The Nanda Vrata and the Hymn to Shiva

Verse 1 (shiva.rudra.35.1)

ब्रह्मोवाच । अथैकदा पितुः पार्श्वे तिष्ठन्तीं तां सतीमहम् । त्वया सह मुनेऽद्राक्षं सारभूतां त्रिलोकके

brahmovāca | athaikadā pituḥ pārśve tiṣṭhantīṁ tāṁ satīmaham | tvayā saha mune'drākṣaṁ sārabhūtāṁ trilokake

Brahma said: Then once, O sage, I saw, together with you, that Sati standing by her father's side — the very essence of the three worlds.

Verse 2 (shiva.rudra.35.2)

पित्रा नमस्कृतं वीक्ष्य सत्कृतं त्वां च मां सती । प्रणनाम मुदा भक्त्या लोकलीलानुसारिणी

pitrā namaskṛtaṁ vīkṣya satkṛtaṁ tvāṁ ca māṁ satī | praṇanāma mudā bhaktyā lokalīlānusāriṇī

Seeing her father honor us, and seeing us both revered, Sati, ever following the ways of the world in her play, bowed to us with joy and devotion.

Verse 3 (shiva.rudra.35.3)

प्रणामान्ते सतीं वीक्ष्य दक्षदत्तशुभासने । स्थितोऽहं नारद त्वं च विनतामहमागदम्

praṇāmānte satīṁ vīkṣya dakṣadattaśubhāsane | sthito'haṁ nārada tvaṁ ca vinatāmahamāgadam

After that salutation, seeing Sati seated on the auspicious seat given by Daksha, O Narada, you and I sat down, and I said to that modest Sati -

Verse 4 (shiva.rudra.35.4)

त्वामेव यः कामयते यं तु कामयसे सति । तमाप्नुहि पतिं देवं सर्वज्ञं जगदीश्वरम्

tvāmeva yaḥ kāmayate yaṁ tu kāmayase sati | tamāpnuhi patiṁ devaṁ sarvajñaṁ jagadīśvaram

'Whichever one desires only you, and whom you yourself desire, O Sati — may you attain that all-knowing lord, ruler of the universe, as your husband.'

Verse 5 (shiva.rudra.35.5)

यो नान्यां जगृहे नापि गृह्णाति न ग्रहीष्यति । जायां स ते पतिर्भूयादनन्यसदृशः शुभे

yo nānyāṁ jagṛhe nāpi gṛhṇāti na grahīṣyati | jāyāṁ sa te patirbhūyādananyasadṛśaḥ śubhe

'One who has never taken another wife, does not take one now, nor ever will — may that one, unequalled by any, O auspicious one, become your husband.'

Verse 6 (shiva.rudra.35.6)

इत्युक्त्वा सुचिरं तां वै स्थित्वा दक्षालये पुनः । विसृष्टौ तेन संयातौ स्वस्थानं तौ च नारद

ityuktvā suciraṁ tāṁ vai sthitvā dakṣālaye punaḥ | visṛṣṭau tena saṁyātau svasthānaṁ tau ca nārada

Having said this to her, and remaining a long while in Daksha's house, we two, on taking leave, then departed each to our own abode, O Narada.

Verse 7 (shiva.rudra.35.7)

दक्षोऽभवच्च सुप्रीतस्तदाकर्ण्य गतज्वरः । आददे तनयां स्वां तां मत्वा हि परमेश्वरीम्

dakṣo'bhavacca suprītastadākarṇya gatajvaraḥ | ādade tanayāṁ svāṁ tāṁ matvā hi parameśvarīm

Daksha, hearing this, became greatly pleased and freed from anxiety, and, regarding her as the very Supreme Goddess, took up the care of his daughter.

Verse 8 (shiva.rudra.35.8)

इत्थं विहारै रुचिरैः कौमारैर्भक्तवत्सला । जहाववस्थां कौमारीं स्वेच्छाधृतनराकृतिः

itthaṁ vihārai ruciraiḥ kaumārairbhaktavatsalā | jahāvavasthāṁ kaumārīṁ svecchādhṛtanarākṛtiḥ

Thus, through lovely girlhood pastimes, she who is dear to Her devotees, wearing by Her own will the form of a human being, passed through the state of maidenhood.

Verse 9 (shiva.rudra.35.9)

बाल्यं व्यतीत्य सा प्राप किञ्चिद्यौवनतां सती । अतीव तपसाङ्गेन सर्वाङ्गेषु मनोहरा

bālyaṁ vyatītya sā prāpa kiñcidyauvanatāṁ satī | atīva tapasāṅgena sarvāṅgeṣu manoharā

Having passed through childhood, Sati attained a touch of youth, and, through the power of Her austerity, became lovely in every limb.

Verse 10 (shiva.rudra.35.10)

दक्षस्तां वीक्ष्य लोकेशः प्रोद्भिन्नान्तर्वयःस्थिताम् । चिन्तयामास भर्गाय कथं दास्य इमां सुताम्

dakṣastāṁ vīkṣya lokeśaḥ prodbhinnāntarvayaḥsthitām | cintayāmāsa bhargāya kathaṁ dāsya imāṁ sutām

Daksha, lord of the world, seeing his daughter thus grown, her inner maturity blossoming, pondered: 'How shall I give this daughter to Shiva?'

Verse 11 (shiva.rudra.35.11)

अथ सापि स्वयं भर्गं प्राप्तुमैच्छत्तदान्वहम् । पितुर्मनोगतिं ज्ञात्वा मातुर्निकटमागता

atha sāpi svayaṁ bhargaṁ prāptumaicchattadānvaham | piturmanogatiṁ jñātvā māturnikaṭamāgatā

Then she herself, day after day, began to desire to attain Shiva of her own accord; learning her father's inner intent, she went near her mother.

Verse 12 (shiva.rudra.35.12)

पप्रच्छाज्ञां तपोहेतोः शङ्करस्य विशालधीः । मातुः शिवाथ वीरिण्याः सा सती परमेश्वरी

papracchājñāṁ tapohetoḥ śaṅkarasya viśāladhīḥ | mātuḥ śivātha vīriṇyāḥ sā satī parameśvarī

That broad-minded Sati, the Supreme Goddess, asked her mother, the auspicious Virini, for permission to undertake austerity for Shankara's sake.

Verse 13 (shiva.rudra.35.13)

ततः सती महेशानं पतिं प्राप्तुं दृढव्रता । सा तमाराधयामास गृहे मातुरनुज्ञया

tataḥ satī maheśānaṁ patiṁ prāptuṁ dṛḍhavratā | sā tamārādhayāmāsa gṛhe māturanujñayā

Then Sati, firm in her vow to attain Mahesha as her husband, with her mother's permission, began to worship him within the home.

Verse 14 (shiva.rudra.35.14)

आश्विने मासि नन्दायां तिथावानर्च भक्तितः । गुडौदनैः सलवणैर्हरं नत्वा निनाय तम्

āśvine māsi nandāyāṁ tithāvānarca bhaktitaḥ | guḍaudanaiḥ salavaṇairharaṁ natvā nināya tam

In the month of Ashvina, on the Nanda tithi, she devoutly worshipped and bowed to Hara, and passed that day on rice cooked with jaggery and salt.

Verse 15 (shiva.rudra.35.15)

कार्तिकस्य चतुर्दश्यामपूपैः पायसैरपि । समाकीर्णैः समाराध्य सस्मार परमेश्वरम्

kārtikasya caturdaśyāmapūpaiḥ pāyasairapi | samākīrṇaiḥ samārādhya sasmāra parameśvaram

On the fourteenth of Kartika, having worshipped fully with abundant cakes and rice-pudding, she remembered the Supreme Lord.

Verse 16 (shiva.rudra.35.16)

मार्गशीर्षेऽसिताष्टम्यां सतिलैः सयवौदनैः । पूजयित्वा हरं कीलैर्निनाय दिवसान् सती

mārgaśīrṣe'sitāṣṭamyāṁ satilaiḥ sayavaudanaiḥ | pūjayitvā haraṁ kīlairnināya divasān satī

On the dark eighth of Margashirsha, having worshipped Hara with sesame, barley-rice, and kila-offerings, Sati passed those days.

Verse 17 (shiva.rudra.35.17)

पौषे तु शुक्लसप्तम्यां कृत्वा जागरणं निशि । अपूजयच्छिवं प्रातः कृशरान्नेन सा सती

pauṣe tu śuklasaptamyāṁ kṛtvā jāgaraṇaṁ niśi | apūjayacchivaṁ prātaḥ kṛśarānnena sā satī

On the bright seventh of Pausha, having kept vigil through the night, Sati worshipped Shiva in the morning with khichdi (kṛśara food).

Verse 18 (shiva.rudra.35.18)

माघे तु पौर्णमास्यां सा कृत्वा जागरणं निशि । आर्द्रवस्त्रा नदीतीरेऽकरोच्छङ्करपूजनम्

māghe tu paurṇamāsyāṁ sā kṛtvā jāgaraṇaṁ niśi | ārdravastrā nadītīre'karocchaṅkarapūjanam

On the full moon of Magha, having kept vigil through the night, with wet garments, she performed the worship of Shankara on the riverbank.

Verse 19 (shiva.rudra.35.19)

तपस्यासितभूतायां कृत्वा जागरणं निशि । विशेषतः समानर्च शैलूषैः सर्वयामसु

tapasyāsitabhūtāyāṁ kṛtvā jāgaraṇaṁ niśi | viśeṣataḥ samānarca śailūṣaiḥ sarvayāmasu

On the dark tithi of the month Tapasya (Phalguna), having kept vigil through the night, she worshipped especially with shailusha flowers through all the watches of the night.

Verse 20 (shiva.rudra.35.20)

चैत्रे शुक्लचतुर्दश्यां पलाशैर्दमनैः शिवम् । अपूजयद्दिवारात्रौ संस्मरन् सा निनाय तम्

caitre śuklacaturdaśyāṁ palāśairdamanaiḥ śivam | apūjayaddivārātrau saṁsmaran sā nināya tam

On the bright fourteenth of Chaitra, she worshipped Shiva day and night with palasha and damana flowers, remembering him as she passed that day.

Verse 21 (shiva.rudra.35.21)

माघशुक्लतृतीयायां तिलाहारयवौदनैः । पूजयित्वा सती रुद्रं गव्यैर्मासं निनाय तम्

māghaśuklatṛtīyāyāṁ tilāhārayavaudanaiḥ | pūjayitvā satī rudraṁ gavyairmāsaṁ nināya tam

On the third of bright Magha, having worshipped Rudra with sesame-mixed barley-rice, Sati passed that month on cow's-milk products.

Verse 22 (shiva.rudra.35.22)

ज्येष्ठस्य पूर्णिमायां वै रात्रौ सम्पूज्य शङ्करम् । वसनैर्बृहतीपुष्पैर्निराहारा निनाय तम्

jyeṣṭhasya pūrṇimāyāṁ vai rātrau sampūjya śaṅkaram | vasanairbṛhatīpuṣpairnirāhārā nināya tam

On the full moon of Jyeshtha, having fully worshipped Shankara at night, offering garments and brihati flowers, she passed that day fasting, without food.

Verse 23 (shiva.rudra.35.23)

आषाढस्य चतुर्दश्यां शुक्लायां कृष्णवाससा । बृहतीकुसुमैः पूजा रुद्रस्याकारि वै तथा

āṣāḍhasya caturdaśyāṁ śuklāyāṁ kṛṣṇavāsasā | bṛhatīkusumaiḥ pūjā rudrasyākāri vai tathā

On the fourteenth of bright Ashadha, wearing a dark garment, the worship of Rudra with brihati flowers was performed in the same manner.

Verse 24 (shiva.rudra.35.24)

श्रावणस्य सिताष्टम्यां चतुर्दश्यां च सा शिवम् । यज्ञोपवीतैर्वासोभिः पवित्रैरप्यपूजयत्

śrāvaṇasya sitāṣṭamyāṁ caturdaśyāṁ ca sā śivam | yajñopavītairvāsobhiḥ pavitrairapyapūjayat

On the bright eighth and fourteenth of Shravana, she worshipped Shiva with sacred threads and pure garments.

Verse 25 (shiva.rudra.35.25)

भाद्रे कृष्णत्रयोदश्यां पुष्पैर्नानाविधैः फलैः । सम्पूज्य च चतुर्दश्यां चकार जलभोजनम्

bhādre kṛṣṇatrayodaśyāṁ puṣpairnānāvidhaiḥ phalaiḥ | sampūjya ca caturdaśyāṁ cakāra jalabhojanam

On the dark thirteenth of Bhadrapada, having worshipped with various flowers and fruits, on the fourteenth she took only water.

Verse 26 (shiva.rudra.35.26)

नानाविधैः फलैः पुष्पैः सस्यैस्तत्कालसम्भवैः । चक्रे सुनियताहारा जपन्मासे शिवार्चनम्

nānāvidhaiḥ phalaiḥ puṣpaiḥ sasyaistatkālasambhavaiḥ | cakre suniyatāhārā japanmāse śivārcanam

With the various fruits, flowers, and grains available in that season, keeping strictly controlled diet, she performed the chanting and worship of Shiva throughout that month.

Verse 27 (shiva.rudra.35.27)

सर्वमासे सर्वदिने शिवार्चनरता सती । दृढव्रताभवद्देवी स्वेच्छाधृतनराकृतिः

sarvamāse sarvadine śivārcanaratā satī | dṛḍhavratābhavaddevī svecchādhṛtanarākṛtiḥ

Thus, in every month and every day, devoted to the worship of Shiva, that Goddess, wearing by her own will the form of a human being, remained firm in her vow.

Verse 28 (shiva.rudra.35.28)

इत्थं नन्दाव्रतं कृत्स्नं समाप्य सुसमाहिता । दध्यौ शिवं सती प्रेम्णा निश्चलाभूदनन्यधीः

itthaṁ nandāvrataṁ kṛtsnaṁ samāpya susamāhitā | dadhyau śivaṁ satī premṇā niścalābhūdananyadhīḥ

Thus, having completed the entire Nanda-vrata with utmost concentration, Sati, her mind fixed on nothing else, meditated upon Shiva with love and became steadfast.

Verse 29 (shiva.rudra.35.29)

एतस्मिन्नन्तरे देवा मुनयश्चाखिला मुने । विष्णुं मां च पुरस्कृत्य ययुर्द्रष्टुं सतीतपः

etasminnantare devā munayaścākhilā mune | viṣṇuṁ māṁ ca puraskṛtya yayurdraṣṭuṁ satītapaḥ

Meanwhile, O sage, all the gods and sages, with Vishnu and me at their head, went to behold Sati's austerity.

Verse 30 (shiva.rudra.35.30)

दृष्टागत्य सती देवैर्मूर्ता सिद्धिरिवापरा । शिवध्यानमहामग्ना सिद्धावस्थां गता तदा

dṛṣṭāgatya satī devairmūrtā siddhirivāparā | śivadhyānamahāmagnā siddhāvasthāṁ gatā tadā

The gods, arriving there, beheld Sati deeply immersed in meditation on Shiva, appearing like another embodied perfection, and found her in a state of accomplished attainment.

Verse 31 (shiva.rudra.35.31)

चक्रुः सर्वे सुराः सत्यै मुदा साञ्जलयो नतिम् । मुनयश्च नतस्कन्धा विष्ण्वाद्याः प्रीतमानसाः

cakruḥ sarve surāḥ satyai mudā sāñjalayo natim | munayaśca nataskandhā viṣṇvādyāḥ prītamānasāḥ

All the gods, with joined hands, joyfully bowed to Sati, and the sages, with Vishnu at their head, also bowed their heads, their hearts filled with delight.

Verse 32 (shiva.rudra.35.32)

अथ सर्वे सुप्रसन्नाः विष्ण्वाद्याश्च सुरर्षयः । प्रशशंसुस्तपस्तस्याः सत्यास्तस्मात्सविस्मयाः

atha sarve suprasannāḥ viṣṇvādyāśca surarṣayaḥ | praśaśaṁsustapastasyāḥ satyāstasmātsavismayāḥ

Then Vishnu and the other divine sages, well pleased and filled with wonder, praised Sati's austerity again and again.

Verse 33 (shiva.rudra.35.33)

ततः प्रणम्य तां देवीं पुनस्ते मुनयः सुराः । जग्मुर्गिरिवरं सद्यः कैलासं शिववल्लभम्

tataḥ praṇamya tāṁ devīṁ punaste munayaḥ surāḥ | jagmurgirivaraṁ sadyaḥ kailāsaṁ śivavallabham

Then, having bowed once more to that Goddess, those sages and gods at once went to the best of mountains, Kailasa, dear to Shiva.

Verse 34 (shiva.rudra.35.34)

सावित्रीसहितश्चाहं सह लक्ष्म्या मुदान्वितः । वासुदेवोऽपि भगवाञ्जगामाथ हरान्तिकम्

sāvitrīsahitaścāhaṁ saha lakṣmyā mudānvitaḥ | vāsudevo'pi bhagavāñjagāmātha harāntikam

I, together with Savitri, and the glorious Vasudeva, together with Lakshmi, both filled with joy, went to Hara's presence.

Verse 35 (shiva.rudra.35.35)

गत्वा तत्र प्रभुं दृष्ट्वा सुप्रणम्य ससम्भ्रमाः । तुष्टुवुर्विविधैः स्तोत्रैः करौ बद्ध्वा विनम्रकाः

gatvā tatra prabhuṁ dṛṣṭvā supraṇamya sasambhramāḥ | tuṣṭuvurvividhaiḥ stotraiḥ karau baddhvā vinamrakāḥ

Going there and beholding the Lord, they bowed most reverently in eager excitement, and, with hands joined in humility, praised him with various hymns.

Verse 36 (shiva.rudra.35.36)

देवा ऊचुः । नमो भगवते तुभ्यं यत एतच्चराचरम् । पुरुषाय महेशाय परेशाय महात्मने

devā ūcuḥ | namo bhagavate tubhyaṁ yata etaccarācaram | puruṣāya maheśāya pareśāya mahātmane

The gods said: Salutation to You, O Blessed Lord, from whom this moving and unmoving universe arises — to the Person, the Great Lord, the Supreme Lord, the Great Soul.

Verse 37 (shiva.rudra.35.37)

आदिबीजाय सर्वेषां चिद्रूपाय पराय च । ब्रह्मणे निर्विकाराय प्रकृतेः पुरुषस्य च

ādibījāya sarveṣāṁ cidrūpāya parāya ca | brahmaṇe nirvikārāya prakṛteḥ puruṣasya ca

To the primal seed of all, of the very nature of pure consciousness, the Supreme one, to the unchanging Brahman, the source of both Prakriti and Purusha.

Verse 38 (shiva.rudra.35.38)

य इदं प्रतिपच्येदं येनेदं विचकास्ति हि । यस्मादिदं यतश्चेदं यस्येदं त्वं च यत्रतः

ya idaṁ pratipacyedaṁ yenedaṁ vicakāsti hi | yasmādidaṁ yataścedaṁ yasyedaṁ tvaṁ ca yatrataḥ

He by whom this universe is comprehended, by whom it shines forth, from whom it arises, for whose sake it exists, to whom it belongs, and wherein it rests -

Verse 39 (shiva.rudra.35.39)

योऽस्मात्परस्माच्च परो निर्विकारी महाप्रभुः । ईक्षते यः स्वात्मनीदं तं नताः स्म स्वयम्भुवम्

yo'smātparasmācca paro nirvikārī mahāprabhuḥ | īkṣate yaḥ svātmanīdaṁ taṁ natāḥ sma svayambhuvam

He who, being beyond even that which is beyond, that unchanging Great Lord who beholds this universe within His own Self — we bow to that Self-born One.

Verse 40 (shiva.rudra.35.40)

अविद्धदृक् परः साक्षी सर्वात्मानेकरूपधृक् । आत्मभूतः परब्रह्म तपन्तं शरणं गताः

aviddhadṛk paraḥ sākṣī sarvātmānekarūpadhṛk | ātmabhūtaḥ parabrahma tapantaṁ śaraṇaṁ gatāḥ

Of unclouded vision, the Supreme Witness, the Self of all yet bearing many forms, self-existent, the Supreme Brahman — we have taken refuge in You, the blazing one.

Verse 41 (shiva.rudra.35.41)

न यस्य देवा ऋषयः सिद्धाश्च न विदुः पदम् । कः पुनर्जन्तुरपरो ज्ञातुमर्हति वेदितुम्

na yasya devā ṛṣayaḥ siddhāśca na viduḥ padam | kaḥ punarjanturaparo jñātumarhati veditum

Whose state even the gods, the sages, and the Siddhas do not know — what other, lesser creature could hope to know or understand it?

Verse 42 (shiva.rudra.35.42)

दिदृक्षवो यस्य पदं मुक्तसङ्गाः सुसाधवः । चरितं सुगतिर्नस्त्वं सलोकव्रतमव्रणम्

didṛkṣavo yasya padaṁ muktasaṅgāḥ susādhavaḥ | caritaṁ sugatirnastvaṁ salokavratamavraṇam

Whose state even the unattached, truly virtuous ones desire to behold — You are our good course, the unblemished conduct together with the world's vow.

Verse 43 (shiva.rudra.35.43)

त्वज्जन्मादिविकारा नो विद्यन्ते केऽपि दुःखदाः । तथापि मायया त्वं हि गृह्णासि कृपया च तान्

tvajjanmādivikārā no vidyante ke'pi duḥkhadāḥ | tathāpi māyayā tvaṁ hi gṛhṇāsi kṛpayā ca tān

In You there is no sorrow-causing modification whatsoever, such as birth and the rest; and yet, through Maya and out of compassion, You take them on.

Verse 44 (shiva.rudra.35.44)

तस्मै नमः परेशाय तुभ्यमाश्चर्यकर्मणे । नमो गिरां विदूराय ब्रह्मणे परमात्मने

tasmai namaḥ pareśāya tubhyamāścaryakarmaṇe | namo girāṁ vidūrāya brahmaṇe paramātmane

Salutation to that Supreme Lord, to You of wondrous deeds; salutation to Brahman, the Supreme Self, beyond the reach of words.

Verse 45 (shiva.rudra.35.45)

अरूपायोरुरूपाय परायानन्तशक्तये । त्रिलोकपतये सर्वसाक्षिणे सर्वगाय च

arūpāyorurūpāya parāyānantaśaktaye | trilokapataye sarvasākṣiṇe sarvagāya ca

To the formless one of vast form, the Supreme, of infinite power, the Lord of the three worlds, the witness of all, present everywhere.

Verse 46 (shiva.rudra.35.46)

नम आत्मप्रदीपाय निर्वाणसुखसम्पदे । ज्ञानात्मने नमस्तेऽस्तु व्यापकायेश्वराय च

nama ātmapradīpāya nirvāṇasukhasampade | jñānātmane namaste'stu vyāpakāyeśvarāya ca

Salutation to the self-luminous one, the very treasure of the bliss of liberation; salutation to You, the essence of knowledge, all-pervading Lord.

Verse 47 (shiva.rudra.35.47)

नैष्कर्म्येण सुलभ्याय कैवल्यपतये नमः । पुरुषाय परेशाय नमस्ते सर्वदाय च

naiṣkarmyeṇa sulabhyāya kaivalyapataye namaḥ | puruṣāya pareśāya namaste sarvadāya ca

Salutation to the one easily attained through freedom from self-interested action, the Lord of Kaivalya; salutation to You, the Person, the Supreme Lord, the giver of all.

Verse 48 (shiva.rudra.35.48)

क्षेत्रज्ञायात्मरूपाय सर्वप्रत्ययहेतवे

kṣetrajñāyātmarūpāya sarvapratyayahetave

To the Knower of the Field, of the very nature of the Self, the cause of all cognition, salutation.

Verse 49 (shiva.rudra.35.49)

सर्वाध्यक्षाय महते मूलप्रकृतये नमः । पुरुषाय परेशाय नमस्ते सर्वदाय च

sarvādhyakṣāya mahate mūlaprakṛtaye namaḥ | puruṣāya pareśāya namaste sarvadāya ca

Salutation to the overseer of all, the great one, the root-Prakriti; salutation to You, the Person, the Supreme Lord, the giver of all.

Verse 50 (shiva.rudra.35.50)

त्रिनेत्रायेषुवक्त्राय सदाभासाय ते नमः । सर्वेन्द्रियगुणद्रष्ट्रे निष्कारण नमोऽस्तु ते

trinetrāyeṣuvaktrāya sadābhāsāya te namaḥ | sarvendriyaguṇadraṣṭre niṣkāraṇa namo'stu te

Salutation to the three-eyed one, whose weapon is the arrow, ever self-luminous; salutation to You, uncaused witness of the qualities of all the senses.

Verse 51 (shiva.rudra.35.51)

त्रिलोककारणायाथापवर्गाय नमो नमः । अपवर्गप्रदायाशु शरणागततारिणे

trilokakāraṇāyāthāpavargāya namo namaḥ | apavargapradāyāśu śaraṇāgatatāriṇe

Salutation, salutation again, to the cause of the three worlds and to liberation itself; to You who swiftly grant liberation and deliver those who seek refuge.

Verse 52 (shiva.rudra.35.52)

सर्वाम्नायागमानां चोदधये परमेष्ठिने । परायणाय भक्तानां गुणानां च नमोऽस्तु ते

sarvāmnāyāgamānāṁ codadhaye parameṣṭhine | parāyaṇāya bhaktānāṁ guṇānāṁ ca namo'stu te

To the ocean of all Vedic traditions and scriptures, the Supreme Abode; salutation to You, the final refuge of devotees and of all good qualities.

Verse 53 (shiva.rudra.35.53)

नमो गुणारणिच्छन्नचिदूष्माय महेश्वर । मूढदुष्प्राप्तरूपाय ज्ञानिहृद्वासिने सदा

namo guṇāraṇicchannacidūṣmāya maheśvara | mūḍhaduṣprāptarūpāya jñānihṛdvāsine sadā

Salutation, O Maheshvara, to You whose fire of pure consciousness is veiled by the kindling-wood of the gunas, whose form is hard to attain for the deluded, ever dwelling in the hearts of the wise.

Verse 54 (shiva.rudra.35.54)

पशुपाशविमोक्षाय भक्तसन्मुक्तिदाय च । स्वप्रकाशाय नित्यायाव्ययायाजस्रसंविदे

paśupāśavimokṣāya bhaktasanmuktidāya ca | svaprakāśāya nityāyāvyayāyājasrasaṁvide

To the liberator of bound souls from their fetters, the giver of true liberation to devotees, self-luminous, eternal, imperishable, of unceasing awareness.

Verse 55 (shiva.rudra.35.55)

प्रत्यग्द्रष्टेऽविकाराय परमैश्वर्यधारिणे । यं भजन्ति चतुर्वर्गं कामयन्तीष्टसद्गतिम् ॥ सोऽभूदकरुणस्त्वं नः प्रसन्नो भव ते नमः

pratyagdraṣṭe'vikārāya paramaiśvaryadhāriṇe | yaṁ bhajanti caturvargaṁ kāmayantīṣṭasadgatim || so'bhūdakaruṇastvaṁ naḥ prasanno bhava te namaḥ

To the inward-seer, unchanging, bearing supreme sovereignty — whom those desiring the four goals of life worship for their cherished, true attainment — O Lord, may You who have seemed without compassion toward us now become gracious; salutation to You.

Verse 56 (shiva.rudra.35.56)

एकान्तिनः कञ्चनार्थं भक्ता वाञ्छन्ति यस्य न । केवलं चरितं ते ते गायन्ति परमङ्गलम्

ekāntinaḥ kañcanārthaṁ bhaktā vāñchanti yasya na | kevalaṁ caritaṁ te te gāyanti paramaṅgalam

Single-minded devotees desire nothing whatsoever from You; they sing only of Your supremely auspicious deeds.

Verse 57 (shiva.rudra.35.57)

अक्षरं परमं ब्रह्म तमव्यक्ताकृतिं विभुम् । अध्यात्मयोगगम्यं त्वां परिपूर्णं स्तुमो वयम्

akṣaraṁ paramaṁ brahma tamavyaktākṛtiṁ vibhum | adhyātmayogagamyaṁ tvāṁ paripūrṇaṁ stumo vayam

The imperishable Supreme Brahman, of unmanifest form, all-pervading, attainable through the yoga of the inner Self, wholly complete — we praise You.

Verse 58 (shiva.rudra.35.58)

अतीन्द्रियमनाधारं सर्वाधारमहेतुकम् । अनन्तमाद्यं सूक्ष्मं त्वां प्रणमामोऽखिलेश्वरम्

atīndriyamanādhāraṁ sarvādhāramahetukam | anantamādyaṁ sūkṣmaṁ tvāṁ praṇamāmo'khileśvaram

Beyond the senses, without support yet the support of all, uncaused, endless, primeval, subtle — to You, Lord of all, we bow.

Verse 59 (shiva.rudra.35.59)

हर्यादयोऽखिला देवास्तथा लोकाश्चराचराः । नामरूपविभेदेन फल्ग्व्या च कलया कृताः

haryādayo'khilā devāstathā lokāścarācarāḥ | nāmarūpavibhedena phalgvyā ca kalayā kṛtāḥ

Indra and all the other gods, as well as all the moving and unmoving worlds, are fashioned through the differentiation of name and form, from but a fragment of Your power.

Verse 60 (shiva.rudra.35.60)

यथार्चिषोऽग्नेः सवितुर्यान्ति निर्यान्ति वासकृत् । गभस्तयस्तथायं वै प्रवाहो गौण उच्यते

yathārciṣo'gneḥ savituryānti niryānti vāsakṛt | gabhastayastathāyaṁ vai pravāho gauṇa ucyate

As the rays go forth and return from fire or from the sun, so too this flow of the world is said to be but a secondary manifestation of Your power.

Verse 61 (shiva.rudra.35.61)

न त्वं देवोऽसुरो मर्त्यो न तिर्यङ् न द्विजः प्रभो । न स्त्री न षण्ढो न पुमान्सदसन्न च किञ्चन

na tvaṁ devo'suro martyo na tiryaṅ na dvijaḥ prabho | na strī na ṣaṇḍho na pumānsadasanna ca kiñcana

You are not a god, not a demon, not a mortal, not an animal, not a twice-born, O Lord; not a woman, not a eunuch, not a man; not being, not non-being, not anything at all.

Verse 62 (shiva.rudra.35.62)

निषेधशेषः सर्वं त्वं विश्वकृद्विश्वपालकः । विश्वलयकृद्विश्वात्मा प्रणताः स्मः तमीश्वरम्

niṣedhaśeṣaḥ sarvaṁ tvaṁ viśvakṛdviśvapālakaḥ | viśvalayakṛdviśvātmā praṇatāḥ smaḥ tamīśvaram

You are everything that remains after all such negation — the maker of the universe, its sustainer, its dissolver, the Self of the universe; we bow to that Lord.

Verse 63 (shiva.rudra.35.63)

योगरन्धितकर्माणो यं प्रपश्यन्ति योगिनः । योगसम्भाविते चित्ते योगेशं त्वां नता वयम्

yogarandhitakarmāṇo yaṁ prapaśyanti yoginaḥ | yogasambhāvite citte yogeśaṁ tvāṁ natā vayam

Whom the yogis, their actions burned away through yoga, behold directly in a mind made ready by yoga — to You, the Lord of Yoga, we bow.

Verse 64 (shiva.rudra.35.64)

नमोऽस्तु तेऽसह्यवेग शक्तित्रय त्रयीमय । नमः प्रसन्नपालाय नमस्ते भूरिशक्तये

namo'stu te'sahyavega śaktitraya trayīmaya | namaḥ prasannapālāya namaste bhūriśaktaye

Salutation to You, of irresistible force, embodied in the three Vedas, of threefold power; salutation to the gracious protector, salutation to You of abundant power.

Verse 65 (shiva.rudra.35.65)

कदिन्द्रियाणां दुर्गेशानवाप्य परवर्त्मने । भक्तोद्धाररतायाथ नमस्ते गूढवर्चसे

kadindriyāṇāṁ durgeśānavāpya paravartmane | bhaktoddhāraratāyātha namaste gūḍhavarcase

To one who has crossed the impassable fortress of the senses and attained the supreme path, ever devoted to the deliverance of devotees, of hidden splendor — salutation to You.

Verse 66 (shiva.rudra.35.66)

यच्छक्त्याहन्धियात्मानं हन्त वेद न मूढधीः । तं दुरत्ययमाहात्म्यं त्वां नताः स्मो महाप्रभुम्

yacchaktyāhandhiyātmānaṁ hanta veda na mūḍhadhīḥ | taṁ duratyayamāhātmyaṁ tvāṁ natāḥ smo mahāprabhum

By whose power even the deluded mind fails, alas, to know its own Self — to You, whose greatness none can surpass, the Great Lord, we bow.

Verse 67 (shiva.rudra.35.67)

ब्रह्मोवाच । इति स्तुत्वा महादेवं सर्वे विष्ण्वादिकाः सुराः । तूष्णीमासन्प्रभोरग्रे सद्भक्तिनतकन्धराः

brahmovāca | iti stutvā mahādevaṁ sarve viṣṇvādikāḥ surāḥ | tūṣṇīmāsanprabhoragre sadbhaktinatakandharāḥ

Brahma said: Thus, having praised the Great God, all the gods, Vishnu and the rest, stood silent before the Lord, their heads bowed in true devotion.