to my service; therefore, brahmin, he shall surely obtain my vision at some time.

Verse 239 (padma.7.17.239)

व्यास उवाच- इति तस्य वचः श्रुत्वा स विप्रः कमलापतिम् । इत्युवाच पुनर्भक्त्या केशवं क्लेशनाशनम्

vyāsa uvāca- iti tasya vacaḥ śrutvā sa vipraḥ kamalāpatim ityuvāca punarbhaktyā keśavaṁ kleśanāśanam

Vyasa said: Hearing his words, that brahmin again spoke, with devotion, to Keshava, the Consort of Lakshmi, destroyer of every affliction.

Verse 240 (padma.7.17.240)

भद्रतनुरुवाच- अनुग्रहोस्ति देवेश यदा मयि जगत्पते । तदा मे संमुखे देहि दर्शनं भक्तवत्सल

bhadratanuruvāca- anugrahosti deveśa yadā mayi jagatpate tadā me saṁmukhe dehi darśanaṁ bhaktavatsala

Bhadratanu said: Lord of gods, Lord of the world, if you truly have grace toward me, then, cherisher of your devotees, grant your vision directly before my guru.

Verse 241 (padma.7.17.241)

अयाचत गुरुर्देव तव दर्शनदक्षिणाम् । अहो मे गुरवे दत्वा दर्शनं पाहि मां प्रभो

ayācata gururdeva tava darśanadakṣiṇām aho me gurave datvā darśanaṁ pāhi māṁ prabho

My guru, O god, has asked of me the very "gift" of your vision. Lord, by granting my guru that vision, protect me as well.

Verse 242 (padma.7.17.242)

श्रीभगवानुवाच- यदा नूनं त्वयोत्सृष्टा मत्संदर्शनदक्षिणा । तदा गुरुं समानीय दर्शनं मम कारय

śrībhagavānuvāca- yadā nūnaṁ tvayotsṛṣṭā matsaṁdarśanadakṣiṇā tadā guruṁ samānīya darśanaṁ mama kāraya

The Blessed Lord said: Since you have indeed pledged my very vision as a gift, bring your guru here, and let him behold me.

Verse 243 (padma.7.17.243)

इत्याज्ञप्तस्ततस्तेन गुरोराश्रममुत्तमम् । ययौ भद्रतनुः प्रीत्या पुनः स्वगुरुरागतः

ityājñaptastatastena gurorāśramamuttamam yayau bhadratanuḥ prītyā punaḥ svagururāgataḥ

Thus commanded, Bhadratanu joyfully went again to his guru's excellent hermitage, and came back bringing his own guru with him.

Verse 244 (padma.7.17.244)

तस्मिन्विप्रे समायाते दान्ते दातृवरे हरिः । आत्मानं दर्शयामास सर्वलक्षणसंयुतम्

tasminvipre samāyāte dānte dātṛvare hariḥ ātmānaṁ darśayāmāsa sarvalakṣaṇasaṁyutam

When that brahmin Danta, greatest among givers, had arrived, Hari showed him his own form, complete with every mark of divinity.

Verse 245 (padma.7.17.245)

ततो हरिं समालोक्य स विप्रो हरिभक्तिकृत् । बद्धाञ्जलिस्तमस्तौषीद्धर्षबाष्पविलोचनः

tato hariṁ samālokya sa vipro haribhaktikṛt baddhāñjalistamastauṣīddharṣabāṣpavilocanaḥ

Then, beholding Hari, that brahmin, devoted wholly to Hari, his eyes brimming with tears of joy, joined his palms and began to praise him.

Verse 246 (padma.7.17.246)

दांत उवाच- दयालो कमलाकांत शरणागतपालक । नमस्तुभ्यं नमस्तुभ्यं नमस्तुभ्यं नमोनमः

dāṁta uvāca- dayālo kamalākāṁta śaraṇāgatapālaka namastubhyaṁ namastubhyaṁ namastubhyaṁ namonamaḥ

Danta said: O merciful one, beloved of Lakshmi, protector of those who take refuge in you — homage to you, homage to you, homage to you, again and again.

Verse 247 (padma.7.17.247)

अद्य मे सफलं जन्म अद्य मे सफलं तपः । अद्य मे सफलं सर्वं प्राप्तं त्वद्दर्शनं मया

adya me saphalaṁ janma adya me saphalaṁ tapaḥ adya me saphalaṁ sarvaṁ prāptaṁ tvaddarśanaṁ mayā

Today my birth has borne fruit, today my penance has borne fruit, today everything of mine has borne fruit — for I have obtained your vision.

Verse 248 (padma.7.17.248)

पूर्वमालोचितं यद्यद्वचनं श्रीपते प्रभो । सिंधुकोटिगभीरस्य प्रसृतं पुरतस्तव

pūrvamālocitaṁ yadyadvacanaṁ śrīpate prabho siṁdhukoṭigabhīrasya prasṛtaṁ puratastava

O Lord, Consort of Shri, whatever words, first carefully considered, I have uttered before you — you, deeper than millions of oceans —

Verse 249 (padma.7.17.249)

स्तोत्रं तन्नास्ति संसारे वागीशस्य जगत्पतेः । येन स्तोत्रेण ते प्रीतिं जनयिष्यामि चेतसि

stotraṁ tannāsti saṁsāre vāgīśasya jagatpateḥ yena stotreṇa te prītiṁ janayiṣyāmi cetasi

Lord of the world, there exists in this world no hymn, not even of the very Lord of Speech, by which I could truly awaken delight in your heart.

Verse 250 (padma.7.17.250)

रक्षरक्ष प्रभो रक्ष मां प्रसीद जगत्पते । त्वद्दासदासदासानां दासत्वेनापि मां वृणु । व्यास उवाच- ततः प्रहस्य देवेशो भक्तिग्राही दयामयः । करारविंदं तन्मूर्ध्नि दत्वा प्राहेति जैमिने

rakṣarakṣa prabho rakṣa māṁ prasīda jagatpate tvaddāsadāsadāsānāṁ dāsatvenāpi māṁ vṛṇu vyāsa uvāca- tataḥ prahasya deveśo bhaktigrāhī dayāmayaḥ karāraviṁdaṁ tanmūrdhni datvā prāheti jaimine

Protect me, protect me, Lord, protect me; be pleased, O Lord of the world. Accept me even as a servant of the servants of your own servants.

Verse 251 (padma.7.17.251)

श्रीभगवानुवाच- मद्भक्तोऽसि द्विजश्रेष्ठ प्राप्तं मद्दर्शनं त्वया । मत्प्रसादेन भद्रं ते सर्वमेव भविष्यति

śrībhagavānuvāca- madbhakto'si dvijaśreṣṭha prāptaṁ maddarśanaṁ tvayā matprasādena bhadraṁ te sarvameva bhaviṣyati

Vyasa said: O Jaimini, then the Lord of the gods, receiver of devotion, full of compassion, smiled, and, placing his lotus hand upon Danta's head, spoke thus.

Verse 252 (padma.7.17.252)

व्यास उवाच- तमालिङ्ग्य ततो दांतं प्रेम्णा भद्रतनुं च तम् । तत्रैवांतर्दधे विप्र सहसा परमेश्वर

vyāsa uvāca- tamāliṅgya tato dāṁtaṁ premṇā bhadratanuṁ ca tam tatraivāṁtardadhe vipra sahasā parameśvara

The Blessed Lord said: Best of brahmins, you are my devotee, and you have now obtained my vision; by my grace, everything for you shall be well.

Verse 253 (padma.7.17.253)

तस्मिन्क्षेत्रवरे पुण्ये दुर्ल्लभे पुरुषोत्तमे । क्रियायोगैर्हरिन्दृष्ट्वा दांतो धाम परं ययौ

tasminkṣetravare puṇye durllabhe puruṣottame kriyāyogairharindṛṣṭvā dāṁto dhāma paraṁ yayau

Vyasa said: Brahmin, then the Supreme Lord, embracing both Danta and Bhadratanu with love, suddenly vanished from that very place.

Verse 254 (padma.7.17.254)

सोऽपि भद्रतनुर्विप्रो हरिभक्तिपरायणः । आयुषोंते ययौ मोक्षं देवानामपि दुर्ल्लभम्

so'pi bhadratanurvipro haribhaktiparāyaṇaḥ āyuṣoṁte yayau mokṣaṁ devānāmapi durllabham

In that excellent, sacred, rare field of Purushottama, having beheld Hari through the practice of kriya-yoga, Danta went to the supreme abode.

Verse 255 (padma.7.17.255)

एकाहमपि यो भक्त्या पूजयेत्परमेश्वरम् । बहुजन्मकृतं पापं प्रीतिः संवर्द्धते हरौ

ekāhamapi yo bhaktyā pūjayetparameśvaram bahujanmakṛtaṁ pāpaṁ prītiḥ saṁvarddhate harau

That brahmin Bhadratanu too, devoted wholly to Hari, at the end of his life attained that liberation which is hard to reach even for the gods.

Verse 256 (padma.7.17.256)

अद्यापि त्रिदशाः सर्वे ब्रह्माद्या अपि जैमिने । प्रभावं न हि जानंति हरिभक्तस्य भूतले

adyāpi tridaśāḥ sarve brahmādyā api jaimine prabhāvaṁ na hi jānaṁti haribhaktasya bhūtale

Whoever worships the Supreme Lord with devotion even for a single day — the sins of his many births are destroyed, and his love for Hari continues to grow.

Verse 257 (padma.7.17.257)

कर्मभूमिरियं विप्र स्वर्गादपि च दुर्ल्लभा । यत्र विष्णुं समभ्यर्च्य मर्त्याः स्युः सुरवंदिताः

karmabhūmiriyaṁ vipra svargādapi ca durllabhā yatra viṣṇuṁ samabhyarcya martyāḥ syuḥ suravaṁditāḥ

O Jaimini, even to this day, all the gods, Brahma included, do not fully know the power of a devotee of Hari upon this earth.

Verse 258 (padma.7.17.258)

शक्राद्यास्त्रिदशाः सर्वे सुपुण्यक्षयभीरवः । अन्योन्यमपि जल्पंतोऽनिशं च द्विजसत्तम

śakrādyāstridaśāḥ sarve supuṇyakṣayabhīravaḥ anyonyamapi jalpaṁto'niśaṁ ca dvijasattama

Brahmin, this land of action (the earth) is rarer even than heaven — for here, by duly worshipping Vishnu, mortals become worthy of homage even from the gods.

Verse 259 (padma.7.17.259)

भूय एव गमिष्यामः कर्मभूमिं कदा वयम् । कदा तत्र करिष्यामः पूजां श्रीकमलापतेः

bhūya eva gamiṣyāmaḥ karmabhūmiṁ kadā vayam kadā tatra kariṣyāmaḥ pūjāṁ śrīkamalāpateḥ

Best of brahmins, all the gods, Indra foremost among them, fearful of their own merit running out, constantly speak among themselves, day and night —

Verse 260 (padma.7.17.260)

अतिधन्या इमे लोका अस्मत्तोऽपि महत्तराः । दुर्ल्लभे भारते वर्षे पूजयंति हरिं प्रभुम्

atidhanyā ime lokā asmatto'pi mahattarāḥ durllabhe bhārate varṣe pūjayaṁti hariṁ prabhum

— "When shall we again go to that land of action? When shall we there perform worship of the glorious Consort of Lakshmi?"

Verse 261 (padma.7.17.261)

अहो भारतवर्षस्य कः शक्तो गुणभाषणे । यत्राराध्य हरिं पूर्वं वयं देवत्वमागताः

aho bhāratavarṣasya kaḥ śakto guṇabhāṣaṇe yatrārādhya hariṁ pūrvaṁ vayaṁ devatvamāgatāḥ

"Those people are exceedingly blessed, greater even than us, who in that rare land of Bharata worship the Lord Hari."

Verse 262 (padma.7.17.262)

इत्थं देवगणाः सर्वे वासवाद्या द्विजोत्तम । नित्यं भारतभूभागं प्रशंसंति शुभप्रदम्

itthaṁ devagaṇāḥ sarve vāsavādyā dvijottama nityaṁ bhāratabhūbhāgaṁ praśaṁsaṁti śubhapradam

"Ah, who indeed is able to describe the virtues of the land of Bharata, where, by worshipping Hari in a former time, we ourselves attained our very godhood?"

Verse 263 (padma.7.17.263)

तत्र जन्म समासाद्य येन नाराधितो हरिः । तत्तुल्यः कोऽपि संसारे कोऽपि दृष्टः श्रुतो न च

tatra janma samāsādya yena nārādhito hariḥ tattulyaḥ ko'pi saṁsāre ko'pi dṛṣṭaḥ śruto na ca

Thus, best of brahmins, all the hosts of gods, Indra among them, constantly praise the auspicious land of Bharata.

Verse 264 (padma.7.17.264)

सत्यं सत्यं पुनरपि गद्यते सत्यमेव तत् । विश्वात्मानं सकृदपि मानवा येऽर्चयंति च

satyaṁ satyaṁ punarapi gadyate satyameva tat viśvātmānaṁ sakṛdapi mānavā ye'rcayaṁti ca

One who, having obtained birth there, still fails to worship Hari — no one his equal has ever been seen or heard of in this world.

Verse 265 (padma.7.17.265)

अप्यश्रांतं द्विज सुदृढया कर्मभूमौ च भक्त्या । मुक्ताः पापैः सुकररचितैर्यांति कैवल्यमाशु

apyaśrāṁtaṁ dvija sudṛḍhayā karmabhūmau ca bhaktyā muktāḥ pāpaiḥ sukararacitairyāṁti kaivalyamāśu

True, true — again and again this alone is declared true: whatever men, in this land of action, worship the Soul of the universe even once, or, brahmin, with unwearied and firm devotion, are freed from sins however easily committed, and swiftly attain final liberation.