Ganesha Wins Precedence Through Wisdom

Verse 1 (shiva.rudra.137.1)

नारद उवाच गणेशस्य श्रुता तात सम्यग्जनिरनुत्तमा । चरित्रमपि दिव्यं वै सुपराक्रमभूषितम्

nārada uvāca gaṇeśasya śrutā tāta samyagjaniranuttamā caritramapi divyaṁ vai suparākramabhūṣitam

Narada said: O father, I have duly heard of Ganesha's most excellent birth, and also his divine deeds adorned with great valor.

Verse 2 (shiva.rudra.137.2)

ततः किमभवत्तात तत्त्वं वद सुरेश्वर । शिवाशिवयशस्स्फीतं महानन्दप्रदायकम्

tataḥ kimabhavattāta tattvaṁ vada sureśvara śivāśivayaśassphītaṁ mahānandapradāyakam

What happened thereafter, O father? Tell me the truth of it, O lord of gods — the abundant glory of Shiva and Shiva, bestower of great joy.

Verse 3 (shiva.rudra.137.3)

ब्रह्मोवाच साधु पृष्टं मुनिश्रेष्ठ भवता करुणात्मना । श्रूयतां दत्तकर्णं हि वक्ष्येऽहं ऋषिसत्तम

brahmovāca sādhu pṛṣṭaṁ muniśreṣṭha bhavatā karuṇātmanā śrūyatāṁ dattakarṇaṁ hi vakṣye'haṁ ṛṣisattama

Brahma said: Well have you asked, O best of sages, being compassionate of soul; listen with attentive ear, for I shall tell it, O foremost of sages.

Verse 4 (shiva.rudra.137.4)

शिवा शिवश्च विप्रेन्द्र द्वयोश्च सुतयोः परम् । दर्शं दर्शं च तल्लीलां महत्प्रेम समावहत्

śivā śivaśca viprendra dvayośca sutayoḥ param darśaṁ darśaṁ ca tallīlāṁ mahatprema samāvahat

O lord of brahmins, Shiva and Shiva, beholding again and again the play of their two sons, were filled with great love.

Verse 5 (shiva.rudra.137.5)

पित्रोर्लालयतोस्तत्र सुखं चाति व्यवर्द्धत । सदा प्रीत्या मुदा चातिखेलनं चक्रतुः सुतौ

pitrorlālayatostatra sukhaṁ cāti vyavarddhata sadā prītyā mudā cātikhelanaṁ cakratuḥ sutau

As the parents fondly cherished them there, their happiness grew ever greater; and the two sons, with constant love and joy, played together most delightedly.

Verse 6 (shiva.rudra.137.6)

तावेव तनयौ तत्र मातापित्रोर्मुनीश्वर । महाभक्त्या यदा युक्तौ परिचर्यां प्रचक्रतुः

tāveva tanayau tatra mātāpitrormunīśvara mahābhaktyā yadā yuktau paricaryāṁ pracakratuḥ

O lord of sages, those same two sons, when devoted with great reverence to their mother and father, performed service to them.

Verse 7 (shiva.rudra.137.7)

षण्मुखे च गणेशे च पित्रोस्तदधिकं सदा । स्नेहो व्यवर्द्धत महान् शुक्लपक्षे यथा शशी

ṣaṇmukhe ca gaṇeśe ca pitrostadadhikaṁ sadā sneho vyavarddhata mahān śuklapakṣe yathā śaśī

And the parents' great affection for both Shanmukha and Ganesha grew ever more, like the moon waxing in the bright fortnight.

Verse 8 (shiva.rudra.137.8)

कदाचित्तौ स्थितौ तत्र रहसि प्रेमसंयुतौ । शिवा शिवश्च देवर्षे सुविचारपरायणौ

kadācittau sthitau tatra rahasi premasaṁyutau śivā śivaśca devarṣe suvicāraparāyaṇau

O divine sage, once, Shiva and Shiva, seated together in private, full of love, intent on careful deliberation—

Verse 9 (shiva.rudra.137.9)

शिवाशिवावूचतुः विवाहयोग्यौ सञ्जातौ सुताविति च तावुभौ । विवाहश्च कथं कार्यः पुत्रयोरुभयोः शुभम्

śivāśivāvūcatuḥ vivāhayogyau sañjātau sutāviti ca tāvubhau vivāhaśca kathaṁ kāryaḥ putrayorubhayoḥ śubham

Shiva and Shiva said: 'Our two sons have now become fit for marriage — how then should the auspicious marriage of both be brought about?'

Verse 10 (shiva.rudra.137.10)

षण्मुखश्च प्रियतमो गणेशश्च तथैव च । इति चिन्तासमुद्विग्नौ लीलानन्दौ बभूवतुः

ṣaṇmukhaśca priyatamo gaṇeśaśca tathaiva ca iti cintāsamudvignau līlānandau babhūvatuḥ

'Both Shanmukha, most beloved, and Ganesha likewise are dear to us' — thus, agitated with this concern, the two who delight in divine play fell to thinking.

Verse 11 (shiva.rudra.137.11)

स्वपित्रोर्मतमाज्ञाय तौ सुतावपि संस्पृहौ । तदिच्छया विवाहार्थं बभूवतुरथो मुने

svapitrormatamājñāya tau sutāvapi saṁspṛhau tadicchayā vivāhārthaṁ babhūvaturatho mune

O sage, learning the intention of their own parents, the two sons, both eager, then became desirous of marriage in accordance with that wish.

Verse 12 (shiva.rudra.137.12)

अहं च परिणेष्यामि ह्यहं चैव पुनः पुनः । परस्परं च नित्यं वै विवादे तत्परावुभौ

ahaṁ ca pariṇeṣyāmi hyahaṁ caiva punaḥ punaḥ parasparaṁ ca nityaṁ vai vivāde tatparāvubhau

'I shall marry first!' 'No, I shall!' — again and again, the two of them were ever intent on this dispute with one another.

Verse 13 (shiva.rudra.137.13)

श्रुत्वा तद्वचनं तौ च दम्पती जगतां प्रभू । लौकिकाचारमाश्रित्य विस्मयं परमं गतौ

śrutvā tadvacanaṁ tau ca dampatī jagatāṁ prabhū laukikācāramāśritya vismayaṁ paramaṁ gatau

Hearing those words, that divine couple, lords of the universe, resorting to worldly custom, fell into the greatest astonishment.

Verse 14 (shiva.rudra.137.14)

किं कर्तव्यं कथं कार्यो विवाहविधिरेतयोः । इति निश्चित्य ताभ्यां वै युक्तिश्च रचिताद्भुता

kiṁ kartavyaṁ kathaṁ kāryo vivāhavidhiretayoḥ iti niścitya tābhyāṁ vai yuktiśca racitādbhutā

'What is to be done? How should the marriage-rite of these two be arranged?' — resolving thus, a wondrous plan was devised by them.

Verse 15 (shiva.rudra.137.15)

कदाचित्समये स्थित्वा समाहूय स्वपुत्रकौ । कथयामासतुस्तत्र पुत्रयोः पितरौ तदा

kadācitsamaye sthitvā samāhūya svaputrakau kathayāmāsatustatra putrayoḥ pitarau tadā

Once, being seated at a suitable time, having summoned their own two sons, the parents then spoke to their two sons there.

Verse 16 (shiva.rudra.137.16)

अस्माकं नियमः पूर्वं कृतश्च सुखदो हि वाम् । श्रूयतां सुसुतौ प्रीत्या कथयावो यथार्थकम्

asmākaṁ niyamaḥ pūrvaṁ kṛtaśca sukhado hi vām śrūyatāṁ susutau prītyā kathayāvo yathārthakam

'We have made a rule beforehand that shall bring happiness to you both; listen, O good sons — with love we shall tell you truly.'

Verse 17 (shiva.rudra.137.17)

समौ द्वावपि सत्पुत्रौ विशेषो नात्र लभ्यते । तस्मात्पणः कृतः शन्दः पुत्रयोरुभयोरपि

samau dvāvapi satputrau viśeṣo nātra labhyate tasmātpaṇaḥ kṛtaḥ śandaḥ putrayorubhayorapi

'Both of you good sons are equal; no distinction can be found here. Therefore an auspicious wager has been set for you both.'

Verse 18 (shiva.rudra.137.18)

यश्चैव पृथिवीं सर्वां क्रान्त्वा पूर्वमुपाव्रजेत् । तस्यैव प्रथमं कार्यो विवाहः शुभलक्षणः

yaścaiva pṛthivīṁ sarvāṁ krāntvā pūrvamupāvrajet tasyaiva prathamaṁ kāryo vivāhaḥ śubhalakṣaṇaḥ

'Whichever of you, having circled the entire earth, returns first — his auspicious marriage shall be performed first.'

Verse 19 (shiva.rudra.137.19)

ब्रह्मोवाच तयोरेवं वचः श्रुत्वा शरजन्मा महाबलः । जगाम मन्दिरात्तूर्णं पृथिवीक्रमणाय वै

brahmovāca tayorevaṁ vacaḥ śrutvā śarajanmā mahābalaḥ jagāma mandirāttūrṇaṁ pṛthivīkramaṇāya vai

Brahma said: Hearing these words, the mighty one born of the reed-thicket went swiftly from the palace to circle the earth.

Verse 20 (shiva.rudra.137.20)

गणनाथश्च तत्रैव संस्थितो बुद्धिसत्तमः । सुबुद्ध्या संविचार्येति चित्त एव पुनः पुनः

gaṇanāthaśca tatraiva saṁsthito buddhisattamaḥ subuddhyā saṁvicāryeti citta eva punaḥ punaḥ

But the Lord of the Ganas, of most excellent intellect, remained right there, reflecting again and again in his mind with sound judgment thus:

Verse 21 (shiva.rudra.137.21)

किं कर्तव्यं क्व गन्तव्यं लङ्घितुं नैव शक्यते । क्रोशमात्रं गतः स्याद्वै गम्यते न मया पुनः

kiṁ kartavyaṁ kva gantavyaṁ laṅghituṁ naiva śakyate krośamātraṁ gataḥ syādvai gamyate na mayā punaḥ

'What is to be done? Where must I go? This cannot be traversed — even going a mere krosha, I could not go on further.'

Verse 22 (shiva.rudra.137.22)

किं पुनः पृथिवीमेतां क्रान्त्वा चोपार्जितं सुखम् । विचार्येति गणेशस्तु यच्चकार शृणुष्व तत्

kiṁ punaḥ pṛthivīmetāṁ krāntvā copārjitaṁ sukham vicāryeti gaṇeśastu yaccakāra śṛṇuṣva tat

'And what happiness, indeed, would be gained by circling this earth?' — reflecting thus, Ganesha did something; hear what he did.

Verse 23 (shiva.rudra.137.23)

स्नानं कृत्वा यथान्यायं समागत्य स्वयं गृहम् । उवाच पितरं तत्र मातरं पुनरेव सः

snānaṁ kṛtvā yathānyāyaṁ samāgatya svayaṁ gṛham uvāca pitaraṁ tatra mātaraṁ punareva saḥ

Having duly bathed, he himself came to the house, and there spoke again to his father and mother.

Verse 24 (shiva.rudra.137.24)

गणेश उवाच आसने स्थापिते ह्यत्र पूजार्थं भवतोरिह । भवन्तौ संस्थितौ तातौ पूर्य्यतां मे मनोरथः

gaṇeśa uvāca āsane sthāpite hyatra pūjārthaṁ bhavatoriha bhavantau saṁsthitau tātau pūryyatāṁ me manorathaḥ

Ganesha said: 'A seat having been set here for your worship, do you both, O parents, be seated upon it — let my heart's desire be fulfilled.'

Verse 25 (shiva.rudra.137.25)

ब्रह्मोवाच इति श्रुत्वा वचस्तस्य पार्वतीपरमेश्वरौ । अस्थातामासने तत्र तत्पूजाग्रहणाय वै

brahmovāca iti śrutvā vacastasya pārvatīparameśvarau asthātāmāsane tatra tatpūjāgrahaṇāya vai

Brahma said: Hearing his words, Parvati and Parameshvara then seated themselves there upon that seat, so as to receive his worship.

Verse 26 (shiva.rudra.137.26)

तेनाथ पूजितौ तौ च प्रक्रान्तौ च पुनः पुनः । एवं च कृतवान् सप्त प्रणामांस्तु तथैव सः

tenātha pūjitau tau ca prakrāntau ca punaḥ punaḥ evaṁ ca kṛtavān sapta praṇāmāṁstu tathaiva saḥ

He then worshipped them, and circumambulated them again and again; and in this manner he made seven prostrations likewise.

Verse 27 (shiva.rudra.137.27)

बद्धाञ्जलिरथोवाच गणेशो बुद्धिसागरः । स्तुत्वा बहुतिथस्तात पितरौ प्रेमविह्वलौ

baddhāñjalirathovāca gaṇeśo buddhisāgaraḥ stutvā bahutithastāta pitarau premavihvalau

Then Ganesha, that ocean of wisdom, with joined palms, having praised his parents, overwhelmed with love, many times, O father, spoke.

Verse 28 (shiva.rudra.137.28)

गणेश उवाच भो मातर्भो पितस्त्वं च शृणु मे परमं वचः । शीघ्रं चैवात्र कर्तव्यो विवाहः शोभनो मम

gaṇeśa uvāca bho mātarbho pitastvaṁ ca śṛṇu me paramaṁ vacaḥ śīghraṁ caivātra kartavyo vivāhaḥ śobhano mama

Ganesha said: 'O mother, O father, hear my supreme word: my auspicious marriage should now be performed here, and swiftly.'

Verse 29 (shiva.rudra.137.29)

ब्रह्मोवाच इत्येवं वचनं श्रुत्वा गणेशस्य महात्मनः । महाबुद्धिनिधिं तं तौ पितरावूचतुस्तदा

brahmovāca ityevaṁ vacanaṁ śrutvā gaṇeśasya mahātmanaḥ mahābuddhinidhiṁ taṁ tau pitarāvūcatustadā

Brahma said: Hearing these words of the great-souled Ganesha, the parents then spoke to him, that treasury of great wisdom.

Verse 30 (shiva.rudra.137.30)

शिवाशिवावूचतुः प्रक्रामेत भवान्सम्यक् पृथिवीं च सकाननाम् । कुमारो गतवांस्तत्र त्वं गच्छ पुर आव्रज

śivāśivāvūcatuḥ prakrāmeta bhavānsamyak pṛthivīṁ ca sakānanām kumāro gatavāṁstatra tvaṁ gaccha pura āvraja

Shiva and Shiva said: 'You should indeed circle the whole earth together with its forests; Kumara has already gone there — go, you too, and come back quickly.'

Verse 31 (shiva.rudra.137.31)

ब्रह्मोवाच इत्येवं वचनं श्रुत्वा पित्रोर्गणपतिर्द्रुतम् । उवाच नियतस्तत्र वचनं क्रोधसंयुतः

brahmovāca ityevaṁ vacanaṁ śrutvā pitrorgaṇapatirdrutam uvāca niyatastatra vacanaṁ krodhasaṁyutaḥ

Brahma said: Hearing these words of his parents, Ganapati at once, restrained, spoke words there mixed with anger.

Verse 32 (shiva.rudra.137.32)

गणेश उवाच भो मातर्भो पितर्धर्मरूपौ प्राज्ञौ युवां मतौ । धर्मतः श्रूयतां सम्यक् वचनं मम सत्तमौ

gaṇeśa uvāca bho mātarbho pitardharmarūpau prājñau yuvāṁ matau dharmataḥ śrūyatāṁ samyak vacanaṁ mama sattamau

Ganesha said: 'O mother, O father, you are both regarded as embodiments of dharma and wise — O most excellent ones, hear rightly my word, in accordance with dharma.'

Verse 33 (shiva.rudra.137.33)

मया तु पृथिवी क्रान्ता सप्तवारं पुनः पुनः । एवं कथं ब्रुवाते वै पुनश्च पितराविह

mayā tu pṛthivī krāntā saptavāraṁ punaḥ punaḥ evaṁ kathaṁ bruvāte vai punaśca pitarāviha

'I have already circled the earth seven times, again and again — how then do my parents speak thus once more?'

Verse 34 (shiva.rudra.137.34)

ब्रह्मोवाच तद्वचस्तु तदा श्रुत्वा लौकिकीं गतिमाश्रितौ । महालीलाकरौ तत्र पितरावूचतुश्च तम्

brahmovāca tadvacastu tadā śrutvā laukikīṁ gatimāśritau mahālīlākarau tatra pitarāvūcatuśca tam

Brahma said: Hearing that word, the two parents — masters of great divine play, yet resorting to worldly manner — then spoke to him.

Verse 35 (shiva.rudra.137.35)

पितरावूचतुः कदा क्रान्ता त्वया पुत्र पृथिवी सुमहत्तरा । सप्तद्वीपा समुद्रान्ता महद्भिर्गहनैर्युता

pitarāvūcatuḥ kadā krāntā tvayā putra pṛthivī sumahattarā saptadvīpā samudrāntā mahadbhirgahanairyutā

The parents said: 'When, O son, have you circled this vast earth, with its seven continents, bounded by the oceans, filled with great forests?'

Verse 36 (shiva.rudra.137.36)

ब्रह्मोवाच तयोरेवं वचः श्रुत्वा शिवाशङ्करयोर्मुने । महाबुद्धिनिधिः पुत्रो गणेशो वाक्यमब्रवीत्

brahmovāca tayorevaṁ vacaḥ śrutvā śivāśaṅkarayormune mahābuddhinidhiḥ putro gaṇeśo vākyamabravīt

Brahma said: O sage, hearing these words of Shiva and Shankara, their son Ganesha, that treasury of great wisdom, spoke this word.

Verse 37 (shiva.rudra.137.37)

गणेश उवाच भवतोः पूजनं कृत्वा शिवाशङ्करयोरहम् । स्वबुद्ध्या हि समुद्रान्तपृथ्वीकृतपरिक्रमः

gaṇeśa uvāca bhavatoḥ pūjanaṁ kṛtvā śivāśaṅkarayoraham svabuddhyā hi samudrāntapṛthvīkṛtaparikramaḥ

Ganesha said: 'Having performed worship to you both, Shiva and Shankara, I have, by my own understanding, made circumambulation of the ocean-bound earth.'

Verse 38 (shiva.rudra.137.38)

इत्येवं वचनं वेदे शास्त्रे वा धर्मसञ्चये । वर्त्तते किं च तत्तथ्यं नहि किं तथ्यमेव वा

ityevaṁ vacanaṁ vede śāstre vā dharmasañcaye varttate kiṁ ca tattathyaṁ nahi kiṁ tathyameva vā

'Is such a statement found in the Veda, or in the scriptures, or in the treasury of dharma — and is that true, or is it indeed not true?'

Verse 39 (shiva.rudra.137.39)

पित्रोश्च पूजनं कृत्वा प्रक्रान्तिं च करोति यः । तस्य वै पृथिवीजन्यं फलं भवति निश्चितम्

pitrośca pūjanaṁ kṛtvā prakrāntiṁ ca karoti yaḥ tasya vai pṛthivījanyaṁ phalaṁ bhavati niścitam

'Whoever, having worshipped his parents, circumambulates them, for him certainly there arises the fruit born of circling the earth.'

Verse 40 (shiva.rudra.137.40)

अपहाय गृहे यो वै पितरौ तीर्थमाव्रजेत् । तस्य पापं तथा प्रोक्तं हनने च तयोर्यथा

apahāya gṛhe yo vai pitarau tīrthamāvrajet tasya pāpaṁ tathā proktaṁ hanane ca tayoryathā

'Whoever, forsaking his parents at home, goes off to a pilgrimage-place, his sin is declared to be just as if he had slain them.'

Verse 41 (shiva.rudra.137.41)

पुत्रस्य च महत्तीर्थं पित्रोश्चरणपङ्कजम् । अन्यतीर्थं तु दूरे वै गत्वा सम्प्राप्यते पुनः

putrasya ca mahattīrthaṁ pitroścaraṇapaṅkajam anyatīrthaṁ tu dūre vai gatvā samprāpyate punaḥ

'The great pilgrimage-place for a son is the lotus feet of his parents; any other pilgrimage-place, though attained, requires going far away.'

Verse 42 (shiva.rudra.137.42)

इदं सन्निहितं तीर्थं सुलभं धर्मसाधनम् । पुत्रस्य च स्त्रियाश्चैव तीर्थं गेहे सुशोभनम्

idaṁ sannihitaṁ tīrthaṁ sulabhaṁ dharmasādhanam putrasya ca striyāścaiva tīrthaṁ gehe suśobhanam

'This is a pilgrimage-place close at hand, easily accessible, a means of dharma; for a son and for a wife alike, the most excellent pilgrimage-place is in the home.'

Verse 43 (shiva.rudra.137.43)

इति शास्त्राणि वेदाश्च भाषन्ते यन्निरन्तरम् । भवद्भ्यां तत्प्रकर्त्तव्यमसत्यं पुनरेव च

iti śāstrāṇi vedāśca bhāṣante yannirantaram bhavadbhyāṁ tatprakarttavyamasatyaṁ punareva ca

'This the scriptures and the Vedas declare without ceasing — so it must be made true by you both, or else it would become false.'

Verse 44 (shiva.rudra.137.44)

भवदीयं त्विदं रूपमसत्यं च भवेदिह । तदा वेदोऽप्यसत्यो वै भवेदिति न संशयः

bhavadīyaṁ tvidaṁ rūpamasatyaṁ ca bhavediha tadā vedo'pyasatyo vai bhavediti na saṁśayaḥ

'And if this very form of yours were to become false here, then even the Veda would become false — of this there is no doubt.'

Verse 45 (shiva.rudra.137.45)

शीघ्रं च भवितव्यो मे विवाहः क्रियतां शुभः । अथ वा वेदशास्त्रं च व्यलीकं कथ्यतामिति

śīghraṁ ca bhavitavyo me vivāhaḥ kriyatāṁ śubhaḥ atha vā vedaśāstraṁ ca vyalīkaṁ kathyatāmiti

'So let my auspicious marriage be performed swiftly — or else let it be declared that the Veda and scriptures are false.'

Verse 46 (shiva.rudra.137.46)

द्वयोः श्रेष्ठतमं मध्ये यत्स्यात्सम्यग्विचार्य तत् । कर्तव्यं च प्रयत्नेन पितरौ धर्मरूपिणौ

dvayoḥ śreṣṭhatamaṁ madhye yatsyātsamyagvicārya tat kartavyaṁ ca prayatnena pitarau dharmarūpiṇau

'O parents, embodiments of dharma, having duly considered which of the two of us is foremost, let that be done with effort.'

Verse 47 (shiva.rudra.137.47)

ब्रह्मोवाच इत्युक्त्वा पार्वतीपुत्रः स गणेशः प्रकृष्टधीः । विरराम महाज्ञानी तदा बुद्धिमतां वरः

brahmovāca ityuktvā pārvatīputraḥ sa gaṇeśaḥ prakṛṣṭadhīḥ virarāma mahājñānī tadā buddhimatāṁ varaḥ

Brahma said: Having spoken thus, that son of Parvati, Ganesha, of surpassing intellect, the great knower, foremost among the wise, then fell silent.

Verse 48 (shiva.rudra.137.48)

तौ दम्पती च विश्वेशौ पार्वतीशङ्करौ तदा । इति श्रुत्वा वचस्तस्य विस्मयं परमं गतौ

tau dampatī ca viśveśau pārvatīśaṅkarau tadā iti śrutvā vacastasya vismayaṁ paramaṁ gatau

That divine couple, lords of the universe, Parvati and Shankara, hearing his words, then fell into the greatest astonishment.

Verse 49 (shiva.rudra.137.49)

ततः शिवा शिवश्चैव पुत्रं बुद्धिविचक्षणम् । सम्प्रशस्योचतुः प्रीत्या तौ यथार्थप्रभाषिणम्

tataḥ śivā śivaścaiva putraṁ buddhivicakṣaṇam sampraśasyocatuḥ prītyā tau yathārthaprabhāṣiṇam

Then Shiva and Shiva, praising their son, so skilled in wisdom, spoke to him with love, acknowledging him as one who spoke truly.

Verse 50 (shiva.rudra.137.50)

शिवाशिवावूचतुः पुत्र ते विमला बुद्धिः समुत्पन्ना महात्मनः । त्वयोक्तं यद्वचश्चैव ततश्चैव च नान्यथा

śivāśivāvūcatuḥ putra te vimalā buddhiḥ samutpannā mahātmanaḥ tvayoktaṁ yadvacaścaiva tataścaiva ca nānyathā

Shiva and Shiva said: 'O son, a pure understanding has arisen in you, O great soul; whatever you have spoken is indeed so, and not otherwise.'

Verse 51 (shiva.rudra.137.51)

समुत्पन्ने च दुःखे च यस्य बुद्धिर्विशिष्यते । तस्य दुखं विनश्येत सूर्ये दृष्टे यथा तमः

samutpanne ca duḥkhe ca yasya buddhirviśiṣyate tasya dukhaṁ vinaśyeta sūrye dṛṣṭe yathā tamaḥ

'When sorrow arises, for one whose intellect excels, that sorrow is destroyed, just as darkness is destroyed when the sun is seen.'

Verse 52 (shiva.rudra.137.52)

बुद्धिर्यस्य बलं तस्य निर्बुद्धेस्तु कुतो बलम् । कूपे सिंहो मदोन्मत्तः शशकेन निपातितः

buddhiryasya balaṁ tasya nirbuddhestu kuto balam kūpe siṁho madonmattaḥ śaśakena nipātitaḥ

'He who has wisdom has strength; but whence is strength for the witless? Recall how a lion, maddened with pride, was brought down in a well by a mere hare.'

Verse 53 (shiva.rudra.137.53)

वेदशास्त्रपुराणेषु बालकस्य यथोदितम् । त्वया कृतं तु तत्सर्वं धर्मस्य परिपालनम्

vedaśāstrapurāṇeṣu bālakasya yathoditam tvayā kṛtaṁ tu tatsarvaṁ dharmasya paripālanam

'Whatever is declared in the Vedas, scriptures, and Puranas regarding a child — all of that, the full observance of dharma, has been fulfilled by you.'

Verse 54 (shiva.rudra.137.54)

सम्यक्कृतं त्वया यच्च तत्केनापि भवेदिह । आवाभ्यां मानितं तच्च नान्यथा क्रियतेऽधुना

samyakkṛtaṁ tvayā yacca tatkenāpi bhavediha āvābhyāṁ mānitaṁ tacca nānyathā kriyate'dhunā

'Whatever has been rightly done by you, by whomsoever it be — that is honored by us both, and shall not now be otherwise done.'

Verse 55 (shiva.rudra.137.55)

ब्रह्मोवाच इत्युक्त्वा तौ समाश्वास्य गणेशं बुद्धिसागरम् । विवाहकरणे चास्य मतिं चक्रतुरुत्तमाम्

brahmovāca ityuktvā tau samāśvāsya gaṇeśaṁ buddhisāgaram vivāhakaraṇe cāsya matiṁ cakraturuttamām

Brahma said: Having said this, the two of them, consoling Ganesha, that ocean of wisdom, then resolved most excellently upon the performance of his marriage.