Krishna and Upamanyu: Upamanyu's Own Path

Verse 1 (shiva.uma.1.1)

यो धत्ते भुवनानि सत्त्वगुणवान्स्रष्टा रजःसंश्रयः संहर्त्ता तमसान्वितो गुणवतीं मायामतीत्य स्थितः । सत्यानन्दमनन्तबोधममलं ब्रह्मादिसंज्ञास्पदं नित्यं सत्त्वसमन्वयादधिगतं पूर्णं शिवं धीमहि

yo dhatte bhuvanāni sattvaguṇavānsraṣṭā rajaḥsaṁśrayaḥ saṁharttā tamasānvito guṇavatīṁ māyāmatītya sthitaḥ satyānandamanantabodhamamalaṁ brahmādisaṁjñāspadaṁ nityaṁ sattvasamanvayādadhigataṁ pūrṇaṁ śivaṁ dhīmahi

Who, as sattva-natured Creator, upholds the worlds, resting upon rajas; who, imbued with tamas, is the Destroyer; and who yet stands beyond the qualified Maya of the three gunas — that stainless one who is Truth, Bliss, and Infinite Consciousness, the very ground of names such as 'Brahman', eternal, attained through communion with pure being — on that perfect Shiva do we meditate.

Verse 2 (shiva.uma.1.2)

ऋषय ऊचुः । सूत सूत महाप्राज्ञ व्यासशिष्य नमोऽस्तु ते । चतुर्थी कोटिरुद्राख्या श्राविता संहिता त्वया

ṛṣaya ūcuḥ sūta sūta mahāprājña vyāsaśiṣya namo'stu te caturthī koṭirudrākhyā śrāvitā saṁhitā tvayā

The sages said: O Suta, Suta, greatly wise one, disciple of Vyasa, salutations to you! You have recited to us the fourth Samhita, known as Koti-Rudra.

Verse 3 (shiva.uma.1.3)

अथोमासंहितान्तःस्थनानाख्यानसमन्वितम् । ब्रूहि शम्भोश्चरित्रं वै साम्बस्य परमात्मनः

athomāsaṁhitāntaḥsthanānākhyānasamanvitam brūhi śambhoścaritraṁ vai sāmbasya paramātmanaḥ

Now tell us the story of Shambhu — the Supreme Self united with Amba, Uma — replete with the many narratives contained within the Uma Samhita.

Verse 4 (shiva.uma.1.4)

सूत उवाच । महर्षयः शौनकाद्याः शृणुत प्रेमतः शुभम् । शाङ्करं चरितं दिव्यं भुक्तिमुक्तिप्रदं परम्

sūta uvāca maharṣayaḥ śaunakādyāḥ śṛṇuta premataḥ śubham śāṅkaraṁ caritaṁ divyaṁ bhuktimuktipradaṁ param

Suta said: O great sages headed by Shaunaka, listen with love to this auspicious and divine story of Shankara, supreme, bestowing both worldly enjoyment and liberation.

Verse 5 (shiva.uma.1.5)

इतीदृशं पुण्यप्रश्नं पृष्टवान् मुनिसत्तमः । व्यासः सनत्कुमारं वै शैवं सच्चरितं जगौ

itīdṛśaṁ puṇyapraśnaṁ pṛṣṭavān munisattamaḥ vyāsaḥ sanatkumāraṁ vai śaivaṁ saccaritaṁ jagau

Thus the foremost of sages, Vyasa, having posed this most meritorious question, sought from Sanatkumara the true and sacred story relating to Shiva.

Verse 6 (shiva.uma.1.6)

सनत्कुमार उवाच । वासुदेवाय यत्प्रोक्तमुपमन्युमहर्षिणा । तदुच्यते मया व्यास चरितं हि महेशितुः

sanatkumāra uvāca vāsudevāya yatproktamupamanyumaharṣiṇā taducyate mayā vyāsa caritaṁ hi maheśituḥ

Sanatkumara said: O Vyasa, I now relate to you that very story of the great Lord which was told to Vasudeva by the great sage Upamanyu.

Verse 7 (shiva.uma.1.7)

पुरा पुत्रार्थमगमत्कैलासं शङ्करालयम् । वसुदेवसुतः कृष्णस्तपस्तप्तुं शिवस्य हि

purā putrārthamagamatkailāsaṁ śaṅkarālayam vasudevasutaḥ kṛṣṇastapastaptuṁ śivasya hi

Long ago, for the sake of obtaining a son, Krishna, son of Vasudeva, went to Kailasa, the abode of Shankara, to perform austerities to Shiva.

Verse 8 (shiva.uma.1.8)

अत्रोपमन्युं सन्दृष्ट्वा तपन्तं शृङ्ग उत्तमे । प्रणम्य भक्त्या स मुनिं पर्यपृच्छत्कृताञ्जलिः

atropamanyuṁ sandṛṣṭvā tapantaṁ śṛṅga uttame praṇamya bhaktyā sa muniṁ paryapṛcchatkṛtāñjaliḥ

There, seeing Upamanyu performing austerities on the highest peak, he bowed to the sage with devotion and, with joined palms, questioned him.

Verse 9 (shiva.uma.1.9)

श्रीकृष्ण उवाच । उपमन्यो महाप्राज्ञ शैवप्रवर सन्मते । पुत्रार्थमगमं तप्तुं तपोऽत्र गिरिशस्य हि

śrīkṛṣṇa uvāca upamanyo mahāprājña śaivapravara sanmate putrārthamagamaṁ taptuṁ tapo'tra giriśasya hi

Shri Krishna said: O Upamanyu, greatly wise one, foremost of Shiva's devotees, of righteous mind! I have come here to perform austerities to Girisha, Shiva, for the sake of obtaining a son.

Verse 10 (shiva.uma.1.10)

ब्रूहि शङ्करमाहात्म्यं सदानन्दकरं मुने । यच्छ्रुत्वा भक्तितः कुर्यां तप ऐश्वरमुत्तमम्

brūhi śaṅkaramāhātmyaṁ sadānandakaraṁ mune yacchrutvā bhaktitaḥ kuryāṁ tapa aiśvaramuttamam

Tell me, O sage, of the ever bliss-giving greatness of Shankara, so that having heard it with devotion, I may perform the supreme austerity directed to the Lord.

Verse 11 (shiva.uma.1.11)

सनत्कुमार उवाच । इति श्रुत्वा वचस्तस्य वासुदेवस्य धीमतः । प्रत्युवाच प्रसन्नात्मा ह्युपमन्युः स्मरन् शिवम्

sanatkumāra uvāca iti śrutvā vacastasya vāsudevasya dhīmataḥ pratyuvāca prasannātmā hyupamanyuḥ smaran śivam

Sanatkumara said: Having heard these words of the wise Vasudeva, Upamanyu, with a glad heart, remembering Shiva, replied.

Verse 12 (shiva.uma.1.12)

उपमन्युरुवाच । शृणु कृष्ण महाशैव महिमानं महेशितुः । यमद्राक्षमहं शम्भोर्भक्तिवर्धनमुत्तमम्

upamanyuruvāca śṛṇu kṛṣṇa mahāśaiva mahimānaṁ maheśituḥ yamadrākṣamahaṁ śambhorbhaktivardhanamuttamam

Upamanyu said: Listen, O Krishna, great devotee of Shiva, to the glory of the great Lord — that supreme glory of Shambhu which increases devotion, and which I myself have witnessed.

Verse 13 (shiva.uma.1.13)

तपःस्थोऽहं समद्राक्षं शङ्करं च तदायुधान् । परिवारं समस्तं च विष्ण्वादीनमरादिकान्

tapaḥstho'haṁ samadrākṣaṁ śaṅkaraṁ ca tadāyudhān parivāraṁ samastaṁ ca viṣṇvādīnamarādikān

While established in austerity, I beheld Shankara together with his weapons, his entire retinue, and the immortals headed by Vishnu.

Verse 14 (shiva.uma.1.14)

त्रिभिरंशैः शोभमानमजस्रसुखमव्ययम् । एकपादं महादंष्ट्रं सज्वालकवलैर्मुखैः

tribhiraṁśaiḥ śobhamānamajasrasukhamavyayam ekapādaṁ mahādaṁṣṭraṁ sajvālakavalairmukhaiḥ

It shone resplendent with its three prongs, ever blissful, imperishable; one-footed, with mighty fangs, its mouths filled with blazing flame.

Verse 15 (shiva.uma.1.15)

द्विसहस्रमयूखानां ज्योतिषातिविराजितम् । सर्वास्त्रप्रवराबाधमनेकाक्षं सहस्रपात्

dvisahasramayūkhānāṁ jyotiṣātivirājitam sarvāstrapravarābādhamanekākṣaṁ sahasrapāt

Shining exceedingly with the radiance of two thousand rays, unassailable even by the finest of all weapons, many-eyed, thousand-footed.

Verse 16 (shiva.uma.1.16)

यश्च कल्पान्तसमये विश्वं संहरति ध्रुवम् । नावध्यो यस्य च भवेत्त्रैलौक्ये सचराचरे

yaśca kalpāntasamaye viśvaṁ saṁharati dhruvam nāvadhyo yasya ca bhavettrailaukye sacarācare

Who, at the time of the dissolution of the aeon, surely destroys the universe, and for whom nothing in all the three worlds, moving or unmoving, is beyond slaying.

Verse 17 (shiva.uma.1.17)

महेश्वरभुजोत्सृष्टं त्रैलोक्यं सचराचरम् । निर्ददाह द्रुतं कृत्स्नं निमेषार्द्धान्न संशयः

maheśvarabhujotsṛṣṭaṁ trailokyaṁ sacarācaram nirdadāha drutaṁ kṛtsnaṁ nimeṣārddhānna saṁśayaḥ

Hurled from the arm of Maheshvara, it swiftly consumed by fire the entire threefold world, moving and unmoving, in half the blink of an eye — of this there is no doubt.

Verse 18 (shiva.uma.1.18)

तपःस्थो रुद्रपार्श्वस्थं दृष्टवानहमव्ययम् । गुह्यमस्त्रं परं चास्य न तुल्यमधिकं क्वचित्

tapaḥstho rudrapārśvasthaṁ dṛṣṭavānahamavyayam guhyamastraṁ paraṁ cāsya na tulyamadhikaṁ kvacit

Established in austerity, I beheld that imperishable weapon standing beside Rudra — his secret and supreme weapon, than which there is nowhere any equal or greater.

Verse 19 (shiva.uma.1.19)

यत्तच्छूलमिति ख्यातं सर्वलोकेषु शूलिनः । विजयाभिधमत्युग्रं सर्वशस्त्रास्त्रनाशकम्

yattacchūlamiti khyātaṁ sarvalokeṣu śūlinaḥ vijayābhidhamatyugraṁ sarvaśastrāstranāśakam

That which is renowned in all worlds as the Shula, the Trident of the Trident-bearer, is named 'Vijaya', exceedingly fierce, the destroyer of every weapon and missile.

Verse 20 (shiva.uma.1.20)

दारयेद्यन्महीं कृत्स्नां शोषयेद्यन्महोदधिम् । पातयेदखिलं ज्योतिश्चक्रं यन्नात्र संशयः

dārayedyanmahīṁ kṛtsnāṁ śoṣayedyanmahodadhim pātayedakhilaṁ jyotiścakraṁ yannātra saṁśayaḥ

By which the entire earth could be split apart, by which the great ocean could be dried up, by which the whole circle of luminaries could be brought down — of this there is no doubt.

Verse 21 (shiva.uma.1.21)

यौवनाश्वो हतो येन मान्धाता सबलः पुरा । चक्रवर्ती महातेजास्त्रैलोक्यविजयो नृपः

yauvanāśvo hato yena māndhātā sabalaḥ purā cakravartī mahātejāstrailokyavijayo nṛpaḥ

By which was slain, long ago, Mandhata the son of Yuvanashva — the mighty emperor of great splendor, conqueror of the three worlds.

Verse 22 (shiva.uma.1.22)

दर्पाविष्टो हैहयश्च निःक्षिप्तो लवणासुरः । शत्रुघ्नं नृपतिं युद्धे समाहूय समन्ततः

darpāviṣṭo haihayaśca niḥkṣipto lavaṇāsuraḥ śatrughnaṁ nṛpatiṁ yuddhe samāhūya samantataḥ

The arrogance-filled king of the Haihayas, and the demon Lavana who had challenged King Shatrughna to battle on every side, were struck down by this same Shula.

Verse 23 (shiva.uma.1.23)

तस्मिन्दैत्ये विनष्टे तु रुद्रहस्ते गतं तु यत् । तच्छूलमिति तीक्ष्णाग्रं सन्त्रासजननं महत्

tasmindaitye vinaṣṭe tu rudrahaste gataṁ tu yat tacchūlamiti tīkṣṇāgraṁ santrāsajananaṁ mahat

When that demon was destroyed, that same sharp-pointed, greatly terror-inspiring Shula returned once more to the hand of Rudra.

Verse 24 (shiva.uma.1.24)

त्रिशिखां भृकुटीं कृत्वा तर्जयन्तमिव स्थितम् । विधूम्रानलसङ्काशं बालसूर्यमिवोदितम्

triśikhāṁ bhṛkuṭīṁ kṛtvā tarjayantamiva sthitam vidhūmrānalasaṅkāśaṁ bālasūryamivoditam

With its three prongs like a furrowed, threatening brow, it stood as if menacing its foes — resembling smokeless fire, like the newly risen morning sun.

Verse 25 (shiva.uma.1.25)

सर्पहस्तमनिर्देश्यं पाशहस्तमिवान्तकम् । परशुं तीक्ष्णधारं च सर्पाद्यैश्च विभूषितम्

sarpahastamanirdeśyaṁ pāśahastamivāntakam paraśuṁ tīkṣṇadhāraṁ ca sarpādyaiśca vibhūṣitam

I saw the indescribable one with a serpent in hand, like Death himself with noose in hand; and the sharp-edged axe, adorned with serpents and the like.

Verse 26 (shiva.uma.1.26)

कल्पान्तदहनाकारं तथा पुरुषविग्रहम् । यत्तद्भार्गवरामस्य क्षत्रियान्तकरं रणे

kalpāntadahanākāraṁ tathā puruṣavigraham yattadbhārgavarāmasya kṣatriyāntakaraṁ raṇe

That axe, having the form of the fire of cosmic dissolution, yet also possessed of a human-like form — the same weapon which, in the hand of Parashurama, became the destroyer of kshatriyas in battle.

Verse 27 (shiva.uma.1.27)

रामो यद्बलमाश्रित्य शिवदत्तश्च वै पुरा । त्रिःसप्तकृत्वो स क्षत्रं ददाह हृषितो मुनिः

rāmo yadbalamāśritya śivadattaśca vai purā triḥsaptakṛtvo sa kṣatraṁ dadāha hṛṣito muniḥ

Relying on whose power — given long ago by Shiva — Rama, the joyful sage, burned away the kshatriya race twenty-one times, thrice seven times.

Verse 28 (shiva.uma.1.28)

सुदर्शनं तथा चक्रं सहस्रवदनं विभुम् । द्विसहस्रभुजं देवमद्राक्षं पुरुषाकृतिम्

sudarśanaṁ tathā cakraṁ sahasravadanaṁ vibhum dvisahasrabhujaṁ devamadrākṣaṁ puruṣākṛtim

I also saw the discus Sudarshana, the mighty one with a thousand faces, the god with two thousand arms, having the form of a person.

Verse 29 (shiva.uma.1.29)

द्विसहस्रेक्षणं दीप्तं सहस्रचरणाकुलम् । कोटिसूर्यप्रतीकाशं त्रैलोक्यदहनक्षमम्

dvisahasrekṣaṇaṁ dīptaṁ sahasracaraṇākulam koṭisūryapratīkāśaṁ trailokyadahanakṣamam

With two thousand blazing eyes, filled with a thousand feet, radiant as a crore of suns, capable of burning the three worlds.

Verse 30 (shiva.uma.1.30)

वज्रं महोज्ज्वलं तीक्ष्णं शतपर्वमनुत्तमम् । महाधनुः पिनाकं च सतूणीरं महाद्युतिम्

vajraṁ mahojjvalaṁ tīkṣṇaṁ śataparvamanuttamam mahādhanuḥ pinākaṁ ca satūṇīraṁ mahādyutim

I also saw the thunderbolt, greatly blazing, sharp, of a hundred joints, unsurpassed; and the great bow Pinaka together with its quiver, of great splendor.

Verse 31 (shiva.uma.1.31)

शक्तिं खङ्गं च पाशं च महादीप्तं समाङ्कुशम् । गदां च महतीं दिव्यामन्यान्यस्त्राणि दृष्टवान्

śaktiṁ khaṅgaṁ ca pāśaṁ ca mahādīptaṁ samāṅkuśam gadāṁ ca mahatīṁ divyāmanyānyastrāṇi dṛṣṭavān

I saw the spear, the sword, the noose, the greatly blazing goad, the great and divine mace, and other various weapons.

Verse 32 (shiva.uma.1.32)

तथा च लोकपालानामस्त्राण्येतानि यानि च । अद्राक्षं तानि सर्वाणि भगवद्रुद्रपार्श्वतः

tathā ca lokapālānāmastrāṇyetāni yāni ca adrākṣaṁ tāni sarvāṇi bhagavadrudrapārśvataḥ

And likewise all the weapons belonging to the Guardians of the Directions — all of these I saw beside the Blessed Lord Rudra.

Verse 33 (shiva.uma.1.33)

सव्यदेशे तु देवस्य ब्रह्मा लोकपितामहः । विमानं दिव्यमास्थाय हंसयुक्तं मनोऽनुगम्

savyadeśe tu devasya brahmā lokapitāmahaḥ vimānaṁ divyamāsthāya haṁsayuktaṁ mano'nugam

On the right side of the Lord, Brahma, grandfather of the worlds, stood mounted on his divine chariot yoked with swans, swift as thought.

Verse 34 (shiva.uma.1.34)

वामपार्श्वे तु तस्यैव शङ्खचक्रगदाधरः । वैनतेयं समास्थाय तथा नारायणः स्थितः

vāmapārśve tu tasyaiva śaṅkhacakragadādharaḥ vainateyaṁ samāsthāya tathā nārāyaṇaḥ sthitaḥ

And on his left side stood Narayana, bearer of the conch, discus, and mace, mounted upon Garuda, the son of Vinata.

Verse 35 (shiva.uma.1.35)

स्वायम्भुवाद्या मनवो भृग्वाद्या ऋषयस्तथा । शक्राद्या देवताश्चैव सर्व एव समं ययुः

svāyambhuvādyā manavo bhṛgvādyā ṛṣayastathā śakrādyā devatāścaiva sarva eva samaṁ yayuḥ

The Manus headed by Svayambhuva, the sages headed by Bhrigu, and the gods headed by Indra — all of them together had come there.

Verse 36 (shiva.uma.1.36)

स्कन्दः शक्तिं समादाय मयूरस्थः सघण्टकः । देव्याः समीपे सन्तस्थौ द्वितीय इव पावकः

skandaḥ śaktiṁ samādāya mayūrasthaḥ saghaṇṭakaḥ devyāḥ samīpe santasthau dvitīya iva pāvakaḥ

Skanda, holding his spear, mounted upon his peacock adorned with bells, stood near the Goddess like a second Fire.

Verse 37 (shiva.uma.1.37)

नन्दी शूलं समादाय भवाग्रे समवस्थितः । सर्वभूतगणाश्चैव मातरो विविधाः स्थिताः

nandī śūlaṁ samādāya bhavāgre samavasthitaḥ sarvabhūtagaṇāścaiva mātaro vividhāḥ sthitāḥ

Nandi, holding the trident, stood before Bhava; and all the hosts of Bhutas and the various Mother-goddesses stood there too.

Verse 38 (shiva.uma.1.38)

तेऽभिवाद्य महेशानं परिवार्य समन्ततः । अस्तुवन्विविधैः स्तोत्रैर्महादेवं तदा सुराः

te'bhivādya maheśānaṁ parivārya samantataḥ astuvanvividhaiḥ stotrairmahādevaṁ tadā surāḥ

Having saluted the great Lord and surrounded him on every side, the gods then praised Mahadeva with various hymns.

Verse 39 (shiva.uma.1.39)

यत्किञ्चित्तु जगत्यस्मिन्दृश्यते श्रूयतेऽथवा । तत्सर्वं भगवत्पार्श्वे निरीक्ष्याहं सुविस्मितः

yatkiñcittu jagatyasmindṛśyate śrūyate'thavā tatsarvaṁ bhagavatpārśve nirīkṣyāhaṁ suvismitaḥ

Whatever indeed can be seen or heard of in this world — all of that, beholding it beside the Lord, I was utterly astonished.

Verse 40 (shiva.uma.1.40)

सुमहद्धैर्यमालम्ब्य प्राञ्जलिर्विविधैः स्तवैः । परमानन्दसम्मग्नोऽभूवं कृष्णाहमध्वरे

sumahaddhairyamālambya prāñjalirvividhaiḥ stavaiḥ paramānandasammagno'bhūvaṁ kṛṣṇāhamadhvare

O Krishna, mustering great fortitude, with joined palms, offering various hymns, I became immersed in supreme bliss during that sacred rite.

Verse 41 (shiva.uma.1.41)

सम्मुखे शङ्करं दृष्ट्वा बाष्पगद्गदया गिरा । अपूजयं सुविधिवदहं श्रद्धासमन्वितः

sammukhe śaṅkaraṁ dṛṣṭvā bāṣpagadgadayā girā apūjayaṁ suvidhivadahaṁ śraddhāsamanvitaḥ

Seeing Shankara before me, with a voice choked with tears, I worshipped him duly and with full faith.

Verse 42 (shiva.uma.1.42)

भगवानथ सुप्रीतः शङ्करः परमेश्वरः । वाण्या मधुरया प्रीत्या मामाह प्रहसन्निव

bhagavānatha suprītaḥ śaṅkaraḥ parameśvaraḥ vāṇyā madhurayā prītyā māmāha prahasanniva

Then the Blessed Lord Shankara, the Supreme Lord, greatly pleased, spoke to me with a sweet and affectionate voice, as if smiling.

Verse 43 (shiva.uma.1.43)

न विचालयितुं शक्यो मया विप्र पुनः पुनः । परीक्षितोऽसि भद्रं ते भवान्भक्त्यान्वितो दृढः

na vicālayituṁ śakyo mayā vipra punaḥ punaḥ parīkṣito'si bhadraṁ te bhavānbhaktyānvito dṛḍhaḥ

[Shiva said:] 'O brahmin, again and again, though tested, you could not be shaken by me. You have been tried and proven; blessed are you — you are firm and endowed with devotion.'

Verse 44 (shiva.uma.1.44)

तस्मात्ते परितुष्टोऽस्मि वरं वरय सुव्रत । दुर्लभं सर्वदेवेषु नादेयं विद्यते तव

tasmātte parituṣṭo'smi varaṁ varaya suvrata durlabhaṁ sarvadeveṣu nādeyaṁ vidyate tava

'Therefore I am well pleased with you. Ask a boon, O one of good vows. There is nothing, however rare even among the gods, that I cannot grant you.'

Verse 45 (shiva.uma.1.45)

स चाहं तद्वचः श्रुत्वा शम्भोः सत्प्रेमसंयुतम् । देवं तं प्राञ्जलिर्भूत्वाब्रुवं भक्तानुकम्पिनम्

sa cāhaṁ tadvacaḥ śrutvā śambhoḥ satpremasaṁyutam devaṁ taṁ prāñjalirbhūtvābruvaṁ bhaktānukampinam

Having heard those words of Shambhu, filled with true love, I, with joined palms, spoke to that God who is compassionate to his devotees.

Verse 46 (shiva.uma.1.46)

उपमन्युरुवाच । भगवन्यदि तुष्टोऽसि यदि भक्तिः स्थिरा मयि । तेन सत्येन मे ज्ञानं त्रिकालविषयं भवेत्

upamanyuruvāca bhagavanyadi tuṣṭo'si yadi bhaktiḥ sthirā mayi tena satyena me jñānaṁ trikālaviṣayaṁ bhavet

Upamanyu said: 'O Lord, if you are pleased, and if my devotion in you is steadfast, then by that very truth may I obtain knowledge spanning the three times — past, present, and future.'

Verse 47 (shiva.uma.1.47)

प्रयच्छ भक्तिं विपुलां त्वयि चाव्यभिचारिणीम् । सान्वयस्यापि नित्यं मे भूरि क्षीरौदनं भवेत्

prayaccha bhaktiṁ vipulāṁ tvayi cāvyabhicāriṇīm sānvayasyāpi nityaṁ me bhūri kṣīraudanaṁ bhavet

'Grant me abundant and unwavering devotion to you; and may there always be, for me and my descendants too, abundant rice cooked in milk.'

Verse 48 (shiva.uma.1.48)

ममास्तु तव सान्निध्यं नित्यं चैवाश्रमे विभो । तव भक्तेषु सख्यं स्यादन्योऽन्येषु सदा भवेत्

mamāstu tava sānnidhyaṁ nityaṁ caivāśrame vibho tava bhakteṣu sakhyaṁ syādanyo'nyeṣu sadā bhavet

'O Lord, may I have your eternal presence in my hermitage; and may there ever be friendship among your devotees, one toward another.'

Verse 49 (shiva.uma.1.49)

एवमुक्तो मया शम्भुर्विहस्य परमेश्वरः । कृपादृष्ट्या निरीक्ष्याशु मां स प्राह यदूद्वह

evamukto mayā śambhurvihasya parameśvaraḥ kṛpādṛṣṭyā nirīkṣyāśu māṁ sa prāha yadūdvaha

O foremost of the Yadus, when thus addressed by me, Shambhu the Supreme Lord, smiling, swiftly looked upon me with an eye of grace, and spoke.

Verse 50 (shiva.uma.1.50)

श्रीशिव उवाच । उपमन्यो मुने तात वर्जितस्त्वं भविष्यसि । जरामरणजैर्दोषैः सर्वकामान्वितो भव

śrīśiva uvāca upamanyo mune tāta varjitastvaṁ bhaviṣyasi jarāmaraṇajairdoṣaiḥ sarvakāmānvito bhava

Shri Shiva said: 'O sage Upamanyu, my son, you shall be freed from the afflictions born of old age and death; be endowed with the fulfillment of all your desires.'

Verse 51 (shiva.uma.1.51)

मुनीनां पूजनीयश्च यशोधनसमन्वितः । शीलरूपगुणैश्वर्यं मत्प्रसादात्पदे पदे

munīnāṁ pūjanīyaśca yaśodhanasamanvitaḥ śīlarūpaguṇaiśvaryaṁ matprasādātpade pade

'You shall be worthy of worship among sages, endowed with the wealth of fame; and by my grace, at every step, you shall have good character, beauty, virtue, and prosperity.'

Verse 52 (shiva.uma.1.52)

क्षीरोदसागरस्यैव सान्निध्यं पयसां निधेः । तत्र ते भविता नित्यं यत्र यत्रेच्छसे मुने

kṣīrodasāgarasyaiva sānnidhyaṁ payasāṁ nidheḥ tatra te bhavitā nityaṁ yatra yatrecchase mune

'You shall have the eternal presence of the Ocean of Milk, the reservoir of waters, O sage; you shall dwell there forever, or wherever else you wish.'

Verse 53 (shiva.uma.1.53)

अमृतात्मकं तत्क्षीरं यावत्संयाम्यते ततः । इमं वैवस्वतं कल्पं पश्यसे बन्धुभिः सह

amṛtātmakaṁ tatkṣīraṁ yāvatsaṁyāmyate tataḥ imaṁ vaivasvataṁ kalpaṁ paśyase bandhubhiḥ saha

'As long as that nectar-natured Ocean of Milk endures, you shall behold this Vaivasvata Kalpa together with your kinsfolk.'

Verse 54 (shiva.uma.1.54)

त्वद्गोत्रं चाक्षयं चास्तु मत्प्रसादात्सदैव हि । सान्निध्यमाश्रमे तेऽहं करिष्यामि महामुने

tvadgotraṁ cākṣayaṁ cāstu matprasādātsadaiva hi sānnidhyamāśrame te'haṁ kariṣyāmi mahāmune

'And by my grace may your lineage be forever imperishable. I myself, O great sage, shall grant my presence in your hermitage.'

Verse 55 (shiva.uma.1.55)

मद्भक्तिः सुस्थिरा चास्तु सदा दास्यामि दर्शनम् । स्मृतश्च भवता वत्स प्रियस्त्वं सर्वथा मम

madbhaktiḥ susthirā cāstu sadā dāsyāmi darśanam smṛtaśca bhavatā vatsa priyastvaṁ sarvathā mama

'May devotion to me remain ever steadfast in you; I shall always grant you my vision whenever remembered by you, my child — you are altogether dear to me.'

Verse 56 (shiva.uma.1.56)

यथाकामसुखं तिष्ठ नोत्कण्ठां कर्तुमर्हसि । सर्वं प्रपूर्णतां यातु चिन्तितं नात्र संशयः

yathākāmasukhaṁ tiṣṭha notkaṇṭhāṁ kartumarhasi sarvaṁ prapūrṇatāṁ yātu cintitaṁ nātra saṁśayaḥ

'Remain in happiness according to your wish; you need not be anxious. Let all that you have thought of come to full fruition — of this there is no doubt.'

Verse 57 (shiva.uma.1.57)

उपमन्युरुवाच । एवमुक्त्वा स भगवान् सुर्यकोटिसमप्रभः । महेशानो वरान् दत्त्वा तत्रैवान्तरधीयत

upamanyuruvāca evamuktvā sa bhagavān suryakoṭisamaprabhaḥ maheśāno varān dattvā tatraivāntaradhīyata

Upamanyu said: Having spoken thus, that Blessed Lord, radiant as a crore of suns, the great Ishana, having granted these boons, vanished right there.

Verse 58 (shiva.uma.1.58)

एवं दृष्टो मया कृष्ण परिवारसमन्वितः । शङ्करः परमेशानो भुक्तिमुक्तिप्रदायकः

evaṁ dṛṣṭo mayā kṛṣṇa parivārasamanvitaḥ śaṅkaraḥ parameśāno bhuktimuktipradāyakaḥ

Thus, O Krishna, I beheld Shankara, the Supreme Lord together with his retinue, the bestower of both enjoyment and liberation.

Verse 59 (shiva.uma.1.59)

शम्भुना परमेशेन यदुक्तं तेन धीमता । तदवाप्तं च मे सर्वं देवदेव समाधिना

śambhunā parameśena yaduktaṁ tena dhīmatā tadavāptaṁ ca me sarvaṁ devadeva samādhinā

O God of gods, whatever was spoken by that wise Supreme Lord Shambhu — all of that I obtained through my meditation.

Verse 60 (shiva.uma.1.60)

प्रत्यक्षं चैव तै जातान् गन्धर्वाप्सरसस्तथा । ऋषीन्विद्याधरांश्चैव पश्य सिद्धान्व्यवस्थितान्

pratyakṣaṁ caiva tai jātān gandharvāpsarasastathā ṛṣīnvidyādharāṁścaiva paśya siddhānvyavasthitān

Behold directly the Gandharvas and Apsarases born here, likewise the sages, Vidyadharas, and Siddhas who stand established here.

Verse 61 (shiva.uma.1.61)

पश्य वृक्षान्मनोरम्यान् स्निग्धपत्रान्सुगन्धिनः । सर्वर्तुकुसुमैर्युक्तान्सदापुष्पफलान्वितान्

paśya vṛkṣānmanoramyān snigdhapatrānsugandhinaḥ sarvartukusumairyuktānsadāpuṣpaphalānvitān

Behold the delightful trees, with lustrous leaves and sweet fragrance, adorned with the flowers of every season, ever laden with blossoms and fruit.

Verse 62 (shiva.uma.1.62)

सर्वमेतन्महाबाहो शङ्करस्य महात्मनः । प्रसादाद्देवदेवस्य विश्वं भावसमन्वितम्

sarvametanmahābāho śaṅkarasya mahātmanaḥ prasādāddevadevasya viśvaṁ bhāvasamanvitam

O mighty-armed one, all of this, endowed with such wondrous being, is by the grace of Shankara, the great-souled God of gods.

Verse 63 (shiva.uma.1.63)

ममास्ति त्वखिलं ज्ञानं प्रसादात् शूलपाणिनः । भूतं भव्यं भविष्यं च सर्वं जानामि तत्त्वतः

mamāsti tvakhilaṁ jñānaṁ prasādāt śūlapāṇinaḥ bhūtaṁ bhavyaṁ bhaviṣyaṁ ca sarvaṁ jānāmi tattvataḥ

By the grace of the Trident-bearer, I possess complete knowledge; I know in truth all that has been, all that is, and all that shall be.

Verse 64 (shiva.uma.1.64)

तमहं दृष्टवान्देवमपि देवाः सुरेश्वराः । यं न पश्यन्त्यनाराध्य कोऽन्यो धन्यतरो मया

tamahaṁ dṛṣṭavāndevamapi devāḥ sureśvarāḥ yaṁ na paśyantyanārādhya ko'nyo dhanyataro mayā

I have beheld that God whom even the gods and the lords of the Suras cannot see without worshipping him — who then is more fortunate than I?

Verse 65 (shiva.uma.1.65)

षड्विंशकमिति ख्यातं परं तत्त्वं सनातनम् । एवं ध्यायन्ति विद्वांसो महत्परममक्षरम्

ṣaḍviṁśakamiti khyātaṁ paraṁ tattvaṁ sanātanam evaṁ dhyāyanti vidvāṁso mahatparamamakṣaram

He is known as the twenty-sixth principle, the supreme, eternal reality; thus do the wise meditate upon that great, supreme, imperishable one.

Verse 66 (shiva.uma.1.66)

सर्वं तत्त्वविधानज्ञः सर्वतत्त्वार्थदर्शनः । स एव भगवान् देवः प्रधानपुरुषेश्वरः

sarvaṁ tattvavidhānajñaḥ sarvatattvārthadarśanaḥ sa eva bhagavān devaḥ pradhānapuruṣeśvaraḥ

He who knows the ordering of all principles, who perceives the true meaning of all principles — he alone is the Blessed Lord, the Ruler of Prakriti and Purusha.

Verse 67 (shiva.uma.1.67)

यो निजाद्दक्षिणात्पार्श्वाद् ब्रह्माणं लोककारणम् । वामादप्यसृजद्विष्णुं लोकरक्षार्थमीश्वरः

yo nijāddakṣiṇātpārśvād brahmāṇaṁ lokakāraṇam vāmādapyasṛjadviṣṇuṁ lokarakṣārthamīśvaraḥ

That Lord who, from his own right side, created Brahma, the cause of the worlds; and from his left side too, created Vishnu, for the protection of the worlds.

Verse 68 (shiva.uma.1.68)

कल्पान्ते चैव सम्प्राप्तेऽसृजद् रुद्रं हृदः प्रभुः । ततः समहरत्कृत्स्नं जगत्स्थावरजङ्गमम्

kalpānte caiva samprāpte'sṛjad rudraṁ hṛdaḥ prabhuḥ tataḥ samaharatkṛtsnaṁ jagatsthāvarajaṅgamam

And when the end of the aeon arrived, the Lord created Rudra from his own heart; then Rudra withdrew the entire universe, moving and unmoving.

Verse 69 (shiva.uma.1.69)

युगान्ते सर्वभूतानि संवर्तक इवानलः । कालो भूत्वा महादेवो ग्रसमानः स तिष्ठति

yugānte sarvabhūtāni saṁvartaka ivānalaḥ kālo bhūtvā mahādevo grasamānaḥ sa tiṣṭhati

At the end of the age, having become Time, Mahadeva remains devouring all beings, like the fire of cosmic dissolution.

Verse 70 (shiva.uma.1.70)

सर्वज्ञः सर्वभूतात्मा सवर्भूतभवोद्भवः । आस्ते सर्वगतो देवो दृश्यः सर्वैश्च दैवतैः

sarvajñaḥ sarvabhūtātmā savarbhūtabhavodbhavaḥ āste sarvagato devo dṛśyaḥ sarvaiśca daivataiḥ

All-knowing, the Self of all beings, the very source of the origin of all beings — the all-pervading God remains, visible to all the deities.

Verse 71 (shiva.uma.1.71)

अतस्त्वं पुत्रलाभाय समाराधय शङ्करम् । शीघ्रं प्रसन्नो भविता शिवस्ते भक्तवत्सलः

atastvaṁ putralābhāya samārādhaya śaṅkaram śīghraṁ prasanno bhavitā śivaste bhaktavatsalaḥ

Therefore, O Krishna, worship Shankara well for the sake of obtaining a son; Shiva, affectionate to his devotees, shall swiftly become gracious to you.