The Personal Worship of Shiva

Verse 1 (shiva.rudra.13.1)

ब्रह्मोवाच । अतः परं प्रवक्ष्यामि पूजाविधिमनुत्तमम् । श्रूयतामृषयो देवाःसर्वकामसुखावहम्

brahmovāca | ataḥ paraṁ pravakṣyāmi pūjāvidhimanuttamam | śrūyatāmṛṣayo devāḥsarvakāmasukhāvaham

Brahma said: Beyond this, I shall now tell the supreme rite of worship; hear it, O sages and gods, the one that brings every desired happiness.

Verse 2 (shiva.rudra.13.2)

ब्राह्मे मुहूर्ते चोत्थाय संस्मरेत्साम्बकं शिवम् । कुर्यात्तत्प्रार्थनां भक्त्या साञ्जलिर्नतमस्तकः

brāhme muhūrte cotthāya saṁsmaretsāmbakaṁ śivam | kuryāttatprārthanāṁ bhaktyā sāñjalirnatamastakaḥ

Rising at the Brahma-muhurta, one should remember Shiva together with Amba, his consort; with joined palms and bowed head, one should offer this prayer with devotion.

Verse 3 (shiva.rudra.13.3)

उत्तिष्ठोत्तिष्ठ देवेश उत्तिष्ठ हृदयेशय । उत्तिष्ठ त्वमुमास्वामिन्ब्रह्माण्डे मङ्गलं कुरु

uttiṣṭhottiṣṭha deveśa uttiṣṭha hṛdayeśaya | uttiṣṭha tvamumāsvāminbrahmāṇḍe maṅgalaṁ kuru

"Arise, arise, O Lord of gods! Arise, you who dwell in the heart! Arise, O Lord of Uma, and bring auspiciousness upon the universe."

Verse 4 (shiva.rudra.13.4)

जानामि धर्मं न च मे प्रवृत्तिर्जानाम्यधर्मं न च मे निवृत्तिः । त्वया महादेव हृदि स्थितेन यथा नियुक्तोऽस्मि तथा करोमि

jānāmi dharmaṁ na ca me pravṛttirjānāmyadharmaṁ na ca me nivṛttiḥ | tvayā mahādeva hṛdi sthitena yathā niyukto'smi tathā karomi

"I know dharma, yet I have no inclination toward it; I know adharma, yet I have no restraint from it. O Mahadeva, dwelling within my heart, as you direct me, so do I act."

Verse 5 (shiva.rudra.13.5)

इत्युक्त्वा वचनं भक्त्या स्मृत्वा च गुरुपादके । बहिर्गच्छेद्दक्षिणाशां त्यागार्थं मलमूत्रयोः

ityuktvā vacanaṁ bhaktyā smṛtvā ca gurupādake | bahirgaccheddakṣiṇāśāṁ tyāgārthaṁ malamūtrayoḥ

Having spoken this word with devotion, and having remembered the feet of the guru, one should go outside toward the south, to relieve oneself.

Verse 6 (shiva.rudra.13.6)

देहशुद्धिं ततः कृत्वा स मृज्जलविशोधनैः । हस्तौ पादौ च प्रक्षाल्य दन्तधावनमाचरेत्

dehaśuddhiṁ tataḥ kṛtvā sa mṛjjalaviśodhanaiḥ | hastau pādau ca prakṣālya dantadhāvanamācaret

Then, having purified the body with clay and water, and having washed the hands and feet, one should perform tooth-cleaning.

Verse 7 (shiva.rudra.13.7)

दिवानाथे त्वनुदिते कृत्वा वै दन्तधावनम् । मुखं षोडशवारं तु प्रक्षाल्याञ्जलिभिस्तथा

divānāthe tvanudite kṛtvā vai dantadhāvanam | mukhaṁ ṣoḍaśavāraṁ tu prakṣālyāñjalibhistathā

Before the sun has risen, having performed the tooth-cleaning, one should wash the mouth sixteen times with cupped handfuls of water.

Verse 8 (shiva.rudra.13.8)

षष्ठ्याद्यामाश्च तिथयो नवम्यर्कदिने तथा । वर्ज्याः सुरर्षयो यत्नाद्भक्तेन रदधावने

ṣaṣṭhyādyāmāśca tithayo navamyarkadine tathā | varjyāḥ surarṣayo yatnādbhaktena radadhāvane

O divine sages, the sixth tithi and its kind, the ninth tithi, and Sunday — these should be diligently avoided by the devotee for tooth-cleaning.

Verse 9 (shiva.rudra.13.9)

यथावकाशं सुस्नायान्नद्यादिष्वथवा गृहे । देशकालाविरुद्धं च स्नानं कार्यं नरेण च

yathāvakāśaṁ susnāyānnadyādiṣvathavā gṛhe | deśakālāviruddhaṁ ca snānaṁ kāryaṁ nareṇa ca

As opportunity allows, one should bathe well, in a river or the like, or else at home; a man should perform the bath in a manner not opposed to place and time.

Verse 10 (shiva.rudra.13.10)

रवेर्दिने तथा श्राद्धे सङ्क्रान्तौ ग्रहणे तथा । महादाने तथा तीर्थे ह्युपवासदिने तथा

raverdine tathā śrāddhe saṅkrāntau grahaṇe tathā | mahādāne tathā tīrthe hyupavāsadine tathā

On the day of the sun, at a shraddha, at the sankranti, at an eclipse, at a great gift-giving, at a sacred ford, and on a fasting day —

Verse 11 (shiva.rudra.13.11)

अशौचेऽप्यथवा प्राप्ते न स्नायादुष्णवारिणा । यथा साभिमुखं स्नायात्तीर्थादौ भक्तिमान्नरः

aśauce'pyathavā prāpte na snāyāduṣṇavāriṇā | yathā sābhimukhaṁ snāyāttīrthādau bhaktimānnaraḥ

— or when a period of impurity has come, one should not bathe with hot water; the devoted man should bathe facing the sacred water, as at a tirtha.

Verse 12 (shiva.rudra.13.12)

तैलाभ्यङ्गं च कुर्वीत वारान्दृष्ट्वा क्रमेण च । नित्यमभ्यङ्गके चैव वासितं वा न दूषितम्

tailābhyaṅgaṁ ca kurvīta vārāndṛṣṭvā krameṇa ca | nityamabhyaṅgake caiva vāsitaṁ vā na dūṣitam

One should apply oil, observing the proper days in due order; for the daily oil-application, scented oil, or at least oil that is not impure, should be used.

Verse 13 (shiva.rudra.13.13)

श्राद्धे च ग्रहणे चैवोपवासे प्रतिपद्दिने । अथवा सार्षपं तैलं न दुष्येद् ग्रहणं विना

śrāddhe ca grahaṇe caivopavāse pratipaddine | athavā sārṣapaṁ tailaṁ na duṣyed grahaṇaṁ vinā

At a shraddha, at an eclipse, on a fasting day, and on the first lunar tithi, oil is to be avoided; mustard oil, however, is not faulty, except at an eclipse.

Verse 14 (shiva.rudra.13.14)

देशं कालं विचार्य्यैवं स्नानं कुर्याद्यथाविधि । उत्तराभिमुखश्चैव प्राङ्मुखोऽप्यथवा पुनः

deśaṁ kālaṁ vicāryyaivaṁ snānaṁ kuryādyathāvidhi | uttarābhimukhaścaiva prāṅmukho'pyathavā punaḥ

Considering place and time in this way, one should bathe according to rule, facing north, or else again facing east.

Verse 15 (shiva.rudra.13.15)

उच्छिष्टेनैव वस्त्रेण न स्नायात्स कदाचन । शुद्धवस्त्रेण स स्नायात्तद्देवस्मृतिपूर्वकम्

ucchiṣṭenaiva vastreṇa na snāyātsa kadācana | śuddhavastreṇa sa snāyāttaddevasmṛtipūrvakam

One should never bathe wearing an already-worn garment; one should bathe in a clean garment, remembering that god beforehand.

Verse 16 (shiva.rudra.13.16)

परधार्य्यं च नोच्छिष्टं रात्रौ च विधृतं च यत् । तेन स्नानं तथा कार्यं क्षालितं च परित्यजेत्

paradhāryyaṁ ca nocchiṣṭaṁ rātrau ca vidhṛtaṁ ca yat | tena snānaṁ tathā kāryaṁ kṣālitaṁ ca parityajet

A garment worn by another, one soiled, or one worn during the night — one should not bathe wearing such a garment; even a washed one of this kind should be avoided.

Verse 17 (shiva.rudra.13.17)

तर्पणं च ततः कार्यं देवर्षिपितृतृप्तिदम् । धौतवस्त्रं ततो धार्यं पुनराचमनं चरेत्

tarpaṇaṁ ca tataḥ kāryaṁ devarṣipitṛtṛptidam | dhautavastraṁ tato dhāryaṁ punarācamanaṁ caret

Then the tarpana should be performed, which satisfies the gods, the sages, and the ancestors; then a washed garment should be worn, and sipping-water taken again.

Verse 18 (shiva.rudra.13.18)

शुचौ देशे ततो गत्वा गोमयाद्यपमार्जिते । आसनं च शुभं तत्र रचनीयं द्विजोत्तमाः

śucau deśe tato gatvā gomayādyapamārjite | āsanaṁ ca śubhaṁ tatra racanīyaṁ dvijottamāḥ

Then, going to a pure spot cleansed with cow-dung and the like, O best of the twice-born, an auspicious seat should be prepared there.

Verse 19 (shiva.rudra.13.19)

शुद्धकाष्ठसमुत्पन्नं पूर्णं स्तरितमेव वा । चित्रासनं तथा कुर्यात्सर्वकामफलप्रदम्

śuddhakāṣṭhasamutpannaṁ pūrṇaṁ staritameva vā | citrāsanaṁ tathā kuryātsarvakāmaphalapradam

One should use a seat made of pure wood, whole and covered, or a decorated seat, which bestows the fruit of every desire.

Verse 20 (shiva.rudra.13.20)

यथायोग्यं पुनर्ग्राह्यं मृगचर्मादिकं च यत् । तत्रोपविश्य कुर्वीत त्रिपुण्ड्रं भस्मना सुधीः

yathāyogyaṁ punargrāhyaṁ mṛgacarmādikaṁ ca yat | tatropaviśya kurvīta tripuṇḍraṁ bhasmanā sudhīḥ

As is fitting, a deerskin or the like may also be used; sitting there, the wise one should apply the tripundra mark with ash.

Verse 21 (shiva.rudra.13.21)

जपस्तपस्तथा दानं त्रिपुण्ड्रात्सफलं भवेत् । अभावे भस्मनस्तत्र जलस्यादि प्रकीर्तितम्

japastapastathā dānaṁ tripuṇḍrātsaphalaṁ bhavet | abhāve bhasmanastatra jalasyādi prakīrtitam

Japa, austerity, and giving become fruitful through the tripundra; in the absence of ash, water or the like is prescribed instead.

Verse 22 (shiva.rudra.13.22)

एवं कृत्वा त्रिपुण्ड्रं च रुद्राक्षान्धारयेन्नरः । सम्पाद्य च स्वकं कर्म पुनराराधयेच्छिवम्

evaṁ kṛtvā tripuṇḍraṁ ca rudrākṣāndhārayennaraḥ | sampādya ca svakaṁ karma punarārādhayecchivam

Having thus applied the tripundra, a man should wear rudraksha beads; and having completed his own daily duties, he should again worship Shiva.

Verse 23 (shiva.rudra.13.23)

पुनराचमनं कृत्वा त्रिवारं मन्त्रपूर्वकम् । एकं वाथ प्रकुर्याच्च गङ्गाबिन्दुरिति ब्रुवन्

punarācamanaṁ kṛtvā trivāraṁ mantrapūrvakam | ekaṁ vātha prakuryācca gaṅgābinduriti bruvan

Sipping water again three times, preceded by mantra, or performing it once while uttering "a drop of the Ganga," —

Verse 24 (shiva.rudra.13.24)

अन्नोदकं तथा तत्र शिवपूजार्थमाहरेत् । अन्यद्वस्तु च यत्किञ्चिद्यथाशक्ति समीपगम्

annodakaṁ tathā tatra śivapūjārthamāharet | anyadvastu ca yatkiñcidyathāśakti samīpagam

one should bring food and water there for the worship of Shiva, and whatever other article, according to one's means, close at hand.

Verse 25 (shiva.rudra.13.25)

कृत्वा स्थेयं च तत्रैव धैर्यमास्थाय वै पुनः । अर्घपात्रं तथा चैकं जलगन्धाक्षतैर्युतम्

kṛtvā stheyaṁ ca tatraiva dhairyamāsthāya vai punaḥ | arghapātraṁ tathā caikaṁ jalagandhākṣatairyutam

Having settled there, and composing oneself with steadiness, one should also prepare one vessel of arghya, filled with water, fragrance, and unbroken rice.

Verse 26 (shiva.rudra.13.26)

दक्षिणांसे तथा स्थाप्यमुपचारस्य क्लृप्तये । गुरोश्च स्मरणं कृत्वा तदनुज्ञामवाप्य च

dakṣiṇāṁse tathā sthāpyamupacārasya klṛptaye | gurośca smaraṇaṁ kṛtvā tadanujñāmavāpya ca

This should be placed on the right side, for the arrangement of the ritual offerings; having remembered the guru and obtained his sanction —

Verse 27 (shiva.rudra.13.27)

सङ्कल्पं विधिवत्कृत्वा कामनां च नियुज्य वै । पूजयेत्परया भक्त्या शिवं सपरिवारकम्

saṅkalpaṁ vidhivatkṛtvā kāmanāṁ ca niyujya vai | pūjayetparayā bhaktyā śivaṁ saparivārakam

— having made the ritual resolve according to rule, and stated one's wish, one should worship Shiva, together with his retinue, with supreme devotion.

Verse 28 (shiva.rudra.13.28)

मुद्रामेकां प्रदर्श्यैव पूजयेद्विघ्नहारकम् । सिन्दुरादिपदार्थैश्च सिद्धिबुद्धिसमन्वितम्

mudrāmekāṁ pradarśyaiva pūjayedvighnahārakam | sindurādipadārthaiśca siddhibuddhisamanvitam

Displaying one mudra, one should worship the Remover of Obstacles, accompanied by Siddhi and Buddhi, with vermilion and other substances.

Verse 29 (shiva.rudra.13.29)

लक्षलाभयुतं तत्र पूजयित्वा नमेत्पुनः । चतुर्थ्यन्तैर्नामपदैर्नमोऽन्तैः प्रणवादिभिः

lakṣalābhayutaṁ tatra pūjayitvā nametpunaḥ | caturthyantairnāmapadairnamo'ntaiḥ praṇavādibhiḥ

Worshipping him there, together with Laksha and Labha, one should again bow, with name-words ending in the dative case, beginning with the pranava and ending in "namaḥ."

Verse 30 (shiva.rudra.13.30)

क्षमाप्यैनं तदा देवं भ्रात्रा चैव समन्वितम् । पूजयेत्परया भक्त्या नमस्कुर्यात्पुनः पुनः

kṣamāpyainaṁ tadā devaṁ bhrātrā caiva samanvitam | pūjayetparayā bhaktyā namaskuryātpunaḥ punaḥ

Then, asking forgiveness of that god, together with his brother Kartikeya, one should worship with supreme devotion, and bow again and again.

Verse 31 (shiva.rudra.13.31)

द्वारपालं सदा द्वारि तिष्ठन्तं च महोदरम् । पूजयित्वा ततः पश्चात्पूजयेद्गिरिजां सतीम्

dvārapālaṁ sadā dvāri tiṣṭhantaṁ ca mahodaram | pūjayitvā tataḥ paścātpūjayedgirijāṁ satīm

Having worshipped the door-guardian, and Mahodara who ever stands at the door, one should afterward worship Girija Sati.

Verse 32 (shiva.rudra.13.32)

चन्दनैः कुङ्कुमैश्चैव धूपैर्दीपैरनेकशः । नैवेद्यैर्विविधैश्चैव पूजयित्वा ततः शिवम्

candanaiḥ kuṅkumaiścaiva dhūpairdīpairanekaśaḥ | naivedyairvividhaiścaiva pūjayitvā tataḥ śivam

With sandalwood, saffron, incense, and lamps of many kinds, and various food-offerings, one should worship Shiva.

Verse 33 (shiva.rudra.13.33)

नमस्कृत्य पुनस्तत्र गच्छेच्च शिवसन्निधौ । यदि गेहे पार्थिवीं वा हैमीं वा राजतीं तथा

namaskṛtya punastatra gacchecca śivasannidhau | yadi gehe pārthivīṁ vā haimīṁ vā rājatīṁ tathā

Having bowed, one should then go into the presence of Shiva; if at home, one should prepare an image of earth, or of gold, or of silver —

Verse 34 (shiva.rudra.13.34)

धातुजन्यां तथैवान्यां पारदां वा प्रकल्पयेत् । नमस्कृत्य पुनस्तां च पूजयेद्भक्तितत्परः

dhātujanyāṁ tathaivānyāṁ pāradāṁ vā prakalpayet | namaskṛtya punastāṁ ca pūjayedbhaktitatparaḥ

— or another made of some other metal, or of mercury; having bowed to it, one intent on devotion should worship it.

Verse 35 (shiva.rudra.13.35)

तस्यां तु पूजितायां वै सर्वे स्युः पूजितास्तथा । स्थापयेच्च मृदा लिङ्गं विधाय विधिपूर्वकम्

tasyāṁ tu pūjitāyāṁ vai sarve syuḥ pūjitāstathā | sthāpayecca mṛdā liṅgaṁ vidhāya vidhipūrvakam

When that image has been worshipped, all the gods are thereby worshipped as well; one should establish a linga of clay, fashioning it according to rule.

Verse 36 (shiva.rudra.13.36)

कर्तव्यं सर्वथा तत्र नियमाः स्वगृहे स्थितैः । प्राणप्रतिष्ठां कुर्वीत भूतशुद्धिं विधाय च

kartavyaṁ sarvathā tatra niyamāḥ svagṛhe sthitaiḥ | prāṇapratiṣṭhāṁ kurvīta bhūtaśuddhiṁ vidhāya ca

For those residing in their own homes, these observances should always be followed there; one should perform the installation of life, having first performed the purification of the elements.

Verse 37 (shiva.rudra.13.37)

दिक्पालान्पूजयेत्तत्र स्थापयित्वा शिवालये । गृहे शिवः सदा पूज्यो मूलमन्त्राभियोगतः

dikpālānpūjayettatra sthāpayitvā śivālaye | gṛhe śivaḥ sadā pūjyo mūlamantrābhiyogataḥ

In a Shiva-temple, having installed the linga, one should worship the guardians of the directions there; at home, Shiva is to be ever worshipped by the application of the root-mantra.

Verse 38 (shiva.rudra.13.38)

तत्र तु द्वारपालानां नियमो नास्ति सर्वथा । गृहे लिङ्गं च यत्पूज्यं तस्मिन्सर्वं प्रतिष्ठितम्

tatra tu dvārapālānāṁ niyamo nāsti sarvathā | gṛhe liṅgaṁ ca yatpūjyaṁ tasminsarvaṁ pratiṣṭhitam

There, at home, no rule at all applies regarding door-guardians; whatever linga is worshipped at home — everything else is established within it.

Verse 39 (shiva.rudra.13.39)

पूजाकाले च साङ्गं वै परिवारेण संयुतम् । आवाह्य पूजयेद्देवं नियमोऽत्र न विद्यते

pūjākāle ca sāṅgaṁ vai parivāreṇa saṁyutam | āvāhya pūjayeddevaṁ niyamo'tra na vidyate

At the time of worship, one should invoke and worship the god together with his attendant powers and his retinue; there is no fixed rule here.

Verse 40 (shiva.rudra.13.40)

शिवस्य सन्निधिं कृत्वा स्वासनं परिकल्पयेत् । उदङ्मुखस्तदा स्थित्वा पुनराचमनं चरेत्

śivasya sannidhiṁ kṛtvā svāsanaṁ parikalpayet | udaṅmukhastadā sthitvā punarācamanaṁ caret

Having drawn near to Shiva, one should arrange one's own seat; then, sitting facing north, one should again perform the sipping of water.

Verse 41 (shiva.rudra.13.41)

प्रक्षाल्य हस्तौ पश्चाद्वै प्राणायामं प्रकल्पयेत् । मूलमन्त्रेण तत्रैव दशावर्तं नयेन्नरः

prakṣālya hastau paścādvai prāṇāyāmaṁ prakalpayet | mūlamantreṇa tatraiva daśāvartaṁ nayennaraḥ

Then, having washed the hands, one should perform pranayama; with the root-mantra, right there, a man should perform ten repetitions.

Verse 42 (shiva.rudra.13.42)

पञ्चमुद्राः प्रकर्तव्याः पूजावश्यं करे स्थिता । एता मुद्राः प्रदर्श्यैव चरेत्पूजाविधिं नरः

pañcamudrāḥ prakartavyāḥ pūjāvaśyaṁ kare sthitā | etā mudrāḥ pradarśyaiva caretpūjāvidhiṁ naraḥ

Five mudras are necessarily to be made with the hand in worship; displaying these mudras, a man should carry out the rite of worship.

Verse 43 (shiva.rudra.13.43)

दीपं कृत्वा तदा तत्र नमस्कारं गुरोरथ । बध्वा पद्मासनं तत्र भद्रासनमथापि वा

dīpaṁ kṛtvā tadā tatra namaskāraṁ guroratha | badhvā padmāsanaṁ tatra bhadrāsanamathāpi vā

Then, having lit a lamp there, and having bowed to the guru, one should sit in the lotus posture, or else in the auspicious posture.

Verse 44 (shiva.rudra.13.44)

उत्तानासनकं कृत्वा पर्यङ्कासनकं तथा । यथासुखं तथा स्थित्वा प्रयोगं पुनरेव च

uttānāsanakaṁ kṛtvā paryaṅkāsanakaṁ tathā | yathāsukhaṁ tathā sthitvā prayogaṁ punareva ca

Or in the reclining posture, or the couch-posture — sitting however is comfortable, one should again perform the ritual application.

Verse 45 (shiva.rudra.13.45)

कृत्वा पूजां पुरा जातां वट्टकेनैव तारयेत् । यदि वा स्वयमेवेह गृहे न नियमोऽस्ति च

kṛtvā pūjāṁ purā jātāṁ vaṭṭakenaiva tārayet | yadi vā svayameveha gṛhe na niyamo'sti ca

Having performed the worship as previously described, one should complete it with a small offering; or, if performing it oneself at home, there is no fixed rule.

Verse 46 (shiva.rudra.13.46)

पश्चाच्चैवार्घपात्रेण क्षालयेल्लिङ्गमुत्तमम् । अनन्यमानसो भूत्वा पूजाद्रव्यं निधाय च

paścāccaivārghapātreṇa kṣālayelliṅgamuttamam | ananyamānaso bhūtvā pūjādravyaṁ nidhāya ca

Then, with the water of the arghya vessel, one should wash the supreme linga; becoming single-minded, and having set out the articles of worship —

Verse 47 (shiva.rudra.13.47)

पश्चाच्चावाहयेद्देवं मन्त्रेणानेन वै नरः । कैलासशिखरस्थं च पार्वतीपतिमुत्तमम्

paścāccāvāhayeddevaṁ mantreṇānena vai naraḥ | kailāsaśikharasthaṁ ca pārvatīpatimuttamam

— a man should then invoke the god with this mantra: the supreme Lord of Parvati, who dwells upon the peak of Kailasa —

Verse 48 (shiva.rudra.13.48)

यथोक्तरूपिणं शम्भुं निर्गुणं गुणरूपिणम् । पञ्चवक्त्रं दशभुजं त्रिनेत्रं वृषभध्वजम्

yathoktarūpiṇaṁ śambhuṁ nirguṇaṁ guṇarūpiṇam | pañcavaktraṁ daśabhujaṁ trinetraṁ vṛṣabhadhvajam

Shambhu, of the form thus described, beyond qualities yet taking the form of qualities; five-faced, ten-armed, three-eyed, with the bull on his banner —

Verse 49 (shiva.rudra.13.49)

कर्पूरगौरं दिव्याङ्गं चन्द्रमौलिं कपर्दिनम् । व्याघ्रचर्मोत्तरीयं च गजचर्माम्बरं शुभम्

karpūragauraṁ divyāṅgaṁ candramauliṁ kapardinam | vyāghracarmottarīyaṁ ca gajacarmāmbaraṁ śubham

camphor-white, of divine form, the moon upon his crown, his hair matted; wearing a tiger-skin as his upper garment, and an elephant-hide as his auspicious lower garment —

Verse 50 (shiva.rudra.13.50)

वासुक्यादिपरीताङ्गं पिनाकाद्यायुधान्वितम् । सिद्धयोऽष्टौ च यस्याग्रे नृत्यन्तीह निरन्तरम्

vāsukyādiparītāṅgaṁ pinākādyāyudhānvitam | siddhayo'ṣṭau ca yasyāgre nṛtyantīha nirantaram

his body encircled by Vasuki and other serpents, armed with the Pinaka and other weapons; before whom the eight siddhis ever dance without ceasing —

Verse 51 (shiva.rudra.13.51)

जयजयेति शब्दैश्च सेवितं भक्तपुञ्जकैः । तेजसा दुःसहेनैव दुर्लक्ष्यं देवसेवितम्

jayajayeti śabdaiśca sevitaṁ bhaktapuñjakaiḥ | tejasā duḥsahenaiva durlakṣyaṁ devasevitam

attended by throngs of devotees with cries of "victory, victory!"; hard to behold because of unbearable radiance, and served by the gods —

Verse 52 (shiva.rudra.13.52)

शरण्यं सर्वसत्त्वानां प्रसन्नमुखपङ्कजम् । वेदैः शास्त्रैर्यथागीतं विष्णुब्रह्मनुतं सदा

śaraṇyaṁ sarvasattvānāṁ prasannamukhapaṅkajam | vedaiḥ śāstrairyathāgītaṁ viṣṇubrahmanutaṁ sadā

the refuge of all beings, his lotus face ever serene; praised, as sung by the Vedas and shastras, ever hymned by Vishnu and Brahma —

Verse 53 (shiva.rudra.13.53)

भक्तवत्सलमानन्दं शिवमावाहयाम्यहम् । एवं ध्यात्वा शिवं साम्बमासनं परिकल्पयेत्

bhaktavatsalamānandaṁ śivamāvāhayāmyaham | evaṁ dhyātvā śivaṁ sāmbamāsanaṁ parikalpayet

affectionate to his devotees, the very form of bliss — that Shiva do I invoke. Having thus meditated upon Shiva together with Amba, one should prepare a seat for him.

Verse 54 (shiva.rudra.13.54)

चतुर्थ्यन्तपदेनैव सर्वं कुर्याद्यथाक्रमम् । ततः पाद्यं प्रदद्याद्वै ततोऽर्घ्यं शङ्कराय च

caturthyantapadenaiva sarvaṁ kuryādyathākramam | tataḥ pādyaṁ pradadyādvai tato'rghyaṁ śaṅkarāya ca

Everything should be done in due order, with words in the dative case; then one should offer the water for the feet, and then the arghya, to Shankara.

Verse 55 (shiva.rudra.13.55)

ततश्चाचमनं कृत्वा शम्भवे परमात्मने । पश्चाच्च पञ्चभिर्द्रव्यैः स्नापयेच्छङ्करं मुदा

tataścācamanaṁ kṛtvā śambhave paramātmane | paścācca pañcabhirdravyaiḥ snāpayecchaṅkaraṁ mudā

Then, having offered the sipping-water to Shambhu, the Supreme Self, one should afterward joyfully bathe Shankara with the five substances.

Verse 56 (shiva.rudra.13.56)

वेदमन्त्रैर्यथायोग्यं नामभिर्वा समन्त्रकैः । चतुर्थ्यन्तपदैर्भक्त्या द्रव्याण्येवार्पयेत्तदा

vedamantrairyathāyogyaṁ nāmabhirvā samantrakaiḥ | caturthyantapadairbhaktyā dravyāṇyevārpayettadā

With Vedic mantras as appropriate, or with his names accompanied by mantras, with words in the dative case, one should offer the substances with devotion.

Verse 57 (shiva.rudra.13.57)

तथाभिलषितं द्रव्यमर्पयेच्छङ्करोपरि । ततश्च वारुणं स्नानं करणीयं शिवाय वै

tathābhilaṣitaṁ dravyamarpayecchaṅkaropari | tataśca vāruṇaṁ snānaṁ karaṇīyaṁ śivāya vai

Whatever substance is desired should be offered upon Shankara; and then the bath with pure water should be performed for Shiva.

Verse 58 (shiva.rudra.13.58)

सुगन्धं चन्दनं दद्यादन्यलेपानि यत्नतः । ससुगन्धजलेनैव जलधारां प्रकल्पयेत्

sugandhaṁ candanaṁ dadyādanyalepāni yatnataḥ | sasugandhajalenaiva jaladhārāṁ prakalpayet

Fragrant sandalwood and other unguents should be offered with care; with fragrant water alone, a stream of water should be prepared.

Verse 59 (shiva.rudra.13.59)

वेदमन्त्रैः षडङ्गैर्वा नामभी रुद्रसङ्ख्यया । यथावकाशं तां दत्वा वस्त्रेण मार्जयेत्ततः

vedamantraiḥ ṣaḍaṅgairvā nāmabhī rudrasaṅkhyayā | yathāvakāśaṁ tāṁ datvā vastreṇa mārjayettataḥ

With Vedic mantras, the six limbs of the mantra, or the names to the number of the Rudras, offering that stream as opportunity allows, one should then wipe it with a cloth.

Verse 60 (shiva.rudra.13.60)

पश्चादाचमनं दद्यात्ततो वस्त्रं समर्पयेत । तिलाश्चैव यवा वापि गोधूमा मुद्गमाषकाः

paścādācamanaṁ dadyāttato vastraṁ samarpayeta | tilāścaiva yavā vāpi godhūmā mudgamāṣakāḥ

Afterward one should offer the sipping-water, and then present a garment; sesame, barley, wheat, mung beans, and black gram —

Verse 61 (shiva.rudra.13.61)

अर्पणीयाः शिवायैवं मन्त्रैर्नानाविधैरपि । ततः पुष्पाणि देयानि पञ्चास्याय महात्मने

arpaṇīyāḥ śivāyaivaṁ mantrairnānāvidhairapi | tataḥ puṣpāṇi deyāni pañcāsyāya mahātmane

— should be offered to Shiva in this way, with various mantras; then flowers should be given to the great five-faced one.

Verse 62 (shiva.rudra.13.62)

प्रतिवक्त्रं यथाध्यानं यथायोग्याभिलाषतः । कमलैः शतपत्रैश्च शङ्खपुष्पैः परैस्तथा

prativaktraṁ yathādhyānaṁ yathāyogyābhilāṣataḥ | kamalaiḥ śatapatraiśca śaṅkhapuṣpaiḥ paraistathā

For each face, according to the meditation and one's own preference — with lotuses, hundred-petaled blossoms, conch-flowers, and other excellent flowers;

Verse 63 (shiva.rudra.13.63)

कुशपुष्पैश्च धत्तूरैर्मन्दारैर्द्रोणसम्भवैः । तथा च तुलसीपत्रैर्बिल्वपत्रैर्विशेषतः

kuśapuṣpaiśca dhattūrairmandārairdroṇasambhavaiḥ | tathā ca tulasīpatrairbilvapatrairviśeṣataḥ

with kusha flowers, datura, mandara flowers, drona flowers, and especially with tulasi leaves and bilva leaves —

Verse 64 (shiva.rudra.13.64)

पूजयेत्परया भक्त्या शङ्करं भक्तवत्सलम् । सर्वाभावे बिल्वपत्रमर्पणीयं शिवाय वै

pūjayetparayā bhaktyā śaṅkaraṁ bhaktavatsalam | sarvābhāve bilvapatramarpaṇīyaṁ śivāya vai

one should worship Shankara, affectionate to his devotees, with supreme devotion; in the absence of everything else, a bilva leaf alone should be offered to Shiva.

Verse 65 (shiva.rudra.13.65)

बिल्वपत्रार्पणेनैव सर्वपूजा प्रसिध्यति । ततः सुगन्धचूर्णं वै वासितं तैलमुत्तमम्

bilvapatrārpaṇenaiva sarvapūjā prasidhyati | tataḥ sugandhacūrṇaṁ vai vāsitaṁ tailamuttamam

By the offering of a bilva leaf alone, the entire worship is accomplished; then fragrant powder, and excellent scented oil —

Verse 66 (shiva.rudra.13.66)

अर्पणीयं च विविधं शिवाय परया मुदा । ततो धूपः प्रकर्तव्यो गुग्गुलागुरुभिर्मुदा

arpaṇīyaṁ ca vividhaṁ śivāya parayā mudā | tato dhūpaḥ prakartavyo guggulāgurubhirmudā

— various such things should be offered to Shiva with supreme joy; then incense should be offered, joyfully, with guggulu and agaru.

Verse 67 (shiva.rudra.13.67)

दीपो देयस्ततस्तस्मै शङ्कराय घृताप्लुतः । अर्घं दद्यात्पुनस्तस्मै मन्त्रेणानेन भक्तितः

dīpo deyastatastasmai śaṅkarāya ghṛtāplutaḥ | arghaṁ dadyātpunastasmai mantreṇānena bhaktitaḥ

Then a lamp, soaked with ghee, should be given to Shankara; the arghya should again be offered to him, with this mantra, out of devotion.

Verse 68 (shiva.rudra.13.68)

कारयेद्भावतो भक्त्या वस्त्रेण मुखमार्जनम् । रूपं देहि यशो देहि भोगं देहि च शङ्कर

kārayedbhāvato bhaktyā vastreṇa mukhamārjanam | rūpaṁ dehi yaśo dehi bhogaṁ dehi ca śaṅkara

With devout feeling, one should wipe his face with a cloth, saying: "Give me beauty, give me fame, and give me enjoyment, O Shankara,

Verse 69 (shiva.rudra.13.69)

भुक्तिमुक्तिफलं देहि गृहीत्वार्घं नमोऽस्तु ते । ततो देयं शिवायैव नैवेद्यं विविधं शुभम्

bhuktimuktiphalaṁ dehi gṛhītvārghaṁ namo'stu te | tato deyaṁ śivāyaiva naivedyaṁ vividhaṁ śubham

give me the fruit of both enjoyment and liberation; accepting this arghya, salutation to you." Then various auspicious food-offerings should be given to Shiva.

Verse 70 (shiva.rudra.13.70)

तत आचमनं प्रीत्या कारयेद्वाविलम्बतः । ततः शिवाय ताम्बूलं साङ्गोपाङ्गं विधाय च

tata ācamanaṁ prītyā kārayedvāvilambataḥ | tataḥ śivāya tāmbūlaṁ sāṅgopāṅgaṁ vidhāya ca

Then the sipping-water should be lovingly offered without delay; then betel-leaf should be given to Shiva, with all its accessory parts prepared.

Verse 71 (shiva.rudra.13.71)

कुर्यादारार्तिकं पञ्चवर्तिकामनुसङ्ख्यया । पादयोश्च चतुर्वारं द्विःकृत्वो नाभिमण्डले

kuryādārārtikaṁ pañcavartikāmanusaṅkhyayā | pādayośca caturvāraṁ dviḥkṛtvo nābhimaṇḍale

One should perform the waving of the five-wicked lamp in due count: four times before the feet, twice around the navel region,

Verse 72 (shiva.rudra.13.72)

एककृत्वो मुखे सप्तकृत्वः सर्वाङ्ग एव हि । ततो ध्यानं यथोक्तं वै कृत्वा मन्त्रमुदीरयेत्

ekakṛtvo mukhe saptakṛtvaḥ sarvāṅga eva hi | tato dhyānaṁ yathoktaṁ vai kṛtvā mantramudīrayet

once before the face, and seven times over the entire body. Then, having performed meditation as described, one should utter the mantra.

Verse 73 (shiva.rudra.13.73)

यथासङ्ख्यं यथाज्ञानं कुर्यान्मन्त्रविधिं नरः । गुरूपदिष्टमार्गेण कृत्वा मन्त्रजपं सुधीः

yathāsaṅkhyaṁ yathājñānaṁ kuryānmantravidhiṁ naraḥ | gurūpadiṣṭamārgeṇa kṛtvā mantrajapaṁ sudhīḥ

A man should perform the mantra-rite according to the due number and his own understanding; the wise one, having performed japa of the mantra by the path taught by his guru —

Verse 74 (shiva.rudra.13.74)

गुरूपदिष्टमार्गेण कृत्वा मन्त्रमुदीरयेत् । यथासङ्ख्यं यथाज्ञानं कुर्यान्मन्त्रविधिं नरः

gurūpadiṣṭamārgeṇa kṛtvā mantramudīrayet | yathāsaṅkhyaṁ yathājñānaṁ kuryānmantravidhiṁ naraḥ

— by the path taught by the guru, having done so, should utter the mantra; a man should perform the mantra-rite according to the due number and his own understanding.

Verse 75 (shiva.rudra.13.75)

स्तोत्रैर्नानाविधैः प्रीत्या स्तुवीत वृषभध्वजम् । ततः प्रदक्षिणां कुर्याच्छिवस्य च शनैः शनैः

stotrairnānāvidhaiḥ prītyā stuvīta vṛṣabhadhvajam | tataḥ pradakṣiṇāṁ kuryācchivasya ca śanaiḥ śanaiḥ

With various hymns, one should lovingly praise the one who bears the bull upon his banner; then one should walk around Shiva slowly, slowly, in circumambulation.

Verse 76 (shiva.rudra.13.76)

नमस्कारांस्ततः कुर्यात्साष्टाङ्गं विधिवत्पुमान् । ततः पुष्पाञ्जलिर्देयो मन्त्रेणानेन भक्तितः

namaskārāṁstataḥ kuryātsāṣṭāṅgaṁ vidhivatpumān | tataḥ puṣpāñjalirdeyo mantreṇānena bhaktitaḥ

Then a man should offer prostrations, with all eight limbs touching the ground, according to rule; then an offering of flowers should be given, with this mantra, out of devotion.

Verse 77 (shiva.rudra.13.77)

शङ्कराय परेशाय शिवसन्तोषहेतवे । अज्ञानाद्यदि वा ज्ञानाद्यद्यत्पूजादिकं मया

śaṅkarāya pareśāya śivasantoṣahetave | ajñānādyadi vā jñānādyadyatpūjādikaṁ mayā

"To Shankara, the Supreme Lord, for the sake of Shiva's pleasure: whatever worship and the rest I have performed, whether out of ignorance or out of knowledge —

Verse 78 (shiva.rudra.13.78)

कृतं तदस्तु सफलं कृपया तव शङ्कर । तावकस्त्वद्गतप्राणस्त्वच्चित्तोऽहं सदा मृड

kṛtaṁ tadastu saphalaṁ kṛpayā tava śaṅkara | tāvakastvadgataprāṇastvaccitto'haṁ sadā mṛḍa

may that become fruitful by your grace, O Shankara. I am yours, my life-breath given over to you, my mind fixed on you always, O gracious one.

Verse 79 (shiva.rudra.13.79)

इति विज्ञाय गौरीश भूतनाथ प्रसीद मे । भूमौ स्खलितपादानां भूमिरेवावलम्बनम्

iti vijñāya gaurīśa bhūtanātha prasīda me | bhūmau skhalitapādānāṁ bhūmirevāvalambanam

Knowing this, O Lord of Gauri, O Lord of Beings, be gracious to me. For those whose feet have stumbled upon the earth, the earth itself is their support —

Verse 80 (shiva.rudra.13.80)

त्वयि जातापराधानां त्वमेव शरणं प्रभो । इत्यादि बहुविज्ञप्तिं कृत्वा सम्यग्विधानतः

tvayi jātāparādhānāṁ tvameva śaraṇaṁ prabho | ityādi bahuvijñaptiṁ kṛtvā samyagvidhānataḥ

"— so, for those who have committed offense against you, you alone, O Lord, are their refuge." Having made this and many other supplications, properly according to rule —

Verse 81 (shiva.rudra.13.81)

पुष्पाञ्जलिं समर्प्यैव पुनः कुर्यान्नतिं मुहुः । स्वस्थानं गच्छ देवेश परिवारयुतः प्रभो

puṣpāñjaliṁ samarpyaiva punaḥ kuryānnatiṁ muhuḥ | svasthānaṁ gaccha deveśa parivārayutaḥ prabho

— and having offered the handful of flowers, one should again and again bow. "Go to your own abode, O Lord of gods, O Master, together with your retinue;

Verse 82 (shiva.rudra.13.82)

पूजाकाले पुनर्नाथ त्वयागन्तव्यमादरात् । इति सम्प्रार्थ्य बहुशः शङ्करं भक्तवत्सलम्

pūjākāle punarnātha tvayāgantavyamādarāt | iti samprārthya bahuśaḥ śaṅkaraṁ bhaktavatsalam

"— and, O Lord, at the time of worship again, may you come with reverence." Having thus prayed many times to Shankara, affectionate to his devotees —

Verse 83 (shiva.rudra.13.83)

विसर्जयेत्स्वहृदये तदपो मूर्ध्नि विन्यसेत् । इति प्रोक्तमशेषेण मुनयः शिवपूजनम् । भुक्तिमुक्तिप्रदं चैव किमन्यच्छ्रोतुमर्हथ

visarjayetsvahṛdaye tadapo mūrdhni vinyaset | iti proktamaśeṣeṇa munayaḥ śivapūjanam | bhuktimuktipradaṁ caiva kimanyacchrotumarhatha

— one should bid him depart into one's own heart, and place that water upon one's head. Thus, O sages, has the worship of Shiva, which grants both enjoyment and liberation, been fully declared; what else are you fit to hear?