The Greatness of Shiva: Deliverance of Krishna and Other Devotees

Verse 1 (shiva.uma.3.1)

सनत्कुमार उवाच । एतच्छ्रुत्वा वचस्तस्य सोऽब्रवीत्तं महामुनिम् । विस्मयं परमं गत्वोपमन्युं शान्तमानसम्

sanatkumāra uvāca etacchrutvā vacastasya so'bravīttaṁ mahāmunim vismayaṁ paramaṁ gatvopamanyuṁ śāntamānasam

Sanatkumara said: Having heard these words, he, filled with great astonishment, spoke to that great, tranquil-minded sage Upamanyu.

Verse 2 (shiva.uma.3.2)

वासुदेव उवाच । धन्यस्त्वमसि विप्रेन्द्र कस्त्वां स्तोतुमलं कृती । यस्य देवादिदेवस्ते सान्निध्यं कुरुते श्रमे

vāsudeva uvāca dhanyastvamasi viprendra kastvāṁ stotumalaṁ kṛtī yasya devādidevaste sānnidhyaṁ kurute śrame

Vasudeva said: Blessed are you, O lord of brahmins! What accomplished person could praise you adequately, you for whom the God of gods himself grants his presence amid your austerity?

Verse 3 (shiva.uma.3.3)

दर्शनं मुनिशार्दूल दद्यात्स भगवान् शिवः । अपि तावन्ममाप्येवं प्रसादं वा करोत्वसौ

darśanaṁ muniśārdūla dadyātsa bhagavān śivaḥ api tāvanmamāpyevaṁ prasādaṁ vā karotvasau

O tiger among sages, may that Blessed Lord Shiva grant vision to me as well; may he show such grace to me too.

Verse 4 (shiva.uma.3.4)

उपमन्युरुवाच । अचिरेणैव कालेन महादेवं न संशयः । तस्यैव कृपया त्वं वै द्रक्ष्यसे पुरुषोत्तम

upamanyuruvāca acireṇaiva kālena mahādevaṁ na saṁśayaḥ tasyaiva kṛpayā tvaṁ vai drakṣyase puruṣottama

Upamanyu said: Without doubt, O best of men, in a very short time, by his own grace, you shall see Mahadeva.

Verse 5 (shiva.uma.3.5)

षोडशे मासि सुवरान् प्राप्स्यसि त्वं महेश्वरात् । सपत्नीकात्कथं नो दास्यते देवो वरान्हरे

ṣoḍaśe māsi suvarān prāpsyasi tvaṁ maheśvarāt sapatnīkātkathaṁ no dāsyate devo varānhare

In the sixteenth month you shall obtain excellent boons from Maheshvara. O Hari, how would the god, together with his consort, not grant boons?

Verse 6 (shiva.uma.3.6)

पूज्योऽसि दैवतैः सर्वैः श्लाघनीयः सदा गुणैः । जाप्यं तेऽहं प्रवक्ष्यामि श्रद्दधानाय चाच्युत

pūjyo'si daivataiḥ sarvaiḥ ślāghanīyaḥ sadā guṇaiḥ jāpyaṁ te'haṁ pravakṣyāmi śraddadhānāya cācyuta

You are worthy of worship by all the gods, ever praiseworthy for your virtues. O Achyuta, since you have faith, I shall now tell you the mantra to be recited.

Verse 7 (shiva.uma.3.7)

तेन जपप्रभावेण सत्यं द्रक्ष्यसि शङ्करम् । आत्मतुल्यबलं पुत्रं लभिष्यसि महेश्वरात्

tena japaprabhāveṇa satyaṁ drakṣyasi śaṅkaram ātmatulyabalaṁ putraṁ labhiṣyasi maheśvarāt

By the power of that recitation, you shall truly see Shankara; and from Maheshvara you shall obtain a son equal to yourself in strength.

Verse 8 (shiva.uma.3.8)

जपो नमः शिवायेति मन्त्रराजमिमं हरे । सर्वकामप्रदं दिव्यं भुक्तिमुक्तिप्रदायकम्

japo namaḥ śivāyeti mantrarājamimaṁ hare sarvakāmapradaṁ divyaṁ bhuktimuktipradāyakam

O Hari, recite 'Namah Shivaya' — this king of mantras, divine, granting all desires, the bestower of both enjoyment and liberation.

Verse 9 (shiva.uma.3.9)

सनत्कुमार उवाच । एवं कथयतस्तस्य महादेवाश्रिताः कथाः । दिनान्यष्टौ प्रयातानि मुहूर्तमिव तापस

sanatkumāra uvāca evaṁ kathayatastasya mahādevāśritāḥ kathāḥ dinānyaṣṭau prayātāni muhūrtamiva tāpasa

Sanatkumara said: As he told these stories relating to Mahadeva, eight days passed for the ascetic like a mere moment.

Verse 10 (shiva.uma.3.10)

नवमे तु दिने प्राप्ते मुनिना स च दीक्षितः । मन्त्रमध्यापितं शार्वमाथर्वशिरसं महत्

navame tu dine prāpte muninā sa ca dīkṣitaḥ mantramadhyāpitaṁ śārvamātharvaśirasaṁ mahat

On the arrival of the ninth day, he was initiated by the sage, and taught the great Shaiva mantra, the Atharvashiras.

Verse 11 (shiva.uma.3.11)

दण्डी मुण्डी च सद्योऽसौ बभूव सुसमाहितः । पादाङ्गुष्ठोद्धृततनुस्तेपे चोर्ध्वभुजस्तथा

daṇḍī muṇḍī ca sadyo'sau babhūva susamāhitaḥ pādāṅguṣṭhoddhṛtatanustepe cordhvabhujastathā

He immediately became a staff-bearing, shaven-headed ascetic, deeply composed; standing raised upon his toe-tips, he performed austerity with arms upraised.

Verse 12 (shiva.uma.3.12)

सम्प्राप्ते षोडशे मासि सन्तुष्टः परमेश्वरः । पार्वत्या सहितः शम्भुर्ददौ कृष्णाय दर्शनम्

samprāpte ṣoḍaśe māsi santuṣṭaḥ parameśvaraḥ pārvatyā sahitaḥ śambhurdadau kṛṣṇāya darśanam

When the sixteenth month arrived, the Supreme Lord, well pleased, Shambhu together with Parvati, granted his vision to Krishna.

Verse 13 (shiva.uma.3.13)

पार्वत्या सहितं देवं त्रिनेत्रं चन्द्रशेखरम् । ब्रह्माद्यैः स्तूयमानं तु पूजितं सिद्धकोटिभिः

pārvatyā sahitaṁ devaṁ trinetraṁ candraśekharam brahmādyaiḥ stūyamānaṁ tu pūjitaṁ siddhakoṭibhiḥ

He beheld the three-eyed God, Chandrashekhara, together with Parvati, being praised by Brahma and the other gods, worshipped by crores of Siddhas —

Verse 14 (shiva.uma.3.14)

दिव्यमाल्याम्बरधरं भक्तिनम्रैः सुरासुरैः । प्रणतं च विशेषेण नानाभूषणभूषितम्

divyamālyāmbaradharaṁ bhaktinamraiḥ surāsuraiḥ praṇataṁ ca viśeṣeṇa nānābhūṣaṇabhūṣitam

wearing divine garlands and garments, saluted by gods and demons bowed low in devotion, adorned with various ornaments,

Verse 15 (shiva.uma.3.15)

सर्वाश्चर्यमयं कान्तं महेशमजमव्ययम् । नानागणान्वितं तुष्टं पुत्राभ्यां संयुतं प्रभुम्

sarvāścaryamayaṁ kāntaṁ maheśamajamavyayam nānāgaṇānvitaṁ tuṣṭaṁ putrābhyāṁ saṁyutaṁ prabhum

full of every wonder, beautiful, the great Lord, unborn and imperishable, accompanied by his various hosts, gladdened, and together with his two sons.

Verse 16 (shiva.uma.3.16)

श्रीकृष्णः प्राञ्जलिर्दृष्ट्वा विस्मयोत्फुल्ललोचनः । ईदृशं शङ्करं प्रीतः प्रणनाम महोत्सवः

śrīkṛṣṇaḥ prāñjalirdṛṣṭvā vismayotphullalocanaḥ īdṛśaṁ śaṅkaraṁ prītaḥ praṇanāma mahotsavaḥ

Shri Krishna, seeing such a Shankara, with joined palms, his eyes wide with astonishment, gladly bowed down as if in great celebration.

Verse 17 (shiva.uma.3.17)

नानाविधैः स्तुतिपदैर्वाङ्मयेनार्चयत्तदा । सहस्रनाम्ना देवेशं तुष्टाव नतकन्धरः

nānāvidhaiḥ stutipadairvāṅmayenārcayattadā sahasranāmnā deveśaṁ tuṣṭāva natakandharaḥ

Then he worshipped the Lord of gods with various words of praise; with bowed neck, he extolled him with a thousand names.

Verse 18 (shiva.uma.3.18)

ततो देवाः सगन्धर्वा विद्याधरमहोरगाः । मुमुचुः पुष्पवृष्टिं च साधुवादान् मनोनुगान्

tato devāḥ sagandharvā vidyādharamahoragāḥ mumucuḥ puṣpavṛṣṭiṁ ca sādhuvādān manonugān

Then the gods together with the Gandharvas, Vidyadharas, and great serpents released a shower of flowers and heartfelt cries of praise.

Verse 19 (shiva.uma.3.19)

पार्वत्याश्च मुखं दृष्ट्वा भगवान् भक्तवत्सलः । उवाच केशवं तुष्टो रुद्रश्चाथ महेश्वरः

pārvatyāśca mukhaṁ dṛṣṭvā bhagavān bhaktavatsalaḥ uvāca keśavaṁ tuṣṭo rudraścātha maheśvaraḥ

Then, having looked upon the face of Parvati, the Blessed Lord Rudra Maheshvara, affectionate to his devotees, being pleased, spoke to Keshava.

Verse 20 (shiva.uma.3.20)

श्रीमहादेव उवाच । कृष्ण जानामि भक्तं त्वां मयि नित्यं दृढव्रतम् । वृणीष्व त्वं वरान् मत्तः पुण्यांस्त्रैलोक्यदुर्लभान्

śrīmahādeva uvāca kṛṣṇa jānāmi bhaktaṁ tvāṁ mayi nityaṁ dṛḍhavratam vṛṇīṣva tvaṁ varān mattaḥ puṇyāṁstrailokyadurlabhān

Shri Mahadeva said: 'O Krishna, I know you to be my devotee, ever firm in your vow toward me. Choose from me boons that are meritorious and rare even in all three worlds.'

Verse 21 (shiva.uma.3.21)

सनत्कुमार उवाच । तस्य तद्वचनं श्रुत्वा कृष्णः प्राञ्जलिरादरात् । प्राह सर्वेश्वरं शम्भुं सुप्रणम्य पुनः पुनः

sanatkumāra uvāca tasya tadvacanaṁ śrutvā kṛṣṇaḥ prāñjalirādarāt prāha sarveśvaraṁ śambhuṁ supraṇamya punaḥ punaḥ

Sanatkumara said: Having heard his words, Krishna, with joined palms and reverence, having bowed again and again, spoke to Shambhu, the Lord of all.

Verse 22 (shiva.uma.3.22)

श्रीकृष्ण उवाच । देवदेव महादेव याचेऽहं ह्युत्तमान् वरान् । त्वत्तोऽष्टप्रमितान्नाथ त्वयोद्दिष्टान् महेश्वर

śrīkṛṣṇa uvāca devadeva mahādeva yāce'haṁ hyuttamān varān tvatto'ṣṭapramitānnātha tvayoddiṣṭān maheśvara

Shri Krishna said: 'O God of gods, Mahadeva, O Lord Maheshvara, I ask of you eight excellent boons, as prescribed by you yourself.'

Verse 23 (shiva.uma.3.23)

तव धर्मे मतिर्नित्यं यशश्चाप्रचलं महत् । त्वत्सामीप्यं स्थिरा भक्तिस्त्वयि नित्यं ममास्त्विति

tava dharme matirnityaṁ yaśaścāpracalaṁ mahat tvatsāmīpyaṁ sthirā bhaktistvayi nityaṁ mamāstviti

'May my mind ever be fixed on righteousness toward you; may my fame be great and unshakable; may I have your presence and steadfast devotion in you always.'

Verse 24 (shiva.uma.3.24)

स्त्रीणां मम दशाद्यानां पुत्राः शम्भो भवन्तु वै । वध्याश्च रिपवः सर्वे सङ्ग्रामे बलदर्पिताः

strīṇāṁ mama daśādyānāṁ putrāḥ śambho bhavantu vai vadhyāśca ripavaḥ sarve saṅgrāme baladarpitāḥ

'O Shambhu, may my ten chief wives and the others have sons; and may all my enemies, however proud of their strength, be slain in battle.'

Verse 25 (shiva.uma.3.25)

अपमानो भवेन्नैव क्वचिन्मे शत्रुतः प्रभो । योगिनामपि सर्वेषां भवेयमतिवल्लभः

apamāno bhavennaiva kvacinme śatrutaḥ prabho yogināmapi sarveṣāṁ bhaveyamativallabhaḥ

'O Lord, may I never suffer dishonor at the hands of enemies; and may I become exceedingly dear even to all yogis.'

Verse 26 (shiva.uma.3.26)

इत्यष्टौ सुवरान्देहि देवदेव नमोऽस्तु ते । सर्वेश्वरस्त्वमेवासि मत्प्रभुश्च विशेषतः

ityaṣṭau suvarāndehi devadeva namo'stu te sarveśvarastvamevāsi matprabhuśca viśeṣataḥ

'O God of gods, grant me these eight excellent boons; salutations to you. You alone are the Lord of all, and especially my own Lord.'

Verse 27 (shiva.uma.3.27)

सनत्कुमार उवाच । तस्य तद्वचनं श्रुत्वा तमाह भगवान् भवः । सर्वं भविष्यतीत्येवं पुनः तं प्राह शूलधृक्

sanatkumāra uvāca tasya tadvacanaṁ śrutvā tamāha bhagavān bhavaḥ sarvaṁ bhaviṣyatītyevaṁ punaḥ taṁ prāha śūladhṛk

Sanatkumara said: Having heard his words, the Blessed Lord Bhava said to him, 'All this shall be so'; and the Trident-bearer spoke to him again.

Verse 28 (shiva.uma.3.28)

साम्बो नाम महावीर्यः पुत्रस्ते भविता बली । घोरसंवर्तकादित्यः शप्तो मुनिभिरेव च

sāmbo nāma mahāvīryaḥ putraste bhavitā balī ghorasaṁvartakādityaḥ śapto munibhireva ca

'A mighty and powerful son named Samba shall be born to you — he who, in a former life, was the terrible Samvartaka-Aditya, cursed by the sages.'

Verse 29 (shiva.uma.3.29)

मानुषो भवितासीति स ते पुत्रो भविष्यति । यद्यच्च प्रार्थितं किञ्चित्तत्तत्सर्वं लभस्व वै

mānuṣo bhavitāsīti sa te putro bhaviṣyati yadyacca prārthitaṁ kiñcittattatsarvaṁ labhasva vai

'‘You shall become a human’ — so ran that curse — and he shall become your son. And whatever else you have asked for, obtain all of that.'

Verse 30 (shiva.uma.3.30)

सनत्कुमार उवाच । एवं लब्ध्वा वरान् सर्वान् श्रीकृष्णः परमेश्वरात् । नानाविधाभिर्बह्वीभिः स्तुतिभिः समतोषयत्

sanatkumāra uvāca evaṁ labdhvā varān sarvān śrīkṛṣṇaḥ parameśvarāt nānāvidhābhirbahvībhiḥ stutibhiḥ samatoṣayat

Sanatkumara said: Having thus obtained all these boons from the Supreme Lord, Shri Krishna gratified him with many and various hymns of praise.

Verse 31 (shiva.uma.3.31)

तमाहाथ शिवा तुष्टा पार्वती भक्तवत्सला । वासुदेवं महात्मानं शम्भुभक्तं तपस्विनम्

tamāhātha śivā tuṣṭā pārvatī bhaktavatsalā vāsudevaṁ mahātmānaṁ śambhubhaktaṁ tapasvinam

Then the gracious and pleased Parvati, affectionate to devotees, spoke to that great-souled, devoted ascetic and follower of Shambhu, Vasudeva.

Verse 32 (shiva.uma.3.32)

पार्वत्युवाच । वासुदेव महाबुद्धे कृष्ण तुष्टास्मि तेऽनघ । गृहाण मत्तश्च वरान् मनोज्ञान् भुवि दुर्लभान्

pārvatyuvāca vāsudeva mahābuddhe kṛṣṇa tuṣṭāsmi te'nagha gṛhāṇa mattaśca varān manojñān bhuvi durlabhān

Parvati said: 'O Vasudeva, greatly wise Krishna, O sinless one, I am pleased with you. Receive from me also boons that are pleasing and rare on this earth.'

Verse 33 (shiva.uma.3.33)

सनत्कुमार उवाच । इत्याकर्ण्य वचस्तस्याः पार्वत्याः स यदूद्वहः । उवाच सुप्रसन्नात्मा भक्तियुक्तेन चेतसा

sanatkumāra uvāca ityākarṇya vacastasyāḥ pārvatyāḥ sa yadūdvahaḥ uvāca suprasannātmā bhaktiyuktena cetasā

Sanatkumara said: Having heard these words of Parvati, that chief of the Yadus, with a glad heart full of devotion, spoke.

Verse 34 (shiva.uma.3.34)

श्रीकृष्ण उवाच । देवि त्वं परितुष्टासि चेद्ददासि वरान्हि मे । तपसानेन सत्येन ब्राह्मणान् प्रति मास्मभूत्

śrīkṛṣṇa uvāca devi tvaṁ parituṣṭāsi ceddadāsi varānhi me tapasānena satyena brāhmaṇān prati māsmabhūt

Shri Krishna said: 'O Goddess, if you are pleased and wish to grant me boons, then by the truth of this austerity, may there never arise in me, toward brahmins —'

Verse 35 (shiva.uma.3.35)

द्वेषः कदाचिद्भद्रं तु पूजयेयं द्विजान् सदा । तुष्टौ च मातापितरौ भवेतां मम सर्वदा

dveṣaḥ kadācidbhadraṁ tu pūjayeyaṁ dvijān sadā tuṣṭau ca mātāpitarau bhavetāṁ mama sarvadā

'— hatred, at any time; may all be well; may I ever honor brahmins; and may my mother and father always be pleased with me.'

Verse 36 (shiva.uma.3.36)

सर्वभूतेष्वानुकूल्यं भजेयं यत्र तत्रगः । कुले प्रभृतिरुचिता ममास्तु तव दर्शनात्

sarvabhūteṣvānukūlyaṁ bhajeyaṁ yatra tatragaḥ kule prabhṛtirucitā mamāstu tava darśanāt

'Wherever I go, may I hold goodwill toward all beings; and by your vision may prosperity be cherished always in my lineage.'

Verse 37 (shiva.uma.3.37)

तर्पयेयं सुरेन्द्रादीन्देवान् यज्ञशतेन तु । यतीनामतिथीनां च सहस्राण्यथ सर्वदा

tarpayeyaṁ surendrādīndevān yajñaśatena tu yatīnāmatithīnāṁ ca sahasrāṇyatha sarvadā

'May I satisfy Indra and the other gods with a hundred sacrifices; and may I always honor thousands of ascetics and guests.'

Verse 38 (shiva.uma.3.38)

भोजयेयं सदा गेहे श्रद्धापूतं तु भोजनम् । बान्धवैः सह प्रीतिस्तु नित्यमस्तु सुनिर्वृतिः

bhojayeyaṁ sadā gehe śraddhāpūtaṁ tu bhojanam bāndhavaiḥ saha prītistu nityamastu sunirvṛtiḥ

'May I ever offer, in my house, food purified by faith; and may there always be affection and perfect contentment among my kinsfolk.'

Verse 39 (shiva.uma.3.39)

देवि भार्यासहस्राणां भवेयं प्राणवल्लभः । अक्षीणा काम्यता तासु प्रसादात्तव शाङ्करि

devi bhāryāsahasrāṇāṁ bhaveyaṁ prāṇavallabhaḥ akṣīṇā kāmyatā tāsu prasādāttava śāṅkari

'O Goddess, may I be the beloved of life to thousands of wives; and by your grace, O consort of Shankara, may my desire for them never diminish.'

Verse 40 (shiva.uma.3.40)

आसां च पितरो लोके भवेयुः सत्यवादिनः । इत्याद्याः सुवराः सन्तु प्रसादात्तव पार्वति

āsāṁ ca pitaro loke bhaveyuḥ satyavādinaḥ ityādyāḥ suvarāḥ santu prasādāttava pārvati

'And may their fathers in this world be truthful. O Parvati, let these and other such excellent boons be granted by your grace.'

Verse 41 (shiva.uma.3.41)

सनत्कुमार उवाच । तस्य तद्वचनं श्रुत्वा देवी तं चाह विस्मिता । एवमस्त्विति भद्रं ते शाश्वती सर्वकामदा

sanatkumāra uvāca tasya tadvacanaṁ śrutvā devī taṁ cāha vismitā evamastviti bhadraṁ te śāśvatī sarvakāmadā

Sanatkumara said: Having heard his words, the Goddess, astonished, said to him, 'So be it; blessed are you' — she, the eternal one, granter of all desires.

Verse 42 (shiva.uma.3.42)

तस्मिंस्तांश्च वरान् दत्त्वा पार्वतीपरमेश्वरौ । तत्रैवान्तश्च दधतुः कृत्वा कृष्णस्य सत्कृपाम्

tasmiṁstāṁśca varān dattvā pārvatīparameśvarau tatraivāntaśca dadhatuḥ kṛtvā kṛṣṇasya satkṛpām

Having granted him those boons, Parvati and the Supreme Lord, having bestowed their true grace upon Krishna, vanished right there.

Verse 43 (shiva.uma.3.43)

कृष्णः कृतार्थमात्मानममन्यत मुनीश्वर । उपमन्योर्मुनेराशु प्रापाश्रममनुत्तमम्

kṛṣṇaḥ kṛtārthamātmānamamanyata munīśvara upamanyormunerāśu prāpāśramamanuttamam

O lord of sages, Krishna considered himself fulfilled, and swiftly reached the incomparable hermitage of the sage Upamanyu.

Verse 44 (shiva.uma.3.44)

प्रणम्य शिरसा तत्र तं मुनिं केशिहा ततः । तथा वृत्तं च तस्मै तत् समाचष्टोपमन्यवे

praṇamya śirasā tatra taṁ muniṁ keśihā tataḥ tathā vṛttaṁ ca tasmai tat samācaṣṭopamanyave

There the slayer of Keshi bowed his head to that sage, and then related to Upamanyu all that had occurred.

Verse 45 (shiva.uma.3.45)

स च तं प्राह कोऽन्यः स्याच्छर्वाद्देवाज्जनार्दन । महादानपतिर्लोके क्रोधे वातीव दुःसहः

sa ca taṁ prāha ko'nyaḥ syāccharvāddevājjanārdana mahādānapatirloke krodhe vātīva duḥsahaḥ

And he said to him, 'O Janardana, who else could there be, besides the god Sharva, who is such a great lord of generosity in this world, and, in wrath, so utterly unbearable —'

Verse 46 (shiva.uma.3.46)

ज्ञाने तपसि वा शौर्ये स्थैर्ये वा पद एव च । शृणु शम्भोस्तु गोविन्द देवैश्वर्यं महायशाः

jñāne tapasi vā śaurye sthairye vā pada eva ca śṛṇu śambhostu govinda devaiśvaryaṁ mahāyaśāḥ

'— in knowledge, in austerity, in valor, in steadfastness, or in status? O Govinda, listen to the divine majesty of Shambhu, of great renown.'

Verse 47 (shiva.uma.3.47)

तच्छ्रुत्वा श्रद्धया युक्तोऽभवच्छम्भोस्तु भक्तिमान् । पप्रच्छ शिवमाहात्म्यं स तं प्राह मुनीश्वरः

tacchrutvā śraddhayā yukto'bhavacchambhostu bhaktimān papraccha śivamāhātmyaṁ sa taṁ prāha munīśvaraḥ

Hearing this, he became filled with faith and devotion to Shambhu; he asked about the greatness of Shiva, and the lord of sages spoke to him.

Verse 48 (shiva.uma.3.48)

उपमन्युरुवाच । भगवान् शङ्करः पूर्वं ब्रह्मलोके महात्मना । स्तुतो नामसहस्रेण तण्डिना ब्रह्मयोगिना

upamanyuruvāca bhagavān śaṅkaraḥ pūrvaṁ brahmaloke mahātmanā stuto nāmasahasreṇa taṇḍinā brahmayoginā

Upamanyu said: Long ago, in Brahmaloka, the Blessed Shankara was praised with a thousand names by the great-souled Tandi, the yogi of Brahma.

Verse 49 (shiva.uma.3.49)

साङ्ख्याः पठन्ति तद्गीतं विस्तीर्णं च निघण्टुवत् । दुर्ज्ञानं मानुषाणां तु स्तोत्रं तत्सर्वकामदम्

sāṅkhyāḥ paṭhanti tadgītaṁ vistīrṇaṁ ca nighaṇṭuvat durjñānaṁ mānuṣāṇāṁ tu stotraṁ tatsarvakāmadam

The Samkhya-yogis recite that hymn, extensive like a lexicon, difficult for ordinary men to comprehend — that hymn of praise which grants all desires.

Verse 50 (shiva.uma.3.50)

स्मरन्नित्यं शङ्करं त्वं गच्छ कृष्ण गृहं सुखी । भविष्यसि सदा तात शिवभक्तगणाग्रणीः

smarannityaṁ śaṅkaraṁ tvaṁ gaccha kṛṣṇa gṛhaṁ sukhī bhaviṣyasi sadā tāta śivabhaktagaṇāgraṇīḥ

'Ever remembering Shankara, go now, O Krishna, happily to your home; my son, you shall forever be foremost among the hosts of Shiva's devotees.'

Verse 51 (shiva.uma.3.51)

इत्युक्तस्तं नमस्कृत्य वासुदेवो मुनीश्वरम् । मनसा संस्मरन् शम्भुं केशवो द्वारकां ययौ

ityuktastaṁ namaskṛtya vāsudevo munīśvaram manasā saṁsmaran śambhuṁ keśavo dvārakāṁ yayau

Thus addressed, Vasudeva bowed to that lord of sages, and Keshava, remembering Shambhu in his mind, went to Dvaraka.

Verse 52 (shiva.uma.3.52)

सनत्कुमार उवाच । एवं कृष्णः समाराध्य शङ्करं लोकशङ्करम् । कृतार्थोऽभून्मुनिश्रेष्ठ सर्वाजेयोऽभवत्तथा

sanatkumāra uvāca evaṁ kṛṣṇaḥ samārādhya śaṅkaraṁ lokaśaṅkaram kṛtārtho'bhūnmuniśreṣṭha sarvājeyo'bhavattathā

Sanatkumara said: Thus, having worshipped Shankara, the benefactor of the world, Krishna became fulfilled, O foremost of sages, and became likewise unconquerable by all.

Verse 53 (shiva.uma.3.53)

तथा दाशरथी रामः शिवमाराध्य भक्तितः । कृतार्थोऽभून्मुनिश्रेष्ठ विजयी सर्वतोऽभवत्

tathā dāśarathī rāmaḥ śivamārādhya bhaktitaḥ kṛtārtho'bhūnmuniśreṣṭha vijayī sarvato'bhavat

Likewise Rama, son of Dasharatha, having worshipped Shiva with devotion, became fulfilled, O foremost of sages, and became victorious in every way.

Verse 54 (shiva.uma.3.54)

तपस्तप्त्वातिविपुलं पुरा रामो गिरौ मुने । शिवाद्धनुः शरं चापं ज्ञानं वै परमुत्तमम्

tapastaptvātivipulaṁ purā rāmo girau mune śivāddhanuḥ śaraṁ cāpaṁ jñānaṁ vai paramuttamam

O sage, having performed extensive austerity on the mountain of old, Rama obtained from Shiva a bow, arrows, and the supreme, excellent knowledge.

Verse 55 (shiva.uma.3.55)

रावणं सगणं हत्वा सेतुं बद्ध्वाम्भसां निधौ । सीतां प्राप्य गृहं यातो बुभुजे निखिलां महीम्

rāvaṇaṁ sagaṇaṁ hatvā setuṁ baddhvāmbhasāṁ nidhau sītāṁ prāpya gṛhaṁ yāto bubhuje nikhilāṁ mahīm

Having slain Ravana together with his host, having built a bridge across the ocean, having regained Sita, he returned home and ruled over the entire earth.

Verse 56 (shiva.uma.3.56)

तथा च भार्गवो रामो ह्याराध्य तपसा विभुम् । निरीक्ष्य दुःखितः शर्वात्पितरं क्षत्रियैर्हतम्

tathā ca bhārgavo rāmo hyārādhya tapasā vibhum nirīkṣya duḥkhitaḥ śarvātpitaraṁ kṣatriyairhatam

And likewise Rama the Bhargava, having worshipped the mighty Lord through austerity, and seeing his father slain by the kshatriyas, was grieved —

Verse 57 (shiva.uma.3.57)

तीक्ष्णं स परशुं लेभे निर्ददाह च तेन तान् । त्रिःसप्तकृत्वः क्षत्रांश्च प्रसन्नात्परमेश्वरात्

tīkṣṇaṁ sa paraśuṁ lebhe nirdadāha ca tena tān triḥsaptakṛtvaḥ kṣatrāṁśca prasannātparameśvarāt

— and obtained a sharp axe from the pleased Supreme Lord, and with it burned away the kshatriyas twenty-one times, thrice seven times.

Verse 58 (shiva.uma.3.58)

अजेयश्चामरश्चैव सोऽद्यापि तपसां निधिः । लिङ्गार्चनरतो नित्यं दृश्यते सिद्धचारणैः

ajeyaścāmaraścaiva so'dyāpi tapasāṁ nidhiḥ liṅgārcanarato nityaṁ dṛśyate siddhacāraṇaiḥ

Unconquerable and immortal, that treasury of austerity is still today seen, ever devoted to the worship of the Linga, by Siddhas and Charanas.

Verse 59 (shiva.uma.3.59)

महेन्द्रपर्वते रामः स्थितस्तपसि तिष्ठति । कल्पान्ते पुनरेवासावृषिस्थानमवाप्स्यति

mahendraparvate rāmaḥ sthitastapasi tiṣṭhati kalpānte punarevāsāvṛṣisthānamavāpsyati

Rama remains established on Mount Mahendra, engaged in austerity; at the end of the aeon, he shall again attain the state of a sage.

Verse 60 (shiva.uma.3.60)

असितस्यानुजः पूर्वं पीडया कृतवांस्तपः । मूलग्राहेण विश्वस्य देवलो नाम तापसः

asitasyānujaḥ pūrvaṁ pīḍayā kṛtavāṁstapaḥ mūlagrāheṇa viśvasya devalo nāma tāpasaḥ

Long ago, the younger brother of Asita, the ascetic named Devala, performed austerity in affliction, gripped, as it were, at the very root by the suffering of the whole world.

Verse 61 (shiva.uma.3.61)

पुरन्दरेण शप्तस्तु तपस्वी यश्च सुस्थिरम् । अधर्म्यं धर्ममलभल्लिङ्गमारध्य कामदम्

purandareṇa śaptastu tapasvī yaśca susthiram adharmyaṁ dharmamalabhalliṅgamāradhya kāmadam

That ascetic, cursed by Purandara, having worshipped the desire-granting Linga, obtained a steadfast, blessed state even out of that unrighteous curse.

Verse 62 (shiva.uma.3.62)

चाक्षुषस्य मनोः पुत्रो मृगोऽभूत्तु मरुस्थले । वसिष्ठशापाद् गृत्समदो दण्डकारण्य एकलः

cākṣuṣasya manoḥ putro mṛgo'bhūttu marusthale vasiṣṭhaśāpād gṛtsamado daṇḍakāraṇya ekalaḥ

The son of Chakshusha Manu became a deer in the desert region; and Gritsamada, by the curse of Vasishtha, became a deer alone in the Dandaka forest.

Verse 63 (shiva.uma.3.63)

हृदये संस्मन् भक्त्या प्रणवेन युतं शिवम् । तस्मान्मृत्युमुखाकारो गणो मृगमुखोऽभवत्

hṛdaye saṁsman bhaktyā praṇavena yutaṁ śivam tasmānmṛtyumukhākāro gaṇo mṛgamukho'bhavat

Remembering in his heart, with devotion, Shiva united with the Pranava, he — who had faced death's very jaws — became a deer-faced Gana, an attendant of Shiva.

Verse 64 (shiva.uma.3.64)

अजरामरतां नीतस्तीर्त्वा शापं पुनश्च सः । शङ्करेण कृतः प्रीत्या नित्यं लम्बोदरानुगः

ajarāmaratāṁ nītastīrtvā śāpaṁ punaśca saḥ śaṅkareṇa kṛtaḥ prītyā nityaṁ lambodarānugaḥ

Having crossed over the curse, he was brought to a state free from old age and death; Shankar, out of love, made him forever an attendant of Lambodara.

Verse 65 (shiva.uma.3.65)

गार्ग्याय प्रददौ शर्वो मोक्षं च भुवि दुर्लभम् । कामचारी महाक्षेत्रं कालज्ञानं महर्द्धिमत्

gārgyāya pradadau śarvo mokṣaṁ ca bhuvi durlabham kāmacārī mahākṣetraṁ kālajñānaṁ maharddhimat

Sharva granted to Gargya liberation, rare on this earth; the power to move at will, a great sacred domain, knowledge of time, and great prosperity.

Verse 66 (shiva.uma.3.66)

चतुष्पादं सरस्वत्याः पारगत्वं च शाश्वतम् । न तुल्यं च सहस्रं तु पुत्राणां प्रददौ शिवः

catuṣpādaṁ sarasvatyāḥ pāragatvaṁ ca śāśvatam na tulyaṁ ca sahasraṁ tu putrāṇāṁ pradadau śivaḥ

Fourfold knowledge, and eternal mastery over the further shore of Sarasvati, and a thousand unequalled sons — Shiva gave him all of these.

Verse 67 (shiva.uma.3.67)

वेदव्यासं तु योगीन्द्रं पुत्रं तुष्टः पिनाक धृक् । पराशराय च ददौ जरामृत्युविवर्जितम्

vedavyāsaṁ tu yogīndraṁ putraṁ tuṣṭaḥ pināka dhṛk parāśarāya ca dadau jarāmṛtyuvivarjitam

And the Bearer of Pinaka, being pleased, gave to Parashara his son Vedavyasa, the lord of yogis, free from old age and death.

Verse 68 (shiva.uma.3.68)

माण्डव्यः शङ्करेणैव जीवं दत्त्वा विसर्जितः । वर्षाणां दश लक्षाणि शूलाग्रादवरोपितः

māṇḍavyaḥ śaṅkareṇaiva jīvaṁ dattvā visarjitaḥ varṣāṇāṁ daśa lakṣāṇi śūlāgrādavaropitaḥ

Mandavya was given life by Shankara himself, and was released after being impaled on the point of a stake for ten hundred thousand years.

Verse 69 (shiva.uma.3.69)

दरिद्रो ब्राह्मणः कश्चिन्निक्षिप्य गुरुवेश्मनि । पुत्रं तु गालवं यश्च पूर्वमासीद् गृहाश्रमी

daridro brāhmaṇaḥ kaścinnikṣipya guruveśmani putraṁ tu gālavaṁ yaśca pūrvamāsīd gṛhāśramī

A certain poor brahmin, having placed his son Galava in the house of his teacher, who had formerly been a householder —

Verse 70 (shiva.uma.3.70)

गुप्तो वा मुनिशालायां भिक्षुरायाति तद्गृहम् । भार्यामुवाच यः कश्चिदवश्यं निर्धनो यतः

gupto vā muniśālāyāṁ bhikṣurāyāti tadgṛham bhāryāmuvāca yaḥ kaścidavaśyaṁ nirdhano yataḥ

— living, as it were, hidden away like one in a hermit's hut, when a mendicant guest comes to his house, being utterly without means, he says to his wife —

Verse 71 (shiva.uma.3.71)

स तु वाच्यो भवत्या च न दृश्यन्त इति प्रियः । अतिथेरागतस्यापि किं दास्यामि गृहे वसन्

sa tu vācyo bhavatyā ca na dṛśyanta iti priyaḥ atitherāgatasyāpi kiṁ dāsyāmi gṛhe vasan

'You must tell him — ‘he cannot be seen’ — my dear. Living here at home, what indeed could I give to a guest who has come?'

Verse 72 (shiva.uma.3.72)

कदाचिदतिथिः कश्चित्क्षुत्तृषाक्षामतर्षितः । तामुवाच स भर्ता ते क्व गतश्चेति तं च सा

kadācidatithiḥ kaścitkṣuttṛṣākṣāmatarṣitaḥ tāmuvāca sa bhartā te kva gataśceti taṁ ca sā

Once a certain guest, emaciated and parched with hunger and thirst, said to her: 'Where has your husband gone?' And she —

Verse 73 (shiva.uma.3.73)

प्राह भर्ता मदीयस्तु साम्प्रतं न च दृश्यते । स ऋषिस्तामुवाचेदं ज्ञात्वा दिव्येन चक्षुषा

prāha bhartā madīyastu sāmprataṁ na ca dṛśyate sa ṛṣistāmuvācedaṁ jñātvā divyena cakṣuṣā

— said, 'My husband is not to be seen at present.' That sage, knowing the truth with his divine eye, said this to her —

Verse 74 (shiva.uma.3.74)

गृहस्थितः प्रतिच्छन्नस्तत्रैव स मृतो द्विजः । विश्वामित्त्राभ्यनुज्ञातस्तत्पुत्रो गालवस्तथा

gṛhasthitaḥ praticchannastatraiva sa mṛto dvijaḥ viśvāmittrābhyanujñātastatputro gālavastathā

'That brahmin, hiding right there in the house, has in fact died.' And thereupon, given leave by Vishvamitra, his son Galava —

Verse 75 (shiva.uma.3.75)

गृहमागत्य मातुः स श्रुत्वा शापं सुदारुणम् । आराध्य शङ्करं देवं पूजां कृत्वा तु शाम्भवीम्

gṛhamāgatya mātuḥ sa śrutvā śāpaṁ sudāruṇam ārādhya śaṅkaraṁ devaṁ pūjāṁ kṛtvā tu śāmbhavīm

— having come to his mother's house and heard of that terrible curse, worshipped the god Shankara, performing the rites sacred to Shambhu,

Verse 76 (shiva.uma.3.76)

गृहादसौ विनिष्क्रान्तः सस्मरन् शङ्करं हृदा । अथ तं तनयं दृष्ट्वा पिता तं प्राह साञ्जलिम्

gṛhādasau viniṣkrāntaḥ sasmaran śaṅkaraṁ hṛdā atha taṁ tanayaṁ dṛṣṭvā pitā taṁ prāha sāñjalim

and came forth from the house remembering Shankara in his heart. Then, seeing his son, his father spoke to him with joined palms —

Verse 77 (shiva.uma.3.77)

महादेवप्रसादाच्च कृतकृत्योऽस्मि कृत्यतः । धनवान् पुत्रवांश्चैव मृतोऽहं जीवितः पुनः

mahādevaprasādācca kṛtakṛtyo'smi kṛtyataḥ dhanavān putravāṁścaiva mṛto'haṁ jīvitaḥ punaḥ

'By the grace of Mahadeva, I have truly become fulfilled; wealthy and blessed with a son am I — though dead, I live once more.'

Verse 78 (shiva.uma.3.78)

इति वः कथितमशेषं नाहं शक्तः समासतो व्यासात् । वक्तुं शम्भोश्च गुणान् शेषस्यापि न मुखानि स्युः

iti vaḥ kathitamaśeṣaṁ nāhaṁ śaktaḥ samāsato vyāsāt vaktuṁ śambhośca guṇān śeṣasyāpi na mukhāni syuḥ

Thus have I told you all this without remainder. I am able to recount the virtues of Shambhu neither briefly nor at length — even the thousand mouths of Shesha would not suffice for that.