The Kirata Avatara: The Slaying of the Demon Muka

Verse 1 (shiva.shatarudra.39.1)

नन्दीश्वर उवाच । स्नानं स विधिवत्कृत्वा न्यासादि विधिवत्तथा । ध्यानं शिवस्य सद्भक्त्या व्यासोक्तं यत्तथाकरोत्

nandīśvara uvāca snānaṁ sa vidhivatkṛtvā nyāsādi vidhivattathā dhyānaṁ śivasya sadbhaktyā vyāsoktaṁ yattathākarot

Nandishvara said: Having duly performed his ablutions, and duly the rites of nyasa and the rest, he carried out the meditation on Shiva with true devotion, exactly as Vyasa had prescribed.

Verse 2 (shiva.shatarudra.39.2)

एकपादतलेनैव तिष्ठन्मुनिवरो यथा । सूर्ये दृष्टिं निबध्यैकां मन्त्रमावर्तयन् स्थितः

ekapādatalenaiva tiṣṭhanmunivaro yathā sūrye dṛṣṭiṁ nibadhyaikāṁ mantramāvartayan sthitaḥ

Standing on the sole of one foot alone, as a foremost sage might, his gaze fixed steadily upon the sun, he remained there, repeating the mantra again and again.

Verse 3 (shiva.shatarudra.39.3)

तपस्तेपेति सम्प्रीत्या संस्मरन्मनसा शिवम् । पञ्चाक्षरं मनुं शम्भोर्जपन्सर्वोत्तमोत्तमम्

tapastepeti samprītyā saṁsmaranmanasā śivam pañcākṣaraṁ manuṁ śambhorjapansarvottamottamam

With great love he performed his austerity, remembering Shiva in his mind, chanting Shambhu's five-syllabled mantra, most excellent of all.

Verse 4 (shiva.shatarudra.39.4)

तपसस्तेज एवासीद्यथा देवा विसिस्मियुः । पुनश्चैव शिवं याताः प्रत्यूचुस्ते समाहिताः

tapasasteja evāsīdyathā devā visismiyuḥ punaścaiva śivaṁ yātāḥ pratyūcuste samāhitāḥ

Such was the radiance of his austerity that the gods were astonished; and, going once more to Shiva, they, with composed minds, spoke to him.

Verse 5 (shiva.shatarudra.39.5)

देवा ऊचुः । नरेणैकेन सर्वेश त्वदर्थे तप आहितम् । यदिच्छति नरः सोऽयं किन्न यच्छति तत्प्रभो

devā ūcuḥ nareṇaikena sarveśa tvadarthe tapa āhitam yadicchati naraḥ so'yaṁ kinna yacchati tatprabho

The gods said: "O Lord of all, a single man has undertaken this austerity for you alone; whatever that man desires, Lord, why do you not grant it to him?"

Verse 6 (shiva.shatarudra.39.6)

नन्दीश्वर उवाच । इत्युक्त्वा तु स्तुतिं चक्रुर्विविधां ते तदा सुराः । तत्पादयोर्दृशः कृत्वा तत्र तस्थुः स्थिराधयः

nandīśvara uvāca ityuktvā tu stutiṁ cakrurvividhāṁ te tadā surāḥ tatpādayordṛśaḥ kṛtvā tatra tasthuḥ sthirādhayaḥ

Nandishvara said: Having said this, the gods then offered manifold praise; and, fixing their gaze upon his feet, they stood there, their minds steadfast.

Verse 7 (shiva.shatarudra.39.7)

शिवस्तु तद्वचः श्रुत्वा महाप्रभुरुदारधीः । सुविहस्य प्रसन्नात्मा सुरान्वचनमब्रवीत्

śivastu tadvacaḥ śrutvā mahāprabhurudāradhīḥ suvihasya prasannātmā surānvacanamabravīt

Hearing these words, Shiva, that great Lord of noble mind, smiling graciously, his heart well pleased, spoke thus to the gods.

Verse 8 (shiva.shatarudra.39.8)

शिव उवाच । स्वस्थानं गच्छत सुराः सर्वे सत्यं न संशयः । सर्वथाहं करिष्यामि कार्यं वो नात्र संशय

śiva uvāca svasthānaṁ gacchata surāḥ sarve satyaṁ na saṁśayaḥ sarvathāhaṁ kariṣyāmi kāryaṁ vo nātra saṁśaya

Shiva said: "Go, all you gods, to your own abodes; this is true, have no doubt of it. I shall accomplish your purpose in every way — there is no doubt in this."

Verse 9 (shiva.shatarudra.39.9)

नन्दीश्वर उवाच । तच्छ्रुत्वा शम्भुवचनं निश्चयं परमं गताः । परावृत्य गताः सर्वे स्वस्थानं ते हि निर्जराः

nandīśvara uvāca tacchrutvā śambhuvacanaṁ niścayaṁ paramaṁ gatāḥ parāvṛtya gatāḥ sarve svasthānaṁ te hi nirjarāḥ

Nandishvara said: Hearing Shambhu's words, and now fully assured, all those immortals turned back and went to their own abodes.

Verse 10 (shiva.shatarudra.39.10)

एतस्मिन्नन्तरे दैत्यो मूकनामागतस्तदा । सौकरं रूपमास्थाय प्रेषितश्च दुरात्मना

etasminnantare daityo mūkanāmāgatastadā saukaraṁ rūpamāsthāya preṣitaśca durātmanā

Meanwhile there came a demon named Muka, having taken the form of a wild boar, sent there by that evil-minded one —

Verse 11 (shiva.shatarudra.39.11)

दुर्योधनेन विप्रेन्द्र मायिना चार्जुनं तदा । यत्रार्जुनः स्थितश्चासीत्तेन मार्गेण वै तदा

duryodhanena viprendra māyinā cārjunaṁ tadā yatrārjunaḥ sthitaścāsīttena mārgeṇa vai tadā

— sent, O foremost of brahmins, by the deceitful Duryodhana against Arjuna, along that very path where Arjuna then stood.

Verse 12 (shiva.shatarudra.39.12)

शृङ्गाणि पर्वतस्यैव च्छिन्दन्वृक्षाननेकशः । शब्दं च विविधं कुर्वन्नतिवेगेन संयुतः

śṛṅgāṇi parvatasyaiva cchindanvṛkṣānanekaśaḥ śabdaṁ ca vividhaṁ kurvannativegena saṁyutaḥ

Splitting the very peaks of the mountain and many trees, making manifold sounds, endowed with tremendous speed.

Verse 13 (shiva.shatarudra.39.13)

अर्जुनोऽपि च तं दृष्ट्वा मूकनामासुरं तदा । स्मृत्वा शिवपदाम्भोजं विचारे तत्परोऽभवत्

arjuno'pi ca taṁ dṛṣṭvā mūkanāmāsuraṁ tadā smṛtvā śivapadāmbhojaṁ vicāre tatparo'bhavat

Arjuna too, seeing that demon named Muka, and remembering Shiva's lotus feet, became absorbed in deliberation.

Verse 14 (shiva.shatarudra.39.14)

अर्जुन उवाच । कोऽयं वा कुत आयाति क्रूरकर्मा च दृश्यते । ममानिष्टं ध्रुवं कर्तुं समागच्छत्यसंशयम्

arjuna uvāca ko'yaṁ vā kuta āyāti krūrakarmā ca dṛśyate mamāniṣṭaṁ dhruvaṁ kartuṁ samāgacchatyasaṁśayam

Arjuna said: "Who is this, and whence does he come? He appears to be of cruel deed; without doubt he comes intending some harm to me."

Verse 15 (shiva.shatarudra.39.15)

ममैवं मन आयाति शत्रुरेव न संशयः । मया विनिहताः पूर्वमनेके दैत्यदानवाः

mamaivaṁ mana āyāti śatrureva na saṁśayaḥ mayā vinihatāḥ pūrvamaneke daityadānavāḥ

"This thought alone comes to my mind — he is without doubt an enemy. Many demons and danavas have been slain by me before now."

Verse 16 (shiva.shatarudra.39.16)

तदीयः कश्चिदायाति वैरं साधयितुं पुनः । अथवा च सखा कश्चिद् दुर्योधनहितावहः

tadīyaḥ kaścidāyāti vairaṁ sādhayituṁ punaḥ athavā ca sakhā kaścid duryodhanahitāvahaḥ

"Some kinsman of theirs has come again to settle that old enmity; or else this may be some friend acting for Duryodhana's benefit."

Verse 17 (shiva.shatarudra.39.17)

यस्मिन्दृष्टे प्रसीदेत्स्वं मनः स हितकृद् ध्रुवम् । यस्मिन्दृष्टे तदेव स्यादाकुलं शत्रुरेव सः

yasmindṛṣṭe prasīdetsvaṁ manaḥ sa hitakṛd dhruvam yasmindṛṣṭe tadeva syādākulaṁ śatrureva saḥ

"He at whose sight one's own heart grows glad is surely a well-wisher; he at whose sight the heart grows troubled — he indeed is the enemy."

Verse 18 (shiva.shatarudra.39.18)

आचारः कुलमाख्याति वपुराख्याति भोजनम् । वचनं श्रुतमाख्याति स्नेहमाख्याति लोचनम्

ācāraḥ kulamākhyāti vapurākhyāti bhojanam vacanaṁ śrutamākhyāti snehamākhyāti locanam

"Conduct betrays one's lineage; the body betrays one's diet; speech betrays what has been learned; the eyes betray affection."

Verse 19 (shiva.shatarudra.39.19)

आकारेण तथा गत्या चेष्टया भाषितैरपि । नेत्रवक्त्रविकाराभ्यां ज्ञायतेऽन्तर्हितं मनः

ākāreṇa tathā gatyā ceṣṭayā bhāṣitairapi netravaktravikārābhyāṁ jñāyate'ntarhitaṁ manaḥ

"By outward form, by gait, by gesture, and by speech, and by the changes in eye and face, the hidden mind becomes known."

Verse 20 (shiva.shatarudra.39.20)

उज्ज्वलं सरसं चैव वक्रमारक्तकं तथा । नेत्रं चतुर्विधं प्रोक्तं तस्य भावं पृथग्बुधाः

ujjvalaṁ sarasaṁ caiva vakramāraktakaṁ tathā netraṁ caturvidhaṁ proktaṁ tasya bhāvaṁ pṛthagbudhāḥ

"The eye is said to be of four kinds: bright, moist, sidelong, and reddened; the wise, by these, discern its differing states."

Verse 21 (shiva.shatarudra.39.21)

उज्ज्वलं मित्रसंयोगे सरसं पुत्रदर्शने । वक्रं च कामिनीयोगे आरक्तं शत्रुदर्शने

ujjvalaṁ mitrasaṁyoge sarasaṁ putradarśane vakraṁ ca kāminīyoge āraktaṁ śatrudarśane

"Bright, at meeting a friend; moist, at the sight of a son; sidelong, when united with one's beloved; reddened, at the sight of an enemy."

Verse 22 (shiva.shatarudra.39.22)

अस्मिन्मम तु सर्वाणि कलुषानीन्द्रियाणि च । अयं शत्रुर्भवेदेव मारणीयो न संशयः

asminmama tu sarvāṇi kaluṣānīndriyāṇi ca ayaṁ śatrurbhavedeva māraṇīyo na saṁśayaḥ

"In this case, all my own senses grow troubled; this one must surely be an enemy, and deserves to be slain — of this there is no doubt."

Verse 23 (shiva.shatarudra.39.23)

गुरोश्च वचनं मेऽद्य वर्तते दुःखदस्त्वया । हन्तव्यः सर्वथा राजन्नात्र कार्या विचारणा

gurośca vacanaṁ me'dya vartate duḥkhadastvayā hantavyaḥ sarvathā rājannātra kāryā vicāraṇā

"My Guru's own word stands before me today — that whoever brings sorrow must, O king, in every case, be slain; there is no need to deliberate further on this."

Verse 24 (shiva.shatarudra.39.24)

एतदर्थं त्वायुधानि मम चैव न संशयः । विचार्येति च तत्रैव बाणं संस्थाय संस्थितः

etadarthaṁ tvāyudhāni mama caiva na saṁśayaḥ vicāryeti ca tatraiva bāṇaṁ saṁsthāya saṁsthitaḥ

"For this very purpose, without doubt, my weapons exist." Having thus resolved, standing there, he fixed his arrow to the bow and stood ready.

Verse 25 (shiva.shatarudra.39.25)

एतस्मिन्नन्तरे तत्र रक्षार्थं ह्यर्जुनस्य वै । तद्भक्तेश्च परीक्षार्थं शङ्करो भक्तवत्सलः

etasminnantare tatra rakṣārthaṁ hyarjunasya vai tadbhakteśca parīkṣārthaṁ śaṅkaro bhaktavatsalaḥ

Meanwhile, for Arjuna's protection, and to test his devotion, Shankara, the cherisher of devotees —

Verse 26 (shiva.shatarudra.39.26)

विदग्धभिल्लरूपं हि गणैः सार्धं महाद्भुतम् । तस्य दैत्यस्य नाशार्थं द्रुतं कृत्वा समागतः

vidagdhabhillarūpaṁ hi gaṇaiḥ sārdhaṁ mahādbhutam tasya daityasya nāśārthaṁ drutaṁ kṛtvā samāgataḥ

— swiftly took on the most wondrous form of a skilled forest hunter, together with his ganas, and came there for the destruction of that demon.

Verse 27 (shiva.shatarudra.39.27)

बद्धकच्छश्च वल्लीभिर्बद्धेवा केशान् हरस्तदा । शरीरे श्वेतरेखाश्च धनुर्बाणयुतः स्वयम्

baddhakacchaśca vallībhirbaddhevā keśān harastadā śarīre śvetarekhāśca dhanurbāṇayutaḥ svayam

His garment tucked up and bound with creepers, his hair bound likewise, his body marked with white stripes, Hara himself, bearing bow and arrows —

Verse 28 (shiva.shatarudra.39.28)

बाणानां तूणकं पृष्ठे धृत्वा वै स जगाम ह । गणश्चैव तथा जातो भिल्लराजोऽभवच्छिवः

bāṇānāṁ tūṇakaṁ pṛṣṭhe dhṛtvā vai sa jagāma ha gaṇaścaiva tathā jāto bhillarājo'bhavacchivaḥ

Carrying a quiver of arrows on his back, he set out thus; and his own gana likewise became, in that same guise, the king of the Bhillas — this was Shiva himself.

Verse 29 (shiva.shatarudra.39.29)

शब्दांश्च विविधान्कृत्वा निर्ययौ वाहिनीपतिः । सूकरस्य ससाराथ शब्दश्च प्रदिशो दश

śabdāṁśca vividhānkṛtvā niryayau vāhinīpatiḥ sūkarasya sasārātha śabdaśca pradiśo daśa

Making cries of many kinds, that lord of a host set out, and pursued the boar, his cries spreading through all ten directions.

Verse 30 (shiva.shatarudra.39.30)

वनेचरेण शब्देन व्याकुलश्चार्जुनस्तदा । पर्वताद्याश्च तैः शब्दैस्ते सर्वे व्याकुलास्तदा

vanecareṇa śabdena vyākulaścārjunastadā parvatādyāśca taiḥ śabdaiste sarve vyākulāstadā

Arjuna, troubled then by that sound from the forest-dweller, was disturbed; and by those same sounds, the mountains and all else were disturbed too.

Verse 31 (shiva.shatarudra.39.31)

अहो किन्नु भवेदेष शिवः शुभकरस्त्विह । मया चैव श्रुतं पूर्वं कृष्णेन कथितं पुनः

aho kinnu bhavedeṣa śivaḥ śubhakarastviha mayā caiva śrutaṁ pūrvaṁ kṛṣṇena kathitaṁ punaḥ

"Ah — could this here perhaps be Shiva himself, the bringer of good fortune? I have heard this before, and Krishna too has spoken of it."

Verse 32 (shiva.shatarudra.39.32)

व्यासेन कथितं चैव स्मृत्वा देवैस्तथा पुनः । शिवः शुभकरः प्रोक्तः शिवः सुखकरस्तथा

vyāsena kathitaṁ caiva smṛtvā devaistathā punaḥ śivaḥ śubhakaraḥ proktaḥ śivaḥ sukhakarastathā

"Vyasa too has told of it; and, remembering what the gods likewise declared — Shiva is proclaimed the bringer of good, and Shiva too the bringer of happiness."

Verse 33 (shiva.shatarudra.39.33)

मुक्तिदश्च स्वयं प्रोक्तो मुक्तिदानान्न संशयः । तन्नामस्मरणात्पुंसां कल्याणं जायते ध्रुवम्

muktidaśca svayaṁ prokto muktidānānna saṁśayaḥ tannāmasmaraṇātpuṁsāṁ kalyāṇaṁ jāyate dhruvam

"He himself is declared the giver of liberation, for he is, without doubt, the bestower of liberation; by the mere remembrance of his name, well-being surely comes to men."

Verse 34 (shiva.shatarudra.39.34)

भजतां सर्वभावेन दुःखं स्वप्नेऽपि नो भवेत् । यदा कदाचिज्जायेत तदा कर्मसमुद्भवम्

bhajatāṁ sarvabhāvena duḥkhaṁ svapne'pi no bhavet yadā kadācijjāyeta tadā karmasamudbhavam

"For those who worship him with their whole being, sorrow does not come even in a dream; if ever it should arise, it arises only out of one's own past deeds."

Verse 35 (shiva.shatarudra.39.35)

भावितद्बह्वपि ज्ञेयं नूनमल्पं न संशयः । प्रारब्धस्याथ वा दोषो नूनं ज्ञेयो विशेषतः

bhāvitadbahvapi jñeyaṁ nūnamalpaṁ na saṁśayaḥ prārabdhasyātha vā doṣo nūnaṁ jñeyo viśeṣataḥ

"Even much of it, once ripened through devotion, should surely be known as little indeed — there is no doubt of this; or else the working of one's own prarabdha karma is to be understood as a thing apart."

Verse 36 (shiva.shatarudra.39.36)

अथवा बहु चाल्पं हि भोग्यं निस्तीर्य शङ्करः । कदाचिदिच्छया तस्य दूरीकुर्यान्न संशयः

athavā bahu cālpaṁ hi bhogyaṁ nistīrya śaṅkaraḥ kadācidicchayā tasya dūrīkuryānna saṁśayaḥ

"Or else, whether it be much or little, having brought one through the experience of it, Shankara may, at his own will, on occasion remove it altogether — of this there is no doubt."

Verse 37 (shiva.shatarudra.39.37)

विषं चैवामृतं कुर्यादमृतं विषमेव वा । यदिच्छति करोत्येव समर्थः किन्निषिध्यते

viṣaṁ caivāmṛtaṁ kuryādamṛtaṁ viṣameva vā yadicchati karotyeva samarthaḥ kinniṣidhyate

"He could turn poison into nectar, or nectar itself into poison; whatever he wills, he indeed accomplishes — being all-capable, what could ever restrain him?"

Verse 38 (shiva.shatarudra.39.38)

इत्थं विचार्यमाणेऽपि भक्तैरन्यैः पुरातनैः । भाविभिश्च सदा भक्तैरिहानीय मनः स्थिरम्

itthaṁ vicāryamāṇe'pi bhaktairanyaiḥ purātanaiḥ bhāvibhiśca sadā bhaktairihānīya manaḥ sthiram

"Though this has thus been pondered by other devotees of old, and will always likewise be pondered by devotees yet to come, bringing here a steady mind —"

Verse 39 (shiva.shatarudra.39.39)

लक्ष्मीर्गच्छेच्चावतिष्ठेन्मरणं निकटे पुरः । निन्दां वाथ प्रकुर्वन्तु स्तुतिं वा दुःखसङ्क्षयम्

lakṣmīrgaccheccāvatiṣṭhenmaraṇaṁ nikaṭe puraḥ nindāṁ vātha prakurvantu stutiṁ vā duḥkhasaṅkṣayam

"— whether fortune departs or stays, whether death stands close at hand, whether men offer reproach or praise — sorrow comes utterly to its end through him."

Verse 40 (shiva.shatarudra.39.40)

जायते पुण्यपापाभ्यां शङ्करः सुखदः सदा । कदाचिच्च परीक्षार्थं दुःखं यच्छति वै शिवः

jāyate puṇyapāpābhyāṁ śaṅkaraḥ sukhadaḥ sadā kadācicca parīkṣārthaṁ duḥkhaṁ yacchati vai śivaḥ

"It is according to merit and demerit that Shankara is ever the giver of happiness; and sometimes, only for the sake of testing, Shiva bestows sorrow as well."

Verse 41 (shiva.shatarudra.39.41)

अन्ते च सुखदः प्रोक्तो दयालुत्वान्न संशयः । यथा चैव सुवर्णं च शोधितं शुद्धतां व्रजेत्

ante ca sukhadaḥ prokto dayālutvānna saṁśayaḥ yathā caiva suvarṇaṁ ca śodhitaṁ śuddhatāṁ vrajet

"In the end, out of his very compassion, he is declared the giver of happiness — of this there is no doubt; just as gold, once refined, attains to its own purity."

Verse 42 (shiva.shatarudra.39.42)

एवं चैव मया पूर्वं श्रुतं मुनिमुखात्तथा । अतस्तद्भजनेनैव लप्स्येऽहं सुखमुत्तमम्

evaṁ caiva mayā pūrvaṁ śrutaṁ munimukhāttathā atastadbhajanenaiva lapsye'haṁ sukhamuttamam

"Thus indeed I have heard before, from a sage's own mouth; therefore, through devotion to him alone, I shall attain the highest happiness."

Verse 43 (shiva.shatarudra.39.43)

इत्येवं तु विचारं स करोति यावदेव हि । तावच्च सूकरः प्राप्तो बाणसम्मोचनावधिः

ityevaṁ tu vicāraṁ sa karoti yāvadeva hi tāvacca sūkaraḥ prāpto bāṇasammocanāvadhiḥ

While he was still occupied with this very deliberation, the boar arrived, at that very moment when the arrow was to be released.

Verse 44 (shiva.shatarudra.39.44)

शिवोऽपि पृष्ठतो लग्नो ह्यायातः शूकरस्य हि । तयोर्मध्ये तदा सोऽयं दृश्यते शृङ्गमद्भुतम्

śivo'pi pṛṣṭhato lagno hyāyātaḥ śūkarasya hi tayormadhye tadā so'yaṁ dṛśyate śṛṅgamadbhutam

Shiva too arrived there, close on the boar's very trail; and between the two of them there then appeared that wondrous peak.

Verse 45 (shiva.shatarudra.39.45)

तस्य प्रोक्तं च माहात्म्यं शिवः शीघ्रतरं गतः । अर्जुनस्य च रक्षार्थं शङ्करो भक्तवत्सलः

tasya proktaṁ ca māhātmyaṁ śivaḥ śīghrataraṁ gataḥ arjunasya ca rakṣārthaṁ śaṅkaro bhaktavatsalaḥ

His own greatness thus made known, Shiva then moved with the greatest swiftness; for Arjuna's protection, Shankara, the cherisher of devotees —

Verse 46 (shiva.shatarudra.39.46)

एतस्मिन्समये ताभ्यां कृतं बाणविमोचनम् । शिवबाणस्तु पुच्छे वै ह्यर्जुनस्य मुखे तथा

etasminsamaye tābhyāṁ kṛtaṁ bāṇavimocanam śivabāṇastu pucche vai hyarjunasya mukhe tathā

At this very moment, by the two of them together, arrows were loosed; Shiva's own arrow struck the tail, and Arjuna's struck the mouth.

Verse 47 (shiva.shatarudra.39.47)

शिवस्य पुच्छतो गत्वा मुखान्निस्सृत्य शीघ्रतः । भूमौ विलीनः संयातस्तस्य वै पुच्छतो गतः

śivasya pucchato gatvā mukhānnissṛtya śīghrataḥ bhūmau vilīnaḥ saṁyātastasya vai pucchato gataḥ

Shiva's arrow, entering from the tail, passed swiftly out through the mouth and vanished into the earth, having gone clean through from the tail.

Verse 48 (shiva.shatarudra.39.48)

पपात पार्श्वतश्चैव बाणश्चैवार्जुनस्य च । सूकरस्तत्क्षणं दैत्यो मृतो भूमौ पपात ह

papāta pārśvataścaiva bāṇaścaivārjunasya ca sūkarastatkṣaṇaṁ daityo mṛto bhūmau papāta ha

The arrows fell, both of them, close by the boar's side, and by Arjuna's as well; and the demon, in the boar's own form, fell dead upon the ground at that very instant.

Verse 49 (shiva.shatarudra.39.49)

देवा हर्षं परं प्रापुः पुष्पवृष्टिं च चक्रिरे । जयपूर्वं स्तुतिकराः प्रणम्य च पुनः पुनः

devā harṣaṁ paraṁ prāpuḥ puṣpavṛṣṭiṁ ca cakrire jayapūrvaṁ stutikarāḥ praṇamya ca punaḥ punaḥ

The gods were filled with the greatest joy, and rained down a shower of flowers; offering praise led with cries of victory, they bowed again and again.

Verse 50 (shiva.shatarudra.39.50)

शिवस्तुष्टमना आसीदर्जुनः सुखमागतः । दैत्यस्य च तदा दृष्ट्वा क्रूरं रूपं च तौ तदा

śivastuṣṭamanā āsīdarjunaḥ sukhamāgataḥ daityasya ca tadā dṛṣṭvā krūraṁ rūpaṁ ca tau tadā

Shiva's heart grew well pleased, and Arjuna came to happiness; and then, seeing the demon's fearsome form, the two of them —

Verse 51 (shiva.shatarudra.39.51)

अर्जुनस्तु विशेषेण सुखिना प्राह चेतसा । अहो दैत्यवरश्चायं रूपं तु परमाद्भुतम्

arjunastu viśeṣeṇa sukhinā prāha cetasā aho daityavaraścāyaṁ rūpaṁ tu paramādbhutam

Arjuna, his heart especially glad, said: "Ah, this excellent demon — his form is indeed most wondrous."

Verse 52 (shiva.shatarudra.39.52)

कृत्वागतो मद्वधार्थं शिवेनाहं सुरक्षितः । ईश्वरेण ममाद्यैव बुद्धिर्दत्ता न संशयः

kṛtvāgato madvadhārthaṁ śivenāhaṁ surakṣitaḥ īśvareṇa mamādyaiva buddhirdattā na saṁśayaḥ

"He came here to kill me, and I have been well protected by Shiva; today, without doubt, this very understanding has been granted to me by the Lord himself."

Verse 53 (shiva.shatarudra.39.53)

विचार्येत्यर्जुनस्तत्र जगौ शिव शिवेति च । प्रणनाम शिवं भूयस्तुष्टाव च पुनः पुनः

vicāryetyarjunastatra jagau śiva śiveti ca praṇanāma śivaṁ bhūyastuṣṭāva ca punaḥ punaḥ

Having thus reflected, Arjuna there cried out, "Shiva, Shiva," and bowed once more to Shiva, praising him again and again.