The Breaking of Vrinda's Chastity and Her Death

Verse 1 (shiva.rudra.161.1)

व्यास उवाच । सनत्कुमार सर्वज्ञ वद त्वं वदतां वर । किमकार्षीद्धरिस्तत्र धर्मं तत्याज सा कथम्

vyāsa uvāca sanatkumāra sarvajña vada tvaṁ vadatāṁ vara kimakārṣīddharistatra dharmaṁ tatyāja sā katham

Vyasa said: "O all-knowing Sanatkumara, best of speakers, tell me — what did Hari do there, and how did she come to abandon her dharma?"

Verse 2 (shiva.rudra.161.2)

सनत्कुमार उवाच । विष्णुर्जालन्धरं गत्वा दैत्यस्य पुटभेदनम् । पातिव्रत्यस्य भङ्गाय वृन्दायाश्चाकरोन्मतिम्

sanatkumāra uvāca viṣṇurjālandharaṁ gatvā daityasya puṭabhedanam pātivratyasya bhaṅgāya vṛndāyāścākaronmatim

Sanatkumara said: "Vishnu, going to the city of Jalandhara, that daitya's capital, resolved upon breaking the chastity of Vrinda."

Verse 3 (shiva.rudra.161.3)

वृन्दां स दर्शयामास स्वप्नं मायाविनां वरः । स्वयं तन्नगरोद्यानमास्थितोऽद्भुतविग्रहः

vṛndāṁ sa darśayāmāsa svapnaṁ māyāvināṁ varaḥ svayaṁ tannagarodyānamāsthito'dbhutavigrahaḥ

That best of illusionists showed Vrinda a dream, while he himself, in a wondrous form, took his place in that city's garden.

Verse 4 (shiva.rudra.161.4)

अथ वृन्दा तदा देवी तत्पत्नी निशि सुव्रता । हरेर्मायाप्रभावात्तु दुस्स्वप्नं सा ददर्श ह

atha vṛndā tadā devī tatpatnī niśi suvratā harermāyāprabhāvāttu dussvapnaṁ sā dadarśa ha

Then Vrinda, that devoted lady, his wife, of good vows, by the power of Hari's maya, that night saw a terrible dream.

Verse 5 (shiva.rudra.161.5)

स्वप्नमध्ये हि सा विष्णुमायया प्रददर्श ह । भर्त्तारं महिषारूढं तैलाभ्यक्तं दिगम्बरम्

svapnamadhye hi sā viṣṇumāyayā pradadarśa ha bharttāraṁ mahiṣārūḍhaṁ tailābhyaktaṁ digambaram

In the midst of that dream, by Vishnu's maya, she beheld her husband mounted on a buffalo, smeared with oil, unclothed.

Verse 6 (shiva.rudra.161.6)

कृष्णप्रसूनभूषाढ्यं क्रव्यादगणसेवितम् । दक्षिणाशां गतं मुण्डं तमसा च वृतं तदा

kṛṣṇaprasūnabhūṣāḍhyaṁ kravyādagaṇasevitam dakṣiṇāśāṁ gataṁ muṇḍaṁ tamasā ca vṛtaṁ tadā

Adorned with dark flowers, attended by hosts of flesh-eating spirits, his head shaved, going toward the southern direction, enveloped in darkness.

Verse 7 (shiva.rudra.161.7)

स्वपुरं सागरे मग्नं सहसैवात्मना सह । इत्यादि बहुदुःस्वप्नान्निशान्ते सा ददर्श ह

svapuraṁ sāgare magnaṁ sahasaivātmanā saha ityādi bahuduḥsvapnānniśānte sā dadarśa ha

She saw her own city suddenly sinking into the ocean, together with herself; such were the many terrible dreams she beheld at the end of that night.

Verse 8 (shiva.rudra.161.8)

ततः प्रबुध्य सा बाला तं स्वप्नं स्वं विचिन्वती । ददर्शोदितमादित्यं सच्छिद्रं निष्प्रभं मुहुः

tataḥ prabudhya sā bālā taṁ svapnaṁ svaṁ vicinvatī dadarśoditamādityaṁ sacchidraṁ niṣprabhaṁ muhuḥ

Then, awakening, that young woman, pondering her own dream, again and again saw the risen sun as if pierced with holes and without radiance.

Verse 9 (shiva.rudra.161.9)

तदनिष्टमिदं ज्ञात्वा रुदन्ती भयविह्वला । कुत्रचिन्नाप सा शर्म गोपुराट्टालभूमिषु

tadaniṣṭamidaṁ jñātvā rudantī bhayavihvalā kutracinnāpa sā śarma gopurāṭṭālabhūmiṣu

Knowing this to be an ill omen, weeping, overcome with fear, she found comfort nowhere, whether at the city-gates or upon the palace terraces.

Verse 10 (shiva.rudra.161.10)

ततःसखीद्वययुता नगरोद्यानमागमत् । तत्रापि सा गता बाला न प्राप कुत्रचित्सुखम्

tataḥsakhīdvayayutā nagarodyānamāgamat tatrāpi sā gatā bālā na prāpa kutracitsukham

Then, together with two companions, she came to the city garden; but even there that young woman found happiness nowhere.

Verse 11 (shiva.rudra.161.11)

ततो जलन्धरस्त्री सा निर्विण्णोद्विग्नमानसा । वनाद्वनान्तरं याता नैव वेदात्मना तदा

tato jalandharastrī sā nirviṇṇodvignamānasā vanādvanāntaraṁ yātā naiva vedātmanā tadā

Then Jalandhara's wife, dejected, her mind agitated, wandered from one forest to another, no longer even aware of herself.

Verse 12 (shiva.rudra.161.12)

भ्रमती सा ततो बाला ददर्शातीव भीषणौ । राक्षसौ सिंहवदनौ दृष्ट्वा दशनभासुरौ

bhramatī sā tato bālā dadarśātīva bhīṣaṇau rākṣasau siṁhavadanau dṛṣṭvā daśanabhāsurau

Wandering thus, that young woman then saw two exceedingly terrifying rakshasas, lion-faced, their teeth gleaming.

Verse 13 (shiva.rudra.161.13)

तौ दृष्ट्वा विह्वलातीव पलायनपरा तदा । ददर्श तापसं शान्तं सशिष्यं मौनमास्थितम्

tau dṛṣṭvā vihvalātīva palāyanaparā tadā dadarśa tāpasaṁ śāntaṁ saśiṣyaṁ maunamāsthitam

Seeing them, utterly overcome, intent on flight, she then saw a calm ascetic, seated in silence together with his disciple.

Verse 14 (shiva.rudra.161.14)

ततस्तत्कण्ठमासाद्य निजां बाहुलतां भयात् । मुने मां रक्ष शरणमागतास्मीत्यभाषत

tatastatkaṇṭhamāsādya nijāṁ bāhulatāṁ bhayāt mune māṁ rakṣa śaraṇamāgatāsmītyabhāṣata

Then, in her fear, throwing her own arms around his neck, she said: "O sage, protect me — I have come for refuge."

Verse 15 (shiva.rudra.161.15)

मुनिस्तां विह्वलां दृष्ट्वा राक्षसानुगतां तदा । हुङ्कारेणैव तौ घोरौ चकार विमुखौ द्रुतम्

munistāṁ vihvalāṁ dṛṣṭvā rākṣasānugatāṁ tadā huṅkāreṇaiva tau ghorau cakāra vimukhau drutam

The sage, seeing her thus distraught and pursued by the rakshasas, with a mere hum swiftly turned those two terrible ones away.

Verse 16 (shiva.rudra.161.16)

तद् हुङ्कारभयत्रस्तौ दृष्ट्वा तौ विमुखौ गतौ । विस्मितातीव दैत्येन्द्रपत्नी साभून्मुने हृदि

tad huṅkārabhayatrastau dṛṣṭvā tau vimukhau gatau vismitātīva daityendrapatnī sābhūnmune hṛdi

Seeing those two turn away, terrified by that hum, the wife of the lord of daityas was, O sage, exceedingly astonished at heart.

Verse 17 (shiva.rudra.161.17)

ततस्सा मुनिनाथं तं भयान्मुक्ता कृताञ्जलिः । प्रणम्य दण्डवद्भूमौ वृन्दा वचनमब्रवीत्

tatassā munināthaṁ taṁ bhayānmuktā kṛtāñjaliḥ praṇamya daṇḍavadbhūmau vṛndā vacanamabravīt

Then, freed from fear, Vrinda, with joined hands, bowing prostrate on the ground to that lord of sages, spoke these words.

Verse 18 (shiva.rudra.161.18)

वृन्दोवाच । मुनिनाथ दयासिन्धो परपीडानिवारक । रक्षिताहं त्वया घोराद्भयादस्मात्खलोद्भवात्

vṛndovāca muninātha dayāsindho parapīḍānivāraka rakṣitāhaṁ tvayā ghorādbhayādasmātkhalodbhavāt

Vrinda said: "O lord of sages, ocean of compassion, remover of others' distress — I have been saved by you from this terrible fear born of the wicked."

Verse 19 (shiva.rudra.161.19)

समर्थः सर्वथा त्वं हि सर्वज्ञोऽपि कृपानिधे । किञ्चिद्विज्ञप्तुमिच्छामि कृपया तन्निशामय

samarthaḥ sarvathā tvaṁ hi sarvajño'pi kṛpānidhe kiñcidvijñaptumicchāmi kṛpayā tanniśāmaya

"You are wholly capable, and all-knowing too, O treasury of compassion; I wish to make a request — kindly hear it."

Verse 20 (shiva.rudra.161.20)

जलन्धरो हि मद्भर्त्ता रुद्रं योद्धुं गतः प्रभो । स तत्रास्ते कथं युद्धे तन्मे कथय सुव्रत

jalandharo hi madbharttā rudraṁ yoddhuṁ gataḥ prabho sa tatrāste kathaṁ yuddhe tanme kathaya suvrata

"O lord, my husband Jalandhara has gone to fight Rudra; O one of good vows, tell me how he fares there in battle."

Verse 21 (shiva.rudra.161.21)

सनत्कुमार उवाच । मुनिस्तद्वाक्यमाकर्ण्य मौनं कपटमास्थितः । कर्त्तुं स्वार्थं विधानज्ञः कृपयोर्ध्वमवैक्षत

sanatkumāra uvāca munistadvākyamākarṇya maunaṁ kapaṭamāsthitaḥ karttuṁ svārthaṁ vidhānajñaḥ kṛpayordhvamavaikṣata

Sanatkumara said: "The sage, hearing her words, maintained a deceptive silence; skilled in his design, to accomplish his own purpose, he glanced upward, feigning compassion."

Verse 22 (shiva.rudra.161.22)

तावत्कपीशावायातौ तं प्रणम्याग्रतः स्थितौ । ततस्तद्भ्रूलतासंज्ञानियुक्तौ गगनं गतौ

tāvatkapīśāvāyātau taṁ praṇamyāgrataḥ sthitau tatastadbhrūlatāsaṁjñāniyuktau gaganaṁ gatau

Just then two monkey-lords arrived, and, bowing to him, stood before him; then, directed by a sign of his eyebrow, they went into the sky.

Verse 23 (shiva.rudra.161.23)

नीत्वा क्षणार्द्धमागत्य पुनस्तस्याग्रतः स्थितौ । तस्यैव कं कबन्धं च हस्तावास्तां मुनीश्वर

nītvā kṣaṇārddhamāgatya punastasyāgrataḥ sthitau tasyaiva kaṁ kabandhaṁ ca hastāvāstāṁ munīśvara

O lord of sages, taking but half a moment, they returned and again stood before him, bearing in their hands his very head and headless trunk.

Verse 24 (shiva.rudra.161.24)

शिरः कबन्धं हस्तौ तौ दृष्ट्वाब्धितनयस्य सा । पपात मूर्च्छिता भूमौ भर्तृव्यसनदुःखिता

śiraḥ kabandhaṁ hastau tau dṛṣṭvābdhitanayasya sā papāta mūrcchitā bhūmau bhartṛvyasanaduḥkhitā

Seeing in their hands the head and headless trunk of the son of the ocean, she, stricken with grief at her husband's calamity, fell fainting to the ground.

Verse 25 (shiva.rudra.161.25)

वृन्दोवाच । यः पुरा सुखसंवादैर्विनोदयसि मां प्रभो । स कथं न वदस्यद्य वल्लभां मामनागसम्

vṛndovāca yaḥ purā sukhasaṁvādairvinodayasi māṁ prabho sa kathaṁ na vadasyadya vallabhāṁ māmanāgasam

Vrinda said: "O my lord, you who once delighted me with joyful conversation — why do you not speak to me today, your beloved, who am innocent?"

Verse 26 (shiva.rudra.161.26)

येन देवाः सगन्धर्वा निर्जिता विष्णुना सह । कथं स तापसेनाद्य त्रैलोक्यविजयी हतः

yena devāḥ sagandharvā nirjitā viṣṇunā saha kathaṁ sa tāpasenādya trailokyavijayī hataḥ

"He by whom the gods, with the gandharvas, and even Vishnu, were conquered — how has that conqueror of the three worlds today been slain by a mere ascetic?"

Verse 27 (shiva.rudra.161.27)

नाङ्गीकृतं हि मे वाक्यं रुद्रतत्त्वमजानता । परं ब्रह्म शिवश्चेति वदन्त्या दैत्यसत्तम

nāṅgīkṛtaṁ hi me vākyaṁ rudratattvamajānatā paraṁ brahma śivaśceti vadantyā daityasattama

"O best of daityas, you never accepted my words when I told you — not knowing the truth of Rudra — that Shiva is the supreme Brahman itself."

Verse 28 (shiva.rudra.161.28)

ततस्त्वं हि मया ज्ञातस्तव सेवाप्रभावतः । गर्वितेन त्वया नैव कुसङ्गवशगेन हि

tatastvaṁ hi mayā jñātastava sevāprabhāvataḥ garvitena tvayā naiva kusaṅgavaśagena hi

"Then, through my devoted service, I truly came to know you; yet you, proud and given over to evil company, never truly knew me."

Verse 29 (shiva.rudra.161.29)

इत्थं प्रभाष्य बहुधा स्वधर्मस्था च तत्प्रिया । विललाप विचित्रं सा हृदयेन विदूयता

itthaṁ prabhāṣya bahudhā svadharmasthā ca tatpriyā vilalāpa vicitraṁ sā hṛdayena vidūyatā

Having spoken thus in many ways, that devoted wife, steadfast in her own dharma, lamented piteously, her heart consumed with anguish.

Verse 30 (shiva.rudra.161.30)

ततःसा धैर्यमालम्ब्य दुःखोच्छ्वासान्विमुञ्चती । उवाच मुनिवर्यं तं सुप्रणम्य कृताञ्जलिः

tataḥsā dhairyamālambya duḥkhocchvāsānvimuñcatī uvāca munivaryaṁ taṁ supraṇamya kṛtāñjaliḥ

Then, taking hold of her courage, heaving sighs of sorrow, she addressed that excellent sage, bowing well with joined hands.

Verse 31 (shiva.rudra.161.31)

कृपानिधे मुनिश्रेष्ठ परोपकरणादर । मयि कृत्वा कृपां साधो जीवयैनं मम प्रभुम्

kṛpānidhe muniśreṣṭha paropakaraṇādara mayi kṛtvā kṛpāṁ sādho jīvayainaṁ mama prabhum

"O treasury of compassion, best of sages, honoring the good of others — O holy one, showing mercy upon me, restore my lord to life."

Verse 32 (shiva.rudra.161.32)

यत्त्वमस्य पुनः शक्तो जीवनाय मतो मम । अतः सञ्जीवयैनं मे प्राणनाथं मुनीश्वर

yattvamasya punaḥ śakto jīvanāya mato mama ataḥ sañjīvayainaṁ me prāṇanāthaṁ munīśvara

"I believe you are indeed capable of restoring him to life again; therefore, O lord of sages, revive this lord of my life."

Verse 33 (shiva.rudra.161.33)

सनत्कुमार उवाच । इत्युक्त्वा दैत्यपत्नी सा पतिव्रत्यपरायणा । पादयोः पतिता तस्य दुःखश्वासान् विमुञ्चती

sanatkumāra uvāca ityuktvā daityapatnī sā pativratyaparāyaṇā pādayoḥ patitā tasya duḥkhaśvāsān vimuñcatī

Sanatkumara said: "Having spoken thus, that wife of the daitya, devoted wholly to her chastity, fell at his feet, heaving sighs of sorrow."

Verse 34 (shiva.rudra.161.34)

मुनिरुवाच । नायं जीवयितुं शक्तो रुद्रेण निहतो युधि । रुद्रेण निहता युद्धे न जीवन्ति कदाचन

muniruvāca nāyaṁ jīvayituṁ śakto rudreṇa nihato yudhi rudreṇa nihatā yuddhe na jīvanti kadācana

The sage said: "This one cannot be restored to life, slain in battle by Rudra; those slain by Rudra in battle never live again."

Verse 35 (shiva.rudra.161.35)

तथापि कृपयाविष्ट एनं सञ्जीवयाम्यहम् । रक्ष्याः शरणगाश्चेति जानन्धर्मं सनातनम्

tathāpi kṛpayāviṣṭa enaṁ sañjīvayāmyaham rakṣyāḥ śaraṇagāśceti jānandharmaṁ sanātanam

"Even so, overcome with compassion, I shall revive him — knowing the eternal dharma that those who take refuge must be protected."

Verse 36 (shiva.rudra.161.36)

सनत्कुमार उवाच । इत्युक्त्वा स मुनिस्तस्या जीवयित्वा पतिं मुने । अन्तर्दधे ततो विष्णुः सर्वमायाविनां वरः

sanatkumāra uvāca ityuktvā sa munistasyā jīvayitvā patiṁ mune antardadhe tato viṣṇuḥ sarvamāyāvināṁ varaḥ

Sanatkumara said: "O sage, having spoken thus, that sage, having revived her husband, Vishnu, best of all wielders of maya, then vanished."

Verse 37 (shiva.rudra.161.37)

द्रुतं स जीवितस्तेनोत्थितः सागरनन्दनः । वृन्दामालिङ्ग्य तद्वक्त्रं चुचुम्ब प्रीतमानसः

drutaṁ sa jīvitastenotthitaḥ sāgaranandanaḥ vṛndāmāliṅgya tadvaktraṁ cucumba prītamānasaḥ

Swiftly restored to life by him, the son of the ocean rose up, and embracing Vrinda, his mind full of love, kissed her face.

Verse 38 (shiva.rudra.161.38)

अथ वृन्दापि भर्तारं दृष्ट्वा हर्षितमानसा । जहौ शोकं च निखिलं स्वप्नवद् हृद्यमन्यत

atha vṛndāpi bhartāraṁ dṛṣṭvā harṣitamānasā jahau śokaṁ ca nikhilaṁ svapnavad hṛdyamanyata

Then Vrinda too, seeing her husband, her mind filled with joy, gave up all her sorrow, considering it in her heart like a mere dream.

Verse 39 (shiva.rudra.161.39)

अथ प्रसन्नहृदया सा हि सञ्जातहृच्छया । रेमे तद्वनमध्यस्था तद्युक्ता बहुवासरान्

atha prasannahṛdayā sā hi sañjātahṛcchayā reme tadvanamadhyasthā tadyuktā bahuvāsarān

Then, her heart at peace, desire having arisen within her, she sported there in the midst of that forest, united with him, for many days.

Verse 40 (shiva.rudra.161.40)

कदाचित्सुरतस्यान्ते दृष्ट्वा विष्णुं तमेव हि । निर्भर्त्स्य क्रोधसंयुक्ता वृन्दा वचनमब्रवीत्

kadācitsuratasyānte dṛṣṭvā viṣṇuṁ tameva hi nirbhartsya krodhasaṁyuktā vṛndā vacanamabravīt

Once, at the end of their union, seeing that it was indeed Vishnu, Vrinda, reproaching him, filled with wrath, spoke these words.

Verse 41 (shiva.rudra.161.41)

वृन्दोवाच । धिक् तदेवं हरे शीलं परदाराभिगामिनः । ज्ञातोऽसि त्वं मया सम्यङ्मायी प्रत्यक्षतापसः

vṛndovāca dhik tadevaṁ hare śīlaṁ paradārābhigāminaḥ jñāto'si tvaṁ mayā samyaṅmāyī pratyakṣatāpasaḥ

Vrinda said: "Shame on such conduct, O Hari, you who approach another's wife! I have now clearly recognized you — a deceiver, disguised as an ascetic before my very eyes."

Verse 42 (shiva.rudra.161.42)

सनत्कुमार उवाच । इत्युक्त्वा क्रोधमापन्ना दर्शयन्ती स्वतेजसम् । शशाप केशवं व्यास पातिव्रत्यरता च सा

sanatkumāra uvāca ityuktvā krodhamāpannā darśayantī svatejasam śaśāpa keśavaṁ vyāsa pātivratyaratā ca sā

Sanatkumara said: "O Vyasa, having spoken thus, overcome with wrath, manifesting her own spiritual power, that woman devoted to chastity cursed Keshava."

Verse 43 (shiva.rudra.161.43)

रे महाधम दैत्यारे परधर्मविदूषक । गृह्णीष्व शठ मद्दत्तं शापं सर्वविषोल्बणम्

re mahādhama daityāre paradharmavidūṣaka gṛhṇīṣva śaṭha maddattaṁ śāpaṁ sarvaviṣolbaṇam

"'O most vile enemy of the daityas, corrupter of another's dharma! O deceiver, receive this curse I give you, more virulent than any poison.'"

Verse 44 (shiva.rudra.161.44)

यौ त्वया मायया ख्यातौ स्वकीयौ दर्शितौ मम । तावेव राक्षसौ भूत्वा भार्यां तव हरिष्यतः

yau tvayā māyayā khyātau svakīyau darśitau mama tāveva rākṣasau bhūtvā bhāryāṁ tava hariṣyataḥ

"'Those two whom you, by your maya, showed me claiming them as your own — those very two, becoming rakshasas, shall abduct your own wife.'"

Verse 45 (shiva.rudra.161.45)

त्वं चापि भार्यादुःखार्तो वने कपिसहायवान् । भ्रम सर्पेश्वरेणायं यस्ते शिष्यत्वमागतः

tvaṁ cāpi bhāryāduḥkhārto vane kapisahāyavān bhrama sarpeśvareṇāyaṁ yaste śiṣyatvamāgataḥ

"'And you too, tormented by grief for your wife, aided by monkeys, shall wander in the forest — this one here, who has become your disciple, together with the lord of serpents.'"

Verse 46 (shiva.rudra.161.46)

इत्युक्त्वा सा तदा वृन्दा प्रविशद्धव्यवाहनम् । विष्णुना वार्यमाणापि तत्स्थितासक्तचेतसा

ityuktvā sā tadā vṛndā praviśaddhavyavāhanam viṣṇunā vāryamāṇāpi tatsthitāsaktacetasā

Having spoken thus, Vrinda then entered the fire, even as Vishnu tried to restrain her, her mind fixed and unmoved.

Verse 47 (shiva.rudra.161.47)

तस्मिन्नवसरे देवा ब्रह्माद्या निखिला मुने । आगताः खे समं दारैः सद्गतिं वै दिदृक्षवः

tasminnavasare devā brahmādyā nikhilā mune āgatāḥ khe samaṁ dāraiḥ sadgatiṁ vai didṛkṣavaḥ

At that moment, O sage, all the gods, headed by Brahma, together with their wives, came into the sky, wishing to witness her blessed passage.

Verse 48 (shiva.rudra.161.48)

अथ दैत्येन्द्रपत्न्यास्तु तज्ज्योतिः परमं महत् । पश्यतां सर्वदेवानामलोकमगमद्द्रुतम्

atha daityendrapatnyāstu tajjyotiḥ paramaṁ mahat paśyatāṁ sarvadevānāmalokamagamaddrutam

Then, as all the gods looked on, the supreme, great radiance of the wife of the lord of daityas swiftly went up to a realm beyond.

Verse 49 (shiva.rudra.161.49)

शिवातनौ विलीनं तद्वृन्दातेजो बभूव ह । आसीज्जयजयारावः खस्थितामरपङ्क्तिषु

śivātanau vilīnaṁ tadvṛndātejo babhūva ha āsījjayajayārāvaḥ khasthitāmarapaṅktiṣu

That radiance of Vrinda merged into the body of Shiva; and cries of "Victory! Victory!" arose among the ranks of immortals standing in the sky.

Verse 50 (shiva.rudra.161.50)

एवं वृन्दा महाराज्ञी कालनेमिसुतोत्तमा । पातिव्रत्यप्रभावाच्च मुक्तिं प्राप परां मुने

evaṁ vṛndā mahārājñī kālanemisutottamā pātivratyaprabhāvācca muktiṁ prāpa parāṁ mune

Thus, O sage, Vrinda, the great queen, foremost daughter of Kalanemi, attained supreme liberation through the power of her chastity.

Verse 51 (shiva.rudra.161.51)

ततो हरिस्तामनुसंस्मन्मुहु- र्वृन्दाचिताभस्मरजोऽवगुण्ठितः । तत्रैव तस्थौ सुरसिद्धसङ्घकैः प्रबोध्यमानोऽपि ययौ न शान्तिम्

tato haristāmanusaṁsmanmuhu- rvṛndācitābhasmarajo'vaguṇṭhitaḥ tatraiva tasthau surasiddhasaṅghakaiḥ prabodhyamāno'pi yayau na śāntim

Then Hari, remembering her again and again, covered in the ash-dust of Vrinda's funeral pyre, remained right there; though the hosts of gods and siddhas tried to console him, he found no peace.