The Ordinances of Worship: Offerings and Their Fruits

Verse 1 (shiva.rudra.14.1)

ऋषय ऊचुः । व्यासशिष्य महाभाग कथय त्वं प्रमाणतः । कैः पुष्पैः पूजितः शम्भुः किं किं यच्छति वै फलम्

ṛṣaya ūcuḥ | vyāsaśiṣya mahābhāga kathaya tvaṁ pramāṇataḥ | kaiḥ puṣpaiḥ pūjitaḥ śambhuḥ kiṁ kiṁ yacchati vai phalam

The sages said: O greatly fortunate disciple of Vyasa, tell us accurately — with which flowers, when worshipped, does Shambhu grant which particular fruit?

Verse 2 (shiva.rudra.14.2)

सूत उवाच । शौनकाद्याश्च ऋषयः शृणुतादरतोऽखिलम् ॥ कथयाम्यद्य सुप्रीत्या पुष्पार्पणविनिर्णयम्

sūta uvāca | śaunakādyāśca ṛṣayaḥ śṛṇutādarato'khilam || kathayāmyadya suprītyā puṣpārpaṇavinirṇayam

Suta said: O sages headed by Shaunaka, listen to all of this with attention; I shall tell today, with great affection, the determination of flower-offerings.

Verse 3 (shiva.rudra.14.3)

एष एव विधिः पृष्टो नारदेन महर्षिणा । प्रोवाच परमप्रीत्या पुष्पार्पणविनिर्णयम्

eṣa eva vidhiḥ pṛṣṭo nāradena maharṣiṇā | provāca paramaprītyā puṣpārpaṇavinirṇayam

This very rite was asked by the great sage Narada; and Brahma told him, with supreme affection, this determination of flower-offerings.

Verse 4 (shiva.rudra.14.4)

ब्रह्मोवाच । कमलैर्बिल्वपत्रैश्च शतपत्रैस्तथा पुनः । शङ्खपुष्पैस्तथा देवं लक्ष्मीकामोऽर्चयेच्छिवम्

brahmovāca | kamalairbilvapatraiśca śatapatraistathā punaḥ | śaṅkhapuṣpaistathā devaṁ lakṣmīkāmo'rcayecchivam

Brahma said: With lotuses, bilva leaves, hundred-petaled blossoms, and conch-flowers, one who desires prosperity should worship Shiva.

Verse 5 (shiva.rudra.14.5)

एतैश्च लक्षसङ्ख्याकैः पूजितश्चेद्भवेच्छिवः । पापहानिस्तथा विप्र लक्ष्मीः स्यान्नात्र संशयः

etaiśca lakṣasaṅkhyākaiḥ pūjitaścedbhavecchivaḥ | pāpahānistathā vipra lakṣmīḥ syānnātra saṁśayaḥ

If Shiva is worshipped with a hundred thousand of these, O Brahmin, then loss of sin and the attainment of Lakshmi surely follow — of this there is no doubt.

Verse 6 (shiva.rudra.14.6)

विंशतिः कमलानां तु प्रस्थमेकमुदाहृतम् । बिल्वो दलसहस्रेण प्रस्थार्धं परिभाषितम्

viṁśatiḥ kamalānāṁ tu prasthamekamudāhṛtam | bilvo dalasahasreṇa prasthārdhaṁ paribhāṣitam

Twenty lotuses are said to make one prastha; a thousand bilva leaves are reckoned as half a prastha.

Verse 7 (shiva.rudra.14.7)

शतपत्रसहस्रेण प्रस्थार्धं परिभाषितम् । पलैः षोडशभिः प्रस्थः पलं टङ्कदशस्मृतः

śatapatrasahasreṇa prasthārdhaṁ paribhāṣitam | palaiḥ ṣoḍaśabhiḥ prasthaḥ palaṁ ṭaṅkadaśasmṛtaḥ

A thousand hundred-petaled blossoms likewise make half a prastha; a prastha is sixteen palas, and a pala is ten tankas.

Verse 8 (shiva.rudra.14.8)

अनेनैव तु मानेन तुलामारोपयेद्यदा । सर्वान्कामानवाप्नोति निष्कामश्चेच्छिवो भवेत्

anenaiva tu mānena tulāmāropayedyadā | sarvānkāmānavāpnoti niṣkāmaścecchivo bhavet

When, by this very measure, one raises the offering to the weight of a tula, one obtains every desire; and if free of desire, one becomes one with Shiva.

Verse 9 (shiva.rudra.14.9)

राज्यस्य कामुको यो वै पार्थिवानां च पूजया । तोषयेच्छङ्करं देवं दशकोट्या मुनीश्वराः

rājyasya kāmuko yo vai pārthivānāṁ ca pūjayā | toṣayecchaṅkaraṁ devaṁ daśakoṭyā munīśvarāḥ

O lords of sages, whoever desires a kingdom should please the god Shankara with ten million offerings of earthen-linga worship.

Verse 10 (shiva.rudra.14.10)

लिङ्गं शिवं तथा पुष्पमखण्डं तण्डुलं तथा । चर्चितं चन्दनेनैव जलधारां तथा पुनः

liṅgaṁ śivaṁ tathā puṣpamakhaṇḍaṁ taṇḍulaṁ tathā | carcitaṁ candanenaiva jaladhārāṁ tathā punaḥ

The linga of Shiva, together with an unbroken flower and unbroken rice-grain, anointed with sandalwood alone, and again with a stream of water —

Verse 11 (shiva.rudra.14.11)

प्रतिरूपं तथा मन्त्रं बिल्वीदलमनुत्तमम् । अथवा शतपत्रं च कमलं वा तथा पुनः

pratirūpaṁ tathā mantraṁ bilvīdalamanuttamam | athavā śatapatraṁ ca kamalaṁ vā tathā punaḥ

together with the proper mantra, and a supreme bilva leaf, or a hundred-petaled blossom, or likewise a lotus —

Verse 12 (shiva.rudra.14.12)

शङ्खपुष्पैस्तथा प्रोक्तं विशेषेण पुरातनैः । सर्वकामफलं दिव्यं परत्रेहापि सर्वथा

śaṅkhapuṣpaistathā proktaṁ viśeṣeṇa purātanaiḥ | sarvakāmaphalaṁ divyaṁ paratrehāpi sarvathā

or with conch-flowers, has been especially declared by the ancients to bestow the divine fruit of every desire, both here and hereafter, in every way.

Verse 13 (shiva.rudra.14.13)

धूपं दीपं च नैवेद्यमर्घं चारार्तिकं तथा । प्रदक्षिणां नमस्कारं क्षमापनविसर्जने

dhūpaṁ dīpaṁ ca naivedyamarghaṁ cārārtikaṁ tathā | pradakṣiṇāṁ namaskāraṁ kṣamāpanavisarjane

Incense, a lamp, food-offering, arghya, the waving of lamps, circumambulation, prostration, the plea for forgiveness, and the sending-off —

Verse 14 (shiva.rudra.14.14)

कृत्वा साङ्गं तथा भोज्यं कृतं येन भवेदिह । तस्य वै सर्वथा राज्यं शङ्करः प्रददाति च

kṛtvā sāṅgaṁ tathā bhojyaṁ kṛtaṁ yena bhavediha | tasya vai sarvathā rājyaṁ śaṅkaraḥ pradadāti ca

having done all this, together with its ancillary rites and the feeding of Brahmins, whoever performs this — to him Shankara grants a kingdom in every way.

Verse 15 (shiva.rudra.14.15)

प्रधान्यकामुको यो वै तदर्धेनार्चयेत्पुमान् । कारागृहगतो यो वै लक्षेनैवार्चयेद्धरम्

pradhānyakāmuko yo vai tadardhenārcayetpumān | kārāgṛhagato yo vai lakṣenaivārcayeddharam

Whoever desires preeminence should worship with half of that quantity; whoever is imprisoned should worship Hara with a hundred thousand offerings alone.

Verse 16 (shiva.rudra.14.16)

रोगग्रस्तो यदा स्याद्वै तदर्धेनार्चयेच्छिवम् । कन्याकामो भवेद्यो वै तदर्धेन शिवं पुनः

rogagrasto yadā syādvai tadardhenārcayecchivam | kanyākāmo bhavedyo vai tadardhena śivaṁ punaḥ

When one is afflicted with disease, one should worship Shiva with half of that; whoever desires a daughter should again worship Shiva with half of that.

Verse 17 (shiva.rudra.14.17)

विद्याकामस्तथा यः स्यात्तदर्धेनार्चयेच्छिवम् । वाणीकामो भवेद्यो वै घृतेनैवार्चयेच्छिवम्

vidyākāmastathā yaḥ syāttadardhenārcayecchivam | vāṇīkāmo bhavedyo vai ghṛtenaivārcayecchivam

Whoever desires learning should likewise worship Shiva with half of that; whoever desires eloquence should worship Shiva with ghee alone.

Verse 18 (shiva.rudra.14.18)

उच्चाटनार्थं शत्रूणां तन्मितेनैव पूजनम् । मारणे वै तु लक्षेण मोहने तु तदर्धतः

uccāṭanārthaṁ śatrūṇāṁ tanmitenaiva pūjanam | māraṇe vai tu lakṣeṇa mohane tu tadardhataḥ

For the driving away of enemies, worship should be performed with that same measure; for causing death, with a hundred thousand; for bewilderment, with half of that.

Verse 19 (shiva.rudra.14.19)

सामन्तानां जये चैव कोटिपूजा प्रशस्यते । राज्ञामयुतसङ्ख्यं च वशीकरणकर्मणि

sāmantānāṁ jaye caiva koṭipūjā praśasyate | rājñāmayutasaṅkhyaṁ ca vaśīkaraṇakarmaṇi

For victory over vassal chiefs, worship with ten million offerings is praised; and in the rite of subjugating kings, ten thousand offerings.

Verse 20 (shiva.rudra.14.20)

यशसे च तथा सङ्ख्या वाहनाद्यैः सहस्रिका । मुक्तिकामोऽर्चयेच्छम्भुं पञ्चकोट्या सुभक्तितः

yaśase ca tathā saṅkhyā vāhanādyaiḥ sahasrikā | muktikāmo'rcayecchambhuṁ pañcakoṭyā subhaktitaḥ

For fame, the number is a thousand, together with vehicles and the like; whoever desires liberation should worship Shambhu with five million offerings, with true devotion.

Verse 21 (shiva.rudra.14.21)

ज्ञानार्थी पूजयेत्कोट्या शङ्करं लोक शङ्करम् । शिवदर्शनकामो वै तदर्धेन प्रपूजयेत्

jñānārthī pūjayetkoṭyā śaṅkaraṁ loka śaṅkaram | śivadarśanakāmo vai tadardhena prapūjayet

One who seeks knowledge should worship Shankara, the bringer of auspiciousness to the world, with ten million offerings; whoever desires the vision of Shiva should worship with half of that.

Verse 22 (shiva.rudra.14.22)

तथा मृत्युञ्जयो जाप्यः कामनाफलरूपतः । पञ्चलक्षा जपा यर्हि प्रत्यक्षं तु भवेच्छिवः

tathā mṛtyuñjayo jāpyaḥ kāmanāphalarūpataḥ | pañcalakṣā japā yarhi pratyakṣaṁ tu bhavecchivaḥ

Likewise the Mrityunjaya mantra is to be recited, according to the fruit of the desire; when five hundred thousand repetitions have been made, Shiva becomes directly visible.

Verse 23 (shiva.rudra.14.23)

लक्षेण भजते कश्चिद् द्वितीये जातिसम्भवः । तृतीये कामनालाभश्चतुर्थे तं प्रपश्यति

lakṣeṇa bhajate kaścid dvitīye jātisambhavaḥ | tṛtīye kāmanālābhaścaturthe taṁ prapaśyati

With a hundred thousand repetitions, one attains some grace; at the second hundred thousand, a good birth; at the third, fulfillment of one's wish; at the fourth, his vision.

Verse 24 (shiva.rudra.14.24)

पञ्चमं च यदा लक्षं फलं यच्छत्यसंशयम् । अनेनैव तु मन्त्रेण दशलक्षे फलं भवेत्

pañcamaṁ ca yadā lakṣaṁ phalaṁ yacchatyasaṁśayam | anenaiva tu mantreṇa daśalakṣe phalaṁ bhavet

And when the fifth hundred thousand is reached, the fruit is granted without doubt; with this very mantra, at ten hundred thousand, the highest fruit comes about.

Verse 25 (shiva.rudra.14.25)

मुक्तिकामो भवेद्यो वै दर्भैश्च पूजनं चरेत् । लक्षसङ्ख्या तु सर्वत्र ज्ञातव्या ऋषिसत्तम

muktikāmo bhavedyo vai darbhaiśca pūjanaṁ caret | lakṣasaṅkhyā tu sarvatra jñātavyā ṛṣisattama

Whoever desires liberation should perform worship with kusha grass; O best of sages, the number of a hundred thousand is to be understood everywhere as the standard.

Verse 26 (shiva.rudra.14.26)

आयुःकामो भवेद्यो वै दूर्वाभिः पूजनं चरेत् । पुत्रकामो भवेद्यो वै धत्तूरकुसुमैश्चरेत्

āyuḥkāmo bhavedyo vai dūrvābhiḥ pūjanaṁ caret | putrakāmo bhavedyo vai dhattūrakusumaiścaret

Whoever desires long life should perform worship with durva grass; whoever desires a son should perform it with datura flowers.

Verse 27 (shiva.rudra.14.27)

रक्तदण्डश्च धत्तूरः पूजने शुभदः स्मृतः । अगस्त्यकुसुमैश्चैव पूजकस्य महद्यशः

raktadaṇḍaśca dhattūraḥ pūjane śubhadaḥ smṛtaḥ | agastyakusumaiścaiva pūjakasya mahadyaśaḥ

Red-stemmed datura is remembered as bestowing auspiciousness in worship; with agastya flowers, great fame comes to the worshipper.

Verse 28 (shiva.rudra.14.28)

भुक्तिमुक्तिफलं तस्य तुलस्या पूजयेद्यदि । अर्कपुष्पैः प्रतापश्च कुब्जकह्लारकैस्तथा

bhuktimuktiphalaṁ tasya tulasyā pūjayedyadi | arkapuṣpaiḥ pratāpaśca kubjakahlārakaistathā

If one worships with tulasi, the fruit is both enjoyment and liberation; with arka flowers, splendor; and with kubjaka and white water-lily flowers —

Verse 29 (shiva.rudra.14.29)

जपाकुसुमपूजा तु शत्रूणां मृत्युदा स्मृता । रोगोच्चाटनकानीह करवीराणि वै क्रमात्

japākusumapūjā tu śatrūṇāṁ mṛtyudā smṛtā | rogoccāṭanakānīha karavīrāṇi vai kramāt

worship with hibiscus flowers is remembered as bringing death to enemies; oleander flowers, in due order, drive away disease and cause estrangement.

Verse 30 (shiva.rudra.14.30)

बन्धुकैर्भूषणावाप्तिर्जात्या वाहान्न संशयः । अतसीपुष्पकैर्देवं विष्णुवल्लभतामियात् ॥

bandhukairbhūṣaṇāvāptirjātyā vāhānna saṁśayaḥ | atasīpuṣpakairdevaṁ viṣṇuvallabhatāmiyāt ||

With bandhuka flowers, the attainment of ornaments; with jasmine, a vehicle — without doubt; worshipping the god with atasi flowers, one becomes dear to Vishnu.

Verse 31 (shiva.rudra.14.31)

शमीपत्रैस्तथा मुक्तिः प्राप्यते पुरुषेण च । मल्लिकाकुसुमैर्दत्तैः स्त्रियं शुभतरां शिवः

śamīpatraistathā muktiḥ prāpyate puruṣeṇa ca | mallikākusumairdattaiḥ striyaṁ śubhatarāṁ śivaḥ

With shami leaves, liberation is likewise attained by a man; offering jasmine flowers, Shiva grants a most auspicious wife —

Verse 32 (shiva.rudra.14.32)

यूथिकाकुसुमैः शस्तैर्गृहं नैव विमुच्यते । कर्णिकारैस्तथा वस्त्रसम्पत्तिर्जायते नृणाम्

yūthikākusumaiḥ śastairgṛhaṁ naiva vimucyate | karṇikāraistathā vastrasampattirjāyate nṛṇām

with the praised yuthika flowers, one's household is never abandoned by fortune; with karnikara flowers, an abundance of clothing comes to men.

Verse 33 (shiva.rudra.14.33)

निर्गुण्डीकुसुमैर्लोके मनो निर्मलतां व्रजेत् । विल्वपत्रैस्तथा लक्षैः सर्वान्कामानवाप्नुयात्

nirguṇḍīkusumairloke mano nirmalatāṁ vrajet | vilvapatraistathā lakṣaiḥ sarvānkāmānavāpnuyāt

With nirgundi flowers, the mind attains purity in this world; and with a hundred thousand bilva leaves, one obtains every desire.

Verse 34 (shiva.rudra.14.34)

शृङ्गारहारपुष्पैस्तु वर्धते सुखसम्पदा । ऋतुजातानि पुष्पाणि मुक्तिदानि न संशयः

śṛṅgārahārapuṣpaistu vardhate sukhasampadā | ṛtujātāni puṣpāṇi muktidāni na saṁśayaḥ

With shringara-hara flowers, happiness and prosperity increase; flowers born in their proper season bestow liberation, without doubt.

Verse 35 (shiva.rudra.14.35)

राजिकाकुसुमानीह शत्रूणां मृत्युदानि च । एषां लक्षं शिवे दद्याद्दद्याच्च विपुलं फलम्

rājikākusumānīha śatrūṇāṁ mṛtyudāni ca | eṣāṁ lakṣaṁ śive dadyāddadyācca vipulaṁ phalam

Mustard flowers here bring death to enemies; one should offer a hundred thousand of these to Shiva, and he grants abundant fruit.

Verse 36 (shiva.rudra.14.36)

विद्यते कुसुमं तन्न यन्नैव शिववल्लभम् । चम्पकं केतकं हित्वा त्वन्यत्सर्वं समर्पयेत्

vidyate kusumaṁ tanna yannaiva śivavallabham | campakaṁ ketakaṁ hitvā tvanyatsarvaṁ samarpayet

There exists no flower that is not dear to Shiva; except for champaka and ketaki, one may offer all others.

Verse 37 (shiva.rudra.14.37)

अतः परं च धान्यानां पूजने शङ्करस्य च । प्रमाणं च फलं सर्वं प्रीत्या शृणु च सत्तम

ataḥ paraṁ ca dhānyānāṁ pūjane śaṅkarasya ca | pramāṇaṁ ca phalaṁ sarvaṁ prītyā śṛṇu ca sattama

Beyond this, O worthy one, hear with affection the measure and the fruit of offering grains in the worship of Shankara.

Verse 38 (shiva.rudra.14.38)

तन्दुलारोपणे नृणां लक्ष्मी वृद्धिः प्रजायते । अखण्डितविधौ विप्र सम्यग्भक्त्या शिवोपरि

tandulāropaṇe nṛṇāṁ lakṣmī vṛddhiḥ prajāyate | akhaṇḍitavidhau vipra samyagbhaktyā śivopari

By heaping unbroken rice-grains, O Brahmin, upon Shiva with proper devotion, growth of prosperity is brought about for men.

Verse 39 (shiva.rudra.14.39)

षट्केनैव तु प्रस्थानां तदर्धेन तथा पुनः । पलद्वयं तथा लक्षमानेन समुदाहृतम्

ṣaṭkenaiva tu prasthānāṁ tadardhena tathā punaḥ | paladvayaṁ tathā lakṣamānena samudāhṛtam

By six prasthas, or half of that, together with two palas — by this measure is the "hundred thousand" reckoned.

Verse 40 (shiva.rudra.14.40)

पूजां रुद्रप्रधानेन कृत्वा वस्त्रं सुसुन्दरम् । शिवोपरि न्यसेत्तत्र तन्दुलार्पणमुत्तमम्

pūjāṁ rudrapradhānena kṛtvā vastraṁ susundaram | śivopari nyasettatra tandulārpaṇamuttamam

Having performed the worship principally with the Rudra mantra, one should place a beautiful cloth upon Shiva there, and then the excellent offering of rice.

Verse 41 (shiva.rudra.14.41)

उपरि श्रीफलं त्वेकं गन्धपुष्पादिभिस्तथा । रोपयित्वा च धूपादि कृत्वा पूजाफलं भवेत् ॥

upari śrīphalaṁ tvekaṁ gandhapuṣpādibhistathā | ropayitvā ca dhūpādi kṛtvā pūjāphalaṁ bhavet ||

On top, a single bel-fruit, along with fragrance, flowers and the like; having heaped these and offered incense and the rest, the fruit of the worship is obtained.

Verse 42 (shiva.rudra.14.42)

प्रजापत्यद्वयं रौप्यमाषसङ्ख्या च दक्षिणा । देया तदुपदेष्ट्रे हि शक्त्या वा दक्षिणा मता

prajāpatyadvayaṁ raupyamāṣasaṅkhyā ca dakṣiṇā | deyā tadupadeṣṭre hi śaktyā vā dakṣiṇā matā

Two prajapatya measures of silver, or an equivalent in masha-weight, should be given as the fee to the officiant; or the fee is according to one's means.

Verse 43 (shiva.rudra.14.43)

आदित्यसङ्ख्यया तत्र ब्राह्मणान्भोजयेत्ततः । लक्षपूजा तथा जाता साङ्गञ्च मन्त्रपूर्वकम्

ādityasaṅkhyayā tatra brāhmaṇānbhojayettataḥ | lakṣapūjā tathā jātā sāṅgañca mantrapūrvakam

Then Brahmins should be fed there, to the number of the Adityas; thus is the "hundred-thousand" worship accomplished, complete with its rites and preceded by mantra.

Verse 44 (shiva.rudra.14.44)

शतमष्टोत्तरं तत्र मन्त्रे विधिरुदाहृतः । तिलानां च पलं लक्षं महापातकनाशनम्

śatamaṣṭottaraṁ tatra mantre vidhirudāhṛtaḥ | tilānāṁ ca palaṁ lakṣaṁ mahāpātakanāśanam

There, in the mantra, the rule of one hundred and eight repetitions is prescribed; and a hundred thousand palas of sesame seeds destroy even the greatest sins.

Verse 45 (shiva.rudra.14.45)

एकादशपलैरेव लक्षमानमुदाहृतम् । पूर्ववत्पूजनं तत्र कर्तव्यं हितकाम्यया

ekādaśapalaireva lakṣamānamudāhṛtam | pūrvavatpūjanaṁ tatra kartavyaṁ hitakāmyayā

By eleven palas alone is the measure of a "hundred thousand" reckoned; worship should be performed there as before, out of desire for welfare.

Verse 46 (shiva.rudra.14.46)

भोज्या वै ब्राह्मणास्तस्मादत्र कार्या नरेण हि । महापातकजं दुःखं तत्क्षणान्नश्यति ध्रुवम्

bhojyā vai brāhmaṇāstasmādatra kāryā nareṇa hi | mahāpātakajaṁ duḥkhaṁ tatkṣaṇānnaśyati dhruvam

Brahmins are indeed to be fed thereupon by a man performing this; the sorrow born of the gravest sin is destroyed that very instant, without fail.

Verse 47 (shiva.rudra.14.47)

यवपूजा तथा प्रोक्ता लक्षेण परमा शिवे । प्रस्थानामष्टकं चैव तथा प्रस्थार्धकं पुनः

yavapūjā tathā proktā lakṣeṇa paramā śive | prasthānāmaṣṭakaṁ caiva tathā prasthārdhakaṁ punaḥ

Worship with barley, likewise, is said to be supreme when performed with a hundred thousand, offered to Shiva; eight prasthas, and again half a prastha —

Verse 48 (shiva.rudra.14.48)

पलद्वययुतं तत्र मानमेतत्पुरातनम् । यवपूजा च मुनिभिः स्वर्गसौख्यविवर्धिनी

paladvayayutaṁ tatra mānametatpurātanam | yavapūjā ca munibhiḥ svargasaukhyavivardhinī

together with two palas, this is the ancient measure; and worship with barley, according to the sages, increases the happiness of heaven.

Verse 49 (shiva.rudra.14.49)

प्राजापत्यं ब्राह्मणानां कर्तव्यं च फलेप्सुभिः । गोधूमान्नैस्तथा पूजा प्रशस्ता शङ्करस्य वै

prājāpatyaṁ brāhmaṇānāṁ kartavyaṁ ca phalepsubhiḥ | godhūmānnaistathā pūjā praśastā śaṅkarasya vai

The prajapatya rite for Brahmins should be performed by those who desire this fruit; worship of Shankara with wheat is likewise praised.

Verse 50 (shiva.rudra.14.50)

सन्ततिर्वर्धते तस्य यदि लक्षावधिः कृता । द्रोणार्धेन भवेल्लक्षं विधानं विधिपूर्वकम्

santatirvardhate tasya yadi lakṣāvadhiḥ kṛtā | droṇārdhena bhavellakṣaṁ vidhānaṁ vidhipūrvakam

His progeny increases if the offering has been made up to a hundred thousand; half a drona makes the "hundred thousand," as the rule prescribes.

Verse 51 (shiva.rudra.14.51)

मुद्गानां पूजने देवः शिवो यच्छति वै सुखम् । प्रस्थानां सप्तकेनैव प्रस्थार्धेनाथवा पुनः

mudgānāṁ pūjane devaḥ śivo yacchati vai sukham | prasthānāṁ saptakenaiva prasthārdhenāthavā punaḥ

Through worship with mung beans, the god Shiva grants happiness; by seven prasthas, or by half a prastha —

Verse 52 (shiva.rudra.14.52)

पलद्वययुतेनैव लक्षमुक्तं पुरातनैः । ब्राह्मणाश्च तथा भोज्या रुद्रसङ्ख्याप्रमाणतः

paladvayayutenaiva lakṣamuktaṁ purātanaiḥ | brāhmaṇāśca tathā bhojyā rudrasaṅkhyāpramāṇataḥ

together with two palas, the "hundred thousand" is declared by the ancients; and Brahmins should be fed, to the number of the Rudras.

Verse 53 (shiva.rudra.14.53)

प्रियङ्गुपूजनादेव धर्माध्यक्षे परात्मनि । धर्मार्थकामा वर्धन्ते पूजा सर्वसुखावहा

priyaṅgupūjanādeva dharmādhyakṣe parātmani | dharmārthakāmā vardhante pūjā sarvasukhāvahā

By worship with priyangu alone, offered to the Supreme Self, overseer of dharma, dharma, artha and kama increase — this worship brings every happiness.

Verse 54 (shiva.rudra.14.54)

प्रस्थैकेन च तस्योक्तं लक्षमेकं पुरातनैः । ब्रह्मभोजं तथा प्रोक्तमर्कसङ्ख्याप्रमाणतः

prasthaikena ca tasyoktaṁ lakṣamekaṁ purātanaiḥ | brahmabhojaṁ tathā proktamarkasaṅkhyāpramāṇataḥ

For it, by one prastha, the "hundred thousand" is declared by the ancients; and the feeding of Brahmins is prescribed to the number of the sun.

Verse 55 (shiva.rudra.14.55)

राजिकापूजनं शम्भोः शत्रोर्मृत्युकरं स्मृतम् । सर्षपानां तथा लक्षं पलैर्विंशतिसङ्ख्यया

rājikāpūjanaṁ śambhoḥ śatrormṛtyukaraṁ smṛtam | sarṣapānāṁ tathā lakṣaṁ palairviṁśatisaṅkhyayā

Worship of Shambhu with mustard is remembered as bringing death to an enemy; the "hundred thousand" for mustard-seeds is reckoned by twenty palas.

Verse 56 (shiva.rudra.14.56)

तेषां च पूजनादेव शत्रोर्मृत्युरुदाहृतः । आढकीनां दलैश्चैव शोभयित्वार्चयेच्छिवम्

teṣāṁ ca pūjanādeva śatrormṛtyurudāhṛtaḥ | āḍhakīnāṁ dalaiścaiva śobhayitvārcayecchivam

By worship with these alone, the death of an enemy is declared; and, adorning the linga with the pods of the pigeon-pea, one should worship Shiva.

Verse 57 (shiva.rudra.14.57)

वृता गौश्च प्रदातव्या बलीवर्दस्तथैव च । मरीचिसम्भवा पूजा शत्रोर्नाशकरी स्मृता

vṛtā gauśca pradātavyā balīvardastathaiva ca | marīcisambhavā pūjā śatrornāśakarī smṛtā

A chosen cow should be given, and likewise a bull; worship arising from black pepper is remembered as bringing about the destruction of an enemy.

Verse 58 (shiva.rudra.14.58)

आढकीनां दलैश्चैव रञ्जयित्वार्चयेच्छिवम् । नानासुखकरी ह्येषा पूजा सर्वफलप्रदा

āḍhakīnāṁ dalaiścaiva rañjayitvārcayecchivam | nānāsukhakarī hyeṣā pūjā sarvaphalapradā

Coloring the offering with the pods of the pigeon-pea, one should worship Shiva; this worship brings manifold happiness and grants every fruit.

Verse 59 (shiva.rudra.14.59)

धान्यमानमिति प्रोक्तं मया ते मुनिसत्तम । लक्षमानं तु पुष्पाणां शृणु प्रीत्या मुनीश्वर

dhānyamānamiti proktaṁ mayā te munisattama | lakṣamānaṁ tu puṣpāṇāṁ śṛṇu prītyā munīśvara

O best of sages, thus has the measure of grains been declared to you by me; now hear, O lord of sages, with affection, the measure of a "hundred thousand" for flowers.

Verse 60 (shiva.rudra.14.60)

प्रस्थानां च तथा चैकं शङ्खपुष्पसमुद्भवम् । प्रोक्तं व्यासेन लक्षं हि सूक्ष्ममानप्रदर्शिना

prasthānāṁ ca tathā caikaṁ śaṅkhapuṣpasamudbhavam | proktaṁ vyāsena lakṣaṁ hi sūkṣmamānapradarśinā

One prastha is the measure for conch-flowers making a "hundred thousand"; this was declared by Vyasa, the revealer of the subtle measure.

Verse 61 (shiva.rudra.14.61)

प्रस्थैरेकादशैर्जातिलक्षमानं प्रकीर्तितम् । यूथिकायास्तथा मानं राजिकायास्तदर्धकम्

prasthairekādaśairjātilakṣamānaṁ prakīrtitam | yūthikāyāstathā mānaṁ rājikāyāstadardhakam

By eleven prasthas, the "hundred thousand" measure of jasmine is proclaimed; and likewise for yuthika, and half of that for mustard-flowers.

Verse 62 (shiva.rudra.14.62)

प्रस्थैर्विंशतिकैश्चैव मल्लिकामानमुत्तमम् । तिलपुष्पैस्तथा मानं प्रस्थान्न्यूनं तथैव च

prasthairviṁśatikaiścaiva mallikāmānamuttamam | tilapuṣpaistathā mānaṁ prasthānnyūnaṁ tathaiva ca

By twenty prasthas is the excellent measure for jasmine; and the measure for sesame-flowers is likewise somewhat less than a prastha.

Verse 63 (shiva.rudra.14.63)

ततश्च त्रिगुणं मानं करवीरभवे स्मृतम् । निर्गुण्डीकुसुमे मानं तथैव कथितं बुधैः

tataśca triguṇaṁ mānaṁ karavīrabhave smṛtam | nirguṇḍīkusume mānaṁ tathaiva kathitaṁ budhaiḥ

Then, threefold that measure is remembered for oleander flowers; and the measure for nirgundi flowers has likewise been declared by the wise.

Verse 64 (shiva.rudra.14.64)

कर्णिकारे तथा मानं शिरीषकुसुमे पुनः । बन्धुजीवे तथा मानं प्रस्थानं दशकेन च

karṇikāre tathā mānaṁ śirīṣakusume punaḥ | bandhujīve tathā mānaṁ prasthānaṁ daśakena ca

Likewise the measure for karnikara, and again for shirisha flowers; and likewise the measure for bandhujiva, by ten prasthas.

Verse 65 (shiva.rudra.14.65)

इत्याद्यैर्विविधैर्मानं दृष्ट्वा कुर्याच्छिवार्चनम् । सर्वकामसमृद्ध्यर्थं मुक्त्यर्थं कामनोज्झितः

ityādyairvividhairmānaṁ dṛṣṭvā kuryācchivārcanam | sarvakāmasamṛddhyarthaṁ muktyarthaṁ kāmanojjhitaḥ

Having ascertained the measure by these and other various means, one should perform the worship of Shiva — for abundance of desire, or, free of desire, for liberation.

Verse 66 (shiva.rudra.14.66)

अतः परं प्रवक्ष्यामि धारापूजाफलं महत् । यस्य श्रवणमात्रेण कल्याणं जायते नृणाम्

ataḥ paraṁ pravakṣyāmi dhārāpūjāphalaṁ mahat | yasya śravaṇamātreṇa kalyāṇaṁ jāyate nṛṇām

Beyond this, I shall now declare the great fruit of the stream-offering, by whose hearing alone welfare comes upon men.

Verse 67 (shiva.rudra.14.67)

विधानपूर्वकं पूजां कृत्वा भक्त्या शिवस्य वै । पश्चाच्च जलधारा हि कर्तव्या भक्तितत्परैः

vidhānapūrvakaṁ pūjāṁ kṛtvā bhaktyā śivasya vai | paścācca jaladhārā hi kartavyā bhaktitatparaiḥ

Having performed the worship of Shiva according to rule and with devotion, those intent on devotion should afterward offer a stream of water.

Verse 68 (shiva.rudra.14.68)

ज्वरप्रलापशान्त्यर्थं जलधारा शुभावहा । शतरुद्रियमन्त्रेण रुद्रस्यैकादशेन तु

jvarapralāpaśāntyarthaṁ jaladhārā śubhāvahā | śatarudriyamantreṇa rudrasyaikādaśena tu

For the pacifying of fever and delirium, the stream of water is auspicious, offered with the Shatarudriya mantra, or with the eleven hymns of Rudra.

Verse 69 (shiva.rudra.14.69)

रुद्रजाप्येन वा तत्र सूक्तेन पौरुषेण वा । षडङ्गेनाथ वा तत्र महामृत्युञ्जयेन च

rudrajāpyena vā tatra sūktena pauruṣeṇa vā | ṣaḍaṅgenātha vā tatra mahāmṛtyuñjayena ca

Or with the Rudra-japa, the Purusha Sukta, the six-limbed mantra, or the Mahamrityunjaya —

Verse 70 (shiva.rudra.14.70)

गायत्र्या वा नमोऽन्तैश्च नामभिः प्रणवादिभिः । मन्त्रैर्वाथागमोक्तैश्च जलधारादिकं तथा

gāyatryā vā namo'ntaiśca nāmabhiḥ praṇavādibhiḥ | mantrairvāthāgamoktaiśca jaladhārādikaṁ tathā

or with the Gayatri, or with names beginning with the pranava and ending in "namaḥ," or with mantras declared in the Agamas — thus the stream of water should be offered.

Verse 71 (shiva.rudra.14.71)

सुखसन्तानवृद्ध्यर्थं धारापूजनमुत्तमम् । नानाद्रव्यैः शुभैर्दिव्यैः प्रीत्या सद्भस्मधारिणा

sukhasantānavṛddhyarthaṁ dhārāpūjanamuttamam | nānādravyaiḥ śubhairdivyaiḥ prītyā sadbhasmadhāriṇā

For the increase of happiness and progeny, one who bears true ash should lovingly perform the excellent stream-worship with various auspicious, divine substances.

Verse 72 (shiva.rudra.14.72)

घृतधारा शिवे कार्या यावन्मन्त्रसहस्रकम् । तदा वंशस्य विस्तारो जायते नात्र संशयः

ghṛtadhārā śive kāryā yāvanmantrasahasrakam | tadā vaṁśasya vistāro jāyate nātra saṁśayaḥ

A stream of ghee should be offered to Shiva, up to a thousand recitations of the mantra; then the expansion of one's lineage comes about, without doubt.

Verse 73 (shiva.rudra.14.73)

एवमयुतमन्त्रेण कार्यं वै शिवपूजनम् । प्रमेहरोगशान्त्यर्थं प्राप्नुयाच्च मनेप्सितम् । षण्ढत्वं यदादातस्तदा घृतसुपूजनम् । ब्रह्मभोज्यं तथा प्रोक्तं प्राजापत्यं मुनीश्वरैः

evamayutamantreṇa kāryaṁ vai śivapūjanam | prameharogaśāntyarthaṁ prāpnuyācca manepsitam | ṣaṇḍhatvaṁ yadādātastadā ghṛtasupūjanam | brahmabhojyaṁ tathā proktaṁ prājāpatyaṁ munīśvaraiḥ

Likewise, with ten thousand recitations, the worship of Shiva should be performed to pacify urinary disease, and one obtains one's heart's desire; when impotence has come upon one, excellent worship with ghee should be done, together with the feeding of Brahmins and the prajapatya rite, as declared by the lords of sages.

Verse 74 (shiva.rudra.14.74)

केवलं दुग्धधारा च तदा कार्या विशेषतः । शर्करामिश्रिता तत्र यदा बुद्धिजडो भवेत्

kevalaṁ dugdhadhārā ca tadā kāryā viśeṣataḥ | śarkarāmiśritā tatra yadā buddhijaḍo bhavet

A stream of milk alone should then be especially offered, mixed with sugar, when one has become dull of intellect.

Verse 75 (shiva.rudra.14.75)

तस्या सञ्जायते जीवसदृशी बुद्धिरुत्तमा । यावन्मन्त्रायुतं न स्यात्तावद्धाराप्रपूजनम्

tasyā sañjāyate jīvasadṛśī buddhiruttamā | yāvanmantrāyutaṁ na syāttāvaddhārāprapūjanam

Through this, a superior intellect arises for him; the stream-worship should be performed until ten thousand mantras have been completed.

Verse 76 (shiva.rudra.14.76)

यदा चोच्चाटनं देहे जायते कारणं विना । यत्र कुत्रापि वा प्रेम दुःखं च परिवर्धितम्

yadā coccāṭanaṁ dehe jāyate kāraṇaṁ vinā | yatra kutrāpi vā prema duḥkhaṁ ca parivardhitam

And when a restlessness arises in the body without cause, or when love and sorrow keep increasing anywhere —

Verse 77 (shiva.rudra.14.77)

स्वगृहे कलहो नित्यं यदा चैव प्रजायते । तद्धारायां कृतायां वै सर्वं दुःखं विलीयते

svagṛhe kalaho nityaṁ yadā caiva prajāyate | taddhārāyāṁ kṛtāyāṁ vai sarvaṁ duḥkhaṁ vilīyate

or when there is constant quarreling in one's own home — when that stream-offering has been made, all such sorrow dissolves away.

Verse 78 (shiva.rudra.14.78)

शत्रूणां तापनार्थं वै तैलधारा शिवोपरि । कर्तव्या सुप्रयत्नेन कार्यसिद्धिर्ध्रुवं भवेत्

śatrūṇāṁ tāpanārthaṁ vai tailadhārā śivopari | kartavyā suprayatnena kāryasiddhirdhruvaṁ bhavet

For causing distress to enemies, a stream of oil should be poured upon Shiva with great effort; the success of one's undertaking is then certain.

Verse 79 (shiva.rudra.14.79)

वासितेनैव तैलेन भोगवृद्धिः प्रजायते । सार्षपेणैव तैलेन शत्रुनाशो भवेद् ध्रुवम्

vāsitenaiva tailena bhogavṛddhiḥ prajāyate | sārṣapeṇaiva tailena śatrunāśo bhaved dhruvam

With scented oil, an increase in enjoyment comes about; with mustard oil, the destruction of an enemy surely comes to pass.

Verse 80 (shiva.rudra.14.80)

मधुना यक्षराजो वै गच्छेच्च शिवपूजनात् । धारा चेक्षुरसस्यापि सर्वानन्दकरी शिवे

madhunā yakṣarājo vai gacchecca śivapūjanāt | dhārā cekṣurasasyāpi sarvānandakarī śive

Through worship of Shiva with honey, one attains the state of the king of the Yakshas; a stream of sugarcane juice, too, offered to Shiva, brings every joy.

Verse 81 (shiva.rudra.14.81)

धारा गङ्गाजलस्यैव भुक्तिमुक्तिफलप्रदा । एताः सर्वाश्च याः प्रोक्ता मृत्यञ्जयसमुद्भवाः

dhārā gaṅgājalasyaiva bhuktimuktiphalapradā | etāḥ sarvāśca yāḥ proktā mṛtyañjayasamudbhavāḥ

A stream of Ganga water alone grants the fruit of both enjoyment and liberation; all these streams that have been described arise from the practice of the Mrityunjaya.

Verse 82 (shiva.rudra.14.82)

तत्रायुतप्रमाणं हि कर्तव्यं तद्विधानतः । कर्तव्यं ब्राह्मणानां च भोज्यं वै रुद्रसङ्ख्यया

tatrāyutapramāṇaṁ hi kartavyaṁ tadvidhānataḥ | kartavyaṁ brāhmaṇānāṁ ca bhojyaṁ vai rudrasaṅkhyayā

There, the measure of ten thousand mantras should be performed according to that rule; and Brahmins should be fed, to the number of the Rudras.

Verse 83 (shiva.rudra.14.83)

एतत्ते सर्वमाख्यातं यत्पृष्टोऽहं मुनीश्वर । एतद्वै सफलं लोके सर्वकामहितावहम्

etatte sarvamākhyātaṁ yatpṛṣṭo'haṁ munīśvara | etadvai saphalaṁ loke sarvakāmahitāvaham

O lord of sages, all this has been declared to you, whatever I was asked; this indeed bears fruit in this world, bringing about the welfare of every desire.

Verse 84 (shiva.rudra.14.84)

स्कन्दोमासहितं शम्भुं सम्पूज्य विधिना सह । यत्फलं लभते भक्त्या तद्वदामि यथाश्रुतम्

skandomāsahitaṁ śambhuṁ sampūjya vidhinā saha | yatphalaṁ labhate bhaktyā tadvadāmi yathāśrutam

I shall now tell, as I have heard it, what fruit is obtained through devoted worship of Shambhu, together with Uma and Skanda, performed according to rule.

Verse 85 (shiva.rudra.14.85)

अत्र भुक्त्वाखिलं सौख्यं पुत्रपौत्रादिभिः शुभम् । ततो याति महेशस्य लोकं सर्वसुखावहम्

atra bhuktvākhilaṁ saukhyaṁ putrapautrādibhiḥ śubham | tato yāti maheśasya lokaṁ sarvasukhāvaham

Having enjoyed here every happiness, together with sons and grandsons and other auspicious blessings, one then goes to the world of Mahesha, which brings every joy.

Verse 86 (shiva.rudra.14.86)

सूर्यकोटिप्रतीकाशैर्विमानैः सर्वकामगैः । रुद्रकन्यासमाकीर्णैर्गेयवाद्यसमन्वितैः

sūryakoṭipratīkāśairvimānaiḥ sarvakāmagaiḥ | rudrakanyāsamākīrṇairgeyavādyasamanvitaiḥ

There, in celestial cars resembling ten million suns, going wherever one wishes, filled with the daughters of the Rudras, accompanied by song and music —

Verse 87 (shiva.rudra.14.87)

क्रीडते शिवभूतश्च यावदाभूतसम्प्लवम् । ततो मोक्षमवाप्नोति विज्ञानं प्राप्य चाव्ययम्

krīḍate śivabhūtaśca yāvadābhūtasamplavam | tato mokṣamavāpnoti vijñānaṁ prāpya cāvyayam

one, having become one of Shiva's own hosts, sports there until the dissolution of all created beings; then, having attained imperishable realization, one obtains liberation.