Sati's Birth and Her Childhood Play

Verse 1 (shiva.rudra.34.1)

ब्रह्मोवाच । एतस्मिन्नन्तरे देवमुने लोकपितामहः । तत्रागममहं प्रीत्या ज्ञात्वा तच्चरितं द्रुतम्

brahmovāca | etasminnantare devamune lokapitāmahaḥ | tatrāgamamahaṁ prītyā jñātvā taccaritaṁ drutam

Brahma said: Meanwhile, O sage among the gods, I, the grandfather of the worlds, having quickly and affectionately learned of that event, came there.

Verse 2 (shiva.rudra.34.2)

असान्त्वयमहं दक्षं पूर्ववत्सुविचक्षणः । अकार्षं तेन सुस्नेहं तव सुप्रीतिमावहन्

asāntvayamahaṁ dakṣaṁ pūrvavatsuvicakṣaṇaḥ | akārṣaṁ tena susnehaṁ tava suprītimāvahan

Being wise as before, I consoled Daksha, and, with affection, brought forth in him a deep love for you.

Verse 3 (shiva.rudra.34.3)

स्वात्मजं मुनिवर्यं त्वां सुप्रीत्या देववल्लभम् । समाश्वास्य समादाय प्रत्यपद्ये स्वधाम ह

svātmajaṁ munivaryaṁ tvāṁ suprītyā devavallabham | samāśvāsya samādāya pratyapadye svadhāma ha

Having comforted and taken with me my own son — you, O foremost of sages, beloved of the gods — I, with great affection, returned to my own abode.

Verse 4 (shiva.rudra.34.4)

ततः प्रजापतिर्दक्षोऽनुनीतो मे निजस्त्रियाम् । जनयामास दुहितॄः सुभगाः षष्टिसम्मिताः

tataḥ prajāpatirdakṣo'nunīto me nijastriyām | janayāmāsa duhitṝḥ subhagāḥ ṣaṣṭisammitāḥ

Then Daksha the Prajapati, thus placated by me, begot through his own wife sixty fortunate daughters.

Verse 5 (shiva.rudra.34.5)

तासां विवाहं कृतवान् धर्मादिभिरतन्द्रितः । तदेव शृणु सुप्रीत्या प्रवदामि मुनीश्वर

tāsāṁ vivāhaṁ kṛtavān dharmādibhiratandritaḥ | tadeva śṛṇu suprītyā pravadāmi munīśvara

He unwearyingly arranged their marriages according to dharma and proper rites; hear, O lord of sages, that very account which I now relate with pleasure.

Verse 6 (shiva.rudra.34.6)

ददौ दश सुता दक्षो धर्माय विधिवन्मुने । त्रयोदश कश्यपाय मुनये त्रिनवेन्दवे

dadau daśa sutā dakṣo dharmāya vidhivanmune | trayodaśa kaśyapāya munaye trinavendave

O sage, Daksha duly gave ten daughters to Dharma, thirteen to the sage Kashyapa, and twenty-seven to the Moon.

Verse 7 (shiva.rudra.34.7)

भूताङ्गिरः कृशाश्श्वाभ्यां द्वे द्वे पुत्र्यौ प्रदत्तवान् । तार्क्ष्याय चापराः कन्याः प्रसूतिप्रसवैर्यतः

bhūtāṅgiraḥ kṛśāśśvābhyāṁ dve dve putryau pradattavān | tārkṣyāya cāparāḥ kanyāḥ prasūtiprasavairyataḥ

He gave two daughters each to Bhuta, Angiras, and Krishashva, and the remaining daughters to Tarkshya — through whose offspring.

Verse 8 (shiva.rudra.34.8)

त्रिलोकाः पूरितास्तन्नो वर्ण्यते व्यासतो भयात्

trilokāḥ pūritāstanno varṇyate vyāsato bhayāt

The three worlds became filled with their progeny — that account is not elaborated here, out of deference to Vyasa's design.

Verse 9 (shiva.rudra.34.9)

केचिद्वदन्ति तां ज्येष्ठां मध्यमां चापरे शिवाम् । सर्वानन्तरजां केचित्कल्पभेदात् त्रयं च सत्

kecidvadanti tāṁ jyeṣṭhāṁ madhyamāṁ cāpare śivām | sarvānantarajāṁ kecitkalpabhedāt trayaṁ ca sat

Some say She was the eldest, others the middle, and some the youngest of all; owing to the difference of cosmic cycles, all three accounts are true.

Verse 10 (shiva.rudra.34.10)

अनन्तरं सुतोत्पत्तेः सपत्नीकः प्रजापतिः । दक्षो दधौ सुप्रीत्या तां मनसा जगदम्बिकाम्

anantaraṁ sutotpatteḥ sapatnīkaḥ prajāpatiḥ | dakṣo dadhau suprītyā tāṁ manasā jagadambikām

After the begetting of those daughters, Prajapati Daksha, together with his wife, meditated with great love in his mind upon the Mother of the Universe.

Verse 11 (shiva.rudra.34.11)

अतः प्रेम्णा च तुष्टाव गिरा गद्गदया हि सः । भूयो भूयो नमस्कृत्य साञ्जलिर्विनयान्वितः

ataḥ premṇā ca tuṣṭāva girā gadgadayā hi saḥ | bhūyo bhūyo namaskṛtya sāñjalirvinayānvitaḥ

Out of love, with a voice choked with emotion, he praised Her again and again, bowing repeatedly with joined palms in humility.

Verse 12 (shiva.rudra.34.12)

सन्तुष्टा सा तदा देवी विचारं मनसीति च । चक्रेऽवतारं वीरिण्यां कुर्यां पणविपूर्तये

santuṣṭā sā tadā devī vicāraṁ manasīti ca | cakre'vatāraṁ vīriṇyāṁ kuryāṁ paṇavipūrtaye

The Goddess, then well pleased, resolved thus in Her mind: 'To fulfil Daksha's vow, I shall take incarnation through Virini.'

Verse 13 (shiva.rudra.34.13)

अथ सोवास मनसि दक्षस्य जगदम्बिका । विललास तदातीव स दक्षो मुनिसत्तम

atha sovāsa manasi dakṣasya jagadambikā | vilalāsa tadātīva sa dakṣo munisattama

Then the Mother of the Universe came to dwell in Daksha's mind, O best of sages, and at that Daksha rejoiced exceedingly.

Verse 14 (shiva.rudra.34.14)

सुमुहूर्तेन दक्षोऽपि स्वपत्न्यां निदधे मुदा । दक्षपत्न्यास्तदा चित्ते शिवोवास दयान्विता

sumuhūrtena dakṣo'pi svapatnyāṁ nidadhe mudā | dakṣapatnyāstadā citte śivovāsa dayānvitā

In an auspicious moment, Daksha joyfully established that resolve in his wife, and then the compassionate Shiva came to dwell in his wife's heart.

Verse 15 (shiva.rudra.34.15)

आविर्बभूव चिह्नानि दोहदस्याखिलानि वै

āvirbabhūva cihnāni dohadasyākhilāni vai

All the signs of a mother's pregnancy-longing manifested in full.

Verse 16 (shiva.rudra.34.16)

विरेजे वीरिणी तात हृष्टचित्ताधिकं च सा । शिवावासप्रभावात्तु महामङ्गलरूपिणी

vireje vīriṇī tāta hṛṣṭacittādhikaṁ ca sā | śivāvāsaprabhāvāttu mahāmaṅgalarūpiṇī

Dear one, Virini shone forth, her heart exceedingly joyful, radiant with the power of Shiva's indwelling, the very embodiment of great auspiciousness.

Verse 17 (shiva.rudra.34.17)

कुलस्य सम्प्रदायैश्च श्रुतेश्चित्तसमुन्नतेः । व्यधत्त सुक्रिया दक्षः प्रीत्या पुंसवनादिकाः

kulasya sampradāyaiśca śruteścittasamunnateḥ | vyadhatta sukriyā dakṣaḥ prītyā puṁsavanādikāḥ

According to family custom and scriptural teaching, with an elevated heart, Daksha lovingly performed the pumsavana and other auspicious rites.

Verse 18 (shiva.rudra.34.18)

उत्सवोऽतीव सञ्जातस्तदा तेषु च कर्मसु । वित्तं ददौ द्विजातिभ्यो यथाकामं प्रजापतिः

utsavo'tīva sañjātastadā teṣu ca karmasu | vittaṁ dadau dvijātibhyo yathākāmaṁ prajāpatiḥ

A great festival then arose on the occasion of those rites; the Prajapati gave wealth to the twice-born as they desired.

Verse 19 (shiva.rudra.34.19)

अथ तस्मिन्नवसरे सर्वे हर्यादयः सुराः । ज्ञात्वा गर्भगतां देवीं वीरिण्यां ते मुदं ययुः

atha tasminnavasare sarve haryādayaḥ surāḥ | jñātvā garbhagatāṁ devīṁ vīriṇyāṁ te mudaṁ yayuḥ

On that occasion, Indra and all the gods, learning that the Goddess had come to dwell in Virini's womb, rejoiced greatly.

Verse 20 (shiva.rudra.34.20)

तत्रागत्य च सर्वे ते तुष्टुवुर्जगदम्बिकाम् । लोकोपकारकरिणीं प्रणम्य च मुहुर्मुहुः

tatrāgatya ca sarve te tuṣṭuvurjagadambikām | lokopakārakariṇīṁ praṇamya ca muhurmuhuḥ

Coming there, all of them repeatedly bowed to and praised the Mother of the Universe, the benefactress of all worlds.

Verse 21 (shiva.rudra.34.21)

कृत्वा ततस्ते बहुधा प्रशंसां हृष्टमानसाः । दक्षप्रजापतेश्चैव वीरिण्याः स्वगृहं ययुः

kṛtvā tataste bahudhā praśaṁsāṁ hṛṣṭamānasāḥ | dakṣaprajāpateścaiva vīriṇyāḥ svagṛhaṁ yayuḥ

Then, having offered manifold praise with joyful hearts, they departed from the home of Daksha Prajapati and Virini, each to his own abode.

Verse 22 (shiva.rudra.34.22)

गतेषु नवमासेषु कारयित्वा च लौकिकीम् । गतिं शिवा च पूर्णे सा दशमे मासि नारद

gateṣu navamāseṣu kārayitvā ca laukikīm | gatiṁ śivā ca pūrṇe sā daśame māsi nārada

O Narada, when nine months had passed and the customary worldly rites had been duly performed, in the full tenth month, that auspicious Goddess -

Verse 23 (shiva.rudra.34.23)

आविर्बभूव पुरतो मातुः सद्यस्तदा मुने । मुहूर्ते सुखदे चन्द्रग्रहतारानुकूलके

āvirbabhūva purato mātuḥ sadyastadā mune | muhūrte sukhade candragrahatārānukūlake

appeared at once before Her mother, O sage, in an auspicious hour favorable in moon, planets, and stars.

Verse 24 (shiva.rudra.34.24)

तस्यां तु जातमात्रायां सुप्रीतोऽसौ प्रजापतिः । शैवदेवीति तां मेने दृष्ट्वा तां तेजसोल्बणाम्

tasyāṁ tu jātamātrāyāṁ suprīto'sau prajāpatiḥ | śaivadevīti tāṁ mene dṛṣṭvā tāṁ tejasolbaṇām

As soon as She was born, the delighted Prajapati, seeing that supremely radiant child, recognized Her as the very Goddess Shiva.

Verse 25 (shiva.rudra.34.25)

तदाभूत्पुष्पसद्वृष्टिर्मेघाश्च ववृषुर्जलम् । दिशः शान्ता द्रुतं तस्यां जातायां च मुनीश्वर

tadābhūtpuṣpasadvṛṣṭirmeghāśca vavṛṣurjalam | diśaḥ śāntā drutaṁ tasyāṁ jātāyāṁ ca munīśvara

O lord of sages, as soon as She was born, a fine shower of flowers fell, the clouds rained down water, and the directions grew calm at once.

Verse 26 (shiva.rudra.34.26)

अवादयन्त त्रिदशाः शुभवाद्यानि खे गताः । जज्ज्वलुश्चाग्नयः शान्ताः सर्वमासीत्सुमङ्गलम्

avādayanta tridaśāḥ śubhavādyāni khe gatāḥ | jajjvaluścāgnayaḥ śāntāḥ sarvamāsītsumaṅgalam

The gods, moving through the sky, sounded auspicious instruments; the fires blazed calmly, and everything became wholly auspicious.

Verse 27 (shiva.rudra.34.27)

वीरिणीसम्भवां दृष्ट्वा दक्षस्तां जगदम्बिकाम् । नमस्कृत्य करौ बद्ध्वा बहु तुष्टाव भक्तितः

vīriṇīsambhavāṁ dṛṣṭvā dakṣastāṁ jagadambikām | namaskṛtya karau baddhvā bahu tuṣṭāva bhaktitaḥ

Seeing that Mother of the Universe born of Virini, Daksha bowed, joined his hands, and praised Her greatly with devotion.

Verse 28 (shiva.rudra.34.28)

दक्ष उवाच । महेशानि नमस्तुभ्यं जगदम्बे सनातनि । कृपां कुरु महादेवि सत्ये सत्यस्वरूपिणि

dakṣa uvāca | maheśāni namastubhyaṁ jagadambe sanātani | kṛpāṁ kuru mahādevi satye satyasvarūpiṇi

Daksha said: O Maheshani, O eternal Mother of the universe, salutations to You! O Mahadevi, Yourself the very form of Truth, show Your grace in truth.

Verse 29 (shiva.rudra.34.29)

शिवा शान्ता महामाया योगनिद्रा जगन्मयी । या प्रोच्यते वेदविद्भिर्नमामि त्वां हितावहाम्

śivā śāntā mahāmāyā yoganidrā jaganmayī | yā procyate vedavidbhirnamāmi tvāṁ hitāvahām

Auspicious, tranquil, the Great Maya, Yoganidra, the pervader of the universe — whom the knowers of the Veda so proclaim — I bow to You, the bestower of welfare.

Verse 30 (shiva.rudra.34.30)

यया धाता जगत्सृष्टौ नियुक्तस्तां पुराकरोत् । तां त्वां नमामि परमां जगद्धात्रीं महेश्वरीम्

yayā dhātā jagatsṛṣṭau niyuktastāṁ purākarot | tāṁ tvāṁ namāmi paramāṁ jagaddhātrīṁ maheśvarīm

By whose power the Creator was, in ancient times, appointed to the creation of the world — to You, the supreme sustainer of the world, the Great Goddess, I bow.

Verse 31 (shiva.rudra.34.31)

यया विष्णुर्जगत्स्थित्यै नियुक्तस्तां सदाकरोत् । तां त्वां नमामि परमां जगद्धात्रीं महेश्वरीम्

yayā viṣṇurjagatsthityai niyuktastāṁ sadākarot | tāṁ tvāṁ namāmi paramāṁ jagaddhātrīṁ maheśvarīm

By whose power Vishnu was appointed to the maintenance of the world and ever performs it — to You, the supreme sustainer of the world, the Great Goddess, I bow.

Verse 32 (shiva.rudra.34.32)

यया रुद्रो जगन्नाशे नियुक्तस्तां सदाकरोत् । तां त्वां नमामि परमां जगद्धात्रीं महेश्वरीम्

yayā rudro jagannāśe niyuktastāṁ sadākarot | tāṁ tvāṁ namāmi paramāṁ jagaddhātrīṁ maheśvarīm

By whose power Rudra was appointed to the destruction of the world and ever performs it — to You, the supreme sustainer of the world, the Great Goddess, I bow.

Verse 33 (shiva.rudra.34.33)

रजःसत्त्वतमोरूपां सर्वकार्यकरीं सदा । त्रिदेवजननीं देवीं त्वां नमामि च तां शिवाम्

rajaḥsattvatamorūpāṁ sarvakāryakarīṁ sadā | tridevajananīṁ devīṁ tvāṁ namāmi ca tāṁ śivām

You who take the forms of rajas, sattva, and tamas, ever performing every task, the mother of the three gods — to You, the auspicious Goddess, I bow.

Verse 34 (shiva.rudra.34.34)

यस्त्वां विचिन्तयेद् देवि विद्याविद्यात्मिकां पराम् । तस्य भुक्तिश्च मुक्तिश्च सदा करतले स्थिता

yastvāṁ vicintayed devi vidyāvidyātmikāṁ parām | tasya bhuktiśca muktiśca sadā karatale sthitā

O Goddess, for one who meditates upon You, the supreme power of both knowledge and ignorance — for him, both worldly enjoyment and liberation ever rest within his grasp.

Verse 35 (shiva.rudra.34.35)

यस्त्वां प्रत्यक्षतो देवि शिवां पश्यति पावनीम् । तस्यावश्यं भवेन्मुक्तिर्विद्याविद्याप्रकाशिका

yastvāṁ pratyakṣato devi śivāṁ paśyati pāvanīm | tasyāvaśyaṁ bhavenmuktirvidyāvidyāprakāśikā

O Goddess, one who directly beholds Your pure, auspicious form — for him liberation surely follows, for You illumine both knowledge and ignorance.

Verse 36 (shiva.rudra.34.36)

ये स्तुवन्ति जगन्मातर्भवानीमम्बिकेति च । जगन्मयीति दुर्गेति सर्वं तेषां भविष्यति

ye stuvanti jaganmātarbhavānīmambiketi ca | jaganmayīti durgeti sarvaṁ teṣāṁ bhaviṣyati

O Mother of the world, those who praise You as Bhavani, as Ambika, as the pervader of the universe, and as Durga — for them everything shall come to pass.

Verse 37 (shiva.rudra.34.37)

ब्रह्मोवाच । इति स्तुता जगन्माता शिवा दक्षेण धीमता । तथोवाच तदा दक्षं यथा माता शृणोति न

brahmovāca | iti stutā jaganmātā śivā dakṣeṇa dhīmatā | tathovāca tadā dakṣaṁ yathā mātā śṛṇoti na

Brahma said: Thus praised by the wise Daksha, the auspicious Mother of the universe then spoke to Daksha in such a way that Her mother did not hear.

Verse 38 (shiva.rudra.34.38)

सर्वं सम्मोह्य तथ्यं च तथा दक्षः शृणोतु तत् । नान्यस्तथा शिवा प्राह नानोतिः परमेश्वरी

sarvaṁ sammohya tathyaṁ ca tathā dakṣaḥ śṛṇotu tat | nānyastathā śivā prāha nānotiḥ parameśvarī

Casting Her power of illusion over all else, She spoke a true word meant for Daksha's ears alone; beyond this the Supreme Goddess Shiva said nothing that any other heard.

Verse 39 (shiva.rudra.34.39)

देव्युवाच । अहमाराधिता पूर्वं सुतार्थं ते प्रजापते । ईप्सितं तव सिद्धं तु तपो धारय सम्प्रति

devyuvāca | ahamārādhitā pūrvaṁ sutārthaṁ te prajāpate | īpsitaṁ tava siddhaṁ tu tapo dhāraya samprati

The Goddess said: O Prajapati, formerly you worshipped Me for the sake of a daughter; your desire now stands fulfilled — continue henceforth to hold to your discipline.

Verse 40 (shiva.rudra.34.40)

ब्रह्मोवाच । एवमुक्त्वा तदा देवी दक्षं च निजमायया । आस्थाय शैशवं भावं जनन्यन्ते रुरोद सा

brahmovāca | evamuktvā tadā devī dakṣaṁ ca nijamāyayā | āsthāya śaiśavaṁ bhāvaṁ jananyante ruroda sā

Brahma said: Having spoken thus to Daksha, the Goddess then, by Her own Maya, assumed the state of infancy and, at Her mother's side, began to cry.

Verse 41 (shiva.rudra.34.41)

अथ तद् रोदनं श्रुत्वा स्त्रियो वाक्यं ससम्भ्रमाः । आगतास्तत्र सुप्रीत्या दास्योऽपि च ससम्भ्रमाः

atha tad rodanaṁ śrutvā striyo vākyaṁ sasambhramāḥ | āgatāstatra suprītyā dāsyo'pi ca sasambhramāḥ

Hearing that crying, the women of the household, in a flurry, and the maidservants too, in excitement, came there with great affection.

Verse 42 (shiva.rudra.34.42)

दृष्ट्वासिक्नीसुतारूपं ननन्दुः सर्वयोषितः । सर्वे पौरजनाश्चापि चक्रुर्जयरवं तदा

dṛṣṭvāsiknīsutārūpaṁ nananduḥ sarvayoṣitaḥ | sarve paurajanāścāpi cakrurjayaravaṁ tadā

Seeing the form of Asikni's daughter, all the women rejoiced, and all the townsfolk too raised a shout of triumph.

Verse 43 (shiva.rudra.34.43)

उत्सवश्च महानासीद् गानवाद्यपुरःसरम् । दक्षोऽसिक्नी मुदं लेभे शुभं दृष्ट्वा सुताननम्

utsavaśca mahānāsīd gānavādyapuraḥsaram | dakṣo'siknī mudaṁ lebhe śubhaṁ dṛṣṭvā sutānanam

A great festival arose with song and music; Daksha and Asikni were filled with joy at the sight of their daughter's auspicious face.

Verse 44 (shiva.rudra.34.44)

दक्षः श्रुतिकुलाचारं चक्रे च विधिवत्तदा । दानं ददौ द्विजातिभ्योऽन्येभ्यश्च द्रविणं तथा

dakṣaḥ śrutikulācāraṁ cakre ca vidhivattadā | dānaṁ dadau dvijātibhyo'nyebhyaśca draviṇaṁ tathā

Daksha then duly performed the family rites sanctioned by the scriptures, giving gifts to the twice-born and wealth to others as well.

Verse 45 (shiva.rudra.34.45)

बभूव सर्वतो गानं नर्तनं च यथोचितम् । नेदुर्वाद्यानि बहुशः सुमङ्गलपुरःसरम्

babhūva sarvato gānaṁ nartanaṁ ca yathocitam | nedurvādyāni bahuśaḥ sumaṅgalapuraḥsaram

Everywhere fitting song and dance took place; auspicious instruments resounded again and again.

Verse 46 (shiva.rudra.34.46)

अथ हर्यादयो देवाः सर्वे सानुचरास्तदा । मुनिवृन्दैः समागत्योत्सवं चक्रुर्यथाविधि

atha haryādayo devāḥ sarve sānucarāstadā | munivṛndaiḥ samāgatyotsavaṁ cakruryathāvidhi

Then Indra and all the gods, together with their attendants, came with throngs of sages and duly celebrated the festival.

Verse 47 (shiva.rudra.34.47)

दृष्ट्वा दक्षसुतामम्बां जगतः परमेश्वरीम् । नेमुः सविनयाः सर्वे तुष्टुवुश्च शुभैः स्तवैः

dṛṣṭvā dakṣasutāmambāṁ jagataḥ parameśvarīm | nemuḥ savinayāḥ sarve tuṣṭuvuśca śubhaiḥ stavaiḥ

Seeing the Mother, Daksha's daughter, the Supreme Goddess of the world, all bowed humbly and praised Her with auspicious hymns.

Verse 48 (shiva.rudra.34.48)

ऊचुः सर्वे प्रमुदिता गिरं जयजयात्मिकाम् । प्रशशंसुर्मुदा दक्षं वीरिणीं च विशेषतः

ūcuḥ sarve pramuditā giraṁ jayajayātmikām | praśaśaṁsurmudā dakṣaṁ vīriṇīṁ ca viśeṣataḥ

All, filled with delight, raised cries of victory, and joyfully praised Daksha and, in particular, Virini.

Verse 49 (shiva.rudra.34.49)

तदोमेति नाम चक्रे तस्या दक्षस्तदाज्ञया । प्रशस्तायाः सर्वगुणैः सत्त्वादपि मुदान्वितः

tadometi nāma cakre tasyā dakṣastadājñayā | praśastāyāḥ sarvaguṇaiḥ sattvādapi mudānvitaḥ

Then, by his own resolve, Daksha gave Her the name 'Uma', for She, adorned with every virtue and with sattva, was full of joy.

Verse 50 (shiva.rudra.34.50)

नामान्यन्यानि तस्यास्तु पश्चाज्जातानि लोकतः । महामङ्गलदान्येव दुःखघ्नानि विशेषतः

nāmānyanyāni tasyāstu paścājjātāni lokataḥ | mahāmaṅgaladānyeva duḥkhaghnāni viśeṣataḥ

The other names that later arose for Her through common usage are all bestowers of great auspiciousness, and especially destroyers of sorrow.

Verse 51 (shiva.rudra.34.51)

दक्षस्तदा हरिं नत्वा मां सर्वानमरानपि । मुनीनपि करौ बद्ध्वा स्तुत्वा चानर्च भक्तितः

dakṣastadā hariṁ natvā māṁ sarvānamarānapi | munīnapi karau baddhvā stutvā cānarca bhaktitaḥ

Daksha then, bowing to Hari, to me, and to all the immortals and sages, with joined hands, praised and worshipped them with devotion.

Verse 52 (shiva.rudra.34.52)

अथ विष्ण्वादयः सर्वे सुप्रशस्याजनन्दनम् । प्रीत्या ययुः स्वधामानि संस्मरन् सशिवं शिवम्

atha viṣṇvādayaḥ sarve supraśasyājanandanam | prītyā yayuḥ svadhāmāni saṁsmaran saśivaṁ śivam

Then Vishnu and all the gods, having greatly praised that daughter, and remembering both Shiva and Shambhu together, went with love to their own abodes.

Verse 53 (shiva.rudra.34.53)

अतस्तां च सुतां माता सुसंस्कृत्य यथोचितम् । शिशुपानेन विधिना तस्यै स्तन्यादिकं ददौ

atastāṁ ca sutāṁ mātā susaṁskṛtya yathocitam | śiśupānena vidhinā tasyai stanyādikaṁ dadau

After that, Her mother, having duly performed the proper purificatory rites for that daughter, gave Her milk and other nourishment according to the custom for infants.

Verse 54 (shiva.rudra.34.54)

पालिता साथ वीरिण्या दक्षेण च महात्मना । ववृधे शुक्लपक्षस्य यथा शशिकलान्वहम्

pālitā sātha vīriṇyā dakṣeṇa ca mahātmanā | vavṛdhe śuklapakṣasya yathā śaśikalānvaham

Thus nurtured by Virini and the great-souled Daksha, She grew day by day like the digits of the moon in its bright fortnight.

Verse 55 (shiva.rudra.34.55)

तस्यां तु सद्गुणाः सर्वे विविशुर्द्विजसत्तम । शैशवेऽपि यथा चन्द्रे कलाः सर्वा मनोहराः

tasyāṁ tu sadguṇāḥ sarve viviśurdvijasattama | śaiśave'pi yathā candre kalāḥ sarvā manoharāḥ

O best of the twice-born, all good qualities entered into Her even in Her infancy, just as, in the young moon, all the lovely digits gradually enter.

Verse 56 (shiva.rudra.34.56)

आचरन्निजभावेन सखीमध्यगता यदा । तदा लिलेख भर्गस्य प्रतिमामन्वहं मुहुः

ācarannijabhāvena sakhīmadhyagatā yadā | tadā lilekha bhargasya pratimāmanvahaṁ muhuḥ

When, following Her own natural disposition, She played among Her friends, She would again and again draw the image of Bhaga (Shiva).

Verse 57 (shiva.rudra.34.57)

यदा जगौ सुगीतानि शिवा बाल्योचितानि सा । तदा स्थाणुं हरं रुद्रं सस्मार स्मरशासनम्

yadā jagau sugītāni śivā bālyocitāni sā | tadā sthāṇuṁ haraṁ rudraṁ sasmāra smaraśāsanam

When that auspicious child sang sweet songs befitting Her infancy, She would remember Sthanu, Hara, Rudra — Shiva, the chastiser of Kama.

Verse 58 (shiva.rudra.34.58)

ववृधेऽतीव दम्पत्योः प्रत्यहं करुणातुला । तस्या बाल्येऽपि भक्तायास्तयोर्नित्यं मुहुर्मुहुः

vavṛdhe'tīva dampatyoḥ pratyahaṁ karuṇātulā | tasyā bālye'pi bhaktāyāstayornityaṁ muhurmuhuḥ

Day by day the tender affection of that couple for Her grew beyond measure; even in Her childhood, out of devotion, She remained ever given to them both.

Verse 59 (shiva.rudra.34.59)

सर्वबालगुणाक्रान्तां सदा स्वालयकारिणीम् । तोषयामास पितरौ नित्यं नित्यं मुहुर्मुहुः

sarvabālaguṇākrāntāṁ sadā svālayakāriṇīm | toṣayāmāsa pitarau nityaṁ nityaṁ muhurmuhuḥ

Possessed of every childlike virtue, ever cherishing Her own home, that child, again and again, continually gladdened Her parents.