The Gods, Afflicted by Taraka, Voice Their Sorrow Before Shankara

Verse 1 (shiva.rudra.119.1)

वन्दे वन्दनतुष्टमानसमतिप्रेमप्रियं प्रेमदं पूर्णं पूर्णकरं प्रपूर्णनिखिलैश्वर्यैकवासं शिवम् । सत्यं सत्यमयं त्रिसत्यविभवं सत्यप्रियं सत्यदं विष्णुब्रह्मनुतं स्वकीयकृपयोपात्ताकृतिं शङ्करम्

vande vandanatuṣṭamānasamatipremapriyaṁ premadaṁ pūrṇaṁ pūrṇakaraṁ prapūrṇanikhilaiśvaryaikavāsaṁ śivam satyaṁ satyamayaṁ trisatyavibhavaṁ satyapriyaṁ satyadaṁ viṣṇubrahmanutaṁ svakīyakṛpayopāttākṛtiṁ śaṅkaram

I bow to Shiva, whose mind is gladdened by worship, who is dear through deepest love and who bestows love; who is complete, who makes others whole, who is the sole abode of the fullness of all majesty; who is truth, composed of truth, whose splendor is true in all three times, who is fond of truth and grants truth; who is praised by Vishnu and Brahma, and who assumes his form purely out of his own compassion — to that Shankara I bow.

Verse 2 (shiva.rudra.119.2)

नारद उवाच । विवाहयित्वा गिरिजां शङ्करो लोकशङ्करः । गत्वा स्वपर्वतं ब्रह्मन् किमकार्षीद्धि तद्वद

nārada uvāca vivāhayitvā girijāṁ śaṅkaro lokaśaṅkaraḥ gatvā svaparvataṁ brahman kimakārṣīddhi tadvada

Narada said: O Brahman, after marrying Girija, Shankara, the benefactor of the world, went to his own mountain — tell me, what did he do there?

Verse 3 (shiva.rudra.119.3)

कथं हि तनयो जज्ञे शिवस्य परमात्मनः । यदर्थमात्मारामोऽपि समुवाह शिवां प्रभुः

kathaṁ hi tanayo jajñe śivasya paramātmanaḥ yadarthamātmārāmo'pi samuvāha śivāṁ prabhuḥ

How indeed was a son born to Shiva, the Supreme Self — for whose sake the Lord, ever content within himself, married Shiva (Parvati)?

Verse 4 (shiva.rudra.119.4)

तारकस्य कथं ब्रह्मन् वधोऽभूद्देवशङ्कर । एतत्सर्वमशेषेण वद कृत्वा दयां मयि

tārakasya kathaṁ brahman vadho'bhūddevaśaṅkara etatsarvamaśeṣeṇa vada kṛtvā dayāṁ mayi

O Brahman, how did the slaying of Taraka, the tormentor of the gods, come about? Tell me all of this in full, showing me your compassion.

Verse 5 (shiva.rudra.119.5)

सूत उवाच । इत्याकर्ण्य वचस्तस्य नारदस्य प्रजापतिः । सुप्रसन्नमनाः स्मृत्वा शङ्करं प्रत्युवाच ह

sūta uvāca ityākarṇya vacastasya nāradasya prajāpatiḥ suprasannamanāḥ smṛtvā śaṅkaraṁ pratyuvāca ha

Suta said: Having heard these words of Narada, Prajapati Brahma, his mind well pleased, called Shankara to mind and replied as follows.

Verse 6 (shiva.rudra.119.6)

ब्रह्मोवाच । चरितं शृणु वक्ष्यामि शशिमौलेस्तु नारद । गुहजन्मकथां दिव्यां तारकासुरसद्वधम्

brahmovāca caritaṁ śṛṇu vakṣyāmi śaśimaulestu nārada guhajanmakathāṁ divyāṁ tārakāsurasadvadham

Brahma said: Listen, Narada — I shall tell the deeds of the moon-crested Shiva: the divine story of Guha's birth, and the true slaying of the demon Taraka.

Verse 7 (shiva.rudra.119.7)

श्रूयतां कथयाम्यद्य कथां पापप्रणाशिनीम् । यां श्रुत्वा सर्वपापेभ्यो मुच्यते मानवो ध्रुवम्

śrūyatāṁ kathayāmyadya kathāṁ pāpapraṇāśinīm yāṁ śrutvā sarvapāpebhyo mucyate mānavo dhruvam

Listen — today I shall tell a tale that destroys sin, hearing which a man is surely freed from every sin.

Verse 8 (shiva.rudra.119.8)

इदमाख्यानमनघं रहस्यं परमाद्भुतम् । पापसन्तापहरणं सर्वविघ्नविनाशनम्

idamākhyānamanaghaṁ rahasyaṁ paramādbhutam pāpasantāpaharaṇaṁ sarvavighnavināśanam

This narrative is sinless, a great mystery, and supremely wondrous — it removes the torment of sin and destroys every obstacle.

Verse 9 (shiva.rudra.119.9)

सर्वमङ्गलदं सारं सर्वश्रुतिमनोहरम् । सुखदं मोक्षबीजं च कर्ममूलनिकृन्तनम्

sarvamaṅgaladaṁ sāraṁ sarvaśrutimanoharam sukhadaṁ mokṣabījaṁ ca karmamūlanikṛntanam

It bestows every auspiciousness, is the very essence, and is delightful to every listener; it gives happiness, is the seed of liberation, and cuts away the root of karma.

Verse 10 (shiva.rudra.119.10)

कैलासमागत्य शिवां विवाह्य शोभां प्रपेदे नितरां शिवोऽपि । विचारयामास च देवकृत्यं पीडां जनस्यापि च देवकृत्ये

kailāsamāgatya śivāṁ vivāhya śobhāṁ prapede nitarāṁ śivo'pi vicārayāmāsa ca devakṛtyaṁ pīḍāṁ janasyāpi ca devakṛtye

Having come to Kailasa and married Shiva, Shiva too attained the greatest splendor; yet he pondered on the unfinished task of the gods, and on the suffering that people bore on account of that very task.

Verse 11 (shiva.rudra.119.11)

शिवःस भगवान् साक्षात्कैलासमगमद्यदा । सौख्यं च विविधं चक्रुर्गणाः सर्वे सुहर्षिताः

śivaḥsa bhagavān sākṣātkailāsamagamadyadā saukhyaṁ ca vividhaṁ cakrurgaṇāḥ sarve suharṣitāḥ

When the Blessed Lord Shiva himself in person arrived at Kailasa, all his ganas, greatly delighted, made manifold rejoicing.

Verse 12 (shiva.rudra.119.12)

महोत्सवो महानासीच्छिवे कैलासमागते । देवाः स्वविषयं प्राप्ता हर्षनिर्भरमानसाः

mahotsavo mahānāsīcchive kailāsamāgate devāḥ svaviṣayaṁ prāptā harṣanirbharamānasāḥ

There was a great festival when Shiva arrived at Kailasa; the gods, their minds full of joy, returned each to his own domain.

Verse 13 (shiva.rudra.119.13)

अथ शम्भुर्महादेवो गृहीत्वा गिरिजां शिवाम् । जगाम निर्जनं स्थानं महादिव्यं मनोहरम्

atha śambhurmahādevo gṛhītvā girijāṁ śivām jagāma nirjanaṁ sthānaṁ mahādivyaṁ manoharam

Then Shambhu, Mahadeva, taking Girija, the auspicious one, with him, went to a solitary place, greatly divine and enchanting.

Verse 14 (shiva.rudra.119.14)

शय्यां रतिकरीं कृत्वा पुष्पचन्दनचर्चिताम् । अद्भुतां तत्र परमां भोगवस्त्वन्वितां शुभाम्

śayyāṁ ratikarīṁ kṛtvā puṣpacandanacarcitām adbhutāṁ tatra paramāṁ bhogavastvanvitāṁ śubhām

There he made a bed fit for love, anointed with flowers and sandal-paste — wondrous, supreme, furnished with every comfort, and auspicious.

Verse 15 (shiva.rudra.119.15)

स रेमे तत्र भगवान् शम्भुर्गिरिजया सह । सहस्रवर्षपर्यन्तं देवमानेन मानदः

sa reme tatra bhagavān śambhurgirijayā saha sahasravarṣaparyantaṁ devamānena mānadaḥ

There Lord Shambhu, the giver of honor, sported with Girija for a thousand years by the reckoning of the gods.

Verse 16 (shiva.rudra.119.16)

दुर्गाङ्गस्पर्शमात्रेण लीलया मूर्च्छितः शिवः । मूर्च्छिता सा शिवस्पर्शाद्बुबुधे न दिवानिशम्

durgāṅgasparśamātreṇa līlayā mūrcchitaḥ śivaḥ mūrcchitā sā śivasparśādbubudhe na divāniśam

By the mere touch of Durga's body, Shiva became enraptured as if in play; and she too, enraptured by Shiva's touch, lost all sense of day and night.

Verse 17 (shiva.rudra.119.17)

हरे भोगप्रवृत्ते तु लोकधर्मप्रवर्तिनि । महान् कालो व्यतीयाय तयोः क्षण इवानघ

hare bhogapravṛtte tu lokadharmapravartini mahān kālo vyatīyāya tayoḥ kṣaṇa ivānagha

O sinless Narada, while Hara, the establisher of the world's dharma, remained absorbed in that union, a great span of time passed for the two of them as if it were but a moment.

Verse 18 (shiva.rudra.119.18)

अथ सर्वे सुरास्तात एकत्रीभूय चैकदा । मन्त्रयाञ्चक्रुरागत्य मेरौ शक्रपुरोगमाः

atha sarve surāstāta ekatrībhūya caikadā mantrayāñcakrurāgatya merau śakrapurogamāḥ

Then, dear one, all the gods, headed by Indra, once gathered together at Mount Meru and took counsel among themselves.

Verse 19 (shiva.rudra.119.19)

सुरा ऊचुः । विवाहं कृतवाञ्छम्भुरस्मत्कार्यार्थमीश्वरः । योगीश्वरो निर्विकारो स्वात्मारामो निरञ्जनः

surā ūcuḥ vivāhaṁ kṛtavāñchambhurasmatkāryārthamīśvaraḥ yogīśvaro nirvikāro svātmārāmo nirañjanaḥ

The gods said: Shambhu, the Lord — master of yogis, changeless, ever content within his own self, and stainless — undertook marriage only for the sake of our task.

Verse 20 (shiva.rudra.119.20)

नोत्पन्नस्तनयस्तस्य न जानीमोऽत्र कारणम् । विलम्बः क्रियते तेन कथं देवेश्वरेण ह

notpannastanayastasya na jānīmo'tra kāraṇam vilambaḥ kriyate tena kathaṁ deveśvareṇa ha

Yet no son has been born to him, and we do not know the reason. Why does the lord of gods delay in this way?

Verse 21 (shiva.rudra.119.21)

ब्रह्मोवाच । एतस्मिन्नन्तरे देवा नारदाद्देवदर्शनात् । बुबुधुस्तन्मितं भोगं तयोश्च रममाणयोः

brahmovāca etasminnantare devā nāradāddevadarśanāt bubudhustanmitaṁ bhogaṁ tayośca ramamāṇayoḥ

Brahma said: Meanwhile, through Narada, who had gone to see the divine couple, the gods learned just how long a time the two of them had remained absorbed in their love-play.

Verse 22 (shiva.rudra.119.22)

चिरं ज्ञात्वा तयोर्भोगं चिन्तामापुः सुराश्च ते । ब्रह्माणं मां पुरस्कृत्य ययुर्नारायणान्तिकम्

ciraṁ jñātvā tayorbhogaṁ cintāmāpuḥ surāśca te brahmāṇaṁ māṁ puraskṛtya yayurnārāyaṇāntikam

Learning that their union had continued for so long, the gods grew anxious; placing me, Brahma, at their head, they went to Narayana.

Verse 23 (shiva.rudra.119.23)

तं नत्वा कथितं सर्वं मया वृत्तान्तमीप्सितम् । सन्तस्थिरे सर्वदेवाः चित्रे पुत्तलिका यथा

taṁ natvā kathitaṁ sarvaṁ mayā vṛttāntamīpsitam santasthire sarvadevāḥ citre puttalikā yathā

Bowing to him, I related the whole matter as it was desired; and all the gods stood motionless, like painted figures in a picture.

Verse 24 (shiva.rudra.119.24)

सहस्रवर्षपर्यन्तं देवमानेन शङ्करः । रतौ रतश्च निश्चेष्टो योगी विरमते न हि

sahasravarṣaparyantaṁ devamānena śaṅkaraḥ ratau rataśca niśceṣṭo yogī viramate na hi

For a thousand years by the gods' own reckoning, Shankara has remained absorbed and motionless in love-play; being a yogi, he does not cease.

Verse 25 (shiva.rudra.119.25)

श्रीभगवानुवाच । चिन्ता नास्ति जगद्धातः सर्वं भद्रं भविष्यति । शरणं व्रज देवेश शङ्करस्य महाप्रभोः

śrībhagavānuvāca cintā nāsti jagaddhātaḥ sarvaṁ bhadraṁ bhaviṣyati śaraṇaṁ vraja deveśa śaṅkarasya mahāprabhoḥ

The Blessed Lord said: There is no cause for worry, O sustainer of the world; all will be well. O lord of gods, go for refuge to the great Lord Shankara.

Verse 26 (shiva.rudra.119.26)

महेशशरणापन्ना ये जना मनसा मुदा । तेषां प्रजेश भक्तानां न कुतश्चिद्भयं क्वचित्

maheśaśaraṇāpannā ye janā manasā mudā teṣāṁ prajeśa bhaktānāṁ na kutaścidbhayaṁ kvacit

O lord of creatures, those devotees who take refuge in Mahesha with a glad heart never come to any fear, from any quarter.

Verse 27 (shiva.rudra.119.27)

शृङ्गारभङ्गः समये भविता नाधुना विधे । कालप्रयुक्तं कार्यं च सिद्धिं प्राप्नोति नान्यथा

śṛṅgārabhaṅgaḥ samaye bhavitā nādhunā vidhe kālaprayuktaṁ kāryaṁ ca siddhiṁ prāpnoti nānyathā

O Vidhi, the ending of their amorous union will come at its own proper time, not now; a task carried out in step with time attains success, and not otherwise.

Verse 28 (shiva.rudra.119.28)

शम्भोः सम्भोगमिष्टं को भद्रां कर्तुमिहेश्वरः । पूर्णे वर्षसहस्रे च स्वेच्छया हि विरंस्यति

śambhoḥ sambhogamiṣṭaṁ ko bhadrāṁ kartumiheśvaraḥ pūrṇe varṣasahasre ca svecchayā hi viraṁsyati

Who indeed has the power to bring a good end to Shambhu's desired union? When the thousand years are complete, he himself will cease, of his own will.

Verse 29 (shiva.rudra.119.29)

स्त्रीपुंसो रतिविच्छेदमुपायेन करोति यः । तस्य स्त्रीपुत्रयोर्भेदो भवेज्जन्मनि जन्मनि

strīpuṁso rativicchedamupāyena karoti yaḥ tasya strīputrayorbhedo bhavejjanmani janmani

Whoever, by any device, breaks apart the union of a man and woman — for him there will be separation from wife and son, birth after birth.

Verse 30 (shiva.rudra.119.30)

भ्रष्टज्ञानो नष्टकीर्त्तिरलक्ष्मीको भवेदिह । प्रयात्यन्ते कालसूत्रं वर्षलक्षं स पातकी

bhraṣṭajñāno naṣṭakīrttiralakṣmīko bhavediha prayātyante kālasūtraṁ varṣalakṣaṁ sa pātakī

He becomes here bereft of knowledge, of ruined fame and without fortune; and at the end that sinner goes to the hell Kalasutra for a hundred thousand years.

Verse 31 (shiva.rudra.119.31)

रम्भायुक्तं शक्रमिमं चकार विरतं रतौ । महामुनीन्द्रो दुर्वासास्तत्स्त्रीभेदो बभूव ह

rambhāyuktaṁ śakramimaṁ cakāra virataṁ ratau mahāmunīndro durvāsāstatstrībhedo babhūva ha

The great sage Durvasa once made Indra, who was united with Rambha, cease from his love-play; because of that, separation from his wife befell Indra.

Verse 32 (shiva.rudra.119.32)

पुनरन्यां स सम्प्राप्य विषेव्य शुभपाणिकाम् । दिव्यं वर्षसहस्रं च विजहौ विरहज्वरम्

punaranyāṁ sa samprāpya viṣevya śubhapāṇikām divyaṁ varṣasahasraṁ ca vijahau virahajvaram

Obtaining another auspicious wife and enjoying her, he still had to endure the fever of separation for a thousand divine years.

Verse 33 (shiva.rudra.119.33)

घृताच्या सह संश्लिष्टं कामं वारितवान् गुरुः । षण्मासाभ्यन्तरे चन्द्रस्तस्य पत्नीं जहार ह

ghṛtācyā saha saṁśliṣṭaṁ kāmaṁ vāritavān guruḥ ṣaṇmāsābhyantare candrastasya patnīṁ jahāra ha

The guru Brihaspati once checked one who was locked in embrace with the apsara Ghritachi; in consequence, within six months the Moon carried off his own wife.

Verse 34 (shiva.rudra.119.34)

पुनश्शिवं समाराध्य कृत्वा तारामयं रणम् । तारां सगर्भां सम्प्राप्य विजहौ विरहज्वरम्

punaśśivaṁ samārādhya kṛtvā tārāmayaṁ raṇam tārāṁ sagarbhāṁ samprāpya vijahau virahajvaram

Then, worshipping Shiva and waging war over Tara, he won back Tara, who was by then pregnant — but only after enduring the fever of separation.

Verse 35 (shiva.rudra.119.35)

मोहिनीसहितं चन्द्रं चकार विरतं रतौ । महर्षिर्गौतमस्तस्य स्त्रीविच्छेदो बभूव ह

mohinīsahitaṁ candraṁ cakāra virataṁ ratau maharṣirgautamastasya strīvicchedo babhūva ha

The great sage Gautama once stopped the Moon, who was united in love with Mohini, and because of this the Moon too had to endure separation from his wife.

Verse 36 (shiva.rudra.119.36)

हरिश्चन्द्रो हालिकं च वृषल्या सह संयुतम् । वारयामास निश्चेष्टं निर्जने तत्फलं शृणु

hariścandro hālikaṁ ca vṛṣalyā saha saṁyutam vārayāmāsa niśceṣṭaṁ nirjane tatphalaṁ śṛṇu

King Harishchandra once stopped a plowman who was united in a lonely place with a low-born woman, rendering him motionless — hear what came of it.

Verse 37 (shiva.rudra.119.37)

भ्रष्टः स्त्रीपुत्रराज्येभ्यो विश्वामित्रेण ताडितः । ततः शिवं समाराध्य मुक्तो भूतो हि कश्मलात्

bhraṣṭaḥ strīputrarājyebhyo viśvāmitreṇa tāḍitaḥ tataḥ śivaṁ samārādhya mukto bhūto hi kaśmalāt

As a result Harishchandra was stripped of wife, son and kingdom, and afflicted by Vishvamitra; only afterward, through the worship of Shiva, was he freed from that calamity.

Verse 38 (shiva.rudra.119.38)

अजामिलं द्विजश्रेष्ठं वृषल्या सह संयुतम् । न भिया वारयामासुः सुरास्तां चापि केचन

ajāmilaṁ dvijaśreṣṭhaṁ vṛṣalyā saha saṁyutam na bhiyā vārayāmāsuḥ surāstāṁ cāpi kecana

Out of that same fear, the gods did not stop even the excellent brahmin Ajamila when he was united with a low-born woman, nor did anyone else.

Verse 39 (shiva.rudra.119.39)

सर्वं निषेकसाध्यं च निषेको बलवान् विधे । निषेकफलदो वै स निषेकः केन वार्यते

sarvaṁ niṣekasādhyaṁ ca niṣeko balavān vidhe niṣekaphalado vai sa niṣekaḥ kena vāryate

O Vidhi, everything depends upon the act of seeding; that act alone is powerful, and it alone bestows its own fruit — who indeed can obstruct it?

Verse 40 (shiva.rudra.119.40)

दिव्यं वर्षसहस्रं च शम्भोः सम्भोगकर्म तत् । पूर्णे वर्षसहस्रे च गत्वा तत्र सुरेश्वराः

divyaṁ varṣasahasraṁ ca śambhoḥ sambhogakarma tat pūrṇe varṣasahasre ca gatvā tatra sureśvarāḥ

This act of union of Shambhu will continue for a thousand divine years; when that thousand years is complete, let the lords of the gods go there.

Verse 41 (shiva.rudra.119.41)

येन वीर्यं पतेद्भूमौ तत् करिष्यथ निश्चितम् । तत्र वीर्ये च भविता स्कन्दनामा प्रभोः सुतः

yena vīryaṁ patedbhūmau tat kariṣyatha niścitam tatra vīrye ca bhavitā skandanāmā prabhoḥ sutaḥ

You must without fail contrive a way for the seed to fall upon the earth; from that very seed will be born the Lord's son, named Skanda.

Verse 42 (shiva.rudra.119.42)

अधुना स्वगृहं गच्छ विधे सुरगणैः सह । करोतु शम्भुः सम्भोगं पार्वत्या सह निर्जने

adhunā svagṛhaṁ gaccha vidhe suragaṇaiḥ saha karotu śambhuḥ sambhogaṁ pārvatyā saha nirjane

Now go home, O Vidhi, together with the hosts of gods; let Shambhu continue his union with Parvati in solitude.

Verse 43 (shiva.rudra.119.43)

ब्रह्मोवाच । इत्युक्त्वा कमलाकान्तः शीघ्रं स्वान्तः पुरं ययौ । स्वालयं प्रययुर्देवा मया सह मुनीश्वर

brahmovāca ityuktvā kamalākāntaḥ śīghraṁ svāntaḥ puraṁ yayau svālayaṁ prayayurdevā mayā saha munīśvara

Brahma said: Having said this, Kamalakanta, lord of Lakshmi, swiftly went to his own inner abode; and, O lord of sages, the gods returned, with me, each to his own home.

Verse 44 (shiva.rudra.119.44)

शक्तिशक्तिमतोश्चाथ विहारेणाति च क्षितिः । भाराक्रान्ता चकम्पे सा सशेषापि सकच्छपा

śaktiśaktimatoścātha vihāreṇāti ca kṣitiḥ bhārākrāntā cakampe sā saśeṣāpi sakacchapā

Then, from the excessive dalliance of Shakti and the possessor of Shakti, the earth — resting upon Shesha and upon the Tortoise — trembled, overburdened by their weight.

Verse 45 (shiva.rudra.119.45)

कच्छपस्य हि भारेण सर्वाधारः समीरणः । स्तम्भितोऽथ त्रिलोकाश्च बभूवुर्भयविह्वलाः

kacchapasya hi bhāreṇa sarvādhāraḥ samīraṇaḥ stambhito'tha trilokāśca babhūvurbhayavihvalāḥ

Under the burden borne by the Tortoise, the wind, the support of all things, became paralyzed; and then the three worlds were overwhelmed with fear.

Verse 46 (shiva.rudra.119.46)

अथ सर्वे मया देवा हरेश्च शरणं ययुः । सर्वं निवेदयाञ्चक्रुस्तद्वृत्तं दीनमानसा

atha sarve mayā devā hareśca śaraṇaṁ yayuḥ sarvaṁ nivedayāñcakrustadvṛttaṁ dīnamānasā

Then all the gods, together with me, went for refuge to Hari, and with dejected minds told him the entire matter.

Verse 47 (shiva.rudra.119.47)

देवा ऊचुः । देवदेव रमानाथ सर्वावनकर प्रभो । रक्ष नः शरणापन्नान् भयव्याकुलमानसान्

devā ūcuḥ devadeva ramānātha sarvāvanakara prabho rakṣa naḥ śaraṇāpannān bhayavyākulamānasān

The gods said: O god of gods, lord of Rama, protector of all, O Lord — protect us, who have come for refuge with our minds overwhelmed by fear.

Verse 48 (shiva.rudra.119.48)

स्तम्भितस्त्रिजगत्प्राणो न जाने केन हेतुना । व्याकुलं मुनिभिर्लेखैस्त्रैलोक्यं सचराचरम्

stambhitastrijagatprāṇo na jāne kena hetunā vyākulaṁ munibhirlekhaistrailokyaṁ sacarācaram

The very breath of the three worlds has been paralyzed, and we do not know for what reason; the three worlds, moving and unmoving alike, are in distress, as the sages too have discerned.

Verse 49 (shiva.rudra.119.49)

ब्रह्मोवाच । इत्युक्त्वा सकला देवा मया सह मुनीश्वर । दीनास्तस्थुः पुरो विष्णोर्मौनीभूताः सुदुःखिताः

brahmovāca ityuktvā sakalā devā mayā saha munīśvara dīnāstasthuḥ puro viṣṇormaunībhūtāḥ suduḥkhitāḥ

Brahma said: O lord of sages, having said this, all the gods, together with me, stood before Vishnu, dejected, fallen silent, and greatly sorrowful.

Verse 50 (shiva.rudra.119.50)

तदाकर्ण्य समादाय सुरान्नः सकलान् हरिः । जगाम पर्वतं शीघ्रं कैलासं शिववल्लभम्

tadākarṇya samādāya surānnaḥ sakalān hariḥ jagāma parvataṁ śīghraṁ kailāsaṁ śivavallabham

Hearing this, Hari, taking all of us gods with him, went swiftly to Mount Kailasa, beloved of Shiva.

Verse 51 (shiva.rudra.119.51)

तत्र गत्वा हरिर्देवैर्मया च सुरवल्लभः । ययौ शिववरस्थानं शङ्करं द्रष्टुकाम्यया

tatra gatvā harirdevairmayā ca suravallabhaḥ yayau śivavarasthānaṁ śaṅkaraṁ draṣṭukāmyayā

Having gone there, Hari, dear to the gods, together with the gods and with me, proceeded toward Shiva's excellent abode, wishing to see Shankara.

Verse 52 (shiva.rudra.119.52)

तत्र दृष्ट्वा शिवं विष्णुर्न सुरैर्विस्मितोऽभवत् । तत्र स्थितान् शिवगणान् पप्रच्छ विनयान्वितः

tatra dṛṣṭvā śivaṁ viṣṇurna surairvismito'bhavat tatra sthitān śivagaṇān papraccha vinayānvitaḥ

There, Vishnu, together with the gods, did not see Shiva, and was astonished; humbly he questioned the Shiva-ganas standing there.

Verse 53 (shiva.rudra.119.53)

विष्णुरुवाच । हे शङ्कराः शिवः कुत्र गतः सर्वप्रभुर्गणाः । निवेदयत नः प्रीत्या दुःखितान्वै कृपालवः

viṣṇuruvāca he śaṅkarāḥ śivaḥ kutra gataḥ sarvaprabhurgaṇāḥ nivedayata naḥ prītyā duḥkhitānvai kṛpālavaḥ

Vishnu said: O attendants of Shankara! O ganas! Where has Shiva, the lord of all, gone? Kindly and lovingly tell us, who are in distress.

Verse 54 (shiva.rudra.119.54)

ब्रह्मोवाच । इत्याकर्ण्य वचस्तस्य सामरस्य हरेर्गणाः । प्रोचुः प्रीत्या गणास्ते हि शङ्करस्य रमापतिम्

brahmovāca ityākarṇya vacastasya sāmarasya harergaṇāḥ procuḥ prītyā gaṇāste hi śaṅkarasya ramāpatim

Brahma said: Hearing these words of Hari, who was accompanied by the gods, those attendants of Shankara replied lovingly to Vishnu, lord of Rama.

Verse 55 (shiva.rudra.119.55)

शिवगणा ऊचुः । हरे शृणु शिवप्रीत्या यथार्थं ब्रूमहे वयम् । ब्रह्मणा निर्जरैः सार्द्धं वृत्तान्तमखिलं च यत्

śivagaṇā ūcuḥ hare śṛṇu śivaprītyā yathārthaṁ brūmahe vayam brahmaṇā nirjaraiḥ sārddhaṁ vṛttāntamakhilaṁ ca yat

The Shiva-ganas said: O Hari, listen — out of love for Shiva we shall tell you, and Brahma and the gods, the entire matter truly.

Verse 56 (shiva.rudra.119.56)

सर्वेश्वरो महादेवो जगाम गिरिजालयम् । संस्थाप्य नोऽत्र सुप्रीत्या नानालीलाविशारदः

sarveśvaro mahādevo jagāma girijālayam saṁsthāpya no'tra suprītyā nānālīlāviśāradaḥ

The Lord of all, Mahadeva, skilled in manifold divine sports, having lovingly stationed us here, went within Girija's abode.

Verse 57 (shiva.rudra.119.57)

तद्गुहाभ्यन्तरे शम्भुः किं करोति महेश्वरः । न जानीमो रमानाथ व्यतीयुर्बहवः समाः

tadguhābhyantare śambhuḥ kiṁ karoti maheśvaraḥ na jānīmo ramānātha vyatīyurbahavaḥ samāḥ

What Maheshvara Shambhu is doing within that cave, O lord of Rama, we do not know; and many years have passed in this way.

Verse 58 (shiva.rudra.119.58)

ब्रह्मोवाच । श्रुत्वेति वचनं तेषां स विष्णुः सामरो मया । विस्मितोऽति मुनिश्रेष्ठ शिवद्वारं जगाम ह

brahmovāca śrutveti vacanaṁ teṣāṁ sa viṣṇuḥ sāmaro mayā vismito'ti muniśreṣṭha śivadvāraṁ jagāma ha

Brahma said: O best of sages, hearing these words of theirs, Vishnu, together with the gods and with me, greatly astonished, went to Shiva's door.

Verse 59 (shiva.rudra.119.59)

तत्र गत्वा मया देवैः स हरिर्देववल्लभः । आर्तवाण्या मुने प्रोचे तारस्वरतया तदा

tatra gatvā mayā devaiḥ sa harirdevavallabhaḥ ārtavāṇyā mune proce tārasvaratayā tadā

Having gone there, O sage, Hari, beloved of the gods, together with the gods and with me, then spoke in a loud voice, with words of great distress.

Verse 60 (shiva.rudra.119.60)

शम्भुमस्तौन्महाप्रीत्या सामरो हि मया हरिः । तत्र स्थितो मुनिश्रेष्ठ सर्वलोकप्रभुं हरम्

śambhumastaunmahāprītyā sāmaro hi mayā hariḥ tatra sthito muniśreṣṭha sarvalokaprabhuṁ haram

O best of sages, Hari, standing there together with the gods and with me, praised with great love Hara, the lord of all the worlds.

Verse 61 (shiva.rudra.119.61)

विष्णुरुवाच । किं करोषि महादेवाभ्यन्तरे परमेश्वर । तारकार्तान्सुरान्सर्वान् पाहि नः शरणागतान्

viṣṇuruvāca kiṁ karoṣi mahādevābhyantare parameśvara tārakārtānsurānsarvān pāhi naḥ śaraṇāgatān

Vishnu said: O Mahadeva, O Supreme Lord, what are you doing within? Protect us — all the gods, afflicted by Taraka, who have come to you for refuge.

Verse 62 (shiva.rudra.119.62)

इत्यादि संस्तुवन् शम्भुं बहुधा सोऽमरैर्मया । रुरोदाति हरिस्तत्र तारकार्तैर्मुनीश्वर

ityādi saṁstuvan śambhuṁ bahudhā so'marairmayā rurodāti haristatra tārakārtairmunīśvara

O lord of sages, thus praising Shambhu in many ways, together with the gods and with me, Hari wept greatly there, along with the gods afflicted by Taraka.

Verse 63 (shiva.rudra.119.63)

दुःखकोलाहलस्तत्र बभूव त्रिदिवौकसाम् । मिश्रितश्शिव संस्तुत्यासुरार्त्तानां मुनीश्वर

duḥkhakolāhalastatra babhūva tridivaukasām miśritaśśiva saṁstutyāsurārttānāṁ munīśvara

O lord of sages, there arose a tumult of grief among the dwellers of heaven, mingled together with the praise of Shiva and the lament of those afflicted by the demon.