The Sacrifice Begins

Verse 1 (shiva.rudra.47.1)

ब्रह्मोवाच । एकदा तु मुने तेन यज्ञः प्रारम्भितो महान् । तत्राहूतास्तदा सर्वे दीक्षितेन सुरर्षयः

brahmovāca | ekadā tu mune tena yajñaḥ prārambhito mahān | tatrāhūtāstadā sarve dīkṣitena surarṣayaḥ

Brahma said: O sage, once that Daksha undertook a great sacrifice; having taken the sacrificial vows, he invited to it, at that time, all the divine sages.

Verse 2 (shiva.rudra.47.2)

महर्षयोऽखिलास्तत्र निर्जराश्च समागताः । यद्यज्ञकरणार्थं हि शिवमायाविमोहिताः

maharṣayo'khilāstatra nirjarāśca samāgatāḥ | yadyajñakaraṇārthaṁ hi śivamāyāvimohitāḥ

All the great sages and the gods, bewildered by Shiva's own power of illusion, gathered there for the performance of that sacrifice.

Verse 3 (shiva.rudra.47.3)

अगस्त्यः कश्यपोऽत्रिश्च वामदेवस्तथा भृगुः । दधीचिर्भगवान् व्यासो भारद्वाजोऽथ गौतमः

agastyaḥ kaśyapo'triśca vāmadevastathā bhṛguḥ | dadhīcirbhagavān vyāso bhāradvājo'tha gautamaḥ

Agastya, Kashyapa, Atri, Vamadeva, Bhrigu, the venerable Dadhichi, Vyasa, Bharadvaja, and Gautama —

Verse 4 (shiva.rudra.47.4)

पैलः पराशरो गर्गो भार्गवः ककुभः सितः । सुमन्तुत्रिककङ्काश्च वैशम्पायन एव च

pailaḥ parāśaro gargo bhārgavaḥ kakubhaḥ sitaḥ | sumantutrikakaṅkāśca vaiśampāyana eva ca

— Paila, Parashara, Garga, Bhargava, Kakubha, Sita, Sumantu, Trika, Kanka, and Vaishampayana —

Verse 5 (shiva.rudra.47.5)

एते चान्ये च बहवो मुनयो हर्षिता ययुः । मम पुत्रस्य दक्षस्य सदाराः ससुता मखम्

ete cānye ca bahavo munayo harṣitā yayuḥ | mama putrasya dakṣasya sadārāḥ sasutā makham

— these and many other sages, together with their wives and sons, went joyfully to the sacrifice of my son Daksha.

Verse 6 (shiva.rudra.47.6)

तथा सर्वे सुरगणा लोकपाला महोदयाः । तथोपनिर्जराः सर्वे स्वोपकारबलान्विताः

tathā sarve suragaṇā lokapālā mahodayāḥ | tathopanirjarāḥ sarve svopakārabalānvitāḥ

Likewise all the hosts of gods, the mighty guardians of the quarters, and all the lesser divinities, each with their own powers, went there as well.

Verse 7 (shiva.rudra.47.7)

सत्यलोकात्समानीतो नुतोऽहं विश्वकारकः । ससुतः सपरीवारो मूर्तवेदादिसंयुतः

satyalokātsamānīto nuto'haṁ viśvakārakaḥ | sasutaḥ saparīvāro mūrtavedādisaṁyutaḥ

I too, the maker of the universe, was brought there from Satyaloka, together with my sons and family, and accompanied by the Vedas and the rest in their embodied forms, and was duly honored.

Verse 8 (shiva.rudra.47.8)

वैकुण्ठाच्च तथा विष्णुः सम्प्रार्थ्य विविधादरात् । सपार्षदपरीवारः समानीतो मखं प्रति

vaikuṇṭhācca tathā viṣṇuḥ samprārthya vividhādarāt | sapārṣadaparīvāraḥ samānīto makhaṁ prati

Likewise, Vishnu too was besought with every manner of reverence and brought from Vaikuntha, together with his own attendants and household, to that sacrifice.

Verse 9 (shiva.rudra.47.9)

एवमन्ये समायाता दक्षयज्ञं विमोहिताः । सत्कृतास्तेन दक्षेण सर्वे ते हि दुरात्मना

evamanye samāyātā dakṣayajñaṁ vimohitāḥ | satkṛtāstena dakṣeṇa sarve te hi durātmanā

In this way many others too, likewise bewildered, came to Daksha's sacrifice; and that evil-minded Daksha received all of them with due honor.

Verse 10 (shiva.rudra.47.10)

भवनानि महार्हाणि सुप्रभाणि महान्ति च । त्वष्ट्रा कृतानि दिव्यानि तेभ्यो दत्तानि तेन वै

bhavanāni mahārhāṇi suprabhāṇi mahānti ca | tvaṣṭrā kṛtāni divyāni tebhyo dattāni tena vai

Vast and precious mansions, radiant and divine, fashioned by Tvashta, were given by him to all of them.

Verse 11 (shiva.rudra.47.11)

तेषु सर्वेषु धिष्ण्येषु यथायोग्यं च संस्थिताः । सन्मानिता अराजंस्ते सकला विष्णुना मया

teṣu sarveṣu dhiṣṇyeṣu yathāyogyaṁ ca saṁsthitāḥ | sanmānitā arājaṁste sakalā viṣṇunā mayā

Settled, each in his proper place, within all those dwellings, and honored by Vishnu and myself, all of them shone there resplendent.

Verse 12 (shiva.rudra.47.12)

वर्तमाने महायज्ञे तीर्थे कनखले तदा । ऋत्विजश्च कृतास्तेन भृग्वाद्याश्च तपोधनाः

vartamāne mahāyajñe tīrthe kanakhale tadā | ṛtvijaśca kṛtāstena bhṛgvādyāśca tapodhanāḥ

In that great sacrifice, then in progress at the sacred ford of Kanakhala, he appointed Bhrigu and the other sages, rich in austerity, as the officiating priests.

Verse 13 (shiva.rudra.47.13)

अधिष्ठाता स्वयं विष्णुः सह सर्वमरुद्गणैः । अहं तत्राभवं ब्रह्मा त्रयीविधिनिदर्शकः

adhiṣṭhātā svayaṁ viṣṇuḥ saha sarvamarudgaṇaiḥ | ahaṁ tatrābhavaṁ brahmā trayīvidhinidarśakaḥ

Vishnu himself became its presiding overseer, together with all the Marut hosts, and I, Brahma, was there as the one who set forth the rites of the threefold Veda.

Verse 14 (shiva.rudra.47.14)

तथैव सर्वे दिक्पाला द्वारपालाश्च रक्षकाः । सायुधाः सपरीवाराः कुतूहलकराः सदा

tathaiva sarve dikpālā dvārapālāśca rakṣakāḥ | sāyudhāḥ saparīvārāḥ kutūhalakarāḥ sadā

Likewise all the guardians of the quarters, the gatekeepers, and the protectors, armed and attended by their retinues, stood ready there, ever a wonder to behold.

Verse 15 (shiva.rudra.47.15)

उपतस्थे स्वयं यज्ञः सुरूपस्तस्य चाध्वरे । सर्वे महामुनिश्रेष्ठाः स्वयं वेदधराभवन्

upatasthe svayaṁ yajñaḥ surūpastasya cādhvare | sarve mahāmuniśreṣṭhāḥ svayaṁ vedadharābhavan

At that rite, the very deity of Sacrifice himself came and stood there in fair bodily form, and all the greatest of sages themselves became the bearers of the Vedas.

Verse 16 (shiva.rudra.47.16)

तनूनपादपि निजं चक्रे रूपं सहस्रशः । हविषां ग्रहणायाशु तस्मिन् यज्ञे महोत्सवे

tanūnapādapi nijaṁ cakre rūpaṁ sahasraśaḥ | haviṣāṁ grahaṇāyāśu tasmin yajñe mahotsave

At that great festival of a sacrifice, Tanunapat, too, assumed a thousand forms of his own, so as to quickly receive the many offerings.

Verse 17 (shiva.rudra.47.17)

अष्टाशीतिसहस्राणि जुह्वति सह ऋत्विजः । उद्गातारश्चतुःषष्टिसहस्राणि सुरर्षयः

aṣṭāśītisahasrāṇi juhvati saha ṛtvijaḥ | udgātāraścatuḥṣaṣṭisahasrāṇi surarṣayaḥ

Eighty-eight thousand divine sages, together with the officiating priests, offered oblations, while sixty-four thousand divine sages served as the chanters.

Verse 18 (shiva.rudra.47.18)

अध्वर्यवोऽथ होतारस्तावन्तो नारदादयः । सप्तर्षयः समा गाथाः कुर्वन्ति स्म पृथक्पृथक्

adhvaryavo'tha hotārastāvanto nāradādayaḥ | saptarṣayaḥ samā gāthāḥ kurvanti sma pṛthakpṛthak

Narada and others, equal in number, served as the adhvaryu priests and the hotris, while the Seven Sages each separately chanted the sacrificial hymns.

Verse 19 (shiva.rudra.47.19)

गन्धर्वविद्याधरसिद्धसङ्घा- नादित्यसङ्घान् सगणान् सयज्ञान् । सङ्ख्यावतान्नागचरान् समस्तान् वव्रे स दक्षो हि महाध्वरे स्वे

gandharvavidyādharasiddhasaṅghā- nādityasaṅghān sagaṇān sayajñān | saṅkhyāvatānnāgacarān samastān vavre sa dakṣo hi mahādhvare sve

Daksha, at that great sacrifice of his own, invited the hosts of Gandharvas, Vidyadharas, and Siddhas, the companies of the Adityas together with their attendants, the sacrificing followers of Samkhya, and all who move among the serpent folk.

Verse 20 (shiva.rudra.47.20)

द्विजर्षिराजर्षिसुरर्षिसङ्घा नृपाः समित्राः सचिवाः ससैन्याः । वसुप्रमुख्या गणदेवताश्च सर्वे वृतास्तेन मखोपवेत्त्रा

dvijarṣirājarṣisurarṣisaṅghā nṛpāḥ samitrāḥ sacivāḥ sasainyāḥ | vasupramukhyā gaṇadevatāśca sarve vṛtāstena makhopavettrā

The assemblies of brahmin sages, royal sages, and divine sages, kings together with their allies, ministers, and armies, and the host-deities headed by the Vasus — all these were invited by Daksha, the sponsor of the sacrifice.

Verse 21 (shiva.rudra.47.21)

दीक्षायुक्तस्तदा दक्षः कृतकौतुकमङ्गलः । भार्यया सहितो रेजे कृतस्वस्त्ययनो भृशम्

dīkṣāyuktastadā dakṣaḥ kṛtakautukamaṅgalaḥ | bhāryayā sahito reje kṛtasvastyayano bhṛśam

Daksha, now consecrated for the rite, having performed the auspicious ceremonies, together with his wife, having completed the blessings for well-being, shone there most resplendent.

Verse 22 (shiva.rudra.47.22)

तस्मिन् यज्ञे वृतः शम्भुर्न दक्षेण दुरात्मना । कपालीति विनिश्चित्य तस्य यज्ञार्हता न हि

tasmin yajñe vṛtaḥ śambhurna dakṣeṇa durātmanā | kapālīti viniścitya tasya yajñārhatā na hi

That evil-minded Daksha did not invite Shambhu to that sacrifice; he had resolved that Kapali, the skull-bearer, was not worthy to share in the rite.

Verse 23 (shiva.rudra.47.23)

कपालिभार्येति सती दयिता स्वसुतापि च । नाहूता यज्ञविषये दक्षेणागुणदर्शिना

kapālibhāryeti satī dayitā svasutāpi ca | nāhūtā yajñaviṣaye dakṣeṇāguṇadarśinā

Daksha, seeing only fault in all things, did not invite even his own dear daughter Sati to that sacrifice, thinking, "She is but the wife of the skull-bearer."

Verse 24 (shiva.rudra.47.24)

एवं प्रवर्तमाने हि दक्षयज्ञे महोत्सवे । स्वकार्यलग्नास्तत्रासन् सर्वे तेऽध्वरसम्मताः

evaṁ pravartamāne hi dakṣayajñe mahotsave | svakāryalagnāstatrāsan sarve te'dhvarasammatāḥ

Thus, as Daksha's great festival of a sacrifice went forward, all those honored guests of the rite remained absorbed, each in his own appointed task.

Verse 25 (shiva.rudra.47.25)

एतस्मिन्नन्तरेऽदृष्ट्वा तत्र वै शङ्करं प्रभुम् । प्रोद्विग्नमानसः शैवो दधीचो वाक्यमब्रवीत्

etasminnantare'dṛṣṭvā tatra vai śaṅkaraṁ prabhum | prodvignamānasaḥ śaivo dadhīco vākyamabravīt

Meanwhile, not seeing the Lord Shankara there, Dadhichi, that devotee of Shiva, his mind deeply troubled, spoke these words.

Verse 26 (shiva.rudra.47.26)

दधीच उवाच । सर्वे शृणुत मद्वाक्यं देवर्षिप्रमुखा मुदा । कस्मान्नैवागतः शम्भुरस्मिन् यज्ञे महोत्सवे

dadhīca uvāca | sarve śṛṇuta madvākyaṁ devarṣipramukhā mudā | kasmānnaivāgataḥ śambhurasmin yajñe mahotsave

Dadhichi said: "Listen all of you, chief among the divine sages, gladly to my words — why has Shambhu not come to this great festival of a sacrifice?"

Verse 27 (shiva.rudra.47.27)

एते सुरेशा मुनयो महत्तराः सलोकपालाश्च समागता हि । तथापि यज्ञस्तु न शोभते भृशं पिनाकिना तेन महात्मना विना

ete sureśā munayo mahattarāḥ salokapālāśca samāgatā hi | tathāpi yajñastu na śobhate bhṛśaṁ pinākinā tena mahātmanā vinā

"All these lords of the gods, the great sages, and the guardians of the quarters have gathered here; yet without that great-souled Pinaka-bearer, this sacrifice does not shine forth in the least."

Verse 28 (shiva.rudra.47.28)

येनैव सर्वाण्यपि मङ्गलानि भवन्ति शंसन्ति महाविपश्चितः । सोऽसौ न दृष्टोऽत्र पुमान् पुराणो वृषध्वजो नीलगलः परेशः

yenaiva sarvāṇyapi maṅgalāni bhavanti śaṁsanti mahāvipaścitaḥ | so'sau na dṛṣṭo'tra pumān purāṇo vṛṣadhvajo nīlagalaḥ pareśaḥ

"He by whose grace, as the greatest sages proclaim, all auspicious things come to pass — that ancient Person, bearer of the bull banner, blue-throated, the Supreme Lord — is nowhere to be seen here."

Verse 29 (shiva.rudra.47.29)

अमङ्गलान्येव च मङ्गलानि भवन्ति येनाधिगतानि दक्ष । त्रिपञ्चकेनाप्यथ मङ्गलानि भवन्ति सद्यः परतः पराणि

amaṅgalānyeva ca maṅgalāni bhavanti yenādhigatāni dakṣa | tripañcakenāpyatha maṅgalāni bhavanti sadyaḥ parataḥ parāṇi

"O Daksha, by attaining him even inauspicious things become auspicious; through him, even manifold rites of blessing at once yield the most supreme of fruits."

Verse 30 (shiva.rudra.47.30)

तस्मात्त्वयैव कर्तव्यमाह्वानं परमेशितुः । त्वरितं ब्रह्मणा वापि विष्णुना प्रभुविष्णुना

tasmāttvayaiva kartavyamāhvānaṁ parameśituḥ | tvaritaṁ brahmaṇā vāpi viṣṇunā prabhuviṣṇunā

"Therefore you yourself must send the invitation to the Supreme Lord — or else, without delay, have Brahma do so, or the Lord Vishnu himself."

Verse 31 (shiva.rudra.47.31)

इन्द्रेण लोकपालैश्च द्विजैः सिद्धैः सहाधुना । सर्वथानयनीयोऽसौ शङ्करो यज्ञपूर्तये

indreṇa lokapālaiśca dvijaiḥ siddhaiḥ sahādhunā | sarvathānayanīyo'sau śaṅkaro yajñapūrtaye

"Together with Indra, the guardians of the quarters, the brahmins, and the Siddhas — by every means Shankara must now be brought here, for the fulfillment of this sacrifice."

Verse 32 (shiva.rudra.47.32)

सर्वैर्भवद्भिर्गन्तव्यं यत्र देवो महेश्वरः । दाक्षायण्या समं शम्भुमानयध्वं त्वरान्विताः

sarvairbhavadbhirgantavyaṁ yatra devo maheśvaraḥ | dākṣāyaṇyā samaṁ śambhumānayadhvaṁ tvarānvitāḥ

"All of you should go where the god Maheshvara dwells; go swiftly and bring Shambhu here, together with Daksha's daughter."

Verse 33 (shiva.rudra.47.33)

तेन सर्वं पवित्रं स्याच्छम्भुना परमात्मना । अत्रागतेन देवेशाः साम्बेन परमात्मना

tena sarvaṁ pavitraṁ syācchambhunā paramātmanā | atrāgatena deveśāḥ sāmbena paramātmanā

"O lords of the gods, only when that Shambhu, the Supreme Self, together with his consort, has come here shall all this become truly pure."

Verse 34 (shiva.rudra.47.34)

यस्य स्मृत्या च नामोक्त्या समग्रं सुकृतं भवेत् । तस्मात्सर्वप्रयत्नेन ह्यानेतव्यो वृषध्वजः

yasya smṛtyā ca nāmoktyā samagraṁ sukṛtaṁ bhavet | tasmātsarvaprayatnena hyānetavyo vṛṣadhvajaḥ

"He by whose mere remembrance and utterance of his name every good deed is accomplished — that bearer of the bull banner must be brought here by every possible effort."

Verse 35 (shiva.rudra.47.35)

समागते शङ्करेऽत्र पावनो हि भवेन्मखः । भविष्यत्यन्यथापूर्णः सत्यमेतद् ब्रवीम्यहम्

samāgate śaṅkare'tra pāvano hi bhavenmakhaḥ | bhaviṣyatyanyathāpūrṇaḥ satyametad bravīmyaham

"Only when Shankara has come here will this sacrifice become truly purified; otherwise it shall remain incomplete — this I speak in all truth."

Verse 36 (shiva.rudra.47.36)

ब्रह्मोवाच । तस्य तद्वचनं श्रुत्वा दक्षो रोषसमन्वितः । उवाच त्वरितं मूढः प्रहसन्निव दुष्टधीः

brahmovāca | tasya tadvacanaṁ śrutvā dakṣo roṣasamanvitaḥ | uvāca tvaritaṁ mūḍhaḥ prahasanniva duṣṭadhīḥ

Brahma said: Hearing his words, Daksha grew filled with rage, and that fool, his mind corrupted, spoke at once, as if with a mocking laugh.

Verse 37 (shiva.rudra.47.37)

मूलं विष्णुर्देवतानां यत्र धर्मः सनातनः । समानीतो मया सम्यक् किमूनं यज्ञकर्मणि

mūlaṁ viṣṇurdevatānāṁ yatra dharmaḥ sanātanaḥ | samānīto mayā samyak kimūnaṁ yajñakarmaṇi

"Vishnu, the very root of the gods, in whom eternal dharma is enshrined, I have duly brought here — what, then, is lacking in this sacrificial rite?"

Verse 38 (shiva.rudra.47.38)

यस्मिन् वेदाश्च यज्ञाश्च कर्माणि विविधानि च । प्रतिष्ठितानि सर्वाणि सोऽसौ विष्णुरिहागतः

yasmin vedāśca yajñāśca karmāṇi vividhāni ca | pratiṣṭhitāni sarvāṇi so'sau viṣṇurihāgataḥ

"That very Vishnu, in whom the Vedas, the sacrifices, and manifold rites are all enshrined, has come here."

Verse 39 (shiva.rudra.47.39)

सत्यलोकात्समायातो ब्रह्मा लोकपितामहः । वेदैः सोपनिषद्भिश्च विविधैरागमैः सह

satyalokātsamāyāto brahmā lokapitāmahaḥ | vedaiḥ sopaniṣadbhiśca vividhairāgamaiḥ saha

"Brahma too, grandfather of the worlds, has come here from Satyaloka, together with the Vedas, the Upanishads, and manifold Agamas."

Verse 40 (shiva.rudra.47.40)

तथा सुरगणैः साकमागतः सुरराट् स्वयम् । तथा यूयं समायाता ऋषयो वीतकल्मषाः

tathā suragaṇaiḥ sākamāgataḥ surarāṭ svayam | tathā yūyaṁ samāyātā ṛṣayo vītakalmaṣāḥ

"Likewise the King of the Gods himself has come, together with the hosts of gods, and you sages, too, free of all sin, have come here."

Verse 41 (shiva.rudra.47.41)

ये ये यज्ञोचिताः शान्ताः पात्रभूताः समागताः । वेदवेदार्थतत्त्वज्ञाः सर्वे यूयं दृढव्रताः

ye ye yajñocitāḥ śāntāḥ pātrabhūtāḥ samāgatāḥ | vedavedārthatattvajñāḥ sarve yūyaṁ dṛḍhavratāḥ

"Whoever here has come, fit for the sacrifice, tranquil, and worthy — all of you are knowers of the true meaning of the Vedas, firm in your vows."

Verse 42 (shiva.rudra.47.42)

अत्रैव च किमस्माकं रुद्रेणापि प्रयोजनम् । कन्या दत्ता मया विप्र ब्रह्मणा नोदितेन हि

atraiva ca kimasmākaṁ rudreṇāpi prayojanam | kanyā dattā mayā vipra brahmaṇā noditena hi

"So then, what need have we here for Rudra? O brahmins, I gave him my daughter only because Brahma himself urged me to do so."

Verse 43 (shiva.rudra.47.43)

हरोऽकुलीनोऽसौ विप्र पितृमातृविवर्जितः । भूतप्रेतपिशाचानां पतिरेको दुरत्ययः

haro'kulīno'sau vipra pitṛmātṛvivarjitaḥ | bhūtapretapiśācānāṁ patireko duratyayaḥ

"O brahmins, this Hara is of no lineage, without father or mother, and is nothing more than the sole, formidable lord of ghosts, spirits, and goblins."

Verse 44 (shiva.rudra.47.44)

आत्मसम्भावितो मूढः स्तब्धो मौनी समत्सरः । कर्मण्यस्मिन्न योग्योऽसौ नानीतो हि मयाधुना

ātmasambhāvito mūḍhaḥ stabdho maunī samatsaraḥ | karmaṇyasminna yogyo'sau nānīto hi mayādhunā

"He is a fool, self-conceited, arrogant, silent, and spiteful; for this reason, deeming him unworthy of this rite, I have not now invited him."

Verse 45 (shiva.rudra.47.45)

तस्मात्त्वयेदृशं वाक्यं पुनर्वाच्यं न हि क्वचित् । सर्वैर्भवद्भिः कर्तव्यो यज्ञो मे सफलो महान्

tasmāttvayedṛśaṁ vākyaṁ punarvācyaṁ na hi kvacit | sarvairbhavadbhiḥ kartavyo yajño me saphalo mahān

"Therefore you should never again speak such words; all of you together should now bring this great sacrifice of mine to a successful completion."

Verse 46 (shiva.rudra.47.46)

ब्रह्मोवाच । एतच्छ्रुत्वा वचस्तस्य दधीचिर्वाक्यमब्रवीत् । सर्वेषां शृण्वतां देवमुनीनां सारसंयुतम्

brahmovāca | etacchrutvā vacastasya dadhīcirvākyamabravīt | sarveṣāṁ śṛṇvatāṁ devamunīnāṁ sārasaṁyutam

Brahma said: Hearing Daksha's words, Dadhichi, in the hearing of all the gods and sages, spoke this weighty reply.

Verse 47 (shiva.rudra.47.47)

दधीच उवाच । अयज्ञोऽयं महाजातो विना तेन शिवेन हि । विनाशोऽपि विशेषेण ह्यत्र ते हि भविष्यति

dadhīca uvāca | ayajño'yaṁ mahājāto vinā tena śivena hi | vināśo'pi viśeṣeṇa hyatra te hi bhaviṣyati

Dadhichi said: "Without that Shiva, this great sacrifice has become no sacrifice at all, but its very opposite; here, upon you especially, destruction shall surely fall."

Verse 48 (shiva.rudra.47.48)

एवमुक्त्वा दधीचोऽसावेक एव विनिर्गतः । यज्ञवाटाच्च दक्षस्य त्वरितः स्वाश्रमं ययौ

evamuktvā dadhīco'sāveka eva vinirgataḥ | yajñavāṭācca dakṣasya tvaritaḥ svāśramaṁ yayau

Having spoken thus, Dadhichi alone departed at once, and swiftly left the precincts of Daksha's sacrifice for his own hermitage.

Verse 49 (shiva.rudra.47.49)

ततोऽन्ये शाङ्करा ये च मुख्याः शिवमतानुगाः । निर्ययुः स्वाश्रमान् सद्यः शापं दत्त्वा तथैव च

tato'nye śāṅkarā ye ca mukhyāḥ śivamatānugāḥ | niryayuḥ svāśramān sadyaḥ śāpaṁ dattvā tathaiva ca

Then the other leading devotees of Shiva, followers of the Shaiva path, likewise pronounced their own curses and at once departed for their respective hermitages.

Verse 50 (shiva.rudra.47.50)

मुनौ विनिर्गते तस्मिन् मखादन्येषु दुष्टधीः । शिवद्रोही मुनीन् दक्षः प्रहसन्निदमब्रवीत्

munau vinirgate tasmin makhādanyeṣu duṣṭadhīḥ | śivadrohī munīn dakṣaḥ prahasannidamabravīt

When that sage and the others had thus departed from the sacrifice, Daksha, his mind corrupted, hostile toward Shiva, spoke of them mockingly.

Verse 51 (shiva.rudra.47.51)

दक्ष उवाच । गतः शिवप्रियो विप्रो दधीचो नाम नामतः । अन्ये तथाविधा ये च गतास्ते मम चाध्वरात्

dakṣa uvāca | gataḥ śivapriyo vipro dadhīco nāma nāmataḥ | anye tathāvidhā ye ca gatāste mama cādhvarāt

Daksha said: "Shiva's beloved brahmin, named Dadhichi, has gone; and the others of his kind who were like him have likewise departed from my sacrifice."

Verse 52 (shiva.rudra.47.52)

एतच्छुभतरं जातं सम्मतं मे हि सर्वथा । सत्यं ब्रवीमि देवेश सुराश्च मुनयस्तथा

etacchubhataraṁ jātaṁ sammataṁ me hi sarvathā | satyaṁ bravīmi deveśa surāśca munayastathā

"This has turned out for the better, and it is entirely to my liking; O lords of the gods, O sages, I speak the truth."

Verse 53 (shiva.rudra.47.53)

विनष्टचित्ता मन्दाश्च मिथ्यावादरताः खलाः । वेदबाह्या दुराचाराः त्याज्यास्ते मखकर्मणि

vinaṣṭacittā mandāśca mithyāvādaratāḥ khalāḥ | vedabāhyā durācārāḥ tyājyāste makhakarmaṇi

"Those of ruined understanding, dull-witted, given to false speech, wicked, outside the Vedic fold, and of corrupt conduct — such men deserved to be cast out from this sacrificial rite."

Verse 54 (shiva.rudra.47.54)

वेदवादरता यूयं सर्वे विष्णुपुरोगमाः । यज्ञं मे सफलं विप्राः सुराः कुर्वन्तु माचिरम्

vedavādaratā yūyaṁ sarve viṣṇupurogamāḥ | yajñaṁ me saphalaṁ viprāḥ surāḥ kurvantu māciram

"You are all devoted to the path of the Vedas, with Vishnu foremost among you; O brahmins, O gods, without delay, bring my sacrifice to its fruitful completion."

Verse 55 (shiva.rudra.47.55)

ब्रह्मोवाच । इत्याकर्ण्य वचस्तस्य शिवमायाविमोहिताः । तन्मखे देवयजनं चक्रुः सर्वे सुरर्षयः

brahmovāca | ityākarṇya vacastasya śivamāyāvimohitāḥ | tanmakhe devayajanaṁ cakruḥ sarve surarṣayaḥ

Brahma said: Hearing his words, all the divine sages, still bewildered by Shiva's own power of illusion, continued the worship of the gods in that sacrifice.

Verse 56 (shiva.rudra.47.56)

इति तन्मखशापो हि वर्णितो मे मुनीश्वर । यज्ञविध्वंसयोगोऽपि प्रोच्यते शृणु सादरम्

iti tanmakhaśāpo hi varṇito me munīśvara | yajñavidhvaṁsayogo'pi procyate śṛṇu sādaram

O lord of sages, thus have I told of the curse laid upon that sacrifice; now the tale of the sacrifice's own destruction shall be told as well — listen to it with due reverence.