The Enmity of Daksha Toward Shiva

Verse 1 (shiva.rudra.46.1)

ब्रह्मोवाच । पुराभवच्च सर्वेषामध्वरो विधिना महान् । प्रयागे समवेतानां मुनीनां च महात्मनाम्

brahmovāca | purābhavacca sarveṣāmadhvaro vidhinā mahān | prayāge samavetānāṁ munīnāṁ ca mahātmanām

Brahma said: Long ago, a great sacrifice, performed with due rite, took place at Prayaga among all the great-souled sages who had gathered there.

Verse 2 (shiva.rudra.46.2)

तत्र सिद्धाः समायाताः सनकाद्याः सुरर्षयः । सप्रजापतयो देवा ज्ञानिनो ब्रह्मदर्शिनः

tatra siddhāḥ samāyātāḥ sanakādyāḥ surarṣayaḥ | saprajāpatayo devā jñānino brahmadarśinaḥ

There came the Siddhas, Sanaka and his brothers, the divine sages, the gods together with the Prajapatis, and the wise, those who had beheld Brahman directly.

Verse 3 (shiva.rudra.46.3)

अहं समागतस्तत्र परिवारसमन्वितः । निगमैरागमैर्युक्तो मूर्तिमद्भिर्महाप्रभैः

ahaṁ samāgatastatra parivārasamanvitaḥ | nigamairāgamairyukto mūrtimadbhirmahāprabhaiḥ

I too came there, together with my own family, accompanied by the Vedas and Agamas in their embodied, greatly radiant forms.

Verse 4 (shiva.rudra.46.4)

समाजोऽभूद्विचित्रो हि तेषामुत्सवसंयुतः । ज्ञानवादोऽभवत्तत्र नानाशास्त्रसमुद्भवः

samājo'bhūdvicitro hi teṣāmutsavasaṁyutaḥ | jñānavādo'bhavattatra nānāśāstrasamudbhavaḥ

Their gathering was a wondrous and festive one; discussions of wisdom arose there, drawn from many branches of learning.

Verse 5 (shiva.rudra.46.5)

तस्मिन्नवसरे रुद्रः सभवानीगणः प्रभुः । त्रिलोकहितकृत्स्वामी तत्रागात्सूतिकृन्मुने

tasminnavasare rudraḥ sabhavānīgaṇaḥ prabhuḥ | trilokahitakṛtsvāmī tatrāgātsūtikṛnmune

O sage, on that occasion the Lord Rudra, together with Bhavani and his attendants, he who is the master and benefactor of all three worlds, the very creator of beings, arrived there.

Verse 6 (shiva.rudra.46.6)

दृष्ट्वा शिवं सुराः सर्वे सिद्धाश्च मुनयस्तथा । अनमंस्तं प्रभुं भक्त्या तुष्टुवुश्च तथा ह्यहम्

dṛṣṭvā śivaṁ surāḥ sarve siddhāśca munayastathā | anamaṁstaṁ prabhuṁ bhaktyā tuṣṭuvuśca tathā hyaham

Seeing Shiva, all the gods, the Siddhas, and the sages, and I myself as well, bowed to that Lord with devotion and offered him praise.

Verse 7 (shiva.rudra.46.7)

तस्थुः शिवाज्ञया सर्वे यथास्थानं मुदान्विताः । प्रभुदर्शनसन्तुष्टाः वर्णयन्तो निजं विधिम्

tasthuḥ śivājñayā sarve yathāsthānaṁ mudānvitāḥ | prabhudarśanasantuṣṭāḥ varṇayanto nijaṁ vidhim

At Shiva's word, all took their seats, each in their own place, delighted, satisfied at the sight of the Lord, and each began to describe his own practice.

Verse 8 (shiva.rudra.46.8)

तस्मिन्नवसरे दक्षः प्रजापतिपतिः प्रभुः । आगमत्तत्र सुप्रीतः सुवर्चस्वी यदृच्छया

tasminnavasare dakṣaḥ prajāpatipatiḥ prabhuḥ | āgamattatra suprītaḥ suvarcasvī yadṛcchayā

At that same moment, Daksha, lord of the Prajapatis, a radiant and mighty being, also arrived there of his own accord, in high spirits.

Verse 9 (shiva.rudra.46.9)

मां प्रणम्य स दक्षो हि न्युष्टस्तत्र मदाज्ञया । ब्रह्माण्डाधिपतिर्मान्यो मानी तत्त्वबहिर्मुखः

māṁ praṇamya sa dakṣo hi nyuṣṭastatra madājñayā | brahmāṇḍādhipatirmānyo mānī tattvabahirmukhaḥ

That Daksha bowed to me and, at my word, sat down there; he was lord of the universe, honored by all, yet proud, and averse to the deeper truth.

Verse 10 (shiva.rudra.46.10)

स्तुतिभिः प्रणिपातैश्च दक्षः सर्वैः सुरर्षिभिः । पूजितो वरतेजस्वी करौ वध्वा विनम्रकैः

stutibhiḥ praṇipātaiśca dakṣaḥ sarvaiḥ surarṣibhiḥ | pūjito varatejasvī karau vadhvā vinamrakaiḥ

All the divine sages, humbly folding their hands, honored the radiant Daksha with praises and prostrations.

Verse 11 (shiva.rudra.46.11)

नानाविहारकृन्नाथः स्वतन्त्रः परमोतिकृत् । नानामत्तं तदा दक्षं स्वासनस्थो महेश्वरः

nānāvihārakṛnnāthaḥ svatantraḥ paramotikṛt | nānāmattaṁ tadā dakṣaṁ svāsanastho maheśvaraḥ

The Lord Maheshvara, ever the doer of manifold play, free and supreme in his acts, remained seated there upon his own seat, while Daksha, meanwhile, grew intoxicated with his own many kinds of pride.

Verse 12 (shiva.rudra.46.12)

दृष्ट्वानतं हरं तत्र स मे पुत्रोऽप्रसन्नधीः । अकुप्यत्सहसा रुद्रे तदा दक्षः प्रजापतिः

dṛṣṭvānataṁ haraṁ tatra sa me putro'prasannadhīḥ | akupyatsahasā rudre tadā dakṣaḥ prajāpatiḥ

Seeing Hara there not bowing to him, my son, Daksha the Prajapati, grew displeased in mind, and suddenly flew into a rage against Rudra.

Verse 13 (shiva.rudra.46.13)

क्रूरदृष्ट्या महागर्वो दृष्ट्वा रुद्रं महाप्रभुम् । सर्वान्संश्रावयन्नुच्चैरवोचज्ज्ञानवर्जितः

krūradṛṣṭyā mahāgarvo dṛṣṭvā rudraṁ mahāprabhum | sarvānsaṁśrāvayannuccairavocajjñānavarjitaḥ

Filled with overweening pride, glaring at the great Lord Rudra with a cruel eye, Daksha, devoid of wisdom, spoke aloud, so that all could hear.

Verse 14 (shiva.rudra.46.14)

दक्षवाच । एते हि सर्वे च सुरासुरा भृशं नमन्ति मां विप्रवरास्तथर्षयः । कथं ह्यसौ दुर्जनवन्महामना त्वभूत्तु यः प्रेतपिशाचसंवृतः

dakṣavāca | ete hi sarve ca surāsurā bhṛśaṁ namanti māṁ vipravarāstatharṣayaḥ | kathaṁ hyasau durjanavanmahāmanā tvabhūttu yaḥ pretapiśācasaṁvṛtaḥ

Daksha said: "All these gods, demons, the finest of brahmins, and sages bow to me most humbly; how then can this one, surrounded by ghosts and goblins, be so proud, so arrogant, like some ill-bred wretch?"

Verse 15 (shiva.rudra.46.15)

श्मशानवासी निरपत्रपो ह्ययं कथं प्रणामं न करोति मेऽधुना । लुप्तक्रियो भूतपिशाचसेवितो मत्तोऽविधो नीतिविदूषकः सदा

śmaśānavāsī nirapatrapo hyayaṁ kathaṁ praṇāmaṁ na karoti me'dhunā | luptakriyo bhūtapiśācasevito matto'vidho nītividūṣakaḥ sadā

"Why does this shameless dweller in the cremation grounds not bow before me now? He is bereft of all proper rites, attended by ghosts and goblins, ever intoxicated, lawless, and a constant mocker of right conduct."

Verse 16 (shiva.rudra.46.16)

पाखण्डिनो दुर्जनपापशीला दृष्ट्वा द्विजं प्रोद्धतनिन्दकाञ्च । वध्वां सदासक्तरतिप्रवीण- स्तस्मादमुं शप्तुमहं प्रवृत्तः

pākhaṇḍino durjanapāpaśīlā dṛṣṭvā dvijaṁ proddhatanindakāñca | vadhvāṁ sadāsaktaratipravīṇa- stasmādamuṁ śaptumahaṁ pravṛttaḥ

"He is a heretic, sinful in nature like the wicked, one who insolently reviles brahmins at the very sight of them, and one ever attached to lustful union with his own bride — for this I am resolved to curse him."

Verse 17 (shiva.rudra.46.17)

ब्रह्मोवाच । इत्येवमुक्त्वा स महाखलस्तदा रुषान्वितो रुद्रमिदं ह्यवोचत् । शृण्वन्त्वमी विप्रवरास्तथा सुरा वध्यं हि मे चार्हथ कर्तुमेतम्

brahmovāca | ityevamuktvā sa mahākhalastadā ruṣānvito rudramidaṁ hyavocat | śṛṇvantvamī vipravarāstathā surā vadhyaṁ hi me cārhatha kartumetam

Brahma said: Having said this, that greatly wicked Daksha, filled with rage, then spoke thus of Rudra: "Let these finest of brahmins, and the gods too, hear this — you should all regard this one as fit for my condemnation."

Verse 18 (shiva.rudra.46.18)

दक्ष उवाच । रुद्रो ह्ययं यज्ञबहिष्कृतो मे वर्णेष्वतीतोऽथ विवर्णरूपः । देवैर्न भागं लभतां सहैव श्मशानवासी कुलजन्महीनः

dakṣa uvāca | rudro hyayaṁ yajñabahiṣkṛto me varṇeṣvatīto'tha vivarṇarūpaḥ | devairna bhāgaṁ labhatāṁ sahaiva śmaśānavāsī kulajanmahīnaḥ

Daksha said: "Let this Rudra be excluded from my sacrifice; he stands outside the fourfold order, of degraded and colorless form. Let him receive no share along with the gods; he is a dweller in cremation grounds, base in lineage and in birth."

Verse 19 (shiva.rudra.46.19)

ब्रह्मोवाच । इति दक्षोक्तमाकर्ण्य भृग्वाद्या बहवो जनाः । अगर्हयन् दुष्टसत्त्वं रुद्रं मत्त्वामरैः समम्

brahmovāca | iti dakṣoktamākarṇya bhṛgvādyā bahavo janāḥ | agarhayan duṣṭasattvaṁ rudraṁ mattvāmaraiḥ samam

Brahma said: Hearing what Daksha had said, Bhrigu and many others too, together with the gods, taking Rudra to be of evil nature, joined in reproaching him.

Verse 20 (shiva.rudra.46.20)

नन्दी निशम्य तद्वाक्यं लोलाक्षोऽतिरुषान्वितः । अब्रवीत् त्वरितं दक्षं शापं दातुमना गणः

nandī niśamya tadvākyaṁ lolākṣo'tiruṣānvitaḥ | abravīt tvaritaṁ dakṣaṁ śāpaṁ dātumanā gaṇaḥ

Hearing that speech, Nandi, his eyes rolling with fury, filled with intense rage, at once resolved to curse Daksha and spoke to him without delay.

Verse 21 (shiva.rudra.46.21)

नन्दीश्वर उवाच । रे रे शठ महामूढ दक्ष दुष्टमते त्वया । यज्ञबाह्यो हि मे स्वामी महेशो हि कृतः कथम्

nandīśvara uvāca | re re śaṭha mahāmūḍha dakṣa duṣṭamate tvayā | yajñabāhyo hi me svāmī maheśo hi kṛtaḥ katham

Nandishvara said: "You wretch, you utter fool, O evil-minded Daksha, how could you dare to exclude my Lord Mahesha from the sacrifice?"

Verse 22 (shiva.rudra.46.22)

यस्य स्मरणमात्रेण भवन्ति सफला मखाः । तीर्थानि च पवित्राणि सोऽयं शप्तो हरः कथम्

yasya smaraṇamātreṇa bhavanti saphalā makhāḥ | tīrthāni ca pavitrāṇi so'yaṁ śapto haraḥ katham

"By the mere remembrance of whom all sacrifices become fruitful and all sacred fords become pure — how could you dare to curse that very Hara?"

Verse 23 (shiva.rudra.46.23)

वृथा ते ब्रह्मचापल्याच्छप्तोऽयं दक्ष दुर्मते । वृथोपहसितश्चैवादुष्टो रुद्रो महाप्रभुः

vṛthā te brahmacāpalyācchapto'yaṁ dakṣa durmate | vṛthopahasitaścaivāduṣṭo rudro mahāprabhuḥ

"O foolish-minded Daksha, out of mere brahminical fickleness you have cursed him in vain; you have vainly mocked the great Lord Rudra, who is without any fault."

Verse 24 (shiva.rudra.46.24)

येनेदं पाल्यते विश्वं सृष्टमन्ते विनाशितम् । शप्तोऽयं स कथं रुद्रो महेशो ब्राह्मणाधम

yenedaṁ pālyate viśvaṁ sṛṣṭamante vināśitam | śapto'yaṁ sa kathaṁ rudro maheśo brāhmaṇādhama

"By whom this universe is sustained, created, and, in the end, destroyed — how, O basest of brahmins, could you have cursed that very Rudra, Mahesha?"

Verse 25 (shiva.rudra.46.25)

एवं निर्भत्सितस्तेन नन्दिना हि प्रजापतिः । नन्दिनं च शशापाथ दक्षो रोषसमन्वितः

evaṁ nirbhatsitastena nandinā hi prajāpatiḥ | nandinaṁ ca śaśāpātha dakṣo roṣasamanvitaḥ

Thus reproached by Nandi, Daksha the Prajapati, overcome with rage, in turn began to curse Nandi himself.

Verse 26 (shiva.rudra.46.26)

दक्ष उवाच । यूयं सर्वे रुद्रगणा वेदबाह्या भवन्तु वै । वेदमार्गपरित्यक्तास्तथा त्यक्ता महर्षिभिः

dakṣa uvāca | yūyaṁ sarve rudragaṇā vedabāhyā bhavantu vai | vedamārgaparityaktāstathā tyaktā maharṣibhiḥ

Daksha said: "May all of you, Rudra's attendants, become excluded from the Vedas; may you be abandoned by the path of the Vedas, and cast off by the great sages too."

Verse 27 (shiva.rudra.46.27)

पाखण्डवादनिरताः शिष्टाचारबहिष्कृताः । मदिरापाननिरता जटाभस्मास्थिधारिणः

pākhaṇḍavādaniratāḥ śiṣṭācārabahiṣkṛtāḥ | madirāpānaniratā jaṭābhasmāsthidhāriṇaḥ

"May you become devoted to heretical doctrine, cast out from all decent conduct, given ever to drinking wine, and marked forever by matted hair, ashes, and bones."

Verse 28 (shiva.rudra.46.28)

ब्रह्मोवाच । इति शप्तास्तथा तेन दक्षेण शिवकिङ्कराः । तच्छ्रुत्वातिरुषाविष्टोऽभवन्नन्दी शिवप्रियः

brahmovāca | iti śaptāstathā tena dakṣeṇa śivakiṅkarāḥ | tacchrutvātiruṣāviṣṭo'bhavannandī śivapriyaḥ

Brahma said: Thus were Shiva's servants cursed by Daksha; hearing this, Nandi, Shiva's dearest devotee, was overcome with the greatest fury.

Verse 29 (shiva.rudra.46.29)

प्रत्युवाच द्रुतं दक्षं गर्वितं तं महाखलम् । शिलादतनयो नन्दी तेजस्वी शिववल्लभः

pratyuvāca drutaṁ dakṣaṁ garvitaṁ taṁ mahākhalam | śilādatanayo nandī tejasvī śivavallabhaḥ

Nandi, son of Shilada, radiant, beloved of Shiva, at once answered that proud and greatly wicked Daksha.

Verse 30 (shiva.rudra.46.30)

नन्दीश्वर उवाच । रे दक्ष शठ दुर्बुद्धे वृथैव शिवकिङ्कराः । शप्तास्ते ब्रह्मचापल्याच्छिवतत्त्वमजानता

nandīśvara uvāca | re dakṣa śaṭha durbuddhe vṛthaiva śivakiṅkarāḥ | śaptāste brahmacāpalyācchivatattvamajānatā

Nandishvara said: "You wretch, O foolish-minded Daksha, in your fickleness, and without knowing the truth of Shiva, you have vainly cursed Shiva's own servants."

Verse 31 (shiva.rudra.46.31)

भृग्वाद्यैर्दुष्टचित्तैश्च मूढैः स उपहासितः । महाप्रभुर्महेशानो ब्राह्मणत्वादहम्मते

bhṛgvādyairduṣṭacittaiśca mūḍhaiḥ sa upahāsitaḥ | mahāprabhurmaheśāno brāhmaṇatvādahammate

"O proud one, Bhrigu and the other fools, their minds corrupted, have mocked that great Lord Mahesha too, out of mere pride in their own brahminhood."

Verse 32 (shiva.rudra.46.32)

ये रुद्रविमुखाश्चात्र ब्राह्मणास्त्वादृशाः खलाः । रुद्रतेजःप्रभावत्वात्तेषां शापं ददाम्यहम्

ye rudravimukhāścātra brāhmaṇāstvādṛśāḥ khalāḥ | rudratejaḥprabhāvatvātteṣāṁ śāpaṁ dadāmyaham

"Whatever brahmins here, wicked as you are, turn their faces from Rudra — by the power and majesty of Rudra, I now pronounce a curse upon them as well."

Verse 33 (shiva.rudra.46.33)

वेदवादरता यूयं वेदतत्त्वबहिर्मुखाः । भवन्तु सततं विप्रा नान्यदस्तीति वादिनः

vedavādaratā yūyaṁ vedatattvabahirmukhāḥ | bhavantu satataṁ viprā nānyadastīti vādinaḥ

"May you brahmins remain forever engrossed in mere verbal disputation over the Vedas, yet ever averse to their true inner meaning, and forever declaring, 'There is nothing beyond this.'"

Verse 34 (shiva.rudra.46.34)

कामात्मानः स्वर्गपराः क्रोधलोभमदान्विताः । भवन्तु सततं विप्रा भिक्षुका निरपत्रपाः

kāmātmānaḥ svargaparāḥ krodhalobhamadānvitāḥ | bhavantu satataṁ viprā bhikṣukā nirapatrapāḥ

"May you brahmins ever be given over to lust, intent only upon heaven, filled with anger, greed, and pride, and become shameless beggars."

Verse 35 (shiva.rudra.46.35)

वेदमार्गं पुरस्कृत्य ब्राह्मणाः शूद्रयाजिनः । दरिद्रा वै भविष्यन्ति प्रतिग्रहरताः सदा

vedamārgaṁ puraskṛtya brāhmaṇāḥ śūdrayājinaḥ | daridrā vai bhaviṣyanti pratigraharatāḥ sadā

"Brahmins who, while claiming the path of the Vedas, perform sacrifices for the base and unworthy shall remain forever poor, even as they remain ever attached to receiving gifts."

Verse 36 (shiva.rudra.46.36)

असत्प्रतिग्रहाश्चैव सर्वे निरयगामिनः । भविष्यन्ति सदा दक्ष केचिद्वै ब्रह्मराक्षसाः

asatpratigrahāścaiva sarve nirayagāminaḥ | bhaviṣyanti sadā dakṣa kecidvai brahmarākṣasāḥ

"O Daksha, all who accept unworthy gifts shall forever be bound for hell, and some among them shall even become brahma-rakshasas."

Verse 37 (shiva.rudra.46.37)

यः शिवं सुरसामान्यमुद्दिश्य परमेश्वरम् । द्रुह्यत्यजो दुष्टमतिः तत्त्वतां विमुखो भवेत्

yaḥ śivaṁ surasāmānyamuddiśya parameśvaram | druhyatyajo duṣṭamatiḥ tattvatāṁ vimukho bhavet

"Whoever, taking Shiva to be but an ordinary god, does violence against that Supreme Lord — that ill-minded person shall remain forever averse to the ultimate truth."

Verse 38 (shiva.rudra.46.38)

कूटधर्मेषु गेहेषु सदा ग्राम्यसुखेच्छया । कर्मतन्त्रं वितनुतां वेदवादं च शाश्वतम्

kūṭadharmeṣu geheṣu sadā grāmyasukhecchayā | karmatantraṁ vitanutāṁ vedavādaṁ ca śāśvatam

"Let him, ever desiring only worldly household pleasure, remain forever caught up in false, hollow observances, endlessly propagating mere ritualism and empty scriptural dispute."

Verse 39 (shiva.rudra.46.39)

विनष्टानन्दकमुखो विस्मृतात्मगतिः पशुः । भ्रष्टकर्मानयरतो दक्षो बस्तमुखोऽचिरात्

vinaṣṭānandakamukho vismṛtātmagatiḥ paśuḥ | bhraṣṭakarmānayarato dakṣo bastamukho'cirāt

"O Daksha, may your face lose all its joy, may you forget your own soul's true path, become like a beast, remain devoted to corrupted rites, and swiftly gain the face of a goat."

Verse 40 (shiva.rudra.46.40)

शप्तास्ते कोपिना तत्र नन्दिना ब्राह्मणा यदा । हाहाकारो महानासीच्छप्तो दक्षेण चेश्वरः

śaptāste kopinā tatra nandinā brāhmaṇā yadā | hāhākāro mahānāsīcchapto dakṣeṇa ceśvaraḥ

When the enraged Nandi had thus cursed those brahmins there, a great outcry of dismay arose, for Daksha too had cursed the Lord himself.

Verse 41 (shiva.rudra.46.41)

तदाकर्ण्याहमत्यन्तमनिन्दं तं मुहुर्मुहुः । भृग्वादीनपि विप्रांश्च वेदसृट् शिवतत्त्ववित्

tadākarṇyāhamatyantamanindaṁ taṁ muhurmuhuḥ | bhṛgvādīnapi viprāṁśca vedasṛṭ śivatattvavit

Hearing this, I too — as the very author of the Vedas and one who knows the truth of Shiva — reproached that Daksha, and Bhrigu and the other brahmins as well, again and again, most severely.

Verse 42 (shiva.rudra.46.42)

ईश्वरोऽपि वचः श्रुत्वा नन्दिनः प्रहसन्निव । उवाच मधुरं वाक्यं बोधयंस्तं सदाशिवः

īśvaro'pi vacaḥ śrutvā nandinaḥ prahasanniva | uvāca madhuraṁ vākyaṁ bodhayaṁstaṁ sadāśivaḥ

Hearing Nandi's words, the Lord Sadashiva, smiling as it were, spoke gentle words to him, seeking to make him understand.

Verse 43 (shiva.rudra.46.43)

सदाशिव उवाच । शृणु नन्दिन् महाप्राज्ञ न कर्तुं क्रोधमर्हसि । वृथा शप्तं ब्रह्मकुलं मत्वा शप्तं च मां भ्रमात्

sadāśiva uvāca | śṛṇu nandin mahāprājña na kartuṁ krodhamarhasi | vṛthā śaptaṁ brahmakulaṁ matvā śaptaṁ ca māṁ bhramāt

Sadashiva said: "Listen, O greatly wise Nandin, it is not fitting for you to give way to anger; you have cursed the lineage of Brahma in vain, thinking that they, out of mere confusion, had cursed me."

Verse 44 (shiva.rudra.46.44)

वेदो मन्त्राक्षरमयः साक्षात्सूक्तमयो भृशम् । सूक्ते प्रतिष्ठितो ह्यात्मा सर्वेषामपि देहिनाम्

vedo mantrākṣaramayaḥ sākṣātsūktamayo bhṛśam | sūkte pratiṣṭhito hyātmā sarveṣāmapi dehinām

"The Veda itself consists wholly of sacred mantric syllables, is made entirely of its own hymns; and in those very hymns the very self of every embodied being is enshrined."

Verse 45 (shiva.rudra.46.45)

तस्मादात्मविदो नित्यं त्वं मा शप रुषान्वितः । शप्या न वेदाः केनापि दुर्द्धियाऽपि कदाचन

tasmādātmavido nityaṁ tvaṁ mā śapa ruṣānvitaḥ | śapyā na vedāḥ kenāpi durddhiyā'pi kadācana

"Therefore, O knower of the self, never curse anyone in anger; the Vedas are never fit to be cursed by anyone, however evil-minded he may be."

Verse 46 (shiva.rudra.46.46)

अहं शप्तो न चेदानीं तत्त्वतो बोद्धुमर्हसि । शान्तो भव महाधीमन् सनकादिविबोधकः

ahaṁ śapto na cedānīṁ tattvato boddhumarhasi | śānto bhava mahādhīman sanakādivibodhakaḥ

"In truth I cannot be cursed at all — this you should now understand in its full reality; O greatly wise one, you who instruct even Sanaka and his brothers, be at peace."

Verse 47 (shiva.rudra.46.47)

यज्ञोऽहं यज्ञकर्माहं यज्ञाङ्गानि च सर्वशः । यज्ञात्मा यज्ञनिरतो यज्ञबाह्योऽहमेव वै

yajño'haṁ yajñakarmāhaṁ yajñāṅgāni ca sarvaśaḥ | yajñātmā yajñanirato yajñabāhyo'hameva vai

"I myself am the sacrifice, I am the act of sacrifice, I am all the limbs of the sacrifice; I am the very soul of sacrifice, I am the one devoted to sacrifice, and I myself am also the one who stands outside of sacrifice."

Verse 48 (shiva.rudra.46.48)

कोऽयं कस्त्वमिमे के हि सर्वोऽहमपि तत्त्वतः । इति बुद्ध्या हि विमृश वृथा शप्तास्त्वया द्विजाः

ko'yaṁ kastvamime ke hi sarvo'hamapi tattvataḥ | iti buddhyā hi vimṛśa vṛthā śaptāstvayā dvijāḥ

"Who is this one, who are you, who are all these others — in ultimate reality I alone am all of them; reflect on this with your own understanding — you have cursed those brahmins to no purpose."

Verse 49 (shiva.rudra.46.49)

तत्त्वज्ञानेन निर्हृत्य प्रपञ्चरचनां भव । बुधःस्वस्थो महाबुद्धे नन्दिन् क्रोधादिवर्जितः

tattvajñānena nirhṛtya prapañcaracanāṁ bhava | budhaḥsvastho mahābuddhe nandin krodhādivarjitaḥ

"Through true knowledge of reality, dissolve away this whole fabric of apparent multiplicity; O greatly wise Nandin, become wise and settled in yourself, free from anger and its like."

Verse 50 (shiva.rudra.46.50)

ब्रह्मोवाच । एवं प्रबोधितस्तेन शम्भुना नन्दिकेश्वरः । विवेकपरमो भूत्वा शान्तोऽभूत्क्रोधवर्जितः

brahmovāca | evaṁ prabodhitastena śambhunā nandikeśvaraḥ | vivekaparamo bhūtvā śānto'bhūtkrodhavarjitaḥ

Brahma said: Thus instructed by Shambhu, Nandikeshvara, attaining supreme discernment, grew calm and was freed of his anger.

Verse 51 (shiva.rudra.46.51)

शिवोऽपि तं प्रबोध्याशु स्वगणं प्राणवल्लभम् । सगणः स ययौ तस्मात्स्वस्थानं प्रमुदान्वितः

śivo'pi taṁ prabodhyāśu svagaṇaṁ prāṇavallabham | sagaṇaḥ sa yayau tasmātsvasthānaṁ pramudānvitaḥ

Shiva too, having thus quickly instructed his attendant, dearer to him than life, then departed from that place, together with his hosts, with a joyful heart, for his own abode.

Verse 52 (shiva.rudra.46.52)

दक्षोऽपि स रुषाविष्टस्तैर्द्विजैः परिवारितः । स्वस्थानं च ययौ चित्ते शिवद्रोहपरायणः

dakṣo'pi sa ruṣāviṣṭastairdvijaiḥ parivāritaḥ | svasthānaṁ ca yayau citte śivadrohaparāyaṇaḥ

Daksha too, still filled with rage, surrounded by those brahmins, went to his own abode, his mind now set upon enmity toward Shiva.

Verse 53 (shiva.rudra.46.53)

रुद्रं तदानीं परिशप्यमानं संस्मृत्य दक्षः परया रुषान्वितः । श्रद्धां विहायैव स मूढबुद्धि- र्निन्दापरोऽभूच्छिवपूजकानाम्

rudraṁ tadānīṁ pariśapyamānaṁ saṁsmṛtya dakṣaḥ parayā ruṣānvitaḥ | śraddhāṁ vihāyaiva sa mūḍhabuddhi- rnindāparo'bhūcchivapūjakānām

Calling to mind that occasion on which Rudra had been so cursed, Daksha, filled with the deepest rage, his understanding utterly clouded, abandoned all reverence and gave himself over to reviling the worshippers of Shiva.

Verse 54 (shiva.rudra.46.54)

इत्युक्तो दक्षदुर्बुद्धिः शम्भुना परमात्मना । परां दुर्धिषणां तस्य शृणु तात वदाम्यहम्

ityukto dakṣadurbuddhiḥ śambhunā paramātmanā | parāṁ durdhiṣaṇāṁ tasya śṛṇu tāta vadāmyaham

Though thus instructed by Shambhu, the Supreme Self, evil-minded Daksha's mind still held to its deep malice — that, my child, I shall now go on to tell you.