The Marriage of Ganesha

Verse 1 (shiva.rudra.138.1)

ब्रह्मोवाच एतस्मिन्नन्तरे तत्र विश्वरूपः प्रजापतिः । तदुद्योगं संविचार्य सुखमाप प्रसन्नधीः

brahmovāca etasminnantare tatra viśvarūpaḥ prajāpatiḥ tadudyogaṁ saṁvicārya sukhamāpa prasannadhīḥ

Brahma said: Meanwhile there, Vishvarupa Prajapati, having duly considered that undertaking, with a gladdened mind attained happiness.

Verse 2 (shiva.rudra.138.2)

विश्वरूपप्रजेशस्य दिव्यरूपे सुते उभे । सिद्धिबुद्धिरिति ख्याते शुभे सर्वाङ्गशोभने

viśvarūpaprajeśasya divyarūpe sute ubhe siddhibuddhiriti khyāte śubhe sarvāṅgaśobhane

Vishvarupa Prajapati had two daughters of divine form, known as Siddhi and Buddhi, auspicious, lovely in every limb.

Verse 3 (shiva.rudra.138.3)

ताभ्यां चैव गणेशस्य गिरिजा शङ्करः प्रभू । महोत्सवं विवाहं च कारयामासतुर्मुदा

tābhyāṁ caiva gaṇeśasya girijā śaṅkaraḥ prabhū mahotsavaṁ vivāhaṁ ca kārayāmāsaturmudā

Girija and Lord Shankara joyfully brought about a great festival and the marriage of Ganesha with those two.

Verse 4 (shiva.rudra.138.4)

सन्तुष्टा देवताः सर्वास्तद्विवाहे समागमन् । यथा चैव शिवस्यैव गिरिजाया मनोरथः

santuṣṭā devatāḥ sarvāstadvivāhe samāgaman yathā caiva śivasyaiva girijāyā manorathaḥ

All the gods, well pleased, gathered at that marriage — even as Shiva's and Girija's own heart's desire was fulfilled.

Verse 5 (shiva.rudra.138.5)

तथा च विश्वकर्माऽसौ विवाहं कृतवांस्तथा । तथा च ऋषयो देवा लेभिरे परमां मुदम्

tathā ca viśvakarmā'sau vivāhaṁ kṛtavāṁstathā tathā ca ṛṣayo devā lebhire paramāṁ mudam

And Vishvakarma likewise performed the arrangements for the marriage; and the sages and gods too attained the greatest joy.

Verse 6 (shiva.rudra.138.6)

गणेशोऽपि तदा ताभ्यां सुखं परमदुर्लभम् । प्राप्तवांश्च मुने तत्तु वर्णितुं नैव शक्यते

gaṇeśo'pi tadā tābhyāṁ sukhaṁ paramadurlabham prāptavāṁśca mune tattu varṇituṁ naiva śakyate

Ganesha too then attained with those two a happiness supremely rare; and that, O sage, cannot be described.

Verse 7 (shiva.rudra.138.7)

कियता चैव कालेन गणेशस्य महात्मनः । द्वयोः पत्न्योश्च द्वौ दिव्यौ तस्य पुत्रौ बभूवतुः

kiyatā caiva kālena gaṇeśasya mahātmanaḥ dvayoḥ patnyośca dvau divyau tasya putrau babhūvatuḥ

After some span of time, two divine sons were born to the great-souled Ganesha, from his two wives.

Verse 8 (shiva.rudra.138.8)

सिद्धेर्गणेशपत्न्यास्तु क्षेमनामा सुतोऽभवत् । बुद्धेर्लाभाभिधः पुत्रो ह्यासीत्परमशोभनः

siddhergaṇeśapatnyāstu kṣemanāmā suto'bhavat buddherlābhābhidhaḥ putro hyāsītparamaśobhanaḥ

From Siddhi, Ganesha's wife, was born a son named Kshema; from Buddhi was born a son named Labha, exceedingly beautiful.

Verse 9 (shiva.rudra.138.9)

एवं सुखमचिन्त्यं वै भुञ्जाने हि गणेश्वरे । आजगाम द्वितीयश्च क्रान्त्वा पृथ्वीं सुतस्तदा

evaṁ sukhamacintyaṁ vai bhuñjāne hi gaṇeśvare ājagāma dvitīyaśca krāntvā pṛthvīṁ sutastadā

Thus, while Ganeshvara was enjoying inconceivable happiness, the second son, having circled the earth, then arrived.

Verse 10 (shiva.rudra.138.10)

तावश्च नारदेनैव प्राप्तो गेहे महात्मना । यथार्थं वच्मि नोऽसत्यं न छलेन न मत्सरात्

tāvaśca nāradenaiva prāpto gehe mahātmanā yathārthaṁ vacmi no'satyaṁ na chalena na matsarāt

He was met, O great soul, at his own home by Narada himself, who said: 'I speak the truth to you, not falsehood, neither out of deceit nor envy—'

Verse 11 (shiva.rudra.138.11)

पितृभ्यां तु कृतं यच्च शिवया शङ्करेण ते । तन्न कुर्यात्परो लोके सत्यं सत्यं ब्रवीम्यहम्

pitṛbhyāṁ tu kṛtaṁ yacca śivayā śaṅkareṇa te tanna kuryātparo loke satyaṁ satyaṁ bravīmyaham

'—what your parents, Shiva and Shankara, have done, no one else in the world would do; I speak the truth, the truth.'

Verse 12 (shiva.rudra.138.12)

निष्कास्य त्वां कुक्रमणं मिषमुत्पाद्य यत्नतः । गणेशस्य वरोऽकारि विवाहः परशोभनः

niṣkāsya tvāṁ kukramaṇaṁ miṣamutpādya yatnataḥ gaṇeśasya varo'kāri vivāhaḥ paraśobhanaḥ

'Having sent you off on a wrongful journey, deliberately contriving a pretext, they arranged an excellent marriage-boon for Ganesha.'

Verse 13 (shiva.rudra.138.13)

गणेशस्य कृतोद्वाहो लब्धवांस्त्रीद्वयं मुदा । विश्वरूपप्रजेशस्य कन्यारत्नं महोत्तमम्

gaṇeśasya kṛtodvāho labdhavāṁstrīdvayaṁ mudā viśvarūpaprajeśasya kanyāratnaṁ mahottamam

'Ganesha's marriage has been performed; he has joyfully obtained two wives — the most excellent jewel-like daughters of Vishvarupa Prajapati.'

Verse 14 (shiva.rudra.138.14)

पुत्रद्वयं ललाभासौ द्वयोः पत्न्योः शुभाङ्गयोः । सिद्धेः क्षेमं तथा बुद्धेर्लाभं सर्वसुखप्रदम्

putradvayaṁ lalābhāsau dvayoḥ patnyoḥ śubhāṅgayoḥ siddheḥ kṣemaṁ tathā buddherlābhaṁ sarvasukhapradam

'He has obtained two sons from his two lovely wives — Kshema from Siddhi, and Labha from Buddhi, both bestowers of every happiness.'

Verse 15 (shiva.rudra.138.15)

पत्न्योर्द्वयोर्गणेशोऽसौ लब्ध्वापुत्रद्वयं शुभम् । मातापित्रोर्मतेनैव सुखं भुङ्क्ते निरन्तरम्

patnyordvayorgaṇeśo'sau labdhvāputradvayaṁ śubham mātāpitrormatenaiva sukhaṁ bhuṅkte nirantaram

'That Ganesha, having obtained two auspicious sons by his two wives, enjoys happiness without cease, entirely by the design of his parents.'

Verse 16 (shiva.rudra.138.16)

भवता पृथिवी क्रान्ता ससमुद्रा सकानना । तच्छलाज्ञावशात्तात तस्य जातं फलं त्विदम्

bhavatā pṛthivī krāntā sasamudrā sakānanā tacchalājñāvaśāttāta tasya jātaṁ phalaṁ tvidam

'By you, the earth was circled, with its oceans and forests, under the compulsion of that deceitful command — and this became its result.'

Verse 17 (shiva.rudra.138.17)

पितृभ्यां हि कृतं यत्तु छलं तात विचार्यताम् । स्वस्वामिभ्यां विशेषेण ह्यन्यः किन्न करोति वै

pitṛbhyāṁ hi kṛtaṁ yattu chalaṁ tāta vicāryatām svasvāmibhyāṁ viśeṣeṇa hyanyaḥ kinna karoti vai

'Consider, O child, the deceit that was wrought by your own parents — especially by one's own masters; what indeed would another not do?'

Verse 18 (shiva.rudra.138.18)

असम्यक्च कृतं ताभ्यां त्वत्पितृभ्यां हि कर्म ह । विचार्यतां त्वयाऽपीह मच्चित्ते न शुभं मतम्

asamyakca kṛtaṁ tābhyāṁ tvatpitṛbhyāṁ hi karma ha vicāryatāṁ tvayā'pīha maccitte na śubhaṁ matam

'Truly this deed done by your own parents was not right; consider it yourself as well — in my mind, I do not deem it good.'

Verse 19 (shiva.rudra.138.19)

दद्याद्यदि गरं माता विक्रीणीयात्पिता यदि । राजा हरति सर्वस्वं कस्मै किं च ब्रवीतु वै

dadyādyadi garaṁ mātā vikrīṇīyātpitā yadi rājā harati sarvasvaṁ kasmai kiṁ ca bravītu vai

'If a mother should give poison, if a father should sell his child, if a king should seize all one's possessions — to whom should one even complain?'

Verse 20 (shiva.rudra.138.20)

येनैवेदं कृतं स्याद्वै कर्मानर्थकरं परम् । शान्तिकामस्सुधीस्तात तन्मुखं न विलोकयेत्

yenaivedaṁ kṛtaṁ syādvai karmānarthakaraṁ param śāntikāmassudhīstāta tanmukhaṁ na vilokayet

'Whoever has done such a supremely harmful deed — a wise man desiring peace, O child, should not even look upon his face.'

Verse 21 (shiva.rudra.138.21)

इति नीतिः श्रुतौ प्रोक्ता स्मृतौ शास्त्रेषु सर्वतः । निवेदिता च सा तेऽद्य यथेच्छसि तथा कुरु

iti nītiḥ śrutau proktā smṛtau śāstreṣu sarvataḥ niveditā ca sā te'dya yathecchasi tathā kuru

'Such is the moral principle declared in the Shruti, the Smriti, and in the scriptures everywhere; I have now told it to you — do as you wish.'

Verse 22 (shiva.rudra.138.22)

ब्रह्मोवाच इत्युक्त्वा नारद त्वं तु महेश्वरमनोगतिः । तस्मै तथा कुमाराय वाक्यं मौनमुपागतः

brahmovāca ityuktvā nārada tvaṁ tu maheśvaramanogatiḥ tasmai tathā kumārāya vākyaṁ maunamupāgataḥ

Brahma said: Having spoken thus, you, O Narada, swift as the mind of the Great Lord, having said this word to Kumara, then fell silent.

Verse 23 (shiva.rudra.138.23)

स्कन्दोऽपि पितरं नत्वा कोपाग्निज्वलितस्तदा । जगाम पर्वतं क्रौञ्चं पितृभ्यां वारितोऽपि सन्

skando'pi pitaraṁ natvā kopāgnijvalitastadā jagāma parvataṁ krauñcaṁ pitṛbhyāṁ vārito'pi san

Skanda too, having bowed to his father, then blazing with the fire of anger, went to Mount Krauncha, even though restrained by his parents.

Verse 24 (shiva.rudra.138.24)

वारणे च कृते त्वद्य गम्यते च कथं त्वया । इत्येवं च निषिद्धोऽपि प्रोच्य नेति जगाम सः

vāraṇe ca kṛte tvadya gamyate ca kathaṁ tvayā ityevaṁ ca niṣiddho'pi procya neti jagāma saḥ

'Even though you have been forbidden today, how can you go?' — though thus forbidden, he, saying 'no,' departed nonetheless.

Verse 25 (shiva.rudra.138.25)

न स्थातव्यं मया तातौ क्षणमप्यत्र किञ्चन । यद्येवं कपटं प्रीतिमपहाय कृतं मयि

na sthātavyaṁ mayā tātau kṣaṇamapyatra kiñcana yadyevaṁ kapaṭaṁ prītimapahāya kṛtaṁ mayi

'I shall not remain here even for a moment, O parents, since such deceit has been wrought upon me, love having been set aside.'

Verse 26 (shiva.rudra.138.26)

एवमुक्त्वा गतस्तत्र मुने सोऽद्यापि वर्तते । दर्शनेनैव सर्वेषां लोकानां पापहारकः

evamuktvā gatastatra mune so'dyāpi vartate darśanenaiva sarveṣāṁ lokānāṁ pāpahārakaḥ

Having said this, he went there, O sage, and he remains there even to this day — by the mere sight of him removing the sins of all the worlds.

Verse 27 (shiva.rudra.138.27)

तद्दिनं हि समारभ्य कार्तिकेयस्य तस्य वै । शिवपुत्रस्य देवर्षे कुमारत्वं प्रतिष्ठितम्

taddinaṁ hi samārabhya kārtikeyasya tasya vai śivaputrasya devarṣe kumāratvaṁ pratiṣṭhitam

O divine sage, from that day onward, the state of eternal youth was established for that Kartikeya, the son of Shiva.

Verse 28 (shiva.rudra.138.28)

तन्नाम शुभदं लोके प्रसिद्धं भुवनत्रये । सर्वपापहरं पुण्यं ब्रह्मचर्यप्रदं परम्

tannāma śubhadaṁ loke prasiddhaṁ bhuvanatraye sarvapāpaharaṁ puṇyaṁ brahmacaryapradaṁ param

His name, bestowing auspiciousness, is renowned in the three worlds, removing all sin, holy, and supremely conducive to the vow of celibacy.

Verse 29 (shiva.rudra.138.29)

कार्तिक्यां च सदा देवा ऋषयश्च सतीर्थकाः । दर्शनार्थं कुमारस्य गच्छन्ति च मुनीश्वराः

kārtikyāṁ ca sadā devā ṛṣayaśca satīrthakāḥ darśanārthaṁ kumārasya gacchanti ca munīśvarāḥ

On the full moon of Kartika, the gods, the sages, and pilgrims, and the lords of sages, ever go for the sight of Kumara.

Verse 30 (shiva.rudra.138.30)

कार्तिक्यां कृत्तिकासङ्गे कुर्याद्यः स्वामिदर्शनम् । तस्य पापं दहेत्सर्वं चित्तेप्सितफलं लभेत्

kārtikyāṁ kṛttikāsaṅge kuryādyaḥ svāmidarśanam tasya pāpaṁ dahetsarvaṁ cittepsitaphalaṁ labhet

Whoever obtains the sight of the Lord on the Kartika full moon in conjunction with the Krittika asterism, all his sin is burnt away, and he obtains his heart's desired fruit.

Verse 31 (shiva.rudra.138.31)

उमाऽपि दुःखमापन्ना स्कन्दस्य विरहे सति । उवाच स्वामिनं दीना तत्र गच्छ मया प्रभो

umā'pi duḥkhamāpannā skandasya virahe sati uvāca svāminaṁ dīnā tatra gaccha mayā prabho

Uma too, overcome with sorrow at Skanda's separation, spoke to her Lord, humbled: 'Go there, O Lord, together with me.'

Verse 32 (shiva.rudra.138.32)

तत्सुखार्थं स्वयं शम्भुर्गतः स्वांशेन पर्वते । मल्लिकार्जुननामासीज्ज्योतिर्लिङ्गं सुखावहम्

tatsukhārthaṁ svayaṁ śambhurgataḥ svāṁśena parvate mallikārjunanāmāsījjyotirliṅgaṁ sukhāvaham

For his happiness, Shambhu himself went by his own portion to that mountain; there arose the Jyotirlinga named Mallikarjuna, bestower of happiness.

Verse 33 (shiva.rudra.138.33)

अद्यापि दृश्यते तत्र शिवया सहितश्शिवः । सर्वेषां निजभक्तानां कामपूरः सतां गतिः

adyāpi dṛśyate tatra śivayā sahitaśśivaḥ sarveṣāṁ nijabhaktānāṁ kāmapūraḥ satāṁ gatiḥ

Even to this day Shiva is seen there together with Shiva, fulfilling the desires of all his own devotees, the refuge of the virtuous.

Verse 34 (shiva.rudra.138.34)

तमागतं स विज्ञाय कुमारः सशिवां शिवम् । स विरज्य ततोऽन्यत्र गन्तुमासीत्समुत्सुकः

tamāgataṁ sa vijñāya kumāraḥ saśivāṁ śivam sa virajya tato'nyatra gantumāsītsamutsukaḥ

Kumara, knowing that Shiva had come there together with Shiva, grew detached and became eager to go elsewhere.

Verse 35 (shiva.rudra.138.35)

देवैश्च मुनिभिश्चैव प्रार्थितः सोऽपि दूरतः । योजनत्रयमुत्सृज्य स्थितः स्थाने च कार्तिकः

devaiśca munibhiścaiva prārthitaḥ so'pi dūrataḥ yojanatrayamutsṛjya sthitaḥ sthāne ca kārtikaḥ

Entreated by the gods and sages, he too, leaving a distance of three yojanas, remained settled in that very place, Kartika.

Verse 36 (shiva.rudra.138.36)

पुत्रस्नेहातुरौ तौ वै शिवौ पर्वणि पर्वणि । दर्शनार्थं कुमारस्य तस्य नारद गच्छतः

putrasnehāturau tau vai śivau parvaṇi parvaṇi darśanārthaṁ kumārasya tasya nārada gacchataḥ

O Narada, that divine couple, afflicted with love for their son, go on every parva for the sight of that Kumara.

Verse 37 (shiva.rudra.138.37)

अमावास्यादिने शम्भुः स्वयं गच्छति तत्र ह । पूर्णमासीदिने तत्र पार्वती गच्छति ध्रुवम्

amāvāsyādine śambhuḥ svayaṁ gacchati tatra ha pūrṇamāsīdine tatra pārvatī gacchati dhruvam

On the day of the new moon, Shambhu himself goes there; on the day of the full moon, Parvati assuredly goes there.

Verse 38 (shiva.rudra.138.38)

यद्यत्तस्य च वृत्तान्तं भवत्पृष्टं मुनीश्वर । कार्तिकस्य गणेशस्य परमं कथितं मया

yadyattasya ca vṛttāntaṁ bhavatpṛṣṭaṁ munīśvara kārtikasya gaṇeśasya paramaṁ kathitaṁ mayā

O lord of sages, whatever of his account you asked of me — of Kartikeya and of Ganesha — that supreme matter has been told by me.

Verse 39 (shiva.rudra.138.39)

एतच्छ्रुत्वा नरो धीमान् सर्वपापैः प्रमुच्यते । शोभनां लभते कामानीप्सितान्सकलान्सदा

etacchrutvā naro dhīmān sarvapāpaiḥ pramucyate śobhanāṁ labhate kāmānīpsitānsakalānsadā

Hearing this, a wise man is freed from all sins, and ever obtains excellent, desired objects, all of them.

Verse 40 (shiva.rudra.138.40)

यः पठेत्पाठयेद्वापि शृणुयाच्छ्रावयेत्तथा । सर्वान्कामानवाप्नोति नात्र कार्या विचारणा

yaḥ paṭhetpāṭhayedvāpi śṛṇuyācchrāvayettathā sarvānkāmānavāpnoti nātra kāryā vicāraṇā

Whoever reads it, or causes it to be read, or hears it, or causes it to be heard, obtains all desires — of this there is no doubt to be entertained.

Verse 41 (shiva.rudra.138.41)

ब्राह्मणो ब्रह्मवर्चस्वी क्षत्रियो विजयी भवेत् । वैश्यो धनसमृद्धस्स्याच्छूद्रस्सत्तमतामियात्

brāhmaṇo brahmavarcasvī kṣatriyo vijayī bhavet vaiśyo dhanasamṛddhassyācchūdrassattamatāmiyāt

A brahmin becomes radiant with Vedic splendor, a kshatriya becomes victorious, a vaishya becomes prosperous in wealth, and a shudra attains excellence.

Verse 42 (shiva.rudra.138.42)

रोगी रोगात्प्रमुच्येत भयान्मुच्येत भीतियुक् । भूतप्रेतादिबाधाभ्यः पीडितो न भवेन्नरः

rogī rogātpramucyeta bhayānmucyeta bhītiyuk bhūtapretādibādhābhyaḥ pīḍito na bhavennaraḥ

The sick is freed from disease, the fearful is freed from fear; a man shall not be afflicted by the torments of bhutas, pretas, and the like.

Verse 43 (shiva.rudra.138.43)

एतदाख्यानमनघं यशस्यं सुखवर्द्धनम् । आयुष्यं स्वर्ग्यमतुलं पुत्रपौत्रादिकारकम्

etadākhyānamanaghaṁ yaśasyaṁ sukhavarddhanam āyuṣyaṁ svargyamatulaṁ putrapautrādikārakam

This narrative is sinless, glory-bestowing, increasing happiness, life-giving, heaven-bestowing, incomparable, and the cause of sons and grandsons.

Verse 44 (shiva.rudra.138.44)

अपवर्गप्रदं चापि शिवज्ञानप्रदं परम् । शिवाशिवप्रीतिकरं शिवभक्तिविवर्द्धनम्

apavargapradaṁ cāpi śivajñānapradaṁ param śivāśivaprītikaraṁ śivabhaktivivarddhanam

It bestows liberation, and supremely bestows knowledge of Shiva; it delights Shiva and Shiva, and increases devotion to Shiva.

Verse 45 (shiva.rudra.138.45)

श्रवणीयं सदा भक्तैर्निष्कामैश्च मुमुक्षुभिः । शिवाद्वैतप्रदं चैतत्सदाशिवमयं शिवम्

śravaṇīyaṁ sadā bhaktairniṣkāmaiśca mumukṣubhiḥ śivādvaitapradaṁ caitatsadāśivamayaṁ śivam

It should ever be heard by devotees, by the desireless, and by those seeking liberation; it bestows non-dual union with Shiva, being itself the auspicious embodiment of Sadashiva.