The Curse of Tulsi

Verse 1 (shiva.rudra.179.1)

व्यास उवाच । नारायणश्च भगवान् वीर्याधानं चकार ह । तुलस्याः केन यत्नेन योनौ तद्वक्तुमर्हसि

vyāsa uvāca nārāyaṇaśca bhagavān vīryādhānaṁ cakāra ha tulasyāḥ kena yatnena yonau tadvaktumarhasi

Vyasa said: "By what means did the Blessed Lord Narayana place his seed in Tulsi's womb? Please tell me this."

Verse 2 (shiva.rudra.179.2)

सनत्कुमार उवाच । नारायणो हि देवानां कार्यकर्ता सतां गतिः । शङ्खचूडस्य रूपेण रेमे तद्रामया सह

sanatkumāra uvāca nārāyaṇo hi devānāṁ kāryakartā satāṁ gatiḥ śaṅkhacūḍasya rūpeṇa reme tadrāmayā saha

Sanatkumara said: "Narayana, accomplisher of the gods' work and refuge of the virtuous, took the form of Shankhachuda and sported with that Rama (Tulsi)."

Verse 3 (shiva.rudra.179.3)

तदेव शृणु विष्णोश्च चरितं प्रमुदावहम् । शिवशासनकर्तुश्च मातुश्च जगतां हरेः

tadeva śṛṇu viṣṇośca caritaṁ pramudāvaham śivaśāsanakartuśca mātuśca jagatāṁ hareḥ

Hear now that joy-bringing deed of Hari — executor of Shiva's own command, and lord of her who is mother to the worlds.

Verse 4 (shiva.rudra.179.4)

रणमध्ये व्योमवचः श्रुत्वा देवेन शम्भुना । प्रेरितः शङ्खचूडस्य गृहीत्वा कवचं परम्

raṇamadhye vyomavacaḥ śrutvā devena śambhunā preritaḥ śaṅkhacūḍasya gṛhītvā kavacaṁ param

Hearing the voice from the sky on the battlefield, and impelled by Shiva, Hari swiftly took up Shankhachuda's supreme armor.

Verse 5 (shiva.rudra.179.5)

विप्ररूपेण त्वरितं मायया निजया हरिः । जगाम शङ्खचूडस्य रूपेण तुलसीगृहम्

viprarūpeṇa tvaritaṁ māyayā nijayā hariḥ jagāma śaṅkhacūḍasya rūpeṇa tulasīgṛham

By his own illusive power Hari, in the guise of a brahmin, at once assumed Shankhachuda's very form and went to Tulsi's dwelling.

Verse 6 (shiva.rudra.179.6)

दुन्दुभिं वादयामास तुलसीद्वारसन्निधौ । जयशब्दं च तत्रैव बोधयामास सुन्दरीम्

dundubhiṁ vādayāmāsa tulasīdvārasannidhau jayaśabdaṁ ca tatraiva bodhayāmāsa sundarīm

Near Tulsi's door he sounded the war-drum, and with a shout of victory roused that beautiful woman.

Verse 7 (shiva.rudra.179.7)

तच्छ्रुत्वा चैव सा साध्वी परमानन्दसंयुता । राजमार्गं गवाक्षेण ददर्श परमादरात्

tacchrutvā caiva sā sādhvī paramānandasaṁyutā rājamārgaṁ gavākṣeṇa dadarśa paramādarāt

Hearing it, that chaste woman was filled with supreme joy and, with the greatest reverence, looked out at the royal road through her lattice window.

Verse 8 (shiva.rudra.179.8)

ब्राह्मणेभ्यो धनं दत्त्वा कारयामास मङ्गलम् । द्रुतं चकार शृङ्गारं ज्ञात्वाऽऽयातं निजं पतिम्

brāhmaṇebhyo dhanaṁ dattvā kārayāmāsa maṅgalam drutaṁ cakāra śṛṅgāraṁ jñātvā''yātaṁ nijaṁ patim

She gave wealth to brahmins and had auspicious rites performed, and knowing her husband had come, quickly adorned herself.

Verse 9 (shiva.rudra.179.9)

अवरुह्य रथाद्विष्णुस्तद्देव्या भवनं ययौ । शङ्खचूडस्वरूपः स मायावी देवकार्यकृत्

avaruhya rathādviṣṇustaddevyā bhavanaṁ yayau śaṅkhacūḍasvarūpaḥ sa māyāvī devakāryakṛt

Vishnu descended from the chariot and went into that lady's dwelling — the illusion-worker, accomplisher of the gods' purpose, wearing Shankhachuda's very form.

Verse 10 (shiva.rudra.179.10)

दृष्ट्वा तं च पुरः प्राप्तं स्वकान्तं सा मुदान्विता । तत्पादौ क्षालयामास ननाम च रुरोद च

dṛṣṭvā taṁ ca puraḥ prāptaṁ svakāntaṁ sā mudānvitā tatpādau kṣālayāmāsa nanāma ca ruroda ca

Seeing her beloved arrived before her, she rejoiced; she washed his feet, bowed to him, and wept.

Verse 11 (shiva.rudra.179.11)

रत्नसिंहासने रम्ये वासयामास मङ्गलम् । ताम्बूलं च ददौ तस्मै कर्पूरादिसुवासितम्

ratnasiṁhāsane ramye vāsayāmāsa maṅgalam tāmbūlaṁ ca dadau tasmai karpūrādisuvāsitam

Auspiciously she seated him on a lovely jeweled throne and offered him betel scented with camphor and other spices.

Verse 12 (shiva.rudra.179.12)

अद्य मे सफलं जन्म जीवनं सम्बभूव ह । रणे गतं च प्राणेशं पश्यन्त्याश्च पुनर्गृहे

adya me saphalaṁ janma jīvanaṁ sambabhūva ha raṇe gataṁ ca prāṇeśaṁ paśyantyāśca punargṛhe

She said: "Today my birth is fruitful, my life has found its purpose, for I see again in my own house my lord who had gone to the battlefield."

Verse 13 (shiva.rudra.179.13)

इत्युक्त्वा सकटाक्षं सा निरीक्ष्य सस्मितं मुदा । पप्रच्छ रणवृत्तान्तं कान्तं मधुरया गिरा

ityuktvā sakaṭākṣaṁ sā nirīkṣya sasmitaṁ mudā papraccha raṇavṛttāntaṁ kāntaṁ madhurayā girā

Having said this, she gazed at him with a smiling, sidelong glance, and in sweet words asked her beloved about the battle.

Verse 14 (shiva.rudra.179.14)

तुलस्युवाच । असङ्ख्यविश्वसंहर्ता स देवप्रवरः प्रभुः । यस्याज्ञावर्त्तिनो देवा विष्णुब्रह्मादयः सदा

tulasyuvāca asaṅkhyaviśvasaṁhartā sa devapravaraḥ prabhuḥ yasyājñāvarttino devā viṣṇubrahmādayaḥ sadā

Tulsi said: "He is the destroyer of countless universes, the foremost among gods and lords, whose command Vishnu, Brahma, and all others ever obey."

Verse 15 (shiva.rudra.179.15)

त्रिदेवजनकः सोऽत्र त्रिगुणात्मा च निर्गुणः । भक्तेच्छया च सगुणो हरिब्रह्माप्रवर्तकः

tridevajanakaḥ so'tra triguṇātmā ca nirguṇaḥ bhaktecchayā ca saguṇo haribrahmāpravartakaḥ

He is the father of the three gods, one who though composed of the three gunas is beyond them, who by devotees' desire takes on qualities and sets even Hari and Brahma to their tasks.

Verse 16 (shiva.rudra.179.16)

कुबेरस्य प्रार्थनया गुणरूपधरो हरः । कैलासवासी गणपः परब्रह्म सतां गतिः

kuberasya prārthanayā guṇarūpadharo haraḥ kailāsavāsī gaṇapaḥ parabrahma satāṁ gatiḥ

At Kubera's prayer he took a form endowed with qualities; dweller of Kailasa, lord of the ganas, that Supreme Brahman is the refuge of the virtuous.

Verse 17 (shiva.rudra.179.17)

यस्यैकपलमात्रेण कोटिब्रह्माण्डसङ्क्षयः । विष्णुब्रह्मादयोऽतीता बहवः क्षणमात्रतः

yasyaikapalamātreṇa koṭibrahmāṇḍasaṅkṣayaḥ viṣṇubrahmādayo'tītā bahavaḥ kṣaṇamātrataḥ

In a mere moment of his, crores of universes perish; in that same instant countless Vishnus and Brahmas pass away.

Verse 18 (shiva.rudra.179.18)

कर्तुं सार्द्धं च तेनैव समरं त्वं गतः प्रभो । कथं बभूव सङ्ग्रामस्तेन देवसहायिना

kartuṁ sārddhaṁ ca tenaiva samaraṁ tvaṁ gataḥ prabho kathaṁ babhūva saṅgrāmastena devasahāyinā

"O lord, it was with him that you went to make war — tell me how the battle went with that helper of the gods."

Verse 19 (shiva.rudra.179.19)

कुशली त्वमिहायातस्तं जित्वा परमेश्वरम् । कथं बभूव विजयस्तव ब्रूहि तदेव मे

kuśalī tvamihāyātastaṁ jitvā parameśvaram kathaṁ babhūva vijayastava brūhi tadeva me

"You have returned here safely, having defeated that Supreme Lord — tell me exactly how your victory came about."

Verse 20 (shiva.rudra.179.20)

श्रुत्वेत्थं तुलसीवाक्यं स विहस्य रमापतिः । शङ्खचूडरूपधरस्तामुवाचामृतं वचः

śrutvetthaṁ tulasīvākyaṁ sa vihasya ramāpatiḥ śaṅkhacūḍarūpadharastāmuvācāmṛtaṁ vacaḥ

Hearing Tulsi's words, the lord of Lakshmi laughed and, still wearing Shankhachuda's form, spoke to her words as sweet as nectar.

Verse 21 (shiva.rudra.179.21)

श्रीभगवानुवाच । यदाहं रणभूमौ च जगाम समरप्रियः । कोलाहलो महान् जातः प्रवृत्तोऽभून्महारणः

śrībhagavānuvāca yadāhaṁ raṇabhūmau ca jagāma samarapriyaḥ kolāhalo mahān jātaḥ pravṛtto'bhūnmahāraṇaḥ

The Blessed Lord said: "When, loving battle, I went to the field of war, a great uproar arose there, and a mighty war broke out."

Verse 22 (shiva.rudra.179.22)

देवदानवयोर्युद्धं सम्बभूव जयैषिणोः । दैत्याः पराजितास्तत्र निर्जरैर्बलगर्वितैः

devadānavayoryuddhaṁ sambabhūva jayaiṣiṇoḥ daityāḥ parājitāstatra nirjarairbalagarvitaiḥ

"War broke out between gods and demons, each seeking victory, and the mighty gods defeated the demon host."

Verse 23 (shiva.rudra.179.23)

तदाहं समरं तत्राकार्षं देवैर्बलोत्कटैः । पराजिताश्च ते देवाः शङ्करं शरणं ययुः

tadāhaṁ samaraṁ tatrākārṣaṁ devairbalotkaṭaiḥ parājitāśca te devāḥ śaṅkaraṁ śaraṇaṁ yayuḥ

"Then I made war together with those mighty gods, and the defeated gods went for refuge to Shankara."

Verse 24 (shiva.rudra.179.24)

रुद्रोऽपि तत्सहायार्थमाजगाम रणं प्रति । तेनाहं वै चिरं कालमयौत्सं बलदर्पितः

rudro'pi tatsahāyārthamājagāma raṇaṁ prati tenāhaṁ vai ciraṁ kālamayautsaṁ baladarpitaḥ

"Rudra too came to their aid in the battle, and, mighty with pride, I fought long against him."

Verse 25 (shiva.rudra.179.25)

आवयोः समरः कान्ते पूर्णमब्दं बभूव ह । नाशो बभूव सर्वेषामसुराणां च कामिनि

āvayoḥ samaraḥ kānte pūrṇamabdaṁ babhūva ha nāśo babhūva sarveṣāmasurāṇāṁ ca kāmini

"O beloved, that battle between us two lasted a full year, and in it, O charming one, all the demons perished."

Verse 26 (shiva.rudra.179.26)

प्रीतिं च कारयामास ब्रह्मा च स्वयमावयोः । देवानामधिकाराश्च प्रदत्ता ब्रह्मशासनात्

prītiṁ ca kārayāmāsa brahmā ca svayamāvayoḥ devānāmadhikārāśca pradattā brahmaśāsanāt

"Then Brahma himself brought about peace between us two, and by his command the gods' dominions were restored to them."

Verse 27 (shiva.rudra.179.27)

मयागतं स्वभवनं शिवलोकं शिवो गतः । सर्वस्वास्थ्यमतीवाप दूरीभूतो ह्युपद्रवः

mayāgataṁ svabhavanaṁ śivalokaṁ śivo gataḥ sarvasvāsthyamatīvāpa dūrībhūto hyupadravaḥ

"I returned to my own abode, and Shiva too went to his own Shivaloka; the whole world found perfect peace, and every disturbance was banished."

Verse 28 (shiva.rudra.179.28)

सनत्कुमार उवाच । इत्युक्त्वा जगतां नाथः शयनं च चकार ह । रेमे रमापतिस्तत्र रमया स तया मुदा

sanatkumāra uvāca ityuktvā jagatāṁ nāthaḥ śayanaṁ ca cakāra ha reme ramāpatistatra ramayā sa tayā mudā

Sanatkumara said: Having said this, the Lord of the worlds lay down to rest, and there the Lord of Lakshmi sported joyfully with that Rama (Tulsi).

Verse 29 (shiva.rudra.179.29)

सा साध्वी सुखसम्भावाकर्षणस्य व्यतिक्रमात् । सर्वं वितर्कयामास कस्त्वमेवेत्युवाच सा

sā sādhvī sukhasambhāvākarṣaṇasya vyatikramāt sarvaṁ vitarkayāmāsa kastvamevetyuvāca sā

But that chaste woman sensed something amiss in the very texture of that pleasure, and she guessed everything — she said, "Who are you, truly?"

Verse 30 (shiva.rudra.179.30)

तुलस्युवाच । को वा त्वं वद मामाशु भुक्ताहं मायया त्वया । दूरीकृतं मत्सतीत्वमथ त्वां वै शपाम्यहम्

tulasyuvāca ko vā tvaṁ vada māmāśu bhuktāhaṁ māyayā tvayā dūrīkṛtaṁ matsatītvamatha tvāṁ vai śapāmyaham

Tulsi said: "Tell me at once, who are you? By your illusion you have taken me, and my chastity is destroyed — therefore I curse you."

Verse 31 (shiva.rudra.179.31)

सनत्कुमार उवाच । तुलसीवचनं श्रुत्वा हरिः शापभयेन च । दधार लीलया ब्रह्मन्स्वमूर्तिं सुमनोहराम्

sanatkumāra uvāca tulasīvacanaṁ śrutvā hariḥ śāpabhayena ca dadhāra līlayā brahmansvamūrtiṁ sumanoharām

Sanatkumara said: Hearing Tulsi's words, Hari, O Brahman, fearing the curse, playfully revealed his own most beautiful true form.

Verse 32 (shiva.rudra.179.32)

तद् दृष्ट्वा तुलसी रूपं ज्ञात्वा विष्णुं तु चिह्नतः । पातिव्रत्यपरित्यागात् क्रुद्धा सा तमुवाच ह

tad dṛṣṭvā tulasī rūpaṁ jñātvā viṣṇuṁ tu cihnataḥ pātivratyaparityāgāt kruddhā sā tamuvāca ha

Seeing that form and recognizing Vishnu by its marks, Tulsi, enraged at the loss of her chastity, spoke to him.

Verse 33 (shiva.rudra.179.33)

तुलस्युवाच । हे विष्णो ते दया नास्ति पाषाणसदृशं मनः । पतिधर्मस्य भङ्गेन मम स्वामी हतः खलु

tulasyuvāca he viṣṇo te dayā nāsti pāṣāṇasadṛśaṁ manaḥ patidharmasya bhaṅgena mama svāmī hataḥ khalu

Tulsi said: "O Vishnu, you have no compassion, your heart is like stone — by the breaking of my wifely vow, my own husband has, in effect, been slain."

Verse 34 (shiva.rudra.179.34)

पाषाणसदृशस्त्वं च दयाहीनो यतः खलः । तस्मात्पाषाणरूपस्त्वं मच्छापेन भवाधुना

pāṣāṇasadṛśastvaṁ ca dayāhīno yataḥ khalaḥ tasmātpāṣāṇarūpastvaṁ macchāpena bhavādhunā

"You are exactly like stone, since you are without pity and cruel — therefore by my curse become, this very moment, a form of stone."

Verse 35 (shiva.rudra.179.35)

ये वदन्ति दयासिन्धुं त्वां भ्रान्तास्ते न संशयः । भक्तो विनापराधेन परार्थे च कथं हतः

ye vadanti dayāsindhuṁ tvāṁ bhrāntāste na saṁśayaḥ bhakto vināparādhena parārthe ca kathaṁ hataḥ

"Those who call you an ocean of compassion are, without doubt, deluded — how could a devotee, guiltless of any wrong, be slain for another's purpose?"

Verse 36 (shiva.rudra.179.36)

सनत्कुमार उवाच । इत्युक्त्वा तुलसी सा वै शङ्खचूडप्रिया सती । भृशं रुरोद शोकार्ता विललाप भृशं मुहुः

sanatkumāra uvāca ityuktvā tulasī sā vai śaṅkhacūḍapriyā satī bhṛśaṁ ruroda śokārtā vilalāpa bhṛśaṁ muhuḥ

Sanatkumara said: Having said this, Tulsi, the chaste wife of Shankhachuda, filled with deep grief, wept and lamented again and again.

Verse 37 (shiva.rudra.179.37)

ततस्तां रुदतीं दृष्ट्वा स विष्णुः परमेश्वरः । सस्मार शङ्करं देवं येन सम्मोहितं जगत्

tatastāṁ rudatīṁ dṛṣṭvā sa viṣṇuḥ parameśvaraḥ sasmāra śaṅkaraṁ devaṁ yena sammohitaṁ jagat

Seeing her weeping thus, Vishnu, the Supreme Lord himself, called to mind that god Shankara who had bewildered the world.

Verse 38 (shiva.rudra.179.38)

ततः प्रादुर्बभूवाथ शङ्करो भक्तवत्सलः । हरिणा प्रणतश्चासीत्सन्नुतो विनयेन सः

tataḥ prādurbabhūvātha śaṅkaro bhaktavatsalaḥ hariṇā praṇataścāsītsannuto vinayena saḥ

Then Shankara, so tender to his devotees, appeared there; Hari, with humility, duly praised and bowed to him.

Verse 39 (shiva.rudra.179.39)

शोकाकुलं हरिं दृष्ट्वा विलपन्तीं च तत्प्रियाम् । नयेन बोधयामास तं तां कृपणवत्सलाम्

śokākulaṁ hariṁ dṛṣṭvā vilapantīṁ ca tatpriyām nayena bodhayāmāsa taṁ tāṁ kṛpaṇavatsalām

Seeing sorrowful Hari and his own beloved lamenting, Shiva, tender to the wretched, wisely consoled them both.

Verse 40 (shiva.rudra.179.40)

शङ्कर उवाच । मा रोदीस्तुलसि त्वं हि भुङ्क्ते कर्मफलं जनः । सुखदुःखदो न कोऽप्यस्ति संसारे कर्मसागरे

śaṅkara uvāca mā rodīstulasi tvaṁ hi bhuṅkte karmaphalaṁ janaḥ sukhaduḥkhado na ko'pyasti saṁsāre karmasāgare

Shankara said: "Weep not, O Tulsi; every being reaps the fruit of its own deeds — in this ocean of transmigration, none truly gives another joy or sorrow."

Verse 41 (shiva.rudra.179.41)

प्रस्तुतं शृणु निर्दुःखं शृणोति सुमना हरिः । द्वयोः सुखकरं यत्तद् ब्रवीमि सुखहेतवे

prastutaṁ śṛṇu nirduḥkhaṁ śṛṇoti sumanā hariḥ dvayoḥ sukhakaraṁ yattad bravīmi sukhahetave

"Hear now what is fitting, free of sorrow — Hari too listens with a glad heart — I speak that which will bring good to you both."

Verse 42 (shiva.rudra.179.42)

तपस्त्वया कृतं भद्रे तस्यैव तपसः फलम् । तदन्यथा कथं स्याद्वै जातं त्वयि तथा च तत्

tapastvayā kṛtaṁ bhadre tasyaiva tapasaḥ phalam tadanyathā kathaṁ syādvai jātaṁ tvayi tathā ca tat

"O gracious one, this is the very fruit of the austerity you once performed — how else could it have come to pass with you in just this way?"

Verse 43 (shiva.rudra.179.43)

इदं शरीरं त्यक्त्वा च दिव्यदेहं विधाय च । रमस्व हरिणा नित्यं रमया सदृशी भव

idaṁ śarīraṁ tyaktvā ca divyadehaṁ vidhāya ca ramasva hariṇā nityaṁ ramayā sadṛśī bhava

"Give up this body, take on a divine form, and forever after sport with Hari, becoming his equal as Rama does."

Verse 44 (shiva.rudra.179.44)

तवेयं तनुरुत्सृष्टा नदीरूपा भवेदिह । भारते पुण्यरूपा सा गण्डकीति च विश्रुता

taveyaṁ tanurutsṛṣṭā nadīrūpā bhavediha bhārate puṇyarūpā sā gaṇḍakīti ca viśrutā

"This body of yours, once relinquished, shall become a river; in Bharata it shall be sacred and renowned by the name Gandaki."

Verse 45 (shiva.rudra.179.45)

कियत्कालं महादेवि देवपूजनसाधने । प्रधानरूपा तुलसी भविष्यति वरेण मे

kiyatkālaṁ mahādevi devapūjanasādhane pradhānarūpā tulasī bhaviṣyati vareṇa me

"O great goddess, for a span of time, by my boon, you shall remain foremost among the means of worshiping the gods, as the tulasi plant."

Verse 46 (shiva.rudra.179.46)

स्वर्गे मर्त्ये च पाताले तिष्ठ त्वं हरिसन्निधौ । भव त्वं तुलसीवृक्षो वरा पुष्पेषु सुन्दरि

svarge martye ca pātāle tiṣṭha tvaṁ harisannidhau bhava tvaṁ tulasīvṛkṣo varā puṣpeṣu sundari

"In heaven, on earth, and in the netherworld, you shall dwell ever close to Hari — O lovely one, you shall become the tulasi plant, foremost among flowering things."

Verse 47 (shiva.rudra.179.47)

वृक्षाधिष्ठातृदेवी त्वं वैकुण्ठे दिव्यरूपिणी । सार्धं रहसि हरिणा नित्यं क्रीडां करिष्यसि

vṛkṣādhiṣṭhātṛdevī tvaṁ vaikuṇṭhe divyarūpiṇī sārdhaṁ rahasi hariṇā nityaṁ krīḍāṁ kariṣyasi

"In Vaikuntha you shall be the presiding goddess of that tree, of divine form, and forever in secret you shall sport with Hari."

Verse 48 (shiva.rudra.179.48)

नद्यधिष्ठातृदेवी या भारते बहुपुण्यदा । लवणोदस्य पत्नी सा हर्यंशस्य भविष्यसि

nadyadhiṣṭhātṛdevī yā bhārate bahupuṇyadā lavaṇodasya patnī sā haryaṁśasya bhaviṣyasi

"Deeply auspicious in Bharata, you shall become the presiding goddess of a river — the consort of the salt ocean, who is himself a portion of Hari."

Verse 49 (shiva.rudra.179.49)

हरिर्वै शैलरूपी च गण्डकी तीरसन्निधौ । सङ्करिष्यत्यधिष्ठानं भारते तव शापतः

harirvai śailarūpī ca gaṇḍakī tīrasannidhau saṅkariṣyatyadhiṣṭhānaṁ bhārate tava śāpataḥ

"Hari, taking the form of a mountain, shall establish his abode by your curse on the banks of the river Gandaki."

Verse 50 (shiva.rudra.179.50)

तत्र कोट्यश्च कीटाश्च तीक्ष्णदंष्ट्रा भयङ्कराः । तच्छित्त्वा कुहरे चक्रं करिष्यन्ति तदीयकम्

tatra koṭyaśca kīṭāśca tīkṣṇadaṁṣṭrā bhayaṅkarāḥ tacchittvā kuhare cakraṁ kariṣyanti tadīyakam

"There, countless sharp-fanged and fearsome insects shall gnaw at that mountain and carve discs within its hollows."

Verse 51 (shiva.rudra.179.51)

शालग्रामशिला सा हि तद्भेदादतिपुण्यदा । लक्ष्मीनारायणाख्यादिश्चक्रभेदाद्भविष्यति

śālagrāmaśilā sā hi tadbhedādatipuṇyadā lakṣmīnārāyaṇākhyādiścakrabhedādbhaviṣyati

"Those Shaligrama stones, deeply auspicious through that very boring, shall be known by names such as Lakshminarayana, according to the pattern of their disc."

Verse 52 (shiva.rudra.179.52)

शालग्रामशिला विष्णोस्तुलस्यास्तव सङ्गमः । सदा सादृश्यरूपा या बहुपुण्यविवर्द्धिनी

śālagrāmaśilā viṣṇostulasyāstava saṅgamaḥ sadā sādṛśyarūpā yā bahupuṇyavivarddhinī

"The Shaligrama stone is Vishnu's very form, and the tulasi plant is yours — this eternal union of likeness shall ever multiply great merit."

Verse 53 (shiva.rudra.179.53)

तुलसीपत्रविच्छेदं शालग्रामे करोति यः । तस्य जन्मान्तरे भद्रे स्त्रीविच्छेदो भविष्यति

tulasīpatravicchedaṁ śālagrāme karoti yaḥ tasya janmāntare bhadre strīvicchedo bhaviṣyati

"O gracious one, whoever plucks a tulasi leaf and offers it upon the Shaligrama shall, in a future birth, suffer separation from his wife."

Verse 54 (shiva.rudra.179.54)

तुलसीपत्रविच्छेदं शङ्खं हित्वा करोति यः । भार्याहीनो भवेत्सोऽपि रोगी स्यात्सप्तजन्मसु

tulasīpatravicchedaṁ śaṅkhaṁ hitvā karoti yaḥ bhāryāhīno bhavetso'pi rogī syātsaptajanmasu

"Whoever moves aside a conch to pluck a tulasi leaf shall become wifeless and remain diseased for seven lifetimes."

Verse 55 (shiva.rudra.179.55)

शालग्रामश्च तुलसी शङ्खं चैकत्र एव हि । यो रक्षति महाज्ञानी स भवेच्छ्रीहरिप्रियः

śālagrāmaśca tulasī śaṅkhaṁ caikatra eva hi yo rakṣati mahājñānī sa bhavecchrīharipriyaḥ

"The truly wise one who keeps the Shaligrama, the tulasi, and the conch together and preserves them all, becomes dear to Shri Hari."

Verse 56 (shiva.rudra.179.56)

त्वं प्रियाः शङ्खचूडस्य चैकमन्वन्तरावधि । शङ्खेन सार्धं त्वद्भेदः केवलं दुःखदस्तव

tvaṁ priyāḥ śaṅkhacūḍasya caikamanvantarāvadhi śaṅkhena sārdhaṁ tvadbhedaḥ kevalaṁ duḥkhadastava

"For one full manvantara you were the beloved of Shankhachuda — your only remaining sorrow shall be your separation from that conch."

Verse 57 (shiva.rudra.179.57)

सनत्कुमार उवाच । इत्युक्त्वा शङ्करस्तत्र माहात्म्यमूचिवांस्तदा । शालग्रामशिलायाश्च तुलस्या बहुपुण्यदम्

sanatkumāra uvāca ityuktvā śaṅkarastatra māhātmyamūcivāṁstadā śālagrāmaśilāyāśca tulasyā bahupuṇyadam

Sanatkumara said: Having said this, Shankara there recounted that entire auspicious glory of the Shaligrama stone and of the tulasi plant.

Verse 58 (shiva.rudra.179.58)

ततश्चान्तर्हितो भूत्वा मोदयित्वा हरिं च ताम् । जगाम स्वालयं शम्भुः शर्मदो हि सदा सताम्

tataścāntarhito bhūtvā modayitvā hariṁ ca tām jagāma svālayaṁ śambhuḥ śarmado hi sadā satām

Then, having gladdened both Hari and Tulsi, Shambhu vanished from sight and returned to his own abode, for he ever grants happiness to the virtuous.

Verse 59 (shiva.rudra.179.59)

इति श्रुत्वा वचः शम्भोः प्रसन्ना तु तुलस्यभूत् । तद्देहं च परित्यज्य दिव्यरूपा बभूव ह

iti śrutvā vacaḥ śambhoḥ prasannā tu tulasyabhūt taddehaṁ ca parityajya divyarūpā babhūva ha

Hearing Shambhu's words, Tulsi became greatly pleased, and, giving up her former body, she attained a divine form.

Verse 60 (shiva.rudra.179.60)

प्रजगाम तया सार्द्धं वैकुण्ठं कमलापतिः । सद्यस्तद्देहजाता च बभूव गण्डकी नदी

prajagāma tayā sārddhaṁ vaikuṇṭhaṁ kamalāpatiḥ sadyastaddehajātā ca babhūva gaṇḍakī nadī

The Lord of Lakshmi departed with her to Vaikuntha; and that very instant, from her relinquished body, the river Gandaki came into being.

Verse 61 (shiva.rudra.179.61)

शैलोऽभूदच्युतः सोऽपि तत्तीरे पुण्यदो नृणाम् । कुर्वन्ति तत्र कीटाश्च छिद्रं बहुविधं मुने

śailo'bhūdacyutaḥ so'pi tattīre puṇyado nṛṇām kurvanti tatra kīṭāśca chidraṁ bahuvidhaṁ mune

Achyuta himself became there a mountain, granting merit to mankind, upon whose banks insects even now bore holes of many kinds.

Verse 62 (shiva.rudra.179.62)

जले पतन्ति यास्तत्र शिलास्तास्त्वतिपुण्यदाः । स्थलस्था पिङ्गला ज्ञेयाश्चोपतापाय चैव हि

jale patanti yāstatra śilāstāstvatipuṇyadāḥ sthalasthā piṅgalā jñeyāścopatāpāya caiva hi

The stones that fall into the water there are known to be exceedingly auspicious, while those that lie on dry land are called 'pingala' and are held to bring affliction.

Verse 63 (shiva.rudra.179.63)

इत्येवं कथितं सर्वं तव प्रश्नानुसारतः । चरितं पुण्यदं शम्भोः सर्वकामप्रदं नृणाम्

ityevaṁ kathitaṁ sarvaṁ tava praśnānusārataḥ caritaṁ puṇyadaṁ śambhoḥ sarvakāmapradaṁ nṛṇām

Thus, in accordance with your question, I have told all of this — this is Shambhu's auspicious deed, which grants every desire to those who hear it.

Verse 64 (shiva.rudra.179.64)

आख्यानमिदमाख्यातं विष्णुमाहात्म्यमिश्रितम् । भुक्तिमुक्तिप्रदं पुण्यं किं भूयः श्रोतुमिच्छसि

ākhyānamidamākhyātaṁ viṣṇumāhātmyamiśritam bhuktimuktipradaṁ puṇyaṁ kiṁ bhūyaḥ śrotumicchasi

This tale, interwoven with the glory of Vishnu, has now been told — auspicious, bestowing both worldly enjoyment and liberation. What more do you wish to hear?