The Rite of Initiation for Tripura

Verse 1 (shiva.rudra.142.1)

सनत्कुमार उवाच । असृजच्च महातेजाः पुरुषं स्वात्मसम्भवम् । एकं मायामयं तेषां धर्मविघ्नार्थमच्युतः

sanatkumāra uvāca asṛjacca mahātejāḥ puruṣaṁ svātmasambhavam ekaṁ māyāmayaṁ teṣāṁ dharmavighnārthamacyutaḥ

Sanatkumara said: Then the greatly radiant Achyuta created, from his own self, a single illusory being, for the purpose of obstructing their dharma.

Verse 2 (shiva.rudra.142.2)

मुण्डिनं म्लानवस्त्रं च गुम्फिपात्रसमन्वितम् । दधानं पुञ्जिकां हस्ते चालयन्तं पदे पदे

muṇḍinaṁ mlānavastraṁ ca gumphipātrasamanvitam dadhānaṁ puñjikāṁ haste cālayantaṁ pade pade

Shaven-headed, wearing soiled garments, furnished with a woven begging-bowl, holding a small whisk in hand and waving it with every step —

Verse 3 (shiva.rudra.142.3)

वस्त्रयुक्तं तथा हस्तं क्षीयमाणं मुखे सदा । धर्मेति व्याहरन्तं हि वाचा विक्लवया मुनिम्

vastrayuktaṁ tathā hastaṁ kṣīyamāṇaṁ mukhe sadā dharmeti vyāharantaṁ hi vācā viklavayā munim

— cloth bound over his mouth, his face ever wasted, uttering "Dharma!" again and again in a faltering voice — such an ascetic was created.

Verse 4 (shiva.rudra.142.4)

स नमस्कृत्य विष्णुं तं तत्पुरः संस्थितोऽथ वै । उवाच वचनं तत्र हरिं स प्राञ्जलिस्तदा

sa namaskṛtya viṣṇuṁ taṁ tatpuraḥ saṁsthito'tha vai uvāca vacanaṁ tatra hariṁ sa prāñjalistadā

He, bowing to Vishnu, then stood before him, and, with joined palms, spoke these words there to Hari.

Verse 5 (shiva.rudra.142.5)

अरिहन्नच्युतं पूज्यं किं करोमि तदादिश । कानि नामानि मे देव स्थानं वापि वद प्रभो

arihannacyutaṁ pūjyaṁ kiṁ karomi tadādiśa kāni nāmāni me deva sthānaṁ vāpi vada prabho

"O Achyuta, slayer of foes, worthy of worship — command me: what am I to do? What names shall I bear, O god, and what shall be my station? Tell me, O lord."

Verse 6 (shiva.rudra.142.6)

इत्येवं भगवान्विष्णुः श्रुत्वा तस्य शुभं वचः । प्रसन्नमानसो भूत्वा वचनं चेदमब्रवीत्

ityevaṁ bhagavānviṣṇuḥ śrutvā tasya śubhaṁ vacaḥ prasannamānaso bhūtvā vacanaṁ cedamabravīt

Hearing these auspicious words of his, the Lord Vishnu, his mind pleased, spoke these words.

Verse 7 (shiva.rudra.142.7)

विष्णुरुवाच । यदर्थं निर्मितोऽसि त्वं निबोध कथयामि ते । मदङ्गज महाप्राज्ञ मद्रूपस्त्वं न संशयः

viṣṇuruvāca yadarthaṁ nirmito'si tvaṁ nibodha kathayāmi te madaṅgaja mahāprājña madrūpastvaṁ na saṁśayaḥ

Vishnu said: "Understand the purpose for which you have been created; I shall tell you. O greatly wise one, born of my own limb, you are without doubt my very form."

Verse 8 (shiva.rudra.142.8)

ममाङ्गाच्च समुत्पन्नो मत्कार्यं कर्तुमर्हसि । मदीयस्त्वं सदा पूज्यो भविष्यति न संशयः

mamāṅgācca samutpanno matkāryaṁ kartumarhasi madīyastvaṁ sadā pūjyo bhaviṣyati na saṁśayaḥ

"Having arisen from my own limb, you are fit to accomplish my task. Being mine, you shall ever be worthy of worship, without doubt."

Verse 9 (shiva.rudra.142.9)

अरिहन्नाम ते स्यात्तु ह्यन्यानि न शुभानि च । स्थानं वक्ष्यामि ते पश्चाच्छृणु प्रस्तुतमादरात्

arihannāma te syāttu hyanyāni na śubhāni ca sthānaṁ vakṣyāmi te paścācchṛṇu prastutamādarāt

"Let 'Arihan' be your name; no other name of yours shall be auspicious. I shall tell you your station afterward — now listen with reverence to what is at hand."

Verse 10 (shiva.rudra.142.10)

मायिन्मायामयं शास्त्रं तत्षोडशसहस्रकम् । श्रौतस्मार्तविरुद्धं च वर्णाश्रमविवर्जितम्

māyinmāyāmayaṁ śāstraṁ tatṣoḍaśasahasrakam śrautasmārtaviruddhaṁ ca varṇāśramavivarjitam

"O master of illusion, compose an illusory scripture of sixteen thousand verses, opposed to the shruti and smriti, and devoid of the varna and ashrama order."

Verse 11 (shiva.rudra.142.11)

अपभ्रंशमयं शास्त्रं कर्मवादमयं तथा । रचयेति प्रयत्नेन तद्विस्तारो भविष्यति

apabhraṁśamayaṁ śāstraṁ karmavādamayaṁ tathā racayeti prayatnena tadvistāro bhaviṣyati

"Compose, with effort, a scripture full of corrupted language and argumentative doctrine — its spread shall come to pass."

Verse 12 (shiva.rudra.142.12)

ददामि तव निर्माणे सामर्थ्यं तद्भविष्यति । माया च विविधा शीघ्रं त्वदधीना भविष्यति

dadāmi tava nirmāṇe sāmarthyaṁ tadbhaviṣyati māyā ca vividhā śīghraṁ tvadadhīnā bhaviṣyati

"I grant you the capability for this composition — it shall be yours. And manifold maya shall quickly come under your control."

Verse 13 (shiva.rudra.142.13)

तच्छ्रुत्वा वचनं तस्य हरेश्च परमात्मनः । नमस्कृत्य प्रत्युवाच स मायी तं जनार्दनम्

tacchrutvā vacanaṁ tasya hareśca paramātmanaḥ namaskṛtya pratyuvāca sa māyī taṁ janārdanam

Hearing these words of Hari, the Supreme Self, that master of illusion, bowing, replied to Janardana.

Verse 14 (shiva.rudra.142.14)

मुण्ड्युवाच । यत्कर्तव्यं मया देव द्रुतमादिश तत्प्रभो । त्वदाज्ञयाखिलं कर्म सफलं च भविष्यति

muṇḍyuvāca yatkartavyaṁ mayā deva drutamādiśa tatprabho tvadājñayākhilaṁ karma saphalaṁ ca bhaviṣyati

The shaven-headed one said: "O god, quickly command me as to what I must do, O lord; by your command every deed shall become fruitful."

Verse 15 (shiva.rudra.142.15)

सनत्कुमार उवाच । इत्युक्त्वा पाठयामास शास्त्रं मायामयं तथा । इहैव स्वर्गनरकप्रत्ययो नान्यथा पुनः

sanatkumāra uvāca ityuktvā pāṭhayāmāsa śāstraṁ māyāmayaṁ tathā ihaiva svarganarakapratyayo nānyathā punaḥ

Sanatkumara said: Having said this, he then began teaching that illusory scripture, holding that heaven and hell are experienced right here and nowhere else.

Verse 16 (shiva.rudra.142.16)

तमुवाच पुनर्विष्णुः स्मृत्वा शिवपदाम्बुजम् । मोहनीया इमे दैत्याः सर्वे त्रिपुरवासिनः

tamuvāca punarviṣṇuḥ smṛtvā śivapadāmbujam mohanīyā ime daityāḥ sarve tripuravāsinaḥ

Vishnu, remembering the lotus feet of Shiva, spoke to him again: "All these daityas, the dwellers of Tripura, are to be deluded."

Verse 17 (shiva.rudra.142.17)

कार्यास्ते दीक्षिता नूनं पाठनीयाः प्रयत्नतः । मदाज्ञया न दोषस्ते भविष्यति महामते

kāryāste dīkṣitā nūnaṁ pāṭhanīyāḥ prayatnataḥ madājñayā na doṣaste bhaviṣyati mahāmate

"They must surely be initiated and taught with effort; by my command, O great-minded one, no fault shall come to you."

Verse 18 (shiva.rudra.142.18)

धर्मास्तत्र प्रकाशन्ते श्रौतस्मार्त्ता न संशयः । अनया विद्यया सर्वे स्फोटनीया ध्रुवं यते

dharmāstatra prakāśante śrautasmārttā na saṁśayaḥ anayā vidyayā sarve sphoṭanīyā dhruvaṁ yate

"There the shruti-and-smriti dharmas now shine forth without doubt; by this new teaching, O striving one, all of them must certainly be broken apart."

Verse 19 (shiva.rudra.142.19)

गन्तुमर्हसि नाशार्थं मुण्डिंस्त्रिपुरवासिनाम् । तमोधर्मं सम्प्रकाश्य नाशयस्व पुरत्रयम्

gantumarhasi nāśārthaṁ muṇḍiṁstripuravāsinām tamodharmaṁ samprakāśya nāśayasva puratrayam

"O shaven one, you should go for the destruction of the Tripura-dwellers; having made manifest a dharma of darkness, destroy the three cities."

Verse 20 (shiva.rudra.142.20)

ततश्चैव पुनर्गत्वा मरुस्थल्यां त्वया विभो । स्थातव्यं च स्वधर्मेण कलिर्यावत्समाव्रजेत्

tataścaiva punargatvā marusthalyāṁ tvayā vibho sthātavyaṁ ca svadharmeṇa kaliryāvatsamāvrajet

"And then, O mighty one, you must go and dwell in the desert land, according to your own dharma, until the Kali Yuga arrives."

Verse 21 (shiva.rudra.142.21)

प्रवृत्ते तु युगे तस्मिन्स्वीयो धर्मः प्रकाश्यताम् । शिष्यैश्च प्रतिशिष्यैश्च वर्तनीयस्त्वया पुनः

pravṛtte tu yuge tasminsvīyo dharmaḥ prakāśyatām śiṣyaiśca pratiśiṣyaiśca vartanīyastvayā punaḥ

"When that age has begun, let your own dharma be proclaimed; through disciples and disciples' disciples you shall continue to be maintained."

Verse 22 (shiva.rudra.142.22)

मदाज्ञया भवद्धर्मो विस्तारं यास्यति ध्रुवम् । मदनुज्ञापरो नित्यं गतिं प्राप्स्यसि मामकीम्

madājñayā bhavaddharmo vistāraṁ yāsyati dhruvam madanujñāparo nityaṁ gatiṁ prāpsyasi māmakīm

"By my command your dharma shall surely spread far and wide; ever intent on my sanction, you shall attain my own state."

Verse 23 (shiva.rudra.142.23)

एवमाज्ञा तदा दत्ता विष्णुना प्रभविष्णुना । शासनाद्देवदेवस्य हृदा त्वन्तर्दधे हरिः

evamājñā tadā dattā viṣṇunā prabhaviṣṇunā śāsanāddevadevasya hṛdā tvantardadhe hariḥ

Thus this command was given by the mighty Vishnu; and by the ordinance of the god of gods, Hari then vanished, remaining within his heart.

Verse 24 (shiva.rudra.142.24)

ततस्समुण्डी परिपालयन्हरे- राज्ञां तथा निर्मितवांश्च शिष्यान् । यथास्वरूपं चतुरस्तदानीं मायामयं शास्त्रमपाठयत्स्वयम्

tatassamuṇḍī paripālayanhare- rājñāṁ tathā nirmitavāṁśca śiṣyān yathāsvarūpaṁ caturastadānīṁ māyāmayaṁ śāstramapāṭhayatsvayam

Then the shaven one, obeying Hari's command, created four disciples in his own likeness, and himself taught them that illusory scripture.

Verse 25 (shiva.rudra.142.25)

यथा स्वयं तथा ते च चत्वारो मुण्डिनः शुभाः । नमस्कृत्य स्थितास्तत्र हरये परमात्मने

yathā svayaṁ tathā te ca catvāro muṇḍinaḥ śubhāḥ namaskṛtya sthitāstatra haraye paramātmane

Those four shaven ones, made just like himself, stood there bowing to Hari, the Supreme Self.

Verse 26 (shiva.rudra.142.26)

हरिश्चापि मुनेस्तत्र चतुरस्तांस्तदा स्वयम् । उवाच परमप्रीतः शिवाज्ञापरिपालकः

hariścāpi munestatra caturastāṁstadā svayam uvāca paramaprītaḥ śivājñāparipālakaḥ

Hari too, greatly pleased, upholder of Shiva's command, then himself spoke to those four disciples of the sage.

Verse 27 (shiva.rudra.142.27)

यथा गुरुस्तथा यूयं भविष्यथ मदाज्ञया । धन्याः स्थ सद्गतिमिह सम्प्राप्स्यथ न संशयः

yathā gurustathā yūyaṁ bhaviṣyatha madājñayā dhanyāḥ stha sadgatimiha samprāpsyatha na saṁśayaḥ

"As is your teacher, so shall you become by my command. You are blessed; you shall surely attain a good state here."

Verse 28 (shiva.rudra.142.28)

चत्वारो मुण्डिनस्तेऽथ धर्मं पाषण्डमाश्रिताः । हस्ते पात्रं दधानाश्च तुण्डवस्त्रस्य धारकाः

catvāro muṇḍinaste'tha dharmaṁ pāṣaṇḍamāśritāḥ haste pātraṁ dadhānāśca tuṇḍavastrasya dhārakāḥ

Those four shaven ones then, taking refuge in a heterodox doctrine, held a bowl in hand and wore a cloth over the mouth.

Verse 29 (shiva.rudra.142.29)

मलिनान्येव वासांसि धारयन्तो ह्यभाषिणः । धर्मो लाभः परं तत्त्वं वदन्तस्त्वतिहर्षतः

malinānyeva vāsāṁsi dhārayanto hyabhāṣiṇaḥ dharmo lābhaḥ paraṁ tattvaṁ vadantastvatiharṣataḥ

Wearing only soiled garments, mostly silent, they proclaimed with great delight, "Dharma is the highest gain, the supreme truth."

Verse 30 (shiva.rudra.142.30)

मार्जनीं ध्रियमाणाश्च वस्त्रखण्डविनिर्मिताम् । शनैः शनैश्चलन्तो हि जीवहिंसाभयाद्ध्रुवम्

mārjanīṁ dhriyamāṇāśca vastrakhaṇḍavinirmitām śanaiḥ śanaiścalanto hi jīvahiṁsābhayāddhruvam

They carried a small broom made of strips of cloth, walking ever so slowly, surely for fear of harming living creatures.

Verse 31 (shiva.rudra.142.31)

ते सर्वे च तदा देवं भगवन्तं मुदान्विताः । नमस्कृत्य पुनस्तत्र मुने तस्थुस्तदग्रतः

te sarve ca tadā devaṁ bhagavantaṁ mudānvitāḥ namaskṛtya punastatra mune tasthustadagrataḥ

All of them, filled with joy, having bowed again to the divine Lord, O sage, stood there before him.

Verse 32 (shiva.rudra.142.32)

हरिणा च तदा हस्ते धृत्वा च गुरवेऽर्पिताः । अभ्यधायि च सुप्रीत्या तन्नामानि विशेषतः

hariṇā ca tadā haste dhṛtvā ca gurave'rpitāḥ abhyadhāyi ca suprītyā tannāmāni viśeṣataḥ

Then Hari, taking them by the hand, entrusted them to their teacher, and with great affection specifically declared their names.

Verse 33 (shiva.rudra.142.33)

यथा त्वं च तथैवैते मदीया वै न संशयः । आदिरूपं च तन्नाम पूज्यत्वात्पूज्य उच्यते

yathā tvaṁ ca tathaivaite madīyā vai na saṁśayaḥ ādirūpaṁ ca tannāma pūjyatvātpūjya ucyate

"As you are, so indeed are these — mine, without doubt. Their first name, because of their worshipfulness, shall be called 'Pujya'."

Verse 34 (shiva.rudra.142.34)

ऋषिर्यतिस्तथाकीर्य उपाध्याय इति स्वयम् । इमान्यपि तु नामानि प्रसिद्धानि भवन्तु वः

ṛṣiryatistathākīrya upādhyāya iti svayam imānyapi tu nāmāni prasiddhāni bhavantu vaḥ

"'Rishi', 'Yati', likewise 'Akirya', and 'Upadhyaya' — let these names too become well known among you."

Verse 35 (shiva.rudra.142.35)

ममापि च भवद्भिश्च नाम ग्राह्यं शुभं पुनः । अरिहन्निति तन्नाम ध्येयं पापप्रणाशनम्

mamāpi ca bhavadbhiśca nāma grāhyaṁ śubhaṁ punaḥ arihanniti tannāma dhyeyaṁ pāpapraṇāśanam

"And by you my own auspicious name too should be uttered again — 'Arihan' — that name is to be meditated upon, the destroyer of sin."

Verse 36 (shiva.rudra.142.36)

भवद्भिश्चैव कर्तव्यं कार्यं लोकसुखावहम् । लोकानुकूलं चरतां भविष्यत्युत्तमा गतिः

bhavadbhiścaiva kartavyaṁ kāryaṁ lokasukhāvaham lokānukūlaṁ caratāṁ bhaviṣyatyuttamā gatiḥ

"You must perform deeds that bring happiness to the world; acting in accordance with the world, you shall attain the highest state."

Verse 37 (shiva.rudra.142.37)

सनत्कुमार उवाच । ततः प्रणम्य तं मायी शिष्ययुक्तःस्वयं तदा । जगाम त्रिपुरं सद्यः शिवेच्छाकारिणं मुमा

sanatkumāra uvāca tataḥ praṇamya taṁ māyī śiṣyayuktaḥsvayaṁ tadā jagāma tripuraṁ sadyaḥ śivecchākāriṇaṁ mumā

Sanatkumara said: Then, bowing to him, that master of illusion, together with his disciples, went at once to Tripura, to accomplish the will of Shiva.

Verse 38 (shiva.rudra.142.38)

प्रविश्य तत्पुरं तूर्णं विष्णुना नोदितो वशी । महामायाविना तेन ऋषिर्मायां तदाकरोत्

praviśya tatpuraṁ tūrṇaṁ viṣṇunā nodito vaśī mahāmāyāvinā tena ṛṣirmāyāṁ tadākarot

Entering that city swiftly, impelled by Vishnu, the self-controlled sage, that great illusion-maker, then worked his illusion.

Verse 39 (shiva.rudra.142.39)

नगरोपवने कृत्वा शिष्यैर्युक्तः स्थितिं तदा । मायां प्रवर्तयामास मायिनामपि मोहिनीम्

nagaropavane kṛtvā śiṣyairyuktaḥ sthitiṁ tadā māyāṁ pravartayāmāsa māyināmapi mohinīm

Taking up residence in a grove outside the city together with his disciples, he set in motion an illusion capable of deluding even the masters of illusion themselves.

Verse 40 (shiva.rudra.142.40)

शिवार्चनप्रभावेण तन्माया सहसा मुने । त्रिपुरे न चचालाशु निर्विण्णोऽभूत्तदा यतिः

śivārcanaprabhāveṇa tanmāyā sahasā mune tripure na cacālāśu nirviṇṇo'bhūttadā yatiḥ

But by the power of their worship of Shiva, O sage, that illusion did not at once take hold in Tripura, and the ascetic then became despondent.

Verse 41 (shiva.rudra.142.41)

अथ विष्णुं स सस्मार तुष्टाव च हृदा बहु । नष्टोत्साहो विचेतस्को हृदयेन विदूयता

atha viṣṇuṁ sa sasmāra tuṣṭāva ca hṛdā bahu naṣṭotsāho vicetasko hṛdayena vidūyatā

Then, his enthusiasm lost, his mind bewildered, his heart burning with anguish, he called Vishnu to mind and praised him greatly within his heart.

Verse 42 (shiva.rudra.142.42)

तत्स्मृतस्त्वरितं विष्णुःसस्मार शङ्करं हृदि । प्राप्याज्ञां मनसा तस्य स्मृतवान्नारदं द्रुतम्

tatsmṛtastvaritaṁ viṣṇuḥsasmāra śaṅkaraṁ hṛdi prāpyājñāṁ manasā tasya smṛtavānnāradaṁ drutam

Being thus remembered, Vishnu swiftly called Shankara to mind in his heart; and having received his sanction mentally, he swiftly called Narada to mind.

Verse 43 (shiva.rudra.142.43)

स्मृतमात्रेण विष्णोश्च नारदः समुपस्थितः । नत्वा स्तुत्वा पुरस्तस्य स्थितोऽभूत्साञ्जलिस्तदा

smṛtamātreṇa viṣṇośca nāradaḥ samupasthitaḥ natvā stutvā purastasya sthito'bhūtsāñjalistadā

At the mere thought of Vishnu, Narada appeared at once; bowing and praising him, he stood before him with joined palms.

Verse 44 (shiva.rudra.142.44)

अथ तं नारदं प्राह विष्णुर्मतिमतां वरः । लोकोपकारनिरतो देवकार्यकरः सदा

atha taṁ nāradaṁ prāha viṣṇurmatimatāṁ varaḥ lokopakāranirato devakāryakaraḥ sadā

Then Vishnu, best of the wise, ever intent on the world's welfare, ever the doer of the gods' work, spoke to Narada.

Verse 45 (shiva.rudra.142.45)

शिवाज्ञयोच्यते तात गच्छ त्वं त्रिपुरं द्रुतम् । ऋषिस्तत्र गतः शिष्यैर्मोहार्थं तत्सुवासिनाम्

śivājñayocyate tāta gaccha tvaṁ tripuraṁ drutam ṛṣistatra gataḥ śiṣyairmohārthaṁ tatsuvāsinām

"By Shiva's command I say to you, my child: go swiftly to Tripura. The sage has gone there with his disciples to delude its good inhabitants."

Verse 46 (shiva.rudra.142.46)

सनत्कुमार उवाच । इत्याकर्ण्य वचस्तस्य नारदो मुनिसत्तमः । गतस्तत्र द्रुतं यत्र स ऋषिर्मायिनां वरः

sanatkumāra uvāca ityākarṇya vacastasya nārado munisattamaḥ gatastatra drutaṁ yatra sa ṛṣirmāyināṁ varaḥ

Sanatkumara said: Hearing his words, Narada, best of sages, went swiftly to where that sage, foremost among illusion-makers, was.

Verse 47 (shiva.rudra.142.47)

नारदोऽपि तथा मायी नियोगान्मायिनः प्रभोः । प्रविश्य तत्पुरं तेन मायिना सह दीक्षितः

nārado'pi tathā māyī niyogānmāyinaḥ prabhoḥ praviśya tatpuraṁ tena māyinā saha dīkṣitaḥ

Narada too, thus becoming an illusion-worker by the command of the lord of illusion-makers, entering that city, was initiated together with that master of illusion.

Verse 48 (shiva.rudra.142.48)

ततश्च नारदो गत्वा त्रिपुराधीशसन्निधौ । क्षेमप्रश्नादिकं कृत्वा राज्ञे सर्वं न्यवेदयत्

tataśca nārado gatvā tripurādhīśasannidhau kṣemapraśnādikaṁ kṛtvā rājñe sarvaṁ nyavedayat

Then Narada, going into the presence of the lord of Tripura, and having exchanged courteous greetings, related everything to the king.

Verse 49 (shiva.rudra.142.49)

नारद उवाच । कश्चित्समागतश्चात्र यतिर्धर्मपरायणः । सर्वविद्याप्रकृष्टो हि वेदविद्यापरान्वितः

nārada uvāca kaścitsamāgataścātra yatirdharmaparāyaṇaḥ sarvavidyāprakṛṣṭo hi vedavidyāparānvitaḥ

Narada said: "A certain ascetic, devoted to dharma, has come here — excelling in all learning and possessing knowledge beyond even the Vedic sciences."

Verse 50 (shiva.rudra.142.50)

दृष्ट्वा च बहवो धर्मा नैतेन सदृशाः पुनः । वयं सुदीक्षिताश्चात्र दृष्ट्वा धर्मं सनातनम्

dṛṣṭvā ca bahavo dharmā naitena sadṛśāḥ punaḥ vayaṁ sudīkṣitāścātra dṛṣṭvā dharmaṁ sanātanam

"Though I have seen many dharmas, none is equal to this one; having seen this eternal dharma, I myself have been well initiated into it here."

Verse 51 (shiva.rudra.142.51)

तवेच्छा यदि वर्तेत तद्धर्मे दैत्यसत्तम । तद्धर्मस्य महाराज ग्राह्या दीक्षा त्वया पुनः

tavecchā yadi varteta taddharme daityasattama taddharmasya mahārāja grāhyā dīkṣā tvayā punaḥ

"If you desire that dharma, O foremost of daityas, then, O great king, you too should receive initiation into it."

Verse 52 (shiva.rudra.142.52)

सनत्कुमार उवाच । तदीयं स वचः श्रुत्वा महदर्थसुगर्भितम् । विस्मितो हृदि दैत्येशो जगौ तत्र विमोहितः

sanatkumāra uvāca tadīyaṁ sa vacaḥ śrutvā mahadarthasugarbhitam vismito hṛdi daityeśo jagau tatra vimohitaḥ

Sanatkumara said: Hearing his words, pregnant with great meaning, the lord of the daityas, astonished at heart and now deluded, spoke there.

Verse 53 (shiva.rudra.142.53)

नारदो दीक्षितो यस्माद्वयं दीक्षामवाप्नुमः । इत्येवं च विदित्वा वै जगाम स्वयमेव ह

nārado dīkṣito yasmādvayaṁ dīkṣāmavāpnumaḥ ityevaṁ ca viditvā vai jagāma svayameva ha

"Since Narada himself has been initiated, let us too receive that initiation" — thinking thus, he himself went there in person.

Verse 54 (shiva.rudra.142.54)

तद्रूपं च तदा दृष्ट्वा मोहितो मायया तथा । उवाच वचनं तस्मै नमस्कृत्य महात्मने

tadrūpaṁ ca tadā dṛṣṭvā mohito māyayā tathā uvāca vacanaṁ tasmai namaskṛtya mahātmane

Beholding his form, and thus deluded by that illusion, he bowed to that great soul and spoke to him these words.

Verse 55 (shiva.rudra.142.55)

त्रिपुराधिप उवाच । दीक्षा देया त्वया मह्यं निर्मलाशय भो ऋषे । अहं शिष्यो भविष्यामि सत्यं सत्यं न संशयः

tripurādhipa uvāca dīkṣā deyā tvayā mahyaṁ nirmalāśaya bho ṛṣe ahaṁ śiṣyo bhaviṣyāmi satyaṁ satyaṁ na saṁśayaḥ

The lord of Tripura said: "O sage of pure intent, initiation must be given by you to me; I shall become your disciple — truly, truly, without doubt."

Verse 56 (shiva.rudra.142.56)

इत्येवं तु वचः श्रुत्वा दैत्यराजस्य निर्मलम् । प्रत्युवाच सुयत्नेन ऋषिः स च सनातनः

ityevaṁ tu vacaḥ śrutvā daityarājasya nirmalam pratyuvāca suyatnena ṛṣiḥ sa ca sanātanaḥ

Hearing these sincere words of the daitya king, that eternal sage replied with careful deliberation.

Verse 57 (shiva.rudra.142.57)

मदीया करणीया स्याद्यद्याज्ञा दैत्यसत्तम । तदा देया मया दीक्षा नान्यथा कोटियत्नतः

madīyā karaṇīyā syādyadyājñā daityasattama tadā deyā mayā dīkṣā nānyathā koṭiyatnataḥ

"O foremost of daityas, only if my command is to be obeyed shall I give you initiation — not otherwise, even by a hundred-million efforts."

Verse 58 (shiva.rudra.142.58)

इत्येवं तु वचः श्रुत्वा राजा मायामयोऽभवत् । उवाच वचनं शीघ्रं यतिं तं हि कृताञ्जलिः

ityevaṁ tu vacaḥ śrutvā rājā māyāmayo'bhavat uvāca vacanaṁ śīghraṁ yatiṁ taṁ hi kṛtāñjaliḥ

Hearing these words, the king, now wholly under the sway of illusion, quickly spoke, with joined palms, to that ascetic.

Verse 59 (shiva.rudra.142.59)

दैत्य उवाच । यथाज्ञां दास्यसि त्वं च तत्तथैव न चान्यथा । त्वदाज्ञां नोल्लङ्घयिष्ये सत्यं सत्यं न संशयः

daitya uvāca yathājñāṁ dāsyasi tvaṁ ca tattathaiva na cānyathā tvadājñāṁ nollaṅghayiṣye satyaṁ satyaṁ na saṁśayaḥ

The daitya said: "Whatever command you give, exactly so shall it be, not otherwise; I shall never transgress your command — truly, truly, without doubt."

Verse 60 (shiva.rudra.142.60)

सनत्कुमार उवाच । इत्याकर्ण्य वचस्तस्य त्रिपुराधीशितुस्तदा । दूरीकृत्य मुखाद्वस्त्रमुवाच ऋषिसत्तमः

sanatkumāra uvāca ityākarṇya vacastasya tripurādhīśitustadā dūrīkṛtya mukhādvastramuvāca ṛṣisattamaḥ

Sanatkumara said: Hearing these words of the lord of Tripura, that foremost of sages then removed the cloth from his mouth and spoke.

Verse 61 (shiva.rudra.142.61)

दीक्षां गृह्णीष्व दैत्येन्द्र सर्वधर्मोत्तमोत्तमाम् । येन दीक्षाविधानेन प्राप्स्यसि त्वं कृतार्थताम्

dīkṣāṁ gṛhṇīṣva daityendra sarvadharmottamottamām yena dīkṣāvidhānena prāpsyasi tvaṁ kṛtārthatām

"Receive, O lord of the daityas, this initiation, the very best of all dharmas — by whose rite you shall attain fulfillment."

Verse 62 (shiva.rudra.142.62)

इत्युक्त्वा स तु मायावी दैत्यराजाय सत्वरम् । ददौ दीक्षां स्वधर्मोक्तां तस्मै विधिविधानतः

ityuktvā sa tu māyāvī daityarājāya satvaram dadau dīkṣāṁ svadharmoktāṁ tasmai vidhividhānataḥ

Having said this, that master of illusion swiftly gave to the daitya king the initiation prescribed by his own dharma, according to due rite.

Verse 63 (shiva.rudra.142.63)

दैत्यराजे दीक्षिते च तस्मिन्ससहजे मुने । सर्वे च दीक्षिता जातास्तत्र त्रिपुरवासिनः

daityarāje dīkṣite ca tasminsasahaje mune sarve ca dīkṣitā jātāstatra tripuravāsinaḥ

When the daitya king, together with his brothers, O sage, had been initiated, all the dwellers of Tripura there became initiated as well.

Verse 64 (shiva.rudra.142.64)

मुनेः शिष्यैः प्रशिष्यैश्च व्याप्तमासीद् द्रुतं तदा । महामायाविनस्तत्तु त्रिपुरं सकलं मुने

muneḥ śiṣyaiḥ praśiṣyaiśca vyāptamāsīd drutaṁ tadā mahāmāyāvinastattu tripuraṁ sakalaṁ mune

O sage, that entire Tripura then quickly became filled with the disciples and disciples' disciples of that great master of illusion.