The Kirata Avatara: The Dispute Between the Bhilla and Arjuna

Verse 1 (shiva.shatarudra.40.1)

नन्दीश्वर उवाच । सनत्कुमार सर्वज्ञ शृणु लीलां परात्मनः । भक्तवात्सल्यसंयुक्तां तद् दृढत्वविदर्भिताम्

nandīśvara uvāca sanatkumāra sarvajña śṛṇu līlāṁ parātmanaḥ bhaktavātsalyasaṁyuktāṁ tad dṛḍhatvavidarbhitām

Nandishvara said: Hear, O all-knowing Sanatkumara, the divine sport of the Supreme Soul, filled with love for his devotees and adorned throughout with that very steadfastness.

Verse 2 (shiva.shatarudra.40.2)

शिवोऽप्यथ स्वभृत्यं वै प्रेषयामास स द्रुतम् । बाणार्थं च तदा तत्रार्जुनोऽपि समगात्ततः

śivo'pyatha svabhṛtyaṁ vai preṣayāmāsa sa drutam bāṇārthaṁ ca tadā tatrārjuno'pi samagāttataḥ

Shiva too then swiftly sent his own attendant to fetch the arrow; and Arjuna also came there at that very time, for that same purpose.

Verse 3 (shiva.shatarudra.40.3)

एकस्मिन् समये प्राप्तौ बाणार्थं तद्गणार्जुनौ । अर्जुनस्तं पराभर्त्स्य स्वबाणं चाग्रहीत्तदा

ekasmin samaye prāptau bāṇārthaṁ tadgaṇārjunau arjunastaṁ parābhartsya svabāṇaṁ cāgrahīttadā

At one and the same moment, that gana and Arjuna both arrived there for the arrow; Arjuna, rebuking him, then took up his own arrow.

Verse 4 (shiva.shatarudra.40.4)

गणः प्रोवाच तं तत्र किमर्थं गृह्यते शरः । बाणश्चैवास्मदीयो वै मुच्यतां ऋषिसत्तम

gaṇaḥ provāca taṁ tatra kimarthaṁ gṛhyate śaraḥ bāṇaścaivāsmadīyo vai mucyatāṁ ṛṣisattama

The gana said to him there: "Why is this arrow being taken up? It is indeed our own arrow — release it, O best of sages."

Verse 5 (shiva.shatarudra.40.5)

इत्युक्तस्तेन भिल्लस्य गणेन मुनिसत्तम । सोऽर्जुनः शङ्करं स्मृत्वा वचनं च तमब्रवीत्

ityuktastena bhillasya gaṇena munisattama so'rjunaḥ śaṅkaraṁ smṛtvā vacanaṁ ca tamabravīt

Thus addressed by that gana of the Bhilla, O foremost of sages, Arjuna, remembering Shankara, spoke this word to him.

Verse 6 (shiva.shatarudra.40.6)

अर्जुन उवाच । अज्ञात्वा किं च वदसि मूर्खोऽसि त्वं वनेचर । बाणश्च मोचितो मेऽद्य त्वदीयश्च कथं पुनः

arjuna uvāca ajñātvā kiṁ ca vadasi mūrkho'si tvaṁ vanecara bāṇaśca mocito me'dya tvadīyaśca kathaṁ punaḥ

Arjuna said: "Not knowing the truth, what is it you say? You are a fool, forest-dweller. This arrow has today been loosed by me — how then has it become yours?"

Verse 7 (shiva.shatarudra.40.7)

रेखारूपं च पिच्छानि मन्नामाङ्कित एव च । त्वदीयश्च कथं जातः स्वभावो दुस्त्यजस्तव

rekhārūpaṁ ca picchāni mannāmāṅkita eva ca tvadīyaśca kathaṁ jātaḥ svabhāvo dustyajastava

"Its striped markings, its feathers, and my own name inscribed upon it — how has this become yours? Your own nature is indeed hard to give up."

Verse 8 (shiva.shatarudra.40.8)

नन्दीश्वर उवाच । इत्येवं तद्वचः श्रुत्वा विहस्य स गणेश्वरः । अर्जुनं ऋषिरूपं तं भिल्लो वाक्यमुपाददे

nandīśvara uvāca ityevaṁ tadvacaḥ śrutvā vihasya sa gaṇeśvaraḥ arjunaṁ ṛṣirūpaṁ taṁ bhillo vākyamupādade

Nandishvara said: Hearing these words, that lord of the gana, laughing, took up this argument against the sage-like Arjuna — that Bhilla spoke thus.

Verse 9 (shiva.shatarudra.40.9)

तापस श्रूयतां रे त्वं न तपः क्रियते त्वया । वेषतश्च तपस्वी त्वं न यथार्थं छलायते

tāpasa śrūyatāṁ re tvaṁ na tapaḥ kriyate tvayā veṣataśca tapasvī tvaṁ na yathārthaṁ chalāyate

"Hear me, ascetic — no austerity at all is being performed by you; you are a tapasvin only in outward dress, and falsely so, not in truth."

Verse 10 (shiva.shatarudra.40.10)

तपस्वी च कथं मिथ्या भाषणं कुरुते नरः । नैकाकिनं च मां त्वं च जानीहि वाहिनीपतिम्

tapasvī ca kathaṁ mithyā bhāṣaṇaṁ kurute naraḥ naikākinaṁ ca māṁ tvaṁ ca jānīhi vāhinīpatim

"How could an ascetic, such a man, speak falsehood? Do not think me alone — know me to be the lord of a host."

Verse 11 (shiva.shatarudra.40.11)

बहुभिर्वनभिल्लैश्च युक्तः स्वामी स आसते । समर्थः सर्वथा कर्तुं विग्रहानुग्रहौ पुनः

bahubhirvanabhillaiśca yuktaḥ svāmī sa āsate samarthaḥ sarvathā kartuṁ vigrahānugrahau punaḥ

"My own master abides there, attended by many forest Bhillas; he is capable, in every way, of both harm and favor."

Verse 12 (shiva.shatarudra.40.12)

वर्तते तस्य बाणोऽयं यो नीतश्च त्वयाधुना । अयं बाणश्च ते पार्श्वे न स्थास्यति कदाचन

vartate tasya bāṇo'yaṁ yo nītaśca tvayādhunā ayaṁ bāṇaśca te pārśve na sthāsyati kadācana

"This arrow is his — the very one you have now taken. This arrow will never remain with you."

Verse 13 (shiva.shatarudra.40.13)

तपःफलं कथं त्वं च हातुमिच्छसि तापस । चौर्याच्छलादर्द्यमानाद् विस्मयात्सत्यभञ्जनात्

tapaḥphalaṁ kathaṁ tvaṁ ca hātumicchasi tāpasa cauryācchalādardyamānād vismayātsatyabhañjanāt

"Ascetic, how is it that you wish to forfeit the very fruit of your own austerity — through theft, through deceit, through being overcome by confusion, through the breaking of truth?"

Verse 14 (shiva.shatarudra.40.14)

तपसा क्षीयते सत्यमेतदेव मया श्रुतम् । तस्माच्च तपसस्तेऽद्य भविष्यति फलं कुतः

tapasā kṣīyate satyametadeva mayā śrutam tasmācca tapasaste'dya bhaviṣyati phalaṁ kutaḥ

"Austerity is diminished by falsehood — this very truth I have heard. From what source, then, will your austerity today bear any fruit at all?"

Verse 15 (shiva.shatarudra.40.15)

तस्मादमुक्तबाणो हि कृतघ्नस्त्वं भविष्यसि । ममैव स्वामिना बाणस्तवार्थे मोचितो ध्रुवम्

tasmādamuktabāṇo hi kṛtaghnastvaṁ bhaviṣyasi mamaiva svāminā bāṇastavārthe mocito dhruvam

"Therefore, by taking an arrow not given to you, you shall become one who is ungrateful; it was my own master who, for your very sake, surely loosed this arrow."

Verse 16 (shiva.shatarudra.40.16)

शत्रुश्च मारितस्तेन पुनर्बाणश्च रक्षितः । अत्यन्तं च कृतघ्नोऽसि तपोऽशुभकरस्तथा

śatruśca māritastena punarbāṇaśca rakṣitaḥ atyantaṁ ca kṛtaghno'si tapo'śubhakarastathā

"By him the enemy was slain, and by him too the arrow was recovered; you are utterly ungrateful, and this austerity of yours brings only misfortune."

Verse 17 (shiva.shatarudra.40.17)

सत्यं न भाषसे त्वं च किमतः सिद्धिमिच्छसि । प्रयोजनं चेद् बाणेन स्वामी च याच्यतां मम

satyaṁ na bhāṣase tvaṁ ca kimataḥ siddhimicchasi prayojanaṁ ced bāṇena svāmī ca yācyatāṁ mama

"You do not speak the truth — how then can you desire success? If you have need of an arrow, then it should be begged of my own master."

Verse 18 (shiva.shatarudra.40.18)

ईदृशांश्च बहून्बाणांस्तदा दातुं क्षमः स्वयम् । राजा च वर्तते मेऽद्य किं त्वेवं याच्यते त्वया

īdṛśāṁśca bahūnbāṇāṁstadā dātuṁ kṣamaḥ svayam rājā ca vartate me'dya kiṁ tvevaṁ yācyate tvayā

"My own king is himself capable of giving many such arrows; he stands ready for me even now — why then do you take it in this way, without so much as asking?"

Verse 19 (shiva.shatarudra.40.19)

उपकारं परित्यज्य ह्यपकारं समीहसे । नैतद्युक्तं त्वयाद्यैव क्रियते त्यज चापलम्

upakāraṁ parityajya hyapakāraṁ samīhase naitadyuktaṁ tvayādyaiva kriyate tyaja cāpalam

"Setting aside a kindness, you seek instead to do harm; this is not at all fitting of you now — give up such fickleness."

Verse 20 (shiva.shatarudra.40.20)

नन्दीश्वर उवाच । इत्येवं वचनं तस्य श्रुत्वा पार्थोऽर्जुनस्तदा । क्रोधं कृत्वा शिवं स्मृत्वा मितं वाक्यमथाब्रवीत्

nandīśvara uvāca ityevaṁ vacanaṁ tasya śrutvā pārtho'rjunastadā krodhaṁ kṛtvā śivaṁ smṛtvā mitaṁ vākyamathābravīt

Nandishvara said: Hearing these words of his, Partha, Arjuna, grew angry, and, remembering Shiva, spoke these measured words.

Verse 21 (shiva.shatarudra.40.21)

अर्जुन उवाच । शृणु भिल्ल प्रवक्ष्यामि न सत्यं तव भाषणम् । यथा जातिस्तथा त्वां च जानामि हि वनेचर

arjuna uvāca śṛṇu bhilla pravakṣyāmi na satyaṁ tava bhāṣaṇam yathā jātistathā tvāṁ ca jānāmi hi vanecara

Arjuna said: "Hear me, Bhilla — I will speak plainly: what you say is not true. I know you, forest-dweller, exactly as your own kind truly is."

Verse 22 (shiva.shatarudra.40.22)

अहं राजा भवान् चौरः कथं युद्धप्रयुक्तता । युद्धं मे सबलैः कार्यं नाधमैर्हि कदाचन

ahaṁ rājā bhavān cauraḥ kathaṁ yuddhaprayuktatā yuddhaṁ me sabalaiḥ kāryaṁ nādhamairhi kadācana

"I am a king, you a thief — how then is this a matter fit for battle? I must fight only with the strong, and never with the base."

Verse 23 (shiva.shatarudra.40.23)

तस्मात्ते च तथा स्वामी भविष्यति भवादृशः । दातारश्च वयं प्रोक्ताश्चौरा यूयं वनेचराः

tasmātte ca tathā svāmī bhaviṣyati bhavādṛśaḥ dātāraśca vayaṁ proktāścaurā yūyaṁ vanecarāḥ

"Therefore your own master must be just such a one as you; we are called givers, while you forest-dwellers are called thieves."

Verse 24 (shiva.shatarudra.40.24)

कथं याच्यो मया भिल्लराज एवं च साम्प्रतम् । त्वमेव याचसे नैव बाणं मां किं वनेचर

kathaṁ yācyo mayā bhillarāja evaṁ ca sāmpratam tvameva yācase naiva bāṇaṁ māṁ kiṁ vanecara

"Why then should I now beg in this way of your chief of Bhillas? It is you yourself who is begging, is it not — why then, forest-dweller, do you not beg the arrow of me instead?"

Verse 25 (shiva.shatarudra.40.25)

ददामि ते तथा बाणान् सन्ति मे बहवो ध्रुवम् । राजा च ग्रहणं चैव न दास्यति तथा भवेत्

dadāmi te tathā bāṇān santi me bahavo dhruvam rājā ca grahaṇaṁ caiva na dāsyati tathā bhavet

"I will indeed give you arrows — I have many of them, without doubt; but once taken, your king will surely never let it rest there."

Verse 26 (shiva.shatarudra.40.26)

किं पुनश्च तथा बाणान्प्रयच्छामि वनेचर । यदि मे या चिकीर्षा स्यात्कथं नागम्यतेऽधुना

kiṁ punaśca tathā bāṇānprayacchāmi vanecara yadi me yā cikīrṣā syātkathaṁ nāgamyate'dhunā

"Why then, forest-dweller, should I offer you arrows at all? If it were truly my own wish, why has it not already come to pass?"

Verse 27 (shiva.shatarudra.40.27)

यथागच्छत्तु ते भर्ता किमर्थं भाषतेऽधुना । आगत्य च मया सार्धं जित्वा युद्धे च मां पुनः

yathāgacchattu te bhartā kimarthaṁ bhāṣate'dhunā āgatya ca mayā sārdhaṁ jitvā yuddhe ca māṁ punaḥ

"Just as your master might come himself — why does he speak so even now? Let him come, and, having defeated me in battle once more —"

Verse 28 (shiva.shatarudra.40.28)

नीत्वा बाणमिमं भिल्लस्वामी ते वाहिनीपतिः । निजालयं सुखं यातु विलम्बः क्रियते कथम्

nītvā bāṇamimaṁ bhillasvāmī te vāhinīpatiḥ nijālayaṁ sukhaṁ yātu vilambaḥ kriyate katham

"— let that lord of the Bhillas, your own master, that commander of a host, take this arrow and go happily to his own home; why then is this delay being made?"

Verse 29 (shiva.shatarudra.40.29)

नन्दीश्वर उवाच । महेश्वरकृपाप्राप्तसद्बलस्यार्जुनस्य हि । इत्येतद्वचनं श्रुत्वा भिल्लो वाक्यमथाब्रवीत्

nandīśvara uvāca maheśvarakṛpāprāptasadbalasyārjunasya hi ityetadvacanaṁ śrutvā bhillo vākyamathābravīt

Nandishvara said: Hearing these words of Arjuna, whose true strength had been won through Maheshvara's own grace, the Bhilla then spoke as follows.

Verse 30 (shiva.shatarudra.40.30)

भिल्ल उवाच । अज्ञोऽसि त्वं ऋषिर्नासि मरणं त्वीहसे कथम् । देहि बाणं सुखं तिष्ठ त्वन्यथा क्लेशभाग्भवेः

bhilla uvāca ajño'si tvaṁ ṛṣirnāsi maraṇaṁ tvīhase katham dehi bāṇaṁ sukhaṁ tiṣṭha tvanyathā kleśabhāgbhaveḥ

The Bhilla said: "You are ignorant — you are no sage at all; why then do you court death in this way? Give up the arrow and remain at ease, or else you shall become the sharer of suffering."

Verse 31 (shiva.shatarudra.40.31)

नन्दीश्वर उवाच । इत्युक्तस्तेन भिल्लेन शिवसच्छक्तिशोभिना । गणेन पाण्डवस्तं च प्राह स्मृत्वा च शङ्करम्

nandīśvara uvāca ityuktastena bhillena śivasacchaktiśobhinā gaṇena pāṇḍavastaṁ ca prāha smṛtvā ca śaṅkaram

Nandishvara said: Thus addressed by that Bhilla-gana, resplendent with Shiva's own true power, the Pandava, calling Shankara to mind, spoke to him.

Verse 32 (shiva.shatarudra.40.32)

अर्जुन उवाच । मद्वाक्यं तत्त्वतो भिल्ल शृणु त्वं च वनेचर । आगमिष्यति ते स्वामी दर्शयिष्ये फलं तदा

arjuna uvāca madvākyaṁ tattvato bhilla śṛṇu tvaṁ ca vanecara āgamiṣyati te svāmī darśayiṣye phalaṁ tadā

Arjuna said: "Hear my words as they truly are, Bhilla, forest-dweller — your master will come, and then I shall show him what fruit this bears."

Verse 33 (shiva.shatarudra.40.33)

न शोभते त्वया युद्धं करिष्ये स्वामिना तव । उपहासकरं ज्ञेयं युद्धं सिंहशृगालयोः

na śobhate tvayā yuddhaṁ kariṣye svāminā tava upahāsakaraṁ jñeyaṁ yuddhaṁ siṁhaśṛgālayoḥ

"Battle does not befit you; I shall wage it instead with your master. Know that a contest between a lion and a jackal is fit only to be mocked."

Verse 34 (shiva.shatarudra.40.34)

श्रुतं च मद्वचस्तेऽद्य द्रक्ष्यसि त्वं महाबलम् । गच्छस्व स्वामिनं भिल्ल यथेच्छसि तथा कुरु

śrutaṁ ca madvacaste'dya drakṣyasi tvaṁ mahābalam gacchasva svāminaṁ bhilla yathecchasi tathā kuru

"You have now heard my words; you shall see my great might. Go, Bhilla, to your master — do as you please."

Verse 35 (shiva.shatarudra.40.35)

नन्दीश्वर उवाच । इत्युक्तस्तु गतस्तत्र भिल्लः पार्थेन वै मुने । शिवावतारो यत्रास्ते किरातो वाहिनीपतिः

nandīśvara uvāca ityuktastu gatastatra bhillaḥ pārthena vai mune śivāvatāro yatrāste kirāto vāhinīpatiḥ

Nandishvara said: Thus addressed, O sage, that Bhilla, sent off by Partha, went there where the avatara of Shiva, the Kirata, lord of that host, abode.

Verse 36 (shiva.shatarudra.40.36)

अथार्जुनस्य वचनं भिल्लनाथाय विस्तरात् । सर्वं निवेदयामास तस्यै भिल्लपरात्मने

athārjunasya vacanaṁ bhillanāthāya vistarāt sarvaṁ nivedayāmāsa tasyai bhillaparātmane

Then he related to the lord of the Bhillas, that Supreme Soul in Bhilla's own form, all of Arjuna's words in full detail.

Verse 37 (shiva.shatarudra.40.37)

स किरातेश्वरः श्रुत्वा तद्वचो हर्षमागतः । आजगाम स्वसैन्येन शङ्करो भिल्लरूपधृक्

sa kirāteśvaraḥ śrutvā tadvaco harṣamāgataḥ ājagāma svasainyena śaṅkaro bhillarūpadhṛk

That Lord of the Kiratas, hearing these words, was filled with delight; and Shankara, in his Bhilla form, came there together with his own army.

Verse 38 (shiva.shatarudra.40.38)

अर्जुनश्च तदा सेनां किरातस्य च पाण्डवः । दृष्ट्वा गृहीत्वा सशरं धनुः सम्मुख आययौ

arjunaśca tadā senāṁ kirātasya ca pāṇḍavaḥ dṛṣṭvā gṛhītvā saśaraṁ dhanuḥ sammukha āyayau

Then Arjuna, the Pandava, seeing the Kirata's army, took up his bow with an arrow fitted, and came forward to meet him face to face.

Verse 39 (shiva.shatarudra.40.39)

अथो किरातश्च पुनः प्रेषयामास तं चरम् । तन्मुखेन जगौ वाक्यं भारताय महात्मने

atho kirātaśca punaḥ preṣayāmāsa taṁ caram tanmukhena jagau vākyaṁ bhāratāya mahātmane

Then the Kirata sent that same spy once again, and through his mouth spoke this word to the great-souled prince of Bharata's line.

Verse 40 (shiva.shatarudra.40.40)

किरात उवाच । पश्य सैन्यं तपस्विस्त्वं मुञ्च बाणं व्रजाधुना । मरणं स्वल्पकार्यार्थं कथमिच्छसि साम्प्रतम्

kirāta uvāca paśya sainyaṁ tapasvistvaṁ muñca bāṇaṁ vrajādhunā maraṇaṁ svalpakāryārthaṁ kathamicchasi sāmpratam

The Kirata said: "Behold this army, ascetic — release the arrow now, and go your way. Why do you now court death over so small a matter?"

Verse 41 (shiva.shatarudra.40.41)

भ्रातरस्तव दुःखार्ताः कलत्रं च ततः परम् । पृथिवी हस्ततस्तेऽद्य यास्यतीति मतिर्मम

bhrātarastava duḥkhārtāḥ kalatraṁ ca tataḥ param pṛthivī hastataste'dya yāsyatīti matirmama

"Your brothers are afflicted with grief, and your wife besides; and the earth itself, I think, shall today slip from your very grasp."

Verse 42 (shiva.shatarudra.40.42)

नन्दीश्वर उवाच । इत्युक्तं परमेशेन पार्थदार्ढ्यपरीक्षया । सर्वथार्जुनरक्षार्थं धृतरूपेण शम्भुना

nandīśvara uvāca ityuktaṁ parameśena pārthadārḍhyaparīkṣayā sarvathārjunarakṣārthaṁ dhṛtarūpeṇa śambhunā

Nandishvara said: Thus spoke the Supreme Lord, testing Partha's firmness — Shambhu himself, who had taken on this very form entirely for Arjuna's protection.

Verse 43 (shiva.shatarudra.40.43)

इत्युक्तस्तु तदागत्य स गणः शाङ्करश्च तत् । विस्तराद् वृत्तमखिलमर्जुनाय न्यवेदयत्

ityuktastu tadāgatya sa gaṇaḥ śāṅkaraśca tat vistarād vṛttamakhilamarjunāya nyavedayat

Thus told, that gana of Shiva, having come there, then related the whole event to Arjuna in full detail.

Verse 44 (shiva.shatarudra.40.44)

तच्छ्रुत्वा तु पुनः प्राह प्रार्थस्तं दूतमागतम् । वाहिनीपतये वाच्यं विपरीतं भविष्यति

tacchrutvā tu punaḥ prāha prārthastaṁ dūtamāgatam vāhinīpataye vācyaṁ viparītaṁ bhaviṣyati

Hearing this, Partha then said again to that messenger who had come: "Tell your commander this — the outcome will be quite the reverse."

Verse 45 (shiva.shatarudra.40.45)

यद्यहं चैव ते बाणं यच्छामि च मदीयकम् । कुलस्य दूषणं चाहं भविष्यामि न संशयः

yadyahaṁ caiva te bāṇaṁ yacchāmi ca madīyakam kulasya dūṣaṇaṁ cāhaṁ bhaviṣyāmi na saṁśayaḥ

"If I were indeed to give up this arrow of mine, I would surely become a blemish upon my own lineage — of this there is no doubt."

Verse 46 (shiva.shatarudra.40.46)

भ्रातरश्चैव दुःखार्ताः भवन्तु च तथा ध्रुवम् । विद्याश्च निष्फला मे स्युस्तस्मादागच्छ वै ध्रुवम्

bhrātaraścaiva duḥkhārtāḥ bhavantu ca tathā dhruvam vidyāśca niṣphalā me syustasmādāgaccha vai dhruvam

"And let my brothers indeed be afflicted with grief on this account; let even my own lore become fruitless because of it — even so, come, without fail."

Verse 47 (shiva.shatarudra.40.47)

सिंहश्चैव शृगालाद्वा भीतो नैव मया श्रुतः । तथा वनेचराद्राजा न बिभेति कदाचन

siṁhaścaiva śṛgālādvā bhīto naiva mayā śrutaḥ tathā vanecarādrājā na bibheti kadācana

"I have never heard of a lion being afraid of a jackal; likewise, a king is never afraid of a forest-dweller."

Verse 48 (shiva.shatarudra.40.48)

नन्दीश्वर उवाच । इत्युक्तस्तं पुनर्गत्वा स्वामिनं पाण्डवेन सः । सर्वं निवेदयामास तदुक्तं हि विशेषतः

nandīśvara uvāca ityuktastaṁ punargatvā svāminaṁ pāṇḍavena saḥ sarvaṁ nivedayāmāsa taduktaṁ hi viśeṣataḥ

Nandishvara said: Thus told, he went once more to his own master and reported everything the Pandava had said, in particular detail.

Verse 49 (shiva.shatarudra.40.49)

अथ सोऽपि किराताह्वो महादेवः ससैन्यकः । तच्छ्रुत्वा सैन्यसंयुक्तो ह्यर्जुनं चागमत्तदा

atha so'pi kirātāhvo mahādevaḥ sasainyakaḥ tacchrutvā sainyasaṁyukto hyarjunaṁ cāgamattadā

Then that Mahadeva too, called by the name Kirata, together with his army, hearing this, advanced with his host toward Arjuna.