The Piety of Tripura's People

Verse 1 (shiva.rudra.141.1)

शिव उवाच । अयं वै त्रिपुराध्यक्षः पुण्यवान्वर्ततेऽधुना । यत्र पुण्यं प्रवर्तेत न हन्तव्यो बुधैः क्वचित्

śiva uvāca ayaṁ vai tripurādhyakṣaḥ puṇyavānvartate'dhunā yatra puṇyaṁ pravarteta na hantavyo budhaiḥ kvacit

Shiva said: "This lord of Tripura is at present truly virtuous; where virtue prevails, the wise should never slay."

Verse 2 (shiva.rudra.141.2)

जानामि देवकष्टं च विबुधाः सकलं महत् । दैत्यास्ते प्रबला हन्तुमशक्यास्तु सुरासुरैः

jānāmi devakaṣṭaṁ ca vibudhāḥ sakalaṁ mahat daityāste prabalā hantumaśakyāstu surāsuraiḥ

"I know your entire great distress, O gods; those daityas are so powerful that they cannot be slain by either gods or demons."

Verse 3 (shiva.rudra.141.3)

पुण्यवन्तस्तु ते सर्वे समयास्तारकात्मजाः । दुस्साध्यस्तु वधस्तेषां सर्वेषां पुरवासिनाम्

puṇyavantastu te sarve samayāstārakātmajāḥ dussādhyastu vadhasteṣāṁ sarveṣāṁ puravāsinām

"All those sons of Taraka, bound by their vows, are meritorious; the slaying of all those city-dwellers is exceedingly difficult."

Verse 4 (shiva.rudra.141.4)

मित्रद्रोहं कथं जानन्करोमि रणकर्कशः । सुहृद्द्रोहे महत्पापं पूर्वमुक्तं स्वयम्भुवा

mitradrohaṁ kathaṁ jānankaromi raṇakarkaśaḥ suhṛddrohe mahatpāpaṁ pūrvamuktaṁ svayambhuvā

"How, knowing it to be betrayal of a friend, could I, though fierce in battle, commit it? Betraying a well-wisher is a great sin, as Brahma himself declared of old."

Verse 5 (shiva.rudra.141.5)

ब्रह्मघ्ने च सुरापे च स्तेये भग्नव्रते तथा । निष्कृतिर्विहिता सद्भिः कृतघ्ने नास्ति निष्कृतिः

brahmaghne ca surāpe ca steye bhagnavrate tathā niṣkṛtirvihitā sadbhiḥ kṛtaghne nāsti niṣkṛtiḥ

"For the slayer of a brahmin, the drinker of liquor, the thief, and the breaker of vows, the wise have prescribed expiation; but for the ungrateful there is none."

Verse 6 (shiva.rudra.141.6)

मम भक्तास्तु ते दैत्या मया वध्याः कथं सुराः । विचार्यतां भवद्भिश्च धर्मज्ञैरेव धर्मतः

mama bhaktāstu te daityā mayā vadhyāḥ kathaṁ surāḥ vicāryatāṁ bhavadbhiśca dharmajñaireva dharmataḥ

"Those daityas are my devotees — how, O gods, could they be slain by me? You who know dharma should yourselves consider this rightly."

Verse 7 (shiva.rudra.141.7)

तावत्ते नैव हन्तव्या यावद्भक्तिकृतश्च मे । तथापि विष्णवे देवा निवेद्यं कारणं त्विदम्

tāvatte naiva hantavyā yāvadbhaktikṛtaśca me tathāpi viṣṇave devā nivedyaṁ kāraṇaṁ tvidam

"They are not to be slain by me so long as they continue devoted to me. Even so, O gods, this matter should also be laid before Vishnu."

Verse 8 (shiva.rudra.141.8)

सनत्कुमार उवाच । इत्येवं तद्वचः श्रुत्वा देवाः शक्रपुरोगमाः । न्यवेदयन् द्रुतं सर्वे ब्रह्मणे प्रथमं मुने

sanatkumāra uvāca ityevaṁ tadvacaḥ śrutvā devāḥ śakrapurogamāḥ nyavedayan drutaṁ sarve brahmaṇe prathamaṁ mune

Sanatkumara said: Having heard these words, the gods headed by Indra, O sage, swiftly reported it first to Brahma.

Verse 9 (shiva.rudra.141.9)

ततो विधिं पुरस्कृत्य सर्वे देवाः सवासवाः । वैकुण्ठं प्रययुः शीघ्रं सर्वे शोभासमन्वितम्

tato vidhiṁ puraskṛtya sarve devāḥ savāsavāḥ vaikuṇṭhaṁ prayayuḥ śīghraṁ sarve śobhāsamanvitam

Then, placing Vidhi at their head, all the gods together with Indra swiftly went to resplendent Vaikuntha.

Verse 10 (shiva.rudra.141.10)

तत्र गत्वा हरिं दृष्ट्वा प्रणेमुर्जातसम्भ्रमाः । तुष्टुवुश्च महाभक्त्या कृताञ्जलिपुटाः सुराः

tatra gatvā hariṁ dṛṣṭvā praṇemurjātasambhramāḥ tuṣṭuvuśca mahābhaktyā kṛtāñjalipuṭāḥ surāḥ

Arriving there and beholding Hari, they bowed to him in eager haste, and with joined palms praised him with great devotion.

Verse 11 (shiva.rudra.141.11)

स्वदुःखकारणं सर्वं पूर्ववत्तदनन्तरम् । न्यवेदयन्द्रुतं तस्मै विष्णवे प्रभविष्णवे

svaduḥkhakāraṇaṁ sarvaṁ pūrvavattadanantaram nyavedayandrutaṁ tasmai viṣṇave prabhaviṣṇave

As before, they swiftly reported to the mighty, all-pervading Vishnu the entire cause of their sorrow.

Verse 12 (shiva.rudra.141.12)

देवदुःखं ततः श्रुत्वा दत्तं च त्रिपुरालयैः । ज्ञात्वा व्रतं च तेषां तद्विष्णुर्वचनमब्रवीत्

devaduḥkhaṁ tataḥ śrutvā dattaṁ ca tripurālayaiḥ jñātvā vrataṁ ca teṣāṁ tadviṣṇurvacanamabravīt

Having heard the gods' distress and learned what the Tripura-dwellers had said, and understanding their vow, Vishnu spoke these words.

Verse 13 (shiva.rudra.141.13)

विष्णुरुवाच । इदं सत्यं वचश्चैव यत्र धर्मः सनातनः । तत्र दुःखं न जायेत सूर्ये दृष्टे यथा तमः

viṣṇuruvāca idaṁ satyaṁ vacaścaiva yatra dharmaḥ sanātanaḥ tatra duḥkhaṁ na jāyeta sūrye dṛṣṭe yathā tamaḥ

Vishnu said: "This is indeed a true saying: where eternal dharma abides, no sorrow can arise — just as darkness cannot remain when the sun appears."

Verse 14 (shiva.rudra.141.14)

सनत्कुमार उवाच । इत्येतद्वचनं श्रुत्वा देवा दुःखमुपागताः । पुनरूचुस्तथा विष्णुं परिम्लानमुखाम्बुजाः

sanatkumāra uvāca ityetadvacanaṁ śrutvā devā duḥkhamupāgatāḥ punarūcustathā viṣṇuṁ parimlānamukhāmbujāḥ

Sanatkumara said: Hearing these words, the gods, overcome with sorrow, their lotus-faces withered, spoke again to Vishnu.

Verse 15 (shiva.rudra.141.15)

देवा ऊचुः । कथं चैव प्रकर्त्तव्यं कथं दुःखं निरस्यते । कथं भवेम सुखिनः कथं स्थास्यामहे वयम्

devā ūcuḥ kathaṁ caiva prakarttavyaṁ kathaṁ duḥkhaṁ nirasyate kathaṁ bhavema sukhinaḥ kathaṁ sthāsyāmahe vayam

The gods said: "What then should be done? How is our sorrow to be removed? How shall we become happy, and how shall we endure?"

Verse 16 (shiva.rudra.141.16)

कथं धर्मा भविष्यन्ति त्रिपुरे जीविते सति । देवदुःखप्रदा नूनं सर्वे त्रिपुरवासिनः

kathaṁ dharmā bhaviṣyanti tripure jīvite sati devaduḥkhapradā nūnaṁ sarve tripuravāsinaḥ

"How can our dharma flourish while Tripura still lives? Surely all the dwellers of Tripura are the very cause of the gods' suffering."

Verse 17 (shiva.rudra.141.17)

किं वा ते त्रिपुरस्येह वधश्चैव विधीयताम् । नो चेदकालिकी देवसंहतिः क्रियतां ध्रुवम्

kiṁ vā te tripurasyeha vadhaścaiva vidhīyatām no cedakālikī devasaṁhatiḥ kriyatāṁ dhruvam

"Either let the slaying of Tripura be ordained, or else let our own untimely destruction be surely brought about."

Verse 18 (shiva.rudra.141.18)

सनत्कुमार उवाच । इत्युक्त्वा ते तदा देवा दुःखं कृत्वा पुनः पुनः । स्थितिं नैव गतिं ते वै चक्रुर्देववरादिह

sanatkumāra uvāca ityuktvā te tadā devā duḥkhaṁ kṛtvā punaḥ punaḥ sthitiṁ naiva gatiṁ te vai cakrurdevavarādiha

Sanatkumara said: Having said this, the gods, lamenting again and again, found neither rest nor any way forward, bound as they were by the boon.

Verse 19 (shiva.rudra.141.19)

तान्वै तथाविधान्दृष्ट्वा हीनान्विनयसंयुतान् । सोऽपि नारायणः श्रीमांश्चिन्तयंश्चेतसा तथा

tānvai tathāvidhāndṛṣṭvā hīnānvinayasaṁyutān so'pi nārāyaṇaḥ śrīmāṁścintayaṁścetasā tathā

Seeing them thus, so wretched yet full of humility, glorious Narayana himself reflected within his mind.

Verse 20 (shiva.rudra.141.20)

किं कार्यं देवकार्येषु मया देवसहायिना । शिवभक्तास्तु ते दैत्यास्तारकस्य सुता इति

kiṁ kāryaṁ devakāryeṣu mayā devasahāyinā śivabhaktāstu te daityāstārakasya sutā iti

"What indeed can I, the helper of the gods, do in this matter? For those daityas, sons of Taraka, are truly devotees of Shiva."

Verse 21 (shiva.rudra.141.21)

इति सञ्चिन्त्य तत्काले विष्णुना प्रभविष्णुना । ततो यज्ञाः स्मृतास्तेन देवकार्यार्थमक्षयाः

iti sañcintya tatkāle viṣṇunā prabhaviṣṇunā tato yajñāḥ smṛtāstena devakāryārthamakṣayāḥ

Reflecting thus, the all-powerful Vishnu then called to mind, for the sake of the gods' task, the imperishable Yajnas.

Verse 22 (shiva.rudra.141.22)

तद्विष्णुस्मृतिमात्रेण यज्ञास्ते तत्क्षणं द्रुतम् । आगतास्तत्र यत्रास्ते श्रीपतिः पुरुषोत्तमः

tadviṣṇusmṛtimātreṇa yajñāste tatkṣaṇaṁ drutam āgatāstatra yatrāste śrīpatiḥ puruṣottamaḥ

By Vishnu's mere act of recollection, those Yajnas at once swiftly arrived where the Purushottama, lord of Shri, was present.

Verse 23 (shiva.rudra.141.23)

ततो विष्णुं यज्ञपतिं पुराणं पुरुषं हरिम् । प्रणम्य तुष्टुवुस्ते वै कृताञ्जलिपुटास्तदा

tato viṣṇuṁ yajñapatiṁ purāṇaṁ puruṣaṁ harim praṇamya tuṣṭuvuste vai kṛtāñjalipuṭāstadā

Then, bowing to Vishnu, lord of sacrifice, the ancient Purusha, they praised him with joined palms.

Verse 24 (shiva.rudra.141.24)

भगवानपि तान्दृष्ट्वा यज्ञान्प्राह सनातनान् । सनातनस्तदा सेन्द्रान्देवानालोक्य चाच्युतः

bhagavānapi tāndṛṣṭvā yajñānprāha sanātanān sanātanastadā sendrāndevānālokya cācyutaḥ

The Lord too, seeing those eternal Yajnas and looking upon the gods together with Indra, spoke to them.

Verse 25 (shiva.rudra.141.25)

विष्णुरुवाच । अनेनैव सदा देवा यजध्वं परमेश्वरम् । पुरत्रयविनाशाय जगत्त्रयविभूतये

viṣṇuruvāca anenaiva sadā devā yajadhvaṁ parameśvaram puratrayavināśāya jagattrayavibhūtaye

Vishnu said: "By this very rite, O gods, ever worship the supreme Lord, for the destruction of the three cities and the glory of the three worlds."

Verse 26 (shiva.rudra.141.26)

सनत्कुमार उवाच । अच्युतस्य वचः श्रुत्वा देवदेवस्य धीमतः । प्रेम्णा ते प्रणतिं कृत्वा यज्ञेशं तेऽस्तुवन्सुराः

sanatkumāra uvāca acyutasya vacaḥ śrutvā devadevasya dhīmataḥ premṇā te praṇatiṁ kṛtvā yajñeśaṁ te'stuvansurāḥ

Sanatkumara said: Hearing the words of wise Achyuta, god of gods, the gods, bowing to him with love, praised the lord of sacrifice.

Verse 27 (shiva.rudra.141.27)

एवं स्तुत्वा ततो देवा अयजन्यज्ञपूरुषम् । यज्ञोक्तेन विधानेन सम्पूर्णविधयो मुने

evaṁ stutvā tato devā ayajanyajñapūruṣam yajñoktena vidhānena sampūrṇavidhayo mune

Having thus praised him, O sage, the gods then worshipped the Purusha of sacrifice, performing every rite according to the prescribed ordinance.

Verse 28 (shiva.rudra.141.28)

ततस्तस्माद्यज्ञकुण्डात्समुत्पेतुः सहस्रशः । भूतसङ्घा महाकायाः शूलशक्तिगदायुधाः

tatastasmādyajñakuṇḍātsamutpetuḥ sahasraśaḥ bhūtasaṅghā mahākāyāḥ śūlaśaktigadāyudhāḥ

Then from that sacrificial pit there sprang up, by the thousands, hosts of huge Bhutas armed with tridents, spears, and maces.

Verse 29 (shiva.rudra.141.29)

ददृशुस्ते सुरास्तान् वै भूतसङ्घान् सहस्रशः । शूलशक्तिगदाहस्तान्दण्डचापशिलायुधान्

dadṛśuste surāstān vai bhūtasaṅghān sahasraśaḥ śūlaśaktigadāhastāndaṇḍacāpaśilāyudhān

The gods beheld those thousands of Bhutas — tridents, spears, and maces in hand, armed also with clubs, bows, and rocks.

Verse 30 (shiva.rudra.141.30)

नानाप्रहरणोपेतान् नानावेषधराँस्तथा । कालाग्निरुद्रसदृशान्कालसूर्योपमाँस्तदा

nānāpraharaṇopetān nānāveṣadharā~stathā kālāgnirudrasadṛśānkālasūryopamā~stadā

They were equipped with weapons of every kind, wearing every kind of garb, resembling Kalagni-Rudra, and like the sun at the time of dissolution.

Verse 31 (shiva.rudra.141.31)

दृष्ट्वा तानब्रवीद्विष्णुः प्रणिपत्य पुरःस्थितान् । भूतान्यज्ञपतिः श्रीमान् रुद्राज्ञाप्रतिपालकः

dṛṣṭvā tānabravīdviṣṇuḥ praṇipatya puraḥsthitān bhūtānyajñapatiḥ śrīmān rudrājñāpratipālakaḥ

Seeing them standing before him, glorious Vishnu, lord of sacrifice and upholder of Rudra's command, spoke to those Bhutas.

Verse 32 (shiva.rudra.141.32)

विष्णुरुवाच । भूताः शृणुत मद्वाक्यं देवकार्यार्थमुद्यताः । गच्छन्तु त्रिपुरं सद्यः सर्वे हि बलवत्तराः

viṣṇuruvāca bhūtāḥ śṛṇuta madvākyaṁ devakāryārthamudyatāḥ gacchantu tripuraṁ sadyaḥ sarve hi balavattarāḥ

Vishnu said: "O Bhutas, hear my words, you who stand ready for the task of the gods. Let all of you, most mighty ones, go at once to Tripura."

Verse 33 (shiva.rudra.141.33)

गत्वा दग्ध्वा च भित्त्वा च भङ्क्त्वा दैत्यपुरत्रयम् । पुनर्यथागता भूतागन्तुमर्हथ भूतये

gatvā dagdhvā ca bhittvā ca bhaṅktvā daityapuratrayam punaryathāgatā bhūtāgantumarhatha bhūtaye

"Having gone, burnt, breached, and broken the three cities of the daityas, return again, O Bhutas, just as you came."

Verse 34 (shiva.rudra.141.34)

सनत्कुमार उवाच । तच्छ्रुत्वा भगवद्वाक्यं ततो भूतगणाश्च ते । प्रणम्य देवदेवं तं ययुर्दैत्यपुरत्रयम्

sanatkumāra uvāca tacchrutvā bhagavadvākyaṁ tato bhūtagaṇāśca te praṇamya devadevaṁ taṁ yayurdaityapuratrayam

Sanatkumara said: Hearing the Lord's command, those hosts of Bhutas, bowing to that god of gods, went to the three cities of the daityas.

Verse 35 (shiva.rudra.141.35)

गत्वा तत्प्रविशन्तश्च त्रिपुराधिपतेजसि । भस्मसादभवन्सद्यः शलभा इव पावके

gatvā tatpraviśantaśca tripurādhipatejasi bhasmasādabhavansadyaḥ śalabhā iva pāvake

But going there, as soon as they entered into the radiant power of the lord of Tripura, they were instantly reduced to ashes, like moths in a flame.

Verse 36 (shiva.rudra.141.36)

अवशिष्टाश्च ये केचित्पलायनपरायणाः । निस्सृत्यारं समायाता हरेर्निकटमाकुलाः

avaśiṣṭāśca ye kecitpalāyanaparāyaṇāḥ nissṛtyāraṁ samāyātā harernikaṭamākulāḥ

Whatever few remained, intent only on flight, fled forth and came back in distress to the presence of Hari.

Verse 37 (shiva.rudra.141.37)

तान्दृष्ट्वा स हरिः श्रुत्वा तच्च वृत्तमशेषतः । चिन्तयामास भगवान्मनसा पुरुषोत्तमः

tāndṛṣṭvā sa hariḥ śrutvā tacca vṛttamaśeṣataḥ cintayāmāsa bhagavānmanasā puruṣottamaḥ

Seeing them, and hearing the entire account of what had happened, the Lord Purushottama pondered within his mind.

Verse 38 (shiva.rudra.141.38)

किं कृत्यमधुना कार्यमिति सन्तप्तमानसः । सन्तप्तानमरान्सर्वानाज्ञाय च सवासवान्

kiṁ kṛtyamadhunā kāryamiti santaptamānasaḥ santaptānamarānsarvānājñāya ca savāsavān

"What now is to be done?" — with a troubled mind, and knowing that all the gods, together with Indra, were themselves in torment,

Verse 39 (shiva.rudra.141.39)

कथं तेषां च दैत्यानां बलाद्धत्वा पुरत्रयम् । देवकार्यं करिष्यामीत्यासीच्चिन्तासमाकुलः

kathaṁ teṣāṁ ca daityānāṁ balāddhatvā puratrayam devakāryaṁ kariṣyāmītyāsīccintāsamākulaḥ

"how, without forcibly destroying the three cities of those daityas, shall I accomplish the task of the gods?" — thus he was overwhelmed with anxious thought.

Verse 40 (shiva.rudra.141.40)

नाशोऽभिचारतो नास्ति धर्मिष्ठानां न संशयः । इति प्राह स्वयं चेशः श्रुत्याचारप्रमाणकृत्

nāśo'bhicārato nāsti dharmiṣṭhānāṁ na saṁśayaḥ iti prāha svayaṁ ceśaḥ śrutyācārapramāṇakṛt

"There is, without doubt, no destruction by hostile rites for those established in dharma" — thus the Lord himself, upholder of scriptural conduct, declared.

Verse 41 (shiva.rudra.141.41)

दैत्याश्च ते हि धर्मिष्ठाःसर्वे त्रिपुरवासिनः । तस्मादवध्यतां प्राप्ता नान्यथासुरपुङ्गवाः

daityāśca te hi dharmiṣṭhāḥsarve tripuravāsinaḥ tasmādavadhyatāṁ prāptā nānyathāsurapuṅgavāḥ

"Those daityas, all the dwellers of Tripura, are indeed righteous; therefore those foremost of asuras have attained inviolability, and by no other means."

Verse 42 (shiva.rudra.141.42)

कृत्वा तु सुमहत्पापं रुद्रमभ्यर्चयन्ति ते । मुच्यन्ते पातकैः सर्वैः पद्मपत्रमिवाम्भसा

kṛtvā tu sumahatpāpaṁ rudramabhyarcayanti te mucyante pātakaiḥ sarvaiḥ padmapatramivāmbhasā

"Even after committing the gravest sin, when they worship Rudra they are freed from all sin, as a lotus leaf remains untouched by water."

Verse 43 (shiva.rudra.141.43)

रुद्राभ्यर्चनतो देवाः सर्वे कामा भवन्ति हि । नानोपभोगसम्पत्तिर्वश्यतां याति वै भुवि

rudrābhyarcanato devāḥ sarve kāmā bhavanti hi nānopabhogasampattirvaśyatāṁ yāti vai bhuvi

"Through the worship of Rudra all desires are indeed fulfilled; manifold enjoyments and prosperity come under one's control on this earth."

Verse 44 (shiva.rudra.141.44)

तस्मात्तद्भोगिनो दैत्या लिङ्गार्चनपरायणाः । अनेकविधसम्पत्तेर्मोक्षस्यापि परत्र च

tasmāttadbhogino daityā liṅgārcanaparāyaṇāḥ anekavidhasampattermokṣasyāpi paratra ca

"Therefore those daityas, enjoying such fortune and devoted to the worship of the linga, partake of manifold prosperity here, and of liberation hereafter."

Verse 45 (shiva.rudra.141.45)

ततः कृत्वा धर्मविघ्नं तेषामेवात्ममायया । दैत्यानां देवकार्यार्थं हरिष्ये त्रिपुरं क्षणात्

tataḥ kṛtvā dharmavighnaṁ teṣāmevātmamāyayā daityānāṁ devakāryārthaṁ hariṣye tripuraṁ kṣaṇāt

"Therefore, having first created an obstacle to their very dharma through my own maya, I shall, for the sake of the gods' task, destroy Tripura in an instant."

Verse 46 (shiva.rudra.141.46)

विचार्येत्थं ततस्तेषां भगवान्पुरुषोत्तमः । कर्तुं व्यवस्थितः पश्चाद्धर्मविघ्नं सुरारिणाम्

vicāryetthaṁ tatasteṣāṁ bhagavānpuruṣottamaḥ kartuṁ vyavasthitaḥ paścāddharmavighnaṁ surāriṇām

Having thus reflected, the Lord Purushottama then resolved to create an obstacle to the dharma of those enemies of the gods.

Verse 47 (shiva.rudra.141.47)

यावच्च वेदधर्मास्तु यावद्वै शङ्करार्चनम् । यावच्च शुचिकृत्यानि तावन्नाशो भवेन्न हि

yāvacca vedadharmāstu yāvadvai śaṅkarārcanam yāvacca śucikṛtyāni tāvannāśo bhavenna hi

"So long as the Vedic dharmas remain, so long as the worship of Shankara continues, and so long as pure observances are kept, no destruction can occur."

Verse 48 (shiva.rudra.141.48)

तस्मादेवं प्रकर्तव्यं वेदधर्मस्ततो व्रजेत् । त्यक्तलिङ्गार्चना दैत्या भविष्यन्ति न संशयः

tasmādevaṁ prakartavyaṁ vedadharmastato vrajet tyaktaliṅgārcanā daityā bhaviṣyanti na saṁśayaḥ

"Therefore it must be so contrived that the Vedic dharma departs from them; then, without doubt, those daityas will abandon the worship of the linga."

Verse 49 (shiva.rudra.141.49)

इति निश्चित्य वै विष्णुर्विघ्नार्थमकरोत्तदा । तेषां धर्मस्य दैत्यानामुपायं श्रुतिखण्डनम्

iti niścitya vai viṣṇurvighnārthamakarottadā teṣāṁ dharmasya daityānāmupāyaṁ śrutikhaṇḍanam

Having thus resolved, Vishnu then devised, to obstruct the dharma of those daityas, a means — the undermining of their scriptural observance.

Verse 50 (shiva.rudra.141.50)

तदैवोवाच देवान्स विष्णुर्देवसहायकृत् । शिवाज्ञया शिवेनैवाज्ञप्तस्त्रैलोक्यरक्षणे

tadaivovāca devānsa viṣṇurdevasahāyakṛt śivājñayā śivenaivājñaptastrailokyarakṣaṇe

Then Vishnu, the helper of the gods, commanded by Shiva's own order for the protection of the three worlds, spoke to the gods.

Verse 51 (shiva.rudra.141.51)

विष्णुरुवाच । हे देवाः सकला यूयं गच्छत स्वगृहान्ध्रुवम् । देवकार्यं करिष्यामि यथामति न संशयः

viṣṇuruvāca he devāḥ sakalā yūyaṁ gacchata svagṛhāndhruvam devakāryaṁ kariṣyāmi yathāmati na saṁśayaḥ

Vishnu said: "O gods, all of you, go now surely to your own abodes; I shall accomplish the task of the gods according to my own judgment, without doubt."

Verse 52 (shiva.rudra.141.52)

तान्रुद्राद्विमुखान्नूनं करिष्यामि सुयत्नतः । स्वभक्तिरहितान् ज्ञात्वा तान्करिष्यामि भस्मसात्

tānrudrādvimukhānnūnaṁ kariṣyāmi suyatnataḥ svabhaktirahitān jñātvā tānkariṣyāmi bhasmasāt

"I shall surely, through careful effort, turn them away from Rudra; and once I know them devoid of devotion to him, I shall reduce them to ashes."

Verse 53 (shiva.rudra.141.53)

सनत्कुमार उवाच । तदाज्ञां शिरसाधायश्वासितास्तेऽमरा मुने । स्वस्वधामानि विश्वस्ता ययुः परममोदिताः

sanatkumāra uvāca tadājñāṁ śirasādhāyaśvāsitāste'marā mune svasvadhāmāni viśvastā yayuḥ paramamoditāḥ

Sanatkumara said: Bearing that command upon their heads, and thus reassured, O sage, the gods, trusting him, went to their own abodes, greatly delighted.

Verse 54 (shiva.rudra.141.54)

ततश्चैवाकरोद्विष्णुर्देवार्थं हितमुत्तमम् । तदेव श्रूयतां सम्यक्सर्वपापप्रणाशनम्

tataścaivākarodviṣṇurdevārthaṁ hitamuttamam tadeva śrūyatāṁ samyaksarvapāpapraṇāśanam

Then Vishnu accomplished the highest good for the sake of the gods; hear now that very account, which fully destroys every sin.