Ganesha Made Lord of the Ganas

Verse 1 (shiva.rudra.136.1)

नारद उवाच जीविते गिरिजापुत्रे देव्या दृष्टे प्रजेश्वर । ततः किमभवत्तत्र कृपया तद्वदाधुना

nārada uvāca jīvite girijāputre devyā dṛṣṭe prajeśvara tataḥ kimabhavattatra kṛpayā tadvadādhunā

Narada said: O Lord of creatures, when the Goddess had seen her son alive, what then happened there? Tell me that now, out of kindness.

Verse 2 (shiva.rudra.136.2)

ब्रह्मोवाच जीविते गिरिजापुत्रे देव्या दृष्टे मुनीश्वर । यज्जातं तच्छृणुष्वाद्य वच्मि तं महदुत्सवम्

brahmovāca jīvite girijāputre devyā dṛṣṭe munīśvara yajjātaṁ tacchṛṇuṣvādya vacmi taṁ mahadutsavam

Brahma said: O lord of sages, when the Goddess had seen Girija's son alive, listen now to what took place; I shall tell of that great festival.

Verse 3 (shiva.rudra.136.3)

जीवितःस शिवापुत्रो निर्व्यग्रो विकृतो मुने । अभिषिक्तस्तदा देवैर्गणाध्यक्षैर्गजाननः

jīvitaḥsa śivāputro nirvyagro vikṛto mune abhiṣiktastadā devairgaṇādhyakṣairgajānanaḥ

That son of Shiva, alive, free from distress, of altered form, O sage, the elephant-faced one, was then anointed by the gods and the chiefs of the ganas.

Verse 4 (shiva.rudra.136.4)

दृष्ट्वा स्वतनयं देवी शिवा हर्षसमन्विता । गृहीत्वा बालकं दोर्भ्यां प्रमुदा परिषस्वजे

dṛṣṭvā svatanayaṁ devī śivā harṣasamanvitā gṛhītvā bālakaṁ dorbhyāṁ pramudā pariṣasvaje

Seeing her own son, the goddess Shiva, filled with joy, took the boy in her two arms and embraced him with great delight.

Verse 5 (shiva.rudra.136.5)

वस्त्राणि विविधानीह नानालङ्करणानि च । ददौ प्रीत्या गणेशाय स्वपुत्राय मुदाम्बिका

vastrāṇi vividhānīha nānālaṅkaraṇāni ca dadau prītyā gaṇeśāya svaputrāya mudāmbikā

Ambika, with joy, lovingly gave various garments and manifold ornaments to Ganesha, her own son.

Verse 6 (shiva.rudra.136.6)

पूजयित्वा तया देव्या सिद्धिभिश्चाप्यनेकशः । करेण स्पर्शितः सोऽथ सर्वदुःखहरेण वै

pūjayitvā tayā devyā siddhibhiścāpyanekaśaḥ kareṇa sparśitaḥ so'tha sarvaduḥkhahareṇa vai

Having been worshipped by that Goddess and by the many Siddhis as well, he was then touched by her all-sorrow-removing hand.

Verse 7 (shiva.rudra.136.7)

पूजयित्वा सुतं देवी मुखमाचुम्ब्य शाङ्करी । वरान्ददौ तदा प्रीत्या जातस्त्वं दुःखितोऽधुना

pūjayitvā sutaṁ devī mukhamācumbya śāṅkarī varāndadau tadā prītyā jātastvaṁ duḥkhito'dhunā

Having worshipped her son, the Goddess, Shankara's consort, kissed his face, and then lovingly granted him boons: 'You who suffered are now reborn—'

Verse 8 (shiva.rudra.136.8)

धन्योऽसि कृतकृत्योऽसि पूर्वपूज्यो भवाधुना । सर्वेषाममराणां वै सर्वदा दुःखवर्जितः

dhanyo'si kṛtakṛtyo'si pūrvapūjyo bhavādhunā sarveṣāmamarāṇāṁ vai sarvadā duḥkhavarjitaḥ

'—blessed are you, your purpose is fulfilled; be now worshipped before all others, ever free from sorrow among all the immortals.'

Verse 9 (shiva.rudra.136.9)

आनने तव सिन्दूरं दृश्यते साम्प्रतं यदि । तस्मात्त्वं पूजनीयोऽसि सिन्दूरेण सदा नरैः

ānane tava sindūraṁ dṛśyate sāmprataṁ yadi tasmāttvaṁ pūjanīyo'si sindūreṇa sadā naraiḥ

'Since vermilion is now seen upon your face, you shall therefore ever be worshipped by men with vermilion.'

Verse 10 (shiva.rudra.136.10)

पुष्पैर्वा चन्दनैर्वापि गन्धेनैव शुभेन च । नैवेद्येन सुरम्येण नीराजेन विधानतः

puṣpairvā candanairvāpi gandhenaiva śubhena ca naivedyena suramyeṇa nīrājena vidhānataḥ

'With flowers, or with sandal-paste, or with auspicious fragrance, with delightful food-offerings, and with the waving of lamps, according to rite—'

Verse 11 (shiva.rudra.136.11)

ताम्बूलैरथ दानैश्च तथा प्रक्रमणैरपि । नमस्कारविधानेन पूजां यस्ते विधास्यति

tāmbūlairatha dānaiśca tathā prakramaṇairapi namaskāravidhānena pūjāṁ yaste vidhāsyati

'—with betel-leaf, with gifts, and with circumambulations, and with the rite of obeisance — whoever shall perform worship to you—'

Verse 12 (shiva.rudra.136.12)

तस्य वै सकला सिद्धिर्भविष्यति न संशयः । विघ्नान्यनेकरूपाणि क्षयं यास्यन्त्यसंशयम्

tasya vai sakalā siddhirbhaviṣyati na saṁśayaḥ vighnānyanekarūpāṇi kṣayaṁ yāsyantyasaṁśayam

'—for him there shall doubtless be complete success, and obstacles of every kind shall without doubt come to destruction.'

Verse 13 (shiva.rudra.136.13)

ब्रह्मोवाच इत्युक्त्वा च तदा देवी स्वपुत्रं तं महेश्वरी । नानावस्तुभिरुत्कृष्टैः पुनरप्यर्चयत्तथा

brahmovāca ityuktvā ca tadā devī svaputraṁ taṁ maheśvarī nānāvastubhirutkṛṣṭaiḥ punarapyarcayattathā

Brahma said: Having spoken thus, the great Goddess again worshipped her own son with various excellent offerings.

Verse 14 (shiva.rudra.136.14)

ततःस्वास्थ्यं च देवानां गणानां च विशेषतः । गिरिजाकृपया विप्र जातं तत्क्षणमात्रतः

tataḥsvāsthyaṁ ca devānāṁ gaṇānāṁ ca viśeṣataḥ girijākṛpayā vipra jātaṁ tatkṣaṇamātrataḥ

Then, O brahmin, the well-being of the gods, and especially of the ganas, came about in that very instant through Girija's grace.

Verse 15 (shiva.rudra.136.15)

एतस्मिंश्च क्षणे देवा वासवाद्याः शिवं मुदा । स्तुत्वा प्रसाद्य तं देवं भक्ता निन्युः शिवान्तिकम्

etasmiṁśca kṣaṇe devā vāsavādyāḥ śivaṁ mudā stutvā prasādya taṁ devaṁ bhaktā ninyuḥ śivāntikam

And at that moment the gods, headed by Vasava, joyfully praising and propitiating Shiva, devotedly brought that god into Shiva's presence.

Verse 16 (shiva.rudra.136.16)

संसाद्य गिरिशं पश्चादुत्सङ्गे सन्न्यवेशयन् । बालकं तं महेशान्यास्त्रिजगत्सुखहेतवे

saṁsādya giriśaṁ paścādutsaṅge sannyaveśayan bālakaṁ taṁ maheśānyāstrijagatsukhahetave

Having presented him to Girisha, they then placed that boy upon the lap of Maheshani, for the happiness of the three worlds.

Verse 17 (shiva.rudra.136.17)

शिवोऽपि तस्य शिरसि दत्त्वा स्वकरपङ्कजम् । उवाच वचनं देवान् पुत्रोऽयमिति मेऽपरः

śivo'pi tasya śirasi dattvā svakarapaṅkajam uvāca vacanaṁ devān putro'yamiti me'paraḥ

Shiva too, placing his own lotus hand upon his head, spoke this word to the gods: 'This is now another son of mine.'

Verse 18 (shiva.rudra.136.18)

गणेशोऽपि तदोत्थाय नमस्कृत्य शिवाय वै । पार्वत्यै च नमस्कृत्य मह्यं वै विष्णवे तथा

gaṇeśo'pi tadotthāya namaskṛtya śivāya vai pārvatyai ca namaskṛtya mahyaṁ vai viṣṇave tathā

Ganesha too, then rising, bowed to Shiva, bowed to Parvati, and likewise to me and to Vishnu.

Verse 19 (shiva.rudra.136.19)

नारादाद्यानृषीन्सर्वान्स त्वास्थाय पुरोऽब्रवीत् । क्षन्तव्यश्चापराधो मे मानश्चैवेदृशो नृणाम्

nārādādyānṛṣīnsarvānsa tvāsthāya puro'bravīt kṣantavyaścāparādho me mānaścaivedṛśo nṛṇām

Standing before Narada and all the sages, he said: 'May my fault be forgiven, and such pride as this in men.'

Verse 20 (shiva.rudra.136.20)

अहं च शङ्करश्चैव विष्णुश्चैते त्रयः सुराः । प्रत्यूचुर्युगपत्प्रीत्या ददतो वरमुत्तमम्

ahaṁ ca śaṅkaraścaiva viṣṇuścaite trayaḥ surāḥ pratyūcuryugapatprītyā dadato varamuttamam

I, and Shankara, and Vishnu — we three gods — replied to him together, with love, granting him a supreme boon.

Verse 21 (shiva.rudra.136.21)

त्रयो वयं सुरवरा यथा पूज्या जगत्त्रये । तथायं गणनाथश्च सकलैः प्रतिपूज्यताम्

trayo vayaṁ suravarā yathā pūjyā jagattraye tathāyaṁ gaṇanāthaśca sakalaiḥ pratipūjyatām

'As we three, the foremost of gods, are worshipped in the three worlds, so too let this Lord of the Ganas be worshipped by all.'

Verse 22 (shiva.rudra.136.22)

वयं च प्राकृताश्चायं प्राकृतः पूज्य एव च । गणेशो विघ्नहर्त्ता हि सर्वकामफलप्रदः

vayaṁ ca prākṛtāścāyaṁ prākṛtaḥ pūjya eva ca gaṇeśo vighnaharttā hi sarvakāmaphalapradaḥ

'We are gods of manifest nature — and so is he — and he too is worthy of worship; for Ganesha is the remover of obstacles and bestows the fruit of all desires.'

Verse 23 (shiva.rudra.136.23)

एतत्पूजां पुरा कृत्वा पश्चात्पूज्या वयं नरैः । वयं च पूजिताः सर्वे नायं चापूजितो यदा

etatpūjāṁ purā kṛtvā paścātpūjyā vayaṁ naraiḥ vayaṁ ca pūjitāḥ sarve nāyaṁ cāpūjito yadā

'Only after first worshipping him shall we in turn be worshipped by men; but if we are all worshipped while he remains unworshipped—'

Verse 24 (shiva.rudra.136.24)

अस्मिन्नपूजिते देवाः परपूजाकृता यदि । तदा तत्फलहानिः स्यान्नात्र कार्या विचारणा

asminnapūjite devāḥ parapūjākṛtā yadi tadā tatphalahāniḥ syānnātra kāryā vicāraṇā

'—if, while he is unworshipped, the gods are worshipped elsewhere first, then the fruit of that worship shall be lost — of this there is no doubt.'

Verse 25 (shiva.rudra.136.25)

ब्रह्मोवाच इत्युक्त्वा स गणेशानो नानावस्तुभिरादरात् । शिवेन पूजितः पूर्वं विष्णुनाऽनु प्रपूजितः

brahmovāca ityuktvā sa gaṇeśāno nānāvastubhirādarāt śivena pūjitaḥ pūrvaṁ viṣṇunā'nu prapūjitaḥ

Brahma said: Having spoken thus, that Lord of the Ganas was first worshipped with reverence and various offerings by Shiva, then worshipped after him by Vishnu.

Verse 26 (shiva.rudra.136.26)

ब्रह्मणा च मया तत्र पार्वत्या च प्रपूजितः । सर्वैर्देवगणैश्चैव पूजितः परया मुदा

brahmaṇā ca mayā tatra pārvatyā ca prapūjitaḥ sarvairdevagaṇaiścaiva pūjitaḥ parayā mudā

He was worshipped there by Brahma — that is, by me — and by Parvati, and worshipped by all the hosts of gods with the greatest joy.

Verse 27 (shiva.rudra.136.27)

सवैर्मिलित्वा तत्रैव ब्रह्मविष्णुहरादिभिः । सगणेशश्शिवातुष्ट्यै सर्वाध्यक्षो निवेदितः

savairmilitvā tatraiva brahmaviṣṇuharādibhiḥ sagaṇeśaśśivātuṣṭyai sarvādhyakṣo niveditaḥ

There, all of them together — Brahma, Vishnu, Hara, and the rest — for Shiva's satisfaction, proclaimed Ganesha, together with the ganas, as the overlord of all.

Verse 28 (shiva.rudra.136.28)

पुनश्चैव शिवेनास्मै सुप्रसन्नेन चेतसा । सर्वदा सुखदा लोके वरा दत्ता ह्यनेकशः

punaścaiva śivenāsmai suprasannena cetasā sarvadā sukhadā loke varā dattā hyanekaśaḥ

And again Shiva, with a most gracious mind, granted him many boons, ever bestowing happiness in the world.

Verse 29 (shiva.rudra.136.29)

शिव उवाच हे गिरीन्द्रसुतापुत्र सन्तुष्टोऽहं न संशयः । मयि तुष्टे जगत्तुष्टं विरुद्धः कोऽपि नो भवेत्

śiva uvāca he girīndrasutāputra santuṣṭo'haṁ na saṁśayaḥ mayi tuṣṭe jagattuṣṭaṁ viruddhaḥ ko'pi no bhavet

Shiva said: 'O son of the mountain-king's daughter, I am pleased, without doubt; when I am pleased, the world is pleased, and none shall stand opposed to you.'

Verse 30 (shiva.rudra.136.30)

बालरूपोऽपि यस्मात्त्वं महाविक्रमकारकः । शक्तिपुत्रः सुतेजस्वी तस्माद्भव सदा सुखी

bālarūpo'pi yasmāttvaṁ mahāvikramakārakaḥ śaktiputraḥ sutejasvī tasmādbhava sadā sukhī

'Since you, though of boyish form, are a doer of great valor, the son of Shakti, of great splendor — therefore be ever happy.'

Verse 31 (shiva.rudra.136.31)

त्वन्नाम विघ्नहन्तृत्वे श्रेष्ठं चैव भवत्विति । मम सर्वगणाध्यक्षः सम्पूज्यस्त्वं भवाधुना

tvannāma vighnahantṛtve śreṣṭhaṁ caiva bhavatviti mama sarvagaṇādhyakṣaḥ sampūjyastvaṁ bhavādhunā

'Let your name be foremost in the removing of obstacles; and be now honored as the overlord of all my ganas.'

Verse 32 (shiva.rudra.136.32)

एवमुक्त्वा शङ्करेण पूजाविधिरनेकशः । आशिषश्चाप्यनेका हि कृतास्तस्मिंस्तु तत्क्षणात्

evamuktvā śaṅkareṇa pūjāvidhiranekaśaḥ āśiṣaścāpyanekā hi kṛtāstasmiṁstu tatkṣaṇāt

Having spoken thus, Shankara then performed many rites of worship and bestowed many blessings upon him at that very moment.

Verse 33 (shiva.rudra.136.33)

ततो देवगणाश्चैव गीतं वाद्यं च नृत्यकम् । मुदा ते कारयामासुस्तथैवाप्सरसां गणाः

tato devagaṇāścaiva gītaṁ vādyaṁ ca nṛtyakam mudā te kārayāmāsustathaivāpsarasāṁ gaṇāḥ

Then the hosts of gods, and likewise the troupes of Apsaras, joyfully brought about song, music, and dance.

Verse 34 (shiva.rudra.136.34)

पुनश्चैव वरो दत्तः सुप्रसन्नेन शम्भुना । तस्मै च गणनाथाय शिवेनैव महात्मना

punaścaiva varo dattaḥ suprasannena śambhunā tasmai ca gaṇanāthāya śivenaiva mahātmanā

And again a boon was granted to that Lord of the Ganas by the most gracious, great-souled Shambhu himself.

Verse 35 (shiva.rudra.136.35)

चतुर्थ्यां त्वं समुत्पन्नो भाद्रे मासि गणेश्वर । असिते च तथा पक्षे चन्द्रस्योदयने शुभे

caturthyāṁ tvaṁ samutpanno bhādre māsi gaṇeśvara asite ca tathā pakṣe candrasyodayane śubhe

'O Ganeshvara, you were born on the fourth tithi, in the month of Bhadrapada, in the dark fortnight, at the auspicious rising of the moon.'

Verse 36 (shiva.rudra.136.36)

प्रथमे च तथा यामे गिरिजायाः सुचेतसः । आविर्बभूव ते रूपं यस्मात्ते व्रतमुत्तमम्

prathame ca tathā yāme girijāyāḥ sucetasaḥ āvirbabhūva te rūpaṁ yasmātte vratamuttamam

'In the first watch, your form appeared from the wise Girija — therefore your vow-observance shall be supreme.'

Verse 37 (shiva.rudra.136.37)

तस्मात्तद्दिनमारभ्य तस्यामेव तिथौ मुदा । व्रतं कार्यं विशेषेण सर्वसिद्ध्यै सुशोभनम्

tasmāttaddinamārabhya tasyāmeva tithau mudā vrataṁ kāryaṁ viśeṣeṇa sarvasiddhyai suśobhanam

'Therefore, beginning from that day, on that very tithi, a most auspicious vow shall joyfully be observed, especially for the attainment of all success.'

Verse 38 (shiva.rudra.136.38)

यावत्पुनः समायाति वर्षान्ते च चतुर्थिका । तावद्व्रतं च कर्तव्यं तव चैव ममाज्ञया

yāvatpunaḥ samāyāti varṣānte ca caturthikā tāvadvrataṁ ca kartavyaṁ tava caiva mamājñayā

'As long as that fourth tithi returns at the year's end, so long shall this vow be observed for you, by my command.'

Verse 39 (shiva.rudra.136.39)

संसारे सुखमिच्छन्ति येऽतुलं चाप्यनेकशः । त्वां पूजयन्तु ते भक्त्या चतुर्थ्यां विधिपूर्वकम्

saṁsāre sukhamicchanti ye'tulaṁ cāpyanekaśaḥ tvāṁ pūjayantu te bhaktyā caturthyāṁ vidhipūrvakam

'Those who desire incomparable happiness in this world in manifold ways, let them worship you with devotion on the fourth tithi, according to rite.'

Verse 40 (shiva.rudra.136.40)

मार्गशीर्षे तथा मासे रमा या वै चतुर्थिका । प्रातः स्नानं तदा कृत्वा व्रतं विप्रान्निवेदयेत्

mārgaśīrṣe tathā māse ramā yā vai caturthikā prātaḥ snānaṁ tadā kṛtvā vrataṁ viprānnivedayet

'And in the month of Margashirsha, on the fourth tithi called Rama, having bathed in the morning, one should announce the vow to brahmins.'

Verse 41 (shiva.rudra.136.41)

दूर्वाभिः पूजनं कार्यमुपवासस्तथाविधः । रात्रेश्च प्रहरे जाते स्नात्वा सम्पूजयेन्नरः

dūrvābhiḥ pūjanaṁ kāryamupavāsastathāvidhaḥ rātreśca prahare jāte snātvā sampūjayennaraḥ

'Worship should be performed with durva grass, and fasting likewise observed; when a watch of the night has passed, one should bathe and worship.'

Verse 42 (shiva.rudra.136.42)

मूर्तिं धातुमयीं कृत्वा प्रवालसम्भवां तथा । श्वेतार्कसम्भवां चापि मार्द्दिकां निर्मितां तथा

mūrtiṁ dhātumayīṁ kṛtvā pravālasambhavāṁ tathā śvetārkasambhavāṁ cāpi mārddikāṁ nirmitāṁ tathā

'Having made an image of metal, or one of coral, or one made of white arka wood, or one made of clay—'

Verse 43 (shiva.rudra.136.43)

प्रतिष्ठाप्य तदा तत्र पूजयेत्प्रयतः पुमान् । गन्धैर्नानाविधैर्दिव्यैश्चन्दनैः पुष्पकैरिह

pratiṣṭhāpya tadā tatra pūjayetprayataḥ pumān gandhairnānāvidhairdivyaiścandanaiḥ puṣpakairiha

'—having installed it there, a purified man should worship it with manifold divine fragrances, with sandal-paste, and with flowers.'

Verse 44 (shiva.rudra.136.44)

वितस्तिमात्रा दूर्वा च त्र्यङ्गा वै मूलवर्जिता । ईदृशानां शाद्बलानां शतेनैकोत्तरेण ह

vitastimātrā dūrvā ca tryaṅgā vai mūlavarjitā īdṛśānāṁ śādbalānāṁ śatenaikottareṇa ha

'With durva grass a span in length, three-jointed, without roots — with one hundred and one blades of such fresh grass—'

Verse 45 (shiva.rudra.136.45)

एकविंशतिकेनैव पूजयेत्प्रतिमां स्थिताम् । धूपैर्दीपैश्च नैवेद्यैर्विविधैर्गणनायकम्

ekaviṁśatikenaiva pūjayetpratimāṁ sthitām dhūpairdīpaiśca naivedyairvividhairgaṇanāyakam

'—or with just twenty-one, one should worship the standing image; the Lord of the Ganas, with incense, lamps, and manifold food-offerings.'

Verse 46 (shiva.rudra.136.46)

ताम्बूलाद्यर्घसद्द्रव्यैः प्रणिपत्य स्तवैस्तथा । त्वां तत्र पूजयित्वेत्थं बालचन्द्रं च पूजयेत्

tāmbūlādyarghasaddravyaiḥ praṇipatya stavaistathā tvāṁ tatra pūjayitvetthaṁ bālacandraṁ ca pūjayet

'With betel and other excellent articles of offering, prostrating and with hymns of praise — having thus worshipped you there, one should also worship the young moon.'

Verse 47 (shiva.rudra.136.47)

पश्चाद्विप्रांश्च सम्पूज्य भोजयेन्मधुरैर्मुदा । स्वयं चैव ततो भुञ्ज्यान्मधुरं लवणं विना

paścādviprāṁśca sampūjya bhojayenmadhurairmudā svayaṁ caiva tato bhuñjyānmadhuraṁ lavaṇaṁ vinā

'Afterward, having duly honored brahmins, one should joyfully feed them sweet food; and then one should oneself eat sweet food, without salt.'

Verse 48 (shiva.rudra.136.48)

विसर्जयेत्ततः पश्चान्नियमं सर्वमात्मनः । गणेशस्मरणं कुर्यात्सम्पूर्णं स्याद् व्रतं शुभम्

visarjayettataḥ paścānniyamaṁ sarvamātmanaḥ gaṇeśasmaraṇaṁ kuryātsampūrṇaṁ syād vrataṁ śubham

'Thereafter one should conclude all one's own observances; remembering Ganesha, the auspicious vow shall be complete.'

Verse 49 (shiva.rudra.136.49)

एवं व्रतेन सम्पूर्णे वर्षे जाते नरस्तदा । उद्यापनविधिं कुर्याद्व्रतसम्पूर्त्तिहेतवे

evaṁ vratena sampūrṇe varṣe jāte narastadā udyāpanavidhiṁ kuryādvratasampūrttihetave

'When a full year has thus passed with this vow observed, a man should then perform the rite of udyapana, for the completion of the vow.'

Verse 50 (shiva.rudra.136.50)

द्वादश ब्राह्मणास्तत्र भोजनीया मदाज्ञया । कुम्भमेकं च संस्थाप्य पूज्या मूर्तिस्त्वदीयिका

dvādaśa brāhmaṇāstatra bhojanīyā madājñayā kumbhamekaṁ ca saṁsthāpya pūjyā mūrtistvadīyikā

'Twelve brahmins should there be fed, by my command; a single pot should be set up, and your own image should be worshipped.'

Verse 51 (shiva.rudra.136.51)

स्थण्डिलेऽष्टदलं कृत्वा तदा वेदविधानतः । होमश्चैवात्र कर्तव्यो वित्तशाठ्यविवर्जितैः

sthaṇḍile'ṣṭadalaṁ kṛtvā tadā vedavidhānataḥ homaścaivātra kartavyo vittaśāṭhyavivarjitaiḥ

'Having made an eight-petaled diagram upon the ritual ground, according to Vedic rite, a fire-offering should there be performed by those free from miserliness.'

Verse 52 (shiva.rudra.136.52)

स्त्रीद्वयं च तथा चात्र बटुकद्वयमादरात् । भोजयेत्पूजयित्वा वै मूर्त्यग्रे विधिपूर्वकम्

strīdvayaṁ ca tathā cātra baṭukadvayamādarāt bhojayetpūjayitvā vai mūrtyagre vidhipūrvakam

'And two women, and likewise two young boys, should reverently be fed, after being worshipped before the image, according to rite.'

Verse 53 (shiva.rudra.136.53)

निशि जागरणं कार्यं पुनः प्रातः प्रपूजयेत् । विसर्जनं ततश्चैव पुनरागमनाय च

niśi jāgaraṇaṁ kāryaṁ punaḥ prātaḥ prapūjayet visarjanaṁ tataścaiva punarāgamanāya ca

'A vigil should be kept through the night; then in the morning worship should again be performed, and thereafter the rite of leave-taking, for the return again.'

Verse 54 (shiva.rudra.136.54)

बालकाच्चाशिषो ग्राह्याःस्वस्तिवाचनमेव च । पुष्पाञ्जलिं प्रदद्याच्च व्रतसम्पूर्णहेतवे

bālakāccāśiṣo grāhyāḥsvastivācanameva ca puṣpāñjaliṁ pradadyācca vratasampūrṇahetave

'Blessings should be received from a child, along with the recitation of well-being; an offering of flowers with joined hands should be made, for the completion of the vow.'

Verse 55 (shiva.rudra.136.55)

नमस्कारांस्ततः कृत्वा नानाकार्यं प्रकल्पयेत् । एवं व्रतं कृतं येन तस्येप्सितफलं भवेत्

namaskārāṁstataḥ kṛtvā nānākāryaṁ prakalpayet evaṁ vrataṁ kṛtaṁ yena tasyepsitaphalaṁ bhavet

'Having then made obeisance, one may take up one's various affairs; for whoever performs the vow thus, the desired fruit shall be his.'

Verse 56 (shiva.rudra.136.56)

यो नित्यं श्रद्धया सार्द्धं पूजां चैव स्वशक्तितः । कुर्य्यात्तव गणेशान सर्वकामफलाप्तये

yo nityaṁ śraddhayā sārddhaṁ pūjāṁ caiva svaśaktitaḥ kuryyāttava gaṇeśāna sarvakāmaphalāptaye

'O Lord Ganesha, whoever daily, with faith, performs worship according to his own capacity, for the attainment of the fruit of all desires—'

Verse 57 (shiva.rudra.136.57)

सिन्दूरैश्चन्दनैश्चैव तण्डुलैः केतकैस्तथा । उपचारैरनेकैश्च पूजयेत्त्वां गणेश्वरम्

sindūraiścandanaiścaiva taṇḍulaiḥ ketakaistathā upacārairanekaiśca pūjayettvāṁ gaṇeśvaram

'—with vermilion, with sandal-paste, with rice grains, and with ketaki flowers, and with manifold offerings of service, should worship you, O Ganeshvara.'

Verse 58 (shiva.rudra.136.58)

एवं त्वां पूजयेयुर्ये भक्त्या नानोपचारतः । तेषां सिद्धिर्भवेन्नित्यं विघ्ननाशो भवेदिह

evaṁ tvāṁ pūjayeyurye bhaktyā nānopacārataḥ teṣāṁ siddhirbhavennityaṁ vighnanāśo bhavediha

'For those who thus worship you with devotion through manifold offerings, success shall ever be theirs, and the destruction of obstacles shall come about here.'

Verse 59 (shiva.rudra.136.59)

सर्वैर्वर्णैः प्रकर्त्तव्या स्त्रीभिश्चैव विशेषतः । उदयाभिमुखैश्चैव राजभिश्च विशेषतः

sarvairvarṇaiḥ prakarttavyā strībhiścaiva viśeṣataḥ udayābhimukhaiścaiva rājabhiśca viśeṣataḥ

'This worship should be performed by all castes, and especially by women, and especially by kings desirous of prosperity.'

Verse 60 (shiva.rudra.136.60)

यं यं कामयते यो वै तं तमाप्नोति निश्चितम् । अतः कामयमानेन तेन सेव्यः सदा भवान्

yaṁ yaṁ kāmayate yo vai taṁ tamāpnoti niścitam ataḥ kāmayamānena tena sevyaḥ sadā bhavān

'Whoever desires whatever thing shall certainly obtain it; therefore, by one who desires anything, you are ever to be served.'

Verse 61 (shiva.rudra.136.61)

ब्रह्मोवाच शिवेनैवं तदा प्रोक्तं गणेशाय महात्मने । तदानीं दैवतैश्चैव सर्वैश्च ऋषिसत्तमैः

brahmovāca śivenaivaṁ tadā proktaṁ gaṇeśāya mahātmane tadānīṁ daivataiścaiva sarvaiśca ṛṣisattamaiḥ

Brahma said: When Shiva had thus spoken to the great-souled Ganesha, then by all the gods and the foremost of sages—

Verse 62 (shiva.rudra.136.62)

तथेत्युक्त्वा तु तैःसर्वैर्गणैः शम्भुप्रियैर्मुने । पूजितो हि गणाधीशो विधिना परमेण सः

tathetyuktvā tu taiḥsarvairgaṇaiḥ śambhupriyairmune pūjito hi gaṇādhīśo vidhinā parameṇa saḥ

—saying 'so be it,' O sage, that Lord of the Ganas was worshipped by all those ganas dear to Shambhu, with the highest rite.

Verse 63 (shiva.rudra.136.63)

ततश्चैव गणाः सर्वे प्रणेमुस्ते गणेश्वरम् । समानर्चुर्विशेषेण नानावस्तुभिरादरात्

tataścaiva gaṇāḥ sarve praṇemuste gaṇeśvaram samānarcurviśeṣeṇa nānāvastubhirādarāt

Then all the ganas bowed to that Lord of the Ganas, and worshipped him especially with manifold offerings and reverence.

Verse 64 (shiva.rudra.136.64)

गिरिजायास्समुत्पन्नो यश्च हर्षो मुनीश्वर । चतुर्भिर्वदनैर्वै तमवर्ण्यं च कथं ब्रुवे

girijāyāssamutpanno yaśca harṣo munīśvara caturbhirvadanairvai tamavarṇyaṁ ca kathaṁ bruve

O lord of sages, the joy that arose in Girija — how, even with four mouths, could I describe that which is beyond description?

Verse 65 (shiva.rudra.136.65)

देवदुन्दुभयो नेदुर्ननृतुश्चाप्सरोगणाः । जगुर्गन्धर्वमुख्याश्च पुष्पवर्षं पपात ह

devadundubhayo nedurnanṛtuścāpsarogaṇāḥ jagurgandharvamukhyāśca puṣpavarṣaṁ papāta ha

The divine drums resounded, the troupes of Apsaras danced, the chief Gandharvas sang, and a shower of flowers fell.

Verse 66 (shiva.rudra.136.66)

जगत्स्वास्थ्यं तदा प्राप गणाधीशे प्रतिष्ठिते । महोत्सवो महानासीत्सर्वं दुःखं क्षयं गतम्

jagatsvāsthyaṁ tadā prāpa gaṇādhīśe pratiṣṭhite mahotsavo mahānāsītsarvaṁ duḥkhaṁ kṣayaṁ gatam

The world then attained well-being, once the Lord of the Ganas was established; there was a great festival, and all sorrow came to an end.

Verse 67 (shiva.rudra.136.67)

शिवाशिवौ च मोदेतां विशेषेणाति नारद । आसीत्सुमङ्गलं भूरि सर्वत्र सुखदायकम्

śivāśivau ca modetāṁ viśeṣeṇāti nārada āsītsumaṅgalaṁ bhūri sarvatra sukhadāyakam

O Narada, Shiva and Shiva rejoiced exceedingly; great auspiciousness prevailed everywhere, bestowing happiness on all.

Verse 68 (shiva.rudra.136.68)

ततो देवगणाः सर्वे ऋषीणां च गणास्तथा । समागताश्च ये तत्र जग्मुस्ते तु शिवाज्ञया

tato devagaṇāḥ sarve ṛṣīṇāṁ ca gaṇāstathā samāgatāśca ye tatra jagmuste tu śivājñayā

Then all the hosts of gods and the companies of sages who had gathered there departed, by Shiva's leave.

Verse 69 (shiva.rudra.136.69)

प्रशंसन्तः शिवां तत्र गणेशं च पुनः पुनः । शिवं चैव तथा स्तुत्वा कीदृशं युद्धमेव च

praśaṁsantaḥ śivāṁ tatra gaṇeśaṁ ca punaḥ punaḥ śivaṁ caiva tathā stutvā kīdṛśaṁ yuddhameva ca

Praising Shiva there, and Ganesha again and again, and praising Shiva as well — recounting what manner of battle it had been—

Verse 70 (shiva.rudra.136.70)

यदा सा गिरिजा देवी कोपहीना बभूव ह । शिवोऽपि गिरिजां तत्र पूर्ववत्सम्प्रपद्य ताम्

yadā sā girijā devī kopahīnā babhūva ha śivo'pi girijāṁ tatra pūrvavatsamprapadya tām

—and how the goddess Girija had become free of wrath — Shiva too then, approaching Girija there as before—

Verse 71 (shiva.rudra.136.71)

चकार विविधं सौख्यं लोकानां हितकाम्यया । स्वात्मारामोऽपि परमो भक्तकार्योद्यतः सदा

cakāra vividhaṁ saukhyaṁ lokānāṁ hitakāmyayā svātmārāmo'pi paramo bhaktakāryodyataḥ sadā

—brought about manifold happiness for the welfare of the worlds; though ever content within his own Self, the Supreme One is ever intent upon the work of his devotees.

Verse 72 (shiva.rudra.136.72)

विष्णुश्च शिवमापृच्छ्य ब्रह्माहं तं तथैव हि । आगच्छाव स्वधामं च शिवौ संसेव्य भक्तितः

viṣṇuśca śivamāpṛcchya brahmāhaṁ taṁ tathaiva hi āgacchāva svadhāmaṁ ca śivau saṁsevya bhaktitaḥ

Vishnu, taking leave of Shiva, and I, Brahma, likewise, having devotedly attended upon the divine couple, then returned to our own abodes.

Verse 73 (shiva.rudra.136.73)

नारद त्वं च भगवन्सङ्गीय शिवयोर्यशः । आगमो भवनं स्वं च शिवौ पृष्ट्वा मुनीश्वर

nārada tvaṁ ca bhagavansaṅgīya śivayoryaśaḥ āgamo bhavanaṁ svaṁ ca śivau pṛṣṭvā munīśvara

And you, O blessed Narada, O lord of sages, having sung the glory of Shiva and Parvati and taken leave of the divine couple, came to your own abode.

Verse 74 (shiva.rudra.136.74)

एतत्ते सर्वमाख्यातं मया वै शिवयोर्यशः । भवत्पृष्टेन विघ्नेशयशः सम्मिश्रमादरात्

etatte sarvamākhyātaṁ mayā vai śivayoryaśaḥ bhavatpṛṣṭena vighneśayaśaḥ sammiśramādarāt

All this I have told you — the glory of Shiva and Parvati — as you asked, together with the glory of Ganesha, with due reverence.

Verse 75 (shiva.rudra.136.75)

इदं सुमङ्गलाख्यानं यः शृणोति सुसंयतः । सर्वमङ्गलसंयुक्तः स भवेन्मङ्गलालयः

idaṁ sumaṅgalākhyānaṁ yaḥ śṛṇoti susaṁyataḥ sarvamaṅgalasaṁyuktaḥ sa bhavenmaṅgalālayaḥ

Whoever, self-controlled, listens to this most auspicious narrative shall become endowed with every auspiciousness, an abode of good fortune.

Verse 76 (shiva.rudra.136.76)

अपुत्रो लभते पुत्रं निर्धनो लभते धनम् । भार्यार्थी लभते भार्यां प्रजार्थी लभते प्रजाम्

aputro labhate putraṁ nirdhano labhate dhanam bhāryārthī labhate bhāryāṁ prajārthī labhate prajām

The sonless obtains a son, the poor obtains wealth; one desiring a wife obtains a wife, one desiring offspring obtains offspring.

Verse 77 (shiva.rudra.136.77)

आरोग्यं लभते रोगी सौभाग्यं दुर्भगो लभेत् । नष्टपुत्रं नष्टधनं प्रोषिता च पतिं लभेत् । शोकाविष्टः शोकहीनः स भवेन्नात्र संशयः

ārogyaṁ labhate rogī saubhāgyaṁ durbhago labhet naṣṭaputraṁ naṣṭadhanaṁ proṣitā ca patiṁ labhet śokāviṣṭaḥ śokahīnaḥ sa bhavennātra saṁśayaḥ

The sick obtains health, the unfortunate obtains good fortune; one who has lost a son or wealth regains them, and a woman parted from her husband obtains him again; one afflicted with grief becomes free of grief — of this there is no doubt.

Verse 78 (shiva.rudra.136.78)

इदं गाणेशमाख्यानं यस्य गेहे च तिष्ठति सदा मङ्गलसंयुक्तः स भवेन्नात्र संशयः

idaṁ gāṇeśamākhyānaṁ yasya gehe ca tiṣṭhati sadā maṅgalasaṁyuktaḥ sa bhavennātra saṁśayaḥ

In whosoever's house this narrative of Ganesha remains, that house shall ever be filled with auspiciousness — of this there is no doubt.

Verse 79 (shiva.rudra.136.79)

यात्राकाले च पुण्याहे यः शृणोति समाहितः । सर्वाभीष्टं स लभते श्रीगणेशप्रसादतः

yātrākāle ca puṇyāhe yaḥ śṛṇoti samāhitaḥ sarvābhīṣṭaṁ sa labhate śrīgaṇeśaprasādataḥ

Whoever listens to this attentively at the time of a journey or on an auspicious day obtains all desired things, through the grace of Shri Ganesha.