Ganesha Restored to Life with an Elephant's Head

Verse 1 (shiva.rudra.135.1)

नारद उवाच ब्रह्मन् वद महाप्राज्ञ तद् वृत्तान्तेऽखिले श्रुते । किमकार्षीन्महादेवी श्रोतुमिच्छामि तत्त्वतः

nārada uvāca brahman vada mahāprājña tad vṛttānte'khile śrute kimakārṣīnmahādevī śrotumicchāmi tattvataḥ

Narada said: O Brahman of great wisdom, having heard that whole account, tell me — what did the great Goddess do? I truly wish to hear it.

Verse 2 (shiva.rudra.135.2)

ब्रह्मोवाच श्रूयतां मुनिशार्दूल कथयाम्यद्य तद्ध्रुवम् । चरितं जगदम्बाया यज्जातं तदनन्तरम्

brahmovāca śrūyatāṁ muniśārdūla kathayāmyadya taddhruvam caritaṁ jagadambāyā yajjātaṁ tadanantaram

Brahma said: Listen, O tiger among sages; I shall now tell you for certain what befell the Mother of the World thereafter.

Verse 3 (shiva.rudra.135.3)

मृदङ्गान्पटहांश्चैव गणाश्चावादयंस्तथा । महोत्सवं तदा चक्रुर्हते तस्मिन्गणाधिपे

mṛdaṅgānpaṭahāṁścaiva gaṇāścāvādayaṁstathā mahotsavaṁ tadā cakrurhate tasmingaṇādhipe

The ganas played mridangas and drums, and held a great festival then, when that lord of the ganas had been slain.

Verse 4 (shiva.rudra.135.4)

शिवोऽपि तच्छिरश्छित्वा यावद्दुःखमुपाददे । तावच्च गिरिजा देवी चुक्रोधाति मुनीश्वर

śivo'pi tacchiraśchitvā yāvadduḥkhamupādade tāvacca girijā devī cukrodhāti munīśvara

O lord of sages, even as Shiva, having severed his head, began to feel sorrow, at that very moment the goddess Girija grew exceedingly enraged.

Verse 5 (shiva.rudra.135.5)

किं करोमि क्व गच्छामि हाहा दुःखमुपागतम् । कथं दुःखं विनश्येतास्याऽतिदुःखं ममाधुना

kiṁ karomi kva gacchāmi hāhā duḥkhamupāgatam kathaṁ duḥkhaṁ vinaśyetāsyā'tiduḥkhaṁ mamādhunā

'What shall I do? Where shall I go? Alas, sorrow has come upon me! How shall this exceeding sorrow of mine now be destroyed?'

Verse 6 (shiva.rudra.135.6)

मत्सुतो नाशितश्चाद्य देवैः सर्वैर्गणैस्तथा । सर्वांस्तान्नाशयिष्यामि प्रलयं वा करोम्यहम्

matsuto nāśitaścādya devaiḥ sarvairgaṇaistathā sarvāṁstānnāśayiṣyāmi pralayaṁ vā karomyaham

'My son has today been destroyed by all the gods and the ganas together; I shall destroy them all, or bring about the very dissolution of the world!'

Verse 7 (shiva.rudra.135.7)

इत्येवं दुःखिता सा च शक्तीः शतसहस्रशः । निर्ममे तत्क्षणं क्रुद्धा सर्वलोकमहेश्वरी

ityevaṁ duḥkhitā sā ca śaktīḥ śatasahasraśaḥ nirmame tatkṣaṇaṁ kruddhā sarvalokamaheśvarī

Thus grieving, the Sovereign Goddess of all worlds, in her wrath, created in that very instant hundreds of thousands of Shaktis.

Verse 8 (shiva.rudra.135.8)

निर्मितास्ता नमस्कृत्य जगदम्बां शिवां तदा । जाज्वल्यमाना ह्यवदन्मातरादिश्यतामिति

nirmitāstā namaskṛtya jagadambāṁ śivāṁ tadā jājvalyamānā hyavadanmātarādiśyatāmiti

Those created ones, bowing to the Mother of the World, blazing with fire themselves, said: 'Mother, command us!'

Verse 9 (shiva.rudra.135.9)

तच्छुत्वा शम्भुशक्तिः सा प्रकृतिः क्रोधतत्परा । प्रत्युवाच तु ताः सर्वा महामाया मुनीश्वर

tacchutvā śambhuśaktiḥ sā prakṛtiḥ krodhatatparā pratyuvāca tu tāḥ sarvā mahāmāyā munīśvara

Hearing this, O lord of sages, she — Shambhu's own Shakti, the Prakriti, the great Maya, intent on wrath — replied to them all.

Verse 10 (shiva.rudra.135.10)

देव्युवाच हे शक्तयोऽधुना देव्यो युष्माभिर्मन्निदेशतः । प्रलयश्चात्र कर्त्तव्यो नात्र कार्या विचारणा

devyuvāca he śaktayo'dhunā devyo yuṣmābhirmannideśataḥ pralayaścātra karttavyo nātra kāryā vicāraṇā

The Goddess said: 'O Shaktis, O goddesses, now by my command you must bring about destruction here — there is to be no deliberation in this.'

Verse 11 (shiva.rudra.135.11)

देवांश्चैव ऋषींश्चैव यक्षराक्षसकांस्तथा । अस्मदीयान्परांश्चैव सख्यो भक्षत वै हठात्

devāṁścaiva ṛṣīṁścaiva yakṣarākṣasakāṁstathā asmadīyānparāṁścaiva sakhyo bhakṣata vai haṭhāt

'Devour by force, O companions, the gods, the sages, the yakshas and rakshasas alike — whether they be ours or belonging to others.'

Verse 12 (shiva.rudra.135.12)

ब्रह्मोवाच तदाज्ञप्ताश्च ताः सर्वाः शक्तयः क्रोधतत्पराः । देवादीनां च सर्वेषां संहारं कर्तुमुद्यताः

brahmovāca tadājñaptāśca tāḥ sarvāḥ śaktayaḥ krodhatatparāḥ devādīnāṁ ca sarveṣāṁ saṁhāraṁ kartumudyatāḥ

Brahma said: Thus commanded, all those Shaktis, intent upon wrath, made ready to bring about the destruction of the gods and of all beings.

Verse 13 (shiva.rudra.135.13)

यथा च तृणसंहारमनलः कुरुते तथा । एवं ताः शक्तयः सर्वाः संहारं कर्तुमुद्यताः

yathā ca tṛṇasaṁhāramanalaḥ kurute tathā evaṁ tāḥ śaktayaḥ sarvāḥ saṁhāraṁ kartumudyatāḥ

Just as fire consumes a heap of straw, so did all those Shaktis make ready to bring about destruction.

Verse 14 (shiva.rudra.135.14)

गणपो वाथ विष्णुर्वा ब्रह्मा वा शङ्करस्तथा । इन्द्रो वा यक्षराजो वा स्कन्दो वा सूर्य एव वा

gaṇapo vātha viṣṇurvā brahmā vā śaṅkarastathā indro vā yakṣarājo vā skando vā sūrya eva vā

Be it Ganapa, or Vishnu, or Brahma, or Shankara, or Indra, or the King of the Yakshas, or Skanda, or even Surya—

Verse 15 (shiva.rudra.135.15)

सर्वेषां चैव संहारं कुर्वन्ति स्म निरन्तरम् । यत्र यत्र तु दृश्येत तत्र तत्रापि शक्तयः

sarveṣāṁ caiva saṁhāraṁ kurvanti sma nirantaram yatra yatra tu dṛśyeta tatra tatrāpi śaktayaḥ

—they brought about the destruction of them all without pause; wherever anyone was seen, there too the Shaktis appeared.

Verse 16 (shiva.rudra.135.16)

कराली कुब्जका खञ्जा लम्बशीर्षा ह्यनेकशः । हस्ते धृत्वा तु देवांश्च मुखे चैवाक्षिपंस्तदा

karālī kubjakā khañjā lambaśīrṣā hyanekaśaḥ haste dhṛtvā tu devāṁśca mukhe caivākṣipaṁstadā

Terrible, hunchbacked, lame, with hanging heads — in many forms — they seized the gods in their hands and hurled them into their mouths.

Verse 17 (shiva.rudra.135.17)

तं संहारं तदा दृष्ट्वा हरो ब्रह्मा तथा हरिः । इन्द्रादयोऽखिला देवा गणाश्च ऋषयस्तथा

taṁ saṁhāraṁ tadā dṛṣṭvā haro brahmā tathā hariḥ indrādayo'khilā devā gaṇāśca ṛṣayastathā

Seeing that destruction, Hara, Brahma, and Hari, Indra and all the other gods, the ganas, and the sages—

Verse 18 (shiva.rudra.135.18)

किं करिष्यति सा देवी संहारं वाप्यकालतः । इति संशयमापन्ना जीवनाशा हताऽभवत्

kiṁ kariṣyati sā devī saṁhāraṁ vāpyakālataḥ iti saṁśayamāpannā jīvanāśā hatā'bhavat

—fell into doubt, wondering what further that Goddess would do, whether an untimely destruction, and, despairing of their lives, they became stricken.

Verse 19 (shiva.rudra.135.19)

सर्वे च मिलिताश्चेमे किं कर्त्तव्यं विचिन्त्यताम् । एवं विचारयन्तस्ते तूर्णमूचुः परस्परम्

sarve ca militāśceme kiṁ karttavyaṁ vicintyatām evaṁ vicārayantaste tūrṇamūcuḥ parasparam

All of them, gathering together, said, 'Let it be considered what is to be done' — thus deliberating, they quickly spoke to one another.

Verse 20 (shiva.rudra.135.20)

यदा च गिरिजा देवी प्रसन्ना हि भवेदिह । तदा चैव भवेत्स्वास्थ्यं नान्यथा कोटि यत्नतः

yadā ca girijā devī prasannā hi bhavediha tadā caiva bhavetsvāsthyaṁ nānyathā koṭi yatnataḥ

'Only when the goddess Girija becomes truly pleased will there be peace here — not otherwise, even by a myriad efforts.'

Verse 21 (shiva.rudra.135.21)

शिवोऽपि दुःखमापन्नो लौकिकीं गतिमाश्रितः । मोहयन्सकलांस्तत्र नानालीलाविशारदः

śivo'pi duḥkhamāpanno laukikīṁ gatimāśritaḥ mohayansakalāṁstatra nānālīlāviśāradaḥ

Shiva too, overcome with sorrow, resorting to worldly conduct, skilled in manifold divine play, sought there to console them all.

Verse 22 (shiva.rudra.135.22)

सर्वेषां चैव देवानां कटिर्भग्ना यदा तदा । शिवा क्रोधमयी साक्षाद् गन्तुं न पुर उत्सहेत्

sarveṣāṁ caiva devānāṁ kaṭirbhagnā yadā tadā śivā krodhamayī sākṣād gantuṁ na pura utsahet

When the very resolve of all the gods had broken, Shiva, utterly wrathful, would not even venture to go before them.

Verse 23 (shiva.rudra.135.23)

स्वीयो वा परकीयो वा देवो वा दानवोऽपि वा । गणो वापि च दिक्पालो यक्षो वा किन्नरो मुनिः

svīyo vā parakīyo vā devo vā dānavo'pi vā gaṇo vāpi ca dikpālo yakṣo vā kinnaro muniḥ

Be he one's own or another's, a god or even a demon, a gana, a guardian of the quarters, a yaksha, a kinnara, or a sage—

Verse 24 (shiva.rudra.135.24)

विष्णुर्वापि तथा ब्रह्मा शङ्करश्च तथा प्रभुः । न कश्चिद्गिरिजाग्रे च स्थातुं शक्तोऽभवन्मुने

viṣṇurvāpi tathā brahmā śaṅkaraśca tathā prabhuḥ na kaścidgirijāgre ca sthātuṁ śakto'bhavanmune

—be it even Vishnu, or Brahma, or Lord Shankara himself, O sage, none was able to stand before Girija.

Verse 25 (shiva.rudra.135.25)

जाज्वल्यमानं तत्तेजःसर्वतो दाहि तेऽखिलाः । दृष्ट्वा भीततरा आसन् सर्वे दूरतरं स्थिताः

jājvalyamānaṁ tattejaḥsarvato dāhi te'khilāḥ dṛṣṭvā bhītatarā āsan sarve dūrataraṁ sthitāḥ

Seeing that blazing splendor of hers, burning on every side, all of them grew utterly terrified and withdrew to a great distance.

Verse 26 (shiva.rudra.135.26)

एतस्मिन्समये तत्र नारदो दिव्यदर्शनः । आगतस्त्वं मुने देवगणानां सुखहेतवे

etasminsamaye tatra nārado divyadarśanaḥ āgatastvaṁ mune devagaṇānāṁ sukhahetave

At that time, O sage of divine vision, you, Narada, came there for the welfare of the hosts of gods.

Verse 27 (shiva.rudra.135.27)

ब्रह्माणं मां भवं विष्णुं शङ्करं च प्रणम्य सः । समागत्य मिलित्वोचे विचार्य कार्यमेव वा

brahmāṇaṁ māṁ bhavaṁ viṣṇuṁ śaṅkaraṁ ca praṇamya saḥ samāgatya militvoce vicārya kāryameva vā

Having bowed to Brahma, Bhava, Vishnu, and Shankara, he came near, and, joining the gods, spoke after considering what was to be done.

Verse 28 (shiva.rudra.135.28)

सर्वे सम्मन्त्रयाञ्चक्रुस्त्वया देवा महात्मना । दुःखशान्तिः कथं स्याद्वै समूचुस्तत एव ते

sarve sammantrayāñcakrustvayā devā mahātmanā duḥkhaśāntiḥ kathaṁ syādvai samūcustata eva te

All the gods, together with you, O great soul, took counsel: 'How may this sorrow be ended?' — thus they spoke among themselves.

Verse 29 (shiva.rudra.135.29)

यावच्च गिरिजा देवी कृपां नैव करिष्यति । तावन्नैव सुखं स्याद्वै नात्र कार्या विचारणा

yāvacca girijā devī kṛpāṁ naiva kariṣyati tāvannaiva sukhaṁ syādvai nātra kāryā vicāraṇā

'As long as the goddess Girija shows no mercy, there can be no happiness at all — of this there is no doubt.'

Verse 30 (shiva.rudra.135.30)

ऋषयो हि त्वदाद्याश्च गतास्ते वै शिवान्तिकम् । सर्वे प्रसादयामासुः क्रोधशान्त्यै तदा शिवाम्

ṛṣayo hi tvadādyāśca gatāste vai śivāntikam sarve prasādayāmāsuḥ krodhaśāntyai tadā śivām

Then the sages, beginning with you, went to the presence of Shiva, and all sought to appease the Goddess so as to calm her wrath.

Verse 31 (shiva.rudra.135.31)

पुनः पुनः प्रणेमुश्च स्तुत्वा स्तोत्रैरनेकशः । सर्वे प्रसादयन्प्रीत्या प्रोचुर्देवगणाज्ञया

punaḥ punaḥ praṇemuśca stutvā stotrairanekaśaḥ sarve prasādayanprītyā procurdevagaṇājñayā

They bowed again and again, praising her with many hymns, and all, seeking to please her with devotion, spoke at the bidding of the hosts of gods.

Verse 32 (shiva.rudra.135.32)

सुरर्षय ऊचुः । जगदम्ब नमस्तुभ्यं शिवायै ते नमोऽस्तु ते । चण्डिकायै नमस्तुभ्यं कल्याण्यै च नमोऽस्तु ते

surarṣaya ūcuḥ jagadamba namastubhyaṁ śivāyai te namo'stu te caṇḍikāyai namastubhyaṁ kalyāṇyai ca namo'stu te

The divine sages said: 'O Mother of the World, salutation to you! Salutation to you, O Shiva! Salutation to you, O Chandika! Salutation to you, O Kalyani!'

Verse 33 (shiva.rudra.135.33)

आदिशक्तिस्त्वमेवाम्ब सर्वसृष्टिकरी सदा । त्वमेव पालिनी शक्तिस्त्वमेव प्रलयङ्करी

ādiśaktistvamevāmba sarvasṛṣṭikarī sadā tvameva pālinī śaktistvameva pralayaṅkarī

'You alone, O Mother, are the primordial Shakti, ever the creator of all; you alone are the sustaining power, and you alone bring about dissolution.'

Verse 34 (shiva.rudra.135.34)

प्रसन्ना भव देवेशि शान्तिं कुरु नमोऽस्तु ते । सर्वं हि विकलं देवि त्रिजगत्तव कोपतः

prasannā bhava deveśi śāntiṁ kuru namo'stu te sarvaṁ hi vikalaṁ devi trijagattava kopataḥ

'Be gracious, O Sovereign of the gods; grant peace — salutation to you! For, O Goddess, the whole of the three worlds has fallen into distress through your wrath.'

Verse 35 (shiva.rudra.135.35)

ब्रह्मोवाच एवं स्तुता परा देवी ऋषिभिश्च त्वदादिभिः । क्रुद्धदृष्ट्या तदा तांश्च किञ्चिन्नोवाच सा शिवा

brahmovāca evaṁ stutā parā devī ṛṣibhiśca tvadādibhiḥ kruddhadṛṣṭyā tadā tāṁśca kiñcinnovāca sā śivā

Brahma said: Thus praised by the sages beginning with you, the supreme Goddess Shiva, looking upon them with an angry gaze, said nothing to them.

Verse 36 (shiva.rudra.135.36)

तदा च ऋषयः सर्वे नत्वा तच्चरणाम्बुजम् । पुनरूचुश्शिवां भक्त्या कृताञ्जलिपुटाः शनैः

tadā ca ṛṣayaḥ sarve natvā taccaraṇāmbujam punarūcuśśivāṁ bhaktyā kṛtāñjalipuṭāḥ śanaiḥ

Then all the sages, bowing to her lotus feet, with joined palms, spoke again to Shiva softly, with devotion.

Verse 37 (shiva.rudra.135.37)

क्षम्यतां क्षम्यतां देवि संहारो जायतेऽधुना । तव स्वामी स्थितश्चात्र पश्य पश्य तमम्बिके

kṣamyatāṁ kṣamyatāṁ devi saṁhāro jāyate'dhunā tava svāmī sthitaścātra paśya paśya tamambike

'Forgive us, forgive us, O Goddess! This destruction is happening even now — your own Lord stands here; behold him, behold him, O Ambika!'

Verse 38 (shiva.rudra.135.38)

वयं के च इमे देवा विष्णुब्रह्मादयस्तथा । प्रजाश्च भवदीयाश्च कृताञ्जलिपुटाः स्थिताः

vayaṁ ke ca ime devā viṣṇubrahmādayastathā prajāśca bhavadīyāśca kṛtāñjalipuṭāḥ sthitāḥ

'What are we, and what are these gods — Vishnu, Brahma, and the rest? We stand here, your own children, with joined palms.'

Verse 39 (shiva.rudra.135.39)

क्षन्तव्यश्चापराधो वै सर्वेषां परमेश्वरि । सर्वे हि विकलाश्चाद्य शान्तिं तेषां शिवे कुरु

kṣantavyaścāparādho vai sarveṣāṁ parameśvari sarve hi vikalāścādya śāntiṁ teṣāṁ śive kuru

'Let the fault of us all be forgiven, O supreme Goddess; for all are today in distress — grant them peace, O Shiva.'

Verse 40 (shiva.rudra.135.40)

ब्रह्मोवाच इत्युक्त्वा ऋषयःसर्वे सुदीनतरमाकुलाः । सन्तस्थिरे चण्डिकाग्रे कृताञ्जलिपुटास्तदा

brahmovāca ityuktvā ṛṣayaḥsarve sudīnataramākulāḥ santasthire caṇḍikāgre kṛtāñjalipuṭāstadā

Brahma said: Having spoken thus, all the sages, utterly humbled and distressed, stood then before Chandika with joined palms.

Verse 41 (shiva.rudra.135.41)

एवं श्रुत्वा वचस्तेषां प्रसन्ना चण्डिकाऽभवत् । प्रत्युवाच ऋषींस्तान्वै करुणाविष्टमानसा

evaṁ śrutvā vacasteṣāṁ prasannā caṇḍikā'bhavat pratyuvāca ṛṣīṁstānvai karuṇāviṣṭamānasā

Hearing their words thus, Chandika became gracious, and, her mind filled with compassion, replied to those sages.

Verse 42 (shiva.rudra.135.42)

देव्युवाच मत्पुत्रो यदि जीवेत तदा संहरणं न हि । यथा हि भवतां मध्ये पूज्योऽयं च भविष्यति

devyuvāca matputro yadi jīveta tadā saṁharaṇaṁ na hi yathā hi bhavatāṁ madhye pūjyo'yaṁ ca bhaviṣyati

The Goddess said: 'If my son should live, then indeed there shall be no destruction — provided that he shall become worshipped among you all.'

Verse 43 (shiva.rudra.135.43)

सर्वाध्यक्षो भवेदद्य यूयं कुरुत तद्यदि । तदा शान्तिर्भवेल्लोके नान्यथा सुखमाप्स्यथ

sarvādhyakṣo bhavedadya yūyaṁ kuruta tadyadi tadā śāntirbhavelloke nānyathā sukhamāpsyatha

'Let him become today the overlord of all — if you do this, then there shall be peace in the world; not otherwise shall you attain happiness.'

Verse 44 (shiva.rudra.135.44)

ब्रह्मोवाच इत्युक्तास्ते तदा सर्वे ऋषयो युष्मदादयः । तेभ्यो देवेभ्य आगत्य सर्वं वृत्तं न्यवेदयन्

brahmovāca ityuktāste tadā sarve ṛṣayo yuṣmadādayaḥ tebhyo devebhya āgatya sarvaṁ vṛttaṁ nyavedayan

Brahma said: Thus addressed, all those sages, beginning with you, went to those gods and reported the whole matter.

Verse 45 (shiva.rudra.135.45)

ते च सर्वे तथा श्रुत्वा शङ्कराय न्यवेदयन् । नत्वा प्राञ्जलयो दीनाः शक्रप्रभृतयः सुराः

te ca sarve tathā śrutvā śaṅkarāya nyavedayan natvā prāñjalayo dīnāḥ śakraprabhṛtayaḥ surāḥ

Hearing this, all of them reported it to Shankara; and the humbled gods, headed by Indra, bowed with joined palms.

Verse 46 (shiva.rudra.135.46)

प्रोवाचेति सुराञ्छ्रुत्वा शिवश्चापि तथा पुनः । कर्त्तव्यं च तथा सर्वलोकस्वास्थ्यं भवेदिह

provāceti surāñchrutvā śivaścāpi tathā punaḥ karttavyaṁ ca tathā sarvalokasvāsthyaṁ bhavediha

Hearing this from the gods, Shiva then spoke again: 'This must indeed be done, so that the well-being of all the worlds may come about here.'

Verse 47 (shiva.rudra.135.47)

उत्तरस्यां पुनर्यात प्रथमं यो मिलेदिह । तच्छिरश्च समाहृत्य योजनीयं कलेवरे

uttarasyāṁ punaryāta prathamaṁ yo milediha tacchiraśca samāhṛtya yojanīyaṁ kalevare

'Go again to the north; whatever creature is first encountered there, bring its head, and it shall be joined to the body.'

Verse 48 (shiva.rudra.135.48)

ब्रह्मोवाच ततस्तैस्तत्कृतं सर्वं शिवाज्ञाप्रतिपालकैः । कलेवरं समानीय प्रक्षाल्य विधिवच्च तत्

brahmovāca tatastaistatkṛtaṁ sarvaṁ śivājñāpratipālakaiḥ kalevaraṁ samānīya prakṣālya vidhivacca tat

Brahma said: Then all this was done by them, obedient to Shiva's command; having brought the body, and having duly washed it—

Verse 49 (shiva.rudra.135.49)

पूजयित्वा पुनस्ते वै गताश्चोदङ्मुखास्तदा । प्रथमं मिलितस्तत्र हस्ती चाप्येकदन्तकः

pūjayitvā punaste vai gatāścodaṅmukhāstadā prathamaṁ militastatra hastī cāpyekadantakaḥ

—and having worshipped it, they then went forth facing north; and there the first they encountered was an elephant with a single tusk.

Verse 50 (shiva.rudra.135.50)

तच्छिरश्च तदा नीत्वा तत्र तेऽयोजयन् ध्रुवम् । संयोज्य देवताःसर्वाः शिवं विष्णुं विधिं तदा

tacchiraśca tadā nītvā tatra te'yojayan dhruvam saṁyojya devatāḥsarvāḥ śivaṁ viṣṇuṁ vidhiṁ tadā

Then, bringing its head, they firmly joined it there, all the gods together with Shiva, Vishnu, and Brahma uniting it to the body.

Verse 51 (shiva.rudra.135.51)

प्रणम्य वचनं प्रोचुर्भवदुक्तं कृतं च नः । अनन्तरं च तत्कार्यं भवताद्भवशेषितम्

praṇamya vacanaṁ procurbhavaduktaṁ kṛtaṁ ca naḥ anantaraṁ ca tatkāryaṁ bhavatādbhavaśeṣitam

Bowing, they said: 'What you commanded has been done by us; may whatever remains of this task now be accomplished by you.'

Verse 52 (shiva.rudra.135.52)

ततस्ते तु विरेजुश्च पार्षदाश्च सुराः सुखम् । अथ तद्वचनं श्रुत्वा शिवोक्तं पर्यपालयन्

tataste tu virejuśca pārṣadāśca surāḥ sukham atha tadvacanaṁ śrutvā śivoktaṁ paryapālayan

Then the attendants and the gods rejoiced happily; and hearing that word, they carried out what Shiva had commanded.

Verse 53 (shiva.rudra.135.53)

ऊचुस्ते च तदा तत्र ब्रह्मविष्णुसुरास्तथा । प्रणम्येशं शिवं देवं स्वप्रभुं गुणवर्जितम्

ūcuste ca tadā tatra brahmaviṣṇusurāstathā praṇamyeśaṁ śivaṁ devaṁ svaprabhuṁ guṇavarjitam

Then Brahma, Vishnu, and the gods, having bowed to Lord Shiva, their own master, beyond all qualities, spoke there.

Verse 54 (shiva.rudra.135.54)

यस्मात्त्वत्तेजसःसर्वे वयं जाता महात्मनः । त्वत्तेजस्तत्समायातु वेदमन्त्राभियोगतः

yasmāttvattejasaḥsarve vayaṁ jātā mahātmanaḥ tvattejastatsamāyātu vedamantrābhiyogataḥ

'Since we all were born from your splendor, O great soul, may that splendor of yours now come into this body through the power of Vedic mantras.'

Verse 55 (shiva.rudra.135.55)

इत्येवमभिमन्त्रेण मन्त्रितं जलमुत्तमम् । स्मृत्वा शिवं समेतास्ते चिक्षिपुस्तत्कलेवरे

ityevamabhimantreṇa mantritaṁ jalamuttamam smṛtvā śivaṁ sametāste cikṣipustatkalevare

With this invocation they consecrated excellent water with mantras, and, remembering Shiva, all together sprinkled it upon that body.

Verse 56 (shiva.rudra.135.56)

तज्जलस्पर्शमात्रेण चिद्युतो जीवितो द्रुतम् । तदोत्तस्थौ सुप्त इव स बालश्च शिवेच्छया

tajjalasparśamātreṇa cidyuto jīvito drutam tadottasthau supta iva sa bālaśca śivecchayā

By the mere touch of that water, endowed with consciousness, he was instantly brought to life; and that boy at once rose up as though from sleep, by Shiva's will.

Verse 57 (shiva.rudra.135.57)

सुभगः सुन्दरतरो गजवक्त्रः सुरक्तकः । प्रसन्नवदनश्चाति सुप्रभो ललिताकृतिः

subhagaḥ sundarataro gajavaktraḥ suraktakaḥ prasannavadanaścāti suprabho lalitākṛtiḥ

Handsome, exceedingly beautiful, elephant-faced, of ruddy hue, with a serene countenance, of great splendor, and graceful of form.

Verse 58 (shiva.rudra.135.58)

तं दृष्ट्वा जीवितं बालं शिवापुत्रं मुनीश्वर । सर्वे मुमुदिरे तत्र सर्वं दुःखं क्षयं गतम्

taṁ dṛṣṭvā jīvitaṁ bālaṁ śivāputraṁ munīśvara sarve mumudire tatra sarvaṁ duḥkhaṁ kṣayaṁ gatam

O lord of sages, seeing that boy, the son of Shiva, alive, all rejoiced there, and all sorrow came to an end.

Verse 59 (shiva.rudra.135.59)

देव्यै सन्दर्शयामासुः सर्वे हर्षसमन्विताः । जीवितं तनयं दृष्ट्वा देवी हृष्टतराभवत्

devyai sandarśayāmāsuḥ sarve harṣasamanvitāḥ jīvitaṁ tanayaṁ dṛṣṭvā devī hṛṣṭatarābhavat

All of them, filled with joy, showed him to the Goddess; and seeing her son alive, the Goddess became exceedingly delighted.