The Avatars Beginning with Shatakshi

Verse 1 (shiva.uma.50.1)

मुनय ऊचुः । श्रोतुकामा वयं सर्वे दुर्गाचरितमन्वहम् । अपरं च महाप्राज्ञ तत्त्वं वर्णय नोऽद्भुतम्

munaya ūcuḥ śrotukāmā vayaṁ sarve durgācaritamanvaham aparaṁ ca mahāprājña tattvaṁ varṇaya no'dbhutam

The sages said: We all wish daily to hear the deeds of Durga; and, O greatly wise one, describe to us also another wondrous truth.

Verse 2 (shiva.uma.50.2)

शृण्वतां त्वन्मुखाम्भोजात् कथा नाना सुधोपमाः । न तृप्यति मनोऽस्माकं सूत सर्वार्थवित्तम

śṛṇvatāṁ tvanmukhāmbhojāt kathā nānā sudhopamāḥ na tṛpyati mano'smākaṁ sūta sarvārthavittama

Hearing from your lotus-mouth these various nectar-like stories, our minds are never satiated, O Suta, knower of all things.

Verse 3 (shiva.uma.50.3)

सूत उवाच । दुर्गमः प्रथितो नाम्ना रुरुपुत्रो महाबलः । ब्रह्मणो वरदानेन चतस्रोऽलभत श्रुतीः

sūta uvāca durgamaḥ prathito nāmnā ruruputro mahābalaḥ brahmaṇo varadānena catasro'labhata śrutīḥ

Suta said: There was a mighty demon famed by the name Durgama, son of Ruru; by a boon of Brahma he obtained the four Vedas.

Verse 4 (shiva.uma.50.4)

देवाजेयबलं चापि सम्प्राप्य जगतीतले । करोति स्म बहूत्पातान्दिवि देवाश्चकम्पिरे

devājeyabalaṁ cāpi samprāpya jagatītale karoti sma bahūtpātāndivi devāścakampire

Having also obtained strength unconquerable by the gods, he wrought many calamities on earth, and the gods in heaven trembled.

Verse 5 (shiva.uma.50.5)

सर्वा नष्टेषु वेदेषु क्रिया नष्टा बभूव ह । ब्राह्मणाश्च दुराचारा बभूवुः ससुरास्तदा

sarvā naṣṭeṣu vedeṣu kriyā naṣṭā babhūva ha brāhmaṇāśca durācārā babhūvuḥ sasurāstadā

When the Vedas were all lost, all sacred rites perished; and brahmins, along with the gods, then fell into evil conduct.

Verse 6 (shiva.uma.50.6)

न दानं न तपोऽत्युग्रं न यागो हवनं न हि । अनावृष्टिस्ततो जाता पृथिव्यां शतवार्षिकी

na dānaṁ na tapo'tyugraṁ na yāgo havanaṁ na hi anāvṛṣṭistato jātā pṛthivyāṁ śatavārṣikī

There was neither charity, nor severe austerity, nor sacrifice, nor oblation; thereupon a hundred-year drought befell the earth.

Verse 7 (shiva.uma.50.7)

हाहाकारो महानासीत् त्रिषु लोकेषु दुःखिताः । अभवंश्च जनाःसर्वे क्षुत्तृड्भ्यां पीडिता भृशम्

hāhākāro mahānāsīt triṣu lokeṣu duḥkhitāḥ abhavaṁśca janāḥsarve kṣuttṛḍbhyāṁ pīḍitā bhṛśam

There arose a great cry of woe; all beings in the three worlds became sorrowful, and all people were sorely afflicted by hunger and thirst.

Verse 8 (shiva.uma.50.8)

सरितः सागराश्चैव वापीकूपसरांसि च । निर्जला अभवन्सर्वे संशुष्का वृक्षवीरुधः

saritaḥ sāgarāścaiva vāpīkūpasarāṁsi ca nirjalā abhavansarve saṁśuṣkā vṛkṣavīrudhaḥ

Rivers and oceans, step-wells, wells, and lakes all became waterless; trees and creepers withered completely.

Verse 9 (shiva.uma.50.9)

ततो दृष्ट्वा महादुःखं प्रजानां दीनचेतसाम् । त्रिदशाः शरणं याता योगमायां महेश्वरीम्

tato dṛṣṭvā mahāduḥkhaṁ prajānāṁ dīnacetasām tridaśāḥ śaraṇaṁ yātā yogamāyāṁ maheśvarīm

Then, seeing the great suffering of the people with their despairing hearts, the gods went for refuge to Yogamaya, the great Goddess.

Verse 10 (shiva.uma.50.10)

देवा ऊचुः । रक्ष रक्ष महामाये स्वकीयाः सकलाः प्रजाः । कोपं संहर नूनं त्वं लोका नङ्क्ष्यन्ति चान्यथा

devā ūcuḥ rakṣa rakṣa mahāmāye svakīyāḥ sakalāḥ prajāḥ kopaṁ saṁhara nūnaṁ tvaṁ lokā naṅkṣyanti cānyathā

The gods said: 'Protect, protect, O Mahamaya, all these people who are your own! Withdraw your wrath, for otherwise the worlds will surely perish.'

Verse 11 (shiva.uma.50.11)

यथा शुम्भो हतो दैत्यो निशुम्भश्च महाबलः । धूम्राक्षश्चण्डमुण्डौ च रक्तबीजो महाबलः

yathā śumbho hato daityo niśumbhaśca mahābalaḥ dhūmrākṣaścaṇḍamuṇḍau ca raktabījo mahābalaḥ

As the demon Shumbha was slain, and the mighty Nishumbha, Dhumraksha, Chanda and Munda, and the mighty Raktabija,

Verse 12 (shiva.uma.50.12)

समधुः कैटभो दैत्यो महिषासुर एव च । तथैवामुं कृपासिन्धो दीनबन्धो जहि द्रुतम्

samadhuḥ kaiṭabho daityo mahiṣāsura eva ca tathaivāmuṁ kṛpāsindho dīnabandho jahi drutam

and the demon Madhu with Kaitabha, and Mahishasura too — so also, O ocean of compassion, O friend of the helpless, swiftly slay this one.

Verse 13 (shiva.uma.50.13)

अपराधो भवत्येव बालकानां पदे पदे । सहते को जनो लोके केवलं मातरं विना

aparādho bhavatyeva bālakānāṁ pade pade sahate ko jano loke kevalaṁ mātaraṁ vinā

Children indeed commit faults at every step; who in this world tolerates them except the mother alone?

Verse 14 (shiva.uma.50.14)

यदा यदाभवद्दुःखं देवानां ब्रह्मणां तथा । तदा तदावतीर्याशु कुरुषे सुखिनो जनान्

yadā yadābhavadduḥkhaṁ devānāṁ brahmaṇāṁ tathā tadā tadāvatīryāśu kuruṣe sukhino janān

Whenever suffering has come upon the gods and the brahmins, then you have swiftly descended and made the people happy.

Verse 15 (shiva.uma.50.15)

इति विक्लवितं तेषां समाकर्ण्य कृपामयी । अनन्ताक्षमयं रूपं दर्शयामास साम्प्रतम्

iti viklavitaṁ teṣāṁ samākarṇya kṛpāmayī anantākṣamayaṁ rūpaṁ darśayāmāsa sāmpratam

Hearing their lament, the compassionate one immediately showed a form composed of infinite eyes.

Verse 16 (shiva.uma.50.16)

धनुर्बाणौ तथा पद्मं नानामूलफलानि च । चतुर्भिर्दधती हस्तैः प्रसन्नमुखपङ्कजा

dhanurbāṇau tathā padmaṁ nānāmūlaphalāni ca caturbhirdadhatī hastaiḥ prasannamukhapaṅkajā

Holding in her four hands a bow and arrow, a lotus, and various roots and fruits, her lotus-face serene.

Verse 17 (shiva.uma.50.17)

ततो दृष्ट्वा प्रजास्तप्ताः करुणापूरितेक्षणा । रुरोद नव घस्राणि नव रात्रीः समाकुला

tato dṛṣṭvā prajāstaptāḥ karuṇāpūritekṣaṇā ruroda nava ghasrāṇi nava rātrīḥ samākulā

Then, seeing the suffering people, her eyes filled with compassion, she wept, deeply moved, for nine days and nine nights.

Verse 18 (shiva.uma.50.18)

मोचयामास दृष्टिभ्यो वारिधाराः सहस्रशः । ताभिः प्रतर्पिता लोका औषध्यः सकला अपि

mocayāmāsa dṛṣṭibhyo vāridhārāḥ sahasraśaḥ tābhiḥ pratarpitā lokā auṣadhyaḥ sakalā api

From her eyes she released thousands of streams of water; by these the worlds, and all the plants too, were fully nourished.

Verse 19 (shiva.uma.50.19)

अगाधतोयाः सरितो बभूवुः सागरा अपि । रुरुहुर्धरणीपृष्ठे शाकमूलफलानि च

agādhatoyāḥ sarito babhūvuḥ sāgarā api ruruhurdharaṇīpṛṣṭhe śākamūlaphalāni ca

The rivers, and the oceans too, became filled with unfathomable water; and on the surface of the earth, herbs, roots, and fruits grew again.

Verse 20 (shiva.uma.50.20)

विततार करस्थानि सुमनोभ्यः फलानि च । गोभ्यस्तृणानि रम्याणि तथान्येभ्यो यथार्हतः

vitatāra karasthāni sumanobhyaḥ phalāni ca gobhyastṛṇāni ramyāṇi tathānyebhyo yathārhataḥ

She distributed the fruits held in her hand to the gods, delightful grasses to the cows, and to others according to what was fitting for each.

Verse 21 (shiva.uma.50.21)

सन्तुष्टा अभवन्सर्वे सदेवद्विजमानुषाः । ततो जगाद सा देवी किमन्यत्करवाणि वः

santuṣṭā abhavansarve sadevadvijamānuṣāḥ tato jagāda sā devī kimanyatkaravāṇi vaḥ

All beings — gods, brahmins, and men — became satisfied; then the goddess said, 'What else shall I do for you?'

Verse 22 (shiva.uma.50.22)

समेत्योचुस्तदा देवा भवत्या तोषिता जनाः । वेदान्देहि कृपां कृत्वा दुर्गमेण समाहृताम्

sametyocustadā devā bhavatyā toṣitā janāḥ vedāndehi kṛpāṁ kṛtvā durgameṇa samāhṛtām

Then the gods, gathering together, said: 'The people have been satisfied by you; now, showing mercy, give back the Vedas that were seized by Durgama.'

Verse 23 (shiva.uma.50.23)

तथास्त्विति प्रभाष्याह यात यात निजालयम् । वितरिष्यामि वो वेदानचिरेणैव कालतः

tathāstviti prabhāṣyāha yāta yāta nijālayam vitariṣyāmi vo vedānacireṇaiva kālataḥ

Saying 'So be it,' she declared: 'Go, go to your own abodes; I shall give you back the Vedas very soon.'

Verse 24 (shiva.uma.50.24)

ततः प्रमुदिता देवाः स्वं स्वं धाम समाययुः । सुप्रणम्य जगद्योनिं फुल्लेन्दीवरलोचनाम्

tataḥ pramuditā devāḥ svaṁ svaṁ dhāma samāyayuḥ supraṇamya jagadyoniṁ phullendīvaralocanām

Then the gods, greatly delighted, having duly bowed to her, the source of the world, whose eyes were like blossoming blue lotuses, returned each to his own abode.

Verse 25 (shiva.uma.50.25)

ततः कोलाहलो जातो दिवि भूम्यन्तरिक्षके । तच्छ्रुत्वा रौरवः सद्यो न्यरुणत्सर्वतः पुरीम्

tataḥ kolāhalo jāto divi bhūmyantarikṣake tacchrutvā rauravaḥ sadyo nyaruṇatsarvataḥ purīm

Then a great commotion arose in heaven, on earth, and in the sky; hearing it, Raurava, son of Ruru, at once besieged the city on all sides.

Verse 26 (shiva.uma.50.26)

ततस्तेजोमयं चक्रं विधाय परितः शिवा । रक्षणार्थं देवतानां स्वयं तस्माद् बहिर्गता

tatastejomayaṁ cakraṁ vidhāya paritaḥ śivā rakṣaṇārthaṁ devatānāṁ svayaṁ tasmād bahirgatā

Then, having formed a wheel of radiance all around, Shiva, the goddess, herself went out from it, in order to protect the gods.

Verse 27 (shiva.uma.50.27)

ततः समभवद्युद्धं देव्या दैत्यस्य चोभयोः । ववृषुः समरे बाणान्निशितान्कङ्कटच्छिदः

tataḥ samabhavadyuddhaṁ devyā daityasya cobhayoḥ vavṛṣuḥ samare bāṇānniśitānkaṅkaṭacchidaḥ

Then a battle took place between the goddess and the demon; in the fight they rained down sharp arrows that pierced armour.

Verse 28 (shiva.uma.50.28)

एतस्मिन्नन्तरे तस्याः शरीराद् रम्यमूर्तयः । काली तारा छिन्नमस्ता श्रीविद्या भुवनेश्वरी

etasminnantare tasyāḥ śarīrād ramyamūrtayaḥ kālī tārā chinnamastā śrīvidyā bhuvaneśvarī

Meanwhile, from her body emerged lovely forms — Kali, Tara, Chhinnamasta, Shri Vidya, Bhuvaneshvari,

Verse 29 (shiva.uma.50.29)

भैरवी बगला धूम्रा श्रीमत्त्रिपुरसुन्दरी । मातङ्गी च महाविद्या निर्गता दश सायुधाः

bhairavī bagalā dhūmrā śrīmattripurasundarī mātaṅgī ca mahāvidyā nirgatā daśa sāyudhāḥ

Bhairavi, Bagala, Dhumra, the glorious Tripurasundari, and Matangi — the ten great Mahavidyas, each with her weapons, came forth.

Verse 30 (shiva.uma.50.30)

असङ्ख्यातास्ततो जाता मातरो दिव्यमूर्त्तयः । चन्द्रलेखाधराः सर्वाः सर्वा विद्युत्समप्रभाः

asaṅkhyātāstato jātā mātaro divyamūrttayaḥ candralekhādharāḥ sarvāḥ sarvā vidyutsamaprabhāḥ

Then countless Mother-goddesses of divine form arose, all bearing a crescent moon, all radiant as lightning.

Verse 31 (shiva.uma.50.31)

ततो मातृगणैर्युद्धं प्रावर्तत भयङ्करम् । रौरवीयं हतं ताभिर्दलमक्षौहिणीशतम्

tato mātṛgaṇairyuddhaṁ prāvartata bhayaṅkaram rauravīyaṁ hataṁ tābhirdalamakṣauhiṇīśatam

Then a terrifying battle was waged by the host of Mother-goddesses; by them Raurava's army of a hundred akshauhinis was destroyed.

Verse 32 (shiva.uma.50.32)

जघान सा तदा दैत्यं दुर्गमं शूलधारया । पपात धरणीपृष्ठे खातमूलद्रुमो यथा

jaghāna sā tadā daityaṁ durgamaṁ śūladhārayā papāta dharaṇīpṛṣṭhe khātamūladrumo yathā

Then she slew the demon Durgama with the point of her trident; he fell upon the surface of the earth like a tree uprooted from its base.

Verse 33 (shiva.uma.50.33)

इत्थं हत्वा तदा दैत्यं दुर्गमासुरनामकम् । आदाय चतुरो वेदान्ददौ देवेभ्य ईश्वरी

itthaṁ hatvā tadā daityaṁ durgamāsuranāmakam ādāya caturo vedāndadau devebhya īśvarī

Having thus slain the demon named Durgama, the Sovereign Goddess took up the four Vedas and gave them to the gods.

Verse 34 (shiva.uma.50.34)

देवा ऊचुः । अस्मदर्थं त्वया रूपमनन्ताक्षिमयं धृतम् । मुनयः कीर्तयिष्यन्ति शताक्षीं त्वामतोऽम्बिके

devā ūcuḥ asmadarthaṁ tvayā rūpamanantākṣimayaṁ dhṛtam munayaḥ kīrtayiṣyanti śatākṣīṁ tvāmato'mbike

The gods said: For our sake you assumed a form made of infinite eyes; therefore, O Mother, the sages shall proclaim you as Shatakshi, the hundred-eyed.

Verse 35 (shiva.uma.50.35)

आत्मदेहसमुद्भूतैः शाकैर्लोका मृता यतः । शाकम्भरीति विख्यातं तत्ते नाम भविष्यति

ātmadehasamudbhūtaiḥ śākairlokā mṛtā yataḥ śākambharīti vikhyātaṁ tatte nāma bhaviṣyati

Since the dying people were revived by the herbs that sprang from your own body, your name shall become famed as Shakambhari.

Verse 36 (shiva.uma.50.36)

दुर्गमाख्यो महादैत्यो हतो यस्मात्ततः शिवे । दुर्गां भगवतीं भद्रां व्याहरिष्यन्ति मानवाः

durgamākhyo mahādaityo hato yasmāttataḥ śive durgāṁ bhagavatīṁ bhadrāṁ vyāhariṣyanti mānavāḥ

Since the great demon named Durgama was slain by you, O auspicious one, men shall call you the blessed goddess Durga.

Verse 37 (shiva.uma.50.37)

योगनिद्रे नमस्तुभ्यं नमस्तेऽस्तु महाबले । नमो ज्ञानप्रदे तुभ्यं विश्वमात्रे नमो नमः

yoganidre namastubhyaṁ namaste'stu mahābale namo jñānaprade tubhyaṁ viśvamātre namo namaḥ

Salutations to you, O Yoganidra! Salutations to you, O greatly powerful one! Salutations to you, bestower of knowledge; salutations again and again to the Mother of the universe.

Verse 38 (shiva.uma.50.38)

तत्त्वमस्यादिवाक्यैर्या बोध्यते परमेश्वरी । अनन्तकोटिब्रह्माण्डनायिकायै नमो नमः

tattvamasyādivākyairyā bodhyate parameśvarī anantakoṭibrahmāṇḍanāyikāyai namo namaḥ

She who is made known by great sayings such as 'Tat Tvam Asi' — to that Supreme Goddess, mistress of infinite millions of universes, salutations again and again.

Verse 39 (shiva.uma.50.39)

वाङ्मनःकायदुष्प्रापां सूर्यचन्द्राग्निलोचनाम् । स्तोतुं न शक्नुमो मातस्त्वत्प्रभावाबुधा वयम्

vāṅmanaḥkāyaduṣprāpāṁ sūryacandrāgnilocanām stotuṁ na śaknumo mātastvatprabhāvābudhā vayam

O Mother, unattainable by speech, mind, or body, whose eyes are the sun, moon, and fire — we, ignorant of your true power, are unable to praise you.

Verse 40 (shiva.uma.50.40)

मादृशानमरान्दृष्ट्वा कः कुर्यादीदृशीं दयाम् । वर्जयित्वा सुरेशानीं शताक्षीं मातरं विना

mādṛśānamarāndṛṣṭvā kaḥ kuryādīdṛśīṁ dayām varjayitvā sureśānīṁ śatākṣīṁ mātaraṁ vinā

Seeing gods like us, who else could show such compassion, except the Sovereign of the gods, Mother Shatakshi?

Verse 41 (shiva.uma.50.41)

त्रिलोकी नाभिभूयेत बाधाभिश्च निरन्तरम् । एवं कार्यस्त्वया यत्नोऽस्माकं वैरिविनाशनम्

trilokī nābhibhūyeta bādhābhiśca nirantaram evaṁ kāryastvayā yatno'smākaṁ vairivināśanam

May the three worlds never be continually overcome by afflictions; thus may you always make the effort to destroy our enemies.

Verse 42 (shiva.uma.50.42)

देव्युवाच । वत्सान्दृष्ट्वा यथा गावो व्यग्रा धावन्ति सत्वरम् । तथैव भवतो दृष्ट्वा धावामि व्याकुला सती

devyuvāca vatsāndṛṣṭvā yathā gāvo vyagrā dhāvanti satvaram tathaiva bhavato dṛṣṭvā dhāvāmi vyākulā satī

The goddess said: Just as cows, seeing their calves, run swiftly in eager haste, so, seeing you, I run to you deeply moved.

Verse 43 (shiva.uma.50.43)

मम युष्मानपश्यन्त्याः पश्यन्त्या बालकानिव । अपि प्राणान्प्रयच्छन्त्याः क्षण एको युगायते

mama yuṣmānapaśyantyāḥ paśyantyā bālakāniva api prāṇānprayacchantyāḥ kṣaṇa eko yugāyate

Whether I am not seeing you, or seeing you as my very children, and even while giving up my own life-breaths for you — a single moment feels like an age.

Verse 44 (shiva.uma.50.44)

कापि चिन्ता न कर्तव्या युष्माभिर्भक्तिशालिभिः । भवत्यां मयि तिष्ठन्त्यां संहरन्त्यां निजापदः

kāpi cintā na kartavyā yuṣmābhirbhaktiśālibhiḥ bhavatyāṁ mayi tiṣṭhantyāṁ saṁharantyāṁ nijāpadaḥ

You devotees need have no worry at all, so long as I, who destroy your calamities, remain present with you.

Verse 45 (shiva.uma.50.45)

यथा पूर्वं हता दैत्या हनिष्यामि तथाऽसुरान् । संशयो नात्र कर्त्तव्यः सत्यं सत्यं ब्रवीम्यहम्

yathā pūrvaṁ hatā daityā haniṣyāmi tathā'surān saṁśayo nātra karttavyaḥ satyaṁ satyaṁ bravīmyaham

As the demons were slain before, so shall I slay the asuras again; no doubt should be entertained in this — I speak the truth, the truth.

Verse 46 (shiva.uma.50.46)

यदा शुम्भो निशुम्भश्चापरौ दैत्यौ भविष्यतः । तदाहं नन्दभार्यायां यशोदायां यशोमयी

yadā śumbho niśumbhaścāparau daityau bhaviṣyataḥ tadāhaṁ nandabhāryāyāṁ yaśodāyāṁ yaśomayī

When there shall be two other demons named Shumbha and Nishumbha, then I, full of glory, from the womb of Yashoda, wife of Nanda —

Verse 47 (shiva.uma.50.47)

योनिजं रूपमास्थाय जनिष्ये गोपगोकुले । हनिष्याम्यसुरौ तन्मां व्याहरिष्यन्ति नन्दजाम्

yonijaṁ rūpamāsthāya janiṣye gopagokule haniṣyāmyasurau tanmāṁ vyāhariṣyanti nandajām

shall take a womb-born form and be born in the cowherd settlement; I shall slay those two demons, and they shall call me the daughter of Nanda.

Verse 48 (shiva.uma.50.48)

भ्रामरं रूपमास्थाय वधिष्याम्यरुणं यतः । भ्रामरीति च मां लोके कीर्तयिष्यन्ति मानवाः

bhrāmaraṁ rūpamāsthāya vadhiṣyāmyaruṇaṁ yataḥ bhrāmarīti ca māṁ loke kīrtayiṣyanti mānavāḥ

Since, taking the form of Bhramari, I shall slay the demon Aruna, men in the world shall proclaim me as Bhramari.

Verse 49 (shiva.uma.50.49)

कृत्वा भीमं पुना रूपं रक्षांस्यत्स्याम्यहं यदा । भीमा देवीति विख्यातं तन्मे नाम भविष्यति

kṛtvā bhīmaṁ punā rūpaṁ rakṣāṁsyatsyāmyahaṁ yadā bhīmā devīti vikhyātaṁ tanme nāma bhaviṣyati

When, again assuming a terrible form, I shall devour the rakshasas, then my name shall become famed as the goddess Bhima.

Verse 50 (shiva.uma.50.50)

यदा यदासुरोत्थैवं बाधा भुवि भविष्यति । तदा तदावतीर्याहं शं करिष्याम्यसंशयम्

yadā yadāsurotthaivaṁ bādhā bhuvi bhaviṣyati tadā tadāvatīryāhaṁ śaṁ kariṣyāmyasaṁśayam

Whenever such affliction arising from demons occurs on earth, then, without doubt, I shall descend and bring about well-being.

Verse 51 (shiva.uma.50.51)

या शताक्षी स्मृता देवी सैव शाकम्भरी मता । सैव प्रकीर्तिता दुर्गा व्यक्तिरेकैव त्रिष्वपि

yā śatākṣī smṛtā devī saiva śākambharī matā saiva prakīrtitā durgā vyaktirekaiva triṣvapi

She who is remembered as the goddess Shatakshi is the same as the one held to be Shakambhari, the same proclaimed as Durga — it is a single manifestation in all three.

Verse 52 (shiva.uma.50.52)

न शताक्षीसमा काचिद्दयालुर्भुवि देवता । दृष्ट्वारुदत्प्रजास्तप्ता या नवाहं महेश्वरी

na śatākṣīsamā kāciddayālurbhuvi devatā dṛṣṭvārudatprajāstaptā yā navāhaṁ maheśvarī

There is no deity on earth as compassionate as Shatakshi, the great Goddess who wept for nine days on seeing the suffering people.