The Estrangement of Shiva and Sati

Verse 1 (shiva.rudra.45.1)

श्रीराम उवाच । एकदा हि पुरा देवि शम्भुः परमसूतिकृत् । विश्वकर्माणमाहूय स्वलोके परतः परे

śrīrāma uvāca | ekadā hi purā devi śambhuḥ paramasūtikṛt | viśvakarmāṇamāhūya svaloke parataḥ pare

Shri Rama said: "Once, O goddess, long ago, Shambhu, the supreme creator of all beings, summoned Vishvakarma to his own supreme, transcendent realm."

Verse 2 (shiva.rudra.45.2)

तेन स्वधेनुशालायां कारयामास विस्तृतम् । रम्यं च भवनं सम्यक् तत्र सिंहासनं वरम्

tena svadhenuśālāyāṁ kārayāmāsa vistṛtam | ramyaṁ ca bhavanaṁ samyak tatra siṁhāsanaṁ varam

"Through him, in his own cow-pen, he had a vast and lovely mansion built, and there too a fine throne."

Verse 3 (shiva.rudra.45.3)

तत्र च्छत्रं महादिव्यं सर्वदाद्भुतमुत्तमम् । कारयामास विघ्नार्थं शङ्करो विश्वकर्मणा

tatra cchatraṁ mahādivyaṁ sarvadādbhutamuttamam | kārayāmāsa vighnārthaṁ śaṅkaro viśvakarmaṇā

"There Shankara also had Vishvakarma fashion a great, divine, ever-wondrous, excellent royal canopy, meant to ward off all obstacles."

Verse 4 (shiva.rudra.45.4)

शक्रादीनां जुहावाशु समस्तान् देवतागणान् । सिद्धगन्धर्वनागादीनुपदेवांश्च कृत्स्नशः

śakrādīnāṁ juhāvāśu samastān devatāgaṇān | siddhagandharvanāgādīnupadevāṁśca kṛtsnaśaḥ

"He then swiftly summoned all the hosts of gods, headed by Indra, and the Siddhas, Gandharvas, nagas, and every one of the lesser divinities."

Verse 5 (shiva.rudra.45.5)

देवान् सर्वानागमांश्च विधिपुत्रान् मुनीनपि । देवीः सर्वा अप्सरोभिर्नानावस्तुसमन्विताः

devān sarvānāgamāṁśca vidhiputrān munīnapi | devīḥ sarvā apsarobhirnānāvastusamanvitāḥ

"All the gods, the sacred Agamas personified, the sons of Brahma, the sages too, and all the goddesses together with the apsaras, bearing offerings of every kind, were summoned."

Verse 6 (shiva.rudra.45.6)

देवानां च तथर्षीणां सिद्धानां फणिनामपि । आनयन् मङ्गलकराः कन्याः षोडश षोडश

devānāṁ ca tatharṣīṇāṁ siddhānāṁ phaṇināmapi | ānayan maṅgalakarāḥ kanyāḥ ṣoḍaśa ṣoḍaśa

"From among the gods, the sages, the Siddhas, and the serpent lords too, sixteen auspicious maidens each were brought."

Verse 7 (shiva.rudra.45.7)

वीणामृदङ्गप्रमुखवाद्यान्नानाविधान् मुने । उत्सवं कारयामास वादयित्वा सुगायनैः

vīṇāmṛdaṅgapramukhavādyānnānāvidhān mune | utsavaṁ kārayāmāsa vādayitvā sugāyanaiḥ

"O sage, having the vina, the mridanga, and many other kinds of instruments played, together with fine singers, he brought about a great festival."

Verse 8 (shiva.rudra.45.8)

राजाभिषेकयोग्यानि द्रव्याणि सकलौषधैः प्रत्यक्षतीर्थपाथोभिः पञ्चकुम्भांश्च पूरितान्

rājābhiṣekayogyāni dravyāṇi sakalauṣadhaiḥ pratyakṣatīrthapāthobhiḥ pañcakumbhāṁśca pūritān

"All the substances befitting a royal consecration, together with every kind of herb, and five pitchers filled with the very waters of the sacred fords themselves, were brought there."

Verse 9 (shiva.rudra.45.9)

तथान्याः संविधा दिव्या आनयत्स्वगणैस्तदा । ब्रह्मघोषं महारावं कारयामास शङ्करः

tathānyāḥ saṁvidhā divyā ānayatsvagaṇaistadā | brahmaghoṣaṁ mahārāvaṁ kārayāmāsa śaṅkaraḥ

"Other divine articles besides were likewise brought by his own attendants, and Shankara had the great resounding chant of the Vedas raised."

Verse 10 (shiva.rudra.45.10)

अथो हरिं समाहूय वैकुण्ठात्प्रीतमानसः । तद्भक्त्या पूर्णया देवि मोदति स्म महेश्वरः

atho hariṁ samāhūya vaikuṇṭhātprītamānasaḥ | tadbhaktyā pūrṇayā devi modati sma maheśvaraḥ

"Then, with a joyful heart, he summoned Hari from Vaikuntha; O goddess, Maheshvara rejoiced, filled with complete devotion toward him."

Verse 11 (shiva.rudra.45.11)

सुमुहूर्ते महादेवस्तत्र सिंहासने वरे । उपवेश्य हरिं प्रीत्या भूषयामास सर्वशः

sumuhūrte mahādevastatra siṁhāsane vare | upaveśya hariṁ prītyā bhūṣayāmāsa sarvaśaḥ

"At an auspicious hour, Mahadeva lovingly seated Hari upon that fine throne, and adorned him in every way."

Verse 12 (shiva.rudra.45.12)

आबद्धरम्यमुकुटं कृतकौतुकमङ्गलम् । अभ्यषिञ्चन्महेशस्तु स्वयं ब्रह्माण्डमण्डपे

ābaddharamyamukuṭaṁ kṛtakautukamaṅgalam | abhyaṣiñcanmaheśastu svayaṁ brahmāṇḍamaṇḍape

"Binding a lovely crown upon his head, performing the auspicious rites of blessing, Mahesha himself, within the very pavilion of the universe, consecrated him."

Verse 13 (shiva.rudra.45.13)

दत्तवान्निखिलैश्वर्यं यन्नैजं नान्यगामि यत् । ततस्तुष्टाव तं शम्भुः स्वतन्त्रो भक्तवत्सलः

dattavānnikhilaiśvaryaṁ yannaijaṁ nānyagāmi yat | tatastuṣṭāva taṁ śambhuḥ svatantro bhaktavatsalaḥ

"He bestowed upon him all his own sovereignty — sovereignty that was truly his own and passed to no one else — and then Shambhu, ever free, ever affectionate to his devotees, sang his praises."

Verse 14 (shiva.rudra.45.14)

ब्रह्माणं लोककर्तारमवोचद्वचनं त्विदम् । व्यापयन्स्वं वराधीनं स्वतन्त्रं भक्तवत्सलः

brahmāṇaṁ lokakartāramavocadvacanaṁ tvidam | vyāpayansvaṁ varādhīnaṁ svatantraṁ bhaktavatsalaḥ

Shambhu, all-pervading, subject to the very boon he had given, yet ever free and affectionate to his devotees, spoke these words to Brahma, the maker of worlds.

Verse 15 (shiva.rudra.45.15)

महेश उवाच । अतः प्रभृति लोकेश मन्निदेशादयं हरिः । मम वन्द्यः स्वयं विष्णुर्जातः सर्वः शृणोति हि

maheśa uvāca | ataḥ prabhṛti lokeśa mannideśādayaṁ hariḥ | mama vandyaḥ svayaṁ viṣṇurjātaḥ sarvaḥ śṛṇoti hi

Mahesha said: "O Lord of the worlds, from this moment, by my own decree, this Hari has become worthy of my own veneration; he is Vishnu himself — let all who hear know this."

Verse 16 (shiva.rudra.45.16)

सर्वैर्देवादिभिस्तात प्रणम त्वममुं हरिम् । वर्णयन्तु हरिं वेदा ममैते मामिवाज्ञया

sarvairdevādibhistāta praṇama tvamamuṁ harim | varṇayantu hariṁ vedā mamaite māmivājñayā

"O my son, together with all the gods and the rest, you too shall bow to this Hari; let these Vedas of mine, by my own command, describe Hari just as they describe me."

Verse 17 (shiva.rudra.45.17)

श्रीराम उवाच । इत्युक्त्वाथ स्वयं रुद्रोऽनमद्वै गरुडध्वजम् । विष्णुभक्तिप्रसन्नात्मा वरदो भक्तवत्सलः

śrīrāma uvāca | ityuktvātha svayaṁ rudro'namadvai garuḍadhvajam | viṣṇubhaktiprasannātmā varado bhaktavatsalaḥ

Shri Rama said: "Having said this, Rudra himself — his heart gladdened by devotion to Vishnu, the giver of boons, ever affectionate to his devotees — bowed down to Vishnu, bearer of the Garuda banner."

Verse 18 (shiva.rudra.45.18)

ततो ब्रह्मादिभिर्देवैः सर्वरूपसुरैस्तथा । मुनिसिद्धादिभिश्चैव वन्दितोऽभूद्धरिस्तदा

tato brahmādibhirdevaiḥ sarvarūpasuraistathā | munisiddhādibhiścaiva vandito'bhūddharistadā

"Then Hari was venerated at that time by Brahma and the other gods, by divinities of every kind, and by sages, Siddhas, and all the rest."

Verse 19 (shiva.rudra.45.19)

ततो महेशो हरयेऽशंसद्दिविषदां पुरः । महावरान् सुप्रसन्नो दत्तवान् भक्तवत्सलः

tato maheśo haraye'śaṁsaddiviṣadāṁ puraḥ | mahāvarān suprasanno dattavān bhaktavatsalaḥ

"Then Mahesha praised Hari before the assembled gods, and, greatly pleased, Shiva, affectionate to his devotees, bestowed upon him great boons."

Verse 20 (shiva.rudra.45.20)

महेश उवाच । त्वं कर्ता सर्वलोकानां भर्ता हर्ता मदाज्ञया । दाता धर्मार्थकामानां शास्ता दुर्णयकारिणाम्

maheśa uvāca | tvaṁ kartā sarvalokānāṁ bhartā hartā madājñayā | dātā dharmārthakāmānāṁ śāstā durṇayakāriṇām

Mahesha said: "By my own command, become the creator, the sustainer, and the destroyer of all worlds; become the giver of dharma, artha, and kama, and the chastiser of those who do evil."

Verse 21 (shiva.rudra.45.21)

जगदीशो जगत्पूज्यो महाबलपराक्रमः । अजेयस्त्वं रणे क्वापि ममापि हि भविष्यसि

jagadīśo jagatpūjyo mahābalaparākramaḥ | ajeyastvaṁ raṇe kvāpi mamāpi hi bhaviṣyasi

"Become the Lord of the world, worshipped by the world, of great strength and valor; you shall be unconquerable in battle anywhere — even by me."

Verse 22 (shiva.rudra.45.22)

शक्तित्रयं गृहाण त्वमिच्छादि प्रापितं मया । नानालीलाप्रभावत्वं स्वतन्त्रत्वं भवत्रये

śaktitrayaṁ gṛhāṇa tvamicchādi prāpitaṁ mayā | nānālīlāprabhāvatvaṁ svatantratvaṁ bhavatraye

"Take unto yourself the three powers — will and the rest — bestowed by me; take also independence and the power of manifold divine play throughout the three worlds."

Verse 23 (shiva.rudra.45.23)

त्वद्द्वेष्टारो हरे नूनं मया शास्याः प्रयत्नतः । त्वद्भक्तानां मया विष्णो देयं निर्वाणमुत्तमम्

tvaddveṣṭāro hare nūnaṁ mayā śāsyāḥ prayatnataḥ | tvadbhaktānāṁ mayā viṣṇo deyaṁ nirvāṇamuttamam

"O Hari, those who hate you shall surely be chastised by me with due effort; and O Vishnu, to your devotees too I myself shall grant the supreme liberation."

Verse 24 (shiva.rudra.45.24)

मायां चापि गृहाणेमां दुःप्रणोद्यां सुरादिभिः । यया सम्मोहितं विश्वमचिद्रूपं भविष्यति

māyāṁ cāpi gṛhāṇemāṁ duḥpraṇodyāṁ surādibhiḥ | yayā sammohitaṁ viśvamacidrūpaṁ bhaviṣyati

"Take also this power of maya, which even the gods cannot dispel, by which the whole universe, thus bewildered, shall come to seem devoid of consciousness."

Verse 25 (shiva.rudra.45.25)

मम बाहुर्मदीयस्त्वं दक्षिणोऽसौ विधिर्हरे । अस्यापि हि विधेः पाता जनितापि भविष्यसि

mama bāhurmadīyastvaṁ dakṣiṇo'sau vidhirhare | asyāpi hi vidheḥ pātā janitāpi bhaviṣyasi

"You are my own right arm, mine own, O Hari; and Brahma too is such. You shall be, moreover, both the protector and progenitor of this same Brahma."

Verse 26 (shiva.rudra.45.26)

हृदयं मम यो रुद्रः स एवाहं न संशयः । पूज्यस्तव सदा सोऽपि ब्रह्मादीनामपि ध्रुवम्

hṛdayaṁ mama yo rudraḥ sa evāhaṁ na saṁśayaḥ | pūjyastava sadā so'pi brahmādīnāmapi dhruvam

"That Rudra who is my own heart, is verily myself — of this there is no doubt; he too shall be forever worthy of worship by you, and surely by Brahma and the rest as well."

Verse 27 (shiva.rudra.45.27)

अत्र स्थित्वा जगत्सर्वं पालय त्वं विशेषतः । नानावतारभेदैश्च सदा नानोतिकर्तृभिः

atra sthitvā jagatsarvaṁ pālaya tvaṁ viśeṣataḥ | nānāvatārabhedaiśca sadā nānotikartṛbhiḥ

"Remaining here, you shall protect the entire world in particular, through your manifold varieties of incarnation, ever performing your many works."

Verse 28 (shiva.rudra.45.28)

मम लोके तवेदं वै स्थानं च परमर्द्धिमत् । गोलोक इति विख्यातं भविष्यति महोज्ज्वलम्

mama loke tavedaṁ vai sthānaṁ ca paramarddhimat | goloka iti vikhyātaṁ bhaviṣyati mahojjvalam

"In my own realm, this dwelling place of yours shall also be a place of supreme splendor, greatly radiant, and renowned by the name Goloka."

Verse 29 (shiva.rudra.45.29)

भविष्यन्ति हरे ये तेऽवतारा भुवि रक्षकाः । मद्भक्तास्तान् ध्रुवं द्रक्ष्ये प्रीतानथ निजाद् वरात्

bhaviṣyanti hare ye te'vatārā bhuvi rakṣakāḥ | madbhaktāstān dhruvaṁ drakṣye prītānatha nijād varāt

"O Hari, whatever incarnations of yours shall come to protect the earth, all of them are surely devotees of mine; by my own boon I shall surely look upon them with delight."

Verse 30 (shiva.rudra.45.30)

श्रीराम उवाच । अखण्डैश्वर्यमासाद्य हरेरित्थं हरः स्वयम् । कैलासे स्वगणैस्तस्मिन् स्वैरं क्रीडत्युमापतिः

śrīrāma uvāca | akhaṇḍaiśvaryamāsādya hareritthaṁ haraḥ svayam | kailāse svagaṇaistasmin svairaṁ krīḍatyumāpatiḥ

Shri Rama said: "Having thus bestowed undivided sovereignty upon Hari, Hara himself, the Lord of Uma, continues to sport freely, together with his own attendants, upon Mount Kailasa."

Verse 31 (shiva.rudra.45.31)

तदाप्रभृति लक्ष्मीशो गोपवेषोऽभवत्तथा । अयासीत्तत्र सुप्रीत्या गोपगोपीगवां पतिः

tadāprabhṛti lakṣmīśo gopaveṣo'bhavattathā | ayāsīttatra suprītyā gopagopīgavāṁ patiḥ

"From that time on, the Lord of Lakshmi took the guise of a cowherd, and, as lord of the cowherds, the cowherd maidens, and the cattle, went there with deep affection."

Verse 32 (shiva.rudra.45.32)

सोऽपि विष्णुः प्रसन्नात्मा जुगोप निखिलं जगत् । नानावतारसन्धर्तावनकर्ता शिवाज्ञया

so'pi viṣṇuḥ prasannātmā jugopa nikhilaṁ jagat | nānāvatārasandhartāvanakartā śivājñayā

"That Vishnu too, gladdened in heart, protected the entire world, taking up his manifold incarnations and their tasks of preservation, all at Shiva's own command."

Verse 33 (shiva.rudra.45.33)

इदानीं स चतुर्द्धात्रावातरच्छङ्कराज्ञया । रामोऽहं तत्र भरतो लक्ष्मणः शत्रुहेति च

idānīṁ sa caturddhātrāvātaracchaṅkarājñayā | rāmo'haṁ tatra bharato lakṣmaṇaḥ śatruheti ca

"At this present time he has descended in fourfold form, by Shankara's own command; among these I am Rama, and there are also Bharata, Lakshmana, and Shatrughna."

Verse 34 (shiva.rudra.45.34)

अथ पित्राज्ञया देवि ससीतालक्ष्मणः सति । आगतोऽहं वने चाद्य दुःखितो दैवतोऽभवम्

atha pitrājñayā devi sasītālakṣmaṇaḥ sati | āgato'haṁ vane cādya duḥkhito daivato'bhavam

"O goddess, O Sati, at my father's command I came into this forest together with Sita and Lakshmana, and now, by the working of fate, I have become sorrowful."

Verse 35 (shiva.rudra.45.35)

निशाचरेण मे जाया हृता सीतेति केनचित् । अन्वेष्यामि प्रियां चात्र विरही बन्धुना वने

niśācareṇa me jāyā hṛtā sīteti kenacit | anveṣyāmi priyāṁ cātra virahī bandhunā vane

"Some night-roaming demon has stolen away my wife Sita; parted from her, I search here in the forest for my beloved, together with my brother."

Verse 36 (shiva.rudra.45.36)

दर्शनं ते यदि प्राप्तं सर्वथा कुशलं मम । भविष्यति न सन्देहो मातस्ते कृपया सति

darśanaṁ te yadi prāptaṁ sarvathā kuśalaṁ mama | bhaviṣyati na sandeho mātaste kṛpayā sati

"O Mother, O Sati, if I have been blessed with the sight of you, then, by your grace, all shall surely be well with me — of this there is no doubt."

Verse 37 (shiva.rudra.45.37)

सीताप्राप्तिवरं देवि भविष्यति न संशयः । तं हत्वा दुःखदं पापं राक्षसं त्वदनुग्रहात्

sītāprāptivaraṁ devi bhaviṣyati na saṁśayaḥ | taṁ hatvā duḥkhadaṁ pāpaṁ rākṣasaṁ tvadanugrahāt

"O goddess, by your grace, the boon of Sita's recovery shall surely be mine — of this there is no doubt — once I have slain that sorrow-bringing, sinful demon."

Verse 38 (shiva.rudra.45.38)

महद्भाग्यं ममाद्यैव यद्यकार्ष्टां कृपां युवाम् । यस्मिन् सकरुणौ स्यातां स धन्यः पुरुषो वरः

mahadbhāgyaṁ mamādyaiva yadyakārṣṭāṁ kṛpāṁ yuvām | yasmin sakaruṇau syātāṁ sa dhanyaḥ puruṣo varaḥ

"This is indeed my great good fortune today, that you both have shown me your grace; whatever man receives the compassion of you two is truly blessed and most fortunate."

Verse 39 (shiva.rudra.45.39)

इत्थमाभाष्य बहुधा सुप्रणम्य सतीं शिवाम् । तदाज्ञया वने तस्मिन् विचचार रघूद्वहः

itthamābhāṣya bahudhā supraṇamya satīṁ śivām | tadājñayā vane tasmin vicacāra raghūdvahaḥ

Having spoken thus at length, and having duly bowed to the goddess Sati, Shivā, Raghava went on, by their leave, to wander that forest.

Verse 40 (shiva.rudra.45.40)

अथाकर्ण्य सती वाक्यं रामस्य प्रयतात्मनः । हृष्टाभूत्सा प्रशंसन्तं शिवभक्तिरतं हृदि

athākarṇya satī vākyaṁ rāmasya prayatātmanaḥ | hṛṣṭābhūtsā praśaṁsantaṁ śivabhaktirataṁ hṛdi

Then, hearing the words of Rama, so disciplined in spirit, and seeing him praising Shiva, his heart absorbed in devotion, Sati was filled with delight.

Verse 41 (shiva.rudra.45.41)

स्मृत्वा स्वकर्म मनसाकार्षीच्छोकं सुविस्तरम् । प्रत्यागच्छदुदासीना विवर्णा शिवसन्निधौ

smṛtvā svakarma manasākārṣīcchokaṁ suvistaram | pratyāgacchadudāsīnā vivarṇā śivasannidhau

Yet, remembering what she herself had done, deep sorrow arose in her mind, and she returned to Shiva's presence downcast and pale.

Verse 42 (shiva.rudra.45.42)

पथि साचिन्तयद् देवी सञ्चलन्ती पुनः पुनः । नाङ्गीकृतं शिवोक्तं मे रामं प्रति कुधीः कृता

pathi sācintayad devī sañcalantī punaḥ punaḥ | nāṅgīkṛtaṁ śivoktaṁ me rāmaṁ prati kudhīḥ kṛtā

Walking along the path, the goddess pondered again and again: "I did not accept what Shiva told me, and toward Rama I acted with a foolish, doubting mind."

Verse 43 (shiva.rudra.45.43)

किमुत्तरमहं दास्ये गत्वा शङ्करसन्निधौ । इति सञ्चिन्त्य बहुधा पश्चात्तापोऽभवत्तदा

kimuttaramahaṁ dāsye gatvā śaṅkarasannidhau | iti sañcintya bahudhā paścāttāpo'bhavattadā

"What answer shall I give, once I return to Shankara's presence?" — pondering this again and again, she was overcome then with deep remorse.

Verse 44 (shiva.rudra.45.44)

गत्वा शम्भुसमीपं च प्रणनाम शिवं हृदा । विषण्णवदना शोकव्याकुला विगतप्रभा

gatvā śambhusamīpaṁ ca praṇanāma śivaṁ hṛdā | viṣaṇṇavadanā śokavyākulā vigataprabhā

Having come near to Shambhu, she bowed to Shiva with her whole heart; her face downcast, her mind troubled with grief, her radiance all but gone.

Verse 45 (shiva.rudra.45.45)

अथ तां दुःखितां दृष्ट्वा पप्रच्छ कुशलं हरः । प्रोवाच वचनं प्रीत्या तत्परीक्षा कृता कथम्

atha tāṁ duḥkhitāṁ dṛṣṭvā papraccha kuśalaṁ haraḥ | provāca vacanaṁ prītyā tatparīkṣā kṛtā katham

Then, seeing her sorrowful, Hara asked after her well-being, and lovingly asked too how she had carried out that test.

Verse 46 (shiva.rudra.45.46)

श्रुत्वा शिववचो नाहं किमपि प्रणतानना । सती शोकविषण्णा सा तस्थौ तत्र समीपतः

śrutvā śivavaco nāhaṁ kimapi praṇatānanā | satī śokaviṣaṇṇā sā tasthau tatra samīpataḥ

Hearing Shiva's words, Sati said nothing at all; her face bowed down, sorrowful and dejected, she simply stood there beside him.

Verse 47 (shiva.rudra.45.47)

अथ ध्यात्वा महेशस्तु बुबोध चरितं हृदा । दक्षजाया महायोगी नानालीलाविशारदः

atha dhyātvā maheśastu bubodha caritaṁ hṛdā | dakṣajāyā mahāyogī nānālīlāviśāradaḥ

Then Mahesha, the great yogin, skilled in manifold divine plays, entered into meditation and, through his own heart, came to know all that Daksha's daughter had done.

Verse 48 (shiva.rudra.45.48)

सस्मार स्वपणं पूर्वं यत्कृतं हरिकोपतः । तत्प्रार्थितोऽथ रुद्रोऽसौ मर्यादाप्रतिपालकः

sasmāra svapaṇaṁ pūrvaṁ yatkṛtaṁ harikopataḥ | tatprārthito'tha rudro'sau maryādāpratipālakaḥ

He recalled his own earlier vow, made once to guard against any anger toward Hari; bound by that pledge, Rudra, ever the keeper of proper order —

Verse 49 (shiva.rudra.45.49)

विषादोऽभूत्प्रभोस्तत्र मनस्येवमुवाच ह । धर्मवक्ता धर्मकर्ता धर्मावनकरः सदा

viṣādo'bhūtprabhostatra manasyevamuvāca ha | dharmavaktā dharmakartā dharmāvanakaraḥ sadā

— felt sorrow arise in his own heart, and, ever the speaker of dharma, the doer of dharma, the protector of dharma, spoke thus within his own mind.

Verse 50 (shiva.rudra.45.50)

शिव उवाच । कुर्यां चेद्दक्षजायां हि स्नेहं पूर्वं यथा महान् । नश्येन्मम पणः शुद्धो लोकलीलानुसारिणः

śiva uvāca | kuryāṁ ceddakṣajāyāṁ hi snehaṁ pūrvaṁ yathā mahān | naśyenmama paṇaḥ śuddho lokalīlānusāriṇaḥ

Shiva said: "If I show as great an affection toward Daksha's daughter as before, then my own pure vow — one made in keeping with the ways of worldly play — would be broken."

Verse 51 (shiva.rudra.45.51)

ब्रह्मोवाच । इत्थं विचार्य बहुधा हृदा तामत्यजत्सतीम् । पणं न नाशयामास वेदधर्मप्रपालकः

brahmovāca | itthaṁ vicārya bahudhā hṛdā tāmatyajatsatīm | paṇaṁ na nāśayāmāsa vedadharmaprapālakaḥ

Brahma said: Having thus deliberated at length in his heart, Shiva, guardian of Vedic dharma, withdrew his heart's affection from Sati, yet he did not let his vow come to ruin.

Verse 52 (shiva.rudra.45.52)

ततो विहाय मनसा सतीं तां परमेश्वरः । जगाम स्वगिरिं भेदं जगावद्धा स हि प्रभुः

tato vihāya manasā satīṁ tāṁ parameśvaraḥ | jagāma svagiriṁ bhedaṁ jagāvaddhā sa hi prabhuḥ

Then the Supreme Lord, having inwardly relinquished Sati, set out for his own mountain; but that Lord, bound by his own vow, could not disclose his inner grief to anyone.

Verse 53 (shiva.rudra.45.53)

चलन्तं पथि तं व्योमवाण्युवाच महेश्वरम् । सर्वान् संश्रावयंस्तत्र दक्षजां च विशेषतः

calantaṁ pathi taṁ vyomavāṇyuvāca maheśvaram | sarvān saṁśrāvayaṁstatra dakṣajāṁ ca viśeṣataḥ

As he walked along the path, a voice from the sky spoke to Maheshvara, its words heard there by all, and especially by Daksha's daughter.

Verse 54 (shiva.rudra.45.54)

व्योमवाण्युवाच । धन्यस्त्वं परमेशान त्वत्समोऽद्य तथा पणः । न कोऽप्यन्यस्त्रिलोकेऽस्मिन् महायोगी महाप्रभुः

vyomavāṇyuvāca | dhanyastvaṁ parameśāna tvatsamo'dya tathā paṇaḥ | na ko'pyanyastriloke'smin mahāyogī mahāprabhuḥ

The voice from the sky said: "Blessed are you, O Supreme Lord, and today none is your equal in keeping a vow; in these three worlds there is no other so great a yogin, so great a Lord, as you."

Verse 55 (shiva.rudra.45.55)

ब्रह्मोवाच । श्रुत्वा व्योमवचो देवी शिवं पप्रच्छ विप्रभा । कं पणं कृतवान्नाथ ब्रूहि मे परमेश्वर

brahmovāca | śrutvā vyomavaco devī śivaṁ papraccha viprabhā | kaṁ paṇaṁ kṛtavānnātha brūhi me parameśvara

Brahma said: Hearing the voice from the sky, the goddess, her radiance now dimmed, asked Shiva: "What vow have you made, my Lord? Tell me, O Supreme Ishvara."

Verse 56 (shiva.rudra.45.56)

इति पृष्टोऽपि गिरिशः सत्या हितकरः प्रभुः । नोद्वाहं स्वं पणं तस्यै यत् हर्यग्रेऽकरोत्पुरा

iti pṛṣṭo'pi giriśaḥ satyā hitakaraḥ prabhuḥ | nodvāhaṁ svaṁ paṇaṁ tasyai yat haryagre'karotpurā

Though thus asked, Girisha, the Lord who ever wished her well, did not reveal to her the vow he had made long ago before Hari.

Verse 57 (shiva.rudra.45.57)

तदा सती शिवं ध्यात्वा स्वपतिं प्राणवल्लभम् । सर्वं बुबोध हेतुं तं प्रियत्यागमयं मुने

tadā satī śivaṁ dhyātvā svapatiṁ prāṇavallabham | sarvaṁ bubodha hetuṁ taṁ priyatyāgamayaṁ mune

O sage, then Sati, meditating upon Shiva, her own husband dearer than life itself, came to understand the entire reason behind his withdrawn affection.

Verse 58 (shiva.rudra.45.58)

ततोऽतीव शुशोचाशु बुध्वा सा त्यागमात्मनः । शम्भुना दक्षजा तस्मान्निःश्वसन्ती मुहुर्मुहुः

tato'tīva śuśocāśu budhvā sā tyāgamātmanaḥ | śambhunā dakṣajā tasmānniḥśvasantī muhurmuhuḥ

Upon realizing that Shambhu had thus withdrawn from her, Daksha's daughter at once fell into deep sorrow, sighing again and again.

Verse 59 (shiva.rudra.45.59)

शिवस्तस्याः समाज्ञाय गुप्तं चक्रे मनोभवम् । सत्यै पणं स्वकीयं हि कथा बह्वीर्वदन् प्रभुः

śivastasyāḥ samājñāya guptaṁ cakre manobhavam | satyai paṇaṁ svakīyaṁ hi kathā bahvīrvadan prabhuḥ

Shiva, though fully aware of her state of mind, kept it hidden, and the Lord, keeping his own vow secret from Sati, went on telling her many tales instead.

Verse 60 (shiva.rudra.45.60)

सत्या प्राप स कैलासं कथयन् विविधाः कथाः । वरे स्थित्वा निजं रूपं दधौ योगी समाधिभृत्

satyā prāpa sa kailāsaṁ kathayan vividhāḥ kathāḥ | vare sthitvā nijaṁ rūpaṁ dadhau yogī samādhibhṛt

Telling various tales, he arrived with Sati at Kailasa; there, established upon that excellent seat, the yogin, absorbed in meditation, assumed his own contemplative form.

Verse 61 (shiva.rudra.45.61)

तत्र तस्थौ सती धाम्नि महाव्याकुलमानसा । न बुबोध चरित्रं तत्कश्चिच्च शिवयोर्मुने

tatra tasthau satī dhāmni mahāvyākulamānasā | na bubodha caritraṁ tatkaścicca śivayormune

O sage, Sati remained there in that abode, her mind in great turmoil; no one there came to know the true nature of what had passed between the two of them, Shiva and Sati.

Verse 62 (shiva.rudra.45.62)

महान्कालो व्यतीयाय तयोरित्थं महामुने । स्वोपात्तदेहयोः प्रभ्वोर्लोकलीलानुसारिणोः

mahānkālo vyatīyāya tayoritthaṁ mahāmune | svopāttadehayoḥ prabhvorlokalīlānusāriṇoḥ

O great sage, thus a long span of time passed for those two lords, who had taken on bodies of their own free will, in accordance with the ways of worldly play.

Verse 63 (shiva.rudra.45.63)

ध्यानं तत्याज गिरिशस्ततः स परमोतिकृत् । तज्ज्ञात्वा जगदम्बा हि सती तत्राजगाम सा

dhyānaṁ tatyāja giriśastataḥ sa paramotikṛt | tajjñātvā jagadambā hi satī tatrājagāma sā

Then Girisha, the doer of the supreme act, ended his meditation; knowing this, the Mother of the Universe, Sati, came there before him.

Verse 64 (shiva.rudra.45.64)

ननामाथ शिवं देवी हृदयेन विदूयता । आसनं दत्तवान् शम्भुः स्वसम्मुख उदारधीः

nanāmātha śivaṁ devī hṛdayena vidūyatā | āsanaṁ dattavān śambhuḥ svasammukha udāradhīḥ

The goddess, her heart aching, bowed down to Shiva; and magnanimous Shambhu offered her a seat there before him.

Verse 65 (shiva.rudra.45.65)

कथयामास सुप्रीत्या कथा वह्वीर्मनोरमाः । निःशोकां कृतवान् सद्यो लीलां कृत्वा च तादृशीम्

kathayāmāsa suprītyā kathā vahvīrmanoramāḥ | niḥśokāṁ kṛtavān sadyo līlāṁ kṛtvā ca tādṛśīm

With deep affection he told her many delightful tales, and, through such a display of his own play, at once relieved her of her sorrow.

Verse 66 (shiva.rudra.45.66)

पूर्ववत्सा सुखं लेभे तत्याज स्वपणं न सः । नेत्याश्चर्यं शिवे तात मन्तव्यं परमेश्वरे

pūrvavatsā sukhaṁ lebhe tatyāja svapaṇaṁ na saḥ | netyāścaryaṁ śive tāta mantavyaṁ parameśvare

She came once again to know happiness as before, yet he never abandoned his own vow. My son, in this there is nothing to be regarded as strange about the Supreme Lord Shiva.

Verse 67 (shiva.rudra.45.67)

इत्थं शिवाशिवकथां वदन्ति मुनयो मुने । किल केचिदविद्वांसो वियोगश्च कथं तयोः

itthaṁ śivāśivakathāṁ vadanti munayo mune | kila kecidavidvāṁso viyogaśca kathaṁ tayoḥ

O sage, thus do the sages tell the tale of Shiva and Shivā; it is only some who are less wise who ask how a true separation could ever have occurred between the two of them.

Verse 68 (shiva.rudra.45.68)

शिवाशिवचरित्रं को जानाति परमार्थतः । स्वेच्छया क्रीडतस्तौ हि चरितं कुरुतः सदा

śivāśivacaritraṁ ko jānāti paramārthataḥ | svecchayā krīḍatastau hi caritaṁ kurutaḥ sadā

Who indeed can truly know the deeds of Shiva and Shivā in their ultimate reality? The two of them, sporting ever at their own will, continually enact such deeds.

Verse 69 (shiva.rudra.45.69)

वागर्थाविव सम्पृक्तौ सदा खलु सतीशिवौ । तयोर्वियोगोऽसम्भाव्यः सम्भवेदिच्छया तयोः

vāgarthāviva sampṛktau sadā khalu satīśivau | tayorviyogo'sambhāvyaḥ sambhavedicchayā tayoḥ

Sati and Shiva are ever conjoined, just as word and meaning are; a true separation between the two of them is impossible — it can only ever seem to occur through their own free will.