The Hymn to Durga and Brahma's Boon

Verse 1 (shiva.rudra.31.1)

नारद उवाच । ब्रह्मन् तात महाप्राज्ञ वद नो वदतां वर । गते विष्णौ किमभवदकार्षीत्किं विधे भवान्

nārada uvāca | brahman tāta mahāprājña vada no vadatāṁ vara | gate viṣṇau kimabhavadakārṣītkiṁ vidhe bhavān

Narada said: O Brahma, father, greatly wise one, best of speakers, tell us — when Vishnu had departed, what happened, and what did you do, O Creator?

Verse 2 (shiva.rudra.31.2)

ब्रह्मोवाच । विप्रनन्दनवर्य त्वं सावधानतया शृणु । विष्णौ गते भगवति यदकार्षमहं खलु

brahmovāca | vipranandanavarya tvaṁ sāvadhānatayā śṛṇu | viṣṇau gate bhagavati yadakārṣamahaṁ khalu

Brahma said: O best of Brahmin sons, listen attentively; when the Lord Vishnu had departed, what I then did —

Verse 3 (shiva.rudra.31.3)

विद्याविद्यात्मिकां शुद्धां परब्रह्मस्वरूपिणीम् । स्तौमि देवीं जगद्धात्रीं दुर्गां शम्भुप्रियां सदा

vidyāvidyātmikāṁ śuddhāṁ parabrahmasvarūpiṇīm | staumi devīṁ jagaddhātrīṁ durgāṁ śambhupriyāṁ sadā

—I praised the goddess, embodying both knowledge and ignorance, pure, of the very form of the Supreme Brahman, sustainer of the world — Durga, ever beloved of Shambhu.

Verse 4 (shiva.rudra.31.4)

सर्वत्र व्यापिनीं नित्यां निरालम्बां निराकुलाम् । त्रिदेवजननीं वन्दे स्थूलस्थूलामरूपिणीम्

sarvatra vyāpinīṁ nityāṁ nirālambāṁ nirākulām | tridevajananīṁ vande sthūlasthūlāmarūpiṇīm

All-pervading, eternal, without support, ever untroubled, mother of the three gods — I bow before her, grossest of the gross, yet without form.

Verse 5 (shiva.rudra.31.5)

त्वं चितिः परमानन्दा परमात्मस्वरूपिणी । प्रसन्ना भव देवेशि मत्कार्यं कुरु ते नमः

tvaṁ citiḥ paramānandā paramātmasvarūpiṇī | prasannā bhava deveśi matkāryaṁ kuru te namaḥ

You are pure consciousness, supreme bliss itself, of the very nature of the Supreme Self; be gracious, O Lady of the gods, accomplish my task — homage to you.

Verse 6 (shiva.rudra.31.6)

एवं संस्तूयमाना सा योगनिद्रा मया मुने । आविर्बभूव प्रत्यक्षं देवर्षे चण्डिका मम

evaṁ saṁstūyamānā sā yoganidrā mayā mune | āvirbabhūva pratyakṣaṁ devarṣe caṇḍikā mama

Thus praised by me, O sage, O celestial seer, that Yoganidra, Chandika herself, appeared directly before me.

Verse 7 (shiva.rudra.31.7)

स्निग्धाञ्जनद्युतिश्चारुरूपा दिव्यचतुर्भुजा । सिंहस्था वरहस्ता च मुक्तामणिकचोत्कटा

snigdhāñjanadyutiścārurūpā divyacaturbhujā | siṁhasthā varahastā ca muktāmaṇikacotkaṭā

Radiant as polished collyrium, lovely in form, divinely four-armed, seated upon a lion, her hand held in the boon-granting gesture, her hair adorned with pearls.

Verse 8 (shiva.rudra.31.8)

शरदिन्द्वानना शुभ्रचन्द्रभाला त्रिलोचना । सर्वावयवरम्या च कमलाङ्घ्रिनखद्युतिः

śaradindvānanā śubhracandrabhālā trilocanā | sarvāvayavaramyā ca kamalāṅghrinakhadyutiḥ

Her face like the autumn moon, her brow bright as the crescent, three-eyed, beautiful in every limb, the nails of her lotus feet aglow.

Verse 9 (shiva.rudra.31.9)

समक्षं तामुमां वीक्ष्य मुने शक्तिं शिवस्य हि । भक्त्या विनततुङ्गांशः प्रास्तवं सुप्रणम्य वै

samakṣaṁ tāmumāṁ vīkṣya mune śaktiṁ śivasya hi | bhaktyā vinatatuṅgāṁśaḥ prāstavaṁ supraṇamya vai

O sage, seeing before me that Uma, none other than Shiva's own Shakti, I, my proud head bowed low in devotion, prostrated myself fully and praised her.

Verse 10 (shiva.rudra.31.10)

ब्रह्मोवाच । नमो नमस्ते जगतःप्रवृत्ति- निवृत्तिरूपे स्थितिसर्गरूपे । चराचराणां भवती सुशक्तिः सनातनी सर्वविमोहनीति

brahmovāca | namo namaste jagataḥpravṛtti- nivṛttirūpe sthitisargarūpe | carācarāṇāṁ bhavatī suśaktiḥ sanātanī sarvavimohanīti

Brahma said: Homage, homage to you, who take the form of the world's activity and its cessation, the form of both its preservation and its creation; you are the eternal power behind all things moving and unmoving, the bewilderer of the whole universe.

Verse 11 (shiva.rudra.31.11)

या श्रीः सदा केशवमूर्तिमाला विश्वम्भरा या सकलं बिभर्ति । या त्वं पुरा सृष्टिकरी महेशी हर्त्री त्रिलोकस्य परा गुणेभ्यः

yā śrīḥ sadā keśavamūrtimālā viśvambharā yā sakalaṁ bibharti | yā tvaṁ purā sṛṣṭikarī maheśī hartrī trilokasya parā guṇebhyaḥ

You who, as Shri, are ever the garland adorning Keshava's form; you who, as Vishvambhara, sustain all things; you who of old were the creatrix, the great goddess, the destroyer of the three worlds, and stand beyond the gunas.

Verse 12 (shiva.rudra.31.12)

या योगिनां वै महिता मनोज्ञा सा त्वं नमस्ते परमाणुसारे । यमादिपूते हृदि योगिनां या या योगिनां ध्यानपथे प्रतीता

yā yogināṁ vai mahitā manojñā sā tvaṁ namaste paramāṇusāre | yamādipūte hṛdi yogināṁ yā yā yogināṁ dhyānapathe pratītā

You who are honored and beloved among the yogis, homage to you, essence subtler than the atom; you who dwell within the hearts of yogis purified by yama and the rest, you who reveal yourself upon the meditative path of the yogis.

Verse 13 (shiva.rudra.31.13)

प्रकाशशुद्ध्यादियुता विरागा सा त्वं हि विद्या विविधावलम्बा । कूटस्थमव्यक्तमनन्तरूपं त्वं बिभ्रती कालमयी जगन्ति

prakāśaśuddhyādiyutā virāgā sā tvaṁ hi vidyā vividhāvalambā | kūṭasthamavyaktamanantarūpaṁ tvaṁ bibhratī kālamayī jaganti

Endowed with light, purity, and the like, ever dispassionate — you are that knowledge resting upon manifold foundations; bearing the unmoving, unmanifest, and infinite form, you, made of time itself, sustain all the worlds.

Verse 14 (shiva.rudra.31.14)

विकारबीजं प्रकरोषि नित्यं गुणान्विता सर्वजनेषु नूनम् । त्वं वै गुणानां च शिवे त्रयाणां निदानभूता च ततः परासि

vikārabījaṁ prakaroṣi nityaṁ guṇānvitā sarvajaneṣu nūnam | tvaṁ vai guṇānāṁ ca śive trayāṇāṁ nidānabhūtā ca tataḥ parāsi

You ever set forth the seed of change, taking on the gunas among all beings; O Shivā, you are the very source of the three gunas, and yet you remain beyond them.

Verse 15 (shiva.rudra.31.15)

सत्वं रजस्तामस इत्यमीषां विकारहीना सभुवस्तुरीया । सा त्वं गुणानां जगदेकहेतुं ब्रह्मान्तरारम्भसि चात्सि पासि

satvaṁ rajastāmasa ityamīṣāṁ vikārahīnā sabhuvasturīyā | sā tvaṁ guṇānāṁ jagadekahetuṁ brahmāntarārambhasi cātsi pāsi

Sattva, Rajas, and Tamas — beyond change with regard to all three, you are the fourth, transcendent state; you, the sole cause of the world of the gunas, begin creation from within Brahman itself, and you both consume it and protect it.

Verse 16 (shiva.rudra.31.16)

अशेषजगतां बीजे ज्ञेयज्ञानस्वरूपिणि । जगद्धिताय सततं शिवपत्नि नमोऽस्तु ते

aśeṣajagatāṁ bīje jñeyajñānasvarūpiṇi | jagaddhitāya satataṁ śivapatni namo'stu te

O seed of all the worlds, embodiment of both the knowable and of knowledge itself, ever devoted to the world's welfare, O consort of Shiva, homage be to you.

Verse 17 (shiva.rudra.31.17)

इत्याकर्ण्य वचः सा मे काली लोकविभाविनी । प्रीत्या मां जगतामूचे स्रष्टारं जनशब्दवत्

ityākarṇya vacaḥ sā me kālī lokavibhāvinī | prītyā māṁ jagatāmūce sraṣṭāraṁ janaśabdavat

Hearing these words of mine, Kali, illuminator of all the worlds, spoke lovingly to me, the creator of the worlds, as one speaking familiarly to any person.

Verse 18 (shiva.rudra.31.18)

देव्युवाच । ब्रह्मन् किमर्थं भवता स्तुताहमवधारय । उच्यतां यदि धृष्योऽसि तच्छीघ्रं पुरतो मम

devyuvāca | brahman kimarthaṁ bhavatā stutāhamavadhāraya | ucyatāṁ yadi dhṛṣyo'si tacchīghraṁ purato mama

The goddess said: O Brahma, know this — why have you praised me? If you have the courage, speak it quickly before me.

Verse 19 (shiva.rudra.31.19)

प्रत्यक्षमपि जातायां सिद्धिः कार्यस्य निश्चिता । तस्मात्त्वं वाञ्छितं ब्रूहि या करिष्यामि भाविता

pratyakṣamapi jātāyāṁ siddhiḥ kāryasya niścitā | tasmāttvaṁ vāñchitaṁ brūhi yā kariṣyāmi bhāvitā

Now that I have appeared before you directly, the fulfillment of your task is assured; so tell me what you desire, and I, resolved, shall accomplish it.

Verse 20 (shiva.rudra.31.20)

ब्रह्मोवाच । शृणु देवि महेशानि कृपां कृत्वा ममोपरि । मनोरथस्थं सर्वज्ञे प्रवदामि त्वदाज्ञया

brahmovāca | śṛṇu devi maheśāni kṛpāṁ kṛtvā mamopari | manorathasthaṁ sarvajñe pravadāmi tvadājñayā

Brahma said: Hear me, O goddess, great Lady, showing your grace upon me; O all-knowing one, I shall now speak, at your command, what lies in my heart.

Verse 21 (shiva.rudra.31.21)

यः पतिस्तव देवेशि ललाटान्मेऽभवत्पुरा । शिवो रुद्राख्यया योगी स वै कैलासमास्थितः

yaḥ patistava deveśi lalāṭānme'bhavatpurā | śivo rudrākhyayā yogī sa vai kailāsamāsthitaḥ

O Lady of the gods, your husband, who once arose from my very brow, Shiva, the yogi known by the name Rudra, now dwells upon Kailasa.

Verse 22 (shiva.rudra.31.22)

तपश्चरति भूतेश एक एवाविकल्पकः । अपत्नीको निर्विकारो न द्वितीयां समीहते

tapaścarati bhūteśa eka evāvikalpakaḥ | apatnīko nirvikāro na dvitīyāṁ samīhate

The Lord of all beings performs austerity, alone, undivided, without a wife, unchanging; he desires no second companion.

Verse 23 (shiva.rudra.31.23)

तं मोहय यथा चान्यां द्वितीयां सति वीक्षते । त्वदृते तस्य नो काचिद्भविष्यति मनोहरा

taṁ mohaya yathā cānyāṁ dvitīyāṁ sati vīkṣate | tvadṛte tasya no kācidbhaviṣyati manoharā

Delude him in such a way that, though you exist, he comes to see you as another — for apart from you, no woman shall ever hold his heart.

Verse 24 (shiva.rudra.31.24)

तस्मात्त्वमेव रूपेण भवस्व हरमोहिनी । सुता भूत्वा च दक्षस्य रुद्रपत्नी शिवे भव

tasmāttvameva rūpeṇa bhavasva haramohinī | sutā bhūtvā ca dakṣasya rudrapatnī śive bhava

Therefore, taking on a new form, become yourself the enchantress of Hara; O Shivā, becoming the daughter of Daksha, become the wife of Rudra.

Verse 25 (shiva.rudra.31.25)

यथा धृतशरीरा त्वं लक्ष्मीरूपेण केशवम् । आमोदयसि विश्वस्य हितायैतं तथा कुरु

yathā dhṛtaśarīrā tvaṁ lakṣmīrūpeṇa keśavam | āmodayasi viśvasya hitāyaitaṁ tathā kuru

Just as you, having assumed a body, delight Keshava in the form of Lakshmi, so too, for the good of the whole universe, do the same here.

Verse 26 (shiva.rudra.31.26)

कान्ताभिलाषमात्रं मे दृष्ट्वानिन्दद् वृषध्वजः । स कथं वनितां देवी स्वेच्छया सङ्ग्रहीष्यति

kāntābhilāṣamātraṁ me dṛṣṭvānindad vṛṣadhvajaḥ | sa kathaṁ vanitāṁ devī svecchayā saṅgrahīṣyati

Seeing merely my longing for a wife, the bull-bannered one reproached me; O goddess, how then would he, of his own free will, ever accept a woman?

Verse 27 (shiva.rudra.31.27)

हरे गृहीतकान्ते तु कथं सृष्टिः शुभावहा । आद्यन्तमध्ये चैतस्य हेतौ तस्मिन्विरागिणि

hare gṛhītakānte tu kathaṁ sṛṣṭiḥ śubhāvahā | ādyantamadhye caitasya hetau tasminvirāgiṇi

But if Hara does not take a wife, how shall creation, auspicious in its beginning, middle, and end, come to pass — since its very cause rests in that dispassionate one?

Verse 28 (shiva.rudra.31.28)

इति चिन्तापरो नाहं त्वदन्यं शरणं हितम् । कृच्छ्रवांस्तेन विश्वस्य हितायैतत्कुरुष्व मे

iti cintāparo nāhaṁ tvadanyaṁ śaraṇaṁ hitam | kṛcchravāṁstena viśvasya hitāyaitatkuruṣva me

Thus anxious, I know no refuge or good but you; distressed as I am by this, do this for me, for the sake of the whole universe.

Verse 29 (shiva.rudra.31.29)

न विष्णुस्तस्य मोहाय न लक्ष्मीर्न मनोभवः । न चाप्यहं जगन्मातर्नान्यस्त्वां कोऽपि वै विना

na viṣṇustasya mohāya na lakṣmīrna manobhavaḥ | na cāpyahaṁ jaganmātarnānyastvāṁ ko'pi vai vinā

Neither Vishnu, nor Lakshmi, nor Manobhava is able to delude him — nor am I, O mother of the world; there is no one else at all, apart from you.

Verse 30 (shiva.rudra.31.30)

तस्मात्त्वं दक्षजा भूत्वा दिव्यरूपा महेश्वरी । तत्पत्नी भव मद्भक्त्या योगिनं मोहयेश्वरम्

tasmāttvaṁ dakṣajā bhūtvā divyarūpā maheśvarī | tatpatnī bhava madbhaktyā yoginaṁ mohayeśvaram

Therefore, becoming the daughter of Daksha, O great and divinely formed goddess, become his wife; and out of devotion to me, bewilder that yogi Lord.

Verse 31 (shiva.rudra.31.31)

दक्षस्तपति देवेशि क्षीरोदोत्तरतीरगः । त्वामुद्दिश्य समाधाय मनस्त्वयि दृढव्रतः

dakṣastapati deveśi kṣīrodottaratīragaḥ | tvāmuddiśya samādhāya manastvayi dṛḍhavrataḥ

O Lady of the gods, Daksha is performing austerity upon the northern shore of the Ocean of Milk, his mind fixed upon you, firm in his vow, wholly devoted to you.

Verse 32 (shiva.rudra.31.32)

ब्रह्मोवाच इत्याकर्ण्य वचः सा चिन्तामाप शिवा तदा । उवाच च स्वमनसि विस्मिता जगदम्बिका

brahmovāca ityākarṇya vacaḥ sā cintāmāpa śivā tadā | uvāca ca svamanasi vismitā jagadambikā

Brahma said: Hearing these words, Shivā fell into thought; and, astonished, the mother of the world spoke to herself in her own mind.

Verse 33 (shiva.rudra.31.33)

देव्युवाच । अहो सुमहदाश्चर्यं वेदवक्ताऽपि विश्वकृत् । महाज्ञानपरो भूत्वा विधाता किं वदत्ययम्

devyuvāca | aho sumahadāścaryaṁ vedavaktā'pi viśvakṛt | mahājñānaparo bhūtvā vidhātā kiṁ vadatyayam

The goddess said: Ah, what a great wonder is this! Even the speaker of the Vedas, the maker of the universe, possessed of the highest knowledge — what is this Creator saying?

Verse 34 (shiva.rudra.31.34)

विधेश्चेतसि सञ्जातो महामोहोऽसुखावहः । यद्वरं निर्विकारं तं सम्मोहयितुमिच्छति

vidheścetasi sañjāto mahāmoho'sukhāvahaḥ | yadvaraṁ nirvikāraṁ taṁ sammohayitumicchati

A great delusion, one that brings only unhappiness, has arisen in the Creator's mind — in that he wishes to bewilder that supreme, unchanging one.

Verse 35 (shiva.rudra.31.35)

हरमोहवरं मत्तः समिच्छति विधिस्त्वयम् । को लाभोऽस्यात्र स विभुर्निर्मोहो निर्विकल्पकः

haramohavaraṁ mattaḥ samicchati vidhistvayam | ko lābho'syātra sa vibhurnirmoho nirvikalpakaḥ

This Creator desires from me the boon of Hara's delusion — but what is to be gained by it? That all-pervading Lord is beyond delusion, beyond all division.

Verse 36 (shiva.rudra.31.36)

परब्रह्माख्यो यः शम्भुर्निर्गुणो निर्विकारवान् । तस्याहं सर्वदा दासी तदाज्ञावशगा सदा

parabrahmākhyo yaḥ śambhurnirguṇo nirvikāravān | tasyāhaṁ sarvadā dāsī tadājñāvaśagā sadā

He who is known as the Supreme Brahman, Shambhu, attributeless and unchanging — I am ever his handmaiden, forever subject to his command.

Verse 37 (shiva.rudra.31.37)

स एव पूर्णरूपेण रुद्रनामाभवच्छिवः । भक्तोद्धारणहेतोर्हि स्वतन्त्रः परमेश्वरः

sa eva pūrṇarūpeṇa rudranāmābhavacchivaḥ | bhaktoddhāraṇahetorhi svatantraḥ parameśvaraḥ

He himself, in his complete form, became Shiva, known by the name Rudra; and it is for the sake of delivering his devotees that this independent, Supreme Lord takes on such a form.

Verse 38 (shiva.rudra.31.38)

हरेर्विधेश्च स स्वामी शिवायूनो न कर्हिचित् । योगादरो ह्यमायस्थो मायेशः परतः परः

harervidheśca sa svāmī śivāyūno na karhicit | yogādaro hyamāyastho māyeśaḥ parataḥ paraḥ

He is the very Lord of Hari and of the Creator, never in the least inferior to Shiva; devoted to yoga, standing beyond Maya itself, Lord of Maya, and higher than the highest.

Verse 39 (shiva.rudra.31.39)

मत्वा तमात्मजं ब्रह्मा सामान्यसुरसन्निभम् । इच्छत्ययं मोहयितुमतोऽज्ञानविमोहितः

matvā tamātmajaṁ brahmā sāmānyasurasannibham | icchatyayaṁ mohayitumato'jñānavimohitaḥ

Regarding him as merely his own son, as though he were an ordinary god, this Brahma, deluded by ignorance, wishes to have him bewitched.

Verse 40 (shiva.rudra.31.40)

न दद्याच्चेद्वरं वेदनीतिर्भ्रष्टा भवेदिति । किं कुर्यां येन न विभुः क्रुद्धः स्यान्मे महेश्वरः

na dadyāccedvaraṁ vedanītirbhraṣṭā bhavediti | kiṁ kuryāṁ yena na vibhuḥ kruddhaḥ syānme maheśvaraḥ

'If I do not grant this boon, the very ordinance of the Vedas would be violated' — so what am I to do, that the mighty Lord Maheshvara not become angry with me?

Verse 41 (shiva.rudra.31.41)

ब्रह्मोवाच । विचार्येत्थं महेशं तं सस्मार मनसा शिवा । प्राप्यानुज्ञां शिवस्याथोवाच दुर्गा च मां तदा

brahmovāca | vicāryetthaṁ maheśaṁ taṁ sasmāra manasā śivā | prāpyānujñāṁ śivasyāthovāca durgā ca māṁ tadā

Brahma said: Having pondered thus, Shivā called Mahesha to mind; and, having received his consent, Durga then spoke to me.

Verse 42 (shiva.rudra.31.42)

दुर्गोवाच । यदुक्तं भवता ब्रह्मन् समस्तं सत्यमेव तत् । मदृते मोहयित्रीह शङ्करस्य न विद्यते

durgovāca | yaduktaṁ bhavatā brahman samastaṁ satyameva tat | madṛte mohayitrīha śaṅkarasya na vidyate

Durga said: O Brahma, all that you have said is indeed the truth; apart from me, there exists no other who could bewitch Shankara.

Verse 43 (shiva.rudra.31.43)

हरेऽगृहीतदारे तु सृष्टिर्नैषा सनातनी । भविष्यतीति तत्सत्यं भवता प्रतिपादितम्

hare'gṛhītadāre tu sṛṣṭirnaiṣā sanātanī | bhaviṣyatīti tatsatyaṁ bhavatā pratipāditam

And that, if Hara does not take a wife, this eternal creation shall not come to pass — this truth you have rightly established.

Verse 44 (shiva.rudra.31.44)

ममापि मोहने यन्नो विद्यतेऽस्य महाप्रभोः । त्वद्वाक्याद् द्विगुणो मेऽद्य प्रयत्नोऽभूत्स निर्भरः

mamāpi mohane yanno vidyate'sya mahāprabhoḥ | tvadvākyād dviguṇo me'dya prayatno'bhūtsa nirbharaḥ

Though even I have no true power to bewitch this great Lord, at your word, my effort today has grown twofold, full and unreserved.

Verse 45 (shiva.rudra.31.45)

अहं तथा यतिष्यामि यथा दारपरिग्रहम् । हरः करिष्यति विधे स्वयमेव विमोहितः

ahaṁ tathā yatiṣyāmi yathā dāraparigraham | haraḥ kariṣyati vidhe svayameva vimohitaḥ

O Creator, I shall strive in such a way that Hara, himself bewildered, shall of his own accord come to take a wife.

Verse 46 (shiva.rudra.31.46)

सतीमूर्तिमहं धृत्वा तस्यैव वशवर्तिनी । भविष्यामि महाभागा लक्ष्मीर्विष्णोर्यथा प्रिया

satīmūrtimahaṁ dhṛtvā tasyaiva vaśavartinī | bhaviṣyāmi mahābhāgā lakṣmīrviṣṇoryathā priyā

Assuming the form of Sati, I shall become subject to his will, greatly blessed, just as Lakshmi is the beloved of Vishnu.

Verse 47 (shiva.rudra.31.47)

यथा सोऽपि मयैवेह वशवर्ती सदा भवेत् । तथा यत्नं करिष्यामि तस्यैव कृपया विधे

yathā so'pi mayaiveha vaśavartī sadā bhavet | tathā yatnaṁ kariṣyāmi tasyaiva kṛpayā vidhe

O Creator, I shall strive, through his very grace, in such a way that he too shall ever remain subject to me alone.

Verse 48 (shiva.rudra.31.48)

उत्पन्ना दक्षजायायां सतीरूपेण शङ्करम् । अहं सभाजयिष्यामि लीलया तं पितामह

utpannā dakṣajāyāyāṁ satīrūpeṇa śaṅkaram | ahaṁ sabhājayiṣyāmi līlayā taṁ pitāmaha

O Grandsire, being born to Daksha's wife, taking the form of Sati, I shall, through my own divine play, draw Shankara to myself.

Verse 49 (shiva.rudra.31.49)

यथान्यजन्तुरवनौ वर्तते वनितावशे । मद्भक्त्या स हरो वामावशवर्ती भविष्यति

yathānyajanturavanau vartate vanitāvaśe | madbhaktyā sa haro vāmāvaśavartī bhaviṣyati

Just as any other creature on earth remains subject to a woman, so too, through devotion to me, that Hara shall become subject to my will, as a husband to his wife.

Verse 50 (shiva.rudra.31.50)

ब्रह्मोवाच । मह्यमित्थं समाभाष्य शिवा सा जगदम्बिका । वीक्ष्यमाणा मया तात तत्रैवान्तर्दधे ततः

brahmovāca | mahyamitthaṁ samābhāṣya śivā sā jagadambikā | vīkṣyamāṇā mayā tāta tatraivāntardadhe tataḥ

Brahma said: Having thus spoken to me, O son, Shivā, the mother of the world, vanished right there, even as I looked on.

Verse 51 (shiva.rudra.31.51)

तस्यामन्तर्हितायां तु सोऽहं लोकपितामहः । अगमं यत्र स्वसुतास्तेभ्यः सर्वमवर्णयम्

tasyāmantarhitāyāṁ tu so'haṁ lokapitāmahaḥ | agamaṁ yatra svasutāstebhyaḥ sarvamavarṇayam

When she had vanished, I, the Grandsire of the worlds, went to where my own sons were, and told them everything that had happened.