The Path to the Hell Realms and the Form of Yama's Messengers

Verse 1 (shiva.uma.7.1)

सनत्कुमार उवाच । अथ पापैर्नरा यान्ति यमलोकं चतुर्विधैः । सन्त्रासजननं घोरं विवशाः सर्वदेहिनः

sanatkumāra uvāca atha pāpairnarā yānti yamalokaṁ caturvidhaiḥ santrāsajananaṁ ghoraṁ vivaśāḥ sarvadehinaḥ

Sanatkumara said: Thus, by the four kinds of sin, men go to the world of Yama — that terrifying, dreadful place where all embodied beings are helpless.

Verse 2 (shiva.uma.7.2)

गर्भस्थैर्जायमानैश्च बालैस्तरुणमध्यमैः । स्त्रीपुन्नपुंसकैर्जीवैर्ज्ञातव्यं सर्वजन्तुषु

garbhasthairjāyamānaiśca bālaistaruṇamadhyamaiḥ strīpunnapuṁsakairjīvairjñātavyaṁ sarvajantuṣu

This should be understood as applying to all beings — whether still in the womb, being born, children, youths, or of middle age; whether female, male, or neuter.

Verse 3 (shiva.uma.7.3)

शुभाशुभफलं चात्र देहिनां संविचार्यते । चित्रगुप्तादिभिः सर्वैः वसिष्ठप्रमुखैस्तथा

śubhāśubhaphalaṁ cātra dehināṁ saṁvicāryate citraguptādibhiḥ sarvaiḥ vasiṣṭhapramukhaistathā

Here the good and bad fruits of the deeds of embodied beings are carefully examined by Chitragupta and others, and likewise by sages headed by Vasishtha.

Verse 4 (shiva.uma.7.4)

न केचित्प्राणिनः सन्ति ये न यान्ति यमक्षयम् । अवश्यं हि कृतं कर्म भोक्तव्यं तद्विचार्यताम्

na kecitprāṇinaḥ santi ye na yānti yamakṣayam avaśyaṁ hi kṛtaṁ karma bhoktavyaṁ tadvicāryatām

There are no living beings at all who do not go to the abode of Yama; for deeds once done must inevitably be experienced — consider this well.

Verse 5 (shiva.uma.7.5)

तत्र ये शुभकर्माणः सौम्यचित्ता दयान्विताः । ते नरा यान्ति सौम्येन पूर्वं यमनिकेतनम्

tatra ye śubhakarmāṇaḥ saumyacittā dayānvitāḥ te narā yānti saumyena pūrvaṁ yamaniketanam

Among these, those men of virtuous deeds, gentle mind, and endowed with compassion, go by a pleasant road to the abode of Yama.

Verse 6 (shiva.uma.7.6)

ये पुनः पापकर्माणः पापा दानविवर्जिताः । ते घोरेण पथा यान्ति दक्षिणेन यमालयम्

ye punaḥ pāpakarmāṇaḥ pāpā dānavivarjitāḥ te ghoreṇa pathā yānti dakṣiṇena yamālayam

But those who are sinful in their deeds, wicked, and devoid of charity go by the terrible southern road to the abode of Yama.

Verse 7 (shiva.uma.7.7)

षडशीतिसहस्राणि योजनानामतीत्य तत् । वैवस्वतपुरं ज्ञेयं नानारूपमवस्थितम्

ṣaḍaśītisahasrāṇi yojanānāmatītya tat vaivasvatapuraṁ jñeyaṁ nānārūpamavasthitam

That city of Vaivasvata is to be known as situated eighty-six thousand yojanas away, existing in manifold forms.

Verse 8 (shiva.uma.7.8)

समीपस्थमिवाभाति नराणां पुण्यकर्मणाम् । पापिनामतिदूरस्थं यथा रौद्रेण गच्छताम्

samīpasthamivābhāti narāṇāṁ puṇyakarmaṇām pāpināmatidūrasthaṁ yathā raudreṇa gacchatām

It appears as though nearby to men of meritorious deeds, but exceedingly far off for sinners who travel by the terrible path.

Verse 9 (shiva.uma.7.9)

तीक्ष्णकण्टकयुक्तेन शर्कराविचितेन च । क्षुरधारानिभैस्तीक्ष्णैः पाषाणै रचितेन च

tīkṣṇakaṇṭakayuktena śarkarāvicitena ca kṣuradhārānibhaistīkṣṇaiḥ pāṣāṇai racitena ca

By a path covered with sharp thorns, strewn with gravel, and formed of stones sharp as razor-edges —

Verse 10 (shiva.uma.7.10)

क्वचित्पङ्केन महता जलौकाभिश्च सङ्कुलैः । लोहसूचीनिभैर्दर्भैः सम्पन्नेन पथा क्वचित्

kvacitpaṅkena mahatā jalaukābhiśca saṅkulaiḥ lohasūcīnibhairdarbhaiḥ sampannena pathā kvacit

— in places by deep mire teeming with leeches; in places by a path covered with grass-blades sharp as iron needles —

Verse 11 (shiva.uma.7.11)

तटप्रायातिविषमैः पर्वतैर्वृक्षसङ्कुलैः । प्रतप्ताङ्गारयुक्तेन यान्ति मार्गेण दुःखिताः

taṭaprāyātiviṣamaiḥ parvatairvṛkṣasaṅkulaiḥ prataptāṅgārayuktena yānti mārgeṇa duḥkhitāḥ

— they travel, in suffering, by a road with steep, treacherous mountain slopes crowded with trees, and covered with blazing embers —

Verse 12 (shiva.uma.7.12)

क्वचिद्विषमगर्तैश्च क्वचिल्लोष्ठैः सुदुष्करैः । सुतप्तबालुकाभिश्च तथा तीक्ष्णैश्च शङ्कुभिः

kvacidviṣamagartaiśca kvacilloṣṭhaiḥ suduṣkaraiḥ sutaptabālukābhiśca tathā tīkṣṇaiśca śaṅkubhiḥ

— in places with treacherous pits, in places with hard jagged clods, and by ground of burning-hot sand and sharp stakes —

Verse 13 (shiva.uma.7.13)

अनेकशाखाविततैर्व्याप्तं वंशवनैः क्वचित् । कष्टेन तमसा मार्गेणानालम्बेन कुत्रचित्

anekaśākhāvitatairvyāptaṁ vaṁśavanaiḥ kvacit kaṣṭena tamasā mārgeṇānālambena kutracit

— in places covered with bamboo thickets spread with many branches; in places by a road of painful darkness, with nothing to hold onto —

Verse 14 (shiva.uma.7.14)

अयः शृङ्गाटकैस्तीक्ष्णैः क्वचिद्दावाग्निना पुनः । क्वचित्तप्तशिलाभिश्च क्वचिद्व्याप्तं हिमेन च

ayaḥ śṛṅgāṭakaistīkṣṇaiḥ kvaciddāvāgninā punaḥ kvacittaptaśilābhiśca kvacidvyāptaṁ himena ca

— by sharp iron caltrops; and again in places by forest fire; in places by scorching-hot rocks, and in places covered with ice —

Verse 15 (shiva.uma.7.15)

क्वचिद्वालुकया व्याप्तमाकण्ठान्तः प्रवेशया । क्वचिद्दुष्टाम्बुना व्याप्तं क्वचिच्च करिषाग्निना

kvacidvālukayā vyāptamākaṇṭhāntaḥ praveśayā kvacidduṣṭāmbunā vyāptaṁ kvacicca kariṣāgninā

— in places covered with sand that engulfs one up to the neck; in places covered with foul water, and in places with the fire of dung-fuel —

Verse 16 (shiva.uma.7.16)

क्वचित् सिहैर्वृकैर्व्याघ्रैर्मशकैश्च सुदारुणैः । क्वचिन्महाजलौकाभिः क्वचिच्चाजगरैस्तथा

kvacit sihairvṛkairvyāghrairmaśakaiśca sudāruṇaiḥ kvacinmahājalaukābhiḥ kvaciccājagaraistathā

— in places with lions, wolves, tigers, and terrible mosquitoes; in places with great leeches, and in places with pythons —

Verse 17 (shiva.uma.7.17)

मक्षिकाभिश्च रौद्राभिः क्वचित् सर्पैर्विषोल्बणैः । मत्तमातङ्गयूथैश्च बलोन्मत्तैः प्रमाथिभिः

makṣikābhiśca raudrābhiḥ kvacit sarpairviṣolbaṇaiḥ mattamātaṅgayūthaiśca balonmattaiḥ pramāthibhiḥ

— with terrible flies, in places with serpents laden with venom, and with herds of rutting elephants, maddened with strength and destructive —

Verse 18 (shiva.uma.7.18)

पन्थानमुल्लिखद्भिश्च सूकरैस्तीक्ष्णदंष्ट्रिभिः । तीक्ष्णशृङ्गैश्च महिषैः सर्वभूतैश्च श्वापदैः

panthānamullikhadbhiśca sūkaraistīkṣṇadaṁṣṭribhiḥ tīkṣṇaśṛṅgaiśca mahiṣaiḥ sarvabhūtaiśca śvāpadaiḥ

— with sharp-tusked boars tearing up the path, with sharp-horned buffaloes, and with every kind of predatory beast —

Verse 19 (shiva.uma.7.19)

डाकिनीभिश्च रौद्राभिर्विकरालैश्च राक्षसैः । व्याधिभिश्च महाघोरैः पीड्यमाना व्रजन्ति हि

ḍākinībhiśca raudrābhirvikarālaiśca rākṣasaiḥ vyādhibhiśca mahāghoraiḥ pīḍyamānā vrajanti hi

— tormented by terrible Dakinis, by hideous Rakshasas, and by most dreadful diseases, they proceed on their way —

Verse 20 (shiva.uma.7.20)

महाधूलिविमिश्रेण महाचण्डेन वायुना । महापाषाणवर्षेण हन्यमाना निराश्रयाः

mahādhūlivimiśreṇa mahācaṇḍena vāyunā mahāpāṣāṇavarṣeṇa hanyamānā nirāśrayāḥ

— struck, without shelter, by a great, fierce wind mixed with thick dust, and by a great downpour of stones —

Verse 21 (shiva.uma.7.21)

क्वचिद्विद्युत्प्रपातेन दह्यमाना व्रजन्ति च । महता बाणवर्षेण विध्यमानाश्च सर्वतः

kvacidvidyutprapātena dahyamānā vrajanti ca mahatā bāṇavarṣeṇa vidhyamānāśca sarvataḥ

— in places burned by falling lightning, they proceed on, pierced everywhere by a great rain of arrows —

Verse 22 (shiva.uma.7.22)

पतद्भिर्वज्रपातैश्च उल्कापातैश्च दारुणैः । प्रदीप्ताङ्गारवर्षेण दह्यमानाश्च सन्ति हि

patadbhirvajrapātaiśca ulkāpātaiśca dāruṇaiḥ pradīptāṅgāravarṣeṇa dahyamānāśca santi hi

— struck by falling thunderbolts and terrible falling meteors, they are indeed burned by a rain of blazing embers —

Verse 23 (shiva.uma.7.23)

महता पांसुवर्षेण पूर्यमाणा रुदन्ति च । महामेघरवैर्घोरैस्त्रस्यन्ते च मुहुर्मुहुः

mahatā pāṁsuvarṣeṇa pūryamāṇā rudanti ca mahāmegharavairghoraistrasyante ca muhurmuhuḥ

— filled up by a great downpour of dust, they weep; and terrified again and again by the dreadful roars of great thunderclouds —

Verse 24 (shiva.uma.7.24)

निशितायुधवर्षेण भिद्यमानाश्च सर्वतः । महाक्षाराम्बुधाराभिः सिच्यमाना व्रजन्ति च

niśitāyudhavarṣeṇa bhidyamānāśca sarvataḥ mahākṣārāmbudhārābhiḥ sicyamānā vrajanti ca

— pierced everywhere by a rain of sharp weapons, and drenched by streams of caustic, saline water, they proceed on —

Verse 25 (shiva.uma.7.25)

महीशीतेन मरुता रूक्षेण परुषेण च । समन्ताद् बाध्यमानाश्च शुष्यन्ते सङ्कुचन्ति च

mahīśītena marutā rūkṣeṇa paruṣeṇa ca samantād bādhyamānāśca śuṣyante saṅkucanti ca

— tormented on every side by a bitterly cold, harsh, and rough wind, they wither and shrivel up.

Verse 26 (shiva.uma.7.26)

इत्थं मार्गेण रौद्रेण पाथेयरहितेन च । निरालम्बेन दुर्गेण निर्जलेन समन्ततः

itthaṁ mārgeṇa raudreṇa pātheyarahitena ca nirālambena durgeṇa nirjalena samantataḥ

By such a terrible path, devoid of provisions for the journey, without any support, difficult to traverse, and utterly waterless —

Verse 27 (shiva.uma.7.27)

विषमेणैव महता निर्जनापाश्रयेण च । तमोरूपेण कष्टेन सर्वदुष्टाश्रयेण च

viṣameṇaiva mahatā nirjanāpāśrayeṇa ca tamorūpeṇa kaṣṭena sarvaduṣṭāśrayeṇa ca

— truly treacherous and vast, offering no shelter in its desolation, of the very form of darkness, full of hardship, and the refuge of every evil thing —

Verse 28 (shiva.uma.7.28)

नीयन्ते देहिनः सर्वे ये मूढाः पापकर्मिणः । यमदूतैर्महाघोरैस्तदाज्ञाकारिभिर्बलात्

nīyante dehinaḥ sarve ye mūḍhāḥ pāpakarmiṇaḥ yamadūtairmahāghoraistadājñākāribhirbalāt

— by this path, all embodied beings who are foolish and sinful in their deeds are forcibly led by the most terrible messengers of Yama, who carry out his commands.

Verse 29 (shiva.uma.7.29)

एकाकिनः पराधीना मित्रबन्धुविवर्जिताः । शोचन्तः स्वानि कर्माणि रुदन्तश्च मुहुर्मुहुः

ekākinaḥ parādhīnā mitrabandhuvivarjitāḥ śocantaḥ svāni karmāṇi rudantaśca muhurmuhuḥ

Alone, utterly dependent, deprived of friends and kinsfolk, grieving over their own deeds, and weeping again and again —

Verse 30 (shiva.uma.7.30)

प्रेता भूत्वा विवस्त्राश्च शुष्ककण्ठौष्ठतालुकाः । असौम्या भयभीताश्च दह्यमानाः क्षुधान्विताः

pretā bhūtvā vivastrāśca śuṣkakaṇṭhauṣṭhatālukāḥ asaumyā bhayabhītāśca dahyamānāḥ kṣudhānvitāḥ

— having become disembodied spirits, naked, their throats, lips, and palates parched dry, unlovely, terrified, burning, and afflicted with hunger —

Verse 31 (shiva.uma.7.31)

बद्धाः शृङ्खलया केचिदुत्ता नपादका नराः । कृष्यन्ते कृष्यमाणाश्च यमदूतैर्बलोत्कटैः

baddhāḥ śṛṅkhalayā keciduttā napādakā narāḥ kṛṣyante kṛṣyamāṇāśca yamadūtairbalotkaṭaiḥ

Some men, bound with chains, thrown down, unable to walk on their own, are dragged and dragged again by the exceedingly powerful messengers of Yama.

Verse 32 (shiva.uma.7.32)

उरसाधोमुखाश्चान्ये घृष्यमाणाः सुदुःखिताः । केशपाशनिबन्धेन सङ्कृष्यन्ते च रज्जुना

urasādhomukhāścānye ghṛṣyamāṇāḥ suduḥkhitāḥ keśapāśanibandhena saṅkṛṣyante ca rajjunā

Others, face down upon their chests, being scraped along in great suffering, are dragged along, bound by a rope tied to their hair.

Verse 33 (shiva.uma.7.33)

ललाटे चाङ्कुशेनान्ये भिन्ना दुष्यन्ति देहिनः । उत्तानाः कण्टकपथा क्वचिदङ्गारवर्त्मना

lalāṭe cāṅkuśenānye bhinnā duṣyanti dehinaḥ uttānāḥ kaṇṭakapathā kvacidaṅgāravartmanā

Others, pierced on the forehead by a hook, suffer greatly; some, lying on their backs, are dragged along a path of thorns, or in places a path of burning coals.

Verse 34 (shiva.uma.7.34)

पश्चाद् बाहुनिबद्धाश्च जठरेण प्रपीडिताः । पूरिताः शृङ्खलाभिश्च हस्तयोश्च सुकीलिताः

paścād bāhunibaddhāśca jaṭhareṇa prapīḍitāḥ pūritāḥ śṛṅkhalābhiśca hastayośca sukīlitāḥ

— with their arms bound behind them, their bellies afflicted, wound about with chains, and their hands firmly pinned —

Verse 35 (shiva.uma.7.35)

ग्रीवापाशेन कृष्यन्ते प्रयान्त्यन्ये सुदुःखिताः । जिह्वाङ्कुशप्रवेशेन रज्ज्वाकृष्यन्त एव ते

grīvāpāśena kṛṣyante prayāntyanye suduḥkhitāḥ jihvāṅkuśapraveśena rajjvākṛṣyanta eva te

— they are dragged by a noose about the neck; others go along in great suffering, dragged by a rope attached through a hook thrust into the tongue.

Verse 36 (shiva.uma.7.36)

नासाभेदेन रज्ज्वा च त्वाकृष्यन्ते तथापरे । भिन्नाः कपोलयो रज्ज्वा कृष्यन्तेऽन्ये तथौष्ठयोः

nāsābhedena rajjvā ca tvākṛṣyante tathāpare bhinnāḥ kapolayo rajjvā kṛṣyante'nye tathauṣṭhayoḥ

Others still are dragged by a rope through a pierced nose and skin; others, pierced through the cheeks, are dragged by a rope, and likewise through the lips.

Verse 37 (shiva.uma.7.37)

छिन्नाग्रपादहस्ताश्च छिन्नकर्णोष्ठनासिकाः । सञ्छिन्नशिश्नवृषणाः छिन्नभिन्नाङ्गसन्धयः

chinnāgrapādahastāśca chinnakarṇoṣṭhanāsikāḥ sañchinnaśiśnavṛṣaṇāḥ chinnabhinnāṅgasandhayaḥ

— with the tips of their feet and hands cut off, their ears, lips, and nose cut off, their genitals severed, their limbs and joints cut and torn asunder —

Verse 38 (shiva.uma.7.38)

आभिद्यमानाः कुन्तैश्च भिद्यमानाश्च सायकैः । इतश्चेतश्च धावन्तः क्रन्दमाना निराश्रयाः

ābhidyamānāḥ kuntaiśca bhidyamānāśca sāyakaiḥ itaścetaśca dhāvantaḥ krandamānā nirāśrayāḥ

— pierced through by lances, pierced by arrows, they run this way and that, wailing, without any refuge —

Verse 39 (shiva.uma.7.39)

मुद्गरैर्लोहदण्डैश्च हन्यमाना मुहुर्मुहुः । कण्टकैर्विविधैर्घोरैर्ज्वलनार्कसमप्रभैः

mudgarairlohadaṇḍaiśca hanyamānā muhurmuhuḥ kaṇṭakairvividhairghorairjvalanārkasamaprabhaiḥ

— struck again and again with maces and iron rods, with various terrible thorns, blazing bright as the sun —

Verse 40 (shiva.uma.7.40)

भिन्दिपालैर्विभिद्यन्ते स्रवतः पूयशोणितम् । शकृता कृमिदिग्धाश्च नीयन्ते विवशा नराः

bhindipālairvibhidyante sravataḥ pūyaśoṇitam śakṛtā kṛmidigdhāśca nīyante vivaśā narāḥ

— pierced through with javelins, oozing pus and blood, smeared with excrement and worms, these helpless men are led along.

Verse 41 (shiva.uma.7.41)

याचमानाश्च सलिलमन्नं वापि बुभुक्षिताः । छायां प्रार्थयमानाश्च शीतार्ताश्चानलं पुनः

yācamānāśca salilamannaṁ vāpi bubhukṣitāḥ chāyāṁ prārthayamānāśca śītārtāścānalaṁ punaḥ

— begging for water, or, famished, for food; praying for shade, and again, tormented by cold, praying for fire —

Verse 42 (shiva.uma.7.42)

दानहीनाः प्रयान्त्येवं प्रार्थयन्तः सुखं नराः । गृहीतदानपाथेयाः सुखं यान्ति यमालयम्

dānahīnāḥ prayāntyevaṁ prārthayantaḥ sukhaṁ narāḥ gṛhītadānapātheyāḥ sukhaṁ yānti yamālayam

— thus men devoid of charity go on, praying in vain for comfort; but those who have taken up charity as provision for the journey go happily to the abode of Yama.

Verse 43 (shiva.uma.7.43)

एवं न्यायेन कष्टेन प्राप्ताः प्रेतपुरं यदा । प्रज्ञापितास्ततो दूतैर्निवेश्यन्ते यमाग्रतः

evaṁ nyāyena kaṣṭena prāptāḥ pretapuraṁ yadā prajñāpitāstato dūtairniveśyante yamāgrataḥ

When, in this manner, by such rightful hardship, they have reached the city of the dead, they are then announced by the messengers and brought before Yama.

Verse 44 (shiva.uma.7.44)

तत्र ये शुभकर्माणस्तांस्तु सम्मानयेद्यमः । स्वागतासनदानेन पाद्यार्घ्येण प्रियेण च

tatra ye śubhakarmāṇastāṁstu sammānayedyamaḥ svāgatāsanadānena pādyārghyeṇa priyeṇa ca

There, Yama honors those of virtuous deeds, giving them welcome, a seat, water for the feet, a respectful offering, and kindly words —

Verse 45 (shiva.uma.7.45)

धन्या यूयं महात्मानो निगमोदितकारिणः । यैश्च दिव्यसुखार्थाय भवद्भिः सुकृतं कृतम्

dhanyā yūyaṁ mahātmāno nigamoditakāriṇaḥ yaiśca divyasukhārthāya bhavadbhiḥ sukṛtaṁ kṛtam

'Blessed are you, great souls, who acted according to what is enjoined in the scriptures — by whom, for the sake of divine happiness, meritorious deeds have been performed.'

Verse 46 (shiva.uma.7.46)

दिव्यं विमानमारुह्य दिव्यस्त्रीभोगभूषितम् । स्वर्गं गच्छध्वममलं सर्वकामसमन्वितम्

divyaṁ vimānamāruhya divyastrībhogabhūṣitam svargaṁ gacchadhvamamalaṁ sarvakāmasamanvitam

'Mounting a divine chariot, adorned with the enjoyment of celestial women, go to heaven, that stainless realm, endowed with the fulfillment of every desire.'

Verse 47 (shiva.uma.7.47)

तत्र भुक्त्वा महाभोगानन्ते पुण्यस्य सङ्क्षयात् । यत्किञ्चिदल्पमशुभं पुनस्तदिह भोक्ष्यथ

tatra bhuktvā mahābhogānante puṇyasya saṅkṣayāt yatkiñcidalpamaśubhaṁ punastadiha bhokṣyatha

'Having enjoyed great pleasures there, at the end, when your merit is exhausted, whatever small residue of ill remains, that you shall again experience here.'

Verse 48 (shiva.uma.7.48)

धर्मात्मानो नरा ये च मित्रभूता इवात्मनः । सौम्यं मुखं प्रपश्यन्ति धर्मराजनमेव च

dharmātmāno narā ye ca mitrabhūtā ivātmanaḥ saumyaṁ mukhaṁ prapaśyanti dharmarājanameva ca

Those righteous-souled men, who are like friends to their own selves, behold the gentle face of the King of Dharma himself.

Verse 49 (shiva.uma.7.49)

ये पुनः क्रूरकर्माणस्ते पश्यन्ति भयानकम् । दंष्ट्राकरालवदनं भृकुटीकुटिलेक्षणम्

ye punaḥ krūrakarmāṇaste paśyanti bhayānakam daṁṣṭrākarālavadanaṁ bhṛkuṭīkuṭilekṣaṇam

But those of cruel deeds behold him as terrifying — his face hideous with fangs, his gaze crooked with a furrowed brow —

Verse 50 (shiva.uma.7.50)

ऊर्ध्वकेशं महाश्मश्रुमूर्ध्वप्रस्फुरिताधरम् । अष्टादशभुजं क्रुद्धं नीलाञ्जनचयोपमम्

ūrdhvakeśaṁ mahāśmaśrumūrdhvaprasphuritādharam aṣṭādaśabhujaṁ kruddhaṁ nīlāñjanacayopamam

— his hair standing on end, with a great beard, his lower lip quivering upward, with eighteen arms, wrathful, resembling a mass of dark collyrium —

Verse 51 (shiva.uma.7.51)

सर्वायुधोद्धृतकरं सर्वदण्डेन तर्जयन् । महामहिषमारूढं दीप्ताग्निसमलोचनम्

sarvāyudhoddhṛtakaraṁ sarvadaṇḍena tarjayan mahāmahiṣamārūḍhaṁ dīptāgnisamalocanam

— his hands raised, bearing every weapon, threatening with every kind of rod, mounted upon his great buffalo, his eyes like blazing fire —

Verse 52 (shiva.uma.7.52)

रक्तमाल्याम्बरधरं महामेरुमिवोच्छ्रितम् । प्रलयाम्बुदनिर्घोषं पिबन्निव महोदधिम्

raktamālyāmbaradharaṁ mahāmerumivocchritam pralayāmbudanirghoṣaṁ pibanniva mahodadhim

— wearing red garlands and garments, towering like Mount Meru, roaring like the clouds of universal dissolution, as if drinking up the great ocean —

Verse 53 (shiva.uma.7.53)

ग्रसन्तमिव शैलेन्द्रमुद्गिरन्तमिवानलम् । मृत्युश्चैव समीपस्थः कालानलसमप्रभः

grasantamiva śailendramudgirantamivānalam mṛtyuścaiva samīpasthaḥ kālānalasamaprabhaḥ

— as if swallowing the very lord of mountains, as if belching forth fire; and Death himself stands close by, blazing like the fire of cosmic dissolution —

Verse 54 (shiva.uma.7.54)

कालश्चाञ्जनसङ्काशः कृतान्तश्च भयानकः । मारी चोग्रमहामारी कालरात्रिश्च दारुणा

kālaścāñjanasaṅkāśaḥ kṛtāntaśca bhayānakaḥ mārī cogramahāmārī kālarātriśca dāruṇā

— and Kala, dark as collyrium, and the terrifying Kritanta; and Mari, the fierce great pestilence, and dreadful Kalaratri —

Verse 55 (shiva.uma.7.55)

विविधा व्याधयः कुष्ठा नानारूपा भयावहाः । शक्तिशूलाङ्कुशधराः पाशचक्रासिपाणयः

vividhā vyādhayaḥ kuṣṭhā nānārūpā bhayāvahāḥ śaktiśūlāṅkuśadharāḥ pāśacakrāsipāṇayaḥ

— various diseases and forms of leprosy, of manifold and terrifying forms, bearing spears, tridents, and goads, with nooses, discuses, and swords in hand —

Verse 56 (shiva.uma.7.56)

वज्रतुण्डधरा रौद्राः क्षुरतूणधनुर्द्धराः । नानायुधधराः सर्वे महावीरा भयङ्कराः

vajratuṇḍadharā raudrāḥ kṣuratūṇadhanurddharāḥ nānāyudhadharāḥ sarve mahāvīrā bhayaṅkarāḥ

— terrible ones with thunderbolt-tipped mouths, bearing razor-quivers and bows, all bearing various weapons, mighty and fearsome —

Verse 57 (shiva.uma.7.57)

असङ्ख्याता महावीराः कालाञ्जनसमप्रभाः । सर्वायुधोद्यतकरा यमदूता भयानकाः

asaṅkhyātā mahāvīrāḥ kālāñjanasamaprabhāḥ sarvāyudhodyatakarā yamadūtā bhayānakāḥ

— countless mighty ones, dark as collyrium, their hands raised with every weapon — these are the terrible messengers of Yama.

Verse 58 (shiva.uma.7.58)

अनेन परिचारेण वृतं तं घोरदर्शनम् । यमं पश्यन्ति पापिष्ठाश्चित्रगुप्तं च भीषणम्

anena paricāreṇa vṛtaṁ taṁ ghoradarśanam yamaṁ paśyanti pāpiṣṭhāścitraguptaṁ ca bhīṣaṇam

Surrounded by this retinue, the sinners behold that dreadful-looking Yama, and the fearsome Chitragupta.

Verse 59 (shiva.uma.7.59)

निर्भर्त्सयति चात्यन्तं यमस्तान्पापकर्मणः । चित्रगुप्तश्च भगवान् धर्मवाक्यैः प्रबोधयेत्

nirbhartsayati cātyantaṁ yamastānpāpakarmaṇaḥ citraguptaśca bhagavān dharmavākyaiḥ prabodhayet

And Yama rebukes those sinners exceedingly harshly for their deeds; and the blessed Chitragupta admonishes them with words of righteousness.