The Greatness of Trimbakeshvara

Verse 1 (shiva.kotirudra.26.1)

सूत उवाच । एवं कृते तु ऋषिणा सस्त्रीकेन द्विजाः शिवः । आविर्बभूव सशिवः प्रसन्नः सगणस्तदा ॥ 26.1 ॥

sūta uvāca evaṁ kṛte tu ṛṣiṇā sastrīkena dvijāḥ śivaḥ āvirbabhūva saśivaḥ prasannaḥ sagaṇastadā

Suta said: When the sage, together with his wife, had thus done all this, O brahmins, Shiva then appeared there, pleased, together with Shivā [Pārvatī] and his attendant hosts.

Verse 2 (shiva.kotirudra.26.2)

अथ प्रसन्नः सशिवो वरं ब्रूहि महामुने । प्रसन्नोऽहं सुभक्त्या त इत्युवाच कृपानिधिः ॥ 26.2 ॥

atha prasannaḥ saśivo varaṁ brūhi mahāmune prasanno’haṁ subhaktyā ta ityuvāca kṛpānidhiḥ

Then, pleased, together with Shivā, he said: "Ask a boon, O great sage; I am pleased by your true devotion" — thus spoke that ocean of compassion.

Verse 3 (shiva.kotirudra.26.3)

तदा तत्सुन्दरं रूपं दृष्ट्वा शम्भोर्महात्मनः । प्रणम्य शङ्करं भक्त्या स्तुतिं चक्रे मुदान्वितः ॥ 26.3 ॥

tadā tatsundaraṁ rūpaṁ dṛṣṭvā śambhormahātmanaḥ praṇamya śaṅkaraṁ bhaktyā stutiṁ cakre mudānvitaḥ

Then, seeing that beautiful form of the great-souled Shambhu, he bowed to Shankara with devotion, and, filled with joy, offered praise.

Verse 4 (shiva.kotirudra.26.4)

स्तुत्वा बहु प्रणम्येशं बद्धाञ्जलिपुटः स्थितः । निष्पापं कुरु मां देवाब्रवीदिति स गौतमः ॥ 26.4 ॥

stutvā bahu praṇamyeśaṁ baddhāñjalipuṭaḥ sthitaḥ niṣpāpaṁ kuru māṁ devābravīditi sa gautamaḥ

Having praised him much and bowed to the Lord, standing with joined palms, that Gautama said: "O god, make me free of sin."

Verse 5 (shiva.kotirudra.26.5)

सूत उवाच । इत्याकर्ण्य वचस्तस्य गौतमस्य महात्मनः । सुप्रसन्नतरो भूत्वा शिवो वाक्यमुपाददे ॥ 26.5 ॥

sūta uvāca ityākarṇya vacastasya gautamasya mahātmanaḥ suprasannataro bhūtvā śivo vākyamupādade

Suta said: Hearing these words of the great-souled Gautama, Shiva, becoming exceedingly pleased, took up speech.

Verse 6 (shiva.kotirudra.26.6)

शिव उवाच । धन्योऽसि कृतकृत्योऽसि निष्पापोऽसि सदा मुने । एतैर्दुष्टैः किल त्वं च छलितोऽसि खलात्मभिः ॥ 26.6 ॥

śiva uvāca dhanyo’si kṛtakṛtyo’si niṣpāpo’si sadā mune etairduṣṭaiḥ kila tvaṁ ca chalito’si khalātmabhiḥ

Shiva said: "Blessed are you, your purpose is fulfilled, you are ever sinless, O sage; indeed you have been deceived by these wicked, evil-natured ones."

Verse 7 (shiva.kotirudra.26.7)

त्वदीयदर्शनाल्लोका निष्पापाश्च भवन्ति हि । किं पुनस्त्वं सपापोऽसि मद्भक्तिनिरतः सदा ॥ 26.7 ॥

tvadīyadarśanāllokā niṣpāpāśca bhavanti hi kiṁ punastvaṁ sapāpo’si madbhaktinirataḥ sadā

By the mere sight of you, people become free of sin; how much more, then, could you — ever devoted to me — be sinful?

Verse 8 (shiva.kotirudra.26.8)

उपद्रवस्त्वयि मुने यैः कृतस्तु दुरात्मभिः । ते पापाश्च दुराचारा हत्यावन्तस्त एव हि ॥ 26.8 ॥

upadravastvayi mune yaiḥ kṛtastu durātmabhiḥ te pāpāśca durācārā hatyāvantasta eva hi

Those evil-souled ones, O sage, who caused this outrage against you — they indeed are the sinners, the ill-conducted; they alone truly bear the guilt of the killing.

Verse 9 (shiva.kotirudra.26.9)

एतेषां दर्शनादन्ये पापिष्ठाः सम्भवन्तु च । कृतघ्नाश्च तथा जाता नैतेषां निष्कृतिः क्वचित् ॥ 26.9 ॥

eteṣāṁ darśanādanye pāpiṣṭhāḥ sambhavantu ca kṛtaghnāśca tathā jātā naiteṣāṁ niṣkṛtiḥ kvacit

By the mere sight of these men, others too may become most sinful; for they have become ingrates, and for them there is no expiation anywhere.

Verse 10 (shiva.kotirudra.26.10)

सूत उवाच । इत्युक्त्वा शङ्करस्तस्मै तेषां दुश्चरितं तदा । बहूवाच प्रभुर्विप्राः सत्कदोऽसत्सु दण्डदः ॥ 26.10 ॥

sūta uvāca ityuktvā śaṅkarastasmai teṣāṁ duścaritaṁ tadā bahūvāca prabhurviprāḥ satkado’satsu daṇḍadaḥ

Suta said: Having said this, Shankara then told him much more of their evil conduct, O brahmins — that Lord who honours the good and punishes the wicked.

Verse 11 (shiva.kotirudra.26.11)

शर्वोक्तमिति स श्रुत्वा सुविस्मितमना ऋषिः । सुप्रणम्य शिवं भक्त्या साञ्जलिः पुनरब्रवीत् ॥ 26.11 ॥

śarvoktamiti sa śrutvā suvismitamanā ṛṣiḥ supraṇamya śivaṁ bhaktyā sāñjaliḥ punarabravīt

Hearing what Sharva [Shiva] had thus said, that sage, his mind greatly astonished, bowed to Shiva with devotion, and, with joined palms, spoke again.

Verse 12 (shiva.kotirudra.26.12)

गौतम उवाच । ऋषिभिस्तैर्महेशान ह्युपकारः कृतो महान् । यद्येवं न कृतं तैस्तु दर्शनं ते कुतो भवेत् ॥ 26.12 ॥

gautama uvāca ṛṣibhistairmaheśāna hyupakāraḥ kṛto mahān yadyevaṁ na kṛtaṁ taistu darśanaṁ te kuto bhavet

Gautama said: "O Great Lord, a great favour indeed has been done to me by those sages; had they not acted so, how would I have gained this sight of you?"

Verse 13 (shiva.kotirudra.26.13)

धन्यास्ते ऋषयो यैस्तु मह्यं शुभतरं कृतम् । तद्दुराचरणादेव मम स्वार्थो महानभूत् ॥ 26.13 ॥

dhanyāste ṛṣayo yaistu mahyaṁ śubhataraṁ kṛtam taddurācaraṇādeva mama svārtho mahānabhūt

Blessed are those sages who have done me this greater good; from their very ill conduct my own great gain has come.

Verse 14 (shiva.kotirudra.26.14)

सूत उवाच । इत्येवं तद्वचः श्रुत्वा सुप्रसन्नो महेश्वरः । गौतमं प्रत्युवाचाशु कृपादृष्ट्या विलोक्य च ॥ 26.14 ॥

sūta uvāca ityevaṁ tadvacaḥ śrutvā suprasanno maheśvaraḥ gautamaṁ pratyuvācāśu kṛpādṛṣṭyā vilokya ca

Suta said: Hearing these words, Maheshvara, greatly pleased, looking upon Gautama with a glance of compassion, quickly replied to him.

Verse 15 (shiva.kotirudra.26.15)

शिव उवाच । ऋषिर्धन्योऽसि विप्रेन्द्र ऋषिश्रेष्ठतरोऽसि वै । ज्ञात्वा मां सुप्रसन्नं हि वृणु त्वं वरमुत्तमम् ॥ 26.15 ॥

śiva uvāca ṛṣirdhanyo’si viprendra ṛṣiśreṣṭhataro’si vai jñātvā māṁ suprasannaṁ hi vṛṇu tvaṁ varamuttamam

Shiva said: "O sage, blessed are you, O chief of brahmins; you are indeed the very best of sages. Knowing me to be well pleased, choose the highest boon."

Verse 16 (shiva.kotirudra.26.16)

सूत उवाच । गौतमोऽपि विचार्यैवं लोके विश्रुतमित्युत । अन्यथा न भवेदेव तस्मादुक्तं समाचरेत् ॥ 26.16 ॥

sūta uvāca gautamo’pi vicāryaivaṁ loke viśrutamityuta anyathā na bhavedeva tasmāduktaṁ samācaret

Suta said: Gautama too, reflecting thus — "Let this become renowned in the world, and let it not turn out otherwise" — resolved to act upon what he would ask.

Verse 17 (shiva.kotirudra.26.17)

निश्चित्यैवं मुनिश्रेष्ठो गौतमः शिवभक्तिमान् । साञ्जलिर्नतशीर्षो हि शङ्करं वाक्यमब्रवीत् ॥ 26.17 ॥

niścityaivaṁ muniśreṣṭho gautamaḥ śivabhaktimān sāñjalirnataśīrṣo hi śaṅkaraṁ vākyamabravīt

Having thus resolved, that foremost of sages, Gautama, devoted to Shiva, with joined palms and bowed head, spoke this word to Shankara.

Verse 18 (shiva.kotirudra.26.18)

गौतम उवाच । सत्यं नाथ ब्रवीषि त्वं तथापि पञ्चभिः कृतम् । नान्यथा भवतीत्यत्र यज्जातं जायतां तु तत् ॥ 26.18 ॥

gautama uvāca satyaṁ nātha bravīṣi tvaṁ tathāpi pañcabhiḥ kṛtam nānyathā bhavatītyatra yajjātaṁ jāyatāṁ tu tat

Gautama said: "True, O Lord, is what you say; and yet what has thus been ordained cannot come to be otherwise — let what has happened stand as it is."

Verse 19 (shiva.kotirudra.26.19)

यदि प्रसन्नो देवेश गङ्गा च दीयतां मम । कुरु लोकोपकारं हि नमस्तेऽस्तु नमोऽस्तु ते ॥ 26.19 ॥

yadi prasanno deveśa gaṅgā ca dīyatāṁ mama kuru lokopakāraṁ hi namaste’stu namo’stu te

"If you are pleased, O Lord of gods, then let the Ganges be given to me; do this favour for the world's sake. Salutations to you, salutations to you!"

Verse 20 (shiva.kotirudra.26.20)

सूत उवाच । इत्युक्त्वा वचनं तस्य धृत्वा वै पादपङ्कजम् । नमश्चकार देवेशं गौतमो लोककाम्यया ॥ 26.20 ॥

sūta uvāca ityuktvā vacanaṁ tasya dhṛtvā vai pādapaṅkajam namaścakāra deveśaṁ gautamo lokakāmyayā

Suta said: Having spoken these words, and holding fast the Lord's lotus feet, Gautama, for the world's welfare, bowed to the Lord of gods.

Verse 21 (shiva.kotirudra.26.21)

ततस्तु शङ्करो देवः पृथिव्याश्च दिवश्च सः । सारं चैव समुद्धृत्य रक्षितं पूर्वमेव तत् ॥ 26.21 ॥

tatastu śaṅkaro devaḥ pṛthivyāśca divaśca saḥ sāraṁ caiva samuddhṛtya rakṣitaṁ pūrvameva tat

Then the god Shankara, having drawn forth the very essence of the earth and of heaven — that which he had already kept in reserve before —

Verse 22 (shiva.kotirudra.26.22)

विवाहे ब्रह्मणा दत्तमवशिष्टं च किञ्चन । तत्तस्मै दत्तवान् शम्भुर्मुनये भक्तवत्सलः ॥ 26.22 ॥

vivāhe brahmaṇā dattamavaśiṣṭaṁ ca kiñcana tattasmai dattavān śambhurmunaye bhaktavatsalaḥ

that remainder which had been given by Brahma at his wedding — that Shambhu, ever affectionate to his devotees, gave to the sage.

Verse 23 (shiva.kotirudra.26.23)

गङ्गाजलं तदा तत्र स्त्रीरूपमभवत्परम् । तस्याश्चैव ऋषिश्रेष्ठः स्तुतिं कृत्वा नतिं व्यधात् ॥ 26.23 ॥

gaṅgājalaṁ tadā tatra strīrūpamabhavatparam tasyāścaiva ṛṣiśreṣṭhaḥ stutiṁ kṛtvā natiṁ vyadhāt

Then that Ganges-water there took on a supreme feminine form; and that foremost of sages, having praised her, made obeisance.

Verse 24 (shiva.kotirudra.26.24)

गौतम उवाच । धन्यासि कृतकृत्यासि पावितं भुवनं त्वया । मां च पावय गङ्गे त्वं पतन्तं निरये ध्रुवम् ॥ 26.24 ॥

gautama uvāca dhanyāsi kṛtakṛtyāsi pāvitaṁ bhuvanaṁ tvayā māṁ ca pāvaya gaṅge tvaṁ patantaṁ niraye dhruvam

Gautama said: "Blessed are you, your purpose is fulfilled; by you the world has been purified. O Ganges, purify me too, who am surely falling into hell."

Verse 25 (shiva.kotirudra.26.25)

सूत उवाच । शम्भुश्चापि तदोवाच सर्वेषां हितकृच्छृणु । गङ्गे गौतममेनं त्वं पावयस्व मदाज्ञया ॥ 26.25 ॥

sūta uvāca śambhuścāpi tadovāca sarveṣāṁ hitakṛcchṛṇu gaṅge gautamamenaṁ tvaṁ pāvayasva madājñayā

Suta said: Shambhu too then spoke, he who works the good of all: "Listen, O Ganges — purify this Gautama, by my command."

Verse 26 (shiva.kotirudra.26.26)

इति श्रुत्वा वचस्तस्य शम्भोश्च गौतमस्य च । उवाचैव शिवं गङ्गा शिवशक्तिर्हि पावनी ॥ 26.26 ॥

iti śrutvā vacastasya śambhośca gautamasya ca uvācaiva śivaṁ gaṅgā śivaśaktirhi pāvanī

Hearing these words of both Shambhu and Gautama, Ganga — who is indeed the purifying power of Shiva — spoke to Shiva.

Verse 27 (shiva.kotirudra.26.27)

गङ्गोवाच । ऋषिं तु पावयित्वाहं परिवारयुतं प्रभो । गमिष्यामि निजस्थानं वचः सत्यं ब्रवीमि ह ॥ 26.27 ॥

gaṅgovāca ṛṣiṁ tu pāvayitvāhaṁ parivārayutaṁ prabho gamiṣyāmi nijasthānaṁ vacaḥ satyaṁ bravīmi ha

Ganga said: "Having purified this sage together with his family, O Lord, I shall go to my own place; this word of mine is true, I tell you."

Verse 28 (shiva.kotirudra.26.28)

सूत उवाच । इत्युक्तं गङ्गया तत्र महेशो भक्तवत्सलः । लोकोपकरणार्थाय पुनर्गङ्गां वचोऽब्रवीत् ॥ 26.28 ॥

sūta uvāca ityuktaṁ gaṅgayā tatra maheśo bhaktavatsalaḥ lokopakaraṇārthāya punargaṅgāṁ vaco’bravīt

Suta said: When Ganga had spoken thus, Mahesha, ever affectionate to his devotees, for the sake of the world's benefit, spoke again to Ganga.

Verse 29 (shiva.kotirudra.26.29)

शिव उवाच । त्वया स्थातव्यमत्रैवाव्रजेद्यावत्कलिर्युगः । वैवस्वतो मनुर्देवि ह्यष्टाविंशत्तमो भवेत् ॥ 26.29 ॥

śiva uvāca tvayā sthātavyamatraivāvrajedyāvatkaliryugaḥ vaivasvato manurdevi hyaṣṭāviṁśattamo bhavet

Shiva said: "You must remain here until the Kali Yuga comes, O goddess, until the twenty-eighth age of Manu Vaivasvata shall be."

Verse 30 (shiva.kotirudra.26.30)

सूत उवाच । इति श्रुत्वा वचस्तस्य स्वामिनः शङ्करस्य तत् । प्रत्युवाच पुनर्गङ्गा पावनी सा सरिद्वरा ॥ 26.30 ॥

sūta uvāca iti śrutvā vacastasya svāminaḥ śaṅkarasya tat pratyuvāca punargaṅgā pāvanī sā saridvarā

Suta said: Hearing these words of her Lord Shankara, Ganga, that purifying foremost of rivers, replied again.

Verse 31 (shiva.kotirudra.26.31)

गङ्गोवाच । माहात्म्यमधिकं चेत्स्यान्मम स्वामिन्महेश्वर । सर्वेभ्यश्च तदा स्थास्ये धरायां त्रिपुरान्तक ॥ 26.31 ॥

gaṅgovāca māhātmyamadhikaṁ cetsyānmama svāminmaheśvara sarvebhyaśca tadā sthāsye dharāyāṁ tripurāntaka

Ganga said: "If greater glory should come to me by it, O my lord Maheshvara, then, O destroyer of Tripura, I shall remain on this earth for the sake of all."

Verse 32 (shiva.kotirudra.26.32)

किञ्चान्यच्च शृणु स्वामिन्वपुषा सुन्दरेण ह । तिष्ठ त्वं मत्समीपे वै सगणः साम्बिकः प्रभो ॥ 26.32 ॥

kiñcānyacca śṛṇu svāminvapuṣā sundareṇa ha tiṣṭha tvaṁ matsamīpe vai sagaṇaḥ sāmbikaḥ prabho

"And hear one thing more, O Lord: with your beautiful form, remain here close by me, together with your hosts and with Ambika, O Lord."

Verse 33 (shiva.kotirudra.26.33)

सूत उवाच । एवं तस्या वचः श्रुत्वा शङ्करो भक्तवत्सलः । लोकोपकरणार्थाय पुनर्गङ्गां वचोऽब्रवीत् ॥ 26.33 ॥

sūta uvāca evaṁ tasyā vacaḥ śrutvā śaṅkaro bhaktavatsalaḥ lokopakaraṇārthāya punargaṅgāṁ vaco’bravīt

Suta said: Hearing these words of hers, Shankara, ever affectionate to his devotees, for the world's benefit, spoke again to Ganga.

Verse 34 (shiva.kotirudra.26.34)

शिव उवाच । धन्यासि श्रूयतां गङ्गे ह्यहं भिन्नस्त्वया न हि । तथापि स्थीयते ह्यत्र स्थीयतां च त्वयापि हि ॥ 26.34 ॥

śiva uvāca dhanyāsi śrūyatāṁ gaṅge hyahaṁ bhinnastvayā na hi tathāpi sthīyate hyatra sthīyatāṁ ca tvayāpi hi

Shiva said: "Blessed are you, listen, O Ganges — I am indeed not different from you; nonetheless, since it is settled that I remain here, let you remain here too."

Verse 35 (shiva.kotirudra.26.35)

सूत उवाच । इत्येवं वचनं श्रुत्वा स्वामिनः परमेशितुः । प्रसन्नमानसा भूत्वा गङ्गा च प्रत्यपूजयत् ॥ 26.35 ॥

sūta uvāca ityevaṁ vacanaṁ śrutvā svāminaḥ parameśituḥ prasannamānasā bhūtvā gaṅgā ca pratyapūjayat

Suta said: Hearing these words of her lord, the Supreme Ruler, Ganga, her mind filled with joy, worshipped him in turn.

Verse 36 (shiva.kotirudra.26.36)

एतस्मिन्नन्तरे देवा ऋषयश्च पुरातनाः । सुतीर्थान्यप्यनेकानि क्षेत्राणि विविधानि च ॥ 26.36 ॥

etasminnantare devā ṛṣayaśca purātanāḥ sutīrthānyapyanekāni kṣetrāṇi vividhāni ca

Meanwhile the gods, the ancient sages, and many sacred fords, along with various holy sites,

Verse 37 (shiva.kotirudra.26.37)

आगत्य गौतमं सर्वे गङ्गां च गिरिशं तथा । जय जयेति भाषन्तः पूजयामासुरादरात् ॥ 26.37 ॥

āgatya gautamaṁ sarve gaṅgāṁ ca giriśaṁ tathā jaya jayeti bhāṣantaḥ pūjayāmāsurādarāt

having come, all of them worshipped Gautama, Ganga, and Girisha [Shiva], reverently, crying, "Victory! Victory!"

Verse 38 (shiva.kotirudra.26.38)

ततस्ते निर्जराः सर्वे तेषां चक्रुः स्तुतिं मुदा । करान् बध्वा नतस्कन्धा हरिब्रह्मादयस्तदा ॥ 26.38 ॥

tataste nirjarāḥ sarve teṣāṁ cakruḥ stutiṁ mudā karān badhvā nataskandhā haribrahmādayastadā

Then all those gods, joyfully, offered them praise, with hands joined and heads bowed — Hari, Brahma, and the rest.

Verse 39 (shiva.kotirudra.26.39)

गङ्गा प्रसन्ना तेभ्यश्च गिरिशश्चोचतुस्तदा । वरं ब्रूत सुरश्रेष्ठा दद्वो वः प्रियकाम्यया ॥ 26.39 ॥

gaṅgā prasannā tebhyaśca giriśaścocatustadā varaṁ brūta suraśreṣṭhā dadvo vaḥ priyakāmyayā

Then Ganga, pleased, and Girisha both said to them: "Ask a boon, O best of gods; we shall grant it, out of a wish to please you."

Verse 40 (shiva.kotirudra.26.40)

देवा ऊचुः । यदि प्रसन्नो देवेश प्रसन्ना त्वं सरिद्वरे । स्थातव्यमत्र कृपया नः प्रियार्थं तथा नृणाम् ॥ 26.40 ॥

devā ūcuḥ yadi prasanno deveśa prasannā tvaṁ saridvare sthātavyamatra kṛpayā naḥ priyārthaṁ tathā nṛṇām

The gods said: "If you, O Lord of gods, and you, O foremost of rivers, are pleased, then out of compassion remain here, for our sake and for the sake of mankind."

Verse 41 (shiva.kotirudra.26.41)

गङ्गोवाच । यूयं सर्वप्रियार्थं च तिष्ठथात्र न किं पुनः । गौतमं क्षालयित्वाहं गमिष्यामि यथागतम् ॥ 26.41 ॥

gaṅgovāca yūyaṁ sarvapriyārthaṁ ca tiṣṭhathātra na kiṁ punaḥ gautamaṁ kṣālayitvāhaṁ gamiṣyāmi yathāgatam

Ganga said: "For the good of all, will you yourselves not also remain here? Having cleansed Gautama, I had meant to go back the way I came."

Verse 42 (shiva.kotirudra.26.42)

भवत्सु मे विशेषोऽत्र ज्ञेयश्चैव कथं सुराः । तत्प्रमाणं कृतं चेत्स्यात्तदा तिष्ठाम्यसंशयम् ॥ 26.42 ॥

bhavatsu me viśeṣo’tra jñeyaścaiva kathaṁ surāḥ tatpramāṇaṁ kṛtaṁ cetsyāttadā tiṣṭhāmyasaṁśayam

"How, O gods, is any special reason for me to stay for your sake to be known here? If some clear proof of it were established, then I would remain, without doubt."

Verse 43 (shiva.kotirudra.26.43)

सर्वे ऊचुः । सिंहराशौ यदा स्याद्वै गुरुः सर्वसुहृत्तमः । तदा वयं च सर्वे त्वागमिष्यामो न संशयः ॥ 26.43 ॥

sarve ūcuḥ siṁharāśau yadā syādvai guruḥ sarvasuhṛttamaḥ tadā vayaṁ ca sarve tvāgamiṣyāmo na saṁśayaḥ

All said: "When Jupiter, the friend of all, shall stand in the sign of Leo, then all of us shall come here, without doubt."

Verse 44 (shiva.kotirudra.26.44)

एकादश च वर्षाणि लोकानां पातकं त्विह । क्षालितं यद्भवेदेवं मलिनाः स्मः सरिद्वरे ॥ 26.44 ॥

ekādaśa ca varṣāṇi lokānāṁ pātakaṁ tviha kṣālitaṁ yadbhavedevaṁ malināḥ smaḥ saridvare

"Over eleven years the sin of the worlds gathers upon us; by it, O foremost of rivers, we become defiled."

Verse 45 (shiva.kotirudra.26.45)

तस्यैव क्षालनाय त्वायास्यामः सर्वथा प्रिये । त्वत्सकाशं महादेवि प्रोच्यते सत्यमादरात् ॥ 26.45 ॥

tasyaiva kṣālanāya tvāyāsyāmaḥ sarvathā priye tvatsakāśaṁ mahādevi procyate satyamādarāt

"For the washing away of that very sin, O beloved, we shall surely come to your presence, O great goddess; this we say in truth, with reverence."

Verse 46 (shiva.kotirudra.26.46)

अनुग्रहाय लोकानामस्माकं प्रियकाम्यया । स्थातव्यं शङ्करेणापि त्वया चैव सरिद्वरे ॥ 26.46 ॥

anugrahāya lokānāmasmākaṁ priyakāmyayā sthātavyaṁ śaṅkareṇāpi tvayā caiva saridvare

"For the grace of the worlds, and to please us, both Shankara and you, O foremost of rivers, must remain here."

Verse 47 (shiva.kotirudra.26.47)

यावत्सिंहे गुरुश्चैव स्थास्यामस्तावदेव हि । त्वयि स्नानं त्रिकालं च शङ्करस्य च दर्शनम् ॥ 26.47 ॥

yāvatsiṁhe guruścaiva sthāsyāmastāvadeva hi tvayi snānaṁ trikālaṁ ca śaṅkarasya ca darśanam

"For as long as Jupiter remains in Leo, so long shall we stay, bathing in you three times a day and beholding Shankara."

Verse 48 (shiva.kotirudra.26.48)

कृत्वा स्वपापं निखिलं विमोक्ष्यामो न संशयः । स्वदेशांश्च गमिष्यामो भवच्छासनतो वयम् ॥ 26.48 ॥

kṛtvā svapāpaṁ nikhilaṁ vimokṣyāmo na saṁśayaḥ svadeśāṁśca gamiṣyāmo bhavacchāsanato vayam

"Having done so, we shall without doubt be freed of all our sin, and shall return to our own lands, by your command."

Verse 49 (shiva.kotirudra.26.49)

सूत उवाच । इत्येवं प्रार्थितस्तैस्तु गौतमेन महर्षिणा । स्थितोऽसौ शङ्करः प्रीत्या स्थिता सा च सरिद्वरा ॥ 26.49 ॥

sūta uvāca ityevaṁ prārthitastaistu gautamena maharṣiṇā sthito’sau śaṅkaraḥ prītyā sthitā sā ca saridvarā

Suta said: Thus entreated by them and by the great sage Gautama, Shankara remained there with love, and that foremost of rivers remained too.

Verse 50 (shiva.kotirudra.26.50)

सा गङ्गा गौतमी नाम्ना लिङ्गं त्र्यम्बकमीरितम् । ख्याताख्यातं बभूवाथ महापातकनाशनम् ॥ 26.50 ॥

sā gaṅgā gautamī nāmnā liṅgaṁ tryambakamīritam khyātākhyātaṁ babhūvātha mahāpātakanāśanam

That Ganges became known by the name Gautami; and the linga was proclaimed as Trimbaka, becoming famed and the destroyer of the greatest sins.

Verse 51 (shiva.kotirudra.26.51)

तद्दिनं हि समारभ्य सिंहस्थे च बृहस्पतौ । आयान्ति सर्वतीर्थानि क्षेत्राणि दैवतानि च ॥ 26.51 ॥

taddinaṁ hi samārabhya siṁhasthe ca bṛhaspatau āyānti sarvatīrthāni kṣetrāṇi daivatāni ca

From that day forward, whenever Jupiter stands in Leo, all the sacred fords, holy sites, and deities come there.

Verse 52 (shiva.kotirudra.26.52)

सरांसि पुष्करादीनि गङ्गाद्याः सरितस्तथा । वासुदेवादयो देवाः सन्ति वै गौतमीतटे ॥ 26.52 ॥

sarāṁsi puṣkarādīni gaṅgādyāḥ saritastathā vāsudevādayo devāḥ santi vai gautamītaṭe

The lakes beginning with Pushkara, the rivers beginning with the Ganges, and the gods beginning with Vasudeva — all are present on the bank of the Gautami.

Verse 53 (shiva.kotirudra.26.53)

यावत्तत्र स्थितानीह तावत्तेषां फलं न हि । स्वप्रदेशे समायातास्तर्ह्येतेषां फलं भवेत् ॥ 26.53 ॥

yāvattatra sthitānīha tāvatteṣāṁ phalaṁ na hi svapradeśe samāyātāstarhyeteṣāṁ phalaṁ bhavet

As long as they remain there, they gain no benefit of their own; only when they return to their own places does their merit again take effect.

Verse 54 (shiva.kotirudra.26.54)

ज्योतिर्लिङ्गमिदं प्रोक्तं त्र्यम्बकं नाम विश्रुतम् । स्थितं तटे हि गौतम्या महापातकनाशनम् ॥ 26.54 ॥

jyotirliṅgamidaṁ proktaṁ tryambakaṁ nāma viśrutam sthitaṁ taṭe hi gautamyā mahāpātakanāśanam

This Jyotirlinga, renowned by the name Trimbaka, standing on the bank of the Gautami, is declared to be the destroyer of the greatest sins.

Verse 55 (shiva.kotirudra.26.55)

यः पश्येद्भक्तितो ज्योतिर्लिङ्गं त्र्यम्बकनामकम् । पूजयेत्प्रणमेत्स्तुत्वा सर्वपापैः प्रमुच्यते ॥ 26.55 ॥

yaḥ paśyedbhaktito jyotirliṅgaṁ tryambakanāmakam pūjayetpraṇametstutvā sarvapāpaiḥ pramucyate

Whoever beholds with devotion the Jyotirlinga named Trimbaka, worships it, bows to it, and praises it, is freed from all sins.

Verse 56 (shiva.kotirudra.26.56)

ज्योतिर्लिङ्गं त्र्यम्बकं हि पूजितं गौतमेन ह । सर्वकामप्रदं चात्र परत्र परमुक्तिदम् ॥ 26.56 ॥

jyotirliṅgaṁ tryambakaṁ hi pūjitaṁ gautamena ha sarvakāmapradaṁ cātra paratra paramuktidam

This Trimbaka Jyotirlinga, worshipped by Gautama, grants all desires here and, in the world beyond, bestows the highest liberation.

Verse 57 (shiva.kotirudra.26.57)

इति वश्च समाख्यातं यत्पृष्टोऽहं मुनीश्वराः । किमन्यदिच्छथ श्रोतुं तद् ब्रूयां वो न संशयः ॥ 26.57 ॥

iti vaśca samākhyātaṁ yatpṛṣṭo’haṁ munīśvarāḥ kimanyadicchatha śrotuṁ tad brūyāṁ vo na saṁśayaḥ

Thus have I told you, O lords of sages, what I was asked; what else do you wish to hear? That I shall tell you, without doubt.