The Slaying of Jalandhara

Verse 1 (shiva.rudra.162.1)

व्यास उवाच । विधेः श्रेष्ठसुत प्राज्ञः कथेयं श्राविताद्भुता । ततश्च किमभूदाजौ कथं दैत्यो हतो वद

vyāsa uvāca vidheḥ śreṣṭhasuta prājñaḥ katheyaṁ śrāvitādbhutā tataśca kimabhūdājau kathaṁ daityo hato vada

Vyasa said: "O wise, foremost son of Brahma, you have told me this wondrous tale; now tell me what happened next in the battle, and how the daitya was slain."

Verse 2 (shiva.rudra.162.2)

सनत्कुमार उवाच । अदृश्य गिरिजां तत्र दैत्येन्द्रे रणमागते । गान्धर्वे च विलीने हि चैतन्योऽभूद्वृषध्वजः

sanatkumāra uvāca adṛśya girijāṁ tatra daityendre raṇamāgate gāndharve ca vilīne hi caitanyo'bhūdvṛṣadhvajaḥ

Sanatkumara said: "There, when Girija had vanished from sight, and the lord of daityas had come for battle, and the gandharva-illusion had dissolved, the bull-bannered one regained his consciousness."

Verse 3 (shiva.rudra.162.3)

अन्तर्धानगतां मायां दृष्ट्वा बुद्धो हि शङ्करः । चुक्रोधातीव संहारी लौकिकीं गतिमाश्रितः

antardhānagatāṁ māyāṁ dṛṣṭvā buddho hi śaṅkaraḥ cukrodhātīva saṁhārī laukikīṁ gatimāśritaḥ

Shankara, now awakened, seeing that the maya had vanished, taking on a worldly demeanor, the destroyer, grew exceedingly wrathful.

Verse 4 (shiva.rudra.162.4)

ततः शिवो विस्मितमानसः पुन- र्जगाम युद्धाय जलन्धरं रुषा । स चापि दैत्यः पुनरागतं शिवं दृष्ट्वा शरोघैःसमवाकिरद्रणे

tataḥ śivo vismitamānasaḥ puna- rjagāma yuddhāya jalandharaṁ ruṣā sa cāpi daityaḥ punarāgataṁ śivaṁ dṛṣṭvā śaroghaiḥsamavākiradraṇe

Then Shiva, his mind astonished, in fury went again to battle Jalandhara; and that daitya too, seeing Shiva returned, showered him with floods of arrows in the fight.

Verse 5 (shiva.rudra.162.5)

क्षिप्तं प्रभुस्तं शरजालमुग्रं जलन्धरेणातिबलीयसा हरः । द्रुतं प्रचिच्छेदशरैर्वरैर्निजै- र्न चित्रमत्र त्रिभवप्रहन्तुः

kṣiptaṁ prabhustaṁ śarajālamugraṁ jalandhareṇātibalīyasā haraḥ drutaṁ pracicchedaśarairvarairnijai- rna citramatra tribhavaprahantuḥ

That terrible net of arrows, hurled by the exceedingly mighty Jalandhara, Lord Hara swiftly cut apart with his own excellent arrows — no wonder, indeed, for the destroyer of the three states of being.

Verse 6 (shiva.rudra.162.6)

ततो जलन्धरो दृष्ट्वा रुद्रमद्भुतविक्रमम् । चकार मायया गौरीं त्र्यम्बकं मोहयन्निव

tato jalandharo dṛṣṭvā rudramadbhutavikramam cakāra māyayā gaurīṁ tryambakaṁ mohayanniva

Then Jalandhara, seeing Rudra's wondrous prowess, by his maya conjured a vision of Gauri, as if to bewilder the three-eyed one.

Verse 7 (shiva.rudra.162.7)

रथोपरि गतां बद्धां रुदन्तीं पार्वतीं शिवः । निशुम्भशुम्भदैत्यैश्च वध्यमानां ददर्श सः

rathopari gatāṁ baddhāṁ rudantīṁ pārvatīṁ śivaḥ niśumbhaśumbhadaityaiśca vadhyamānāṁ dadarśa saḥ

Shiva then saw what appeared to be Parvati, bound, weeping, mounted upon a chariot, being assailed by the daityas Nishumbha and Shumbha.

Verse 8 (shiva.rudra.162.8)

गौरीं तथाविधां दृष्ट्वा लौकिकीं दर्शयन् गतिम् । बभूव प्राकृत इव शिवोऽप्युद्विग्नमानसः

gaurīṁ tathāvidhāṁ dṛṣṭvā laukikīṁ darśayan gatim babhūva prākṛta iva śivo'pyudvignamānasaḥ

Seeing Gauri in that state, and showing a worldly response, even Shiva became, as it were, an ordinary being, his mind agitated.

Verse 9 (shiva.rudra.162.9)

अवाङ्मुखस्थितस्तूष्णीं नानालीलाविशारदः । शिथिलाङ्गो विषण्णात्मा विस्मृत्य स्वपराक्रमम्

avāṅmukhasthitastūṣṇīṁ nānālīlāviśāradaḥ śithilāṅgo viṣaṇṇātmā vismṛtya svaparākramam

He who is skilled in every kind of divine play stood silent, his face cast down, his limbs slack, his heart despondent, forgetting his own might.

Verse 10 (shiva.rudra.162.10)

ततो जलन्धरो वेगात् त्रिभिर्विव्याध सायकैः । आपुङ्खमग्नैस्तं रुद्रं शिरस्युरसि चोदरे

tato jalandharo vegāt tribhirvivyādha sāyakaiḥ āpuṅkhamagnaistaṁ rudraṁ śirasyurasi codare

Then Jalandhara, with speed, pierced Rudra with three arrows sunk feather-deep, in the head, the chest, and the belly.

Verse 11 (shiva.rudra.162.11)

ततो रुद्रो महालीलो ज्ञाततत्त्वः क्षणात्प्रभुः । रौद्ररूपधरो जातो ज्वालामालातिभीषणः

tato rudro mahālīlo jñātatattvaḥ kṣaṇātprabhuḥ raudrarūpadharo jāto jvālāmālātibhīṣaṇaḥ

Then Rudra, the great player, the lord, in an instant recognizing the deception, took on his terrible form, exceedingly fearsome with garlands of flame.

Verse 12 (shiva.rudra.162.12)

तस्यातीव महारौद्ररूपं दृष्ट्वा महासुराः । न शेकुः प्रमुखे स्थातुं भेजिरे ते दिशो दश

tasyātīva mahāraudrarūpaṁ dṛṣṭvā mahāsurāḥ na śekuḥ pramukhe sthātuṁ bhejire te diśo daśa

Seeing his exceedingly terrible, great form, the great asuras could not stand before him, and fled in all ten directions.

Verse 13 (shiva.rudra.162.13)

निशुम्भशुम्भावपि यौ विख्यातौ वीरसत्तमौ । अपि तौ शेकतुर्नैव रणे स्थातुं मुनीश्वर

niśumbhaśumbhāvapi yau vikhyātau vīrasattamau api tau śekaturnaiva raṇe sthātuṁ munīśvara

O lord of sages, even Nishumbha and Shumbha, those two renowned and foremost heroes, could not stand their ground in that battle either.

Verse 14 (shiva.rudra.162.14)

जलन्धरकृता मायान्तर्हिताभूच्च तत्क्षणम् । हाहाकारो महानासीत्सङ्ग्रामे सर्वतोमुखे

jalandharakṛtā māyāntarhitābhūcca tatkṣaṇam hāhākāro mahānāsītsaṅgrāme sarvatomukhe

The illusion wrought by Jalandhara vanished that very instant, and a great cry of lamentation arose on every side of the battlefield.

Verse 15 (shiva.rudra.162.15)

ततः शापं ददौ रुद्रस्तयोः शुम्भनिशुम्भयोः । पलायमानौ तौ दृष्ट्वा धिक्कृत्य क्रोधसंयुतः

tataḥ śāpaṁ dadau rudrastayoḥ śumbhaniśumbhayoḥ palāyamānau tau dṛṣṭvā dhikkṛtya krodhasaṁyutaḥ

Then Rudra, seeing those two, Shumbha and Nishumbha, fleeing, reproached them in fury and pronounced a curse upon them.

Verse 16 (shiva.rudra.162.16)

रुद्र उवाच । युवां दुष्टावतिखलावपराधकरौ मम । पार्वतीदण्डदातारौ रणादस्मात्पराङ्मुखौ

rudra uvāca yuvāṁ duṣṭāvatikhalāvaparādhakarau mama pārvatīdaṇḍadātārau raṇādasmātparāṅmukhau

Rudra said: "You two, wicked and exceedingly vile, offenders against me, who inflicted torment on Parvati — you now turn your backs on this battle."

Verse 17 (shiva.rudra.162.17)

पराङ्मुखो न हन्तव्य इति वध्यौ न मे युवाम् । मम युद्धादतिक्रान्तौ गौर्य्या वध्यौ भविष्यतः

parāṅmukho na hantavya iti vadhyau na me yuvām mama yuddhādatikrāntau gauryyā vadhyau bhaviṣyataḥ

"One who has turned his back is not to be slain — for this reason you two shall not be slain by me. But, having fled from my battle, you shall become fit to be slain by Gauri."

Verse 18 (shiva.rudra.162.18)

एवं वदति गौरीशे सिन्धुपुत्रो जलन्धरः । चुक्रोधातीव रुद्राय ज्वलज्ज्वलनसन्निभः

evaṁ vadati gaurīśe sindhuputro jalandharaḥ cukrodhātīva rudrāya jvalajjvalanasannibhaḥ

While the lord of Gauri was speaking thus, the son of the ocean, Jalandhara, blazing like fire, grew exceedingly wrathful against Rudra.

Verse 19 (shiva.rudra.162.19)

रुद्रे रणे महावेगाद्ववर्ष निशितान् शरान् । बाणान्धकारसञ्छन्नं तथा भूमितलं ह्यभूत्

rudre raṇe mahāvegādvavarṣa niśitān śarān bāṇāndhakārasañchannaṁ tathā bhūmitalaṁ hyabhūt

With the greatest speed he rained sharp arrows upon Rudra in battle, so that the surface of the earth became covered in a darkness of arrows.

Verse 20 (shiva.rudra.162.20)

यावद् रुद्रः प्रचिच्छेद तस्य बाणगणान् द्रुतम् । तावत्स परिघेणाशु जघान वृषभं बली

yāvad rudraḥ praciccheda tasya bāṇagaṇān drutam tāvatsa parigheṇāśu jaghāna vṛṣabhaṁ balī

Just as Rudra swiftly cut down his volleys of arrows, that mighty one at once struck Rudra's bull with his iron mace.

Verse 21 (shiva.rudra.162.21)

वृषस्तेन प्रहारेण परवृत्तो रणाङ्गणात् । रुद्रेण कृश्यमाणोऽपि न तस्थौ रणभूमिषु

vṛṣastena prahāreṇa paravṛtto raṇāṅgaṇāt rudreṇa kṛśyamāṇo'pi na tasthau raṇabhūmiṣu

By that blow the bull was driven back from the field of battle; though restrained by Rudra, he would not remain on the battlefield.

Verse 22 (shiva.rudra.162.22)

अथ लोके महारुद्रः स्वीयं तेजोऽतिदुःसहम् । दर्शयामास सर्वस्मै सत्यमेतन्मुनीश्वर

atha loke mahārudraḥ svīyaṁ tejo'tiduḥsaham darśayāmāsa sarvasmai satyametanmunīśvara

O lord of sages, then great Rudra revealed to the entire world his own splendor, unbearable to all — this is the truth.

Verse 23 (shiva.rudra.162.23)

ततः परमसङ्क्रुद्धो रुद्रो रौद्रवपुर्धरः । प्रलयानलवद् घोरो बभूव सहसा प्रभुः

tataḥ paramasaṅkruddho rudro raudravapurdharaḥ pralayānalavad ghoro babhūva sahasā prabhuḥ

Then Rudra, supremely enraged, taking on his terrible form, that Lord instantly became as fearsome as the fire of universal dissolution.

Verse 24 (shiva.rudra.162.24)

दृष्ट्वा पुरःस्थितं दैत्यं मेरुकूटमिव स्थितम् । अवध्यत्वमपि श्रुत्वाप्यन्यैरभ्युद्यतोऽभवत्

dṛṣṭvā puraḥsthitaṁ daityaṁ merukūṭamiva sthitam avadhyatvamapi śrutvāpyanyairabhyudyato'bhavat

Seeing the daitya standing before him like the peak of Mount Meru, and having heard too that he was unslayable by others, he prepared to act.

Verse 25 (shiva.rudra.162.25)

ब्रह्मणो वचनं रक्षन् रक्षको जगतां प्रभुः । हृदानुग्रहमातन्वंस्तद्वधाय मनो दधत्

brahmaṇo vacanaṁ rakṣan rakṣako jagatāṁ prabhuḥ hṛdānugrahamātanvaṁstadvadhāya mano dadhat

That Lord, protector of the worlds, upholding Brahma's word, extending grace in his heart even as he set his mind upon slaying him.

Verse 26 (shiva.rudra.162.26)

कोपं कृत्वा परं शूली पादाङ्गुष्ठेन लीलया । महाम्भसि चकाराशु रथाङ्गं रौद्रमद्भुतम्

kopaṁ kṛtvā paraṁ śūlī pādāṅguṣṭhena līlayā mahāmbhasi cakārāśu rathāṅgaṁ raudramadbhutam

Wielding great wrath, the trident-bearer, with a mere play of his toe, swiftly fashioned in the great waters a wondrous, terrible discus.

Verse 27 (shiva.rudra.162.27)

कृत्वार्णवाम्भसि शितं भगवान् रथाङ्गं स्मृत्वा जगत्त्रयमनेन हतं पुरारिः । दक्षान्धकान्तकपुरत्रययज्ञहन्ता लोकत्रयान्तककरः प्रहसन्नुवाच

kṛtvārṇavāmbhasi śitaṁ bhagavān rathāṅgaṁ smṛtvā jagattrayamanena hataṁ purāriḥ dakṣāndhakāntakapuratrayayajñahantā lokatrayāntakakaraḥ prahasannuvāca

Having fashioned that sharp discus in the ocean waters, the illustrious foe of Tripura, recalling that the three worlds had been oppressed by him — he who ended Daksha and Andhaka, who burned the triple city, who destroyed the sacrifice, the ender of the three worlds — smiling, spoke.

Verse 28 (shiva.rudra.162.28)

महारुद्र उवाच । पादेन निर्मितं चक्रं जलन्धर महाम्भसि । बलवान्यदि चोद्धर्त्तुं तिष्ठ योद्धुं न चान्यथा

mahārudra uvāca pādena nirmitaṁ cakraṁ jalandhara mahāmbhasi balavānyadi coddharttuṁ tiṣṭha yoddhuṁ na cānyathā

Maharudra said: "O Jalandhara, this discus was fashioned by my foot in the great ocean; if you are strong enough to lift it, then stand and fight — otherwise not."

Verse 29 (shiva.rudra.162.29)

सनत्कुमार उवाच । तस्य तद्वचनं श्रुत्वा क्रोधेनादीप्तलोचनः । प्रदहन्निव चक्षुर्भ्यां प्राहालोक्य स शङ्करम्

sanatkumāra uvāca tasya tadvacanaṁ śrutvā krodhenādīptalocanaḥ pradahanniva cakṣurbhyāṁ prāhālokya sa śaṅkaram

Sanatkumara said: "Hearing these words, his eyes blazing with rage, as if burning with his very gaze, he looked at Shankara and spoke."

Verse 30 (shiva.rudra.162.30)

जलन्धर उवाच । रेखामुद्धृत्य हत्वा च सगणं त्वां हि शङ्कर । हत्वा लोकान्सुरैः सार्धं स्वभागं गरुडो यथा

jalandhara uvāca rekhāmuddhṛtya hatvā ca sagaṇaṁ tvāṁ hi śaṅkara hatvā lokānsuraiḥ sārdhaṁ svabhāgaṁ garuḍo yathā

Jalandhara said: "O Shankara, lifting that mark, and slaying you together with your ganas, and slaying the worlds along with the gods — I shall claim my own share, as Garuda does."

Verse 31 (shiva.rudra.162.31)

हन्तुं चराचरं सर्वं समर्थोऽहं सवासवम् । को महेश्वर मद्बाणैरभेद्यो भुवनत्रये

hantuṁ carācaraṁ sarvaṁ samartho'haṁ savāsavam ko maheśvara madbāṇairabhedyo bhuvanatraye

"I am capable of slaying all that moves and is still, together with Vasava; O Maheshvara, who in the three worlds is impenetrable to my arrows?"

Verse 32 (shiva.rudra.162.32)

बालभावेन भगवान्तपसैव विनिर्जितः । ब्रह्मा बलिष्ठः स्थाने मे मुनिभिः सुरपुङ्गवैः

bālabhāvena bhagavāntapasaiva vinirjitaḥ brahmā baliṣṭhaḥ sthāne me munibhiḥ surapuṅgavaiḥ

"Even in my boyhood, by mere austerity, I conquered the illustrious ones; mighty Brahma stands in awe of me, along with sages and the foremost of gods."

Verse 33 (shiva.rudra.162.33)

दग्धं क्षणेन सकलं त्रैलोक्यं सचराचरम् । तपसा किं त्वया रुद्र निर्जितो भगवानपि

dagdhaṁ kṣaṇena sakalaṁ trailokyaṁ sacarācaram tapasā kiṁ tvayā rudra nirjito bhagavānapi

"In an instant I burned the entire three worlds, with all that moves and is still. What have you accomplished by austerity, O Rudra? Even the illustrious ones have I conquered."

Verse 34 (shiva.rudra.162.34)

इन्द्राग्नियमवित्तेशवायुवारीश्वरादयः । न सेहिरे यथा नागा गन्धं पक्षिपतेरिव

indrāgniyamavitteśavāyuvārīśvarādayaḥ na sehire yathā nāgā gandhaṁ pakṣipateriva

"Indra, Agni, Yama, the lord of wealth, Vayu, the lord of the waters, and the rest — they could not bear my presence, as serpents cannot bear the scent of the king of birds."

Verse 35 (shiva.rudra.162.35)

न लब्धं दिवि भूमौ च वाहनं मम शङ्कर । समस्तान्पर्वतान्प्राप्य धर्षिताश्च गणेश्वराः

na labdhaṁ divi bhūmau ca vāhanaṁ mama śaṅkara samastānparvatānprāpya dharṣitāśca gaṇeśvarāḥ

"O Shankara, neither in heaven nor on earth has any mount been found equal to mine; having overpowered all the mountains, I have humbled the lords of the ganas too."

Verse 36 (shiva.rudra.162.36)

गिरीन्द्रो मन्दरः श्रीमान्नीलो मेरुः सुशोभनः । धर्षितो बाहुदण्डेन कण्ड्वा उत्सर्पणाय मे

girīndro mandaraḥ śrīmānnīlo meruḥ suśobhanaḥ dharṣito bāhudaṇḍena kaṇḍvā utsarpaṇāya me

"Mount Mandara, the lord of mountains, glorious; Nila; and beautiful Meru — all have been assailed by the strength of my arm, merely to ease my itching."

Verse 37 (shiva.rudra.162.37)

गङ्गा निरुद्धा बाहुभ्यां लीलार्थं हिमवद्गिरौ । अरीणां मम भृत्यैश्च जयो लब्धो दिवौकसाम्

gaṅgā niruddhā bāhubhyāṁ līlārthaṁ himavadgirau arīṇāṁ mama bhṛtyaiśca jayo labdho divaukasām

"The Ganga I held back with my two arms upon the Himalaya, merely in sport; and my enemies, the dwellers of heaven, have been conquered by my servants."

Verse 38 (shiva.rudra.162.38)

वडवाया मुखं बद्धं गृहीत्वा तां करेण तु । तत्क्षणादेव सकलमेकार्णवमभूत्तदा

vaḍavāyā mukhaṁ baddhaṁ gṛhītvā tāṁ kareṇa tu tatkṣaṇādeva sakalamekārṇavamabhūttadā

"Seizing the submarine mare-fire with my hand, I bound its mouth; and in that very instant the whole world became a single ocean."

Verse 39 (shiva.rudra.162.39)

ऐरावतादयो नागाः क्षिप्ताः सिन्धुजलोपरि । सरथो भगवानिन्द्रः क्षिप्तश्च शतयोजनम्

airāvatādayo nāgāḥ kṣiptāḥ sindhujalopari saratho bhagavānindraḥ kṣiptaśca śatayojanam

"Airavata and the other elephants I hurled upon the ocean's waters; and the illustrious Indra, chariot and all, I flung a hundred yojanas away."

Verse 40 (shiva.rudra.162.40)

गरुडोऽपि मया बद्धो नागपाशेन विष्णुना । उर्वश्याद्या मयानीता नार्यः कारागृहान्तरम्

garuḍo'pi mayā baddho nāgapāśena viṣṇunā urvaśyādyā mayānītā nāryaḥ kārāgṛhāntaram

"Garuda too, together with Vishnu, I bound with the serpent-noose; and Urvashi and other women I have carried off into the prison house."

Verse 41 (shiva.rudra.162.41)

मां न जानासि रुद्र त्वं त्रैलोक्यजयकारिणम् । जलन्धरं महादैत्यं सिन्धुपुत्रं महाबलम्

māṁ na jānāsi rudra tvaṁ trailokyajayakāriṇam jalandharaṁ mahādaityaṁ sindhuputraṁ mahābalam

"You do not know me, O Rudra — me, the conqueror of the three worlds, the great daitya Jalandhara, the son of the ocean, of mighty strength."

Verse 42 (shiva.rudra.162.42)

सनत्कुमार उवाच । इत्युक्त्वाथ महादेवं तदा वारिधिनन्दनः । न चचाल न सस्मार निहतान्दानवान्युधि

sanatkumāra uvāca ityuktvātha mahādevaṁ tadā vāridhinandanaḥ na cacāla na sasmāra nihatāndānavānyudhi

Sanatkumara said: "Having spoken thus to Mahadeva, that son of the ocean did not waver, nor did he give any thought to the danavas already slain in battle."

Verse 43 (shiva.rudra.162.43)

दुर्मदेनाविनीतेन दोर्भ्यामास्फोट्य दोर्बलात् । तिरस्कृतो महादेवो वचनैः कटुकाक्षरैः

durmadenāvinītena dorbhyāmāsphoṭya dorbalāt tiraskṛto mahādevo vacanaiḥ kaṭukākṣaraiḥ

Insolent and ill-mannered, striking his two arms together in the pride of his strength, he insulted Mahadeva with harsh and bitter words.

Verse 44 (shiva.rudra.162.44)

तच्छ्रुत्वा दैत्यवचनममङ्गलमतीरितम् । विजहास महादेवः परमं क्रोधमादधे

tacchrutvā daityavacanamamaṅgalamatīritam vijahāsa mahādevaḥ paramaṁ krodhamādadhe

Hearing that daitya's inauspicious, unrestrained speech, Mahadeva laughed, even as he took on the greatest wrath.

Verse 45 (shiva.rudra.162.45)

सुदर्शनाख्यं यच्चक्रं पादाङ्गुष्ठविनिर्मितम् । जग्राह तत्करे रुद्रस्तेन हन्तुं समुद्यतः

sudarśanākhyaṁ yaccakraṁ pādāṅguṣṭhavinirmitam jagrāha tatkare rudrastena hantuṁ samudyataḥ

Rudra took up in his hand that discus named Sudarshana, fashioned by his own toe, and made ready to slay him with it.

Verse 46 (shiva.rudra.162.46)

सुदर्शनाख्यं तच्चक्रं चिक्षेप भगवान्हरः । कोटिसूर्यप्रतीकाशं प्रलयानलसन्निभम्

sudarśanākhyaṁ taccakraṁ cikṣepa bhagavānharaḥ koṭisūryapratīkāśaṁ pralayānalasannibham

The illustrious Hara hurled that discus named Sudarshana, resembling ten million suns, blazing like the fire of universal dissolution.

Verse 47 (shiva.rudra.162.47)

प्रदहद्रोदसी वेगात्तदासाद्य जलन्धरम् । जहार तच्छिरो वेगान्महदायतलोचनम्

pradahadrodasī vegāttadāsādya jalandharam jahāra tacchiro vegānmahadāyatalocanam

Burning heaven and earth with its speed, reaching Jalandhara, it swiftly carried off his head, with its great, wide eyes.

Verse 48 (shiva.rudra.162.48)

रथात्कायः पपातोर्व्यां नादयन्वसुधातलम् । शिरश्चाप्यब्धिपुत्रस्य हाहाकारो महानभूत्

rathātkāyaḥ papātorvyāṁ nādayanvasudhātalam śiraścāpyabdhiputrasya hāhākāro mahānabhūt

His body fell from the chariot to the earth, making the ground resound; and at the fall of the head of the son of the ocean, a great cry of lamentation arose.

Verse 49 (shiva.rudra.162.49)

द्विधा पपात तद्देहो ह्यञ्जनाद्रिरिवाचलः । कुलिशेन यथा वारान्निधौ गिरिवरो द्विधा

dvidhā papāta taddeho hyañjanādririvācalaḥ kuliśena yathā vārānnidhau girivaro dvidhā

His body fell split in two, like the mountain of collyrium; as a great mountain, once, was split in two in the ocean by the thunderbolt.

Verse 50 (shiva.rudra.162.50)

तस्य रौद्रेण रक्तेन सम्पूर्णमभवज्जगत् । ततःसमस्ता पृथिवी विकृताभून्मुनीश्वर

tasya raudreṇa raktena sampūrṇamabhavajjagat tataḥsamastā pṛthivī vikṛtābhūnmunīśvara

O lord of sages, the whole world became filled with his terrible blood; and then the entire earth became disfigured.

Verse 51 (shiva.rudra.162.51)

तद्रक्तमखिलं रुद्रनियोगान्मांसमेव च । महारौरवमासाद्य रक्तकुण्डमभूदिह

tadraktamakhilaṁ rudraniyogānmāṁsameva ca mahārauravamāsādya raktakuṇḍamabhūdiha

All that blood, and the flesh too, by Rudra's ordinance, gathering at Maharaurava, became here a pool of blood.

Verse 52 (shiva.rudra.162.52)

तत्तेजो निर्गतं देहाद् रुद्रे च लयमागमत् । वृन्दादेहोद्भवं यद्वद्गौर्य्यां हि विलयं गतम्

tattejo nirgataṁ dehād rudre ca layamāgamat vṛndādehodbhavaṁ yadvadgauryyāṁ hi vilayaṁ gatam

That radiance, departing from his body, merged into Rudra — just as the radiance born of Vrinda's body had merged into Gauri.

Verse 53 (shiva.rudra.162.53)

जलन्धरं हतं दृष्ट्वा देवगन्धर्वपन्नगाः । अभवन्सुप्रसन्नाश्च साधु देवेति चाब्रुवन्

jalandharaṁ hataṁ dṛṣṭvā devagandharvapannagāḥ abhavansuprasannāśca sādhu deveti cābruvan

Seeing Jalandhara slain, the gods, gandharvas, and serpents became greatly rejoiced, and cried out, "Well done, O Lord!"

Verse 54 (shiva.rudra.162.54)

सर्वे प्रसन्नतां याता देवसिद्धमुनीश्वराः । पुष्पवृष्टिं प्रकुर्वाणास्तद्यशो जगुरुच्चकैः

sarve prasannatāṁ yātā devasiddhamunīśvarāḥ puṣpavṛṣṭiṁ prakurvāṇāstadyaśo jaguruccakaiḥ

All the gods, siddhas, and lords of sages became joyful, raining down flowers, and sang his glory aloud.

Verse 55 (shiva.rudra.162.55)

देवाङ्गना महामोदान्ननृतुः प्रेमविह्वलाः । कलस्वराः कलपदं किन्नरैः सह सञ्जगुः

devāṅganā mahāmodānnanṛtuḥ premavihvalāḥ kalasvarāḥ kalapadaṁ kinnaraiḥ saha sañjaguḥ

The celestial women danced in great joy, overcome with love, and, sweet of voice, sang melodious songs together with the Kinnaras.

Verse 56 (shiva.rudra.162.56)

दिशः प्रसेदुः सर्वाश्च हते वृन्दापतौ मुने । ववुः पुण्याः सुखस्पर्शा वायवस्त्रिविधा अपि

diśaḥ praseduḥ sarvāśca hate vṛndāpatau mune vavuḥ puṇyāḥ sukhasparśā vāyavastrividhā api

O sage, at the death of Vrinda's husband, all the directions grew clear, and the threefold winds blew pure and pleasant to the touch.

Verse 57 (shiva.rudra.162.57)

चन्द्रमाः शीततां यातो रविस्तेपे सुतेजसा । अग्नयो जज्वलुः शान्ता बभूवाविकृतं नभः

candramāḥ śītatāṁ yāto ravistepe sutejasā agnayo jajvaluḥ śāntā babhūvāvikṛtaṁ nabhaḥ

The moon grew cool once more, the sun blazed with its full radiance, the fires burned calm and steady, and the sky became undisturbed.

Verse 58 (shiva.rudra.162.58)

एवं त्रैलोक्यमखिलं स्वास्थ्यमापाधिकं मुने । हतेऽब्धितनये तस्मिन्हरेणानन्तमूर्तिना

evaṁ trailokyamakhilaṁ svāsthyamāpādhikaṁ mune hate'bdhitanaye tasminhareṇānantamūrtinā

Thus, O sage, when that son of the ocean was slain by Hara of infinite form, the entire three worlds regained their fullest well-being.