The Dialogue of Brahma and Vishnu

Verse 1 (shiva.rudra.30.1)

नारद उवाच । ब्रह्मन् विधे महाभाग धन्यस्त्वं शिवसक्तधीः । कथितं सुचरित्रं ते शङ्करस्य परात्मनः

nārada uvāca | brahman vidhe mahābhāga dhanyastvaṁ śivasaktadhīḥ | kathitaṁ sucaritraṁ te śaṅkarasya parātmanaḥ

Narada said: O Brahma, O Creator, greatly blessed one — blessed indeed are you, your mind fixed upon Shiva; you have told me this fine story of Shankara, the Supreme Self.

Verse 2 (shiva.rudra.30.2)

निजाश्रमे गते कामे सगणे सरतौ ततः । किमासीत्किमकार्षीस्त्वं तश्चरित्रं वदाधुना

nijāśrame gate kāme sagaṇe saratau tataḥ | kimāsītkimakārṣīstvaṁ taścaritraṁ vadādhunā

When Kama, together with his hosts and with Rati, had gone back to his own abode, what happened then, and what did you do? Tell me that story now.

Verse 3 (shiva.rudra.30.3)

ब्रह्मोवाच । शृणु नारद सुप्रीत्या चरित्रं शशिमौलिनः । यस्य श्रवणमात्रेण निर्विकारो भवेन्नरः

brahmovāca | śṛṇu nārada suprītyā caritraṁ śaśimaulinaḥ | yasya śravaṇamātreṇa nirvikāro bhavennaraḥ

Brahma said: Listen, Narada, with loving attention, to the story of the moon-crested one, by merely hearing which a man becomes free of every passion.

Verse 4 (shiva.rudra.30.4)

निजाश्रमं गते कामे परिवारसमन्विते । यद् बभूव तदा जातं तच्चरित्रं निबोध मे

nijāśramaṁ gate kāme parivārasamanvite | yad babhūva tadā jātaṁ taccaritraṁ nibodha me

When Kama, together with his retinue, had returned to his own abode, learn from me the story of what then took place.

Verse 5 (shiva.rudra.30.5)

नष्टोऽभून्नारद मदो विस्मयोऽभूच्च मे हृदि । निरानन्दस्य च मुनेऽपूर्णे निजमनोरथे

naṣṭo'bhūnnārada mado vismayo'bhūcca me hṛdi | nirānandasya ca mune'pūrṇe nijamanorathe

O Narada, my pride was shattered, and astonishment filled my heart; O sage, joyless was I, my own desire left unfulfilled.

Verse 6 (shiva.rudra.30.6)

अशोचं बहुधा चित्ते गृह्णीयात्स कथं स्त्रियम् । निर्विकारो जितात्मा स शङ्करो योगतत्परः

aśocaṁ bahudhā citte gṛhṇīyātsa kathaṁ striyam | nirvikāro jitātmā sa śaṅkaro yogatatparaḥ

I grieved deeply in my heart: 'How could he — unchanging Shankara, master of his own self, devoted wholly to yoga — ever take a wife?'

Verse 7 (shiva.rudra.30.7)

इत्थं विचार्य बहुधा तदाहं विमदो मुने । हरिं तं सोऽस्मरं भक्त्या शिवात्मानं स्वदेहदम्

itthaṁ vicārya bahudhā tadāhaṁ vimado mune | hariṁ taṁ so'smaraṁ bhaktyā śivātmānaṁ svadehadam

Having thus pondered deeply, O sage, my pride now humbled, I called to mind, with devotion, that Hari who is one with Shiva's own self, giver of the body itself.

Verse 8 (shiva.rudra.30.8)

अस्तवं च शुभस्तोत्रैर्दीनवाक्यसमन्वितैः । तच्छ्रुत्वा भगवानाशु बभूवाविर्हि मे पुरा

astavaṁ ca śubhastotrairdīnavākyasamanvitaiḥ | tacchrutvā bhagavānāśu babhūvāvirhi me purā

And I praised him with auspicious hymns, joined with words of humility; hearing this, the Lord swiftly appeared before me.

Verse 9 (shiva.rudra.30.9)

चतुर्भुजोऽरविन्दाक्षः शङ्खपद्मगदाधरः । लसत्पीतपटः श्यामतनुर्भक्तप्रियो हरिः

caturbhujo'ravindākṣaḥ śaṅkhapadmagadādharaḥ | lasatpītapaṭaḥ śyāmatanurbhaktapriyo hariḥ

Four-armed, lotus-eyed, bearing conch, lotus, and mace, resplendent in shining yellow garments, dark-hued of body, beloved of his devotees — Hari.

Verse 10 (shiva.rudra.30.10)

तं दृष्ट्वा तादृशमहं सुशरण्यं मुहुर्मुहुः । अस्तवं च पुनः प्रेम्णा बाष्पगद्गदया गिरा

taṁ dṛṣṭvā tādṛśamahaṁ suśaraṇyaṁ muhurmuhuḥ | astavaṁ ca punaḥ premṇā bāṣpagadgadayā girā

Seeing him thus, that most gracious refuge, again and again, I praised him once more with love, in a voice choked with tears.

Verse 11 (shiva.rudra.30.11)

हरिराकर्ण्य तत्स्तोत्रं सुप्रसन्न उवाच माम् । दुःखहा निजभक्तानां ब्रह्माणं शरणं गतम्

harirākarṇya tatstotraṁ suprasanna uvāca mām | duḥkhahā nijabhaktānāṁ brahmāṇaṁ śaraṇaṁ gatam

Hari, hearing that hymn, greatly pleased, spoke to me, Brahma, who had come to him for refuge — he who removes the sorrow of his devotees.

Verse 12 (shiva.rudra.30.12)

हरिरुवाच । विधे ब्रह्मन् महाप्राज्ञ धन्यस्त्वं लोककारक । किमर्थं स्मरणं मेऽद्य कृतं च क्रियते नुतिः

hariruvāca | vidhe brahman mahāprājña dhanyastvaṁ lokakāraka | kimarthaṁ smaraṇaṁ me'dya kṛtaṁ ca kriyate nutiḥ

Hari said: O Creator Brahma, greatly wise one, blessed are you, maker of the worlds; why have you remembered me today, and for what reason is this hymn being offered?

Verse 13 (shiva.rudra.30.13)

किं जातं ते महद्दुःखं मदग्रे तद्वदाधुना । शमयिष्यामि तत्सर्वं नात्र कार्या विचारणा

kiṁ jātaṁ te mahadduḥkhaṁ madagre tadvadādhunā | śamayiṣyāmi tatsarvaṁ nātra kāryā vicāraṇā

What great sorrow has come upon you? Tell it to me now, here before me; I shall put an end to it entirely — there is no need for doubt in this.

Verse 14 (shiva.rudra.30.14)

ब्रह्मोवाच । इति विष्णोर्वचः श्रुत्वा किञ्चिदुच्छ्वसिताननः । अवोचं वचनं विष्णुं प्रणम्य सुकृताञ्जलिः

brahmovāca | iti viṣṇorvacaḥ śrutvā kiñciducchvasitānanaḥ | avocaṁ vacanaṁ viṣṇuṁ praṇamya sukṛtāñjaliḥ

Brahma said: Hearing these words of Vishnu, my face brightening a little with a sigh of relief, I bowed with hands folded in reverence and spoke these words to Vishnu.

Verse 15 (shiva.rudra.30.15)

देवदेव रमानाथ मद्वार्तां शृणु मानद । श्रुत्वा च करुणां कृत्वा हर दुःखं कमावह

devadeva ramānātha madvārtāṁ śṛṇu mānada | śrutvā ca karuṇāṁ kṛtvā hara duḥkhaṁ kamāvaha

O God of gods, Lord of Rama, O giver of honor, hear my tale; and having heard it, be compassionate and take away my sorrow.

Verse 16 (shiva.rudra.30.16)

रुद्रसम्मोहनार्थं हि कामं प्रेषितवानहम् । परिवारयुतं विष्णो समारमधुबान्धवम्

rudrasammohanārthaṁ hi kāmaṁ preṣitavānaham | parivārayutaṁ viṣṇo samāramadhubāndhavam

O Vishnu, in order to bewilder Rudra, I sent Kama, together with his retinue, and with his friend Madhu.

Verse 17 (shiva.rudra.30.17)

चक्रुस्ते विविधोपायान् निष्फला अभवंश्च ते । नाभवत्तस्य सम्मोहो योगिनः समदर्शिनः

cakruste vividhopāyān niṣphalā abhavaṁśca te | nābhavattasya sammoho yoginaḥ samadarśinaḥ

They employed every kind of means, yet all of them proved fruitless; no delusion whatsoever arose in him, that yogi of equal vision toward all things.

Verse 18 (shiva.rudra.30.18)

इत्याकर्ण्य वचो मे स हरिर्मां प्राह विस्मितः । विज्ञाताखिलदो ज्ञानी शिवतत्त्वविशारदः

ityākarṇya vaco me sa harirmāṁ prāha vismitaḥ | vijñātākhilado jñānī śivatattvaviśāradaḥ

Hearing these words of mine, Hari, astonished, spoke to me — he who knows all things, the wise one, expert in the truth of Shiva.

Verse 19 (shiva.rudra.30.19)

विष्णुरुवाच । कस्माद्धेतोरिति मतिस्तव जाता पितामह । सर्वं विचार्य सुधिया ब्रह्मन् सत्यं हि तद्वद

viṣṇuruvāca | kasmāddhetoriti matistava jātā pitāmaha | sarvaṁ vicārya sudhiyā brahman satyaṁ hi tadvada

Vishnu said: For what reason, O Grandsire, did this notion arise within you? Consider it all carefully, O Brahma, and tell me the plain truth.

Verse 20 (shiva.rudra.30.20)

ब्रह्मोवाच । शृणु तात चरित्रं तत् तव माया विमोहिनी । तदधीनं जगत्सर्वं सुखदुःखादितत्परम्

brahmovāca | śṛṇu tāta caritraṁ tat tava māyā vimohinī | tadadhīnaṁ jagatsarvaṁ sukhaduḥkhāditatparam

Brahma said: Listen, my son, to this story — it is your own bewildering Maya; this entire world, given over to joy and sorrow, lies under its sway.

Verse 21 (shiva.rudra.30.21)

ययैव प्रेषितश्चाहं पापं कर्तुं समुद्यतः । आसं तच्छृणु देवेश वदामि तव शासनात्

yayaiva preṣitaścāhaṁ pāpaṁ kartuṁ samudyataḥ | āsaṁ tacchṛṇu deveśa vadāmi tava śāsanāt

By that very Maya was I driven, made ready to commit a sin; hear it now, O Lord of gods — I speak it at your bidding.

Verse 22 (shiva.rudra.30.22)

सृष्टिप्रारम्भसमये दश पुत्रा हि जज्ञिरे । दक्षाद्यास्तनया चैका वाग्भवाप्यतिसुन्दरी

sṛṣṭiprārambhasamaye daśa putrā hi jajñire | dakṣādyāstanayā caikā vāgbhavāpyatisundarī

At the beginning of creation, ten sons were born, Daksha foremost among them, and one daughter too, born of Speech, exceedingly beautiful.

Verse 23 (shiva.rudra.30.23)

धर्मो वक्षःस्थलात्कामो मनसोऽन्योऽपि देहतः । जातास्तत्र सुतां दृष्ट्वा मम मोहोऽभवद्धरे

dharmo vakṣaḥsthalātkāmo manaso'nyo'pi dehataḥ | jātāstatra sutāṁ dṛṣṭvā mama moho'bhavaddhare

Dharma was born from my chest, Kama from my mind, and others too from my body; and seeing that daughter there, O Hari, delusion arose in me.

Verse 24 (shiva.rudra.30.24)

कुदृष्ट्या तां समद्राक्षं तव मायाविमोहितः । तत्क्षणाद्धर आगत्य मामनिन्दत्सुतानपि

kudṛṣṭyā tāṁ samadrākṣaṁ tava māyāvimohitaḥ | tatkṣaṇāddhara āgatya māmanindatsutānapi

Deluded by your Maya, I gazed upon her with an evil eye; and in that very instant, Hara arrived and reproached both me and my sons as well.

Verse 25 (shiva.rudra.30.25)

धिक्कारं कृतवान् सर्वान् निजं मत्वा परं प्रभुम् । ज्ञानिनं योगिनं नाथं भोगिनं विजितेन्द्रियम्

dhikkāraṁ kṛtavān sarvān nijaṁ matvā paraṁ prabhum | jñāninaṁ yoginaṁ nāthaṁ bhoginaṁ vijitendriyam

He heaped scorn upon us all, esteeming himself the supreme Lord — knower, yogi, master, enjoyer, and conqueror of the senses.

Verse 26 (shiva.rudra.30.26)

पुत्रो भूत्वा मम हरेऽनिन्दन्मां च समक्षतः । इति दुःखं महन्मे हि तदुक्तं तव सन्निधौ

putro bhūtvā mama hare'nindanmāṁ ca samakṣataḥ | iti duḥkhaṁ mahanme hi taduktaṁ tava sannidhau

Being my own son, O Hari, he reproached me openly, before my very eyes; this great sorrow of mine I have now laid before you.

Verse 27 (shiva.rudra.30.27)

गृह्णीयाद्यदि पत्नीं स स्यां सुखी नष्टदुःखधीः । एतदर्थं समायातः शरणं तव केशव

gṛhṇīyādyadi patnīṁ sa syāṁ sukhī naṣṭaduḥkhadhīḥ | etadarthaṁ samāyātaḥ śaraṇaṁ tava keśava

If only he would take a wife, I would be happy, and my sorrowful mind set at ease; for this very reason, O Keshava, I have come to take refuge in you.

Verse 28 (shiva.rudra.30.28)

ब्रह्मोवाच । इत्याकर्ण्य वचो मे हि ब्रह्मणो मधुसूदनः । विहस्य मां द्रुतं प्राह हर्षयन्भवकारकम्

brahmovāca | ityākarṇya vaco me hi brahmaṇo madhusūdanaḥ | vihasya māṁ drutaṁ prāha harṣayanbhavakārakam

Brahma said: Hearing these words of mine, Madhusudana, laughing, quickly spoke to me, delighting me, the maker of worldly becoming.

Verse 29 (shiva.rudra.30.29)

विष्णुरुवाच । विधे शृणु हि मद्वाक्यं सर्वं भ्रमनिवारणम् । सर्वं वेदागमादीनां सम्मतं परमार्थतः

viṣṇuruvāca | vidhe śṛṇu hi madvākyaṁ sarvaṁ bhramanivāraṇam | sarvaṁ vedāgamādīnāṁ sammataṁ paramārthataḥ

Vishnu said: O Creator, listen to my words, which shall dispel all your confusion — words that accord, in the highest sense, with the Vedas and the Agamas.

Verse 30 (shiva.rudra.30.30)

महामूढमतिश्चाद्य सञ्जातोऽसि कथं विधे । वेदवक्तापि निखिललोककर्ता हि दुर्मतिः

mahāmūḍhamatiścādya sañjāto'si kathaṁ vidhe | vedavaktāpi nikhilalokakartā hi durmatiḥ

O Creator, how have you today become so deeply confused — you, the very speaker of the Vedas, the maker of all worlds, now fallen into such poor understanding?

Verse 31 (shiva.rudra.30.31)

जडतां त्यज मन्दात्मन् कुरु त्वं नेदृशीं मतिम् । किं ब्रुवन्त्यखिला वेदाः स्तुत्या तत्स्मर सद्धिया

jaḍatāṁ tyaja mandātman kuru tvaṁ nedṛśīṁ matim | kiṁ bruvantyakhilā vedāḥ stutyā tatsmara saddhiyā

O feeble-minded one, cast off this dullness; hold no longer to such a notion. Recall, with sound judgment, what all the Vedas proclaim in their hymns of praise.

Verse 32 (shiva.rudra.30.32)

रुद्रं जानासि दुर्बुद्धे स्वसुतं परमेश्वरम् । वेदवक्तापि विज्ञानं विस्मृतं तेऽखिलं विधे

rudraṁ jānāsi durbuddhe svasutaṁ parameśvaram | vedavaktāpi vijñānaṁ vismṛtaṁ te'khilaṁ vidhe

O foolish one, you regard Rudra, the Supreme Lord, as merely your own son; O Creator, though the very speaker of the Vedas, you have forgotten all true wisdom.

Verse 33 (shiva.rudra.30.33)

शङ्करं सुरसामान्यं मत्वा द्रोहं करोषि हि । सुबुद्धिर्विगता तेऽद्याविर्भूता कुमतिस्तथा

śaṅkaraṁ surasāmānyaṁ matvā drohaṁ karoṣi hi | subuddhirvigatā te'dyāvirbhūtā kumatistathā

Regarding Shankara as but an ordinary god, you commit offense against him; your good sense has vanished today, and confused thinking has taken its place.

Verse 34 (shiva.rudra.30.34)

तत्त्वसिद्धान्तमाख्यातं शृणु सद्बुद्धिमावह । यथार्थं निगमाख्यातं निर्णीय भवकारकम्

tattvasiddhāntamākhyātaṁ śṛṇu sadbuddhimāvaha | yathārthaṁ nigamākhyātaṁ nirṇīya bhavakārakam

Hear the true doctrine as it has been declared; bring your understanding to bear, and, O maker of existence, rightly discern what the scriptures truly proclaim.

Verse 35 (shiva.rudra.30.35)

शिवः सर्वस्वकर्ता हि भर्ता हर्ता परात्परः । परब्रह्म परेशश्च निर्गुणो नित्य एव च

śivaḥ sarvasvakartā hi bhartā hartā parātparaḥ | parabrahma pareśaśca nirguṇo nitya eva ca

Shiva is the maker of all things, their sustainer, and their destroyer — the highest of the high. He is the Supreme Brahman, the Supreme Lord, without attributes, and eternal.

Verse 36 (shiva.rudra.30.36)

अनिर्देश्यो निर्विकारः परमात्माद्वयोऽच्युतः । अनन्तोऽन्तकरः स्वामी व्यापकः परमेश्वरः

anirdeśyo nirvikāraḥ paramātmādvayo'cyutaḥ | ananto'ntakaraḥ svāmī vyāpakaḥ parameśvaraḥ

He is beyond description, unchanging, the one, non-dual Supreme Self, imperishable; infinite, yet also the ender of all things, the Lord, all-pervading, the Supreme Ruler.

Verse 37 (shiva.rudra.30.37)

सृष्टिस्थितिविनाशानां कर्ता त्रिगुणभाग्विभुः । ब्रह्मविष्णुमहेशाख्यो रजः सत्त्वतमः परः

sṛṣṭisthitivināśānāṁ kartā triguṇabhāgvibhuḥ | brahmaviṣṇumaheśākhyo rajaḥ sattvatamaḥ paraḥ

He is the doer of creation, preservation, and destruction, the all-pervading one who assumes the three gunas; known by the names Brahma, Vishnu, and Mahesha, he is yet beyond Rajas, Sattva, and Tamas.

Verse 38 (shiva.rudra.30.38)

मायाभिन्नो निरीहश्च मायो मायाविशारदः । सगुणोऽपि स्वतन्त्रश्च निजानन्दोऽविकल्पकः

māyābhinno nirīhaśca māyo māyāviśāradaḥ | saguṇo'pi svatantraśca nijānando'vikalpakaḥ

He stands apart from Maya, desireless, yet himself the master of Maya and expert in her ways; though possessed of attributes, he is independent, blissful in his own self, and beyond all distinction.

Verse 39 (shiva.rudra.30.39)

आत्मारामो हि निर्द्वन्द्वो भक्ताधीनःसुविग्रहः । योगी योगरतो नित्यं योगमार्गप्रदर्शकः

ātmārāmo hi nirdvandvo bhaktādhīnaḥsuvigrahaḥ | yogī yogarato nityaṁ yogamārgapradarśakaḥ

He delights in his own self, beyond all dualities, subject only to his devotees, of beauteous form; ever the yogi absorbed in yoga, and the revealer of the path of yoga itself.

Verse 40 (shiva.rudra.30.40)

गर्वापहारी लोकेशः सर्वदा दीनवत्सलः । एतादृशो हि यः स्वामी स्वपुत्रं मन्यसे हि तम्

garvāpahārī lokeśaḥ sarvadā dīnavatsalaḥ | etādṛśo hi yaḥ svāmī svaputraṁ manyase hi tam

He is the destroyer of pride, Lord of the worlds, ever tender toward the humble — and such a Lord as this, you regard merely as your own son!

Verse 41 (shiva.rudra.30.41)

ईदृशं त्यज कुज्ञानं शरणं व्रज तस्य वै । भज सर्वात्मना शम्भुं सन्तुष्टः शं विधास्यति

īdṛśaṁ tyaja kujñānaṁ śaraṇaṁ vraja tasya vai | bhaja sarvātmanā śambhuṁ santuṣṭaḥ śaṁ vidhāsyati

Abandon such false understanding, and take refuge in him alone. Worship Shambhu with your whole soul; pleased, he shall grant you peace and well-being.

Verse 42 (shiva.rudra.30.42)

गृह्णीयाच्छङ्करः पत्नीं विचारो हृदि चेत्तव । शिवामुद्दिश्य सुतपः कुरु ब्रह्मन् शिवं स्मरन्

gṛhṇīyācchaṅkaraḥ patnīṁ vicāro hṛdi cettava | śivāmuddiśya sutapaḥ kuru brahman śivaṁ smaran

If it is your heart's wish that Shankara take a wife, then, O Brahma, remembering Shiva, perform excellent austerity directed toward Shiva — the goddess, Shivā.

Verse 43 (shiva.rudra.30.43)

कुरु ध्यानं शिवायात्स्वं काममुद्दिश्य तं हृदि । सा चेत्प्रसन्ना देवेशी सर्वं कार्यं विधास्यति

kuru dhyānaṁ śivāyātsvaṁ kāmamuddiśya taṁ hṛdi | sā cetprasannā deveśī sarvaṁ kāryaṁ vidhāsyati

Meditate upon Shivā, holding your own wish fixed within your heart; and if that goddess, Lady of the gods, becomes pleased, she shall bring all things to fulfillment.

Verse 44 (shiva.rudra.30.44)

कृत्वावतारं सगुणा यदि स्यान्मानुषी शिवा । कस्यचित्तनया लोके सा तत्पत्नी भवेद् ध्रुवम्

kṛtvāvatāraṁ saguṇā yadi syānmānuṣī śivā | kasyacittanayā loke sā tatpatnī bhaved dhruvam

If Shivā, assuming form with attributes, should incarnate as a mortal woman, born in this world as someone's daughter, then she would surely become his wife.

Verse 45 (shiva.rudra.30.45)

दक्षमाज्ञापय ब्रह्मन् तपः कुर्य्यात्प्रयत्नतः । तामुत्पादयितुं पत्नीं शिवार्थं भक्तितः स्वतः

dakṣamājñāpaya brahman tapaḥ kuryyātprayatnataḥ | tāmutpādayituṁ patnīṁ śivārthaṁ bhaktitaḥ svataḥ

O Brahma, command Daksha to undertake austerity with his utmost effort, of his own will and devotion, so that he may obtain her, destined to be Shiva's wife, as his own daughter.

Verse 46 (shiva.rudra.30.46)

भक्ताधीनौ च तौ तात सुविज्ञेयौ शिवाशिवौ । स्वेच्छया सगुणौ जातौ परब्रह्मस्वरूपिणौ

bhaktādhīnau ca tau tāta suvijñeyau śivāśivau | svecchayā saguṇau jātau parabrahmasvarūpiṇau

O father, know well that both Shiva and Shivā are subject to their devotees; of their own free will they have taken on form and attributes, though in their true nature they are the Supreme Brahman itself.

Verse 47 (shiva.rudra.30.47)

ब्रह्मोवाच । इत्युक्त्वा तत्क्षणं मेशः शिवं सस्मार स्वप्रभुम् । कृपया तस्य सम्प्राप्य ज्ञानमूचे च मां ततः

brahmovāca | ityuktvā tatkṣaṇaṁ meśaḥ śivaṁ sasmāra svaprabhum | kṛpayā tasya samprāpya jñānamūce ca māṁ tataḥ

Brahma said: Having said this, Lord Vishnu at once called to mind his own Master, Shiva; and having received knowledge by his grace, he then spoke to me.

Verse 48 (shiva.rudra.30.48)

विष्णुरुवाच । विधे स्मर पुरोक्तं यद्वचनं शङ्करेण च । प्रार्थितेन यदावाभ्यामुत्पन्नाभ्यां तदिच्छया

viṣṇuruvāca | vidhe smara puroktaṁ yadvacanaṁ śaṅkareṇa ca | prārthitena yadāvābhyāmutpannābhyāṁ tadicchayā

Vishnu said: O Creator, recall that word once spoken by Shankara, when we two, having been brought into being by his own will, made our prayer to him.

Verse 49 (shiva.rudra.30.49)

विस्मृतं तव तत्सर्वं धन्या या शाम्भवी परा । तया सम्मोहितं सर्वं दुर्विज्ञेया शिवं विना

vismṛtaṁ tava tatsarvaṁ dhanyā yā śāmbhavī parā | tayā sammohitaṁ sarvaṁ durvijñeyā śivaṁ vinā

You have forgotten all of that; blessed indeed is that supreme power of Shambhu, by which all this world lies bewildered — a mystery hard to fathom apart from Shiva himself.

Verse 50 (shiva.rudra.30.50)

यदा हि सगुणो जातः स्वेच्छया निर्गुणः शिवः । मामुत्पाद्य ततस्त्वां च स्वशक्त्या सुविहारकृत्

yadā hi saguṇo jātaḥ svecchayā nirguṇaḥ śivaḥ | māmutpādya tatastvāṁ ca svaśaktyā suvihārakṛt

When the attributeless Shiva, by his own will, took on attributes, he, delighting in his own divine play, brought forth first me, and then you, through his own power.

Verse 51 (shiva.rudra.30.51)

उपादिदेश त्वां शम्भुः सृष्टिकार्यं तदा प्रभुः । तत्पालनं च मां ब्रह्मन् सोमः सूतिकरोऽव्ययः

upādideśa tvāṁ śambhuḥ sṛṣṭikāryaṁ tadā prabhuḥ | tatpālanaṁ ca māṁ brahman somaḥ sūtikaro'vyayaḥ

Then the Lord Shambhu appointed you, O Brahma, to the task of creation, and me to that of preservation; he, the imperishable Soma, is the true begetter of all things.

Verse 52 (shiva.rudra.30.52)

तदा वां वेश्म सम्प्राप्तौ साञ्जली नतमस्तकौ । भव त्वमसि सर्वेशोऽवतारी गुणरूपधृक्

tadā vāṁ veśma samprāptau sāñjalī natamastakau | bhava tvamasi sarveśo'vatārī guṇarūpadhṛk

Then, having come before his abode, we two, hands folded, heads bowed, said: 'You are Bhava, you are the Lord of all, the one who takes incarnation, bearing form and attributes.'

Verse 53 (shiva.rudra.30.53)

इत्युक्तः प्राह स स्वामी विहस्य करुणान्वितः । दिवमुद्वीक्ष्य सुप्रीत्या नानालीलाविशारदः

ityuktaḥ prāha sa svāmī vihasya karuṇānvitaḥ | divamudvīkṣya suprītyā nānālīlāviśāradaḥ

Thus addressed, that compassionate Lord, smiling, gazing lovingly up at the sky, he who is expert in every manner of divine play, spoke.

Verse 54 (shiva.rudra.30.54)

मद्रूपं परमं विष्णो ईदृशं ह्यङ्गतो विधेः । प्रकटीभविता लोके नाम्ना रुद्रः प्रकीर्तितः

madrūpaṁ paramaṁ viṣṇo īdṛśaṁ hyaṅgato vidheḥ | prakaṭībhavitā loke nāmnā rudraḥ prakīrtitaḥ

O Vishnu, this supreme form of mine shall, in due course, arise from a limb of the Creator and appear in the world, proclaimed by the name Rudra.

Verse 55 (shiva.rudra.30.55)

पूर्णरूपः स मे पूज्यः सदा वां सर्वकामकृत् । लयकर्ता गुणाध्यक्षो निर्विशेषः सुयोगकृत्

pūrṇarūpaḥ sa me pūjyaḥ sadā vāṁ sarvakāmakṛt | layakartā guṇādhyakṣo nirviśeṣaḥ suyogakṛt

That full form of mine shall ever be worthy of worship by you both, and shall fulfill every desire; he shall be the doer of dissolution, overseer of the gunas, beyond all distinction, and a great master of yoga.

Verse 56 (shiva.rudra.30.56)

त्रिदेवा अपि मे रूपं हरः पूर्णो विशेषतः । उमाया अपि रूपाणि भविष्यन्ति त्रिधा सुतौ

tridevā api me rūpaṁ haraḥ pūrṇo viśeṣataḥ | umāyā api rūpāṇi bhaviṣyanti tridhā sutau

The three gods too are forms of mine, but Hara especially is my complete and full form; and forms of Uma, too, shall come into being, in threefold manner.

Verse 57 (shiva.rudra.30.57)

लक्ष्मीर्नाम हरेः पत्नी ब्रह्मपत्नी सरस्वती । पूर्णरूपा सती नाम रुद्रपत्नी भविष्यति

lakṣmīrnāma hareḥ patnī brahmapatnī sarasvatī | pūrṇarūpā satī nāma rudrapatnī bhaviṣyati

Lakshmi, by name, shall be Hari's wife; Sarasvati shall be Brahma's wife; and she of the fullest form, named Sati, shall become the wife of Rudra.

Verse 58 (shiva.rudra.30.58)

विष्णुरुवाच । इत्युक्त्वान्तर्हितो जातः कृपां कृत्वा महेश्वरः । अभूतां सुखिनावावां स्वस्वकार्यपरायणौ

viṣṇuruvāca | ityuktvāntarhito jātaḥ kṛpāṁ kṛtvā maheśvaraḥ | abhūtāṁ sukhināvāvāṁ svasvakāryaparāyaṇau

Vishnu said: Having said this, and having shown his grace, Maheshvara vanished from sight; and we two, made happy, gave ourselves over each to his own task.

Verse 59 (shiva.rudra.30.59)

समयं प्राप्य सस्त्रीकावावां ब्रह्मन्न शङ्करः । अवतीर्णः स्वयं रुद्रनामा कैलाससंश्रयः

samayaṁ prāpya sastrīkāvāvāṁ brahmanna śaṅkaraḥ | avatīrṇaḥ svayaṁ rudranāmā kailāsasaṁśrayaḥ

O Brahma, in due time we both, together with our wives, remained as we were; but Shankara himself took incarnation, under the name Rudra, and made his abode on Kailasa.

Verse 60 (shiva.rudra.30.60)

अवतीर्णा शिवाभूत्सा सती नाम प्रजेश्वर । तदुत्पादनहेतोर्हि यत्नोऽतः कार्य एव वै

avatīrṇā śivābhūtsā satī nāma prajeśvara | tadutpādanahetorhi yatno'taḥ kārya eva vai

Shivā too took incarnation, O Lord of creatures, becoming she who is named Sati; and so, for the sake of bringing about her birth, effort must indeed now be made.

Verse 61 (shiva.rudra.30.61)

इत्युक्त्वान्तर्दधे विष्णुः कृत्वा स करुणां पराम् । प्राप्नुवं प्रमुदं चाथ ह्यधिकं गतमत्सरः

ityuktvāntardadhe viṣṇuḥ kṛtvā sa karuṇāṁ parām | prāpnuvaṁ pramudaṁ cātha hyadhikaṁ gatamatsaraḥ

Having said this, Vishnu, having shown supreme compassion, vanished from sight; and I then, my envy now dispelled, was filled with great and abounding joy.