The Manifestation of Rudra's Incarnation

Verse 1 (shiva.rudra.15.1)

नारद उवाच । विधे विधे महाभाग धन्यस्त्वं सुरसत्तम । श्राविताद्याद्भुता शैवकथा परमपावनी

nārada uvāca | vidhe vidhe mahābhāga dhanyastvaṁ surasattama | śrāvitādyādbhutā śaivakathā paramapāvanī

Narada said: O Vidhi, Vidhi, greatly fortunate one, best of gods, blessed are you! You have made me hear this wondrous, supremely purifying Shaiva narrative.

Verse 2 (shiva.rudra.15.2)

तत्राद्भुता महादिव्या लिङ्गोत्पत्तिः श्रुता शुभा । श्रुत्वा यस्याः प्रभावं च दुःखनाशो भवेदिह

tatrādbhutā mahādivyā liṅgotpattiḥ śrutā śubhā | śrutvā yasyāḥ prabhāvaṁ ca duḥkhanāśo bhavediha

In it we have heard the wondrous, most divine, auspicious origin of the linga, hearing whose glory alone sorrow is destroyed in this world.

Verse 3 (shiva.rudra.15.3)

अनन्तरं च यज्जातं माहात्म्यं चरितं तथा । सृष्टेश्चैव प्रकारं च कथय त्वं विशेषतः

anantaraṁ ca yajjātaṁ māhātmyaṁ caritaṁ tathā | sṛṣṭeścaiva prakāraṁ ca kathaya tvaṁ viśeṣataḥ

Now tell me especially what happened afterward — the glory, the deeds, and likewise the manner of creation.

Verse 4 (shiva.rudra.15.4)

ब्रह्मोवाच । सम्यक् पृष्टं च भवता यज्जातं तदनन्तरम् । कथयिष्यामि सङ्क्षेपाद्यथा पूर्वं श्रुतं मया

brahmovāca | samyak pṛṣṭaṁ ca bhavatā yajjātaṁ tadanantaram | kathayiṣyāmi saṅkṣepādyathā pūrvaṁ śrutaṁ mayā

Brahma said: Well have you asked what happened next; I shall tell it in brief, just as I heard it before.

Verse 5 (shiva.rudra.15.5)

अन्तर्हिते तदा देवे शिवरूपे सनातने । अहं विष्णुश्च विप्रेन्द्र अधिकं सुखमाप्तवान्

antarhite tadā deve śivarūpe sanātane | ahaṁ viṣṇuśca viprendra adhikaṁ sukhamāptavān

O foremost of Brahmins, when the eternal god in the form of Shiva had disappeared, I and Vishnu attained great happiness.

Verse 6 (shiva.rudra.15.6)

मया च विष्णुना रूपं हंसवाराहयोस्तदा । संवृतं तु ततस्ताभ्यां लोकसर्गावनेच्छया

mayā ca viṣṇunā rūpaṁ haṁsavārāhayostadā | saṁvṛtaṁ tu tatastābhyāṁ lokasargāvanecchayā

Then, by me and by Vishnu, the forms of the Swan and the Boar were assumed, out of the desire for the creation and protection of the worlds.

Verse 7 (shiva.rudra.15.7)

नारद उवाच । विधे ब्रह्मन् महाप्राज्ञ संशयो हृदि मे महान् । कृपां कृत्वातुलां शीघ्रं तं नाशयितुमर्हसि

nārada uvāca | vidhe brahman mahāprājña saṁśayo hṛdi me mahān | kṛpāṁ kṛtvātulāṁ śīghraṁ taṁ nāśayitumarhasi

Narada said: O Vidhi, O Brahma of great wisdom, a great doubt is in my heart; showing incomparable grace, you should quickly dispel it.

Verse 8 (shiva.rudra.15.8)

हंसवाराहयो रूपं युवाभ्यां च धृतं कथम् । अन्यद्रूपं विहायैव किमत्र वद कारणम्

haṁsavārāhayo rūpaṁ yuvābhyāṁ ca dhṛtaṁ katham | anyadrūpaṁ vihāyaiva kimatra vada kāraṇam

How were the forms of the Swan and the Boar assumed by you two, forsaking every other form? Tell me the reason for this.

Verse 9 (shiva.rudra.15.9)

सूत उवाच । इत्येतद्वचनं श्रुत्वा नारदस्य महात्मनः । स्मृत्वा शिवपदाम्भोजं ब्रह्मा सादरमब्रवीत्

sūta uvāca | ityetadvacanaṁ śrutvā nāradasya mahātmanaḥ | smṛtvā śivapadāmbhojaṁ brahmā sādaramabravīt

Suta said: Hearing these words of the great soul Narada, Brahma, remembering the lotus feet of Shiva, spoke with respect.

Verse 10 (shiva.rudra.15.10)

ब्रह्मोवाच । हंसस्य चोर्ध्वगमने गतिर्भवति निश्चला । तत्त्वातत्त्वविवेकोऽस्ति जलदुग्धविभागवत्

brahmovāca | haṁsasya cordhvagamane gatirbhavati niścalā | tattvātattvaviveko'sti jaladugdhavibhāgavat

Brahma said: In its upward flight, the swan's movement is unwavering; there is discernment between the real and the unreal, as in the separation of water from milk.

Verse 11 (shiva.rudra.15.11)

अज्ञानज्ञानयोस्तत्त्वं विवेचयति हंसकः । हंसरूपं धृतं तेन ब्रह्मणा सृष्टिकारिणा

ajñānajñānayostattvaṁ vivecayati haṁsakaḥ | haṁsarūpaṁ dhṛtaṁ tena brahmaṇā sṛṣṭikāriṇā

The swan discerns the truth between ignorance and knowledge; therefore that form of the swan was assumed by Brahma, the maker of creation.

Verse 12 (shiva.rudra.15.12)

विवेको नैव लब्धश्च यतो हंसो व्यलीयत । शिवस्वरूपतत्त्वस्य ज्योतिरूपस्य नारद

viveko naiva labdhaśca yato haṁso vyalīyata | śivasvarūpatattvasya jyotirūpasya nārada

Yet, O Narada, that discernment was not attained, for the swan dissolved away, unable to grasp the truth of the very nature of Shiva, of the form of light.

Verse 13 (shiva.rudra.15.13)

सृष्टिप्रवृत्तिकामस्य कथं ज्ञानं प्रजायते । यतो लब्धो विवेकोऽपि न मया हंसरूपिणा

sṛṣṭipravṛttikāmasya kathaṁ jñānaṁ prajāyate | yato labdho viveko'pi na mayā haṁsarūpiṇā

How does knowledge arise for one intent upon undertaking creation? For even discernment was not attained by me in the form of the swan.

Verse 14 (shiva.rudra.15.14)

गमनेऽधो वराहस्य गतिर्भवति निश्चला । धृतं वाराहरूपं हि विष्णुना वनचारिणा

gamane'dho varāhasya gatirbhavati niścalā | dhṛtaṁ vārāharūpaṁ hi viṣṇunā vanacāriṇā

In its downward movement, the boar's motion is unwavering; therefore the form of the boar, the forest-wanderer, was assumed by Vishnu.

Verse 15 (shiva.rudra.15.15)

अथवा भवकल्पार्थं तद्रूपं हि प्रकल्पितम् । विष्णुना च वराहस्य भुवनावनकारिणा

athavā bhavakalpārthaṁ tadrūpaṁ hi prakalpitam | viṣṇunā ca varāhasya bhuvanāvanakāriṇā

Or else, that form of the boar was fashioned by Vishnu, the protector of the earth, for the sake of establishing that particular kalpa.

Verse 16 (shiva.rudra.15.16)

यद्दिनं हि समारभ्य तद्रूपं धृतवान्हरिः । तद्दिनं प्रतिकल्पोऽसौ कल्पो वाराहसंज्ञकः

yaddinaṁ hi samārabhya tadrūpaṁ dhṛtavānhariḥ | taddinaṁ pratikalpo'sau kalpo vārāhasaṁjñakaḥ

From the very day on which Hari assumed that form, that day marks the start of this particular kalpa, the one called the Varaha Kalpa.

Verse 17 (shiva.rudra.15.17)

तदिच्छा वा यदा जाता तस्य रूपस्य धारणे । तद्दिनं प्रतिकल्पोऽसौ कल्पो वाराहसंज्ञकः

tadicchā vā yadā jātā tasya rūpasya dhāraṇe | taddinaṁ pratikalpo'sau kalpo vārāhasaṁjñakaḥ

Or, when the desire for the assumption of that form arose in him, that day too marks this particular kalpa, called the Varaha Kalpa.

Verse 18 (shiva.rudra.15.18)

इति प्रश्नोत्तरं दत्तं प्रस्तुतं शृणु नारद । स्मृत्वा शिवपदाम्भोजं वक्ष्ये सृष्टिविधिं मुने

iti praśnottaraṁ dattaṁ prastutaṁ śṛṇu nārada | smṛtvā śivapadāmbhojaṁ vakṣye sṛṣṭividhiṁ mune

Thus has this question been answered; now, O Narada, hear what follows. Remembering the lotus feet of Shiva, I shall tell, O sage, the manner of creation.

Verse 19 (shiva.rudra.15.19)

अन्तर्हिते महादेवे त्वहं लोकपितामहः । तदीयं वचनं कर्तुमध्यायन्ध्यानतत्परः

antarhite mahādeve tvahaṁ lokapitāmahaḥ | tadīyaṁ vacanaṁ kartumadhyāyandhyānatatparaḥ

When Mahadeva had disappeared, I, the grandfather of the worlds, being intent on meditation, pondered how to carry out his word.

Verse 20 (shiva.rudra.15.20)

नमस्कृत्य तदा शम्भुं ज्ञानं प्राप्य हरेस्तदा । आनन्दं परमं गत्वा सृष्टिं कर्तुं मनो दधे

namaskṛtya tadā śambhuṁ jñānaṁ prāpya harestadā | ānandaṁ paramaṁ gatvā sṛṣṭiṁ kartuṁ mano dadhe

Then, having bowed to Shambhu, and having obtained knowledge from Hari, and having attained supreme bliss, I set my mind upon performing creation.

Verse 21 (shiva.rudra.15.21)

विष्णुश्चापि तदा तत्र प्रणिपत्य सदाशिवम् । उपदिश्य च मां तात ह्यन्तर्धानमुपागतः

viṣṇuścāpi tadā tatra praṇipatya sadāśivam | upadiśya ca māṁ tāta hyantardhānamupāgataḥ

And Vishnu too, O son, having bowed there to Sadashiva, and having instructed me, then vanished from sight.

Verse 22 (shiva.rudra.15.22)

ब्रह्माण्डाच्च बहिर्गत्वा प्राप्य शम्भोरनुग्रहम् । वैकुण्ठनगरं गत्वा तत्रोवास हरिः सदा

brahmāṇḍācca bahirgatvā prāpya śambhoranugraham | vaikuṇṭhanagaraṁ gatvā tatrovāsa hariḥ sadā

Going outside the cosmic egg, and having obtained the grace of Shambhu, Hari went to the city of Vaikuntha, and dwelt there ever after.

Verse 23 (shiva.rudra.15.23)

अहं स्मृत्वा शिवं तत्र विष्णुं वै सृष्टिकाम्यया । पूर्वं सृष्टं जलं यच्च तत्राञ्जलिमुदाक्षिपम्

ahaṁ smṛtvā śivaṁ tatra viṣṇuṁ vai sṛṣṭikāmyayā | pūrvaṁ sṛṣṭaṁ jalaṁ yacca tatrāñjalimudākṣipam

I, remembering Shiva there, and also Vishnu, out of desire for creation, cast a handful of that water which had been created before.

Verse 24 (shiva.rudra.15.24)

अतोऽण्डमभवत्तत्र चतुर्विंशतिसंज्ञकम् । विराड्रूपमभूद्विप्र जलरूपमपश्यतः

ato'ṇḍamabhavattatra caturviṁśatisaṁjñakam | virāḍrūpamabhūdvipra jalarūpamapaśyataḥ

From that, O Brahmin, an egg came into being there, called the "Twenty-Four"; the form of the Virat came into being, its watery form no longer visible.

Verse 25 (shiva.rudra.15.25)

ततः संशयमापन्नस्तपस्तेपे सुदारुणम् । द्वादशाब्दमहं तत्र विष्णुध्यानपरायणः

tataḥ saṁśayamāpannastapastepe sudāruṇam | dvādaśābdamahaṁ tatra viṣṇudhyānaparāyaṇaḥ

Then, falling into doubt, I performed most severe austerity there for twelve years, intent upon meditation on Vishnu.

Verse 26 (shiva.rudra.15.26)

तस्मिंश्च समये तात प्रादुर्भूतो हरिः स्वयम् । मामुवाच महाप्रीत्या मदङ्गं संस्पृशन्मुदा

tasmiṁśca samaye tāta prādurbhūto hariḥ svayam | māmuvāca mahāprītyā madaṅgaṁ saṁspṛśanmudā

And at that time, O son, Hari himself appeared, and spoke to me with great affection, joyfully touching my limbs.

Verse 27 (shiva.rudra.15.27)

विष्णुरुवाच । वरं ब्रूहि प्रसन्नोऽस्मि नादेयो विद्यते तव । ब्रह्मन् शम्भुप्रसादेन सर्वं दातुं समर्थकः

viṣṇuruvāca | varaṁ brūhi prasanno'smi nādeyo vidyate tava | brahman śambhuprasādena sarvaṁ dātuṁ samarthakaḥ

Vishnu said: "Ask a boon; I am pleased. There is nothing that cannot be given to you; O Brahma, by the grace of Shambhu, I am capable of giving everything."

Verse 28 (shiva.rudra.15.28)

ब्रह्मोवाच । युक्तमेतन्महाभाग दत्तोऽहं शम्भुना च ते । तदुक्तं याचते मेऽद्य देहि विष्णो नमोऽस्तु ते

brahmovāca | yuktametanmahābhāga datto'haṁ śambhunā ca te | taduktaṁ yācate me'dya dehi viṣṇo namo'stu te

Brahma said: "This is fitting, O greatly fortunate one; for it was Shambhu who entrusted me to you. What I now ask of you today, please give — O Vishnu, salutation to you."

Verse 29 (shiva.rudra.15.29)

विराड्रूपमिदं ह्यण्डं चतुर्विंशतिसंज्ञकम् । न चैतन्यं भवत्यादौ जडीभूतं प्रदृश्यते

virāḍrūpamidaṁ hyaṇḍaṁ caturviṁśatisaṁjñakam | na caitanyaṁ bhavatyādau jaḍībhūtaṁ pradṛśyate

"This egg, of Virat form, called the Twenty-Four, has as yet no consciousness at its very start; it appears inert."

Verse 30 (shiva.rudra.15.30)

प्रादुर्भूतो भवानद्य शिवानुग्रहतो हरे । प्राप्तं शङ्करसम्भूत्या ह्यण्डं चैतन्यमावह

prādurbhūto bhavānadya śivānugrahato hare | prāptaṁ śaṅkarasambhūtyā hyaṇḍaṁ caitanyamāvaha

"You have appeared today, O Hari, through the grace of Shiva; grant consciousness to this egg, obtained through Shankara's own manifestation."

Verse 31 (shiva.rudra.15.31)

इत्युक्ते च महाविष्णुः शम्भोराज्ञापरायणः । अनन्तरूपमास्थाय प्रविवेश तदण्डकम्

ityukte ca mahāviṣṇuḥ śambhorājñāparāyaṇaḥ | anantarūpamāsthāya praviveśa tadaṇḍakam

When this was said, the great Vishnu, intent on the command of Shambhu, assuming an infinite form, entered into that egg.

Verse 32 (shiva.rudra.15.32)

सहस्रशीर्षा पुरुषः सहस्राक्षः सहस्रपात् । स भूमिं सर्वतः स्पृत्त्वा तदण्डं व्याप्तवानिति

sahasraśīrṣā puruṣaḥ sahasrākṣaḥ sahasrapāt | sa bhūmiṁ sarvataḥ spṛttvā tadaṇḍaṁ vyāptavāniti

As the Purusha with a thousand heads, a thousand eyes, and a thousand feet, touching the earth on every side, he pervaded that egg entirely.

Verse 33 (shiva.rudra.15.33)

प्रविष्टे विष्णुना तस्मिन्नण्डे सम्यक्स्तुतेन मे । सचेतनमभूदण्डं चतुर्विंशतिसंज्ञकम्

praviṣṭe viṣṇunā tasminnaṇḍe samyakstutena me | sacetanamabhūdaṇḍaṁ caturviṁśatisaṁjñakam

When Vishnu, duly praised by me, had entered into that egg, the egg called the Twenty-Four became endowed with consciousness.

Verse 34 (shiva.rudra.15.34)

पातालादिसमारभ्य सत्यलोकाधिपः स्वयम् । राजते स्म हरिस्तत्र वैराजः पुरुषः प्रभुः

pātālādisamārabhya satyalokādhipaḥ svayam | rājate sma haristatra vairājaḥ puruṣaḥ prabhuḥ

Beginning from the netherworlds up to Satyaloka, Hari himself, the Lord, the Virat Purusha, shone forth there as sovereign.

Verse 35 (shiva.rudra.15.35)

कैलासनगरं रम्यं सर्वोपरिविराजितम् । निवासार्थं निजस्यैव पञ्चवक्त्रश्चकार ह

kailāsanagaraṁ ramyaṁ sarvoparivirājitam | nivāsārthaṁ nijasyaiva pañcavaktraścakāra ha

The five-faced one made the beautiful city of Kailasa, shining above everything, for his own dwelling.

Verse 36 (shiva.rudra.15.36)

ब्रह्माण्डस्य तथा नाशे वैकुण्ठस्य च तस्य च । कदाचिदेव देवर्षे नाशो नास्ति तयोरिह

brahmāṇḍasya tathā nāśe vaikuṇṭhasya ca tasya ca | kadācideva devarṣe nāśo nāsti tayoriha

O divine sage, even at the dissolution of the cosmic egg, there is never any destruction of Vaikuntha and of Kailasa — the two of them never perish here.

Verse 37 (shiva.rudra.15.37)

सत्यं पदमुपाश्रित्य स्थितोऽहं मुनिसत्तम । सृष्टिकामोऽभवं तात महादेवाज्ञया ह्यहम्

satyaṁ padamupāśritya sthito'haṁ munisattama | sṛṣṭikāmo'bhavaṁ tāta mahādevājñayā hyaham

O best of sages, taking refuge in the abode of Satyaloka, I remained there; O son, I became desirous of creation, by the command of Mahadeva.

Verse 38 (shiva.rudra.15.38)

सिसृक्षोरथ मे प्रादुरभवत्पापसर्गकः । अविद्यापञ्चकस्तात बुद्धिपूर्वस्तमोपमः

sisṛkṣoratha me prādurabhavatpāpasargakaḥ | avidyāpañcakastāta buddhipūrvastamopamaḥ

Then, O son, as I desired to create, there arose from me the sinful creation — the fivefold ignorance, preceded by intellect, resembling darkness.

Verse 39 (shiva.rudra.15.39)

ततः प्रसन्नचित्तोऽहमसृजं स्थावराभिधम् । मुख्यसर्गं च निःसङ्गमध्यायं शम्भुशासनात्

tataḥ prasannacitto'hamasṛjaṁ sthāvarābhidham | mukhyasargaṁ ca niḥsaṅgamadhyāyaṁ śambhuśāsanāt

Then, my mind being cleared, meditating by the command of Shambhu, I created the attachment-free primary creation, called the immovable creation.

Verse 40 (shiva.rudra.15.40)

तं दृष्ट्वा मे सिसृक्षोश्च ज्ञात्वा साधकमात्मनः । सर्गोऽवर्तत दुःखाढ्यस्तिर्यक्स्रोता न साधकः

taṁ dṛṣṭvā me sisṛkṣośca jñātvā sādhakamātmanaḥ | sargo'vartata duḥkhāḍhyastiryaksrotā na sādhakaḥ

Seeing that, as I still desired to create, and considering it not fully accomplishing my purpose, the creation that arose next, full of sorrow and moving crosswise, was likewise not accomplishing my aim.

Verse 41 (shiva.rudra.15.41)

तं चासाधकमाज्ञाय पुनश्चिन्तयतश्च मे । अभवत्सात्त्विकः सर्ग ऊर्ध्वस्रोता इति द्रुतम्

taṁ cāsādhakamājñāya punaścintayataśca me | abhavatsāttvikaḥ sarga ūrdhvasrotā iti drutam

Recognizing that this too did not accomplish my aim, and as I pondered further, there swiftly arose the sattvic creation, called the upward-flowing creation.

Verse 42 (shiva.rudra.15.42)

देवसर्गः प्रतिख्यातः सत्योऽतीव सुखावहः । तमप्यसाधकं मत्वाऽचिन्तयं प्रभुमात्मनः

devasargaḥ pratikhyātaḥ satyo'tīva sukhāvahaḥ | tamapyasādhakaṁ matvā'cintayaṁ prabhumātmanaḥ

This is renowned as the creation of the gods, true and bringing exceeding happiness; yet, considering that this too did not accomplish my aim, I meditated upon the Lord of my own self.

Verse 43 (shiva.rudra.15.43)

प्रादुरासीत्ततः सर्गो राजसः शङ्कराज्ञया । अर्वाक्स्रोता इति ख्यातो मानुषः परसाधकः

prādurāsīttataḥ sargo rājasaḥ śaṅkarājñayā | arvāksrotā iti khyāto mānuṣaḥ parasādhakaḥ

Then, by the command of Shankara, there arose the rajasic creation, known as the downward-and-outward-flowing creation — the human creation, which does accomplish that higher purpose.

Verse 44 (shiva.rudra.15.44)

महादेवाज्ञया सर्गस्ततो भूतादिकोऽभवत् । इति पञ्चविधा सृष्टिः प्रवृत्ता वै कृता मया

mahādevājñayā sargastato bhūtādiko'bhavat | iti pañcavidhā sṛṣṭiḥ pravṛttā vai kṛtā mayā

Then, by the command of Mahadeva, the creation of the elements and the rest came about. Thus was the fivefold creation set in motion, performed by me.

Verse 45 (shiva.rudra.15.45)

त्रयः सर्गाः प्रकृत्याश्च ब्रह्मणः परिकीर्तिताः । तत्राद्यो महतः सर्गो द्वितीयः सूक्ष्मभौतिकः

trayaḥ sargāḥ prakṛtyāśca brahmaṇaḥ parikīrtitāḥ | tatrādyo mahataḥ sargo dvitīyaḥ sūkṣmabhautikaḥ

Three creations of Brahma are proclaimed as arising from Prakriti; of these, the first is the creation of Mahat, the second is the creation of the subtle elements —

Verse 46 (shiva.rudra.15.46)

वैकारिकस्तृतीयश्च इत्येते प्राकृतास्त्रयः । एवं चाष्टविधाः सर्गाः प्राकृतैर्वैकृतैः सह

vaikārikastṛtīyaśca ityete prākṛtāstrayaḥ | evaṁ cāṣṭavidhāḥ sargāḥ prākṛtairvaikṛtaiḥ saha

and the third is the vaikarika creation; these three are the creations from Prakriti. Thus, together with the derivative creations, there are eight kinds of creation.

Verse 47 (shiva.rudra.15.47)

कौमारो नवमः प्रोक्तः प्राकृतो वैकृतश्च सः । एषामवान्तरो भेदो मया वक्तुं न शक्यते

kaumāro navamaḥ proktaḥ prākṛto vaikṛtaśca saḥ | eṣāmavāntaro bhedo mayā vaktuṁ na śakyate

The ninth is declared to be the Kaumara creation, which is both from Prakriti and derivative. The finer distinctions among these I am not able to describe.

Verse 48 (shiva.rudra.15.48)

अल्पत्वादुपयोगस्य वच्मि सर्गं द्विजात्मकम् । कौमारः सनकादीनां यत्र सर्गो महानभूत्

alpatvādupayogasya vacmi sargaṁ dvijātmakam | kaumāraḥ sanakādīnāṁ yatra sargo mahānabhūt

Since their further usefulness is limited, I shall tell of the twofold creation: the Kaumara, wherein the great creation of Sanaka and the others came about.

Verse 49 (shiva.rudra.15.49)

सनकाद्याः सुता मे हि मानसा ब्रह्मसम्मिताः । महावैराग्यसम्पन्ना अभवन्पञ्च सुव्रताः

sanakādyāḥ sutā me hi mānasā brahmasammitāḥ | mahāvairāgyasampannā abhavanpañca suvratāḥ

Sanaka and the others, my mind-born sons, equal to Brahman himself, endowed with great dispassion, became five in number, of excellent vows.

Verse 50 (shiva.rudra.15.50)

मयाज्ञप्ता अपि च ते संसारविमुखा बुधाः । शिवध्यानैकमनसो न सृष्टौ चक्रिरे मतिम्

mayājñaptā api ca te saṁsāravimukhā budhāḥ | śivadhyānaikamanaso na sṛṣṭau cakrire matim

Though commanded by me, they, wise ones averse to worldly existence, their minds fixed solely on meditation upon Shiva, did not turn their thought toward creation.

Verse 51 (shiva.rudra.15.51)

प्रत्युत्तरं च तैर्दत्तं श्रुत्वाहं मुनिसत्तम । अकार्षं क्रोधमत्युग्रं मोहमाप्तश्च नारद

pratyuttaraṁ ca tairdattaṁ śrutvāhaṁ munisattama | akārṣaṁ krodhamatyugraṁ mohamāptaśca nārada

O best of sages, O Narada, hearing the reply given by them, I fell into most fierce anger, and was overcome by delusion.

Verse 52 (shiva.rudra.15.52)

क्रुद्धस्य मोहितस्याथ विह्वलस्य मुने मम । क्रोधेन खलु नेत्राभ्यां प्रापतन्नश्रुबिन्दवः ॥

kruddhasya mohitasyātha vihvalasya mune mama | krodhena khalu netrābhyāṁ prāpatannaśrubindavaḥ ||

O sage, as I, angered, deluded, and overwhelmed, stood there, drops of tears indeed fell from my eyes because of that anger.

Verse 53 (shiva.rudra.15.53)

तस्मिन्नवसरे तत्र स्मृतेन मनसा मया । प्रबोधितोऽहं त्वरितमागतेन हि विष्णुना

tasminnavasare tatra smṛtena manasā mayā | prabodhito'haṁ tvaritamāgatena hi viṣṇunā

At that moment, there, Vishnu, remembered in my mind, came swiftly and roused me to my senses.

Verse 54 (shiva.rudra.15.54)

तपः कुरु शिवस्येति हरिणा शिक्षितोऽप्यहम् । तपोऽकारी महद् घोरं परमं मुनिसत्तम

tapaḥ kuru śivasyeti hariṇā śikṣito'pyaham | tapo'kārī mahad ghoraṁ paramaṁ munisattama

Instructed by Hari with the words, "Perform austerity to Shiva," I too, O best of sages, performed great and most terrible austerity.

Verse 55 (shiva.rudra.15.55)

तपस्यतश्च सृष्ट्यर्थं भ्रुवोर्घ्राणस्य मध्यतः । अविमुक्ताभिधाद्देशात्स्वकीयान्मे विशेषतः

tapasyataśca sṛṣṭyarthaṁ bhruvorghrāṇasya madhyataḥ | avimuktābhidhāddeśātsvakīyānme viśeṣataḥ

And as I performed austerity for the sake of creation, from between my eyebrows and my nose — from my own particular region, called Avimukta —

Verse 56 (shiva.rudra.15.56)

त्रिमूर्तीनां महेशस्य प्रादुरासीद् घृणानिधिः । अर्द्धनारीश्वरो भूत्वा पूर्णांशः सकलेश्वरः

trimūrtīnāṁ maheśasya prādurāsīd ghṛṇānidhiḥ | arddhanārīśvaro bhūtvā pūrṇāṁśaḥ sakaleśvaraḥ

there appeared the treasury of compassion of Mahesha, of the three forms, becoming Ardhanarishvara, a full portion of the Lord of all.

Verse 57 (shiva.rudra.15.57)

तमजं शङ्करं साक्षात्तेजोराशिमुमापतिम् । सर्वज्ञं सर्वकर्तारं नीललोहितसंज्ञकम्

tamajaṁ śaṅkaraṁ sākṣāttejorāśimumāpatim | sarvajñaṁ sarvakartāraṁ nīlalohitasaṁjñakam

That unborn Shankara, directly a mass of splendor, Lord of Uma, all-knowing, the doer of all, called by the name Nilalohita —

Verse 58 (shiva.rudra.15.58)

दृष्ट्वा नत्वा महाभक्त्या स्तुत्वाहं तु प्रहर्षितः । अवोचं देवदेवेशं सृज त्वं विविधाः प्रजाः

dṛṣṭvā natvā mahābhaktyā stutvāhaṁ tu praharṣitaḥ | avocaṁ devadeveśaṁ sṛja tvaṁ vividhāḥ prajāḥ

seeing him, bowing to him, and praising him with great devotion, filled with joy, I said to the Lord of the gods of gods: "Create manifold beings."

Verse 59 (shiva.rudra.15.59)

श्रुत्वा मम वचः सोऽथ देवदेवो महेश्वरः । ससर्ज स्वात्मनस्तुल्यान् रुद्रो रुद्रगणान्बहून

śrutvā mama vacaḥ so'tha devadevo maheśvaraḥ | sasarja svātmanastulyān rudro rudragaṇānbahūna

Hearing my words, that God of gods, Maheshvara, Rudra, then created many hosts of Rudras, equal to himself.

Verse 60 (shiva.rudra.15.60)

अवोचं पुनरेवेशं महारुद्रं महेश्वरम् । जन्ममृत्युभयाविष्टाः सृज देव प्रजा इति

avocaṁ punareveśaṁ mahārudraṁ maheśvaram | janmamṛtyubhayāviṣṭāḥ sṛja deva prajā iti

Again I said to the Lord, the great Rudra, Maheshvara: "O god, create beings subject to the fear of birth and death."

Verse 61 (shiva.rudra.15.61)

एवं श्रुत्वा महादेवो मद्वचः करुणानिधिः । प्रहस्योवाच मां सद्यः प्रहस्य मुनिसत्तम

evaṁ śrutvā mahādevo madvacaḥ karuṇānidhiḥ | prahasyovāca māṁ sadyaḥ prahasya munisattama

O best of sages, hearing these words of mine, Mahadeva, the treasury of compassion, laughed, and at once, laughing, spoke to me.

Verse 62 (shiva.rudra.15.62)

महादेव उवाच । जन्ममृत्युभयाविष्टा नाहं स्रक्ष्ये प्रजा विधे । अशोभनाः कर्मवशा निमग्ना दुःखवारिधौ

mahādeva uvāca | janmamṛtyubhayāviṣṭā nāhaṁ srakṣye prajā vidhe | aśobhanāḥ karmavaśā nimagnā duḥkhavāridhau

Mahadeva said: "O Vidhi, I shall not create beings subject to the fear of birth and death — unfortunate ones, bound by their own actions, sunk in the ocean of sorrow."

Verse 63 (shiva.rudra.15.63)

अहं दुःखोदधौ मग्ना उद्धरिष्यामि च प्रजाः । सम्यग् ज्ञानप्रदानेन गुरुमूर्तिपरिग्रहः

ahaṁ duḥkhodadhau magnā uddhariṣyāmi ca prajāḥ | samyag jñānapradānena gurumūrtiparigrahaḥ

"I, by taking on the form of the guru, shall raise up those beings sunk in the ocean of sorrow, by the bestowal of true knowledge."

Verse 64 (shiva.rudra.15.64)

त्वमेव सृज दुःखाढ्याः प्रजाः सर्वाः प्रजापते । मदाज्ञया न बद्धस्त्वं मायया सम्भविष्यसि

tvameva sṛja duḥkhāḍhyāḥ prajāḥ sarvāḥ prajāpate | madājñayā na baddhastvaṁ māyayā sambhaviṣyasi

"You yourself, O Prajapati, create all these sorrow-laden beings; by my command, though bound up with maya, you shall not yourself be bound."

Verse 65 (shiva.rudra.15.65)

ब्रह्मोवाच । इत्युक्त्वा मां स भगवान्सुश्रीमान्नीललोहितः । सगणः पश्यतो मे हि द्रुतमन्तर्दधे हरः

brahmovāca | ityuktvā māṁ sa bhagavānsuśrīmānnīlalohitaḥ | sagaṇaḥ paśyato me hi drutamantardadhe haraḥ

Brahma said: Having spoken thus to me, that Blessed Lord, most glorious, Nilalohita, together with his hosts, swiftly vanished from sight, even as I looked on, that very Hara.