The Avatar of Mahalakshmi

Verse 1 (shiva.uma.46.1)

ऋषिरुवाच । आसीद्रम्भासुरो नाम दैत्यवंशशिरोमणिः । तस्माज्जातो महातेजा महिषो नाम दानवः

ṛṣiruvāca āsīdrambhāsuro nāma daityavaṁśaśiromaṇiḥ tasmājjāto mahātejā mahiṣo nāma dānavaḥ

The sage said: There was a demon named Rambha, the crown-jewel of the demon race; from him was born a mighty and radiant demon named Mahisha.

Verse 2 (shiva.uma.46.2)

स सङ्ग्रामे सुरान्सर्वान्निर्जित्य दनुजाधिपः । चकार राज्यं स्वर्लोके महेन्द्रासनसंस्थितः

sa saṅgrāme surānsarvānnirjitya danujādhipaḥ cakāra rājyaṁ svarloke mahendrāsanasaṁsthitaḥ

That lord of demons, having conquered all the gods in battle, ruled over heaven, seated upon the very throne of Mahendra.

Verse 3 (shiva.uma.46.3)

पराजितास्ततो देवा ब्रह्माणं शरणं ययुः । ब्रह्मापि तान्समादाय ययौ यत्र वृषाकपी

parājitāstato devā brahmāṇaṁ śaraṇaṁ yayuḥ brahmāpi tānsamādāya yayau yatra vṛṣākapī

Then the defeated gods took refuge with Brahmā; and Brahmā too, taking them with him, went to where Shankara and Keshava dwelt.

Verse 4 (shiva.uma.46.4)

तत्र गत्वा सुराः सर्वे नत्वा शङ्करकेशवौ । स्ववृत्तं कथायामासुर्यथावदनुपूर्वशः

tatra gatvā surāḥ sarve natvā śaṅkarakeśavau svavṛttaṁ kathāyāmāsuryathāvadanupūrvaśaḥ

Having gone there, all the gods bowed to Shankara and Keshava and related their whole condition to them, in due order, exactly as it stood.

Verse 5 (shiva.uma.46.5)

भगवन्तौ वयं सर्वे महिषेण दुरात्मना । उज्जासिताश्च स्वर्लोकान्निर्जित्य समराङ्गणे

bhagavantau vayaṁ sarve mahiṣeṇa durātmanā ujjāsitāśca svarlokānnirjitya samarāṅgaṇe

"O blessed lords, all of us have been driven out of the heavenly world, defeated in the battlefield by that evil-souled Mahisha.

Verse 6 (shiva.uma.46.6)

भ्रमामो मर्त्यलोकेऽस्मिन्न लभेमहिशं क्वचित् । कां कां न दुर्दशां नीता देवा इन्द्रपुरोगमाः

bhramāmo martyaloke'sminna labhemahiśaṁ kvacit kāṁ kāṁ na durdaśāṁ nītā devā indrapurogamāḥ

We wander here in this world of mortals, finding refuge nowhere; to what depths of misfortune we gods, with Indra at our head, have been brought!

Verse 7 (shiva.uma.46.7)

सूर्याचन्द्रमसौ पाशी कुबेरो यम एव च । इन्द्राग्निवातगन्धर्वा विद्याधरसुचारणाः

sūryācandramasau pāśī kubero yama eva ca indrāgnivātagandharvā vidyādharasucāraṇāḥ

The Sun and the Moon, Varuna the noose-bearer, Kubera, and Yama too, Indra, Agni, Vāyu, the gandharvas, the vidyādharas, and the noble chāraṇas —

Verse 8 (shiva.uma.46.8)

एतेषामपरेषां च विधेयं कर्म सोऽसुरः । स्वयं करोति पापात्मा दैत्यपक्षाभयङ्कर

eteṣāmapareṣāṁ ca vidheyaṁ karma so'suraḥ svayaṁ karoti pāpātmā daityapakṣābhayaṅkara

the office of each of these, and of others too, that sinful demon now himself performs — O lord, giver of fearlessness to the demons' faction!

Verse 9 (shiva.uma.46.9)

तस्माच्छरणमापन्नान्देवान्नस्त्रातुमर्हथः । वधोपायं च तस्याशु चिन्तयेथां युवां प्रभू

tasmāccharaṇamāpannāndevānnastrātumarhathaḥ vadhopāyaṁ ca tasyāśu cintayethāṁ yuvāṁ prabhū

Therefore it is you alone who are fit to protect us gods, who have come seeking refuge; may you two lords swiftly devise a means for his destruction."

Verse 10 (shiva.uma.46.10)

इति देववचः श्रुत्वा दामोदरसतीश्वरौ । चक्रतुः परमं कोपं रोषाघूर्णितलोचनौ

iti devavacaḥ śrutvā dāmodarasatīśvarau cakratuḥ paramaṁ kopaṁ roṣāghūrṇitalocanau

Hearing this speech of the gods, Dāmodara (Vishnu) and Shiva were both filled with the greatest fury, their eyes rolling with wrath.

Verse 11 (shiva.uma.46.11)

ततोऽतिकोपपूर्णस्य विष्णोः शम्भोश्च वक्त्रतः । तथान्येषां च देवानां शरीरान्निर्गतं महः

tato'tikopapūrṇasya viṣṇoḥ śambhośca vaktrataḥ tathānyeṣāṁ ca devānāṁ śarīrānnirgataṁ mahaḥ

Then, from the mouths of the wrathful Vishnu and Shambhu, and from the bodies of the other gods as well, a great splendour issued forth.

Verse 12 (shiva.uma.46.12)

अतीव महसः पुञ्जं ज्वलन्तं दशदिक्षु च । अपश्यंस्त्रिदशाः सर्वे दुर्गाध्यानपरायणाः

atīva mahasaḥ puñjaṁ jvalantaṁ daśadikṣu ca apaśyaṁstridaśāḥ sarve durgādhyānaparāyaṇāḥ

That exceedingly great mass of splendour, blazing in every direction, all the assembled gods beheld, their minds turned in meditation upon Durgā.

Verse 13 (shiva.uma.46.13)

सर्वदेवशरीरोत्थं तेजस्तदतिभीषणम् । सङ्घीभूयाभवन्नारी साक्षान्महिषमर्दिनी

sarvadevaśarīrotthaṁ tejastadatibhīṣaṇam saṅghībhūyābhavannārī sākṣānmahiṣamardinī

That most terrible splendour, arisen from the bodies of all the gods, gathered itself together and became a woman — the very slayer of Mahishasura in visible form.

Verse 14 (shiva.uma.46.14)

शम्भुतेजस उत्पन्नं मुखमस्याः सुभास्वरम् । याम्येन बाला अभवन्वैष्णवेन च बाहवः

śambhutejasa utpannaṁ mukhamasyāḥ subhāsvaram yāmyena bālā abhavanvaiṣṇavena ca bāhavaḥ

From the splendour of Shambhu was born her most radiant face; from the splendour of Yama came her arms, and from Vishnu's splendour too came arms.

Verse 15 (shiva.uma.46.15)

चन्द्रमस्तेजसा तस्याः स्तनयुग्मं व्यजायत । मध्यमैन्द्रेण जङ्घोरू वारुणेन बभूवतुः

candramastejasā tasyāḥ stanayugmaṁ vyajāyata madhyamaindreṇa jaṅghorū vāruṇena babhūvatuḥ

From the moon's splendour her pair of breasts came into being; her waist from Indra's splendour, and her thighs and knees from Varuna's splendour.

Verse 16 (shiva.uma.46.16)

भूतेजसा नितम्बोऽभूद् ब्राह्मेण चरणद्वयम् । आर्केण चरणाङ्गुल्यः कराङ्गुल्यश्च वासवात्

bhūtejasā nitambo'bhūd brāhmeṇa caraṇadvayam ārkeṇa caraṇāṅgulyaḥ karāṅgulyaśca vāsavāt

From the earth's splendour her hips arose, from Brahmā's splendour her two feet; from the sun's splendour the toes of her feet, and from Indra's splendour the fingers of her hands.

Verse 17 (shiva.uma.46.17)

कुबेरतेजसा नासा रदनाश्च प्रजापतेः । पावकीयेन नयनत्रयं सान्ध्येन भ्रूद्वयम्

kuberatejasā nāsā radanāśca prajāpateḥ pāvakīyena nayanatrayaṁ sāndhyena bhrūdvayam

From Kubera's splendour her nose, and from Prajāpati's splendour her teeth arose; from Agni's splendour her three eyes, and from Sandhyā's splendour her two eyebrows.

Verse 18 (shiva.uma.46.18)

आनिलेन श्रवोद्वन्द्वं तथान्येषां स्वरोकसाम् । तेजसा सम्भवा पद्मालया सा परमेश्वरी

ānilena śravodvandvaṁ tathānyeṣāṁ svarokasām tejasā sambhavā padmālayā sā parameśvarī

From Vāyu's splendour her pair of ears, and from the splendour of the other world-guardians too [other limbs arose] — thus, born from that entire mass of splendour, the supreme goddess Padmālayā (Lakshmi) came forth.

Verse 19 (shiva.uma.46.19)

ततो निखिलदेवानां तेजोराशिसमुद्भवाम् । तामालोक्य सुराः सर्वे परं हर्षं प्रपेदिरे

tato nikhiladevānāṁ tejorāśisamudbhavām tāmālokya surāḥ sarve paraṁ harṣaṁ prapedire

Then, beholding her thus born of the combined splendour of all the gods, every one of the gods was filled with the greatest joy.

Verse 20 (shiva.uma.46.20)

निरायुधां च तां दृष्ट्वा ब्रह्माद्यास्त्रिदिवेश्वराः । सायुधां तां शिवां कर्तुं मनः सन्दधिरे सुराः

nirāyudhāṁ ca tāṁ dṛṣṭvā brahmādyāstridiveśvarāḥ sāyudhāṁ tāṁ śivāṁ kartuṁ manaḥ sandadhire surāḥ

Seeing her weaponless, Brahmā and the other lords of the three worlds resolved in their minds to make her auspicious by furnishing her with weapons.

Verse 21 (shiva.uma.46.21)

ततः शूलं महेशानो महेशान्यै समर्पयत् । चक्रं च कृष्णो भगवान् शङ्खं पाशं च पाशभृत्

tataḥ śūlaṁ maheśāno maheśānyai samarpayat cakraṁ ca kṛṣṇo bhagavān śaṅkhaṁ pāśaṁ ca pāśabhṛt

Then the great Lord Mahesha offered her the trident; the blessed Krishna, the discus; and Varuna, the noose-bearer, gave her a conch and a noose.

Verse 22 (shiva.uma.46.22)

शक्तिं हुताशनोऽयच्छन्मारुतश्चापमेव च । बाणपूर्णेषुधी चैव वज्रघण्टे शचीपतिः

śaktiṁ hutāśano'yacchanmārutaścāpameva ca bāṇapūrṇeṣudhī caiva vajraghaṇṭe śacīpatiḥ

Agni gave her the spear, and Vāyu, a bow; Indra gave two quivers filled with arrows, and also the thunderbolt and a bell.

Verse 23 (shiva.uma.46.23)

यमो ददौ कालदण्डमक्षमालां प्रजापतिः । ब्रह्मा कमण्डलुं प्रादाद्रोमरश्मीन्दिवाकरः

yamo dadau kāladaṇḍamakṣamālāṁ prajāpatiḥ brahmā kamaṇḍaluṁ prādādromaraśmīndivākaraḥ

Yama gave the staff of death, Prajāpati, a rosary; Brahmā offered a water-pot, and the sun, the very rays of his own light.

Verse 24 (shiva.uma.46.24)

कालः खड्गं ददौ तस्यै फलकं च समुज्वलम् । क्षीराब्धी रुचिरं हारमजरे च तथाम्बरे

kālaḥ khaḍgaṁ dadau tasyai phalakaṁ ca samujvalam kṣīrābdhī ruciraṁ hāramajare ca tathāmbare

Kāla (Time) gave her a sword and a bright, gleaming shield; and the ocean of milk, a lovely necklace and garments that never age.

Verse 25 (shiva.uma.46.25)

चूडामणिं कुण्डले च कटकानि तथैव च । अर्द्धचन्द्रं च केयूरान्नूपुरौ च मनोहरौ

cūḍāmaṇiṁ kuṇḍale ca kaṭakāni tathaiva ca arddhacandraṁ ca keyūrānnūpurau ca manoharau

It gave also a crest-jewel and earrings, and bracelets besides; a crescent ornament, armlets, and two lovely anklets.

Verse 26 (shiva.uma.46.26)

ग्रैवेयकमङ्गुलीषु समस्तास्वङ्गुलीयकम् । विश्वकर्मा च परशुं ददौ तस्यै मनोहरम्

graiveyakamaṅgulīṣu samastāsvaṅgulīyakam viśvakarmā ca paraśuṁ dadau tasyai manoharam

It gave a necklace for the throat and rings for all her fingers as well; and Vishvakarmā presented her with a lovely battle-axe.

Verse 27 (shiva.uma.46.27)

अस्त्राण्यनेकानि तथाभेद्यं चैव तनुच्छदम् । सुरम्यसरसां मालां पङ्कजं चाम्बुधिर्ददौ

astrāṇyanekāni tathābhedyaṁ caiva tanucchadam suramyasarasāṁ mālāṁ paṅkajaṁ cāmbudhirdadau

He gave also many weapons and an impenetrable armour for her body; and the ocean gave her a most lovely garland of lotuses drawn from delightful lakes.

Verse 28 (shiva.uma.46.28)

ददौ सिंहं च हिमवान् रत्नानि विविधानि च । सुरया पूरितं पात्रं कुबेरोऽस्यै समर्पयत्

dadau siṁhaṁ ca himavān ratnāni vividhāni ca surayā pūritaṁ pātraṁ kubero'syai samarpayat

The Himālaya gave her a lion and jewels of every kind; Kubera presented her with a vessel filled with the wine Surā.

Verse 29 (shiva.uma.46.29)

शेषश्च भोगिनां नेता विचित्ररचनाञ्चितम् । ददौ तस्यै नागहारं नानासन्मणिगुम्फितम्

śeṣaśca bhogināṁ netā vicitraracanāñcitam dadau tasyai nāgahāraṁ nānāsanmaṇigumphitam

And Shesha, lord of the serpents, presented her with a serpent-garland adorned with wondrous craftsmanship, strung with every kind of excellent gem.

Verse 30 (shiva.uma.46.30)

एतैश्चान्यैः सुरैर्देवी भूषणैरायुधैस्तथा । सत्कृतोच्चैर्ननादासौ साट्टहासं पुनःपुनः

etaiścānyaiḥ surairdevī bhūṣaṇairāyudhaistathā satkṛtoccairnanādāsau sāṭṭahāsaṁ punaḥpunaḥ

Thus honoured with these and other ornaments and weapons given by the gods, that goddess roared aloud, again and again, with peals of laughter.

Verse 31 (shiva.uma.46.31)

तस्या भीषणनादेन पूरिता च नभःस्थली । प्रतिशब्दो महानासीच्चुक्षुभे भुवनत्रयम्

tasyā bhīṣaṇanādena pūritā ca nabhaḥsthalī pratiśabdo mahānāsīccukṣubhe bhuvanatrayam

By that terrible roar of hers the vault of the sky was filled; its echo was mighty, and the three worlds trembled.

Verse 32 (shiva.uma.46.32)

चेलुः समुद्राश्चत्वारो वसुधा च चचाल ह । जयशब्दस्ततो देवैरकारि महिषार्दितैः

celuḥ samudrāścatvāro vasudhā ca cacāla ha jayaśabdastato devairakāri mahiṣārditaiḥ

The four oceans shook, and the earth too was made to tremble; then the gods, so long tormented by Mahisha, raised aloud the cry of victory.

Verse 33 (shiva.uma.46.33)

ततोऽम्बिकां परां शक्तिं महालक्ष्मीस्वरूपिणीम् । तुष्टुवुस्ते सुराः सर्वे भक्तिगद्गदया गिरा

tato'mbikāṁ parāṁ śaktiṁ mahālakṣmīsvarūpiṇīm tuṣṭuvuste surāḥ sarve bhaktigadgadayā girā

Then all the gods, in voices choked with devotion, praised that supreme power Ambikā, who bore the very form of Mahālakṣmī.

Verse 34 (shiva.uma.46.34)

लोकं सङ्क्षुब्धमालोक्य देवतापरिपन्थिनः । सन्नद्धसैनिकास्ते च समुत्तस्थुरुदायुधाः

lokaṁ saṅkṣubdhamālokya devatāparipanthinaḥ sannaddhasainikāste ca samuttasthurudāyudhāḥ

Seeing the world in turmoil, the soldiers of the gods' enemies too rose up, ready and armed, weapons in hand.

Verse 35 (shiva.uma.46.35)

महिषोऽपि च तं शब्दमभ्यधावद्रुषान्वितः । स ददर्श ततो देवीं व्याप्तलोकत्रयां रुचा

mahiṣo'pi ca taṁ śabdamabhyadhāvadruṣānvitaḥ sa dadarśa tato devīṁ vyāptalokatrayāṁ rucā

Mahisha too, in fury, ran toward that sound; and there he beheld the goddess, her radiance pervading the three worlds.

Verse 36 (shiva.uma.46.36)

एतस्मिन्नन्तरे तत्र महिषासुरपालिताः । समाजग्मुर्महावीराः कोटिशो धृतहेतयः

etasminnantare tatra mahiṣāsurapālitāḥ samājagmurmahāvīrāḥ koṭiśo dhṛtahetayaḥ

Meanwhile, millions of great warriors, nurtured under Mahishasura, gathered there together, brandishing their weapons.

Verse 37 (shiva.uma.46.37)

चिक्षुरश्चामरोदग्रौ करालोद्धतवाष्कलाः । ताम्रोग्रास्योग्रवीर्याश्च बिडालोऽन्धक एव च

cikṣuraścāmarodagrau karāloddhatavāṣkalāḥ tāmrogrāsyogravīryāśca biḍālo'ndhaka eva ca

Chikshura, Chāmara, Udagra, Karāla, Uddhata, Vāṣkala, Tāmra, Ugrāsya, Ugravīrya, Biḍāla, and Andhaka —

Verse 38 (shiva.uma.46.38)

दुर्धरो दुर्मुखश्चैव त्रिनेत्रश्च महाहनुः । एते चान्ये च बहवः शूरा युद्धविशारदाः

durdharo durmukhaścaiva trinetraśca mahāhanuḥ ete cānye ca bahavaḥ śūrā yuddhaviśāradāḥ

Durdhara, Durmukha, Trinetra, and Mahāhanu — these and many other heroes skilled in war,

Verse 39 (shiva.uma.46.39)

युयुधुः समरे देव्या सह शस्त्रास्त्रपारगाः । इत्थं कालो व्यतीयाय युध्यतोर्भीषणस्तयोः

yuyudhuḥ samare devyā saha śastrāstrapāragāḥ itthaṁ kālo vyatīyāya yudhyatorbhīṣaṇastayoḥ

masters of weapons and missiles, joined battle with the goddess on that field; and thus, as the two sides fought their fearsome battle, time passed.

Verse 40 (shiva.uma.46.40)

अरिवर्गकरक्षिप्ता नानाशस्त्रास्त्रराशयः । महामायाप्रभावेण विफला अभवन् क्षणात्

arivargakarakṣiptā nānāśastrāstrarāśayaḥ mahāmāyāprabhāveṇa viphalā abhavan kṣaṇāt

The masses of various weapons and missiles hurled by the hands of the hostile hordes were, by the power of Mahāmāyā, rendered useless in an instant.

Verse 41 (shiva.uma.46.41)

ततो जघान सा देवी चिक्षुरप्रमुखानरीन् । सगणान्गदया बाणैः शूलशक्तिपरश्वधैः

tato jaghāna sā devī cikṣurapramukhānarīn sagaṇāngadayā bāṇaiḥ śūlaśaktiparaśvadhaiḥ

Then that goddess slew Chikshura and the other foes, together with their hordes, with mace, arrow, trident, spear, and battle-axe.

Verse 42 (shiva.uma.46.42)

एवं स्वीयेषु सैन्येषु हतेषु महिषासुरः । देवीनिःश्वाससम्भूतान्भावयामास तान्गणान्

evaṁ svīyeṣu sainyeṣu hateṣu mahiṣāsuraḥ devīniḥśvāsasambhūtānbhāvayāmāsa tāngaṇān

Thus, when his armies had been slain, Mahishasura himself charged upon those very hosts born from the goddess's own breath.

Verse 43 (shiva.uma.46.43)

अताडयत्खुरैः काश्चित्काश्चिच्छृङ्गद्वयेन च । लाङ्गूलेन च तुण्डेन भिनत्ति स्म मुहुर्मुहुः

atāḍayatkhuraiḥ kāścitkāścicchṛṅgadvayena ca lāṅgūlena ca tuṇḍena bhinatti sma muhurmuhuḥ

Some he struck down with his hooves, others with his pair of horns, and again and again he tore others apart with his tail and his snout.

Verse 44 (shiva.uma.46.44)

इत्थं देवीगणान्हत्वाभ्यधावत्सोऽसुराधिपः । सिंहं मारयितुं देव्यास्ततोऽसौ कुपितोऽभवत्

itthaṁ devīgaṇānhatvābhyadhāvatso'surādhipaḥ siṁhaṁ mārayituṁ devyāstato'sau kupito'bhavat

Having thus slain the goddess's hosts, that lord of demons charged to slay the goddess's own lion; and at that she grew exceedingly wrathful.

Verse 45 (shiva.uma.46.45)

कोपात्सोऽपि महावीर्यः खुरकुट्टितभूतलः । शृङ्गाभ्यां शैलमुत्पाट्य चिक्षेप प्रणनाद च

kopātso'pi mahāvīryaḥ khurakuṭṭitabhūtalaḥ śṛṅgābhyāṁ śailamutpāṭya cikṣepa praṇanāda ca

Filled with rage, pawing up the earth with his hooves, that mighty demon tore up a mountain with his two horns, hurled it, and bellowed aloud.

Verse 46 (shiva.uma.46.46)

वेगेन विष्वग् भ्रमता प्रक्षिप्ता गुरवोऽद्रयः । आकाशतो महीमध्ये निपेतुर्नृपसत्तम

vegena viṣvag bhramatā prakṣiptā guravo'drayaḥ ākāśato mahīmadhye nipeturnṛpasattama

O best of kings, those great mountains, hurled and spinning about with speed, fell from the sky down into the midst of the earth.

Verse 47 (shiva.uma.46.47)

शृङ्गभिन्नाः पयोवाहाः खण्डं खण्डमयासिषुः । लाङ्गूलेनाहतश्चाब्धिर्विष्वगुद्वेलमस्पदत्

śṛṅgabhinnāḥ payovāhāḥ khaṇḍaṁ khaṇḍamayāsiṣuḥ lāṅgūlenāhataścābdhirviṣvagudvelamaspadat

Clouds, split apart by his horns, went to pieces one by one; and the ocean, struck by his tail, surged and overflowed on every side.

Verse 48 (shiva.uma.46.48)

एवं क्रुद्धं समालोक्य महिषासुरमम्बिका । विदधे तद्वधोपायं देवानामभयङ्करी

evaṁ kruddhaṁ samālokya mahiṣāsuramambikā vidadhe tadvadhopāyaṁ devānāmabhayaṅkarī

Beholding Mahishasura thus enraged, Ambikā, the giver of fearlessness to the gods, devised the means for his destruction.

Verse 49 (shiva.uma.46.49)

ततः पाशं समुत्थाप्य क्षिप्त्वा तस्योपरीश्वरी । बबन्ध महिषं सोऽपि रूपं तत्याज माहिषम्

tataḥ pāśaṁ samutthāpya kṣiptvā tasyoparīśvarī babandha mahiṣaṁ so'pi rūpaṁ tatyāja māhiṣam

Then that sovereign goddess raised her noose, cast it over him, and bound the buffalo-demon; and he at once abandoned his buffalo form.

Verse 50 (shiva.uma.46.50)

ततः सिंहो बभूवाशु मायावी तच्छिरोऽम्बिका । यावद्भिनत्ति तावत्स खङ्गपाणिर्बभूव ह

tataḥ siṁho babhūvāśu māyāvī tacchiro'mbikā yāvadbhinatti tāvatsa khaṅgapāṇirbabhūva ha

Then that master of illusion swiftly became a lion; and just as Ambikā moved to cut off that head, he became a man bearing a sword.

Verse 51 (shiva.uma.46.51)

सचर्मासिकरं तं च देवी बाणैरताडयत् । ततो गजवपुर्भूत्वा सिंहं चिच्छेद शुण्डया

sacarmāsikaraṁ taṁ ca devī bāṇairatāḍayat tato gajavapurbhūtvā siṁhaṁ ciccheda śuṇḍayā

The goddess struck that shield-and-sword-bearing man with a shower of arrows; then he took the form of an elephant and began tearing at the lion with his trunk.

Verse 52 (shiva.uma.46.52)

ततोऽस्य च करं देवी चकर्त स्वमहासिना । अधारि च पुना रूपं स्वकीयं तेन रक्षसा

tato'sya ca karaṁ devī cakarta svamahāsinā adhāri ca punā rūpaṁ svakīyaṁ tena rakṣasā

Then the goddess severed his elephant-trunk with her own great sword; and that demon again resumed his own buffalo form.

Verse 53 (shiva.uma.46.53)

तदैव क्षोभयामास त्रैलोक्यं सचराचरम् । ततः क्रुद्धा महामाया चण्डिका मानविक्रमा

tadaiva kṣobhayāmāsa trailokyaṁ sacarācaram tataḥ kruddhā mahāmāyā caṇḍikā mānavikramā

In that very instant he threw the three worlds, with all their moving and unmoving beings, into turmoil; then that Mahāmāyā Chaṇḍikā, enraged, displaying valour worthy of her own true measure —

Verse 54 (shiva.uma.46.54)

पपौ पुनः पुनः पानं जहासोद्भ्रान्तलोचना । जगर्ज चासुरः सोऽपि बलवीर्यमदोद्धतः

papau punaḥ punaḥ pānaṁ jahāsodbhrāntalocanā jagarja cāsuraḥ so'pi balavīryamadoddhataḥ

began to drink her wine again and again, her eyes rolling as she laughed; and that demon too, wild with strength, prowess, and pride, roared aloud.

Verse 55 (shiva.uma.46.55)

तस्या उपरि चिक्षेप शैलानुत्पाट्य सोऽसुरः । सा च बाणावलीघातैश्चूर्णयामास सत्वरम्

tasyā upari cikṣepa śailānutpāṭya so'suraḥ sā ca bāṇāvalīghātaiścūrṇayāmāsa satvaram

That demon tore up mountains and hurled them upon her; and she, with the blows of a stream of arrows, pulverized them at once.

Verse 56 (shiva.uma.46.56)

वारुणीमदसञ्जातमुखरागाकुलेन्द्रिया । प्रोवाच परमेशानी मेघगम्भीरया गिरा

vāruṇīmadasañjātamukharāgākulendriyā provāca parameśānī meghagambhīrayā girā

Her senses stirred by the flush upon her face from the wine's intoxication, that supreme sovereign goddess spoke in a voice deep as thunder —

Verse 57 (shiva.uma.46.57)

देव्युवाच । रे मूढ रे हतप्रज्ञ व्यर्थं किं कुरुषे हठम् । न मदग्रेऽसुराः केऽपि स्थास्नवो जगतीत्रये

devyuvāca re mūḍha re hataprajña vyarthaṁ kiṁ kuruṣe haṭham na madagre'surāḥ ke'pi sthāsnavo jagatītraye

The Goddess said: "O fool, O dull-witted one, why do you persist so vainly in this obstinacy? No demon in the three worlds shall stand before me."

Verse 58 (shiva.uma.46.58)

ऋषि रुवाच । एकमाभाष्य कूर्दित्वा देवी सर्वकलामयी । पदाक्रम्यासुरं कण्ठे शूलेनोग्रेण साभिनत्

ṛṣi ruvāca ekamābhāṣya kūrditvā devī sarvakalāmayī padākramyāsuraṁ kaṇṭhe śūlenogreṇa sābhinat

The sage said: So saying, and leaping forward, the goddess, embodying every art, set her foot upon that demon's throat and pierced him with her fierce trident.

Verse 59 (shiva.uma.46.59)

ततस्तच्चरणाक्रान्तः स स्वकीयमुखात्ततः । अर्धनिष्क्रान्त एवासीद्देव्या वीर्येण संवृतः

tatastaccaraṇākrāntaḥ sa svakīyamukhāttataḥ ardhaniṣkrānta evāsīddevyā vīryeṇa saṁvṛtaḥ

Then, pinned beneath her foot, he emerged half out from his own mouth, yet still hemmed in on every side by the goddess's power.

Verse 60 (shiva.uma.46.60)

अर्धनिष्क्रान्त एवासौ युध्यमानो महाधमः । महासिना शिरो भित्त्वा न्यपाति धरणीतले

ardhaniṣkrānta evāsau yudhyamāno mahādhamaḥ mahāsinā śiro bhittvā nyapāti dharaṇītale

Thus, half emerged, that most wicked one, even as he fought on, had his head severed by her great sword, and fell down upon the earth.

Verse 61 (shiva.uma.46.61)

हा हा शब्दं समुच्चार्यावाङ्मुखास्तद्गणास्ततः । पलायन्त रणाद्भीतास्त्राहि त्राहीति वादिनः

hā hā śabdaṁ samuccāryāvāṅmukhāstadgaṇāstataḥ palāyanta raṇādbhītāstrāhi trāhīti vādinaḥ

Then his hosts, crying out "Alas, alas," hung their heads, and, terrified by the battle, fled crying "Save me, save me!"

Verse 62 (shiva.uma.46.62)

तुष्टुवुश्च तदा देवीमिन्द्राद्याः सकलाः सुराः । गन्धर्वा गीतमुच्चेरुर्ननृतुर्नर्तकीजनाः

tuṣṭuvuśca tadā devīmindrādyāḥ sakalāḥ surāḥ gandharvā gītamuccerurnanṛturnartakījanāḥ

Then Indra and all the assembled gods praised the goddess; the gandharvas sang aloud, and the dancing women danced.

Verse 63 (shiva.uma.46.63)

एवं ते कथितो राजन्महालक्ष्म्याः समुद्भवः । सरस्वत्यास्तथोत्पत्तिं शृणु सुस्थेन चेतसा

evaṁ te kathito rājanmahālakṣmyāḥ samudbhavaḥ sarasvatyāstathotpattiṁ śṛṇu susthena cetasā

O king, thus have I related to you the origin of Mahālakṣmī; now hear also, with a steady mind, the account of the origin of Sarasvatī.