The Slaying of Hiranyaksha

Verse 1 (shiva.rudra.180.1)

नारद उवाच । शङ्खचूडवधं श्रुत्वा चरितं शशिमौलिनः । अयं तृप्तोऽस्मि नो त्वत्तोऽमृतं पीत्वा यथा जनः

nārada uvāca śaṅkhacūḍavadhaṁ śrutvā caritaṁ śaśimaulinaḥ ayaṁ tṛpto'smi no tvatto'mṛtaṁ pītvā yathā janaḥ

Narada said: "Hearing this deed of the moon-crested Lord, the slaying of Shankhachuda, I feel as satisfied as a man who has drunk nectar."

Verse 2 (shiva.rudra.180.2)

ब्रह्मन्यच्चरितं तस्य महेशस्य महात्मनः । मायामाश्रित्य सल्लीलां कुर्वतो भक्तमोददाम्

brahmanyaccaritaṁ tasya maheśasya mahātmanaḥ māyāmāśritya sallīlāṁ kurvato bhaktamodadām

"O Brahman, that deed of the great-souled Mahesha, in which he takes refuge in his own maya and plays, delights his devotees."

Verse 3 (shiva.rudra.180.3)

ब्रह्मोवाच । शङ्खचूडवधं श्रुत्वा व्यासः सत्यवतीसुतः । अप्राक्षीदिममेवार्थं ब्रह्मपुत्रं मुनीश्वरम्

brahmovāca śaṅkhacūḍavadhaṁ śrutvā vyāsaḥ satyavatīsutaḥ aprākṣīdimamevārthaṁ brahmaputraṁ munīśvaram

Brahma said: Having heard the tale of Shankhachuda's slaying, Vyasa, son of Satyavati, asked that very same question of Sanatkumara, the great sage born of Brahma.

Verse 4 (shiva.rudra.180.4)

सनत्कुमारः प्रोवाच व्यासं सत्यवतीसुतम् । सुप्रशंस्य महेशस्य चरितं मङ्गलायनम्

sanatkumāraḥ provāca vyāsaṁ satyavatīsutam supraśaṁsya maheśasya caritaṁ maṅgalāyanam

Having duly praised this auspicious deed of Mahesha, Sanatkumara spoke thus to Vyasa, son of Satyavati.

Verse 5 (shiva.rudra.180.5)

सनत्कुमार उवाच । शृणु व्यास महेशस्य चरितं मङ्गलायनम् । यथान्धको गाणपत्यं प्राप शम्भोः परात्मनः

sanatkumāra uvāca śṛṇu vyāsa maheśasya caritaṁ maṅgalāyanam yathāndhako gāṇapatyaṁ prāpa śambhoḥ parātmanaḥ

Sanatkumara said: "Hear, O Vyasa, this auspicious deed of Mahesha — how Andhaka attained the lordship of the ganas from Shambhu, the Supreme Self."

Verse 6 (shiva.rudra.180.6)

कृत्वा परमसङ्ग्रामं तेन पूर्वं मुनीश्वर । प्रसाद्य तं महेशानं सत्त्वभावात्पुनः पुनः

kṛtvā paramasaṅgrāmaṁ tena pūrvaṁ munīśvara prasādya taṁ maheśānaṁ sattvabhāvātpunaḥ punaḥ

"O foremost of sages, having first waged a great war with Mahesha, he afterward, again and again, pleased him through a nature turned to goodness."

Verse 7 (shiva.rudra.180.7)

माहात्म्यमद्भुतं शम्भोः शरणागतरक्षिणः । सुभक्तवत्सलस्यैव नानालीलाविहारिणः

māhātmyamadbhutaṁ śambhoḥ śaraṇāgatarakṣiṇaḥ subhaktavatsalasyaiva nānālīlāvihāriṇaḥ

"This is the wondrous glory of Shambhu, protector of those who take refuge in him, tender to his devotees, ever at play in manifold sports."

Verse 8 (shiva.rudra.180.8)

माहात्म्यमेतद् वृषभध्वजस्य श्रुत्वा मुनिर्गन्धवतीसुतो हि । वचो महार्थं प्रणिपत्य भक्त्या ह्युवाच तं ब्रह्मसुतं मुनीन्द्रम्

māhātmyametad vṛṣabhadhvajasya śrutvā munirgandhavatīsuto hi vaco mahārthaṁ praṇipatya bhaktyā hyuvāca taṁ brahmasutaṁ munīndram

Hearing this wondrous glory of Shiva, the bull-bannered one, the sage born of Gandhavati, bowing with devotion to that great-meaning speech, spoke this to the sage-lord born of Brahma.

Verse 9 (shiva.rudra.180.9)

व्यास उवाच । को ह्यन्धको वै भगवन्मुनीश कस्यान्वये वीर्यवतः पृथिव्याम् । जातो महात्मा बलवान् प्रधानः किमात्मकः कस्य सुतोऽन्धकश्च

vyāsa uvāca ko hyandhako vai bhagavanmunīśa kasyānvaye vīryavataḥ pṛthivyām jāto mahātmā balavān pradhānaḥ kimātmakaḥ kasya suto'ndhakaśca

Vyasa said: "O lord, O foremost of sages, who indeed is this Andhaka? In whose lineage of virile power on this earth was this great, mighty, and foremost being born — whose son is he, and of what nature?"

Verse 10 (shiva.rudra.180.10)

एतत्समस्तं सरहस्यमद्य प्रब्रूहि मे ब्रह्मसुत प्रसादात् । स्कन्दान्मया वै विदितं हि सम्यक् महेशपुत्रादमितावबोधात्

etatsamastaṁ sarahasyamadya prabrūhi me brahmasuta prasādāt skandānmayā vai viditaṁ hi samyak maheśaputrādamitāvabodhāt

"O son of Brahma, by your grace, tell me all of this today along with its inner secret — I once learned of it well from Skanda, Mahesha's own son, through his boundless understanding."

Verse 11 (shiva.rudra.180.11)

गाणपत्यं कथं प्राप शम्भोः परमतेजसः । सोऽन्धको धन्य एवाति यो बभूव गणेश्वरः

gāṇapatyaṁ kathaṁ prāpa śambhoḥ paramatejasaḥ so'ndhako dhanya evāti yo babhūva gaṇeśvaraḥ

"How did he attain the lordship of the ganas from Shambhu, of supreme splendor? That Andhaka is truly blessed, who became a lord of the ganas."

Verse 12 (shiva.rudra.180.12)

ब्रह्मोवाच । व्यासस्य चैतद्वचनं निशम्य प्रोवाच स ब्रह्मसुतस्तदानीम् । महेश्वरोतीः परमाप्तलक्ष्मीः संश्रोतुकामं जनकं शुकस्य

brahmovāca vyāsasya caitadvacanaṁ niśamya provāca sa brahmasutastadānīm maheśvarotīḥ paramāptalakṣmīḥ saṁśrotukāmaṁ janakaṁ śukasya

Brahma said: Hearing Vyasa's words, that son of Brahma, Sanatkumara, then, wishing to let Shuka's father hear that most auspicious and fortune-laden speech of Mahesha, said this.

Verse 13 (shiva.rudra.180.13)

सनत्कुमार उवाच । पुरागतो भक्तकृपाकरोऽसौ कैलासतः शैलसुतागणाढ्यः । विहर्तुकामः किल काशिकां वै स्वशैलतो निर्जरचक्रवर्ती

sanatkumāra uvāca purāgato bhaktakṛpākaro'sau kailāsataḥ śailasutāgaṇāḍhyaḥ vihartukāmaḥ kila kāśikāṁ vai svaśailato nirjaracakravartī

Sanatkumara said: "Once, that gracious one, so kind to devotees, thronged with the retinue of the mountain-king's daughter, came from Kailasa, wishing to sport in Kashi — the very sovereign of the immortals, descending from his own mountain."

Verse 14 (shiva.rudra.180.14)

स राजधानीं च विधाय तस्यां चक्रे परोतीः सुखदा जनानाम् । तद्रक्षकं भैरवनामवीरं कृत्वा समं शैलजया हि बह्वीः

sa rājadhānīṁ ca vidhāya tasyāṁ cakre parotīḥ sukhadā janānām tadrakṣakaṁ bhairavanāmavīraṁ kṛtvā samaṁ śailajayā hi bahvīḥ

"There, having made it his capital, he fashioned great splendor granting manifold happiness to the people, and, together with the mountain-king's daughter, he appointed a hero named Bhairava as its guardian."

Verse 15 (shiva.rudra.180.15)

स एकदा मन्दरनामधेयं गतो नगं तद्वरसुप्रभावात् । तत्रापि नानागणवीरमुख्यैः शिवासमेतो विजहार भूरि

sa ekadā mandaranāmadheyaṁ gato nagaṁ tadvarasuprabhāvāt tatrāpi nānāgaṇavīramukhyaiḥ śivāsameto vijahāra bhūri

"Once, by that mountain's great power, he went to the mountain called Mandara, and there too he sported greatly, together with the foremost heroes of his manifold ganas."

Verse 16 (shiva.rudra.180.16)

पूर्वे दिशो मन्दरशैलसंस्था कपर्द्दिनश्चण्डपराक्रमस्य । चक्रे ततो नेत्रनिमीलनं तु सा पार्वती नर्मयुतं सलीलम्

pūrve diśo mandaraśailasaṁsthā kaparddinaścaṇḍaparākramasya cakre tato netranimīlanaṁ tu sā pārvatī narmayutaṁ salīlam

"There, on the eastern slope of Mount Mandara, that Parvati playfully, in sport, covered with her own hands the eyes of terrible-valored Kapardin (Shiva)."

Verse 17 (shiva.rudra.180.17)

प्रवालहेमाब्जधृतप्रभाभ्यां कराम्बुजाभ्यां निमिमील नेत्रे । हरस्य नेत्रेषु निमीलितेषु क्षणेन जातः सुमहान्धकारः

pravālahemābjadhṛtaprabhābhyāṁ karāmbujābhyāṁ nimimīla netre harasya netreṣu nimīliteṣu kṣaṇena jātaḥ sumahāndhakāraḥ

"With her two lotus-hands, radiant as coral and golden lotuses, she closed his eyes — and the instant Hara's eyes were shut, a great darkness arose in a moment."

Verse 18 (shiva.rudra.180.18)

तत्स्पर्शयोगाच्च महेश्वरस्य करौ च तस्याः स्खलितं मदाम्भः । शम्भोर्ललाटे क्षणवह्नितप्तो विनिर्गतो भूरि जलस्य बिन्दुः

tatsparśayogācca maheśvarasya karau ca tasyāḥ skhalitaṁ madāmbhaḥ śambhorlalāṭe kṣaṇavahnitapto vinirgato bhūri jalasya binduḥ

"By the touch, sweat trickled from her two hands upon Maheshvara, and, scorched by that momentary heat, a great drop of water fell from Shambhu's brow."

Verse 19 (shiva.rudra.180.19)

गर्भो बभूवाथ करालवक्त्रो भयङ्करः क्रोधपरः कृतघ्नः । अन्धो विरूपी जटिलश्च कृष्णो नरेतरो वैकृतिकःसुरोमा

garbho babhūvātha karālavaktro bhayaṅkaraḥ krodhaparaḥ kṛtaghnaḥ andho virūpī jaṭilaśca kṛṣṇo naretaro vaikṛtikaḥsuromā

"From it a being was born — dreadful-faced, terrifying, wrathful, ungrateful, blind, misshapen, matted-haired, dark, neither wholly human nor otherwise, of monstrous form and covered in hair."

Verse 20 (shiva.rudra.180.20)

गायन्हसन्प्ररुदन्नृत्यमानो विलेलिहानो घनघोरघोषः । जातेन तेनाद्भुतदर्शनेन गौरीं भवोऽसौ स्मितपूर्वमाह

gāyanhasanprarudannṛtyamāno vilelihāno ghanaghoraghoṣaḥ jātena tenādbhutadarśanena gaurīṁ bhavo'sau smitapūrvamāha

"Singing, laughing, weeping, dancing, licking his lips, and roaring with a deep, dreadful voice — the moment that wondrous-looking being was born, Bhava, smiling, spoke thus to Gauri."

Verse 21 (shiva.rudra.180.21)

श्रीमहेश उवाच । निमील्य नेत्राणि कृतं च कर्म विभेषि साऽस्माद्दयिते कथं त्वम् । गौरी हरात्तद्वचनं निशम्य विहस्यमाना प्रमुमोच नेत्रे

śrīmaheśa uvāca nimīlya netrāṇi kṛtaṁ ca karma vibheṣi sā'smāddayite kathaṁ tvam gaurī harāttadvacanaṁ niśamya vihasyamānā pramumoca netre

Shri Mahesha said: "O beloved, you closed my eyes and this deed was done — why now are you afraid of its result?" Hearing Hara's words, Gauri, laughing, opened her eyes.

Verse 22 (shiva.rudra.180.22)

जाते प्रकाशे सति घोररूपो जातोऽन्धकारादपि नेत्रहीनः । तादृग्विधं तं च निरीक्ष्य भूतं पप्रच्छ गौरी पुरुषं महेशम्

jāte prakāśe sati ghorarūpo jāto'ndhakārādapi netrahīnaḥ tādṛgvidhaṁ taṁ ca nirīkṣya bhūtaṁ papraccha gaurī puruṣaṁ maheśam

"As light returned, seeing that terrible, sightless being sprung from the darkness, Gauri asked Mahesha about that man-like creature."

Verse 23 (shiva.rudra.180.23)

गौर्य्युवाच । कोऽयं विरूपो भगवन्हि जातो नावग्रतो घोरभयङ्करश्च । वदस्व सत्यं मम किं निमित्तं सृष्टोऽथ वा केन च कस्य पुत्रः

gauryyuvāca ko'yaṁ virūpo bhagavanhi jāto nāvagrato ghorabhayaṅkaraśca vadasva satyaṁ mama kiṁ nimittaṁ sṛṣṭo'tha vā kena ca kasya putraḥ

Gauri said: "O lord, who is this misshapen being that has been born, so dreadful and fearsome to look upon even now? Tell me truly, for what reason was he created, and whose son is he?"

Verse 24 (shiva.rudra.180.24)

सनत्कुमार उवाच । श्रुत्वा हरस्तद्वचनं प्रियाया लीलाकरः सृष्टिकृतोऽन्धरूपम् । लीलाकरायास्त्रिजगज्जनन्या विहस्य किञ्चिद्भगवानुवाच

sanatkumāra uvāca śrutvā harastadvacanaṁ priyāyā līlākaraḥ sṛṣṭikṛto'ndharūpam līlākarāyāstrijagajjananyā vihasya kiñcidbhagavānuvāca

Sanatkumara said: Hearing his beloved's words, Hara, the playful creator, laughing a little, spoke to Gauri, the mother of the three worlds and his own partner in play, about that blind being.

Verse 25 (shiva.rudra.180.25)

महेश उवाच । शृण्वम्बिके ह्यद्भुतवृत्तकारे उत्पन्न एषोऽद्भुतचण्डवीर्यः । निमीलिते चक्षुषि मे भवत्या स स्वेदजो मेऽन्धकनामधेयः

maheśa uvāca śṛṇvambike hyadbhutavṛttakāre utpanna eṣo'dbhutacaṇḍavīryaḥ nimīlite cakṣuṣi me bhavatyā sa svedajo me'ndhakanāmadheyaḥ

Mahesha said: "Hear, O Ambika, mother of wondrous events — when you closed my eyes, this being of astonishing, terrible power arose; born of my own sweat, he shall bear the name Andhaka."

Verse 26 (shiva.rudra.180.26)

त्वं चास्य कर्तास्य यथानुरूपं त्वया स सख्या दयया गणेभ्यः । स रक्षितव्यस्त्वयि तं हि वैकं विचार्य बुद्ध्या करणीयमार्ये

tvaṁ cāsya kartāsya yathānurūpaṁ tvayā sa sakhyā dayayā gaṇebhyaḥ sa rakṣitavyastvayi taṁ hi vaikaṁ vicārya buddhyā karaṇīyamārye

"You are its mother; nurture it as is fitting — with compassion, like a friend, guard it among the ganas; O noble one, consider with wisdom what should be done."

Verse 27 (shiva.rudra.180.27)

सनत्कुमार उवाच । गौरी ततो भृर्तृवचो निशम्य कारुण्यभावात्सहिता सखीभिः । नानाप्रकारैर्बहुभिर्ह्युपायै- श्चकार रक्षां स्वसुतस्य यद्वत्

sanatkumāra uvāca gaurī tato bhṛrtṛvaco niśamya kāruṇyabhāvātsahitā sakhībhiḥ nānāprakārairbahubhirhyupāyai- ścakāra rakṣāṁ svasutasya yadvat

Sanatkumara said: Hearing her husband's words, Gauri, moved by compassion, together with her companions, protected it by many means, just as she would her own child.

Verse 28 (shiva.rudra.180.28)

कालेऽथ तस्मिन् शिशिरे प्रयातो हिरण्यनेत्रस्त्वथ पुत्रकामः । स्वज्येष्ठबन्धोस्तनयप्रतानं संवीक्ष्य चासीत्प्रियया नियुक्तः

kāle'tha tasmin śiśire prayāto hiraṇyanetrastvatha putrakāmaḥ svajyeṣṭhabandhostanayapratānaṁ saṁvīkṣya cāsītpriyayā niyuktaḥ

"In that winter season, Hiranyanetra, desiring a son, seeing the multitude of children of his elder brother, and urged on by his own wife, set forth."

Verse 29 (shiva.rudra.180.29)

अरण्यमाश्रित्य तपश्चकारा- सुरस्तदा कश्यपजः सुतार्थम् । काष्ठोपमोऽसौ जितरोषदोषः सन्दर्शनार्थं तु महेश्वरस्य

araṇyamāśritya tapaścakārā- surastadā kaśyapajaḥ sutārtham kāṣṭhopamo'sau jitaroṣadoṣaḥ sandarśanārthaṁ tu maheśvarasya

"That son of Kashyapa, seeking a son, took refuge in the forest and practiced austerity — conquering all anger and fault, still as a log of wood, seeking the sight of Maheshvara."

Verse 30 (shiva.rudra.180.30)

तुष्टः पिनाकी तपसास्य सम्यग् वरप्रदानाय ययौ द्विजेन्द्र । तत्स्थानमासाद्य वृषध्वजोऽसौ जगाद दैत्यप्रवरं महेशः

tuṣṭaḥ pinākī tapasāsya samyag varapradānāya yayau dvijendra tatsthānamāsādya vṛṣadhvajo'sau jagāda daityapravaraṁ maheśaḥ

"Well pleased with his austerity, Shiva, bearer of the Pinaka bow, went there to grant him a boon; the bull-bannered Mahesha, arriving at that place, spoke to that foremost demon."

Verse 31 (shiva.rudra.180.31)

महेश उवाच । हे दैत्यनाथ कुरु नेन्द्रियसङ्घपातं किमर्थमेतद्व्रतमाश्रितं ते । प्रब्रूहि कामं वरदो भवोऽहं यदिच्छसि त्वं सकलं ददामि

maheśa uvāca he daityanātha kuru nendriyasaṅghapātaṁ kimarthametadvratamāśritaṁ te prabrūhi kāmaṁ varado bhavo'haṁ yadicchasi tvaṁ sakalaṁ dadāmi

Mahesha said: "O lord of demons, torment your senses no further; for what purpose have you undertaken this vow? Speak your wish — I grant boons, and I shall give you whatever you desire."

Verse 32 (shiva.rudra.180.32)

सनत्कुमार उवाच । सरस्यमाकर्ण्य महेशवाक्यं ह्यतिप्रसन्नः कनकाक्षदैत्यः । कृताञ्जलिर्नम्रशिरा उवाच । स्तुत्या च नत्वा विविधं गिरीशम्

sanatkumāra uvāca sarasyamākarṇya maheśavākyaṁ hyatiprasannaḥ kanakākṣadaityaḥ kṛtāñjalirnamraśirā uvāca stutyā ca natvā vividhaṁ girīśam

Sanatkumara said: Hearing Mahesha's nectar-like words, that golden-eyed demon rejoiced greatly; with joined palms and bowed head, praising Girisha in many ways and bowing to him, he spoke.

Verse 33 (shiva.rudra.180.33)

हिरण्याक्ष उवाच । पुत्रस्तु मे चन्द्रललाट नास्ति सुवीर्यवान्दैत्यकुलानुरूपी ॥ तदर्थमेतद् व्रतमास्थितोऽहं तं देहि देवेश सुवीर्यवन्तम्

hiraṇyākṣa uvāca putrastu me candralalāṭa nāsti suvīryavāndaityakulānurūpī tadarthametad vratamāsthito'haṁ taṁ dehi deveśa suvīryavantam

Hiranyaksha said: "O moon-crested one, I have no son of mighty valor fitting to the demon race — for that very reason I have undertaken this vow; O lord of gods, grant me such a son of great might."

Verse 34 (shiva.rudra.180.34)

यस्माच्च मद् भ्रातुरनन्तवीर्याः प्रह्लादपूर्वा अपि पञ्चपुत्राः । ममेह नास्तीति गतान्वयोऽहं को मामकं राज्यमिदं बुभूषेत्

yasmācca mad bhrāturanantavīryāḥ prahlādapūrvā api pañcaputrāḥ mameha nāstīti gatānvayo'haṁ ko māmakaṁ rājyamidaṁ bubhūṣet

"My brother has five sons of boundless valor beginning with Prahlada, while I have none — thus lacking lineage, I think, who then would even wish for this kingdom of mine?"

Verse 35 (shiva.rudra.180.35)

राज्यं परस्य स्वबलेन हृत्वा भुङ्क्तेऽथवा स्वं पितुरेव दृष्टम् । स प्रोच्यते पुत्र इह त्वमुत्र पुत्री स तेनापि भवेत्पितासौ

rājyaṁ parasya svabalena hṛtvā bhuṅkte'thavā svaṁ pitureva dṛṣṭam sa procyate putra iha tvamutra putrī sa tenāpi bhavetpitāsau

"He who, by his own strength, seizes and enjoys another's kingdom, or he who inherits his own father's — that one alone is truly called a son here; and in that same way, one becomes a father only through such a son."

Verse 36 (shiva.rudra.180.36)

ऊर्ध्वं गतिः पुत्रवतां निरुक्ता मनीषिभिर्धर्मभृतां वरिष्ठैः । सर्वाणि भूतानि तदर्थमेव- मतः प्रवर्तेत पशून् स्वतेजसः

ūrdhvaṁ gatiḥ putravatāṁ niruktā manīṣibhirdharmabhṛtāṁ variṣṭhaiḥ sarvāṇi bhūtāni tadarthameva- mataḥ pravarteta paśūn svatejasaḥ

"The wise, foremost among the upholders of dharma, have declared that ascent to the higher worlds belongs to those who have sons — for this very reason all beings, down to beasts, are impelled by their own vigor to that same purpose."

Verse 37 (shiva.rudra.180.37)

निरन्वयस्याथ न सन्ति लोकाः तदर्थमिच्छन्ति जनाः सुरेभ्यः । सदा समाराध्य सुराङ्घ्रिपङ्कजं याचन्त इत्थं सुतमेकमेव

niranvayasyātha na santi lokāḥ tadarthamicchanti janāḥ surebhyaḥ sadā samārādhya surāṅghripaṅkajaṁ yācanta itthaṁ sutamekameva

"For one without lineage, there are no worlds hereafter — for this very reason people ever worship the lotus feet of the gods and beg of them a single son."

Verse 38 (shiva.rudra.180.38)

सनत्कुमार उवाच । एतद्भवस्तद्वचनं निशम्य कृपाकरो दैत्यनृपस्य तुष्टः । तमाह दैत्याधिप नास्ति पुत्रः त्वद्वीर्यजः किन्तु ददामि पुत्रम्

sanatkumāra uvāca etadbhavastadvacanaṁ niśamya kṛpākaro daityanṛpasya tuṣṭaḥ tamāha daityādhipa nāsti putraḥ tvadvīryajaḥ kintu dadāmi putram

Sanatkumara said: Bhava, hearing his words, full of compassion, was pleased with that lord of demons, and said to him: "O lord of demons, no son has been born of your own seed — but I give you a son."

Verse 39 (shiva.rudra.180.39)

ममात्मजं त्वन्धकनामधेयं त्वत्तुल्यवीर्यं त्वपराजितं च । वृणीष्व पुत्रं सकलं विहाय दुःखं प्रतीच्छस्व सुतं त्वमेव

mamātmajaṁ tvandhakanāmadheyaṁ tvattulyavīryaṁ tvaparājitaṁ ca vṛṇīṣva putraṁ sakalaṁ vihāya duḥkhaṁ pratīcchasva sutaṁ tvameva

"My own son, named Andhaka, of valor equal to yours and unconquered — take him wholly as your own, and thus I remove your sorrow, accept him as your son."

Verse 40 (shiva.rudra.180.40)

इत्येवमुक्त्वा प्रददौ स तस्मै हिरण्यनेत्राय सुतं प्रसन्नः । हरस्तु गौर्य्या सहितो महात्मा भूतादिनाथस्त्रिपुरारिरुग्रः

ityevamuktvā pradadau sa tasmai hiraṇyanetrāya sutaṁ prasannaḥ harastu gauryyā sahito mahātmā bhūtādināthastripurārirugraḥ

Having said this, that pleased and great-souled Hara — lord of the hosts of beings, slayer of Tripura, together with Gauri — gave that son to Hiranyanetra.

Verse 41 (shiva.rudra.180.41)

ततो हरात्प्राप्य सुतं स दैत्यः प्रदक्षिणीकृत्य यथाक्रमेण । स्तोत्रैरनेकैरभिपूज्य रुद्रं तुष्टः स्वराज्यं गतवान्महात्मा

tato harātprāpya sutaṁ sa daityaḥ pradakṣiṇīkṛtya yathākrameṇa stotrairanekairabhipūjya rudraṁ tuṣṭaḥ svarājyaṁ gatavānmahātmā

Then that demon, having received the son from Hara, duly circumambulated him, worshiped Rudra with many hymns, and, well satisfied, that great-souled one returned to his own kingdom.

Verse 42 (shiva.rudra.180.42)

ततस्तु पुत्रं गिरिशादवाप्य रसातलं चण्डपराक्रमस्तु । इमां धरित्रीमनयत्स्वदेशं दैत्यो विजित्वा त्रिदशानशेषान्

tatastu putraṁ giriśādavāpya rasātalaṁ caṇḍaparākramastu imāṁ dharitrīmanayatsvadeśaṁ daityo vijitvā tridaśānaśeṣān

Then, having received a son from Girisha, that demon of terrible might went to the netherworld, and, conquering all the gods, drew this very earth toward his own domain.

Verse 43 (shiva.rudra.180.43)

ततस्तु देवैर्मुनिभिश्च सिद्धैः सर्वात्मकं यज्ञमयं करालम् । वाराहमाश्रित्य वपुः प्रधान- माराधितो विष्णुरनन्तवीर्यः

tatastu devairmunibhiśca siddhaiḥ sarvātmakaṁ yajñamayaṁ karālam vārāhamāśritya vapuḥ pradhāna- mārādhito viṣṇuranantavīryaḥ

Then the gods, sages, and siddhas worshiped that Vishnu of boundless valor, who took refuge in the terrible, sacrifice-formed, all-souled body of the boar.

Verse 44 (shiva.rudra.180.44)

घोणाप्रहारैर्विविधैर्धरित्रीं विदार्य पातालतलं प्रविश्य । तुण्डेन दैत्यान् शतशो विचूर्ण्य दंष्ट्राभिरग्र्याभिरखण्डिताभिः

ghoṇāprahārairvividhairdharitrīṁ vidārya pātālatalaṁ praviśya tuṇḍena daityān śataśo vicūrṇya daṁṣṭrābhiragryābhirakhaṇḍitābhiḥ

With manifold blows of his snout he tore open the earth and entered the depths of the netherworld; with his snout he pulverized demons by the hundred, and with his unbroken, foremost tusks,

Verse 45 (shiva.rudra.180.45)

पादप्रहारैरशनिप्रकाशै- रुन्मथ्य सैन्यानि निशाचराणाम् । मार्तण्डकोटिप्रतिमेन पश्चात् सुदर्शनेनाद्भुतचण्डतेजाः

pādaprahārairaśaniprakāśai- runmathya sainyāni niśācarāṇām mārtaṇḍakoṭipratimena paścāt sudarśanenādbhutacaṇḍatejāḥ

With blows of his feet, bright as thunderbolts, he overturned the armies of the night-wandering demons; and then, with his Sudarshana discus blazing like a million suns, that being of astonishing, terrible splendor —

Verse 46 (shiva.rudra.180.46)

हिरण्यनेत्रस्य शिरो ज्वलन्तं चिच्छेद दैत्यांश्च ददाह दुष्टान् । ततः प्रहृष्टो दितिजेन्द्रराज स्तमन्धकं तत्र स चाभ्यषिञ्चत्

hiraṇyanetrasya śiro jvalantaṁ ciccheda daityāṁśca dadāha duṣṭān tataḥ prahṛṣṭo ditijendrarāja stamandhakaṁ tatra sa cābhyaṣiñcat

cut off Hiranyanetra's flaming head and burned the wicked demons to ash — then the pleased lord of Diti's sons anointed Andhaka there.

Verse 47 (shiva.rudra.180.47)

स्वस्थानमागत्य ततो धरित्रीं दृष्ट्राङ्कुरेणोद्धरतः प्रहृष्टः । भूमिं च पातालतलान्महात्मा पुपोष भागं त्वथ पूर्वकं तु

svasthānamāgatya tato dharitrīṁ dṛṣṭrāṅkureṇoddharataḥ prahṛṣṭaḥ bhūmiṁ ca pātālatalānmahātmā pupoṣa bhāgaṁ tvatha pūrvakaṁ tu

Returning to his own place, raising up the earth on the tip of his tusk, that great-souled, joyful one nourished the earth and the depths of the netherworld exactly as it had been before.

Verse 48 (shiva.rudra.180.48)

देवैःसमस्तैर्मुनिभिः प्रहृष्टै- रभिष्टुतः पद्मभुवा च तेन । ययौ स्वलोकं हरिरुग्रकायो वराहरूपस्तु सुकार्यकर्ता

devaiḥsamastairmunibhiḥ prahṛṣṭai- rabhiṣṭutaḥ padmabhuvā ca tena yayau svalokaṁ harirugrakāyo varāharūpastu sukāryakartā

Praised well by all the joyful gods and sages and by lotus-born Brahma, Hari, of terrible body in the form of the boar, that accomplisher of good deeds, departed to his own realm.

Verse 49 (shiva.rudra.180.49)

हिरण्यनेत्रेऽथ हतेऽसुरेशे वराहरूपेण सुरेण सद्यः । देवाःसमस्ता मुनयश्च सर्वे परे च जीवाः सुखिनो बभूवुः

hiraṇyanetre'tha hate'sureśe varāharūpeṇa sureṇa sadyaḥ devāḥsamastā munayaśca sarve pare ca jīvāḥ sukhino babhūvuḥ

When the lord of demons, Hiranyanetra, was thus slain that very instant by the god in the form of the boar, all the gods, all the sages, and every other being became happy.