The Glory of Tulasi

Verse 1 (padma.7.24.1)

सूत उवाच- एकादश्याः फलं श्रुत्वा सुप्रीतो जैमिनिस्ततः । कृताञ्जलिरुवाचेदं कृष्णद्वैपायनं प्रभुम्

sūta uvāca- ekādaśyāḥ phalaṁ śrutvā suprīto jaiministataḥ kṛtāñjaliruvācedaṁ kṛṣṇadvaipāyanaṁ prabhum

Suta said: Having heard the fruit of Ekadashi, Jaimini, greatly delighted, joined his palms and spoke thus to the Lord Krishna-Dvaipayana.

Verse 2 (padma.7.24.2)

जैमिनिरुवाच- विष्णोर्देवस्य माहात्म्यं त्वत्प्रसादाच्छ्रुतं मया । तुलस्या ब्रूहि माहात्म्यं शृण्वतां पापनाशनम्

jaiminiruvāca- viṣṇordevasya māhātmyaṁ tvatprasādācchrutaṁ mayā tulasyā brūhi māhātmyaṁ śṛṇvatāṁ pāpanāśanam

Jaimini said: By your grace I have heard the glory of the god Vishnu; now tell the glory of Tulasi, which destroys the sins of those who hear it.

Verse 3 (padma.7.24.3)

व्यास उवाच- इन्द्राद्यैर्दैवतैः सर्वैस्तुलसी भगवत्यसौ । संसेव्या सर्वदा विप्र चतुर्वर्गफलप्रदा

vyāsa uvāca- indrādyairdaivataiḥ sarvaistulasī bhagavatyasau saṁsevyā sarvadā vipra caturvargaphalapradā

Vyasa said: Brahmin, this goddess Tulasi, served by Indra and all the gods, is ever worthy of devotion, and bestows the fruit of the four goals of life.

Verse 4 (padma.7.24.4)

स्वर्गे मर्त्ये च पाताले तुलसी दुर्ल्लभा सताम् । चतुर्वर्गफलप्राप्तिस्तस्यां भक्तिः करोति वै

svarge martye ca pātāle tulasī durllabhā satām caturvargaphalaprāptistasyāṁ bhaktiḥ karoti vai

In heaven, on earth, and in the netherworld alike, Tulasi is rare even for the virtuous; devotion to her alone brings about the attainment of all four goals of life.

Verse 5 (padma.7.24.5)

यत्रैकस्तुलसीवृक्षस्तिष्ठत्यपि च सत्तम । तत्रैव त्रिदशाः सर्वे ब्रह्मविष्णुशिवादयः

yatraikastulasīvṛkṣastiṣṭhatyapi ca sattama tatraiva tridaśāḥ sarve brahmaviṣṇuśivādayaḥ

Good sir, wherever even a single tulasi plant stands, there indeed dwell Brahma, Vishnu, Shiva, and all the hosts of gods.

Verse 6 (padma.7.24.6)

केशवः पत्रमध्ये च पत्राग्रे च प्रजापतिः । पत्रवृंते शिवस्तिष्ठेत्तुलस्याः सर्वदैव हि

keśavaḥ patramadhye ca patrāgre ca prajāpatiḥ patravṛṁte śivastiṣṭhettulasyāḥ sarvadaiva hi

In the middle of the tulasi leaf dwells Keshava, at the tip of the leaf dwells Prajapati, and on the stalk dwells Shiva, always.

Verse 7 (padma.7.24.7)

लक्ष्मी सरस्वती चैव गायत्री चंडिका तथा । सर्वाश्चान्या देवपत्न्यस्तत्पत्रेषु वंसति च

lakṣmī sarasvatī caiva gāyatrī caṁḍikā tathā sarvāścānyā devapatnyastatpatreṣu vaṁsati ca

Lakshmi, Sarasvati, Gayatri, Chandika, and all the other consorts of the gods also dwell within her leaves.

Verse 8 (padma.7.24.8)

इन्द्रो ऽग्नि शमनश्चैव नैरृतिर्वरुणस्तथा । पवनश्च कुबरेश्च तच्छाखायां वसंत्यमी

indro 'gni śamanaścaiva nairṛtirvaruṇastathā pavanaśca kubareśca tacchākhāyāṁ vasaṁtyamī

Indra, Agni, Yama, Nairrita, Varuna, Vayu, and Kubera — these guardians of the directions dwell within her branches.

Verse 9 (padma.7.24.9)

आदित्यादि ग्रहाः सर्वे विश्वेदेवाश्च सर्वदा । वसवो मुनयश्चैव तथा देवर्षयोऽखिलाः

ādityādi grahāḥ sarve viśvedevāśca sarvadā vasavo munayaścaiva tathā devarṣayo'khilāḥ

The sun and all the other planets, the Vishvedevas, the Vasus, the sages, and all the divine seers likewise dwell there always.

Verse 10 (padma.7.24.10)

कोटिब्रह्माण्डमध्येषु यानि तीर्थानि भूतले । तुलसीदलमाश्रित्य तान्येव निवसंति वै

koṭibrahmāṇḍamadhyeṣu yāni tīrthāni bhūtale tulasīdalamāśritya tānyeva nivasaṁti vai

Whatever sacred fords exist upon the earth within millions of universes, all of them dwell right there, taking refuge in the tulasi leaf.

Verse 11 (padma.7.24.11)

तुलसीं सेवते यस्तु भक्तिभावसमन्वितः । सेवितास्तेन तीर्थाश्च देवा ब्रह्मादयस्तथा

tulasīṁ sevate yastu bhaktibhāvasamanvitaḥ sevitāstena tīrthāśca devā brahmādayastathā

Whoever, endowed with devotion, serves Tulasi, by that very act serves all the sacred fords and Brahma and the other gods as well.

Verse 12 (padma.7.24.12)

छिन्दंति तृणजालानि तुलसीमूलजानि ये । तद्देहस्थां ब्रह्महत्यां क्षिणत्ति तत्क्षणाद्धरिः

chindaṁti tṛṇajālāni tulasīmūlajāni ye taddehasthāṁ brahmahatyāṁ kṣiṇatti tatkṣaṇāddhariḥ

Whoever clears away the tangle of weeds growing at the root of a tulasi plant, Hari instantly destroys the sin of slaying a brahmin lodged within that person's body.

Verse 13 (padma.7.24.13)

ग्रीष्मकाले द्विजश्रेष्ठ सुगंधैः शीतलैर्जलैः । तुलसीसेचनं कृत्वा नरो निर्वाणमाप्नुयात्

grīṣmakāle dvijaśreṣṭha sugaṁdhaiḥ śītalairjalaiḥ tulasīsecanaṁ kṛtvā naro nirvāṇamāpnuyāt

Best of brahmins, in the summer season, watering Tulasi with cool, fragrant water, a man attains ultimate liberation.

Verse 14 (padma.7.24.14)

चन्द्रातपं वा छत्रं वा तस्यै यस्तु प्रयच्छति । विशेषतो निदाघेषु स मुक्तः सर्वपातकैः

candrātapaṁ vā chatraṁ vā tasyai yastu prayacchati viśeṣato nidāgheṣu sa muktaḥ sarvapātakaiḥ

Whoever provides her with cool shade or an umbrella, especially during the heat of summer, is freed from every sin.

Verse 15 (padma.7.24.15)

वैशाखेऽक्षतधाराभिरद्भिर्यस्तुलसीं जनः । सिंचयेत्सोऽश्वमेधस्य फलं प्राप्नोति नित्यशः

vaiśākhe'kṣatadhārābhiradbhiryastulasīṁ janaḥ siṁcayetso'śvamedhasya phalaṁ prāpnoti nityaśaḥ

In the month of Vaishakha, whatever person waters Tulasi with a stream of water mixed with unbroken rice grains obtains, every single time, the fruit of a horse-sacrifice.

Verse 16 (padma.7.24.16)

प्रसृतोदकमात्रेण तुलसीं यस्य सेचयेत् । सोऽपि स्वर्गमवाप्नोति सर्वपापविवर्जितः

prasṛtodakamātreṇa tulasīṁ yasya secayet so'pi svargamavāpnoti sarvapāpavivarjitaḥ

Whoever waters Tulasi even with a mere handful of water also attains heaven, freed from every sin.

Verse 17 (padma.7.24.17)

कदाचित्तुलसीं दुग्धैः सेचयेद्यो नरोत्तमः । तस्य वेश्मनि विप्रर्षे लक्ष्मीर्भवति निश्चला

kadācittulasīṁ dugdhaiḥ secayedyo narottamaḥ tasya veśmani viprarṣe lakṣmīrbhavati niścalā

Whatever excellent man ever waters Tulasi with milk, sage among brahmins, in his house Lakshmi remains fixed forever.

Verse 18 (padma.7.24.18)

गोमयैस्तुलसीमूलं यः कुर्यादुपलेपनम् । संमार्जनं च विप्रर्षे तस्य पुण्यफलं शृणु

gomayaistulasīmūlaṁ yaḥ kuryādupalepanam saṁmārjanaṁ ca viprarṣe tasya puṇyaphalaṁ śṛṇu

Whoever plasters and sweeps clean the root of a tulasi plant with cow-dung, sage among brahmins, hear the meritorious fruit of that.

Verse 19 (padma.7.24.19)

रजांसि तत्र यावंति दूरीभूतानि जैमिने । तावत्कल्पसहस्राणि मोदते विष्णुना सह

rajāṁsi tatra yāvaṁti dūrībhūtāni jaimine tāvatkalpasahasrāṇi modate viṣṇunā saha

O Jaimini, for as many particles of dust as are cleared away there, for that many thousands of cosmic ages he rejoices together with Vishnu.

Verse 20 (padma.7.24.20)

प्रदीपं यस्तु संध्यायां स्थापयेत्तुलसीतले । स याति मंदिरं विष्णोः कुलकोटिसमन्वितः

pradīpaṁ yastu saṁdhyāyāṁ sthāpayettulasītale sa yāti maṁdiraṁ viṣṇoḥ kulakoṭisamanvitaḥ

Whoever lights a lamp beneath Tulasi in the evening goes to Vishnu's own abode, together with millions of his own kinsmen.

Verse 21 (padma.7.24.21)

गोभ्यः श्वभ्यः खरेभ्यश्च मनुष्येभ्यश्च रक्षति । शिशुभ्यस्तुलसीं यस्तु तं रक्षेत्केशवः सदा

gobhyaḥ śvabhyaḥ kharebhyaśca manuṣyebhyaśca rakṣati śiśubhyastulasīṁ yastu taṁ rakṣetkeśavaḥ sadā

Whoever protects Tulasi from cows, dogs, donkeys, humans, and children, him Keshava ever protects.

Verse 22 (padma.7.24.22)

तुलस्यारोपणं यस्तु भक्तितः कुरुते नरः । स मृतः परमं मोक्षं प्राप्नोत्येव न संशयः

tulasyāropaṇaṁ yastu bhaktitaḥ kurute naraḥ sa mṛtaḥ paramaṁ mokṣaṁ prāpnotyeva na saṁśayaḥ

Whatever man plants Tulasi with devotion, upon death he surely attains supreme liberation, of this there is no doubt.

Verse 23 (padma.7.24.23)

प्रभाते तुलसीं पश्येद्भक्तिमान्यो नरोत्तमः । स विष्णुदर्शनस्यैव फलं प्राप्नोति चाक्षयम्

prabhāte tulasīṁ paśyedbhaktimānyo narottamaḥ sa viṣṇudarśanasyaiva phalaṁ prāpnoti cākṣayam

Whatever excellent, devoted man beholds Tulasi at dawn obtains the very same imperishable fruit as beholding Vishnu himself.

Verse 24 (padma.7.24.24)

तुलसीं प्रणमेद्यस्तु नरो भक्तिसमन्वितः । आयुर्बलं यशोवित्तं संततिस्तस्य वर्द्धते

tulasīṁ praṇamedyastu naro bhaktisamanvitaḥ āyurbalaṁ yaśovittaṁ saṁtatistasya varddhate

Whatever man, endowed with devotion, bows to Tulasi — his lifespan, strength, fame, wealth, and progeny all increase.

Verse 25 (padma.7.24.25)

तुलसीस्मरणेनैव सर्वपापं विनश्यति । तुलसीस्पर्शनेनैव नश्यंति व्याधयो नृणाम्

tulasīsmaraṇenaiva sarvapāpaṁ vinaśyati tulasīsparśanenaiva naśyaṁti vyādhayo nṛṇām

By the mere remembrance of Tulasi, every sin is destroyed; by the mere touch of Tulasi, the diseases of men are destroyed.

Verse 26 (padma.7.24.26)

योऽश्नाति तुलसीपत्रं सर्वपापहरं शुभम् । तच्छरीरांतरस्थायि पापं नश्यति तत्क्षणात्

yo'śnāti tulasīpatraṁ sarvapāpaharaṁ śubham taccharīrāṁtarasthāyi pāpaṁ naśyati tatkṣaṇāt

Whoever eats the auspicious tulasi leaf, remover of every sin, the sin lodged within that person's body is instantly destroyed.

Verse 27 (padma.7.24.27)

तुलसीकाष्ठसंभूतां मालां वहति यो नरः । तद्देहे पातकं नास्ति सत्यमेतन्मयोच्यते

tulasīkāṣṭhasaṁbhūtāṁ mālāṁ vahati yo naraḥ taddehe pātakaṁ nāsti satyametanmayocyate

Whatever man wears a rosary made from tulasi wood, in his body there remains no sin — this I declare to be true.

Verse 28 (padma.7.24.28)

तुलसीपत्रगलितं यस्तोयं शिरसा वहेत् । गंगायाः स्नानजं पुण्यं लभते नात्र संशयः

tulasīpatragalitaṁ yastoyaṁ śirasā vahet gaṁgāyāḥ snānajaṁ puṇyaṁ labhate nātra saṁśayaḥ

Whoever bears upon his own head the water that has dripped from a tulasi leaf obtains the merit of bathing in the Ganga, of this there is no doubt.

Verse 29 (padma.7.24.29)

दूर्वाभिरक्षतैः पुष्पैर्नैवेद्यैस्तुलसीं शुभाम् । समाराध्य नरो भक्त्या विष्णुपूजा फलं लभेत्

dūrvābhirakṣataiḥ puṣpairnaivedyaistulasīṁ śubhām samārādhya naro bhaktyā viṣṇupūjā phalaṁ labhet

Worshipping the auspicious Tulasi with devotion, using durva grass, unbroken rice, flowers, and food-offerings, a man obtains the fruit of worshipping Vishnu.

Verse 30 (padma.7.24.30)

येनार्चिता भगवती तुलसी कदाचिन्नैवेद्य पुष्पवरधूपघृतप्रदीपैः । धर्मार्थकामपरमामृतदायि विप्राः किं तस्य विष्णुचरणापचितिप्रयोगैः

yenārcitā bhagavatī tulasī kadācinnaivedya puṣpavaradhūpaghṛtapradīpaiḥ dharmārthakāmaparamāmṛtadāyi viprāḥ kiṁ tasya viṣṇucaraṇāpacitiprayogaiḥ

Brahmins, whoever has ever worshipped the goddess Tulasi, bestower of dharma, wealth, desire, and the supreme nectar of immortality, with food-offerings, excellent flowers, incense, ghee, and lamps — what further need has he to separately worship Vishnu's own feet?

Verse 31 (padma.7.24.31)

स्थानेषु दोषरहितेषु सुरौघसेव्यामारोपयंति तुलसीं हरितुष्टिकर्त्रीम् । तुष्टो हरिस्त्रिजगतामधिपोऽमुरारिस्तेभ्यो ददाति परमं पदमाशु विप्र

sthāneṣu doṣarahiteṣu suraughasevyāmāropayaṁti tulasīṁ harituṣṭikartrīm tuṣṭo haristrijagatāmadhipo'murāristebhyo dadāti paramaṁ padamāśu vipra

Whoever plants, in a pure and faultless place, Tulasi, served by the hosts of gods, the bringer of Hari's delight — pleased with them, brahmin, Hari, foe of the demons, Lord of all three worlds, swiftly grants them the supreme abode.

Verse 32 (padma.7.24.32)

यज्ञं व्रतं च पितृपूजनमच्युतार्च्चां दानं यदन्यदपि कर्मशुभं मनुष्याः । कुर्वंति दोषरहिते तुलसीतले च तान्यक्षयाणि सकलानि भवंति नूनम्

yajñaṁ vrataṁ ca pitṛpūjanamacyutārccāṁ dānaṁ yadanyadapi karmaśubhaṁ manuṣyāḥ kurvaṁti doṣarahite tulasītale ca tānyakṣayāṇi sakalāni bhavaṁti nūnam

Sacrifice, vows, worship of ancestors, worship of the Imperishable Lord, charitable gifts, and whatever other auspicious deed people perform beneath a faultless tulasi plant — all of these surely become imperishable.

Verse 33 (padma.7.24.33)

यद्धर्मकर्मकुरुते मनुजः पृथिव्यां नारायणप्रियतमां तुलसीं विना च । तत्सर्वमेव विफलं भवति द्विजेन्द्र पद्मेक्षणोऽपि न हि तुष्यति देवदेवः

yaddharmakarmakurute manujaḥ pṛthivyāṁ nārāyaṇapriyatamāṁ tulasīṁ vinā ca tatsarvameva viphalaṁ bhavati dvijendra padmekṣaṇo'pi na hi tuṣyati devadevaḥ

Whatever meritorious act a man performs upon this earth without Tulasi, so dear to Narayana, all of it becomes fruitless, foremost of brahmins; even the lotus-eyed God of gods is not pleased by it.

Verse 34 (padma.7.24.34)

यात्रासु पश्यति शुभां तुलसीं पवित्रां यो भक्तिभावसहितो मनुजो हि नूनम् । यात्राफलं सकलमेव हरिप्रसादात्तस्याशु सिद्ध्यति वचः सुदृढं ममैतत्

yātrāsu paśyati śubhāṁ tulasīṁ pavitrāṁ yo bhaktibhāvasahito manujo hi nūnam yātrāphalaṁ sakalameva hariprasādāttasyāśu siddhyati vacaḥ sudṛḍhaṁ mamaitat

Whatever man, endowed with devotion, beholds the auspicious, sacred Tulasi during his pilgrimages, by Hari's grace the entire fruit of that pilgrimage is swiftly fulfilled for him — this is my firm assertion.

Verse 35 (padma.7.24.35)

त्यक्त्वा सुगन्धिकुसुमं भुवनैकनाथो मंदारकुन्दनलिनादिकमप्यनंतः । गृह्णाति सद्गुणमयीं तुलसीं प्रमोदैः शुष्कामपि प्रचुरपापविनाशरक्षाम्

tyaktvā sugandhikusumaṁ bhuvanaikanātho maṁdārakundanalinādikamapyanaṁtaḥ gṛhṇāti sadguṇamayīṁ tulasīṁ pramodaiḥ śuṣkāmapi pracurapāpavināśarakṣām

The sole Lord of the universe, the infinite one, setting aside even fragrant mandara, kunda, and lotus flowers, joyfully accepts Tulasi, endowed with such virtue, even when withered — for she is the protector, the destroyer of abundant sin.

Verse 36 (padma.7.24.36)

उत्पाट्य चैव तुलसीं भुवि निक्षिपंति पापाशयाऽमृतलताभ निदानभूताम् । अज्ञानतो नरहरिस्तुलसीप्रियोऽसौ तेषां श्रियं हरति संततमेव सत्यम्

utpāṭya caiva tulasīṁ bhuvi nikṣipaṁti pāpāśayā'mṛtalatābha nidānabhūtām ajñānato naraharistulasīpriyo'sau teṣāṁ śriyaṁ harati saṁtatameva satyam

Whatever people, wicked of intent, uproot Tulasi — that vine like nectar itself, the very source of every blessing — and cast her upon the ground, from them the Man-Lion, lover of Tulasi, in his ignorance still, continually takes away their fortune — this is true.

Verse 37 (padma.7.24.37)

मूत्रं पुरीषं तुलसीतलेषु कुर्वंति येऽपि च मलं सततं मनुष्याः । देवाश्रये संचित पातकानां तेषां हरत्याशु हरिर्धनानि

mūtraṁ purīṣaṁ tulasītaleṣu kurvaṁti ye'pi ca malaṁ satataṁ manuṣyāḥ devāśraye saṁcita pātakānāṁ teṣāṁ haratyāśu harirdhanāni

Whatever people continually urinate, defecate, or leave filth beneath Tulasi, accumulating sin in this very refuge of the gods, Hari swiftly takes away their wealth.

Verse 38 (padma.7.24.38)

नारायणस्यपूजार्थं चिनोमि त्वां नमोस्तुते । कुसुमैः पारिजाताद्यैर्गंधाद्यैरपि केशवः

nārāyaṇasyapūjārthaṁ cinomi tvāṁ namostute kusumaiḥ pārijātādyairgaṁdhādyairapi keśavaḥ

(This mantra should be recited when plucking the leaves) — "For the worship of Narayana I pluck you; homage to you." With flowers such as parijata, and with fragrance —

Verse 39 (padma.7.24.39)

त्वया विना नैति तृप्तिं चिनोमि त्वामतः शुभे । त्वया विना महाभागे समस्तं कर्म निष्फलम्

tvayā vinā naiti tṛptiṁ cinomi tvāmataḥ śubhe tvayā vinā mahābhāge samastaṁ karma niṣphalam

"— even Keshava finds no satisfaction without you; therefore, auspicious one, I pluck you. Most fortunate one, without you every rite is fruitless."

Verse 40 (padma.7.24.40)

अतस्तु तुलसी देवि चिनोमि वरदा भव । चयनोद्भव दुःखं ते यद्देवि हृदि जायते

atastu tulasī devi cinomi varadā bhava cayanodbhava duḥkhaṁ te yaddevi hṛdi jāyate

"Therefore, goddess Tulasi, I pluck you — be a bestower of boons. Goddess, whatever pain the plucking causes to arise in your heart —"

Verse 41 (padma.7.24.41)

तत्क्षमस्व जगन्नाथे तुलसि त्वां नमाम्यहम् । कृताञ्जलिरिमान्मन्त्रान्पठित्वा वैष्णवो जनः

tatkṣamasva jagannāthe tulasi tvāṁ namāmyaham kṛtāñjalirimānmantrānpaṭhitvā vaiṣṇavo janaḥ

"— forgive that, O Tulasi of the Lord of the world; I bow to you." Reciting these mantras with joined palms, the Vaishnava —

Verse 42 (padma.7.24.42)

करतालद्वयं दत्वा चिनोति तुलसीदलम् । यथा न कंपते शाखा तुलस्या द्विजसत्तम

karatāladvayaṁ datvā cinoti tulasīdalam yathā na kaṁpate śākhā tulasyā dvijasattama

— plucks the tulasi leaf, joining both palms together, in such a way, best of brahmins, that the branch of Tulasi does not tremble.

Verse 43 (padma.7.24.43)

पत्रस्य चयने देवी भग्नशाखा यदा भवेत् । तदा हृदि व्यथा विष्णोर्ज्जायते तुलसीपतेः

patrasya cayane devī bhagnaśākhā yadā bhavet tadā hṛdi vyathā viṣṇorjjāyate tulasīpateḥ

If, in the plucking of a leaf, the goddess's branch is broken, then anguish arises in the heart of Vishnu, the Lord of Tulasi.

Verse 44 (padma.7.24.44)

शाखाग्रात्पतितं भूमौ पत्रं पत्रं पुरातनम् । तेनापि पूज्यो गोविन्दो मधुकैटभमर्द्दनः

śākhāgrātpatitaṁ bhūmau patraṁ patraṁ purātanam tenāpi pūjyo govindo madhukaiṭabhamarddanaḥ

A leaf that has fallen of its own accord, an old leaf, dropped to the ground from the branch's tip — even with that, Govinda, crusher of Madhu and Kaitabha, may be worshipped.

Verse 45 (padma.7.24.45)

कोमलैस्तुलसीपत्रैर्योऽर्चयेदच्युतं प्रभुम् । सर्वं स लभते शीघ्रं यद्यदिच्छति चेतसा

komalaistulasīpatrairyo'rcayedacyutaṁ prabhum sarvaṁ sa labhate śīghraṁ yadyadicchati cetasā

Whoever worships the Imperishable Lord with tender tulasi leaves swiftly obtains whatever he desires in his heart.

Verse 46 (padma.7.24.46)

जैमिनिरुवाच- तुलसीवृक्षसदृशः कोवृक्षोऽस्ति द्विजर्षभ । तमहं ज्ञातुमिच्छामि ब्रूहि सत्यवतीसुत

jaiminiruvāca- tulasīvṛkṣasadṛśaḥ kovṛkṣo'sti dvijarṣabha tamahaṁ jñātumicchāmi brūhi satyavatīsuta

Jaimini said: Bull among brahmins, what other tree is comparable to the tulasi plant? I wish to know it — tell me, son of Satyavati.

Verse 47 (padma.7.24.47)

व्यास उवाच- यथा प्रियतमा विष्णोस्तुलसी सततं द्विज । तथा प्रियतमा धात्री सर्वपापप्रणाशिनी

vyāsa uvāca- yathā priyatamā viṣṇostulasī satataṁ dvija tathā priyatamā dhātrī sarvapāpapraṇāśinī

Vyasa said: Brahmin, just as Tulasi is ever most dear to Vishnu, so too Dhatri, the amla tree, is most dear to him, and destroys every sin.

Verse 48 (padma.7.24.48)

तुलसीवृक्षमासाद्य या यास्तिष्ठंति देवताः । आमलक्यास्तले तास्ता निवसंति द्विजोत्तम

tulasīvṛkṣamāsādya yā yāstiṣṭhaṁti devatāḥ āmalakyāstale tāstā nivasaṁti dvijottama

Whatever gods dwell within the tulasi plant, best of brahmins, those very gods dwell as well beneath the amla tree.

Verse 49 (padma.7.24.49)

गंगादीनि च तीर्थानि तत्रैव द्विजसत्तम । विष्णुप्रियतमा धात्री पवित्रा यत्र तिष्ठति

gaṁgādīni ca tīrthāni tatraiva dvijasattama viṣṇupriyatamā dhātrī pavitrā yatra tiṣṭhati

Best of brahmins, wherever the sacred Dhatri, most dear to Vishnu, stands, there too the Ganga and every other sacred ford are present.

Verse 50 (padma.7.24.50)

अशुभं वाशुभं वापि यत्कर्मामलकीतले । क्रियते मानवैर्विंप्र भवेत्तत्सत्यमक्षयम्

aśubhaṁ vāśubhaṁ vāpi yatkarmāmalakītale kriyate mānavairviṁpra bhavettatsatyamakṣayam

Brahmin, whatever act, whether good or evil, is performed by men beneath the amla tree, it surely becomes imperishable.

Verse 51 (padma.7.24.51)

पवित्रैर्नूतनेः पत्रैर्धात्र्या यः पूजयेद्धरिम् । स मुक्तः पापजालेन सायुज्यं लभते हरेः

pavitrairnūtaneḥ patrairdhātryā yaḥ pūjayeddharim sa muktaḥ pāpajālena sāyujyaṁ labhate hareḥ

Whoever worships Hari with the pure, fresh leaves of Dhatri, freed from the web of sin, attains oneness with Hari.

Verse 52 (padma.7.24.52)

धात्री च तुलसीदेवी न तिष्ठेद्यत्र जैमिने । स्थानं तदपवित्रं स्यान्न च क्रियाफलं लभेत्

dhātrī ca tulasīdevī na tiṣṭhedyatra jaimine sthānaṁ tadapavitraṁ syānna ca kriyāphalaṁ labhet

O Jaimini, wherever neither Dhatri nor the goddess Tulasi stands, that place is impure, and one obtains no fruit for any rite performed there.

Verse 53 (padma.7.24.53)

न तिष्ठत्याश्रमे यस्य धात्री च तुलसी शुभा । तेन कर्म कृतं सर्वं नूनं गच्छति निष्फलम्

na tiṣṭhatyāśrame yasya dhātrī ca tulasī śubhā tena karma kṛtaṁ sarvaṁ nūnaṁ gacchati niṣphalam

Whoever's hermitage lacks both Dhatri and the auspicious Tulasi, all the acts performed by him surely come to nothing.

Verse 54 (padma.7.24.54)

धात्र्या तुलस्या हीनं च निलयं यस्य भूसुर । अलक्ष्मीः पातकं सर्वं कलिश्च तेन तोषितः

dhātryā tulasyā hīnaṁ ca nilayaṁ yasya bhūsura alakṣmīḥ pātakaṁ sarvaṁ kaliśca tena toṣitaḥ

O earthly god, whoever's house is devoid of Dhatri and Tulasi — by him misfortune, every sin, and the age of Kali itself are made content.

Verse 55 (padma.7.24.55)

स्थाने तस्मिन्द्विजश्रेष्ठ न धात्री तुलसी न च । श्मशानतुल्यं स्थानं तद्विज्ञेयं तत्वदर्शिभिः

sthāne tasmindvijaśreṣṭha na dhātrī tulasī na ca śmaśānatulyaṁ sthānaṁ tadvijñeyaṁ tatvadarśibhiḥ

Best of brahmins, in a place where there is neither Dhatri nor Tulasi, seers of truth should know that place to be like a cremation ground.

Verse 56 (padma.7.24.56)

धात्री च तुलसी यत्र तिष्ठेत्तत्राखिलाः सुराः । न धात्री तुलसी पत्रं तत्रैवाखिलपातकम्

dhātrī ca tulasī yatra tiṣṭhettatrākhilāḥ surāḥ na dhātrī tulasī patraṁ tatraivākhilapātakam

Wherever both Dhatri and Tulasi stand, there dwell all the gods; wherever there is neither Dhatri nor a single tulasi leaf, there dwells every sin.

Verse 57 (padma.7.24.57)

धात्रीफलस्रजं यस्तु पापहर्त्रीं वहेद्बुधः । तस्याश्रित्य तनुं विष्णुः सदा तिष्ठेच्छ्रिया सह

dhātrīphalasrajaṁ yastu pāpahartrīṁ vahedbudhaḥ tasyāśritya tanuṁ viṣṇuḥ sadā tiṣṭhecchriyā saha

Whatever wise person wears a garland of amla fruits, remover of sin, Vishnu, taking that person's body as his own refuge, dwells there always, together with Lakshmi.

Verse 58 (padma.7.24.58)

धात्रीकाष्ठस्य मालां च यो वहेन्मतिमान्नरः । तस्य देहं समाश्रित्य तिष्ठंति सर्वदेवताः

dhātrīkāṣṭhasya mālāṁ ca yo vahenmatimānnaraḥ tasya dehaṁ samāśritya tiṣṭhaṁti sarvadevatāḥ

Whatever wise man wears a garland made of amla wood, all the gods, taking that person's body as their refuge, dwell there.

Verse 59 (padma.7.24.59)

धात्रीफलस्रजं गृह्णन्यत्कर्म कुरुते नरः । तत्सर्वमक्षयं प्रोक्तं शुभं वा यदि वाशुभम्

dhātrīphalasrajaṁ gṛhṇanyatkarma kurute naraḥ tatsarvamakṣayaṁ proktaṁ śubhaṁ vā yadi vāśubham

Whatever act a man performs while wearing a garland of amla fruits, whether good or evil, all of it is declared imperishable.

Verse 60 (padma.7.24.60)

यस्तु धात्रीफलं भुंक्ते मानवोऽखिलतत्ववित् । तद्देहाभ्यंतरस्थायि सर्वं पापं विनश्यति

yastu dhātrīphalaṁ bhuṁkte mānavo'khilatatvavit taddehābhyaṁtarasthāyi sarvaṁ pāpaṁ vinaśyati

Whatever man, knowing every truth, eats the amla fruit — all the sin lodged within his body is destroyed.

Verse 61 (padma.7.24.61)

धात्रीफलमयीं मालां यो वहेद्दिवजसत्तम । ब्रवीमि शृणु माहात्म्यं सर्वपापहरं परम्

dhātrīphalamayīṁ mālāṁ yo vaheddivajasattama bravīmi śṛṇu māhātmyaṁ sarvapāpaharaṁ param

Best of brahmins, hear the supreme, all-sin-removing glory of whoever wears a garland made of amla fruits, which I shall now tell.

Verse 62 (padma.7.24.62)

श्मशानेऽपि यदा मृत्युस्तस्य स्याद्दैवयोगतः । गङ्गामरणजं पुण्यं संप्राप्नोति न संशयः

śmaśāne'pi yadā mṛtyustasya syāddaivayogataḥ gaṅgāmaraṇajaṁ puṇyaṁ saṁprāpnoti na saṁśayaḥ

If, by the working of fate, his death should occur even in a cremation ground, he still obtains the merit of dying in the Ganga, of this there is no doubt.

Verse 63 (padma.7.24.63)

तं दृष्ट्वा पापिनः सर्वे पापजालैः सुदारुणैः । सद्य एव प्रमुच्यंते जन्मकोटिशतैरपि

taṁ dṛṣṭvā pāpinaḥ sarve pāpajālaiḥ sudāruṇaiḥ sadya eva pramucyaṁte janmakoṭiśatairapi

Seeing him, all sinners, even those laden with the most terrible webs of sin accumulated across hundreds of millions of births, are instantly released.

Verse 64 (padma.7.24.64)

नित्यं गृह्णाति विप्रेंद्र यो धात्रीफलकर्द्दमम् । दिने दिने लभेत्पुण्यं संप्राप्नोति न संशयः

nityaṁ gṛhṇāti vipreṁdra yo dhātrīphalakarddamam dine dine labhetpuṇyaṁ saṁprāpnoti na saṁśayaḥ

Foremost of brahmins, whoever daily applies a paste made of amla fruit obtains merit day after day, of this there is no doubt.

Verse 65 (padma.7.24.65)

धात्रीतरुं च यो हंति सर्वदेवगणाश्रयम् । स ददाति हरेरंगे घातं नास्त्यत्र संशयः

dhātrītaruṁ ca yo haṁti sarvadevagaṇāśrayam sa dadāti hareraṁge ghātaṁ nāstyatra saṁśayaḥ

Whoever fells the amla tree, the very refuge of all the hosts of gods, strikes a blow upon Hari's own body, of this there is no doubt.

Verse 66 (padma.7.24.66)

सर्वदेवमयी धात्री विशेषात्केशवप्रिया । सम्यग्वक्तुं गुणं तस्या ब्रह्मणापि न शक्यते

sarvadevamayī dhātrī viśeṣātkeśavapriyā samyagvaktuṁ guṇaṁ tasyā brahmaṇāpi na śakyate

Dhatri is composed of all the gods, especially dear to Keshava; even Brahma is not capable of fully describing her virtues.

Verse 67 (padma.7.24.67)

धात्र्यास्तुलस्या विदधाति भक्तिं यो मानवो ज्ञातसमस्ततत्वः । भुक्त्वा च भोगान्सकलां स्ततोंऽते स मुक्तिमाप्नोति हरेः प्रसादात्

dhātryāstulasyā vidadhāti bhaktiṁ yo mānavo jñātasamastatatvaḥ bhuktvā ca bhogānsakalāṁ statoṁ'te sa muktimāpnoti hareḥ prasādāt

Whatever man, having known every truth, cultivates devotion to Dhatri and Tulasi, having enjoyed every pleasure, at the end attains liberation by the grace of Hari.