Creation, in the Dialogue of Brahma and Narada

Verse 1 (shiva.rudra.16.1)

ब्रह्मोवाच । शब्दादीनि च भूतानि पञ्चीकृत्वाहमात्मना । तेभ्यः स्थूलं नभो वायुं वह्निं चैव जलं महीम्

brahmovāca | śabdādīni ca bhūtāni pañcīkṛtvāhamātmanā | tebhyaḥ sthūlaṁ nabho vāyuṁ vahniṁ caiva jalaṁ mahīm

Brahma said: Having myself compounded the elements — sound and the rest — through quintuplication, I created from them the gross ether, air, fire, water, and earth.

Verse 2 (shiva.rudra.16.2)

पर्वतांश्च समुद्रांश्च वृक्षादीनपि नारद । कलादियुगपर्यन्तान्कालानन्यानवासृजम्

parvatāṁśca samudrāṁśca vṛkṣādīnapi nārada | kalādiyugaparyantānkālānanyānavāsṛjam

O Narada, and mountains and oceans, and trees and the rest, and I created the divisions of time, from the kala up to the yugas, and other measures.

Verse 3 (shiva.rudra.16.3)

सृष्ट्यन्तानपरांश्चापि नाहं तुष्टोऽभवं मुने । ततो ध्यात्वा शिवं साम्बं साधकानसृजं मुने

sṛṣṭyantānaparāṁścāpi nāhaṁ tuṣṭo'bhavaṁ mune | tato dhyātvā śivaṁ sāmbaṁ sādhakānasṛjaṁ mune

O sage, and others down to the end of creation — yet I was not satisfied; then, meditating upon Shiva together with Amba, O sage, I created those who would truly accomplish my purpose.

Verse 4 (shiva.rudra.16.4)

मरीचिं च स्वनेत्राभ्यां हृदयाद् भृगुमेव च । शिरसोऽङ्गिरसं व्यानात्पुलहं मुनिसत्तमम्

marīciṁ ca svanetrābhyāṁ hṛdayād bhṛgumeva ca | śiraso'ṅgirasaṁ vyānātpulahaṁ munisattamam

Marichi from my own eyes, and Bhrigu from my heart; Angiras from my head, and Pulaha, best of sages, from my vyana breath —

Verse 5 (shiva.rudra.16.5)

उदानाच्च पुलस्त्यं हि वसिष्ठं च समानतः । क्रतुं त्वपानाच्छ्रोत्राभ्यामत्रिं दक्षं च प्राणतः

udānācca pulastyaṁ hi vasiṣṭhaṁ ca samānataḥ | kratuṁ tvapānācchrotrābhyāmatriṁ dakṣaṁ ca prāṇataḥ

Pulastya from my udana, and Vasishtha from my samana; Kratu from my apana, Atri from my ears, and Daksha from my prana.

Verse 6 (shiva.rudra.16.6)

असृजं त्वां तदोत्सङ्गाच्छायायाः कर्दमं मुनिम् । सङ्कल्पादसृजं धर्मं सर्वसाधनसाधनम्

asṛjaṁ tvāṁ tadotsaṅgācchāyāyāḥ kardamaṁ munim | saṅkalpādasṛjaṁ dharmaṁ sarvasādhanasādhanam

I created you from my lap; and from Chhaya, the sage Kardama; and from my will, I created Dharma, the very means of accomplishing every end.

Verse 7 (shiva.rudra.16.7)

एवमेतानहं सृष्ट्वा कृतार्थः साधकोत्तमान् । अभवं मुनिशार्दूल महादेवप्रसादतः

evametānahaṁ sṛṣṭvā kṛtārthaḥ sādhakottamān | abhavaṁ muniśārdūla mahādevaprasādataḥ

O tiger among sages, having thus created these excellent accomplishers, I became one whose purpose was fulfilled, through the grace of Mahadeva.

Verse 8 (shiva.rudra.16.8)

ततो मदाज्ञया तात धर्मः सङ्कल्पसम्भवः । मानवं रूपमापन्नः साधकैस्तु प्रवर्तितः

tato madājñayā tāta dharmaḥ saṅkalpasambhavaḥ | mānavaṁ rūpamāpannaḥ sādhakaistu pravartitaḥ

Then, O son, by my command, Dharma, born from my will, assumed a human form, and was set in motion, together with his accomplishers.

Verse 9 (shiva.rudra.16.9)

ततोऽसृजं स्वगात्रेभ्यो विविधेभ्योऽमितान्सुतान् । सुरासुरादिकांस्तेभ्यो दत्त्वा तां तां तनुं मुने

tato'sṛjaṁ svagātrebhyo vividhebhyo'mitānsutān | surāsurādikāṁstebhyo dattvā tāṁ tāṁ tanuṁ mune

Then I created, from my various limbs, countless sons — gods, demons, and the rest — O sage, giving to each of them their respective body.

Verse 10 (shiva.rudra.16.10)

ततोऽहं शङ्करेणाथ प्रेरितोऽन्तर्गतेन ह । द्विधा कृत्वात्मनो देहं द्विरूपश्चाभवं मुने

tato'haṁ śaṅkareṇātha prerito'ntargatena ha | dvidhā kṛtvātmano dehaṁ dvirūpaścābhavaṁ mune

Then I, impelled by Shankara who dwelt within me, dividing my own body into two, became of twofold form, O sage.

Verse 11 (shiva.rudra.16.11)

अर्धेन नारी पुरुषश्चार्धेन सन्ततो मुने । स तस्यामसृजद् द्वन्द्वं सर्वसाधनमुत्तमम्

ardhena nārī puruṣaścārdhena santato mune | sa tasyāmasṛjad dvandvaṁ sarvasādhanamuttamam

O sage, by one half becoming woman and continuing as man by the other, that dual form created within her the pair, the supreme means of all accomplishment.

Verse 12 (shiva.rudra.16.12)

स्वायम्भुवो मनुस्तत्र पुरुषः परसाधनम् । शतरूपाभिधा नारी योगिनी सा तपस्विनी

svāyambhuvo manustatra puruṣaḥ parasādhanam | śatarūpābhidhā nārī yoginī sā tapasvinī

The man there was Svayambhuva Manu, the supreme means; the woman, named Shatarupa, was a yogini, an ascetic.

Verse 13 (shiva.rudra.16.13)

सा पुनर्मनुना तेन गृहीतातीव शोभना । विवाहविधिना तातासृजत्सर्गं समैथुनम्

sā punarmanunā tena gṛhītātīva śobhanā | vivāhavidhinā tātāsṛjatsargaṁ samaithunam

She, exceedingly beautiful, was then taken in marriage by that Manu; O son, through the rite of marriage, they brought forth creation through union.

Verse 14 (shiva.rudra.16.14)

तस्यां तेन समुत्पन्नस्तनयश्च प्रियव्रतः । तथैवोत्तानपादश्च तथा कन्यात्रयं पुनः

tasyāṁ tena samutpannastanayaśca priyavrataḥ | tathaivottānapādaśca tathā kanyātrayaṁ punaḥ

By him, upon her, was born the son Priyavrata, and likewise Uttanapada, and again a set of three daughters.

Verse 15 (shiva.rudra.16.15)

आकूतिर्देवहूतिश्च प्रसूतिरिति विश्रुताः । आकूतिं रुचये प्रादात्कर्दमाय तु मध्यमाम्

ākūtirdevahūtiśca prasūtiriti viśrutāḥ | ākūtiṁ rucaye prādātkardamāya tu madhyamām

Akuti, Devahuti, and Prasuti — thus were they renowned; Akuti he gave to Ruchi, and the middle one to Kardama.

Verse 16 (shiva.rudra.16.16)

ददौ प्रसूतिं दक्षायोत्तानपादानुजां सुताम् । तासां प्रसूतिप्रसवैः सर्वं व्याप्तं चराचरम्

dadau prasūtiṁ dakṣāyottānapādānujāṁ sutām | tāsāṁ prasūtiprasavaiḥ sarvaṁ vyāptaṁ carācaram

He gave Prasuti, the younger daughter, to Daksha; by the offspring born from these daughters, the entire moving and unmoving world was pervaded.

Verse 17 (shiva.rudra.16.17)

आकूत्यां च रुचेश्चाभूद् द्वन्द्वं यज्ञश्च दक्षिणा । यज्ञस्य जज्ञिरे पुत्रा दक्षिणायां च द्वादश

ākūtyāṁ ca ruceścābhūd dvandvaṁ yajñaśca dakṣiṇā | yajñasya jajñire putrā dakṣiṇāyāṁ ca dvādaśa

From Ruchi upon Akuti was born a pair, Yajna and Dakshina; from Yajna, upon Dakshina, twelve sons were born.

Verse 18 (shiva.rudra.16.18)

देवहूत्यां कर्दमाच्च बह्व्यो जाताः सुता मुने । दक्षाज्जाताश्चतस्रश्च तथा पुत्र्यश्च विंशतिः

devahūtyāṁ kardamācca bahvyo jātāḥ sutā mune | dakṣājjātāścatasraśca tathā putryaśca viṁśatiḥ

O sage, from Kardama, upon Devahuti, many daughters were born; and from Daksha, four sons, and likewise twenty daughters.

Verse 19 (shiva.rudra.16.19)

धर्माय दत्ता दक्षेण श्रद्धाद्यास्तु त्रयोदश । शृणु तासां च नामानि धर्मस्त्रीणां मुनीश्वर

dharmāya dattā dakṣeṇa śraddhādyāstu trayodaśa | śṛṇu tāsāṁ ca nāmāni dharmastrīṇāṁ munīśvara

Thirteen daughters, beginning with Shraddha, were given by Daksha to Dharma; O lord of sages, hear the names of these wives of Dharma.

Verse 20 (shiva.rudra.16.20)

श्रद्धा लक्ष्मीर्धृतिस्तुष्टिः पुष्टिर्मेधा तथा क्रिया । बुद्धिर्लज्जा वसुः शान्तिः सिद्धिः कीर्तिस्त्रयोदश

śraddhā lakṣmīrdhṛtistuṣṭiḥ puṣṭirmedhā tathā kriyā | buddhirlajjā vasuḥ śāntiḥ siddhiḥ kīrtistrayodaśa

Shraddha, Lakshmi, Dhriti, Tushti, Pushti, Medha, and Kriya; Buddhi, Lajja, Vasu, Shanti, Siddhi, and Kirti — these thirteen.

Verse 21 (shiva.rudra.16.21)

ताभ्यां शिष्टा यवीयस्य एकादश सुलोचनाः । ख्यातिः सत्पथसम्भूतिः स्मृतिः प्रीतिः क्षमा तथा

tābhyāṁ śiṣṭā yavīyasya ekādaśa sulocanāḥ | khyātiḥ satpathasambhūtiḥ smṛtiḥ prītiḥ kṣamā tathā

Besides these, eleven younger, lovely-eyed daughters remained: Khyati, Sambhuti born of the true path, Smriti, Priti, Kshama, and —

Verse 22 (shiva.rudra.16.22)

सन्नतिश्चानुरूपा च ऊर्जा स्वाहा स्वधा तथा । भृगुर्भवो मरीचिश्च तथा चैवाङ्गिरा मुनिः

sannatiścānurūpā ca ūrjā svāhā svadhā tathā | bhṛgurbhavo marīciśca tathā caivāṅgirā muniḥ

— Sannati, Anurupa, Urja, Svaha, and likewise Svadha; given respectively to Bhrigu, Bhava, Marichi, and the sage Angiras —

Verse 23 (shiva.rudra.16.23)

पुलस्त्यः पुलहश्चैव क्रतुश्चर्षिवरस्तथा । अत्रिर्वसिष्ठो वह्निश्च पितरश्च यथाक्रमम्

pulastyaḥ pulahaścaiva kratuścarṣivarastathā | atrirvasiṣṭho vahniśca pitaraśca yathākramam

— to Pulastya, and Pulaha, and Kratu, best of sages, and likewise to Atri, Vasishtha, Vahni, and the Pitris, in due order.

Verse 24 (shiva.rudra.16.24)

ख्यातास्ता जगृहुः कन्या भृग्वाद्याः साधका वराः । ततःसम्पूरितं सर्वं त्रैलोक्यं सचराचरम्

khyātāstā jagṛhuḥ kanyā bhṛgvādyāḥ sādhakā varāḥ | tataḥsampūritaṁ sarvaṁ trailokyaṁ sacarācaram

Those excellent accomplishers, Bhrigu and the others, took these renowned maidens in marriage; thereby all the three worlds, with their beings, were filled.

Verse 25 (shiva.rudra.16.25)

एवं कर्मानुरूपेण प्राणिनामम्बिकापतेः । आज्ञया बहवो जाता असङ्ख्याता द्विजर्षभाः

evaṁ karmānurūpeṇa prāṇināmambikāpateḥ | ājñayā bahavo jātā asaṅkhyātā dvijarṣabhāḥ

Thus, O foremost of the twice-born, according to the karma of living beings, and by the command of the Lord of Ambika, many countless beings came into existence.

Verse 26 (shiva.rudra.16.26)

कल्पभेदेन दक्षस्य षष्टिः कन्याः प्रकीर्तिताः । तासां दश च धर्माय शशिने सप्तविंशतिम्

kalpabhedena dakṣasya ṣaṣṭiḥ kanyāḥ prakīrtitāḥ | tāsāṁ daśa ca dharmāya śaśine saptaviṁśatim

According to the difference of kalpas, sixty daughters of Daksha are proclaimed; ten of them to Dharma, and twenty-seven to the Moon —

Verse 27 (shiva.rudra.16.27)

विधिना दत्तवान्दक्षः कश्यपाय त्रयोदश । चतस्रः पररूपाय ददौ तार्क्ष्याय नारद

vidhinā dattavāndakṣaḥ kaśyapāya trayodaśa | catasraḥ pararūpāya dadau tārkṣyāya nārada

— Daksha gave, according to rule, thirteen to Kashyapa; and, O Narada, four to Tarkshya, the giver of other forms.

Verse 28 (shiva.rudra.16.28)

भृग्वङ्गिरः कृशाश्वेभ्यो द्वे द्वे कन्ये च दत्तवान् । ताभ्यस्तेभ्यस्तु सञ्जाता बह्वी सृष्टिश्चराचरा

bhṛgvaṅgiraḥ kṛśāśvebhyo dve dve kanye ca dattavān | tābhyastebhyastu sañjātā bahvī sṛṣṭiścarācarā

To Bhrigu, Angiras, and Krishashva, he gave two daughters each; from these, born to them, arose an abundant creation, moving and unmoving.

Verse 29 (shiva.rudra.16.29)

त्रयोदशमितास्तस्मै कश्यपाय महात्मने । दत्ता दक्षेण याः कन्या विधिवन्मुनिसत्तम

trayodaśamitāstasmai kaśyapāya mahātmane | dattā dakṣeṇa yāḥ kanyā vidhivanmunisattama

O best of sages, those thirteen daughters given by Daksha, according to rule, to that great soul Kashyapa —

Verse 30 (shiva.rudra.16.30)

तासां प्रसूतिभिर्व्याप्तं त्रैलोक्यं सचराचरम् । स्थावरं जङ्गमं चैव शून्यं नैव तु किञ्चन

tāsāṁ prasūtibhirvyāptaṁ trailokyaṁ sacarācaram | sthāvaraṁ jaṅgamaṁ caiva śūnyaṁ naiva tu kiñcana

— by the offspring of these, the three worlds, moving and unmoving, immobile and mobile, were pervaded; nothing at all remained empty.

Verse 31 (shiva.rudra.16.31)

देवाश्च ऋषयश्चैव दैत्याश्चैव प्रजज्ञिरे । वृक्षाश्च पक्षिणश्चैव सर्वे पर्वतवीरुधः

devāśca ṛṣayaścaiva daityāścaiva prajajñire | vṛkṣāśca pakṣiṇaścaiva sarve parvatavīrudhaḥ

Gods, and sages, and daityas were born; and trees, and birds, and all the mountains and creepers.

Verse 32 (shiva.rudra.16.32)

दक्षकन्याप्रसूतैश्च व्याप्तमेवं चराचरम् । पातालतलमारभ्य सत्यलोकावधि ध्रुवम्

dakṣakanyāprasūtaiśca vyāptamevaṁ carācaram | pātālatalamārabhya satyalokāvadhi dhruvam

By the offspring of Daksha's daughters, the entire moving and unmoving world was thus surely pervaded, from the depths of Patala up to Satyaloka.

Verse 33 (shiva.rudra.16.33)

ब्रह्माण्डं सकलं व्याप्तं शून्यं नैव कदाचन । एवं सृष्टिः कृता सम्यग्ब्रह्मणा शम्भुशासनात्

brahmāṇḍaṁ sakalaṁ vyāptaṁ śūnyaṁ naiva kadācana | evaṁ sṛṣṭiḥ kṛtā samyagbrahmaṇā śambhuśāsanāt

The entire cosmic egg was pervaded, never empty at any point; thus was creation duly accomplished by Brahma, through the command of Shambhu.

Verse 34 (shiva.rudra.16.34)

सती नाम त्रिशूलाग्रे सदा रुद्रेण रक्षिता । तपोऽर्थं निर्मिता पूर्वं शम्भुना सर्वविष्णुना

satī nāma triśūlāgre sadā rudreṇa rakṣitā | tapo'rthaṁ nirmitā pūrvaṁ śambhunā sarvaviṣṇunā

She named Sati, ever protected by Rudra upon the tip of his trident, was fashioned before by Shambhu, who is all and is Vishnu himself, for the sake of austerity.

Verse 35 (shiva.rudra.16.35)

सैव दक्षात्समुद्भूता लोककार्यार्थमेव च । लीलां चकार बहुशो भक्तोद्धरणहेतवे

saiva dakṣātsamudbhūtā lokakāryārthameva ca | līlāṁ cakāra bahuśo bhaktoddharaṇahetave

That very one arose from Daksha, for the sake of the affairs of the world, and performed her play many times, for the sake of delivering her devotees.

Verse 36 (shiva.rudra.16.36)

वामाङ्गो यस्य वैकुण्ठो दक्षिणाङ्गोऽहमेव च । रुद्रो हृदयजो यस्य त्रिविधस्तु शिवः स्मृतः

vāmāṅgo yasya vaikuṇṭho dakṣiṇāṅgo'hameva ca | rudro hṛdayajo yasya trividhastu śivaḥ smṛtaḥ

He whose left side is Vaikuntha, and whose right side is I myself, and whose heart gives birth to Rudra — that Shiva is remembered as threefold.

Verse 37 (shiva.rudra.16.37)

अहं विष्णुश्च रुद्रश्च गुणास्त्रय उदाहृताः । स्वयं सदा निर्गुणश्च परब्रह्माव्ययः शिवः

ahaṁ viṣṇuśca rudraśca guṇāstraya udāhṛtāḥ | svayaṁ sadā nirguṇaśca parabrahmāvyayaḥ śivaḥ

I, Vishnu, and Rudra are declared to be the three gunas; while Shiva himself is ever without qualities, the imperishable Supreme Brahman.

Verse 38 (shiva.rudra.16.38)

विष्णुः सत्त्वं रजोऽहं च तमो रुद्र उदाहृतः । लोकाचारत इत्येवं नामतो वस्तुतोऽन्यथा

viṣṇuḥ sattvaṁ rajo'haṁ ca tamo rudra udāhṛtaḥ | lokācārata ityevaṁ nāmato vastuto'nyathā

Vishnu is sattva, I am rajas, and Rudra is declared to be tamas; this is so only by worldly convention, in name — in reality it is otherwise.

Verse 39 (shiva.rudra.16.39)

अन्तस्तमो बहिः सत्त्वो विष्णू रुद्रस्तथा मतः । अन्तः सत्त्वस्तमो बाह्यो रजोऽहं सर्वथा मुने

antastamo bahiḥ sattvo viṣṇū rudrastathā mataḥ | antaḥ sattvastamo bāhyo rajo'haṁ sarvathā mune

Vishnu and Rudra are held to be tamas within and sattva without; while I, O sage, am in every way rajas, sattva within and tamas without —

Verse 40 (shiva.rudra.16.40)

राजसी च सुरा देवी सत्त्वरूपा तु सा सती । लक्ष्मीस्तमोमयी ज्ञेया त्रिरूपा च शिवा परा

rājasī ca surā devī sattvarūpā tu sā satī | lakṣmīstamomayī jñeyā trirūpā ca śivā parā

The rajasic goddess is Sura (Vagdevi); and that Sati is of sattvic form; Lakshmi should be known as consisting of tamas — thus the supreme Shiva-shakti is threefold.

Verse 41 (shiva.rudra.16.41)

एवं शिवा सती भूत्वा शङ्करेण विवाहिता । पितुर्यज्ञे तनुं त्यक्त्वा नादरात् स्वपदं ययौ

evaṁ śivā satī bhūtvā śaṅkareṇa vivāhitā | pituryajñe tanuṁ tyaktvā nādarāt svapadaṁ yayau

Thus Shiva's own shakti, having become Sati, was married to Shankara; but, abandoning her body at her father's sacrifice out of the sense of dishonor, she returned to her own state.

Verse 42 (shiva.rudra.16.42)

पुनश्च पार्वती जाता देवप्रार्थनया शिवा । तपः कृत्वा सुविपुलं पुनः शिवमुपागता

punaśca pārvatī jātā devaprārthanayā śivā | tapaḥ kṛtvā suvipulaṁ punaḥ śivamupāgatā

Again, at the prayer of the gods, that same Shiva-shakti was born as Parvati; having performed most extensive austerity, she attained Shiva once more.

Verse 43 (shiva.rudra.16.43)

तस्य नामान्यनेकानि जातानि च मुनीश्वर । कालिका चण्डिका भद्रा चामुण्डा विजया जया

tasya nāmānyanekāni jātāni ca munīśvara | kālikā caṇḍikā bhadrā cāmuṇḍā vijayā jayā

O lord of sages, many names of hers came into being: Kalika, Chandika, Bhadra, Chamunda, Vijaya, Jaya —

Verse 44 (shiva.rudra.16.44)

जयन्ती भद्रकाली च दुर्गा भगवतीति च । कामाख्या कामदा ह्यम्बा मृडानी सर्वमङ्गला

jayantī bhadrakālī ca durgā bhagavatīti ca | kāmākhyā kāmadā hyambā mṛḍānī sarvamaṅgalā

— Jayanti, Bhadrakali, Durga, and Bhagavati; Kamakhya, Kamada, Amba, Mridani, and Sarvamangala.

Verse 45 (shiva.rudra.16.45)

नामधेयान्यनेकानि भुक्तिमुक्तिप्रदानि च । गुणकर्मानुरूपाणि प्रायशस्तत्र पार्वती

nāmadheyānyanekāni bhuktimuktipradāni ca | guṇakarmānurūpāṇi prāyaśastatra pārvatī

Many such names, bestowing both enjoyment and liberation, corresponding to her qualities and deeds — for the most part, she there is Parvati.

Verse 46 (shiva.rudra.16.46)

गुणमय्यस्तथा देव्यो देवा गुणमयास्त्रयः । मिलित्वा विविधं सृष्टेश्चक्रुस्ते कार्यमुत्तमम्

guṇamayyastathā devyo devā guṇamayāstrayaḥ | militvā vividhaṁ sṛṣṭeścakruste kāryamuttamam

Thus the goddesses, made of the gunas, and the three gods, made of the gunas, joining together, performed the supreme work of manifold creation.

Verse 47 (shiva.rudra.16.47)

एवं सृष्टिप्रकारस्ते वर्णितो मुनिसत्तम । शिवाज्ञया विरचितो ब्रह्माण्डस्य मयाखिलः

evaṁ sṛṣṭiprakāraste varṇito munisattama | śivājñayā viracito brahmāṇḍasya mayākhilaḥ

Thus, O best of sages, has this manner of creation been described to you; the entire cosmic egg was fashioned by me, by the command of Shiva.

Verse 48 (shiva.rudra.16.48)

परं ब्रह्म शिवः प्रोक्तस्तस्य रूपास्त्रयः सुराः । अहं विष्णुश्च रुद्रश्च गुणभेदानुरूपतः

paraṁ brahma śivaḥ proktastasya rūpāstrayaḥ surāḥ | ahaṁ viṣṇuśca rudraśca guṇabhedānurūpataḥ

Shiva is declared to be the Supreme Brahman; his three forms are the three gods — I, Vishnu, and Rudra — according to the distinction of the gunas.

Verse 49 (shiva.rudra.16.49)

शिवया रमते स्वैरं शिवलोके मनोरमे । स्वतन्त्रः परमात्मा हि निर्गुणः सगुणोऽपि वै

śivayā ramate svairaṁ śivaloke manorame | svatantraḥ paramātmā hi nirguṇaḥ saguṇo'pi vai

The independent Supreme Self, though without qualities, yet also possessed of qualities, sports freely with Shiva-shakti in the enchanting world of Shiva.

Verse 50 (shiva.rudra.16.50)

तस्य पूर्णावतारो हि रुद्रः साक्षाच्छिवः स्मृतः । कैलासे भवनं रम्यं पञ्चवक्त्रश्चकार ह । ब्रह्माण्डस्य तथा नाशे तस्य नाशोऽस्ति वै न हि

tasya pūrṇāvatāro hi rudraḥ sākṣācchivaḥ smṛtaḥ | kailāse bhavanaṁ ramyaṁ pañcavaktraścakāra ha | brahmāṇḍasya tathā nāśe tasya nāśo'sti vai na hi

Rudra is indeed remembered as his full incarnation, directly Shiva himself; the five-faced one made his beautiful abode on Kailasa; and even at the destruction of the cosmic egg, there is truly no destruction of that abode.