The Slaying of Dhumralochana, Chanda-Munda, and Raktabija

Verse 1 (shiva.uma.47.1)

ऋषिरुवाच । आसीच्छुम्भासुरो दैत्यो निशुम्भश्च प्रतापवान् । त्रैलोक्यमोजसाक्रान्तं भ्रातृभ्यां सचराचरम्

ṛṣiruvāca āsīcchumbhāsuro daityo niśumbhaśca pratāpavān trailokyamojasākrāntaṁ bhrātṛbhyāṁ sacarācaram

The sage said: There was a demon named Shumbha, and his mighty younger brother Nishumbha; those two brothers overwhelmed with their might the three worlds, together with all that moves and does not move within them.

Verse 2 (shiva.uma.47.2)

ताभ्यां प्रपीडिता देवा हिमवन्तं समाययुः । जननीं सर्वभूतानां कामदात्रीं ववन्दिरे

tābhyāṁ prapīḍitā devā himavantaṁ samāyayuḥ jananīṁ sarvabhūtānāṁ kāmadātrīṁ vavandire

Tormented by those two, the gods went to Mount Himavat and bowed before the mother of all beings, the giver of every desired wish.

Verse 3 (shiva.uma.47.3)

देवा ऊचुः । जय दुर्गे महेशानि जयात्मीयजनप्रिये । त्रैलोक्यत्राणकारिण्यै शिवायै ते नमो नमः

devā ūcuḥ jaya durge maheśāni jayātmīyajanapriye trailokyatrāṇakāriṇyai śivāyai te namo namaḥ

The gods said: Victory to you, O Durgā, O great sovereign goddess! Victory, O beloved of your own devotees! To you, the protectress of the three worlds, the auspicious one, salutation again and again.

Verse 4 (shiva.uma.47.4)

नमो मुक्तिप्रदायिन्यै पराम्बायै नमो नमः । नमः समस्तसंसारोत्पत्तिस्थित्यन्तकारिके

namo muktipradāyinyai parāmbāyai namo namaḥ namaḥ samastasaṁsārotpattisthityantakārike

Salutation to the supreme Mother, the giver of liberation, salutation again; salutation to her who brings about the creation, sustenance, and end of the entire universe.

Verse 5 (shiva.uma.47.5)

कालिकारूपसम्पन्ने नमस्ताराकृते नमः । छिन्नमस्तास्वरूपायै श्रीविद्यायै नमोऽस्तु ते

kālikārūpasampanne namastārākṛte namaḥ chinnamastāsvarūpāyai śrīvidyāyai namo'stu te

Salutation to you in the form of Kālikā, salutation to you in the form of Tārā; salutation be to you, embodying Chinnamastā, embodying Śrīvidyā.

Verse 6 (shiva.uma.47.6)

भुवनेशि नमस्तुभ्यं नमस्ते भैरवाकृते । नमोऽस्तु बगलामुख्यै धूमावत्यै नमो नमः

bhuvaneśi namastubhyaṁ namaste bhairavākṛte namo'stu bagalāmukhyai dhūmāvatyai namo namaḥ

Salutation to you, O sovereign of the worlds; salutation to you in the form of Bhairava; salutation be to Bagalāmukhī, salutation to Dhūmāvatī, salutation again.

Verse 7 (shiva.uma.47.7)

नमस्त्रिपुरसुन्दर्य्यै मातङ्गयै ते नमो नमः । अजितायै नमस्तुभ्यं विजयायै नमो नमः

namastripurasundaryyai mātaṅgayai te namo namaḥ ajitāyai namastubhyaṁ vijayāyai namo namaḥ

Salutation to Tripurasundarī, salutation to you as Mātaṅgī, salutation again; salutation to you as Ajitā, salutation to Vijayā, salutation again.

Verse 8 (shiva.uma.47.8)

जयायै मङ्गलायै ते विलासिन्यै नमो नमः । दोग्ध्रीरूपे नमस्तुभ्यं नमो घोराकृतेऽस्तु ते

jayāyai maṅgalāyai te vilāsinyai namo namaḥ dogdhrīrūpe namastubhyaṁ namo ghorākṛte'stu te

Salutation to you as Jayā, as Maṅgalā, as Vilāsinī, salutation again; salutation to you in the form of the divine milch-cow, and salutation too to you in your terrible form.

Verse 9 (shiva.uma.47.9)

नमोऽपराजिताकारे नित्याकारे नमो नमः । शरणागतपालिन्यै रुद्राण्यै ते नमो नमः

namo'parājitākāre nityākāre namo namaḥ śaraṇāgatapālinyai rudrāṇyai te namo namaḥ

Salutation to you in the form of Aparājitā, salutation to you as Nityā, salutation again; salutation to you as Rudrāṇī, protectress of those who seek refuge, salutation again.

Verse 10 (shiva.uma.47.10)

नमो वेदान्तवेद्यायै नमस्ते परमात्मने । अनन्तकोटिब्रह्माण्डनायिकायै नमो नमः

namo vedāntavedyāyai namaste paramātmane anantakoṭibrahmāṇḍanāyikāyai namo namaḥ

Salutation to you, knowable through the Vedānta, salutation to you, O Supreme Self; salutation to you, mistress of endless millions of universes, salutation again.

Verse 11 (shiva.uma.47.11)

इति देवैः स्तुता गौरी प्रसन्ना वरदा शिवा । प्रोवाच त्रिदशान्सर्वान्युष्माभिः स्तूयतेऽत्र का

iti devaiḥ stutā gaurī prasannā varadā śivā provāca tridaśānsarvānyuṣmābhiḥ stūyate'tra kā

Thus praised by the gods, the pleased, boon-giving, auspicious Gaurī said to all the assembled gods: "Whom is it that you praise here?"

Verse 12 (shiva.uma.47.12)

ततो गौरीतनोरेका प्रादुरासीत्कुमारिका । सोवाच मिषतां तेषां शिवशक्तिं परादरात्

tato gaurītanorekā prādurāsītkumārikā sovāca miṣatāṁ teṣāṁ śivaśaktiṁ parādarāt

Then, from Gaurī's own body, there emerged a maiden; and before their very eyes, she spoke, with great reverence, to Shiva's own power:

Verse 13 (shiva.uma.47.13)

स्तोत्रं मे क्रियते मातः समस्तैः स्वर्गवासिभिः । निशुम्भशुम्भदैत्याभ्यां प्रबलाभ्यां प्रपीडितैः

stotraṁ me kriyate mātaḥ samastaiḥ svargavāsibhiḥ niśumbhaśumbhadaityābhyāṁ prabalābhyāṁ prapīḍitaiḥ

"O Mother, this praise is being offered to me by all these dwellers of heaven, who are tormented by the powerful demons Nishumbha and Shumbha."

Verse 14 (shiva.uma.47.14)

शरीरकोशाद्यत्तस्या निर्गता तेन कौशिकी । नाम्ना सा गीयते साक्षाच्छुम्भासुरनिबर्हिणी

śarīrakośādyattasyā nirgatā tena kauśikī nāmnā sā gīyate sākṣācchumbhāsuranibarhiṇī

Because she came forth from her (Gaurī's) very sheath of body, she is celebrated by the name 'Kaushikī', she who is, in visible form, the destroyer of the demon Shumbha.

Verse 15 (shiva.uma.47.15)

चैवोग्रतारिका प्रोक्ता महोग्रतारिकापि च । प्रादुर्भूता यतः सा वै मातङ्गीत्युच्यते भुवि

caivogratārikā proktā mahogratārikāpi ca prādurbhūtā yataḥ sā vai mātaṅgītyucyate bhuvi

She is also called Ugratārikā and Mahogratārikā; and since she manifested herself thus, she is called upon earth by the name 'Mātaṅgī'.

Verse 16 (shiva.uma.47.16)

बभाषे निखिलान्देवान्यूयं तिष्ठत निर्भयाः । कार्यं वः साधयिष्यामि स्वतन्त्राहं विनाश्रयम्

babhāṣe nikhilāndevānyūyaṁ tiṣṭhata nirbhayāḥ kāryaṁ vaḥ sādhayiṣyāmi svatantrāhaṁ vināśrayam

She said to all the gods: "Remain, all of you, without fear; I shall accomplish your purpose, for I am independent, needing no support."

Verse 17 (shiva.uma.47.17)

इत्युक्त्वा सा तदा देवी तरसान्तर्हिताभवत् । चण्डमुण्डौ तु तां देवीमद्राष्टां सेवकौ तयोः

ityuktvā sā tadā devī tarasāntarhitābhavat caṇḍamuṇḍau tu tāṁ devīmadrāṣṭāṁ sevakau tayoḥ

So saying, that goddess vanished at once; then Chanda and Munda, the two servants of Shumbha, beheld that goddess.

Verse 18 (shiva.uma.47.18)

दृष्ट्वा मनोहरं तस्या रूपं नेत्रसुखावहम् । पेततुस्तौ धरामध्ये नष्टसंज्ञौ विमोहितौ

dṛṣṭvā manoharaṁ tasyā rūpaṁ netrasukhāvaham petatustau dharāmadhye naṣṭasaṁjñau vimohitau

Beholding her lovely form, delightful to the eyes, both of them, overcome with wonder and bereft of their senses, fell to the ground.

Verse 19 (shiva.uma.47.19)

गत्वा व्याजह्रतुः सर्वं राज्ञे वृत्तान्तमादितः । दृष्टा काचिन्मयापूर्वा नारी राजन्मनोहरा

gatvā vyājahratuḥ sarvaṁ rājñe vṛttāntamāditaḥ dṛṣṭā kācinmayāpūrvā nārī rājanmanoharā

Going then to their king, they related to him the whole matter from beginning to end: "O king, we have seen a woman of unparalleled and enchanting beauty,

Verse 20 (shiva.uma.47.20)

हिमवच्छिखरे रम्ये संस्थिता सिंहवाहिनी । समन्ताद्देवकन्याभिः सेविता बद्धपाणिभिः

himavacchikhare ramye saṁsthitā siṁhavāhinī samantāddevakanyābhiḥ sevitā baddhapāṇibhiḥ

who sits enthroned upon the lovely peak of the Himalaya, mounted upon a lion, waited upon on every side by celestial maidens standing with joined palms.

Verse 21 (shiva.uma.47.21)

कुरुते पादसंवाहं काचित्संस्कुरुते कचान् । पाणिसंवाहनं काचित्काचिन्नेत्राञ्जनं न्यधात्

kurute pādasaṁvāhaṁ kācitsaṁskurute kacān pāṇisaṁvāhanaṁ kācitkācinnetrāñjanaṁ nyadhāt

One massages her feet, another arranges her tresses; one rubs her hands, another applies collyrium to her eyes.

Verse 22 (shiva.uma.47.22)

काचिद् गृहीत्वा हस्तेनादर्शं दर्शयते मुखम् । नागवल्लीं ददात्येका लवङ्गैलादिसंयुताम्

kācid gṛhītvā hastenādarśaṁ darśayate mukham nāgavallīṁ dadātyekā lavaṅgailādisaṁyutām

One, taking a mirror in her hand, shows her own reflection to her; another offers her betel leaf mixed with cloves, cardamom, and the like.

Verse 23 (shiva.uma.47.23)

पतद्ग्रहं करे कृत्वा स्थिता काचित्सखी पुरः । भूषयत्यखिलाङ्गानि काचिद्भूषाम्बरादिभिः

patadgrahaṁ kare kṛtvā sthitā kācitsakhī puraḥ bhūṣayatyakhilāṅgāni kācidbhūṣāmbarādibhiḥ

One companion stands before her, holding the betel-vessel in her hand; another adorns all her limbs with ornaments and garments.

Verse 24 (shiva.uma.47.24)

कदलीस्तम्भजङ्घोरुः कीरनासाहिदोर्लता । रणन्मञ्जीरचरणा रम्यमेखलया युता

kadalīstambhajaṅghoruḥ kīranāsāhidorlatā raṇanmañjīracaraṇā ramyamekhalayā yutā

Her thighs and knees are like a plantain stem, her nose like a parrot's beak, her arms like a serpentine creeper, her feet ring with anklets, and she is girt with a lovely waistband.

Verse 25 (shiva.uma.47.25)

लसत्कस्तूरिकामोदमुक्ताहारचलस्तनी । ग्रैवेयकलसद्ग्रीवा ललन्ती दाममण्डिता

lasatkastūrikāmodamuktāhāracalastanī graiveyakalasadgrīvā lalantī dāmamaṇḍitā

Her breasts, fragrant with musk, sway beneath a necklace of pearls; her throat gleams with a jewelled collar, and she is adorned with a garland hanging low.

Verse 26 (shiva.uma.47.26)

अर्धचन्द्रधरा देवी मणिकुण्डलधारिणी । रम्यवेणिर्विशालाक्षी लोचनत्रयभूषिता

ardhacandradharā devī maṇikuṇḍaladhāriṇī ramyaveṇirviśālākṣī locanatrayabhūṣitā

That goddess wears a crescent moon and jewelled earrings; her braid is lovely, her eyes are large, and she is adorned with a third eye besides.

Verse 27 (shiva.uma.47.27)

साक्षरा मालिकोपेता पाणिराजितकङ्कणा । स्वर्णोर्मिकाङ्गुलिर्भ्राजत्पारिहार्यलसत्करा

sākṣarā mālikopetā pāṇirājitakaṅkaṇā svarṇormikāṅgulirbhrājatpārihāryalasatkarā

She wears a rosary of letters, her wrist adorned with gleaming bangles; golden rings shine upon her fingers, and bright armlets grace her arms.

Verse 28 (shiva.uma.47.28)

शुभ्रवस्त्रावृता गौरी पद्मासनविराजिता । काश्मीरबिन्दुतिलका चन्द्रालङ्कृतमस्तका

śubhravastrāvṛtā gaurī padmāsanavirājitā kāśmīrabindutilakā candrālaṅkṛtamastakā

That fair-complexioned one, clad in radiant white garments, is enthroned upon a lotus-seat; a saffron mark adorns her brow, and her head is crowned with the crescent moon.

Verse 29 (shiva.uma.47.29)

तडिद्द्युतिर्महामूल्याम्बरचोलोन्नमत्कुचा । भुजैरष्टाभिरुत्तुङ्गैर्धारयन्ती वरायुधान्

taḍiddyutirmahāmūlyāmbaracolonnamatkucā bhujairaṣṭābhiruttuṅgairdhārayantī varāyudhān

Her breasts rise beneath a bodice of costliest cloth, bright as a flash of lightning; and with her eight raised arms she holds the finest weapons.

Verse 30 (shiva.uma.47.30)

तादृशी नासुरी नागी न गन्धर्वी न दानवी । विद्यते त्रिषु लोकेषु यादृशी सा मनोरमा

tādṛśī nāsurī nāgī na gandharvī na dānavī vidyate triṣu lokeṣu yādṛśī sā manoramā

No demon maiden is such, nor any serpent-maiden, nor gandharva-maiden, nor demon-woman; in all three worlds none exists so enchanting as she.

Verse 31 (shiva.uma.47.31)

तस्मात्सम्भोगयोग्यत्वं तस्यास्त्वय्येव शोभते । नारीरत्नं यतः सा वै पुंरत्नं च भवान्प्रभो

tasmātsambhogayogyatvaṁ tasyāstvayyeva śobhate nārīratnaṁ yataḥ sā vai puṁratnaṁ ca bhavānprabho

Therefore fitness to enjoy her belongs, in truth, only to you; for she is the very jewel among women, and you, O lord, are the very jewel among men."

Verse 32 (shiva.uma.47.32)

इत्युक्तं चण्डमुण्डाभ्यां निशम्य स महासुरः । दूतं सुग्रीवनामानं प्रेषयामास तां प्रति

ityuktaṁ caṇḍamuṇḍābhyāṁ niśamya sa mahāsuraḥ dūtaṁ sugrīvanāmānaṁ preṣayāmāsa tāṁ prati

Hearing this said by Chanda and Munda, that great demon Shumbha dispatched a handsome messenger named Sugrīva to her presence.

Verse 33 (shiva.uma.47.33)

गच्छ दूत तुषाराद्रौ तत्रास्ते कापि सुन्दरी । सा नेतव्या प्रयत्नेन कथयित्वा वचो मम

gaccha dūta tuṣārādrau tatrāste kāpi sundarī sā netavyā prayatnena kathayitvā vaco mama

"Go, O messenger, to the mountain of snow; there dwells a certain beautiful woman. Repeat my message to her and bring her here with all diligence."

Verse 34 (shiva.uma.47.34)

इति विज्ञापितस्तेन सुग्रीवो दानवोत्तमः । गत्वा हिमाचलं प्राह जगदम्बां महेश्वरीम्

iti vijñāpitastena sugrīvo dānavottamaḥ gatvā himācalaṁ prāha jagadambāṁ maheśvarīm

Thus instructed, Sugrīva, foremost of demons, went to the Himalaya and spoke there to Jagadambā, the great sovereign goddess.

Verse 35 (shiva.uma.47.35)

दूत उवाच । देवि शुम्भासुरो दैत्यो निशुम्भस्तस्य चानुजः । विख्यातस्त्रिषु लोकेषु महाबलपराक्रमः

dūta uvāca devi śumbhāsuro daityo niśumbhastasya cānujaḥ vikhyātastriṣu lokeṣu mahābalaparākramaḥ

The messenger said: O Goddess, there is the demon named Shumbha, and his younger brother Nishumbha, renowned in all three worlds, endowed with great might and valour.

Verse 36 (shiva.uma.47.36)

चारोऽहं प्रेषितस्तेन सन्निधिं ते समागमम् । स यज्जगौ सुरेशानि तत्समाकर्णयाधुना

cāro'haṁ preṣitastena sannidhiṁ te samāgamam sa yajjagau sureśāni tatsamākarṇayādhunā

I, a messenger sent by him, have come into your presence; O sovereign of the gods, now hear what he has spoken.

Verse 37 (shiva.uma.47.37)

इन्द्रादीन्समरे जित्वा तेषां रत्नान्यपाहरम् । देवभागं स्वयं भुञ्जे यागे दत्तं सुरादिभिः

indrādīnsamare jitvā teṣāṁ ratnānyapāharam devabhāgaṁ svayaṁ bhuñje yāge dattaṁ surādibhiḥ

"Having conquered Indra and the other gods in battle, I have taken their jewels for myself; and the very portion offered to the gods at sacrifices, that too I myself now enjoy.

Verse 38 (shiva.uma.47.38)

स्त्रीरत्नं त्वामहं मन्ये सर्वरत्नोपरिस्थितम् । सा त्वं ममानुजं मां वा भजतात्कामजै रसैः

strīratnaṁ tvāmahaṁ manye sarvaratnoparisthitam sā tvaṁ mamānujaṁ māṁ vā bhajatātkāmajai rasaiḥ

I hold you to be the very jewel among women, above all jewels; therefore, either take my younger brother, or myself, and enjoy with him the delights of love."

Verse 39 (shiva.uma.47.39)

इति दूतोक्तमाकर्ण्य वचनं शुम्भभाषितम् । जगाद सा महामाया भूतेशप्राणवल्लभा

iti dūtoktamākarṇya vacanaṁ śumbhabhāṣitam jagāda sā mahāmāyā bhūteśaprāṇavallabhā

Hearing this speech of Shumbha, thus spoken by the messenger, that Mahāmāyā, the very life-breath of the lord of beings, spoke:

Verse 40 (shiva.uma.47.40)

देव्युवाच । सत्यं वदसि भो दूत नानृतं किञ्चिदुच्यते । परं त्वेका कृता पूर्वं प्रतिज्ञा तां निबोध मे

devyuvāca satyaṁ vadasi bho dūta nānṛtaṁ kiñciducyate paraṁ tvekā kṛtā pūrvaṁ pratijñā tāṁ nibodha me

The Goddess said: "You speak the truth, O messenger; nothing untrue has been said. But I have made a certain vow beforehand — hear it now from me.

Verse 41 (shiva.uma.47.41)

यो मे दर्पं विधुनुते यो मां जयति सङ्गरे । उत्सहे तमहं कर्तुं पतिं नान्यमिति ध्रुवम्

yo me darpaṁ vidhunute yo māṁ jayati saṅgare utsahe tamahaṁ kartuṁ patiṁ nānyamiti dhruvam

Whoever shatters my pride, whoever defeats me in combat — him alone am I able to accept as husband, and no other; this is fixed.

Verse 42 (shiva.uma.47.42)

स त्वं कथय शुम्भाय निशुम्भाय वचो मम । यथा युक्तं भवेदेवं विदधातु तथात्र सः

sa tvaṁ kathaya śumbhāya niśumbhāya vaco mama yathā yuktaṁ bhavedevaṁ vidadhātu tathātra saḥ

Go and tell this word of mine to Shumbha and to Nishumbha; whatever seems fitting to them, let them do accordingly."

Verse 43 (shiva.uma.47.43)

इत्थं देवीवचः श्रुत्वा सुग्रीवो नाम दानवः । राज्ञे विज्ञापयामास गत्वा तत्र सविस्तरम्

itthaṁ devīvacaḥ śrutvā sugrīvo nāma dānavaḥ rājñe vijñāpayāmāsa gatvā tatra savistaram

Having heard this word of the goddess, that demon named Sugrīva went and related it in full to the king.

Verse 44 (shiva.uma.47.44)

अथ दूतोक्तमाकर्ण्य शुम्भो भैरवशासनः । धूम्राक्षं प्राह सक्रोधः सेनान्यं बलिनां वरम्

atha dūtoktamākarṇya śumbho bhairavaśāsanaḥ dhūmrākṣaṁ prāha sakrodhaḥ senānyaṁ balināṁ varam

Then, hearing this word from his messenger, Shumbha, whose rule was terrible as Bhairava's, spoke in great fury to Dhūmrāksha, his general and foremost of the mighty.

Verse 45 (shiva.uma.47.45)

हे धूम्राक्ष तुषाराद्रौ वर्तते कापि सुन्दरी । तामानय द्रुतं गत्वा यथा यास्यति सात्र वै

he dhūmrākṣa tuṣārādrau vartate kāpi sundarī tāmānaya drutaṁ gatvā yathā yāsyati sātra vai

"O Dhūmrāksha, there is a certain beautiful woman upon the mountain of snow; go quickly and bring her here, in whatever manner she must come.

Verse 46 (shiva.uma.47.46)

तस्या आनयने भीतिर्न कार्यासुरसत्तम । युद्धं कार्यं प्रयत्नेन यदि सा योद्धुमिच्छति

tasyā ānayane bhītirna kāryāsurasattama yuddhaṁ kāryaṁ prayatnena yadi sā yoddhumicchati

Have no fear whatsoever in bringing her, O foremost of demons; and if she wishes to fight, then do battle with all your strength."

Verse 47 (shiva.uma.47.47)

एवं विज्ञापितो दैत्यो धूम्रलोचनसंज्ञकः । गत्वा हिमाचलं प्राह भुवनेशीमुमांशजाम्

evaṁ vijñāpito daityo dhūmralocanasaṁjñakaḥ gatvā himācalaṁ prāha bhuvaneśīmumāṁśajām

Thus instructed, that demon named Dhūmralochana went to the Himalaya and spoke to Bhuvaneshvarī, who had sprung from a portion of Umā:

Verse 48 (shiva.uma.47.48)

भर्तुर्ममान्तिकं गच्छ नो चेत्त्वां घातयाम्यहम् । पुष्ट्यासुराणां सहितः सहस्राणां नितम्बिनि

bharturmamāntikaṁ gaccha no cettvāṁ ghātayāmyaham puṣṭyāsurāṇāṁ sahitaḥ sahasrāṇāṁ nitambini

"Come into my lord's presence, or else I shall slay you; O fair-hipped one, I have come here with an army of thousands of demons."

Verse 49 (shiva.uma.47.49)

देव्युवाच । दैत्यराट् प्रेषितो वीर हंसि चेत्किं करोमि ते । परन्त्वसाध्यं गमनं मन्ये सङ्ग्राममन्तरा

devyuvāca daityarāṭ preṣito vīra haṁsi cetkiṁ karomi te parantvasādhyaṁ gamanaṁ manye saṅgrāmamantarā

The Goddess said: "O hero, if you, sent by the demon king, will slay me — what then can I do to you? But to go without a battle — that, I hold, is impossible for me."

Verse 50 (shiva.uma.47.50)

इत्युक्तस्तामन्वधावद्दानवो धूम्रलोचनः । हुङ्कारोच्चारणेनैव तं ददाह महेश्वरी

ityuktastāmanvadhāvaddānavo dhūmralocanaḥ huṅkāroccāraṇenaiva taṁ dadāha maheśvarī

So saying, the demon Dhūmralochana charged toward her; and the great goddess, by the mere utterance of a fierce Hum-sound, burnt him to ashes.

Verse 51 (shiva.uma.47.51)

ततः प्रभृति सा देवी धूमावत्युच्यते भुवि । आराधिता स्वभक्तानां शत्रुवर्गनिकर्तिनी

tataḥ prabhṛti sā devī dhūmāvatyucyate bhuvi ārādhitā svabhaktānāṁ śatruvarganikartinī

From that time onward that goddess is called upon earth 'Dhūmāvatī' — she who, worshipped by her own devotees, cuts down whole hordes of foes.

Verse 52 (shiva.uma.47.52)

धूम्राक्षे निहते देव्या वाहनेनातिकोपिना । चर्वितास्तद्गणाः सर्वेऽपलायन्तावशेषिताः

dhūmrākṣe nihate devyā vāhanenātikopinā carvitāstadgaṇāḥ sarve'palāyantāvaśeṣitāḥ

When Dhūmrāksha had been slain by the goddess's own furious mount, all his remaining hosts, torn and mauled, fled away in rout.

Verse 53 (shiva.uma.47.53)

इत्थं देव्या हतं दैत्यं श्रुत्वा शुम्भः प्रतापवान् । चकार बहुलं कोपं सन्दष्टौष्ठपुटद्वयः

itthaṁ devyā hataṁ daityaṁ śrutvā śumbhaḥ pratāpavān cakāra bahulaṁ kopaṁ sandaṣṭauṣṭhapuṭadvayaḥ

Hearing that his demon had thus been slain by the goddess, the mighty Shumbha was filled with great fury, biting both his lips.

Verse 54 (shiva.uma.47.54)

चण्डं मुण्डं रक्तबीजं प्रैषयत्क्रमतोऽसुरान् । तेऽपि चाज्ञापिता दैत्या ययुर्यत्राम्बिका स्थिता

caṇḍaṁ muṇḍaṁ raktabījaṁ praiṣayatkramato'surān te'pi cājñāpitā daityā yayuryatrāmbikā sthitā

Then he sent forth, in turn, the demons named Chanda, Munda, and Raktabīja; and those obedient demons too went to the place where Ambikā abode.

Verse 55 (shiva.uma.47.55)

सिंहारूढा भगवतीमणिमादिभिराश्रिताम् । भासयन्तीं दिशो भासा दृष्ट्वोचुर्दानवर्षभाः

siṁhārūḍhā bhagavatīmaṇimādibhirāśritām bhāsayantīṁ diśo bhāsā dṛṣṭvocurdānavarṣabhāḥ

Those foremost of demons, beholding the goddess mounted upon her lion, adorned with jewels and the like, illumining the very quarters with her radiance, said:

Verse 56 (shiva.uma.47.56)

हे देवि तरसा मूलं याहि शुम्भनिशुम्भयोः । अन्यथा घातयिष्यामः सगणां त्वां सवाहनाम्

he devi tarasā mūlaṁ yāhi śumbhaniśumbhayoḥ anyathā ghātayiṣyāmaḥ sagaṇāṁ tvāṁ savāhanām

"O Goddess, come at once into the presence of Shumbha and Nishumbha; otherwise we shall slay you, together with your hosts and your mount.

Verse 57 (shiva.uma.47.57)

वृणीष्व तं पतिं वामे लोकपालादिभिः स्तुतम् । प्रपत्स्यसे महानन्दं देवानामपि दुर्लभम्

vṛṇīṣva taṁ patiṁ vāme lokapālādibhiḥ stutam prapatsyase mahānandaṁ devānāmapi durlabham

Choose him as your husband, who is praised even by the guardians of the world and by others; you shall attain that supreme bliss which is rare even for the gods."

Verse 58 (shiva.uma.47.58)

इत्युक्तमाकलय्याम्बा स्मयित्वा परमेश्वरी । उदाजहार सा देवी सूनृतं रसवद्वचः

ityuktamākalayyāmbā smayitvā parameśvarī udājahāra sā devī sūnṛtaṁ rasavadvacaḥ

Hearing this word thus spoken, the supreme sovereign Mother, smiling, uttered a speech both sweet and true:

Verse 59 (shiva.uma.47.59)

देव्युवाच । अद्वितीयो महेशानः परब्रह्म सदाशिवः । यत्तत्त्वं न विदुर्वेदा विष्ण्वादीनां च का कथा

devyuvāca advitīyo maheśānaḥ parabrahma sadāśivaḥ yattattvaṁ na vidurvedā viṣṇvādīnāṁ ca kā kathā

The Goddess said: "Maheśa, the eternal Śiva, is the unique supreme Brahman; whose true nature even the Vedas do not know — what then of Vishnu and the rest?

Verse 60 (shiva.uma.47.60)

तस्याहं प्रकृतिः सूक्ष्मा कथमन्यं पतिं वृणे । सिंही कामातुरा नैव जम्बुकं वृणुते क्वचित्

tasyāhaṁ prakṛtiḥ sūkṣmā kathamanyaṁ patiṁ vṛṇe siṁhī kāmāturā naiva jambukaṁ vṛṇute kvacit

I am his own subtle nature — how then could I choose any other as husband? Even a lioness in her passion never chooses a jackal.

Verse 61 (shiva.uma.47.61)

करेणुर्गर्दभं नैव द्वीपिनी शशकं न वा । मृषा वदत भो दैत्यो मृत्युव्यालनियन्त्रिताः

kareṇurgardabhaṁ naiva dvīpinī śaśakaṁ na vā mṛṣā vadata bho daityo mṛtyuvyālaniyantritāḥ

A she-elephant never chooses a donkey, nor a leopardess a hare; speak not in vain, O demons — you are already bound in the coils of the serpent of death.

Verse 62 (shiva.uma.47.62)

यूयं प्रयात पातालं युध्यध्वं शक्तिरस्ति चेत् । इति क्रोधकरं वाक्यं श्रुत्वोचुस्ते परस्परम्

yūyaṁ prayāta pātālaṁ yudhyadhvaṁ śaktirasti cet iti krodhakaraṁ vākyaṁ śrutvocuste parasparam

Go down to Pātāla, or, if you have the strength, do battle." Hearing this wrath-kindling speech, they said to one another —

Verse 63 (shiva.uma.47.63)

अबलां मनसि ज्ञात्वा न हन्मो भवतीं वयम् । अथो स्थिरैहि पञ्चास्ये युद्धेच्छा मानसेऽस्ति चेत्

abalāṁ manasi jñātvā na hanmo bhavatīṁ vayam atho sthiraihi pañcāsye yuddhecchā mānase'sti cet

"Knowing you to be but a weak woman, we do not strike you down; but if in your heart there is a wish for battle, then stand your ground, O lion-faced one."

Verse 64 (shiva.uma.47.64)

तेषामेवं विवदतां कलहः समवर्धत । ववृषुः समरे बाणा उभयोर्दलयोः शिताः

teṣāmevaṁ vivadatāṁ kalahaḥ samavardhata vavṛṣuḥ samare bāṇā ubhayordalayoḥ śitāḥ

Thus, as they disputed with one another, their quarrel grew; and in that battle, sharp arrows rained down from both sides.

Verse 65 (shiva.uma.47.65)

एवं तैः समरं कृत्वा लीलया परमेश्वरी । जघान चण्डमुण्डाभ्यां रक्तबीजं महासुरम्

evaṁ taiḥ samaraṁ kṛtvā līlayā parameśvarī jaghāna caṇḍamuṇḍābhyāṁ raktabījaṁ mahāsuram

Thus, having fought with them, the supreme goddess, in her playful sport, slew Chanda, Munda, and the great demon Raktabīja.

Verse 66 (shiva.uma.47.66)

द्वेषबुद्धिं विधायापि त्रिदशारातयोऽप्यमी । अन्ते प्रापन्परं लोकं यँल्लोकं यान्ति तज्जनाः

dveṣabuddhiṁ vidhāyāpi tridaśārātayo'pyamī ante prāpanparaṁ lokaṁ ya~llokaṁ yānti tajjanāḥ

Thus, even though these demons had harboured hatred toward the gods, they attained in the end that same supreme realm to which her own devoted people go.