The Glory of the Pitrs

Verse 1 (shiva.uma.40.1)

व्यास उवाच । इत्याकर्ण्य श्राद्धदेवसूर्यान्वयमनुत्तमम् । पर्यपृच्छन्मुनिश्रेष्ठः शौनकः सूतमादरात्

vyāsa uvāca ityākarṇya śrāddhadevasūryānvayamanuttamam paryapṛcchanmuniśreṣṭhaḥ śaunakaḥ sūtamādarāt

Vyasa said: Having heard this supreme lineage of Shraddhadeva, descended from the Sun, Shaunaka, foremost of sages, respectfully questioned Suta further.

Verse 2 (shiva.uma.40.2)

शौनक उवाच । सूत सूत चिरञ्जीव व्यासशिष्य नमोऽस्तु ते । श्राविता परमा दिव्या कथा परमपावनी

śaunaka uvāca sūta sūta cirañjīva vyāsaśiṣya namo'stu te śrāvitā paramā divyā kathā paramapāvanī

Shaunaka said: 'O Suta, Suta, may you live long; disciple of Vyasa, salutations to you. You have made me hear this supreme, divine, most purifying tale.'

Verse 3 (shiva.uma.40.3)

त्वया प्रोक्तः श्राद्धदेवः सूर्यः सद्वंशवर्धनः । संशयस्तत्र मे जातस्तं ब्रवीमि त्वदग्रतः

tvayā proktaḥ śrāddhadevaḥ sūryaḥ sadvaṁśavardhanaḥ saṁśayastatra me jātastaṁ bravīmi tvadagrataḥ

'You have told of Shraddhadeva, the Sun, who continues the good lineage; a doubt has arisen in me about this, which I now speak before you.'

Verse 4 (shiva.uma.40.4)

कुतो वै श्राद्धदेवत्वमादित्यस्य विवस्वतः । श्रोतुमिच्छामि तत्प्रीत्या छिन्धि मे संशयं त्विमम्

kuto vai śrāddhadevatvamādityasya vivasvataḥ śrotumicchāmi tatprītyā chindhi me saṁśayaṁ tvimam

'How indeed did Aditya Vivasvan come to hold the office of Shraddhadeva, lord of the ancestral rite? I wish to hear this gladly; do dispel this doubt of mine.'

Verse 5 (shiva.uma.40.5)

श्राद्धस्यापि च माहात्म्यं तत्फलं च वद प्रभो । प्रीताश्च पितरो येन श्रेयसा योजयन्ति तम्

śrāddhasyāpi ca māhātmyaṁ tatphalaṁ ca vada prabho prītāśca pitaro yena śreyasā yojayanti tam

'And tell me too, O lord, the glory of the shraddha rite and its fruit, by which the pleased ancestors bestow blessing upon the performer.'

Verse 6 (shiva.uma.40.6)

एतच्च श्रोतुमिच्छामि पितृणां सर्गमुत्तमम् । कथय त्वं विशेषेण कृपां कुरु महामते

etacca śrotumicchāmi pitṛṇāṁ sargamuttamam kathaya tvaṁ viśeṣeṇa kṛpāṁ kuru mahāmate

'And I also wish to hear the supreme creation of the Pitrs; do tell it in particular, and be gracious, O wise one.'

Verse 7 (shiva.uma.40.7)

सूत उवाच । वच्मि तत्तेऽखिलं प्रीत्या पितृसर्गं तु शौनक । मार्कण्डेयेन कथितं भीष्माय परिपृच्छते

sūta uvāca vacmi tatte'khilaṁ prītyā pitṛsargaṁ tu śaunaka mārkaṇḍeyena kathitaṁ bhīṣmāya paripṛcchate

Suta said: 'I shall tell you all of that gladly, O Shaunaka — the creation of the Pitrs, as it was told by Markandeya to Bhishma, who had inquired.'

Verse 8 (shiva.uma.40.8)

गीतं सनत्कुमारेण मार्कण्डेयाय धीमते । तत्तेऽहं सम्प्रवक्ष्यामि सर्वकामफलप्रदम्

gītaṁ sanatkumāreṇa mārkaṇḍeyāya dhīmate tatte'haṁ sampravakṣyāmi sarvakāmaphalapradam

'What was told by Sanatkumara to the wise Markandeya, that I shall now relate to you, a teaching that bestows the fruit of every desire.'

Verse 9 (shiva.uma.40.9)

युधिष्ठिरेण सम्पृष्टो भीष्मो धर्मभृतां वरः । शरशय्यास्थितः प्रोचे तच्छृणुष्व वदामि ते

yudhiṣṭhireṇa sampṛṣṭo bhīṣmo dharmabhṛtāṁ varaḥ śaraśayyāsthitaḥ proce tacchṛṇuṣva vadāmi te

'Questioned by Yudhishthira, Bhishma, best among upholders of dharma, lying upon his bed of arrows, spoke it — hear that, as I tell it to you.'

Verse 10 (shiva.uma.40.10)

युधिष्ठिर उवाच । पुष्टिकामेन पुंसां वै कथं पुष्टिरवाप्यते । एतच्छ्रोतुं समिच्छामि किं कुर्वाणो न सीदति

yudhiṣṭhira uvāca puṣṭikāmena puṁsāṁ vai kathaṁ puṣṭiravāpyate etacchrotuṁ samicchāmi kiṁ kurvāṇo na sīdati

Yudhishthira said: 'How indeed does a person desiring prosperity attain prosperity? I wish to hear this — doing what does one not decline?'

Verse 11 (shiva.uma.40.11)

सूत उवाच । युधिष्ठिरेण सम्पृष्टं प्रश्नं श्रुत्वा स धर्मवित् । भीष्मः प्रोवाच सुप्रीत्या सर्वेषां शृण्वतां वचः

sūta uvāca yudhiṣṭhireṇa sampṛṣṭaṁ praśnaṁ śrutvā sa dharmavit bhīṣmaḥ provāca suprītyā sarveṣāṁ śaṛṇvatāṁ vacaḥ

Suta said: Hearing the question asked by Yudhishthira, that knower of dharma, Bhishma, gladly spoke his words as all listened.

Verse 12 (shiva.uma.40.12)

भीष्म उवाच । ये कुर्वन्ति नराः श्राद्धान्यपि प्रीत्या युधिष्ठिर । श्राद्धैः प्रीणाति तत्सर्वं पितॄणां हि प्रसादतः

bhīṣma uvāca ye kurvanti narāḥ śrāddhānyapi prītyā yudhiṣṭhira śrāddhaiḥ prīṇāti tatsarvaṁ pitṝṇāṁ hi prasādataḥ

Bhishma said: 'Those men, O Yudhishthira, who perform shraddha rites with devotion — all that pleases, indeed by the grace of the Pitrs.'

Verse 13 (shiva.uma.40.13)

श्राद्धानि चैव कुर्वन्ति फलकामाः सदा नराः । अभिसन्धाय पितरं पितुश्च पितरं तथा

śrāddhāni caiva kurvanti phalakāmāḥ sadā narāḥ abhisandhāya pitaraṁ pituśca pitaraṁ tathā

'Men, desiring their fruit, always perform shraddha rites, dedicating them to their father, and likewise to their father's father,'

Verse 14 (shiva.uma.40.14)

पितुः पितामहञ्चैव त्रिषु पिण्डेषु नित्यदा । पितरो धर्मकामस्य प्रजाकामस्य च प्रजाम्

pituḥ pitāmahañcaiva triṣu piṇḍeṣu nityadā pitaro dharmakāmasya prajākāmasya ca prajām

'and their father's grandfather also, always in the three funeral cakes; the ancestors grant, to one desiring dharma, merit; to one desiring offspring, offspring;'

Verse 15 (shiva.uma.40.15)

पुष्टिकामस्य पुष्टिं च प्रयच्छन्ति युधिष्ठिर

puṣṭikāmasya puṣṭiṁ ca prayacchanti yudhiṣṭhira

'and to one desiring prosperity, O Yudhishthira, they grant prosperity.'

Verse 16 (shiva.uma.40.16)

युधिष्ठिर उवाच । वर्तन्ते पितरः स्वर्गे केषाञ्चिन्नरके पुनः । प्राणिनां नियतं चापि कर्मजं फलमुच्यते

yudhiṣṭhira uvāca vartante pitaraḥ svarge keṣāñcinnarake punaḥ prāṇināṁ niyataṁ cāpi karmajaṁ phalamucyate

Yudhishthira said: 'The ancestors of some dwell in heaven, of others again in hell; and it is said that the fruit born of a being's deeds is fixed.'

Verse 17 (shiva.uma.40.17)

तानि श्राद्धानि दत्तानि कथं गच्छन्ति वै पितॄन् । कथं शक्तास्तमाहर्त्तुं नरकस्थाः फलं पुनः

tāni śrāddhāni dattāni kathaṁ gacchanti vai pitṝn kathaṁ śaktāstamāharttuṁ narakasthāḥ phalaṁ punaḥ

'How then do those shraddha-offerings, once given, reach the ancestors? How are those in hell able to receive that fruit at all?'

Verse 18 (shiva.uma.40.18)

देवा अपि पितृन्स्वर्गे यजन्त इति मे श्रुतम् । एतदिच्छाम्यहं श्रोतुं विस्तरेण ब्रवीहि मे

devā api pitṛnsvarge yajanta iti me śrutam etadicchāmyahaṁ śrotuṁ vistareṇa bravīhi me

'I have also heard that even the gods worship the Pitrs in heaven; I wish to hear of this — tell me in detail.'

Verse 19 (shiva.uma.40.19)

भीष्म उवाच । अत्र ते कीर्तयिष्यामि यथा श्रुतमरिन्दम । पित्रा मम पुरा गीतं लोकान्तरगतेन वै

bhīṣma uvāca atra te kīrtayiṣyāmi yathā śrutamarindama pitrā mama purā gītaṁ lokāntaragatena vai

Bhishma said: 'On this I shall relate to you, O subduer of foes, what I heard — indeed once told by my own father, who had gone to another world.'

Verse 20 (shiva.uma.40.20)

श्राद्धकाले मम पितुर्मया पिण्डः समुद्यतः । मत्पिता मम हस्तेन भित्त्वा भूमिमयाचत

śrāddhakāle mama piturmayā piṇḍaḥ samudyataḥ matpitā mama hastena bhittvā bhūmimayācata

'At the time of my father's shraddha, I had prepared the funeral cake; my father, breaking through the earth with my own hand, requested it.'

Verse 21 (shiva.uma.40.21)

नैष कल्पविधिर्दृष्ट इति निश्चित्य चाप्यहम् । कुशेष्वेव ततः पिण्डं दत्तवानविचारयन्

naiṣa kalpavidhirdṛṣṭa iti niścitya cāpyaham kuśeṣveva tataḥ piṇḍaṁ dattavānavicārayan

'Determining that this was not the correct procedure of the ritual texts, I, without further deliberation, then offered the funeral cake upon kusha grass instead.'

Verse 22 (shiva.uma.40.22)

ततः पिता मे सन्तुष्टो वाचा मधुरया तदा । उवाच भरतश्रेष्ठ प्रीयमाणो मयानघ

tataḥ pitā me santuṣṭo vācā madhurayā tadā uvāca bharataśreṣṭha prīyamāṇo mayānagha

'Then my father, pleased, spoke to me then with sweet words: "O best of the Bharatas, sinless one, being pleased with you—"'

Verse 23 (shiva.uma.40.23)

त्वया दायादवानस्मि धर्मज्ञेन विपश्चिता । तारितोऽहं तु जिज्ञासा कृता मे पुरुषोत्तम

tvayā dāyādavānasmi dharmajñena vipaścitā tārito'haṁ tu jijñāsā kṛtā me puruṣottama

'—by you, O wise knower of dharma, I have been given a worthy heir; I have been redeemed; my curiosity, O best of men, was but a test.'

Verse 24 (shiva.uma.40.24)

प्रमाणं यद्धि कुरुते धर्माचारेण पार्थिवः । प्रजास्तदनुवर्तन्ते प्रमाणाचरितं सदा

pramāṇaṁ yaddhi kurute dharmācāreṇa pārthivaḥ prajāstadanuvartante pramāṇācaritaṁ sadā

'For whatever standard a king sets through righteous conduct, his subjects always follow that established standard.'

Verse 25 (shiva.uma.40.25)

शृणु त्वं भरतश्रेष्ठ वेदधर्मांश्च शाश्वतान् । प्रमाणं वेदधर्मस्य पुत्र निर्वर्त्तितं त्वया

śaṛṇu tvaṁ bharataśreṣṭha vedadharmāṁśca śāśvatān pramāṇaṁ vedadharmasya putra nirvarttitaṁ tvayā

'Listen, O best of the Bharatas, to the eternal Vedic laws; the standard of Vedic dharma, my son, has been upheld by you.'

Verse 26 (shiva.uma.40.26)

तस्मात्तवाहं सुप्रीतः प्रीत्या वरमनुत्तमम् । ददामि त्वं प्रतीच्छस्व त्रिषु लोकेषु दुर्लभम्

tasmāttavāhaṁ suprītaḥ prītyā varamanuttamam dadāmi tvaṁ pratīcchasva triṣu lokeṣu durlabham

'Therefore, greatly pleased with you, I give you, out of love, a supreme boon, one difficult to obtain in the three worlds; accept it.'

Verse 27 (shiva.uma.40.27)

न ते प्रभविता मृत्युर्यावज्जीवितुमिच्छसि । त्वत्तोऽभ्यनुज्ञां सम्प्राप्य मृत्युः प्रभविता पुनः

na te prabhavitā mṛtyuryāvajjīvitumicchasi tvatto'bhyanujñāṁ samprāpya mṛtyuḥ prabhavitā punaḥ

'Death shall have no power over you as long as you wish to live; only having received permission from you shall death again have power over you.'

Verse 28 (shiva.uma.40.28)

किं वा ते प्रार्थितं भूयो ददामि वरमुत्तमम् । तद् ब्रूहि भरतश्रेष्ठ यत्ते मनसि वर्तते

kiṁ vā te prārthitaṁ bhūyo dadāmi varamuttamam tad brūhi bharataśreṣṭha yatte manasi vartate

'Or, what else do you desire? I shall give you yet another supreme boon; tell me that, O best of the Bharatas, whatever is in your mind.'

Verse 29 (shiva.uma.40.29)

इत्युक्तवति तस्मिंस्तु अभिवाद्य कृताञ्जलिः । अवोचं कृतकृत्योऽहं प्रसन्ने त्वयि मानद । प्रश्नं पृच्छामि वै कञ्चिद्वाच्यः स भवता स्वयम्

ityuktavati tasmiṁstu abhivādya kṛtāñjaliḥ avocaṁ kṛtakṛtyo'haṁ prasanne tvayi mānada praśnaṁ pṛcchāmi vai kañcidvācyaḥ sa bhavatā svayam

When he had spoken thus, saluting him with joined palms, I said: 'I am fulfilled, O giver of honor, since you are pleased with me. I would ask a certain question — you yourself must answer it.'

Verse 30 (shiva.uma.40.30)

स मामुवाच तद् ब्रूहि यदीच्छसि वदामि ते । इत्युक्तेन मया तत्र पृष्टः प्रोवाच तं नृपः

sa māmuvāca tad brūhi yadīcchasi vadāmi te ityuktena mayā tatra pṛṣṭaḥ provāca taṁ nṛpaḥ

He said to me, 'Ask what you wish; I shall tell you.' Thus addressed by me, the king there, when questioned, spoke thus—

Verse 31 (shiva.uma.40.31)

शन्तनुरुवाच । शृणु तात प्रवक्ष्यामि प्रश्नं तेऽहं यथार्थतः । पितृकल्पं च निखिलं मार्कण्डेयेन मे श्रुतम्

śantanuruvāca śaṛṇu tāta pravakṣyāmi praśnaṁ te'haṁ yathārthataḥ pitṛkalpaṁ ca nikhilaṁ mārkaṇḍeyena me śrutam

Shantanu said: 'Listen, my dear son, I shall answer your question truthfully. The entire ordinance concerning the Pitrs I heard from Markandeya.'

Verse 32 (shiva.uma.40.32)

यत्त्वं पृच्छसि मां तात तदेवाहं महामुनिम् । मार्कण्डेयमपृच्छं हि स मां प्रोवाच धर्मवित्

yattvaṁ pṛcchasi māṁ tāta tadevāhaṁ mahāmunim mārkaṇḍeyamapṛcchaṁ hi sa māṁ provāca dharmavit

'That very thing which you ask me, my son, I too asked the great sage Markandeya; and he, knower of dharma, told me:'

Verse 33 (shiva.uma.40.33)

मार्कण्डेय उवाच । शृणु राजन्मया दृष्टं कदाचित्पश्यता दिवम् । विमानं महदायान्तमन्तरेण गिरेस्तदा

mārkaṇḍeya uvāca śaṛṇu rājanmayā dṛṣṭaṁ kadācitpaśyatā divam vimānaṁ mahadāyāntamantareṇa girestadā

Markandeya said: 'Listen, O king. Once, while gazing at the sky, I saw a great celestial chariot coming, then, between the mountains.'

Verse 34 (shiva.uma.40.34)

तस्मिन्विमाने पर्यक्षं ज्वलिताङ्गारवर्चसम् । महातेजः प्रज्वलन्तं निर्विशेषं मनोहरम्

tasminvimāne paryakṣaṁ jvalitāṅgāravarcasam mahātejaḥ prajvalantaṁ nirviśeṣaṁ manoharam

'In that chariot, visible before my eyes, was something of the splendor of blazing embers, of great brilliance, ever-blazing, uniformly enchanting.'

Verse 35 (shiva.uma.40.35)

अपश्यं चैव तत्राहं शयानं दीप्ततेजसम् । अङ्गुष्ठमात्रं पुरुषमग्नावग्निमिवाहितम्

apaśyaṁ caiva tatrāhaṁ śayānaṁ dīptatejasam aṅguṣṭhamātraṁ puruṣamagnāvagnimivāhitam

'And there I saw, lying down, one of blazing splendor — a person the size of a thumb, like fire placed within fire.'

Verse 36 (shiva.uma.40.36)

सोऽहं तस्मै नमः कृत्वा प्रणम्य शिरसा प्रभुम् । अपृच्छं चैव तमहं विद्याम त्वां कथं विभो

so'haṁ tasmai namaḥ kṛtvā praṇamya śirasā prabhum apṛcchaṁ caiva tamahaṁ vidyāma tvāṁ kathaṁ vibho

'I, having bowed to him, saluting that lord with my head, then asked him: "O mighty one, how may I know you?"'

Verse 37 (shiva.uma.40.37)

स मामुवाच धर्मात्मा ते न तद्विद्यते तपः । येन त्वं बुध्यसे मां हि मुने वै ब्रह्मणः सुतम्

sa māmuvāca dharmātmā te na tadvidyate tapaḥ yena tvaṁ budhyase māṁ hi mune vai brahmaṇaḥ sutam

'That righteous-souled one said to me: "You do not possess the austerity, O sage, by which you might recognize me — I who am indeed a son of Brahma."'

Verse 38 (shiva.uma.40.38)

सनत्कुमारमिति मां विद्धि किं करवाणि ते । ये त्वन्ये ब्रह्मणः पुत्राः कनीयांसस्तु ते मम

sanatkumāramiti māṁ viddhi kiṁ karavāṇi te ye tvanye brahmaṇaḥ putrāḥ kanīyāṁsastu te mama

'"Know me as Sanatkumara. What shall I do for you? Those other sons of Brahma are younger than I."'

Verse 39 (shiva.uma.40.39)

भ्रातरः सप्त दुर्धर्षा येषां वंशाः प्रतिष्ठिताः । वयं तु यतिधर्माणः संयम्यात्मानमात्मनि

bhrātaraḥ sapta durdharṣā yeṣāṁ vaṁśāḥ pratiṣṭhitāḥ vayaṁ tu yatidharmāṇaḥ saṁyamyātmānamātmani

'"There are seven unassailable brothers, whose lines are established; but we follow the discipline of ascetics, having restrained the self within the self."'

Verse 40 (shiva.uma.40.40)

यथोत्पन्नस्तथैवाहं कुमार इति विश्रुतः । तस्मात्सनत्कुमारं मे नामैतत्कथितं मुने

yathotpannastathaivāhaṁ kumāra iti viśrutaḥ tasmātsanatkumāraṁ me nāmaitatkathitaṁ mune

'"As I was at birth, so I remain — ever a youth. Hence I am known as Kumara; therefore, O sage, this name Sanatkumara has been given to me."'

Verse 41 (shiva.uma.40.41)

यद्भक्त्या ते तपश्चीर्णं मम दर्शनकाङ्क्षया । एष दृष्टोऽस्मि भद्रं ते कं कामं करवाणि ते

yadbhaktyā te tapaścīrṇaṁ mama darśanakāṅkṣayā eṣa dṛṣṭo'smi bhadraṁ te kaṁ kāmaṁ karavāṇi te

'"Since with devotion you have practiced austerity out of a desire to see me, here I am, seen by you; blessings on you — what desire shall I fulfill for you?"'

Verse 42 (shiva.uma.40.42)

इत्युक्तवन्तं तं चाहं प्रावोचं त्वं शृणु प्रभो । पितॄणामादिसर्गं च कथयस्व यथातथम्

ityuktavantaṁ taṁ cāhaṁ prāvocaṁ tvaṁ śaṛṇu prabho pitṝṇāmādisargaṁ ca kathayasva yathātatham

To him, thus speaking, I said: 'Listen, O lord: tell me the primal creation of the Pitrs, exactly as it is.'

Verse 43 (shiva.uma.40.43)

इत्युक्तः स तु मां प्राह शृणु सर्वं यथातथम् । वच्मि ते तत्त्वतस्तात पितृसर्गं शुभावहम्

ityuktaḥ sa tu māṁ prāha śaṛṇu sarvaṁ yathātatham vacmi te tattvatastāta pitṛsargaṁ śubhāvaham

'Thus addressed, he said to me: "Hear everything exactly as it is; I shall tell you truly, my son, the auspicious creation of the Pitrs."'

Verse 44 (shiva.uma.40.44)

सनत्कुमार उवाच । देवान्पुरासृजद्ब्रह्मा मां यक्षध्वं स चाह तान् । तमुत्सृज्य तमात्मानमयजंस्ते फलार्थिनः

sanatkumāra uvāca devānpurāsṛjadbrahmā māṁ yakṣadhvaṁ sa cāha tān tamutsṛjya tamātmānamayajaṁste phalārthinaḥ

Sanatkumara said: 'Formerly Brahma created the gods, and said to them, "Worship me." But abandoning him, they, seeking their own rewards, worshipped their own selves instead.'

Verse 45 (shiva.uma.40.45)

ते शप्ता ब्रह्मणा मूढा नष्टसंज्ञा भविष्यथ । तस्मात्किञ्चिदजानन्तो नष्टसंज्ञाः पितामहम्

te śaptā brahmaṇā mūḍhā naṣṭasaṁjñā bhaviṣyatha tasmātkiñcidajānanto naṣṭasaṁjñāḥ pitāmaham

'They were cursed by Brahma: "You deluded ones shall lose your memory." Therefore, knowing nothing, having lost their memory, they went to the Grandsire—'

Verse 46 (shiva.uma.40.46)

प्रोचुस्तं प्रणताः सर्वे कुरुष्वानुग्रहं हि नः । इत्युक्तस्तानुवाचेदं प्रायश्चित्तार्थमेव हि

procustaṁ praṇatāḥ sarve kuruṣvānugrahaṁ hi naḥ ityuktastānuvācedaṁ prāyaścittārthameva hi

'—and, all bowing, said to him, "Show us your grace indeed." Thus addressed, he told them this, for the sake of atonement:'

Verse 47 (shiva.uma.40.47)

पुत्रान्स्वान्परिपृच्छध्वं ततो ज्ञानमवाप्स्यथ । इत्युक्ता नष्टसंज्ञास्ते पुत्रान्पप्रच्छुरोजसा

putrānsvānparipṛcchadhvaṁ tato jñānamavāpsyatha ityuktā naṣṭasaṁjñāste putrānpapracchurojasā

'"Ask your own sons; then you shall regain knowledge." Thus told, they, memory lost, forcefully questioned their sons—'

Verse 48 (shiva.uma.40.48)

प्रायश्चित्तार्थमेवाधिलब्धसंज्ञा दिवौकसः । गम्यतां पुत्रका एवं पुत्रैरुक्ताश्च तेऽनघ

prāyaścittārthamevādhilabdhasaṁjñā divaukasaḥ gamyatāṁ putrakā evaṁ putrairuktāśca te'nagha

'—purely for the sake of that atonement, seeking to regain their memory, those gods, dwellers of heaven, went to their sons; and, O sinless one, they were thus addressed by those sons—'

Verse 49 (shiva.uma.40.49)

अभिशप्तास्तु ते देवाः पुत्रकामेन वेधसम् । पप्रच्छुरुक्ताः पुत्रैस्ते गतास्ते पुत्रका इति

abhiśaptāstu te devāḥ putrakāmena vedhasam papracchuruktāḥ putraiste gatāste putrakā iti

'—those cursed gods, desiring wisdom from their sons, then went to question the Ordainer; told by their sons that they had themselves now become sons, they returned.'

Verse 50 (shiva.uma.40.50)

ततस्तानब्रवीद्देवो देवान्ब्रह्मा ससंशयान् । शृणुध्वं निर्जराः सर्वे यूयं न ब्रह्मवादिनः

tatastānabravīddevo devānbrahmā sasaṁśayān śaṛṇudhvaṁ nirjarāḥ sarve yūyaṁ na brahmavādinaḥ

'Then the god Brahma said to those doubting gods: "Listen, all you undying ones — you are not speakers of Brahman, the enlightened."'

Verse 51 (shiva.uma.40.51)

तस्माद्यदुक्तं युष्माकं पुत्रैस्तैर्ज्ञानिसत्तमैः । मन्तव्यं संशयं त्यक्त्वा तथा न च तदन्यथा

tasmādyaduktaṁ yuṣmākaṁ putraistairjñānisattamaiḥ mantavyaṁ saṁśayaṁ tyaktvā tathā na ca tadanyathā

'"Therefore, whatever has been told to you by those sons of yours, best among the wise, is to be accepted, abandoning doubt, exactly so, and not otherwise."'

Verse 52 (shiva.uma.40.52)

देवाश्च पितरश्चैव यजध्वं त्रिदिवौकसः । परस्परं महाप्रीत्या सर्वकामफलप्रदाः

devāśca pitaraścaiva yajadhvaṁ tridivaukasaḥ parasparaṁ mahāprītyā sarvakāmaphalapradāḥ

'"O dwellers of the third heaven, worship one another — both gods and ancestors — with great mutual love, bestowing the fruit of every desire upon each other."'

Verse 53 (shiva.uma.40.53)

सनत्कुमार उवाच । ततस्ते छिन्नसन्देहाः प्रीतिमन्तः परस्परम् । बभूवुर्मुनिशार्दूल ब्रह्मवाक्यात्सुखप्रदाः

sanatkumāra uvāca tataste chinnasandehāḥ prītimantaḥ parasparam babhūvurmuniśārdūla brahmavākyātsukhapradāḥ

Sanatkumara said: 'Then, their doubts dispelled, O tiger among sages, they became mutually affectionate, made joyful by Brahma's words.'

Verse 54 (shiva.uma.40.54)

ततो देवा हि प्रोचुस्तान्यदुक्ताः पुत्रका वयम् । तस्माद्भवन्तः पितरो भविष्यथ न संशयः

tato devā hi procustānyaduktāḥ putrakā vayam tasmādbhavantaḥ pitaro bhaviṣyatha na saṁśayaḥ

'Then the gods said to them: "Since we were called your sons, therefore you shall become our Pitrs — without doubt."'

Verse 55 (shiva.uma.40.55)

पितृश्राद्धे क्रियां कश्चित्करिष्यति न संशयः । श्राद्धैराप्यायितः सोमो लोकानाप्याययिष्यति

pitṛśrāddhe kriyāṁ kaścitkariṣyati na saṁśayaḥ śrāddhairāpyāyitaḥ somo lokānāpyāyayiṣyati

'Whoever performs the rite in the shraddha of the Pitrs, without doubt — Soma, nourished by those shraddha-offerings, will nourish the worlds.'

Verse 56 (shiva.uma.40.56)

समुद्रं पर्वतवनं जङ्गमाजङ्गमैर्वृतम् । श्राद्धानि पुष्टिकामाश्च ये करिष्यन्ति मानवाः

samudraṁ parvatavanaṁ jaṅgamājaṅgamairvṛtam śrāddhāni puṣṭikāmāśca ye kariṣyanti mānavāḥ

'—the ocean, the mountains, and forests, filled with moving and unmoving beings; and those humans who, desiring prosperity, will perform shraddha rites—'

Verse 57 (shiva.uma.40.57)

तेभ्यः पुष्टिप्रदाश्चैव पितरः प्रीणिताः सदा । श्राद्धे ये च प्रदास्यन्ति त्रीन्पिण्डान्नामगोत्रतः

tebhyaḥ puṣṭipradāścaiva pitaraḥ prīṇitāḥ sadā śrāddhe ye ca pradāsyanti trīnpiṇḍānnāmagotrataḥ

'—to them the Pitrs, ever pleased, will grant prosperity; and those who, in the shraddha rite, will offer three funeral cakes by name and lineage—'

Verse 58 (shiva.uma.40.58)

सर्वत्र वर्तमानास्ते पितरः प्रपितामहाः । भावयिष्यन्ति सततं श्राद्धदानेन तर्पिताः

sarvatra vartamānāste pitaraḥ prapitāmahāḥ bhāvayiṣyanti satataṁ śrāddhadānena tarpitāḥ

'—those ancestors and great-grandfathers, present everywhere, satisfied by the gift of shraddha, will constantly bless them.'

Verse 59 (shiva.uma.40.59)

इति तद्वचनं सत्यं भवत्वथ दिवौकसः । पुत्राश्च पितरश्चैव वयं सर्वे परस्परम्

iti tadvacanaṁ satyaṁ bhavatvatha divaukasaḥ putrāśca pitaraścaiva vayaṁ sarve parasparam

'"Thus let that word be true," said the gods, "we shall all be, to one another, both sons and Pitrs."'

Verse 60 (shiva.uma.40.60)

एवं ते पितरो देवा धर्मतः पुत्रतां गताः । अन्योऽन्यं पितरो वै ते प्रथिताः क्षितिमण्डले

evaṁ te pitaro devā dharmataḥ putratāṁ gatāḥ anyo'nyaṁ pitaro vai te prathitāḥ kṣitimaṇḍale

Thus those gods, in relation as Pitrs, righteously attained the state of mutual sonship; they became renowned upon this earth as ancestors to one another.