The Grihapati Incarnation, Part 3

Verse 1 (shiva.shatarudra.15.1)

नन्दीश्वर उवाच । विश्वानरः सपत्नीकः तच्छ्रुत्वा नारदेरितम् । तदेवं मन्यमानोऽभूद्वज्रपातं सुदारुणम्

nandīśvara uvāca viśvānaraḥ sapatnīkaḥ tacchrutvā nāraderitam tadevaṁ manyamāno’bhūdvajrapātaṁ sudāruṇam

Nandishvara said: Vishvanara, together with his wife, having heard what Narada had told, came to regard it as certain as a most terrible thunderbolt about to fall.

Verse 2 (shiva.shatarudra.15.2)

हा हतोऽस्मीति वचसा हृदयं समताडयत् । मूर्च्छामवाप महतीं पुत्रशोकसमाकुलः

hā hato’smīti vacasā hṛdayaṁ samatāḍayat mūrcchāmavāpa mahatīṁ putraśokasamākulaḥ

Crying 'Alas, I am ruined!' he struck his own heart with these words, and, overwhelmed with grief for his son, fell into a deep swoon.

Verse 3 (shiva.shatarudra.15.3)

शुचिष्मत्यपि दुःखार्ता रुरोदातीव दुस्सहम् । अतिस्वरेण हारावैरत्यन्तं व्याकुलेन्द्रिया

śuciṣmatyapi duḥkhārtā rurodātīva dussaham atisvareṇa hārāvairatyantaṁ vyākulendriyā

Shuchishmati too, stricken with sorrow, wept most unbearably, with loud lamentations, her senses utterly distraught.

Verse 4 (shiva.shatarudra.15.4)

श्रुत्वार्तनादमिति विश्वनरोऽपि मोहं हित्वोत्थितः किमिति किं त्विति किं किमेतत् । उच्चैर्वदन् गृहपतिः क्व स मे बहिस्थः प्राणोऽन्तरात्मनिलयस्सकलेन्द्रियेशः

śrutvārtanādamiti viśvanaro’pi mohaṁ hitvotthitaḥ kimiti kiṁ tviti kiṁ kimetat uccairvadan gṛhapatiḥ kva sa me bahisthaḥ prāṇo’ntarātmanilayassakalendriyeśaḥ

Hearing the cry of anguish, Vishvanara too, shaking off his swoon, rose up crying, 'What is it? What is it? What, oh what has happened?' And Grihapati himself called out aloud: 'Where is he, my very life-breath dwelling outside me, though he abides within me as the lord of all my senses?'

Verse 5 (shiva.shatarudra.15.5)

ततो दृष्ट्वा स पितरौ बहुशोकसमावृतौ । स्मित्वोवाच गृहपतिः सबालः शङ्करांशजः

tato dṛṣṭvā sa pitarau bahuśokasamāvṛtau smitvovāca gṛhapatiḥ sabālaḥ śaṅkarāṁśajaḥ

Then, seeing his parents overwhelmed with great sorrow, that child Grihapati, born of a portion of Shankara, smiled and spoke.

Verse 6 (shiva.shatarudra.15.6)

गृहपतिरुवाच । हे मातस्तात किं जातं कारणं तद्वदाधुना । किमर्थं रुदितोऽत्यर्थं त्रासस्तादृक् कुतो हि वाम्

gṛhapatiruvāca he mātastāta kiṁ jātaṁ kāraṇaṁ tadvadādhunā kimarthaṁ rudito’tyarthaṁ trāsastādṛk kuto hi vām

Grihapati said: O mother, O father, what has happened? Tell me the reason now; why do you weep so excessively? Wherefore has such terror come upon you both?

Verse 7 (shiva.shatarudra.15.7)

न मां कृतवपुस्त्राणं भवच्चरणरेणुभिः । कालः कलयितुं शक्तो वराकी चञ्चलाल्पिका

na māṁ kṛtavapustrāṇaṁ bhavaccaraṇareṇubhiḥ kālaḥ kalayituṁ śakto varākī cañcalālpikā

Death, that wretched, fickle, insignificant thing, is not able to touch me, whose body has been made a protected refuge by the dust of your feet.

Verse 8 (shiva.shatarudra.15.8)

प्रतिज्ञां शृणुतां तातौ यदि वां तनयो ह्यहम् । करिष्येऽहं तथा येन मृत्युस्त्रस्तो भविष्यति

pratijñāṁ śṛṇutāṁ tātau yadi vāṁ tanayo hyaham kariṣye’haṁ tathā yena mṛtyustrasto bhaviṣyati

Hear my vow, O parents both — if indeed I am your son, I shall act in such a way that Death himself shall become afraid.

Verse 9 (shiva.shatarudra.15.9)

मृत्युञ्जयं समाराध्य सर्वज्ञं सर्वदं सताम् । जपिष्यामि महाकालं सत्यं तातौ वदाम्यहम्

mṛtyuñjayaṁ samārādhya sarvajñaṁ sarvadaṁ satām japiṣyāmi mahākālaṁ satyaṁ tātau vadāmyaham

Worshipping Mrityunjaya, the all-knowing, the giver of everything to the virtuous, I shall recite the mantra of Mahakala; I speak the truth, O my parents.

Verse 10 (shiva.shatarudra.15.10)

नन्दीश्वर उवाच । इति श्रुत्वा वचस्तस्य जारितौ द्विजदम्पती । अकालामृतवर्षौघैर्गततापौ तदोचतुः

nandīśvara uvāca iti śrutvā vacastasya jāritau dvijadampatī akālāmṛtavarṣaughairgatatāpau tadocatuḥ

Nandishvara said: Hearing his words, that grieving brahmin couple, as if by a sudden untimely shower of nectar, had their torment removed, and then spoke.

Verse 11 (shiva.shatarudra.15.11)

द्विजदम्पती ऊचतुः । पुनर्ब्रूहि पुनर्ब्रूहि कीदृक् कीदृक् पुनर्वद । कालः कलयितुं नालं वराकी चञ्चलास्ति का

dvijadampatī ūcatuḥ punarbrūhi punarbrūhi kīdṛk kīdṛk punarvada kālaḥ kalayituṁ nālaṁ varākī cañcalāsti kā

The brahmin couple said: Say it again, say it again — how, how? Tell us once more! What wretched, fickle thing is not able to touch you?

Verse 12 (shiva.shatarudra.15.12)

आवयोस्तापनाशाय महोपायस्त्वयेरितः । मृत्युञ्जयाख्यदेवस्य समाराधनलक्षणः

āvayostāpanāśāya mahopāyastvayeritaḥ mṛtyuñjayākhyadevasya samārādhanalakṣaṇaḥ

For the removal of our torment, you have spoken of a great means, consisting in the worship of the god called Mrityunjaya.

Verse 13 (shiva.shatarudra.15.13)

तद्वच्च शरणं शम्भोर्नातः परतरं हि तत् । मनोरथपथातीतकारिणः पापहारिणः

tadvacca śaraṇaṁ śambhornātaḥ parataraṁ hi tat manorathapathātītakāriṇaḥ pāpahāriṇaḥ

And indeed there is no refuge higher than that of Shambhu, who accomplishes what lies beyond the path of any desire, and who takes away sin.

Verse 14 (shiva.shatarudra.15.14)

किं न श्रुतं त्वया तात श्वेतकेतुं यथा पुरा । पाशितं कालपाशेन ररक्ष त्रिपुरान्तकः

kiṁ na śrutaṁ tvayā tāta śvetaketuṁ yathā purā pāśitaṁ kālapāśena rarakṣa tripurāntakaḥ

Have you not heard, my child, how of old, when Shvetaketu was bound by the noose of Death, the Destroyer of the Three Cities protected him?

Verse 15 (shiva.shatarudra.15.15)

शिलादतनयं मृत्युग्रस्तमष्टाब्दमात्रकम् । शिवो निजजनं चक्रे नन्दिनं विश्वनन्दिनम्

śilādatanayaṁ mṛtyugrastamaṣṭābdamātrakam śivo nijajanaṁ cakre nandinaṁ viśvanandinam

How Shiva made Nandi, the son of Shilada, seized by death at merely eight years of age, his own — the one who brings joy to the whole universe?

Verse 16 (shiva.shatarudra.15.16)

क्षीरोदमथनोद्भूतं प्रलयानलसन्निभम् । पीत्वा हालाहलं घोरमरक्षद्भुवनत्रयम्

kṣīrodamathanodbhūtaṁ pralayānalasannibham pītvā hālāhalaṁ ghoramarakṣadbhuvanatrayam

How, drinking the terrible Halahala poison that arose from the churning of the ocean of milk, resembling the fire of dissolution, he protected the three worlds?

Verse 17 (shiva.shatarudra.15.17)

जलन्धरं महादर्पं हृतत्रैलोक्यसम्पदम् । रुचिराङ्गुष्ठरेखोत्थचक्रेण निजघान यः

jalandharaṁ mahādarpaṁ hṛtatrailokyasampadam rucirāṅguṣṭharekhotthacakreṇa nijaghāna yaḥ

He who slew Jalandhara, of great pride, who had seized the wealth of the three worlds, with the discus that arose from the line traced by his own beautiful thumb?

Verse 18 (shiva.shatarudra.15.18)

य एकेषुनिपातोत्थज्वलनैस्त्रिपुरम्पुरा । त्रैलोक्यैश्वर्यसम्मूढं शोषयामास भानुना

ya ekeṣunipātotthajvalanaistripurampurā trailokyaiśvaryasammūḍhaṁ śoṣayāmāsa bhānunā

He who, of old, with the flames arising from a single arrow's fall, dried up Tripura, deluded by the glory of the three worlds, together with the sun?

Verse 19 (shiva.shatarudra.15.19)

कामं दृष्टिनिपातेन त्रैलोक्यविजयोर्जितम् । निनायानङ्गपदवीं वीक्ष्यमाणेष्वजादिषु

kāmaṁ dṛṣṭinipātena trailokyavijayorjitam nināyānaṅgapadavīṁ vīkṣyamāṇeṣvajādiṣu

He who, with a mere fall of his glance, reduced Kama, mighty from his conquest of the three worlds, to the state of the Bodiless One, even as Brahma and the other gods looked on?

Verse 20 (shiva.shatarudra.15.20)

तं ब्रह्माद्यैककर्तारं मेघवाहनमच्युतम् । प्रयाहि पुत्र शरणं विश्वरक्षामणिं शिवम्

taṁ brahmādyaikakartāraṁ meghavāhanamacyutam prayāhi putra śaraṇaṁ viśvarakṣāmaṇiṁ śivam

Go, my son, for refuge to that Shiva — the sole maker of Brahma and the rest, borne on clouds, imperishable, the very jewel of protection for the universe.

Verse 21 (shiva.shatarudra.15.21)

नन्दीश्वर उवाच । पित्रोरनुज्ञां प्राप्येति प्रणम्य चरणौ तयोः । प्रादक्षिण्यमुपावृत्य बह्वाश्वास्य विनिर्ययौ

nandīśvara uvāca pitroranujñāṁ prāpyeti praṇamya caraṇau tayoḥ prādakṣiṇyamupāvṛtya bahvāśvāsya viniryayau

Nandishvara said: Having obtained his parents' permission, he bowed at their feet, circumambulated them, and, having comforted them at length, set out.

Verse 22 (shiva.shatarudra.15.22)

सम्प्राप्य काशीं दुष्प्रापां ब्रह्मनारायणादिभिः । महासंवर्त्तसन्तापहन्त्रीं विश्वेशपालिताम्

samprāpya kāśīṁ duṣprāpāṁ brahmanārāyaṇādibhiḥ mahāsaṁvarttasantāpahantrīṁ viśveśapālitām

Having reached Kashi, hard to attain even for Brahma, Narayana, and the rest, the destroyer of the great affliction of the cosmic dissolution, protected by Vishvesha.

Verse 23 (shiva.shatarudra.15.23)

स्वर्धुन्या हारयष्ट्येव राजितां कण्ठभूमिषु । विचित्रगुणशालिन्या हरपत्न्या विराजिताम्

svardhunyā hārayaṣṭyeva rājitāṁ kaṇṭhabhūmiṣu vicitraguṇaśālinyā harapatnyā virājitām

Adorned upon its throat-lands, as it were, by the celestial river, the Ganga, like a string of pearls, and glorified by the wife of Hara, possessed of wondrous virtues.

Verse 24 (shiva.shatarudra.15.24)

तत्र प्राप्य स विप्रेशः प्राग्ययौ मणिकर्णिकाम् । तत्र स्नात्वा विधानेन दृष्ट्वा विश्वेश्वरं प्रभुम्

tatra prāpya sa vipreśaḥ prāgyayau maṇikarṇikām tatra snātvā vidhānena dṛṣṭvā viśveśvaraṁ prabhum

Having arrived there, that best of brahmins first went to Manikarnika; and, bathing there according to the rite, he beheld the Lord Vishveshvara.

Verse 25 (shiva.shatarudra.15.25)

साञ्जलिर्नतशीर्षोऽसौ महानन्दान्वितः सुधीः । त्रैलोक्यप्राणसन्त्राणकारिणं प्रणनाम ह

sāñjalirnataśīrṣo’sau mahānandānvitaḥ sudhīḥ trailokyaprāṇasantrāṇakāriṇaṁ praṇanāma ha

With joined palms and bowed head, that wise one, filled with great joy, bowed down to him, the protector of the life of all the three worlds.

Verse 26 (shiva.shatarudra.15.26)

आलोक्यालोक्य तल्लिङ्गं तुतोष हृदये मुहुः । परमानन्दकन्दाढ्यं स्फुटमेतन्न संशयः

ālokyālokya talliṅgaṁ tutoṣa hṛdaye muhuḥ paramānandakandāḍhyaṁ sphuṭametanna saṁśayaḥ

Beholding that linga again and again, his heart rejoiced repeatedly, full of the very root of supreme bliss — this is plain, without doubt.

Verse 27 (shiva.shatarudra.15.27)

अहो न मत्तो धन्योऽस्ति त्रैलोक्ये सचराचरे । यदद्राक्षिषमद्याहं श्रीमद्विश्वेश्वरं विभुम्

aho na matto dhanyo’sti trailokye sacarācare yadadrākṣiṣamadyāhaṁ śrīmadviśveśvaraṁ vibhum

'Ah, there is none more blessed than I in the three worlds with all their moving and unmoving things, in that today I have beheld the glorious, all-pervading Vishveshvara.'

Verse 28 (shiva.shatarudra.15.28)

मम भाग्योदयायैव नारदेन महर्षिणा । पुरागत्य तथोक्तं यत्कृतकृत्योऽस्म्यहं ततः

mama bhāgyodayāyaiva nāradena maharṣiṇā purāgatya tathoktaṁ yatkṛtakṛtyo’smyahaṁ tataḥ

'It was for the very rise of my good fortune that the great sage Narada came before and spoke as he did; for this, I have accomplished my purpose.'

Verse 29 (shiva.shatarudra.15.29)

नन्दीश्वर उवाच । इत्यानन्दामृतरसैर्विधाय स हि पारणम् । ततः शुभेऽह्नि संस्थाप्य लिङ्गं सर्वहितप्रदम्

nandīśvara uvāca ityānandāmṛtarasairvidhāya sa hi pāraṇam tataḥ śubhe’hni saṁsthāpya liṅgaṁ sarvahitapradam

Nandishvara said: Thus, having broken his fast with the nectar-essence of bliss, he then, on an auspicious day, established a linga that grants welfare to all.

Verse 30 (shiva.shatarudra.15.30)

जग्राह नियमान्घोरान् दुष्करानकृतात्मभिः । अष्टोत्तरशतैः कुम्भैः पूर्णैर्गङ्गाऽम्भसा शुभैः

jagrāha niyamānghorān duṣkarānakṛtātmabhiḥ aṣṭottaraśataiḥ kumbhaiḥ pūrṇairgaṅgā’mbhasā śubhaiḥ

He undertook terrible disciplines, difficult for the unrefined to perform — with one hundred and eight auspicious pitchers filled with the water of the Ganga.

Verse 31 (shiva.shatarudra.15.31)

संस्नाप्य वाससा पूतैः पूतात्मा प्रत्यहं शिवम् । नीलोत्पलमयीं मालां समर्पयति सोऽन्वहम्

saṁsnāpya vāsasā pūtaiḥ pūtātmā pratyahaṁ śivam nīlotpalamayīṁ mālāṁ samarpayati so’nvaham

Bathing Shiva each day, with garments made pure, that pure-souled one offers, day after day, a garland made of blue lotuses.

Verse 32 (shiva.shatarudra.15.32)

अष्टाधिकसहस्रैस्तु सुमनोभिर्विनिर्मिताम् । स पक्षे वाथ वा मासे कन्दमूलफलाशनः

aṣṭādhikasahasraistu sumanobhirvinirmitām sa pakṣe vātha vā māse kandamūlaphalāśanaḥ

—made of one thousand and eight blossoms; for a fortnight, or for a month, he lived on roots, bulbs, and fruits.

Verse 33 (shiva.shatarudra.15.33)

शीर्णपर्णाशनैर्धीरः षण्मासं सम्बभूव सः । षण्मासं वायुभक्षोऽभूत्षण्मासं जलबिन्दुभुक्

śīrṇaparṇāśanairdhīraḥ ṣaṇmāsaṁ sambabhūva saḥ ṣaṇmāsaṁ vāyubhakṣo’bhūtṣaṇmāsaṁ jalabindubhuk

That steadfast one lived for six months on withered leaves alone; for six months he subsisted on air; for six months he took only drops of water.

Verse 34 (shiva.shatarudra.15.34)

एवं वर्षद्वयं तस्य व्यतिक्रान्तं महात्मनः । शिवैकमनसो विप्रास्तप्यमानस्य नारद

evaṁ varṣadvayaṁ tasya vyatikrāntaṁ mahātmanaḥ śivaikamanaso viprāstapyamānasya nārada

Thus, O Narada, two years passed for that great soul, the brahmin whose mind was fixed on Shiva alone, as he practiced austerity.

Verse 35 (shiva.shatarudra.15.35)

जन्मतो द्वादशे वर्षे तद्वचो नारदेरितम् । सत्यं करिष्यन्निव तमभ्यगात्कुलिशायुधः

janmato dvādaśe varṣe tadvaco nāraderitam satyaṁ kariṣyanniva tamabhyagātkuliśāyudhaḥ

In the twelfth year from his birth, as though to make Narada's word come true, the wielder of the thunderbolt, Indra, approached him.

Verse 36 (shiva.shatarudra.15.36)

उवाच च वरं ब्रूहि दद्मि त्वन्मनसि स्थितम् । अहं शतक्रतुर्विप्र प्रसन्नोऽस्मि शुभव्रतैः

uvāca ca varaṁ brūhi dadmi tvanmanasi sthitam ahaṁ śatakraturvipra prasanno’smi śubhavrataiḥ

And he said: 'Ask a boon; I shall grant whatever is in your mind. I am Shatakratu, O brahmin; I am pleased by your auspicious vows.'

Verse 37 (shiva.shatarudra.15.37)

नन्दीश्वर उवाच । इत्याकर्ण्य महेन्द्रस्य वाक्यं मुनिकुमारकः । उवाच मधुरं धीरः कीर्तयन्मधुराक्षरम्

nandīśvara uvāca ityākarṇya mahendrasya vākyaṁ munikumārakaḥ uvāca madhuraṁ dhīraḥ kīrtayanmadhurākṣaram

Nandishvara said: Hearing the words of great Indra, that son of the sage, steadfast, spoke sweetly, uttering gentle words.

Verse 38 (shiva.shatarudra.15.38)

गृहपतिरुवाच । मघवन् वृत्रशत्रो त्वां जाने कुलिशपाणिनम् । नाहं वृणे वरं त्वत्तः शङ्करो वरदोऽस्ति मे

gṛhapatiruvāca maghavan vṛtraśatro tvāṁ jāne kuliśapāṇinam nāhaṁ vṛṇe varaṁ tvattaḥ śaṅkaro varado’sti me

Grihapati said: O Maghavan, foe of Vritra, I recognize you as the wielder of the thunderbolt; but I choose no boon from you — Shankara alone is the giver of boons to me.

Verse 39 (shiva.shatarudra.15.39)

इन्द्र उवाच । न मत्तः शङ्करस्त्वन्यो देवदेवोऽस्म्यहं शिशो । विहाय बालिशत्वं त्वं वरं याचस्व मा चिरम्

indra uvāca na mattaḥ śaṅkarastvanyo devadevo’smyahaṁ śiśo vihāya bāliśatvaṁ tvaṁ varaṁ yācasva mā ciram

Indra said: There is no god other than me — I am indeed the God of gods, O child! Set aside your childishness, and ask your boon without delay.

Verse 40 (shiva.shatarudra.15.40)

गृहपतिरुवाच । गच्छाहल्यापतेऽसाधो गोत्रारे पाकशासन । न प्रार्थये पशुपतेरन्यं देवान्तरं स्फुटम्

gṛhapatiruvāca gacchāhalyāpate’sādho gotrāre pākaśāsana na prārthaye paśupateranyaṁ devāntaraṁ sphuṭam

Grihapati said: Begone, O wicked husband of Ahalya, O foe of the mountains, O chastiser of Paka! I clearly seek no other god apart from Pashupati.

Verse 41 (shiva.shatarudra.15.41)

नन्दीश्वर उवाच । इति तस्य वचः श्रुत्वा क्रोधसंरक्तलोचनः । उद्यम्य कुलिशं घोरं भीषयामास बालकम्

nandīśvara uvāca iti tasya vacaḥ śrutvā krodhasaṁraktalocanaḥ udyamya kuliśaṁ ghoraṁ bhīṣayāmāsa bālakam

Nandishvara said: Hearing his words, his eyes red with rage, Indra, raising his terrible thunderbolt, sought to frighten the boy.

Verse 42 (shiva.shatarudra.15.42)

स दृष्ट्वा बालको वज्रं विद्युज्ज्वालासमाकुलम् । स्मरन्नारदवाक्यं च मुमूर्च्छ भयविह्वलः

sa dṛṣṭvā bālako vajraṁ vidyujjvālāsamākulam smarannāradavākyaṁ ca mumūrccha bhayavihvalaḥ

That boy, seeing the thunderbolt ablaze with lightning-flames, and remembering Narada's words, overwhelmed with fear, fell into a swoon.

Verse 43 (shiva.shatarudra.15.43)

अथ गौरीपतिः शम्भुराविरासीत्तमोनुदः । उत्तिष्ठोत्तिष्ठ भद्रं ते स्पर्शैः सञ्जीवयन्निव

atha gaurīpatiḥ śambhurāvirāsīttamonudaḥ uttiṣṭhottiṣṭha bhadraṁ te sparśaiḥ sañjīvayanniva

Then Shambhu, the husband of Gauri, the dispeller of darkness, appeared, and, as if reviving him with his very touch, said: 'Arise, arise! Blessings upon you!'

Verse 44 (shiva.shatarudra.15.44)

उन्मील्य नेत्रकमले सुप्ते इव दिनक्षये । अपश्यदग्रे चोत्थाय शम्भुमर्कशताधिकम्

unmīlya netrakamale supte iva dinakṣaye apaśyadagre cotthāya śambhumarkaśatādhikam

Opening his lotus eyes, as one waking from sleep at the day's end, and rising, he beheld before him Shambhu, brighter than a hundred suns.

Verse 45 (shiva.shatarudra.15.45)

भाले लोचनमालोक्य कण्ठेकालं वृषध्वजम् । वामाङ्गसन्निविष्टाद्रितनयं चन्द्रशेखरम्

bhāle locanamālokya kaṇṭhekālaṁ vṛṣadhvajam vāmāṅgasanniviṣṭādritanayaṁ candraśekharam

He beheld the eye upon his forehead, the dark mark upon his throat, the Bull-bannered one, with the daughter of the mountain seated on his left side, the moon-crested Lord.

Verse 46 (shiva.shatarudra.15.46)

कपर्देन विराजन्तं त्रिशूलाजगवायुधम् । स्फुरत्कर्पूरगौराङ्गं परिणद्धगजाजिनम्

kapardena virājantaṁ triśūlājagavāyudham sphuratkarpūragaurāṅgaṁ pariṇaddhagajājinam

Resplendent with his matted crown, armed with the trident and the bow Ajagava, his body radiant and white as camphor, wrapped in an elephant hide.

Verse 47 (shiva.shatarudra.15.47)

परिज्ञाय महादेवं गुरुवाक्यत आगमात् । हर्षबाष्पाकुलासन्नकण्ठरोमाञ्चकञ्चुकः

parijñāya mahādevaṁ guruvākyata āgamāt harṣabāṣpākulāsannakaṇṭharomāñcakañcukaḥ

Recognizing him as Mahadeva, from his teacher's words and from the scriptures, his throat choked with tears of joy, his body clad, as it were, in a garment of thrilled hair.

Verse 48 (shiva.shatarudra.15.48)

क्षणं च गिरिवत्तस्थौ चित्रकृत्रिमपुत्रकः । यथा तथा सुसम्पन्नो विस्मृत्यात्मानमेव च

kṣaṇaṁ ca girivattasthau citrakṛtrimaputrakaḥ yathā tathā susampanno vismṛtyātmānameva ca

For a moment he stood still as a mountain, like a painted, lifeless doll, thus perfectly overcome, forgetting even his own self.

Verse 49 (shiva.shatarudra.15.49)

न स्तोतुं न नमस्कर्तुं किञ्चिद्विज्ञप्तुमेव च । यदा स न शशाकालं तदा स्मित्वाह शङ्करः

na stotuṁ na namaskartuṁ kiñcidvijñaptumeva ca yadā sa na śaśākālaṁ tadā smitvāha śaṅkaraḥ

When for a while he was unable either to praise him, or to bow to him, or to say anything at all, then Shankara, smiling, spoke.

Verse 50 (shiva.shatarudra.15.50)

ईश्वर उवाच । शिशो गृहपते शक्राद्वज्रोद्यतकरादहो । ज्ञातं भीतोऽसि मा भैषीर्जिज्ञासा ते मया कृता

īśvara uvāca śiśo gṛhapate śakrādvajrodyatakarādaho jñātaṁ bhīto’si mā bhaiṣīrjijñāsā te mayā kṛtā

Ishvara said: O child Grihapati, ah, I know you were frightened by Shakra with his upraised thunderbolt-hand — do not fear; it was I who made this test of you.

Verse 51 (shiva.shatarudra.15.51)

मम भक्तस्य नो शक्रो न वज्रं चान्तकोऽपि च । प्रभवेदिन्द्ररूपेण मयैव त्वं बिभीषितः

mama bhaktasya no śakro na vajraṁ cāntako’pi ca prabhavedindrarūpeṇa mayaiva tvaṁ bibhīṣitaḥ

Neither Shakra, nor the thunderbolt, nor even Death himself has power over my devotee; it was I myself, in the form of Indra, who frightened you.

Verse 52 (shiva.shatarudra.15.52)

वरं ददामि ते भद्र त्वमग्निपदभाग्भव । सर्वेषामेव देवानां वरदस्त्वं भविष्यसि

varaṁ dadāmi te bhadra tvamagnipadabhāgbhava sarveṣāmeva devānāṁ varadastvaṁ bhaviṣyasi

I grant you a boon, O blessed one — become the possessor of the office of Agni; you shall become a granter of boons to all the gods.

Verse 53 (shiva.shatarudra.15.53)

सर्वेषामेव भूतानां त्वमग्नेऽन्तश्चरो भव । धर्मराजेन्द्रयोर्मध्ये दिगीशो राज्यमाप्नुहि

sarveṣāmeva bhūtānāṁ tvamagne’ntaścaro bhava dharmarājendrayormadhye digīśo rājyamāpnuhi

O Fire, become the one who moves within all beings; obtain your kingdom as lord of a direction, between Dharma and Indra.

Verse 54 (shiva.shatarudra.15.54)

त्वयेदं स्थापितं लिङ्गं तव नाम्ना भविष्यति । अग्नीश्वर इति ख्यातं सर्वतेजोविबृंहणम्

tvayedaṁ sthāpitaṁ liṅgaṁ tava nāmnā bhaviṣyati agnīśvara iti khyātaṁ sarvatejovibṛṁhaṇam

This linga established by you shall be known by your own name, famed as 'Agnishvara,' the augmenter of all splendor.

Verse 55 (shiva.shatarudra.15.55)

अग्नीश्वरस्य भक्तानां न भयं विद्युदग्निभिः । अग्निमान्द्यभयं नैव नाकालमरणं क्वचित्

agnīśvarasya bhaktānāṁ na bhayaṁ vidyudagnibhiḥ agnimāndyabhayaṁ naiva nākālamaraṇaṁ kvacit

For the devotees of Agnishvara there is no fear from lightning or fire, no fear of digestive weakness, and never any untimely death.

Verse 56 (shiva.shatarudra.15.56)

अग्नीश्वरं समभ्यर्च्य काश्यां सर्वसमृद्धिदम् । अन्यत्रापि मृतो दैवाद्वह्निलोके महीयते

agnīśvaraṁ samabhyarcya kāśyāṁ sarvasamṛddhidam anyatrāpi mṛto daivādvahniloke mahīyate

Having worshipped Agnishvara at Kashi, the giver of every prosperity, one who dies elsewhere too, by fate, is exalted in the world of Fire.

Verse 57 (shiva.shatarudra.15.57)

नन्दीश्वर उवाच । इत्युक्त्वानीय तद्बन्धून्पित्रोश्च परिपश्यतोः । दिक्पतित्वेऽभिषिच्याग्निं तत्र लिङ्गे शिवोऽविशत्

nandīśvara uvāca ityuktvānīya tadbandhūnpitrośca paripaśyatoḥ dikpatitve’bhiṣicyāgniṁ tatra liṅge śivo’viśat

Nandishvara said: Having spoken thus, and having brought his kinsfolk there, while his parents looked on, Shiva consecrated Agni to the lordship of a quarter, and then entered into that linga.

Verse 58 (shiva.shatarudra.15.58)

इत्थमग्न्यवतारस्ते वर्णितो मे जनार्दनः । नाम्ना गृहपतिस्तात शङ्करस्य परात्मनः

itthamagnyavatāraste varṇito me janārdanaḥ nāmnā gṛhapatistāta śaṅkarasya parātmanaḥ

Thus, my child, I have described to you this incarnation as Fire — the reliever of all people, known by the name Grihapati, that of the Supreme Self, Shankara.

Verse 59 (shiva.shatarudra.15.59)

चित्रहोत्रपुरी रम्या सुखदार्चिष्मती वरा । जातवेदसि ये भक्ता ते तत्र निवसन्ति वै

citrahotrapurī ramyā sukhadārciṣmatī varā jātavedasi ye bhaktā te tatra nivasanti vai

The beautiful city called Chitrahotra-puri, the excellent, delightful, radiant one, giver of happiness — those devoted to Jatavedas, Agni, dwell there indeed.

Verse 60 (shiva.shatarudra.15.60)

अग्निप्रवेशं ये कुर्युर्दृढसत्त्वा जितेन्द्रियाः । स्त्रियो वा सत्त्वसम्पन्नास्ते सर्वेऽप्यग्नितेजसः

agnipraveśaṁ ye kuryurdṛḍhasattvā jitendriyāḥ striyo vā sattvasampannāste sarve’pyagnitejasaḥ

Those of firm resolve and mastered senses who enter fire, whether men or women endowed with such fortitude — all of them share in the splendor of Agni.

Verse 61 (shiva.shatarudra.15.61)

अग्निहोत्ररता विप्राः स्थापिता ब्रह्मचारिणः । पश्चाग्निवर्त्तिनोऽप्येवमग्निलोकेऽग्निवर्चसः

agnihotraratā viprāḥ sthāpitā brahmacāriṇaḥ paścāgnivarttino’pyevamagniloke’gnivarcasaḥ

Brahmins devoted to the Agnihotra rite, celibate students established in their vow, and likewise those who practice the discipline of the five fires — all attain, in the world of Fire, the very splendor of Fire.

Verse 62 (shiva.shatarudra.15.62)

शीते शीतापनुत्त्यै यस्त्वेधोभारान्प्रयच्छति । कुर्यादग्नीष्टिकां वाथ स वसेदग्निसन्निधौ

śīte śītāpanuttyai yastvedhobhārānprayacchati kuryādagnīṣṭikāṁ vātha sa vasedagnisannidhau

Whoever, in the cold, gives loads of firewood to dispel the cold, or performs the Agnishtika rite, shall dwell in the presence of Agni.

Verse 63 (shiva.shatarudra.15.63)

अनाथस्याग्निसंस्कारं यः कुर्याच्छ्रद्धयान्वितः । अशक्तः प्रेरयेदन्यं सोऽग्निलोके महीयते

anāthasyāgnisaṁskāraṁ yaḥ kuryācchraddhayānvitaḥ aśaktaḥ prerayedanyaṁ so’gniloke mahīyate

Whoever, filled with faith, performs the fire-rite, cremation, for one who has no protector, or, if unable himself, causes another to perform it, is exalted in the world of Fire.

Verse 64 (shiva.shatarudra.15.64)

अग्निरेको द्विजातीनां निःश्रेयसकरः परः । गुरुर्देवो व्रतं तीर्थं सर्वमग्निर्विनिश्चितम्

agnireko dvijātīnāṁ niḥśreyasakaraḥ paraḥ gururdevo vrataṁ tīrthaṁ sarvamagnirviniścitam

Fire alone, for the twice-born, is the supreme bringer of the highest good; teacher, deity, vow, sacred crossing — all, it is firmly held, is Fire.

Verse 65 (shiva.shatarudra.15.65)

अपावनानि सर्वाणि वह्निसंसर्गतः क्षणात् । पावनानि भवन्त्येव तस्माद्यः पावकः स्मृतः

apāvanāni sarvāṇi vahnisaṁsargataḥ kṣaṇāt pāvanāni bhavantyeva tasmādyaḥ pāvakaḥ smṛtaḥ

All impure things, the very instant they come into contact with fire, become pure indeed; for this reason he is remembered as Pavaka, the Purifier.

Verse 66 (shiva.shatarudra.15.66)

अन्तरात्मा ह्ययं साक्षान्निश्चयो ह्याशुशुक्षणिः । मांसग्रासान्पचेत्कुक्षौ स्त्रीणां नो मांसपेशिकाम्

antarātmā hyayaṁ sākṣānniścayo hyāśuśukṣaṇiḥ māṁsagrāsānpacetkukṣau strīṇāṁ no māṁsapeśikām

This same fire is indeed, without doubt, the very inner Self, the swift-blazing one; within the belly it cooks the morsels of food eaten — though it is not what forms the flesh-mass within a woman's womb.

Verse 67 (shiva.shatarudra.15.67)

तैजसी शाम्भवी मूर्तिः प्रत्यक्षा दहनात्मिका । कर्त्री हर्त्री पालयित्री विनैतां किं विलोक्यते

taijasī śāmbhavī mūrtiḥ pratyakṣā dahanātmikā kartrī hartrī pālayitrī vinaitāṁ kiṁ vilokyate

This fiery form of Shambhu, visible to the eye, of the nature of burning — it creates, it destroys, it sustains; without it, what indeed could be seen?

Verse 68 (shiva.shatarudra.15.68)

चित्रभानुरयं साक्षान्नेत्रं त्रिभुवनेशितुः । अन्धे तमोमये लोके विनैनं कः प्रकाशनः

citrabhānurayaṁ sākṣānnetraṁ tribhuvaneśituḥ andhe tamomaye loke vinainaṁ kaḥ prakāśanaḥ

This Chitrabhanu, Fire, is indeed the very eye of the Lord of the three worlds; in a world blind and full of darkness, who but he could give light?

Verse 69 (shiva.shatarudra.15.69)

धूपप्रदीपनैवेद्यपयोदधिघृतैक्षवम् । एतद्भुक्तं निषेवन्ते सर्वे दिवि दिवौकसः

dhūpapradīpanaivedyapayodadhighṛtaikṣavam etadbhuktaṁ niṣevante sarve divi divaukasaḥ

Incense, lamp-offerings, food-offerings, milk, curd, ghee, and sugarcane — once these have been consumed by fire in the offering, all the dwellers of heaven partake of them in heaven.